ٹیگ کے محفوظات: گیت

گیت

مئی 31, 2021نظم،کلیاتِ شکیب جلالی ۔ غیر مدوّن کلام ۔ نظمیں،شکیب جلالیگیتadmin

بہاروں کی ملکہ یہ بھونروں کی رانی

گلابی ادائیں ‘ شگفتہ جوانی

’’کوئی سن لے اَمرت نگر کی کہانی‘ ‘

یہ پیاسی امنگیں ‘ یہ نیناں رسیلے

’’مدُھرتا کے رسیا مدُھرتا کو پی لے‘ ‘

یہ گل رنگ مکھڑا کہ چندا لجائے

شگوفوں کو ڈھانکے، پَھبَن کو چھپائے

’’کوئی مجھ کو دیکھے مرے گیت گائے‘ ‘

یہ پیاسی امنگیں ‘ یہ نیناں رسیلے

’’مدُھرتا کے رسیا مدُھرتا کو پی لے‘ ‘

یہ پھولوں کی مالا‘ یہ بانہوں کے جُھولے

یہ رنگین کونپل شفق جیسے پُھولے

’’کوئی ان میں مچلے کوئی ان کو چُھولے‘ ‘

یہ پیاسی اُمنگیں یہ نیناں رسیلے

’’مدُھرتا کے رسیا مدُھرتا کو پی لے‘ ‘

اُمنگوں پہ غالب ہے صیّاد کا ڈر

مگر گنگناتا ہے پیروں کا زیور

’’کوئی دل میں آئے زمانے سے چُھپ کر‘ ‘

یہ پیاسی اُمنگیں ‘ یہ نیناں رسیلے

’’مدُھرتا کے رسیا مدُھرتا کو پی لے‘ ‘

شکیب جلالی

یہ شگفتِ گل کا موسم بڑا خوش گوار ہوتا

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزلہو،ہوتا،ہیں،ہے،لوگ،لیے،میں،کو،کپاس،کا،گی،گیت،گئی،آوارہ،اجالا،جائیں،دیکھا،رہے،سہی،سےadmin

ہمیں جیب و آستیں پر اگر اختیار ہوتا

یہ شگفتِ گل کا موسم بڑا خوش گوار ہوتا

گونجتے ہیں شکیبؔ آنکھوں میں

آنے والی کسی صدی کے گیت

ثاند کی پر بہار وادی میں

ایک دوشیزہ چن رہی ہے کپاس

بھاگتے سایوں کی چیخیں، ٹوٹے تاروں کا شور

میں ہوں اور اک محشرِ بے خواب آدھی رات کو

بات میری کہاں سمجھتے ہو

آنسوؤں کی زباں سمجھتے ہو

ہاۓ وہ آگ کہ جو دل میں سلگتی ہی رہے

ہاۓ وہ بات کہ جس کا کبھی اظہار نہ ہو

جنگل جلے تو ان کو خبر تک نہ ہو سکی

چھائی گھٹا تو جھوم اٹھے بستیوں کے لوگ

مجھ کو آمادہِ سفر نہ کرو

راستے پر خطر نہ ہو جائیں

خوشی کی بات نہیں ہے کوئی فسانے میں

وگرنہ عذر نہ تھا آپ کو سنانے میں

پائلیں بجتی رہیں کان میں سودائی کے

کوئی آیا نہ گیا رات کے سنّاٹے میں

خاموشی کے دکھ جھیلو گے ہنستے بولتے شہروں میں

نغموں کی خیرات نہ بانٹو جنم جنم کے بہروں میں

ہر شاخ سے گہنے چھین لیے ، ہر دال سے موتی بین لیے

اب کھیت سنہرے کھیت نہیں، ویرانے ہی ویرانے ہیں

طلسمِ گردشِ ایّام کس طرح ٹوٹے

نظر علیل، جنوں خام، فکر آوارہ

اس گلبدن کی بوۓ قبا یاد آ گئی

صندل کے جنگلوں کی ہوا یاد آ گئی

آبلہ پائی کا ہم کو غم نہ تھا

رہنماؤں کی ہنسی تڑپا گئی

جس دم قفس میں موسمِ گل کی خبر گئی

اک بار قیدیوں پہ قیامت گزر گئی

کتنے ہی لوگ صاحبِ احساس ہو گئے

اک بے نوا کی چیخ بڑا کام کر گئی

اب انہیں پرسشِ حالات گراں گزرے گی

بد گمانی ہے تو ہر بات گراں گزرے گی

دیکھ زخمی ہوا جاتا ہے دو عالم کا خلوص

ایک انساں کو تری ذات سے دکھ پہنچا ہے

سحر میں حسن ہے کیسا، بہارِ شب کیا ہے

جو دل شگفتہ نہیں ہے تو پھر یہ سب کیا ہے

گمرہی ہمیں شکیبؔ دے رہی ہے یہ فریب

رہنما غلط نہیں، راستہ طویل ہے

اس طرح گوش بر آواز ہیں اربابِ ستم

جیسے خاموشیِٔ مظلوم صدا رکھتی ہے

کسی کا قرب اگر قربِ عارضی ہے شکیبؔ

فراقِ یار کی لذّت ہی پائیدار رہے

ہوا جو صحنِ گلستاں میں راج کانٹوں کا

صبا بھی پوچھنے آئی مزاج کانٹوں کا

ہم نے گھبرا کے موند لیں آنکھیں

جب کوئی تارہ ٹوٹتا دیکھا

تھکن سے چور ہیں پاؤں کہاں کہاں بھٹکیں

ہر ایک گام نیا حسن رہ گزار سہی

کمتر نہ جانیں لوگ اسے مہر و ماہ سے

ہم نے گرا دیا جسے اپنی نگاہ سے

یہ لطف زہر نہ بن جاۓ زندگی کے لیے

چلے تو آۓ ہو تجدیدِ دوستی کے لیے

ہم نے جسے آزاد کیا حلقہِ شب سے

حاصل نہیں ہم کو اسی سورج کا اجالا

ہم اپنے چاکِ قبا کو رفو تو کر لیتے

مگر وہی ہے ابھی تک مزاج کانٹوں کا

سچ کہو میری یاد بھی آئی؟

جب کبھی تم نے آئینہ دیکھا

سکوں بدوش کنارا بھی اب ابھر آئے

سفینہ ہائے دل و جاں بھنور کے پار سہی

یا میں بھٹک گیا ہوں سرِ رہ گزر شکیبؔ

یا ہٹ گئی ہے منزلِ مقسود راہ سے

نہ جانے ہو گیا کیوں مطمئن تجھے پا کر

بھٹک رہا تھا مرا دل خود آگہی کے لیے

شکیب جلالی

سنا نہیں ہے مگر یہ کہ جوگی کس کے میت

اکتوبر 6, 2015میر تقی میر،اساتذہ،غزلمیت،مبیت،مسیت،نیت،گیت،پلیت،اتیت،بھیت،جیتadmin

دیوان سوم غزل 1112

عجب نہیں ہے نہ جانے جو میر چاہ کی ریت

سنا نہیں ہے مگر یہ کہ جوگی کس کے میت

مت ان نمازیوں کو خانہ ساز دیں جانو

کہ ایک اینٹ کی خاطر یہ ڈھاتے ہیں گے مسیت

غم زمانہ سے فارغ ہیں مایہ باختگاں

قمارخانۂ آفاق میں ہے ہار ہی جیت

ہزار شانہ و مسواک و غسل شیخ کرے

ہمارے عندیے میں تو ہے وہ خبیث پلیت

کسو کے بستر و سنجاب و قصر سے کیا کام

ہماری گور کے بھی ڈھیر میں مکاں ہے مبیت

ہوئے ہیں سوکھ کے عاشق طنبورے کے سے تار

رقیب دیکھو تو گاتے ہیں بیٹھے اور ہی گیت

شفق سے ہیں در و دیوار زرد شام و سحر

ہوا ہے لکھنؤ اس رہگذر میں پیلی بھیت

کہا تھا ہم نے بہت بولنا نہیں ہے خوب

ہمارے یار کو سو اب ہمیں سے بات نہ چیت

ملے تھے میر سے ہم کل کنار دریا پر

فتیلہ مو وہ جگر سوختہ ہے جیسے اتیت

میر تقی میر

گیت

اپریل 11, 2012فیض احمد فیض،نظمگیتadmin

جلنے لگیں یادوں کی چتائیں

آؤ کوئی بَیت بنائیں

جن کی رہ تکتے تکے جُگ بیتے

چاہے وہ آئیں یا نہیں آئیں

آنکھیں موند کے نِت پل دیکھیں

آنکھوں میں اُن کی پرچھائیں

اپنے دردوں کا مُکٹ پہن کر

بے دردوں کے سامنے جائیں

جب رونا آوے مسکائیں

جب دل ٹوٹے دیپ جلائیں

پریم کتھا کا انت نہ کوئی

کتنی بار اسے دھرائیں

پریت کی ریت انوکھی ساجن

کچھ نہیں مانگیں، سب کچھ پائیں

فیض اُن سے کیا بات چھپی ہے

ہم کچھ کہہ کر کیوں پچھتائیں

فیض احمد فیض

وہ رات گئی، وہ بات گئی، وہ ریت گئی، رت بیت گئی

مارچ 1, 2012مجید امجد،شبِ رفتہ،غزلگیت،پیت،جیت،ریت،سنگیتadmin

مجید امجد ۔ غزل نمبر 68

کیا سوچتے ہو اب پھولوں کی رت بیت گئی، رت بیت گئی

وہ رات گئی، وہ بات گئی، وہ ریت گئی، رت بیت گئی

اک لہر اٹھی اور ڈوب گئے ہونٹوں کے کنول، آنکھوں کے دیے

اک گونجتی آندھی وقت کی بازی جیت گئی، رت بیت گئی

تم آ گئے میری باہوں میں، کونین کی پینگیں جھول گئیں

تم بھول گئے، جینے کی جگت سے ریت گئی، رت بیت گئی

پھر تیر کے میرے اشکوں میں گل پوش زمانے لوٹ چلے

پھر چھیڑ کے دل میں ٹیسوں کے سنگیت گئی، رت بیت گئی

اک دھیان کے پاؤں ڈول گئے، اک سوچ نے بڑھ کر تھام لیا

اک آس ہنسی، اک یاد سنا کر گیت گئی، رت بیت گئی

یہ لالہ و گل، کیا پوچھتے ہو، سب لطفِ نظر کا قصہ ہے

رت بیت گئی، جب دل سے کسی کی پیت گئی، رت بیت گئی

مجید امجد

سخن سرا کا نیا سفر

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: گیت

گیت

یہ شگفتِ گل کا موسم بڑا خوش گوار ہوتا

سنا نہیں ہے مگر یہ کہ جوگی کس کے میت

گیت

وہ رات گئی، وہ بات گئی، وہ ریت گئی، رت بیت گئی

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: