زمرہ جات کے محفوظات: اساتذہ

کچھ ہمارا اسی میں وارا تھا

اکتوبر 6, 2015میر تقی میر،اساتذہ،غزلہمارا،ہارا،نظارہ،وارا،گذارا،اشارہ،تمھارا،خارا،سارا،ستارہadmin

دیوان چہارم غزل 1336

جان اپنا جو ہم نے مارا تھا

کچھ ہمارا اسی میں وارا تھا

کون لیتا تھا نام مجنوں کا

جب کہ عہد جنوں ہمارا تھا

کوہ فرہاد سے کہیں آگے

سر مرا اور سنگ خارا تھا

ہم تو تھے محو دوستی اس کے

گوکہ دشمن جہان سارا تھا

لطف سے پوچھتا تھا ہر کوئی

جب تلک لطف کچھ تمھارا تھا

آستاں کی کسو کے خاک ہوا

آسماں کا بھی کیا ستارہ تھا

پائوں چھاتی پہ میری رکھ چلتا

یاں کبھو اس کا یوں گذارا تھا

موسم گل میں ہم نہ چھوٹے حیف

گشت تھا دید تھا نظارہ تھا

اس کی ابرو جو ٹک جھکی ایدھر

قتل کا تیغ سے اشارہ تھا

عشق بازی میں کیا موئے ہیں میر

آگے ہی جی انھوں نے ہارا تھا

میر تقی میر

دانتوں کو سلک در جو کہا میں سو لڑ گیا

اکتوبر 6, 2015میر تقی میر،اساتذہ،غزللڑ،نبڑ،پچھڑ،اکڑ،اکھڑ،بچھڑ،جھڑadmin

دیوان چہارم غزل 1335

اوصاف مو کے شعر سے الجھائو پڑ گیا

دانتوں کو سلک در جو کہا میں سو لڑ گیا

جیتے جی یہ ملا نہ رہا سو رہا غریب

جو دل شکستہ ساتھ سے اس کے بچھڑ گیا

کیا اس کے دل جلے کی تمامی میں دیر ہو

جیسے چراغ صبح شتابی نبڑ گیا

فرہاد پہلوان محبت پہاڑ تھا

بے طاقتی جو دل نے بہت کی پچھڑ گیا

گل رنگ رنگ شاخ سے نکلا بہار میں

آنکھیں سی کھل گئی ہیں جو مرجھا کے جھڑ گیا

یاں حادثے کی بائو سے ہر اک شجر حجر

کیسا ہی پائدار تھا آخر اکھڑ گیا

شرماوے سرو ہووے اگر آدمی روش

وصف اس کے قد کا میر سے سن کر اکڑ گیا

میر تقی میر

آخر اب دوری میں جی جاتا رہا

اکتوبر 6, 2015میر تقی میر،اساتذہ،غزلناتا،کھاتا،پاتا،آتا،بھاتا،جاتا،سمجھاتاadmin

دیوان چہارم غزل 1334

عشق کیا کیا آفتیں لاتا رہا

آخر اب دوری میں جی جاتا رہا

مہر و مہ گل پھول سب تھے پر ہمیں

چہرئی چہرہ ہی وہ بھاتا رہا

دل ہوا کب عشق کی رہ کا دلیل

میں تو خود گم ہی اسے پاتا رہا

منھ دکھاتا برسوں وہ خوش رو نہیں

چاہ کا یوں کب تلک ناتا رہا

کچھ نہ میں سمجھا جنون و عشق میں

دیر ناصح مجھ کو سمجھاتا رہا

داغ تھا جو سر پہ میرے شمع ساں

پائوں تک مجھ کو وہی کھاتا رہا

کیسے کیسے رک گئے ہیں میر ہم

مدتوں منھ تک جگر آتا رہا

میر تقی میر

رنگ بدن میت کے رنگوں جیتے جی ہی پہ زرد ہوا

اکتوبر 6, 2015میر تقی میر،اساتذہ،غزلگرد،زردadmin

دیوان چہارم غزل 1333

عشق کی ہے بیماری ہم کو دل اپنا سب درد ہوا

رنگ بدن میت کے رنگوں جیتے جی ہی پہ زرد ہوا

تب بھی نہ سر کھینچا تھا ہم نے آخر مر کر خاک ہوئے

اب جو غبارضعیف اٹھا تھا پامالی میں گرد ہوا

میر تقی میر

جیسا گیا تھا ویسا ہی چل پھر کے آگیا

اکتوبر 6, 2015میر تقی میر،اساتذہ،غزلگیا،آگیاadmin

دیوان چہارم غزل 1332

مکے گیا مدینے گیا کربلا گیا

جیسا گیا تھا ویسا ہی چل پھر کے آگیا

دیکھا ہو کچھ اس آمدوشد میں تو میں کہوں

خود گم ہوا ہوں بات کی تہ اب جو پا گیا

کپڑے گلے کے میرے نہ ہوں آبدیدہ کیوں

مانند ابر دیدئہ تر اب تو چھا گیا

جاں سوز آہ و نالہ سمجھتا نہیں ہوں میں

یک شعلہ میرے دل سے اٹھا تھا جلا گیا

وہ مجھ سے بھاگتا ہی پھرا کبر و ناز سے

جوں جوں نیاز کرکے میں اس سے لگا گیا

جور سپہر دوں سے برا حال تھا بہت

میں شرم ناکسی سے زمیں میں سما گیا

دیکھا جو راہ جاتے تبختر کے ساتھ اسے

پھر مجھ شکستہ پا سے نہ اک دم رہا گیا

بیٹھا تو بوریے کے تئیں سر پہ رکھ کے میر

صف کس ادب سے ہم فقرا کی اٹھا گیا

میر تقی میر

مژہ نم رہیں حال درہم رہا

اکتوبر 6, 2015میر تقی میر،اساتذہ،غزلاودھم،تھم،دم،درہم،رستمadmin

دیوان چہارم غزل 1331

کیا عشق سو پھر مجھے غم رہا

مژہ نم رہیں حال درہم رہا

ضعیف و قوی دونوں رہتے نہیں

نہ یاں زال ٹھہرا نہ رستم رہا

سحر جلوہ کیوں کر کرے کل ہوکیا

یہ اندیشہ ہر رات ہر دم رہا

ہوا غم مجھے خوں جگر میں نہیں

اگر آنسو آتے کوئی تھم رہا

رہی آتی آندھی سی سینے میں میر

بہت دل تڑپنے کا اودھم رہا

میر تقی میر

عشق میں کس حسن سے فرہاد ظالم مر گیا

اکتوبر 6, 2015میر تقی میر،اساتذہ،غزلمر،پتھر،بھرadmin

دیوان چہارم غزل 1330

صورت شیریں کے آگے کام اپنا کر گیا

عشق میں کس حسن سے فرہاد ظالم مر گیا

خانہ آبادی ہمیں بھی دل کی یوں ہے آرزو

جیسے جلوے سے ترے گھر آرسی کا بھر گیا

میر سختی کش تھا غافل پر خدا نے خیر کی

حادثے کا کیسا اس کے سر پہ سے پتھر گیا

میر تقی میر

سبھوں سے پاتے ہیں بیگانہ آشنا تیرا

اکتوبر 6, 2015میر تقی میر،اساتذہ،غزلمدعا،کیا،پا،آشنا،بجاadmin

دیوان چہارم غزل 1329

پھرے ہے وحشی سا گم گشتہ عشق کا تیرا

سبھوں سے پاتے ہیں بیگانہ آشنا تیرا

دریغ و درد تجھے کیوں ہے یاں تو جی ہی گئے

ہوا ہے ایک نگہ میں زیان کیا تیرا

جہاں بھرا ہے ترے شور حسن و خوبی سے

لبوں پہ لوگوں کے ہے ذکر جا بجا تیرا

نگاہ ایک ادھر ایک تیغ تیز کی اور

ہمارا خون ہی کرنا ہے مدعا تیرا

نظر کنھوں نے نہ کی حال میر پر افسوس

غریب شہروفا تھا وہ خاک پا تیرا

میر تقی میر

جامے کا دامن پائوں میں الجھا ہاتھ آنچل اکلائی کا

اکتوبر 6, 2015میر تقی میر،اساتذہ،غزلہرجائی،پیدائی،پروائی،اکلائی،بھائی،بالائی،خودرائیadmin

دیوان چہارم غزل 1328

ترک لباس سے میرے اسے کیا وہ رفتہ رعنائی کا

جامے کا دامن پائوں میں الجھا ہاتھ آنچل اکلائی کا

پاس سے اٹھ چلتا ہے وہ تو آپ میں میں رہتا ہی نہیں

لے جاتا ہے جا سے مجھ کو جانا اس ہرجائی کا

حال نہ میرا دیکھے ہے نہ کہے سے تامل ہے اس کو

محو ہے خود آرائی کا یا بے خود ہے خودرائی کا

ظاہر میں خورشید ہوا وہ نور میں اپنے پنہاں ہے

خالی نہیں ہے حسن سے چھپنا ایسے بھی پیدائی کا

یاد میں اس کی قامت کی میں لوہو رو روسوکھ گیا

آخر یہ خمیازہ کھینچا اس خرچ بالائی کا

بعد مرگ چراغ نہ لاوے گور پہ وہ عاشق کی آہ

جیتے جی بھی داغ ہی تھا میں اس کی بے پروائی کا

چشم وفا اخوان زماں سے سادہ ہو سو رکھے میر

قصہ ہے مشہور زمانہ پہلے دونوں بھائی کا

میر تقی میر

ضعف اتنا تھا کہے بات ڈھلا جاتا تھا

اکتوبر 6, 2015میر تقی میر،اساتذہ،غزلہلا،ملا،چلا،ڈھلا،جلاadmin

دیوان چہارم غزل 1327

دل سنبھالے کہیں میں کل جو چلا جاتا تھا

ضعف اتنا تھا کہے بات ڈھلا جاتا تھا

بے دماغی کا سماں دیکھنے کی کس کو تاب

آنکھیں ملتا تھا جو وہ جی ہی ملا جاتا تھا

سوزش دل کے سبب مرگ نہ تھی عاشق کی

اپنی غیرت میں وہ کچھ آپھی جلا جاتا تھا

ہلہلاوے ہے حقیری سے مجھے اب وہ بھی

جس شکستے سے نہ جاگہ سے ہلا جاتا تھا

میر کو واقعہ کیا جانیے کیا تھا درپیش

کہ طرف دشت کے جوں سیل چلا جاتا تھا

میر تقی میر

کیا خرابی سر پہ لایا صومعہ ویراں کیا

اکتوبر 6, 2015میر تقی میر،اساتذہ،غزلنقصاں،ویراں،انساں،ایماں،حیراں،درماں،ساماںadmin

دیوان چہارم غزل 1326

عشق رسوائی طلب نے مجھ کو سرگرداں کیا

کیا خرابی سر پہ لایا صومعہ ویراں کیا

ہم سے تو جز مرگ کچھ تدبیر بن آتی نہیں

تم کہو کیا تم نے درد عشق کا درماں کیا

داخل دیوانگی ہی تھی ہماری عاشقی

یعنی اس سودے میں ہم نے جان کا نقصاں کیا

شکر کیا اس کی کریمی کا ادا بندے سے ہو

ایسی اک ناچیز مشت خاک کو انساں کیا

تیغ سی بھوویں جھکائیں برچھیاں سی وے مژہ

خون کا مجھ بے سر و پا کے بلا ساماں کیا

ایک ہی انداز نے اس کافر بے مہر کے

ساکنان کعبہ کو بے دین و بے ایماں کیا

لکھنؤ دلی سے آیا یاں بھی رہتا ہے اداس

میر کو سرگشتگی نے بے دل و حیراں کیا

میر تقی میر

کل درد دل کہا سو مرا منھ ابل گیا

اکتوبر 6, 2015میر تقی میر،اساتذہ،غزلنکل،چھل،ابل،بہل،بچل،بدل،جل،خلل،دہل،سنبھلadmin

دیوان چہارم غزل 1325

شاید جگر حرارت عشقی سے جل گیا

کل درد دل کہا سو مرا منھ ابل گیا

بے یار حیف باغ میں دل ٹک بہل گیا

دے گل کو آگ چار طرف میں نہ جل گیا

اس آہوے رمیدہ کی شوخی کہیں سو کیا

دکھلائی دے گیا تو چھلاوا سا چھل گیا

دن رات خوں کیا ہی کیے ہم جگر کو پھر

گر پھول گل سے کوئی گھڑی جی بہل گیا

تیور بدلنے سے تو نہیں اس کے بے حواس

اندیشہ یہ ہے طور ہی اس کا بدل گیا

ہرچند میں نے شوق کو پنہاں کیا ولے

ایک آدھ حرف پیار کا منھ سے نکل گیا

کرتے ہیں نذر ہم کہ نہ الفت کریں کہیں

گر دل ضعیف اب کے ہمارا سنبھل گیا

چلنے لگے تھے راہ طلب پر ہزار شکر

پہلے قدم ہی پائوں ہمارا بچل گیا

میں دہ دلا تو آگے ہی تھا فرط شوق سے

طور اس کا دیکھ اور بھی کچھ دل دہل گیا

سر اب لگے جھکانے بہت خاک کی طرف

شاید کہ میرجی کا دماغی خلل گیا

میر تقی میر

دیکھ اس کو بے دماغ نشہ سب اتر گیا

اکتوبر 6, 2015میر تقی میر،اساتذہ،غزلمر،کدھر،اترadmin

دیوان چہارم غزل 1324

ہم مست عشق جس کے تھے وہ روٹھ کر گیا

دیکھ اس کو بے دماغ نشہ سب اتر گیا

جاں بخشی اس کے ہونٹوں کی سن آب زندگی

ایسا چھپا کہیں کہ کہا جائے مر گیا

کہتے ہیں میر کعبے گیا ترک عشق کر

راہ دل شکستہ کدھر وہ کدھر گیا

میر تقی میر

جی کو مہماں سنتے تھے مہمان سا آیا گیا

اکتوبر 6, 2015میر تقی میر،اساتذہ،غزلگھبرایا،پایا،آیا،دکھلایا،سنّایا،سایہ،سرمایہadmin

دیوان چہارم غزل 1323

دل کو گل کہتے تھے درد و غم سے مرجھایا گیا

جی کو مہماں سنتے تھے مہمان سا آیا گیا

عشق سے ہو حال جی میں کچھ تو کہیے دیکھیو

ایک دن باتیں ہی کرتے کرتے سنّایا گیا

جستجو میں یہ تعب کھینچے کہ آخر ہو گئے

ہم تو کھوئے بھی گئے لیکن نہ تو پایا گیا

اک نگہ کرنے میں غارت کردیا اے وائے ہم

دل جو ساری عمر کا اپنا تھا سرمایہ گیا

کیا تعجب ہے جو کوئی دل زدہ ناگہ مرے

اضطراب عشق میں جی تن سے گھبرایا گیا

ماہ کہتے تو کہا اس روے خوش کا ہے حریف

شہر میں پھر ہم سے اپنا منھ نہ دکھلایا گیا

جیسے پرچھائیں دکھائی دے کے ہوجاتی ہے محو

میر بھی اس کام جاں کا ووہیں تھا سایہ گیا

میر تقی میر

لڑکا سا ان دنوں تھا اس کو شعور کیا تھا

اکتوبر 6, 2015میر تقی میر،اساتذہ،غزلدور،شعور،ضرور،غیور،غرورadmin

دیوان چہارم غزل 1322

دیوانگی میں مجنوں میرے حضور کیا تھا

لڑکا سا ان دنوں تھا اس کو شعور کیا تھا

گردن کشی سے اپنی مارے گئے ہم آخر

عاشق اگر ہوئے تھے ناز و غرور کیا تھا

غم قرب و بعد کا تھا جب تک نہ ہم نے جانا

اب مرتبہ جو سمجھے وہ اتنا دور کیا تھا

اے وائے یہ نہ سمجھے مارے پڑیں گے اس میں

اظہار عشق کرنا ہم کو ضرور کیا تھا

مرتا تھا جس کی خاطر اس کی طرف نہ دیکھا

میر ستم رسیدہ ظالم غیور کیا تھا

میر تقی میر

یاں پھر اگر آئوں گا سید نہ کہائوں گا

اکتوبر 6, 2015میر تقی میر،اساتذہ،غزللگائوں،کہائوں،پائوں،بندھائوں،سنائوںadmin

دیوان چہارم غزل 1321

در پر سے ترے اب کے جائوں گا تو جائوں گا

یاں پھر اگر آئوں گا سید نہ کہائوں گا

یہ نذر بدی ہے میں کعبے سے جو اٹھنا ہو

بت خانے میں جائوں گا زنار بندھائوں گا

آزار بہت کھینچے یہ عہد کیا ہے اب

آئندہ کسو سے میں دل کو نہ لگائوں گا

سرگرم طلب ہوکر کھویا سا گیا آپھی

کیا جانیے پائوں گا یا اس کو نہ پائوں گا

گو میر ہوں چپکا سا پر طرفہ ہنرور ہوں

بگڑے گا نہ ٹک وہ تو سو باتیں سنائوں گا

میر تقی میر

اس زلف پرشکن نے مجھے مبتلا کیا

اکتوبر 6, 2015میر تقی میر،اساتذہ،غزلملا،مبتلا،چلا،بھلا،جلاadmin

دیوان چہارم غزل 1320

یہ دل نے کیا کیا کہ اسیر بلا کیا

اس زلف پرشکن نے مجھے مبتلا کیا

گو بے کسی سے عشق کی آتش میں جل بجھا

میں جوں چراغ گور اکیلا جلا کیا

آیا نہ اس طرف سے جواب ایک حرف کا

ہر روز خط شوق ادھر سے چلا کیا

ڈرتا ہی میں رہا کہ پلک کوئی گڑ نہ جائے

آنکھوں سے اس کے رات جو تلوے ملا کیا

بدحال ٹھنڈی سانسیں بھرا کب تلک کرے

سرگرم مرگ میر ہوا تو بھلا کیا

میر تقی میر

پر بعد نماز اٹھ کر میخانہ چلا جاتا

اکتوبر 6, 2015میر تقی میر،اساتذہ،غزلہلا،لکھا،چلا،کیا،کھا،ا،بکا،جلاadmin

دیوان چہارم غزل 1319

مستانہ اگرچہ میں طاعت کو لگا جاتا

پر بعد نماز اٹھ کر میخانہ چلا جاتا

بازار میں ہو جانا اس مہ کا تماشا تھا

یوسفؑ بھی جو واں ہوتا تو اس پہ بکا جاتا

دیکھا نہ ادھر ورنہ آتا نہ نظر پھر میں

جی مفت مرا جاتا اس شوخ کا کیا جاتا

شب آہ شرر افشاں ہونٹوں سے پھری میرے

سر کھینچتا یہ شعلہ تو مجھ کو جلا جاتا

کیا شوق کی باتوں کی تحریر ہوئی مشکل

تھے جمع قلم کاغذ پر کچھ نہ لکھا جاتا

آنکھیں مری کھلتیں تو اس چہرے ہی پر پڑتیں

کیا ہوتا یکایک وہ سر پر مرے آجاتا

سبزے کا ہوا روکش خط رخ جاناں کے

جو ہاتھ مرے چڑھتا تو پان کو کھا جاتا

ہے شوق سیہ رو سے بدنامی و رسوائی

کیوں کام بگڑ جاتا جو صبر کیا جاتا

تھا میر بھی دیوانہ پر ساتھ ظرافت کے

ہم سلسلہ داروں کی زنجیر ہلا جاتا

میر تقی میر

ٹھہرائو سا ہو جاتا یوں جی نہ چلا جاتا

اکتوبر 6, 2015میر تقی میر،اساتذہ،غزللکھا،لگا،چلا،چھپا،چبا،اٹھا،جلا،رہا،سناadmin

دیوان چہارم غزل 1318

اے کاش مرے سر پر اک بار وہ آجاتا

ٹھہرائو سا ہو جاتا یوں جی نہ چلا جاتا

تب تک ہی تحمل ہے جب تک نہیں آتا وہ

اس رستے نکلتا تو ہم سے نہ رہا جاتا

اک آگ لگا دی ہے چھاتی میں جدائی نے

وہ مہ گلے لگتا تو یوں دل نہ جلا جاتا

یا لاگ کی وے باتیں یا ایسی ہے بیزاری

وہ جو نہ لگا لیتا تو میں نہ لگا جاتا

کیا نور کا بکّا ہے چہرہ کہ شب مہ میں

منھ کھولے جو سو رہتا تو ماہ چھپا جاتا

اس شوق نے دل کے بھی کیا بات بڑھائی تھی

رقعہ اسے لکھتے تو طومار لکھا جاتا

یہ ہمدمی کا دعویٰ اس کے لب خنداں سے

بس کچھ نہ چلا ورنہ پستے کو چبا جاتا

اب تو نہ رہا وہ بھی طاقت گئی سب دل کی

جو حال کبھو اپنا میں تم کو سنا جاتا

وسواس نہ کرتا تھا مر جانے سے ہجراں میں

تھا میر تو ایسا بھی دل جی سے اٹھا جاتا

میر تقی میر

کہنے لگا چپکا سا ہوکر ہائے دریغ شکار اپنا

اکتوبر 6, 2015میر تقی میر،اساتذہ،غزلہار،مار،یار،پیار،بیمار،دیار،شکارadmin

دیوان چہارم غزل 1317

میں جو نظر سے اس کی گیا تو وہ سرگرم کار اپنا

کہنے لگا چپکا سا ہوکر ہائے دریغ شکار اپنا

کیا یاری کر دور پھرا وہ کیا کیا ان نے فریب کیے

جس کے لیے آوارہ ہوئے ہم چھوٹا شہر و دیار اپنا

ہاتھ گلے میں ان نے نہ ڈالا میں یہ گلا جا کاٹوں گا

غم غصے سے دیکھیو ہوں گا آپھی گلے کا ہار اپنا

چھاتی پہ سانپ سا پھر جاتا ہے یاد میں اس کے بالوں کی

جی میں لہر آوے ہے لیکن رہتا ہوں من مار اپنا

بات کہی تلوار نکالی آنکھ لڑائی جی مارے

کیونکے جتاوے اس سے کوئی ربط محبت پیار اپنا

ہم نے یار وفاداری میں کوتاہی تقصیر نہ کی

کیا روویں چاہت کے اثر کو وہ نہ ہوا ٹک یار اپنا

رحم کیا کر لطف کیا کر پوچھ لیا کر آخر ہے

میر اپنا غم خوار اپنا پھر زار اپنا بیمار اپنا

میر تقی میر

جا چکا ہوں جہان سے کب کا

اکتوبر 6, 2015میر تقی میر،اساتذہ،غزللب،مکتب،مشرب،مطلب،ڈھب،کب،سبadmin

دیوان چہارم غزل 1316

رفتۂ عشق کیا ہوں میں اب کا

جا چکا ہوں جہان سے کب کا

لوگ جب ذکر یار کرتے ہیں

دیکھ رہتا ہوں دیر منھ سب کا

مست رہتا ہوں جب سے ہوش آیا

میں بھی عاشق ہوں اپنے مشرب کا

ہم تو ناکام ہی چلے یاں سے

تم کو ہو گا وصول مطلب کا

درس کہیے جنوں کا تو مجنوں

اپنے آگے ہے طفل مکتب کا

لعل کی بات کون سنتا ہے

شور ہے زور یار کے لب کا

زلف سا پیچ دار ہے ہر شعر

ہے سخن میر کا عجب ڈھب کا

میر تقی میر

ہوا کام مشکل توکل کیا

اکتوبر 6, 2015میر تقی میر،اساتذہ،غزلگل،بالکل،توکل،توسل،تامل،تحمل،غلadmin

دیوان چہارم غزل 1315

تجاہل تغافل تساہل کیا

ہوا کام مشکل توکل کیا

نہیں تاب لاتا دل زار اب

بہت ہم نے صبر و تحمل کیا

زمین غزل مِلک سی ہو گئی

یہ قطعہ تصرف میں بالکل کیا

جنوں تھا نہ مجھ کو نہ چپ رہ سکا

کہ زنجیر ٹوٹی تو میں غل کیا

نہ سوز دروں فصل گل میں چھپا

سر و سینہ سے داغ نے گل کیا

ہمیں شوق نے صاحبو کھو دیا

غلاموں سے اس کے توسل کیا

حقیقت نہ میر اپنی سمجھی گئی

شب و روز ہم نے تامل کیا

میر تقی میر

پہروں چوائو ان نے رکھا بات بات کا

اکتوبر 6, 2015میر تقی میر،اساتذہ،غزلہاتھ،نجات،کائنات،التفات،بات،ثبات،حیات،سگات،سات،صلوٰتadmin

دیوان چہارم غزل 1314

قصہ کہیں تو کیا کہیں ملنے کی رات کا

پہروں چوائو ان نے رکھا بات بات کا

جرأت سے گرچہ زرد ہوں پر مانتا ہے کون

منھ لال جب تلک نہ کروں پانچ سات کا

کیونکر بسر کرے غم و غصہ میں ہجر کے

خوگر جو ہو کسو کے کوئی التفات کا

جاگہ سے لے گیا ہمیں اس کا خرام ناز

ٹھہرائو ہوسکا نہ قرار و ثبات کا

ڈرتا ہوں مالکان جزا چھاتی دیکھ کر

کہنے لگیں نہ واہ رے زخم اس کے ہاتھ کا

واعظ کہے سو سچ ہے ولے مے فروش سے

ہم ذکر بھی سنا نہیں صوم و صلوٰت کا

بھونکا کریں رقیب پڑے کوے یار میں

کس کے تئیں دماغ عفف ہے سگات کا

ان ہونٹوں کا حریف ہو ظلمات میں گیا

پردے میں رو سیاہ ہے آب حیات کا

عالم کسو حکیم کا باندھا طلسم ہے

کچھ ہو تو اعتبار بھی ہو کائنات کا

گر یار میر اہل ہے تو کام سہل ہے

اندیشہ تجھ کو یوں ہی ہے اپنی نجات کا

میر تقی میر

قدرت سے اس کی لب پر نام آوے ہے خدا کا

اکتوبر 6, 2015میر تقی میر،اساتذہ،غزلہوا،لڑا،چھپا،تا،خا،خدا،دعاadmin

دیوان چہارم غزل 1313

واجب کا ہو نہ ممکن مصدر صفت ثنا کا

قدرت سے اس کی لب پر نام آوے ہے خدا کا

سب روم روم تن میں زردی غم بھری ہے

خاک جسد ہے میری کس کان زر کا خاکا

بند اس قبا کا کھولیں کیا ناخن فقیراں

وابستہ ہے یہ عقدہ شاید کسو دعا کا

ناسازی طبیعت کیا ہے جواں ہوئے پر

اوباش وہ ستمگر لڑکا ہی تھا لڑاکا

گل پھول فصل گل میں صد رنگ ہیں شگفتہ

میں دل زدہ ہوں اب کے رنگینی ہوا کا

عاشق کی چشم تر میں گو دبتے آویں لیکن

پائوں کا دلبروں کے چھپتا نہیں چھپاکا

زوریں کش اس جواں کی کس سے کماں کھنچے ہے

تھا یکہ و جنازہ میر ان نے جس کو تاکا

میر تقی میر

سرمایۂ توکل یاں نام ہے خدا کا

اکتوبر 6, 2015میر تقی میر،اساتذہ،غزلہوا،نا،وفا،ڈھا،کا،پا،بلا،خودنما،خدا،دوا،ساadmin

دیوان چہارم غزل 1312

کرتا ہوں اللہ اللہ درویش ہوں سدا کا

سرمایۂ توکل یاں نام ہے خدا کا

میں نے نکل جنوں سے مشق قلندری کی

زنجیرسر ہوا ہے تھا سلسلہ جو پا کا

یارب ہماری جانب یہ سنگ کیوں ہے عائد

جی ہی سے مارتے ہیں جو نام لے وفا کا

کیا فقر میں گذر ہو چشم طمع سیے بن

ہے راہ تنگ ایسی جیسے سوئی کا ناکا

ابر اور جوش گل ہے چل خانقہ سے صوفی

ہے لطف میکدے میں دہ چند اس ہوا کا

ہم وحشیوں سے مدت مانوس جو رہے ہیں

مجنوں کو شوخ لڑکے کہنے لگے ہیں کاکا

آلودہ خوں سے ناخن ہیں شیر کے سے ہر سو

جنگل میں چل بنے تو پھولا ہے زور ڈھاکا

یہ دو ہی صورتیں ہیں یا منعکس ہے عالم

یا عالم آئینہ ہے اس یار خودنما کا

کیا میں ہی جاں بہ لب ہوں بیماری دلی سے

مارا ہوا ہے عالم اس درد بے دوا کا

زلف سیاہ اس کی رہتی ہے چت چڑھی ہی

میں مبتلا ہوا ہوں اے وائے کس بلا کا

غیرت سے تنگ آئے غیروں سے لڑ مریں گے

آگے بھی میر سید کرتے گئے ہیں ساکا

میر تقی میر

سب خراشوں ہی سے جبہے بھر گئے

اکتوبر 6, 2015میر تقی میر،اساتذہ،غزلمر،کیدھر،پتھر،پر،بھر،باہر،ترadmin

دیوان سوم غزل 1311

دست بستہ کام ناخن کر گئے

سب خراشوں ہی سے جبہے بھر گئے

بت کدے سے تو چلے کعبے ولے

دس قدم ہم دل کو کر پتھر گئے

کیا جو اڑتی سی سنی آئے ہیں گل

ہم اسیروں کے تو بال و پر گئے

مجلسوں کی مجلسیں برہم ہوئیں

لوگ وے پل مارتے کیدھر گئے

تھے لب جو پر جو گرم دید یار

سبزے کے سے رنگ مژگاں تر گئے

خانوادے ہو گئے کیا کیا خراب

خانہ ساز دین کیسے مر گئے

دست افشاں پاے کوباں شوق میں

صومعے سے میر بھی باہر گئے

میر تقی میر

آسماں سے زمین نپوائی

اکتوبر 6, 2015میر تقی میر،اساتذہ،غزللائی،نپوائی،پہنچائی،پائی،افزائی،آئی،خودرائی،سودائی،سائیadmin

دیوان سوم غزل 1310

بات کیا آدمی کی بن آئی

آسماں سے زمین نپوائی

چرخ زن اس کے واسطے ہے مدام

ہو گیا دن تمام رات آئی

ماہ و خورشید و ابر و باد سبھی

اس کی خاطر ہوئے ہیں سودائی

کیسے کیسے کیے تردد جب

رنگ رنگ اس کو چیز پہنچائی

اس کو ترجیح سب کے اوپر دی

لطف حق نے کی عزت افزائی

حیرت آتی ہے اس کی باتیں دیکھ

خودسری خودستائی خودرائی

شکر کے سجدوں میں یہ واجب تھا

یہ بھی کرتا سدا جبیں سائی

سو تو اس کی طبیعت سرکش

سر نہ لائی فرو کہ ٹک لائی

میر ناچیز مشت خاک اللہ

ان نے یہ کبریا کہاں پائی

میر تقی میر

زندگانی اب تو کرنا شاق ہے

اکتوبر 6, 2015میر تقی میر،اساتذہ،غزلقاق،مشتاق،چاق،آفاق،بیباق،براق،تریاق،رزاق،شاقadmin

دیوان سوم غزل 1309

دل کی بیماری سے طاقت طاق ہے

زندگانی اب تو کرنا شاق ہے

دم شماری سی ہے رنج قلب سے

اب حساب زندگی بیباق ہے

اپنی عزلت رکھتی ہے عالم ہی اور

یہ سیہ رو شہرئہ آفاق ہے

فرط خجلت سے گرا جاتا ہے سرو

قد دلکش اس کا بالا چاق ہے

دل زدہ کو اس کے دیکھا نزع میں

تھا نمودار آنکھ سے مشتاق ہے

رنگ میں اس کے جھمک ہے برق کی

سطح کیا رخسار کا براق ہے

گو خط اس کے پشت لب کا زہر ہو

بوسۂ کنج دہن تریاق ہے

خشک کر دیتی ہے گرمی عشق کی

بیدصحرائی سا مجنوں قاق ہے

مت پڑا رہ دیر کے ٹکڑوں پہ میر

اٹھ کے کعبے چل خدا رزاق ہے

میر تقی میر

ایکوں کو جا نہیں ہے دنیا عجب جگہ ہے

اکتوبر 6, 2015میر تقی میر،اساتذہ،غزللب،کڈھب،کب،اب،عجبadmin

دیوان سوم غزل 1308

قصر و مکان و منزل ایکوں کو سب جگہ ہے

ایکوں کو جا نہیں ہے دنیا عجب جگہ ہے

اس کے بدن میں ہر جا دلکش ہے یوں و لیکن

یا سطح رخ جگہ ہے یا کنج لب جگہ ہے

پست و بلندیاں ہیں ارض و سما سے ظاہر

دیکھا جہاں کو ہم نے کتنی کڈھب جگہ ہے

دروازے سے لگے ہم تصویر سے کھڑے ہیں

وارفتگاں کو اس کی مجلس میں کب جگہ ہے

بارے ادھر کیا ہے منھ ان نے میر اپنا

ہو حرف زن سخن کی تیرے بھی اب جگہ ہے

میر تقی میر

آوارگی تو دیکھو کیدھر سے کیدھر آئے

اکتوبر 6, 2015میر تقی میر،اساتذہ،غزلپرائے،آئےadmin

دیوان سوم غزل 1307

کعبے کے در پہ تھے ہم یا دیر میں در آئے

آوارگی تو دیکھو کیدھر سے کیدھر آئے

دیوانگی ہے میری اب کے کوئی تماشا

رہتے ہیں گھیرے مجھ کو کیا اپنے کیا پرائے

پاک اب ہوئی ہے کشتی ہم کو جو عشق سے تھی

عہدے سے اس بلا کے کب ناتواں بر آئے

وسعت بیاں کروں کیا دامان چشم تر کی

رونے سے میرے کیا کیا ابرسیہ تر آئے

آ ہم نشیں بنے تو آج ان کنے بھی چلیے

کہتے ہیں میر صاحب مدت میں کل گھر آئے

میر تقی میر

آزردہ ہو نہ بلبل جاتے ہیں ہم چمن سے

اکتوبر 6, 2015میر تقی میر،اساتذہ،غزلچلن،چمن،وطن،پرشکن،بدن،سمن،سخنadmin

دیوان سوم غزل 1306

نکلے ہے جی کا رستہ آواز کی رکن سے

آزردہ ہو نہ بلبل جاتے ہیں ہم چمن سے

جی غش کرے ہے اب تو رفتار دیکھ اس کی

دیکھیں نبھے ہے اپنی کس طور اس چلن سے

گر اس کی اور کوئی گرمی سے دیکھتا ہے

اک آگ لگ اٹھے ہے اپنے تو تن بدن سے

رنگیں خرامی کیا کیا لیتی ہے کھینچ دل کو

کیا نقش پا کو اس کے نسبت گل و سمن سے

دن رات گاہ و بے گہ جب دیکھو ہیں سفر میں

ہم کس گھڑی وداعی یارب ہوئے وطن سے

دل سوختہ ہوں مجھ کو تکلیف حرف مت کر

اک آگ کی لپٹ سی نکلے ہے ہر سخن سے

دل کا اسیر ہونا جی میر جانتا ہے

کیا پیچ پاچ دیکھے اس زلف پرشکن سے

میر تقی میر

کہ زندگی تو کروں جب تلک کہ یار آوے

اکتوبر 6, 2015میر تقی میر،اساتذہ،غزلیار،پیار،اعتبار،بہار،بار،شکار،غبارadmin

دیوان سوم غزل 1305

خدا کرے مرے دل کو ٹک اک قرار آوے

کہ زندگی تو کروں جب تلک کہ یار آوے

کمانیں اس کی بھووں کی چڑھی ہی رہتی ہیں

نہ جب تلک سرتیرستم شکار آوے

ہمیں تو ایک گھڑی گل بغیر دوبھر ہے

خدا ہی جانے کہ اب کب تلک بہار آوے

اٹھی بھی گرد رہ اس کی کہیں تو لطف ہے کیا

جب انتظار میں آنکھوں ہی پر غبار آوے

ہر ایک شے کا ہے موسم نہ جانے تھا منصور

کہ نخل دار میں حلق بریدہ بار آوے

تمھارے جوروں سے اب حال جاے عبرت ہے

کسو سے کہیے تو اس کو نہ اعتبار آوے

نہیں ہے چاہ بھلی اتنی بھی دعا کر میر

کہ اب جو دیکھوں اسے میں بہت نہ پیار آوے

میر تقی میر

مسلماں بھی خدا لگتی نہیں کہتے قیامت ہے

اکتوبر 6, 2015میر تقی میر،اساتذہ،غزلقیامت،ندامت،امامت،سلامت،شامتadmin

دیوان سوم غزل 1304

بتوں کے جرم الفت پر ہمیں زجرو ملامت ہے

مسلماں بھی خدا لگتی نہیں کہتے قیامت ہے

کھڑا ہوتا نہیں وہ رہزن دل پاس عاشق کے

موافق رسم کے اک دور کی صاحب سلامت ہے

جھکی ہے شاخ پرگل ناز سے کیا صحن گلشن میں

نہال قد کی اس کے مدعی تھی سو ندامت ہے

نکلتا ہے سحر خورشید ہر روز اس کے گھر پر سے

مقابل ہو گیا اس سے تو اس سادہ کی شامت ہے

پیے دارو پڑے پھرتے تھے کل تک میر کوچوں میں

انھیں کو مسجد جامع کی دیکھی آج امامت ہے

میر تقی میر

بھیچک کوئی رہ جائے کوئی جی سے گذر جائے

اکتوبر 6, 2015میر تقی میر،اساتذہ،غزلمکر،نظر،ور،کدھر،کر،گھر،گذر،ٹھہر،اتر،بکھر،بھر،بسرadmin

دیوان سوم غزل 1303

کیا چال نکالی ہے کہ جو دیکھے سو مر جائے

بھیچک کوئی رہ جائے کوئی جی سے گذر جائے

تاچند یہ خمیازہ کشی تنگ ہوں یارب

آغوش مری ایک شب اس شوخ سے بھر جائے

بے طاقتی دل سے مری جان ہے لب پر

تم ٹھہرو کوئی دم تو مرا جی بھی ٹھہر جائے

پڑتے نگہ یار مرا حال ہے ویسا

بجلی کے تڑپنے سے کوئی جیسے کہ ڈر جائے

اس آئینہ رو شوخ مفتن سے کہیں کیا

عاشق کو برا کہہ کے منھ ہی منھ میں مکر جائے

ناکس کی تلافی ستم کون کرے ہے

ڈرتا ہوں کہ وہ اور بھی آزردہ نہ کر جائے

جاتا ہے جدھر منزل مقصود نہیں وہ

آوارہ جو ہو عشق کا بے چارہ کدھر جائے

رونے میں مرے سر نہ چڑھو صبر کرو ٹک

یہ سیل جو اک زور سے آتا ہے اتر جائے

کیا ذکر مرا میں تو کہیں اس سے ملوں ہوں

ان خانہ خرابوں کی کہو جن کے وہ گھر جائے

اس زلف کا ہر بال رگ جان ہے اپنی

یاں جی ہی بکھرتا ہے صبا وہ جو بکھر جائے

گردش میں جو وے آنکھ نشے کی بھری دیکھیں

ہشیار سروں کے تئیں سدھ اپنی بسر جائے

آنکھیں ہی لگی جاتی ہیں اس جاذبہ کو میر

آتی ہے بہت دیر جو اس منھ پہ نظر جائے

میر تقی میر

دل داغ ہورہا ہے چمن کے سبھائو سے

اکتوبر 6, 2015میر تقی میر،اساتذہ،غزلچوائو،چائو،گھائو،تائو،سبھائوadmin

دیوان سوم غزل 1302

دن فصل گل کے اب کے بھی جاتے ہیں بائو سے

دل داغ ہورہا ہے چمن کے سبھائو سے

پہنچی نہ باس گل کی ہمارے مشام میں

یاں کھل رہے ہیں دیدئہ خوں بار گھائو سے

نامہ مرے عمل کا بھی اے کاش ساتھ جائے

جب آسمان لپٹیں گے کاغذ کے تائو سے

وارفتگان عشق بھی کیا طرفہ لوگ ہیں

دل کے گئے پہ دیتے ہیں جی کیسے چائو سے

کہتے تو کہیے بات کوئی دل کی میر سے

پر جی بہت ڈرے ہے انھوں کے چوائو سے

میر تقی میر

کہ صورت آسماں کی دیکھ کر میں نے زمیں دیکھی

اکتوبر 6, 2015میر تقی میر،اساتذہ،غزلنہیں،چیں،واپسیں،آستیں،جبیں،زمیں،شرمگیںadmin

دیوان سوم غزل 1301

کریہہ الشکل ہیئت آن کر ایسی نہیں دیکھی

کہ صورت آسماں کی دیکھ کر میں نے زمیں دیکھی

کبھو دیکھوگے تم جو وہ طرح دار اس طرف آیا

طرح ترکیب ایسی ہم نے اب تک تو نہیں دیکھی

مہ یک ہفتہ دلکش اس قدر کاہے کو ہوتا ہے

کروں ہوں شکر کے سجدے کہ میں نے وہ جبیں دیکھی

کہاں وہ طرز کیں اس کی کہاں چین جبیں اس کی

لگا کر بارہا اس شوخ سے تصویر چیں دیکھی

گریباں پھاڑ ڈالیں دیکھ کر دامن کشاں اس کو

پھٹے خرقے بہت جو چاک کی وہ آستیں دیکھی

ترے بیمار کی بالیں پہ جا کر ہم بہت روئے

بلا حسرت کے ساتھ اس کی نگاہ واپسیں دیکھی

نظر اس کی حیا سے میر پشت پا پر اکثر ہے

کنھوں نے کاہے کو اس کی سی چشم شرمگیں دیکھی

میر تقی میر

قسم کھائی ہو جس نے خواب میں بھی منھ دکھانے کی

اکتوبر 6, 2015میر تقی میر،اساتذہ،غزللگانے،لانے،مانے،چھپانے،چھانے،کھانے،اڑانے،جلانے،جانے،دکھانےadmin

دیوان سوم غزل 1300

عزیز و کون سی صورت ہے ظاہر اس کے آنے کی

قسم کھائی ہو جس نے خواب میں بھی منھ دکھانے کی

تگ ان پلکوں کو ہے ٹھوکر سے فتنے کے جگانے کی

طرح آتی ہے اس قد کو قیامت سر پہ لانے کی

کسو سے آنکھ کے ملتے ہی اپنی جان دے بیٹھے

نئی یہ رسم ہم جاتے ہیں چھوڑے دل لگانے کی

جہاں ہم آئے چہرے پر بکھیرے بال جا سوئے

ادا کرتے ہو تم کیا خوب ہم سے منھ چھپانے کی

مسیں بھیگی ہیں اس کے سبزئہ خط کی بدایت سے

مسیحؑ و خضرؑ کو پہنچی بشارت زہر کھانے کی

جہاں اس کے لیے غربال کر نومید ہو بیٹھے

یہی اجرت ملی ہے کیا ہماری خاک چھانے کی

کہوں کیا ایک بوسہ لب کا دے کر خوب رگڑایا

رکھی برسوں تلک منت کبھو کی بات مانے کی

بگولا کوئی اٹھتا ہے کہ آندھی کوئی آتی ہے

نشان یادگاری ہے ہماری خاک اڑانے کی

کرے ہے داغ اس کا عید کو سب سے گلے ملنا

اکت لی ہے نئی یہ میری چھاتی کے جلانے کی

لڑا کر آنکھیں اس اوباش سے اک پل میں مر گذرا

حکایت بوالعجب ہے میر جی کے مارے جانے کی

میر تقی میر

خبر کیوں پوچھتے ہیں مجھ سے لڑکے اس دوانے کی

اکتوبر 6, 2015میر تقی میر،اساتذہ،غزلآستانے،آشیانے،اٹھانے،بنانے،خانے،دوانے،دکھانے،زمانےadmin

دیوان سوم غزل 1299

کہو کچھ میر کی وحشت سے ان گلیوں میں آنے کی

خبر کیوں پوچھتے ہیں مجھ سے لڑکے اس دوانے کی

جہاں سے دل کو دیکھو منھ نظر جوں کان طلق آوے

نہ کی کچھ قدر اس نے حیف اس آئینہ خانے کی

ہمیں لیتے ہو آنکھیں موند کر لو تم کہ جنس اپنی

وفا و مہر ہے سو وہ نہیں بابت دکھانے کی

کہو ہو زیرلب کیا دیکھ کر ہم ناتوانوں کو

ہماری جان میں طاقت نہیں باتیں اٹھانے کی

برنگ طائر نوپر ہوئے آوارہ ہم اٹھ کر

کہ پھر پائی نہ ہم نے راہ اپنے آشیانے کی

عجب چوپڑ بچھی ہے ہر زماں اڑتا ہے رنگ اپنا

سمجھ میں چال کچھ آتی نہیں اپنے زمانے کی

اگر طالع کرے یاری تو مریے کربلا جا کر

عبیر اپنے کفن کی خاک ہو اس آستانے کی

غزل اک اور بھی اس گل زمیں میں قصد ہے کہیے

ہوئی ہے اب تو خو آخر ہمیں باتیں بنانے کی

میر تقی میر

مٹھ بھیڑ اگر ہو گئی اس تیغ بکف سے

اکتوبر 6, 2015میر تقی میر،اساتذہ،غزلنجف،بکف،تہ،شرف،صف،صدف،طرفadmin

دیوان سوم غزل 1298

کٹ کر گریں گے راہ میں مشتاق علف سے

مٹھ بھیڑ اگر ہو گئی اس تیغ بکف سے

جاتا ہے کوئی دشت عرب کو جو بگولا

کہہ دوں ہوں دعا مجنوں کو میں اپنی طرف سے

دریا تھا مگر آگ کا دریاے غم عشق

سب آبلے ہیں میرے درونے میں صدف سے

دل اور جگر یہ تو جلے آتش غم میں

جی کیونکے بچائوں کہو اس آگ کی تف سے

شب اس کے سگ کو نے ہمیں پاس بٹھایا

ہم اپنے تئیں دور نہ کیوں کھینچیں شرف سے

چھاتی میں بھری آگ ہے کیا جس سے شب و روز

چنگاریاں گرتی ہیں مری پلکوں کی صف سے

اے میر گدائی کروں دروازے کی اس کے

مانگوں ہوں یہی آٹھ پہر شاہ نجف سے

میر تقی میر

یہی بے طاقتی خوں گشتہ دل کو میرے کد سے ہے

اکتوبر 6, 2015میر تقی میر،اساتذہ،غزلقد،مد،کد،حد،زدadmin

دیوان سوم غزل 1297

نہ جرأت ہے نہ جذبہ ہے نہ یاری بخت بد سے ہے

یہی بے طاقتی خوں گشتہ دل کو میرے کد سے ہے

جہاں شطرنج بازندہ فلک ہم تم ہیں سب مہرے

بسان شاطرنو ذوق اسے مہروں کی زد سے ہے

سخن کرنے میں نستعلیق گوئی ہی نہیں کرتا

پڑھیں ہیں شعر کوئی ہم سو وہ بھی شد و مد سے ہے

ہوا سرسبز آگے یار کے سرو گلستاں کب

کہ نسبت دور کی طوبیٰ کو اس کے نخل قد سے ہے

لکھا کب تک کریں اس سرزمیں سے آپھی اب جاویں

ہمیں ملنے کا شوق اس کے زیاد اے میر حد سے ہے

میر تقی میر

دل کو ہمارے چین دے آنکھوں کو خواب دے

اکتوبر 6, 2015میر تقی میر،اساتذہ،غزلآفتاب،آب،تاب،جواب،حساب،خواب،شرابadmin

دیوان سوم غزل 1296

تسکین دردمندوں کو یارب شتاب دے

دل کو ہمارے چین دے آنکھوں کو خواب دے

اس کا غضب سے نامہ نہ لکھنا تو سہل ہے

لوگوں کے پوچھنے کا کوئی کیا جواب دے

گل ہے بہار تب ہے جب آنکھوں میں ہو نشہ

جاتی ہے فصل گل کہیں ساقی شراب دے

وہ تیغ میری تشنۂ خوں ہو گئی ہے کند

کر رحم مجھ پہ کاشکے یار اس کو آب دے

دو چار الم جو ہوویں تو ہیں بابت بتاں

کیا درد بے شمار کا کوئی حساب دے

تار نگہ کا سوت نہیں بندھتا ضعف سے

بیجان ہے یہ رشتہ دلا اس کو تاب دے

مژگان تر کو یار کے چہرے پہ کھول میر

اس آب خستہ سبزے کو ٹک آفتاب دے

میر تقی میر

ہم نہ سمجھے بڑا تاسف ہے

اکتوبر 6, 2015میر تقی میر،اساتذہ،غزلتلطف،توقف،تکلف،تاسف،تخلف،تصرفadmin

دیوان سوم غزل 1295

دل عجب نسخۂ تصوف ہے

ہم نہ سمجھے بڑا تاسف ہے

آپ ہی صرف عشق ہوجانا

یہ بھی درویش کا تصرف ہے

منھ ادھر کر کے وہ نہیں سوتا

خواب میں آوے تو تلطف ہے

یاں تو تکلیف سی کھنچی تکلیف

واں وہی اب تلک تکلف ہے

چھیڑ اس شوخ نے رکھی ہم سے

عہد پر عہد ہے تخلف ہے

مرگ کیا منزل مراد ہے میر

یہ بھی اک راہ کا توقف ہے

میر تقی میر

یہ بھی کوئی لطف بے ہنگام ہے

اکتوبر 6, 2015میر تقی میر،اساتذہ،غزلہنگام،نام،کام،گام،ایام،آرام،شامadmin

دیوان سوم غزل 1294

دشمنوں کے روبرو دشنام ہے

یہ بھی کوئی لطف بے ہنگام ہے

محو زلف یار ہے عالم تمام

حسن کا بھی شہرہ جوش شام ہے

عشق کی ہے راہ کیا مشکل گذر

سر کا جانا جس میں ہر اک گام ہے

گر کہا ناکام ملنے کو کبھی

تو یہ کہتا ہے کہ مجھ کو کام ہے

روز و شب پھرتا ہوں اس کوچے کے گرد

کیا کہوں کیا گردش ایام ہے

چین دن کو ہے نہ شب کو خواب ٹک

اس کی دوری میں کسے آرام ہے

بزم میں پوچھا تو یوں انجان ہو

میر ان لوگوں میں کس کا نام ہے

میر تقی میر

اب دیکھوں مجھے کس کا گرفتار کرے ہے

اکتوبر 6, 2015میر تقی میر،اساتذہ،غزلہموار،گرفتار،پیار،بار،تیار،تکرار،خریدار،دیوارadmin

دیوان سوم غزل 1293

بیتابی جو دل ہر گھڑی اظہار کرے ہے

اب دیکھوں مجھے کس کا گرفتار کرے ہے

کچھ میں بھی عجب جنس ہوں بازار جہاں میں

سو ناز مجھے لیتے خریدار کرے ہے

ہے اشک سے بلبل کے بھرا چقروں میں پانی

گل باغ سے کیا رخت سفر بار کرے ہے

اس چاہ نے دل ہی کی تو بیمار کیے ہیں

یہ دوستی ہی ہے جو گرفتار کرے ہے

آگے تو جو کچھ ہم نے کہا مان لیا اب

ایک ایک سخن پر بھی وہ تکرار کرے ہے

زنہار نہ جا پرورش دور زماں پر

مرنے کے لیے لوگوں کو تیار کرے ہے

کیا عشق میں ہم اس کے ہوئے خاک برابر

کب اپنے تئیں یوں کوئی ہموار کرے ہے

تصویر سے دروازے پہ ہم اس کے کھڑے ہیں

انسان کو حیرانی بھی دیوار کرے ہے

کیوں کر نہ ہو تم میر کے آزار کے درپے

یہ جرم ہے اس کا کہ تمھیں پیار کرے ہے

میر تقی میر

کہ تو دارو پیے ہے رات کو مل کر کمینوں سے

اکتوبر 6, 2015میر تقی میر،اساتذہ،غزلمہینوں،چینوں،نگینوں،کمینوں،پسینوں،آستینوں،بینوں،زمینوں،سینوںadmin

دیوان سوم غزل 1292

سنا جاتا ہے اے گھتیے ترے مجلس نشینوں سے

کہ تو دارو پیے ہے رات کو مل کر کمینوں سے

گئی گرم اختلاطی کب کی ان سحر آفرینوں سے

لگے رہتے ہیں داغ ہجر ہی اب اپنے سینوں سے

گلے لگ کر نہ یک شب کاش وہ مہ سوگیا ہوتا

مری چھاتی جلا کرتی ہے اب کتنے مہینوں سے

خدا جانے ہے اپنا تو جگر کانپا ہی کرتا ہے

چڑھی تیوری سے محبوبوں کی اور ابرو کی چینوں سے

بہت کوتاہ دامن خرقے شیخوں کے پھٹے پائے

کہیں نکلے تھے گورے ہاتھ اس کے آستینوں سے

رہے محو خیال اس کے تو یک دقت سے ہاتھ آئے

نزاکت اس کمر کی پوچھی ہم باریک بینوں سے

برنگ برگ گل ساتھ ایک شادابی کے ہوتا ہے

عرق چیں بھیگتا ہے دلبروں کے جب پسینوں سے

بہت میں لخت دل رویا مجھے اک خلق نے جانا

ہوا ہے پہن میرا نام ان رنگیں نگینوں سے

غزل ہی کی ردیف و قافیہ کا رفتہ رہنا ہے

نکلنا میر اب مشکل ہے میرا ان زمینوں سے

میر تقی میر

یہ چوٹ ہی رہی ہے اس روسیاہ کو بھی

اکتوبر 6, 2015میر تقی میر،اساتذہ،غزلنگاہ،ناف،نباہ،کلاہ،گناہ،گیاہ،روسیاہ،راہ،سپاہadmin

دیوان سوم غزل 1291

ٹھوکر لگاکے چلنا اس رشک ماہ کو بھی

یہ چوٹ ہی رہی ہے اس روسیاہ کو بھی

اس شاہ حسن کی کچھ مژگاں پھری ہوئی ہیں

غمزے نے ورغلایا شاید سپاہ کو بھی

کی عمر صرف ساری پر گم ہے مطلب اپنا

منزل نہ پہنچے ہم تو طے کرکے راہ کو بھی

سر پھوڑنا ہمارا اس لڑکے پر نہ دیکھو

ٹک دیکھو اس شکست طرف کلاہ کو بھی

کرتی نہیں خلش ہی مژگان یار دل میں

کاوش رہی ہے جی سے اس کی نگاہ کو بھی

خوں ریزی کے تو لاگو ہوتے نہیں یکایک

پہلے تو پوچھتے ہیں ظالم گناہ کو بھی

جوں خاک سے ہے یکساں میرا نہال قامت

پامال یوں نہ ہوتے دیکھا گیاہ کو بھی

ہر لحظہ پھیر لینا آنکھوں کا ہم سے کیا ہے

منظور رکھیے کچھ تو بارے نباہ کو بھی

خواہش بہت جو ہو تو کاہش ہے جان و دل کی

کچھ کم کر ان دنوں میں اے میر چاہ کو بھی

میر تقی میر

کتنا جی عاشق بیتاب کا مرجاتا ہے

اکتوبر 6, 2015میر تقی میر،اساتذہ،غزلمرجاتا،جاتاadmin

دیوان سوم غزل 1290

یار کا جور و ستم کام ہی کر جاتا ہے

کتنا جی عاشق بیتاب کا مرجاتا ہے

جیسے گرداب ہے گردش مری ہر چار طرف

شوق کیا جانے لیے مجھ کو کدھر جاتا ہے

جوشش اشک میں ٹک ٹھہرے رہو پیش نظر

اب کوئی پل میں یہ سیلاب اتر جاتا ہے

زرد رخسار پہ کیوں اشک نہ آوے گل رنگ

آگے سے آنکھوں کے وہ باغ نظر جاتا ہے

زہ گریباں کی ہے خونناب سے تر ہوتی نہیں

سارا زنجیرئہ دامن بھی تو بھر جاتا ہے

واعظ شہر تنک آب ہے مانند حباب

ٹک ہوا لگتی ہے اس کو تو اپھر جاتا ہے

کیا لکھوں بخت کی برگشتگی نالوں سے مرے

نامہ بر مجھ سے کبوتر بھی چپر جاتا ہے

آن اس دلبر شیریں کی چھری شہد کی ہے

عاشق اک آن ہی میں جی سے گذر جاتا ہے

ہر سحر پیچھے اس اوباش کے خورشید اے میر

ڈھال تلوار لیے جیسے نفر جاتا ہے

میر تقی میر

فقیروں کی اللہ اللہ ہے

اکتوبر 6, 2015میر تقی میر،اساتذہ،غزلہواخواہ،ناف،گاہ،افواہ،اللہ،آگاہ،جانکاہ،راہ،سرواہadmin

دیوان سوم غزل 1289

چلے ہم اگر تم کو اکراہ ہے

فقیروں کی اللہ اللہ ہے

نہ افسر ہے نے درد سر نے کلہ

کہ یاں جیسا سر ویسا سرواہ ہے

جہاں لگ چلے گل سے ہم داغ ہیں

اگرچہ صبا بھی ہواخواہ ہے

غم عشق ہے ناگہانی بلا

جہاں دل لگا کڑھنا جانکاہ ہے

چراغان گل سے ہے کیا روشنی

گلستاں کسو کی قدم گاہ ہے

محبت ہے دریا میں جا ڈوبنا

کنوئیں میں بھی گرنا یہی چاہ ہے

کلی سا ہے کہتے ہیں منھ یار کا

نہیں معتبر کچھ یہ افواہ ہے

نہ کی کوتہی بت پرستی میں کچھ

خدا اس عقیدے سے آگاہ ہے

گیا میر کے جی کی سن کر وہ شوخ

لگا کہنے سب کو یہی راہ ہے

میر تقی میر

یعنی خط تو خوب ہے صورت بھی ہے

اکتوبر 6, 2015میر تقی میر،اساتذہ،غزلقسمت،منت،حسرت،رخصت،صورت،صحبت،غیرتadmin

دیوان سوم غزل 1288

ہے تماشا حسن و خط حیرت بھی ہے

یعنی خط تو خوب ہے صورت بھی ہے

تا دم آخر نہیں بولے ہیں ہم

کچھ کہیں گے بارے اب رخصت بھی ہے

ہے وہ فتنہ ہم حریف و ہم ظریف

مار ہے گالی ہے پھر منت بھی ہے

تیغ نے اس کی ہمیں قسمت کیا

خوش نصیبی ہے تو پر قسمت بھی ہے

وا نسیم صبح سے ہوتا ہے گل

تجھ کو اے مرغ چمن غیرت بھی ہے

جی ہی دینے کا نہیں کڑھنا فقط

اس کے در سے جانے کی حسرت بھی ہے

دور سے باتیں کرے ہے یوں ہی یار

میر صاحب سے انھیں صحبت بھی ہے

میر تقی میر

کبھو کے دن ہیں بڑے یاں کبھو کی رات بڑی

اکتوبر 6, 2015میر تقی میر،اساتذہ،غزلالتفات،ذات،راتadmin

دیوان سوم غزل 1287

حدیث زلف دراز اس کے منھ کی بات بڑی

کبھو کے دن ہیں بڑے یاں کبھو کی رات بڑی

کبھو جو گالی ہمیں دیتے ہو کرو موقوف

تمھاری بس ہیں یہی ہم پر التفات بڑی

دخیل ذات نہیں عشق میں کہ میر کو دیکھ

ذلیل کیسے ہیں ان کی ہے گوکہ ذات بڑی

میر تقی میر

وہ جو بے رو اس طرف ٹک رو کرے

اکتوبر 6, 2015میر تقی میر،اساتذہ،غزلہو،لوہو،بو،تو،خو،رو،سوadmin

دیوان سوم غزل 1286

کوئی ساحر اس کو کچھ جادو کرے

وہ جو بے رو اس طرف ٹک رو کرے

دور سے ٹک ملتفت ہوتے رہو

جب تلک دوری سے کوئی خو کرے

دم میں ہو آئینۂ عالم سیاہ

ایک اگر عاشق قلندر ہو کرے

کس سے تیری چاہیے داد ستم

کاش انصاف اپنے دل میں تو کرے

غنچہ پیشانی چمن میں میں رہا

بے دماغ عشق گل کیا بو کرے

لوہو پانی ایک کر دیتا ہے عشق

پانی کردے چشم دل لوہو کرے

اب جنوں میں میر سوے دشت جائے

کار وحشت کے تئیں یک سو کرے

میر تقی میر

اس عشق و محبت نے کیا خانہ خرابی کی

اکتوبر 6, 2015میر تقی میر،اساتذہ،غزلکبابی،گلابی،آبی،خرابی،شرابیadmin

دیوان سوم غزل 1285

خوش طرح مکاں دل کے ڈھانے میں شتابی کی

اس عشق و محبت نے کیا خانہ خرابی کی

سسکے ہے دل ایدھرکو بہتا ہے جگر اودھر

چھاتی ہوئی ہے میری دکان کبابی کی

وہ نرگس مستانہ باتیں کرے ہے درہم

تم دیکھو نہ کچھ بولو کیا بات شرابی کی

بے سدھ ہوئے ہم آئی اک بو جو گلستاں سے

پرزور تھی مے کتنی غنچوں کی گلابی کی

رونے سے دل شب کے تر میر کے کپڑے ہیں

پر قدر نہیں اس کو اس جامۂ آبی کی

میر تقی میر

جوں ہم جلا کریں ہیں بھلا جلتے کب ہیں یے

اکتوبر 6, 2015میر تقی میر،اساتذہ،غزلکڈھب،کب،اب،ادب،سبب،عجب،غضبadmin

دیوان سوم غزل 1284

برق و شرار و شعلہ و پروانہ سب ہیں یے

جوں ہم جلا کریں ہیں بھلا جلتے کب ہیں یے

لے موے سر سے ناخن پا تک بھری ہے آگ

جلتے ہیں دردمند پہ جلتے کڈھب ہیں یے

ہوتا ہے دل کا حال عجب غم سے اس گھڑی

کہتا ہے جب وہ طنز سے ہم کو عجب ہیں یے

آتی ہے گرم باد صبا اس کی اور سے

اپنے جگر کے جلنے کے بارے سبب ہیں یے

غربت پہ مہرباں ہوئے میری سو یہ کہا

ان کو غریب کوئی نہ سمجھے غضب ہیں یے

فرہاد و قیس کے گئے کہتے ہیں اب یہ لوگ

رکھے خدا سلامت انھوں کو کہ اب ہیں یے

سید ہیں میر صاحب و درویش و دردمند

سر رکھیے ان کے پائوں پہ جاے ادب ہیں یے

میر تقی میر

افسوس ہے کہ آکر یوں مینھ ٹک نہ برسے

اکتوبر 6, 2015میر تقی میر،اساتذہ،غزلبرسے،ترسے،سےadmin

دیوان سوم غزل 1283

کل جوش غم میں آنسو ٹپکے نہ چشم تر سے

افسوس ہے کہ آکر یوں مینھ ٹک نہ برسے

کیا ہے نمود مردم جو کہیے دیکھیو تم

مژگاں بہم زدن میں جاتی رہی نظر سے

ہم سا شکستہ خاطر اس بستی میں نہ ہو گا

برسے ہے عشق اپنے دیوار اور در سے

معلوم اگلی سی تو جرأت الم کشی میں

کیا کام نکلے گا اب ٹکڑے ہوئے جگر سے

آئینہ دار اسی کے پاتے ہیں شش جہت کو

دیکھیں تو منھ دکھاوے وہ کام جاں کدھر سے

مت رنج کھینچ مل کر ہشیار مردماں سے

اس کی خبر ملے گی اک آدھ بے خبر سے

جب گوش زد ہو اس کے تب بے دماغ ہو وہ

بس ہوچکی توقع اب نالۂ سحر سے

اے رشک مہ کبھو تو آ چاند سا نکل کر

منھ دیکھنے کو تیرا تا چند کوئی ترسے

چاہت بری بلا ہے کل میر نالہ کش بھی

ہمراہ نے سواراں دوڑے پھرے نفر سے

میر تقی میر

پر یہ کہا نہ ظالم اس کی نہیں سہی ہے

اکتوبر 6, 2015میر تقی میر،اساتذہ،غزلوہی،کہی،کوتہی،افسرشہی،بہی،تہی،رہی،سہیadmin

دیوان سوم غزل 1282

صدگونہ عاشقی میں ہم نے جفا سہی ہے

پر یہ کہا نہ ظالم اس کی نہیں سہی ہے

کرتی پھری ہے رسوا سارے چمن میں مجھ کو

گر کوئی بات دل کی بلبل سے میں کہی ہے

ہے صبح کا سا عرصہ پیری کا اس میں کیا ہو

باقی ہے وقت کتنا فرصت کہاں رہی ہے

درویش جب ہوئے ہم تب ہے ہمیں برابر

کشکول بازگوں ہے یا افسرشہی ہے

جیتے رہے بہت ہم جو یہ ستم اٹھائے

عمر دراز کی سب تقصیر و کوتہی ہے

رونے میں متصل ہے ہونٹوں پہ آہ میری

جاتا نہیں ہے سمجھا یہ بائو کیا بہی ہے

آزار عاشقی میں کاہے کی پھر توقع

ہوجائے یاس جس سے سو رنج یہ وہی ہے

روتا ہمیں نظر کر رہنا کیے کنارہ

چڑھنا ہمارے منھ پہ دریا کی بے تہی ہے

چلاہٹ اس طرح کی جز میر کس سے ہووے

باور نہ ہو تو دیکھو یہ ہو نہ ہو وہی ہے

میر تقی میر

لے زمیں سے تا فلک فریاد و زاری کیجیے

اکتوبر 6, 2015میر تقی میر،اساتذہ،غزلہماری،یاری،گذاری،بردباری،تیمارداری،جاری،دستکاری،زاری،ساریadmin

دیوان سوم غزل 1281

شب اگر دل خواہ اپنے بے قراری کیجیے

لے زمیں سے تا فلک فریاد و زاری کیجیے

ایک دن ہو تو کریں احوال گیری دل کی آہ

مر گئے ہم کب تلک تیمارداری کیجیے

نوچیے ناخن سے منھ یا چاک کریے سب جگر

جی میں ہے آگے ترے کچھ دستکاری کیجیے

جایئے اس شہر ہی سے اب گریباں پھاڑ کر

کیجیے کیا غم سے یوں ماتم گذاری کیجیے

یوں بنے کب تک کہ بے لعل لب اس کے ہر گھڑی

چشمہ چشمہ خون دل آنکھوں سے جاری کیجیے

کنج لب اس شوخ کا بھی ریجھنے کی جاے ہے

صرف کیجے عمر تو اس جاے ساری کیجیے

کوہ غم سر پر اٹھا لیجے نہ کہیے منھ سے کچھ

عشق میں جوں کوہکن کچھ بردباری کیجیے

گرچہ جی کب چاہتا ہے آپ کا آنے کو یاں

پر کبھو تو آئیے خاطر ہماری کیجیے

آشنا ہو اس سے ہم مر مر گئے آئندہ میر

جیتے رہیے تو کسو سے اب نہ یاری کیجیے

میر تقی میر

کیا قیامت کا قیامت شور ہے

اکتوبر 6, 2015میر تقی میر،اساتذہ،غزلچور،ڈور،گور،زور،شورadmin

دیوان سوم غزل 1280

گوش ہر یک کا اسی کی اور ہے

کیا قیامت کا قیامت شور ہے

پوچھنا اس ناتواں کا خوب تھا

پر نہ پوچھا ان نے وہ بھی زور ہے

صندل درد سر مہر و وفا

عاقبت دیکھا تو خاک گور ہے

رشتۂ الفت تو نازک ہے بہت

کیا سمجھ کر خلق اس پر ڈور ہے

ناکسی سے میر اس کوچے کے بیچ

اس طرح نکلے ہے جیسے چور ہے

میر تقی میر

عجب مرحلہ ہم کو درپیش ہے

اکتوبر 6, 2015میر تقی میر،اساتذہ،غزلنیش،کیش،اندیش،درویش،درپیشadmin

دیوان سوم غزل 1279

غم مرگ سے دل جگر ریش ہے

عجب مرحلہ ہم کو درپیش ہے

بلا ہے اسے شوق تیر و کماں

یہیں سے ہے پیدا ستم کیش ہے

دلا اس کے ظاہر پہ مت جائیو

وہ خوش رو تو ہے پر بد اندیش ہے

بہت خوب ہے لعل نوشین یار

ولیکن خط پشت لب نیش ہے

ہمیں کیا جو ہے میر بیہوش سا

خدا جانے یہ کیا ہی درویش ہے

میر تقی میر

اک ایک کو نہیں پھر غیرت سے دیکھ سکتے

اکتوبر 6, 2015میر تقی میر،اساتذہ،غزللچکتے،لپکتے،ڈھلکتے،کھٹکتے،بہکتے،بکتے،جھمکتے،دھڑکتے،سکتےadmin

دیوان سوم غزل 1278

دو دیدئہ تر اپنے جو یار کو ہیں تکتے

اک ایک کو نہیں پھر غیرت سے دیکھ سکتے

حرکت دلوں کی اپنے مذبوحی سی رہے ہے

اب وہ نہیں کہ دھڑ دھڑ رہتے ہیں دل دھڑکتے

پلکوں کی اس کی جنبش جاتی نہیں نظر سے

کانٹے سے اپنے دل میں رہتے ہیں کچھ کھٹکتے

ہوتا تھا گاہ گاہے محسوس درد آگے

اب دل جگر ہمارے پھوڑے سے ہیں لپکتے

پڑتی ہیں ایدھر اودھر وے سرخ آنکھیں ایسی

دو ترک مست جیسے ہوں راہ میں بہکتے

شعلوں کے ڈانک گویا لعلوں تلے دھرے ہیں

چہروں کے رنگ ہم نے دیکھے ہیں کیا جھمکتے

یاں بات راہ کی تو سنتا نہیں ہے کوئی

جاتے ہیں ہم جرس سے اس قافلے میں بکتے

جاگہ سے لے گئے ہیں نازاں جب آگئے ہیں

نوباوگان خوبی جوں شاخ گل لچکتے

اس حسن سے کہاں ہے غلطانی موتیوں کی

جس خوبصورتی سے میر اشک ہیں ڈھلکتے

میر تقی میر

سبزی بہت لگی ہے منھ سے پیارے تیرے

اکتوبر 6, 2015میر تقی میر،اساتذہ،غزلمارے،پیارے،پارے،بارے،سارےadmin

دیوان سوم غزل 1277

اے نوخط ایک دن ہے جھگڑا ہمارے تیرے

سبزی بہت لگی ہے منھ سے پیارے تیرے

حیران حال عاشق ہو گی اجل پہنچ کر

کیا حال یاں رہا ہے ظلموں کے مارے تیرے

ہر بار دیکھے ہے تو ایدھر ہی آہ شب نے

کچھ تو اثر کیا ہے جی میں بھی بارے تیرے

باغ و بہار و نکہت گل پھول سب ہی تو ہے

یاروں کی ہیں نظر میں یہ رنگ سارے تیرے

الماس میر تجھ کو کیا عشق نے دیا ہے

لخت جگر گرے ہیں جوں لعل پارے تیرے

میر تقی میر

تو میاں مجنوں بیاباں سے گئے

اکتوبر 6, 2015میر تقی میر،اساتذہ،غزلپریشاں،ایماں،بیاباں،جاں،سانadmin

دیوان سوم غزل 1276

یوں جنوں کرتے جو ہم یاں سے گئے

تو میاں مجنوں بیاباں سے گئے

مر گئے دم کب تلک رکتے رہیں

بارے جی کے ساتھ سب سانسے گئے

کیا بدن دیکھا چسی چولی سے ہائے

مارے حسرت کے ہی ہم جاں سے گئے

جانب مسجد تھی وہ کافر نگاہ

شیخ صاحب دین و ایماں سے گئے

پیچ میں آئے کسو کی زلف کے

میر اس رستے پریشاں سے گئے

میر تقی میر

رات دن ہم امیدوار رہے

اکتوبر 6, 2015میر تقی میر،اساتذہ،غزلہوشیار،قرار،امیدوار،اختیار،خار،درکنار،شکارadmin

دیوان سوم غزل 1275

برسوں تک جی کو مار مار رہے

رات دن ہم امیدوار رہے

موسم گل تلک رہے گا کون

چبھتے ہی دل کو خار خار رہے

وصل یا ہجر کچھ ٹھہر جاوے

دل کو اپنے اگر قرار رہے

خوش نوا کیسے کیسے طائر قدس

اس جفا پیشہ کے شکار رہے

اس کی آنکھوں کی مستی سے عاشق

چاہیے یوں کہ ہوشیار رہے

دل لگے پر رہا نہیں جاتا

رہیے اپنا جو اختیار رہے

کم ہے کیا لذت ہم آغوشی

سب مزے میر درکنار رہے

میر تقی میر

مرا دامن بنے تو باندھ دو گل کے گریباں سے

اکتوبر 6, 2015میر تقی میر،اساتذہ،غزلمہماں،گریاں،گریباں،پریشاں،جاں،حیراں،ساماںadmin

دیوان سوم غزل 1274

بہار آئی نکالو مت مجھے اب کے گلستاں سے

مرا دامن بنے تو باندھ دو گل کے گریباں سے

نہ ٹک واشد ہوئی دل کو نہ جی کی لاگ کچھ پائی

رہے دس دن جو اپنی عمر کے یاں ہم سو مہماں سے

غم ہجراں نے شاید آگ دی اس ماہ بن دل کو

شرارے تب تو نکلے ہیں ہماری چشم گریاں سے

سبب آشفتہ طبعی کا ہماری رہتے ہیں دونوں

نہ دل جمعی ہے اس کے خط سے نے زلف پریشاں سے

ادھر زنجیر کے غل ہیں ادھر ہنگامے لڑکوں کے

جنوں اس دشت میں ہم نے کیا ہے کیسے ساماں سے

محبت میں کسو کی رنج و محنت سے گئے دونوں

رہی شرمندگی ہی عمر بھر مجھ کو دل و جاں سے

خدا جانے کہ دل کس خانہ آباداں کو دے بیٹھے

کھڑے تھے میر صاحب گھر کے دروازے پہ حیراں سے

میر تقی میر

منھ پھیرے وہ تو ہم کو پھر کون منھ لگاوے

اکتوبر 6, 2015میر تقی میر،اساتذہ،غزللگاوے،لاوے،پاوے،آوے،اٹھاوے،بناوے،جگاوے،جاوے،دکھاوےadmin

دیوان سوم غزل 1273

ہوں خاک پا جو اس کی ہر کوئی سر چڑھاوے

منھ پھیرے وہ تو ہم کو پھر کون منھ لگاوے

ان دو ہی صورتوں میں شکل اب نباہ کی ہے

یا صبر ہم کو آوے یا رحم اس کو آوے

اس مہ بغیر عالم آنکھوں میں سب سیہ ہے

دیکھیں تو عشق کیا کیا ہم کو سمیں دکھاوے

کچھ زخم کھل چلے ہیں کچھ داغ کھل رہے ہیں

اب کے بہار دیکھیں کیا کیا شگوفے لاوے

جوں لیلیٰ اور مجنوں تا نقش کچھ رہے یاں

اس کی مری بھی صورت یک جا کوئی بناوے

یہ طرح دار لڑکے دیں بیٹھنے تب اس کو

جب جی سے اپنے کوئی ہر طرح دل اٹھاوے

ہم جس زمیں پہ آئے واں آسماں یہی تھا

یارب جو کوئی جاوے تو کس طرف کو جاوے

شب سنتے حال میرا لیتا ہے موند آنکھیں

مچلے سے میں کہوں کیا سوتا ہو تو جگاوے

طاعت کا محو تب ہے جب ڈھب نہیں بتوں سے

چھوڑے نماز واجب گر میر وقت پاوے

میر تقی میر

یہ بات اک بے خودی میں منھ پر آئی

اکتوبر 6, 2015میر تقی میر،اساتذہ،غزلہوائی،لگائی،لائی،وفائی،پائی،اوائی،آئی،آشنائی،جدائی،خودنمائی،رہائی،زورآزمائیadmin

دیوان سوم غزل 1272

کہی میں ان لبوں کی جاں فزائی

یہ بات اک بے خودی میں منھ پر آئی

تعارف کیا رہا اہل چمن سے

ہوئی اک عمر میں اپنی رہائی

کہاں کا بے ستوں فرہاد کیسا

یہ سب تھی عشق کی زورآزمائی

جفا اٹھتی وفا جو عمر کرتی

سو کی اس رفتنی نے بے وفائی

کہیں سو کیا کہیں سر پر ہمارے

قیامت شامت اعمال لائی

گیا اس ترک کی آمد کو سن جی

تھمی ہم سے نہ اک دم بھی اوائی

موافق ٹک ہو تو تو پھر جہاں میں

مثل ہو میری تیری آشنائی

بغیر از چہرئہ مہتابی یار

ہمارے منھ پہ چھوٹے ہے ہوائی

گئی ٹکڑے ہو دل کی آرسی تو

ہوئی صدچند اس کی خودنمائی

فراق یار کو آساں نہ سمجھو

کہ جان و تن کی مشکل ہے جدائی

پھر آنا کعبے سے اپنا نہ ہو گا

اب اس کے گھر کی ہم نے راہ پائی

ہوئے ہیں درد دل سے میر کے تنگ

پھر اس جوگی نے یاں دھونی لگائی

میر تقی میر

عاشق کہاں ہوئے کہ گنہگار ہم ہوئے

اکتوبر 6, 2015میر تقی میر،اساتذہ،غزلگنہگار،گرفتار،بیمار،خبردار،خریدار،سزاوار،طلبگارadmin

دیوان سوم غزل 1271

شائستۂ غم و ستم یار ہم ہوئے

عاشق کہاں ہوئے کہ گنہگار ہم ہوئے

کی عرض جو متاع امانت ازل کے بیچ

سب اور لے سکے نہ خریدار ہم ہوئے

جی کھنچ گیا اسیرقفس کی فغاں کی اور

تھی چوٹ اپنے دل کو گرفتار ہم ہوئے

پامال یوں کیا کہ برابر ہیں خاک کے

کیا ظلم ہو گیا جو طلبگار ہم ہوئے

ہوتا نہیں ہے بے خبری کا مآل خوب

افسوس ہے کہ دیر خبردار ہم ہوئے

وصل اس طبیب زادے کا جی چاہتا رہا

آخر اس آرزو ہی میں بیمار ہم ہوئے

پھل ہے یہ میر عشق کا اس نوبہار کے

آخر جو کشت و خوں کے سزاوار ہم ہوئے

میر تقی میر

ہم کو یہ تیر ماہ جاتا ہے

اکتوبر 6, 2015میر تقی میر،اساتذہ،غزلملاتا،چھپاتا،کھاتا،اٹھاتا،بناتا،بھاتا،جاتاadmin

دیوان سوم غزل 1270

تیر جوڑے وہ ماہ آتا ہے

ہم کو یہ تیر ماہ جاتا ہے

گل کو سر پر رکھیں سبھی لیکن

اب دماغ اپنا کب اٹھاتا ہے

اپنا اپنا ہے ذائقہ ہم کو

بوسۂ کنج لب ہی بھاتا ہے

آتش عشق جس کے دل کو لگے

شمع ساں آپ ہی کو کھاتا ہے

دیکھنا ہے تو ہے بہم پر وہ

ہم سے آنکھوں کو کب ملاتا ہے

میری تو ہے پلک سے چھوٹی نگاہ

اور وہ اس پہ منھ چھپاتا ہے

میر صناع ہے ملو اس سے

دیکھو تو باتیں کیا بناتا ہے

میر تقی میر

خبر ہوتے ہی ہوتے دل جگر دونوں جلا دیوے

اکتوبر 6, 2015میر تقی میر،اساتذہ،غزلہوا،ملا،بتا،جلا،جھکا،جا،خداadmin

دیوان سوم غزل 1269

کہیں آگ آہ سوزندہ نہ چھاتی میں لگا دیوے

خبر ہوتے ہی ہوتے دل جگر دونوں جلا دیوے

بہت روئے ہمارے دیدئہ تر اب نہیں کھلتے

متاع آب دیدہ ہے کوئی اس کو ہوا دیوے

تمھارے پائوں گھر جانے کو عاشق کے نہیں اٹھتے

تم آئو تو تمھیں آنکھوں پہ سر پر اپنے جا دیوے

دلیل گم رہی ہے خضر جو ملتا ہے جنگل میں

پھرے ہے آپھی بھولا کیا ہمیں رستہ بتا دیوے

گئے ہی جی کے فیصل ہو نیاز و ناز کا جھگڑا

کہیں وہ تیغ کھینچے بھی کہ بندہ سر جھکا دیوے

لڑائی ہی رہی روزوں میں باہم بے دماغی سے

گلے سے اس کے ہم کو عید اب شاید ملا دیوے

ہوا میں میر جو اس بت سے سائل بوسۂ لب کا

لگا کہنے ظرافت سے کہ شہ صاحب خدا دیوے

میر تقی میر

ہے وہی بات جس میں ہو تہ بھی

اکتوبر 6, 2015میر تقی میر،اساتذہ،غزلمہ،وہ،یہ،گہ،بہ،تہ،رہadmin

دیوان سوم غزل 1268

جی کے لگنے کی میر کچھ کہہ بھی

ہے وہی بات جس میں ہو تہ بھی

حسن اے رشک مہ نہیں رہتا

چار دن کی ہے چاندنی یہ بھی

شور شیریں تو ہے جہاں میں ولے

ہے حلاوت زمانے کی وہ بھی

اس کے پنجے سے دل نکل نہ سکا

زور بیٹھی ہی یار کی گہ بھی

اس زمیں گرد میرے مہ سا نہیں

آسماں پر اگرچہ ہے مہ بھی

کیا کہوں اس کی زلف بن رو رو

میں پراگندہ دل گیا بہ بھی

مضطرب ہو جو ہمرہی کی میر

پھر کے بولا کہ بس کہیں رہ بھی

میر تقی میر

ہرچند کہ گل شگفتہ پیشانی ہے

اکتوبر 6, 2015میر تقی میر،اساتذہ،غزلمانی،نادانی،پیشانی،افشانی،حیرانی،روحانی،سیلانیadmin

دیوان سوم غزل 1267

سب شرم جبین یار سے پانی ہے

ہرچند کہ گل شگفتہ پیشانی ہے

سمجھے نہ کہ بازیچۂ اطفال ہوئے

لڑکوں سے ملاقات ہی نادانی ہے

جوں آئینہ سامنے کھڑا ہوں یعنی

خوبی سے ترے چہرے کی حیرانی ہے

خط لکھتے جو خوں فشاں تھے ہم ان نے کہا

کاغذ جو لکھے ہے اب سو افشانی ہے

دوزخ میں ہوں جلتی جو رہے ہے چھاتی

دل سوختگی عذاب روحانی ہے

منت کی بہت تو ان نے دو حرف کہے

سو برسوں میں اک بات مری مانی ہے

کل سیل سا جوشاں جو ادھر آیا میر

سب بولے کہ یہ فقیر سیلانی ہے

میر تقی میر

اچھے ہوتے نہیں جگر خستے

اکتوبر 6, 2015میر تقی میر،اساتذہ،غزلہنستے،چستے،بستے،خستے،دستے،رستے،سستےadmin

دیوان سوم غزل 1266

ہم پہ رہتے ہو کیا کمر کستے

اچھے ہوتے نہیں جگر خستے

ہنستے کھینچا نہ کیجیے تلوار

ہم نہ مر جائیں ہنستے ہی ہنستے

شوق لکھنے قلم جو ہاتھ آئی

لکھے کاغذ کے دستے کے دستے

سیر قابل ہیں تنگ پوش اب کے

کہنیاں پھٹتے چولیاں چستے

رنگ لیتی ہے سب ہوا اس کا

اس سے باغ و بہار ہیں رستے

اک نگہ کر کے ان نے مول لیا

بک گئے آہ ہم بھی کیا سستے

میر جنگل پڑے ہیں آج جہاں

لوگ کیا کیا نہیں تھے کل بستے

میر تقی میر

کر نہیں بنتی کسو سے جو بنے

اکتوبر 6, 2015میر تقی میر،اساتذہ،غزلچھنے،کنے،ٹھنے،بنے،جنےadmin

دیوان سوم غزل 1265

میر کیوں رہتے ہیں اکثر ان منے

کر نہیں بنتی کسو سے جو بنے

خون ہو کر بہ گیا مدت ہوئی

دل جو ڈھونڈو ہو سو کیسا کس کنے

ہے تو کل جب سے ہم درویش ہیں

کر ہی چکتے ہیں جو کچھ دل میں ٹھنے

عالم خاکی بھی بسمل گاہ ہے

ہو رہے ہیں ڈھیر یاں سو سو جنے

اس شکارافگن کے ہم بھی صید ہیں

خاک و خوں میں لوٹتے چھاتی چھنے

میر تقی میر

آخر کو روتے روتے پریشاں ہو بہ گئے

اکتوبر 6, 2015میر تقی میر،اساتذہ،غزلڈھہ،کہہ،بہ،رہ،سہadmin

دیوان سوم غزل 1264

آنکھوں سے راہ عشق کی ہم جوں نگہ گئے

آخر کو روتے روتے پریشاں ہو بہ گئے

اس عرصے سے گیا ہو کہیں کوئی تو کہیں

چل پھر کے لوگ یاں کے یہیں سارے رہ گئے

کیا کیا ہوئے ہیں اہل زماں ڈھیر خاک کے

کیا کیا مکان دیکھتے ناگاہ ڈھہ گئے

ان دلبروں سے کیا کہیں مظلوم عشق ہم

ناچار ظلم و جور و ستم ان کے سہ گئے

تسبیحیں ٹوٹیں خرقے مصلے پھٹے جلے

کیا جانے خانقاہ میں کیا میر کہہ گئے

میر تقی میر

طوفان سا شہروں میں ہے اک شور دریا پر بھی ہے

اکتوبر 6, 2015میر تقی میر،اساتذہ،غزلپیدا،ادنی،دنیا،دریا،سوداadmin

دیوان سوم غزل 1263

آشوب چشم چشمہ زا اب کوہ و صحرا پر بھی ہے

طوفان سا شہروں میں ہے اک شور دریا پر بھی ہے

گو چشم بندی شیخ کی ہو آخرت کے واسطے

لیکن نظر اعمیٰ نمط پردے میں دنیا پر بھی ہے

نے دست مزد بندگی نے قدر سرافگندگی

جو مکرمت ہم پر ہوئی اب جلف و ادنیٰ پر بھی ہے

تنگ آن کر گم ہو گئے مقصود جو مقصود تھا

ہم خرج رہ کیونکر نہ ہوں پیدا ہی پیدا پر بھی ہے

ہیں خوبیاں ہی خوبیاں وحشی طبیعت میر میں

پر انس کم ہم سے دلیل اب کے یہ سودا پر بھی ہے

میر تقی میر

دل اپنا تو بجھا سا دیا ہے جان چراغ مضطر ہے

اکتوبر 6, 2015میر تقی میر،اساتذہ،غزلقلندر،مضطر،کیدھر،ٹکر،پتھر،بہترadmin

دیوان سوم غزل 1262

دیکھیے کیا ہو سانجھ تلک احوال ہمارا ابتر ہے

دل اپنا تو بجھا سا دیا ہے جان چراغ مضطر ہے

خاطر اپنی اتنی پریشاں آنکھیں پھریں ہیں اس بن حیراں

تم نے کہا دل چاہے تو بیٹھو دل کیا جانے کیدھر ہے

تاب و تواں کا حال وہی ہے آج تنک ہم چیتے ہیں

تم پوچھو تو اور کہیں کیا نسبت کل کی بہتر ہے

اس بے مہر صنم کی خاطر سختی سی سختی کھینچی ہم

جی پگھلے کیا اس کا ہم پر رحم کہاں وہ پتھر ہے

سر نہ بڑے کے چڑھیے اس میں ہرگز زیاں ہے سر ہی کا

سمجھے نہ سمجھے کوئی اسے یہ پہاڑ کی آخر ٹکر ہے

جب سے ملا اس آئینہ رو سے خوش کی ان نے نمد پوشی

پانی بھی دے ہے پھینک شبوں کو میر فقیر قلندر ہے

میر تقی میر

نکہت گل سے آشنا نہ ہوئے

اکتوبر 6, 2015میر تقی میر،اساتذہ،غزلکیا،آشنا،ادا،خدا،رہاadmin

دیوان سوم غزل 1261

ہم چمن میں گئے تھے وا نہ ہوئے

نکہت گل سے آشنا نہ ہوئے

سر کسو سے فرو نہیں آتا

حیف بندے ہوئے خدا نہ ہوئے

خوار و زار و ذلیل و بے رویت

عاشق اس کے ہوئے سو کیا نہ ہوئے

کیسا کیسا قفس سے سر مارا

موسم گل میں ہم رہا نہ ہوئے

میں نہ گردن کٹائی جب تک میر

عشق کے مجھ سے حق ادا نہ ہوئے

میر تقی میر

ٹھنڈا دل اب ہے ایسا جیسے بجھا دیا ہے

اکتوبر 6, 2015میر تقی میر،اساتذہ،غزلبادیہ،دیاadmin

دیوان سوم غزل 1260

سوز دروں نے آخر جی ہی کھپا دیا ہے

ٹھنڈا دل اب ہے ایسا جیسے بجھا دیا ہے

اب نیند کیونکے آوے گرمی نے عاشقی کی

دل ہے جدھر وہ پہلو سارا جلا دیا ہے

حرف غلط تھے کیا ہم صفحے پہ زندگی کے

جو صاف یوں قضا نے ہم کو مٹا دیا ہے

کڑھتے ہمیشہ رہنا ہم کو بغیر اس کے

کیا روگ دوستی نے جی کو لگا دیا ہے

اچرج ہے یہ کہ ہے وہ میرا چراغ تربت

کتنوں کا ورنہ خوں کر ان نے دبا دیا ہے

آنکھوں کی کچھ حیا تھی سو موند لیں ادھر سے

پردہ جو رہ گیا تھا وہ بھی اٹھا دیا ہے

ہم دل زدہ رہے ہیں انواع تلخ سنتے

ان شکریں لبوں نے ہم کو رجھا دیا ہے

جب طول میں دیا ہے نامے کو شوق کے تب

جوں کاغذ ہوائی ان نے اڑا دیا ہے

مرنے ہی کا مہیا اپنے رہا کیا ہوں

واں تیغ اٹھائی ان نے یاں سر جھکا دیا ہے

کیا بے نمک ہوا ہے پروانہ راکھ جل کر

رہ رہ کے ہم جلے تو ہم کو مزہ دیا ہے

تھے جوں چراغ مفلس مضطر نہ ترک تھا جب

بارے فقیری نے تو آرام سا دیا ہے

شہروں کے تنگ کوچے کاہے کو گوں ہیں اپنی

ہم وحشیوں کے قابل رہنے کے بادیہ ہے

نادردمند بلبل نالاں ہے بے تہی سے

دل ہم کو بھی خدا نے دردآشنا دیا ہے

کیا نامہ بر ہمارا ہے صاف بے مروت

خط نانوشتہ ہم کو اودھر سے لا دیا ہے

عالم شکار ہے وہ اس سن میں میر اس کو

ڈھب جان مارنے کا کن نے بتا دیا ہے

میر تقی میر

سب لوگوں میں ہیں لاگیں یاں محض فقیری ہے

اکتوبر 6, 2015میر تقی میر،اساتذہ،غزلفقیری،چیری،پذیری،امیری،اسیری،دھیری،ضمیریadmin

دیوان سوم غزل 1259

اب تک تو نبھی اچھی اب دیکھیے پیری ہے

سب لوگوں میں ہیں لاگیں یاں محض فقیری ہے

کیا دھیر بندھے اس کی جو عشق کا رسوا ہو

نکلے تو کہیں لڑکے دھیری ہے بے دھیری ہے

خوں عشق کی گرمی سے سوکھا جگر و دل میں

اک بوند تھی لوہو کی اب چھاتی جو چیری ہے

ہم طائر نوپر ہیں وے جن کو بہاراں میں

گل گشت گلستاں کا ہے شوق و اسیری ہے

اس دلبر بدظن سے خوش گذرے ہے عاشق کی

نے رحم ہے خاطر میں نے عذر پذیری ہے

ہم مرثیہ دل ہی کا اکثر کہا کرتے ہیں

اب کریے تخلص تو شائستہ ضمیریؔ ہے

کیا اہل دول سے ہے اے میر مجھے نسبت

یاں عجز و فقیری ہے واں ناز امیری ہے

میر تقی میر

دور سے دیکھ لیا اس کو تو جی مار رہے

اکتوبر 6, 2015میر تقی میر،اساتذہ،غزلہار،مار،یار،آزار،بیزارadmin

دیوان سوم غزل 1258

برسوں گذرے ہیں ملے کب تئیں یوں پیار رہے

دور سے دیکھ لیا اس کو تو جی مار رہے

وہ مودت کہ جو قلبی ہو اسے سو معلوم

چار دن کہنے کو اس شوخ سے ہم یار رہے

مرگ کے حال جدائی میں جئیں یوں کب تک

جان بیتاب رہے دل کو اک آزار رہے

وجہ یہ تھی کہ ترے ساتھ لڑی آنکھ اس کی

ہم جو صورت سے تھے آئینے کی بیزار رہے

دین و دنیا کا زیاں کار کہو ہم کو میر

دو جہاں داونخستیں ہی میں ہم ہار رہے

میر تقی میر

تصویر چیں کی روبرو اس کے ذلیل ہے

اکتوبر 6, 2015میر تقی میر،اساتذہ،غزلفیل،قلیل،قیل،ڈھیل،کریل،جمیل،جھیل،دلیل،دخیل،ذلیل،سبیلadmin

دیوان سوم غزل 1257

ناز و ادا کے ساتھ وہ دلبر شکیل ہے

تصویر چیں کی روبرو اس کے ذلیل ہے

ہم خاک منھ کو مل کے نہ جوں آرسی پھرے

یاں پاس قرط آب اگر ہے سبیل ہے

جنگل میں خضرؑ و کعبہ کا ہونا مری طرح

دونوں کی نارسائی کے اوپر دلیل ہے

آگے جنوں سے چھائوں میں تھے سرو و گل کی ہم

سر پر ہمارے سایہ فگن اب کریل ہے

کچھ چیز و مال ہو تو خریدار ہو کوئی

دنیا کی قدر کیا کہ متاع قلیل ہے

کیا روئوں اشک آتے ہیں آنکھوں سے سیل سیل

پل مارنے میں پیش نظر ایک جھیل ہے

آتے نہیں نظر میں مری ہاتھی کے سوار

کانوں میں جو فسانۂ اصحاب فیل ہے

ہو صبر اس جو یوسف ثانی کے بے جمال

تو مصحف مجید میں صبر جمیل ہے

شکر و گلہ سے عشق کے لبریز ہے جہاں

کریے جہاں نگاہ یہی قال و قیل ہے

ہم دیر سے ہیں منتظر قدکشی یار

کچھ شامت عمل سے قیامت میں ڈھیل ہے

جب دیکھتے ہیں میر تمھیں بے دماغ ہو

کاہے کو ناز عشق میں صاحب دخیل ہے

میر تقی میر

نوگل جیسے جلوہ کرے اس رشک بہار کو دیکھا ہے

اکتوبر 6, 2015میر تقی میر،اساتذہ،غزلہزار،نہار،بہار،بیمار،زنار،سردار،شکارadmin

دیوان سوم غزل 1256

کیسے ناز و تبختر سے ہم اپنے یار کو دیکھا ہے

نوگل جیسے جلوہ کرے اس رشک بہار کو دیکھا ہے

چال زمانے کی ہے نظر میں شام و سحر کس کو ہے قیام

نووارد ہم یاں کے ہیں پر لیل و نہار کو دیکھا ہے

ایک نہ آیا دید میں اپنی دلکش دلچسپ اس کے رنگ

ان آنکھوں سے اس گلشن میں یوں تو ہزار کو دیکھا ہے

قدرکفر اسلام سے زائد جانی سبحہ فروشی سے

بکتے کہیں بازار میں تونے گہ زنار کو دیکھا ہے

قلب و دماغ و جگر کے گئے پر ضعف ہے جی کی غارت میں

کیا جانے یہ قلقچی ان نے کس سردار کو دیکھا ہے

بائو سے بھی گر پتا کھڑکے چوٹ چلے ہے ظالم کی

ہم نے دام گہوں میں اس کے ذوق شکار کو دیکھا ہے

جمع کرو دل میر سے تم بھی بیتابی تھی دل کو بہت

اچھے کچھ آثار نہ تھے میں اس بیمار کو دیکھا ہے

میر تقی میر

دھوم رہی ہے سر پر میرے رنج و عتاب و کلفت کی

اکتوبر 6, 2015میر تقی میر،اساتذہ،غزلفرصت،قیامت،قسمت،منت،مدت،مروت،کلفت،دولت،رخصت،صحبت،عزتadmin

دیوان سوم غزل 1255

کیسے نحس دنوں میں یارب میں نے اس سے محبت کی

دھوم رہی ہے سر پر میرے رنج و عتاب و کلفت کی

میں تو سرو و شاخ گل کی قطع ہی کا دیوانہ تھا

یار نے قد قامت دکھلاکر سر پر میرے قیامت کی

قسمت میں جو کچھ کہ بدا ہو دیتے ہیں وہ ہی انساں کو

غم غصہ ہی ہم کو ملا ہے خوبی اپنی قسمت کی

خلوت یار ہے عالم عالم ایک نہیں ہے ہم کو بار

در پر جاکر پھر آتے ہیں خوب ہماری عزت کی

اک گردن سے سو حق باندھے کیا کیا کریے ہوں جو ادا

مدت اس پر ایک نفس جوں صبح ہماری فرصت کی

شیوہ اس کا قہر و غضب ہے ناز و خشم و ستم وے سب

کوئی نگاہ لطف اگر کی ان نے ہم سے مروت کی

بے پروائی درویشی کی تھوڑی تھوڑی تب آئی

جب کہ فقیری کے اوپر میں خرچ بڑی سی دولت کی

ناز و خشم کا رتبہ کیسا ہٹ کس اعلیٰ درجے میں

بات ہماری ایک نہ مانی برسوں ہم نے منت کی

دکھن پورب پچھم سے لوگ آکر مجھ کو دیکھیں ہیں

حیف کہ پروا تم کو نہیں ہے مطلق میری صحبت کی

دوستی یاری الفت باہم عہد میں اس کے رسم نہیں

یہ جانے ہیں مہر و وفا اک بات ہے گویا مدت کی

آب حسرت آنکھوں میں اس کی نومیدانہ پھرتا تھا

میر نے شاید خواہش دل کی آج کوئی پھر رخصت کی

میر تقی میر

طاقت دل کی تمام ہوئی ہے جی کی چال کڈھب سی ہے

اکتوبر 6, 2015میر تقی میر،اساتذہ،غزللب،کڈھب،اب،دب،طلب،عجب،غضبadmin

دیوان سوم غزل 1254

سوزدروں سے آگ لگی ہے سارے بدن میں تب سی ہے

طاقت دل کی تمام ہوئی ہے جی کی چال کڈھب سی ہے

سینے کے زخم نمایاں رہتے چاک کیے سو پردئہ در

مدت سے یہ رخنے پڑے تھے چھاتی پھٹی میں اب سی ہے

پرسش حال کبھو کرتے ہیں ناز و چشم اشارت سے

ان کی عنایت حال پہ میرے کیا پوچھو ہو غضب سی ہے

گود میں میری رکھ دیتا ہے پائوں حنائی دبنے کو

یوں پامال جو میں ہوتا ہوں مجھ کو بھی تو دب سی ہے

لطف کہاں وہ بات کیے پر پھول سے جھڑنے لگ جاویں

سرخ کلی بھی گل کی اگرچہ یار کے لعل لب سی ہے

خانہ خراب ہو خواہش دل کا آہ نہایت اس کو نہیں

جان لبوں پر آئی ہے پر تو بھی گرم طلب سی ہے

تم کہتے ہو بوسہ طلب تھے شاید شوخی کرتے ہوں

میر تو چپ تصویر سے تھے یہ بات انھوں سے عجب سی ہے

میر تقی میر

آہ و فغاں کے طور سے میرے لوگ مجھے پہچان گئے

اکتوبر 6, 2015میر تقی میر،اساتذہ،غزلمہمان،چھان،پہچان،انجان،اوسان،ارمان،دھیانadmin

دیوان سوم غزل 1253

شور کیا جو اس کی گلی میں رات کو ہیں سب جان گئے

آہ و فغاں کے طور سے میرے لوگ مجھے پہچان گئے

عہد میں اس کی یاری کے خوں دل میں ہوئے ہیں کیا کیا چائو

خاک میں آخر ساتھ ہی میرے سب میرے ارمان گئے

موت جو آئے سر پر انساں دست و پا گم کرتا ہے

دیکھتے ہی شمشیر بکف کچھ آج اسے اوسان گئے

مہلت عمر دوروزہ کتنی کریے فضولی کاہے پر

آئے جو ہیں دنیا میں ہم تو جیسے کہیں مہمان گئے

ہاتھ لگا وہ گوہر مقصد جیسا ہے معلوم ہمیں

محو طلب ہو اہل طلب سب خاک بھی یاں کی چھان گئے

کہیے سلوک انھوں کے کیا کیا چھیڑ تجاہل کی ہے نئی

نکلے تھے اس رستے سو وے جان کے بھی انجان گئے

میر نظر کی دل کی طرف کی عرش کی جانب فکر بہت

تھی جو طلب مطلوب کی ہم کو کیدھر کیدھر دھیان گئے

میر تقی میر

جنگل میں نکل آئے کچھ واں بھی نہ بن آئی

اکتوبر 6, 2015میر تقی میر،اساتذہ،غزلمرزائی،گنجائی،پائی،آئی،بالائی،رسوائی،رعنائی،سودائیadmin

دیوان سوم غزل 1252

تدبیر غم دل کی بستی میں نہ ٹھہرائی

جنگل میں نکل آئے کچھ واں بھی نہ بن آئی

خواہش ہو جسے دل کی دل دوں اسے اور سر بھی

میں نے تو اسی دل سے تصدیع بہت پائی

بے پردہ نہ ہونا تھا اسرار محبت کو

عاشق کشی ہے جب سے ہے عشق کی رسوائی

گھر دل کا بہت چھوٹا پر جاے تعجب ہے

عالم کو تمام اس میں کس طرح ہے گنجائی

گھر بار لٹایا جب تب وہ سہی قد آیا

مفلوک ہوئے اب ہم کر خرچ یہ بالائی

خوبی سے ندان اس کی سب صورتیں یاں بگڑیں

وہ زلف بنی دیکھی سب بن گئے سودائی

کیا عہدہ برآئی ہو اس گل کی دورنگی سے

ہر لحظہ ہے خودرائی ہر آن ہے رعنائی

عاشق کی جسے ہووے کچھ قدر نہیں پیدا

جیتا نہ رہا اب تک مجنوں ہی کو موت آئی

آزار بہت کھینچے اب میر توکل ہے

کھینچی نہ گئی ہم سے ہر ایک کی مرزائی

میر تقی میر

اور مجلس میں جو رہیے دیکھ تو شرمائے وہ

اکتوبر 6, 2015میر تقی میر،اساتذہ،غزلہائے،وائے،پائے،آئے،آجائے،بہلائے،شرمائےadmin

دیوان سوم غزل 1251

کیا کریں نیچی نظر کرنے سے غصہ کھائے وہ

اور مجلس میں جو رہیے دیکھ تو شرمائے وہ

کس طرح تڑپے ہے کیا کیا جی گھٹا جاتا ہے ہائے

ساتھ اس کے دل لگا ہو جس کسو کا وائے وہ

کیا سلوک اس بے وفا کے نقل کریے ہم نشیں

منتیں کریے تو یاں تک گھر سے چل کر آئے وہ

لطف سے لبریز ہے اس کام جاں کا سب بدن

مختلط ہوجائے ہم سے جو کبھو تو ہائے وہ

بے خودی ہے جی چلا جاتا ہے ہوں صاحب فراش

بے خبر اے کاش بالیں پر مری آجائے وہ

ہم نہیں ملتے وگرنہ یار ہے تا قتل ساتھ

لوہو پی جاوے ہمارا ہم کو اب جو پائے وہ

میر کو واشد نہیں ہے مقصد اس کا اور ہے

عشق سے لڑکوں کے دل کو کب تلک بہلائے وہ

میر تقی میر

نہ تیر روے ترکش یوں چلا بیٹھ

اکتوبر 6, 2015میر تقی میر،اساتذہ،غزللگا،چلا،ا،اٹھا،جدا،رہا،سناadmin

دیوان سوم غزل 1250

ادھر مت کر نگاہ تیز جا بیٹھ

نہ تیر روے ترکش یوں چلا بیٹھ

اثر ہوتا تو کب کا ہو بھی چکتا

دعاے صبح سے اب ہاتھ اٹھا بیٹھ

پھرے گا ہم سے کب تک دور ظالم

کبھو تو گھر سے اٹھ کر پاس آ بیٹھ

نہ کر دیوار کا مجلس میں تکیہ

ہمارے مونڈھے سے مونڈھا لگا بیٹھ

بہت پھرتے ہیں ٹیڑھے ٹیڑھے دشمن

انھیں دو سیدھیاں تو بھی سنا بیٹھ

تلاش اپنی نہ کم تھی جو وہ ملتا

بہت میں دیکھ کر آخر رہا بیٹھ

مخالف سے نہ مل بیٹھا کر اتنا

کہیں لے میر صاحب کو جدا بیٹھ

میر تقی میر

ضائع ہے جیب و دامن جوں جنس آب دیدہ

اکتوبر 6, 2015میر تقی میر،اساتذہ،غزلآب،باب،خواب،خراب،عذابadmin

دیوان سوم غزل 1249

کب تک رہیں گے یارب ہر دم ہم آبدیدہ

ضائع ہے جیب و دامن جوں جنس آب دیدہ

اس حور سے شبوں کا ملنا گیا سو چپ ہوں

جاتا نہیں کہا کچھ جوں گنگ خواب دیدہ

راز محبت اپنا رسوا نہ اس قدر ہو

گر ہو نہ اشک افشاں خانہ خراب دیدہ

جب دیکھو لگ رہا ہے در کی طرف اسی کے

ہے جیسے کہیے ویسے ذلت کا باب دیدہ

دوزخ میں میر ہوں میں یار بہشت رو بن

جاں ہے ستم رسیدہ دل ہے عذاب دیدہ

میر تقی میر

مری زیست ہے مہربانی کے ساتھ

اکتوبر 6, 2015میر تقی میر،اساتذہ،غزلفشانی،مہربانی،ناتوانی،کہانی،پانی،جوانی،روانیadmin

دیوان سوم غزل 1248

نہ باتیں کرو سرگرانی کے ساتھ

مری زیست ہے مہربانی کے ساتھ

نہ اٹھ کر در یار سے جاسکے

یہ کم لطف ہے ناتوانی کے ساتھ

فرو درد آنسو پیے کچھ ہوا

دوا جیسے پیتے ہیں پانی کے ساتھ

کہے میں نے اشعار ہر بحر میں

ولیکن قیامت روانی کے ساتھ

شتابی گئی اس روش فصل گل

کہ جوں رفتگی ہو جوانی کے ساتھ

بکھیرے ہے جوں لخت دل آہ صبح

ہوا کب ہے اس گل فشانی کے ساتھ

جلا جی بہت قصۂ میر سن

بلا سوز تھا اس کہانی کے ساتھ

میر تقی میر

لطف سے حرف و سخن تھے نگہ اک پیار کے ساتھ

اکتوبر 6, 2015میر تقی میر،اساتذہ،غزلپیار،بیمار،تلوار،دیوار،دیدار،سزاوار،عارadmin

دیوان سوم غزل 1247

وے دن اب سالتے ہیں جن میں پھرے یار کے ساتھ

لطف سے حرف و سخن تھے نگہ اک پیار کے ساتھ

رو بہ پس یار کے کوچے سے جو خورشید گیا

عشق تھا اس کے مگر سایۂ دیوار کے ساتھ

دستے نرگس کے رکھیں گور پہ میری وارث

تا یہ جانیں کہ گیا میں غم دیدار کے ساتھ

واں کھنچی میان سے یاں سر کو جھکایا میں نے

گردن اپنی ہے بندھی یار کی تلوار کے ساتھ

عشق کے زار سے بولا نہ خشونت سے کرو

لطف سے بات کوئی کرتے ہیں بیمار کے ساتھ

تہمت عشق سے آبادی بھی وادی ہے ہمیں

کون صحبت رکھے ہے خوں کے سزاوار کے ساتھ

اب خوشامد انھیں کی آٹھ پہر کرتے ہیں

گفتگو میر کو جن لوگوں سے تھی عار کے ساتھ

میر تقی میر

بالذات ہے جہاں میں وہ موجود ہر جگہ

اکتوبر 6, 2015میر تقی میر،اساتذہ،غزلموجود،مسجود،مسدود،نابود،کود،دود،سودadmin

دیوان سوم غزل 1246

آنکھیں جو ہوں تو عین ہے مقصود ہر جگہ

بالذات ہے جہاں میں وہ موجود ہر جگہ

واقف ہو شان بندگی سے قیدقبلہ کیا

سر ہر کہیں جھکا کہ ہے مسجود ہر جگہ

مو تن پہ ہم نہ سوختہ جانوں کے ہیں نمود

ہے سوزش دروں سے بروں دود ہر جگہ

دلی کے لکھنؤ کے خوش اندام خوب لیک

راہ وفا و مہر ہے مسدود ہر جگہ

پھرتی ہے اپنے ساتھ لگی متصل فنا

آب رواں سے ہم ہوئے نابود ہر جگہ

شہرہ رکھے ہے تیری خریت جہاں میں شیخ

مجلس ہو یا کہ دشت اچھل کود ہر جگہ

سوداے عاشقی میں تو جی کا زیان ہے

پھرتے ہیں میر ڈھونڈتے ہی سود ہر جگہ

میر تقی میر

حال کچھ بھی تجھ میں ہے اے میر اپنا حال دیکھ

اکتوبر 6, 2015میر تقی میر،اساتذہ،غزلفال،چال،ڈال،بال،جنجال،حال،سالadmin

دیوان سوم غزل 1245

جانے دے مت اس قدر اب زلف و خط و خال دیکھ

حال کچھ بھی تجھ میں ہے اے میر اپنا حال دیکھ

کیا مری طول پریشانی کی حیرت ہم نفس

آنکھیں تو دی ہیں خدا نے اس کے لپٹے بال دیکھ

دامن صحرا میں کیا وسعت ہے جو دل میں نہیں

موند کر آنکھیں گریباں میں بھی ٹک سر ڈال دیکھ

چشم و دل کا اس سے لگ جانا تو تھا جس تس طرح

جی بھی ان بالوں میں الجھا اور یہ جنجال دیکھ

گرچہ اس مہ کی جدائی میں مجھے برسوں ہوئے

لیکن اے اخترشناس اب کا ہے کیسا سال دیکھ

کب نظر میری پڑے گی اس کے روے خوب پر

ہم نشیں ٹک تو بھی مصحف کھول کر تو فال دیکھ

ٹھوکریں دل کو لگے ہیں جب چلے ہے راہ تو

یہ خرام ناز ہے ظالم ٹک اپنی چال دیکھ

میر تقی میر

جان ہی جائے گی آخر کو اس ارمان کے ساتھ

اکتوبر 6, 2015میر تقی میر،اساتذہ،غزلقرآن،مہمان،مسلمان،نادان،پیکان،انسان،ایمان،احسان،ارمانadmin

دیوان سوم غزل 1244

ہے تمناے وصال اس کی مری جان کے ساتھ

جان ہی جائے گی آخر کو اس ارمان کے ساتھ

کیا فقط توڑ کے چھاتی ہی گیا تیر اس کا

لے گیا صاف مرے دل کو بھی پیکان کے ساتھ

دین و دل ہی کے رہا میرے وہ کافر درپے

خصمی قاطبہ اس کو ہے مسلمان کے ساتھ

بحر پر نہر پہ برسے ہے برابر ہی ابر

پیش ہر اک سے کریم آتے ہیں احسان کے ساتھ

سطرزلف آئی ہے اس روے مخطط پہ نظر

یہ عبارت نئی لاحق ہوئی قرآن کے ساتھ

تیر اس کا جو گذر دل سے چلا جی بھی چلا

رسم تعظیم سے ہو لیتے ہیں مہمان کے ساتھ

میں تو لڑکا نہیں جو بالے بتائو مجھ کو

یہ فریبندگی کریے کسو نادان کے ساتھ

خون مسلم کو تو واجب یہ بتاں جانے ہیں

ہوجے کافر کہ اماں یاں نہیں ایمان کے ساتھ

آدمیت سے تمھیں میر ہو کیونکر بہرہ

تم نے صحبت نہیں رکھی کسو انسان کے ساتھ

میر تقی میر

یار تک پھر تو کس قدر ہے راہ

اکتوبر 6, 2015میر تقی میر،اساتذہ،غزلہمراہ،نگاہ،ناف،اللہ،راہ،سیاہadmin

دیوان سوم غزل 1243

رستے سے چاک دل کے ہو آگاہ

یار تک پھر تو کس قدر ہے راہ

رہتی ہے خلق آہ شب سے تنگ

وے نہیں سنتے میری بات اللہ

آنکھ اس منھ پہ کس طرح کھولوں

جوں پلک جل رہی ہے میری نگاہ

خط مرا دیکھ دیکھ کہنے لگا

ہائے کیا کیا لکھے ہے نامہ سیاہ

ہیں مسلمان ان بتوں سے ہمیں

عشق ہے لا الٰہ الا اللہ

پلکیں اس طور روتے روتے گئیں

سبزہ ہوتا ہے جس طرح لب چاہ

میر کعبے سے قصد دیر کیا

جائو پیارے بھلا خدا ہمراہ

میر تقی میر

پر جی اسی کو اپنا ڈھونڈے ہے ڈھب نہیں کچھ

اکتوبر 6, 2015میر تقی میر،اساتذہ،غزلڈھب،اب،ادب،جب،سب،سبب،عجبadmin

دیوان سوم غزل 1242

کہتے تو ہیں کہ ہم کو اس کی طلب نہیں کچھ

پر جی اسی کو اپنا ڈھونڈے ہے ڈھب نہیں کچھ

اخلاص و ربط اس سے ہوتا تو شور اٹھاتے

لب تشنہ اپنے تب ہیں دلبر سے جب نہیں کچھ

یاں اعتبار کریے جو کچھ وہی ہے ظاہر

یہ کائنات اپنی آنکھوں میں سب نہیں کچھ

رکھ منھ کو گل کے منھ پر کیا غنچہ ہو کے سوئے

ہے شوخ چشم شبنم اس کو ادب نہیں کچھ

دل خوں نہ ہووے کیونکر یکسروراے الفت

یا سابقے بہت تھے یا اس سے اب نہیں کچھ

یہ حال بے سبب تو ہوتا نہیں ہے لیکن

رونے کا لمحہ لمحہ ظاہر سبب نہیں کچھ

کر عشق میر اس کا مارے کہیں نہ جاویں

جلدی مزاج میں ہے اس سے عجب نہیں کچھ

میر تقی میر

کچھ تو الم ہے دل کی جگہ اور غم ہے کچھ

اکتوبر 6, 2015میر تقی میر،اساتذہ،غزلبھرم،دہم،دم،ستم،غمadmin

دیوان سوم غزل 1241

میں کیا کہوں جگر میں لہو میرے کم ہے کچھ

کچھ تو الم ہے دل کی جگہ اور غم ہے کچھ

پوشیدہ تو نہیں ہے کہ ہم ناتواں نہیں

کپڑوں میں یوں ہی تم کو ہمارا بھرم ہے کچھ

کیا اپنے دل دھڑکنے سے ہوں میں ہی دم بخود

جو دیکھتا ہے میرے تئیں سو دہم ہے کچھ

جب سے کھلی ہے نرگس مست اس کی ظلم ہے

کیا آج کل سے یار کو میل ستم ہے کچھ

بلبل میں گل میں کیا خفگی آگئی ہے میر

آمدشد نسیم سحر دم بہ دم ہے کچھ

میر تقی میر

دل نہ رہے جو ہاتھ رکھے تو سماجت ات گت مت کریو

اکتوبر 6, 2015میر تقی میر،اساتذہ،غزلمنت،مروت،گت،الفت،تربت،رخصت،ضربتadmin

دیوان سوم غزل 1240

آج ہمارا جی بے کل ہے تم بھی غفلت مت کریو

دل نہ رہے جو ہاتھ رکھے تو سماجت ات گت مت کریو

ڈھیری رہے اک خاک کی تو کیا ایسے خاک برابر کی

مجھ کو زمیں میں گاڑوگے تو نشان تربت مت کریو

ایسی جان کہاں ہے ہم میں رنج نہ دینا ہاتھوں کو

ایک ہی وار میں ہو چکیے گا دوسری ضربت مت کریو

ہم کو تو مارا عشق نے آخر پر یہ وصیت یاد رہے

دیر جہاں میں تم جو ہو تو کسو سے الفت مت کریو

میری طرف کی یارو اس سے بات کوئی کہتے ہو کہو

مانے نہ مانے وہ جانے پھر تم بھی منت مت کریو

کہیے سو کیا اب چپکے دیکھو گو میں اس میں مر جائوں

تم کو قسم ہے حرف و سخن کی مجھ سے مروت مت کریو

ہوش نہیں اپنا تو ہمیں ٹک میر آئے ہیں پرسش کو

جانے سے آگے ان کو ہمارے پیارے رخصت مت کریو

میر تقی میر

آنکھ کا لگنا نہ ہو تو اشک کیوں خوناب ہو

اکتوبر 6, 2015میر تقی میر،اساتذہ،غزلآب،اسباب،تالاب،خوناب،خواب،سیماب،سیرابadmin

دیوان سوم غزل 1239

دل کہے میں ہوں تو کاہے کو کوئی بیتاب ہو

آنکھ کا لگنا نہ ہو تو اشک کیوں خوناب ہو

وہ نہیں چھڑکائو سا میں اشک ریزی سے کروں

اب جو رونے بیٹھ جائوں جھیل ہو تالاب ہو

جلد کھینچے تیغ بیتابی کریں جو ہم تو پھر

مارنا مشکل ہمارا تم کو جوں سیماب ہو

شہر میں زیر درختاں کیا رہوں میں برگ بند

ہو نہ صحرا نے مری گنجائش اسباب ہو

بے تصرف عشق کے ہوتا ہے ایسا حال کب

دل ہمارا خون ہو سب چشم یکسر آب ہو

لطف سے اے ابر رحمت ایک دو بارش ادھر

کشت زرد ناامیداں بھی تو ٹک سیراب ہو

بخت خفتہ سوویں پر ٹک چونکتے سوویں کہ میر

ایک شب ہم دل زدوں سے وہ پری ہم خواب ہو

میر تقی میر

کہتے ہیں اپنی ٹوپی سے بھی مشورت کرو

اکتوبر 6, 2015میر تقی میر،اساتذہ،غزلمشورت،صفتadmin

دیوان سوم غزل 1238

گر قصدترک سر ہے کہو شرم مت کرو

کہتے ہیں اپنی ٹوپی سے بھی مشورت کرو

اچھی ہے اس کی تیغ تو باندھو گلے سے میر

مرتا ہوں میں تو آگے مرے مت صفت کرو

میر تقی میر

ہم سینہ خستہ لوگوں سے بس آنکھ مت لگائو

اکتوبر 6, 2015میر تقی میر،اساتذہ،غزللگائو،لائو،چائو،ڈبائو،اٹھائو،بہائو،بتائو،تائو،دبائوadmin

دیوان سوم غزل 1237

سب کھا گئے جگر تری پلکوں کے کاو کاو

ہم سینہ خستہ لوگوں سے بس آنکھ مت لگائو

آنکھوں کا جھڑ برسنے سے ہتھیا کے کم نہیں

پل مارتے ہے پیش نظر ہاتھی کا ڈبائو

کشتی چشم ڈوبی رہی بحر اشک میں

آئی نہ پار ہوتی نظر عاشقوں کی نائو

سینے کے اپنے زخم سے خاطر ہو جمع کیا

دل ہی کی اور پاتے ہیں سب لوہو کا بہائو

بیتابی دل افعی خامہ نے کیا لکھی

کاغذ کو شکل مار سراسر ہے پیچ تائو

ہرچند جانیں جاتی ہیں پر تیغ جور سے

تم کو ہمارے سر کی سوں تم ہاتھ مت اٹھائو

سر نیچے ہو تو پاؤں ترا دابیں ہم کبھی

دبتا وہی ہے جس کے تئیں کچھ بھی ہو دبائو

چاک قفس سے آنکھیں لگیں کب تلک رہیں

اک برگ گل نسیم ہماری طرف بھی لائو

غیرت کا عشق کی ہے طریقہ ہی کچھ جدا

اس کی گلی کی خضرؑ کو بھی راہ مت بتائو

ظاہر ہیں دیکھنے سے گنہ کیونکہ تیرے سب

چھپتے ہیں میر کوئی دلوں کے کہیں لگائو

میر تقی میر

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: