ٹیگ کے محفوظات: گنے

شام کے شعلے بھی گنے جائیں

دسمبر 1, 2007منصور آفاق،شعراء،غزللیے،چلے،کئے،گنے،پرے،بنے،سنےadmin

منصور آفاق ۔ غزل نمبر 295

شعر کچھ موت پر کہے جائیں

شام کے شعلے بھی گنے جائیں

اس سے، آٹو گراف بک پہ نہیں

دستخط ہاتھ پر لیے جائیں

رفتگاں کا خیال آتا ہے

روح سے رابطے کئے جائیں

ہم کوگوتم بھی زخم دیتا ہے

شاردا سے کہاں پرے جائیں

پانیوں کو زمیں پہ آنا ہے

جتنی اونچائی پر چلے جائیں

دو وجودوں کی ایک آہٹ سے

خواب کچھ ریت پر بنُے جائیں

بانسری کی سریں کہیں منصور

گیت دریا کے بھی سنے جائیں

منصور آفاق

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔

اِس بجھتی چتا کے بھی شعلے تو گنے جائیں

دسمبر 1, 2007منصور آفاق،شعراء،غزلچلے،چنے،گنے،پڑھے،بہے،سنےadmin

منصور آفاق ۔ غزل نمبر 294

مرتے ہوئے سورج پر دو شعر کہے جائیں

اِس بجھتی چتا کے بھی شعلے تو گنے جائیں

گل کرتا ہوں اب شمعیں ا ے قافلے والومیں

جو چاہتے ہیں جانا ،وہ لوگ چلے جائیں

چل سندھ کے ساحل پرہر موجہ ء طوفاں میں

دریا کے مغنی سے کچھ گیت سنے جائیں

پھر پائے محمدﷺکے مصحف کی تلاوت ہو

پھر نقشِ کفِ پا کے الہام پڑھے جائیں

سو زخم اثاثہ ہوں اک پاؤں دھروں جب بھی

خنجر مرے رستے میں اس طرح چنے جائیں

ہم دار ستادوں سے منصور نہیں ممکن

جس سمت زمانہ ہو اس سمت بہے جائیں

منصور آفاق

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔