زمرہ جات کے محفوظات: غزل

جو قاتل تھے مقتول ہوئے، جو صید تھے اب صیّاد ہوئے

اپریل 11, 2012فیض احمد فیض،غزلفرہاد،ناشاد،آباد،برباد،صیّادadmin

فیض احمد فیض ۔ غزل نمبر 21

اب کے برس دستورِستم میں کیا کیا باب ایزاد ہوئے

جو قاتل تھے مقتول ہوئے، جو صید تھے اب صیّاد ہوئے

پہلے بھی خزاں میں باغ اجڑے پر یوں نہیں جیسے اب کے برس

سارے بوٹے پتہ پتہ روش روش برباد ہوئے

پہلے بھی طوافِ شمعِ وفا تھی، رسم محبت والوں کی

ہم تم سے پہلے بھی یہاں منصور ہوئے، فرہاد ہوئے

اک گل کے مرجھانے پر کیا گلشن میں کہرام مچا

اک چہرہ کمھلا جانے سے کتنے دل ناشاد ہوئے

فیض، نہ ہم یوسف نہ کوئی یعقوب جو ہم کو یاد کرے؎۱

اپنی کیا، کنعاں میں رہے یا مصر میں‌ جا آباد ہوئے

؎۱ غنی روزِ سیاہ پیرِ کنعاں را تماشا کن ۔۔۔۔ کہ نورِ دیدہ اش روشن کند چشمِ زلیخا را

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

لطفِ سخن، کچھ اس سے زیادہ

اپریل 11, 2012فیض احمد فیض،غزلمن،چمن،وطن،تن،سمن،سخنadmin

فیض احمد فیض ۔ غزل نمبر 18

قندِ دہن، کچھ اس سے زیادہ

لطفِ سخن، کچھ اس سے زیادہ

فصلِ خزاں میں لطفِ بہاراں

برگِ سمن کچھ اس سے زیادہ

حالِ چمن پر تلخ نوائی

مرغِ چمن، کچھ اس سے زیادہ

دل شکنی بھی، دلداری بھی

یادِ وطن، کچھ اس سے زیادہ

شمعِ بدن فانوسِ قبا میں

خوبیِ تن، کچھ اس سے زیادہ

عشق میں کیا ہے غم کے علاوہ

خواجۂ من، کچھ اس سے زیادہ

نذرِ حافظ ۔۔۔ ناصحم گفت بجز غم چہ ہنر دارد عشق ۔۔۔ بر وائے خواجۂ عاقلِ ہنرِ بہتر ازیں
بیروت

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم کس کی امانت میں غمِ کارِ جہاں دیں

اپریل 11, 2012فیض احمد فیض،غزلاذاں،جہاںadmin

فیض احمد فیض ۔ غزل نمبر 14

مقتل میں نہ مسجد میں نہ خرابات میں کوئی

ہم کس کی امانت میں غمِ کارِ جہاں دیں

شاید کوئی ان میں سے کفن پھاڑ کے نکلے

اب جائیں شہیدوں کے مزاروں پہ اذاں دیں

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کبھی صحبتیں، کبھی فرقتیں، کبھی دوریاں، کبھی قربتیں

اپریل 11, 2012فیض احمد فیض،غزلقربتیں،مدّتیں،مروّتیں،مسرّتیں،تربتیںadmin

فیض احمد فیض ۔ غزل نمبر 13

سبھی کچھ ہے تیرا دیا ہوا، سبھی راحتیں، سبھی کلفتیں

کبھی صحبتیں، کبھی فرقتیں، کبھی دوریاں، کبھی قربتیں

یہ سخن جو ہم نے رقم کیے، یہ ہیں سب ورق تری یاد کے

کوئی لمحہ صبحِ وصال کا، کئی شامِ ہجر کی مدّتیں

جو تمہاری مان لیں ناصحا، تو رہے گا دامنِ دل میں کیا

نہ کسی عدو کی عداوتیں، نہ کسی صنم کی مروّتیں

چلو آؤ تم کو دکھائیں ہم، جو بچا ہے مقتلِ شہر میں

یہ مزار اہلِ صفا کے ہیں، یہ ہیں اہلِ صدق کی تربتیں

مری جان آج کا غم نہ کر، کہ نہ جانے کاتبِ وقت نے

کسی اپنے کل میں بھی بھول کر، کہیں لکھ رکھی ہوں مسرّتیں

بیروت

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہر قدم ہم نے عاشقی کی ہے

اپریل 11, 2012فیض احمد فیض،غزلکمی،گداگری،رُخی،سبھی،شناوری،عاشقیadmin

فیض احمد فیض ۔ غزل نمبر 9

سہل یوں راہِ زندگی کی ہے

ہر قدم ہم نے عاشقی کی ہے

ہم نے دل میں سجا لیے گلشن

جب بہاروں نے بے رُخی کی ہے

زہر سے دھو لیے ہیں ہونٹ اپنے

لطفِ ساقی نے جب کمی کی ہے

تیرے کوچے میں بادشاہی کی

جب سے نکلے گداگری کی ہے

بس وہی سرخرو ہوا جس نے

بحرِ خوں میں شناوری کی ہے

"جو گزرتے تھے داغ پر صدمے”

اب وہی کیفیت سبھی کی ہے

لندن

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کیا روشن ہو جاتی تھی گلی جب یار ہمارا گزرے تھا

اپریل 11, 2012فیض احمد فیض،غزلہمارا،مارا،گوارا،دوبارا،ساراadmin

فیض احمد فیض ۔ غزل نمبر 5

کچھ پہلے اِن آنکھوں آگے کیا کیا نہ نظارا گزرے تھا

کیا روشن ہو جاتی تھی گلی جب یار ہمارا گزرے تھا

تھے کتنے اچھے لوگ کہ جن کو اپنے غم سے فرصت تھی

سب پو چھیں تھے احوال جو کوئی درد کا مارا گزرے تھا

اب کے خزاں ایسی ٹھہری وہ سارے زمانے بھول گئے

جب موسمِ گُل ہر پھیرے میں آ آ کے دوبارا گزرے تھا

تھی یاروں کی بہتات تو ہم اغیار سے بھی بیزار نہ تھے

جب مل بیٹھے تو دشمن کا بھی ساتھ گوارا گزرے تھا

اب تو ہاتھ سجھائی نہ دیوے، لیکن اب سے پہلے تو

آنکھ اٹھتے ہی ایک نظر میں عالمَ سارا گزرے تھا

ایک دکؐنی غزل

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دل میں بکھری کوئی خوشبوئے قبا آخر شب

اپریل 11, 2012فیض احمد فیض،غزلقبا،وفا،کیا،گیا،دعا،صباadmin

فیض احمد فیض ۔ غزل نمبر 4

یاد کا پھر کوئی دروازہ کھُلا آخر شب

دل میں بکھری کوئی خوشبوئے قبا آخر شب

صبح پھوٹی تو وہ پہلو سے اُٹھا آخر شب

وہ جو اِک عمر سے آیا نہ گیا آخر شب

چاند سے ماند ستاروں نے کہا آخر شب

کون کرتا ہے وفا، عہدِ وفا آخر شب

لمسِ جانانہ لیے، مستیِ پیمانہ لیے

حمدِ باری کو اٹھے دستِ دعا آخر شب

گھر جو ویراں تھا سرِ شام وہ کیسے کیسے

فرقتِ یاد نے آباد کیا آخر شب

جس ادا سے کوئی آیا تھا کبھی اوؐلِ شب

اسی انداز سے چل بادِ صبا آخر شب

مخدوم کی یاد میں
ماسکو

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چاندنی دل دکھاتی رہی رات بھر

اپریل 11, 2012فیض احمد فیض،غزلگاتی،پربلاتی،جھلملاتی،دکھاتی،سناتی،ستاتیadmin

فیض احمد فیض ۔ غزل نمبر 3

"آپ کی یاد آتی رہی رات بھر”

چاندنی دل دکھاتی رہی رات بھر

گاہ جلتی ہوئی، گاہ بجھتی ہوئی

شمعِ غم جھلملاتی رہی رات بھر

کوئی خوشبو بدلتی رہی پیرہن

کوئی تصویر گاتی رہی رات بھر

پھر صبا سایہء شاخِ گُل کے تلے

کوئی قِصہ سناتی رہی رات بھر

جو نہ آیا اسے کوئی زنجیرِ در

ہر صدا پربلاتی رہی رات بھر

ایک امید سے دل بہلتا رہا

اک تمنا ستاتی رہی رات بھر

مخدوم کی یاد میں
ماسکو

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

متاعِ درد بہم ہے تو بیش و کم کیا ہے

اپریل 10, 2012فیض احمد فیض،غبارِ ایّام،غزلنم،کم،بھرم،رقم،ستمadmin

فیض احمد فیض ۔ غزل نمبر 23

بہت مِلا نہ مِلا، زندگی سے غم کیا ہے

متاعِ درد بہم ہے تو بیش و کم کیا ہے

ہم ایک عمر سے واقف ہیں، اب نہ سمجھاؤ

کہ لطف کیا ہے مرے مہرباں، ستم کیا ہے

کرے نہ جگ میں الاؤ تو شعر کس مصرف

کرے نہ شہر میں جل تھل تو چشمِ نم کیا ہے

لحاظ میں کوئی کچھ دور ساتھ چلتا ہے

وگرنہ دہر میں اب خضر کا بھرم کیا ہے

اجل کے ہاتھ کوئی آ رہا ہے پروانہ

نہ جانے آج کی فہرست میں رقم کیا ہے

سجاؤ بزم، غزل گاؤ، جام تازہ کرو

’’بہت سہی غمِ گیتی، شراب کم کیا ہے‘‘

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اب تو ویرانہ بھی ویراں نہیں کرنے دیتے

اپریل 10, 2012فیض احمد فیض،غبارِ ایّام،غزلمسلماں،ویراں،گریباں،جاں،عنواںadmin

فیض احمد فیض ۔ غزل نمبر 22

بے بسی کا کوئی درماں نہیں کرنے دیتے

اب تو ویرانہ بھی ویراں نہیں کرنے دیتے

دل کو صد لخت کیا سینے کو صد پارہ کیا

اور ہمیں چاک گریباں نہیں کرنے دیتے

ان کو اسلام کے لٹ جانے کا ڈر اتنا ہے

اب وہ کافر کو مسلماں نہیں کرنے دیتے

دل میں وہ آگ فروزاں ہے عدو جس کا بیاں

کوئی مضموں کسی عنواں نہیں کرنے دیتے

جان باقی ہے تو کرنے کو بہت باقی ہے

اب وہ جو کچھ کہ مری جاں نہیں کرنے دیتے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

رنگ چھڑکا گیا تختۂ دار پر

اپریل 10, 2012فیض احمد فیض،غبارِ ایّام،غزلانکار،دھار،دارadmin

فیض احمد فیض ۔ غزل نمبر 21

پھول مسلے گئے فرشِ گلزار پر

رنگ چھڑکا گیا تختۂ دار پر

بزم برپا کرے جس کو منظور ہو

دعوتِ رقص، تلوار کی دھار پر

دعوتِ بیعتِ شہ پہ ملزم بنا

کوئی اقرار پر، کوئی انکار پر

ناتمام

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پھر اپنی نظر شاید تا حدِّ نظر جائے

اپریل 10, 2012فیض احمد فیض،غبارِ ایّام،غزلنظر،کدھر،ٹھہر،اتر،بسرadmin

فیض احمد فیض ۔ غزل نمبر 20

پھر آئنہِ عالم شاید کہ نکھر جائے

پھر اپنی نظر شاید تا حدِّ نظر جائے

صحرا پہ لگے پہرے اور قفل پڑے بن پر

اب شہر بدر ہو کر دیوانہ کدھر جائے

خاکِ رہِ جاناں پر کچھ خوں تھا گِرو اپنا

اس فصل میں ممکن ہے یہ قرض اتر جائے

دیکھ آئیں چلو ہم بھی جس بزم میں سنتے ہیں

جو خندہ بلب آئے وہ خاک بسر جائے

یا خوف سے در گزریں یا جاں سے گزر جائیں

مرنا ہے کہ جینا ہے اِک بات ٹھہر جائے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پہلو میں لیے پھرتے ہیں جو درد کسی کا

اپریل 10, 2012فیض احمد فیض،غبارِ ایّام،غزلکسی،سحریadmin

فیض احمد فیض ۔ غزل نمبر 17

باقی ہے کوئی ساتھ تو بس ایک اُسی کا

پہلو میں لیے پھرتے ہیں جو درد کسی کا

اِک عمر سے اِس دھُن میں کہ ابھرے کوئی خورشید

بیٹھے ہیں سہارا لیے شمعِ سحری کا

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دل میں پتھر کی طرح بیٹھ گئی

اپریل 10, 2012فیض احمد فیض،غبارِ ایّام،غزللگی​،گئیadmin

فیض احمد فیض ۔ غزل نمبر 16

شام دھندلانے لگی اور مری تنہائی

دل میں پتھر کی طرح بیٹھ گئی

چاند ابھرنے لگا یک بار تری یاد کے ساتھ

زندگی مونس و غم خوار نظر آنے لگی​

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

رات ملتے رہے اپنے در و دیوار سے ہم

اپریل 10, 2012فیض احمد فیض،غبارِ ایّام،غزلجھنکار،دلدار،دینار،دیوار،سالارadmin

فیض احمد فیض ۔ غزل نمبر 13

جیسے ہم بزم ہیں پھر یارِ طرح دار سے ہم

رات ملتے رہے اپنے در و دیوار سے ہم

سر خوشی میں یونہی دل شاد و غزل خواں گزرے

کوئے قاتل سے کبھی کوچۂ دلدار سے ہم

کبھی منزل، کبھی رستے نے ہمیں ساتھ دیا

ہر قدم الجھے رہے قافلہ سالار سے ہم

ہم سے بے بہرہ ہوئی اب جرسِ گُل کی صدا

ورنہ واقف تھے ہر اِک رنگ کی جھنکار سے ہم

فیض جب چاہا جو کچھ چاہا سدا مانگ لیا

ہاتھ پھیلا کے دلِ بے زر و دینار سے ہم

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بے نشاں ہو گئے جب شہر تو گھر جائیں گے

اپریل 10, 2012فیض احمد فیض،غبارِ ایّام،غزلمر،گہر،گھر،گزر،اتر،جدھرadmin

فیض احمد فیض ۔ غزل نمبر 12

ہم مسافر یونہی مصروفِ سفر جائیں گے

بے نشاں ہو گئے جب شہر تو گھر جائیں گے

کس قدر ہو گا یہاں مہر و وفا کا ماتم

ہم تری یاد سے جس روز اتر جائیں گے

جوہری بند کیے جاتے ہیں بازارِ سخن

ہم کسے بیچنے الماس و گہر جائیں گے

نعمتِ زیست کا یہ قرض چکے گا کیسے

لاکھ گھبرا کے یہ کہتے رہیں، مر جائیں گے

شاید اپنا بھی کوئی بیت حُدی خواں بن کر

ساتھ جائے گا مرے یار جدھر جائیں گے

فیض آتے ہیں رہِ عشق میں جو سخت مقام

آنے والوں سے کہو ہم تو گزر جائیں گے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

احرار کبھی ترکِ روایت نہ کریں گے

اپریل 10, 2012فیض احمد فیض،غبارِ ایّام،غزلہدایت،ولایت،حکایت،روایت،شکایتadmin

فیض احمد فیض ۔ غزل نمبر 11

مر جائیں گے ظالم کی حمایت نہ کریں گے

احرار کبھی ترکِ روایت نہ کریں گے

کیا کچھ نہ ملا ہے جو کبھی تجھ سے ملے گا

اب تیرے نہ ملنے کی شکایت نہ کریں گے

شب بیت گئی ہے تو گزر جائے گا دن بھی

ہر لحظہ جو گزری وہ حکایت نہ کریں گے

یہ فقر دلِ زار کا عوضانہ بہت ہے

شاہی نہیں مانگیں گے ولایت نہ کریں گے

ہم شیخ نہ لیڈر نہ مصاحب نہ صحافی

جو خود نہیں کرتے وہ ہدایت نہ کریں گے

نذرِ مولانا حسرت موہانی

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

درباں کا عصا ہے کہ مصنّف کا قلم ہے

اپریل 10, 2012فیض احمد فیض،غبارِ ایّام،غزلقلم،کم،جم،علَم،غمadmin

فیض احمد فیض ۔ غزل نمبر 8

دربار میں اب سطوتِ شاہی کی علامت

درباں کا عصا ہے کہ مصنّف کا قلم ہے

آوارہ ہے پھر کوہِ ندا پر جو بشارت

تمہیدِ مسرت ہے کہ طولِ شبِ غم ہے

جس دھجی کو گلیوں میں لیے پھرتے ہیں طفلاں

یہ میرا گریباں ہے کہ لشکر کا علَم ہے

جس نور سے ہے شہر کی دیوار درخشاں

یہ خونِ شہیداں ہےکہ زرخانۂ جم ہے

حلقہ کیے بیٹھے رہو اک شمع کو یارو

کچھ روشنی باقی تو ہے ہر چند کہ کم ہے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ شہر اداس اتنا زیادہ تو نہیں تھا

اپریل 10, 2012فیض احمد فیض،غبارِ ایّام،غزللبادہ،ارادہ،زیادہ،سادہadmin

فیض احمد فیض ۔ غزل نمبر 6

گو سب کو بہم ساغر و بادہ تو نہیں تھا

یہ شہر اداس اتنا زیادہ تو نہیں تھا

گلیوں میں پھرا کرتے تھے دو چار دوانے

ہر شخص کا صد چاک لبادہ تو نہیں تھا

منزل کو نہ پہچانے رہِ عشق کا راہی

ناداں ہی سہی، ایسا بھی سادہ تو نہیں تھا

تھک کر یونہی پل بھر کےلئے آنکھ لگی تھی

سو کر ہی نہ اٹھیں یہ ارادہ تو نہیں تھا

واعظ سے رہ و رسم رہی رند سے صحبت

فرق ان میں کوئی اتنا زیادہ تو نہیں تھا

لاہور

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

باندھا تھا کوئی یاروں سے پیمانِ وفا اور

اپریل 10, 2012فیض احمد فیض،غبارِ ایّام،غزلقضا،وفا،پا،ذرا،صفاadmin

فیض احمد فیض ۔ غزل نمبر 3

لو تم بھی گئے ہم نے تو سمجھا تھا کہ تم نے

باندھا تھا کوئی یاروں سے پیمانِ وفا اور

یہ عہد کہ تا عمرِ رواں ساتھ رہو گے

رستے میں بچھڑ جائیں گے جب اہلِ صفا اور

ہم سمجھے تھے صیّاد کا ترکش ہوا خالی

باقی تھا مگر اس میں ابھی تیرِ قضا اور

ہر خار رہِ دشت وطن کا ہے سوالی

کب دیکھیے آتا ہے کوئی آبلہ پا اور

آنے میں تامّل تھا اگر روزِ جزا کو

اچھا تھا ٹھہر جاتے اگر تم بھی ذرا اور

میجر اسحاق کی یاد میں ۔ بیروت

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

نہیں وصال میسر تو آرزو ہی سہی

اپریل 10, 2012فیض احمد فیض،غبارِ ایّام،غزلہو،وضو،گفتگو،آرزو،روبروadmin

فیض احمد فیض ۔ غزل نمبر 2

نہیں نگاہ میں منزل تو جستجو ہی سہی

نہیں وصال میسر تو آرزو ہی سہی

نہ تن میں‌ خون فراہم نہ اشک آنکھوں میں

نمازِ شوق تو واجب ہے بے وضو ہی سہی

کسی طرح تو جمے بزم میکدے والو

نہیں جو بادہ و ساغر تو ہاؤ ہو ہی سہی

گر انتظار کٹھن ہے تو جب تلک اے دل

کسی کے وعدۂ فردا کی گفتگو ہی سہی

دیارِ غیر میں محرم اگر نہیں کوئی

تو فیض ذکرِ وطن اپنے روبرو ہی سہی

لاہور

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہ پڑی ہیں روز قیامتیں کہ خیالِ روزِ جزا گیا

اپریل 6, 2012فیض احمد فیض،شامِ شہریاراں،غزلوفا،جزا،دُعاadmin

فیض احمد فیض ۔ غزل نمبر 26

وہ بُتوں نے ڈالے ہیں وسوسے کہ دلوں سے خوفِ خدا گیا

وہ پڑی ہیں روز قیامتیں کہ خیالِ روزِ جزا گیا

جو نفس تھا خارِ گلُو بنا، جو اُٹھے تھے ہاتھ لہُو ہوئے

وہ نَشاطِ آہِ سحر گئی، وہ وقارِ دستِ دُعا گیا

جو طلب پہ عہدِ وفا کیا، تو وہ قدرِ رسمِ وفا گئی

سرِ عام جب ہوئے مُدّعی، تو ثوابِ صدق و وفا گیا

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کس پر نہ کھُلا راز پریشانیِ دل کا

اپریل 6, 2012فیض احمد فیض،شامِ شہریاراں،غزلنگہبانی،ویرانی،پریشانی،حیرانی،زندانی،سامانیadmin

فیض احمد فیض ۔ غزل نمبر 25

کس شہر نہ شُہرہ ہُوا نادانیِ دل کا

کس پر نہ کھُلا راز پریشانیِ دل کا

آؤ کریں محفل پہ زرِ زخم نمایاں

چرچا ہے بہت بے سر و سامانیِ دل کا

دیکھ آئیں چلو کوئے نگاراں کا خرابہ

شاید کوئی محرم ملے ویرانیِ دل کا

پوچھو تو ادھر تیر فگن کون ہے یارو

سونپا تھا جسے کام نگہبانیِ دل کا

دیکھو تو کدھر آج رُخِ بادِ صبا ہے

کس رہ سے پیام آیا ہے زندانیِ دل کا

اُترے تھے کبھی فیض وہ آئینۂ دل میں

عالم ہے وہی آج بھی حیرانیِ دل کا

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پھر آج کس نے سخن ہم سے غائبانہ کیا

اپریل 6, 2012فیض احمد فیض،شامِ شہریاراں،غزلنہ،دوستانہ،زمانہ،عاشقانہ،غائبانہadmin

فیض احمد فیض ۔ غزل نمبر 21

یہ کس خلش نے پھر اس دل میں آشیانہ کیا

پھر آج کس نے سخن ہم سے غائبانہ کیا

غمِ جہاں ہو، رخِ یار ہو کہ دستِ عدو

سلوک جس سے کیا ہم نے عاشقانہ کیا

تھے خاکِ راہ بھی ہم لوگ قہرِ طوفاں بھی

سہا تو کیا نہ سہا اور کیا تو کیا نہ کیا

خوشا کہ آج ہر اک مُدّعی کے لب پر ہے

وہ راز جس نے ہمیں راندۂ زمانہ کیا

وہ حیلہ گر جو وفا جُو بھی ہے جفا خُو بھی

کِیا بھی فیض تو کس بُت سے دوستانہ کیا

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دشتِ اُمّید میں گرداں ہیں دوانے کب سے

اپریل 6, 2012فیض احمد فیض،شامِ شہریاراں،غزلبہانے،جانے،دوانے،سجانےadmin

فیض احمد فیض ۔ غزل نمبر 19

حسرتِ دید میں گزراں ہیں زمانے کب سے

دشتِ اُمّید میں گرداں ہیں دوانے کب سے

دیر سے آنکھ پہ اُترا نہیں اشکوں کا عذاب

اپنے ذمّے ہے ترا فرض نہ جانے کب سے

کس طرح پاک ہو بے آرزو لمحوں کا حساب

درد آیا نہیں دربار سجانے کب سے

سر کرو ساز کہ چھیڑیں کوئی دل سوز غزل

"ڈھونڈتا ہے دلِ شوریدہ بہانے کب سے”

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جو دل دکھا ہے بہت زیادہ

اپریل 6, 2012فیض احمد فیض،شامِ شہریاراں،غزلفتادہ،لبادہ،کشادہ،بادہ،زیادہ،سادہadmin

فیض احمد فیض ۔ غزل نمبر 18

تجھے پکارا ہے بے ارادہ

جو دل دکھا ہے بہت زیادہ

ندیم ہو تیرا حرفِ شیریں

تو رنگ پر آئے رنگِ بادہ

عطا کرو اک ادائے دیریں

تو اشک سے تر کریں لبادہ

نہ جانے کس دن سے منتظِر ہے

دلِ سرِ رہ گزر فتادہ

کہ ایک دن پھر نظر میں آئے

وہ بامِ روشن، وہ در کشادہ

وہ آئے پُرسش کو پھر سجائے

قبائے رنگیں، ادائے سادہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ تیغ اپنے لہو میں نیام ہوتی رہی

اپریل 6, 2012فیض احمد فیض،شامِ شہریاراں،غزلنیام،تمام،حرام،سلام،عامadmin

فیض احمد فیض ۔ غزل نمبر 17

ہمیں سے اپنی نوا ہم کلام ہوتی رہی

یہ تیغ اپنے لہو میں نیام ہوتی رہی

مقابلِ صفِ اعداء جسے کیا آغاز

وہ جنگ اپنے ہی دل میں تمام ہوتی رہی

کوئی مسیحا نہ ایفائے عہد کو پہنچا

بہت تلاش پسِ قتلِ عام ہوتی رہی

یہ برہمن کا کرم، وہ عطائے شیخِ حرم

کبھی حیات کبھی مَے حرام ہوتی رہی

جو کچھ بھی بن نہ پڑا، فیض لُٹ کے یاروں سے

تو رہزنوں سے دعا و سلام ہوتی رہی

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تم آشنا تھے تو تھیں آشنائیاں کیا کیا

اپریل 6, 2012فیض احمد فیض،شامِ شہریاراں،غزلہنسائیاں،آشنائیاں،ادائیاں،جدائیاں،خدائیاںadmin

فیض احمد فیض ۔ غزل نمبر 11

نہ اب رقیب نہ ناصح نہ غم گسار کوئی

تم آشنا تھے تو تھیں آشنائیاں کیا کیا

جُدا تھے ہم تو میسّر تھیں قربتیں کتنی

بہم ہوئے تو پڑی ہیں جدائیاں کیا کیا

پہنچ کے در پہ ترے کتنے معتبر ٹھہرے

اگرچہ رہ میں ہوئیں جگ ہنسائیاں کیا کیا

ہم ایسے سادہ دلوں کی نیاز مندی سے

بتوں نے کی ہیں جہاں میں خدائیاں کیا کیا

ستم پہ خوش کبھی لطف و کرم سے رنجیدہ

سکھائیں تم نے ہمیں کج ادائیاں کیا کیا

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کوئی ٹھکانہ بتاؤ کہ قافلہ اترے

اپریل 6, 2012فیض احمد فیض،شامِ شہریاراں،غزلقافلہ،نشہadmin

فیض احمد فیض ۔ غزل نمبر 3

ہزار درد شبِ آرزو کی راہ میں ہے

کوئی ٹھکانہ بتاؤ کہ قافلہ اترے

قریب اور بھی آؤ کہ شوق دید مٹے

شراب اور پلاؤ کہ کچھ نشہ اترے

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم سے جتنے سخن تمہارے تھے

اپریل 6, 2012فیض احمد فیض،شامِ شہریاراں،غزلہمارے،وارے،استعارے،تمہارے،تارے،سہارےadmin

فیض احمد فیض ۔ غزل نمبر 2

ہم نے سب شعر میں سنوارے تھے

ہم سے جتنے سخن تمہارے تھے

رنگ و خوشبو کے، حسن و خوبی کے

تم سے تھے جتنے استعارے تھے

تیرے قول و قرار سے پہلے

اپنے کچھ اور بھی سہارے تھے

جب وہ لعل و گہر حساب کیے

جو ترے غم نے دل پہ وارے تھے

میرے دامن میں آگرے سارے

جتنے طشت فلک میں تارے تھے

عمر جاوید کی دعا کرتے

فیض اتنے وہ کب ہمارے تھے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دراز دستیِ پیر مغاں کی نذر ہوا

اپریل 6, 2012فیض احمد فیض،شامِ شہریاراں،غزلمغاں،گراںadmin

فیض احمد فیض ۔ غزل نمبر 0

جو پیرہن میں کوئی تار محتسب سے بچا

دراز دستیِ پیر مغاں کی نذر ہوا

اگر جراحت قاتل سے بخشوا لائے

تو دل سیاستِ چارہ گراں کی نذر ہوا

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کنارے آ لگے عمرِ رواں یا دل ٹھہر جائے

اپریل 5, 2012فیض احمد فیض،سرِ وادئِٔ سینا،غزلقابل،قاتل،محفل،محمل،دل،ساحلadmin

فیض احمد فیض ۔ غزل نمبر 32

کہیں تو کاروانِ درد کی منزل ٹھہر جائے

کنارے آ لگے عمرِ رواں یا دل ٹھہر جائے

اماں کیسی کہ موجِ خوں ابھی سر سے نہیں گزری

گزر جائے تو شاید بازوئے قاتل ٹھہر جائے

کوئی دم بادبانِ کشتیِ صہبا کو تہہ رکھو

ذرا ٹھہرو غبارِ خاطرِ محفل ٹھہر جائے

خُمِ ساقی میں جز زہرِ ہلاہل کچھ نہیں باقی

جو ہو محفل میں اس اکرام کے قابل، ٹھہر جائے

ہماری خامشی بس دل سے لب تک ایک وقفہ ہے

یہ طوفاں ہے جو پل بھر بر لبِ ساحل ٹھہر جائے

نگاہِ منتظر کب تک کرے گی آئینہ بندی

کہیں تو دشتِ غم میں یار کا محمل ٹھہر جائے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جس بار خزاں آئی، سمجھے کہ بہار آئی

اپریل 5, 2012فیض احمد فیض،سرِ وادئِٔ سینا،غزلآئی،تماشائی،تنہائی،شناسائیadmin

فیض احمد فیض ۔ غزل نمبر 31

ہم سادہ ہی ایسے تھے، کی یوں ہی پذیرائی

جس بار خزاں آئی، سمجھے کہ بہار آئی

آشوبِ نظر سے کی ہم نے چمن آرائی

جو شے بھی نظر آئی، گل رنگ نظر آئی

امیدِ تلطف میں‌ رنجیدہ رہے دونوں

تو اور تری محفل، میں اور مری تنہائی

یک جان نہ ہو سکیے، انجان نہ بن سکیے

یوں ٹوٹ گئی دل میں‌ شمشیرِ شناسائی

اس تن کی طرف دیکھو جو قتل گہِ دل ہے

کیا رکھا ہے مقتل میں ، اے چشمِ تماشائی

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اب کے بھی دل کی مدارات نہ ہونے پائی

اپریل 5, 2012فیض احمد فیض،سرِ وادئِٔ سینا،غزلملاقات،مناجات،مکافات،مدارات،اثبات،خرابات،راتadmin

فیض احمد فیض ۔ غزل نمبر 28

شرح بے دردیِ حالات نہ ہونے پائی

اب کے بھی دل کی مدارات نہ ہونے پائی

پھر وہی وعدہ جو اقرار نہ بننے پایا

پھر وہی بات جو اثبات نہ ہونے پائی

پھر وہ پروانے جنہیں اذنِ شہادت نہ ملا

پھر وہ شمعیں کہ جنہیں رات نہ ہونے پائی

پھر وہی جاں بلبی لذتِ مے سے پہلے

پھر وہ محفل جو خرابات نہ ہونے پائی

پھر دمِ دید رہے چشم و نظر دید طلب

پھر شبِ وصل ملاقات نہ ہونے پائی

پھر وہاں بابِ اثر جانیے کب بند ہوا

پھر یہاں ختم مناجات نہ ہونے پائی

فیض سر پر جو ہر اِک روز قیامت گزری

ایک بھی روز مکافات نہ ہونے پائی

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اِک قدح ساقیِ مہوش جو کرے ہوش تمام

اپریل 5, 2012فیض احمد فیض،سرِ وادئِٔ سینا،غزلہوش،آغوشadmin

فیض احمد فیض ۔ غزل نمبر 24

اِک سخن مطربِ زیبا کہ سلگ اٹھے بدن

اِک قدح ساقیِ مہوش جو کرے ہوش تمام

ذکرِ صبحے کہ رُخ یار سے رنگیں تھا چمن

یادِ شب ہا کہ تنِ یار تھا آغوش تمام

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یا شمع پگھل رہی ہے

اپریل 5, 2012فیض احمد فیض،سرِ وادئِٔ سینا،غزلنکل،پگھلadmin

فیض احمد فیض ۔ غزل نمبر 23

بالیں پہ کہیں رات ڈھل رہی ہے

یا شمع پگھل رہی ہے

پہلو میں کوئی چیز جل رہی ہے

تم ہو کہ مری جاں نکل رہی ہے

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

عہد و پیماں سے گزر جانے کو جی چاہتا ہے

اپریل 5, 2012فیض احمد فیض،سرِ وادئِٔ سینا،غزلمر،گزرadmin

فیض احمد فیض ۔ غزل نمبر 20

ضبط کا عہد بھی ہے شوق کا پیمان بھی ہے

عہد و پیماں سے گزر جانے کو جی چاہتا ہے

درد اتنا ہے کہ ہر رگ میں ہے محشر برپا

اور سکوں ایسا کہ مر جانے کو جی چاہتا ہے

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

نہ کرم ہے ہم پہ حبیب کا، نہ نگا ہ ہم پہ عدو کی ہے

اپریل 5, 2012فیض احمد فیض،سرِ وادئِٔ سینا،غزللہو،کبھو،رُو،سبو،عدوadmin

فیض احمد فیض ۔ غزل نمبر 15

نہ کسی پہ زخم عیاں کوئی، نہ کسی کو فکر رفو کی ہے

نہ کرم ہے ہم پہ حبیب کا، نہ نگا ہ ہم پہ عدو کی ہے

صفِ زاہداں ہے تو بے یقیں، صفِ میکشاں ہے تو بے طلب

نہ وہ صبح درود و وضو کی ہے، نہ وہ شام جام و سبو کی ہے

نہ یہ غم نیا، نہ ستم نیا، کہ تری جفا کا گلہ کریں

یہ نظرتھی پہلے بھی مضطرب، یہ کسک تودل میں کبھو کی ہے

کفِ باغباں پہ بہارِ گل کا ہے قرض پہلے سے بیشتر

کہ ہر ایک پھول کے پیرہن، میں نمود میرے لہو کی ہے

نہیں ‌خوفِ روزِ سیہ ہمیں، کہ ہے فیض ظرفِ نگاہ میں

ابھی گوشہ گیر وہ اک کرن، جو لگن اُس آئینہ رُو کی ہے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

شب و روزِ آشنائی مہ و سال تک نہ پہنچے

اپریل 5, 2012فیض احمد فیض،سرِ وادئِٔ سینا،غزلملال،حال،خیال،خال،سوال،سالadmin

فیض احمد فیض ۔ غزل نمبر 13

کیے آرزو سے پیماں جو مآل تک نہ پہنچے

شب و روزِ آشنائی مہ و سال تک نہ پہنچے

وہ نظر بہم نہ پہنچی کہ محیطِ حسن کرتے

تری دید کے وسیلے خد و خال تک نہ پہنچے

وہی چشمہء بقا تھا جسے سب سراب سمجھے

وہی خواب معتبر تھے جو خیال تک نہ پہنچے

ترا لطف وجہِ تسکیں، نہ قرار شرحِ غم سے

کہ ہیں دل میں وہ گلے بھی جو ملال تک نہ پہنچے

کوئی یار جاں سے گزرا، کوئی ہوش سے نہ گزرا

یہ ندیم یک دو ساغر مرے حال تک نہ پہنچے

چلو فیض دل جلائیں کریں پھر سے عرضِ جاناں

وہ سخن جو لب تک آئے پہ سوال تک نہ پہنچے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پھر دل کے آئینے سے لہو پھوٹنے لگا

اپریل 5, 2012فیض احمد فیض،سرِ وادئِٔ سینا،غزلٹوٹنے،پھوٹنےadmin

فیض احمد فیض ۔ غزل نمبر 12

دیوارِ شب اور عکسِ رُخِ یار سامنے

پھر دل کے آئینے سے لہو پھوٹنے لگا

پھر وضعِ احتیاط سے دھندلا گئی نظر

پھر ضبطِ آرزو سے بدن ٹوٹنے لگا

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اعلانِ جنوں دل والوں نے اب کے بہ ہزار انداز کیا

اپریل 5, 2012فیض احمد فیض،سرِ وادئِٔ سینا،غزلناز،آغاز،انداز،باز،طنازadmin

فیض احمد فیض ۔ غزل نمبر 9

کس حرف پہ تو نے گوشہء لب اے جانِ جہاں غماز کیا

اعلانِ جنوں دل والوں نے اب کے بہ ہزار انداز کیا

سو پیکاں تھے پیوستِ گلو، جب چھیڑی شوق کی لےَ ہم نے

سو تیر ترازو تھے دل میں جب ہم نے رقص آغاز کیا

بے حرص و ہوا، بے خوف و خطر، اِس ہاتھ پہ سر، اُس کف پہ جگر

یوں کوئے صنم میں وقتِ سفر نظارہء بامِ ناز کیا

جس خاک میں مل کر خاک ہوئے، وہ سرمہء چشمِ خلق بنی

جس خار پہ ہم نے خوں چھڑکا، ہمرنگِ گلِ طناز کیا

لو وصل کی ساعت آپہنچی، پھر حکمِ حضوری پر ہم نے

آنکھوں کے دریچے بند کیے، اور سینے کا در باز کیا

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یوں فضا مہکی کہ بدلا مرے ہمراز کا رنگ

اپریل 5, 2012فیض احمد فیض،سرِ وادئِٔ سینا،غزلہمراز،آواز،آغاز،اعجاز،سازadmin

فیض احمد فیض ۔ غزل نمبر 6

یوں سجا چاند کہ جھلکا ترے انداز کا رنگ

یوں فضا مہکی کہ بدلا مرے ہمراز کا رنگ

سایہء چشم میں‌حیراں رُخِ روشن کا جمال

سُرخیء لب میں‌ پریشاں تری آواز کا رنگ

بے پئے ہوں کہ اگر لطف کرو آخرِ شب

شیشہء مے میں‌ ڈھلے صبح کے آغاز کا رنگ

چنگ و نَے رنگ پہ تھے اپنے لہو کے دم سے

دل نے لےَ بدلی تو مدھم ہوا ہر ساز کا رنگ

اک سخن اور کہ پھر رنگِ تکلم تیرا

حرفِ سادہ کو عنایت کرے اعجاز کا رنگ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کاسہء چشم میں خوں نابِ جگر لے کے چلو

اپریل 5, 2012فیض احمد فیض،سرِ وادئِٔ سینا،غزلجگر،سرadmin

فیض احمد فیض ۔ غزل نمبر 4

دیدہء تر پہ وہاں کون نظر کرتا ہے

کاسہء چشم میں خوں نابِ جگر لے کے چلو

اب اگر جاؤ پئے عرض و طلب اُن کے حضور

دست و کشکول نہیں کاسہء سر لے کے چلو

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

خونِ تمنا دریا دریا، دریا دریا عیش کی لہر

اپریل 5, 2012فیض احمد فیض،سرِ وادئِٔ سینا،غزللہر،شہرadmin

فیض احمد فیض ۔ غزل نمبر 3

زنداں زنداں شورِ انالحق، محفل محفل قلقلِ مے

خونِ تمنا دریا دریا، دریا دریا عیش کی لہر

دامن دامن رُت پھولوں کی، آنچل آنچل اشکوں کی

قریہ قریہ جشن بپا ہے، ماتم شہر بہ شہر

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

غربت کدے میں کس سے تری گفتگو کریں

اپریل 4, 2012فیض احمد فیض،دستِ تہِ سنگ،غزلوضو،گفتگو،آرزو،بُرو،رفو،سَبُو،عدوadmin

فیض احمد فیض ۔ غزل نمبر 37

شرحِ فراق ، مدحِ لبِ مشکبو کریں

غربت کدے میں کس سے تری گفتگو کریں

یار آشنا نہیں کوئی ، ٹکرائیں کس سے جام

کس دل رُبا کے نام پہ خالی سَبُو کریں

سینے پہ ہاتھ ہے ، نہ نظر کو تلاشِ بام

دل ساتھ دے تو آج غمِ آرزو کریں

کب تک سنے گی رات ، کہاں تک سنائیں ہم

شکوے گِلے سب آج ترے رُو بُرو کریں

ہمدم حدیثِ کوئے ملامت سُنائیو

دل کو لہو کریں کہ گریباں رفو کریں

آشفتہ سر ہیں ، محتسبو، منہ نہ آئیو

سر بیچ دیں تو فکرِ دل و جاں عدو کریں

تر دامنی پہ شیخ ہماری نہ جائیو

دامن نچوڑ دیں تو فرشتے وضو کریں

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دھوکے دئیے کیا کیا ہمیں بادِ سحری نے

اپریل 4, 2012فیض احمد فیض،دستِ تہِ سنگ،غزلنظری،گری،بدری،سحری،سریadmin

فیض احمد فیض ۔ غزل نمبر 36

ہر سَمت پریشاں تری آمد کے قرینے

دھوکے دئیے کیا کیا ہمیں بادِ سحری نے

ہر منزلِ غربت پہ گماں ہوتا ہے گھر کا

بہلایا ہے ہر گام بہت در بدری نے

تھے بزم میں سب دودِ سرِ بزم سے شاداں

بیکار جلایا ہمیں روشن نظری نے

مَے خانے میں عاجز ہُوئے آزُردہ دِلی سے

مسجد کا نہ رکھا ہمیں آشفتہ سری نے

یہ جامۂ صد چاک بدل لینے میں کیا تھا

مہلت ہی نہ دی فیض، کبھی بخیہ گری نے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

نہ شب کو دن سے شکایت ، نہ دن کو شب سے ہے

اپریل 4, 2012فیض احمد فیض،دستِ تہِ سنگ،غزللب،کب،ادب،سبب،شبadmin

فیض احمد فیض ۔ غزل نمبر 35

تری اُمید ترا انتظار جب سے ہے

نہ شب کو دن سے شکایت ، نہ دن کو شب سے ہے

کسی کا درد ہو کرتے ہیں تیرے نام رقم

گِلہ ہے جو بھی کسی سے ترے سبب سے ہے

ہُوا ہے جب سے دلِ ناصبُور بے قابو

کلام تجھ سے نظر کو بڑے ادب سے ہے

اگر شررِ ہے تو بھڑکے ، جو پھول ہے تو کِھلے

طرح طرح کی طلب ، تیرے رنگِ لب سے ہے

کہاں گئے شبِ فرقت کے جاگنے والے

ستارۂ سحری ہم کلام کب سے ہے

بمبئی

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جو بچے ہیں سنگ سمیٹ لو، تنِ داغ داغ لُٹا دیا

اپریل 4, 2012فیض احمد فیض،دستِ تہِ سنگ،غزللُٹا،مٹا،چُکا،بنا،بھلاadmin

فیض احمد فیض ۔ غزل نمبر 30

نہ گنواؤ ناوکِ نیم کش، دلِ ریزہ ریزہ گنوا دیا

جو بچے ہیں سنگ سمیٹ لو، تنِ داغ داغ لُٹا دیا

مرے چارہ گر کو نوید ہو، صفِ دُشمناں کو خبر کرو

جو وہ قرض رکھتے تھے جان پر، وہ حساب آج چُکا دیا

کرو کج جبیں پہ سرِ کفن، مرے قاتلوں کو گماں نہ ہو

کہ غرورِ عشق کا بانکپن، پسِ مرگ ہم نے بھلا دیا

اُدھر ایک حرف کہ کُشتنی، یہاں لاکھ عذر تھا گفتنی

جو کہا تو سُن کے اُڑا دیا، جو لکھا تو پڑھ کے مٹا دیا

جو رُکے تو کوہِ گراں تھے ہم ، جو چلے تو جاں سے گزر گئے

رہِ یار ہم نے قدم قدم تجھے یادگار بنا دیا

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

فصلِ گُل آئی امتحاں کی طرح

اپریل 4, 2012فیض احمد فیض،دستِ تہِ سنگ،غزلناگہاں،کماں،امتحاں،ارغواں،دوستاں،زباںadmin

فیض احمد فیض ۔ غزل نمبر 28

یک بیک شورشِ فغاں کی طرح

فصلِ گُل آئی امتحاں کی طرح

صحنِ گلشن میں بہرِ مشتاقاں

ہر روش کِھنچ گئی کماں کی طرح

پھر لہو سے ہر ایک کاسۂ داغ

پُر ہُوا جامِ ارغواں کی طرح

یاد آیا جنُونِ گُم گشتہ

بے طلب قرضِ دوستاں کی طرح

جانے کس پر ہو مہرباں قاتِل

بے سبب مرگِ ناگہاں کی طرح

ہر صدا پر لگے ہیں کان یہاں

دل سنبھالے رہو زباں کی طرح

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جیسے خوشبوئے زلفِ بہار آگئی، جیسے پیغامِ دیدارِ یار آگیا

اپریل 4, 2012فیض احمد فیض،دستِ تہِ سنگ،غزلنکھار،یار،پیار،اعتبار،بہار،دارadmin

فیض احمد فیض ۔ غزل نمبر 26

آج یوں موج در موج غم تھم گیا، اس طرح غم زدوں کو قرار آگیا

جیسے خوشبوئے زلفِ بہار آگئی، جیسے پیغامِ دیدارِ یار آگیا

جس کی دید و طلب وہم سمجھے تھے ہم، رُو بُرو پھر سرِ رہگزار آگیا

صبحِ فردا کو پھر دل ترسنے لگا ، عمرِ رفتہ ترا اعتبار آگیا

رُت بدلنے لگی رنگِ دل دیکھنا ، رنگِ گلشن سے اب حال کھلتا نہیں

زخم چھلکا کوئی یا کوئی گُل کِھلا ، اشک اُمڈے کہ ابرِ بہار آگیا

خونِ عُشاق سے جام بھرنے لگے ، دل سُلگنے لگے ، داغ جلنے لگے

محفلِ درد پھر رنگ پر آگئی ، پھر شبِ آرزُو پر نکھار آگیا

سر فروشی کے انداز بدلے گئے ، دعوتِ قتل پر مقتل شہر میں

ڈال کر کوئی گردن میں طوق آگیا ، لاد کر کوئی کاندھے پہ دار آگیا

فیض کیا جانیے یار کس آس پر ، منتظر ہیں کہ لائے گا کوئی خبر

میکشوں پر ہُوا محتسب مہرباں ، دل فگاروں پہ قاتل کو پیار آگیا

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

قاصدا ، قیمتِ گلگشتِ بہاراں کیا ہے

اپریل 4, 2012فیض احمد فیض،دستِ تہِ سنگ،غزلیاراں،بہاراںadmin

فیض احمد فیض ۔ غزل نمبر 25

ان دنوں رسم و رہِ شہرِ نگاراں کیا ہے

قاصدا ، قیمتِ گلگشتِ بہاراں کیا ہے

کُوئے جاناں ہے کہ مقتل ہے کہ میخانہ ہے

آج کل صورتِ بربادیِ یاراں کیا ہے

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سنتے تھے وہ آئیں گے ، سنتے تھے سحر ہو گی

اپریل 4, 2012فیض احمد فیض،دستِ تہِ سنگ،غزلنظر،بسر،تر،خبر،سحرadmin

فیض احمد فیض ۔ غزل نمبر 23

کب ٹھہرے گا درد اے دل ، کب رات بسر ہو گی

سنتے تھے وہ آئیں گے ، سنتے تھے سحر ہو گی

کب جان لہو ہو گی ، کب اشک گہر ہو گا

کس دن تری شنوائی اے دیدۂ تر ہو گی

کب مہکے گی فصلِ گل ، کب بہکے گا میخانہ

کب صبحِ سخن ہو گی ، کب شامِ نظر ہو گی

واعظ ہے نہ زاہد ہے ، ناصح ہے نہ قاتل ہے

اب شہر میں یاروں کی کس طرح بسر ہو گی

کب تک ابھی رہ دیکھیں اے قامتِ جانانہ

کب حشر معیّن ہے تجھ کو تو خبر ہو گی

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کِھلتی ہے صبح گل کی طرح رنگ و بُو سے پُر

اپریل 4, 2012فیض احمد فیض،دستِ تہِ سنگ،غزلadmin

فیض احمد فیض ۔ غزل نمبر 22

ڈھلتی ہے موجِ مَے کی طرح رات ان دِنوں

کِھلتی ہے صبح گل کی طرح رنگ و بُو سے پُر

ویراں ہیں جام پاس کرو کچھ بہار کا

دل آرزو سے پُر کرو، آنکھیں لُہو سے پُر

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سِل گئے ہونٹ ، کوئی زخم سِلے یا نہ سلے

اپریل 4, 2012فیض احمد فیض،دستِ تہِ سنگ،غزلکھلے،سلےadmin

فیض احمد فیض ۔ قطعہ

آگئی فصلِ سکُوں چاک گریباں والو

سِل گئے ہونٹ ، کوئی زخم سِلے یا نہ سلے

دوستوں بزم سجاؤ کہ بہار آئی ہے

کِھل گئے زخم ، کوئی پھول کِھلے یا نہ کھلے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تری رہ میں کرتے تھے سر طلب ، سرِ رہگزار چلے گئے

اپریل 4, 2012فیض احمد فیض،دستِ تہِ سنگ،غزلیار،گار،گسار،اختیار،رہگزارadmin

فیض احمد فیض ۔ غزل نمبر 20

ترے غم کو جاں کی تلاش تھی ترے جاں نثار چلے گئے

تری رہ میں کرتے تھے سر طلب ، سرِ رہگزار چلے گئے

تری کج ادائی سے ہار کے شبِ انتظار چلی گئی

مرے ضبطِ حال سے رُوٹھ کر مرے غم گسار چلے گئے

نہ سوالِ وصل ، نہ عرضِ غم ، نہ حکایتیں نہ شکایتیں

ترے عہد میں دلِ زار کے سبھی اختیار چلے گئے

یہ ہمیں تھے جن کے لباس پر سرِ رہ سیاہی لکھی گئی

یہی داغ تھے جو سجا کے ہم سرِ بزمِ یار چلے گئے

نہ رہا جنونِ رُخِ وفا، یہ رسن یہ دار کرو گے کیا

جنہیں جرمِ عشق پہ ناز تھا وہ گناہ گار چلے گئے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جو عُمر سے ہم نے بھر پایا سب سامنے لائے دیتے ہیں

اپریل 4, 2012فیض احمد فیض،دستِ تہِ سنگ،غزللائے،اُلٹائےadmin

فیض احمد فیض ۔ غزل نمبر 18

ہم خستہ تنوں سے محتسبو کیا مال منال کا پوچھتے ہو

جو عُمر سے ہم نے بھر پایا سب سامنے لائے دیتے ہیں

دامن میں ہے مشتِ خاکِ جِگر ، ساغر میں ہے خونِ حسرتِ مَے

لو ہم نے دامن جھاڑ دیا ، لو جام اُلٹائے دیتے ہیں

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ترا حُسن دستِ عیسیٰ ، تری یاد رُوئے مریم

اپریل 4, 2012فیض احمد فیض،دستِ تہِ سنگ،غزلہم،ماتم،مریم،شبنم،عالمadmin

فیض احمد فیض ۔ غزل نمبر 16

یہ جفائے غم کا چارہ ، وہ نَجات دل کا عالم

ترا حُسن دستِ عیسیٰ ، تری یاد رُوئے مریم

دل و جاں فدائے راہے کبھی آکے دیکھ ہمدم

سرِ کوئے دل فگاراں شبِ آرزو کا عالم

تری دِید سے سوا ہے ترے شوق میں بہاراں

وہ چمن جہاں گِری ہے ترے گیسوؤں کی شبنم

یہ عجب قیامتیں ہیں تری رہگزر میں گزراں

نہ ہُوا کہ مَرمِٹیں ہم ، نہ ہُوا کہ جی اُٹھیں ہم

لو سُنی گئی ہماری ، یُوں پِھرے ہیں دن کہ پھر سے

وہی گوشۂ قفس ہے ، وہی فصلِ گُل کا ماتم

لاہورجیل

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تم اچھے مسیحا ہو شِفا کیوں نہیں دیتے

اپریل 4, 2012فیض احمد فیض،دستِ تہِ سنگ،غزلپتا،اُٹھا،بُھلا،شِفا،صِلا،صداadmin

فیض احمد فیض ۔ غزل نمبر 13

بے دم ہوئے بیمار دوا کیوں نہیں دیتے

تم اچھے مسیحا ہو شِفا کیوں نہیں دیتے

دردِ شبِ ہجراں کی جزا کیوں نہیں دیتے

خونِ دلِ وحشی کا صِلا کیوں نہیں دیتے

مِٹ جائے گی مُخلوق تو انصاف کرو گے

منصف ہو تو اب حشر اُٹھا کیوں نہیں دیتے

ہاں نکتہ ورو لاؤ لب و دل کی گواہی

ہاں نغمہ گرو ساز صدا کیوں نہیں دیتے

پیمانِ جُنوں ہاتھوں کو شرمائے گا کب تک

دل والو! گریباں کا پتا کیوں نہیں دیتے

بربادیِ دل جبر نہیں فیض کسی کا

وہ دشمنِ جاں ہے تو بُھلا کیوں نہیں دیتے

لاہورجیل

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کوئی بھی حیلۂ تسکیں نہیں اور آس بہت ہے

اپریل 4, 2012فیض احمد فیض،دستِ تہِ سنگ،غزلآس،اُداسadmin

فیض احمد فیض ۔ غزل نمبر 12

نہ دید ہے نہ سخن ، اب نہ حرف ہے نہ پیام

کوئی بھی حیلۂ تسکیں نہیں اور آس بہت ہے

اُمیدِ یار ، نظر کا مزاج ، درد کا رنگ

تم آج کچھ بھی نہ پُوچھو کہ دل اُداس بہت ہے

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سجے گی کیسے شبِ نگاراں کہ دل سر شام بجھ گئے ہیں

اپریل 4, 2012فیض احمد فیض،دستِ تہِ سنگ،غزلنام،پیغام،بام،دام،شامadmin

فیض احمد فیض ۔ غزل نمبر 10

جمے گی کیسے بساطِ یاراں کہ شیشہ و جام بجھ گئے ہیں

سجے گی کیسے شبِ نگاراں کہ دل سر شام بجھ گئے ہیں

وہ تیرگی ہے رہِ بُتاں میں چراغِ رُخ ہے نہ شمعِ وعدہ

کرن کوئی آرزو کی لاؤ کہ سب در و بام بجھ گئے ہیں

بہت سنبھالا وفا کا پیماں مگر وہ برسی ہے اب کے برکھا

ہر ایک اقرار مٹ گیا ہے تمام پیغام بجھ گئے ہیں

قریب آ اے مہِ شبِ غم ، نظر پہ کُھلتا نہیں کچھ اس دم

کہ دل پہ کس کس کا نقش باقی ہے ، کون سے نام بجھ گئے ہیں

بہار اب آکے کیا کرے گی کہ جن سے تھا جشنِ رنگ و نغمہ

وہ گل سرِ شاخ جل گئے ہیں ، وہ دل تہِ دام بجھ گئے ہیں

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کرنے آئی ہے مری ساقی گری شام ڈھلے

اپریل 4, 2012فیض احمد فیض،دستِ تہِ سنگ،غزلڈھلے،تلےadmin

فیض احمد فیض ۔ غزل نمبر 8

آج تنہائی کسی ہمدمِ دیریں کی طرح

کرنے آئی ہے مری ساقی گری شام ڈھلے

منتظر بیٹھے ہیں ہم دونوں کہ مہتاب اُبھرے

اور ترا عکس جھلکنے لگے ہر سائے تلے

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آگ سُلگاؤ آبگینوں میں

اپریل 4, 2012فیض احمد فیض،دستِ تہِ سنگ،غزلمہینوں،آبگینوںadmin

فیض احمد فیض ۔ غزل نمبر 7

رات ڈھلنے لگی ہے سینوں میں

آگ سُلگاؤ آبگینوں میں

دلِ عُشاق کی خبر لینا

پھول کِھلتے ہیں ان مہینوں میں

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اپنا لی ہوس والوں نے جو رسم چلی ہے

اپریل 4, 2012فیض احمد فیض،دستِ تہِ سنگ،غزلچلی،ولیadmin

فیض احمد فیض ۔ غزل نمبر 4

میخانوں کی رونق ہیں ، کبھی خانقہوں کی

اپنا لی ہوس والوں نے جو رسم چلی ہے

دلداریِ واعظ کو ہمیں باقی ہیں ورنہ

اب شہر میں ہر رندِ خرابات ولی ہے

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کس راہ کی جانب سے صبا آتی ہے دیکھو

اپریل 4, 2012فیض احمد فیض،دستِ تہِ سنگ،غزلصبا،صداadmin

فیض احمد فیض ۔ غزل نمبر 2

یہ خوں کی مہک ہے کہ لبِ یار کی خوشبو

کس راہ کی جانب سے صبا آتی ہے دیکھو

گلشن میں بہار آئی کہ زنداں ہُوا آباد

کِس سمت سے نغموں کی صدا آتی ہے دیکھو

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آگ سلگاو آبگینوں میں

اپریل 3, 2012فیض احمد فیض،زنداں نامہ،غزلمہینوں،آبگینوںadmin

فیض احمد فیض ۔ غزل نمبر 34

رات ڈھلنے لگی ہے سینوں میں

آگ سلگاو آبگینوں میں

دلِ عشا ق کی خبر لینا

پھول کھلتے ہیں ان مہینوں میں

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

نہ شب کو دن سے شکایت نہ دن کو شب سے ہے

اپریل 3, 2012فیض احمد فیض،زنداں نامہ،غزللب،کب،ادب،سبب،شبadmin

فیض احمد فیض ۔ غزل نمبر 33

تری امید، ترا انتظار جب سے ہے

نہ شب کو دن سے شکایت نہ دن کو شب سے ہے

کسی کا درد ہو کرتے ہیں تیرے نام رقم

گلہ ہے جو بھی کسی سے ترے سبب سے ہے

ہوا ہے جب سے دلِ ناصبور بے قابو

کلام تجھ سے نظر کو بڑے ادب سے ہے

اگر شرر ہے تو بھڑکے، جو پھول ہے تو کھِلے

طرح طرح کی طلب، تیرے رنگِ لب سے ہے

کہاں گئے شبِ فرقت کے جاگنے والے

ستارہء سحری ہمکلام کب سے ہے

لاہور

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کیا خبر آج خراماں سرِ‌گلزار ہے کون

اپریل 3, 2012فیض احمد فیض،زنداں نامہ،غزلرخسار،سرِ‌گلزار،طلبگار،طرحدارadmin

فیض احمد فیض ۔ غزل نمبر 32

صبح کی آج جو رنگت ہے وہ پہلے تو نہ تھی

کیا خبر آج خراماں سرِ‌گلزار ہے کون

شام گلنار ہوئی جاتی ہے دیکھو تو سہی

یہ جو نکلا ہے لیے مشعلِ رخسار، ہے کون

رات مہکی ہوئی آتی ہے کہیں سے پوچھو

آج بکھرائے ہوئے زلفِ طرحدار ہے کون

پھر درِ دل پہ کوئی دینے لگا ہے دستک

جانیے پھر دلِ وحشی کا طلبگار ہے کون

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تو صبح جھوم کے گلزار ہو گئی یکسر

اپریل 3, 2012فیض احمد فیض،زنداں نامہ،غزلگلزار،طرحدارadmin

فیض احمد فیض ۔ غزل نمبر 31

کِھلے جو ایک دریچے میں آج حسن کے پھول

تو صبح جھوم کے گلزار ہو گئی یکسر

جہاں کہیں‌ بھی گرا نور اُن نگاہوں سے

ہر ایک چیز طرحدار ہو گئی یکسر

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تمہاری یاد سے دل ہمکلام رہتا ہے

اپریل 3, 2012فیض احمد فیض،زنداں نامہ،غزلہمکلام،مقامadmin

فیض احمد فیض ۔ غزل نمبر 30

تمہارے حسن سے رہتی ہے ہمکنار نظر

تمہاری یاد سے دل ہمکلام رہتا ہے

رہی فراغتِ ہجراں تو ہو رہے گا طے

تمہاری چاہ کا جو جو مقام رہتا ہے

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہر اک صدا میں ترے حرفِ‌ لطف کا آہنگ

اپریل 3, 2012فیض احمد فیض،زنداں نامہ،غزلآہنگ،رنگadmin

فیض احمد فیض ۔ غزل نمبر 29

تمام شب دلِ وحشی تلاش کرتا ہے

ہر اک صدا میں ترے حرفِ‌ لطف کا آہنگ

ہر ایک صبح ملاتی ہے بار بار نظر

ترے دہن سے ہر اک لالہ و گلاب کا رنگ

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کوچہء یار سے بے نیلِ‌ مرام آتا ہے

اپریل 3, 2012فیض احمد فیض،زنداں نامہ،غزلمرام،نام،تمام،خرام،شامadmin

فیض احمد فیض ۔ غزل نمبر 28

یوں بہار آئی ہے اس بار کہ جیسے قاصد

کوچہء یار سے بے نیلِ‌ مرام آتا ہے

ہر کوئی شہر میں پھرتا ہے سلامت دامن

رند میخانے سے شائستہ خرام آتا ہے

ہوسِ‌ مطرب و ساقی میں‌پریشاں اکثر

ابر آتا ہے کبھی ماہِ تمام آتا ہے

شوق والوں‌ کی حزیں‌ محفلِ شب میں اب بھی

آمدِ صبح کی صورت ترا نام آتا ہے

اب بھی اعلانِ سحر کرتا ہوا مست کوئی

داغِ دل کرکے فروزاں سرِ شام آتا ہے

ناتمام ۔ لاہور

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کوئی کرتا ہی نہیں ضبط کی تاکید اب کے

اپریل 3, 2012فیض احمد فیض،زنداں نامہ،غزلنہیں‌تمہید،تاکید،خورشید،دید،عیدadmin

فیض احمد فیض ۔ غزل نمبر 27

شہر میں‌ چاک گریباں ہوئے ناپید اب کے

کوئی کرتا ہی نہیں ضبط کی تاکید اب کے

لطف کر، اے نگہِ یار ، کہ غم والوں‌ نے

حسرتِ دل کی اُٹھائی نہیں‌تمہید اب کے

چاند دیکھا تری آنکھوں میں ، نہ ہونٹوں پہ شفق

ملتی جلتی ہے شبِ غم سے تری دید اب کے

دل دکھا ہے نہ وہ پہلا سا، نہ جاں تڑپی ہے

ہم ہی غافل تھے کہ آئی ہی نہیں عید اب کے

پھر سے بجھ جائیں گی شمعیں‌ جو ہوا تیز چلی

لا کے رکھو سرِ محفل کوئی خورشید اب کے

کراچی

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

گل کھلے جاتے ہیں وہ سایہء در تو دیکھو

اپریل 3, 2012فیض احمد فیض،زنداں نامہ،غزلہنر،نظر،تر،جگر،در،راہگزرadmin

فیض احمد فیض ۔ غزل نمبر 23

گرمیء شوقِ نظارہ کا اثر تو دیکھو

گل کھلے جاتے ہیں وہ سایہء در تو دیکھو

ایسے ناداں بھی نہ تھے جاں سے گزرنے والے

ناصحو ، پندگرو، راہگزر تو دیکھو

وہ تو وہ ہے، تمہیں ہوجائے گی الفت مجھ سے

اک نظر تم مرا محبوبِ نظر تو دیکھو

وہ جو اب چاک گریباں بھی نہیں کرتے ہیں

دیکھنے والو کبھی اُن کا جگر تو دیکھو

دامنِ درد کو گلزار بنا رکھا ہے

آؤ اِک دن دلِ پُر خوں کا ہنر تو دیکھو

صبح کی طرح جھمکتا ہے شبِ غم کا افق

فیض، تابندگیء دیدہء تر تو دیکھو

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

رنگِ رخسار کی پھوہار گری

اپریل 3, 2012فیض احمد فیض،زنداں نامہ،غزلپھوہار،آبشارadmin

فیض احمد فیض ۔ غزل نمبر 21

صبح پھوٹی تو آسماں پہ ترے

رنگِ رخسار کی پھوہار گری

رات چھائی تو روئے عالم پر

تیری زلفوں کی آبشار گری

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم بادہ کشوں کے حصے کی، اب جام میں کمتر جاتی ہے

اپریل 3, 2012فیض احمد فیض،زنداں نامہ،غزلمنور،کمتر،کر،برابر،در،ستمگرadmin

فیض احمد فیض ۔ غزل نمبر 18

کچھ محتسبوں کی خلوت میں، کچھ واعظ کے گھر جاتی ہے

ہم بادہ کشوں کے حصے کی، اب جام میں کمتر جاتی ہے

یوں عرض و طلب سے کب اے دل، پتھر دل پانی ہوتے ہیں

تم لاکھ رضا کی خُو ڈالو، کب خوئے ستمگر جاتی ہے

بیداد گروں کی بستی ہے یاں داد کہاں خیرات کہاں

سر پھوڑتی پھرتی ہے ناداں فریاد جو در در جاتی ہے

ہاں، جاں کے زیاں کی ہم کو بھی تشویش ہے لیکن کیا کیجے

ہر رہ جو اُدھر کو جاتی ہے، مقتل سے گزر کر جاتی ہے

اب کوچہء دلبر کا رہرو، رہزن بھی بنے تو بات بنے

پہرے سے عدو ٹلتے ہی نہیں اور رات برابر جاتی ہے

ہم اہلِ قفس تنہا بھی نہیں، ہر روز نسیمِ صبحِ وطن

یادوں سے معطر آتی ہے اشکوں سے منور جاتی ہے

منٹگمری جیل

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

منتِ‌این و آں تو چھوٹے گی

اپریل 3, 2012فیض احمد فیض،زنداں نامہ،غزلآں،جاںadmin

فیض احمد فیض ۔ غزل نمبر 17

فکرِ سود و زیاں تو چھوٹے گی

منتِ‌این و آں تو چھوٹے گی

خیر، دوزخ میں مے ملے نہ ملے

شیخ صاحب سے جاں تو چھوٹے گی

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چلے بھی آؤ کہ گلشن کا کاروبار چلے

اپریل 3, 2012فیض احمد فیض،زنداں نامہ،غزلمشکبار،یار،کاروبار،تار،دار،سنوار،غمگسارadmin

فیض احمد فیض ۔ غزل نمبر 15

گلوں میں رنگ بھرے بادِ نو بہار چلے

چلے بھی آؤ کہ گلشن کا کاروبار چلے

قفس اداس ہے یارو صبا سے کچھ تو کہو

کہیں تو بہرِ خدا آج ذکرِ یار چلے

کبھی تو صبح ترے کنجِ لب سے ہو آغاز

کبھی تو شب سرِ کاکل سے مشکبار چلے

بڑا ھے درد کا رشتہ، یہ دل غریب سہی

تمہارے نام پہ آئیں گے غمگسار چلے

جو ہم پہ گزری سو گزری مگر شبِ ہجراں

ہمارے اشک تری عاقبت سنوار چلے

حضورِ‌ یار ہوئی دفترِ جنوں کی طلب

گرہ میں لے کے گریباں کا تار تار چلے

مقام، فیض، کوئی راہ میں جچا ہی نہیں

جو کوئے یار سے نکلے تو سوئے دار چلے

منٹگمری جیل

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دشنام تو نہیں ہے، یہ اکرام ہی تو ہے

اپریل 3, 2012فیض احمد فیض،زنداں نامہ،غزلہنگام،نام،ناکام،ایام،اکرام،بام،شامadmin

فیض احمد فیض ۔ غزل نمبر 13

ہم پر تمہاری چاہ کا الزام ہی تو ہے

دشنام تو نہیں ہے، یہ اکرام ہی تو ہے

کرتے ہیں جس پہ طعن کوئی جرم تو نہیں

شوقِ فضول و الفتِ ناکام ہی تو ہے

دل مدعی کے حرفِ ملامت سے شاد ہے

اے جانِ جاں یہ حرف ترا نام ہی تو ہے

دل ناامید تو نہیں، ناکام ہی تو ہے

لبمی ہے غم کی شام مگر شام ہی تو ہے

دستِ فلک میں گردشِ تقدیر تو نہیں

دستِ فلک میں گردشِ ایام ہی تو ہے

آخر تو ایک روز کرے گی نظر وفا

وہ یارِ خوش خصال سرِ بام ہی تو ہے

بھیگی ہے رات فیض غزل ابتدا کرو

وقتِ سرود، درد کا ہنگام ہی تو ہے

منٹگمری جیل

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

صد شکر کہ اپنی راتوں میں اب ہجر کی کوئی رات نہیں

اپریل 3, 2012فیض احمد فیض،زنداں نامہ،غزلمات،بات،حالات،ذات،راتadmin

فیض احمد فیض ۔ غزل نمبر 12

کب یاد میں تیرا ساتھ نہیں، کب ہات میں تیرا ہات نہیں

صد شکر کہ اپنی راتوں میں اب ہجر کی کوئی رات نہیں

مشکل ہے اگر حالات وہاں، دل بیچ آئیں جاں دے آئیں

دل والو کوچہء جاناں میں‌کیا ایسے بھی حالات نہیں

جس دھج سے کوئی مقتل میں گیا، وہ شان سلامت رہتی ہے

یہ جان توآنی جانی ہے ، اس جاں کی تو کوئی بات نہیں

میدانِ وفا دربار نہیں یاں‌ نام و نسب کی پوچھ کہاں

عاشق تو کسی کا نام نہیں، کچھ عشق کسی کی ذات نہیں

گر بازی عشق کی بازی ہے جو چاہو لگا دو ڈر کیسا

گرجیت گئے تو کیا کہنا، ہارے بھی تو بازی مات نہیں

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

شوخیِ رنگِ گلستاں ہے وہی

اپریل 3, 2012فیض احمد فیض،زنداں نامہ،غزلمہرباں،گلستاں،آسماں،آشیاں،جاں‌،داستاںadmin

فیض احمد فیض ۔ غزل نمبر 11

شاخ پر خونِ گل رواں ہے وہی

شوخیِ رنگِ گلستاں ہے وہی

سروہی ہے تو آستاں ہے وہی

جاں وہی ہے تو جانِ جاں‌ہے وہی

اب جہاں مہرباں نہیں کوئی

کوچہء یارِ مہرباں ہے وہی

برق سو بار گر کے خاک ہوئی

رونقِ خاکِ آشیاں ہے وہی

آج کی شب وصال کی شب ہے

دل سے ہر روز داستاں ہے وہی

چاند تارے ادھر نہیں آتے

ورنہ زنداں میں‌ آسماں ہے وہی

منٹگمری جیل

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دل کی حالت سنبھل چلی ہے

اپریل 3, 2012فیض احمد فیض،زنداں نامہ،غزلڈھل،ٹل،پل،بہل،بدل،سنبھلadmin

فیض احمد فیض ۔ غزل نمبر 9

بات بس سے نکل چلی ہے

دل کی حالت سنبھل چلی ہے

اب جنوں حد سے بڑھ چلا ہے

اب طبیعت بہل چلی ہے

اشک خونناب ہو چلے ہیں

غم کی رنگت بدل چلی ہے

یا یونہی، بجھ رہی ہیں شمعیں

یا شبِ ہجر ٹل چلی ہے

لاکھ پیغام ہو گئے ہیں

جب صبا ایک پل چلی ہے

جاو اب سو رہو ستارو

درد کی رات ڈھل چلی ہے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہ رات جو کہ ترے گیسوؤں کی رات نہیں

اپریل 3, 2012فیض احمد فیض،زنداں نامہ،غزلبات،راتadmin

فیض احمد فیض ۔ غزل نمبر 8

نہ آج لطف کر اتنا کہ کل گزر نہ سکے

وہ رات جو کہ ترے گیسوؤں کی رات نہیں

یہ آرزو بھی بڑی چیز ہے مگر ہمدم

وصالِ یار فقط آرزو کی بات نہیں

قطعہ

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

شبِ سیہ سے طلب حسنِ یار کرتے رہے

اپریل 3, 2012فیض احمد فیض،زنداں نامہ،غزلیار،انتظار،اختیار،استوار،بار،روزگار،رازدارadmin

فیض احمد فیض ۔ غزل نمبر 6

رہِ خزاں میں تلاشِ بہار کرتے رہے

شبِ سیہ سے طلب حسنِ یار کرتے رہے

خیالِ یار، کبھی ذکرِ یار کرتے رہے

اسی متاع پہ ہم روزگار کرتے رہے

نہیں شکایتِ ہجراں کہ اس وسیلے سے

ہم اُن سے رشتہء دل استوار کرتے رہے

وہ دن کہ کوئی بھی جب وجہِ انتظار نہ تھی

ہم اُن میں تیرا سوا انتظار کرتے رہے

ہم اپنے راز پہ نازاں تھے ، شرمسار نہ تھے

ہر ایک سے سخنِ‌ رازدار کرتے رہے

ضیائے بزمِ جہاں بار بار ماند ہوئی

حدیثِ شعلہ رخاں بار بار کرتے رہے

انہیں کے فیض سے بازارِ عقل روشن ہے

جو گاہ گاہ جنوں اختیار کرتے رہے

جناح ہسپتال، کراچی

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دل تھا کہ پھر بہل گیا، جاں تھی کہ پھر سنبھل گئی

اپریل 3, 2012فیض احمد فیض،زنداں نامہ،غزلمچل،نکل،ڈھل،بدل،سنبھلadmin

فیض احمد فیض ۔ غزل نمبر 5

شامِ فراق، اب نہ پوچھ، آئی اور آکے ٹل گئی

دل تھا کہ پھر بہل گیا، جاں تھی کہ پھر سنبھل گئی

بزمِ خیال میں ترے حسن کی شمع جل گئی

درد کا چاند بجھ گیا، ہجر کی رات ڈھل گئی

جب تجھے یاد کرلیا، صبح مہک مہک اٹھی

جب ترا غم جگا لیا، رات مچل مچل گئی

دل سے تو ہر معاملہ کرکے چلے تھے صاف ہم

کہنے میں ان کے سامنے بات بدل بدل گئی

آخرِ شب کے ہمسفر فیض نجانے کیا ہوئے

رہ گئی کس جگہ صبا، صبح کدھر نکل گئی

جناح ہسپتال کراچی

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سزا، خطائے نظر سے پہلے، عتاب جرمِ سخن سے پہلے

اپریل 3, 2012فیض احمد فیض،زنداں نامہ،غزلوطن،پن،تن،رسن،سمن،سخنadmin

فیض احمد فیض ۔ غزل نمبر 4

ستم کی رسمیں بہت تھیں لیکن، نہ تھی تری انجمن سے پہلے

سزا، خطائے نظر سے پہلے، عتاب جرمِ سخن سے پہلے

جو چل سکو تو چلو کہ راہِ وفا بہت مختصر ہوئی ہے

مقام ہے اب کوئی نہ منزل، فرازِ دار و رسن سے پہلے

نہیں رہی اب جنوں کی زنجیر پر وہ پہلی اجارہ داری

گرفت کرتے ہیں کرنے والے خرد پہ دیوانہ پن سے پہلے

کرے کوئی تیغ کا نظارہ، اب اُن کو یہ بھی نہیں گوارا

بضد ہے قاتل کہ جانِ بسمل فگار ہو جسم و تن سے پہلے

غرورِ سرو و سمن سے کہہ دو کہ پھر وہی تاجدار ہوں گے

جو خار و خس والیء چمن تھے عروجِ سرو و سمن سے پہلے

ادھر تقاضے ہیں مصلحت کے، ادھر تقاضائے دردِ دل ہے

زباں سنبھالیں کہ دل سنبھالیں ، اسیر ذکر وطن سے پہلے

حیدرآباد جیل ١٧، ٢٢ مئی ٥٤ء

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم لوگ سرخرو ہیں کہ منزل سے آئے ہیں

اپریل 3, 2012فیض احمد فیض،زنداں نامہ،غزلقاتل،منزل،محفل،دل،شمائلadmin

فیض احمد فیض ۔ غزل نمبر 2

سب قتل ہوکے تیرے مقابل سے آئے ہیں

ہم لوگ سرخرو ہیں کہ منزل سے آئے ہیں

شمعِ نظر، خیال کے انجم ، جگر کے داغ

جتنے چراغ ہیں، تری محفل سے آئے ہیں

اٹھ کر تو آگئے ہیں تری بزم سے مگر

کچھ دل ہی جانتا ہے کہ کس دل سے آئے ہیں

ہر اک قدم اجل تھا، ہر اک گام زندگی

ہم گھوم پھر کے کوچہء قاتل سے آئے ہیں

بادِ خزاں کا شکر کرو، فیض جس کے ہاتھ

نامے کسی بہار شمائل سے آئے ہیں

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

شکر ہے زندگی تباہ نہ کی

اپریل 3, 2012فیض احمد فیض،زنداں نامہ،غزلناف،وراہ،آہ،تباہadmin

فیض احمد فیض ۔ غزل نمبر 1

شیخ صاحب سے رسم و راہ نہ کی

شکر ہے زندگی تباہ نہ کی

تجھ کو دیکھا تو سیر چشم ہُوے

تجھ کو چاہا تو اور چاہ نہ کی

تیرے دستِ ستم کا عجز نہیں

دل ہی کافر تھا جس نے آہ نہ کی

تھے شبِ ہجر، کام اور بہت

ہم نے فکرِ دلِ تباہ نہ کی

کون قاتل بچا ہے شہر میں فیض

جس سے یاروں نے رسم وراہ نہ کی

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اپنالی ہوس والوں نے جو رسم چلی ہے

اپریل 2, 2012فیض احمد فیض،دستِ صبا،غزلچلی،ولیadmin

فیض احمد فیض ۔ غزل نمبر 42

میخانے کی رونق ہیں کبھی خانقہوں کی

اپنالی ہوس والوں نے جو رسم چلی ہے

دلداریء واعظ کو ہمیں باقی ہیں ورنہ

اب شہر میں ہر رندِ خرابات ولی ہے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سب کچھ نثارِ راہِ وفا کر چکے ہیں ہم

اپریل 2, 2012فیض احمد فیض،دستِ صبا،غزلقبا،وفا،گِلا،پتا،جدا،خفا،سواadmin

فیض احمد فیض ۔ غزل نمبر 41

قرضِ نگاہِ یار ادا کر چکے ہیں ہم

سب کچھ نثارِ راہِ وفا کر چکے ہیں ہم

کچھ امتحانِ دستِ جفا کر چکے ہیں ہم

کچھ اُن کی دسترس کا پتا کر چکے ہیں ہم

اب احتیاط کی کوئی صورت نہیں رہی

قاتل سے رسم و راہ سوا کر چکے ہیں ہم

دیکھیں ہے کون کون، ضرورت نہیں رہی

کوئے ستم میں سب کو خفا کر چکے ہیں ہم

اب اپنا اختیار ہے چاہیں جہاں چلیں

رہبر سے اپنی راہ جدا کر چکے ہیں ہم

ان کی نظر میں، کیا کریں پھیکا ہے اب بھی رنگ

جتنا لہو تھا صرفِ قبا کر چکے ہیں ہم

کچھ اپنے دل کی خو کا بھی شکرانہ چاہیے

سو بار اُن کی خُو کا گِلا کر چکے ہیں ہم

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جب چاہا کر لیا ہے کنجِ قفس بہاراں

اپریل 2, 2012فیض احمد فیض،دستِ صبا،غزلفگاراں،یاراں،کناراں،گساراں،بہاراں،باراں،خواراں،شعاراںadmin

فیض احمد فیض ۔ غزل نمبر 40

یادِ غزال چشماں، ذکرِ سمن عذاراں

جب چاہا کر لیا ہے کنجِ قفس بہاراں

آنکھوں میں درد مندی، ہونٹوں پہ عذر خواہی

جانانہ وارآئی شامِ فراقِ یاراں

ناموسِ جان و دل کی بازی لگی تھی ورنہ

آساں نہ تھی کچھ ایسی راہِ وفا شعاراں

مجرم ہو خواہ کوئی، رہتا ہے ناصحوں کا

روئے سخن ہمیشہ سوئے جگر فگاراں

ہے اب بھی وقت زاہد، ترمیمِ زہد کر لے

سوئے حرم چلا ہے انبوہِ بادہ خواراں

شاید قریب پہنچی صبحِ وصال ہمدم

موجِ صبا لیے ہے خوشبوئے خوش کناراں

ہے اپنی کشتِ ویراں، سرسبز اس یقیں سے

آئیں گے اس طرف بھی اک روز ابرو باراں

آئے گی فیض اک دن بادِ بہار لے کر

تسلیمِ مے فروشاں، پیغامِ مے گساراں

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آشنا شکل ہر حسیں کی ہے

اپریل 2, 2012فیض احمد فیض،دستِ صبا،غزلنہیں،نازنیں،کہیں،آتشیں،آستیں،حسیں،دیں،زمیںadmin

فیض احمد فیض ۔ غزل نمبر 36

تیری صورت جو دلنشیں کی ہے

آشنا شکل ہر حسیں کی ہے

حسن سے دل لگا کے ہستی کی

ہرگھڑی ہم نے آتشیں کی ہے

صبحِ گل ہو کہ شامِ مے خانہ

مدح اس روئے نازنیں کی ہے

شیخ سے بے ہراس ملتے ہیں

ہم نے توبہ ابھی نہیں کی ہے

ذکر دوزخ، بیانِ حور و قصور

بات گویا یہیں کہیں کی ہے

اشک تو کچھ بھی رنگ لا نہ سکے

خوں سے تر آج آستیں کی ہے

کیسے مانیں حرم کے سہل پسند

رسم جو عاشقوں کے دیں کی ہے

فیض اوجِ خیال سے ہم نے

آسماں سندھ کی زمیں کی ہے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پھر آج کوئے بتاں کا ارادہ رکھتے ہیں

اپریل 2, 2012فیض احمد فیض،دستِ صبا،غزللبادہ،کشادہ،ارادہ،بادہ،زیادہ،سادہadmin

فیض احمد فیض ۔ غزل نمبر 35

کسی گماں پہ توقع زیادہ رکھتے ہیں

پھر آج کوئے بتاں کا ارادہ رکھتے ہیں

بہار آئے گی جب آئے گی، یہ شرط نہیں

کہ تشنہ کام رہیں گرچہ بادہ رکھتے ہیں

تری نظر کا گلہ کیا؟ جو ہے گلہ دل کا

تو ہم سے ہے، کہ تمنا زیادہ رکھتے ہیں

نہیں شراب سے رنگیں تو غرقِ خوں ہیں کہ ہم

خیالِ وضعِ قمیص و لبادہ رکھتے ہیں

غمِ جہاں ہو، غمِ یار ہو کہ تیر ستم

جو آئے، آئے کہ ہم دل کشادہ رکھتے ہیں

جوابِ واعظِ چابک زباں میں فیض ہمیں

یہی بہت ہیں جو دو حرفِ سادہ رکھتے ہیں

نذرِ غالب

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اس کے بعد آئے جو عذاب آئے

اپریل 2, 2012فیض احمد فیض،دستِ صبا،غزلنقاب،کامیاب،آفتاب،انقلاب،باب،جواب،حساب،خراب،عذابadmin

فیض احمد فیض ۔ غزل نمبر 34

آئے کچھ ابر، کچھ شراب آئے

اس کے بعد آئے جو عذاب آئے

بامِ مینا سے ماہتاب اُترے

دستِ ساقی میں، آفتاب آئے

ہر رگِ خوں میں پھر چراغاں ہو

سامنے پھر وہ بے نقاب آئے

عمر کے ہر ورق پہ دل کو نظر

تیری مہر و وفا کے باب آئے

کر رہا تھا غم جہاں کا حساب

آج تم یاد بے حساب آئے

نہ گئی تیرے غم کی سرداری

دل میں یوں روز انقلاب آئے

جل اُٹھے بزم غیر کے دروبام

جب بھی ہم خانماں خراب آئے

اس طرح اپنی خامشی گونجی

گویا ہر سمت سے جواب آئے

فیض تھی راہ سربسر منزل

ہم جہاں پہنچے، کامیاب آئے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جو بھی چل نکلی ہے وہ بات کہاں ٹھہری ہے

اپریل 2, 2012فیض احمد فیض،دستِ صبا،غزلفغاں،کہاں،گراں،بیاں،بتاں،جہاں،جاں،خزاں،زباںadmin

فیض احمد فیض ۔ غزل نمبر 32

اب وہی حرفِ جنوں سب کی زباں ٹھہری ہے

جو بھی چل نکلی ہے وہ بات کہاں ٹھہری ہے

آج تک شیخ کے اکرام میں جو شے تھی حرام

اب وہی دشمنِ دیں ، راحتِ جاں ٹھہری ہے

ہے خبر گرم کہ پھرتا ہے گریزاں ناصح

گفتگو آج سرِ کوئے بتاں ٹھہری ہے

ہے وہی عارضِ لیلیٰ ، وہی شیریں کا دہن

نگہِ شوق گھڑی بھر کو جہاں ٹھہری ہے

وصل کی شب تھی تو کس درجہ سبک گزری تھی

ہجر کی شب ہے تو کیا سخت گراں ٹھہری ہے

بکھری اک بار تو ہاتھ آئی ہے کب موجِ شمیم

دل سے نکلی ہے تو کب لب پہ فغاں ٹھہری ہے

دستِ صیاد بھی عاجز ، ہے کفِ گلچیں بھی

بوئے گل ٹھہری نہ بلبل کی زباں ٹھہری ہے

آتے آتے یونہی دم بھر کو رکی ہو گی بہار

جاتے جاتے یونہی پل بھر کو خزاں ٹھہری ہے

ہم نے جو طرزِ فغاں کی ہے قفس میں ایجاد

فیض گلشن میں وہی طرزِ بیاں ٹھہری ہے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جیسے بچھڑے ہوئے کعبے میں صنم آتے ہیں

اپریل 2, 2012فیض احمد فیض،دستِ صبا،غزلقدم،کم،کرم،حرم،صنمadmin

فیض احمد فیض ۔ غزل نمبر 29

دل میں اب یوں ترے بھولے ہوئے غم آتے ہیں

جیسے بچھڑے ہوئے کعبے میں صنم آتے ہیں

ایک اک کرکے ہوئے جاتے ہیں تارے روشن

میری منزل کی طرف تیرے قدم آتے ہیں

رقصِ مے تیز کرو، ساز کی لے تیز کرو

سوئے مے خانہ سفیرانِ حرم آتے ہیں

کچھ ہمیں کو نہیں احسان اُٹھانے کا دماغ

وہ تو جب آتے ہیں، مائل بہ کرم آتے ہیں

اور کچھ دیر نہ گزرے شبِ فرقت سے کہو

دل بھی کم دکھتا ہے، وہ یاد بھی کم آتے ہیں

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

موسمِ گل ہے تمہارے بام پر آنے کا نام

اپریل 2, 2012فیض احمد فیض،دستِ صبا،غزلکاadmin

فیض احمد فیض ۔ غزل نمبر 26

رنگ پیرہن کا خوشبو ، زلف لہرانے کا نام

موسمِ گل ہے تمہارے بام پر آنے کا نام

دوستو ، اُس چشم و لب کی کچھ کہو جس کے بغیر

گلستاں کی بات رنگیں ہے، نہ میخانے کا نام

پھر نظر میں پھول مہکے، دل میں پھر شمعیں جلیں

پھر تصور نے لیا اُس بزم میں جانے کا نام

دلبری ٹھہرا زبانِ خلق کھلوانے کا نام

اب نہیں لیتے پری رُو زلف بکھرانے کا نام

اب کسی لیلیٰ کو بھی اقرارِ محبوبی نہیں

ان دنوں بدنام ہے ہر ایک دیوانے کا نام

محتسب کی خیر، اونچا ہے اسی کے فیض سے

رند کا ، ساقی کا، مے کا، خُم کا ،پیمانے کانام

ہم سے کہتے ہیں چمن والے، غریبانِ چمن

تم کوئی اچھا سا رکھ لو اپنے ویرانے کا نام

فیض اُن کو ہے تقاضائے وفا ہم سے جنہیں

آشنا کے نام سے پیارا ہے بیگانے کا نام

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہ اِک خلش کہ جسے تیرا نام کہتے ہیں

اپریل 2, 2012فیض احمد فیض،دستِ صبا،غزلفام،نام،انتظام،بام،تمام،حرام،عامadmin

فیض احمد فیض ۔ غزل نمبر 25

وہیں ہے دل کے قرائن تمام کہتے ہیں

وہ اِک خلش کہ جسے تیرا نام کہتے ہیں

تم آرہے ہو کہ بجتی ہیں میری زنجیریں

نہ جانے کیا مرے دیوار و بام کہتے ہیں

یہی کنارِ فلک کا سیہ تریں گوشہ

یہی ہے مطلعِ ماہِ تمام کہتے ہیں

پیو کہ مفت لگا دی ہے خونِ دل کی کشید

گراں ہے اب کے مئے لالہ فام کہتے ہیں

فقیہہِ شہر سے مے کا جواز کیا پوچھیں

کہ چاندنی کو بھی حضرت حرام کہتے ہیں

نوائے مرغ کو کہتے ہیں اب زیانِ چمن

کھلے نہ پھول ، اسے انتظام کہتے ہیں

کہو تو ہم بھی چلیں فیض، اب نہیں سِردار

وہ فرقِ مرتبہء خاص و عام ، کہتے ہیں

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

علاجِ درد ترے درد مند کیا کرتے

اپریل 2, 2012فیض احمد فیض،دستِ صبا،غزلمند،ناپسند،کمند،گزند،بلند،بندadmin

فیض احمد فیض ۔ غزل نمبر 24

گرانیِ شبِ ہجراں دو چند کیا کرتے

علاجِ درد ترے درد مند کیا کرتے

وہیں لگی ہے جو نازک مقام تھے دل کے

یہ فرق دستِ عدو کے گزند کیا کرتے

جگہ جگہ پہ تھے ناصح تو کُو بکُو دلبر

اِنہیں پسند، اُنہیں ناپسند کیا کرتے

ہمیں نے روک لیا پنجہء جنوں ورنہ

ہمیں اسیر یہ کوتہ کمند کیا کرتے

جنہیں خبر تھی کہ شرطِ نواگری کیا ہے

وہ خوش نوا گلہء قید و بند کیا کرتے

گلوئے عشق کو دار و رسن پہنچ نہ سکے

تو لوٹ آئے ترے سر بلند ، کیا کرتے !

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ذکرِ مرغانِ گرفتار کروں یا نہ کروں

اپریل 2, 2012فیض احمد فیض،دستِ صبا،غزلگفتار،گلنار،گرفتار،اصرار،بار،رخسار،طرحدارadmin

فیض احمد فیض ۔ غزل نمبر 22

فکر دلداریء گلزار کروں یا نہ کروں

ذکرِ مرغانِ گرفتار کروں یا نہ کروں

قصہء سازشِ اغیار کہوں یانہ کہوں

شکوہء یارِ طرحدار کروں یا نہ کروں

جانے کیا وضع ہے اب رسمِ وفا کی اے دل

وضعِ دیرینہ پہ اصرار کروں یا نہ کروں

جانے کس رنگ میں تفسیر کریں اہلِ ہوس

مدحِ زلف و لب و رخسار کروں یا نہ کروں

یوں بہار آئی ہے امسال کہ گلشن میں صبا

پوچھتی ہے گزر اس بار کروں یا نہ کروں

گویا اس سوچ میں ہے دل میں لہو بھر کے گلاب

دامن و جیب کو گلنار کروں یا نہ کروں

ہے فقط مرغِ غزلخواں کہ جسے فکر نہیں

معتدل گرمیء گفتار کروں یا نہ کروں

نذرِ سودا

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

عشق کے دم قدم کی بات کرو

اپریل 2, 2012فیض احمد فیض،دستِ صبا،غزلقدم،نم،کرم،جم،حرم،صنم،غمadmin

فیض احمد فیض ۔ غزل نمبر 21

عجزِ اہل ستم کی بات کرو

عشق کے دم قدم کی بات کرو

بزمِ اہل طرب کو شرماو

بزمِ اصحابِ غم کی بات کرو

بزمِ ثروت کے خوش نشینوں سے

عظمتِ چشمِ نم کی بات کرو

ہے وہی بات یوں بھی اور یوں بھی

تم ستم یا کرم کی بات کرو

خیر، ہیں اہلِ دیر جیسے ہیں

آپ اہل حرم کی بات کرو

ہجر کی شب تو کٹ ہی جائے گی

روزِ وصلِ صنم کی بات کرو

جان جائیں گے جاننے والے

فیض، فرہاد و جم کی بات کرو

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔