ٹیگ کے محفوظات: سیے

معجزہ ہے کہ جیے جاتا ہُوں

مئی 20, 2021ضامن جعفری،غزللیے،کیے،جیے،دیے،سیےadmin

زہرِ غم روز پیے جاتا ہُوں

معجزہ ہے کہ جیے جاتا ہُوں

پَڑ گئی ہے مجھے کچھ عادَت سی

خُود کو اِلزام دِیے جاتا ہُوں

زخم پَر زخم لگے جاتے ہیں

اُس کا احسان لیے جاتا ہُوں

مشغلہ ہے یہی تنہائی کا

گفتگو اُس سے کیے جاتا ہُوں

کتنی خُوش مجھ سے ہے دُنیا ضامنؔ

ہونٹ اُور زخم سِیے جاتا ہُوں

ضامن جعفری

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔

پھرتے ہیں ہم بھی ہاتھ میں سر کو لیے ہوئے

اکتوبر 6, 2015میر تقی میر،اساتذہ،غزللیے،مرجیے،کیے،دیے،سیےadmin

دیوان اول غزل 611

ظالم کہیں تو مل کبھو دارو پیے ہوئے

پھرتے ہیں ہم بھی ہاتھ میں سر کو لیے ہوئے

آئوگے ہوش میں تو ٹک اک سدھ بھی لیجیو

اب تو نشے میں جاتے ہو زخمی کیے ہوئے

جی ڈوبتا ہے اس گہرتر کی یاد میں

پایان کار عشق میں ہم مرجیے ہوئے

سی چاک دل کہ چشم سے ناصح لہو تھمے

ہوتا ہے کیا ہمارے گریباں سیے ہوئے

کافر ہوئے بتوں کی محبت میں میرجی

مسجد میں آج آئے تھے قشقہ دیے ہوئے

میر تقی میر

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔