ٹیگ کے محفوظات: چاہیے

مجرم ہمیں ہی ایک نہ ٹھہرانا چاہئے

فروری 27, 2017ماجد صدیقی،سخناب،غزلچاہیے،چاہئےadmin

ماجد صدیقی ۔ غزل نمبر 154

اپنے کیے پہ بھی اُنہیں پچھتانا چاہیے

مجرم ہمیں ہی ایک نہ ٹھہرانا چاہئے

ممنوع جو بھی ہے اسُے جرأت سے دیکھنا

آدم کی رِیت ہے اِسے دہرانا چاہیے

شاخوں کے درمیاں ہے جہاں حُسن کی نمو

اُس سمت بھی نظر کو کبھی جانا چاہیے

بندش سے جس کی خوں میں گرہ سی پڑی لگے

وہ لفظ بھی زباں پہ کبھی لانا چاہیے

ماجدؔ کرم وُہ جس سے بٹے کرچیوں میں دل

ہم پر کرم وُہ اُن کو، نہ فرمانا چاہیے

ماجد صدیقی

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔

کچھ نصیبوں نے بھی دیے ہیں سانپ

دسمبر 1, 2007منصور آفاق،شعراء،غزللیے،چاہیے،ثانیے،دیے،زاویےadmin

منصور آفاق ۔ غزل نمبر 243

کچھ تلاش آپ ہی کیے ہیں سانپ

کچھ نصیبوں نے بھی دیے ہیں سانپ

گفتگو زہر سے بھری ہی نہیں

سر پہ دستار بھی لیے ہیں سانپ

چھاؤں کو ڈس رہے ہیں شاخوں سے

دھوپ کے سرخ زاویے ہیں سانپ

شام ہوتے ہی چاٹتے ہیں دل

بس وہ دوچار ثانیے ہیں سانپ

پھر کہا خواب سے سپیرے نے

اور اب کتنے چاہیے ہیں سانپ

بھر گیا زہرِ غم سے اپنا دل

یعنی یادوں کے بھی دیے ہیں سانپ

منصور آفاق

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔

گہری کالی رات کے دو المیے تھے آس پاس

دسمبر 1, 2007منصور آفاق،شعراء،غزللیے،ماہیے،مرثیے،چاہیے،کیے،کالیے،المیے،بالشتیے،ثانیے،جانیے،حاشیے،زاویےadmin

منصور آفاق ۔ غزل نمبر 187

روشنی کے خواب، خوشبو کے دیے تھے آس پاس

گہری کالی رات کے دو المیے تھے آس پاس

آ گئے، اچھا کیا، بھیگی ہوئی اِس شام میں

ایسی رت میں آپ ہی بس چاہیے تھے آس پاس

اک رندھی آواز تھی میرے گلے میں ہجر کی

درد کے روتے ہوئے کچھ ماہیے تھے آس پاس

ہونٹ میرے رات بھر، یہ سوچیے، ہونٹوں پہ تھے

ہاتھ میرے، آپ اتنا جانیے، تھے آس پاس

جب بدن میں بادلوں کا شور تھا تم تھے کہاں

جب چمکتے بجلیوں کے زاویے تھے آس پاس

دیکھتی تھیں اس کی آنکھیں میرے چہرے کے نقوش

زندگی کے آخری جب ثانیے تھے آس پاس

اک فریبِ ذات تھا پھیلا ہوا صدیوں کے بیچ

چاند جیسے ناموں والے کالیے تھے آس پاس

رات کی دیوار پر فوٹو گراف اک چاند کا

اور کالے بادلوں کے حاشیے تھے آس پاس

نظم کی میت کوئی لٹکا رہا تھا پیڑ سے

اور پریشاں حال کچھ بالشتیے تھے آس پاس

اک سفر میں نے کیا تھا وادیِ تاریخ میں

بین تھے چیخوں بھرے اور مرثیے تھے آس پاس

جب مرا سر کٹ رہا تھا کربلائے وقت میں

اہل کوفہ اپنی دستاریں لیے تھے آس پاس

ہفتہ بھر سے ڈائری ملتی نہیں منصور کی

فون پر کچھ رابطے میں نے کیے تھے آس پاس

منصور آفاق

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔