ٹیگ کے محفوظات: ہوئے

شکم کی پرورش میں دیکھیئے مجرم ہوئے ہم بھی

اپریل 30, 2017ماجد صدیقی،آنگن آنگن رات،غزلہوئے،لئے،گھونسلے،گئے،گرے،جلےadmin

ماجد صدیقی ۔ غزل نمبر 38

طلب پر مُنصفوں کی لو، عدالت میں چلے ہم بھی

شکم کی پرورش میں دیکھیئے مجرم ہوئے ہم بھی

بس اِتنی سی خطا پر، کھوجتے ہیں رزق کیوں اپنا

نگاہوں میں خداوندوں کی کیا کیا کچھ گرے ہم بھی

رگڑتے ایڑیاں، عزّت کی روزی تک پہنچنے میں

نہیں کیا کیا کہیں روکے، کہیں نوچے گئے ہم بھی

پرندوں سا یہ بّچے پالنا بھی، عیب ٹھہرا ہے

بنائیں دشت میں جا کر کہیں اَب گھونسلے ہم بھی

کہیں بے روزگاری پر وظیفے، اور کہیں دیکھو

یہ ہم جو خود کماؤُ ہیں، گئے ہیں دھر لئے ہم بھی

اَب اِس سے بڑھ کے ماجدؔ اور دوزخ دیکھنا کیسا

کہ ادراکِ حقائق سے نہیں کیا کچھ جلے ہم بھی

ماجد صدیقی

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔

راکھ سی بن کے پھر اُڑے تھے ہم

فروری 27, 2017ماجد صدیقی،سخناب،غزلہوئے،چلے،کھلے،گرے،اڑے،بھلے،برےadmin

ماجد صدیقی ۔ غزل نمبر 123

تیری دہلیز پر جُھکے تھے ہم

راکھ سی بن کے پھر اُڑے تھے ہم

تن پہ یُوں داغ برّشوں کے نہ تھے

بِن بہاروں کے ہی بھلے تھے ہم

تھا عجب غلغلہ سا بچّوں کا

ڈور کٹنے پہ جب گرے تھے ہم

جتنے اب ہیں گنوا کے دل کا بھرم

اتنے رُسوا کہاں ہوئے تھے ہم

فخر سے خاک تھی سپہر بنی

جانبِ دار جب چلے تھے ہم

اب کھُلا ہے کہ اپنے حق میں بھی

بڑھ کے ابلیس سے بُرے تھے ہم

شاخ وہ حسرتوں کا پیکر ہے

جس پہ ماجد! کبھی کھِلے تھے ہم

ماجد صدیقی

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔

مہکے ہوئے بدن کے ذرا حاشیے بھی دیکھ

دسمبر 1, 2007منصور آفاق،شعراء،غزلہوئے،قمقمے،مجھے،مرحلے،کدے،بلبلے،حوصلے،حاشیے،زاویے،سرےadmin

منصور آفاق ۔ غزل نمبر 411

قوسِ قزح کے لکھے ہوئے تبصرے بھی دیکھ

مہکے ہوئے بدن کے ذرا حاشیے بھی دیکھ

رنگوں بھرے لباس کی مہکار پر نہ جا

میرے خیال و خواب کے ویراں کدے بھی دیکھ

تْو نے گرا دیا تھا فلک سے تو اب مجھے

بادِ صبا کے رنگ پہ چلتے ہوئے بھی دیکھ

دونوں طرف وجود ترا ہی کہیں نہ ہو

گردن ذرا گھما کے تُو کُن کے سرے بھی دیکھ

بے شک گلے لگا کے سمندر کو، رو مگر

ساحل کے پاس بنتے ہوئے بلبلے بھی دیکھ

ہر چند تارکول ہے پگھلی ہوئی تمام

میں بھی تو چل رہا ہوں سڑک پر، مجھے بھی دیکھ

سورج مرے قدم ہیں ستارے ہیں میری گرد

تسخیر کائنات کے یہ مرحلے بھی دیکھ

اک دلنواز خواب کی آمد کے آس پاس

آنکھوں میں جھلملاتے ہوئے قمقمے بھی دیکھ

کھینچی ہیں تم نے صرف لکیریں ہوا کے بیچ

بنتے ہوئے خطوط کے یہ زاویے بھی دیکھ

میں جل رہا ہوں تیز ہواؤں کے سامنے

اے شہرِ شب نژاد مرے حوصلے بھی دیکھ

منصور آفاق

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔

جسم کی ہر اک سڑک پر کیمرے موجود ہیں

دسمبر 1, 2007منصور آفاق،شعراء،غزلہوئے،لیے،نابغے،کیمرے،سے،سامنےadmin

منصور آفاق ۔ غزل نمبر 366

مخبری کے غیر مرئی ڈاکیے موجود ہیں

جسم کی ہر اک سڑک پر کیمرے موجود ہیں

کھل نہیں سکتے اگر بابِ نبوت کے کواڑ

سینکڑوں جبریل مجھ میں کس لیے موجود ہیں

بس صدا ڈی کوڈ کرنی ہے خموشی کی مجھے

کتنے سگنل عرش سے آئے ہوئے موجود ہیں

چاند شاید پیڑ کی شاخوں میں الجھا ہے کہیں

صحن میں کچھ روشنی کے شیڈ سے موجود ہیں

قیمتی سوٹوں کی جلسہ گاہ میں خاموش رہ

کرسیوں پر کیسے کیسے نابغے موجود ہیں

کھول کر اپنے گریباں کے بٹن ہم سرفروش

موت کی بندوق کے پھر سامنے موجود ہیں

منصور آفاق

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔

کچھ پرانے ہیں کچھ نئے ہیں سانپ

دسمبر 1, 2007منصور آفاق،شعراء،غزلہوئے،ملے،نئے،کے،گئے،گرے،اٹھے،رہے،راستےadmin

منصور آفاق ۔ غزل نمبر 244

آستیں سے نکل پڑے ہیں سانپ

کچھ پرانے ہیں کچھ نئے ہیں سانپ

آ رہی ہیں جو اونی بھیڑیں ہیں

جا رہے ہیں جو وہ راستے ہیں سانپ

ہم لکیروں کو پیٹنے والے

جا رہے ہیں جہاں گئے ہیں سانپ

آسماں سے پہن کے تیرا روپ

دیکھ قوسِ قزح گرے ہیں سانپ

میرے پہلو میں جو پنپتے ہیں

یہ ترے انتظار کے ہیں سانپ

چل رہے ہیں سنپولیے ہمراہ

ہم بھی محسوس ہو رہے ہیں سانپ

شہر میں محترم نہیں ہم لوگ

صاحبِ عز و جہ ہوئے ہیں سانپ

اپنے جیون کی شاخِ جنت پر

موسم آیا تو کھل اٹھے ہیں سانپ

لالہ و گل کے روپ میں منصور

زندگی میں کئی ملے ہیں سانپ

منصور آفاق

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔

کیسے وہ پھر رہی ہے جدا مجھ سے بے سبب

دسمبر 1, 2007منصور آفاق،شعراء،غزلہوئے،قہقہے،کے،گئے،بے،راستےadmin

منصور آفاق ۔ غزل نمبر 135

شاید وہ مانگتی ہے ملن کے نئے سبب

کیسے وہ پھر رہی ہے جدا مجھ سے بے سبب

کچھ اس کے کار ہائے نمایاں بھی کم نہیں

دل نے بھی کچھ بگاڑے ہیں بنتے ہوئے سبب

روشن ہے میرے صحن میں امید کا درخت

پچھلی گلی میں جلتے ہوئے بلب کے سبب

دیکھی کبھی نہیں تھیں یہ گلیاں بہار کی

جب چل پڑا تو راہ میں بنتے گئے سبب

کیا کیا نکالتی ہو بہانے لڑائی کے

آنسو کبھی سبب تو کبھی قہقہے سبب

منصور اتفاق سے ملتی ہیں منزلیں

بے رہروی کبھی تو کبھی راستے سبب

منصور آفاق

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔