زمرہ جات کے محفوظات: غزل

بھیجے مری سوچوں کو اب الفاظ کا رشتہ

اکتوبر 25, 2015پروین شاکر،شعراء،غزلپرواز،الفاظ،انداز،باز،راز،شہنازadmin

پروین شاکر ۔ غزل نمبر 70

وہ جس سے رہا آج تک آواز کا رشتہ

بھیجے مری سوچوں کو اب الفاظ کا رشتہ

تِتلی سے مرا پیار کُچھ ایسے بھی بڑھا ہے

دونوں میں رہا لذّتِ پرواز کا رشتہ

سب لڑکیاں اِک دوسرے کو جان رہی ہیں

یوں عام ہُوا مسلکِ شہناز کا رشتہ

راتوں کی ہَوا اور مرے تن کی مہک میں

مشترکہ ہُوا اک درِ کم باز کا رشتہ

تتلی کے لبوں اور گُلابوں کے بدن میں

رہتا ہے سدا چھوٹے سے اِک راز کا رشتہ

ملنے سے گریزاں ہیں ، نہ ملنے پہ خفا بھی

دم توڑتی چاہت ہے کِس انداز کا رشتہ

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اے خدا اب کے چلے زرد ہوا ، آہستہ

اکتوبر 25, 2015پروین شاکر،شعراء،غزلہوا،حِنا،ذرا،سزا،صبا،صداadmin

پروین شاکر ۔ غزل نمبر 69

دُکھ نوشتہ ہے تو آندھی کو لکھا ! آہستہ

اے خدا اب کے چلے زرد ہوا ، آہستہ

خواب جل جائیں ، مری چِشم تمنّا بُجھ جائے

بس ہتھیلی سے اُڑے رنگ حِنا آہستہ

زخم ہی کھولنے آئی ہے تو عجلت کیسی

چُھو مرے جسم کو ، اے بادِ صبا ! آہستہ!

ٹوٹنے اور بکھرنے کا کوئی موسم ہو

پُھول کی ایک دُعا۔۔۔۔موجِ ہوا! آہستہ

جانتی ہوں کہ بچھڑنا تری مجبوری ہے

مری جان ! ملے مجھ کو سزا آہستہ

میری چاہت میں بھی اب سوچ کا رنگ آنے لگا

اور ترا پیار بھی شدّت میں ہوا آہستہ

نیند پر جال سے پڑنے لگے آوازوں کے

اور پھر ہونے لگی تیری صدا آہستہ

رات جب پُھول کے رُخسار پہ دھیرے سے جُھکی

’’چاند نے جھک کے کہا ، اور ذرا آہستہ!‘‘

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کیا تجھے بھی کوئی یاد آتا ہے برسات کے ساتھ

اکتوبر 25, 2015پروین شاکر،شعراء،غزلہات،برسات،ذات،شکایات،عجبماتadmin

پروین شاکر ۔ غزل نمبر 68

نم ہیں پلکیں تری اے موجِ ہَوا، رات کے ساتھ

کیا تجھے بھی کوئی یاد آتا ہے برسات کے ساتھ

روٹھنے اور منانے کی حدیں ملنے لگیں

چشم پوشی کے سلیقے تھے، شکایات کے ساتھ

تجھ کو کھو کر بھی رہوں ،خلوتِ جاں میں تیری

جیت پائی ہے محبت نے عجب،مات کے ساتھ

نیند لاتا ہُوا،پھر آنکھ کو دُکھ دیتا ہُوا

تجربے دونوں ہیں وابستہ ہات کے ساتھ

کبھی تنہائی سے محروم نہ رکھّا مُجھ کو

دوست ہمدرد ہے،کتنے ،مری ذات کے ساتھ

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ایسی برساتیں کہ بادل بھیگتا ہے ساتھ ساتھ

اکتوبر 25, 2015پروین شاکر،شعراء،غزلکمبل،کاجل،پاگل،آنچل،بادل،صندلadmin

پروین شاکر ۔ غزل نمبر 67

تیرا گھر اور میرا جنگل بھیگتا ہے ساتھ ساتھ

ایسی برساتیں کہ بادل بھیگتا ہے ساتھ ساتھ

بچپنے کا ساتھ ہے،پھر ایک سے دونوں کے دُکھ

رات کا اور میرا آنچل بھیگتا ہے ساتھ ساتھ

وہ عجب دنیا کہ سب خنجر بکف پھرتے ہیں ۔۔اور

کانچ کے پیالوں میں صندل بھیگتا ہے ساتھ ساتھ

بارشِ سنگِ ملامت میں بھی وہ ہمراہ ہے

میں بھی بھیگوں ،خود بھی پاگل بھیگتا ہے ساتھ ساتھ

لڑکیوں کے دُکھ عجب ہوتے ہیں ،سُکھ اُس سے عجیب

ہنس رہی ہیں اور کاجل بھیگتا ہے ساتھ ساتھ

بارشیں جاڑے کی اور تنہا بہت میرا کساں

جسم کا اکلوتا کمبل بھیگتا ہے ساتھ ساتھ

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

شکستِ خواب کے اب مجھ میں حوصلے بھی نہیں

اکتوبر 25, 2015پروین شاکر،شعراء،غزلملے،ڈھلے،گِلے،حوصلے،سِلےadmin

پروین شاکر ۔ غزل نمبر 66

بجا کہ آنکھوں میں نیندوں کے سلسلے بھی نہیں

شکستِ خواب کے اب مجھ میں حوصلے بھی نہیں

نہیں نہیں ! یہ خبر دشمنوں نے دی ہو گی

وہ آئے! آکے چلے بھی گئے، ملے بھی نہیں

یہ کون لوگ اندھیروں کی بات کرتے ہیں

ابھی تو چاند تری یاد کے ڈھلے بھی نہیں

ابھی سے میرے رفوگر کے ہاتھ تھکنے لگے

ابھی تو چاک مرے زخم کے سِلے بھی نہیں

خفا اگرچہ ہمیشہ ہُوئے مگر اب

وہ برہمی ہے کہ ہم سے انہیں گِلے بھی نہیں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جانے وہ آج بھی سویا کہ نہیں !

اکتوبر 25, 2015پروین شاکر،شعراء،غزلماتھا،ڈھونڈا،ٹوٹا،آیا،بہلا،بدلا،رویا،سویاadmin

پروین شاکر ۔ غزل نمبر 65

چاند اُس دیس میں نکلا کہ نہیں !

جانے وہ آج بھی سویا کہ نہیں !

اے مجھے جاگتا پاتی ہُوئی رات

وہ مری نیند سے بہلا کہ نہیں !

بھیڑ میں کھویا ہُوا بچہ تھا

اُس نے خود کو ابھی ڈھونڈا کہ نہیں !

مجھ کو تکمیل سمجھنے والا

اپنے معیار میں بدلا کہ نہیں !

گنگناتے ہوئے لمحوں میں اُسے

دھیان میرا کبھی آیا کہ نہیں !

بند کمرے میں کبھی میری طرح

شام کے وقت وہ رویا کہ نہیں !

میری خوداری برتنے والے!

تیر اپندار بھی ٹوٹا کہ نہیں !

الوداع ثبت ہُوئی تھی جس پر

اب بھی روشن ہے وہ ماتھا کہ نہیں !

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چاہنے والے ایک دفعہ بن باس تو لیتے ہیں

اکتوبر 25, 2015پروین شاکر،شعراء،غزلمیراث،پاس،باس،راس،سانسadmin

پروین شاکر ۔ غزل نمبر 64

پانی پر بھی زادِ سفر میں پیاس تو لیتے ہیں

چاہنے والے ایک دفعہ بن باس تو لیتے ہیں

ایک ہی شہر میں رہ کر جن کو اذنِ دید نہ ہو

یہی بہت ہے ، ایک ہوا میں سانس تو لیتے ہیں

رستہ کِتنا دیکھا ہُوا ہو ، پھر بھی شاہ سوار

ایڑ لگا کر اپنے ہاتھ میں راس تو لیتے ہیں

پھر آنگن دیواروں کی اُونچائی میں گُم ہوں گے

پہلے پہلے گھر اپنوں کے پاس تو لیتے ہیں

یہی غنیمت ہے کہ بچّے خالی ہاتھ نہیں ہیں

اپنے پُرکھوں سے دُکھ کی میراث تو لیتے ہیں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

صبح کے ہونٹ کِتنے نیلے ہیں !

اکتوبر 25, 2015پروین شاکر،شعراء،غزلنیلے،چھیلے،وسیلے،گیلے،ٹِیلے،پیلے،رکھیلے،سیلےadmin

پروین شاکر ۔ غزل نمبر 63

رات کے زہر سے رسیلے ہیں

صبح کے ہونٹ کِتنے نیلے ہیں !

ریت پر تیرتے جزیرے میں

پانیوں پر ہَوا کے ٹِیلے ہیں

ریزگی کا عذاب سہنا ہے

خوف سے سارے پیڑ پیلے ہیں

ہجر، سناّٹا،پچھلے پہر کا چاند

خود سے ملنے کے کچھ وسیلے ہیں

دستِ خوشبو کرے مسیحائی

ناخنِ گُل نے زخم چھیلے ہیں

عشق سورج سے وہ بھی فرمائیں

جو شبِ تار کے رکھیلے ہیں

خوشبوئیں پھر بچھڑ نہ جائیں کہیں

ابھی آنچل ہَوا کے گیلے ہیں

کھڑکی دریا کے رُخ پہ جب سے کُھلی

فرش کمروں کے سیلے سیلے ہیں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کوئی تو سمجھادیا رِ غیر میں اپنا ہمیں

اکتوبر 25, 2015پروین شاکر،شعراء،غزلنذرانہ،ویرانہ،افسانہ،اپنا،بتلانا،روزانہ،سمجھاناadmin

پروین شاکر ۔ غزل نمبر 62

یہ غنیمت ہے کہ اُن آنکھوں نے پہچانا ہمیں

کوئی تو سمجھادیا رِ غیر میں اپنا ہمیں

وہ کہ جن کے ہاتھ میں تقدیرِ فصل گُل رہی

دے گئے سُوکھے ہُوئے پتوں کا نذرانہ ہمیں

وصل میں تیرے خرابے بھی لگیں گھر کی طرح

اور تیرے ہجر میں بستی بھی ویرانہ ہمیں

سچ تمھارے سارے کڑوے تھے،مگر اچھے لگے

پھانس بن کر رہ گیا بس ایک افسانہ ہمیں

اجنبی لوگوں میں ہو تم اور اِتنی دُور ہو

ایک اُلجھن سی رہا کرتی ہے روزانہ ہمیں

سُنتے ہیں قیمت تمھاری لگ رہی ہے آج کل

سب سے اچھے دام کس کے ہیں ،یہ بتلانا ہمیں

تاکہ اُس خوش بخت تاجر کو مبارکباد دیں

اور اُس کے بعد دل کو بھی ہے سمجھانا ہمیں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بہہ گئے سب نیند کے سیلاب میں

اکتوبر 25, 2015پروین شاکر،شعراء،غزلمہتاب،گرداب،تالاب،خونناب،سیلابadmin

پروین شاکر ۔ غزل نمبر 61

کیسے کیسے تھے جزیرے خواب میں

بہہ گئے سب نیند کے سیلاب میں

لڑکیاں بیٹھی تھیں پاؤں ڈال کر

روشنی سی ہو گئی تالاب میں

جکڑے جانے کی تمنّا تیز تھی

آگئے پھر حلقہ ءِ گرداب میں

ڈوبتے سُورج کی نارنجی لیکن

تیرتی ہے دیدہ ءِ خونناب میں

وہ تو میرے سامنے بیٹھا تھا___پھر

کس کا چہرہ نقش تھا مہتاب میں !

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ایک پَل کو چھاؤں میں ، اور پھر ہَواؤں میں

اکتوبر 25, 2015پروین شاکر،شعراء،غزلہَواؤں،ماؤں،نارساؤں،چتاؤں،گپھاؤں،گاؤں،آزماؤں،آشناؤں،دعاؤں،رہنماؤں،رداؤں،سراؤںadmin

پروین شاکر ۔ غزل نمبر 60

تتلیوں کی بے چینی آبسی ہے پاؤں میں

ایک پَل کو چھاؤں میں ، اور پھر ہَواؤں میں

جن کے کھیت اور آنگن ایک ساتھ اُجڑتے ہیں

کیسے حوصلے ہوں گے اُن غریب ماؤں میں

صورتِ رفو کرتے ، سر نہ یوں کُھلا رکھتے

جوڑ کب نہیں ہوتے ماؤں کی رداؤں میں

آنسوؤں میں کٹ کٹ کر کتنے خواب گرتے ہیں

اِک جو ان کی میّت ا رہی ہے گاؤں میں

اب تو ٹوٹی کشتی بھی آگ سے بچاتے ہیں

ہاں کبھی تھا نام اپنا بخت آزماؤں میں

ابر کی طرح ہے وہ یوں نہ چُھوسکوں لیکن

ہاتھ جب بھی پھیلائے ا گیا دعاؤں میں

جگنوؤں کی شمعیں بھی راستے میں روشن ہیں

سانپ ہی نہیں ہوتے ذات کی گپھاؤں میں

صرف اِس تکبُّر میں اُس نے مجھ کو جیتا تھا

ذکر ہو نہ اس کا بھی کل کو نارساؤں میں

کوچ کی تمنّا میں پاؤں تھک گئے لیکن

سمت طے نہیں ہوتی پیارے رہنماؤں میں

اپنی غم گُساری کو مشتہر نہیں کرتے

اِتنا ظرف ہوتا ہے درد آشناؤں میں

اب تو ہجر کے دُکھ میں ساری عُمر جلنا ہے

پہلے کیا پناہیں تھیں مہرباں چتاؤں میں

ساز و رخت بھجوا دیں حدِّ شہر سے باہر

پھر سُرنگ ڈالیں گے ہم محل سراؤں میں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مگر وہ زخم جو اُس دستِ شبنمیں سے ملیں

اکتوبر 25, 2015پروین شاکر،شعراء،غزلچیں،یقیں،جبیں،زمیں،سُرمگیں،شبنمیںadmin

پروین شاکر ۔ غزل نمبر 59

متاعِ قلب و جگر ہیں ،ہمیں کہیں سے ملیں

مگر وہ زخم جو اُس دستِ شبنمیں سے ملیں

نہ شام ہے ، نہ گھنی رات ہے ، نہ پچھلا پہر

عجیب رنگ تری چشمِ سُرمگیں سے ملیں

میں اِس وصال کے لمحے کا نام کیا رکھوں

ترے لباس کی شِکنیں تری جبیں سے ملیں

ستائش مرے احباب کی نوازش ہیں

مگر صلے تو مجھے اپنے نکتہ چیں سے ملیں

تمام عُمر کی نامعتبر رفاقت سے

کہیں بھلا ہو کہ پَل بھر ملیں ،یقیں سے ملیں

یہی رہا ہے مقدر، مرے کسانوں کا

کہ چاند بوئیں اور ان کو گہن زمیں سے ملیں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پاؤں سے ہواؤں کے، بیڑیاں نہیں کھلتیں

اکتوبر 25, 2015پروین شاکر،شعراء،غزللڑکیاں،کھڑکیاں،بچیاں،بیڑیاں،بالیاں،بستیاں،تتلیاں،سیڑھیاں،سیپیاںadmin

پروین شاکر ۔ غزل نمبر 58

شوقِ رقص سے جب تک انگلیاں نہیں کھلتیں

پاؤں سے ہواؤں کے، بیڑیاں نہیں کھلتیں

پیڑ کو دعا دے کر، کٹ گئی بہاروں سے

پھول اتنے بڑھ آئے کھڑکیاں نہیں کھلتیں

پھول بن کر سیروں میں اور کون شامل تھا

شوخیِ صبا سے تو بالیاں نہیں کھلتیں

حسن کے سمجھنے کو عمر چاہیے جاناں

دو گھڑی کی چاہت میں لڑکیاں نہیں کھلتیں

کوئی موجہ ءِ شیریں چوم کر جگائے گی

سورجوں کے نیزوں سے سیپیاں نہیں کھلتیں

ماں سے کیا کہیں گی دکھ ہجر کا کہ خود پر بھی

اتنی چھوٹی عمروں کی بچیاں نہیں کھلتیں

شاخ شاخ سرگرداں کس کی جستجو میں ہیں

کون سے سفر میں ہیں تتلیاں نہیں کھلتیں

آدھی رات کی چپ میں کس کی چاپ ابھرتی ہے

چھت پہ کون آتا ہے، سیڑھیاں نہیں کھلتیں

پانیوں کے چڑھنے تک حال کہہ سکیں اور پھر

کیا قیامتیں گزریں، بستیاں نہیں کھلتیں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

نیند چنتے ہُوئے ہاتھ ہی تھک گئے وہ بھی جب آنکھ کی سوئیاں رہ گئیں

اکتوبر 25, 2015پروین شاکر،شعراء،غزللڑکیاں،بیبیاں،بستیاں،تنہائیاں،تتلیاں،دیویاں،سوئیاںadmin

پروین شاکر ۔ غزل نمبر 57

عُمر بھر کے لیے اب تو سوئی کی سوئی ہی معصوم شہزادیاں رہ گئیں

نیند چنتے ہُوئے ہاتھ ہی تھک گئے وہ بھی جب آنکھ کی سوئیاں رہ گئیں

لوگ گلیوں سے ہوکر گُزرتے رہے ، کوئی ٹھٹکا ، نہ ٹھہرا ، نہ واپس ہوا

اَدھ کُھلی کھڑکیوں سے لگی ، شام سے راہ تکتی ہُوئی لڑکیاں رہ گئیں

پاؤں چُھوکر پُجاری الگ ہو گئے ، نیم تاریک مندر کی تنہائی میں

آگ بنتی ہُوئی تن کی نو خیز خوشبو سمیٹے ہُوئے دیویاں رہ گئیں

وہ ہَوا تھی کہ کچّے مکانوں کی چھت اُڑ گئی ، اور مکیں لاپتہ ہو گئے

اب تو موسم کے ہاتھوں خزاں میں اُجڑنے کو بس خواب کی بستیاں رہ گئیں

آخرِ کار لو وہ بھی رخصت ہُوا، ساری سکھیاں بھی اب اپنے گھرکی ہوئیں

زندگی بھر کو فن کار سے گفتگو کے لیے صرف تنہائیاں رہ گئیں

شہرِ گُل ہَواؤں نے چاروں طرف ، اس قدر ریشمیں جال پھیلا دیے

تھر تھراتے پروں میں شکستہ اُڑانیں سمیٹے ہُوئے تتلیاں رہ گئیں

اجنبی شہر کی اوّلیں شام ڈھلنے لگی ، پُرسہ دینے جو آئے گئے

جلتے خیموں کی بجھتی ہُوئی راکھ پر بال کھولے ہُوئے بیبیاں رہ گئیں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

حیرت سے پلک جھپک رہی ہوں

اکتوبر 25, 2015پروین شاکر،شعراء،غزلچٹک،کھٹک،پلک،بِلک،بھٹک،تک،تھک،جھپک،جھجک،سِسک،سےپکadmin

پروین شاکر ۔ غزل نمبر 56

منظر ہے وہی ٹھٹک رہی ہوں

حیرت سے پلک جھپک رہی ہوں

یہ تُو ہے کہ میرا واہمہ ہے!

بند آنکھوں سے تجھ کو تک رہی ہوں

جیسے کہ کبھی نہ تھا تعارف

یوں ملتے ہوئے جھجک رہی ہوں

پہچان! میں تیری روشنی ہوں

اور تیری پلک پلک رہی ہوں

کیا چَین ملا ہے………سر جو اُس کے

شانوں پہ رکھے سِسک رہی ہوں

پتّھر پہ کھلی ، پہ چشمِ گُل میں

کانٹے کی طرح کھٹک رہی ہوں

جگنو کہیں تھک کے گرِ چُکا ہے

جنگل میں کہاں بھٹک رہی ہوں

گڑیا مری سوچ کی چھنی کیا

بچّی کی طرح بِلک رہی ہوں

اِک عمر ہُوئی ہے خُود سے لڑتے

اندر سے تمام تھک رہی ہوں

رس پھر سے جڑوں میں جا رہا ہے

میں شاخ پہ کب سےپک رہی ہوں

تخلیقِ جمالِ فن کا لمحہ!

کلیوں کی طرح چٹک رہی ہوں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہَوا میں جذب ہوں ، خوشبو کے انگ انگ میں ہوں

اکتوبر 25, 2015پروین شاکر،شعراء،غزلنہنگ،انگ،ترنگ،جنگ،رنگ،سنگ،سرنگadmin

پروین شاکر ۔ غزل نمبر 55

سما کے ابر میں ، برسات کی اُمنگ میں ہُوں

ہَوا میں جذب ہوں ، خوشبو کے انگ انگ میں ہوں

فضا میں تیر رہی ہوں ، صدا کے رنگ میں ہوں

لہو سے پوچھ رہی ہوں ، یہ کس ترنگ میں ہوں

دھنک اُترتی نہیں میرے خون میں جب تک

میں اپنے جسم کی نیلی رگوں سے جنگ میں ہوں

بہار نے مِری آنکھوں پہ پُھول باندھ دیئے!

رہائی پاؤں تو کیسے ، حصارِ رنگ میں ہوں

کُھلی فضا ہے ، کُھلاآسماں بھی سامنے ہے

مگر یہ ڈر نہیں جاتا ، ابھی سرنگ میں ہوں

ہوا گزیدہ بنفشے کے پھول کی مانند

پناہِ رنگ سے بچ کر ، پناہِ سنگ میں ہوں

صدف میں اُتروں تو پھرمیں گُہر بھی بن جاؤں

صدف سے پہلے ابھی حلقہ ءِ نہنگ میں ہوں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

شکستہ کشتیوں پر بادباں ہوں

اکتوبر 25, 2015پروین شاکر،شعراء،غزلمکاں،نامہرباں،نشاں،آسماں،اذاں،بادباں،سائباںadmin

پروین شاکر ۔ غزل نمبر 54

ہوا سے جنگ میں ہوں ، بے اماں ہوں

شکستہ کشتیوں پر بادباں ہوں

میں سُورج کی طرح ہوں دھوپ اوڑھے

اور اپنے آپ پر خود سائباں ہوں

مجھے بارش کی چاہت نے ڈبویا

میں پختہ شہر کا کچّا مکاں ہوں

خُود اپنی چال اُلٹی چلنا چاہوں

میں اپنے واسطے خود آسماں ہوں

دُعائیں دے رہی ہوں دشمنوں کو

اور اِک ہمدرد پر نامہرباں ہوں

پرندوں کو دُعا سِکھلا رہی ہوں

میں بستی چھوڑ ، جنگل کی اذاں ہوں

ابھی تصویر میری کیا بنے گی

ابھی تو کینوس پر اِک نشاں ہوں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اِک ذرا شعر کہوں اور میں کیا کیا دیکھوں

اکتوبر 25, 2015پروین شاکر،شعراء،غزلہنستا،مہکتا،کیا،اُترتا،اپنا،تماشہ،تنہا،ترارَستا،دھڑکتا،دریا،سا،سایا،صحراadmin

پروین شاکر ۔ غزل نمبر 53

اپنی رسوائی، ترے نام کا چرچا دیکھوں

اِک ذرا شعر کہوں اور میں کیا کیا دیکھوں

نیند آ جائے تو کیا محفلیں برپا دیکھوں

آنکھ کُھل جائے تو تنہائی کا صحرا دیکھوں

شام بھی ہو گئی، دُھندلا گئیں آنکھیں بھی مری

بُھولنے والے،میں کب تک ترارَستا دیکھوں

ایک اِک کر کے مجھے چھوڑ گئیں سب سکھیاں

آج میں خُود کو تری یاد میں تنہا دیکھوں

کاش صندل سے مری مانگ اُجالےآ کر

اتنے غیروں میں وہی ہاتھ ،جو اپنا دیکھوں

تو مرا کُچھ نہیں لگتا ہے مگر جانِ حیات!

جانے کیوں تیرے لیے دل کو دھڑکتا دیکھوں !

بند کر کے مِری آنکھیں وہ شرارت سے ہنسے

بُوجھے جانے کا میں ہر روز تماشہ دیکھوں

سب ضِدیں اُس کی میں پوری کروں ،ہر بات سُنوں

ایک بچے کی طرح سے اُسے ہنستا دیکھوں

مُجھ پہ چھا جائے وہ برسات کی خوشبو کی طرح

انگ انگ اپنا اسی رُت میں مہکتا دیکھوں

پُھول کی طرح مرے جسم کا ہر لب کِھل جائے

پنکھڑی پنکھڑی اُن ہونٹوں کا سایا دیکھوں

میں نے جس لمحے کو پُوجا ہے،اُسے بس اِک بار

اب بن کر تری آنکھوں میں اُترتا دیکھوں

تو مری طرح سے یکتا ہے، مگر میرے حبیب!

میں آتا ہے، کوئی اور بھی تجھ سا دیکھوں

ٹُوٹ جائیں کہ پگھل جائیں مرے کچے گھڑے

تجھ کو میں دیکھوں کہ یہ آگ کا دریا دیکھوں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

خود کو خوشبو میں سمو کر دیکھوں

اکتوبر 25, 2015پروین شاکر،شعراء،غزلمنظر،مَر،کر،بھرadmin

پروین شاکر ۔ غزل نمبر 52

حلقہ ءِ رنگ سے باہر نکلوں

خود کو خوشبو میں سمو کر دیکھوں

اُس کو بینائی کے اندر دیکھوں

عمر بھر دیکھوں کہ پل بھر دیکھوں

کس کی نیندوں کے چُرا لائی رنگ

موجہ ءِ زُلف کو چُھو کر دیکھوں

زرد برگد کے اکیلے پن میں

اپنی تنہائی کے منظر دیکھوں

موت کا ذائقہ لکھنے کے لیے

چند لمحوں کو ذرا مَر دیکھوں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میں ان سے خود کو ضرب دُوں کہ منقتسمِ کر لوں

اکتوبر 25, 2015پروین شاکر،شعراء،غزلمنہدم،منقتسم،مُنصرِم،محترم،محتشم،معتصمadmin

پروین شاکر ۔ غزل نمبر 51

عذاب اپنے بکھیروں کہ مُرتسم کر لوں

میں ان سے خود کو ضرب دُوں کہ منقتسمِ کر لوں

میں آندھیوں کی مزاج آشنا رہی ہوں مگر

خُود اپنے ہاتھ سے کیوں گھر کو منہدم کر لوں

بچھڑنے والوں کے حق میں کوئی دُعا کر کے

شکستِ خواب کی ساعت محتشم کر لوں

بچاؤ شیشوں کے گھر کا تلاش کرہی لیا

یہی کہ سنگ بدستوں کا مُنصرِم کر لوں

میں تھک گئی ہوں اِس اندر کی خانہ جنگی سے

بدن کو’’سامرا‘‘ آنکھوں کو ’’معتصمِ‘‘کر لوں

مری گلی میں کوئی شہر یار آتا ہے

ملا ہے حکم کہ لہجے کو محترم کر لوں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اِس اماوس کی گھنی رات میں مہتاب کہاں

اکتوبر 25, 2015پروین شاکر،شعراء،غزلمہتاب،پایاب،آب،اعصاب،سیلاب،غرقابadmin

پروین شاکر ۔ غزل نمبر 50

نیند تو خواب ہے اور ہجر کی شب خواب کہاں

اِس اماوس کی گھنی رات میں مہتاب کہاں

رنج سہنے کی مرے دل میں تب و تاب کہاں

اور یہ بھی ہے کہ پہلے سے وہ اعصاب کہاں

مَیں بھنور سے تو نکل آئی،اور اب سوچتی ہوں

موجِ ساحل نے کیا ہے مجھے غرقاب کہاں

مَیں نے سونپی تھی تجھے آخری پُونجی اپنی

چھوڑ آیا ہے مری ناؤ تہہِ آب کہاں

ہے رواں آگ کا دریا مری شریانوں میں

موت کے بعد بھی ہو پائے گا پایاب کہاں

بند باندھا ہے سَروں کا مرے دہقانوں نے

اب مری فصل کو لے جائے گا سیلاب کہاں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جو زخم ایک بار کھُلا پھر سلا کہاں

اکتوبر 25, 2015پروین شاکر،شعراء،غزلکھلا،جِلا،حوصلہ،سلا،سلسلہadmin

پروین شاکر ۔ غزل نمبر 49

پھر چاکِ زندگی کو رفوگر ملا کہاں

جو زخم ایک بار کھُلا پھر سلا کہاں

کل رات ایک گھر میں بڑی روشنی رہی

تارا مرے نصیب کا تھا اور کھلا کہاں

اُتری ہے میری آنکھ میں خوابوں کی موتیا

ٹوٹے گا روشنی کا بھلا سلسلہ کہاں

بن عکس آئینے کا ہنر بھی نہ کھُل سکا

دُکھ کے بغیر قلب و نظر کو جِلا کہاں

ترکِ تعلقات کا کوئی سبب تو تھا

سننے کا میرے دل کو مگر حوصلہ کہاں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جنگل کی ہوا رہوں کہاں تک

اکتوبر 25, 2015پروین شاکر،شعراء،غزللوں،لکھوں،ملوں،چُنوں،کروں،اُٹھوں،جَلوں،رہوں،رُکوںadmin

پروین شاکر ۔ غزل نمبر 48

اپنی ہی صدا سُنوں کہاں تک

جنگل کی ہوا رہوں کہاں تک

ہر بار ہوا نہ ہو گی درپر

ہر بار مگر اُٹھوں کہاں تک

دَم گھٹتا ہے ، گھر میں حبس وہ ہے

خوشبو کے لیے رُکوں کہاں تک

پھر آگے ہوائیں کھول دیں گی

زخم اپنے رفو کروں کہاں تک

ساحل پہ سمندروں سے بچ کر

میں نام ترا لکھوں کہاں تک

تنہائی کا ایک ایک لمحہ

ہنگاموں سے قرض لوں کہاں تک

گرلمس نہیں تو لفظ ہی بھیج

میں تجھ سے جُدا رہوں کہاں تک

سُکھ سے بھی تو دوستی کبھی ہو

دُکھ سے ہی گلے ملوں کہاں تک

منسوب ہو ہر کرن کسی سے

اپنے ہی لیے جَلوں کہاں تک

آنچل مرے بھر کے پھٹ رہے ہیں

پُھول اُس کے لیے چُنوں کہاں تک

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کام ، پت جھڑ کے اسیروں کی دُعا آئی ہو

اکتوبر 25, 2015پروین شاکر،شعراء،غزلقبا،گھٹا،حِنا،دُعا،ردا،سُنا،صداadmin

پروین شاکر ۔ غزل نمبر 47

سبز موسم کی خبر لے کے ہَوا آئی ہو

کام ، پت جھڑ کے اسیروں کی دُعا آئی ہو

لَوٹ آئی ہو وہ شب جس کے گُزر جانے پر

گھاٹ سے پائلیں بجنے کی صدا آئی ہو

اِسی اُمید میں ہر موجِ ہَوا کو چُوما

چُھو کے شاید میرے پیاروں کی قبا آئی ہو

گیت جِتنے لِکھے اُن کے لیے اے موج صبا!

دل یہی چاہا کہ تو اُن کو سُناآئی ہو

آہٹیں صرف ہَواؤں کی ہی دستک نہ بنیں

اب تو دروازوں پہ مانوس صدا آئی ہو

یُوں سرِ عام، کُھلے سر میں کہاں تک بیٹھوں

کِسی جانب سے تو اَب میری ردا آئی ہو

جب بھی برسات کے دن آئے ،یہی جی چاہا

دُھوپ کے شہر میں بھی گِھر کے گھٹا آئی ہو

تیرے تحفے تو سب اچھے ہیں مگر موجِ بہار!

اب کے میرے لیے خوشبوئے حِنا آئی ہو

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کوئی وجود محبّت کا استعارہ ہو

اکتوبر 25, 2015پروین شاکر،شعراء،غزلہمارا،کنارہ،پیارا،پارہ،استعارہ،اشارہ،تمھارا،دھاراadmin

پروین شاکر ۔ غزل نمبر 46

گلاب ہاتھ میں ہو ، آنکھ میں ستارہ ہو

کوئی وجود محبّت کا استعارہ ہو

میں گہرے پانی کی اس رو کے ساتھ بہتی رہوں

جزیرہ ہو کہ مقابل کوئی کنارہ ہو

کبھی کبھار اُسے دیکھ لیں ،کہیں مل لیں

یہ کب کہا تھا کہ وہ خوش بدن ہمارا ہو

قصور ہو تو ہمارے حساب میں لکھ جائے

محبتوں میں جو احسان ہو ، تمھارا ہو

یہ اتنی رات گئے کون دستکیں دے گا

کہیں ہوا کا ہی اُس نے نہ رُوپ دھارا ہو

اُفق تو کیا ہے،درِ کہکشاں بھی چُھو آئیں

مُسافروں کو اگر چاند کا اشارہ ہو

میں اپنے حصے کے سُکھ جس کے نام کر ڈالوں

کوئی تو ہو جو مجھے اس طرح کا پیارا ہو

اگر وجود میں آہنگ ہے تو وصل بھی ہے

میں چاہے نظم کا ٹکڑا،وہ نثر پارہ ہو

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کبھی تو رنگ مرے ہاتھ کا حِنائی ہو!

اکتوبر 25, 2015پروین شاکر،شعراء،غزللائی،مُسکرائی،آئی،اُگائی،حِنائیadmin

پروین شاکر ۔ غزل نمبر 45

ہتھیلیوں کی دُعا پھول لے کے آئی ہو

کبھی تو رنگ مرے ہاتھ کا حِنائی ہو!

کوئی تو ہو جو مرے تن کو روشنی بھیجے

کِسی کا پیار ہَوا میرے نام لائی ہو!

گلابی پاؤں مرے چمپئی بنانے کو

کِسی نے صحن میں مہندی کی باڑھ اُگائی ہو

کبھی تو مرے کمرے میں ایسا منظر بھی

بہار دیکھ کے کھڑکی سے ،مُسکرائی ہو

وہ سوتے جاگتے رہنے کا موسموں فسوں

کہ نیند میں ہوں مگر نیند بھی نہ آئی ہو

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہ ذرا بھی نہیں بدلا، لوگو

اکتوبر 25, 2015پروین شاکر،شعراء،غزلآیا،اپنا،بدلا،برسا،تھا،سمجھا،سویاadmin

پروین شاکر ۔ غزل نمبر 44

بعد مُدت اُسے دیکھا، لوگو

وہ ذرا بھی نہیں بدلا، لوگو

خُوش نہ تھا مُجھ سے بچھڑ کر وہ بھی

اُس کے چہرے پہ لکھا تھا،لوگو

اُس کی آنکھیں بھی کہے دیتی تھیں

رات بھر وہ بھی نہ سویا،لوگو

اجنبی بن کے جو گزرا ہے ابھی

تھا کِسی وقت میں اپنا ،لوگو

دوست تو خیر کوئی کس کا ہے

اُس نے دشمن بھی نہ سمجھا،لوگو

رات وہ درد مرے دل میں اُٹھا

صبح تک چین نہ آیا ،لوگو

پیاس صحراؤں کی پھر تیز ہُوئی

اَبر پھر ٹوٹ کے برسا،لوگو

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ایسے موسم میں جو خواب آئیں غنیمت جانو

اکتوبر 25, 2015پروین شاکر،شعراء،غزلمحبّت،مروّت،رحمت،سلامت،عنایت،غنیمتadmin

پروین شاکر ۔ غزل نمبر 43

جب ہوا تک یہ کہے ، نیند کو رخصت جانو

ایسے موسم میں جو خواب آئیں غنیمت جانو

جب تک اُس سادہ قبا کو نہیں چھونے پاتی

موجہ ءِ رنگ کا پندار سلامت جانو

جس گھروندے میں ہَوا آتے ہُوئے کترائے

دھوپ آ جائے تو یہ اُس کی مروّت جانو

دشتِ غربت میں جہاں کوئی شناسا بھی نہیں

اَبر رُک جائے ذرا دیر تو رحمت جانو

منہ پہ چھڑکاؤ ہو ، اندد سے جڑیں کاٹی جائیں

اُس پہ اصرار ، اسے عین محبّت جانو

ورنہ یوں طنز کا لہجہ بھی کِسے ملتا ہے

اُن کا یہ طرزِ سخن خاص عنایت جانو۔۔۔

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

رات بھر جاگی ہوئی جیسے دُلہن کی خوشبو

اکتوبر 25, 2015پروین شاکر،شعراء،غزلوطن،کرن،گہن،بدن،دمن،دُلہن،سخن،شکنadmin

پروین شاکر ۔ غزل نمبر 42

آج ملبوس میں ہے کیسی تھکن کی خوشبو

رات بھر جاگی ہوئی جیسے دُلہن کی خوشبو

پیرہن میرا مگر اُس کے بدن کی خوشبو

اُس کی ترتیب ہے ایک ایک شکن کی خوشبو

موجہ ءِ گُل کو ابھی اِذنِ تکلم نہ ملے

پاس آتی ہے کسی نرم سخن کی خوشبو

قامتِ شعر کی زیبائی کا عالم مت پُوچھ

مہربان جب سے ہے اُس سرد بدن کی خوشبو

ذکر شاید کسی خُورشید بدن کا بھی کرے

کُو بہ کُو پھیلی ہُوئی میرے گہن کی خوشبو

عارضِ گُل کو چُھوا تھا کہ دھنک سی بکھری

کِس قدر شوخ ہے ننھی سی کرن کی خوشبو

کِس نے زنجیر کیا ہے رمِ آہو چشماں

نکہتِ جاں ہے انہیں دشت و دمن کی خوشبو

اِس اسیری میں بھی ہر سانس کے ساتھ آتی ہے

صحنِ زنداں میں انہیں دشت وطن کی خوشبو

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بچھڑ گیا تری صُورت، بہار کا موسم

اکتوبر 25, 2015پروین شاکر،شعراء،غزلہار،چنار،نکھار،یار،پکار،پھوار،انتظار،اختیار،اعتبار،بہار،دارadmin

پروین شاکر ۔ غزل نمبر 41

خیال و خواب ہُوا برگ و بار کا موسم

بچھڑ گیا تری صُورت، بہار کا موسم

کئی رُتوں سے مرے نیم وا دریچوں میں

ٹھہر گیا ہے ترے انتظار کا موسم

وہ نرم لہجے میں کچھ تو کہے کہ لَوٹ آئے

سماعتوں کی زمیں پر پھوار کا موسم

پیام آیا ہے پھر ایک سروقامت کا

مرے وجود کو کھینچے ہے دار کا موسم

وہ آگ ہے کہ مری پور پور جلتی ہے

مرے بدن کو مِلا ہے چنار کا موسم

رفاقتوں کے نئے خواب خُوشنما ہیں مگر

گُزر چکا ہے ترے اعتبار کا موسم

ہَوا چلی تو نئی بارشیں بھی ساتھ آئیں

زمیں کے چہرے پہ آیا نکھار کا موسم

وہ میرا نام لیے جائے اور میں اُس کا نام

لہو میں گُونج رہا ہے پکار کا موسم

قدم رکھے مری خُوشبو کہ گھر کو لَوٹ آئے

کوئی بتائے مُجھے کوئے یار کا موسم

وہ روز آ کے مجھے اپنا پیار پہنائے

مرا غرور ہے بیلے کے ہار کا موسم

ترے طریقِ محبت پہ با رہا سوچا

یہ جبر تھا کہ ترے اختیار کا موسم

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ذرا سی دھوپ میں کچھ چاندنی کی آمیزش

اکتوبر 25, 2015پروین شاکر،شعراء،غزلچاندنی،کلی،آشفتگی،حیرانگی،دلی،روشنی،زندگیadmin

پروین شاکر ۔ غزل نمبر 40

نظر کی تیزی میں ہلکی ہنسی کی آمیزش

ذرا سی دھوپ میں کچھ چاندنی کی آمیزش

یہی تو وجہِ شکستِ وفا ہُوئی میری

خلوصِ عشق میں سادہ دلی کی آمیزش

مرے لیے ترے الطاف کی وہ اُجلی رُت

عذابِ مرگ میں تھی زندگی کی آمیزش

وہ چاند بن کے مرے جسم میں پگھلتا رہا

لُہو میں ہوتی گئی روشنی کی آمیزش

یہ کو ن بن میں بھٹکتا تھا جس کے نام پہ ہے

ہوائے دشت میں آشفتگی کی آمیزش

زمیں کے چہرے پہ بارش کے پہلے پیار کے بعد

خوشی کے ساتھ تھی حیرانگی کی آمیزش

سمندروں کی طرح میری آنکھ ساکت ہے

مگر سکوت میں کس بے کلی کی آمیزش

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

قریب آنے لگا دُوریوں کا موسم پھر

اکتوبر 25, 2015پروین شاکر،شعراء،غزلموسم،مبہم،مدھم،نم،نیلم،ریشم،سنگم،شبنمadmin

پروین شاکر ۔ غزل نمبر 39

سکوں بھی خواب ہُوا، نیند بھی ہے کم کم پھر

قریب آنے لگا دُوریوں کا موسم پھر

بنا رہی ہے تری یاد مُجھ کو سلکِ کُہر

پرو گئی مری پلکوں میں آج شبنم پھر

وہ نرم لہجے میں کُچھ کہہ رہا ہے پھر مُجھ سے

چھڑا ہے پیار کے کومل سُروں میں مدھم پھر

تجھے مناؤں کہ اپنی انا کی بات سُنوں

اُلجھ رہا ہے مرے فیصلوں کا ریشم پھر

نہ اُس کی بات میں سمجھوں نہ وہ مری نظریں

معاملاتِ زباں ہو چلے ہیں مبہم پھر

یہ آنے والا نیا دُکھ بھی اُس کے سر ہی گیا

چٹخ گیا مری انگشتری کا نیلم پھر

وہ ایک لمحہ کہ جب سارے رنگ ایک ہوئے

کِسی بہار نے دیکھا نہ ایسا سنگم پھر

بہت عزیز ہیں آنکھیں مری اُسے، لیکن

وہ جاتے جاتےانہیں کر گیا ہے پُر نم پھر

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

حرف آتا ہے مسیحائی پر

اکتوبر 25, 2015پروین شاکر،شعراء،غزلہرجائی،مسیحائی،گہرائی،پذیرائی،رُسوائی،رسوائی،رعنائی،زیبائیadmin

پروین شاکر ۔ غزل نمبر 38

کیسے چھوڑیں اُسے تنہائی پر

حرف آتا ہے مسیحائی پر

اُس کی شہرت بھی تو پھیلی ہر سُو

پیار آنے لگا رُسوائی پر

ٹھہرتی ہی نہیں آنکھیں ، جاناں !

تیری تصویر کی زیبائی پر

رشک آیا ہے بہت حُسن کو بھی

قامتِ عشق کی رعنائی پر

سطح سے دیکھ کے اندازے لگیں

آنکھ جاتی نہیں گہرائی پر

ذکر آئے گا جہاں بھونروں کا

بات ہو گی مرے ہرجائی پر

خود کو خوشبو کے حوالے کر دیں

پُھول کی طرز پذیرائی پر

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جنس نایاب ہو گئی شاید

اکتوبر 25, 2015پروین شاکر،شعراء،غزلمہتاب،نایاب،پایاب،خواب،سیلاب،غرقابadmin

پروین شاکر ۔ غزل نمبر 37

نیند تو خواب ہو گئی شاید

جنس نایاب ہو گئی شاید

اپنے گھر کی طرح وہ لڑکی بھی

نذرِ سیلاب ہو گئی شاید

تجھ کو سوچوں تو روشنی دیکھوں

یاد ، مہتاب ہو گئی شاید

ایک مدت سے آنکھ روئی نہیں

جھیل پایاب ہو گئی شاید

ہجر کے پانیوں میں عشق کی ناؤ

کہیں غرقاب ہو گئی شاید

چند لوگوں کی دسترس میں ہے

زیست کم خواب ہو گئی شاید

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہجر کی شب اورایسا چاند؟

اکتوبر 25, 2015پروین شاکر،شعراء،غزلمیرا،ننّھا،نکلا،کچا،کا،گا،اورایسا،بھولا،تنہا،جھانکا،سہما،سنا،سوچا،سویا،سپنا،سایا،صحراadmin

پروین شاکر ۔ غزل نمبر 36

پُورا دکھ اور آدھا چاند!

ہجر کی شب اورایسا چاند؟

دن میں وحشت بہل گئی تھی

رات ہُوئی اور نکلا چاند

کس مقتل سے گزرا ہو گا

اِتنا سہما سہما چاند

یادوں کی آباد گلی میں

گھوم رہا ہے تنہا چاند

میری کروٹ پر جاگ اُٹھے

نیند کا کتنا کچا چاند

میرے مُنہ کو کس حیرت سے

دیکھ رہا ہے بھولا چاند

اِتنے گھنے بادل کے پیچھے

کتنا تنہا ہو گا چاند

آنسو روکے نُور نہائے

دل دریا،تن صحرا چاند

اِتنے روشن چہرے پر بھی

سُورج کا ہے سایا چاند

جب پانی میں چہرہ دیکھا

تونے کِس کو سوچا چاند

برگد کی ایک شاخ ہٹا کر

جانے کس کو جھانکا چاند

بادل کے ریشم جُھولے میں

بھورسمے تک سویا چاند

رات کے شانوں پرسر رکھے

دیکھ رہا ہے سپنا چاند

سُوکھے پتوں کے جُھرمٹ پر

شبنم تھی یا ننّھا چاند

ہاتھ ہلا کر رخصت ہو گا

اُس کی صُورت ہجر کا چاند

صحر اصحرا بھٹک رہا ہے

اپنے عشق کا سچا چاند

رات کے شاید ایک بجے ہیں

سوتا ہو گا میرا چاند

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دست گُل پھیلا ہُوا ہے مرے آنچل کی طرح

اکتوبر 25, 2015پروین شاکر،شعراء،غزلچھاگل،کومل،کاجل،آنچل،جنگل،دلدل،صندلadmin

پروین شاکر ۔ غزل نمبر 35

پھر مرے شہر سے گزرا ہے وہ بادل کی طرح

دست گُل پھیلا ہُوا ہے مرے آنچل کی طرح

کہہ رہا ہے کسی موسم کی کہانی اب تک

جسم برسات میں بھیگے ہُوئے جنگل کی طرح

اُونچی آواز میں اُس نے تو کبھی بات نہ کی

خفگیوں میں بھی وہ لہجہ رہا کومل کی طرح

مِل کے اُس شخص سے میں لاکھ خموشی سے چلوں

بول اُٹھتی ہے نظر، پاؤں کی چھاگل کی طرح

پاس جب تک وہ رہے ،درد تھما رہتا ہے

پھیلتا جاتا ہے پھر آنکھ کے کاجل کی طرح

اَب کسی طور سے گھر جانے کی صُورت ہی نہیں

راستے میرے لیے ہو گئے دلدل کی طرح

جسم کے تیرہ و آسیب زدہ مندر میں

دل سِر شام سُلگ اُٹھتا ہے صندل کی طرح

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بارشوں کی ہوا میں بن کی طرح

اکتوبر 25, 2015پروین شاکر،شعراء،غزلوطن،گہن،پیرہن،بن،دلہن،شکنadmin

پروین شاکر ۔ غزل نمبر 34

رقص میں رات ہے بدن کی طرح

بارشوں کی ہوا میں بن کی طرح

چاند بھی میری کروٹوں کا گواہ

میرے بستر کی ہر شکن کی طرح

چاک ہے دامن قبائےِ بہار

میرے خوابوں کے پیرہن کی طرح

زندگی، تجھ سے دور رہ کر، میں

کاٹ لوں گی جلا وطن کی طرح

مجھ کو تسلیم، میرے چاند کہ میں

تیرے ہمراہ ہوں گہن کی طرح

بار ہا تیرا انتظار کیا

اپنے خوابوں میں اک دلہن کی طرح

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دل پہ اُتریں گے وہی خواب عذابوں کی طرح

اکتوبر 25, 2015پروین شاکر،شعراء،غزلنصابوں،کتابوں،جوابوں،حجابوں،حسابوں،خوابوں،سرابوں،عذابوںadmin

پروین شاکر ۔ غزل نمبر 33

گئے موسم میں جو کِھلتے تھے گلابوں کی طرح

دل پہ اُتریں گے وہی خواب عذابوں کی طرح

راکھ کے ڈھیر پہ اب رات بسرکرنی ہے

جل چکے ہیں مرے خیمے،مرے خوابوں کی طرح

ساعتِ دید کے عارض ہیں گلابی اب تک

اولیں لمحوں کے گُلنار حجابوں کی طرح

وہ سمندر ہے توپھر رُوح کو شاداب کرے

تشنگی کیوں مجھے دیتا ہے سرابوں کی طرح

غیر ممکن ہے ترے گھر کے گلابوں کا شمار

میرے رِستے ہُوئے زخموں کے حسابوں کی طرح

یاد تو ہوں گی وہ باتیں تجھے اب بھی لیکن

شیلف میں رکھی ہُوئی کتابوں کی طرح

کون جانے نئے سال میں تو کس کو پڑھے

تیرا معیار بدلتا ہے نصابوں کی طرح

شوخ ہو جاتی ہے اب بھی تری آنکھوں کی چمک

گاہے گاہے،ترے دلچسپ جوابوں کی طرح

ہجر کی سب،مری تنہائی پہ دستک دے گی

تیری خوشبو ،مرے کھوئے ہوئے خوابوں کی طرح

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مجھ میں اُتر گیا ہے وہ سرطان کی طرح

اکتوبر 25, 2015پروین شاکر،شعراء،غزلمہمان،کلیان،رحمان،سامان،سرطان،شیزان،شریانadmin

پروین شاکر ۔ غزل نمبر 32

دشمن ہے اور ساتھ رہے جان کی طرح

مجھ میں اُتر گیا ہے وہ سرطان کی طرح

جکڑے ہُوئے ہے تن کو مرے ، اس کی آرزو

پھیلا ہُوا ہے جال سا شریان کی طرح

دیوار و در نے جس کے لیے ہجر کاٹے تھے

آیا تھا چند روز کو ، مہمان کی طرح

دکھ کی رُتوں میں پیڑ نے تنہا سفر کیا

پتّوں کو پہلے بھیج کے سامان کی طرح

گہرے خنک اندھیرے میں اُجلے تکلّفات

گھر کی فضا بھی ہو گئی شیزان کی طرح

ڈوبا ہُوا ہے حسنِ سخن میں سکوتِ شب

تارِ ربابِ رُوح میں کلیان کی طرح

آہنگ کے جمال میں انجیل کی دُعا

نرمی میں اپنی ، سورہ ءِ رحمان کی طرح

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چشمِ صدف سے گوہرِ نایاب لے گیا

اکتوبر 25, 2015پروین شاکر،شعراء،غزلمِضراب،محراب،نایاب،گرداب،اب،خونناب،خواب،سیلابadmin

پروین شاکر ۔ غزل نمبر 31

آنکھوں سے میری، کون مرے خواب لے گیا

چشمِ صدف سے گوہرِ نایاب لے گیا

اِس شہرِ خوش جمال کو کِس کی لگی ہے آہ

کِس دل زدہ کا گریہ خونناب لے گیا

کُچھ نا خدا کے فیض سے ساحل بھی دُور تھا

کُچھ قسمتوں کے پھیر میں گرداب لے گیا

واں شہر ڈُوبتے ہیں ، یہاں بحث کہ اُنہیں

خُم لے گیا ہے یا خمِ محراب لے گیا

کچھ کھوئی کھوئی آنکھیں بھی موجوں کے ساتھ تھیں

شاید اُنہیں بہا کے کوئی خواب لے گیا

طوفان اَبر و باد میں سب گیت کھو گئے

جھونکا ہَوا کا ہاتھ سے مِضراب لے گیا

غیروں کی دشمنی نے نہ مارا،مگر ہمیں

اپنوں کے التفات کا زہر اب لے گیا

اے آنکھ!اب تو خواب کی دُنیا سے لوٹ آ

’’مژگاں تو کھول!شہر کو سیلاب لے گیا!

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہَوا کے ساتھ مسافر کا نقشِ پا بھی گیا

اکتوبر 25, 2015پروین شاکر،شعراء،غزلچلا،پا،آشنا،دُکھا،رتجگا،سلسلہadmin

پروین شاکر ۔ غزل نمبر 30

چراغِ راہ بُجھا کیا ، کہ رہنما بھی گیا

ہَوا کے ساتھ مسافر کا نقشِ پا بھی گیا

میں پُھول چنتی رہی اور مجھے خبر نہ ہُوئی

وہ شخص آکے مرے شہر سے چلا بھی گیا

بہت عزیز سہی اُس کو میری دلداری

مگر یہ ہے کہ کبھی دل مرا دُکھا بھی گیا

اب اُن دریچوں پہ گہرے دبیز پردے ہیں

وہ تاک جھانک کا معصوم سلسلہ بھی گیا

سب آئے میری عیادت کو، وہ بھی آیا

جو سب گئے تو مرا درد آشنا بھی گیا

یہ غربتیں مری آنکھوں میں کسی اُتری ہیں

کہ خواب بھی مرے رُخصت ہیں ،رتجگا بھی گیا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اس نے بھی بھول جانے کا وعدہ نہیں کیا

اکتوبر 25, 2015پروین شاکر،شعراء،غزللبادہ،وعدہ،زیادہ،سادہ،ساغروبادہadmin

پروین شاکر ۔ غزل نمبر 29

ہم نے ہی لوٹنے کا ارادہ نہیں کیا

اس نے بھی بھول جانے کا وعدہ نہیں کیا

دکھ اوڑھتے نہیں کبھی جشنِ طرب میں ہم

ملبوسدلکو تن کا لبادہ نہیں کیا

جو غم ملا ہے بوجھ اٹھایا ہے اس کا خود

سر زیرِ بارِ ساغروبادہ نہیں کیا

کارِ جہاں ہمیں بھی بہت تھے سفر کی شام

اسنےبھی التفات زیادہ نہیں کیا

آمد پہ تیری عطر و چراغ و سبو نہ ہوں

اتنابھی بود و باش کو سادہ نہیں کیا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہ رنگ رنگ میں اُترا، کرن کرن میں رہا

اکتوبر 25, 2015پروین شاکر،شعراء،غزلوطن،کرن،انجمن،بَن،بدنadmin

پروین شاکر ۔ غزل نمبر 28

وہ عکسِ موجہ ءِ گل تھا، چمن چمن میں رہا

وہ رنگ رنگ میں اُترا، کرن کرن میں رہا

وہ نام حاصلِ فن ہوکے میرے فن میں رہا

کہ رُوح بن کے مری سوچ کے بدن میں رہا

سکونِ دل کے لیے میں کہاں کہاں نہ گئی

مگر یہ دل، کہ سدا اُس کی انجمن میں رہا

وہ شہر والوں کے آگے کہیں مہذب تھا

وہ ایک شخص جو شہروں سے دُور بَن میں رہا

چراغ بجھتے رہے اور خواب جلتے رہے

عجیب طرز کا موسم مرے وطن میں رہا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

نیند میں ساری رات چلتا رہا

اکتوبر 25, 2015پروین شاکر،شعراء،غزلملتا،چلتا،پلتا،پَھلتا،بہلتا،بدلتا،جلتاadmin

پروین شاکر ۔ غزل نمبر 27

چاند میری طرح پگھلتا رہا

نیند میں ساری رات چلتا رہا

جانے کس دُکھ سے دل گرفتہ تھا

مُنہ پہ بادل کی راکھ ملتا رہا

میں تو پاؤں کے کانٹے چُنتی رہی

اور وہ راستہ بدلتا رہا

رات گلیوں میں جب بھٹکتی تھی

کوئی تو تھا جو ساتھ چلتا رہا

موسمی بیل تھی مَیں ، سُوکھ گئی

وہ تناور درخت، پَھلتا رہا

سَرد رُت میں ، مُسافروں کے لیے

پیڑ ، بن کر الاؤ ، جلتا رہا

دل ، مرے تن کا پُھول سا بچّہ

پتّھروں کے نگر میں پلتا رہا

نیند ہی نیند میں کھلونے لیے

خواب ہی خواب میں بہلتا رہا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بچھڑنے والوں میں اک میرا ہمسفر ہی نہ تھا

اکتوبر 25, 2015پروین شاکر،شعراء،غزلہمسفر،ہنر،ور،گر،گزر،بھنور،در،زر،شجرadmin

پروین شاکر ۔ غزل نمبر 26

تمام لوگ اکیلے، کوئے رہبر ہی نہ تھا

بچھڑنے والوں میں اک میرا ہمسفر ہی نہ تھا

برہنہ شاخوں کا جنگل گڑا تھا آنکھوں میں

وہ رات تھی کہ کہیں چاند کا گزر ہی نہ تھا

تمھارے شہر کی ہر چھاؤں مہرباں تھی مگر

جہاں پہ دھوپ کھڑی تھی وہاں شجر ہی نہ تھا

سمیٹ لیتی شکستہ گلاب کی خوشبو

ہوا کے ہاتھ میں ایسا کوئی ہنر ہی نہ تھا

میں اتنے سانپوں کو رستے میں دیکھ آئی تھی

کہ ترے شہر میں پہنچی تو کوئی ڈر ہی نہ تھا

کہاں سے آتی کرن زندگی کے زنداں میں

وہ گھر ملا تھا مجھے جس میں کوئی در ہی نہ تھا

بدن میں پھیل گیا شرخ بیل کی مانند

وہ زخم سوکھتا کیا، جس کا چارہ گر ہی نہ تھا

ہوا کے لائے ہوئے بیج پھر ہوا میں گئے

کھلے تھے پھول کچھ ایسے کہ جن میں زر ہی نہ تھا

قدم تو ریت پہ ساحل نے بھی رکھنے دیا

بدن کو جکڑے ہوئے صرف اک بھنور ہی نہ تھا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سرطان مرا ستارا کب تھا

اکتوبر 25, 2015پروین شاکر،شعراء،غزلہمارا،گوارا،گزارا،اشارا،تارا،سنوارا،سارا،ستاراadmin

پروین شاکر ۔ غزل نمبر 25

یوں حوصلہ دل نے ہارا کب تھا

سرطان مرا ستارا کب تھا

لازم تھا گزرنا زندگی سے

بِن زہر پیئے گزارا کب تھا

کچھ پل مگر اور دیکھ سکتے

اشکوں کو مگر گوارا کب تھا

ہم خود بھی جُدائی کا سبب تھے

اُس کا ہی قصور سارا کب تھا

اب اور کے ساتھ ہے تو کیا دکھ

پہلے بھی وہ ہمارا کب تھا

اِک نام پہ زخم کھل اٹھے تھے

قاتل کی طرف اشارا کب تھا

آئے ہو تو روشنی ہوئی ہے

اس بام پہ کوئی تارا کب تھا

دیکھا ہوا گھر تھا پر کسی نے

دُلہن کی طرح سنوارا کب تھا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پلک جھپکتے ، ہَوا میں لکیر ایسا تھا

اکتوبر 25, 2015پروین شاکر،شعراء،غزللکیر،اسیر،تیر،خمیر،سفیر،شریرadmin

پروین شاکر ۔ غزل نمبر 24

وہی پرند کہ کل گوشہ گیر ایسا تھا

پلک جھپکتے ، ہَوا میں لکیر ایسا تھا

اسے تو دوست ہاتھوں کی سُوجھ بوجھ بھی تھے

خطا نہ ہوتا کسی طور ، تیر ایسا تھا

پیام دینے کا موسم نہ ہم نوا پاکر

پلٹ گیا دبے پاؤں ، سفیر ایسا تھا

کسی بھی شاخ کے پیچھے پناہ لیتی میں

مجھے وہ توڑ ہی لیتا، شریر ایسا تھا

ہنسی کے رنگ بہت مہربان تھے لیکن

اُداسیوں سے ہی نبھتی ، خمیر ایسا تھا

ترا کمال کہ پاؤں میں بیڑیاں ڈالیں

غزالِ شوق کہاں کا اسیر ایسا تھا!

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہ جو اس کی صبحِ عروج تھی وہی میرا وقتِ زوال تھا

اکتوبر 25, 2015پروین شاکر،شعراء،غزلکمال،زوال،سوالadmin

پروین شاکر ۔ غزل نمبر 23

اسے اپنے فردا کی فکر تھی وہ جو میرا واقفِ حال تھا

وہ جو اس کی صبحِ عروج تھی وہی میرا وقتِ زوال تھا

کہاں جاؤ گےمجھے چھوڑ کے، میں یہ پوچھ پوچھ کے تھک گئی

وہ جواب مجھ کو دے نہ سکا وہ تو خود سراپا سوال تھا

وہ ملا تو صدیوں کے بعد بھی میرے لب پر کوئی گلہ نہ تھا

اسے میری چپ نے رلا دیا جسے گفتگو پر کمال تھا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہ لمس میرے بدن کو گلاب کر دے گا

اکتوبر 25, 2015پروین شاکر،شعراء،غزلچناب،کتاب،گلاب،آفتاب،انتخاب،اِنتساب،جواب،خوابadmin

پروین شاکر ۔ غزل نمبر 22

دھنک دھنک مری پوروں کے خواب کر دے گا

وہ لمس میرے بدن کو گلاب کر دے گا

قبائے جسم کے ہر تار سے گزرتا ہُوا

کرن کا پیار مجھے آفتاب کر دے گا

جنوں پسند ہے دل اور تجھ تک آنے میں

بدن کو ناؤ،لُہو کو چناب کر دے گا

میں سچ کہوں گی مگر پھر بھی ہار جاؤں گی

وہ جھوٹ بولے گا، اورلا جواب کر دے گا

اَنا پرست ہے اِتنا کہ بات سےپہلے

وہ اُٹھ کے بند مری ہر کتاب کر دے گا

سکوتِ شہرِ سخن میں وہ پُھول سا لہجہ

سماعتوں کی فضا خواب خواب کر دے گا

اسی طرح سے اگر چاہتا رہا پیہم

سخن وری میں مجھے انتخاب کر دے گا

مری طرح سے کوئی ہے جو زندگی ا پنی

تُمھاری یاد کے نام اِنتساب کر دے گا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مسئلہ پُھول کا ہے ، پُھول کدھر جائے گا

اکتوبر 25, 2015پروین شاکر،شعراء،غزلکدھر،گُزر،ٹھہر،اُتر،سرadmin

پروین شاکر ۔ غزل نمبر 21

وہ تو خوشبو ہے ، ہواؤں میں بکھر جائے گا

مسئلہ پُھول کا ہے ، پُھول کدھر جائے گا

ہم تو سمجھے تھے کہ اِک زخم ہے ، بھر جائے گا

کیا خبر تھی کہ رگِ جاں میں اُتر جائے گا

وہ ہواؤں کی طرح خانہ بجاں پھرتا ہے

ایک جھونکا ہے جو آئے گا، گُزر جائے گا

وہ جب آئے گا تو پھر اُس کی رفاقت کے لیے

موسمِ گُل مرے آنگن میں ٹھہر جائے گا

آخرش وہ بھی کہیں ریت پہ بیٹھی ہو گی

تیرا یہ پیار بھی دریا ہے ،اُتر جائے گا

مجھ کو تہذیب کے برزخ کا بنایا وارث

جُرم یہ بھی مرے اجداد کے سر جائے گا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اے چشمِ انتظار ! ترا زخم سِل چُکا

اکتوبر 25, 2015پروین شاکر،شعراء،غزلمِل،چِھل،کھِل،گِل،سِلadmin

پروین شاکر ۔ غزل نمبر 20

جب سوزنِ ہوا میں پرویا ہو تارِ خوں

اے چشمِ انتظار ! ترا زخم سِل چُکا

آنکھوں پہ آج چاند نے افشاں چُنی تو کیا

تارہ سا ایک خواب تو مٹی میں مِل چُکا

آئے ہوائے زرد کہ طوفان برف کا

مٹّی کی گود کر کے ہری ، پُھول کھِل چُکا

بارش نے ریشے ریشے میں رَس بھر دیا ہے اور

خوش ہے کہ یوں حسابِ کرم ہائے گِل چُکا

چُھو کر ہی آئیں منزلِ اُمید ہاتھ سے

کیا راستے سے لَوٹنا ، جب پاؤں چِھل چُکا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سِواہے رنج ہمیں تیری بے وفائی کا

اکتوبر 25, 2015پروین شاکر،شعراء،غزلنارسائی،وفائی،آزمائی،بُرائی،بڑائی،بھائی،جدائی،رہنمائی،ردائیadmin

پروین شاکر ۔ غزل نمبر 19

شدید دُکھ تھا اگرچہ تری جُدائی کا

سِواہے رنج ہمیں تیری بے وفائی کا

تجھے بھی ذوق نئے تجربات کا ہو گا

ہمیں بھی شوق تھا کُچھ بخت آزمائی کا

جو میرے سر سے دوپٹہ نہ ہٹنے دیتا تھا

اُسے بھی رنج نہیں میری بے ردائی کا

سفر میں رات جو آئی تو ساتھ چھوڑ گئے

جنھوں نے ہاتھ بڑھایا تھا رہنمائی کا

ردا چھٹی مرے سر سے،مگر میں کیا کہتی

کٹا ہُوا تو نہ تھا ہاتھ میرے بھائی کا

ملے تو ایسے،رگِ جاں کو جیسے چُھو آئے

جُدا ہُوئے تو وہی کرب نارسائی کا

کوئی سوال جو پُوچھے ،تو کیا کہوں اُس سے

بچھڑنے والے!سبب تو بتا جدائی کا

میں سچ کو سچ ہی کہوں گی ،مجھے خبر ہی نہ تھی

تجھے بھی علم نہ تھا میری اس بُرائی کا

نہ دے سکا مجھے تعبیر،خواب تو بخشے

میں احترام کروں گی تری بڑائی کا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میرے دل پہ چھایا ہے میرے گھر کا سناٹا

اکتوبر 25, 2015پروین شاکر،شعراء،غزلنظر،گھر،بھر،دوپہر،رہگزرadmin

پروین شاکر ۔ غزل نمبر 18

آنگنوں میں اُترا ہے بام و در کا سناٹا

میرے دل پہ چھایا ہے میرے گھر کا سناٹا

رات کی خموشی تو پھر بھی مہرباں نکلی

کِتنا جان لیوا ہے دوپہر کا سناٹا

صُبح میرے جُوڑے کی ہر کلی سلامت نکلی

گونجتا تھا خوشبو میں رات بھر کا سناٹا

اپنی دوست کو لے کر تم وہاں گئے ہو گے

مجھ کو پوچھتا ہو گا رہگزر کا سناٹا

خط کو چُوم کر اُس نے آنکھ سے لگایا تھا

کُل جواب تھا گویا لمحہ بھر کا سناٹا

تُونے اُس کی آنکھوں کو غور سے پڑھا قاصد!

کُچھ تو کہہ رہا ہو گا اُس نظر کا سناٹا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مُسکراتے ہوئے رخصت کرنا

اکتوبر 25, 2015پروین شاکر،شعراء،غزلمحبت،وحشت،حُجت،رخصت،زحمتadmin

پروین شاکر ۔ غزل نمبر 17

دل پہ اِک طرفہ قیامت کرنا

مُسکراتے ہوئے رخصت کرنا

اچھی آنکھیں جو ملی ہیں اُس کو

کچھ تو لازم ہُوا وحشت کرنا

جُرم کس کا تھا سزا کِس کو مِلی

کیا گئی بات پہ حُجت کرنا

کون چاہے گا تمھیں میری طرح

اب کِسی سے نہ محبت کرنا

گھر کا دروازہ کھلا رکھا ہے

وقت مِل جائے تو زحمت کرنا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

نیند کی جھیل پہ اِک خواب پرانا اُترا

اکتوبر 25, 2015پروین شاکر،شعراء،غزللکھا،کیا،گہرا،پرانا،اُترا،دریا،صحراadmin

پروین شاکر ۔ غزل نمبر 16

پانیوں پانیوں جب چاند کا ہالہ اُترا

نیند کی جھیل پہ اِک خواب پرانا اُترا

آزمائش میں کہاں عشق بھی پُورا اُترا

حسن کے آگے تو تقدیر کا لکھا اُترا

دُھوپ ڈھلنے لگی،دیوار سے سایا اُترا

سطح ہموار ہُوئی،پیار کا دریا اُترا

یاد سے نام مٹا،ذہن سے چہرہ اُترا

چند لمحوں میں نظر سے تری کیا کیا اُترا

آج کی شب میں پریشاں ہوں تو یوں لگتا ہے

آج مہتاب کا چہرہ بھی ہے اُترا اُترا

میری وحشت رمِ آہو سے کہیں بڑھ کر تھی

جب مری ذات میں تنہائی کا صحرا اُترا

اِک شبِ غم کے اندھیرے پہ نہیں ہے موقوف

تونے جو زخم لگایا ہے وہ گہرا اُترا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میں جانتی تھی، پال رہی ہوں سنپولیے

اکتوبر 25, 2015پروین شاکر،شعراء،غزللیے،کھولیے،گھولیے،سنپولیےadmin

پروین شاکر ۔ غزل نمبر 15

ڈسنے لگے ہیں خواب مگر کِس سے بولیے

میں جانتی تھی، پال رہی ہوں سنپولیے

بس یہ ہُوا کہ اُس نے تکلّف سے بات کی

اور ہم نے روتے روتے دوپٹے بھگو لیے

پلکوں پہ کچی نیندوں کا رَس پھیلتا ہو جب

ایسے میں آنکھ دُھوپ کے رُخ کیسے کھولیے

تیری برہنہ پائی کے دُکھ بانٹتے ہُوئے

ہم نے خُود اپنے پاؤں میں کانٹے چبھو لیے

میں تیرا نام لے کے تذبذب میں پڑ گئی

سب لوگ اپنے اپنے عزیزوں کو رو لیے!

’’خوشبو کہیں نہ جائے‘‘ یہ اصرار ہے بہت

اور یہ بھی آرزو کہ ذرا زُلف کھولیے

تصویر جب نئی ہے ، نیا کینوس بھی ہے

پھر طشتری میں رنگ پُرانے نہ گھولیے

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

برسات میں بھی یاد نہ جب اُن کو ہم آئے

اکتوبر 25, 2015پروین شاکر،شعراء،غزلچھنکائے،پلائے،آئے،بُلائے،جائے،دکھائےadmin

پروین شاکر ۔ غزل نمبر 14

اب کون سے موسم سے کوئی آس لگائے

برسات میں بھی یاد نہ جب اُن کو ہم آئے

مٹّی کی مہک سانس کی خوشبو میں اُتر کر

بھیگے ہوئے سبزے کی ترائی میں بُلائے

دریا کی طرح موج میں آئی ہُوئی برکھا

زردائی ہُوئی رُت کو ہرا رنگ پلائے

بوندوں کی چھما چھم سے بدن کانپ رہا ہے

اور مست ہوا رقص کی لَے تیز کیے جائے

شاخیں ہیں تو وہ رقص میں ، پتّے ہیں تو رم میں

پانی کا نشہ ہے کہ درختوں کو چڑھا جائے

ہر لہر کے پاؤں سے لپٹنے لگے گھنگھرو

بارش کی ہنسی تال پہ پا زیب جو چھنکائے

انگور کی بیلوں پہ اُتر آئے ستارے

رکتی ہوئی بارش نے بھی کیا رنگ دکھائے

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ذرا سی دُھوپ نکل آئی اور ماند ہُوئی

اکتوبر 25, 2015پروین شاکر،شعراء،غزلہوئی،ہُوئیadmin

پروین شاکر ۔ غزل نمبر 13

میں جگنوؤں کی طرح رات بھر کا چاند ہُوئی

ذرا سی دُھوپ نکل آئی اور ماند ہُوئی

حدودِ رقص سے آگے نکل گئی تھی کبھی

سو مورنی کی طرح عمر بھر کو راند ہوئی

مہِ تمام ! ابھی چھت پہ کون آیا تھا

کہ جس کے آگے تری روشنی بھی ماند ہوئی

ٹکے کا چارہ نہ گیّا کو زندگی میں دیا

جو مر گئی ہے تو سونے کے مول ناند ہوئی

نہ پُوچھ ، کیوں اُسے جنگل کی رات اچھی لگی

وہ لڑکی تھی جو کہ کبھی تیرے گھر کا چاند ہوئی

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اچھی ندیا! آج ذرا آہستہ بہہ

اکتوبر 25, 2015پروین شاکر،شعراء،غزلکہہ،بہہ،راہ،سہہadmin

پروین شاکر ۔ غزل نمبر 12

ہم سے جو کُچھ کہنا ہے وہ بعد میں کہہ

اچھی ندیا! آج ذرا آہستہ بہہ

ہَوا! مرے جُوڑے میں پُھول سجاتی جا

دیکھ رہی ہوں اپنے من موہن کی راہ

اُس کی خفگی جاڑے کی نرماتی دُھوپ

پاروسکھی! اس حّدت کو ہنس کھیل کے سہہ

آج تو سچ مچ کے شہزادے آئیں گے

نندیا پیاری! آج نہ کُچھ پریوں کی کہہ

دوپہروں میں جب گہرا سناٹا ہو

شاخوں شاخوں موجِ ہَوا کی صُورت بہہ

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کشش بچھانے لگا ہے ہر اگلا سیارہ

اکتوبر 25, 2015پروین شاکر،شعراء،غزلہوا،لگا،گا،ٹھہرا،تھا،خلا،سیارہadmin

پروین شاکر ۔ غزل نمبر 11

زمیں کے حلقے سے نکلا تو چاند پچھتایا

کشش بچھانے لگا ہے ہر اگلا سیارہ

میں پانیوں کی مسافر ، وہ آسمانوں کا

کہاں سے ربط بڑھائیں کہ درمیاں ہے خلا

بچھڑتے وقت دلوں کو اگرچہ دُکھ تو ہُوا

کُھلی فضا میں مگر سانس لینا اچھا ہو گا

جو صرف رُوح تھا ، فرقت میں بھی ، وصال میں بھی

اُسے بدن کے اثر سے رہا تو ہونا تھا

گئے دنوں جو تھا ذہن و جسم کی لذّت

وہی وصال طبیعت کا جبر بننے لگا

چلی ہے تھام کے بادل کے ہاتھ کو خوشبو

ہوا کے ساتھ سفر کا مقابلہ ٹھہرا

برس سکے تو برس جائے اس گھڑی ، ورنہ

بکھیر ڈالے گی بادل کے سارے خواب ، ہوا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سیلاب کی سماعتیں ، آندھی کو رہن تھیں

اکتوبر 25, 2015پروین شاکر،شعراء،غزلہوئیں،کہیں،گئیں!،تھیں،دیں،رہیں،زمیںadmin

پروین شاکر ۔ غزل نمبر 10

کیا ڈوبتے ہَوؤں کی صدائیں سمیٹتیں

سیلاب کی سماعتیں ، آندھی کو رہن تھیں

کائی کی طرح لاشیں چٹانوں پہ اُگ گئیں

زر خیزیوں سے اپنی پریشان تھی زمیں

پیڑوں کا ظرف وہ کہ جڑیں تک نکال دیں

پانی کی پیاس ایسی کہ بجھتی نہ تھی کہیں

بچوں کے خواب پی کے بھی حلقوم خشک تھے

دریا کی تشنگی میں بڑی وحشتیں رہیں

بارش کے ہاتھ چُنتے رہے بستیوں سے خواب

نیندیں ہوائے تُند کی موجوں کو بھا گئیں

ملبے سے ہر مکان کے ، نکلے ہوئے تھے ہاتھ

آندھی کو تھامنے کی بڑی کوششیں ہوئیں

تعویذ والے ہاتھ مگر مچھ کے پاس تھے

تہہ سے ، دُعا لکھی ہُوئی پیشانیاں تھیں

موجوں کے ساتھ سانپ بھی پھنکارنے لگے

جنگل کی وحشتیں بھی سمندر سے مل گئیں

بس رقص پانیوں کا تھا وحشت کے راگ پر

دریا کو سب دھنیں تو ہَواؤں نے لکھ کے دیں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آسمانوں پہ کہیں تنگ نہ ہو جائے زمیں

اکتوبر 25, 2015پروین شاکر،شعراء،غزلہُوئیں،لگیں،کہیں،گئیں!،ٹکیں،زمیںadmin

پروین شاکر ۔ غزل نمبر 9

ذرے سرکش ہُوئے ، کہنے میں ہوائیں بھی نہیں

آسمانوں پہ کہیں تنگ نہ ہو جائے زمیں

آ کے دیوار پہ بیٹھی تھیں کہ پھر اُڑ نہ سکیں

تتلیاں بانجھ مناظر میں نظر بند ہُوئیں

پیڑ کی سانسوں میں چڑیا کا بدن کھنچتا گیا

نبض رُکتی گئی ، شاخوں کی رگیں کھلتی گئیں

ٹوٹ کر اپنی اُڑانوں سے ، پرندے آئے

سانپ کی آنکھیں درختوں پہ بھی اب اُگنے لگیں

شاخ در شاخ اُلجھتی ہیں رگیں پَیڑوں کی

سانپ سے دوستی ، جنگل میں نہ بھٹکائے کہیں

گود لے لی ہے چٹانوں نے سمندر سے نمی

جھوٹے پُھولوں کے درختوں پہ بھی خوشبوئیں ٹکیں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آؤ کوئی زخم گر تلاشیں

اکتوبر 25, 2015پروین شاکر،شعراء،غزلقاشیں،لاشیں،تلاشیں،تاشیں،تراشیںadmin

پروین شاکر ۔ غزل نمبر 8

مرجھانے لگی ہیں پھر خراشیں

آؤ کوئی زخم گر تلاشیں

ملبوس برہنہ کھیتوں کے

پیراہنِ اَبر سے تراشیں

بادل ہیں کہ نیلی طشتری میں

رقصاں ہیں سفید یوں کی قاشیں

پیڑوں کی قبا ہی تھی قیامت

اوراُس پہ بہار کی تراشیں

تاروں کی تو چال اور ہی تھی

جیتا کیے ہم اگرچہ تاشیں

اہرام ہے یا کہ شہر میرا

انسان ہیں یا حنوط لاشیں

سڑکوں پہ رواں ، یہ آدمی ہیں

یا نیند میں چل رہی ہیں لاشیں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہَوا ہوں ، اپنی گرہیں آپ کھولوں

اکتوبر 25, 2015پروین شاکر،شعراء،غزللوں،کھولوں،گھولوں،بولوں،رولوں،سمولوں،سولوںadmin

پروین شاکر ۔ غزل نمبر 7

نہ قرضِ ناخنِ گُل ، نام کو لُوں

ہَوا ہوں ، اپنی گرہیں آپ کھولوں

تری خوشبو بچھڑ جانے سے پہلے

میں اپنے آپ میں تجھ کو سمولوں

کُھلی آنکھوں سے سپنے قرض لے کر

تری تنہائیوں میں رنگ گھولوں

ملے گی آنسوؤں سے تن کو ٹھنڈک

بڑی لُو ہے ، ذرا آنچل بھگو لوں

وہ اب میری ضرورت بن گیا ہے

کہاں ممکن رہا ، اُس سے نہ بولوں

میں چڑیا کی طرح ، دن بھر تھکی ہوں

ہُوئی ہے شام تو کُچھ دیر سولوں

چلوں مقتل سے اپنے شام ، لیکن

میں پہلے اپنے پیاروں کو تو رولوں

مرا نوحہ کناں کوئی نہیں ہے

سو اپنے سوگ میں خُود بال کھولوں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کس مان پہ تجھ کو آزماؤں

اکتوبر 25, 2015پروین شاکر،شعراء،غزللگاؤں،لاؤں،آؤں،آزماؤں،بڑھاؤں،جاؤں،دکھاؤںadmin

پروین شاکر ۔ غزل نمبر 6

اب کیا ہے جو تیرے پاس آؤں

کس مان پہ تجھ کو آزماؤں

زخم اب کے تو سامنے سے کھاؤں

دشمن سے نہ دوستی بڑھاؤں

تتلی کی طرح جو اُڑ چکا ہے

وہ لمحہ کہاں سے کھوج لاؤں

گروی ہیں سماعتیں بھی اب تو

کیا تیری صدا کو منہ دکھاؤں

اے میرے لیے نہ دُکھنے والے!

کیسے ترے دُکھ سمیٹ لاؤں

یوں تیری شناخت مجھ میں اُترے

پہچان تک اپنی بُھول جاؤں

تیرے ہی بھلے کو چاہتی ہوں

میں تجھ کو کبھی نہ یاد آؤں

قامت سے بڑی صلیب پاکر

دُکھ کو کیوں کر گلے لگاؤں

دیوار سے بیل بڑھ گئی ہے

پھر کیوں نہ ہَوا میں پھیل جاؤں

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تمام رات میں یاقوت چُن رہی تھی مگر

اکتوبر 25, 2015پروین شاکر،شعراء،غزلمگر،کھنڈر،کر،اُتر،سفر،صَرadmin

پروین شاکر ۔ غزل نمبر 5

چراغِ ماہ لیے تجھ کو ڈھونڈتی گھر گھر

تمام رات میں یاقوت چُن رہی تھی مگر

یہ کیا کہ تری خوشبو کا صرف ذکر سُنوں

توعکسِ موجہ ءِ گُل ہے تو جسم وجاں میں اُتر

ذرا یہ حبس کٹے،کُھل کے سانس لے پاؤں

کوئی ہوا تو رواں ہو، صبا ہو یا صَر صَر

گئے دنوں کے تعاقب میں تتلیوں کی طرح

ترے خیال کے ہمراہ کر رہی ہوں سفر

ٹھہر گئے ہیں قدم،راستے بھی ختم ہُوئے

مسافتیں رگ وپے میں اُتر رہی ہیں مگر

میں سوچتی تھی،ترا قرب کچھ سکوں دے گا

اُداسیاں ہیں کہ کُچھ اور بڑھ گئیں مِل کر

ترا خیال،کہ ہے تارِ عنکبوت تمام

مرا وجود،کہ جیسے کوئی پُرانا کھنڈر

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آئی ہے عجب گھڑی وفا پر

اکتوبر 25, 2015پروین شاکر،شعراء،غزلور،کھوکر،گھر،پر،تھوہر،سمندر،سرadmin

پروین شاکر ۔ غزل نمبر 4

مٹّی کی گواہی خوں سے بڑھ کر

آئی ہے عجب گھڑی وفا پر

کس خاک کی کوکھ سے جنم لیں

آئے ہیں جو اپنے بیج کھوکر

کانٹا بھی یہاں کا برگِ تر ہے

باہر کی کلی ببول ، تھوہر

قلموں سے لگے ہُوئے شجر ہم

پل بھر میں ہوں کِس طرح ثمر ور

کچھ پیڑ زمین چاہتے ہیں

بیلیں تو نہیں اُگیں ہوا پر

اس نسل کا ذہن کٹ رہا ہے

اگلوں نے کٹائے تھے فقط سر

پتّھر بھی بہت حسیں ہیں لیکن

مٹّی سے ہی بن سکیں گے کچھ گھر

ہر عشق گواہ ڈھونڈتا ہے

جیسے کہ نہیں یقیں خود پر

بس اُن کے لیے نہیں جزیرہ

پَیر آئے جو کھولتے سمندر

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

فرد فرد

اکتوبر 25, 2015پروین شاکر،شعراء،غزلفہمی،ہیں،ہے،نہیں،کیا،گھاس،گئے،ایساadmin

متفرق اشعار

خُوشبو بتا رہی ہے کہ وہ راستے میں ہے

موجِ ہَوا کے ہاتھ میں اس کا سُراغ ہے

---

ہمیں خبر ہے ،ہَوا کا مزاج رکھتے ہو

مگر یہ کیا ، کہ ذرا دیر کو رُکے بھی نہیں

---

تو بدلتا ہے تو بے ساختہ میری آنکھیں

میرے ہاتھوں کی لکیروں سے اُلجھ جاتی ہیں

---

میں جب بھی چاہوں ، اُسے چھُو کے دیکھ سکتی ہوں

مگر وہ شخص کہ لگتا ہے اب بھی خواب ایسا

---

ہمارے عہد میں شاعر کے نرخ کیوں نہ بڑھیں

امیرِ شہر کو لاحق ہُوئی سخن فہمی

---

گھر کی ویرانی کی دوست

دیواروں پر اُگتی گھاس

---

حال پوُچھا تھا اُس نے ابھی

اور آنسو رواں ہو گئے

---

لو! میں آنکھیں بند کیے لیتی ہوں ، اب تم رخصت ہو

دل تو جانے کیا کہتا ہے،لیکن دل کا کہنا کیا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میں راہ دیکھتی رہی وہ راستہ بدل گیا

اکتوبر 25, 2015پروین شاکر،شعراء،غزللگا،گیا،آسکا،جا،رہاadmin

پروین شاکر ۔ غزل نمبر 2

تمام رات میرے گھر کا ایک در کُھلا رہا

میں راہ دیکھتی رہی وہ راستہ بدل گیا

وہ شہر ہے کہ جادوگرنیوں کا کوئی دیس ہے

وہاں تو جوگیا،کبھی بھی لوٹ کر نہ آسکا

میں وجہِ ترکِ دوستی کو سُن کر مُسکرائی تو

وہ چونک اُٹھا۔عجب نظر سے مجھ کو دیکھنے لگا

بچھڑ کے مُجھ سے، خلق کو عزیز ہو گیا ہے تُو

مجھے تو جو کوئی ملا، تجھی کو پُوچھتا رہا

وہ دلنواز لمحے بھی گئی رُتوں میں آئے۔جب

میں خواب دیکھتی رہی، وہ مجھ کو دیکھتا رہا

وہ جس کی ایک پل کی بے رُخی بھی دل کو بار تھی

اُسے خود اپنے ہاتھ سے لکھا ہے۔مجھ کو بُھول جا

دمک رہا ہے ایک چاند سا جبیں پہ اب تلک

گریزپا محبتوں کا کوئی پل ٹھہر گیا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

براہِ راست مُلاقات کو زمانہ ہُوا

اکتوبر 25, 2015پروین شاکر،شعراء،غزلہوا،ہُوا،دِکھاناہُواadmin

پروین شاکر ۔ غزل نمبر 1

وہ جب سے شہر خرابات کو روانہ ہُوا

براہِ راست مُلاقات کو زمانہ ہُوا

وہ شہر چھوڑ کے جانا تو کب سے چاہتا تھا

یہ نوکری کا بُلاوا تو اِک بہانہ ہوا

خُدا کرے تری آنکھیں ہمیشہ ہنستی رہیں

یہ آنکھیں جن کو کبھی دُکھ کا حوصلہ نہ ہُوا

کنارِ صحن چمن سبز بیل کے نیچے

وہ روز صبح کا مِلنا تو اَب فسانہ ہُوا

میں سوچتی ہوں کہ مُجھ میں کمی تھی کِس شے کی

کہ سب کا ہوکے رہا وہ، بس اِک مرا نہ ہُوا

کِسے بُلاتی ہیں آنگن کی چمپئی شامیں

کہ وہ اَب اپنے نئے گھر میں بھی پرانا ہُوا

دھنک کے رنگ میں ساری تو رنگ لی میں نے

اب یہ دُکھ ، کہ پہن کرکِسے دِکھاناہُوا

میں اپنے کانوں میں بیلے کے پُھول کیوں پہنوں

زبانِ رنگ سے کِس کو مُجھے بُلانا ہُوا

پروین شاکر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

فرد فرد

اکتوبر 25, 2015قمر جلالوی،شعراء،غزلمیخانہ،ناخدا،وفا،کاشانہ،گزر،پرadmin

منانے کو مجھے آئے ہو دشمن سے خفا ہو کر

وفاداری کے وعدے کر رہے ہو بے وفا ہو کر

نہ ابھری گردشِ تقدیر سے یہ ڈوبتی کشتی

میں خود شرما گیا منت گزارِ ناخدا ہو کر

---

ضد ہے ساقی سے کہ بھر دے میرا پیمانہ ابھی

شیخ صاحب سیکھیئے آدابِ میخانہ ابھی

باغباں توہینِ گلشن چار تنکوں کے لئے

برق سے کہہ دے بنا جاتا ہے کاشانہ ابھی

---

یہ مانا برق کے شعلے مرا گھر پھونک کر جاتے

مگر کچھ حادثے پھولوں کے اوپر بھی گزر جاتے

مرے کہنے سے گر اے ہم قفس خاموش ہو جاتا

نہ تیرے بال و پَر جاتے نہ میرے بال و پر جاتے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہ میرے سامنے تھے مگر کچھ نہ پوچھیے

اکتوبر 25, 2015قمر جلالوی،شعراء،غزلقمر،مگر،گھر،پہر،جگر،راہگزرadmin

قمر جلالوی ۔ غزل نمبر 145

ان کی تجلیوں کا اشر کچھ نہ پوچھیے

وہ میرے سامنے تھے مگر کچھ نہ پوچھیے

از شامِ ہجر تا بہ سحر کچھ نہ پوچھیے

کٹتے ہیں کیسے چار پہر کچھ نہ پوچھیے

بجلی جو شاخ، گل پہ گری اس کا غم نہیں

لیکن وہ اک غریب کا گھر کچھ نہ پوچھیے

ہو ایک راستہ تو کوئی ڈھونڈے انھیں

کتنی ہے ان کی راہگزر کچھ نہ پوچھیے

تنکے وہ نرم نرم سے پھولوں کی چھاؤں میں

کیسا بنا تھا باغ میں گھر کچھ نہ پوچھیے

بس آپ دیکھ جایئے صورت مریض کی

نبضوں کا حال دردِ جگر کچھ نہ پوچھیے

جب چاندنی میں آ کے ہوئے تو وہ میہماں

تاروں بھری وہ رات قمر کچھ نہ پوچھیے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سوئے در دیکھا تو پہروں سوئے در دیکھا کیے

اکتوبر 25, 2015قمر جلالوی،شعراء،غزلمگر،نظر،گھر،گر،اگر،ادھر،بھر،در،سحرadmin

قمر جلالوی ۔ غزل نمبر 144

ان کے جاتے ہی وحشت کا اثر دیکھا کیے

سوئے در دیکھا تو پہروں سوئے در دیکھا کیے

دل کو وہ کیا دیکھتے سوزِ جگر دیکھا کیے

لگ رہی تھی آگ جس گھر میں وہ گھر دیکھا کیے

ان کی محفل میں انھیں سب رات بھر دیکھا کیے

ایک ہم ہی تھے کہ اک اک کی نظر دیکھا کیے

تم سرہانے سے گھڑی بھر کے لیئے منہ پھیر لو

دم نہ نکلے گا مری صورت اگر دیکھا کیے

میں کچھ اس حالت سے ان کے سامنے پہنچا کہ وہ

گو مری صورت سے نفرت تھی مگر دیکھا کیے

فائدہ کیا ایسی شرکت سے عدو کی بزم میں

تم ادھر دیکھا کیے اور ہم ادھر دیکھا کیے

شام سے یہ تھی ترے بیمار کی حالت کہ لوگ

رات بھر اٹھ اٹھ کے آثار سحر دیکھا کیے

بس ہی کیا تھا بے زباں کہتے ہی کیا صیاد سے

یاس کی نظروں سے مڑ کر اپنا گھر دیکھا کیے

موت آ کر سامنے سے لے گئی بیمار کو

دیکھئے چارہ گروں کو چارہ گر دیکھا کیے

رات بھر تڑپا کیا ہے دردِ فرقت سے قمر

پوچھ تاروں سے تارے رات بھر دیکھا کیے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

رونق گلستاں میں نہ آئی کمی پھول آتے رہے پھول جاتے رہے

اکتوبر 25, 2015قمر جلالوی،شعراء،غزلبناتے،جگمگاتے،جاتےadmin

قمر جلالوی ۔ غزل نمبر 143

فصلِ گلشن وہی فصلِ گلشن رہی لاکھ گلچیں ستم روز ڈھاتے رہے

رونق گلستاں میں نہ آئی کمی پھول آتے رہے پھول جاتے رہے

یوں نہ اہلِ محبت کو برباد کر ختم ہو جائیں گی حسن کی منتیں

کون پھر تیرے قدموں پہ رکھے گا سر ہم اگر تیرے ہاتھوں سے جاتے رہے

جرأتِ عشقِ گلشن ذرا دیکھئے سر پہ دیکھی بلا اور پرو نہ کی

برق ادھر آسماں پر چمکتی رہی ہم ادھر آشیانہ بناتے رہے

اف پسِ قتل وہ عالمِ بے کسی کوئی مصروفِ ماتم نہ گور و کفن

لاش جب تک مری رہگزر میں رہی راستہ چھوڑ کر لوگ جاتے رہے

ہجر کی رات ہے مانگئے یہ دعا ابر چھا جائے اندازۂ شب نہ ہو

اے قمر صبح دشوار ہو جائے گی یہ ستارے اگر جگمگاتے رہے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آپ کیا کہہ کہ ہمیں لائے تھے کچھ یاد بھی ہے

اکتوبر 25, 2015قمر جلالوی،شعراء،غزلفریاد،یاد،آباد،برباد،دادadmin

قمر جلالوی ۔ غزل نمبر 142

یہ جفائیں تو وہی ہیں وہی بیداد بھی ہے

آپ کیا کہہ کہ ہمیں لائے تھے کچھ یاد بھی ہے

کیوں قفس والوں پہ الزامِ فغاں ہے ناحق

ان میں صیاد کوئی قابلِ فریاد بھی ہے

آشیاں کی خبر تجھ کو نہیں ہے نہ سہی

یہ تو صیاد بتا دے چمن آباد بھی ہے

اپنے رہنے کو مکاں لے لیئے تم نے لیکن

یہ نہ سوچا کہ کوئی خانماں برباد بھی ہے

کارواں لے کے تو چلتا ہے مگر یہ تو بتا

راہِ منزل تجھے اے راہ نما یاد بھی ہے

تو حقارت سے جنہیں دیکھ رہا ساقی

کچھ انھیں لوگوں سے یہ میکدہ آباد بھی ہے

اِک تو حق دارِ نوازش ہے قمر خانہ خراب

دوسرے مملکتِ پاکِ خدا داد بھی ہے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دعا کتنی حسیں تھی جس کی یہ تاثیر بگڑی ہے

اکتوبر 25, 2015قمر جلالوی،شعراء،غزلتقدیر،تنویر،تاثیر،تحریر،تصویر،زنجیرadmin

قمر جلالوی ۔ غزل نمبر 141

جوں ہو کر زباں تیری بتِ بے پیر بگڑی ہے

دعا کتنی حسیں تھی جس کی یہ تاثیر بگڑی ہے

وہ میرا نام لکھتے وقت روئے ہوں گے اے قاصد

یہاں آنسو گرے ہوں گے جہاں تحریر بگڑی ہے

مصور اپنی صورت مجھ سے پہچانی نہیں جاتی

میں ایسا ہو گیا ہوں یا مری تصویر بگڑی ہے

چلا میں توڑ کر جب بابِ زنداں غل مچا ڈالے

متی باتوں پہ کیا کیا پاؤں کی زنجیر بگڑی ہے

لٹا ہے کارواں جب آ چکی ہے سامنے منزل

کہاں ٹوٹیں امیدیں اور کہاں تقدیر بگڑی ہے

کیا ہے ہر کڑی کو میں نے ٹیڑھا جوشِ وحشت میں

مرے ہاتھوں ہی میرے پاؤں کی زنجیر بگڑی ہے

قمر اچھا نہیں گیسو رخِ روشن پہ آ جانا

گہن جب بھی لگا ہے چاند کی تنویر بگڑی ہے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کس کو وہ دیکھتے ہیں کس پہ نظر ہوتی ہے

اکتوبر 25, 2015قمر جلالوی،شعراء،غزلنظر،خبر،سرadmin

قمر جلالوی ۔ غزل نمبر 140

اس تفکر میں سرِ بزم سحر ہوتی ہے

کس کو وہ دیکھتے ہیں کس پہ نظر ہوتی ہے

مسکرا کر مجھے یوں دیکھ کے دھوکا تو دو

جانتا ہوں جو محبت کی نظر ہوتی ہے

تم کیا چیز ہو کونین سمٹ آتے ہیں

ایک وہ بھی کششِ ذوقِ نظر ہوتی ہے

آئینہ دیکھنے والے یہ خبر ہے تجھ کو

کبھی انسان پہ اپنی ہی نظر ہوتی ہے

تم مرے سامنے گیسو کو سنوارا نہ کرو

تم تو اٹھ جاتے ہو دنیا مرے سر ہوتی ہے

عشق میں وجہ تباہی نہیں ہوتا کوئی

اپنا دل ہوتا ہے یا اپنی نظر ہوتی ہے

نزع میں سامنے بیمار کے تم بھی آؤ

یہ وہ عالم ہے اک اک پہ نظر ہوتی ہے

دل تڑپتا ہے تو پھر جاتی ہے موت آنکھوں میں

کس غضب کی خلشِ تیرِ نظر ہوتی ہے

جان دے دیں گے کسی دامنِ صحرا میں قمر

مر گیا کون کہاں کس کو خبر ہوتی ہے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مایوس نظر ہے در کی طرف اور جان نکلی جاتی ہے

اکتوبر 25, 2015قمر جلالوی،شعراء،غزلنکلی،ڈھلی،ٹلتی،پھلتی،بدلتی،جلتیadmin

قمر جلالوی ۔ غزل نمبر 139

سانس ان کے مریضِ حسرت کی رک رک کے چلی جاتی ہے

مایوس نظر ہے در کی طرف اور جان نکلی جاتی ہے

چہرے سے سرکتی جاتی ہے زلف ان کی خواب کے عالم میں

وہ ہیں کہ ابھی تک ہوش نہیں اور شب ہے کہ ڈھلی جاتی ہے

اللہ خبر بجلی کو نہ ہو گلچیں کی نگاہِ بد نہ پڑے

جس شاخ پہ تنکے رکھے ہیں وہ پھولتی پھلتی جاتی ہے

عارض پہ نمایاں خال ہوئے پھر سبزۂ خط آغاز ہوا

قرآں تو حقیقت میں ہے وہی تفسیر بدلتی جاتی ہے

توہینِ محبت بھی نہ رہی وہ جورو ستم بھی چھوٹ گئے

پہلے کی بہ نسبت حسن کی اب ہر بات بدلتی جاتی ہے

لاج اپنی مسیحا نے رکھ لی مرنے نہ دیا بیماروں کو

جو موت نہ ٹلنے والی تھی وہ موت بھی ٹلتی جاتی ہے

ہے بزمِ جہاں میں ناممکن بے عشق سلامت حسن رہے

پروانے تو جل کر خاک ہوئے اب شمع بھی جلتی جاتی ہے

شکوہ بھی اگر میں کرتا ہوں تو جورِ فلک کا کرتا ہوں

بے وجہ قمر تاروں کی نظر کیوں مجھ سے بدلتی جاتی ہے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سرِ بزم پہلو میں بیٹھا ہے دشمن قیامت نہیں ہے تو پھر اور کیا ہے

اکتوبر 25, 2015قمر جلالوی،شعراء،غزلفرصت،قیامت،محبت،کدورت،تہمت،صدارت،عبادت،غربتadmin

قمر جلالوی ۔ غزل نمبر 138

کسی نو گرفتارِ الفت کے دل پر یہ آفت نہیں ہے تو پھر اور کیا ہے

سرِ بزم پہلو میں بیٹھا ہے دشمن قیامت نہیں ہے تو پھر اور کیا ہے

عدو کی شکایت سنے جا رہے ہو نہ برہم طبیعت نہ بل ابروؤں پر

نظر نیچی نیچی لبوں پر تبسم محبت نہیں ہے تو پھر اور کیا ہے

مری قبر ٹھوکر سے ٹھکرا رہا ہے پسِ مرگ ہوتی ہے برباد مٹی

ترے دل میں میری طرف سے سِتمگر کدورت نہیں ہے تو پھر اور کیا ہے

بتِ خود نما اور کیا چاہتا ہے تجھے اب بھی شک ہے خدا ماننے میں

ترے سنگِ در پر جبیں میں نے رکھ دی عبادت نہیں ہے تو پھر اور کیا ہے

رقیبوں نے کی اور تمھاری شکایت خدا سے ڈرو جھوٹ کیوں بولتے ہو

رقیبوں کے گھر میرا آنا نہ جانا یہ تہمت نہیں ہے تو پھر اور کیا ہے

کبھی ہے جگر میں خلش، ہلکی ہلکی، کبھی درد پہلو میں ہے میٹھا میٹھا

میں پہروں شبِ غم یہی سوچتا ہوں محبت نہیں ہے تو پھر اور کیا ہے

کوئی دم کا مہماں ہے بیمارِ فرقت تم ایسے میں بیکار بیٹھے ہوئے ہو

پھر اس پر یہ کہتے ہو فرصت نہیں ہے یہ فرصت نہیں ہے تو پھر اور کیا ہے

ترے در پہ بے گور کب سے پڑا ہوں نہ فکرِ کفن ہے نہ سامانِ ماتم

اٹھاتا نہیں کوئی بھی میری میت یہ غربت نہیں ہے تو پھر اور کیا ہے

میں ان سب میں اک امتیازی نشان ہوں فلک پر نمایاں ہیں جتنے ستارے

قمر بزمِ انجم کی مجھ کو میسر صدارت نہیں ہے تو پھر اور کیا ہے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ ستم اور بھی بالائے ستم ہوتا ہے

اکتوبر 25, 2015قمر جلالوی،شعراء،غزلکم،کرم،حرم،دم،ستم،غمadmin

قمر جلالوی ۔ غزل نمبر 137

وہ ستا کر مجھے کہتے ہیں کہ غم ہوتا ہے

یہ ستم اور بھی بالائے ستم ہوتا ہے

جل کر مرنا بھی بڑا کارِ اہم ہوتا ہے

یہ تو اک چھوٹے سے پروانے کا دم ہوتا ہے

قصۂ برہمن و شیخ کو بس رہنے دو

آج تک فیصلۂ دیر و حرم ہوتا ہے

گر حسیں دل میں نہ ہوں عظمت دل بڑھ جائے

بت کدہ تو انھیں باتوں سے حرم ہوتا ہے

پھونک اے آتشِ گل ورنہ تری بات گئی

آشیاں برق کا ممنونِ کرم ہوتا ہے

چارہ گر میں تری خاطر سے کہے دیتا ہوں

درد ہوتا ہے مگر پہلے سے کم ہوتا ہے

ہجر کی رات بھی ہوتی ہے عجب رات قمر

تارے ہنستے ہیں فلک پر مجھے غم ہوتا ہے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

عالمِ گردشِ ایام بدل جاتا ہے

اکتوبر 25, 2015قمر جلالوی،شعراء،غزلنام،پیغام،انجام،ایام،شامadmin

قمر جلالوی ۔ غزل نمبر 136

مے کدے میں جو کوئی جام بدل جاتا ہے

عالمِ گردشِ ایام بدل جاتا ہے

شامِ فرقت وہ قیامت ہے کہ اللہ بچائے

صبح کو آدمی کا نام بدل جاتا ہے

ہم اسے پہلی محبت کی نظر کہتے ہیں

جس کے آغاز کا انجام بدل جاتا ہے

نامہ بر ان کی زباں کے تو یہ الفاظ نہیں

راستے میں کہیں پیغام بدل جاتا ہے

خواب میں رخ پہ آ جاتے ہیں ان کے گیسو

انتظامِ سحر و شام بدل جاتا ہے

تم جواں ہے کے وہی غنچہ دہن ہو یہ کیا

جب کلی کھلتی ہے تو نام بدل جاتا ہے

اے قمر ہجر کی شب کاٹ تو لیتا ہوں مگر

رنگ چہرے کا سرِ شام بدل جاتا ہے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ نشیمن تو ہے کیا طور بھی جل جاتا ہے

اکتوبر 25, 2015قمر جلالوی،شعراء،غزلمچل،نکل،ٹل،بدل،جل،سنبھلadmin

قمر جلالوی ۔ غزل نمبر 135

باغباں برق کا جب طور بدل جاتا ہے

یہ نشیمن تو ہے کیا طور بھی جل جاتا ہے

کچھ وہ کہہ دیتے ہیں بیمار سنبھل جاتا ہے

وقت کا ٹالنے والا ہو تو ٹل جاتا ہے

عشق اور حسن سے مانوس یہ کیسے مانیں

شمع کو دیکھ کہ پروانہ تو جل جاتا ہے

کون ساحل پہ دعا مانگ رہا ہے یا رب

بچ کے طوفان مری کشتی سے نکل جاتا ہے

اب بھی سنبھلا نہیں او ٹھوکریں کھانے والے

ٹھوکریں کھا کہ تو انسان سنبھل جاتا ہے

ہجر کی رات ہے وہ رات کہ یا رب توبہ

شام سے صبح تک انسان بدل جاتا ہے

یاس و امید کا عالم ہے یہ شامِ وعدہ

کبھی بجھتا ہے چراغ اور کبھی جل جاتا ہے

عہد کرتے ہیں کہ اب ان سے ملیں گے نہ قمر

کیا کریں دیکھ کہ دل ان کو مچل جاتا ہے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تجھ سے میں شرماؤں یا تو مجھ سے شرمائے ہے

اکتوبر 25, 2015قمر جلالوی،شعراء،غزلپائے،اٹھوائے،جائے،سمجھائے،شرمائےadmin

قمر جلالوی ۔ غزل نمبر 134

دیکھو محشر میں کس کی بات رکھی جائے ہے

تجھ سے میں شرماؤں یا تو مجھ سے شرمائے ہے

ہجر سے تنگ آنے والے ایسا کیوں گھبرائے ہے

موت سے پہلے کیا تجھے موت آئی جائے ہے

تو نے تڑپایا مجھے دشمن تجھے تڑپائے ہے

میں تو یہ جانوں ہوں جو جیسے کرے ہے پائے ہے

میں کسی سے بولوں چالوں بھی تو ہے میری خطا

کیا بگاڑوں ہوں تری محفل کا کیوں اٹھوائے ہے

ناصحا مجھ سے نہ کہیو یار کے گھر کو نہ جا

میں تری سمجھوں ہوں باتیں کیوں مجھے سمجھائے ہے

غیر کے کہنے پہ مت آ، ٹک مری حالت تو دیکھ

کیا تری محفل سے اٹھوں دل تو بیٹھا جائے ہے

اور بھرنی ہیں تصور میں ابھی رنگینیاں

دردِ دل تھم جا کہ اب تصویر بگڑی جائے ہے

کِن خیالوں سے یہ کاٹے ہے قمر فرقت کی رات

روتا بھی جائے ہے اور تارے بھی گنتا جائے ہے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

نگاہِ شوق جب تصویر ان کی کھینچ لائی ہے

اکتوبر 25, 2015قمر جلالوی،شعراء،غزللائی،چھائی،آئی،بنائی،خدائی،سنائیadmin

قمر جلالوی ۔ غزل نمبر 133

انھیں پردے کی اب سوجھی ہے اب صورت چھپائی ہے

نگاہِ شوق جب تصویر ان کی کھینچ لائی ہے

وہ یکتا حسن میں ہو کر کہیں آگے نہ بڑھ جائیں

خدا بننے میں کیا ہے جب کہ قبضہ میں خدائی ہے

خبر بھی ہے زمانہ اب سلامت رہ نہیں سکتا

جوانی تجھ پہ او ظالم قیامت بن کے آئی ہے

یہی دن تھے یہی عالم تھا بجلی ٹوٹ پڑنے کا

چمن کی خیر ہو یا رب ہنسی پھولوں کو آئی ہے

ہمارا آشیاں دیکھو بلندیِ فلک دیکھو

کہاں سے چار تنکے پھونکنے کو برق آئی ہے

یہاں تک پڑ چکے ہیں وقت مایوسِ تمنا پر

تری تصویر کو رودادِ شامِ غم سنائی ہے

اڑا لے ہم غریبوں کا مذاق آخر کو زر والے

ترے رونے پہ اے شبنم ہنسی پھولوں کو آئی ہے

تم اپنا حسن دیکھو اپنی فطرت پہ نظر ڈالو

گریباں دیکھ کر کہتے ہو کیا صورت بنائی ہے

قمر ان کو تو مستحکم ہے وعدہ شب کو آنے کا

نہ جانے کیوں اداسی شام سے تاروں پہ چھائی ہے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اللہ خیر ہو کہ نئی واردات ہے

اکتوبر 25, 2015قمر جلالوی،شعراء،غزلواردات،باتadmin

قمر جلالوی ۔ غزل نمبر 132

ان کے لبوں پہ آج محبت کی بات ہے

اللہ خیر ہو کہ نئی واردات ہے

صرف اک امیدِ وعدہ پہ قائم حیات ہے

محشر میں تم ملو گے قیامت کی بات ہے

آخر بشر ہوں ہو گیا جرمِ وفا تو کیا

کوئی خطا نہ ہو یہ فرشتے کی بات ہے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میں نہ سمجھا تھا محبت اس قدر بدنام ہے

اکتوبر 25, 2015قمر جلالوی،شعراء،غزلکام،پیغام،بدنام،شامadmin

قمر جلالوی ۔ غزل نمبر 131

سن کے نامِ عشق برہم وہ بتِ خود کام ہے

میں نہ سمجھا تھا محبت اس قدر بدنام ہے

نامہ بر ان سے کہنا نزع کا ہنگام ہے

ابتدائے خط نہیں یہ آخری پیغام ہے

چارہ گر میرے سکوں پر یہ نہ کہہ آرام ہے

اضطرابِ دل نہ ہونا موت کا پیغام ہے

ان کے جاتے ہی مری آنکھوں میں دنیا ہے سیاہ

اب نہیں معلوم ہوتا صبح ہے یا شام ہے

قافلے سے چھوٹنے والے ابھی منزل کہاں

دور تک سنسان جنگل ہے پھر آگے شام ہے

آپ کیوں پردے سے نکلے آپ پردے میں رہیں

آپ کو مشہور کر دینا ہمارا کام ہے

دیدۂ بیمار میں ہے اشکِ آخر کی جھلک

اے قمر تارا نکل آنا دلیلِ شام ہے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ذرے تک میں تو ہی تو ہے خاک زمانہ چھانے ہے

اکتوبر 25, 2015قمر جلالوی،شعراء،غزلمانے،چھانے،جانے،سانےadmin

قمر جلالوی ۔ غزل نمبر 130

عالم تجھ کو دیکھ رہا ہے کوئی کب پہچانے ہے

ذرے تک میں تو ہی تو ہے خاک زمانہ چھانے ہے

چھاننے دو دیوانہ ان کا خاک جو در در چھانے ہے

کوئی کسی کو کیا سمجھائے کون کسی کی مانے ہے

میں اور مے خانے میں بیٹھا شیخ ارے ٹک توبہ کر

مردِ خدا میں جانوں نہ تانوں مجھ کو تو کیوں سانے ہے

مے خانے میں دنیا دنیا آئے دنیا سے کچھ کام نہیں

جام اسی کو ے گا ساقی جس کو ساقی جانے ہے

جام نہ دینے کی باتیں ہیں ورنہ مجھ کو ویسے تو

ساقی جانے میکش جانے مے خانہ بھر جانے ہے

کون قمر سے ہے بیگانہ اہل زمیں یا اہل فلک

ذرہ ذرہ اس سے واقف تارا تارا جانے ہے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بیٹھو نہ ذبح کرنے کو منہ پھیر کر مجھے

اکتوبر 25, 2015قمر جلالوی،شعراء،غزلقمر،نظر،کدھر،کر،پر،درadmin

قمر جلالوی ۔ غزل نمبر 129

آخر ہے وقت دیکھ لو بھر کر نظر مجھے

بیٹھو نہ ذبح کرنے کو منہ پھیر کر مجھے

کوسوں دکھائی دیتی نہیں رہگزر مجھے

لے جا رہی ہے آج یہ وحشت کدھر مجھے

ایسا بھی ایک وقت پڑا تھا شبِ الم

حسرت سے دیکھنے لگے دیوار و در مجھے

اے ہم قفس نہ مانگ دعائیں بہار کی

آتے نہیں ہیں راس مرے بال و پر مجھے

عذرِ گناہ حشر میں اور میرے سامنے

انکارِ قتل کیجئے پہچان کر مجھے

تعریف حسن کی جو کبھی ان کے سامنے

بولے کہ لگ نہ جائے تمھاری نظر مجھے

لی دی سی اِک نگاہ ستاروں پہ ڈال کہ

شرما گئے کہ دیکھ رہا ہے قمر مجھے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

خیر ان باتوں میں کیا رکھا ہے تم جھوٹے نہ تھے

اکتوبر 25, 2015قمر جلالوی،شعراء،غزللوٹے،چھوٹے،ٹوٹے،بوٹے،جھوٹےadmin

قمر جلالوی ۔ غزل نمبر 128

کون سے تھے جو تمھارے عہد ٹوٹے نہ تھے

خیر ان باتوں میں کیا رکھا ہے تم جھوٹے نہ تھے

باغباں کچھ سوچ کہ ہم قید سے چھوٹے نہ تھے

ورنہ کچھ پاؤں نہ تھے بیکار، پر ٹوٹے نہ تھے

خار جب اہلِ جنوں کے پاؤں میں ٹوٹے نہ تھے

دامنِ صحرا پہ یہ رنگین گل بوٹے نہ تھے

رہ گئی محروم آزادی کے نغموں سے بہار

کیا کریں قیدِ زباں بندی سے ہم چھوٹے نہ تھے

اس جوانی سے تو اچھی تھی تمھاری کم سنی

بھول تو جاتے وعدوں کو مگر جھوٹے نہ تھے

اس زمانے سے دعا کی ہے بہاروں کے لئے

جب فقط ذکرِ چمن بندی تھا گل بوٹے نہ تھے

کیا یہ سچ ہے اے مرے صیاد گلشن لٹ گیا

جب تو میرے سامنے دو پھول بھی ٹوٹے نہ تھے

چھوڑ تو دیتے تھے رستے میں ذرا سی بات پر

رہبروں نے منزلوں پر قافلے لوٹے نہ تھے

کس قدر آنسو بہائے تم نے شامِ غم قمر

اتنے تارے تو فلک سے بھی کبھی ٹوٹے نہ تھے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میری قسمت پر نکل آئے ہیں آنسو جام کے

اکتوبر 25, 2015قمر جلالوی،شعراء،غزلنام،گام،الزام،تھام،جام،دام،شامadmin

قمر جلالوی ۔ غزل نمبر 127

یہ جو چَھلکے ہیں، نہیں قطرے مئے گلفام کے

میری قسمت پر نکل آئے ہیں آنسو جام کے

کس سے شکوہ کر رہے ہیں آ دامن تھام کے

بندہ پرور سینکڑون ہوتے ہیں اک اک نام کے

ہیں ہمارے قتل میں بدنام کتنے نام کے

جو کہ قاتل ہے وہ بیٹھا ہے ہے کلیجہ تھام کے

یہ سمجھ لو رکھنی بات مجھے صیاد کی

ورنہ میں نے سینکڑوں توڑے ہیں حلقے دام کے

غفلت خوابِ جوانی عہدِ پیری میں کیا

صبح کو اٹھ بیٹھتے ہیں سونے والے شام کے

رہبروں کی کشمکش میں ہے ہمارا قافلہ

منزلوں سے بڑھ گئے ہیں فاصلے دو گام کے

دیدہ میگوں نہ دکھلا روئے روشن کھول کر

صبح کو پیتے نہیں ہیں پینے والے شام کے

مرگِ عاشق پر تعجب اس تعجب کے نثار

مرتکب جیسے نہیں سرکار اس الزام کے

اے قمر بزمِ حسیناں کی وہ ختمِ شب نہ پوچھ

صبح کو چھپ جائیں جیسے چاند تارے شام کے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کچھ نہ بن آیا تو آواز سنا دی تو نے

اکتوبر 25, 2015قمر جلالوی،شعراء،غزلپلا،دکھا،دعا،دغا،سنا،صداadmin

قمر جلالوی ۔ غزل نمبر 126

نزع کی اور بھی تکلیف بڑھا دی تو نے

کچھ نہ بن آیا تو آواز سنا دی تو نے

اس کرم کو مری مایوس نظر سے پوچھو

ساقی بیٹھا رہا اور اٹھ کے پلا دی تو نے

مجھ پہ احسان نہ رکھو جان بچا لینے کا

مرنے دیتے مجھے کاہے کو دعا دی تو نے

یہ کہو پیش خدا حشر میں منثا کیا تھا

میں کوئی دور کھڑا تھا جو صدا دی تو نے

ان کے آتے ہی مزہ جب ہے مرا دم نکلے

وہ یہ کہتے ہوئے رہ جائیں کہ دغا دی تو نے

کھلبلی مچ گئی تاروں میں قمر نے دیکھا

شب کو یہ چاند سی صورت جو دکھا دی تو نے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

لفافے میں نہ رکھ لی نامہ بر میری زباں تو نے

اکتوبر 25, 2015قمر جلالوی،شعراء،غزلنشاں،داستاں،درمیاں،زباںadmin

قمر جلالوی ۔ غزل نمبر 125

خدا معلوم کیا سے کیا کیا ہو گا بیاں تو نے

لفافے میں نہ رکھ لی نامہ بر میری زباں تو نے

مٹا کر رکھ دیے ہیں یوں ہزاروں بے زباں تو نے

نہ رکھا اپنے عہدِ ظلم کا کوئی نشاں تو نے

تجھ فوراَ ہی میرا قصہ روک دینا تھا

ترا دکھتا تھا دل تو کیوں سنی تھی داستاں تو نے

ہرے پھر کر دیے زخمِ جگر صیاد بلبل کے

قفس کے سامنے کہہ کر گلوں کی داستاں تو نے

اسی وعدے پہ کھائی تھی قسم روئے کتابی کی

اسی صورت میں قرآں کو رکھا تھا درمیاں تو نے

عدو کہتے ہیں اب سہرا فصاحت کا ترے سر ہے

قمر بالکل بنا دی ہے تو نے دلھن اردو زباں تو نے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آپ تو بالکل مرے مرنے کا ساماں کر چلے

اکتوبر 25, 2015قمر جلالوی،شعراء،غزلنمایاں،نگہباں،گلستاں،گریباں،پشیماں،ساماںadmin

قمر جلالوی ۔ غزل نمبر 124

اپنی زلفیں کیوں سرِ بالیں پریشاں کر چلے

آپ تو بالکل مرے مرنے کا ساماں کر چلے

دیکھ اے صیاد چھینٹے خوں کے ہر تیلی پر ہیں

ہم ترے کنجِ قفس کو بھی گلستاں کر چلے

دل میں ہم شرما رہے ہیں شکوۂ محشر کے بعد

پیشِ حق کیوں آئے کیوں ان کو پشیماں کر چلے

اے چمن والو! جنوں کی عظمت دیکھ لی

اِن گلوں کو واقفِ چاکِ گریباں کر چلے

اپنے دیوانوں کو تم روکو بہاریں آ گئیں

اب کنارہ بابِ زنداں سے نگہباں کر چلے

اے قمر حالِ شبِ فرقت نہ ہم سے چھپ سکا

داغِ دِل سارے زمانے میں نمایاں کر چلے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کھائی ٹھوکر گر پڑے گر کر اٹھے اٹھ کر چلے

اکتوبر 25, 2015قمر جلالوی،شعراء،غزلمر،کیا،کر،گھر،پر،بھرadmin

قمر جلالوی ۔ غزل نمبر 123

یوں تمھارے ناتوان منزل بھر چلے

کھائی ٹھوکر گر پڑے گر کر اٹھے اٹھ کر چلے

چھوڑ کر بیمار کو یہ کیا قیامت کر چلے

دم نکلنے بھی نہ پایا آپ اپنے گھر چلے

ہو گیا صیاد برہم ہے اے اسیرانِ قفس

بند اب یہ نالہ و فریاد، ورنہ پر چلے

کس طرح طے کی ہے منزل عشق کی ہم نے نہ پوچھ

تھک گئے جب پاؤں ترا نام لے لے کر چلے

آ رہے ہیں اشک آنکھوں میں اب اے ساقی نہ چھیڑ

بس چھلکنے کی کسر باقی ہے ساغر بھر چلے

جب بھی خالی ہاتھ تھے اور اب بھی خالی ہاتھ ہیں

لے کے کیا آئے تھے اور لے کر کیا چلے

حسن کو غم گین دیکھے عشق یہ ممکن نہیں

روک لے اے شمع آنسو اب پتنگے مر چلے

اس طرف بھی اک نظر ہم بھی کھڑے ہیں دیر سے

مانگنے والے تمھارے در سے جھولی بھر چلے

اے قمر شب ختم ہونے کو ہے انتظار

ساحلِ شب سے ستارے بھی کنارہ کر چلے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جیسے غبارِ راہ پسِ کارواں چلے

اکتوبر 25, 2015قمر جلالوی،شعراء،غزلکارواں،آسماں،آشیاںadmin

قمر جلالوی ۔ غزل نمبر 122

ہم بھی انھیں کے ساتھ چلے وہ جہاں چلے

جیسے غبارِ راہ پسِ کارواں چلے

چاہوں تو میرے ساتھ تصور میں تا قفس

گلشن چلے، بہار چلے، آشیاں چلے

اے راہبر یقیں جو تری راہبری میں ہو

مڑ مڑ کے دیکھتا ہوا کیوں کارواں چلے

میری طرح وہ رات کو تارے گِنا کریں

اب کے کچھ ایسی چال آسماں چلے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ کب کے لے رہا ہے ہم سے اے چرخِ کہن بدلے

اکتوبر 25, 2015قمر جلالوی،شعراء،غزلکفن،کوہکن،پنجتن،انجمن،راہزنadmin

قمر جلالوی ۔ غزل نمبر 121

نہ روکی برق تو نے آشیاں بدلے چمن بدلے

یہ کب کے لے رہا ہے ہم سے اے چرخِ کہن بدلے

محبت ہو تو جوئے شِیر کو اِک ضرب کافی ہے

کوئی پوچھے کہ تو نے کتنے تیشے کوہکن بدلے

سہولت اس سے بڑھ کر کارواں کو اور کیا ہو گی

نئی راہیں نکل آئیں پرانے راہزن بدلے

ہوا آخر نہ ہمر کوئی ان کے روئے روشن کا

تراشے گل بھی شمعوں کے چراغِ انجمن بدلے

لباس نَو عدم والوں کو یوں احباب دیتے ہیں

کہ اب ان کے قیامت تک نہ جائیں گے کفن بدلے

قمر مابینِ عرش و فرش لاکھو انقلاب آئے

مگر اپنا خدا بدلا نہ اپنے پنجتنؑ بدلے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آئینے ٹوٹ جاتے ہیں آئینہ ساز سے

اکتوبر 25, 2015قمر جلالوی،شعراء،غزلنماز،امتیاز،راز،ساز،سازبازadmin

قمر جلالوی ۔ غزل نمبر 120

شکوہ شکستِ دل کا ہو کیا دستِ ناز سے

آئینے ٹوٹ جاتے ہیں آئینہ ساز سے

اب التماسِ دید کروں تو گناہ گار

واقف میں ہو گیا ترے پردے کے راز سے

ہر شے انہیں کی شکل میں آنے لگی نظر

شاید گزر گیا میں حدِ امتیاز سے

خود آئیں پوچھنے وہ مرے پاس حالِ دل

کچھ دور تو نہیں ہے مرے کار ساز سے

اے شیخ مے کدے سے نکل دیکھ بال کے

واپس نہ آ رہے ہوں نمازی نماز سے

اللہ ان کو عشق کی کیونکر خبر ہوتی

واقف نہ تھا کوئی بھی مرے دل کے راز سے

بھیدی ہوں گھر کا مجھ سے نہ چل چال اے فلک

واقف قمر ہے خوب تری سازباز سے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کہیں ڈوبی ہوئی کشتی ملا کرتی ہے ساحل سے

اکتوبر 25, 2015قمر جلالوی،شعراء،غزلمقابل،منزل،محفل،محمل،مشکل،دل،ساحلadmin

قمر جلالوی ۔ غزل نمبر 119

لحد والے امیدِ فاتحہ اور تجھ کو قاتل سے

کہیں ڈوبی ہوئی کشتی ملا کرتی ہے ساحل سے

یہ تم نے کیا کہا مجھپر زمانہ ہے فدا دل سے

ہزاروں میں وفا والا ملا کرتا ہے دل سے

نہ تھے جب آپ تو یہ حال تھا بیتابیِ دل سے

کبھی جاتا تھا محفل میں کبھی آتا تھا محفل سے

نگاہیں ان کو دیکھیں دیکھ کر یہ کہہ دیا دل سے

جو تو بیٹھا تو فتنے سینکڑوں اٹھیں گے محفل سے

دلوں میں آگئے جب فرق تو جاتے نہیں دل سے

کہ یہ ٹوٹے ہوئے شیشے جڑا کرتے ہیں مشکل سے

چمن مل جائے گا اہلِ چمن مل جائیں گے چھٹ کر

مگر تنکے نشیمن کے ملیں گے مجھ کو مشکل سے

ہماری کچھ نہ پوچھو ہم بری تقدیر والے ہیں

کہ جیتے ہیں تو مشکل سے جو مرتے ہیں تو مشکل سے

بگولا جب اٹھا میں راہ گم کردہ یہی سمجھا

کوئی رستہ بتانے آرہا ہے مجھ کو منزل سے

خموشی پر یہ حالت ہے خدا معلوم کیا کرتا

کوئی آواز آ جاتی اگر مجنوں کو محمل سے

صدا سن کر نہ طوفاں میں کسی نے دستگیری کی

کھڑے دیکھا کیے سب ڈوبنے والے کو ساحل سے

نہ ہو بیزار مجھ سے یکھ لینا ورنہ اے دنیا

نہ آؤں گا کبھی ایسا اٹھوں گا تیری محفل سے

قمر کے سامنے شب بھر سنوارو شوق سے گیسو

وہ آئینہ نہیں ہے کہ ہٹ جائے مقابل سے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بجلیاں نکلتی ہیں بچ کے آشیانے سے

اکتوبر 25, 2015قمر جلالوی،شعراء،غزلٹھکانے،پرانے،آشیانے،بہانے،جانے،زمانےadmin

قمر جلالوی ۔ غزل نمبر 118

باز آگیا شاید اب فلک ستانے سے

بجلیاں نکلتی ہیں بچ کے آشیانے سے

خاک لے گئی بجلی میرے آشیانے سے

صرف چار چھ تنکے وہ بھی کچھ پرانے سے

کچھ نظر نہیں آتا ان کے منہ چھپانے سے

ہر طرف اندھیرا ہے چاند ڈوب جانے سے

حالِ باغ اے گلچیں فائدہ چھپانے سے

ہم تو ہاتھ دھو بیٹھے اپنے آشیانے سے

باغ ہو کہ صحرا ہو جی کہیں نہیں لگتا

آپ سے ملے کیا ہم چھٹ گئے زمانے سے

صبح سے یہ وقت آیا وہ ہیں بزمِ دشمن ہے

مٹ گئیں ہیں کیا یا رب گردشیں زمانے سے

یہ سوال پھر کا ہے کب قیامت آئی گی

پہلے بچ تو لے دنیا آپ کے زمانے سے

ان کے حسن پر تہمت رکھ نہ اپنے مرنے کی

وہ تو موت آنے تھی اک نہ اک بہانے سے

آگ لگ کے تنکوں میں کیا بہار آئی ہے

پھول سے برستے ہیں میرے آشیانے سے

جو جفائیں پہلی تھیں وہ جفائیں اب بھی ہیں

انقلاب کیا یا رب اٹھ گئے زمانے سے

مبتلا ہوئے ایسے آسماں کی گردش میں

اے قمر نہ بیٹھے ہم آج تک ٹھکانے سے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ساحل کی طرف کشتی نہ سہی کشتی کی طرف ساحل کر دے

اکتوبر 25, 2015قمر جلالوی،شعراء،غزلمنزل،محفل،ساحلadmin

قمر جلالوی ۔ غزل نمبر 117

خشکی و تری پر قادر ہے آسان مری مشکل کر دے

ساحل کی طرف کشتی نہ سہی کشتی کی طرف ساحل کر دے

تو اپنی خوشی کا مالک ہے، کیا تاب کسی کی اف جو کرے

محفل کو بنا دے ویرانہ ویرانے کو بنا دے محفل کر دے

اس رہروِ راہِ الفت کو دیکھے کوئی شام کے عالم میں

جب اٹھ کے غبارِ راہگذر نظروں سے نہاں منزل کر دے

گر ذوقِ طلب ہی دیکھنا ہے منظور تجھے دیوانے کا

ہر نقش بنے زنجیرِ قدم اتنی تو کڑی منزل کر دے

قمر جلالوی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔