ٹیگ کے محفوظات: کود

بالذات ہے جہاں میں وہ موجود ہر جگہ

اکتوبر 6, 2015میر تقی میر،اساتذہ،غزلموجود،مسجود،مسدود،نابود،کود،دود،سودadmin

دیوان سوم غزل 1246

آنکھیں جو ہوں تو عین ہے مقصود ہر جگہ

بالذات ہے جہاں میں وہ موجود ہر جگہ

واقف ہو شان بندگی سے قیدقبلہ کیا

سر ہر کہیں جھکا کہ ہے مسجود ہر جگہ

مو تن پہ ہم نہ سوختہ جانوں کے ہیں نمود

ہے سوزش دروں سے بروں دود ہر جگہ

دلی کے لکھنؤ کے خوش اندام خوب لیک

راہ وفا و مہر ہے مسدود ہر جگہ

پھرتی ہے اپنے ساتھ لگی متصل فنا

آب رواں سے ہم ہوئے نابود ہر جگہ

شہرہ رکھے ہے تیری خریت جہاں میں شیخ

مجلس ہو یا کہ دشت اچھل کود ہر جگہ

سوداے عاشقی میں تو جی کا زیان ہے

پھرتے ہیں میر ڈھونڈتے ہی سود ہر جگہ

میر تقی میر

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔

اپنے سواے کس کو موجود جانتے ہیں

اکتوبر 6, 2015میر تقی میر،اساتذہ،غزلموجود،محمود،مسجود،مسدود،معبود،معدود،نابود،کود،سودadmin

دیوان اول غزل 307

ہم آپ ہی کو اپنا مقصود جانتے ہیں

اپنے سواے کس کو موجود جانتے ہیں

عجز و نیاز اپنا اپنی طرف ہے سارا

اس مشت خاک کو ہم مسجود جانتے ہیں

صورت پذیر ہم بن ہرگز نہیں وے معنی

اہل نظر ہمیں کو معبود جانتے ہیں

عشق ان کی عقل کو ہے جو ماسوا ہمارے

ناچیز جانتے ہیں نابود جانتے ہیں

اپنی ہی سیر کرنے ہم جلوہ گر ہوئے تھے

اس رمز کو ولیکن معدود جانتے ہیں

یارب کسے ہے ناقہ ہر غنچہ اس چمن کا

راہ وفا کو ہم تو مسدود جانتے ہیں

یہ ظلم بے نہایت دشوار تر کہ خوباں

بد وضعیوں کو اپنی محمود جانتے ہیں

کیا جانے داب صحبت از خویش رفتگاں کا

مجلس میں شیخ صاحب کچھ کود جانتے ہیں

مر کر بھی ہاتھ آوے تو میر مفت ہے وہ

جی کے زیان کو بھی ہم سود جانتے ہیں

میر تقی میر

Rate this:

اسے شیئر کریں:

• Twitter
• فیس بک

پسند کریں لوڈ کیا جا رہا ہے۔۔۔