زمرہ جات کے محفوظات: غزل

یعنی کہ فرط شوق سے جی بھی ادھر چلا

اکتوبر 6, 2015میر تقی میر،اساتذہ،غزلمر،نکھر،کر،گھر،پربکھر،اگر،ادھر،بھر،خبرadmin

دیوان دوم غزل 686

میں غش کیا جو خط لے ادھر نامہ بر چلا

یعنی کہ فرط شوق سے جی بھی ادھر چلا

سدھ لے گئی تری بھی کوئی زلف مشک بو

گیسوے پیچدار جو منھ پربکھر چلا

لڑکا ہی تھا نہ قاتل ناکردہ خوں ہنوز

کپڑے گلے کے سارے مرے خوں میں بھر چلا

اے مایۂ حیات گیا جس کنے سے تو

آفت رسیدہ پھر وہ کوئی دم میں مر چلا

تیاری آج رات کہیں رہنے کی سی ہے

کس خانماں خراب کے اے مہ تو گھر چلا

دیکھوگے کوئی گوشہ نشیں ہو چکا غریب

تیرمژہ اس ابرو کماں کا اگر چلا

بے مے رہا بہار میں ساری ہزار حیف

لطف ہوا سے شیخ بہت بے خبر چلا

ہم سے تکلف اس کا چلا جائے ہے وہی

کل راہ میں ملا تھا سو منھ ڈھانپ کر چلا

یہ چھیڑ دیکھ ہنس کے رخ زرد پر مرے

کہتا ہے میر رنگ تو اب کچھ نکھر چلا

میر تقی میر

قدم دو ساتھ میری نعش کے جاتا تو کیا ہوتا

اکتوبر 6, 2015میر تقی میر،اساتذہ،غزلفرماتا،لاتا،ناتا،آتا،بہلاتا،بٹھلاتا،جاتاadmin

دیوان دوم غزل 685

گیا میں جان سے وہ بھی جو ٹک آتا تو کیا ہوتا

قدم دو ساتھ میری نعش کے جاتا تو کیا ہوتا

پھرا تھا دور اس سے مدتوں میں کوہ و صحرا میں

بلاکر پاس اپنے مجھ کو بٹھلاتا تو کیا ہوتا

ہوئے آخر کو سارے کام ضائع ناشکیبی سے

کوئی دن اور تاب ہجر دل لاتا تو کیا ہوتا

دم بسمل ہمارے زیر لب کچھ کچھ کہا سب نے

جو وہ بے رحم بھی کچھ منھ سے فرماتا تو کیا ہوتا

کہے سے غیر کے وہ توڑ بیٹھا ووہیں یاروں سے

کیے جاتا اگر ٹک چاہ کا ناتا تو کیا ہوتا

کبھو سرگرم بازی ہمدموں سے یاں بھی آجاتا

ہمیں یک چند اگر وہ اور بہلاتا تو کیا ہوتا

گئے لے میر کو کل قتل کرنے اس کے در پر سے

جو وہ بھی گھر سے باہر اپنے ٹک آتا تو کیا ہوتا

میر تقی میر

کہ میں شکار زبوں ہوں جگر نہیں رکھتا

اکتوبر 6, 2015میر تقی میر،اساتذہ،غزلہنر،مدنظر،گھر،پر،اگر،اثر،تر،جگر،ضررadmin

دیوان دوم غزل 684

وہ ترک مست کسو کی خبر نہیں رکھتا

کہ میں شکار زبوں ہوں جگر نہیں رکھتا

بلا سے آنکھ جو پڑتی ہے اس کی دس جاگہ

ہمارا حال تو مدنظر نہیں رکھتا

رہے نہ کیونکے یہ دل باختہ سدا تنہا

کہ کوئی آوے کہاں میں تو گھر نہیں رکھتا

جنھوں کے دم میں ہے تاثیر اور وے ہیں لوگ

ہمارا نالۂ جانکاہ اثر نہیں رکھتا

کہیں ہیں اب کے بہت رنگ اڑ چلا گل کا

ہزار حیف کہ میں بال و پر نہیں رکھتا

تو کوئی زور ہی نسخہ ہے اے مفرح دل

کہ طبع عشق میں ہرگز ضرر نہیں رکھتا

خدا کی اور سے ہے سب یہ اعتبار ارنہ

جو خوب دیکھو تو میں کچھ ہنر نہیں رکھتا

غلط ہے دعوی عشق اس فضول کا بے ریب

جو کوئی خشک لب اور چشم تر نہیں رکھتا

جدا جدا پھرے ہے میر سب سے کس خاطر

خیال ملنے کا اس کے اگر نہیں رکھتا

میر تقی میر

بھروسا کیا ہے عمربے وفا کا

اکتوبر 6, 2015میر تقی میر،اساتذہ،غزلہوا،قبا،نوا،وفا،پا،انتہا،آشنا،بلا،تا،خدا،دوا،صباadmin

دیوان دوم غزل 683

نظر میں طور رکھ اس کم نما کا

بھروسا کیا ہے عمربے وفا کا

گلوں کے پیرہن ہیں چاک سارے

کھلا تھا کیا کہیں بند اس قبا کا

پرستش اب اسی بت کی ہے ہر سو

رہا ہو گا کوئی بندہ خدا کا

بلا ہیں قادرانداز اس کی آنکھیں

کیا یکہ جنازہ جس کو تاکا

بجا ہے عمر سے اب ایک حسرت

گیا وہ شور سر کا زور پا کا

مداوا خاطروں سے تھا وگرنہ

بدایت مرتبہ تھا انتہا کا

لگا تھا روگ جب سے یہ تبھی سے

اثر معلوم تھا ہم کو دوا کا

مروت چشم رکھنا سادگی ہے

نہیں شیوہ یہ اپنے آشنا کا

کہیں اس زلف سے کیا لگ چلی ہے

پڑے ہے پائوں بے ڈھب کچھ صبا کا

نہ جا تو دور صوفی خانقہ سے

ہمیں تو پاس ہے ابر و ہوا کا

نہ جانوں میر کیوں ایسا ہے چپکا

نمونہ ہے یہ آشوب و بلا کا

کرو دن ہی سے رخصت ورنہ شب کو

نہ سونے دے گا شور اس بے نوا کا

میر تقی میر

شور سا ہے تو ولیکن دور کا

اکتوبر 6, 2015میر تقی میر،اساتذہ،غزلفغفور،منصور،مغفور،مغرور،چور،ناسور،حور،دور،طورadmin

دیوان دوم غزل 682

غم ابھی کیا محشر مشہور کا

شور سا ہے تو ولیکن دور کا

حق تو سب کچھ ہی ہے تو ناحق نہ بول

بات کہتے سر کٹا منصور کا

بیچ سے کب کا گیا اب ذکر کیا

اس دل مرحوم کا مغفور کا

طرفہ آتش خیز سنگستاں ہے دل

مقتبس یاں سے ہے شعلہ طور کا

مر گئے پر خاک ہے سب کبر و ناز

مت جھکو سر گو کسو مغرور کا

ٹھیکری کو قدر ہے اس کو نہیں

ٹوٹے جب کاسہ سر فغفور کا

ہو کھڑا وہ تو پری سی ہے کھڑی

منھ کھلے تو جیسے چہرہ حور کا

دیکھ اسے کیونکر ملک بھیچک نہ ہوں

آنکھ کے آگے یہ بکّا نور کا

چشم بہنے سے کبھو رہتی نہیں

کچھ علاج اے میر اس ناسور کا

میر تقی میر

خانہ خراب ہوجیو آئینہ ساز کا

اکتوبر 6, 2015میر تقی میر،اساتذہ،غزلنواز،نیاز،گداز،امتیاز،باز،تاز،جانماز،دراز،سازadmin

دیوان دوم غزل 681

دیکھ آرسی کو یار ہوا محو ناز کا

خانہ خراب ہوجیو آئینہ ساز کا

ہوتا ہے کون دست بسر واں غرور سے

گالی ہے اب جواب سلام نیاز کا

ہم تو سمند ناز کے پامال ہوچکے

اس کو وہی ہے شوق ابھی ترک تاز کا

ہے کیمیاگران محبت میں قدر خاک

پر وقر کچھ نہیں ہے دل بے گداز کا

اس لطف سے نہ غنچۂ نرگس کھلا کبھو

کھلنا تو دیکھ اس مژئہ نیم باز کا

کوتاہ تھا فسانہ جو مرجاتے ہم شتاب

جی پر وبال سب ہے یہ عمر دراز کا

مارا نہ اپنے ہاتھ سے مجھ کو ہزار حیف

کشتہ ہوں یار میں تو ترے امتیاز کا

ہلتی ہے یوں پلک کہ گڑی دل میں جائے ہے

انداز دیدنی ہے مرے دل نواز کا

پھر میر آج مسجد جامع کے تھے امام

داغ شراب دھوتے تھے کل جانماز کا

میر تقی میر

چہرہ تمام زرد زر ناب سا ہوا

اکتوبر 6, 2015میر تقی میر،اساتذہ،غزلمحراب،ناب،گرداب،آب،اطناب،بیتاب،تالاب،خوناب،خواب،سیرابadmin

دیوان دوم غزل 680

دل فرط اضطراب سے سیماب سا ہوا

چہرہ تمام زرد زر ناب سا ہوا

شاید جگر گداختہ یک لخت ہو گیا

کچھ آب دیدہ رات سے خوناب سا ہوا

وے دن گئے کہ اشک سے چھڑکائو سا کیا

اب رونے لگ گئے ہیں تو تالاب سا ہوا

اک دن کیا تھا یار نے قد ناز سے بلند

خجلت سے سرو جوے چمن آب سا ہوا

کیا اور کوئی روئے کہ اب جوش اشک سے

حلقہ ہماری چشم کا گرداب سا ہوا

قصہ تو مختصر تھا ولے طول کو کھنچا

ایجاز دل کے شوق سے اطناب سا ہوا

عمامہ ہے موذن مسجد کہ بارخر

قد تو ترا خمیدہ ہو محراب سا ہوا

بات اب تو سن کہ جاے سخن حسن میں ہوئی

خط پشت لب کا سبزئہ سیراب سا ہوا

چل باغ میں بھی سوتے سے اٹھ کر کبھو کہ گل

تک تک کے راہ دیدئہ بے خواب سا ہوا

سمجھے تھے ہم تو میر کو عاشق اسی گھڑی

جب سن کے تیرا نام وہ بیتاب سا ہوا

میر تقی میر

مجلس میں سن سپند یکایک اچھل پڑا

اکتوبر 6, 2015میر تقی میر،اساتذہ،غزلمچل،نکل،اچھل،اگل،بل،جل،خللadmin

دیوان دوم غزل 679

مذکور میری سوختگی کا جو چل پڑا

مجلس میں سن سپند یکایک اچھل پڑا

پہنچے ہے کوئی اس تن نازک کے لطف کو

گل گو چمن میں جامے سے اپنے نکل پڑا

میں جو کہا اک آگ سی سلگے ہے دل کے بیچ

کہنے لگا کہ یوں ہی کوئی دن تو جل پڑا

بل کیوں نہ کھائیے کہ لگا رہنے اب تو واں

بالوں میں اور پیچ میں پگڑی کے بل پڑا

تھے اختلال اگرچہ مزاجوں میں کب سے لیک

ہلنے میں اس پلک کے نہایت خلل پڑا

رہتا نہیں ہے آنکھ سے آنسو ترے لیے

دیکھی جو اچھی شے تو یہ لڑکا مچل پڑا

سر اس کے پائوں سے نہیں اٹھتے ستم ہے میر

گر خوش غلاف نیمچہ اس کا اگل پڑا

میر تقی میر

برسوں سے صوفیوں کا مصلیٰ تو تہ ہوا

اکتوبر 6, 2015میر تقی میر،اساتذہ،غزلمہ،نگہ،تہ،جگہ،سیہadmin

دیوان دوم غزل 678

کیفی ہو کیوں تو ناز سے پھر گرم رہ ہوا

برسوں سے صوفیوں کا مصلیٰ تو تہ ہوا

معلوم تیرے چہرئہ پرنور کا سا لطف

بالفرض آسماں پہ گیا پھول مہ ہوا

پوچھ اس سے درد ہجر کو جس کا بہ نازکی

جاگہ سے اپنے عضو کوئی بے جگہ ہوا

ہم پلہ اپنا کون ہے اس معرکے کے بیچ

کس کے ترازو یار کا تیر نگہ ہوا

ایسا فقیر ہونا بھلا کیا ضرور تھا

دونوں جہاں میں میر عبث رو سیہ ہوا

میر تقی میر

چاہ یوسفؑ تھا ذقن سو چاہ رستم ہو گیا

اکتوبر 6, 2015میر تقی میر،اساتذہ،غزلماتم،مجسم،برہم،خم،دم،رم،رستم،سم،عالم،غمadmin

دیوان دوم غزل 677

خط سے وہ زور صفاے حسن اب کم ہو گیا

چاہ یوسفؑ تھا ذقن سو چاہ رستم ہو گیا

سینہ کوبی سنگ سے دل خون ہونے میں رہی

حق بجانب تھا ہمارے سخت ماتم ہو گیا

ایک سا عالم نہیں رہتا ہے اس عالم کے بیچ

اب جہاں کوئی نہیں یاں ایک عالم ہو گیا

آنکھ کے لڑتے تری آشوب سا برپا ہوا

زلف کے درہم ہوئے اک جمع برہم ہو گیا

اس لب جاں بخش کی حسرت نے مارا جان سے

آب حیواں یمن طالع سے مرے سم ہو گیا

وقت تب تک تھا تو سجدہ مسجدوں میں کفر تھا

فائدہ اب جب کہ قد محراب سا خم ہو گیا

عشق ان شہری غزالوں کا جنوں کو اب کھنچا

وحشت دل بڑھ گئی آرام جاں رم ہو گیا

جی کھنچے جاتے ہیں فرط شوق سے آنکھوں کی اور

جن نے دیکھا ایک دم اس کو سو بے دم ہو گیا

ہم نے جو کچھ اس سے دیکھا سو خلاف چشم داشت

اپنا عزرائیل وہ جان مجسم ہو گیا

کیا کہوں کیا طرحیں بدلیں چاہ نے آخر کو میر

تھا گرہ جو درد چھاتی میں سو اب غم ہو گیا

میر تقی میر

کچھ درد عاشقی کا اسے بھی مزہ لگا

اکتوبر 6, 2015میر تقی میر،اساتذہ،غزللگا،مزہ،پا،ا،بھلا،برا،جا،رہا،رکھاadmin

دیوان دوم غزل 676

رہتا ہے ہڈیوں سے مری جو ہما لگا

کچھ درد عاشقی کا اسے بھی مزہ لگا

غافل نہ سوز عشق سے رہ پھر کباب ہے

گر لائحہ اس آگ کا ٹک دل کو جا لگا

دیکھا ہمیں جہاں وہ تہاں آگ ہو گیا

بھڑکا رکھا ہے لوگوں نے اس کو لگا لگا

مہلت تنک بھی ہو تو سخن کچھ اثر کرے

میں اٹھ گیا کہ غیر ترے کانوں آ لگا

اب آب چشم ہی ہے ہمارا محیط خلق

دریا کو ہم نے کب کا کنارے رکھا لگا

ہر چند اس کی تیغ ستم تھی بلند لیک

وہ طور بد ہمیں تو قیامت بھلا لگا

مجلس میں اس کی بار نہ مجھ کو ملی کبھو

دروازے ہی سے گرچہ بہت میں رہا لگا

بوسہ لبوں کا مانگتے ہی منھ بگڑ گیا

کیا اتنی میری بات کا تم کو برا لگا

عالم کی سیر میر کی صحبت میں ہو گئی

طالع سے میرے ہاتھ یہ بے دست و پا لگا

میر تقی میر

شاید ہمیں دکھلاویں گے دیدار خدا کا

اکتوبر 6, 2015میر تقی میر،اساتذہ،غزلفنا،ہوا،وفا،پا،جھڑا،حیا،خدا،دوا،دعا،رداadmin

دیوان دوم غزل 675

کرتے ہی نہیں ترک بتاں طور جفا کا

شاید ہمیں دکھلاویں گے دیدار خدا کا

ہے ابر کی چادر شفقی جوش سے گل کے

میخانے کے ہاں دیکھیے یہ رنگ ہوا کا

بہتیری گرو جنس کلالوں کے پڑی ہے

کیا ذکر ہے واعظ کے مصلیٰ و ردا کا

مرجائے گا باتوں میں کوئی غمزدہ یوں ہی

ہر لحظہ نہ ہو ممتحن ارباب وفا کا

تدبیر تھی تسکیں کے لیے لوگوں کی ورنہ

معلوم تھا مدت سے ہمیں نفع دوا کا

ہاتھ آئینہ رویوں سے اٹھا بیٹھیں نہ کیونکر

بالعکس اثر پاتے تھے ہم اپنی دعا کا

آنکھ اس کی نہیں آئینے کے سامنے ہوتی

حیرت زدہ ہوں یار کی میں شرم و حیا کا

برسوں سے تو یوں ہے کہ گھٹا جب امنڈ آئی

تب دیدئہ تر سے بھی ہوا ایک جھڑاکا

آنکھ اس سے نہیں اٹھنے کی صاحب نظروں کی

جس خاک پہ ہو گا اثر اس کی کف پا کا

تلوار کے سائے ہی میں کاٹے ہے تو اے میر

کس دل زدہ کو ہوئے ہے یہ ذوق فنا کا

میر تقی میر

رہے جہان میں تو دیر میں رہا نہ رہا

اکتوبر 6, 2015میر تقی میر،اساتذہ،غزللگا،مزہ،گلہ،گیا،ا،آشنا،بجا،جا،رہاadmin

دیوان دوم غزل 674

ستم سے گو یہ ترے کشتۂ وفا نہ رہا

رہے جہان میں تو دیر میں رہا نہ رہا

کب اس کا نام لیے غش نہ آگیا مجھ کو

دل ستم زدہ کس وقت اس میں جا نہ رہا

ملانا آنکھ کا ہر دم فریب تھا دیکھا

پھر ایک دم میں وہ بے دید آشنا نہ رہا

موئے تو ہم پہ دل پُر کو خوب خالی کر

ہزار شکر کسو سے ہمیں گلہ نہ رہا

ادھر کھلی مری چھاتی ادھر نمک چھڑکا

جراحت اس کو دکھانے کا اب مزہ نہ رہا

ہوا ہوں تنگ بہت کوئی دن میں سن لیجو

کہ جی سے ہاتھ اٹھاکر وہ اٹھ گیا نہ رہا

ستم کا اس کے بہت میں نزار ہوں ممنون

جگر تمام ہوا خون و دل بجا نہ رہا

اگرچہ رہ گئے تھے استخوان و پوست ولے

لگائی ایسی کہ تسمہ بھی پھر لگا نہ رہا

حمیت اس کے تئیں کہتے ہیں جو میر میں تھی

گیا جہاں سے پہ تیری گلی میں آ نہ رہا

میر تقی میر

جیتا رہا ہے کوئی بھی بیمار عشق کا

اکتوبر 6, 2015میر تقی میر،اساتذہ،غزلوار،یار،گنہگار،گرفتار،پیار،اسرار،اظہار،بیمار،بازار،خریدار،سزاوار،طلبگارadmin

دیوان دوم غزل 673

بہتوں کو آگے تھا یہی آزار عشق کا

جیتا رہا ہے کوئی بھی بیمار عشق کا

بے پردگی بھی چاہ کا ہوتا ہے لازمہ

کھلتا ہی ہے ندان یہ اسرار عشق کا

زندانی سینکڑوں مرے آگے رہا ہوئے

چھوٹا نہ میں ہی تھا جو گنہگار عشق کا

خواہان مرگ میں ہی ہوا ہوں مگر نیا

جی بیچے ہی پھرے ہے خریدار عشق کا

منصور نے جو سر کو کٹایا تو کیا ہوا

ہر سر کہیں ہوا ہے سزاوار عشق کا

جاتا وہی سنا ہمہ حسرت جہان سے

ہوتا ہے جس کسو سے بہت پیار عشق کا

پھر بعد میرے آج تلک سر نہیں بکا

اک عمر سے کساد ہے بازار عشق کا

لگ جاوے دل کہیں تو اسے جی میں اپنے رکھ

رکھتا نہیں شگون کچھ اظہار عشق کا

چھوٹا جو مر کے قید عبارات میں پھنسا

القصہ کیا رہا ہو گرفتار عشق کا

مشکل ہے عمر کاٹنی تلوار کے تلے

سر میں خیال گوکہ رکھیں یار عشق کا

واں رستموں کے دعوے کو دیکھا ہے ہوتے قطع

پورا جہاں لگا ہے کوئی وار عشق کا

کھوئے رہا نہ جان کو ناآزمودہ کار

ہوتا نہ میر کاش طلبگار عشق کا

میر تقی میر

آئی قیامت ان نے جو پردہ اٹھا دیا

اکتوبر 6, 2015میر تقی میر،اساتذہ،غزللگا،ملا،کھپا،اٹھا،بچھا،بڑھا،بجھا،جگا،جھکا،جدا،سلاadmin

دیوان دوم غزل 672

جھمکے دکھا کے طور کو جن نے جلا دیا

آئی قیامت ان نے جو پردہ اٹھا دیا

اس فتنے کو جگا کے پشیماں ہوئی نسیم

کیا کیا عزیز لوگوں کو ان نے سلا دیا

اب بھی دماغ رفتہ ہمارا ہے عرش پر

گو آسماں نے خاک میں ہم کو ملا دیا

جانی نہ قدر اس گہر شب چراغ کی

دل ریزئہ خزف کی طرح میں اٹھا دیا

تقصیر جان دینے میں ہم نے کبھو نہ کی

جب تیغ وہ بلند ہوئی سر جھکا دیا

گرمی چراغ کی سی نہیں وہ مزاج میں

اب دل فسردگی سے ہوں جیسے بجھا دیا

وہ آگ ہورہا ہے خدا جانے غیر نے

میری طرف سے اس کے تئیں کیا لگا دیا

اتنا کہا تھا فرش تری رہ کے ہم ہوں کاش

سو تونے مار مار کے آکر بچھا دیا

اب گھٹتے گھٹتے جان میں طاقت نہیں رہی

ٹک لگ چلی صبا کہ دیا سا بڑھا دیا

تنگی لگا ہے کرنے دم اپنا بھی ہر گھڑی

کڑھنے نے دل کے جی کو ہمارے کھپا دیا

کی چشم تونے باز کہ کھولا درستم

کس مدعی خلق نے تجھ کو جگا دیا

کیا کیا زیان میر نے کھینچے ہیں عشق میں

دل ہاتھ سے دیا ہے جدا سر جدا دیا

میر تقی میر

پہلے سلوک ایسے ہی تیرے تھے اب ہے کیا

اکتوبر 6, 2015میر تقی میر،اساتذہ،غزللب،اب،ادب،تعب،سب،سبب،شب،طلب،عجب،غضبadmin

دیوان دوم غزل 671

رفتار و طور و طرز و روش کا یہ ڈھب ہے کیا

پہلے سلوک ایسے ہی تیرے تھے اب ہے کیا

ہم دل زدہ نہ رکھتے تھے تم سے یہ چشم داشت

کرتے ہو قہر لطف کی جاگہ غضب ہے کیا

عزت بھی بعد ذلت بسیار چھیڑ ہے

مجلس میں جب خفیف کیا پھر ادب ہے کیا

آئے ہم آپ میں تو نہ پہچانے پھر گئے

اس راہ صعب عشق میں یارو تعب ہے کیا

حیراں ہیں اس دہن کے عزیزان خوردہ بیں

یہ بھی مقام ہائے تامل طلب ہے کیا

آنکھیں جو ہوویں تیری تو تو عین کر رکھے

عالم تمام گر وہ نہیں تو یہ سب ہے کیا

اس آفتاب بن نہیں کچھ سوجھتا ہمیں

گر یہ ہی اپنے دن ہیں تو تاریک شب ہے کیا

تم نے ہمیشہ جور و ستم بے سبب کیے

اپنا ہی ظرف تھا جو نہ پوچھا سبب ہے کیا

کیونکر تمھاری بات کرے کوئی اعتبار

ظاہر میں کیا کہو ہو سخن زیر لب ہے کیا

اس مہ بغیر میر کا مرنا عجب ہوا

ہر چند مرگ عاشق مسکیں عجب ہے کیا

میر تقی میر

شکر خدا کہ حق محبت ادا ہوا

اکتوبر 6, 2015میر تقی میر،اساتذہ،غزللٹا،مدعا،چلا،وا،کیا،ادا،بھلا،بجا،جلاadmin

دیوان دوم غزل 670

تیغ ستم سے اس کی مرا سر جدا ہوا

شکر خدا کہ حق محبت ادا ہوا

قاصد کو دے کے خط نہیں کچھ بھیجنا ضرور

جاتا ہے اب تو جی ہی ہمارا چلا ہوا

وہ تو نہیں کہ اشک تھمے ہی نہ آنکھ سے

نکلے ہے کوئی لخت دل اب سو جلا ہوا

حیران رنگ باغ جہاں تھا بہت رکا

تصویر کی کلی کی طرح دل نہ وا ہوا

عالم کی بے فضائی سے تنگ آگئے تھے ہم

جاگہ سے دل گیا جو ہمارا بجا ہوا

درپے ہمارے جی کے ہوا غیر کے لیے

انجام کار مدعی کا مدعا ہوا

اس کے گئے پہ دل کی خرابی نہ پوچھیے

جیسے کسو کا کوئی نگر ہو لٹا ہوا

بدتر ہے زیست مرگ سے ہجران یار میں

بیمار دل بھلا نہ ہوا تو بھلا ہوا

کہتا تھا میر حال تو جب تک تو تھا بھلا

کچھ ضبط کرتے کرتے ترا حال کیا ہوا

میر تقی میر

رحمت خدا کی تجھ کو اے ابر زور برسا

اکتوبر 6, 2015میر تقی میر،اساتذہ،غزلفرسا،برسا،ترسا،ساadmin

دیوان دوم غزل 669

دامن وسیع تھا تو کاہے کو چشم تر سا

رحمت خدا کی تجھ کو اے ابر زور برسا

شاید کباب کر کر کھایا کبوتر ان نے

نامہ اڑا پھرے ہے اس کی گلی میں پر سا

وحشی مزاج ازبس مانوس بادیہ ہیں

ان کے جنوں میں جنگل اپنا ہوا ہے گھر سا

جس ہاتھ میں رہا کی اس کی کمر ہمیشہ

اس ہاتھ مارنے کا سر پر بندھا ہے کر سا

سب پیچ کی یہ باتیں ہیں شاعروں کی ورنہ

باریک اور نازک مو کب ہے اس کمر سا

طرز نگاہ اس کی دل لے گئی سبھوں کے

کیا مومن و برہمن کیا گبر اور ترسا

تم واقف طریق بے طاقتی نہیں ہو

یاں راہ دو قدم ہے اب دور کا سفر سا

کچھ بھی معاش ہے یہ کی ان نے ایک چشمک

جب مدتوں ہمارا جی دیکھنے کو ترسا

ٹک ترک عشق کریے لاغر بہت ہوئے ہم

آدھا نہیں رہا ہے اب جسم رنج فرسا

واعظ کو یہ جلن ہے شاید کہ فربہی سے

رہتا ہے حوض ہی میں اکثر پڑا مگر سا

انداز سے ہے پیدا سب کچھ خبر ہے اس کو

گو میر بے سر و پا ظاہر ہے بے خبر سا

میر تقی میر

دل کو لگا کے ہم نے کھینچے عذاب کیا کیا

اکتوبر 6, 2015میر تقی میر،اساتذہ،غزلکباب،اضطراب،تاب،حساب،خواب،خراب،شاب،شراب،عذابadmin

دیوان دوم غزل 668

پائے خطاب کیا کیا دیکھے عتاب کیا کیا

دل کو لگا کے ہم نے کھینچے عذاب کیا کیا

کاٹے ہیں خاک اڑا کر جوں گردباد برسوں

گلیوں میں ہم ہوئے ہیں اس بن خراب کیا کیا

کچھ گل سے ہیں شگفتہ کچھ سرو سے ہیں قد کش

اس کے خیال میں ہم دیکھے ہیں خواب کیا کیا

انواع جرم میرے پھر بے شمار و بے حد

روز حساب لیں گے مجھ سے حساب کیا کیا

اک آگ لگ رہی ہے سینوں میں کچھ نہ پوچھو

جل جل کے ہم ہوئے ہیں اس بن کباب کیا کیا

افراط شوق میں تو رویت رہی نہ مطلق

کہتے ہیں میرے منھ پر اب شیخ و شاب کیا کیا

پھر پھر گیا ہے آکر منھ تک جگر ہمارے

گذرے ہیں جان و دل پر یاں اضطراب کیا کیا

آشفتہ اس کے گیسو جب سے ہوئے ہیں منھ پر

تب سے ہمارے دل کو ہے پیچ و تاب کیا کیا

کچھ سوجھتا نہیں ہے مستی میں میر جی کو

کرتے ہیں پوچ گوئی پی کر شراب کیا کیا

میر تقی میر

کب خضر و مسیحا نے مرنے کا مزہ جانا

اکتوبر 6, 2015میر تقی میر،اساتذہ،غزلنا،آجانا،جاناadmin

دیوان دوم غزل 667

لذت سے نہیں خالی جانوں کا کھپا جانا

کب خضر و مسیحا نے مرنے کا مزہ جانا

ہم جاہ و حشم یاں کا کیا کہیے کہ کیا جانا

خاتم کو سلیماں کی انگشتر پا جانا

یہ بھی ہے ادا کوئی خورشید نمط پیارے

منھ صبح دکھا جانا پھر شام چھپا جانا

کب بندگی میری سی بندہ کرے گا کوئی

جانے ہے خدا اس کو میں تجھ کو خدا جانا

تھا ناز بہت ہم کو دانست پر اپنی بھی

آخر وہ برا نکلا ہم جس کو بھلا جانا

گردن کشی کیا حاصل مانند بگولے کے

اس دشت میں سر گاڑے جوں سیل چلا جا نا

اس گریۂ خونیں کا ہو ضبط تو بہتر ہے

اچھا نہیں چہرے پر لوہو کا بہا جانا

یہ نقش دلوں پر سے جانے کا نہیں اس کو

عاشق کے حقوق آکر ناحق بھی مٹا جانا

ڈھب دیکھنے کا ایدھر ایسا ہی تمھارا تھا

جاتے تو ہو پر ہم سے ٹک آنکھ ملا جانا

اس شمع کی مجلس میں جانا ہمیں پھر واں سے

اک زخم زباں تازہ ہر روز اٹھا جانا

اے شور قیامت ہم سوتے ہی نہ رہ جاویں

اس راہ سے نکلے تو ہم کو بھی جگا جانا

کیا پانی کے مول آکر مالک نے گہر بیچا

ہے سخت گراں سستا یوسفؑ کا بکا جانا

ہے میری تری نسبت روح اور جسد کی سی

کب آپ سے میں تجھ کو اے جان جدا جانا

جاتی ہے گذر جی پر اس وقت قیامت سی

یاد آوے ہے جب تیرا یک بارگی آجانا

برسوں سے مرے اس کے رہتی ہے یہی صحبت

تیغ اس کو اٹھانا تو سر مجھ کو جھکا جانا

کب میر بسر آئے تم ویسے فریبی سے

دل کو تو لگا بیٹھے لیکن نہ لگا جانا

میر تقی میر

ہر بال اس کے تن پہ ہے موجب وبال کا

اکتوبر 6, 2015میر تقی میر،اساتذہ،غزللایزال،چال،وبال،آل،آشمال،جلال،خیال،ضلالadmin

دیوان دوم غزل 666

جو معتقد نہیں ہے علیؓ کے کمال کا

ہر بال اس کے تن پہ ہے موجب وبال کا

عزت علیؓ کی قدر علیؓ کی بہت ہے دور

مورد ہے ذوالجلال کے عز و جلال کا

پایا علیؓ کو جا کے محمدؐ نے اس جگہ

جس جا نہ تھا لگائو گمان و خیال کا

رکھنا قدم پہ اس کے قدم کب ملک سے ہو

مخلوق آدمی نہ ہوا ایسی چال کا

شخصیت ایسی کس کی تھی ختم رسل کے بعد

تھا مشورت شریک حق لایزال کا

توڑا بتوں کو دوش نبیؐ پر قدم کو رکھ

چھوڑا نہ نام کعبہ میں کفر و ضلال کا

راہ خدا میں ان نے دیا اپنے بھی تئیں

یہ جود منھ تو دیکھو کسو آشمال کا

نسبت نہ بندگی کی ہوئی جس کی واں درست

رونا مجھے ہے حشر میں اس کی ہی چال کا

فکر نجات میر کو کیا مدح خواں ہے وہ

اولاد کا علیؓ کی محمدؐ کی آل کا

میر تقی میر

دیواں میں شعر گر نہیں نعت رسولؐ کا

اکتوبر 6, 2015میر تقی میر،اساتذہ،غزلملول،اصول،بوالفضول،بتول،حصول،دھول،رسول،عقولadmin

دیوان دوم غزل 665

جلوہ نہیں ہے نظم میں حسن قبول کا

دیواں میں شعر گر نہیں نعت رسولؐ کا

حق کی طلب ہے کچھ تو محمدؐ پرست ہو

ایسا وسیلہ ہے بھی خدا کے حصول کا

مطلوب ہے زمان و مکان و جہان سے

محبوب ہے ملک کا فلک کا عقول کا

احمدؐ کو ہم نے جان رکھا ہے وہی احد

مذہب کچھ اور ہو گا کسی بوالفضول کا

جن مردماں کو آنکھیں دیاں ہیں خدا نے وے

سرمہ کریں ہیں رہ کی تری خاک دھول کا

مقصود ہے علیؓ کا ولی کا سبھی کا تو

ہے قصد سب کو تیری رضا کے حصول کا

تھی گفتگوے باغ فدک جڑ فساد کی

جانے ہے جس کو علم ہے دیں کے اصول کا

دعویٰ جو حق شناسی کا رکھیے سو اس قدر

پھر جان بوجھ کریے تلف حق بتولؓ کا

پرواے حشر کیا ہے تجھے میر شاد رہ

ہے عذر خواہ جرم جو وہ تجھ ملول کا

میر تقی میر

نکلے ہے جی ہی اس کے لیے کائنات کا

اکتوبر 6, 2015میر تقی میر،اساتذہ،غزلنبات،نجات،وفات،کائنات،بات،ثبات،ذات،رات،سومنات،صفات،صلوٰتadmin

دیوان دوم غزل 664

ہر ذی حیات کا ہے سبب جو حیات کا

نکلے ہے جی ہی اس کے لیے کائنات کا

بکھری ہے زلف اس رخ عالم فروز پر

ورنہ بنائو ہووے نہ دن اور رات کا

در پردہ وہ ہی معنی مقوم نہ ہوں اگر

صورت نہ پکڑے کام فلک کے ثبات کا

ہیں مستحیل خاک سے اجزاے نوخطاں

کیا سہل ہے زمیں سے نکلنا نبات کا

مستہلک اس کے عشق کے جانیں ہیں قدر مرگ

عیسیٰ و خضر کو ہے مزہ کب وفات کا

اشجار ہوویں خامہ و آب سیہ بحار

لکھنا نہ تو بھی ہوسکے اس کی صفات کا

اس کے فروغ حسن سے جھمکے ہے سب میں نور

شمع حرم ہو یا کہ دیا سومنات کا

بالذات ہے جہاں میں وہ موجود ہر جگہ

ہے دید چشم دل کے کھلے عین ذات کا

ہر صفحے میں ہے محو کلام اپنا دس جگہ

مصحف کو کھول دیکھ ٹک انداز بات کا

ہم مذنبوں میں صرف کرم سے ہے گفتگو

مذکور ذکر یاں نہیں صوم و صلوٰت کا

کیا میر تجھ کو نامہ سیاہی کا فکر ہے

ختم رسل سا شخص ہے ضامن نجات کا

میر تقی میر

دل رفتہ رفتہ غم میں آدھا نہیں رہا ہے

اکتوبر 6, 2015میر تقی میر،اساتذہ،غزلہےadmin

دیوان اول غزل 663

غالب ہے کوئی دن کو ڈھونڈو تو پھر نہ پائو

دل رفتہ رفتہ غم میں آدھا نہیں رہا ہے

میر تقی میر

راہ کی بات کھوئے دیتی ہے

اکتوبر 6, 2015میر تقی میر،اساتذہ،غزلہےadmin

دیوان اول غزل 662

خضر رہ عشق میں نہ ڈھونڈ کہ یاں

راہ کی بات کھوئے دیتی ہے

میر تقی میر

جو ہو شمار دم میں اس کی امید کیا ہے

اکتوبر 6, 2015میر تقی میر،اساتذہ،غزلہےadmin

دیوان اول غزل 661

مایوس وصل اس کا چتون میں مت کہو تم

جو ہو شمار دم میں اس کی امید کیا ہے

میر تقی میر

اس پہ گویا کہ قرض کھایا ہے

اکتوبر 6, 2015میر تقی میر،اساتذہ،غزلہےadmin

دیوان اول غزل 660

نقد دل چھوڑتے نہیں خوباں

اس پہ گویا کہ قرض کھایا ہے

میر تقی میر

لکھا ہے گر کہیں سہوالقلم ہے

اکتوبر 6, 2015میر تقی میر،اساتذہ،غزلہےadmin

دیوان اول غزل 659

تری ہم چشم نرگس کیا صنم ہے

لکھا ہے گر کہیں سہوالقلم ہے

میر تقی میر

اسی کی باغ میں ہوا دیکھی

اکتوبر 6, 2015میر تقی میر،اساتذہ،غزلدیکھیadmin

دیوان اول غزل 658

چشم ہرگل پہ اس کی جا دیکھی

اسی کی باغ میں ہوا دیکھی

میر تقی میر

اول عشق ہی میں آخر ہے

اکتوبر 6, 2015میر تقی میر،اساتذہ،غزلہےadmin

دیوان اول غزل 657

دیکھتا ہوں تو کام میرا میر

اول عشق ہی میں آخر ہے

میر تقی میر

اڑ گئے آئینے کے توتے سے

اکتوبر 6, 2015میر تقی میر،اساتذہ،غزلسےadmin

دیوان اول غزل 656

ان نے دیکھا جو اٹھ کے سوتے سے

اڑ گئے آئینے کے توتے سے

میر تقی میر

ہاتھ کانوں پہ رکھ گئے سارے

اکتوبر 6, 2015میر تقی میر،اساتذہ،غزلسارےadmin

دیوان اول غزل 655

غم میں دل صبر و ہوش اے پیارے

ہاتھ کانوں پہ رکھ گئے سارے

میر تقی میر

یہ نہ منھ دیکھے کی سی میں نے کہی

اکتوبر 6, 2015میر تقی میر،اساتذہ،غزلکہیadmin

دیوان اول غزل 654

آرسی آرسی وہ ہے وہ ہے

یہ نہ منھ دیکھے کی سی میں نے کہی

میر تقی میر

ان ساحروں نے ایسے منھ عاشقوں کے باندھے

اکتوبر 6, 2015میر تقی میر،اساتذہ،غزلباندھےadmin

دیوان اول غزل 653

وابستہ دلبروں کے خاموش ہیں ہمیشہ

ان ساحروں نے ایسے منھ عاشقوں کے باندھے

میر تقی میر

گو مثل ہو آنکھ پھوٹی پیر گئی

اکتوبر 6, 2015میر تقی میر،اساتذہ،غزلگئیadmin

دیوان اول غزل 652

پیر کنعاں سے گیا کب دردعشق

گو مثل ہو آنکھ پھوٹی پیر گئی

میر تقی میر

کیسے ہی ہوں گے ہم گئے گذرے

اکتوبر 6, 2015میر تقی میر،اساتذہ،غزلگذرےadmin

دیوان اول غزل 651

کوچۂ یار سے نہ جاویں گے

کیسے ہی ہوں گے ہم گئے گذرے

میر تقی میر

شاعروں نے بھی فکر کر دیکھے

اکتوبر 6, 2015میر تقی میر،اساتذہ،غزلدیکھےadmin

دیوان اول غزل 650

مصرع زلف کا نہ پایا پیچ

شاعروں نے بھی فکر کر دیکھے

میر تقی میر

اے آفتاب تیرا منھ تو طباق سا ہے

اکتوبر 6, 2015میر تقی میر،اساتذہ،غزلہےadmin

دیوان اول غزل 649

کس رو سے اس کے ہو گا تو نقطے سے مقابل

اے آفتاب تیرا منھ تو طباق سا ہے

میر تقی میر

وہ شگفتہ ہے یہ گرفتہ ہے

اکتوبر 6, 2015میر تقی میر،اساتذہ،غزلہےadmin

دیوان اول غزل 648

نسبت مہ ہے دور اس گل سے

وہ شگفتہ ہے یہ گرفتہ ہے

میر تقی میر

کر اے طپش جگر کی اب تو ہی آبیاری

اکتوبر 6, 2015میر تقی میر،اساتذہ،غزلآبیاریadmin

دیوان اول غزل 647

یک دم میں خوں تو سوکھا مژگاں پہ ہوکے جاری

کر اے طپش جگر کی اب تو ہی آبیاری

میر تقی میر

جی میں ہے کبھو حال غریبانہ کہیں گے

اکتوبر 6, 2015میر تقی میر،اساتذہ،غزلافسانہ،غریبانہadmin

دیوان اول غزل 646

ہم رو رو کے درد دل دیوانہ کہیں گے

جی میں ہے کبھو حال غریبانہ کہیں گے

موقوف غم میر کی شب ہوچکی ہمدم

کل رات کو پھر باقی یہ افسانہ کہیں گے

میر تقی میر

ملک دل ان نے صاف لوٹا ہے

اکتوبر 6, 2015میر تقی میر،اساتذہ،غزللوٹا،ٹوٹاadmin

دیوان اول غزل 645

کیا کہوں کچھ بھی اس سے چھوٹا ہے

ملک دل ان نے صاف لوٹا ہے

خاک سے میر کیوں نہ یکساں ہوں

مجھ پہ تو آسمان ٹوٹا ہے

میر تقی میر

بیتاب کر کے خاک میں ہم کو ملا گئے

اکتوبر 6, 2015میر تقی میر،اساتذہ،غزلملا،سناadmin

دیوان اول غزل 644

مدت ہوئی کہ تاب و تواں جی چھپا گئے

بیتاب کر کے خاک میں ہم کو ملا گئے

وے دن گئے کہ آٹھ پہر اس کے پاس تھے

اب آگئے تو دور سے کچھ غم سنا گئے

میر تقی میر

وہ اسکندر گیا یاں سے تو دونوں ہاتھ خالی تھے

اکتوبر 6, 2015میر تقی میر،اساتذہ،غزلابالی،خالیadmin

دیوان اول غزل 643

مہیا جس کنے اسباب ملکی اور مالی تھے

وہ اسکندر گیا یاں سے تو دونوں ہاتھ خالی تھے

کلاہ کج سے ہر غنچے کی پیدا ہے گلستاں میں

کہ کیا کیا اس چمن میں دلبروں کے لا ابالی تھے

میر تقی میر

ہم کو دیکھو کہ لگے چلنے تو جاتے ہی رہے

اکتوبر 6, 2015میر تقی میر،اساتذہ،غزلرہےadmin

دیوان اول غزل 642

وعدے ہر روز رہے اور تم آتے ہی رہے

ہم کو دیکھو کہ لگے چلنے تو جاتے ہی رہے

میر تقی میر

پر اس روش کو تیری یہ لوگ کیا کہیں گے

اکتوبر 6, 2015میر تقی میر،اساتذہ،غزلگےadmin

دیوان اول غزل 641

ناچار ہم تو تجھ بن جی مار کر رہیں گے

پر اس روش کو تیری یہ لوگ کیا کہیں گے

میر تقی میر

اب آئے تم تو فائدہ ہم ہی نہیں رہے

اکتوبر 6, 2015میر تقی میر،اساتذہ،غزلرہےadmin

دیوان اول غزل 640

آنے کے وقت تم تو کہیں کے کہیں رہے

اب آئے تم تو فائدہ ہم ہی نہیں رہے

میر تقی میر

دریا کے بھی ہونٹ جا سلے ہے

اکتوبر 6, 2015میر تقی میر،اساتذہ،غزلہےadmin

دیوان اول غزل 639

جو سیل سرشک کا چلے ہے

دریا کے بھی ہونٹ جا سلے ہے

میر تقی میر

شمع و چراغ بزم میں خاموش ہو گئے

اکتوبر 6, 2015میر تقی میر،اساتذہ،غزلگئےadmin

دیوان اول غزل 638

حیران اس بھبھوکے پہ سب دوش ہو گئے

شمع و چراغ بزم میں خاموش ہو گئے

میر تقی میر

دور سے ایک نظر دیکھ کے جانے سے گئے

اکتوبر 6, 2015میر تقی میر،اساتذہ،غزلگئےadmin

دیوان اول غزل 637

عمر گذری کہ ترے کوچے کے آنے سے گئے

دور سے ایک نظر دیکھ کے جانے سے گئے

میر تقی میر

آب ہو جائے کہ یہ دل خلۂ پہلو ہے

اکتوبر 6, 2015میر تقی میر،اساتذہ،غزلپہلو،ابروadmin

دیوان اول غزل 636

اس ستم دیدہ کی صحبت سے جگر لوہو ہے

آب ہو جائے کہ یہ دل خلۂ پہلو ہے

خون ہوتا نظر آتا ہے کسی کا مجھ کو

ہر نگہ ساتھ ترے مصلحت ابرو ہے

میر تقی میر

مداوا سے مرض گذرا کہو اب میر کیا کریے

اکتوبر 6, 2015میر تقی میر،اساتذہ،غزلمیر،تقصیر،دلگیر،دیرadmin

دیوان اول غزل 635

چلی جاتی ہی نکلی جان ہے تدبیر کیا کریے

مداوا سے مرض گذرا کہو اب میر کیا کریے

نہ رکھا کرکے زنجیری پریشاں دل ہمارے کو

ہوئی یہ اب تو تیری زلف سے تقصیر کیا کریے

کریں استادگی آیا تھا جی پہ قتل ہونے میں

یہ اپنا کام ہے قاتل یہ اس کو دیر کیا کریے

نہیں آتا ہے کوئی ڈھب ہمیں آسودہ ہونے میں

بھلا تو ہی بتا اے خاطر دلگیر کیا کریے

میر تقی میر

خون دل ہی کا اب مزہ چکھیے

اکتوبر 6, 2015میر تقی میر،اساتذہ،غزلچکھیے،بکیے،تکیے،رکھیےadmin

دیوان اول غزل 634

راہ آنسو کی کب تلک تکیے

خون دل ہی کا اب مزہ چکھیے

آتش غم میں جل رہے ہیں ہما

چشم مجھ استخواں پہ مت رکھیے

سو گیا وہ سمجھ کے افسانہ

درد دل اب کہاں تلک بکیے

بید سا کانپتا تھا مرتے وقت

میر کو رکھیو مجنوں کے تکیے

میر تقی میر

ہوا ہوں زعفراں کا کھیت تیرے عشق میں پیارے

اکتوبر 6, 2015میر تقی میر،اساتذہ،غزلپیارے،تارےadmin

دیوان اول غزل 633

مرے رنگ شکستہ پہ ہنسے ہیں مردماں سارے

ہوا ہوں زعفراں کا کھیت تیرے عشق میں پیارے

عرق گرتا ہے تیری زلف سے اور دل سہمتا ہے

کہ شب تاریک ہے اور ٹوٹتے ہیں دم بدم تارے

میر تقی میر

کچھ ٹھہرتی ہی نہیں کوئی کہے تو کیا کہے

اکتوبر 6, 2015میر تقی میر،اساتذہ،غزلکیا،دریاadmin

دیوان اول غزل 632

شوخ عاشق قد کو تیرے سرو یا طوبیٰ کہے

کچھ ٹھہرتی ہی نہیں کوئی کہے تو کیا کہے

کیا تفاوت ہے بڑے چھوٹے میں گر سمجھے کوئی

کیا عجب ہے مشک کو سقا اگر دریا کہے

میر تقی میر

چلا ہے یار کے کوچے کو اور مجھ سے چھپاتا ہے

اکتوبر 6, 2015میر تقی میر،اساتذہ،غزللاتا،چھپاتا،دکھاتاadmin

دیوان اول غزل 631

سبھوں کے خط لیے پوشیدہ قاصد آج جاتا ہے

چلا ہے یار کے کوچے کو اور مجھ سے چھپاتا ہے

تو خاطر جمع رکھ دامن کہ اب شہر گریباں سے

تری خاطر ہزاروں چاک تحفہ ہاتھ لاتا ہے

بتاں کے ہجر میں روتا ہوں شب کو اور سحر ہر دم

ہنسے ہے دور سے مجھ پر خدا یہ دن دکھاتا ہے

میر تقی میر

کہو کس طرح نئیں صبا چوربادی

اکتوبر 6, 2015میر تقی میر،اساتذہ،غزلہادی،چوربادی،سادی،شادیadmin

دیوان اول غزل 630

اڑا برگ گل کو دکھاتی ہے وادی

کہو کس طرح نئیں صبا چوربادی

میں لبریز تجھ نام سے جوں نگیں تھا

رہی لوح تربت مری کیونکے سادی

ترے غم میں ہے زیست اور موت یکساں

نہ مرنے کا ماتم نہ جینے کی شادی

میں ہوں بے نوا میر ایسا کہ شب کو

فغاں سے کہوں ٹک کھڑے رہیو ہادی

میر تقی میر

ابرو تو یک طرف پلک اس کی نہیں ہلی

اکتوبر 6, 2015میر تقی میر،اساتذہ،غزلہلی،یاعلیadmin

دیوان اول غزل 629

کیوں گردن ہلال ابھی سے ڈھلک چلی

ابرو تو یک طرف پلک اس کی نہیں ہلی

ہمت دے بادتند کو ایسی کہ بعد مرگ

مشت غبار میر نجف پہنچے یاعلی

میر تقی میر

میری توبہ کا جان ڈرتا ہے

اکتوبر 6, 2015میر تقی میر،اساتذہ،غزلمرتا،ڈرتا،کرتاadmin

دیوان اول غزل 628

جوں جوں ساقی تو جام بھرتا ہے

میری توبہ کا جان ڈرتا ہے

سیر کر عاشقوں کی جانبازی

کوئی سسکتا ہے کوئی مرتا ہے

میر ازبسکہ ناتواں ہوں میں

جی مرا سائیں سائیں کرتا ہے

میر تقی میر

ہجر کی کرنی پڑی ہے نازبرداری مجھے

اکتوبر 6, 2015میر تقی میر،اساتذہ،غزلنازبرداری،خواریadmin

دیوان اول غزل 627

وصل کی جب سے گئی ہے چھوڑ دلداری مجھے

ہجر کی کرنی پڑی ہے نازبرداری مجھے

میں گریباں پھاڑتا ہوں وہ سلا دیتا ہے میر

خوش نہیں آتی نصیحت گر کی غم خواری مجھے

میر تقی میر

دشت میں آندھیاں چلا ویں گے

اکتوبر 6, 2015میر تقی میر،اساتذہ،غزلچلا،بندھاadmin

دیوان اول غزل 626

ہم جنوں میں جو خاک اڑا ویں گے

دشت میں آندھیاں چلا ویں گے

میرے دامن کے تار خاروں کو

دشت میں پگڑیاں بندھاویں گے

میر تقی میر

معشوق بھی ہمارا محبوب آدمی ہے

اکتوبر 6, 2015میر تقی میر،اساتذہ،غزلمحبوب،مطلوبadmin

دیوان اول غزل 625

ہنس دے ہے دیکھتے ہی کیا خوب آدمی ہے

معشوق بھی ہمارا محبوب آدمی ہے

انسان ہو جو کچھ ہے ادراک سرلولاک

ناداں زمیں زماں سے مطلوب آدمی ہے

میر تقی میر

عقل گئی زاہد بدذات کی

اکتوبر 6, 2015میر تقی میر،اساتذہ،غزلمدارات،کرامات،بدذات،برساتadmin

دیوان اول غزل 624

سن کے صفت ہم سے خرابات کی

عقل گئی زاہد بدذات کی

جی میں ہمارے بھی تھا پیویں شراب

پیرمغاں تونے کرامات کی

کوئی رمق جان تھی تن میں مرے

سو بھی ترے غم کی مدارات کی

یاد میں تجھ زلف کی گریہ سے شوخ

روز مرا رات ہے برسات کی

میر تقی میر

بتاں دلوں میں تمھارے خدا کا ڈر بھی ہے

اکتوبر 6, 2015میر تقی میر،اساتذہ،غزلور،خبرadmin

دیوان اول غزل 623

سواے سنگ دلی اور کچھ ہنر بھی ہے

بتاں دلوں میں تمھارے خدا کا ڈر بھی ہے

ترے فراق میں کچھ کھا کے سو رہا ہوں میں

تو کس خیال میں ہے تجھ کو کچھ خبر بھی ہے

میر تقی میر

کہ عالم جوان سیہ پوش ہے

اکتوبر 6, 2015میر تقی میر،اساتذہ،غزلہوش،نوش،پوش،آغوشadmin

دیوان اول غزل 622

مرے درد دل کا تو یہ جوش ہے

کہ عالم جوان سیہ پوش ہے

کیا روبرو اس کے کیوں آئینہ

کہ بے ہوشی اس کا دم اور ہوش ہے

کبھو تیر سا اس کماں میں بھی آ

کہ خمیازہ کش میری آغوش ہے

بلائوں میں اس دور بد کی تو نئیں

جہاں میں خوشا حال مے نوش ہے

میر تقی میر

تیرا بیمار آج تو خوش ہے

اکتوبر 6, 2015میر تقی میر،اساتذہ،غزلمزاج،آجadmin

دیوان اول غزل 621

صبح سے بن علاج تو خوش ہے

تیرا بیمار آج تو خوش ہے

میر پھر کہیو سرگذشت اپنی

بارے یہ کہہ مزاج تو خوش ہے

میر تقی میر

سفر کا بھی رہے خطرہ کہ اس منزل سے جانا ہے

اکتوبر 6, 2015میر تقی میر،اساتذہ،غزلجانا،زمانہadmin

دیوان اول غزل 620

نہ رہ دنیا میں دلجمعی سے اے انساں جو دانا ہے

سفر کا بھی رہے خطرہ کہ اس منزل سے جانا ہے

چلے آتے تھے جو آناً فآناً دیکھ حسرت کو

وے آنسو بھی لگے آنکھیں چرانے کیا زمانہ ہے

میر تقی میر

رنگ رو کو چمن نیاز کرے

اکتوبر 6, 2015میر تقی میر،اساتذہ،غزلنماز،نیازadmin

دیوان اول غزل 619

رشک گلشن اگر تو ناز کرے

رنگ رو کو چمن نیاز کرے

تیری ابرو جدھر کو مائل ہے

ایک عالم ادھر نماز کرے

میر تقی میر

تا صبح دوصد نالہ سر انجام کریں گے

اکتوبر 6, 2015میر تقی میر،اساتذہ،غزلکام،انجام،ایام،آرام،بدنامadmin

دیوان اول غزل 618

دن دوری چمن میں جو ہم شام کریں گے

تا صبح دوصد نالہ سر انجام کریں گے

ہو گا ستم و جور سے تیرے ہی کنایہ

دوشخص جہاں شکوئہ ایام کریں گے

آمیزش بے جا ہے تجھے جن سے ہمیشہ

وے لوگ ہی آخر تجھے بدنام کریں گے

نالوں سے مرے رات کے غافل نہ رہا کر

اک روز یہی دل میں ترے کام کریں گے

گر دل ہے یہی مضطرب الحال تو اے میر

ہم زیر زمیں بھی بہت آرام کریں گے

میر تقی میر

دل پر خوں کی اک گلابی سے

اکتوبر 6, 2015میر تقی میر،اساتذہ،غزلگلابی،حجابی،خوابی،خرابی،شتابیadmin

دیوان اول غزل 617

عمر بھر ہم رہے شرابی سے

دل پر خوں کی اک گلابی سے

جی ڈھہا جائے ہے سحر سے آہ

رات گذرے گی کس خرابی سے

کھلنا کم کم کلی نے سیکھا ہے

اس کی آنکھوں کی نیم خوابی سے

برقع اٹھتے ہی چاند سا نکلا

داغ ہوں اس کی بے حجابی سے

کام تھے عشق میں بہت پر میر

ہم ہیں فارغ ہوئے شتابی سے

میر تقی میر

ہماری خاک پر بھی رو گیا ہے

اکتوبر 6, 2015میر تقی میر،اساتذہ،غزلہو،کھو،تو،رو،سوadmin

دیوان اول غزل 616

ادھر سے ابر اٹھ کر جو گیا ہے

ہماری خاک پر بھی رو گیا ہے

مصائب اور تھے پر دل کا جانا

عجب اک سانحہ سا ہو گیا ہے

مقامر خانۂ آفاق وہ ہے

کہ جو آیا ہے یاں کچھ کھو گیا ہے

کچھ آئو زلف کے کوچے میں درپیش

مزاج اپنا ادھر اب تو گیا ہے

سرہانے میر کے کوئی نہ بولو

ابھی ٹک روتے روتے سو گیا ہے

میر تقی میر

چپکے باتیں اٹھائے گئے سر گاڑے ووہیں آئے گئے

اکتوبر 6, 2015میر تقی میر،اساتذہ،غزللگائے،لائے،ملائے،چھپائے،پائے،آئے،اٹھائے،تائے،سائےadmin

دیوان اول غزل 615

کیا کیا بیٹھے بگڑ بگڑ تم پر ہم تم سے بنائے گئے

چپکے باتیں اٹھائے گئے سر گاڑے ووہیں آئے گئے

اٹھے نقاب جہان سے یارب جس سے تکلف بیچ میں ہے

جب نکلے اس راہ سے ہوکر منھ تم ہم سے چھپائے گئے

کب کب تم نے سچ نہیں مانیں جھوٹی باتیں غیروں کی

تم ہم کو یوں ہی جلائے گئے وے تم کو ووہیں لگائے گئے

صبح وہ آفت اٹھ بیٹھا تھا تم نے نہ دیکھا صد افسوس

کیا کیا فتنے سرجوڑے پلکوں کے سائے سائے گئے

اللہ رے یہ دیدہ درائی ہوں نہ مکدر کیونکے ہم

آنکھیں ہم سے ملائے گئے پھر خاک میں ہم کو ملائے گئے

آگ میں غم کی ہو کے گدازاں جسم ہوا سب پانی سا

یعنی بن ان شعلہ رخوں کے خوب ہی ہم بھی تائے گئے

ٹکڑے ٹکڑے کرنے کی بھی حد ایک آخر ہوتی ہے

کشتے اس کی تیغ ستم کے گورتئیں کب لائے گئے

خضر جو مل جاتا ہے گاہے آپ کو بھولا خوب نہیں

کھوئے گئے اس راہ کے ورنہ کاہے کو پھر پائے گئے

مرنے سے کیا میر جی صاحب ہم کو ہوش تھے کیا کریے

جی سے ہاتھ اٹھائے گئے پر اس سے دل نہ اٹھائے گئے

میر تقی میر

دریاے موج خیز جہاں کا سراب ہے

اکتوبر 6, 2015میر تقی میر،اساتذہ،غزلکباب،آفتاب،تاب،حباب،حساب،خواب،خراب،سراب،عذابadmin

دیوان اول غزل 614

ہے خاک جیسے ریگ رواں سب نہ آب ہے

دریاے موج خیز جہاں کا سراب ہے

روز شمار میں بھی محاسب ہے گر کوئی

تو بے حساب کچھ نہ کر آخر حساب ہے

اس شہر دل کو تو بھی جو دیکھے تو اب کہے

کیا جانیے کہ بستی یہ کب کی خراب ہے

منھ پر لیے نقاب تو اے ماہ کیا چھپے

آشوب شہر حسن ترا آفتاب ہے

کس رشک گل کی باغ میں زلف سیہ کھلی

موج ہوا میں آج نپٹ پیچ و تاب ہے

کیا دل مجھے بہشت میں لے جائے گا بھلا

جس کے سبب یہ جان پہ میری عذاب ہے

سن کان کھول کر کہ تنک جلد آنکھ کھول

غافل یہ زندگانی فسانہ ہے خواب ہے

رہ آشناے لطف حقیقت کے بحر کا

ہے رشک زلف و چشم جو موج حباب ہے

آتش ہے سوز سینہ ہمارا مگر کہ میر

نامے سے عاشقوں کے کبوتر کباب ہے

میر تقی میر

بائو سے اک دماغ نکلے ہے

اکتوبر 6, 2015میر تقی میر،اساتذہ،غزلچماغ،چراغ،ایاغ،دماغ،داغ،سراغadmin

دیوان اول غزل 613

بو کہ ہو سوے باغ نکلے ہے

بائو سے اک دماغ نکلے ہے

ہے جو اندھیر شہر میں خورشید

دن کو لے کر چراغ نکلے ہے

چوبکاری ہی سے رہے گا شیخ

اب تو لے کر چماغ نکلے ہے

دے ہے جنبش جو واں کی خاک کو بائو

جگر داغ داغ نکلے ہے

ہر سحر حادثہ مری خاطر

بھر کے خوں کا ایاغ نکلے ہے

اس گلی کی زمین تفتہ سے

دل جلوں کا سراغ نکلے ہے

شاید اس زلف سے لگی ہے میر

بائو میں اک دماغ نکلے ہے

میر تقی میر

الم جو یہ ہے تو دردمندو کہاں تلک تم دوا کروگے

اکتوبر 6, 2015میر تقی میر،اساتذہ،غزلملا،وفا،وا،اڑا،ادا،جفا،دوا،دعا،رہاadmin

دیوان اول غزل 612

کرو توکل کہ عاشقی میں نہ یوں کروگے تو کیا کروگے

الم جو یہ ہے تو دردمندو کہاں تلک تم دوا کروگے

جگر میں طاقت کہاں ہے اتنی کہ درد ہجراں سے مرتے رہیے

ہزاروں وعدے وصال کے تھے کوئی بھی جیتے وفا کروگے

جہاں کی مسلخ تمام حسرت نہیں ہے تس پر نگہ کی فرصت

نظر پڑے گی بسان بسمل کبھو جو مژگاں کو وا کروگے

اخیر الفت یہی نہیں ہے کہ جل کے آخر ہوئے پتنگے

ہوا جو یاں کی یہ ہے تو یارو غبار ہوکر اڑا کروگے

بلا ہے ایسا طپیدن دل کہ صبر اس پر ہے سخت مشکل

دماغ اتنا کہاں رہے گا کہ دست بر دل رہا کروگے

عدم میں ہم کو یہ غم رہے گا کہ اوروں پر اب ستم رہے گا

تمھیں تو لت ہے ستانے ہی کی کسو پر آخر جفا کروگے

اگرچہ اب تو خفا ہو لیکن موئے گئے پر کبھو ہمارے

جو یاد ہم کو کروگے پیارے تو ہاتھ اپنے ملا کروگے

سحر کو محراب تیغ قاتل کبھو جو یارو ادھر ہو مائل

تو ایک سجدہ بسان بسمل مری طرف سے ادا کروگے

غم محبت سے میر صاحب بتنگ ہوں میں فقیر ہو تم

جو وقت ہو گا کبھو مساعد تو میرے حق میں دعا کروگے

میر تقی میر

پھرتے ہیں ہم بھی ہاتھ میں سر کو لیے ہوئے

اکتوبر 6, 2015میر تقی میر،اساتذہ،غزللیے،مرجیے،کیے،دیے،سیےadmin

دیوان اول غزل 611

ظالم کہیں تو مل کبھو دارو پیے ہوئے

پھرتے ہیں ہم بھی ہاتھ میں سر کو لیے ہوئے

آئوگے ہوش میں تو ٹک اک سدھ بھی لیجیو

اب تو نشے میں جاتے ہو زخمی کیے ہوئے

جی ڈوبتا ہے اس گہرتر کی یاد میں

پایان کار عشق میں ہم مرجیے ہوئے

سی چاک دل کہ چشم سے ناصح لہو تھمے

ہوتا ہے کیا ہمارے گریباں سیے ہوئے

کافر ہوئے بتوں کی محبت میں میرجی

مسجد میں آج آئے تھے قشقہ دیے ہوئے

میر تقی میر

اس گریباں ہی سے اب ہاتھ اٹھایا ہم نے

اکتوبر 6, 2015میر تقی میر،اساتذہ،غزللگایا،پایا،اڑایا،اٹھایا،بچھایا،بجھایا،دلایا،دکھایا،سنایا،سایہadmin

دیوان اول غزل 610

چاک پر چاک ہوا جوں جوں سلایا ہم نے

اس گریباں ہی سے اب ہاتھ اٹھایا ہم نے

حسرت لطف عزیزان چمن جی میں رہی

سر پہ دیکھا نہ گل و سرو کا سایہ ہم نے

جی میں تھا عرش پہ جا باندھیے تکیہ لیکن

بسترا خاک ہی میں اب تو بچھایا ہم نے

بعدیک عمر کہیں تم کو جو تنہا پایا

ڈرتے ڈرتے ہی کچھ احوال سنایا ہم نے

یاں فقط ریختہ ہی کہنے نہ آئے تھے ہم

چار دن یہ بھی تماشا سا دکھایا ہم نے

بارے کل باغ میں جا مرغ چمن سے مل کر

خوبی گل کا مزہ خوب اڑایا ہم نے

تازگی داغ کی ہر شام کو بے ہیچ نہیں

آہ کیا جانے دیا کس کا بجھایا ہم نے

دشت و کہسار میں سر مار کے چندے تجھ بن

قیس و فرہاد کو پھر یاد دلایا ہم نے

بے کلی سے دل بیتاب کی مر گذرے تھے

سو تہ خاک بھی آرام نہ پایا ہم نے

یہ ستم تازہ ہوا اور کہ پائیز میں میر

دل خس و خار سے ناچار لگایا ہم نے

میر تقی میر

وقت شکیب خوش کہ گیا درمیان سے

اکتوبر 6, 2015میر تقی میر،اساتذہ،غزلمہربان،گلستان،آشیان،بدگمان،جہان،دودمان،داستان،درمیان،زبانadmin

دیوان اول غزل 609

بیتابیوں میں تنگ ہم آئے ہیں جان سے

وقت شکیب خوش کہ گیا درمیان سے

داغ فراق و حسرت وصل آرزوے دید

کیا کیا لیے گئے ترے عاشق جہان سے

ہم خامشوں کا ذکر تھا شب اس کی بزم میں

نکلا نہ حرف خیر کسو کی زبان سے

آب خضر سے بھی نہ گئی سوزش جگر

کیا جانیے یہ آگ ہے کس دودمان سے

جز عشق جنگ دہر سے مت پڑھ کہ خوش ہیں ہم

اس قصے کی کتاب میں اس داستان سے

آنے کا اس چمن میں سبب بے کلی ہوئی

جوں برق ہم تڑپ کے گرے آشیان سے

اب چھیڑ یہ رکھی ہے کہ عاشق ہے تو کہیں

القصہ خوش گذرتی ہے اس بدگمان سے

کینے کی میرے تجھ سے نہ چاہے گا کوئی داد

میں کہہ مروں گا اپنے ہر اک مہربان سے

داغوں سے ہے چمن جگر میر دہر میں

ان نے بھی گل چنے بہت اس گلستان سے

میر تقی میر

واں یہ عاجز مدام ہوتا ہے

اکتوبر 6, 2015میر تقی میر،اساتذہ،غزلمدام،کام،پیام،احتلام،تمام،حرام،شام،غلامadmin

دیوان اول غزل 608

جس جگہ دور جام ہوتا ہے

واں یہ عاجز مدام ہوتا ہے

ہم تو اک حرف کے نہیں ممنون

کیسا خط و پیام ہوتا ہے

تیغ ناکاموں پر نہ ہر دم کھینچ

اک کرشمے میں کام ہوتا ہے

پوچھ مت آہ عاشقوں کی معاش

روز ان کا بھی شام ہوتا ہے

زخم بن غم بن اور غصہ بن

اپنا کھانا حرام ہوتا ہے

شیخ کی سی ہی شکل ہے شیطان

جس پہ شب احتلام ہوتا ہے

قتل کو میں کہا تو اٹھ بولا

آج کل صبح و شام ہوتا ہے

آخر آئوں گا نعش پر اب آ

کہ یہ عاشق تمام ہوتا ہے

میر صاحب بھی اس کے ہاں تھے پر

جیسے کوئی غلام ہوتا ہے

میر تقی میر

غمزدوں اندوہ گینوں ظلم کے ماروں میں تھے

اکتوبر 6, 2015میر تقی میر،اساتذہ،غزلماروں،یاروں،گنہگاروں،بیماروں،برداروں،خواروں،دستاروںadmin

دیوان اول غزل 607

خوب تھے وے دن کہ ہم تیرے گرفتاروں میں تھے

غمزدوں اندوہ گینوں ظلم کے ماروں میں تھے

دشمنی جانی ہے اب تو ہم سے غیروں کے لیے

اک سماں سا ہو گیا وہ بھی کہ ہم یاروں میں تھے

مت تبختر سے گذر قمری ہماری خاک پر

ہم بھی اک سرو رواں کے ناز برداروں میں تھے

مر گئے لیکن نہ دیکھا تونے اودھر آنکھ اٹھا

آہ کیا کیا لوگ ظالم تیرے بیماروں میں تھے

شیخ جی مندیل کچھ بگڑی سی ہے کیا آپ بھی

رندوں بانکوں میکشوں آشفتہ دستاروں میں تھے

گرچہ جرم عشق غیروں پر بھی ثابت تھا ولے

قتل کرنا تھا ہمیں ہم ہی گنہگاروں میں تھے

اک رہا مژگاں کی صف میں ایک کے ٹکڑے ہوئے

دل جگر جو میر دونوں اپنے غم خواروں میں تھے

میر تقی میر

آ بوالہوس گر ذوق ہے یہ گو ہے یہ میدان ہے

اکتوبر 6, 2015میر تقی میر،اساتذہ،غزلمہمان،میدان،پیمان،آسان،ارمان،جان،طوفانadmin

دیوان اول غزل 606

اپنا سر شوریدہ تو وقف خم چوگان ہے

آ بوالہوس گر ذوق ہے یہ گو ہے یہ میدان ہے

عالم مری تقلید سے خواہش تری کرنے لگا

میں تو پشیماں ہو چکا لوگوں کو اب ارمان ہے

ہر چند بیش از بیش ہے دعویٰ تو رونے کا تجھے

پر دیدئہ نمناک بھی اے ابرتر طوفان ہے

اس بے دمی میں بھی کبھو دل بھر اٹھے ہے دم ترا

آ ٹک شتابی بے وفا اب تک تو مجھ میں جان ہے

ہر لحظہ خنجر درمیاں ہر دم زباں زیر زباں

وہ طور وہ اسلوب ہے یہ عہد یہ پیمان ہے

اس آرزوے وصل نے مشکل کیا جینا مرا

ورنہ گذرنا جان سے اتنا نہیں آسان ہے

بس بے وقاری ہوچکی گلیوں میں خواری ہوچکی

اب پاس کر ٹک میر کا دو چار دن مہمان ہے

میر تقی میر

کہ میاں خوش رہو ہم دعا کر چلے

اکتوبر 6, 2015میر تقی میر،اساتذہ،غزلنہا،چھپا،وفا،کیا،ا،اٹھا،ادا،بڑا،جلا،جدا،خدا،دوا،دکھا،دعاadmin

دیوان اول غزل 605

فقیرانہ آئے صدا کر چلے

کہ میاں خوش رہو ہم دعا کر چلے

جو تجھ بن نہ جینے کو کہتے تھے ہم

سو اس عہد کو اب وفا کر چلے

شفا اپنی تقدیر ہی میں نہ تھی

کہ مقدور تک تو دوا کر چلے

پڑے ایسے اسباب پایان کار

کہ ناچار یوں جی جلاکر چلے

وہ کیا چیز ہے آہ جس کے لیے

ہر اک چیز سے دل اٹھاکر چلے

کوئی ناامیدانہ کرتے نگاہ

سو تم ہم سے منھ بھی چھپاکر چلے

بہت آرزو تھی گلی کی تری

سو یاں سے لہو میں نہاکر چلے

دکھائی دیے یوں کہ بے خود کیا

ہمیں آپ سے بھی جدا کر چلے

جبیں سجدے کرتے ہی کرتے گئی

حق بندگی ہم ادا کر چلے

پرستش کی یاں تک کہ اے بت تجھے

نظر میں سبھوں کی خدا کر چلے

جھڑے پھول جس رنگ گلبن سے یوں

چمن میں جہاں کے ہم آکر چلے

نہ دیکھا غم دوستاں شکر ہے

ہمیں داغ اپنا دکھاکر چلے

گئی عمر در بند فکر غزل

سو اس فن کو ایسا بڑا کر چلے

کہیں کیا جو پوچھے کوئی ہم سے میر

جہاں میں تم آئے تھے کیا کر چلے

میر تقی میر

دے بھی مے ابر زور آیا ہے

اکتوبر 6, 2015میر تقی میر،اساتذہ،غزلچور،گور،بور،زورadmin

دیوان اول غزل 604

ساقی گھر چاروں اور آیا ہے

دے بھی مے ابر زور آیا ہے

ذوق تیرے وصال کا میرے

ننگے سر تا بہ گور آیا ہے

بوجھ اٹھاتا ہوں ضعف کا شاید

ہاتھ پائوں میں زور آیا ہے

غارت دل کرے ہے ابرسیاہ

بے طرح گھر میں چور آیا ہے

آج تیری گلی سے ظالم میر

لوہو میں شور بور آیا ہے

میر تقی میر

ملک ان ستم زدوں کا سب پاک ہو گیا ہے

اکتوبر 6, 2015میر تقی میر،اساتذہ،غزلنمناک،چاک،واک،پاک،امساک،باک،خاکadmin

دیوان اول غزل 603

خنجر بہ کف وہ جب سے سفاک ہو گیا ہے

ملک ان ستم زدوں کا سب پاک ہو گیا ہے

جس سے اسے لگائوں روکھا ہی ہو ملے ہے

سینے میں جل کر ازبس دل خاک ہو گیا ہے

کیا جانوں لذت درد اس کی جراحتوں کی

یہ جانوں ہوں کہ سینہ سب چاک ہو گیا ہے

صحبت سے اس جہاں کی کوئی خلاص ہو گا

اس فاحشہ پہ سب کو امساک ہو گیا ہے

دیوار کہنہ ہے یہ مت بیٹھ اس کے سائے

اٹھ چل کہ آسماں تو کا واک ہو گیا ہے

شرم و حیا کہاں کی ہر بات پر ہے شمشیر

اب تو بہت وہ ہم سے بے باک ہو گیا ہے

ہر حرف بسکہ رویا ہے حال پر ہمارے

قاصد کے ہاتھ میں خط نمناک ہو گیا ہے

زیر فلک بھلا تو رووے ہے آپ کو میر

کس کس طرح کا عالم یاں خاک ہو گیا ہے

میر تقی میر

دل کے سے نالوں کا ان پردوں میں کچھ آہنگ ہے

اکتوبر 6, 2015میر تقی میر،اساتذہ،غزلفرسنگ،ننگ،نیرنگ،ڈھنگ،آہنگ،بنگ،تنگ،جنگ،رنگ،سنگ،شنگ،عذرلنگadmin

دیوان اول غزل 602

جاں گداز اتنی کہاں آوازعود و چنگ ہے

دل کے سے نالوں کا ان پردوں میں کچھ آہنگ ہے

رو و خال و زلف ہی ہیں سنبل و سبزہ و گل

آنکھیں ہوں تو یہ چمن آئینۂ نیرنگ ہے

بے ستوں کھودے سے کیا آخر ہوئے سب کار عشق

بعد ازاں اے کوہکن سر ہے ترا اور سنگ ہے

آہ ان خوش قامتوں کو کیونکے بر میں لایئے

جن کے ہاتھوں سے قیامت پر بھی عرصہ تنگ ہے

عشق میں وہ گھر ہے اپنا جس میں سے مجنوں یہ ایک

ناخلف سارے قبیلے کا ہمارے ننگ ہے

چشم کم سے دیکھ مت قمری تو اس خوش قد کو ٹک

آہ بھی سرو گلستان شکست رنگ ہے

ہم سے تو جایا نہیں جاتا کہ یکسر دل میں واں

دو قدم اس کی گلی کی راہ سو فرسنگ ہے

ایک بوسے پر تو کی ہے صلح پر اے زود رنج

تجھ کو مجھ کو اتنی اتنی بات اوپر جنگ ہے

پائوں میں چوٹ آنے کے پیارے بہانے جانے دے

پیش رفت آگے ہمارے کب یہ عذرلنگ ہے

فکر کو نازک خیالوں کے کہاں پہنچے ہیں یار

ورنہ ہر مصرع یہاں معشوق شوخ و شنگ ہے

سرسری کچھ سن لیا پھر واہ وا کر اٹھ گئے

شعر یہ کم فہم سمجھے ہیں خیال بنگ ہے

صبر بھی کریے بلا پر میر صاحب جی کبھو

جب نہ تب رونا ہی کڑھنا یہ بھی کوئی ڈھنگ ہے

میر تقی میر

جو ہے سو کوئی دم کو فیصل ہے

اکتوبر 6, 2015میر تقی میر،اساتذہ،غزلفیصل،مقفل،معطل،کل،اول،اوجھل،آنچل،جنگل،دنگلadmin

دیوان اول غزل 601

دہر بھی میر طرفہ مقتل ہے

جو ہے سو کوئی دم کو فیصل ہے

کثرت غم سے دل لگا رکنے

حضرت دل میں آج دنگل ہے

روز کہتے ہیں چلنے کو خوباں

لیکن اب تک تو روز اول ہے

چھوڑ مت نقد وقت نسیہ پر

آج جو کچھ ہے سو کہاں کل ہے

بند ہو تجھ سے یہ کھلا نہ کبھو

دل ہے یا خانۂ مقفل ہے

سینہ چاکی بھی کام رکھتی ہے

یہی کر جب تلک معطل ہے

اب کے ہاتھوں میں شوق کے تیرے

دامن بادیہ کا آنچل ہے

ٹک گریباں میں سر کو ڈال کے دیکھ

دل بھی کیا لق و دق جنگل ہے

ہجر باعث ہے بدگمانی کا

غیرت عشق ہے تو کب کل ہے

مر گیا کوہکن اسی غم میں

آنکھ اوجھل پہاڑ اوجھل ہے

میر تقی میر

آج کل مجھ کو مار رہتا ہے

اکتوبر 6, 2015میر تقی میر،اساتذہ،غزلہوشیار،قرار،مار،یادگار،پیار،انتظار،اختیار،اعتبار،تار،خمار،خوار،دوار،غبارadmin

دیوان اول غزل 600

دل جو پر بے قرار رہتا ہے

آج کل مجھ کو مار رہتا ہے

تیرے بن دیکھے میں مکدر ہوں

آنکھوں پر اب غبار رہتا ہے

جبر یہ ہے کہ تیری خاطر دل

روز بے اختیار رہتا ہے

دل کو مت بھول جانا میرے بعد

مجھ سے یہ یادگار رہتا ہے

دور میں چشم مست کے تیری

فتنہ بھی ہوشیار رہتا ہے

بسکہ تیرا ہوا بلا گرداں

سر کو میرے دوار رہتا ہے

ہر گھڑی رنجش ایسی باتوں میں

کوئی اخلاص و پیار رہتا ہے

تجھ بن آئے ہیں تنگ جینے سے

مرنے کا انتظار رہتا ہے

دل کو گو ہاتھ میں رکھو اب تم

کوئی یہ بے قرار رہتا ہے

غیر مت کھا فریب خلق اس کا

کوئی دم میں وہ مار رہتا ہے

پی نہ ہرگز شراب جیسا چاہ

اس کے نشے کا تار رہتا ہے

پر ہو پیمانہ عمر کا جب تک

تب تلک یہ خمار رہتا ہے

دلبرو دل چراتے ہو ہر دم

یوں کہیں اعتبار رہتا ہے

کیوں نہ ہووے عزیز دلہا میر

کس کے کوچے میں خوار رہتا ہے

میر تقی میر

ہر سرحرف پہ فریاد نہایت کیجے

اکتوبر 6, 2015میر تقی میر،اساتذہ،غزلہدایت،نہایت،کنایت،سرایت،شکایت،عنایتadmin

دیوان اول غزل 599

چل قلم غم کی رقم کوئی حکایت کیجے

ہر سرحرف پہ فریاد نہایت کیجے

گوکہ سر خاک قدم پر ترے لوٹے اس میں

اپنا شیوہ ہی نہیں یہ کہ شکایت کیجے

ہم جگر سوختوں کے جی میں جو آوے تو ابھی

دود دل ہوکے فلک تجھ میں سرایت کیجے

عشق میں آپ کے گذری نہ ہماری تو مگر

عوض جور و جفا ہم پہ عنایت کیجے

مت چلا عشق کی رہ کی کہ کہے ہے یاں خضر

آپھی گمراہ ہیں ہم کس کو ہدایت کیجے

کس کے کہنے کی ہے تاثیر کہ اک میر ہی سے

رمز و ایما و اشارات و کنایت کیجے

میر تقی میر

بے طاقتی دل کو بھی مقدور ہوا ہے

اکتوبر 6, 2015میر تقی میر،اساتذہ،غزلمقدور،محشور،مذکور،مشہور،معذور،چور،ناسور،دور،طنبورadmin

دیوان اول غزل 598

تن ہجر میں اس یار کے رنجور ہوا ہے

بے طاقتی دل کو بھی مقدور ہوا ہے

پہنچا نہیں کیا سمع مبارک میں مرا حال

یہ قصہ تو اس شہر میں مشہور ہوا ہے

بے خوابی تری آنکھوں پہ دیکھوں ہوں مگر رات

افسانہ مرے حال کا مذکور ہوا ہے

کل صبح ہی مستی میں سرراہ نہ آیا

یاں آج مرا شیشۂ دل چور ہوا ہے

کیا سوجھے اسے جس کے ہو یوسف ہی نظر میں

یعقوب بجا آنکھوں سے معذور ہوا ہے

پر شور سے ہے عشق مغنی پسراں کے

یہ کاسۂ سر کاسۂ طنبور ہوا ہے

تلوار لیے پھرنا تو اب اس کا سنا میں

نزدیک مرے کب کا یہ سر دور ہوا ہے

خورشید کی محشر میں طپش ہو گی کہاں تک

کیا ساتھ مرے داغوں کے محشور ہوا ہے

اے رشک سحر بزم میں لے منھ پہ نقاب اب

اک شمع کا چہرہ ہے سو بے نور ہوا ہے

اس شوق کو ٹک دیکھ کہ چشم نگراں ہے

جو زخم جگر کا مرے ناسور ہوا ہے

میر تقی میر

ایسے گئے ایام بہاراں کہ نہ جانے

اکتوبر 6, 2015میر تقی میر،اساتذہ،غزللگانے،نے،چھانے،نشانے،ٹھکانے،پرانے،اٹھانے،بہانے،بندھانے،جانے،دوانے،زمانے،سرہانےadmin

دیوان اول غزل 597

کم فرصتی گل جو کہیں کوئی نہ مانے

ایسے گئے ایام بہاراں کہ نہ جانے

تھے شہر میں اے رشک پری جتنے سیانے

سب ہو گئے ہیں شور ترا سن کے دوانے

ہمراہ جوانی گئے ہنگامے اٹھانے

اب ہم بھی نہیں وے رہے نے وے ہیں زمانے

پیری میں جو باقی نہیں جامے میں تو کیا دور

پھٹنے لگے ہیں کپڑے جو ہوتے ہیں پرانے

مرتے ہی سنے ہم نے کسل مند محبت

اس درد میں کس کس کو کیا نفع دوا نے

ہے کس کو میسر تری زلفوں کی اسیری

شانے کے نصیبوں میں تھے یوں ہاتھ بندھانے

ٹک آنکھ بھی کھولی نہ زخود رفتہ نے اس کے

ہرچند کیا شور قیامت نے سرہانے

لوہے کے توے ہیں جگر اہل محبت

رہتے ہیں ترے تیرستم ہی کے نشانے

کاہے کو یہ انداز تھا اعراض بتاں کا

ظاہر ہے کہ منھ پھر لیا ہم سے خدا نے

ان ہی چمنوں میں کہ جنھوں میں نہیں اب چھائوں

کن کن روشوں ہم کو پھرایا ہے ہوا نے

کب کب مری عزت کے لیے بیٹھے ہو ٹک پاس

آئے بھی جو ہو تو مجھے مجلس سے اٹھانے

پایا ہے نہ ہم نے دل گم گشتہ کو اپنے

خاک اس کی سرراہ کی کوئی کب تئیں چھانے

کچھ تم کو ہمارے جگروں پر بھی نظر ہے

آتے جو ہو ہر شام و سحر تیر لگانے

مجروح بدن سنگ سے طفلاں کے نہ ہوتے

کم جاتے جو اس کوچے میں پر ہم تھے دوانے

آنے میں تعلل ہی کیا عاقبت کار

ہم جی سے گئے پر نہ گئے اس کے بہانے

گلیوں میں بہت ہم تو پریشاں سے پھرے ہیں

اوباش کسو روز لگا دیں گے ٹھکانے

میر تقی میر

ہائے رے ذوق دل لگانے کے

اکتوبر 6, 2015میر تقی میر،اساتذہ،غزللڑانے،لگانے،ملانے،چلانے،آنے،بہانے،جانے،خانے،دوانے،دانے،زمانےadmin

دیوان اول غزل 596

نہیں وسواس جی گنوانے کے

ہائے رے ذوق دل لگانے کے

میرے تغئیر حال پر مت جا

اتفاقات ہیں زمانے کے

دم آخر ہی کیا نہ آنا تھا

اور بھی وقت تھے بہانے کے

اس کدورت کو ہم سمجھتے ہیں

ڈھب ہیں یہ خاک میں ملانے کے

بس ہیں دو برگ گل قفس میں صبا

نہیں بھوکے ہم آب و دانے کے

مرنے پر بیٹھے ہیں سنو صاحب

بندے ہیں اپنے جی چلانے کے

اب گریباں کہاں کہ اے ناصح

چڑھ گیا ہاتھ اس دوانے کے

چشم نجم سپہر جھپکے ہے

صدقے اس انکھڑیاں لڑانے کے

دل و دیں ہوش و صبر سب ہی گئے

آگے آگے تمھارے آنے کے

کب تو سوتا تھا گھر مرے آکر

جاگے طالع غریب خانے کے

مژہ ابرو نگہ سے اس کی میر

کشتہ ہیں اپنے دل لگانے کے

تیر و تلوار و سیل یک جا ہیں

سارے اسباب مار جانے کے

میر تقی میر

کیا کیجے میری جان اگر مر نہ جایئے

اکتوبر 6, 2015میر تقی میر،اساتذہ،غزللگایئے،لٹایئے،کھایئے،پڑھایئے،پایئے،آیئے،بھلایئے،جایئےadmin

دیوان اول غزل 595

منصف جو تو ہے کب تئیں یہ دکھ اٹھایئے

کیا کیجے میری جان اگر مر نہ جایئے

اظہار راز عشق کیے بن رہے نہ اشک

اس طفل ناسمجھ کو کہاں تک پڑھایئے

تم نے جو اپنے دل سے بھلایا ہمیں تو کیا

اپنے تئیں تو دل سے ہمارے بھلایئے

فکر معاش یعنی غم زیست تا بہ کے

مر جایئے کہیں کہ ٹک آرام پایئے

جاتے ہیں کیسی کیسی لیے دل میں حسرتیں

ٹک دیکھنے کو جاں بلبوں کے بھی آیئے

لوٹوں ہوں جیسے خاک چمن پر میں اے سپہر

گل کو بھی میری خاک پہ ووہیں لٹایئے

ہوتا نہیں ہوں حضرت ناصح میں بے دماغ

کر کرکے پوچ گوئی مری جان کھایئے

پہنچا تو ہو گا سمع مبارک میں حال میر

اس پر بھی جی میں آوے تو دل کو لگایئے

میر تقی میر

دن گذر جائیں ہیں پر بات چلی جاتی ہے

اکتوبر 6, 2015میر تقی میر،اساتذہ،غزللات،ملاقات،مات،مدارات،کرامات،گھات،اوقات،بات،دھات،ساتadmin

دیوان اول غزل 594

کچھ تو کہہ وصل کی پھر رات چلی جاتی ہے

دن گذر جائیں ہیں پر بات چلی جاتی ہے

رہ گئے گاہ تبسم پہ گہے بات ہی پر

بارے اے ہم نشیں اوقات چلی جاتی ہے

ٹک تو وقفہ بھی کر اے گردش دوراں کہ یہ جان

عمر کے حیف ہی کیا سات چلی جاتی ہے

یاں تو آتی نہیں شطرنج زمانہ کی چال

اور واں بازی ہوئی مات چلی جاتی ہے

روز آنے پہ نہیں نسبت عشقی موقوف

عمر بھر ایک ملاقات چلی جاتی ہے

شیخ بے نفس کو نزلہ نہیں ہے ناک کی راہ

یہ ہے جریان منی دھات چلی جاتی ہے

خرقہ مندیل و ردا مست لیے جاتے ہیں

شیخ کی ساری کرامات چلی جاتی ہے

ہے موذن جو بڑا مرغ مصلی اس کی

مستوں سے نوک ہی کی بات چلی جاتی ہے

پائوں رکتا نہیں مسجد سے دم آخر بھی

مرنے پر آیا ہے پر لات چلی جاتی ہے

ہر سحر درپئے آرام مے آشاماں ہے

مکر و طامات کی اک گھات چلی جاتی ہے

ایک ہم ہی سے تفاوت ہے سلوکوں میں میر

یوں تو اوروں کی مدارات چلی جاتی ہے

میر تقی میر

آہ کریے کہ ٹک ہوا ہووے

اکتوبر 6, 2015میر تقی میر،اساتذہ،غزلہوا،لگا،مدعا،مزہ،کیا،بلا،خدا،رہاadmin

دیوان اول غزل 593

کب تلک جی رکے خفا ہووے

آہ کریے کہ ٹک ہوا ہووے

جی ٹھہر جائے یا ہوا ہووے

دیکھیے ہوتے ہوتے کیا ہووے

کر نمک سود سینۂ مجروح

جی میں گر ہے کہ کچھ مزہ ہووے

کاہش دل کی کیجیے تدبیر

جان میں کچھ بھی جو رہا ہووے

چپ کا باعث ہے بے تمنائی

کہیے کچھ بھی تو مدعا ہووے

بے کلی مارے ڈالتی ہے نسیم

دیکھیے اب کے سال کیا ہووے

مر گئے ہم تو مر گئے تو جی

دل گرفتہ تری بلا ہووے

عشق کیا ہے درست اے ناصح

جانے وہ جس کا دل لگا ہووے

پھر نہ شیطاں سجود آدم سے

شاید اس پردے میں خدا ہووے

نہ سنا رات ہم نے اک نالہ

غالباً میر مر رہا ہووے

میر تقی میر

گذرنا جان سے آساں بہت مشکل ہے کیا جانے

اکتوبر 6, 2015میر تقی میر،اساتذہ،غزلمائل،محمل،مشکل،ناقابل،جاہل،دل،عاقلadmin

دیوان اول غزل 592

مرے اس رک کے مرجانے سے وہ غافل ہے کیا جانے

گذرنا جان سے آساں بہت مشکل ہے کیا جانے

کوئی سر سنگ سے مارو کسی کا واپسیں دم ہو

وہ آئینے میں اپنے ناز پر مائل ہے کیا جانے

نظر مطلق نہیں ہجراں میں اس کو حال پر میرے

مرا دل اس کے غم میں گویا اس کا دل ہے کیا جانے

جنونی خبطی دیوانہ سڑا کوئی عشق کو سمجھے

فلاطوں سے نہیں یاں بحث وہ عاقل ہے کیا جانے

تڑپنا نقش پاے ناقہ پر جانے ہے اک مجنوں

بیاباں میں وہ لیلیٰ کا کدھر محمل ہے کیا جانے

پڑھایا اس کو بہتیرا کہ مت لا راز دل منھ پر

پہ طفل اشک کو دیکھا تو ناقابل ہے کیا جانے

طرف ہونا مرا مشکل ہے میر اس شعر کے فن میں

یوہیں سوداؔ کبھو ہوتا ہے سو جاہل ہے کیا جانے

میر تقی میر

بس ہے یہ ایک حرف کہ مشتاق جانیے

اکتوبر 6, 2015میر تقی میر،اساتذہ،غزلمانیے،چھانیے،تانیے،جانیے،سانیےadmin

دیوان اول غزل 591

کاتب کہاں دماغ جو اب شکوہ ٹھانیے

بس ہے یہ ایک حرف کہ مشتاق جانیے

غیروں کا ساتھ موجب صد وہم ہے بتاں

اس امر میں خدا بھی کہے تو نہ مانیے

شب خواب کا لباس ہے عریاں تنی میں یہ

جب سویئے تو چادر مہتاب تانیے

اپنا یہ اعتقاد ہے تجھ جستجو میں یار

لے اس سرے سے اس سرے تک خاک چھانیے

پھر یانصیب یہ بھی ہے طالع کی یاوری

مر جائیں ہم تو اس پہ بھی ہم کو نہ جانیے

لوٹے ہے خاک و خون میں غیروں کے ساتھ میر

ایسے تو نیم کشتہ کو ان میں نہ سانیے

میر تقی میر

مرنا پڑا ضرور ترے غم میں اب مجھے

اکتوبر 6, 2015میر تقی میر،اساتذہ،غزلڈھب،کب،اب،بلب،جب،سب،سبب،عجبadmin

دیوان اول غزل 590

دن کو نہیں ہے چین نہ ہے خواب شب مجھے

مرنا پڑا ضرور ترے غم میں اب مجھے

ہنگامہ میری نعش پہ تیری گلی میں ہے

لے جائیں گے جنازہ کشاں یاں سے کب مجھے

ٹک داد میری اہلمحلہ سے چاہیو

تجھ بن خراب کرتے رہے ہیں یہ سب مجھے

طوفاں بجاے اشک ٹپکتے تھے چشم سے

اے ابر تر دماغ تھا رونے کا جب مجھے

دو حرف اس کے منھ کے تو لکھ بھیجیو شتاب

قاصد چلا ہے چھوڑ کے تو جاں بلب مجھے

کچھ ہے جواب جو میں کروں حشر کو سوال

مارا تھا تونے جان سے کہہ کس سبب مجھے

غیراز خموش رہنے کہ ہونٹوں کے سوکھنے

لیکن نہیں ہے یار جھگڑنے کا ڈھب مجھے

پوچھا تھا راہ جاتے کہیں ان نے میر کو

آتا ہے اس کی بات کا اب تک عجب مجھے

میر تقی میر

بس اے تب فراق کہ گرمی میں مر گئے

اکتوبر 6, 2015میر تقی میر،اساتذہ،غزلمر،ور،کر،گھر،گذر،اگر،ادھر،بھر،جدھرadmin

دیوان اول غزل 589

آتش کے شعلے سر سے ہمارے گذر گئے

بس اے تب فراق کہ گرمی میں مر گئے

منزل نہ کر جہاں کو کہ ہم نے سفر سے آہ

جن کا کیا سراغ سنا وے گذر گئے

مشت نمک سے بھی تو کبھو یاد کر ہمیں

اب داغ کھاتے کھاتے فلک جی تو بھر گئے

ناصح نہ روویں کیونکے محبت کے جی کو ہم

اے خانماں خراب ہمارے تو گھر گئے

تلوار آپ کھینچیے حاضر ہے یاں بھی سر

بس عاشقی کی ہم نے جو مرنے سے ڈر گئے

کر دیں گے آسمان و زمیں ایک حشر کو

اس معرکے میں یارجی ہم بھی اگر گئے

یہ راہ و رسم دل شدگاں گفتنی نہیں

جانے دے میر صاحب و قبلہ جدھر گئے

روز وداع اس کی گلی تک تھے ہم بھی ساتھ

جب دردمند ہم کو وے معلوم کر گئے

کر یک نگاہ یاس کی ٹپ دے سے رو دیا

پھر ہم ادھر کو آئے میاں وے ادھر گئے

میر تقی میر

دامن پکڑ کے یار کا جو ٹک نہ رو سکے

اکتوبر 6, 2015میر تقی میر،اساتذہ،غزلہو،ڈبو،کھو،دھو،رو،سوadmin

دیوان اول غزل 588

کیا غم میں ویسے خاک فتادہ سے ہوسکے

دامن پکڑ کے یار کا جو ٹک نہ رو سکے

ہم ساری ساری رات رہے گریہ ناک لیک

مانند شمع داغ جگر کا نہ دھو سکے

رونا تو ابر کا سا نہیں یار جانتے

اتنا تو رویئے کہ جہاں کو ڈبو سکے

تیغ برہنہ کف میں وہ بیدادگر ہے آج

ہے مفت وقت اس کو جو کوئی جان کھو سکے

برسوں ہی منتظر سر رہ پر ہمیں ہوئے

اس قسم کا تو صبر کسو سے نہ ہوسکے

رہتی ہے ساری رات مرے دم سے چہل میر

نالہ رہے تو کوئی محلے میں سو سکے

میر تقی میر

اس کو جگر بھی شرط ہے جو تاب لا سکے

اکتوبر 6, 2015میر تقی میر،اساتذہ،غزللگا،لا،ملا،کھا،پا،ا،اٹھا،جلا،جا،دکھا،سلاadmin

دیوان اول غزل 587

خورشید تیرے چہرے کے آگو نہ آسکے

اس کو جگر بھی شرط ہے جو تاب لا سکے

ہم گرم رو ہیں راہ فنا کے شرر صفت

ایسے نہ جائیں گے کہ کوئی کھوج پا سکے

غافل نہ رہیو آہ ضعیفوں سے سرکشاں

طاقت ہے اس کو یہ کہ جہاں کو جلا سکے

میرا جو بس چلے تو منادی کیا کروں

تا اب سے دل نہ کوئی کسو سے لگا سکے

تدبیر جیب پارہ نہیں کرتی فائدہ

ناصح جگر کا چاک سلا جو سلا سکے

اس کا کمال چرخ پہ سر کھینچتا نہیں

اپنے تئیں جو خاک میں کوئی ملا سکے

یہ تیغ ہے یہ طشت ہے یہ تو ہے بوالہوس

کھانا تجھے حرام ہے جو زخم کھا سکے

اس رشک آفتاب کو دیکھے تو شرم سے

ماہ فلک نہ شہر میں منھ کو دکھا سکے

کیا دل فریب جاے ہے آفاق ہم نشیں

دو دن کو یاں جو آئے سو برسوں نہ جا سکے

مشعر ہے اس پہ مردن دشوار رفتگاں

یعنی جہاں سے دل کو نہ آساں اٹھا سکے

بدلوں گا اس غزل کے بھی میں قافیے کو میر

پھر فکر گو نہ عہدے سے اس کے بر آسکے

میر تقی میر

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: