ٹیگ کے محفوظات: لیے

یہ شگفتِ گل کا موسم بڑا خوش گوار ہوتا

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزلہو،ہوتا،ہیں،ہے،لوگ،لیے،میں،کو،کپاس،کا،گی،گیت،گئی،آوارہ،اجالا،جائیں،دیکھا،رہے،سہی،سےadmin

ہمیں جیب و آستیں پر اگر اختیار ہوتا

یہ شگفتِ گل کا موسم بڑا خوش گوار ہوتا

گونجتے ہیں شکیبؔ آنکھوں میں

آنے والی کسی صدی کے گیت

ثاند کی پر بہار وادی میں

ایک دوشیزہ چن رہی ہے کپاس

بھاگتے سایوں کی چیخیں، ٹوٹے تاروں کا شور

میں ہوں اور اک محشرِ بے خواب آدھی رات کو

بات میری کہاں سمجھتے ہو

آنسوؤں کی زباں سمجھتے ہو

ہاۓ وہ آگ کہ جو دل میں سلگتی ہی رہے

ہاۓ وہ بات کہ جس کا کبھی اظہار نہ ہو

جنگل جلے تو ان کو خبر تک نہ ہو سکی

چھائی گھٹا تو جھوم اٹھے بستیوں کے لوگ

مجھ کو آمادہِ سفر نہ کرو

راستے پر خطر نہ ہو جائیں

خوشی کی بات نہیں ہے کوئی فسانے میں

وگرنہ عذر نہ تھا آپ کو سنانے میں

پائلیں بجتی رہیں کان میں سودائی کے

کوئی آیا نہ گیا رات کے سنّاٹے میں

خاموشی کے دکھ جھیلو گے ہنستے بولتے شہروں میں

نغموں کی خیرات نہ بانٹو جنم جنم کے بہروں میں

ہر شاخ سے گہنے چھین لیے ، ہر دال سے موتی بین لیے

اب کھیت سنہرے کھیت نہیں، ویرانے ہی ویرانے ہیں

طلسمِ گردشِ ایّام کس طرح ٹوٹے

نظر علیل، جنوں خام، فکر آوارہ

اس گلبدن کی بوۓ قبا یاد آ گئی

صندل کے جنگلوں کی ہوا یاد آ گئی

آبلہ پائی کا ہم کو غم نہ تھا

رہنماؤں کی ہنسی تڑپا گئی

جس دم قفس میں موسمِ گل کی خبر گئی

اک بار قیدیوں پہ قیامت گزر گئی

کتنے ہی لوگ صاحبِ احساس ہو گئے

اک بے نوا کی چیخ بڑا کام کر گئی

اب انہیں پرسشِ حالات گراں گزرے گی

بد گمانی ہے تو ہر بات گراں گزرے گی

دیکھ زخمی ہوا جاتا ہے دو عالم کا خلوص

ایک انساں کو تری ذات سے دکھ پہنچا ہے

سحر میں حسن ہے کیسا، بہارِ شب کیا ہے

جو دل شگفتہ نہیں ہے تو پھر یہ سب کیا ہے

گمرہی ہمیں شکیبؔ دے رہی ہے یہ فریب

رہنما غلط نہیں، راستہ طویل ہے

اس طرح گوش بر آواز ہیں اربابِ ستم

جیسے خاموشیِٔ مظلوم صدا رکھتی ہے

کسی کا قرب اگر قربِ عارضی ہے شکیبؔ

فراقِ یار کی لذّت ہی پائیدار رہے

ہوا جو صحنِ گلستاں میں راج کانٹوں کا

صبا بھی پوچھنے آئی مزاج کانٹوں کا

ہم نے گھبرا کے موند لیں آنکھیں

جب کوئی تارہ ٹوٹتا دیکھا

تھکن سے چور ہیں پاؤں کہاں کہاں بھٹکیں

ہر ایک گام نیا حسن رہ گزار سہی

کمتر نہ جانیں لوگ اسے مہر و ماہ سے

ہم نے گرا دیا جسے اپنی نگاہ سے

یہ لطف زہر نہ بن جاۓ زندگی کے لیے

چلے تو آۓ ہو تجدیدِ دوستی کے لیے

ہم نے جسے آزاد کیا حلقہِ شب سے

حاصل نہیں ہم کو اسی سورج کا اجالا

ہم اپنے چاکِ قبا کو رفو تو کر لیتے

مگر وہی ہے ابھی تک مزاج کانٹوں کا

سچ کہو میری یاد بھی آئی؟

جب کبھی تم نے آئینہ دیکھا

سکوں بدوش کنارا بھی اب ابھر آئے

سفینہ ہائے دل و جاں بھنور کے پار سہی

یا میں بھٹک گیا ہوں سرِ رہ گزر شکیبؔ

یا ہٹ گئی ہے منزلِ مقسود راہ سے

نہ جانے ہو گیا کیوں مطمئن تجھے پا کر

بھٹک رہا تھا مرا دل خود آگہی کے لیے

شکیب جلالی

سبھی نے چِیر کے سینے دِکھا دیے اپنے

مئی 20, 2021ضامن جعفری،غزللیے،گرادیے،دیے،زاویےadmin

میں آہ بھَرنے کو تھا، لب جو وا کیے اپنے

سبھی نے چِیر کے سینے دِکھا دیے اپنے

زمین و اہلِ زمیں کیا ہیں جبکہ انساں نے

خدا کو بانٹ کے حِصّے بنا لیے اپنے

میں تیز دھوپ سے بچنے جہاں جہاں پہنچا

ہر اِک دَرَخت نے پَتّے گِرادیے اپنے

اگرچہ پہلو تہی زندگی نے کی ضامنؔ

اَجَل دِکھاتی رَہی سارے زاویے اپنے

ضامن جعفری

معجزہ ہے کہ جیے جاتا ہُوں

مئی 20, 2021ضامن جعفری،غزللیے،کیے،جیے،دیے،سیےadmin

زہرِ غم روز پیے جاتا ہُوں

معجزہ ہے کہ جیے جاتا ہُوں

پَڑ گئی ہے مجھے کچھ عادَت سی

خُود کو اِلزام دِیے جاتا ہُوں

زخم پَر زخم لگے جاتے ہیں

اُس کا احسان لیے جاتا ہُوں

مشغلہ ہے یہی تنہائی کا

گفتگو اُس سے کیے جاتا ہُوں

کتنی خُوش مجھ سے ہے دُنیا ضامنؔ

ہونٹ اُور زخم سِیے جاتا ہُوں

ضامن جعفری

یا اُن سے کوئی بات ہو جھگڑا کیے بغیر

جولائی 24, 2018چمن کوئی بھی ہو،باصر کاظمی،غزللیے،کیے،پیے،جیے،دیےadmin

ممکن نہیں خموش رہوں لب سیے بغیر

یا اُن سے کوئی بات ہو جھگڑا کیے بغیر

انصاف کا اصولِ توازن یہ خوب ہے

دیتے نہیں وہ حق بھی مرا کچھ لیے بغیر

لگتا ہے تیرے ساتھ ملی زندگی ہمیں

گویا کہ اِس سے پہلے جیے ہم جیے بغیر

ناصح کریں گے تیری نصیحت پہ ہم عمل

ہو آئے اُس گلی سے جو تُو دل دیے بغیر

اب اُس کی ہوش مندی کی دینی پڑے گی داد

شیشے میں جس نے تجھ کو اُتارا پیے بغیر

باصر کاظمی

میں جانتی تھی، پال رہی ہوں سنپولیے

اکتوبر 25, 2015پروین شاکر،شعراء،غزللیے،کھولیے،گھولیے،سنپولیےadmin

پروین شاکر ۔ غزل نمبر 15

ڈسنے لگے ہیں خواب مگر کِس سے بولیے

میں جانتی تھی، پال رہی ہوں سنپولیے

بس یہ ہُوا کہ اُس نے تکلّف سے بات کی

اور ہم نے روتے روتے دوپٹے بھگو لیے

پلکوں پہ کچی نیندوں کا رَس پھیلتا ہو جب

ایسے میں آنکھ دُھوپ کے رُخ کیسے کھولیے

تیری برہنہ پائی کے دُکھ بانٹتے ہُوئے

ہم نے خُود اپنے پاؤں میں کانٹے چبھو لیے

میں تیرا نام لے کے تذبذب میں پڑ گئی

سب لوگ اپنے اپنے عزیزوں کو رو لیے!

’’خوشبو کہیں نہ جائے‘‘ یہ اصرار ہے بہت

اور یہ بھی آرزو کہ ذرا زُلف کھولیے

تصویر جب نئی ہے ، نیا کینوس بھی ہے

پھر طشتری میں رنگ پُرانے نہ گھولیے

پروین شاکر

چل نکلتے جو مے پیے ہوتے

اکتوبر 8, 2015مرزا اسد اللہ خان غالب،اساتذہ،غزللیے،پیے،جیے،دیےadmin

دیوانِ غالب ۔ غزل نمبر 216

میں انہیں چھیڑوں اور کچھ نہ کہیں

چل نکلتے جو مے پیے ہوتے

قہر ہو یا بلا ہو جو کچھ ہو

کاشکے تم مرے لیے ہوتے

میری قسمت میں غم گر اتنا تھا

دل بھی یا رب کئی دیے ہوتے

آ ہی جاتا وہ راہ پر غالب

کوئی دن اور بھی جیے ہوتے

مرزا اسد اللہ خان غالب

پھرتے ہیں ہم بھی ہاتھ میں سر کو لیے ہوئے

اکتوبر 6, 2015میر تقی میر،اساتذہ،غزللیے،مرجیے،کیے،دیے،سیےadmin

دیوان اول غزل 611

ظالم کہیں تو مل کبھو دارو پیے ہوئے

پھرتے ہیں ہم بھی ہاتھ میں سر کو لیے ہوئے

آئوگے ہوش میں تو ٹک اک سدھ بھی لیجیو

اب تو نشے میں جاتے ہو زخمی کیے ہوئے

جی ڈوبتا ہے اس گہرتر کی یاد میں

پایان کار عشق میں ہم مرجیے ہوئے

سی چاک دل کہ چشم سے ناصح لہو تھمے

ہوتا ہے کیا ہمارے گریباں سیے ہوئے

کافر ہوئے بتوں کی محبت میں میرجی

مسجد میں آج آئے تھے قشقہ دیے ہوئے

میر تقی میر

نالوں نے میرے ہوش جرس کے اڑا دیے

اکتوبر 6, 2015میر تقی میر،اساتذہ،غزللیے،پیے،جیے،دیےadmin

دیوان اول غزل 562

محمل کے ساتھ اس کے بہت شور میں کیے

نالوں نے میرے ہوش جرس کے اڑا دیے

فصاد خوں فساد پہ ہے مجھ سے ان دنوں

نشتر نہ تو لگاوے تو میرا لہو پیے

عشق بتاں سے نبض مری دیکھ کر حکیم

کہنے لگا خدا ہی ہو اب تو تو یہ جیے

صوت جرس کی طرز بیاباں میں ہائے میر

تنہا چلا ہوں میں دل پر شور کو لیے

میر تقی میر

جسم کی ہر اک سڑک پر کیمرے موجود ہیں

دسمبر 1, 2007منصور آفاق،شعراء،غزلہوئے،لیے،نابغے،کیمرے،سے،سامنےadmin

منصور آفاق ۔ غزل نمبر 366

مخبری کے غیر مرئی ڈاکیے موجود ہیں

جسم کی ہر اک سڑک پر کیمرے موجود ہیں

کھل نہیں سکتے اگر بابِ نبوت کے کواڑ

سینکڑوں جبریل مجھ میں کس لیے موجود ہیں

بس صدا ڈی کوڈ کرنی ہے خموشی کی مجھے

کتنے سگنل عرش سے آئے ہوئے موجود ہیں

چاند شاید پیڑ کی شاخوں میں الجھا ہے کہیں

صحن میں کچھ روشنی کے شیڈ سے موجود ہیں

قیمتی سوٹوں کی جلسہ گاہ میں خاموش رہ

کرسیوں پر کیسے کیسے نابغے موجود ہیں

کھول کر اپنے گریباں کے بٹن ہم سرفروش

موت کی بندوق کے پھر سامنے موجود ہیں

منصور آفاق

شام کے شعلے بھی گنے جائیں

دسمبر 1, 2007منصور آفاق،شعراء،غزللیے،چلے،کئے،گنے،پرے،بنے،سنےadmin

منصور آفاق ۔ غزل نمبر 295

شعر کچھ موت پر کہے جائیں

شام کے شعلے بھی گنے جائیں

اس سے، آٹو گراف بک پہ نہیں

دستخط ہاتھ پر لیے جائیں

رفتگاں کا خیال آتا ہے

روح سے رابطے کئے جائیں

ہم کوگوتم بھی زخم دیتا ہے

شاردا سے کہاں پرے جائیں

پانیوں کو زمیں پہ آنا ہے

جتنی اونچائی پر چلے جائیں

دو وجودوں کی ایک آہٹ سے

خواب کچھ ریت پر بنُے جائیں

بانسری کی سریں کہیں منصور

گیت دریا کے بھی سنے جائیں

منصور آفاق

کچھ نصیبوں نے بھی دیے ہیں سانپ

دسمبر 1, 2007منصور آفاق،شعراء،غزللیے،چاہیے،ثانیے،دیے،زاویےadmin

منصور آفاق ۔ غزل نمبر 243

کچھ تلاش آپ ہی کیے ہیں سانپ

کچھ نصیبوں نے بھی دیے ہیں سانپ

گفتگو زہر سے بھری ہی نہیں

سر پہ دستار بھی لیے ہیں سانپ

چھاؤں کو ڈس رہے ہیں شاخوں سے

دھوپ کے سرخ زاویے ہیں سانپ

شام ہوتے ہی چاٹتے ہیں دل

بس وہ دوچار ثانیے ہیں سانپ

پھر کہا خواب سے سپیرے نے

اور اب کتنے چاہیے ہیں سانپ

بھر گیا زہرِ غم سے اپنا دل

یعنی یادوں کے بھی دیے ہیں سانپ

منصور آفاق

گہری کالی رات کے دو المیے تھے آس پاس

دسمبر 1, 2007منصور آفاق،شعراء،غزللیے،ماہیے،مرثیے،چاہیے،کیے،کالیے،المیے،بالشتیے،ثانیے،جانیے،حاشیے،زاویےadmin

منصور آفاق ۔ غزل نمبر 187

روشنی کے خواب، خوشبو کے دیے تھے آس پاس

گہری کالی رات کے دو المیے تھے آس پاس

آ گئے، اچھا کیا، بھیگی ہوئی اِس شام میں

ایسی رت میں آپ ہی بس چاہیے تھے آس پاس

اک رندھی آواز تھی میرے گلے میں ہجر کی

درد کے روتے ہوئے کچھ ماہیے تھے آس پاس

ہونٹ میرے رات بھر، یہ سوچیے، ہونٹوں پہ تھے

ہاتھ میرے، آپ اتنا جانیے، تھے آس پاس

جب بدن میں بادلوں کا شور تھا تم تھے کہاں

جب چمکتے بجلیوں کے زاویے تھے آس پاس

دیکھتی تھیں اس کی آنکھیں میرے چہرے کے نقوش

زندگی کے آخری جب ثانیے تھے آس پاس

اک فریبِ ذات تھا پھیلا ہوا صدیوں کے بیچ

چاند جیسے ناموں والے کالیے تھے آس پاس

رات کی دیوار پر فوٹو گراف اک چاند کا

اور کالے بادلوں کے حاشیے تھے آس پاس

نظم کی میت کوئی لٹکا رہا تھا پیڑ سے

اور پریشاں حال کچھ بالشتیے تھے آس پاس

اک سفر میں نے کیا تھا وادیِ تاریخ میں

بین تھے چیخوں بھرے اور مرثیے تھے آس پاس

جب مرا سر کٹ رہا تھا کربلائے وقت میں

اہل کوفہ اپنی دستاریں لیے تھے آس پاس

ہفتہ بھر سے ڈائری ملتی نہیں منصور کی

فون پر کچھ رابطے میں نے کیے تھے آس پاس

منصور آفاق

سخن سرا کا نیا سفر

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: لیے

یہ شگفتِ گل کا موسم بڑا خوش گوار ہوتا

سبھی نے چِیر کے سینے دِکھا دیے اپنے

معجزہ ہے کہ جیے جاتا ہُوں

یا اُن سے کوئی بات ہو جھگڑا کیے بغیر

میں جانتی تھی، پال رہی ہوں سنپولیے

چل نکلتے جو مے پیے ہوتے

پھرتے ہیں ہم بھی ہاتھ میں سر کو لیے ہوئے

نالوں نے میرے ہوش جرس کے اڑا دیے

جسم کی ہر اک سڑک پر کیمرے موجود ہیں

شام کے شعلے بھی گنے جائیں

کچھ نصیبوں نے بھی دیے ہیں سانپ

گہری کالی رات کے دو المیے تھے آس پاس

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: