زمرہ جات کے محفوظات: غزل

میں عشق میں ہوں آشفتہ سرو میں عشق میں ہوں

دسمبر 1, 2007منصور آفاق،شعراء،غزلہو،پڑھو،پرو،دو،رو،سروadmin

منصور آفاق ۔ غزل نمبر 289

میں عشق میں ہوں خاموش رہو میں عشق میں ہوں

میں عشق میں ہوں آشفتہ سرو میں عشق میں ہوں

اے شعلۂ گل کے سرخ لبوں کی شوخ شفق

چپ چاپ رہو آوازنہ دو میں عشق میں ہوں

اے صحن چمن کے پچھلے پہر کی تیز ہوا

مت پھولوں کے اب ہار پُرو میں عشق میں ہوں

آوازنہ دے اب کوئی مجھے چپ رنگ رہیں

اے قوسِ قزح کے نرم پرو میں عشق میں ہوں

ہے تیز بہت یہ آگ لہو کی پہلے بھی

اے جلوۂ گل بیباک نہ ہو میں عشق میں ہوں

ہے نام لکھا معشوقِ ازل کا ماتھے پر

اے ظلم و ستم کے شہر پڑھو میں عشق میں ہوں

اب حالتِ دل کو اور چھپانا ٹھیک نہیں

منصور اسے یہ کہہ کر رو میں عشق میں ہوں

منصور آفاق

اب گلیوں میں اعلان کرو میں عشق میں ہوں

دسمبر 1, 2007منصور آفاق،شعراء،غزلکہو،کرو،گرو،بھروadmin

منصور آفاق ۔ غزل نمبر 288

اے کوچہ ء دل کے بخت ورو میں عشق میں ہوں

اب گلیوں میں اعلان کرو میں عشق میں ہوں

تم شہر کی سب دیوار وں اورپوشاکوں پر

دل پینٹ کرو تصویر گرو میں عشق میں ہوں

بازار کی ساری رقاصاؤ گلیوں میں

اب ڈھول بجا کر رقص کرو میں عشق میں ہوں

کچھ رنگِچراغاں اور کرو کچھ اور کرو

کچھ سرخ غبارے اور بھرو میں عشق میں ہوں

اب ہاتھ بڑھاکر سب کے گربیاں چاک کرو

اب زور سے تم منصور کہو میں عشق میں ہوں

منصور آفاق

پڑا ملنگِ علی کے دلِ فراغ میں ہوں

دسمبر 1, 2007منصور آفاق،شعراء،غزلفراغ،چراغ،ایاغ،دماغ،داغ،سراغadmin

منصور آفاق ۔ غزل نمبر 287

جہاں ازل بھی ابد بھی ،اک ایسے باغ میں ہوں

پڑا ملنگِ علی کے دلِ فراغ میں ہوں

میں جاودانی کا پانی ، میں جرعہِ آبِ حیات

یہ اور بات کہ ٹوٹے ہوئے ایاغ میں ہوں

ستارہ ، قمقمہ ، جگنو ، دیا ہے میرا نام

میں کائناتِ سیہ کے ہر اک داغ میں ہوں

مری طرف بھی نظر کر ، مجھے بھی دیکھ کہ میں

ترے مزار کے جلتے ہوئے چراغ میں ہوں

اندھیرے خوف زدہ ہیں مری شہادت سے

کھٹکتا رہتا سدا رات کے دماغ میں ہوں

میں دوپہر کے تسلسل کا سوختہ منصور

چراغ لے کے کسی رات کے سراغ میں ہوں

منصور آفاق

میں تیرے ساتھ ہوں اور تیرے انتظار میں ہوں

دسمبر 1, 2007منصور آفاق،شعراء،غزلمار،یار،انتظار،جوار،خمار،شمارadmin

منصور آفاق ۔ غزل نمبر 286

گلی کے موڑ پہ ٹھہری ہوئی بہار میں ہوں

میں تیرے ساتھ ہوں اور تیرے انتظار میں ہوں

مرے مزاج میں ہرجائی پن ہی آنا تھا

مقیم روزِ ازل سے میں کوئے یار میں ہوں

تمہارے تاج محل سے جو پے بہ پے ابھرے

میں خستہ بام انہی زلزلوں کی مار میں ہوں

ہے آنے والے زمانوں پہ دسترس لیکن

میں اپنے ماضی ء مرحوم کے جوار میں ہوں

تمہارا پوچھتے رہتے ہیں لوگ مجھ سے بھی

یہی بہت ہے کہ میں بھی کسی شمار میں ہوں

جو مجھ پہ اٹھی تھی لطف و کرم میں بھیگی ہوئی

اُس اک نظر کے مسلسل ابھی خمار میں ہوں

میرا مقام یہ اہل خرد کہاں جانیں

سوادِ حسنِ نظرمیں ، نواحِ یار میں ہوں

مرے سوا جو کسی اور کا نہ ہو منصور

اک ایسے شخص کے برسوں سے انتظار میں ہوں

منصور آفاق

زندگانی کے مقاصد کچھ تو ہوں

دسمبر 1, 2007منصور آفاق،شعراء،غزلمقلد،مقاصد،ملحد،مجاہد،واحد،حاسد،شواہد،عقائدadmin

منصور آفاق ۔ غزل نمبر 285

اپنے جینے کے فوائد کچھ تو ہوں

زندگانی کے مقاصد کچھ تو ہوں

میرے گیتوں کو پہن لو تتلیو!

پھول میرے بھی مقلد کچھ تو ہوں

کوئی اچھا کام کرنا چاہتا ہوں

شہر میں میرے بھی حاسد کچھ تو ہوں

جن کی جنگیں زندگی کے واسطے

ایسے بھی تیرے مجاہد کچھ تو ہوں

تیرے قبضے میں زمین و آسماں

کچھ اِ دھر بھی ذاتِ واحد! کچھ تو ہوں

اس کی آنکھیں تیغ تیورہی سہی

قتل کے لیکن شواہد کچھ تو ہوں

لرزہ بر اندام جن سے دیوتا

ایسے منکر ایسے ملحد کچھ تو ہوں

کچھ تو ہوں منصور باتیں دین کی

نور پھیلاتے عقائد کچھ تو ہوں

منصور آفاق

کہیں بے کسی کا کلام ہوں کہیں دل کے روگ کی چیخ ہوں

دسمبر 1, 2007منصور آفاق،شعراء،غزللوگ،ابھوگ،جوگ،روگ،سوگadmin

منصور آفاق ۔ غزل نمبر 284

میں کوئی اداس سکوت ہوں میں کسی بروگ کی چیخ ہوں

کہیں بے کسی کا کلام ہوں کہیں دل کے روگ کی چیخ ہوں

کہیں ٹوٹ پھوٹ نہ جائے وہ مجھے آسمان کا خوف ہے

کوئی آہ ہوں میں فقیر کی ،کسی’ اللہ لوگ‘ کی چیخ ہوں

مرے صحنِ دل میں پڑی ہوئی بڑی خوفناک سی شام ہے

کوئی بین ہوں کسی رات کا کسی تازہ سوگ کی چیخ ہوں

کبھی حسرتوں کے زبان سُن کبھی اشک و آہ کی تان سُن

کبھی بھیرویں کا الاپ میں کبھی راگ جوگ کی چیخ ہوں

کبھی گفتگو کروں نرگ سے کبھی بات چیت سورگ سے

کوئی ڈائیلاگ ہوں کشف کا،میں کسی ابھوگ کی چیخ ہوں

منصور آفاق

یہ الگ بات بظاہر تجھے چھوڑ آیا ہوں

دسمبر 1, 2007منصور آفاق،شعراء،غزلمسافر،کافر،آخر،بظاہر،خاطرadmin

منصور آفاق ۔ غزل نمبر 283

دل نہیں مانتا میں پھرتجھے چھوڑ آیا ہوں

یہ الگ بات بظاہر تجھے چھوڑ آیا ہوں

پاؤں پتھر تھے پہاڑوں کی طرح لگتے ہیں

سچ یہی ہے تری خاطر تجھے چھوڑ آیا ہوں

تُو جہاں بھول گیا تھا مجھے رکھ کر جاناں

میں اسی جگہ پہ آخر تجھے چھوڑ آیا ہوں

تُو جہنم کی گلی میں مجھے چھوڑآیا تھا

میں تو جنت میں مسافر تجھے چھوڑ آیا ہوں

جتنا ممکن تھا ترا ساتھ دیا ہے لیکن

آخرش میں بھی اے کافر تجھے چھوڑ آیا ہوں

منصور آفاق

پر اپنے ساتھ گلی کو بھی موڑ دیتا ہوں

دسمبر 1, 2007منصور آفاق،شعراء،غزلموڑ،چھوڑ،پھوڑ،توڑ،جوڑadmin

منصور آفاق ۔ غزل نمبر 282

تم ایسے لوگوں کا رستہ میں چھوڑ دیتا ہوں

پر اپنے ساتھ گلی کو بھی موڑ دیتا ہوں

میں اس مقام پہ پہنچا ہوں عشق میں کہ جہاں

فراق و وصل کو آپس میں جوڑ دیتا ہوں

مجھے مزاج کی وحشت نے فتح مند رکھا

کہ ہار جاؤں تو سر اپنا پھوڑ دیتا ہوں

ابھی دھڑکتا ہے دل بھیڑیے کے سینے میں

ابھی غزال پکڑتا ہوں ، چھوڑ دیتا ہوں

ڈرا ہوا ہوں میں اپنے مزاج سے منصور

جو میری ہو نہ سکے، شے وہ توڑ دیتا ہوں

منصور آفاق

میں فائل بند کرنا چاہتا ہوں

دسمبر 1, 2007منصور آفاق،شعراء،غزلکھلنا،کرنا،گرنا،پڑھنا،رونا،رکنا،سمجھنا،سننا،سوچاadmin

منصور آفاق ۔ غزل نمبر 281

زمانے سے بچھڑنا چاہتا ہوں

میں فائل بند کرنا چاہتا ہوں

مقام صفر سے ملنے کی خاطر

کسی ٹاور سے گرنا چاہتا ہوں

لہومیں کالے کتے بھونکتے ہیں

کسی کے ساتھ سونا چاہتا ہوں

یہ کیوں پستی سے کرتا ہے محبت

میں پانی کو سمجھنا چاہتا ہوں

کبھی وحشی مسائل سے نکل کر

تجھے کچھ دیر رونا چاہتا ہوں

ذرا اونچی کرو آواز اس کی

ہوا کی بات سننا چاہتا ہوں

میں ہلکی ہلکی نیلی روشنی میں

بدن کا بورڈ پڑھنا چاہتا ہوں

پڑا ہوں بند اپنی ڈائری میں

کہیں پہ میں بھی کھلنا چاہتا ہوں

ازل سے پاؤں میں ہے ریل گاڑی

کہیں منصور رکنا چاہتا ہوں

منصور آفاق

اندھیرا ہے جہاں تک دیکھتا ہوں

دسمبر 1, 2007منصور آفاق،شعراء،غزللامکاں،نشاں،وہاں،آشیاں،جہاںadmin

منصور آفاق ۔ غزل نمبر 280

زمیں سے آسماں تک دیکھتا ہوں

اندھیرا ہے جہاں تک دیکھتا ہوں

جہاں تک ذہن و دل کی دسترس ہے

میں منظر کو وہاں تک دیکھتا ہوں

یونہی صحرا کہاں دیتے ہیں خبریں

ہوا کے میں نشاں تک دیکھتا ہوں

پرندے کھیلتے ہیں تیلیوں میں

قفس سے آشیاں تک دیکھتا ہوں

بجز دل ہے کہاں منصور ٹھہرا

مکاں سے لامکاں تک دیکھتا ہوں

منصور آفاق

آئینہ دیکھ کے میں حمد و ثنا کرتا ہوں

دسمبر 1, 2007منصور آفاق،شعراء،غزلکیا،پا،پتہ،ادا،ثنا،دعا،رہاadmin

منصور آفاق ۔ غزل نمبر 279

در کوئی جنتِ پندار کا وا کرتا ہوں

آئینہ دیکھ کے میں حمد و ثنا کرتا ہوں

رات اور دن کے کناروں کے تعلق کی قسم

وقت ملتے ہیں تو ملنے کی دعا کرتا ہوں

وہ ترا، اونچی حویلی کے قفس میں رہنا

یاد آئے تو پرندوں کو رہا کرتا ہوں

پہلے خود آپ بناتا ہوں تماشا اپنا

پھر تماشائی کا کردار ادا کرتا ہوں

پوچھتا رہتا ہوں موجوں سے گہر کی خبریں

اشکِ گم گشتہ کا دریا سے پتہ کرتا ہوں

کبھی آنکھوں سے بھری راہ گزر مجھ پہ گراں

دشت پیمائی کبھی آبلہ پا کرتا ہوں

مجھ سے منصور کسی نے تو یہ پوچھا ہوتا

ننگے پاؤں میں ترے شہر میں کیا کرتا ہوں

منصور آفاق

الاؤ سا خس و خاشاک پر بناتا ہوں

دسمبر 1, 2007منصور آفاق،شعراء،غزلچاک،پوشاک،افلاک،املاک،خاک،خاشاکadmin

منصور آفاق ۔ غزل نمبر 278

عدم کو صفحہء ادراک پر بناتا ہوں

الاؤ سا خس و خاشاک پر بناتا ہوں

زمیں سے دور بناتا ہوں خاک کے چہرے

خدا بناؤں تو افلاک پر بناتا ہوں

مری زمین کی بنیاد میں شرارے ہیں

مکان سوختہ املاک پر بناتا ہوں

ستارہ لفظ تراشوں میں چاند تحریریں

اک آسمانِ ادب خاک پر بناتا ہوں

لہو کی بوندیں گراتا ہوں اپنے دامن سے

دلِ تباہ کو پوشاک پر بناتا ہوں

مرا وجود مکمل ابھی نہیں منصور

سو اپنے آپ کو پھر چاک پر بناتا ہوں

منصور آفاق

فصیلیں توڑتا رہتا ہوں ، در بناتا ہوں

دسمبر 1, 2007منصور آفاق،شعراء،غزلہنر،ور،کر،پر،اگر،باخبر،در،سفر،شر،شررadmin

منصور آفاق ۔ غزل نمبر 277

میں رابطوں کے مکاں معتبر بناتا ہوں

فصیلیں توڑتا رہتا ہوں ، در بناتا ہوں

اڑان دیکھ مرے آہنی پرندوں کی

مسیح میں بھی ہوں لوہے کے پر بناتا ہوں

فروغ دیدئہ ابلاغ کے وسیلے سے

یہ اپنے آپ کو کیا باخبر بناتا ہوں

خدا کی شکل بنانی پڑے گی کاغذ پر

میں اپنا باطنی چہرہ اگر بناتا ہوں

سمٹ گئے ہیں جہاں تو مرے ہتھیلی میں

سو اب میں ذات کے اندر سفر بناتا ہوں

یونہی یہ لفظ چمکتے نہیں اندھیرے میں

جلا جلا کے کتابیں شرر بناتا ہوں

نکل پڑے نہ زمانہ مرے تعاقب میں

سو نقش پا بھی بہت سوچ کر بناتا ہوں

بس ایک صرف سناتا ہوں آیتِ منسوخ

فروغ خیر سے تہذیبِ شر بناتا ہوں

مرے دماغ میں بس عنکبوت رہتے ہیں

میں وہم بنتا ہوں خوابوں میں ڈر بناتا ہوں

اکھیڑ دیتا ہوں نقطے حروف کے منصور

میں قوسیں کاٹ کے تازہ ہنر بناتا ہوں

منصور آفاق

تمہارے راستے میں روشنی ہو پھول ہوں

دسمبر 1, 2007منصور آفاق،شعراء،غزلملول،نزول،پھول،اصول،باشمول،ببول،بتول،حصول،دھول،رسولadmin

منصور آفاق ۔ غزل نمبر 276

یہ دعا کے چند حرف بس قبول ہوں

تمہارے راستے میں روشنی ہو پھول ہوں

گرفت میں کائناتِ ذات کا خرام

تمہارے ذہن پر علوم کے نزول ہوں

لغاتِ کن فکاں کھلے تمہارے نام سے

کتابیں رازداں سخن سرا رسول ہوں

ہمیشہ ہم قدم رہے بہار رقص میں

اداس چاند ہو نہ گل رتیں ملول ہوں

وہاں وہاں پہ تم سے زعفران کھل اٹھیں

جہاں جہاں پہ خار ہوں ببول ہوں

ہوں منزلِ یقیں کے اونٹ دشتِ وقت میں

خیامِ صبر و انتظار باشمول ہوں

انہیں بھی دیکھنا ضمیرِ عالمین سے

دل و دماغ کے جو طے شدہ اصول ہوں

ہزار حاصلی سہی قیام ، موت ہے

سدا نئے سفر ، نئے حصول ہوں

رکو تو گردشیں رکیں طلسمِ چاک کی

چلو تو چاند تارے راستے کی دھول ہوں

بہشت ماں کی قبر ہوتمہارے کام سے

وہ فاطمہ تھی اس پہ مہرباں بتول ہوں

منصور آفاق

عکس ابھریں گے وہاں ہر ایک شے سے سینکڑوں

دسمبر 1, 2007منصور آفاق،شعراء،غزلمے،وی،ای،جی،شےadmin

منصور آفاق ۔ غزل نمبر 275

میں لگا دوں آئینے گلیوں میں کیسے سینکڑوں

عکس ابھریں گے وہاں ہر ایک شے سے سینکڑوں

کم نہیں دکھ تیرے جانے کا مگر جانِ بہار

زخم میرے دل میں پہلے بھی ہیں ایسے سینکڑوں

اس کی آنکھوں نے کسے لوٹا ہے اس کو کیا خبر

اس کو رستے میں ملیں گے میرے جیسے سینکڑوں

روح کی حیرت زدہ آواز آتی ہی نہیں

وائلن کے تار لرزاں مجھ میں ویسے سینکڑوں

اک اکیلا تشنہ لب ہوں میں کنویں کے آس پاس

پھرتے ہیں منصور بے خود تیری مے سے سینکڑوں

منصور آفاق

ایک چہرے کے پسِ منظر میں چہرے سینکڑوں

دسمبر 1, 2007منصور آفاق،شعراء،غزلہندسے،چہرے،کنارے،کے،گے،جوڑے،حوالے،خیمے،دریچےadmin

منصور آفاق ۔ غزل نمبر 274

پل صراطِ آسماں پر چل رہے تھے سینکڑوں

ایک چہرے کے پسِ منظر میں چہرے سینکڑوں

جمع ہیں نازل شدہ انوار کتنے شیلف میں

معجزے حاصل ہوئے لا حاصلی کے سینکڑوں

چاند پہ ٹھہرو، کرو اپنے ستارے پر قیام

رات رہنے کے لیے سورج پہ خیمے سینکڑوں

صفر سے پہلا عدد معلوم ہونا ہے ابھی

ہیں ریاضی میں ابھی موجود ہندسے سینکڑوں

میں کہاں لاہور بھر میں ڈھونڈنے جاؤں اسے

لال جیکٹ میں حسین ملبوس ہوں گے سینکڑوں

شہر کی ویراں سڑک پر میں اکیلا رتجگا

سو رہے ہیں اپنی شب گاہوں میں جوڑے سینکڑوں

مال و زر، نام و نسب، حسن و ادا، دوشیزگی

میں بڑا بے نام سا، تیرے حوالے سینکڑوں

کیوں بھٹکتی پھر رہی ہے میرے پتواروں کی چاپ

خامشی ! تیرے سمندر کے کنارے سینکڑوں

کوئی بھی آیا نہیں چل کر گلی کے موڑ تک

دیکھنے والوں نے کھولے ہیں دریچے سینکڑوں

منصور آفاق

مجھ میں پھر بھی دکھ کسی کے ہیں پنپنے سینکڑوں

دسمبر 1, 2007منصور آفاق،شعراء،غزلنے،پنپنے،سپنےadmin

منصور آفاق ۔ غزل نمبر 273

میرے ساتھی میرے پیارے میرے اپنے سینکڑوں

مجھ میں پھر بھی دکھ کسی کے ہیں پنپنے سینکڑوں

اور کیا حاصل ہوا ہے روز و شب کی نیند سے

چند تعبیریں غلط سی اور سپنے سینکڑوں

یہ بھی میرا مسئلہ ہے لوگ اچھے کیوں نہیں

دکھ دیے ہیں رحم پروردہ تڑپ نے سینکڑوں

گل کیے پھر اپنے آسودہ گھروندوں کے چراغ

دو ممالک کی کسی تازہ جھڑپ نے سینکڑوں

رات کے دل میں لکھیں نظمیں بیاضِ صبح پر

بھاپ اٹھتی چائے کے بس ایک کپ نے سینکڑوں

منصور آفاق

دل شکستے جاں الستے سبز مستے سینکڑوں

دسمبر 1, 2007منصور آفاق،شعراء،غزلمستے،برستے،بستے،جستے،رستےadmin

منصور آفاق ۔ غزل نمبر 272

چل پڑے دار و رسن کو ہنستے ہنستے سینکڑوں

دل شکستے جاں الستے سبز مستے سینکڑوں

یہ پہنچ جاتے ہیں کیسے خاکِ طیبہ کے غلام

آسمانوں تک بیک براق جستے سینکڑوں

روک سکتی ہیں یہ کانٹے دار باڑیں کیا مجھے

چلنے والے کے لیے ہوتے ہیں رستے سینکڑوں

میرے صحرا تک پہنچ پائی نہ بدلی آنکھ کی

تیرے دریا پر رہے بادل برستے سینکڑوں

دل کی ویرانی میں اڑتا ہے فقط گرد و غبار

کیسے ممکن تھا یہاں بھی لوگ بستے سینکڑوں

منصور آفاق

اے زمیں ! ترکِ تعلق کے بہانے سینکڑوں

دسمبر 1, 2007منصور آفاق،شعراء،غزلفسانے،نے،بہانے،زمانے،سہانےadmin

منصور آفاق ۔ غزل نمبر 271

روشنی کے، رنگ و بو کے آستانے سینکڑوں

اے زمیں ! ترکِ تعلق کے بہانے سینکڑوں

اک ترے بالوں کی وہ دو چار میٹر لمبی لٹ

اک ترے شاداب جوبن کے فسانے سینکڑوں

صبح تازہ دودھ جیسی رات قہوے کی طرح

روٹی جیسے چاند پر گزرے زمانے سینکڑوں

چھین کے گل کر دیے بامِ خیال و خواب سے

تیری یادوں کے دیے پاگل ہوا نے سینکڑوں

صرف تیرے قرب کا پل دسترس سے دور ہے

زندگی میں آئے ہیں لمحے سہانے سینکڑوں

منصور آفاق

خود کو کبھی بوذر کے مدینے سے نکالوں

دسمبر 1, 2007منصور آفاق،شعراء،غزلقرینے،مہینے،مدینے،نگینے،کمینے،گینے،پسینے،خزینے،دفینے،زینے،سفینے،سینےadmin

منصور آفاق ۔ غزل نمبر 270

مرنے سے نکالوں کبھی جینے سے نکالوں ؟

خود کو کبھی بوذر کے مدینے سے نکالوں

کچھ دھوپ چراؤں میں کسی گرم بدن کی

کمرے کو دسمبر کے مہینے سے نکالوں

جراح بلاؤں یا کوئی سنت سپیرا

کس طرح ترے درد کو سینے سے نکالوں

آ پھر ترے گیسو کی شبِ تار اٹھا کر

مہتاب سا بالی کے نگینے سے نکالوں

صحرا سا سمندر کی رگ و پے میں بچھا دوں

لیکن میں سفر کیسے سفینے سے نکالوں

ہے تیر جو سینے میں ترازو کئی دن سے

میں چاہتا ہوں اس کو قرینے سے نکالوں

افلاک سے بھی لوگ جنہیں دیکھنے آئیں

وہ خواب خیالوں کے خزینے سے نکالوں

ہر چیز سے آتی ہے کسی اور کی خوشبو

پوشاک سے کھینچوں کہ پسینے سے نکالوں

ہونٹوں کی تپش نے جو ہتھیلی پہ رکھا ہے

سورج میں اُسی آبلہ گینے سے نکالوں

ممکن ہی نہیں پاؤں ، بلندی پہ میں اتنی

تقویم کے ٹوٹے ہوئے زینے سے نکالوں

نیکی ! تجھے کیا علم کہ کیا لطف ہے اس میں

دل کیسے سیہ کار کمینے سے نکالوں

منصور دہکتے ہوئے سورج کی مدد سے

دریا کو سمندر کے دفینے سے نکالوں

منصور آفاق

رقاصہ کی دکھائی دیں منظوم ایڑیاں

دسمبر 1, 2007منصور آفاق،شعراء،غزلمقسوم،منظوم،محروم،مخدوم،مرقوم،مظلوم،معلوم،معدوم،معصوم،چومadmin

منصور آفاق ۔ غزل نمبر 269

وہ آنجہانی پاؤں وہ مرحوم ایڑیاں

رقاصہ کی دکھائی دیں منظوم ایڑیاں

ہر انچ دکھ پڑے ہیں گئی گزری دھول کے

ہر فٹ زمیں کے ماتھے کا مقسوم ایڑیاں

ہر روز تارکول کی سڑکیں بناتی ہیں

ہاری ہوئی پھٹی ہوئی محروم ایڑیاں

غالب تھا ہمسفر سو اذیت بہت ہوئی

کہتی ہیں دو اٹھی ہوئی مظلوم ایڑیاں

سنگیت کے بہاؤ پہ شاید صدا کا رقص

گوگوش کی سٹیج پہ مرقوم ایڑیاں

پیاسا کہیں فرات کا ساحل پڑا رہے

چشمہ نکال دیں کہیں معصوم ایڑیاں

چلنے لگے ہیں پنکھے ہواؤں کے دشت میں

ہونے لگی ہیں ریت پہ معدوم ایڑیاں

پاتال کتنے پاؤں ابھی اور دور ہیں

ہر روز مجھ سے کرتی ہیں معلوم ایڑیاں

لکھنے ہیں نقشِ پا کسی دشتِ خیال میں

تانبا تپی زمین ! مری چوم ایڑیاں

منصور میرے گھر میں پہنچتی ہیں پچھلی رات

اڑتی ہے جن سے دھوپ وہ مخدوم ایڑیاں

منصور آفاق

پانیوں میں تیرتی شاداب کومل بیریاں

دسمبر 1, 2007منصور آفاق،شعراء،غزلچنچل،کومل،پاگل،بوجھل،بادل،شلadmin

منصور آفاق ۔ غزل نمبر 268

یاد کی اک نہر پر وہسکی کی بوتل بیریاں

پانیوں میں تیرتی شاداب کومل بیریاں

دیکھتا ہوں دھوپ کی جلتی چتا کے آس پاس

سائباں ، دیوار ، چھتری، زلف، بادل ، بیریاں

ایک دھاگوں سے بھری تعویز در تعویز رات

گہرے پرآسیب سائے ، خوف سے شل بیریاں

اب تو ڈھیلے پھینکتے لڑکے سے کہہ دو ہنس پڑے

خود ہی تھل کی جھک گئی ہیں پھل سے بوجھل بیریاں

تیز ہو جائے ہوا تو شرٹ اپنی کھول دیں

گرمیوں کے سر پھرے موسم کی پاگل بیریاں

چاہتی ہیں کوئی پتھر مارنے والابھی ہو

اپنے جوبن پر جب آجاتی ہیں کومل بیریاں

جن کے آنچل میں گزار آئے بدن کی دو پہر

یاد ہیں وہ گاؤں کی سب شوخ چنچل بیریاں

منصور آفاق

ابھی تو کھیت میں دو دن کی گھاس ہے سائیاں

دسمبر 1, 2007منصور آفاق،شعراء،غزلہراس،لباس،مٹھاس،گلاس،گھاس،پاس،التماس،اداس،حواسadmin

منصور آفاق ۔ غزل نمبر 267

دوبارہ کاٹنے آؤ گے… آس ہے سائیاں

ابھی تو کھیت میں دو دن کی گھاس ہے سائیاں

مری دعاؤں پہ چیلیں جھپٹنے والی ہیں

یہ ایک چیخ بھری التماس ہے سائیاں

عجیب شہد سا بھرنے لگا ہے لہجے میں

یہ حرفِ میم میں کیسی مٹھاس ہے سائیاں

تمہارے قرب کی مانگی تو ہے دعا میں نے

مگر یہ ہجر جو برسوں سے پاس ہے سائیاں

جسے ملو وہی پیاسا دکھائی دیتا ہے

بھرا ہوا بھی کسی کا گلاس ہے سائیاں

ترے بغیر کسی کا بھی دل نہیں لگتا

مرے مکان کی ہر شے اداس ہے سائیاں

ٹھہر نہ جائے خزاں کی ہوا اسے کہنا

ابھی شجر کے بدن پر لباس ہے سائیاں

کوئی دیا کہیں مصلوب ہونے والا ہے

بلا کا رات پہ خوف و ہراس ہے سائیاں

نجانے کون سی کھائی میں گر پڑے منصور

یہ میرا وقت بہت بد حواس ہے سائیاں

منصور آفاق

کوئی دلچسپی، کوئی ربطِ دل و جاں جاناں

دسمبر 1, 2007منصور آفاق،شعراء،غزلہجراں،فروزاں،ہراساں،مہماں،مژگاں،نمکداں،نمایاں،ناداں،چراغاں،گلستاں،گریباں،گریزاں،پیماں،پریشاں،انساں،احساں،بیاباں،جاں،حیراں،دبستاں،درخشاں،زنداں،ساماں،شبستاں،طوفاں،عنواں،عریاںadmin

منصور آفاق ۔ غزل نمبر 266

صحبتِ قوسِ قزح کا کوئی امکاں جاناں

کوئی دلچسپی، کوئی ربطِ دل و جاں جاناں

میرے اندازِ ملاقات پہ ناراض نہ ہو

مجھ پہ گزرا ہے ابھی موسمِ ہجراں جاناں

جو مرے نام کو دنیا میں لیے پھرتے ہیں

تیری بخشش ہیں یہ اوراقِ پریشاں جاناں

آ مرے درد کے پہلو میں دھڑک کہ مجھ میں

بجھتی جاتی ہے تری یادِ فروزاں جاناں

تیری کھڑکی کہ کئی دن سے مقفل مجھ پر

جیسے کھلتا نہیں دروازئہ زنداں جاناں

تیری گلیاں ہیں ترا شہر ہے تیرا کوچہ

میں ، مرے ساتھ ترا وعدہ و پیماں جاناں

پھر کوئی نظم لٹکتی ہے ترے کعبہ پر

پھر مرے صبر کی بے چارگی عنواں جاناں

ہجر کا ایک تعلق ہے اسے رہنے دے

میرے پہلو میں تری یاد ہراساں جاناں

ہم فرشتوں کی طرح گھر میں نہیں رہ سکتے

ہاں ضروری ہے بہت رشتہء انساں جاناں

زخم آیا تھا کسی اور کی جانب سے مگر

میں نے جو غور کیا تیرا تھا احساں جاناں

اس تعلق میں کئی موڑ بڑے نازک ہیں

اور ہم دونوں ابھی تھوڑے سے ناداں جاناں

دشت میں بھی مجھے خوشبو سے معطر رکھے

دائم آباد رہے تیرا گلستاں جاناں

ویسا الماری میں لٹکا ہے عروسی ملبوس

بس اسی طرح پڑا ہے ترا ساماں جاناں

مجھ کو غالب نے کہا رات فلک سے آ کر

تم بھی تصویر کے پردے میں ہو عریاں جاناں

وہ جو رُوٹھی ہوئی رت کو بھی منا لیتے ہیں

بس وہی شعرِ فراز اپنا دبستاں جاناں

روشنی دل کی پہنچ پائی نہ گھر تک تیرے

میں نے پلکوں پہ کیا کتنا چراغاں جاناں

کیا کہوں ہجر کہاں وصل کہاں ہے مجھ میں

ایک جیسے ہیں یہاں شہر و بیاباں جاناں

چھت پہ چڑھ کے میں تمہیں دیکھ لیا کرتا تھا

تم نظر آتی تھی بچپن سے نمایاں جاناں

اک ذرا ٹھہر کہ منظر کو گرفتار کروں

کیمرہ لائے ابھی دیدئہ حیراں جاناں

مانگ کر لائے ہیں آنسو مری چشمِ نم سے

یہ جو بادل ہیں ترے شہر کے مہماں جاناں

لڑکیاں فین ہیں میری انہیں دشنام نہ دے

تتلیاں پھول سے کیسے ہوں گریزاں جاناں

آگ سے لختِ جگر اترے ہیں تازہ تازہ

خانہء دل میں ہے پھر دعوتِ مژگاں جاناں

زخم در زخم لگیں دل کی نمائش گاہیں

اور ہر ہاتھ میں ہے ایک نمکداں جاناں

تھم نہیں سکتے بجز تیرے کرم کے، مجھ میں

کروٹیں لیتے ہوئے درد کے طوفاں جاناں

بلب جلتے رہیں نیلاہٹیں پھیلاتے ہوئے

میرے کمرے میں رہے تیرا شبستاں جاناں

رات ہوتے ہی اترتا ہے نظر پر میری

تیری کھڑکی سے کوئی مہرِ درخشاں جاناں

تُو کہیں بستر کمخواب پہ لیٹی ہو گی

پھر رہا ہوں میں کہیں چاک گریباں جاناں

نذرِ احمد فراز

منصور آفاق

ٹوٹ کر نعت لکھوں داد خدا سے پاؤں

دسمبر 1, 2007منصور آفاق،شعراء،غزلنوا،پیا،خدا،دلا،دعاadmin

منصور آفاق ۔ غزل نمبر 265

اپنے لفظوں کی مہک باد صبا سے پاؤں

ٹوٹ کر نعت لکھوں داد خدا سے پاؤں

ٹافیاں جیب میں برسوں سے لئے پھرتا ہوں

کاش گلیوں میں کہیں تیرے نواسے پاؤں

میرے صحرائے عرب کے اے کرم ور بادل

دور تک بھٹکے ہوئے آدمی پیاسے پاؤں

انگلیاں تیرے وسیلے کی مہک دیتی ہیں

اپنی بخشش کا یقیں دستِ دعا سے پاؤں

ایک تندور میں محراب کی تعمیر کروں

سایۂ ابر سے منصور دلاسے پاؤں

منصور آفاق

بہتی سپردگی بھری ہائے وہ نرم آگ

دسمبر 1, 2007منصور آفاق،شعراء،غزلہائے،لائے،مائے،چائے،سلائے،سائےadmin

منصور آفاق ۔ غزل نمبر 264

وہ نیلی روشنی وہ سرائے وہ نرم آگ

بہتی سپردگی بھری ہائے وہ نرم آگ

وہ موسمِ بہار کا ساحل پہ پہلادن

وہ گرم گرم شام کی چائے وہ نرم آگ

وہ تیز دھن وصال کی وہ روشنی کے گیت

وہ چار ناچتے ہوئے سائے وہ نرم آگ

ہرسمت حسنِ لمس کی بہکی ہوئی کشش

عریانیوں کو رقص میں لائے وہ نرم آگ

حسنِ طلب کی آخری حد پہ کھڑی ہوں میں

لاؤ کہیں سے ڈھونڈھ کے مائے وہ نرم آگ

منصور کیا بتاؤں میں خوابوں کی داستاں

بعداز وصال کیسے سلائے وہ نرم آگ

منصور آفاق

زندگی پہ جہاں مرے ہم لوگ

دسمبر 1, 2007منصور آفاق،شعراء،غزلمنظرے،مرے،گھاگرے،آگرے،آسرے،بھرےadmin

منصور آفاق ۔ غزل نمبر 263

آگئے ہیں نیاگرے ہم لوگ

زندگی پہ جہاں مرے ہم لوگ

چہچہاتی تھیں چار سو چڑیاں

ہوتے تھے جب ہرے بھرے ہم لوگ

اُس جگہ کچھ ہمارے جیسا ہے

جاتے رہتے ہیں آگرے ہم لوگ

رقصِ سرمد کا موسم آیا ہے

اب پہن لیں نا گھاگرے ہم لوگ

اے خداوندِ جادہ و منزل

چل پڑے تیرے آسرے ہم لوگ

سارا منظراسی کا ہے منصور

ہیں ازل سے بے منظرے ہم لوگ

منصور آفاق

آئے نہیں دعائے تہجد کے بعض لوگ

دسمبر 1, 2007منصور آفاق،شعراء،غزلفراز،لحاظ،نواز،نیاز،گداز،امتیاز،اعتراض،بعض،درازadmin

منصور آفاق ۔ غزل نمبر 262

شب زندہ دار خواب، عشائے نماز لوگ

آئے نہیں دعائے تہجد کے بعض لوگ

کھلنے لگے تھے پھول گریباں کے چاک سے

لوٹ آئے دشتِ یاد سے ہم بے نیاز لوگ

دونوں کا ایک بیج ہے دونوں کی اک نمو

یونہی یہ خار و گل میں کریں امتیاز لوگ

کیسی عجیب چیز ہیں چہرے کے خال و خد

دل میں بسے ہوئے ہیں کئی بد لحاظ لوگ

پہلے پہل تھے میرے اجالے سے منحرف

کرتے ہیں آفتاب پہ اب اعتراض لوگ

ہر شخص بانس باندھ کے پھرتا ہے پاؤں سے

نکلیں گھروں سے کس طرح قامت دراز لوگ

صبحوں کو ڈھانپتے پھریں خوفِ صلیب سے

کالک پرست عہد میں سورج نواز لوگ

پتھر نژاد شہر! غنیمت سمجھ ہمیں

ملتے کہاں ہیں ہم سے سراپا گداز لوگ

منصور اب کہاں ہیں ہم ایسے ، دیار میں

غالب مثال آدمی، احمد فراز لوگ

منصور آفاق

چار سو فوراً سراسر اور رنگ

دسمبر 1, 2007منصور آفاق،شعراء،غزلمنظر،پر،اجاگر،دیابھر،سراسرadmin

منصور آفاق ۔ غزل نمبر 261

ہم بدن ہوتے ہی بستر اور رنگ

چار سو فوراً سراسر اور رنگ

بھر گیا ہوں میں ترے انوار سے

بھیج دے بس اک دیابھر اور رنگ

اترا ہوں قوسِ قزح سے میں ابھی

ہیں مگر تیرے لبوں پراور رنگ

روشنی تھوڑی سی بہتر جب ہوئی

ہو گئے یکدم اجاگر اور رنگ

کینوس منصور صبحوں کا کہے

اک تناسب میں ہیں منظر اور رنگ

منصور آفاق

دی ہم نے زبردستی لبِ یار پہ دستک

دسمبر 1, 2007منصور آفاق،شعراء،غزلچہکار،یار،کہسار،گلزار،گنہگار،پندار،پتوار،آزار،اسرار،اظہار،بیدار،بار،خار،خریدار،دلدار،دیوار،رخسار،زار،سیار،غارadmin

منصور آفاق ۔ غزل نمبر 260

ہونٹوں بھری رکھ دی درِ انکارِ پہ دستک

دی ہم نے زبردستی لبِ یار پہ دستک

اک شام پلٹ آئے ہیں یہ بات الگ ہے

دی پاؤں نے برسوں رہِ پُر خار پہ دستک

پھر رات کی رانی کا محل سامنے مہکے

پھر صبح کی چڑیوں بھری چہکار پہ دستک

کاندھے پہ کوئی بھیدوں بھری پوٹلی رکھ کر

دیتا ہے پھر امکان ابد زار پہ دستک

دم بھر کو نئی صبح کا اعلانیہ سن کر

دی اہلِ قفس نے گل و گلزار پہ دستک

بازار سے گزرا تو چہکتی ہوئی رت کی

تصویر نے دی جیبِ خریدار پہ دستک

کچھ ہاتھ کہیں اور سے آیا ہی نہیں ہے

دینا پڑی پھر عرشِ کرم بار پہ دستک

ممکن ہے ملاقات ہو آسیبِ بدن سے

اچھی طرح دے کمرئہ اسرار پہ دستک

ہے فرض یہی تجھ پہ یہی تیری عبادت

دے خاک نسب ! خانہء سیار پہ دستک

درویش فقیری ہی کہیں بھول نہ جائے

یہ کون ہے دیتا ہے جو پندار پہ دستک

وہ دیکھیے دینے لگا پھر اپنے بدن سے

اک تازہ گنہ، چشم گنہگار پہ دستک

اٹھ دیکھ کوئی درد نیا آیا ہوا ہے

وہ پھر ہوئی دروازئہ آزار پہ دستک

دشنام گلابوں کی طرح ہونٹوں پہ مہکیں

درشن کے لیے دے درِ دلدار پہ دستک

برسوں سے کھڑا شخص زمیں بوس ہوا ہے

یہ کیسی سمندر کی تھی کہسار پہ دستک

پانی مجھے مٹی کی خبر دینے لگے ہیں

اک سبز جزیرے کی ہے پتوار پہ دستک

افسوس ضروری ہے مرا بولنا دو لفظ

پھر وقت نے دی حجرۂ اظہار پہ دستک

مایوسی کے عالم میں محبت کا مسافر

در چھوڑ کے دینے لگا دیوار پہ دستک

دی جائے سلگتی ہوئی پُر شوق نظر سے

کچھ دیر تو اس کے لب و رخسار پہ دستک

اب اور گنی جاتی نہیں مجھ سے یہ قبریں

اب دینی ضروری ہے کسی غار پہ دستک

منصور بلایا ہے مجھے خواب میں اس نے

دی نیند نے پھر دیدۂ بیدار پہ دستک

منصور آفاق

رات خاموش ہے تکمیلِ ہنر ہونے تک

دسمبر 1, 2007منصور آفاق،شعراء،غزلہنر،بسر،خبر،زبر،سفر،سحرadmin

منصور آفاق ۔ غزل نمبر 259

وقت کی فاختہ اڑتی نہیں پر ہونے تک

رات خاموش ہے تکمیلِ ہنر ہونے تک

ختم ہوجائے گی منزل پہ تری بانگِ درا

گرمی ء ذوق عمل ہو گا سفر ہونے تک

ایک مفروضہ جسے لوگ فنا کہتے ہیں

یہ تو وقفہ ہے فقط ان کو خبر ہونے تک

ایک لمحہ ہے قیامت کا بس اپنے ہمراہ

دیر کتنی ہے جہان زیر و زبر ہونے تک

قتل گہ میں ہیں چراغوں کی کروڑوں لاشیں

کتنے مصلوب دئیے ہونگے سحر ہونے تک

کوئی حرکت ہی دکھائی نہیں دیتی منصور

راکھ ہوجائیں گے ہم رات بسر ہونے تک

منصور آفاق

بلب جلتا رہے اذانِ سحر ہونے تک

دسمبر 1, 2007منصور آفاق،شعراء،غزلہر،گھر،بسر،ثمر،خبر،سفر،سحرadmin

منصور آفاق ۔ غزل نمبر 258

ہجر کی رات بھری قبر کے سر ہونے تک

بلب جلتا رہے اذانِ سحر ہونے تک

دفن ہو جائیں گے بنیادمیں دیواروں کی

بامِ ابلاغ کی ہم پہلی خبر ہونے تک

برف بستی میں گری ہے کوئی بارہ فٹ تک

لوگ محفوظ ہیں بس جسم پہ فر ہونے تک

خواب ہو جاتی ہیں رنگوں بھری بندر گاہیں

پھرتے رہتے ہیں جہاں گرد سفر ہونے تک

آنکھ تعبیر کی منزل پہ پہنچ جائے گی

منتظر خواب رہیں عمر بسر ہونے تک

کتنے جانکاہ مراحل سے گزرنا ہو گا

ایک معصوم کوپنل کو ثمر ہونے تک

اس کی فٹ پاتھ بسیرا ہے قیامت کی نوید

حشر آجائے گا منصور کا گھر ہونے تک

نذرِ غالب

منصور آفاق

لکھ کر بکھیرنی ہے وفا کی رپورتاژ

دسمبر 1, 2007منصور آفاق،شعراء،غزلفنا،نما،وفا،ادا،بکا،خدا،دعا،رسا،سزا،صباadmin

منصور آفاق ۔ غزل نمبر 257

اک راکھ کے بدن کو ہوا کی رپورتاژ

لکھ کر بکھیرنی ہے وفا کی رپورتاژ

میں کھڑکیوں سے صبح کی پہلی کرن کے ساتھ

پڑھتا ہوں روز باد صبا کی رپورتاژ

تشکیل کائنات کی رودادِ گم شدہ

ہو گی کہاں پہ لوحِ خدا کی رپورتاژ

شاید ہے مانگنے کی جبلت وجود میں

لمبی بہت ہے دستِ دعا کی رپورتاژ

تقسیم کیا کرو گے وسائل زمین کے

لکھتے رہو گے جرم و سزا کی رپورتاژ

لکھتے ہیں روز خونِ جگر کو نچوڑ کے

سورج کے ہاتھ شامِ فنا کی رپورتاژ

لاشوں بھری سرائے سے نکلے گی کب تلک

جانِ جہاں کے ناز و ادا کی رپورتاژ

پڑھتے بنام علم ہیں بچے سکول میں

بالِ ہما کے بختِ رسا کی رپورتاژ

شاید لبِ فرات لہو سے لکھی گئی

اس زندگی کی نشو و نما کی رپورتاژ

برسوں سے نیکیوں کا فرشتہ رقم کرے

منصور صرف آہ و بکا کی رپورتاژ

منصور آفاق

اب تعلق میں بردباری چھوڑ

دسمبر 1, 2007منصور آفاق،شعراء،غزلقراری،ماری،نگاری،یاری،کاری،گزاری،گساری،بردباری،حواری،خواری،داری،سواری،شہریاریadmin

منصور آفاق ۔ غزل نمبر 256

وحشتیں اوڑھ، انتظاری چھوڑ

اب تعلق میں بردباری چھوڑ

دیکھنا چاند کیا سلاخوں سے

کج نظر سارتر سے یاری چھوڑ

دستِ ابلیس سے ثواب نہ پی

یہ تہجد کی بادہ خواری چھوڑ

زندہ قبروں پہ پھول رکھنے آ

مرنے والوں کی غم گساری چھوڑ

مردہ کتے کا دیکھ لے انجام

مشورہ مان، شہریاری چھوڑ

کچھ تو اعمال میں مشقت رکھ

یہ کرم کی حرام کاری چھوڑ

صبح کی طرح چل! برہنہ ہو

یہ اندھیرے کی پردہ داری چھوڑ

توڑ دے ہجر کے کواڑوں کو

اب دریچوں سے چاند ماری چھوڑ

بھونک اب جتنا بھونک سکتا ہے

ظلم سے التجا گزاری چھوڑ

آج اس سے تُو معذرت کر لے

یہ روایت کی پاس داری چھوڑ

رکھ بدن میں سکوت مٹی کا

یہ سمندر سی بے قراری چھوڑ

چھوڑ آسانیاں مصائب میں

دشت میں اونٹ کی سواری چھوڑ

یہ سفیدی پھری ہوئی قبریں

چھوڑ عیسیٰ کے یہ حواری چھوڑ

شہرِ غالب سے بھاگ جا منصور

میر جیسی غزل نگاری چھوڑ

منصور آفاق

دیکھ پڑتی ہوئی دیوار کے سینے میں دراڑ

دسمبر 1, 2007منصور آفاق،شعراء،غزلمسمار،یار،کہسار،کردار،گرفتار،پندار،آزار،اسرار،بیدار،دلدار،دیوار،زنگار،زرتار،سالارadmin

منصور آفاق ۔ غزل نمبر 255

ساعتِ دیدۂ انکار کے سینے میں دراڑ

دیکھ پڑتی ہوئی دیوار کے سینے میں دراڑ

ایک ہی لفظ سے بھونچال نکل آیا ہے

پڑ گئی ہے کسی کہسار کے سینے میں دراڑ

کوئی شے ٹوٹ گئی ہے مرے اندر شاید

آ گئی ہے مرے پندار کے سینے میں دراڑ

چاٹتی جاتی ہے رستے کی طوالت کیا کیا

ایک بنتی ہوئی دلدار کے سینے میں دراڑ

تم ہی ڈالو گے مرے شاہ سوارو آخر

موت کی وادیِ اسرار کے سینے میں دراڑ

کھلکھلاتی ہوئی اک چشمِ سیہ نے ڈالی

آ مری صحبتِ آزار کے سینے میں دراڑ

رو پڑا خود ہی لپٹ کر شبِ غم میں مجھ سے

تھی کہانی ترے کردار کے سینے میں دراڑ

روندنے والے پہاڑوں کو پلٹ آئے ہیں

دیکھ کر قافلہ سالار کے سینے میں دراڑ

صبح کی پہلی کرن ! تجھ پہ تباہی آئے

ڈال دی طالعِ بیدار کے سینے میں دراڑ

کل شبِ ہجر میں طوفان کوئی آیا تھا

دیدۂ نم سے پڑی یار کے سینے میں دراڑ

غم کے ملبے سے نکلتی ہوئی پہلی کونپل

دیکھ باغیچہء مسمار کے سینے میں دراڑ

لفظ کی نوکِ سناں سے بھی کہاں ممکن ہے

وقت کے خانہء زنگار کے سینے میں دراڑ

بس قفس سے یہ پرندہ ہے نکلنے والا

نہ بڑھا اپنے گرفتار کے سینے میں دراڑ

شام تک ڈال ہی لیتے ہیں اندھیرے منصور

صبح کے جلوۂ زرتار کے سینے میں دراڑ

منصور آفاق

دیکھا ہوا ہے میں نے تیرامنال روڈ

دسمبر 1, 2007منصور آفاق،شعراء،غزلقتال،نکال،کنال،بحال،تیرامنال،دھمالadmin

منصور آفاق ۔ غزل نمبر 254

بل کھاتے موڑ تیرے ، تیرا یہ مال روڈ

دیکھا ہوا ہے میں نے تیرامنال روڈ

وہ وجد و حال و مستی جانے کہاں گئے ہیں

خالی پڑا ہوا ہے کب سے دھمال روڈ

رہ جائے گی یہ پندرہ منٹ کی ڈرائیونگ

اے زندگی یہاں سے کوئی نکال روڈ

بارش برس رہی ہے آنکھوں کے آس پاس

سیلاب میں گھری ہے اپنی کنال روڈ

نکلے نفی کے شہر سے اثبات کی سڑک

جائے جو آسماں کو من کی قتال روڈ

ناراض موسموں سے آئی ہے کوئی کال

منصور ہو گئی ہے گھر کی بحال روڈ

منصور آفاق

بھیجا نہیں سو یار کو اس بار عید کارڈ

دسمبر 1, 2007منصور آفاق،شعراء،غزلکردار،اقرار،انگار،بار،بردار،دوچارadmin

منصور آفاق ۔ غزل نمبر 253

اس کے لیے تھا باعثِ آزار عید کارڈ

بھیجا نہیں سو یار کو اس بار عید کارڈ

ایسا نہیں کہ بھول گیا ہے تمام شہر

آئے ہیں اپنے پاس بھی دوچار عید کارڈ

تیرہ برس کے بعد بھی اک یاد کے طفیل

میں نے اٹھایا تو لگا انگار عید کارڈ

ہر سال بھیجتا ہوں جسے اپنے آپ کو

اک ہے مری کہانی کا کردار عید کارڈ

کرنا ہے کب تلک شبِ انکار میں قیام

پچھلے برس کا آخری اقرار عید کارڈ

منصور سرورق پہ ہے تصویر شام کی

آیا ہے کیسا آئینہ بردار عید کارڈ

منصور آفاق

اور کچھ ٹوٹے ہوئے ناخن بھی تھے زخموں کے بیچ

دسمبر 1, 2007منصور آفاق،شعراء،غزلہونٹوں،گلیوں،تاریخوں،زخموں،سانپوں،شعلوںadmin

منصور آفاق ۔ غزل نمبر 252

رنگ تھے کچھ نیل پالش کے مری آنکھوں کے بیچ

اور کچھ ٹوٹے ہوئے ناخن بھی تھے زخموں کے بیچ

راکھ کے گرنے کی بھی آواز آتی تھی مجھے

مر رہا تھا آخری سگریٹ مرے ہونٹوں کے بیچ

ہاتھ میں تو لالہ و گل تھے مرے حالات کے

پشت پر کاڑھی ہوئی تھی کھوپڑی سانپوں کے بیچ

کون گزرا ہے نگارِ چشم سے کچھ تو کہو

پھر گئی ہے کون سی شے یاد کی گلیوں کے بیچ

دو ملاقاتوں کے دن تھے آدمی کے پاس بس

اور کُن کا فاصلہ تھا دونوں تاریخوں کے بیچ

گوشت کے جلنے کی بو تھی قریۂ منصور میں

کھال اتری تھی ہرن کی، جسم تھا شعلوں کے بیچ

منصور آفاق

نیند سے بولائی دستک تیری دیواروں کے بیچ

دسمبر 1, 2007منصور آفاق،شعراء،غزلفنکاروں،گلزاروں،آزاروں،تلواروں،دیواروں،دستاروںadmin

منصور آفاق ۔ غزل نمبر 251

ڈھونڈتی ہے آسماں پر در کوئی تاروں کے بیچ

نیند سے بولائی دستک تیری دیواروں کے بیچ

گفتگو کیا ہو مقابل جب ہیں خالی پگڑیاں

پہلے تو سر بھی ہوا کرتے تھے دستاروں کے بیچ

اے خدا میرا بھرم رکھنا، فراتِ وقت پر

اک انا کا بانکپن ہے کتنی تلواروں کے بیچ

ریل کی پٹری بچھائی جا رہی ہے اس کے ساتھ

ایک کاٹج کیا بنایا میں نے گلزاروں کے بیچ

جانتی تھی اور سب کو ایک بس میرے سوا

وہ کہیں بیٹھی ہوئی تھی چند فنکاروں کے بیچ

دھوپ بھی ہے برف تیری سرد مہری کے طفیل

رات بھی پھنکارتی ہے تیرے آزاروں کے بیچ

منصور آفاق

ایک ہی کیوں آدمی ہے سارے دروازوں کے بیچ

دسمبر 1, 2007منصور آفاق،شعراء،غزلہمرازوں،پروازوں،اندازوں،آوازوں،خمیازوں،دروازوں،سازوں،شہبازوںadmin

منصور آفاق ۔ غزل نمبر 250

دل کی بستی سوچتی ہے جاگتے رازوں کے بیچ

ایک ہی کیوں آدمی ہے سارے دروازوں کے بیچ

کھو گئیں میری سخن بستہ نوائیں درد میں

رہ گیا آہوں کا رقصِ مشتعل سازوں کے بیچ

ایک چڑیا سے تقاضائے وفا اچھا نہیں

جاں نثاری کی سعادت قرض شہبازوں کے بیچ

تم جسے کہتے تھے چرخ نیلگوں اک وہم تھا

گم ہوئی اس کی بلندی میری پروازوں کے بیچ

اپنے شانوں پر اٹھا رکھی تھی خود میں نے صلیب

ہے مگر تاریخ کا الزام ہمرازوں کے بیچ

ہر قدم پر کھینچ لیتا تھا کوئی اندھا کنواں

سو بسا لی اپنی بستی اپنے خمیازوں کے بیچ

شہر ہونا چاہیے تھا اس سڑک کے آس پاس

کوئی غلطی رہ گئی ہے میرے اندازوں کے بیچ

سن رہا ہوں یاد کے پچھلے پہر کی ہچکیاں

دور سے آتی ہوئی بے مہر آوازوں کے بیچ

منصور آفاق

گمشدہ بستیوں کے خا کے کھینچ

دسمبر 1, 2007منصور آفاق،شعراء،غزلفنا،ہوا،لگا،ا،بڑھا،بتا،جا،خاadmin

منصور آفاق ۔ غزل نمبر 249

نقشے کچھ قریۂ سما کے کھینچ

گمشدہ بستیوں کے خا کے کھینچ

تیری آنکھوں میں کیا تناسب ہے

میرے فوٹو گراف آ کے کھینچ

تیری خوشبو چرا لے آئی ہے

کان اڑتی ہوئی ہوا کے کھینچ

روند دے پاؤں میں کفن کی رات

چیتھڑے دامنِ فنا کے کھینچ

اچھی کرلی ہے خاک کی تقسیم

اب فلک پر لکیریں جا کے کھینچ

دیکھ کھڑکی میں آ گیا ہے چاند

ہاتھ اپنا ذرا بڑھا کے کھینچ

دن کو پکڑا تو ہے کنارے سے

زور پورا مگر لگا کے کھینچ

بند کر دے یہ کیمرہ منصور

اس کا فوٹو اسے بتا کے کھینچ

منصور آفاق

میں موت کی طرف ہوں روانہ بھی اپنے آپ

دسمبر 1, 2007منصور آفاق،شعراء،غزلفسانہ،مانا،گھمانا،پرانا،جانا،خانہ،روانہadmin

منصور آفاق ۔ غزل نمبر 248

گزرا ہے مجھ میں ایک زمانہ بھی اپنے آپ

میں موت کی طرف ہوں روانہ بھی اپنے آپ

بے شکل صورتوں کا ٹھکانا بھی اپنے آپ

بننے لگا ہے آئینہ خانہ بھی اپنے آپ

جب دھوپ سے ہنسی ترے آنچل کی شوخ تار

روٹھا بھی اپنے آپ میں ، مانا بھی اپنے آپ

جاری ہے جس کے مرکزی کردار کی تلاش

لوگوں نے لکھ دیا وہ فسانہ بھی اپنے آپ

صرفِ نظر بھی آپ کیا بزم میں مگر

اس دلنواز شخص نے جانا بھی اپنے آپ

کتنا ابھی ابھی تر و تازہ تھا شاخ پر

یہ کیا کہ ہو گیا ہے پرانا بھی اپنے آپ

منصور کائنات کا ہم رقص کون ہے

یہ گھومنا بھی اور گھمانا بھی اپنے آپ

منصور آفاق

منصور شامِ غم میں بھی کارِ مباح دھوپ

دسمبر 1, 2007منصور آفاق،شعراء،غزلمباح،مزاح،نواح،نکاح،جناح،صلاحadmin

منصور آفاق ۔ غزل نمبر 247

بادِ صبا کے ساتھ صدائے فلاح دھوپ

منصور شامِ غم میں بھی کارِ مباح دھوپ

آنسو رکے ہوئے ہیں کہیں بادلوں کے بیچ

پھیلی ہے چشمِ یاد کے گرد و نواح دھوپ

فتووں کے ابر سے کسی پردے میں جا چھپی

رکھی ہوئی تھی گھر میں جو اک بے نکاح دھوپ

اندھی شبوں میں حضرتِ اقبال آفتاب

برفاب موسموں میں جنابِ جناح دھوپ

ہم لمس ہوں تو ذات کا دریا بہے کوئی

تیرا مذاق برف ہے میرا مزاح دھوپ

ہو جاؤں ساحلوں پہ برہنہ، نہیں ، نہیں

کیسی یہ دے رہی ہے مسلسل صلاح دھوپ

منصور آفاق

صحنِ سفید پوش میں کالی سیاہ دھوپ

دسمبر 1, 2007منصور آفاق،شعراء،غزلکلاہ،گناہ،گواہ،پناہ،بادشاہ،راہ،سیاہadmin

منصور آفاق ۔ غزل نمبر 246

غم کی طویل رات کا اک انتباہ دھوپ

صحنِ سفید پوش میں کالی سیاہ دھوپ

احمق ہے جانتی ہی نہیں میری برف کو

جم جائے آپ ہی نہ کہیں بادشاہ دھوپ

میں چل رہا ہوں تیری تمنا کے دشت میں

میرے رفیق آبلے، میری گواہ دھوپ

پردے ابھی نہ کھینچ مری کھڑکیوں کے دوست

مجھ سے بڑھا رہی ہے ذرا رسم و راہ دھوپ

برطانیہ کی برف میں کتنی یتیم ہے

صحرائے تھل میں جو تھی بڑی کج کلاہ دھوپ

جھلسا دیا دماغ بھی چہروں کے ساتھ ساتھ

مشرق کے المیے میں نہیں بے گناہ دھوپ

منصور اپنی چھت سے رہو ہمکلام بس

تنہائیوں کی شہر میں ہے بے پناہ دھوپ

منصور آفاق

یہ ابھی جسم سے جھڑے ہیں سانپ

دسمبر 1, 2007منصور آفاق،شعراء،غزللڑے،کھڑے،گڑے،بڑے،جڑے،جھڑےadmin

منصور آفاق ۔ غزل نمبر 245

یہ جو پندار کے پڑے ہیں سانپ

یہ ابھی جسم سے جھڑے ہیں سانپ

کیا خزانہ تلاش کرتے ہو

اس کنویں میں بڑے بڑے ہیں سانپ

ہر قدم پر خدا کی بستی میں

مسئلوں کی طرح کھڑے ہیں سانپ

کم ہوئی کیا مٹھاس پانی کی

کتنے دریاؤں کو لڑے ہیں سانپ

اب بھی ڈرتا ہے آدمی ان سے

وہ جو تاریخ میں گڑے ہیں سانپ

ایک فوسل کی شکل میں منصور

کچھ مزاروں پہ بھی جڑے ہیں سانپ

منصور آفاق

کچھ پرانے ہیں کچھ نئے ہیں سانپ

دسمبر 1, 2007منصور آفاق،شعراء،غزلہوئے،ملے،نئے،کے،گئے،گرے،اٹھے،رہے،راستےadmin

منصور آفاق ۔ غزل نمبر 244

آستیں سے نکل پڑے ہیں سانپ

کچھ پرانے ہیں کچھ نئے ہیں سانپ

آ رہی ہیں جو اونی بھیڑیں ہیں

جا رہے ہیں جو وہ راستے ہیں سانپ

ہم لکیروں کو پیٹنے والے

جا رہے ہیں جہاں گئے ہیں سانپ

آسماں سے پہن کے تیرا روپ

دیکھ قوسِ قزح گرے ہیں سانپ

میرے پہلو میں جو پنپتے ہیں

یہ ترے انتظار کے ہیں سانپ

چل رہے ہیں سنپولیے ہمراہ

ہم بھی محسوس ہو رہے ہیں سانپ

شہر میں محترم نہیں ہم لوگ

صاحبِ عز و جہ ہوئے ہیں سانپ

اپنے جیون کی شاخِ جنت پر

موسم آیا تو کھل اٹھے ہیں سانپ

لالہ و گل کے روپ میں منصور

زندگی میں کئی ملے ہیں سانپ

منصور آفاق

کچھ نصیبوں نے بھی دیے ہیں سانپ

دسمبر 1, 2007منصور آفاق،شعراء،غزللیے،چاہیے،ثانیے،دیے،زاویےadmin

منصور آفاق ۔ غزل نمبر 243

کچھ تلاش آپ ہی کیے ہیں سانپ

کچھ نصیبوں نے بھی دیے ہیں سانپ

گفتگو زہر سے بھری ہی نہیں

سر پہ دستار بھی لیے ہیں سانپ

چھاؤں کو ڈس رہے ہیں شاخوں سے

دھوپ کے سرخ زاویے ہیں سانپ

شام ہوتے ہی چاٹتے ہیں دل

بس وہ دوچار ثانیے ہیں سانپ

پھر کہا خواب سے سپیرے نے

اور اب کتنے چاہیے ہیں سانپ

بھر گیا زہرِ غم سے اپنا دل

یعنی یادوں کے بھی دیے ہیں سانپ

منصور آفاق

جو چار لوگوں کے گھر ہے وہ دو تہائی بانٹ

دسمبر 1, 2007منصور آفاق،شعراء،غزلمٹھائی،وفائی،کمائی،کٹائی،اکائی،تہائی،جلائی،خدائی،رونمائیadmin

منصور آفاق ۔ غزل نمبر 242

گرفتِ زر کے گرفتاروں میں رہائی بانٹ

جو چار لوگوں کے گھر ہے وہ دو تہائی بانٹ

تُو مجھ کو چھوڑ، کسی اور سے تعلق رکھ

تمام شہر میں اپنی نہ بے وفائی بانٹ

مجھے بھی بخش تصرف کسی کے خوابوں پر

ذرا سی اپنے فقیروں میں بھی خدائی بانٹ

پلٹ پلٹ کے نہ دیکھ اُس کا دل ربا چہرہ

کسی فریب سے نکلا ہے جا مٹھائی بانٹ

یہ لوگ شعر کو دیکھیں تری بصارت سے

دیارِ حرف میں آنکھیں جلی جلائی بانٹ

کتابِ ذات کی بے چہرگی کو چہرہ دے

ہزار سال پہ تقریب رونمائی بانٹ

عجیب قحط ہے لوگوں کو عشق بھول گیا

تمام گاؤں میں گندم کٹی کٹائی بانٹ

سنا ہے شہر میں تیری کئی دکانیں ہیں

مرے امام! ذرا زہد کی کمائی بانٹ

ترے لیے تو ہے بد، سات کا عدد منصور

تُو آٹھ روز پہ تقویم کی اکائی بانٹ

منصور آفاق

اڑنے کا وسیلہ ہیں امیدوں کے نہ پر کاٹ

دسمبر 1, 2007منصور آفاق،شعراء،غزلپہر،پر،سفر،سحر،سرadmin

منصور آفاق ۔ غزل نمبر 241

اپنے ہی کناروں کو مرے دیدئہ تر کاٹ

اڑنے کا وسیلہ ہیں امیدوں کے نہ پر کاٹ

اک بنک کے لا کر میں تری عمر پڑی ہے

شب کاٹ اگر لی ہے تو بے مہر سحر کاٹ

ہر سمت دماغوں کے شجر اگنے لگے ہیں

اس مرتبہ پودوں کے ذرا سوچ کے سر کاٹ

تُو ساعتِ سیّار کی تسخیر سے پہلے

آخانۂ درویش میں بس ایک پہر کاٹ

منصور نکلنا تو ہے مٹی کی گلی سے

لیکن ابھی کچھ اور یہ سورج کا سفر کاٹ

منصور آفاق

وہ سنوارآیا بگاڑوں کو شہیدوں کا لہو

دسمبر 1, 2007منصور آفاق،شعراء،غزلناڑوں،کراڑوں،پہاڑوں،اجاڑوں،بگاڑوں،باڑوں،جاڑوں،دراڑوںadmin

منصور آفاق ۔ غزل نمبر 240

ملک کے ٹوٹے کواڑوں کو شہیدوں کا لہو

وہ سنوارآیا بگاڑوں کو شہیدوں کا لہو

موسمِ گل کی سہانی شام لاتا ہے یہی

دھوپ رُو کرتا ہے جاڑوں کو شہیدوں کا لہو

کرچکا ہے خوشنما تاریخ کے ہردور میں

موت کی پُر خار باڑوں کو شہیدوں کا لہو

دے چکا ہے زندگی کی دلربا آبادیاں

دشت کے کالے اجاڑوں کو شہیدوں کا لہو

کر چکا ہے ہمتوں سے سرفراز و جاوداں

آسماں آسا پہاڑوں کو شہیدوں کا لہو

دے چکا ہے روشنی ظلمات میں بکھری ہوئی

کتنی بارودی دراڑوں کو شہیدوں کا لہو

ہرقیامت خیز موسم میں رواں رکھتا رہا

زندگی کی کٹتی ناڑوں کو شہیدوں کا لہو

عمر بھر انجام تک منصور پہنچاتا رہا

ظلمتِ شب کے کراڑوں کو شہیدوں کا لہو

منصور آفاق

ان کے دروازے کھلے ہیں تم طلب کرتے رہو

دسمبر 1, 2007منصور آفاق،شعراء،غزللب،اب،تعب،سب،سبب،طلب،طربadmin

منصور آفاق ۔ غزل نمبر 239

مصحفِ دل کی تلاوت روز و شب کرتے رہو

ان کے دروازے کھلے ہیں تم طلب کرتے رہو

شاملِ توفیق ان کی رحمتیں ہو جائیں گی

مسئلے جو بھی بیاں کرنے ہیں سب کرتے رہو

زندگی ممنون ہے جس کی ، اُسی کے نام سے

اپنے دل کے بھی دھڑکنے کا سبب کرتے رہو

نام ہو ان کا تو مایوسی سراسر کفر ہے

اپنی بخشش کی دعا ساغر بہ لب کرتے رہو

اک ذرا بس ان کا ذکرِ خیر پہلے دوستو

بات اپنی جو تمہیں کرنی ہے ، اب کرتے رہو

عزم زندہ ہو تو ساری بیڑیاں کٹ جائیں گی

کوششیں اپنی بصد رنج و تعب کرتے رہو

آنکھ میں منصور روشن ہوں ستارے اور دئیے

آنسوئوں سے تم بپا شامِ طرب کرتے رہو

منصور آفاق

تم لمسِ زندگی کی خرابی سمجھتے ہو

دسمبر 1, 2007منصور آفاق،شعراء،غزلنصابی،وہابی،کتابی،خرابی،شرابی،عنابیadmin

منصور آفاق ۔ غزل نمبر 238

ہوتے ہیں کیسے گال ، گلابی سمجھتے ہو

تم لمسِ زندگی کی خرابی سمجھتے ہو

تم مجھ سے پوچھتے ہو الف کی کہانیاں

کیا مجھ کو کوئی کرمِ کتابی سمجھتے ہو

کیاگفتگو ہو تم سے فقیہِعجم کہ تم

غالب سی شخصیت کو شرابی سمجھتے ہو

اے دوست یہ بھی آتی ہے فردِ علوم میں

کیوں دوستی کو غیر نصابی سمجھتے ہو

عبدالرسول ! چھاؤں کی نرمی تو کم نہیں

کیوں نیم کے شجر کو وہابی سمجھتے ہو

منصور یہ لہو ہے پروں پر لگا ہوا

تم فاختہ کا رنگ عنابی سمجھتے ہو

منصور آفاق

وصل کی پہلی چنبیلی دیکھتی ہو

دسمبر 1, 2007منصور آفاق،شعراء،غزلہتھیلی،لی،چنبیلی،نویلی،اکیلی،حویلیadmin

منصور آفاق ۔ غزل نمبر 237

خوابِ گل کی جو پہیلی دیکھتی ہو

وصل کی پہلی چنبیلی دیکھتی ہو

پتھروں کو کاٹتا رہتا ہوں دن بھر

کیا مری چھو کر ہتھیلی دیکھتی ہو

بات کر سکتے ہیں ہم دونوں یہاں پر

ہے سڑک کتنی اکیلی دیکھتی ہو

غم کی صدیوں کا کھنڈر ہوں تیرے بعد

جسم کی خالی حویلی دیکھتی ہو

یہ بھی ممکن ہے کہ اس کے چشم و لب میں

بولتی ہو رت، چنبیلی دیکھتی ہو

بات خوشبو کی اچانک موسموں نے

چھین اس کے ہونٹ سے لی، دیکھتی ہو

مجھ میں دیکھو بیٹھ کر اس کو کوئی دن

خود میں کیا دلہن نویلی دیکھتی ہو

منصور آفاق

سلام تجھ پہ ہو، باد صبا سلامتی ہو

دسمبر 1, 2007منصور آفاق،شعراء،غزلہوا،کہا،کیا،باوفا،بجا،ثنا،خدا،دیا،دعا،صبا،صدا،ضیاadmin

منصور آفاق ۔ غزل نمبر 236

تُو لائے یار کی خوشبو، سدا سلامتی ہو

سلام تجھ پہ ہو، باد صبا سلامتی ہو

میں دھڑکنوں کے تلاطم سے لطف لیتا ہوں

ہزار وحشتِ موجِ ہوا سلامتی ہو

مری حیاتِ گذشتہ سے لوٹ آتی ہوئی

صباحتِ لب و رخ کی صدا سلامتی ہو

ملالِ شامِ مسلسل کی حکمرانی ہے

الم نصیب، دلِ باوفا سلامتی ہو

تمام کون و مکاں کے لیے دعائے خیر

فقط یہاں ہی نہیں جا بجا سلامتی ہو

وہاں بچھانی ہے اک جانماز میں نے بھی

کنارِ چشمہء حمد و ثنا سلامتی ہو

میں چل رہا تھا کسی بد کلام بستی میں

کسی نے مجھ کو اچانک کہا سلامتی ہو

سیاہ دن سے گزرتی ہوئی سفید قبا

اٹھے ہوئے ہیں یہ دست دعا سلامتی ہو

پڑوس میں بھی ترے دم سے کچھ اجالا ہے

سلامتی مرے گھر کا دیا سلامتی ہو

میں خوشہ چین ہوں غالب ترے گلستاں کا

اے کائناتِ سخن کے خدا سلامتی ہو

شبِ فراق چمکتی ہے تیرے جلووں سے

اے مہتاب کی دھیمی ضیا سلامتی ہو

یہیں پہ خیر بھی رہتی ہے شر بھی ہے آباد

مری زمین پہ منصور کیا سلامتی ہو

منصور آفاق

اسمِ جاں اللہ ہو جانِ جہاں اللہ ہو

دسمبر 1, 2007منصور آفاق،شعراء،غزلفغاں،لامکاں،نہاں،آسماں،جہاں،جاوداں،رواںadmin

منصور آفاق ۔ غزل نمبر 235

وردِ دل اللہ ہو ، وردِ زباں اللہ ہو

اسمِ جاں اللہ ہو جانِ جہاں اللہ ہو

ایک ہی آہنگ میں موجِ صبا کے ساتھ ساتھ

کہہ رہا ہے صبح دم آبِ رواں اللہ ہو

گونجتا ہے اس لئے داؤد سے باہو تلک

نغمۂ ہو کے تکلم میں نہاں اللہ ہو

عابدوں کا اپنا تقوی ، زاہدوں کا اپنا زہد

رندِ درد آمیز کی آہ و فغاں اللہ ہو

لفظِ ہو میں گم ہواہے ہست کا سارا وجود

یہ زمیں اللہ ہو یہ آسماں اللہ ہو

خاک اور افلاک کو واپس بھی لے سکتا ہے وہ

ہیں جہاں دونوں فنا اک جاوداں اللہ ہو

قبر کی دعوت میں باہو کہہ گیا منصور سے

جس کا میں شہباز ہوں وہ لامکاں اللہ ہو

منصور آفاق

اک غلط روٹ کی تم تو تاریخ ہو

دسمبر 1, 2007منصور آفاق،شعراء،غزللوٹ،چھوٹ،پھوٹ،جھوٹ،روٹadmin

منصور آفاق ۔ غزل نمبر 234

رات کے بوٹ کی تم تو تاریخ ہو

اک غلط روٹ کی تم تو تاریخ ہو

میں نے سمجھا تھا تم کو محافظ مگر

اک بڑی لوٹ کی تم تو تاریخ ہو

تم لٹیروں کا سفاک سرکش گروہ

ظلم کی جھوٹ کی تم تو تاریخ ہو

اپنی بربادیوں کی کہانی ہو تم

ٹوٹ کی پھوٹ کی تم تو تاریخ ہو

کتنے منصور تم نے کئے قتل ہیں

جرم میں چھوٹ کی تم تو تاریخ ہو

منصور آفاق

محبت کا یہ کم آباد رستہ دیکھتے کیا ہو

دسمبر 1, 2007منصور آفاق،شعراء،غزلچہرہ،کمرہ،دریچہ،رستہ،ستارہadmin

منصور آفاق ۔ غزل نمبر 233

گزرتا ہے کوئی برسوں میں تارہ دیکھتے کیا ہو

محبت کا یہ کم آباد رستہ دیکھتے کیا ہو

مرے برجِ جدی تم ہو یہ خوش بختی تمہی سے ہے

لکیریں دیکھتے کیا ہو ستارہ دیکھتے کیا ہو

محبت وہ نہیں حاصل جہاں لا حاصلی بس ہو

جو کھلتا ہی نہیں ہے وہ دریچہ دیکھتے کیا ہو

یہاں کاغذ پہن کر صرف میرے خواب رہتے ہیں

یہ بے ترتیب سا نظموں کا کمرہ دیکھتے کیا ہو

ہے بندو بست ، لمس و ذائقہ کی پیاس کا منصور

نگاہوں سے کسی کا صرف چہرہ دیکھتے کیا ہو

منصور آفاق

کہ آپ چل کے کنواں آئے پاس ایسا ہو

دسمبر 1, 2007منصور آفاق،شعراء،غزللباس،کراس،گھاس،پاس،اقتباس،انعکاس،اداس،بدحواس،شناسadmin

منصور آفاق ۔ غزل نمبر 232

یہ لب سمیٹ لیں صحرا کی پیاس ایسا ہو

کہ آپ چل کے کنواں آئے پاس ایسا ہو

کری گلاس میں ڈالے پلیٹ میں پانی

میں چاہتا ہوں کہ وہ بدحواس ایسا ہو

تمام رات رہے مال روڈ پر بجلی

تمام رات یہ چیرنگ کراس ایسا ہو

مری گلی میں شعاعوں کی بھیڑ لگ جائے

اُس آئینے سے کوئی انعکاس ایسا ہو

وہ خوش خرام بدن نرم گرم جیسا ہے

مرے بدن کا بھی کوئی لباس ایسا ہو

ملال سسکیاں گلیوں میں بھرتے پھرتے ہوں

یہ شہر ہجر میں تیرے اداس ایسا ہو

کوئی بھی راستہ پاؤں کی دسترس میں نہ ہو

ہرایک راہ میں اگ آئے گھاس ایسا ہو

جو دیکھ سکتا ہومنظر نہیں پسِ منظر

کوئی تو شہر میں چہرہ شناس ایسا ہو

وہ بار بار پڑھے رات دن جسے منصور

کتابِ دل کا کوئی اقتباس ایسا ہو

منصور آفاق

یہ تو منصور کا چہرہ نہیں لگتا مجھ کو

دسمبر 1, 2007منصور آفاق،شعراء،غزلمردہ،چہرہ،نوحہ،کا،اچھا،اپنا،برستا،رستہ،سپناadmin

منصور آفاق ۔ غزل نمبر 231

اجنبی ہے کوئی اپنا نہیں لگتا مجھ کو

یہ تو منصور کا چہرہ نہیں لگتا مجھ کو

اتنے ناپاک خیالات سے لتھڑی ہے فضا

حرفِ حق کہنا بھی اچھا نہیں لگتا مجھ کو

قتل تو میں نے کیا رات کے کمرے میں اسے

اور یہ واقعہ سپنا نہیں لگتا مجھ کو

پھر قدم وقت کے مقتل کی طرف اٹھے ہیں

یہ کوئی آخری نوحہ نہیں لگتا مجھ کو

وقت نے سمت کو بھی نوچ لیا گھاس کے ساتھ

چل رہا ہوں جہاں رستہ نہیں لگتا مجھ کو

کیسی تنہائی سی آنکھوں میں اتر آئی ہے

میں ہی کیا کوئی اپنا نہیں لگتا مجھ کو

موت کا کوئی پیالہ تھا کہ وہ آبِ حیات

جسم سقراط کا مردہ نہیں لگتا مجھ کو

اب تو آنکھیں بھی ہیں سورج کی طنابیں تھامے

اب تو بادل بھی برستا نہیں لگتا مجھ کو

ٹین کی چھت پہ گرا ہے کوئی کنکر منصور

شور ٹوٹے ہوئے دل کا نہیں لگتا مجھ کو

منصور آفاق

کیسے سمجھ لیتا میں اپنا ساتھی اس کو

دسمبر 1, 2007منصور آفاق،شعراء،غزلہاتھی،تھی،ساتھیadmin

منصور آفاق ۔ غزل نمبر 230

وہ امریکا تھی ہر بات روا تھی اس کو

کیسے سمجھ لیتا میں اپنا ساتھی اس کو

جنگ نہیں ہو سکتی تھی اس بے پرواسے

میں نے فنا ہونا تھا اور بقا تھی اس کو

میرے ساتھ جہاں تھا پھر بھی ہار گیا میں

ایک مقدس ماں کی صرف دعا تھی اس کو

انجانے میں بھیگ گئی تھیں جلتی پلکیں

کچھ کہنے کی اور ضرورت کیا تھی اس کو

اپنے پیٹ پہ پتھر باندھ کے جو پھرتا تھا

بخش دیا ہے ایک سخی نے ہاتھی اس کو

دیکھ کے چہرہ کو منصور کہا پھولوں نے

راس میانوالی کی آب و ہوا تھی اس کو

منصور آفاق

ہم نے ابلاغ سے خلاؤں کو

دسمبر 1, 2007منصور آفاق،شعراء،غزلہواؤں،چھاؤں،گاؤں،پاؤں،خلاؤں،خداؤں،سراؤںadmin

منصور آفاق ۔ غزل نمبر 229

بھردیا اجنبی فضاؤں کو

ہم نے ابلاغ سے خلاؤں کو

آخری سانس تک لڑیں گے ہم

پھر دیوں نے کہا ہواؤں کو

لوگ ابلیس سے بھی بڑھ کے ہیں

پوجتے ہیں کئی خداؤں کو

سانپ بننے لگی ہے شاخِ گل

دھوپ ڈسنے لگی ہے چھاؤں کو

دشتِ غم سے نکال لائے ہیں

چومتے ہیں ہم اپنے پاؤں کو

دے گئی پھر سنبھالاموسیقی

اور دعادی غزل سراؤں کو

اپنے خالی گھڑے لئے منصور

کوئی دریا چلا ہے گاؤں کو

منصور آفاق

مرتے ہوئے لوگوں کومسائل سے نکالو

دسمبر 1, 2007منصور آفاق،شعراء،غزلقبائل،وسائل،کومسائل،خصائل،شمائلadmin

منصور آفاق ۔ غزل نمبر 228

تہذیب کو فرسودہ دلائل سے نکالو

مرتے ہوئے لوگوں کومسائل سے نکالو

تم ملک خدا داد کا لوٹا ہوا گلشن

اب زردمعیشت کے خصائل سے نکالو

خیرات پہ جینا توکوئی جینا نہیں ہے

اک تازہ سحر اپنے وسائل سے نکالو

قانون کو نافذ کرو ہر ایک گلی پر

تم قاتلوں کو اپنے قبائل سے نکالو

منصور لٹیروں کو سرِعام دو پھانسی

اب دیس کرپشن کی شمائل سے نکالو

منصور آفاق

کہے یہ بات غریب الوطن ، وطن والو

دسمبر 1, 2007منصور آفاق،شعراء،غزلہوشمشیرزن،چمن،پن،الوطن،جلن،دھن،سمن،سخنadmin

منصور آفاق ۔ غزل نمبر 227

مسافرت ہی ہے رنج و محن ، وطن والو

کہے یہ بات غریب الوطن ، وطن والو

سویر ے پھرتے ہیں باغِ جناح میں کیا کیا

بڑی حسین ہے صبحِ چمن وطن والو

جہاں کی ساری بہاروں سے خوبصورت ہیں

ہمارے اپنے یہ برگ و سمن وطن والو

زمانے بھرسے ملائم ہیں نرم و نازک ہیں

زبانیں اپنی یہ اپنے سخن وطن والو

یہ شاعری ہے تمہاری ، تمہاری خاطر ہے

یہ گفتگو یہ جگرکی جلن وطن والو

تم اس سے تازہ زمانہ خرید سکتے ہو

اٹھالو میرے قلم کایہ دھن وطن والو

تمہیں مٹانے کی کوشش میں کیا جہاں والے

تم آپ خودسے ہوشمشیرزن وطن والو

وطن میں ایک نئے دور کیلئے منصور

ضروری ہو گیا دیوانہ پن وطن والو

منصور آفاق

شجر ایسے تعلق کی ضرورت کم نہ ہونے دو

دسمبر 1, 2007منصور آفاق،شعراء،غزللطافت،ملاحت،محبت،مسافت،اذیت،بغاوت،صباحت،ضرورتadmin

منصور آفاق ۔ غزل نمبر 226

ہوائے نرم خُو کو اپنی عادت کم نہ ہونے دو

شجر ایسے تعلق کی ضرورت کم نہ ہونے دو

ابھی گلدان میں رہنے دو یہ بکھری ہوئی کلیاں

ابھی اس کے بچھڑنے کی اذیت کم نہ ہونے دو

دئیوں کی لو رکھو اونچی دیارِ درد میں منصور

اندھیروں کے خلاف اپنی بغاوت کم نہ ہونے دو

مرے دھکے ہوئے جذبوں کی شدت کم نہ ہونے دو

تعلق چاہے کم رکھو، محبت کم نہ ہونے دو

ذرا رکھو خیال اپنے نشاط انگیز پیکر کا

مری خاطر لب و رخ کی صباحت کم نہ ہونے دو

مسلسل چلتے رہنا ہو طلسمِ ذات میں مجھ کو

رہو آغوش میں چاہے مسافت کم نہ ہونے دو

مجھے جو کھینچ لاتی ہے تری پُر لمس گلیوں میں

وہ رخساروں کی پاکیزہ ملاحت کم نہ ہونے دو

رکھو موجِ صبا کی وحشتیں جذبوں کے پہلو میں

تلاطم خیز دھڑکن کی لطافت کم نہ ہونے دو

منصور آفاق

نہیں نہیں میں مسیحا نہیں معافی دو

دسمبر 1, 2007منصور آفاق،شعراء،غزللعیں،نہیں،نگیں،انگبیں،آتشیں،آستیں،جبیں،زمیںadmin

منصور آفاق ۔ غزل نمبر 225

صلیبیں دور یہ گاڑو کہیں ،معافی دو

نہیں نہیں میں مسیحا نہیں معافی دو

اتار سکتا نہیں ہوں میں قرض مٹی کے

اے میرے دیس اے میری زمیں معافی دو

کسی کے سامنے جھکنا مجھے نہیں آتا

سجودِ خاک سے عاری جبیں معافی دو

خدا سے میرے مراسم میں تم نہیں موجود

بہشتِ نہر مہ و انگبیں معافی دو

نہیں ہے سانپ کو بھی مارناروا مجھ پر

لپکتے مارِ کفِ آستیں معافی دو

وجودِ وحدتِ کل سے جدا نہیں ہوں میں

شہودِ شر کے بزرگِ لعیں معافی دو

نکلنے کو مرے ہاتھوں سے ہے نمازِ عشا

عکاظِ نو کی شبِ آتشیں معافی دو

یہاں گنہ ہے تمنا، یہ ہے رہِ منصور

دیارِ دست طلب کے نگیں معافی دو

منصور آفاق

امیرِ شہر! چلو جاؤ اب، معافی دو

دسمبر 1, 2007منصور آفاق،شعراء،غزلاب،بلب،سب،سبب،عربadmin

منصور آفاق ۔ غزل نمبر 224

حرام ہم پہ خیالِ طلب معافی دو

امیرِ شہر! چلو جاؤ اب، معافی دو

فقیرلوگ ابھی کربلا نہیں بھولے

اٹھو یہاں نکل جاؤ سب، معافی دو

وجود جھرجھری کھاتے ہیں بادشاہوں کے

سوال ترش ہیں لیموں بلب ،معافی دو

تم اہلِ زر سے تباہی تمام بستی میں

ہر ایک دکھ کا تمہی ہو سبب معافی دو

نفاذِ دین محمدﷺکہیں نہیں منصور

عجم معاف کرو اے عرب معافی دو

منصور آفاق

ڈر رہا ہے دریچے تک سے تُو

دسمبر 1, 2007منصور آفاق،شعراء،غزلفلک،مہک،تک،جھلک،سڑکadmin

منصور آفاق ۔ غزل نمبر 223

رنگ لے کر نئے، دھنک سے تُو

ڈر رہا ہے دریچے تک سے تُو

یہ تجھے بھی مسافرت دے گی

مانگتا کیاہے اِس سڑک سے تُو

کھنکھناتی ہوئی زمیں سے میں

اور آیا ہوا فلک سے تُو

دل پہ تصویر ہو گیا کیسے

اپنی بس ایک ہی جھلک سے تُو

شور آنکھوں کا کیسا تھا منصور

بھر گیا لمس کی مہک سے تُو

منصور آفاق

سمندر کے کنارے ایک کاٹج میں رہوں کچھ دن

دسمبر 1, 2007منصور آفاق،شعراء،غزلہوں،لکھوں،کیوں،جنوں،خوں،دوں،رہوںadmin

منصور آفاق ۔ غزل نمبر 222

میں اپنی فیملی کے ساتھ کچھ دن… پُر سکوں کچھ دن

سمندر کے کنارے ایک کاٹج میں رہوں کچھ دن

کہیں ڈھلتی ہوئی شب کو بھی ورزش کی ضرورت ہے

میں اپنے دوستوں کے ساتھ جاگنگ چھوڑ دوں کچھ دن

ابھی کچھ دن پلیٹوں میں رکھوں جذبے قیامت کے

سلاخوں میں دہکتے گوشت پر نظمیں لکھوں کچھ دن

مرے ہم عصر پیرس اب اداسی چھوڑ دے اپنی

جدا ہونا تو ہے لیکن ابھی میں اور ہوں کچھ دن

ابھی اس لمس تک شاید کئی ہفتوں کا رستہ ہے

رگوں میں تیز رہنی ہے ابھی رفتارِ خوں کچھ دن

بدن کے شہر کو جاتی سڑک پہ کوئی خطرہ ہے ؟

مجھے حیرت سرائے روح میں رہنا ہے کیوں کچھ دن

بہت ہی سست ہیں نبضیں مرے شہرِ نگاراں کی

اضافہ خود سری میں کچھ، چلے رسمِ جنوں کچھ دن

منصور آفاق

آگئے ہیں زندگی میں پھربڑے بے کار دن

دسمبر 1, 2007منصور آفاق،شعراء،غزلچار،کار،پراسرار،اتوار،دلدار،دارadmin

منصور آفاق ۔ غزل نمبر 221

ٹوٹے پھوٹے،بدنما،فالج زدہ ،بیمار دن

آگئے ہیں زندگی میں پھربڑے بے کار دن

ہم ملیں گے شانزے لیزے پہ رومی بارمیں

طے ہوئی بارہ دسمبر۔۔ ٹھیک ہے اتوار دن

یاد ہے وہ یارکے پہلو میں رنگوں کی بہار

جینا کہتے ہیں جسے ویسے جئے تھے چار دن

مصر کے اہرام سے پیرو کی تصویروں تلک

ہرجگہ کتنے گئی صدیوں کے پُراسرار دن

میری وحشت ہی جہاں تھی فیصلہ کن پھر وہاں

کیا اثر انداز ہوتے غیر جانب دار دن

آخرش منصور کیا تھااُس گذشتہ رات میں

گم ہوئی جذبوں بھری رُت، کھوگئے دلدار دن

منصور آفاق

سپردِ ریگ ہوئے ریت پر اچھل کے ہم

دسمبر 1, 2007منصور آفاق،شعراء،غزلمل،مچل،چل،پھرابل،اچھل،بدل،جلadmin

منصور آفاق ۔ غزل نمبر 220

کنارِآبِ رواں سے نکل نکل کے ہم

سپردِ ریگ ہوئے ریت پر اچھل کے ہم

ملازمت سے نکالے گئے مگر خوش ہیں

کسی کو دیکھتے دفتر میں تھے مچل کے ہم

ہمیں تلاشتے رہنا اسی خرابے میں

دکھائی دیں گے کسی اورسمت چل کے ہم

ندی کے ساتھ اترنے لگے سمندر میں

کسی پہاڑ کی چوٹی سے پھرابل کے ہم

سیہ نصیب ہیں سو دیکھتے ہیں خوابوں میں

چراغِ صبح ہی منظر بدل بدل کے ہم

مہکنے لگتے ہیں کیسی الوہی خوشبو میں

کسی مزار کی مٹی بدن پہ مل کے ہم

دکھائیں کیسے کسی کو ، دکھائیں کیا منصور

شبِسیاہ سے باہر کہیں پہ جل کے ہم

منصور آفاق

بہتر ہے بجلیوں کو نشیمن بنائیں ہم

دسمبر 1, 2007منصور آفاق،شعراء،غزلمسکن،نشیمن،کوساجن،دشمن،روشنadmin

منصور آفاق ۔ غزل نمبر 219

اپنے بدن کو آگ کامدفن بنائیں ہم

بہتر ہے بجلیوں کو نشیمن بنائیں ہم

کس واسطے سنائیں تباہی کی پھر وعید

سارا دیار کس لئے دشمن بنائیں ہم

بدذات شہر رہنے کے قابل نہیں رہا

ویرانے میں کہیں جا مسکن بنائیں ہم

کالے سمندروں کے زمانے گزر گئے

تاریک سب جزیرے روشن بنائیں ہم

منصور جس کے ساتھ منورہے سارا شہر

اُس خوبرو چراغ کوساجن بنائیں ہم

منصور آفاق

عہدِ فرعون کے بھی فسوں کا ہم

دسمبر 1, 2007منصور آفاق،شعراء،غزلوار،کا،کردار،پتوار،انکار،انبار،آثار،دیوار،دستارadmin

منصور آفاق ۔ غزل نمبر 218

سچ کہوں کیا کہ موسیٰ عصا دار ہم

عہدِ فرعون کے بھی فسوں کا ہم

ہم خذف ریزے مٹی کے ہم ٹھیکرے

نقشِ تہذیب کے کہنہ آثار ہم

ہم ہی تختِ سلیماں کی تاریخ ہیں

اشک آباد ہیکل کی دیوار ہم

ہم حسن کوزہ گر ہم ہی بغداد ہیں

اک گذشتہ خلافت کی دستار ہم

ہم ہیں خاک نگاراں کی تشکیل گاہ

موت کی گرد سے لکھے کردار ہم

ہر طرف سرخ پانی کے سیلا ب میں

تربتر،ٹوٹے کوزوں کے انبار ہم

ٹوٹنے کی صدائے ستم،ہرطرف

ایک آوازِ تخریب کا وار ہم

جو صلیبوں کی میخوں میں مردہ ہوا

اُس خدا زاد عیسیٰ کا انکار ہم

اک طرف ہم ہی منصور گرداب ہیں

اک طرف بہتی کشتی کے پتوار ہم

منصور آفاق

بجلی کے ہیں چراغ، ہواؤں کا خوف ختم

دسمبر 1, 2007منصور آفاق،شعراء،غزلہواؤں،فضاؤں،قباؤں،گھٹاؤں،گاؤں،پاؤں،خلاؤں،خداؤں،دعاؤں،سزاؤں،صداؤںadmin

منصور آفاق ۔ غزل نمبر 217

اب آسماں نژاد بلاؤں کا خوف ختم

بجلی کے ہیں چراغ، ہواؤں کا خوف ختم

تلووں تلے لگا لیے سیارے وقت نے

ہر لمحہ سوچتے ہوئے پاؤں کا خوف ختم

بادل بڑے گرجتے ہیں باراں بکف مگر

سینہ نہیں دھڑکتا، خداؤں کا خوف ختم

اک چشمہء شعور پہ اپنی رگوں کے بیچ

ہم شیر مار آئے ہیں ، گاؤں کا خوف ختم

سورج تراش لائے ہیں صحنِ علوم سے

سہمی ہوئی سیاہ فضاؤں کا خوف ختم

ہم نے طلسم توڑ لیا ہے نصیب کا

جادو نگر کی زرد دعاؤں کا خوف ختم

اب شرم سار ہوتی نہیں ہے سنہری دھوپ

پلکوں پہ سرسراتی گھٹاؤں کا خوف ختم

میلوں تلک زمیں میں آنکھیں اتر گئیں

اندھے کنووں میں لٹکی سزاؤں کا خوف ختم

کوہ ندا کے کھل گئے اسرار آنکھ پر

آسیبِ آسماں کی صداؤں کا خوف ختم

اپنالی اپنے عہد نے تہذیب جین کی

اکڑی ہوئی قدیم قباؤں کا خوف ختم

ہم رقص کائنات ہے منصور ذات سے

اندر کے بے کنار خلاؤں کا خوف ختم

منصور آفاق

زندگی کے پیمبر پہ لاکھوں سلام

دسمبر 1, 2007منصور آفاق،شعراء،غزلور،گھر،پیمبر،پیکر،پتھر،پرور،ابوزر،اطہر،بستر،تر،سرورadmin

منصور آفاق ۔ غزل نمبر 216

صبحِ انساں کے منظر پہ لاکھوں سلام

زندگی کے پیمبر پہ لاکھوں سلام

جس میں رہتی تھی عرشِ کرم کی بہشت

کچی اینٹوں کے اُس گھر پہ لاکھوں سلام

جس پہ آرام کرتے تھے شاہِ عرب

اُس کھجوروں کے بستر پہ لاکھوں سلام

جس سے پیتے تھے پانی شہء دوسرا

اس گھڑے کے لبِ تر پہ لاکھوں سلام

جس نے کیڑوں مکوڑوں کا رکھا خیال

اُس حسیں پائے اطہر پہ لاکھوں سلام

جس کے گھر مال و زر کا چلن ہی نہ تھا

ایسے نادار پرور پہ لاکھوں سلام

جس قناعت نے بدلا نظامِ معاش

اس شکم پوش پتھر پہ لاکھوں سلام

اک ذرا سی بھی جنش نہیں پاؤں میں

استقامت کے پیکر پہ لاکھوں سلام

زر ضرورت سے زائد تمہارا نہیں

کہنے والے کرم ور پہ لاکھوں سلام

جس کے مذہب میں ہے مالِ ساکت حرام

اُس رسولِ ابوزر پہ لاکھوں سلام

جس نے اسراف و تبذیر تک ختم کی

اُس غریبوں کے سرور پہ لاکھوں سلام

منصور آفاق

بازارِ شام پر نہ ہو بارِ دگر وہ شام

دسمبر 1, 2007منصور آفاق،شعراء،غزلمگر،مستقر،گھر،اگر،ثمر،جگر،دگرadmin

منصور آفاق ۔ غزل نمبر 215

وہ غم وہ بے کسی وہ لہو کا سفر وہ شام

بازارِ شام پر نہ ہو بارِ دگر وہ شام

ظالم شکاریوں کے نئے فائروں کی گونج

سہمے ہوئے پرندوں کا وہ مستقر وہ شام

وہ ساعتِ جدائی وہ ہجراں نگر وہ شام

اس دل میں حوصلہ تو بہت تھا مگر وہ شام

شانوں پہ اک خیال کے گیسو گرے ہوئے

وہ باغِ خامشی وہ عدم کا ثمر وہ شام

رکھے ہیں بام چشم پہ میں نے بھی کچھ چراغ

پھرآ رہی ہے درد پہن کر اگر وہ شام

شانوں پہ پھر فراق کی زلفیں بکھیر کر

افسردہ سی اداس سی آئی ہے گھر وہ شام

گرنی تو تھی افق میں گلابوں کی سرخ شاخ

لیکن گری کہیں بہ طریق دگر وہ شام

مژگاں کی نوک نوک پہ آویختہ کرے

منصور کاٹ کاٹ کے لختِ جگر وہ شام

منصور آفاق

ذرا سمیٹ بدن کے گلاب شاخِ گل

دسمبر 1, 2007منصور آفاق،شعراء،غزلکتاب،گلاب،انتساب،حساب،خراب،شباب،عذابadmin

منصور آفاق ۔ غزل نمبر 214

یہ تیرا خار بھی ہے محوِ خواب شاخِ گل

ذرا سمیٹ بدن کے گلاب شاخِ گل

مرے نصیب میں کانٹوں کی فصل آئی تھی

نہ مانگ مجھ سے گلوں کا حساب شاخِ گل

مری بہار کے بارے نہ پوچھا کر مجھ سے

ہے جھوٹ بولنا مجھ پہ عذاب شاخِ گل

کنارِ آب رواں ہمسفر زمانوں سے

خرامِ زندگی، موجِ کتاب، شاخِ گل

ورق ورق پہ پڑی ہیں شعاعیں خوشبو کی

کتاب زیست کا ہے انتساب شاخِ گل

خزاں کی شام ملی ہے مجھے تو گلشن میں

کہاں پہ آتا ہے تجھ پر شباب شاخِ گل

تلاش میں ہیں ہوائیں بہار کی منصور

کہاں لہکتی ہے خانہ خراب شاخ گل

منصور آفاق

چاند تاروں کی بارات آہستہ چل

دسمبر 1, 2007منصور آفاق،شعراء،غزلہاتھ،ملاقات،محتاط،بات،بارات،راتadmin

منصور آفاق ۔ غزل نمبر 213

جانِ جاں ہے مرے ساتھ ، آہستہ چل

چاند تاروں کی بارات آہستہ چل

یہ محبت کا رستہ خطرناک ہے

اے دلِ غیر محتاط ، آہستہ چل

اتنی رسوائیاں ٹھیک ہوتی نہیں

اے مرے عشق کی بات ، آہستہ چل

کتنی مشکل سے آئے ہیں وہ بزم میں

کچھ تو وقتِ ملاقات ، آہستہ چل

اس کی لافانی تصویر تخلیق کر

کینوس پہ مرے ہاتھ آہستہ چل

پھر یہ لمحے کہاں دستِ منصور میں

جتنا ممکن ہے اے رات آہستہ چل

منصور آفاق

محبت کے ٹھہرے ہوئے سلسلے چل

دسمبر 1, 2007منصور آفاق،شعراء،غزلقافلے،لے،ملے،چلے،حوصلے،سلسلےadmin

منصور آفاق ۔ غزل نمبر 212

بڑی سست رفتاریوں سے بھلے چل

محبت کے ٹھہرے ہوئے سلسلے چل

وہاں گھر ہے دریا جہاں ختم ہو گا

چلے چل کنارے کنارے چلے چل

خدا جانے کب پھر ملاقات ہو گی

ٹھہر مجھ سے جاتے ہوئے تو ملے چل

میں تیرے سہارے چلا جا رہا ہوں

ذرا اور ٹوٹے ہوئے حوصلے چل

نئے ساحلوں کے مسائل بڑے ہیں

تُو پچھلی زمیں کی دعا ساتھ لے چل

اکیلا نہ منصور رہ کیرواں میں

محبت کے چلنے لگے قافلے چل

منصور آفاق

میں آ گیا ہوں مجلسِ جانانہ ، آنکھ کھول

دسمبر 1, 2007منصور آفاق،شعراء،غزلفقیرانہ،جانانہ،رندانہ،شہیدانہ،شریفانہadmin

منصور آفاق ۔ غزل نمبر 211

روشن چراغ کر کوئی ، شب خانہ ، آنکھ کھول

میں آ گیا ہوں مجلسِ جانانہ ، آنکھ کھول

اے چشمۂ کلام ابل۔۔ اے شعوربول

میرے قلم کی جراتِ رندانہ ۔۔آنکھ کھول

میدانِ کار زار ترا منتظر ہے ۔ جاگ

حرف و ہنر کی صبحِ شہیدانہ ۔آنکھ کھول

سب لے گیا معاش ترا عہدِ بدمعاش

لاہورکے شعورِ شریفانہ ، آنکھ کھول

تبدیل ہو چکی ہے زمانے کی کیفیت

منصور کی اے روحِ فقیرانہ، آنکھ کھول

منصور آفاق

الفاظ و معانی سے سنوں شورِ انا الحق

دسمبر 1, 2007منصور آفاق،شعراء،غزلقرانی،معانی،جہانی،جوانی،روانی،زمانیadmin

منصور آفاق ۔ غزل نمبر 210

میں کُن کی کہانی سے سنوں شورِ انا الحق

الفاظ و معانی سے سنوں شورِ انا الحق

پانی بھی علیحدہ نہیں سر چشمہ ء کل سے

دریا کی روانی سے سنوں شورِ انا الحق

اڑتے ہوئے پتے بھی تو ہیں پیڑ کا حصہ

موسم کی جوانی سے سنوں شورِ انا الحق

کثرت کو میں وحدت سے جدا کر نہیں سکتا

تخلیقِ جہانی سے سنوں شورِ انا الحق

آواز سے لفظوں کی جدائی نہیں ممکن

آیاتِ قرانی سے سنوں شورِ انا الحق

منصور زمانے کو خدا کہتی ہے دانش

تقویمِ زمانی سے سنوں شورِ انا الحق

منصور آفاق

ملا ہوا ہے زمیں سے بھی یہ مگر آفاق

دسمبر 1, 2007منصور آفاق،شعراء،غزللائیٹر،مگر،نظر،کر،گر،ادھر،بیئر،بھر،خبر،در،سحر،شجرadmin

منصور آفاق ۔ غزل نمبر 209

قیام دار سہی آسمان پر آفاق

ملا ہوا ہے زمیں سے بھی یہ مگر آفاق

کسی نے آنا تھا لیکن بڑے مسائل تھے

بھرا ہوا تھا اجالوں سے رات بھر آفاق

کرن کی قوس افق در افق ملائے اسے

ہے آج اپنے ہی پہلو میں جلوہ گر آفاق

صراطِ سمت پہ رکھی ہوئی بصارت سے

تمام کیسے دکھائے مری نظر آفاق

بس اتنا ہے کہ بلندی پہ ہیں ذرا لیکن

ہمیشہ کھول کے رکھتا ہے اپنے در آفاق

نکالتا ہے مسلسل اسی کو دامن سے

ترے چراغ سے کرتا رہا سحر آفاق

یہ اور بات کہ سورج پہن کے رہتا ہے

مرے لیے میرا چھتنار سا شجر آفاق

ابھی بچھڑنے کی ساعت نہیں ڈیئر آفاق

ابھی تو پب میں پڑی ہے بہت بیئر آفاق

بس اس لیے کہ اسے دیکھنے کی عادت ہے

جلاتا روز ہے سورج کا لائیٹر آفاق

بدن نے آگ ابھی لمس کی نہیں پکڑی

ابھی کچھ اور کسی کا مساج کر آفاق

خدا سے کیوں نہ تعلق خراب میرا ہو

ہے ایک چھتری کی صورت اِدھر اُدھر آفاق

اُدھر پتہ ہی نہیں کچھ بہشت کا منصور

اِدھر زمیں کے نظاروں سے بے خبر آفاق

منصور آفاق

ہم جہاں سے چلے ، وہاں کی طرف

دسمبر 1, 2007منصور آفاق،شعراء،غزلمکاں،وہاں،آسماں،آشیاں،داستاں،زیاں،سائباںadmin

منصور آفاق ۔ غزل نمبر 208

چلتے رہتے ہیں لامکاں کی طرف

ہم جہاں سے چلے ، وہاں کی طرف

رحمتِ ابر جب بھی گرتی ہے

پاؤں اٹھتے ہیں سائباں کی طرف

چل پڑے واقعات بستی کو

اور کردار داستاں کی طرف

کمپنی کھولی ہے خسارے کی

فائدہ دیکھ کر زیاں کی طرف

ہم پکھیرو ہزاروں سالوں سے

روزجاتے ہیں آشیاں کی طرف

بھیگ جاؤں کرم کی بارش سے

ہاتھ اٹھاؤں جو آسماں کی طرف

آتے پولیس کے سپاہی ہیں

روز منصور کے مکاں کی طرف

منصور آفاق

ترے خیال پہ تھو تیرے انتظار پہ تف

دسمبر 1, 2007منصور آفاق،شعراء،غزلفگار،قمار،قطار،مار،وقار،یار،پکار،اقتدار،انتظار،اختیار،اشکبار،اعتبار،بہار،حصار،خار،دار،سنوار،شمار،غمگسار،غبارadmin

منصور آفاق ۔ غزل نمبر 207

شبِ وصال پہ لعنت شبِ قرار پہ تف

ترے خیال پہ تھو تیرے انتظار پہ تف

وہ پاؤں سو گئے جو بے ارادہ اٹھتے تھے

طواف کوچہء جاناں پہ، کوئے یار پہ تف

تجھ ایسے پھول کی خواہش پہ بار ہا لعنت

بجائے خون کے رکھتا ہوں نوکِ خار پہ تف

دلِ تباہ کو تجھ سے بڑی شکایت ہے

اے میرے حسنِ نظر ! تیرے اعتبار پہ تف

پہنچ سکا نہیں اس تک جو میرے زخم کا نور

چراغ خون پہ تھو سینہء فگار پہ تف

ہیں برگِ خشک سی شکنیں خزاں بکف بستر

مرے مکان میں ٹھہری ہوئی بہار پہ تف

کسی فریب سے نکلا ہے جا مٹھائی بانٹ

ترے ملالِ تری چشم اشکبار پہ تف

تجھے خبر ہی نہیں ہے کہ مرگیا ہوں میں

اے میرے دوست ترے جیسے غمگسار پہ تف

یونہی بکھیرتا رہتا ہے دھول آنکھوں میں

ہوائے تیز کے اڑتے ہوئے غبار پہ تف

خود آپ چل کے مرے پاس آئے گا کعبہ

مقامِ فیض پہ بنتی ہوئی قطار پہ تف

حیات قیمتی ہے خواب کے دریچوں سے

رہِ صلیب پہ لعنت، فراز دار پہ تف

صدا ہو صوتِ سرافیل تو مزہ بھی ہے

گلے کے بیچ میں اٹکی ہوئی پکار پہ تف

جسے خبر ہی نہیں ہے پڑوسی کیسے ہیں

نمازِ شام کی اُس عاقبت سنوار پہ تف

مری گلی میں اندھیرا ہے کتنے برسوں سے

امیرِ شہر! ترے عہدِ اقتدار پہ تف

ترے سفید محل سے جو پے بہ پے ابھرے

ہزار بار انہی زلزلوں کی مار پہ تف

ترے لباس نے دنیا برہنہ تن کر دی

ترے ضمیر پہ تھو، تیرے اختیار پہ تف

سنا ہے چادرِ زہرا کو بیچ آیا ہے

جناب شیخ کی دستارِ بد قمار پہ تف

تُو ماں کی لاش سے اونچا دکھائی دیتا ہے

ترے مقام پہ لعنت ترے وقار پہ تف

مرے گھرانے کی سنت یہی غریبی ہے

ترے خزانے پہ تھو مالِ بے شمار پہ تف

یہی دعا ہے ترا سانپ پر قدم آئے

ہزار ہا ترے کردارِ داغ دار پہ تف

کسی بھی اسم سے یہ ٹوٹتا نہیں منصور

فسردگی کے سلگتے ہوئے حصار پہ تف

منصور آفاق

جاعدالت میں اُس بے وفا کے خلاف

دسمبر 1, 2007منصور آفاق،شعراء،غزلفنا،ہوا،نوا،وفا،بادشہ،خدا،رضا،صباadmin

منصور آفاق ۔ غزل نمبر 206

کیس ، ممکن ہے مکرو ریا کے خلاف

جاعدالت میں اُس بے وفا کے خلاف

یہ جنارہ بھی دراصل ہے اک جلوس

نیستی کے مقامِ فنا کے خلاف

تیری آواز بھی سلب ہوسکتی ہے

گفتگو کر نہ قحطِ نوا کے خلاف

پھر رہا ہے برہنہ کوئی شہر میں

پھر رعونت زدہ بادشہ کے خلاف

یہ کرشمہ مسلسل گھٹن سے ہوا

ہو گئے پھول تازہ ہوا کے خلاف

اک یہی زندگی کا سہارا ہے بس

میں نہیں ہوں وجودِ خدا کے خلاف

خوشبوئے یارسے یہ معطر نہیں

بات کر کوئی بادِ صبا کے خلاف

خاک پر مجھ کو منصور بھیجا گیا

میری مرضی کے میری رضاکے خلاف

منصور آفاق

ظلم عظیم… یار کے دامن پہ ایسا داغ

دسمبر 1, 2007منصور آفاق،شعراء،غزلمدفن،چلمن،گلشن،گردن،پھاگن،برتن،جوبن،دامن،دشمن،روشن،زن،سلوگن،سوسن،ساونadmin

منصور آفاق ۔ غزل نمبر 205

اتنی جمیل صبحِ شگفتن پہ ایسا داغ

ظلم عظیم… یار کے دامن پہ ایسا داغ

توبہ یہ وارداتِ فلسطین، کیا کہوں

اس عہدِ با شعور کے جوبن پہ ایسا داغ

ابھرا ہے آئینہ سے جو تیرے سلوک پر

لگتا ہے چشم مہر میں پھاگن پہ ایسا داغ

ایسا تو کچھ نہیں مرے دل کے مکان میں

کیسے لگا ہے دستِ نقب زن پہ ایسا داغ

حیرت ہے بارشوں کے مسلسل فروغ میں

رہ جائے آنسوئوں بھرے ساون پہ ایسا داغ

لگتا ہے انتظار کے چپکے ہیں خدو خال

دیکھا نہیں کبھی کسی چلمن پہ ایسا داغ

جس میں دھڑکتے لمس دکھائی دیں دور سے

اس نے بنا دیا میری گردن پہ ایسا داغ

ہونٹوں کے یہ نشان مٹا دو زبان سے

اچھا نہیں ہے دودھ کے برتن پہ ایسا داغ

جیسے پڑا ہوا ہے لہو میرا روڈ پر

کیسے لگا ہے رات کے مدفن پہ ایسا داغ

جس میں مجھے اترنا پڑے اپنی سطح سے

کیسے لگاؤں دوستو دشمن پہ ایسا داغ

یہ کیا پرو دیا ہے پرندے کو شاخ میں

زیتون کے سفید سلوگن پہ ایسا داغ

بعد از بہار دیکھا ہے میں نے بغور دل

پہلے نہ تھا صحیفۂ گلشن پہ ایسا داغ

اب تو تمام شہر ہے نیلا پڑا ہوا

پہلے تھا صرف چہرئہ سوسن پہ ایسا داغ

شاید ہے بد دعا کسی مجذوب لمس کی

منصور میرے سینۂ روشن پہ ایسا داغ

منصور آفاق

اور ان میں بھی کڑکتی بجلیوں کا اجتماع

دسمبر 1, 2007منصور آفاق،شعراء،غزلقاتلوں،لڑکیوں،منظروں،پاگلوں،پروں،آنسوئوں،بالشتیوں،بادلوں،بجلیوں،بختیوں،جگنوئوں،دوستوں،دائروں،رحمتوں،زاویوں،سورجوںadmin

منصور آفاق ۔ غزل نمبر 204

صبح مانگی تو ملا تاریکیوں کا اجتماع

اور ان میں بھی کڑکتی بجلیوں کا اجتماع

میں ، میانوالی، نظر کی جھیل، جاں کا ریگزار

یار کی تصویر میں تھا منظروں کا اجتماع

گفتگو میں گمشدہ اقدار کا دن بھر ملال

ذہن میں شب بھر برہنہ لڑکیوں کا اجتماع

جمع ہیں حکمت بھری دنیا کے سارے پیشہ ور

کابل و قندھار میں ہے قاتلوں کا اجتماع

یاد کی مرغابیاں ، بگلے خیال و خواب کے

پانیوں پر دور تک اڑتے پروں کا اجتماع

ایک کافر کی زباں بہکی ہے میرے شہر میں

ہر گلی ہر موڑ پر ہے پاگلوں کا اجتماع

بس تمہی سے تھاپ پر بجتے دھڑکتے ہال میں

روشنی کے رقص کرتے دائروں کا اجتماع

جانتا ہوں دھوپ سے میرے تعلق کے سبب

آسماں پر ہے ابھی تک بادلوں کا اجتماع

بارشیں برساتِ غم کی، میری آنکھیں اور میں

کوچہء جاں میں عجب ہے رحمتوں کا اجتماع

مجلسِ کرب و بلا کے آج زیر اہتمام

ہو رہا ہے شہر دل میں آنسوئوں کا اجتماع

شہر میں بیساکھیوں کے کارخانے کے لیے

رات بھر ہوتا رہا بالشتیوں کا اجتماع

ہاتھ کی الجھی لکیریں کس گلی تک آ گئیں

ذہن کے دیوار پر ہے زاویوں کا اجتماع

چل پہن مایا لگا جوڑا، چمکتی کھیڑیاں

دشمنوں کے شہر میں ہے دوستوں کا اجتماع

ایک پاگل ایک جاہل اک سخن نا آشنا

مانگتا ہے حرف میں خوش بختیوں کا اجتماع

ہیں کسی کے پاس گروی اپنی آنکھیں اپنے خواب

کیا کروں جو شہر میں ہے سورجوں کا اجتماع

رات کا رستہ ہے شاید پاؤں میں منصور کے

کر رہا ہے پھر تعاقب جگنوئوں کا اجتماع

منصور آفاق

دائم مری گواہی مرا ایک ایک لفظ

دسمبر 1, 2007منصور آفاق،شعراء،غزلہی،نگاہی،گواہی،تباہی،خانقاہی،سپاہی،صراحی،ضیاہیadmin

منصور آفاق ۔ غزل نمبر 203

ہے وجہ کج کلاہی مرا ایک ایک لفظ

دائم مری گواہی مرا ایک ایک لفظ

اے حکمرانِ ملک خدا داد ، ظلم روک

تیرے لئے تباہی مرا ایک ایک لفظ

ہر چوک پر کھڑا ہے بڑے اعتماد سے

سچائی کا سپاہی مرا ایک ایک لفظ

رقصاں نئی شعاعیں مری چشمِ خواب میں

صبحوں کی خوش نگاہی مرا ایک ایک لفظ

لکھتا رہا ترے ہی قیصدے اے آفتاب

کرتا رہا ضیاہی مرا ایک ایک لفظ

تجھ سے ملا تو پھول بھی خوشبو بھی بن گیا

بادِ صبا تو تھا ہی مرا ایک ایک لفظ

تہذیبِ حسن باطنی مری غزل ہوئی

حیرت بھری صراحی مرا ایک ایک لفظ

منصور کی بھی بڑ یہی سرمد کا دھڑ یہی

تسلیم !خانقاہی مرا ایک ایک لفظ

منصور آفاق

ہم تمہارے نہیں! خدا حافظ

دسمبر 1, 2007منصور آفاق،شعراء،غزلہمیں،مومنیں،مبیں،نہیں،چنیں،نگیں،نشیں،یقیں،کہیں،کمیں،گزیں،انگبیں،آفریں،آتشیں،آخریں،آستیں،جبیں،حزیں،دیں،سرزمیں،عالمیںadmin

منصور آفاق ۔ غزل نمبر 202

حسنِ خلدِ بریں! خدا حافظ

ہم تمہارے نہیں! خدا حافظ

موت کا وار کامیاب ہوا

خنجرِ آستیں! خدا حافظ

جسم پر بار اب ہے زہرِ مگس

شہد کی سرزمیں! خدا حافظ

دل مچلتاہے سجدہ کرنے کو

سرکشیدہ جبیں! خدا حافظ

بھوک ہے قحط ہے، تمہارا بھی

پرورِ عالمیں! خدا حافظ

ہم نے انگشتری بدل لی ہے

آسماں کے نگیں! خدا حافظ

ہم اِدھر بھی نہیں اُدھر بھی نہیں

اے چناں اے چنیں! خدا حافظ

خوش رہو تم جہاں رہو ساتھی

کہہ رہے ہیں ہمیں! خدا حافظ

چھوڑدی پوجا آفتابوں کی

دینِ مہرِ مبیں! خدا حافظ

ہم حصارِ نظر سے باہر تھے

دیدہِ دل نشیں! خدا حافظ

اس کو دیکھا بھی ہے ٹٹولا بھی

صحبتِ بے یقیں! خدا حافظ

آرہا ہے قیام کو کوئی

اے غمِ جا گزیں! خدا حافظ

ہے لبِ یار پر تبسم سا

سوزِ طبعِ حزیں! خدا حافظ

زندگی سے لڑائی کیا کرنی

اے کمان و کمیں! خدا حافظ

تم مخالف نہیں حکومت کے

حلقۂ مومنیں! خدا حافظ

شاخ کی طرح خالی ہونا تھا

اے گلِ آخریں! خدا حافظ

چھوڑ آئے ہیں ہم بھرا میلہ

نغمۂ آفریں! خدا حافظ

یاد کے دشت نے پکارا ہے

چشمۂ انگبیں! خدا حافظ

آگ تم سے بھی اب نہیں جلتی

اے مئے آتشیں! خدا حافظ

تم کو بالشتیے مبارک ہوں

رفعتِ ملک و دیں! خدا حافظ

یہ تعلق نہیں ، نہیں منصور

تم کہیں ، ہم کہیں! خدا حافظ

منصور آفاق

پیارے پاکستان! خدا حافظ

دسمبر 1, 2007منصور آفاق،شعراء،غزلمکان،وجدان،گلدان،پاکستان،امکان،انجان،ارمان،جان،حیران،دیوان،دان،شان،طوفانadmin

منصور آفاق ۔ غزل نمبر 201

راکھ ہوئے ارمان، خدا حافظ

پیارے پاکستان! خدا حافظ

ایک بجا ہے رات کے چہرے پر

اچھا، میری جان! خدا حافظ

رختِ سفر میں باندھ نہیں سکتا

تتلی اور گلدان! خدا حافظ

جوشِ قدح سے آنکھیں بھر لی ہیں

اشکوں کے طوفان! خدا حافظ

رات کا خالی شہر بلاتا ہے

دہکے آتش دان! خدا حافظ

میں کیا جانوں میں کس اور گیا

اے دل اے انجان خدا حافظ

مان نہیں سکتا میں ہجر کی فال

حافظ کے دیوان خدا حافظ

تیرا قصبہ اب میں چھوڑ چلا

ساونت پوش مکان خدا حافظ

کالی رات سے میں مانوس ہوا

سورج کے امکان خدا حافظ

رات شرابی ہوتی جاتی ہے

اے میرے وجدان خدا حافظ

میں ہوں شہر سخن کا آوارہ

علم و قلم کی شان خدا حافظ

خود کو مان لیا پہچان لیا

اے چشمِ حیران خدا حافظ

دل منصور چراغِ طور ہوا

موسیٰ کے ارمان خدا حافظ

منصور آفاق

یہ دیئے بے فائدہ یہ آئینہ خانہ غلط

دسمبر 1, 2007منصور آفاق،شعراء،غزلمرجھانا،یارانہ،کاشانہ،ٹکرانا،پہچانا،پیمانہ،پگھلانا،افسانہ،آنا،بہلانا،تڑپانا،جانا،جرمانہ،خانہ،سلجھانا،سمجھانا،سنولاناadmin

منصور آفاق ۔ غزل نمبر 200

آنسوئوں کے عکس دیواروں پہ بکھرانا غلط

یہ دیئے بے فائدہ یہ آئینہ خانہ غلط

وہ پرندوں کے پروں سے نرم، بادل سے لطیف

یہ چراغِ طور کے جلووں سے سنولانا غلط

جاگ پڑتے ہیں دریچے اور بھی کچھ چاپ سے

اس گلی میں رات کے پچھلے پہر جانا غلط

درد کے آتش فشاں تھم، کانپتی ہیں دھڑکنیں

یہ مسلسل دل کے کہساروں کا پگھلانا غلط

کون واشنگٹن کو دے گا ایک شاعر کا پیام

قیدیوں کو بے وجہ پنجروں میں تڑپانا غلط

ان دنوں غم ہائے جاناں سے مجھے فرصت نہیں

اے غمِ دوراں ترا فی الحال افسانہ غلط

ایک دل اور ہر قدم پر لاکھ پیمانِ وفا

اپنے ماتھے کو ہر اک پتھر سے ٹکرانا غلط

ایک تجریدی تصور ہے یہ ساری کائنات

ایسے الجھے مسئلے بے کار۔ سلجھانا غلط

وقت کا صدیوں پرانا فلسفہ بالکل درست

یہ لب و عارض غلط، یہ جام و پیمانہ غلط

کیا بگڑتا اوڑھ لیتا جو کسی تتلی کی شال

شاخ پر کھلنے سے پہلے پھول مرجھانا غلط

کچھ بھروسہ ہی نہیں کالے سمندر پر مجھے

چاند کا بہتی ہوئی کشتی میں کاشانہ غلط

زندگی کیا ہے۔ ٹریفک کا مسلسل اژدہام

اس سڑک پر سست رفتاری کا جرمانہ غلط

جس کے ہونے اور نہ ہونے کی کہانی ایک ہے

اُس طلسماتی فضا سے دل کو بہلانا غلط

منہ اندھیرے چن کے باغیچے سے کچھ نرگس کے پھول

یار بے پروا کے دروازے پہ دھر آنا غلط

پھر کسی بے فیض سے کر لی توقع فیض کی

پھر کسی کو ایسا لگتا ہے کہ پہچانا غلط

زندگی جس کے لیے میں نے لگا دی داؤ پر

وہ تعلق واہمہ تھا، وہ تھا یارانہ غلط

میں انا الحق کہہ رہا ہوں اور خود منصور ہوں

مجھ سے اہل معرفت کو بات سمجھانا غلط

منصور آفاق

دو گز زمین چاہیے افلاک کے عوض

دسمبر 1, 2007منصور آفاق،شعراء،غزلفتراک،نمناک،چاک،واک،کاک،پوشاک،افلاک،املاک،ادراک،بیباک،خوراک،خاک،خاشاک،راکھadmin

منصور آفاق ۔ غزل نمبر 199

مٹی ذرا سی قریہء لولاک کے عوض

دو گز زمین چاہیے افلاک کے عوض

جاگیر بھی حویلی بھی چاہت بھی جسم بھی

تم مانگتے ہو دامنِ صد چاک کے عوض

اِس شہر میں تو ایک خریدار بھی نہیں

سورج کہاں فروخت کروں خاک کے عوض

وہ پیٹ برگزیدہ کسی کی نگاہ میں

جو بیچتے ہیں عزتیں خوراک کے عوض

مثلِ غبار پھرتا ہوں آنکھوں میں جھانکتا

اپنے بدن کی اڑتی ہوئی راکھ کے عوض

دے سکتا ہوں تمام سمندر شراب کے

اک جوش سے نکلتے ہوئے کاک کے عوض

بھونچال آئے تو کوئی دو روٹیاں نہ دے

میلوں تلک پڑی ہوئی املاک کے عوض

غالب کا ہم پیالہ نہیں ہوں ، نہیں نہیں

جنت کہاں ملے خس و خاشاک کے عوض

ہر روز بھیجنا مجھے پڑتا ہے ایک خط

پچھلے برس کی آئی ہوئی ڈاک کے عوض

جاں مانگ لی ہے مجھ سے سرِ اشتیاقِ لمس

بندِ قبا نے سینہء بیباک کے عوض

کام آ گئی ہیں بزم میں غم کی نمائشیں

وعدہ ملا ہے دیدئہ نمناک کے عوض

آیا عجب ہے مرحلہ شوقِ شکار میں

نخچیر مانگتا ہے وہ فتراک کے عوض

نظارئہ جمال ملا ہے تمام تر

تصویر میں تنی ہوئی پوشاک کے عوض

منصور ایک چہرۂ معشوق رہ گیا

پہنچا کہاں نہیں ہوں میں ادراک کے عوض

منصور آفاق

جاتا ہے مدنیہ سے بس اک رستۂ مخصوص

دسمبر 1, 2007منصور آفاق،شعراء،غزلمشکیزہ،چہرہ،کمرہ،کاسہ،بندہ،جادہ،خیمہ،دیدہ،رستہ،رشتہadmin

منصور آفاق ۔ غزل نمبر 198

فردوس سے آگے ہے وہ سرچشمۂ مخصوص

جاتا ہے مدنیہ سے بس اک رستۂ مخصوص

اپنی تو رسائی نہیں اس بامِ فلک تک

معلوم کیا جائے کوئی بندۂ مخصوص

اے شہرِ گداگر ترے والی کے لیے کیا

بنوانا ضروری ہے کوئی کاسۂ مخصوص

انکارِ مسلسل کی فصیلیں ہیں جہاں پر

تسخیر کروں گا میں وہی رشتۂ مخصوص

اک نرم سے ریشے کی کسی نس کے نگر میں

بس دیکھتا پھرتا ہوں ترا چہرۂ مخصوص

کہتے ہیں کہ آسیب وہاں رہنے لگے ہیں

ہوتا تھا کسی گھر میں مرا کمرۂ مخصوص

سنتے ہیں نکلتا ہے فقط دل کی گلی سے

منزل پہ پہنچ جاتا ہے جو جادۂ مخصوص

لوگوں سے ابوزر کے روابط ہیں خطرناک

صحرا میں لگایا گیا پھر خیمۂ مخصوص

ہنستے ہوئے پانی میں نیا زہر ملا کر

بھیجا ہے کسی دوست نے مشکیزۂ مخصوص

آواز مجھے دیتا ہے گرداب کے جیسا

منصور سمندر میں کوئی دیدۂ مخصوص

منصور آفاق

تنہائی کے مکان میں آتا ہے کون شخص

دسمبر 1, 2007منصور آفاق،شعراء،غزلملاتا،کراتا،آتا،بلاتا،بٹھاتا،دکھاتا،سکھاتاadmin

منصور آفاق ۔ غزل نمبر 197

آسیب میں چراغ جلاتا ہے کون شخص

تنہائی کے مکان میں آتا ہے کون شخص

جی چاہتا ہے اس سے ملاقات کو مگر

اجڑے ہووں کو پاس بٹھاتا ہے کون شخص

چلتا ہے کس کے پاؤں سے رستہ بہار کا

موسم کو اپنی سمت بلاتا ہے کون شخص

جس میں خدا سے پہلے کا منظر دکھائی دے

وہ کافرانہ خواب دکھاتا ہے کون شخص

پھر اک ہزار میل سمندر ہے درمیاں

اب دیکھئے دوبارہ ملاتا ہے کون شخص

برسوں سے میں پڑا ہوں قفس میں وجود کے

مجھ کو چمن کی سیر کراتا ہے کون شخص

منصور صحنِ دل کی تمازت میں بیٹھ کر

ہر روز اپنے بال سکھاتا ہے کون شخص

منصور آفاق

اور اس کے بعد کمرے میں آتا تھا کون شخص

دسمبر 1, 2007منصور آفاق،شعراء،غزللٹاتا،لاتا،مٹاتا،کماتا،گھماتا،گراتا،اڑاتا،آتا،اٹھاتا،بہاتا،بناتا،جگاتا،دکھاتاadmin

منصور آفاق ۔ غزل نمبر 196

راتوں میں کھڑکیوں کو بجاتا تھا کون شخص

اور اس کے بعد کمرے میں آتا تھا کون شخص

قوسِ قزح پہ کیسے مرے پاؤں چلتے تھے

دھیمے سروں میں رنگ بہاتا تھا کون شخص

مٹی ہوں جانتا ہوں کہاں کوزہ گر کا نام

یہ یاد کب ہے چاک گھماتا تھا کون شخص

بادل برستے رہتے تھے جو دل کے آس پاس

پچھم سے کھینچ کر انہیں لاتا تھا کون شخص

ہوتا تھا دشت میں کوئی اپنا جنوں نواز

شب بھر متاعِ درد لٹاتا تھا کون شخص

کوئی دعا تھی، یا کوئی نیکی نصیب کی

گرتا تھا میں کہیں تو اٹھاتا تھا کون شخص

اس کہنہ کائنات کے کونے میں بیٹھ کر

کارِ ازل کے کشف کماتا تھا کون شخص

بہکے ہوئے بدن پہ بہکتی تھی بھاپ سی

اور جسم پر شراب گراتا تھا کون شخص

ہونٹوں کی سرخیوں سے مرے دل کے چاروں اور

داغِ شبِ فراق مٹاتا تھا کون شخص

پاؤں سے دھوپ گرتی تھی جس کے وہ کون تھا

کرنوں کو ایڑیوں سے اڑاتا تھا کون شخص

وہ کون تھا جو دیتا تھا اپنے بدن کی آگ

بے رحم سردیوں سے بچاتا تھا کون شخص

ماتھے پہ رکھ کے سرخ لبوں کی قیامتیں

سورج کو صبح صبح جگاتا تھا کون شخص

منصور بار بار ہوا کون کرچیاں

مجھ کو وہ آئینہ سا دکھاتا تھا کون شخص

منصور آفاق

دریا کو ڈوبنے سے بچاتا تھا کون شخص

دسمبر 1, 2007منصور آفاق،شعراء،غزلنبھاتا،گاتا،بناتا،بجھاتا،جلاتا،جگاتا،جاتا،دکھاتا،داتاadmin

منصور آفاق ۔ غزل نمبر 195

صحرا کی سرخ آگ بجھاتا تھا کون شخص

دریا کو ڈوبنے سے بچاتا تھا کون شخص

تھا کون سوز سینہ ء صدیق کا امیں

خونِ جگر سے دیب جلاتا تھا کون شخص

تھامے ہوئے عدالتِ فاروق کا علم

پھر فتح نو کی آس جگاتا تھا کون شخص

تھا کون شخص سنتِ عثمان کا غلام

تقسیم زر کا فرض نبھاتا تھا کون شخص

وہ کون تھا شجاعتِ حیدر کا جانثار

وہ آتشِ غرور بجھاتا تھا کون شخص

ہر سمت دیکھتا ہوں سیاست کی مصلحت

شبیریوں کی آن دکھاتا تھا کون شخص

ہم رقص میرا کون تھا شہرِ سلوک میں

رومی کی قبر پر اسے گاتا تھا کون شخص

صدیوں سے جس کی قبر بھی بستی ہے زندہ ہے

یہ کون گنج بخش تھا داتا تھا کون شخص

ہوتا تھا کون وہ جسے منصور کہتے تھے

دار و رسن کو چومنے جاتا تھا کون شخص

منصور آفاق

کچھ پہلے کائنات سے روشن تھا کون شخص

دسمبر 1, 2007منصور آفاق،شعراء،غزلفورا،جوبن،درشن،روشن،ساون،شگفتنadmin

منصور آفاق ۔ غزل نمبر 194

تھا کون ، صبحِ طور کا مسکن تھا کون شخص

کچھ پہلے کائنات سے روشن تھا کون شخص

تحریکِ کن فکاں کا سلوگن تھا کون شخص

بعد از خدا وجود میں فوراً تھا کون شخص

کس کا کہا خدا کا کہا ہے اک ایک لفظ

لوح و قلم کا خاک پہ درشن تھا کون شخص

بہتا ہے کس کے نام سے بادِ ازل کا گیت

آوازِ کْن کی صبح شگفتن تھا کون شخص

گجرے پْرو کے لائی تھی کس کے لئے زمیں

چیتر کی پہلی عصر کا جوبن تھا کون شخص

صحرا کی پیاس کون بجھاتا ہے اب تلک

منصور ریگزار میں ساون تھا کون شخص

منصور آفاق

جاڑے میں رنگ و نور کا ایندھن تھا کون شخص

دسمبر 1, 2007منصور آفاق،شعراء،غزلگفتن،ایندھن،دھڑکن،دشمن،ساجنadmin

منصور آفاق ۔ غزل نمبر 193

دھکے ہوئے لحاف کا دامن تھا کون شخص

جاڑے میں رنگ و نور کا ایندھن تھا کون شخص

خود ہی میں گھیر لایا تھا اڑتا ہوا وہ تیر

میرے علاوہ زخم کا ساجن تھا کون شخص

کچھ یاد آرہا ہے محبت مجھے بھی تھی

مری نظر تھا کون وہ دھڑکن تھا کون شخص

ممکن نہیں ہے پھینکے وہ پتھر مری طرف

کھڑکی میں یار کی مرا دشمن تھا کون شخص

منصور بزمِ یار میں میری طرح وجیہہ

برخاستن سے پہلے وہ گفتن تھا کون شخص

منصور آفاق

نظر دیوار سے گزری، رکی ڈھلوان پر بارش

دسمبر 1, 2007منصور آفاق،شعراء،غزلنقصان،ویران،ڈھلوان،گلدان،پیمان،پاکستان،امکان،دیوان،دھان،دالان،دامان،دان،ریگستان،سامان،شمشان،شان،طوفانadmin

منصور آفاق ۔ غزل نمبر 192

تحیر خیز موسم کی ہوئی وجدان پر بارش

نظر دیوار سے گزری، رکی ڈھلوان پر بارش

ترے پاگل کی باتیں اتفاقاتِ جہاں ہیں کیا

ہوئی ہے یوں ہی برسوں بعد ریگستان پر بارش

سراپا آگ !دم بھر کو مرے چہرے پہ نظریں رکھ

تری آنکھوں سے ہو گی تیرے آتش دان پر بارش

گرے تو پھول بن جائے ترے چہرے پہ مہتابی

پڑے تو آگ بن جائے ترے دامان پر بارش

کتابِ غم کو کتنی بار برساتوں میں رکھا ہے

نہیں پڑتی جنابِ میر کے دیوان پر بارش

وہ برساتیں پہن کر گاؤں میں پھرتی ہوئی لڑکی

مجھے یاد آتی ہے اس سے مہکتی دھان پر بارش

محبت جاگتی ہے جب تو پھر ہوتی ہے سپنوں کی

مقام یاد پر بارش، شبِ پیمان پر بارش

عدم آباد سے آگے خدا کی آخری حد تک

رہی ہے زندگی کی قریہء امکان پر بارش

گئے گزرے زمانے ڈھونڈتی بدلی کی آنکھوں سے

یونہی ہے اِس کھنڈر جیسے دلِ ویران پر بارش

کئی برسوں سے پانی کو ترستی تھی مری چوپال

کسی کا پاؤں پڑتے ہی ہوئی دالان پر بارش

بڑی مشکل سے بادل گھیر لایا تھا کہیں سے میں

اتر آئی ہے اب لیکن مرے نقصان پر بارش

بہا کر لے گئی جو شہر کے کچے گھروندوں کو

نہیں ویسی نہیں ہے قصرِ عالی شان پر بارش

کہے ہے بادلو! یہ ڈوبتے سورج کی تنہائی

ذرا سی اہتمامِ شام کے سامان پر بارش

بدن کو ڈھانپ لیتی ہیں سنہری بھاپ کی لہریں

اثر انداز کیا ہو لمس کے طوفان پر بارش

جلایا کس گنہ گارہ کو معصوموں کی بستی نے

کہ اتری بال بکھرائے ہوئے شمشان پر بارش

کسی مشہور نٹ کا رقص تھا اونچی حویلی میں

ہوئی اچھی بھلی نوٹوں کی پاکستان پر بارش

مجھے مرجھاتے پھولوں کا ذرا سا دکھ ہوا منصور

مسلسل ہو رہی ہے کانچ کے گلدان پر بارش

منصور آفاق

ہند کی سب سے بڑی سرکار نو شہ گنج بخشؒ

دسمبر 1, 2007منصور آفاق،شعراء،غزلقندھار،لار،مینار،میخوار،متگار،مختار،معمار،چار،کفار،کار،گلزار،پندار،پار،پرکار،افکار،اقرار،انکار،اوتار،ادوار،اسرار،اشعار،اظہار،بیدار،بار،خوار،دیوار،دیدار،دار،دربار،رخسار،زار،سنسار،سیار،سرکار،سردار،شار،عطارadmin

منصور آفاق ۔ غزل نمبر 191

برکتوں کا مطلع ء انوار نو شہ گنج بخشؒ

ہند کی سب سے بڑی سرکار نو شہ گنج بخشؒ

جا نشینِ غو ث اعظمؒ ، افتخا رِ اولیا

وا قف اسرار در اسرار نو شہ گنج بخشؒ

حاکم مِلک شر یعت ، مالک ، شہر سلوک

در سعادت نقطہ ء پرکار نو شہ گنج بخشؒ

آفتا بِ فیضِ عالم ہیں جہا ں پر غو ث پاکؒ

اُس فلک پر ثا بت و سیار نو شہ گنج بخشؒ

صر ف مشر ق میں نہیں ان کی ولا یت کا ظہو ر

خا کِ مغر ب پہ بھی رحمت بار نو شہ گنج بخشؒ

بر ق نو شاہی ؒ سے لے کر حضرت معر و ف تک

نیکیوں سے اک بھرا گلزار نو شہ گنج بخشؒ

چو متے ہیں حا ملانِ جبہ ود ستا ر پا ئو ں

محتر م اتنا سگِ دربار نو شہ گنج بخشؒ

عالمِ لاہو ت کی صبح مقد س ان کی ذا ت

رو شنی کا نر م و حد ت زار نو شہ گنج بخشؒ

بخش دیں بینا ئی نا بینا ئو ں کو اک دید سے

ہم نہیں کہتے ہیں یہ ، اوتار نو شہ گنج بخشؒ

ہر قدم اس شخص کا پھر بخت آور ہو گیا

مہر با ں جس پہ ہو ئے اک بار نو شہ گنج بخشؒ

زہد و تقو یٰ ، فقر و فا قہ اور عمل کے با ب میں

اک مجسم نو ر کا اظہار نو شہ گنج بخشؒ

وہ مجد د ہیں ہز ا ر وں سا ل پر پھیلے ہو ئے

یو ں سمجھ لو حا صلِ ادوار نو شہ گنج بخشؒ

منز ل علم و فضلیت ، رو نق را ہِ سلو ک

کشفِ مصطفو ی ؐ کے پیر و کار نو شہ گنج بخشؒ

کہتے ہیں بے رو ح جسمو ں کو جگا تا تھا مسیح

مر دہ دل کر دیتے ہیں بیدار نو شہ گنج بخشؒ

ہا ں ! سر تسلیم خم کر تا ہے در یا ئے چنا ب

پانیوں کے جیسے ہیں مختار نو شہ گنج بخشؒ

غو ثِ اعظم ؒ کے شجر کا خو شہ ء فقر و سلو ک

قا دری گلز ا ر کے پندار نو شہ گنج بخشؒ

شمعِ عر فا ن الہی ، شب زدو ں کی رو شنی

سا عتِ پر نو ر سے سر شار نو شہ گنج بخشؒ

دا ستا نو ں میں مر یدِ با صفا ہیں آپ کے

صا حبا ں مر ز ا کے بھی کر دار نو شہ گنج بخشؒ

جن و انسا ں ہی نہیں ہیں آپ کے خدا م میں

آپ کے قد سی ہیں خد متگار نو شہ گنج بخشؒ

پا ئے نو شہ کے تلے بہتے ہیں در یا ئے بہشت

سا قی ء کو ثر ؐ کے ہیں میخوار نو شہ گنج بخشؒ

آپ کا اسمِ گرا می وقت کے ہو نٹو ں پہ ہے

تذ کر ہ کر تا ہے سب سنسار نو شہ گنج بخشؒ

صر ف یو ر پ ہی نہیں ہے آپ کے ہیں معتقد

ہند سند ھ اور کا بل و قندھار نو شہ گنج بخشؒ

حکمرا نو ں کی جبینیں ان کے در پہ خم ہو ئیں

مو تیو ں والے سخی سردار نو شہ گنج بخشؒ

مو ج بن جا ئے گی کشتی تیر ے میرے وا سطے

یو ں اتا ریں گے ہمیں اس پار نو شہ گنج بخشؒ

اس شجر پر مو سمو ں کی ضر ب پڑ تی ہی نہیں

کس تسلسل سے ہیں سایہ دار نو شہ گنج بخشؒ

انبسا ط و لطف کا پہلو جہا ں کے وا سطے

نسلِ انسا نی کے ہیں غم خوار نو شہ گنج بخشؒ

کیوں نہ ہو ں عر فا ن کے مو تی در و دیوار میں

قصرِ نو شا ہی کے ہیں معمار نو شہ گنج بخشؒ

سلسہ نو شا ہیہ کا ہر جر ی ہے اولیا ء

لشکرِ حق کے جو ہیں سا لار نو شہ گنج بخشؒ

آپ کے در کے فقیر وں میں قطب اقطا ب ہیں

کون عظمت سے کر ے انکار نو شہ گنج بخشؒ

نو رو ں نہلا ئے ہو ئے چہر ے کی کر نیں اور ہم

کیا صبا حت خیز تھے رخسار نو شہ گنج بخشؒ

آپکے فیضِ نظر کی دا ستا ں اتنی ہے بس

سب مسلما ں ہو گئے کفار نو شہ گنج بخشؒ

اعتما دِ ذا ت کی کچھ غیر فا نی سا عتیں

آپ کے دم سے کر امت بار نو شہ گنج بخشؒ

بد عقید ہ زند گا نی کی سلگتی دھو پ میں

آپ ٹھہر ے سا یہء دیوار نو شہ گنج بخشؒ

ابن عر بی ؒ کے تصو ف کی کہا نی کیا کر وں

ہیں عد م کا اک عجب اظہار نو شہ گنج بخشؒ

مل گئی ان کی دعا سے کتنی دنیا کو شفا

امتِ بیما ر کے عطار نو شہ گنج بخشؒ

سن رہا ہوں آج تک عشقِ محمد ؐ کی اذا ں

مسجد نبوی کا اک مینار نو شہ گنج بخشؒ

فر ض ہے ہر شخص پر ذکر گرا می آپ کا

ایک اک نو شا ہی کا پر چار نو شہ گنج بخشؒ

تر دما غو ں میں یہ صبح فکر کی رعنا ئیاں

ٍٍٍآپ کے بس آپ کے افکار نو شہ گنج بخشؒ

معتر ف ہے ذہن انسا ں آپ کے عر فان کا

دل غلا می کا کر ے اقرار نو شہ گنج بخشؒ

خا کِ رنمل کو مسیحا ئی کی رفعت مل گئی

ہیں وہا ں جو دفن زند ہ دار نو شہ گنج بخشؒ

اک ذر اچشمِ عنا یت چا ہتا ہو ں آپ کی

آپ کا مجھ کو کر م در کار نو شہ گنج بخشؒ

کھو ل در واز ے جہا ں با نی کے میر ی ذا ت پر

میں بہت ہو ں مفلس و نا دار نو شہ گنج بخشؒ

چہر ہ ء انوا ر کی بس اک تجلی دے مجھے

خوا ب ہی میں بخش دے دیدار نو شہ گنج بخشؒ

حضرت معر و ف نو شا ہی کی فر ما ئش ہو ئی

پرُ سعا د ت یہ لکھے اشعار نو شہ گنج بخشؒ

منقبت منصو ر پڑ ھ پو رے ادب آداب سے

سن رہے ہیں شعر خو د سر کار نو شہ گنج بخشؒ

منصور آفاق

یہ جام ہے برسوں بعد بھرا کچھ اور برس

دسمبر 1, 2007منصور آفاق،شعراء،غزلگھٹا،ا،بچھا،بھرا،بجھاadmin

منصور آفاق ۔ غزل نمبر 190

اے زلفِ سیہ کچھ اور ذرا کچھ اور برس

یہ جام ہے برسوں بعد بھرا کچھ اور برس

محدود رہیں ہم خوابِ گہہِ فردوس تلک

اے حسنِکرم کی کالی گھٹا کچھ اور برس

آ تشنہ بلب پر اور برس کچھ اور ذرا

اے ابرِبدن آ موج میں آ کچھ اور برس

تُو ایک سمندر میرے لئے ہے اڑتا ہوا

آدشتِ طلب کی پیاس بجھا کچھ اور برس

آ قوسِ قزح کے رنگ پہن کر چھیڑ مجھے

آ اپنا زمیں پر جسم بچھا کچھ اور برس

منصور آفاق

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: