زمرہ جات کے محفوظات: غزل

صحبت رکھے گلوں سے اتنا دماغ کس کو

اکتوبر 6, 2015میر تقی میر،اساتذہ،غزلفراغ،چراغ،ایاغ،دماغ،داغ،سراغadmin

دیوان اول غزل 386

اچھی لگے ہے تجھ بن گل گشت باغ کس کو

صحبت رکھے گلوں سے اتنا دماغ کس کو

بے سوز داغ دل پر گر جی جلے بجا ہے

اچھا لگے ہے اپنا گھر بے چراغ کس کو

صد چشم داغ وا ہیں دل پر مرے میں وہ ہوں

دکھلا رہا ہے لالہ تو اپنا داغ کس کو

گل چین عیش ہوتے ہم بھی چمن میں جاکر

آہ و فغاں سے اپنی لیکن فراغ کس کو

کر شکر چشم پر خوں اے مست درد الفت

دیتے ہیں سرخ مے سے بھر کر ایاغ کس کو

اس کی بلا سے جو ہم اے میر گم بھی ہوویں

ہم سے غریب کا ہو فکر سراغ کس کو

میر تقی میر

رکھے خدا جہاں میں دل بے قرار کو

اکتوبر 6, 2015میر تقی میر،اساتذہ،غزلقرار،مزار،یار،ابربہار،اختیار،بار،خمار،دیار،داغدار،رہگذار،شکار،غبارadmin

دیوان اول غزل 385

آرام ہوچکا مرے جسم نزار کو

رکھے خدا جہاں میں دل بے قرار کو

پانی پہ جیسے غنچۂ لالہ پھرے بہا

دیکھا میں آنسوئوں میں دل داغدار کو

برسا تو میرے دیدئہ خوں بار کے حضور

پر اب تک انفعال ہے ابربہار کو

ہنستا ہی میں پھروں جو مرا کچھ ہو اختیار

پر کیا کروں میں دیدئہ بے اختیار کو

آیا جہاں میں دوست بھی ہوتے ہیں یک دگر

مجھ سے جو دشمنی ہی رہی میرے یار کو

سو باریوں تو غیروں سے کرتے ہو ہنس کے بات

کچھ منھ بنا رہو ہو ہماری ہی بار کو

سر گشتگی سوائے نہ دیکھا جہاں میں کچھ

اک عمر خضر سیر کیا اس دیار کو

کس کس کی خاک اب کی ملانی ہے خاک میں

جاتی ہے پھر نسیم اسی رہگذار کو

اے وہ کوئی جو آج پیے ہے شراب عیش

خاطر میں رکھیو کل کے بھی رنج و خمار کو

خوباں کا کیا جگر جو کریں مجھ کو اپنا صید

پہچانتا ہے سب کوئی تیرے شکار کو

جیتے جی فکر خوب ہے ورنہ یہ بدبلا

رکھے گا حشر تک تہ و بالا مزار کو

گر ساتھ لے گڑا تو دل مضطرب تو میر

آرام ہوچکا ترے مشت غبار کو

میر تقی میر

آرزو ہے کہ تم ادھر دیکھو

اکتوبر 6, 2015میر تقی میر،اساتذہ،غزلہنر،نظر،کر،پر،اگر،ادھر،تر،جگر،سحرadmin

دیوان اول غزل 384

گرچہ کب دیکھتے ہو پر دیکھو

آرزو ہے کہ تم ادھر دیکھو

عشق کیا کیا ہمیں دکھاتا ہے

آہ تم بھی تو اک نظر دیکھو

یوں عرق جلوہ گر ہے اس منھ پر

جس طرح اوس پھول پر دیکھو

ہر خراش جبیں جراحت ہے

ناخن شوق کا ہنر دیکھو

تھی ہمیں آرزو لب خنداں

سو عوض اس کے چشم تر دیکھو

رنگ رفتہ بھی دل کو کھینچے ہے

ایک شب اور یاں سحر دیکھو

دل ہوا ہے طرف محبت کا

خون کے قطرے کا جگر دیکھو

پہنچے ہیں ہم قریب مرنے کے

یعنی جاتے ہیں دور اگر دیکھو

لطف مجھ میں بھی ہیں ہزاروں میر

دیدنی ہوں جو سوچ کر دیکھو

میر تقی میر

کیا جانے منھ سے نکلے نالے کے کیا سماں ہو

اکتوبر 6, 2015میر تقی میر،اساتذہ،غزلفشاں،کہاں،کارواں،گماں،امتحاں،آسماں،آستاں،آشیاں،جہاں،جواں،درمیاں،رواں،سماں،سرگراںadmin

دیوان اول غزل 383

اے چرخ مت حریف اندوہ بے کساں ہو

کیا جانے منھ سے نکلے نالے کے کیا سماں ہو

کب تک گرہ رہے گا سینے میں دل کے مانند

اے اشک شوق اک دم رخسار پر رواں ہو

ہم دور ماندگاں کی منزل رساں مگر اب

یا ہو صدا جرس کی یا گرد کارواں ہو

مسند نشین ہو گر عرصہ ہے تنگ اس پر

آسودہ وہ کسو کا جو خاک آستاں ہو

تاچند کوچہ گردی جیسے صبا زمیں پر

اے آہ صبح گاہی آشوب آسماں ہو

گر ذوق سیر ہے تو آوارہ اس چمن میں

مانند عندلیب گم کردہ آشیاں ہو

یہ جان تو کہ ہے اک آوارہ دست بردل

خاک چمن کے اوپر برگ خزاں جہاں ہو

کیا ہے حباب ساں یاں آ دیکھ اپنی آنکھوں

گر پیرہن میں میرے میرا تجھے گماں ہو

از خویش رفتہ ہر دم رہتے ہیں ہم جو اس بن

کہتے ہیں لوگ اکثر اس وقت تم کہاں ہو

پتھر سے توڑ ڈالوں آئینے کو ابھی میں

گر روے خوبصورت تیرا نہ درمیاں ہو

اس تیغ زن سے کہیو قاصد مری طرف سے

اب تک بھی نیم جاں ہوں گر قصد امتحاں ہو

کل بت کدے میں ہم نے دھولیں لگائیاں ہیں

کعبے میں آج زاہد گو ہم پہ سرگراں ہو

ہمسایہ اس چمن کے کتنے شکستہ پر ہیں

اتنے لیے کہ شاید اک بائو گل فشاں ہو

میر اس کو جان کر تو بے شبہ ملیو رہ پر

صحرا میں جو نمد مو بیٹھا کوئی جواں ہو

میر تقی میر

پھر ایک بس ہے وہی گو ادھر خدائی ہو

اکتوبر 6, 2015میر تقی میر،اساتذہ،غزللڑائی،لگائی،چلائی،نارسائی،کھائی،گدائی،پائی،پارسائی،آئی،ادائی،خدائی،رہائی،سمائیadmin

دیوان اول غزل 382

مباد کینے پہ اس بت کی طبع آئی ہو

پھر ایک بس ہے وہی گو ادھر خدائی ہو

مدد نہ اتنی بھی کی بخت ناموافق نے

کہ مدعی سے اسے ایک دن لڑائی ہو

ہنوز طفل ہے وہ ظلم پیشہ کیا جانے

لگاوے تیغ سلیقے سے جو لگائی ہو

لبوں سے تیرے تھا آگے ہی لعل سرخ و زرد

قسم ہے میں نے اگر بات بھی چلائی ہو

خدا کرے کہ نصیب اپنے ہو نہ آزادی

کدھر کے ہو جے جو بے بال و پر رہائی ہو

مزے کو عشق کی ذلت کے جانتا ہے وہی

کسو کی جن نے کبھو لات مکی کھائی ہو

اس آفتاب سے تو فیض سب کو پہنچے ہے

یقین ہے کہ کچھ اپنی ہی نارسائی ہو

کبھو ہے چھیڑ کبھو گالی ہے کبھو چشمک

بیان کریے جو ایک اس کی بے ادائی ہو

دیار حسن میں غالب کہ خستہ جانوں نے

دوا کے واسطے بھی مہر ٹک نہ پائی ہو

ہزار مرتبہ بہتر ہے بادشاہی سے

اگر نصیب ترے کوچے کی گدائی ہو

جو کوئی دم ہو تو لوہو سا پی کے رہ جائوں

غموں کی دل میں بھلا کب تلک سمائی ہو

مغاں سے راہ تو ہوجائے رفتہ رفتہ شیخ

ترا بھی قصد اگر ترک پارسائی ہو

کہیں تو ہیں کہ عبث میر نے دیا جی کو

خدا ہی جانے کہ کیا جی میں اس کے آئی ہو

میر تقی میر

ہاں کہو اعتماد ہے ہم کو

اکتوبر 6, 2015میر تقی میر،اساتذہ،غزلفساد،نہاد،یاد،اعتقاد،اعتماد،زیاد،سواد،شاد،عنادadmin

دیوان اول غزل 381

کہتے ہو اتحاد ہے ہم کو

ہاں کہو اعتماد ہے ہم کو

شوق ہی شوق ہے نہیں معلوم

اس سے کیا دل نہاد ہے ہم کو

خط سے نکلے ہے بے وفائی حسن

اس قدر تو سواد ہے ہم کو

آہ کس ڈھب سے رویئے کم کم

شوق حد سے زیاد ہے ہم کو

شیخ و پیرمغاں کی خدمت میں

دل سے اک اعتقاد ہے ہم کو

سادگی دیکھ عشق میں اس کے

خواہش جان شاد ہے ہم کو

بدگمانی ہے جس سے تس سے آہ

قصد شورو فساد ہے ہم کو

دوستی ایک سے بھی تجھ کو نہیں

اور سب سے عناد ہے ہم کو

نامرادانہ زیست کرتا تھا

میر کا طور یاد ہے ہم کو

میر تقی میر

ہم تو ہوں بدگمان جو قاصد رسول ہو

اکتوبر 6, 2015میر تقی میر،اساتذہ،غزلقبول،وصول،پھول،حصول،دھول،رسول،عجولadmin

دیوان اول غزل 380

خط لکھ کے کوئی سادہ نہ اس کو ملول ہو

ہم تو ہوں بدگمان جو قاصد رسول ہو

چاہوں تو بھرکے کولی اٹھا لوں ابھی تمھیں

کیسے ہی بھاری ہو مرے آگے تو پھول ہو

سرمہ جو نور بخشے ہے آنکھوں کو خلق کی

شاید کہ راہ یار کی ہی خاک دھول ہو

جاویں نثار ہونے کو ہم کس بساط پر

اک نیم جاں رکھیں ہیں سو وہ جب قبول ہو

ہم ان دنوں میں لگ نہیں پڑتے ہیں صبح و شام

ورنہ دعا کریں تو جو چاہیں حصول ہو

دل لے کے لونڈے دلی کے کب کا پچا گئے

اب ان سے کھائی پی ہوئی شے کیا وصول ہو

ناکام اس لیے ہو کہ چاہو ہو سب کچھ آج

تم بھی تو میر صاحب و قبلہ عجول ہو

میر تقی میر

کہتا ہے ترا سایہ پری سے کہ ہے کیا تو

اکتوبر 6, 2015میر تقی میر،اساتذہ،غزلقبا،لگا،ملا،یا،کیا،اٹھا،بھلا،جا،رہاadmin

دیوان اول غزل 379

قد کھینچے ہے جس وقت تو ہے طرفہ بلا تو

کہتا ہے ترا سایہ پری سے کہ ہے کیا تو

گر اپنی روش راہ چلا یار تو اے کبک

رہ جائے گا دیوار گلستاں سے لگا تو

بے گل نہیں بلبل تجھے بھی چین پہ دیکھیں

مر رہتے ہیں ہم ایک طرف باغ میں یا تو

خوش رو ہے بہت اے گل تر تو بھی ولیکن

انصاف ہے منھ تیرے ہی ویسا ہے بھلا تو

کیا جانیے اے گوہر مقصد تو کہاں ہے

ہم خاک میں بھی مل گئے لیکن نہ ملا تو

اس جینے سے اب دل کو اٹھا بیٹھیں گے ہم بھی

ہے تجھ کو قسم ظلم سے مت ہاتھ اٹھا تو

منظر میں بدن کے بھی یہ اک طرفہ مکاں تھا

افسوس کہ ٹک دل میں ہمارے نہ رہا تو

تھے چاک گریبان گلستاں میں گلوں کے

نکلا ہے مگر کھولے ہوئے بند قبا تو

بے ہوشی سی آتی ہے تجھے اس کی گلی میں

گر ہوسکے اے میر تو اس راہ نہ جا تو

میر تقی میر

کہ بھر جھولی نہ یاں سے لے گئی گل ہاے حرماں کو

اکتوبر 6, 2015میر تقی میر،اساتذہ،غزلفروشاں،مژگاں،نالاں،ویراں،گلستاں،پیکاں،حرماں،خوباں،داماں،غریباںadmin

دیوان اول غزل 378

نسیم مصر کب آئی سواد شہر کنعاں کو

کہ بھر جھولی نہ یاں سے لے گئی گل ہاے حرماں کو

زبان نوحہ گر ہوں میں قضا نے کیا ملایا تھا

مری طینت میں یارب سودئہ دل ہاے نالاں کو

کوئی کانٹا سررہ کا ہماری خاک پر بس ہے

گل گلزار کیا درکار ہے گور غریباں کو

یہ کیا جانوں ہوا سینے میں کیا اس دل کو اب ناصح

سحر خوں بستہ تو دیکھا تھا میں نے اپنی مژگاں کو

گل و سنبل ہیں نیرنگ قضا مت سرسری گذرے

کہ بگڑے زلف و رخ کیا کیا بناتے اس گلستاں کو

صداے آہ جیسے تیرجی کے پار ہوتی ہے

کسو بیدرد نے کھینچا کسو کے دل سے پیکاں کو

کریں بال ملک فرش رہ اس ساعت کہ محشر میں

لہو ڈوبا کفن لاویں شہید ناز خوباں کو

کیا سیر اس خرابے کا بہت اب چل کے سو رہیے

کسو دیوار کے سائے میں منھ پر لے کے داماں کو

بہاے سہل پر دیتے ہیں کس محبوب کو کف سے

قلم اس جرم پر کرنا ہے دست گل فروشاں کو

تری ہی جستجو میں گم ہوا ہے کہہ کہاں کھویا

جگر خوں گشتہ دل آزردہ میر اس خانہ ویراں کو

میر تقی میر

نکالا سر سے میرے جاے مو خار مغیلاں کو

اکتوبر 6, 2015میر تقی میر،اساتذہ،غزلہجراں،فراواں،مہماں،مغیلاں،نیستاں،نامسلماں،گریاں،پنہاں،پریشاں،انساں،آساں،بیاباں،باراں،جواناں،جاں،خنداں،دہقاں،دنداں،سازاں،سخنداں،سردرگریباں،عریاں،عزیزاں،غزالاںadmin

دیوان اول غزل 377

فلک نے گر کیا رخصت مجھے سیر بیاباں کو

نکالا سر سے میرے جاے مو خار مغیلاں کو

وہ ظالم بھی تو سمجھے کہہ رکھا ہے ہم نے یاراں کو

کہ گورستان سے گاڑیں جدا ہم اہل ہجراں کو

نہیں یہ بید مجنوں گردش گردون گرداں نے

بنایا ہے شجر کیا جانیے کس مو پریشاں کو

ہوئے تھے جیسے مرجاتے پر اب تو سخت حسرت ہے

کیا دشوار نادانی سے ہم نے کار آساں کو

کہیں نسل آدمی کی اٹھ نہ جاوے اس زمانے میں

کہ موتی آب حیواں جانتے ہیں آب انساں کو

تجھے گر چشم عبرت ہے تو آندھی اور بگولے سے

تماشا کر غبار افشانی خاک عزیزاں کو

لباس مرد میداں جوہر ذاتی کفایت ہے

نہیں پرواے پوشش معرکے میں تیغ عریاں کو

ہواے ابر میں گرمی نہیں جو تو نہ ہو ساقی

دم افسردہ کردے منجمد رشحات باراں کو

جلیں ہیں کب کی مژگاں آنسوئوں کی گرم جوشی سے

اس آب چشم کی جوشش نے آتش دی نیستاں کو

وہ کافر عشق کا ہے دل کہ میری بھی رگ جاں تک

سدا زنار ہی تسبیح ہے اس نامسلماں کو

غرور ناز سے آنکھیں نہ کھولیں اس جفا جونے

ملا پائوں تلے جب تک نہ چشم صد غزالاں کو

نہ سی چشم طمع خوان فلک پر خام دستی سے

کہ جام خون دے ہے ہر سحر یہ اپنے مہماں کو

زبس صرف جنوں میرے ہوا آہن عجب مت کر

نہ ہو گر حلقۂ در خانۂ زنجیر سازاں کو

بنے ناواقف شادی اگر ہم بزم عشرت میں

دہان زخم دل سمجھے جو دیکھا روے خنداں کو

نہیں ریگ رواں مجنوں کے دل کی بے قراری نے

کیا ہے مضطرب ہر ذرئہ گرد بیاباں کو

کسی کے واسطے رسواے عالم ہو پہ جی میں رکھ

کہ مارا جائے جو ظاہر کرے اس راز پنہاں کو

گری پڑتی ہے بجلی ہی تبھی سے خرمن گل پر

ٹک اک ہنس میرے رونے پر کہ دیکھے تیرے دنداں کو

غرور ناز قاتل کو لیے جا ہے کوئی پوچھے

چلا تو سونپ کر کس کے تئیں اس صید بے جاں کو

وہ تخم سوختہ تھے ہم کہ سرسبزی نہ کی حاصل

ملایا خاک میں دانہ نمط حسرت سے دہقاں کو

ہوا ہوں غنچۂ پژمردہ آخر فصل کا تجھ بن

نہ دے برباد حسرت کشتۂ سردرگریباں کو

غم و اندوہ و بیتابی الم بے طاقتی حرماں

کہوں اے ہم نشیں تاچند غم ہاے فراواں کو

گل وسرو وسمن گر جائیں گے مت سیرگلشن کر

ملا مت خاک میں ان باغ کے رعنا جواناں کو

بہت روئے جو ہم یہ آستیں رکھ منھ پہ اے بجلی

نہ چشم کم سے دیکھ اس یادگارچشم گریاں کو

مزاج اس وقت ہے اک مطلع تازہ پہ کچھ مائل

کہ بے فکرسخن بنتی نہیں ہرگز سخنداں کو

میر تقی میر

ہے سیر مفت میر تجھے پھر جہاں کہاں

اکتوبر 6, 2015میر تقی میر،اساتذہ،غزلکہاںadmin

دیوان اول غزل 376

کر صرف دید عمر پھرے ہے تو یاں کہاں

ہے سیر مفت میر تجھے پھر جہاں کہاں

میر تقی میر

تم سے کتنے ہماری جیب میں ہیں

اکتوبر 6, 2015میر تقی میر،اساتذہ،غزلہیںadmin

دیوان اول غزل 375

کیسہ پرزر ہو تو جفاجویاں

تم سے کتنے ہماری جیب میں ہیں

میر تقی میر

آنکھیں نیچی کر گیا گل باغ میں

اکتوبر 6, 2015میر تقی میر،اساتذہ،غزلمیںadmin

دیوان اول غزل 374

کر نظر اک دور سے مجھ داغ میں

آنکھیں نیچی کر گیا گل باغ میں

میر تقی میر

یمنی کو وے نام رکھتے ہیں

اکتوبر 6, 2015میر تقی میر،اساتذہ،غزلہیںadmin

دیوان اول غزل 373

جو ترے لب سے کام رکھتے ہیں

یمنی کو وے نام رکھتے ہیں

میر تقی میر

میں ترے کان کھول رکھتا ہوں

اکتوبر 6, 2015میر تقی میر،اساتذہ،غزلہوںadmin

دیوان اول غزل 372

نہ سنے گا فغاں مری پھر تو

میں ترے کان کھول رکھتا ہوں

میر تقی میر

پر ساکنوں میں واں کے کوئی آدمی نہیں

اکتوبر 6, 2015میر تقی میر،اساتذہ،غزلنہیںadmin

دیوان اول غزل 371

فردوس سے کچھ اس کی گلی میں کمی نہیں

پر ساکنوں میں واں کے کوئی آدمی نہیں

میر تقی میر

اندھیری رات ہے برسات ہے جگنو چمکتے ہیں

اکتوبر 6, 2015میر تقی میر،اساتذہ،غزلہیںadmin

دیوان اول غزل 370

تری زلف سیہ کی یاد میں آنسو جھمکتے ہیں

اندھیری رات ہے برسات ہے جگنو چمکتے ہیں

میر تقی میر

سب کو دعویٰ ہے ولے ایک میں یہ جان نہیں

اکتوبر 6, 2015میر تقی میر،اساتذہ،غزلمسلمان،امکان،ایمان،جان،خاطرمہمان،دربان،سامانadmin

دیوان اول غزل 369

عشق کرنے کو جگر چاہیے آسان نہیں

سب کو دعویٰ ہے ولے ایک میں یہ جان نہیں

غارت دیں میں نگہ خصمی ایماں میں ادا

تجھ کو کافر نہ کہے جو وہ مسلمان نہیں

سرسری ملیے بتوں سے جو نہ ہوتاب جفا

عشق کا ذائقہ کچھ داخل ایمان نہیں

ایک بے درد تجھے پاس نہیں عاشق کا

ورنہ عالم میں کسے خاطرمہمان نہیں

کیونکے غم سرزدہ ہر لحظہ نہ آوے دل میں

گھر ہے درویش کا یاں در نہیں دربان نہیں

ہم نشیں آہ نہ تکلیف شکیبائی کر

عشق میں صبر و تحمل ہو یہ امکان نہیں

کس طرح منزل مقصود پہ پہنچیں گے میر

سفر دور ہے اور ہم کنے سامان نہیں

میر تقی میر

ترے غم کو اکیلا چھوڑ کر پیارے کہاں جائوں

اکتوبر 6, 2015میر تقی میر،اساتذہ،غزلناگہاں،یاں،کہاں،جہاںadmin

دیوان اول غزل 368

ہمیشہ دل میں کہتا ہوں یہاں جائوں وہاں جائوں

ترے غم کو اکیلا چھوڑ کر پیارے کہاں جائوں

لگی آتی ہے واں تک تیرے دامن کی ہوا اڑ کے

میں یہ مشت غبار اپنا چھپانے کو جہاں جائوں

ادھر صحراے بیتابی ادھر مشہد ہے اے قاتل

جو فرماوے تو واں جائوں جو فرماوے تو یاں جائوں

اگر جیتا رہا اے زلف تو میں میر ہوں سنیو

بلاے ناگہانی کے سر اوپر ناگہاں جائوں

میر تقی میر

پر وفا کا برا کیا تونیں

اکتوبر 6, 2015میر تقی میر،اساتذہ،غزلوفا،کہا،کیا،پا،بلا،براadmin

دیوان اول غزل 367

مجھ کو مارا بھلا کیا تونیں

پر وفا کا برا کیا تونیں

حسرتیں اس کی سر پٹکتی ہیں

مرگ فرہاد کیا کیا تونیں

اس کے جور و جفا کی کیا تقصیر

جو کیا سو وفا کیا تونیں

یہ چمن ہے قفس سے پر اے ضعف

مجھ کو بے دست و پا کیا تونیں

کل ہی پڑتی نہیں ہے تجھ بن آج

میر کو کیا بلا کیا تونیں

وہ جو کہتا تھا تو ہی کریو قتل

میر کا سو کہا کیا تونیں

میر تقی میر

پر تمامی عتاب ہیں دونوں

اکتوبر 6, 2015میر تقی میر،اساتذہ،غزلکباب،آفتاب،باب،جواب،خواب،خراب،سراب،شراب،عتاب،عذابadmin

دیوان اول غزل 366

لب ترے لعل ناب ہیں دونوں

پر تمامی عتاب ہیں دونوں

رونا آنکھوں کا رویئے کب تک

پھوٹنے ہی کے باب ہیں دونوں

ہے تکلف نقاب وے رخسار

کیا چھپیں آفتاب ہیں دونوں

تن کے معمورے میں یہی دل و چشم

گھر تھے دو سو خراب ہیں دونوں

کچھ نہ پوچھو کہ آتش غم سے

جگر و دل کباب ہیں دونوں

سو جگہ اس کی آنکھیں پڑتی ہیں

جیسے مست شراب ہیں دونوں

پائوں میں وہ نشہ طلب کا نہیں

اب تو سرمست خواب ہیں دونوں

ایک سب آگ ایک سب پانی

دیدہ و دل عذاب ہیں دونوں

بحث کاہے کو لعل و مرجاں سے

اس کے لب ہی جواب ہیں دونوں

آگے دریا تھے دیدۂ تر میر

اب جو دیکھو سراب ہیں دونوں

میر تقی میر

ہوئے ہیں دل جگر بھی سامنے رستم ہیں یہ دونوں

اکتوبر 6, 2015میر تقی میر،اساتذہ،غزلمرہم،نامحرم،کم،باہم،جم،رستم،سم،شبنم،عالمadmin

دیوان اول غزل 365

تری ابرو و تیغ تیز تو ہم دم ہیں یہ دونوں

ہوئے ہیں دل جگر بھی سامنے رستم ہیں یہ دونوں

نہ کچھ کاغذ میں ہے تہ نے قلم کو درد نالوں کا

لکھوں کیا عشق کے حالات نامحرم ہیں یہ دونوں

لہو آنکھوں سے بہتے وقت رکھ لیتا ہوں ہاتھوں کو

جراحت ہیں اگر وے دونوں تو مرہم ہیں یہ دونوں

کسو چشمے پہ دریا کے دیا اوپر نظر رکھیے

ہمارے دیدئہ نم دیدہ کیا کچھ کم ہیں یہ دونوں

لب جاں بخش اس کے مار ہی رکھتے ہیں عاشق کو

اگرچہ آب حیواں ہیں ولیکن سم ہیں یہ دونوں

نہیں ابرو ہی مائل جھک رہی ہے تیغ بھی ایدھر

ہمارے کشت و خوں میں متفق باہم ہیں یہ دونوں

کھلے سینے کے داغوں پر ٹھہر رہتے ہیں کچھ آنسو

چمن میں مہر ورزی کے گل و شبنم ہیں یہ دونوں

کبھو دل رکنے لگتا ہے جگر گاہے تڑپتا ہے

غم ہجراں میں چھاتی کے ہماری جم ہیں یہ دونوں

خدا جانے کہ دنیا میں ملیں اس سے کہ عقبیٰ میں

مکاں تو میر صاحب شہرئہ عالم ہیں یہ دونوں

میر تقی میر

گوش گل سے لگتے تھے جاکے سو وہ موسم نہیں

اکتوبر 6, 2015میر تقی میر،اساتذہ،غزلہم،موسم،محرمadmin

دیوان اول غزل 364

نالۂ قید قفس سے چھوٹ اب اک دم نہیں

گوش گل سے لگتے تھے جاکے سو وہ موسم نہیں

ہم پہ کھینچی تیغ تو غیروں کو ٹک لگنے نہ دے

وے اگر ہوویں گے اس کے درمیاں تو ہم نہیں

بت برہمن کوئی نامحرم نہیں اللہ کا

ہے حرم میں شیخ لیکن میر وہ محرم نہیں

میر تقی میر

رہ عشق میں پھر خطر کچھ نہیں

اکتوبر 6, 2015میر تقی میر،اساتذہ،غزلمگر،مدنظر،گر،اثر،تر،ثمر،خبر،خطرadmin

دیوان اول غزل 363

گذر جان سے اور ڈر کچھ نہیں

رہ عشق میں پھر خطر کچھ نہیں

ہے اب کام دل جس پہ موقوف تو

وہ نالہ کہ جس میں اثر کچھ نہیں

ہوا مائل اس سرو کا دل مرا

بجز جور جس سے ثمر کچھ نہیں

نہ کر اپنے محووں کا ہرگز سراغ

گئے گذرے بس اب خبر کچھ نہیں

تری ہوچکی خشک مژگاں کی سب

لہو اب جگر میں مگر کچھ نہیں

حیا سے نہیں پشت پا پر وہ چشم

مرا حال مدنظر کچھ نہیں

کروں کیونکے انکارعشق آہ میں

یہ رونا بھلا کیا ہے گر کچھ نہیں

کمر اس کی رشک رگ جاں ہے میر

غرض اس سے باریک تر کچھ نہیں

میر تقی میر

تو بھی ہم دل کو مار رکھتے ہیں

اکتوبر 6, 2015میر تقی میر،اساتذہ،غزلہزار،قرار،مار،یار،پیار،اختیار،اعتبارadmin

دیوان اول غزل 362

آرزوئیں ہزار رکھتے ہیں

تو بھی ہم دل کو مار رکھتے ہیں

برق کم حوصلہ ہے ہم بھی تو

دلک بے قرار رکھتے ہیں

غیر ہی مورد عنایت ہے

ہم بھی تو تم سے پیار رکھتے ہیں

نہ نگہ نے پیام نے وعدہ

نام کو ہم بھی یار رکھتے ہیں

ہم سے خوش زمزمہ کہاں یوں تو

لب و لہجہ ہزار رکھتے ہیں

چوٹٹے دل کے ہیں بتاں مشہور

بس یہی اعتبار رکھتے ہیں

پھر بھی کرتے ہیں میرصاحب عشق

ہیں جواں اختیار رکھتے ہیں

میر تقی میر

اس چرخ نے کیاں ہیں ہم سے بہت ادائیں

اکتوبر 6, 2015میر تقی میر،اساتذہ،غزلہوائیں،فضائیں،وفائیں،کھائیں،ادائیں،بھائیں،دوائیں،دعائیں،صفائیںadmin

دیوان اول غزل 361

کیا ظلم کیا تعدی کیا جور کیا جفائیں

اس چرخ نے کیاں ہیں ہم سے بہت ادائیں

دیکھا کہاں وہ نسخہ اک روگ میں بساہا

جی بھر کبھو نہ پنپا بہتیری کیں دوائیں

اک رنگ گل نے رہنا یاں یوں نہیں کیا ہے

اس گلشن جہاں میں ہیں مختلف ہوائیں

ہے فرش عرش تک بھی قلب حزیں کا اپنے

اس تنگ گھر میں ہم نے دیکھی ہیں کیا فضائیں

چہرے کے زخم ناخن کے سے کہاں کہ گویا

گھر سے نکلتے ہی ہم تلواریں منھ پہ کھائیں

شب نالہ آسماں تک جی سخت کرکے پہنچا

تھیں نیم کشتۂ یاس اکثر مری دعائیں

روکش تو ہو ترا پر آئینے میں کہاں یہ

رعنائیاں ادائیں رنگینیاں صفائیں

ہے امر سہل چاہت لیکن نباہ مشکل

پتھر کرے جگر کو تب تو کرے وفائیں

ناز بتان سادہ ہے اللہ اللہ اے میر

ہم خط سے مٹ گئے پر ان کے نہیں ہے بھائیں

میر تقی میر

وقت ملنے کا مگر داخل ایام نہیں

اکتوبر 6, 2015میر تقی میر،اساتذہ،غزلنام،پیغام،ایام،آرامadmin

دیوان اول غزل 360

دن نہیں رات نہیں صبح نہیں شام نہیں

وقت ملنے کا مگر داخل ایام نہیں

مثل عنقا مجھے تم دور سے سن لو ورنہ

ننگ ہستی ہوں مری جاے بجز نام نہیں

خطر راہ وفا بلکہ بہت دور کھنچا

عمر گذری کہ بہم نامہ و پیغام نہیں

راز پوشی محبت کے تئیں چاہیے ضبط

سو تو بیتابی دل بن مجھے آرام نہیں

بے قراری جو کوئی دیکھے ہے سو کہتا ہے

کچھ تو ہے میر کہ اک دم تجھے آرام نہیں

میر تقی میر

کوئی ہم سے سیکھے وفاداریاں

اکتوبر 6, 2015میر تقی میر،اساتذہ،غزلماریاں،نازبرداریاں،وفاداریاں،یاریاں،آزاریاں،بیماریاں،خواریاں،زاریاں،صدگرفتاریاںadmin

دیوان اول غزل 359

موئے سہتے سہتے جفاکاریاں

کوئی ہم سے سیکھے وفاداریاں

ہماری تو گذری اسی طور عمر

یہی نالہ کرنا یہی زاریاں

فرشتہ جہاں کام کرتا نہ تھا

مری آہ نے برچھیاں ماریاں

گیا جان سے اک جہاں لیک شوخ

نہ تجھ سے گئیں یہ دل آزاریاں

کہاں تک یہ تکلیف مالا یطاق

ہوئیں مدتوں نازبرداریاں

خط و کاکل و زلف و انداز و ناز

ہوئیں دام رہ صدگرفتاریاں

کیا دردوغم نے مجھے ناامید

کہ مجنوں کو یہ ہی تھیں بیماریاں

تری آشنائی سے ہی حد ہوئی

بہت کی تھیں دنیا میں ہم یاریاں

نہ بھائی ہماری تو قدرت نہیں

کھنچیں میر تجھ سے ہی یہ خواریاں

میر تقی میر

دیتا ہے آگ رنگ ترا گلستاں کے تیں

اکتوبر 6, 2015میر تقی میر،اساتذہ،غزلفغاں،کہاں،کارواں،گلستاں،آشیاں،بتاں،جواں،جاں،زباںadmin

دیوان اول غزل 358

تکلیف باغ کن نے کی تجھ خوش دہاں کے تیں

دیتا ہے آگ رنگ ترا گلستاں کے تیں

تنکا بھی اب رہا نہیں شرمندگی ہے جو

گر پڑ کے برق پاوے مرے آشیاں کے تیں

آئے عدم سے ہستی میں تس پر نہیں قرار

ہے ان مسافروں کا ارادہ کہاں کے تیں

سناہٹے سے باغ سے کچھ اٹھتے ہیں نسیم

مرغ چمن نے خوب متھا ہے فغاں کے تیں

بے رحم ٹک تو پائوں تو چھاتی پہ رکھے رہ

مارا بھی ہے کبھی تیں کسی خستہ جاں کے تیں

اک گردش اے فلک کہ ہو اثناے راہ سے

کنعاں کی اور راہ غلط کارواں کے تیں

تو اک زباں پہ چپکی نہیں رہتی عندلیب

رکھتا ہے منھ میں غنچۂ گل سو زباں کے تیں

دیکھے کہاں ہیں زلف تری مردمان شہر

سودا ہوا ہے کہنے لگے اس جواں کے تیں

ہم تو ہوئے تھے میر سے اس دن ہی ناامید

جس دن سنا کہ ان نے دیا دل بتاں کے تیں

میر تقی میر

نہ گلے سے میرے اترا کبھو قطرہ آب تجھ بن

اکتوبر 6, 2015میر تقی میر،اساتذہ،غزلماہتاب،کباب،آب،اضطراب،خواب،خراب،شتاب،عذابadmin

دیوان اول غزل 357

یہ غلط کہ میں پیا ہوں قدح شراب تجھ بن

نہ گلے سے میرے اترا کبھو قطرہ آب تجھ بن

یہی بستی عاشقوں کی کبھو سیر کرنے چل تو

کہ محلے کے محلے پڑے ہیں خراب تجھ بن

میں لہو پیوں ہوں غم میں عوض شراب ساقی

شب میغ ہو گئی ہے شب ماہتاب تجھ بن

گئی عمر میری ساری جیسے شمع بائو کے بیچ

یہی رونا جلنا گلنا یہی اضطراب تجھ بن

سبھی آتشیں ہیں نالے سبھی زمہریری آہیں

مری جان پر رہا ہے غرض اک عذاب تجھ بن

ترے غم کا شکر نعمت کروں کیا اے مغبچے میں

نہ ہوا کہ میں نہ کھایا جگر کباب تجھ بن

نہیں جیتے جی تو ممکن ہمیں تجھ بغیر سونا

مگر آنکہ مر کے کیجے تہ خاک خواب تجھ بن

برے حال ہوکے مرتا جو درنگ میر کرتا

یہ بھلا ہوا ستمگر کہ موا شتاب تجھ بن

میر تقی میر

زمانہ ہووے مساعد تو روزگار کریں

اکتوبر 6, 2015میر تقی میر،اساتذہ،غزلہزار،قرار،نثار،یار،پار،انتظار،بار،روزگار،شکارadmin

دیوان اول غزل 356

نہ کیونکے شیخ توکل کو اختیار کریں

زمانہ ہووے مساعد تو روزگار کریں

گیا وہ زمزمۂ صبح فصل گل بلبل

دعا نہ پہنچے چمن تک ہم اب ہزار کریں

تمام صید سر تیر جمع ہیں لیکن

نصیب اس کے کہ جس کو ترا شکار کریں

تسلی تو ہو دل بے قرار خوباں سے

یہ کاش ملنے نہ ملنے کا کچھ قرار کریں

ہمیں تو نزع میں شرمندہ آ کے ان نے کیا

رہا ہے ایک رمق جی سو کیا نثار کریں

رہی سہی بھی گئی عمر تیرے پیچھے یار

یہ کہہ کہ آہ ترا کب تک انتظار کریں

کریں ہیں حادثے ہر روز وار آخر تو

سنان آہ دل شب کے ہم بھی پار کریں

یہ قتل غیر ہے کیا کام ہم نشیناں آج

جو دشمنی نہ کرے وہ تو اس کو یار کریں

ہوا ہوں خاک رہ اس واسطے کہ خوباں میر

گذار گور پہ میری بھی ایک بار کریں

میر تقی میر

یوں نہ کرنا تھا پائمال ہمیں

اکتوبر 6, 2015میر تقی میر،اساتذہ،غزلہلال،ملال،مال،نہال،نکال،کلال،پائمال،انتقال،بال،بحال،خیالadmin

دیوان اول غزل 355

خوش نہ آئی تمھاری چال ہمیں

یوں نہ کرنا تھا پائمال ہمیں

حال کیا پوچھ پوچھ جاتے ہو

کبھو پاتے بھی ہو بحال ہمیں

وہ دہاں وہ کمر ہی ہے مقصود

اور کچھ اب نہیں خیال ہمیں

اس مہ چاردہ کی دوری نے

دس ہی دن میں کیا ہلال ہمیں

نظر آتے ہیں ہوتے جی کے وبال

حلقہ حلقہ تمھارے بال ہمیں

تنگی اس جا کی نقل کیا کریے

یاں سے واجب ہے انتقال ہمیں

صرف للہ خم کے خم کرتے

نہ کیا چرخ نے کلال ہمیں

مغ بچے مال مست ہم درویش

کون کرتا ہے مشت مال ہمیں

کب تک اس تنگنا میں کھینچئے رنج

یاں سے یارب تو ہی نکال ہمیں

ترک سبزان شہر کریے اب

بس بہت کر چکے نہال ہمیں

وجہ کیا ہے کہ میر منھ پہ ترے

نظر آتا ہے کچھ ملال ہمیں

میر تقی میر

یہیں آگے بہاریں ہو گئی ہیں

اکتوبر 6, 2015میر تقی میر،اساتذہ،غزلمزاریں،کناریں،بہاریں،تاریں،دھاریںadmin

دیوان اول غزل 354

جہاں اب خارزاریں ہو گئی ہیں

یہیں آگے بہاریں ہو گئی ہیں

جنوں میں خشک ہو رگ ہاے گردن

گریباں کی سی تاریں ہو گئی ہیں

سنا جاتا ہے شہر عشق کے گرد

مزاریں ہی مزاریں ہو گئی ہیں

اسی دریاے خوبی کا ہے یہ شوق

کہ موجیں سب کناریں ہو گئی ہیں

انھیں گلیوں میں جب روتے تھے ہم میر

کئی دریا کی دھاریں ہو گئی ہیں

میر تقی میر

روز برسات کی ہوا ہے یاں

اکتوبر 6, 2015میر تقی میر،اساتذہ،غزلہوا،ہورہا،ماجرا،کیا،کربلا،گیا،گڑا،آنکلا،تعزیہ،جا،رہا،صفاadmin

دیوان اول غزل 353

آہ اور اشک ہی سدا ہے یاں

روز برسات کی ہوا ہے یاں

جس جگہ ہو زمین تفتہ سمجھ

کہ کوئی دل جلا گڑا ہے یاں

گو کدورت سے وہ نہ دیوے رو

آرسی کی طرح صفا ہے یاں

ہر گھڑی دیکھتے جو ہو ایدھر

ایسا کہ تم نے آنکلا ہے یاں

رند مفلس جگر میں آہ نہیں

جان محزوں ہے اور کیا ہے یاں

کیسے کیسے مکان ہیں ستھرے

اک ازاں جملہ کربلا ہے یاں

اک سسکتا ہے ایک مرتا ہے

ہر طرف ظلم ہورہا ہے یاں

صد تمنا شہید ہیں یک جا

سینہ کوبی ہے تعزیہ ہے یاں

دیدنی ہے غرض یہ صحبت شوخ

روز و شب طرفہ ماجرا ہے یاں

خانۂ عاشقاں ہے جاے خوب

جاے رونے کی جا بہ جا ہے یاں

کوہ و صحرا بھی کر نہ جاے باش

آج تک کوئی بھی رہا ہے یاں

ہے خبر شرط میر سنتا ہے

تجھ سے آگے یہ کچھ ہوا ہے یاں

موت مجنوں کو بھی یہیں آئی

کوہکن کل ہی مر گیا ہے یاں

میر تقی میر

الٰہی شکر کرتا ہوں تری درگاہ عالی میں

اکتوبر 6, 2015میر تقی میر،اساتذہ،غزللالی،والی،گالی،پائمالی،پرتگالی،خیالی،خالی،سالی،عالیadmin

دیوان اول غزل 352

کہے ہے کوہکن کر فکر میری خستہ حالی میں

الٰہی شکر کرتا ہوں تری درگاہ عالی میں

میں وہ پژمردہ سبزہ ہوں کہ ہوکر خاک سے سرزد

یکایک آگیا اس آسماں کی پائمالی میں

تو سچ کہہ رنگ پاں ہے یہ کہ خون عشق بازاں ہے

سخن رکھتے ہیں کتنے شخص تیرے لب کی لالی میں

برا کہنا بھی میرا خوش نہ آیا اس کو تو ورنہ

تسلی یہ دل ناشاد ہوتا ایک گالی میں

مرے استاد کو فردوس اعلیٰ میں ملے جاگہ

پڑھایا کچھ نہ غیر از عشق مجھ کو خورد سالی میں

خرابی عشق سے رہتی ہے دل پر اور نہیں رہتا

نہایت عیب ہے یہ اس دیار غم کے والی میں

نگاہ چشم پر خشم بتاں پر مت نظر رکھنا

ملا ہے زہر اے دل اس شراب پرتگالی میں

شراب خون بن تڑپوں سے دل لبریز رہتا ہے

بھرے ہیں سنگ ریزے میں نے اس میناے خالی میں

خلاف ان اور خوباں کے سدا یہ جی میں رہتا ہے

یہی تو میر اک خوبی ہے معشوق خیالی میں

میر تقی میر

عمر گذری پر نہ جانا میں کہ کیوں دل گیر ہوں

اکتوبر 6, 2015میر تقی میر،اساتذہ،غزلمیر،گیر،پیر،التعزیر،تقصیر،تیر،تاثیر،زنجیر،شمشیرadmin

دیوان اول غزل 351

یوں ہی حیران و خفا جوں غنچۂ تصویر ہوں

عمر گذری پر نہ جانا میں کہ کیوں دل گیر ہوں

اتنی باتیں مت بنا مجھ شیفتے سے ناصحا

پند کے لائق نہیں میں قابل زنجیر ہوں

سرخ رہتی ہیں مری آنکھیں لہو رونے سے شیخ

مے اگر ثابت ہو مجھ پر واجب التعزیر ہوں

نے فلک پر راہ مجھ کو نے زمیں پر رو مجھے

ایسے کس محروم کا میں شور بے تاثیر ہوں

جوں کماں گرچہ خمیدہ ہوں پہ چھوٹا اور وہیں

اس کے کوچے کی طرف چلنے کو یارو تیر ہوں

جو مرے حصے میں آوے تیغ جمدھر سیل و کارد

یہ فضولی ہے کہ میں ہی کشتۂ شمشیر ہوں

کھول کر دیوان میرا دیکھ قدرت مدعی

گرچہ ہوں میں نوجواں پر شاعروں کا پیر ہوں

یوں سعادت ایک جمدھر مجھ کو بھی گذرانیے

منصفی کیجے تو میں تو محض بے تقصیر ہوں

اس قدر بے ننگ خبطوں کو نصیحت شیخ جی

باز آئو ورنہ اپنے نام کو میں میر ہوں

میر تقی میر

فریاد کریں کس سے کہاں جاکے پکاریں

اکتوبر 6, 2015میر تقی میر،اساتذہ،غزلماریں،مزاریں،واریں،پکاریں،پساریں،اتاریں،ازاریں،بہاریں،دھاریں،سنواریں،سدھاریںadmin

دیوان اول غزل 350

کر نالہ کشی کب تئیں اوقات گذاریں

فریاد کریں کس سے کہاں جاکے پکاریں

ہر دم کا بگڑنا تو کچھ اب چھوٹا ہے ان سے

شاید کسی ناکام کا بھی کام سنواریں

دل میں جو کبھو جوش غم اٹھتا ہے تو تا دیر

آنکھوں سے چلی جاتی ہیں دریا کی سی دھاریں

کیا ظلم ہے اس خونی عالم کی گلی میں

جب ہم گئے دوچار نئی دیکھیں مزاریں

جس جا کہ خس و خار کے اب ڈھیر لگے ہیں

یاں ہم نے انھیں آنکھوں سے دیکھیں ہیں بہاریں

کیونکر کے رہے شرم مری شہر میں جب آہ

ناموس کہاں اتریں جو دریا پہ ازاریں

وے ہونٹ کہ ہے شور مسیحائی کا جن کی

دم لیویں نہ دوچار کو تا جی سے نہ ماریں

منظور ہے کب سے سرشوریدہ کا دینا

چڑھ جائے نظر کوئی تو یہ بوجھ اتاریں

بالیں پہ سر اک عمر سے ہے دست طلب کا

جو ہے سو گدا کس کنے جا ہاتھ پساریں

ان لوگوں کے تو گرد نہ پھر سب ہیں لباسی

سوگز بھی جو یہ پھاڑیں تو اک گز بھی نہ واریں

ناچار ہو رخصت جو منگا بھیجی تو بولا

میں کیا کروں جو میر جی جاتے ہیں سدھاریں

میر تقی میر

مانا کیا خدا کی طرح ان بتاں کو میں

اکتوبر 6, 2015میر تقی میر،اساتذہ،غزلمہرباں،میہماں،آسماں،بتاں،جواںadmin

دیوان اول غزل 349

سمجھا تنک نہ اپنے تو سود و زیاں کو میں

مانا کیا خدا کی طرح ان بتاں کو میں

لاویں اسے بھی بعد مرے میری لاش پر

یہ کہہ رکھا ہے اپنے ہر اک مہرباں کو میں

گردش فلک کی کیا ہے جو دور قدح میں ہے

دیتا رہوں گا چرخ مدام آسماں کو میں

جی جاوے تو قبول ترا غم نہ جائیو

رکھتا نپٹ عزیز ہوں اس میہماں کو میں

عاشق ہے یا مریض ہے پوچھو تو میر سے

پاتا ہوں زرد روز بروز اس جواں کو میں

میر تقی میر

اب دل گرفتگی سے آزار کھینچتے ہیں

اکتوبر 6, 2015میر تقی میر،اساتذہ،غزلناچار،یار،آزار،تلوار،دیوار،دار،دشوارadmin

دیوان اول غزل 348

لیتے ہیں سانس یوں ہم جوں تار کھینچتے ہیں

اب دل گرفتگی سے آزار کھینچتے ہیں

سینہ سپر کیا تھا جن کے لیے بلا کا

وے بات بات میں اب تلوار کھینچتے ہیں

مجلس میں تیری ہم کو کب غیر خوش لگے ہے

ہم بیچ اپنے اس کے دیوار کھینچتے ہیں

بے طاقتی نے ہم کو چاروں طرف سے کھویا

تصدیع گھر میں بیٹھے ناچار کھینچتے ہیں

منصور کی حقیقت تم نے سنی ہی ہو گی

حق جو کہے ہے اس کو یاں دار کھینچتے ہیں

شکوہ کروں تو کس سے کیا شیخ کیا برہمن

ناز اس بلاے جاں کے سب یار کھینچتے ہیں

ناوک سے میر اس کے دل بستگی تھی مجھ کو

پیکاں جگر سے میرے دشوار کھینچتے ہیں

میر تقی میر

اور مطلق اب دماغ اپنا وفا کرتا نہیں

اکتوبر 6, 2015میر تقی میر،اساتذہ،غزلچلا،وفا،وا،کہا،آشنا،بھلا،بددعا،جدا،دوا،رہاadmin

دیوان اول غزل 347

آہ وہ عاشق ستم ترک جفا کرتا نہیں

اور مطلق اب دماغ اپنا وفا کرتا نہیں

بات میں غیروں کو چپ کردوں ولیکن کیا کروں

وہ سخن نشنو تنک میرا کہا کرتا نہیں

روز بدتر جیسے بیمار اجل ہے دل کا حال

یہ سمجھ کر ہم نشیں اب میں دوا کرتا نہیں

گوئیا باب اجابت ہجر میں تیغا ہوا

ورنہ کس شب آپ کو میں بددعا کرتا نہیں

بیکسان عشق اس کے آہ کس کے پاس جائیں

گور بن کوئی صلا میں لب کو وا کرتا نہیں

چھوٹنا ممکن نہیں اپنا قفس کی قید سے

مرغ سیر آہنگ کو کوئی رہا کرتا نہیں

چرخ کی بھی کج ادائی ہم ہی پر جاتی ہے پیش

ناز کو اس سے تو اک دم بھی جدا کرتا نہیں

دیکھ اسے بے دید ہو آنکھوں نے کیا دیکھا بھلا

دل بھی بد کرتا ہے مجھ سے تو بھلا کرتا نہیں

کیونکے دیکھی جائے یہ بیگانہ وضعی مجھ سے شوخ

تو تو ایدھر یک نگاہ آشنا کرتا نہیں

کیا کہوں پہنچا کہاں تک میر اپنا کارشوق

یاں سے کس دن اک نیا قاصد چلا کرتا نہیں

میر تقی میر

مہلت ہمیں بسان شرر کم بہت ہے یاں

اکتوبر 6, 2015میر تقی میر،اساتذہ،غزلماتم،مجسم،نم،کم،آدم،دم،درہم،شبنم،عالم،غمadmin

دیوان اول غزل 346

آجائیں ہم نظر جو کوئی دم بہت ہے یاں

مہلت ہمیں بسان شرر کم بہت ہے یاں

یک لحظہ سینہ کوبی سے فرصت ہمیں نہیں

یعنی کہ دل کے جانے کا ماتم بہت ہے یاں

حاصل ہے کیا سواے ترائی کے دہر میں

اٹھ آسماں تلے سے کہ شبنم بہت ہے یاں

مائل بہ غیر ہونا تجھ ابرو کا عیب ہے

تھی زور یہ کماں ولے خم چم بہت ہے یاں

ہم رہروان راہ فنا دیر رہ چکے

وقفہ بسان صبح کوئی دم بہت ہے یاں

اس بت کدے میں معنی کا کس سے کریں سوال

آدم نہیں ہے صورت آدم بہت ہے یاں

عالم میں لوگ ملنے کی گوں اب نہیں رہے

ہر چند ایسا ویسا تو عالم بہت ہے یاں

ویسا چمن سے سادہ نکلتا نہیں کوئی

رنگینی ایک اور خم و چم بہت ہے یاں

اعجاز عیسوی سے نہیں بحث عشق میں

تیری ہی بات جان مجسم بہت ہے یاں

میرے ہلاک کرنے کا غم ہے عبث تمھیں

تم شاد زندگانی کرو غم بہت ہے یاں

دل مت لگا رخ عرق آلود یار سے

آئینے کو اٹھا کہ زمیں نم بہت ہے یاں

شاید کہ کام صبح تک اپنا کھنچے نہ میر

احوال آج شام سے درہم بہت ہے یاں

میر تقی میر

ورنہ یہ کنج قفس بیضۂ فولاد نہیں

اکتوبر 6, 2015میر تقی میر،اساتذہ،غزلفولاد،فرہاد،فریاد،یاد،ایجاد،ارشادadmin

دیوان اول غزل 345

ایک پرواز کو بھی رخصت صیاد نہیں

ورنہ یہ کنج قفس بیضۂ فولاد نہیں

شیخ عزلت تو تہ خاک بھی پہنچے گی بہم

مفت ہے سیر کہ یہ عالم ایجاد نہیں

داد لے چھوڑوں میں صیاد سے اپنی لیکن

ضعف سے میرے تئیں طاقت فریاد نہیں

کیوں ہی معذور بھی رکھ یوں تو سمجھ دل میں شیخ

یہ قدح خوار مرے قابل ارشاد نہیں

بے ستوں بھی ہے وہی اور وہی جوے شیر

تھا نمک شہرت شیریں کا سو فرہاد نہیں

کیا کہوں میر فراموش کیا ان نے تجھے

میں تو تقریب بھی کی پر تو اسے یاد نہیں

میر تقی میر

ولے کم ہیں بہت وے لوگ جن کو یار کہتے ہیں

اکتوبر 6, 2015میر تقی میر،اساتذہ،غزلہشیار،یار،کرار،اسرار،بیمار،بیزار،رفتار،زنار،عیارadmin

دیوان اول غزل 344

تجھے بھی یار اپنا یوں تو ہم ہر بار کہتے ہیں

ولے کم ہیں بہت وے لوگ جن کو یار کہتے ہیں

جہاں کے مصطبے میں مست طافح ہی نظر آئے

نہ تھا اس دور میں آیا جسے ہشیار کہتے ہیں

سمجھ کر ذکر کر آسودگی کا مجھ سے اے ناصح

وہ میں ہی ہوں کہ جس کو عافیت بیزار کہتے ہیں

مسافر ہووے جی اس کا خراماں دیکھ کر تجھ کو

جسے میرے وطن میں کبک خوش رفتار کہتے ہیں

معاذ اللہ دخل کفر ہو اسلام میں کیوں ہی

غلط اور پوچ نامعقول بعضے یار کہتے ہیں

علم کو کب ہے وجہ تسمیہ لازم سمجھ دیکھو

سلیمانی میں کیا زنار ہے زنار کہتے ہیں

تری آنکھوں کو آئوں دیکھنے میں تو عجب مت کر

کہ بہتر ہے عیادت اور انھیں بیمار کہتے ہیں

عجب ہوتے ہیں شاعر بھی میں اس فرقے کا عاشق ہوں

کہ بے دھڑکے بھری مجلس میں یہ اسرار کہتے ہیں

مزے ان کے اڑا لیکن نہ یہ سمجھیں تو بہتر ہے

کہ خوباں بھی بہت اپنے تئیں عیار کہتے ہیں

سگ کو میر میں اس شیر حق کا ہوں کہ جس کو سب

نبیؐ کا خویش و بھائی حیدر کرار کہتے ہیں

میر تقی میر

مانند جام خالی گل سب جماہیاں ہیں

اکتوبر 6, 2015میر تقی میر،اساتذہ،غزلماہیاں،کلاہیاں،گناہیاں،گواہیاں،جماہیاں،روسیاہیاں،سراہیاںadmin

دیوان اول غزل 343

ساقی کی باغ پر جو کچھ کم نگاہیاں ہیں

مانند جام خالی گل سب جماہیاں ہیں

تیغ جفاے خوباں بے آب تھی کہ ہمدم

زخم بدن ہمارے تفسیدہ ماہیاں ہیں

مسجد سے میکدے پر کاش ابر روز برسے

واں رو سفیدیاں ہیں یاں روسیاہیاں ہیں

جس کی نظر پڑی ہیں ان نے مجھے بھی دیکھا

جب سے وہ شوخ آنکھیں میں نے سراہیاں ہیں

غالب تو یہ ہے زاہد رحمت سے دور ہووے

درکار واں گنہ ہیں یاں بے گناہیاں ہیں

یہ ناز و سرگرانی اللہ رے کہ ہر دم

نازک مزاجیاں ہیں یا کج کلاہیاں ہیں

شاہد لوں میر کس کو اہل محلہ سے میں

محضر پہ خوں کے میرے سب کی گواہیاں ہیں

میر تقی میر

ہم دل جلوں کی خاک جہاں میں کدھر نہیں

اکتوبر 6, 2015میر تقی میر،اساتذہ،غزلمگر،کدھر،گھر،اگر،تر،خبر،رہگذرadmin

دیوان اول غزل 342

دامن پہ تیرے گرد کا کیونکر اثر نہیں

ہم دل جلوں کی خاک جہاں میں کدھر نہیں

اتنا رقیب خانہ برانداز سے سلوک

جب آنکلتے ہیں تو سنے ہیں کہ گھر نہیں

خون جگر تو کچھ نہ رہا تو ہی سب ہوا

بس اے سرشک آنکھیں تری کیا مگر نہیں

دامان و جیب و دیدہ و مژگان و آستیں

اب کون سا رہا ہے کہ ان میں سے تر نہیں

ہر نقش پا ہے شوخ ترا رشک یاسمن

کم گوشۂ چمن سے ترا رہگذر نہیں

کیوں الاماں کرے ہے دل شب گھڑی گھڑی

برچھی لگاتی آہ ہماری اگر نہیں

آتا ہی تیرے کوچے میں ہوتا جو میر یاں

کیا جانیے کدھر کو گیا کچھ خبر نہیں

میر تقی میر

شمع روشن کے منھ پہ نور نہیں

اکتوبر 6, 2015میر تقی میر،اساتذہ،غزلمرور،چور،حضور،دور،شعور،ضرور،طورadmin

دیوان اول غزل 341

بزم میں جو ترا ظہور نہیں

شمع روشن کے منھ پہ نور نہیں

کتنی باتیں بنا کے لائوں ایک

یاد رہتی ترے حضور نہیں

خوب پہچانتا ہوں تیرے تئیں

اتنا بھی تو میں بے شعور نہیں

قتل ہی کر کہ اس میں راحت ہے

لازم اس کام میں مرور نہیں

فکر مت کر ہمارے جینے کا

تیرے نزدیک کچھ یہ دور نہیں

پھر جئیں گے جو تجھ سا ہے جاں بخش

ایسا جینا ہمیں ضرور نہیں

عام ہے یار کی تجلی میر

خاص موسیٰ و کوہ طور نہیں

میر تقی میر

کہ موئے قید میں دیوار بہ دیوار چمن

اکتوبر 6, 2015میر تقی میر،اساتذہ،غزلگرفتار،بازار،خار،خریدار،دیوار،دار،درکار،سزاوار،طلبگارadmin

دیوان اول غزل 340

ایسے محروم گئے ہم تو گرفتار چمن

کہ موئے قید میں دیوار بہ دیوار چمن

سینے پر داغ کا احوال میں پوچھوں ہوں نسیم

یہ بھی تختہ کبھو ہووے گا سزاوار چمن

باغباں باغ اجارے ہی اگر دینا تھا

تھے زر داغ سے ہم بھی تو خریدار چمن

وے گنہگار ہمیں ہیں کہ جنھیں کہتے ہیں

عاشق زار چمن مرغ گرفتار چمن

خون ٹپکے ہے پڑا نوک سے ہر یک کی ہنوز

کس ستم دیدہ کی مژگاں ہیں تہ خار چمن

باغباں ہم سے خشونت سے نہ پیش آیا کر

عاقبت نالہ کشاں بھی تو ہیں درکار چمن

کم نہیں ہے دل پر داغ بھی اے مرغ اسیر

گل میں کیا ہے جو ہوا ہے تو طلبگار چمن

گل پر ایسی تو پڑی اوس خزاں میں کہ نسیم

سرد ہی ہو گئی واں گرمی بازار چمن

کیا جزا ٹھہرتی ہے دیکھیے کل حشر کو میر

داغ ہر ایک مرے دل پہ ہے خوں دار چمن

میر تقی میر

نہ چوب گل نے دم مارا نہ چھڑیاں بید کی ہلیاں

اکتوبر 6, 2015میر تقی میر،اساتذہ،غزلہلیاں،ملیاں،ڈلیاں،کلیاں،گلیاں،اچپلیاں،بلیاں،بھلیاںadmin

دیوان اول غزل 339

جنوں میرے کی باتیں دشت اور گلشن میں جب چلیاں

نہ چوب گل نے دم مارا نہ چھڑیاں بید کی ہلیاں

گریباں شور محشر کا اڑایا دھجیاں کرکر

فغاں پر ناز کرتا ہوں کہ بل بے تیری ہتھ بلیاں

تفاوت کچھ نہیں شیرین و شکر اور یوسف میں

سبھی معشوق اگر پوچھے کوئی مصری کی ہیں ڈلیاں

ترے غمزے نے جو رو ظلم سے آنکھیں غزالوں کی

بیاباں میں دکھا مجنوں کو پائوں کے تلے ملیاں

چمن کو آج مارا ہے یہاں تک رشک گل رو نے

کہ بلبل سر پٹکتی ہے نہیں منھ کھولتیں کلیاں

مری آہ سحر کی برچھیاں سختی کی تڑپوں پر

نگاہیں کرکے گر پڑتی ہیں بجلی کی بھی اچپلیاں

صنم کی زلف میں کوچہ ہے سربستہ ہر اک مو پر

نہ دیکھی ہوں گی تونے خضر یہ ظلمات میں گلیاں

دوانہ ہو گیا تو میر آخر ریختے کہہ کہہ

نہ کہتا تھا میں اے ظالم کہ یہ باتیں نہیں بھلیاں

میر تقی میر

دل زینہار دیکھ خبردار بہت ہیں

اکتوبر 6, 2015میر تقی میر،اساتذہ،غزلیار،گرفتار،خبردارadmin

دیوان اول غزل 338

کچھ انکھڑیاں ہی اس کی نہیں اک بلا کہ بس

دل زینہار دیکھ خبردار بہت ہیں

بیگانہ خو رقیب سے وسواس کچھ نہ کر

فرماوے ٹک زباں سے تو پھر یار بہت ہیں

کوئی تو زمزمہ کرے میرا سا دل خراش

یوں تو قفس میں اور گرفتار بہت ہیں

میر تقی میر

یہ جرم ہے تو ایسے گنہگار بہت ہیں

اکتوبر 6, 2015میر تقی میر،اساتذہ،غزلنوکار،گنہگارadmin

دیوان اول غزل 337

تجھ عشق میں تو مرنے کو تیار بہت ہیں

یہ جرم ہے تو ایسے گنہگار بہت ہیں

اک زخم کو میں ریزئہ الماس سے چیرا

دل پر ابھی جراحت نوکار بہت ہیں

میر تقی میر

آرزوے جہان ہوتے ہیں

اکتوبر 6, 2015میر تقی میر،اساتذہ،غزلمیہمان،کان،گلستان،آن،آسمان،بدزبان،جہان،جوانadmin

دیوان اول غزل 336

خوبرو سب کی جان ہوتے ہیں

آرزوے جہان ہوتے ہیں

گوش دیوار تک تو جا نالے

اس میں گل کو بھی کان ہوتے ہیں

کبھو آتے ہیں آپ میں تجھ بن

گھر میں ہم میہمان ہوتے ہیں

دشت کے پھوٹے مقبروں پہ نہ جا

روضے سب گلستان ہوتے ہیں

حرف تلخ ان کے کیا کہوں میں غرض

خوبرو بدزبان ہوتے ہیں

غمزئہ چشم خوش قدان زمیں

فتنۂ آسمان ہوتے ہیں

کیا رہا ہے مشاعرے میں اب

لوگ کچھ جمع آن ہوتے ہیں

میر و مرزا رفیع و خواجہ میر

کتنے اک یہ جوان ہوتے ہیں

میر تقی میر

تم تو کرو ہو صاحبی بندے میں کچھ رہا نہیں

اکتوبر 6, 2015میر تقی میر،اساتذہ،غزلہوا،وفا،کہا،گلہ،ادا،جیا،جدا،خدا،رہاadmin

دیوان اول غزل 335

ملنے لگے ہو دیر دیر دیکھیے کیا ہے کیا نہیں

تم تو کرو ہو صاحبی بندے میں کچھ رہا نہیں

بوے گل اور رنگ گل دونوں ہیں دلکش اے نسیم

لیک بقدر یک نگاہ دیکھیے تو وفا نہیں

شکوہ کروں ہوں بخت کا اتنے غضب نہ ہو بتاں

مجھ کو خدا نخواستہ تم سے تو کچھ گلہ نہیں

نالے کیا نہ کر سنا نوحے مرے پہ عندلیب

بات میں بات عیب ہے میں نے تجھے کہا نہیں

خواب خوش سحر سے شوخ تجھ کو صبا جگا گئی

مجھ پہ عبث ہے بے دماغ میں نے تو کچھ کہا نہیں

چشم سفید و اشک سرخ آہ دل حزیں ہے یاں

شیشہ نہیں ہے مے نہیں ابر نہیں ہوا نہیں

ایک فقط ہے سادگی تس پہ بلاے جاں ہے تو

عشوہ کرشمہ کچھ نہیں آن نہیں ادا نہیں

آب و ہواے ملک عشق تجربہ کی ہے میں بہت

کرکے دواے درد دل کوئی بھی پھر جیا نہیں

ہووے زمانہ کچھ سے کچھ چھوٹے ہے دل لگا مرا

شوخ کسی ہی آن میں تجھ سے تو میں جدا نہیں

ناز بتاں اٹھا چکا دیر کو میر ترک کر

کعبے میں جاکے بیٹھ میاں تیرے مگر خدا نہیں

میر تقی میر

کہتا ہے بن سنے ہی میں خوب جانتا ہوں

اکتوبر 6, 2015میر تقی میر،اساتذہ،غزلمانتا،چھانتا،جانتاadmin

دیوان اول غزل 334

جب درددل کا کہنا میں دل میں ٹھانتا ہوں

کہتا ہے بن سنے ہی میں خوب جانتا ہوں

شاید نکل بھی آوے دل گم جو ہو گیا ہے

اس کی گلی میں بیٹھا میں خاک چھانتا ہوں

اس دردسر کا لٹکا سر سے لگا ہے میرے

سو سرکا ہووے صندل میں میر مانتا ہوں

میر تقی میر

سر مار مار یعنی اب ہم بھی سو چلے ہیں

اکتوبر 6, 2015میر تقی میر،اساتذہ،غزلڈبو،کھو،جو،رو،سوadmin

دیوان اول غزل 333

ہجراں کی کوفت کھینچے بے دم سے ہو چلے ہیں

سر مار مار یعنی اب ہم بھی سو چلے ہیں

جوئیں رہیں گی جاری گلشن میں ایک مدت

سائے میں ہر شجر کے ہم زور رو چلے ہیں

لبریز اشک آنکھیں ہر بات میں رہا کیں

رو رو کے کام اپنے سب ہم ڈبو چلے ہیں

پچھتائیے نہ کیونکر جی اس طرح سے دے کر

یہ گوہر گرامی ہم مفت کھو چلے ہیں

قطع طریق مشکل ہے عشق کا نہایت

وے میر جانتے ہیں اس راہ جو چلے ہیں

میر تقی میر

کس کے ہوں کس سے کہیں کس کنے فریاد کریں

اکتوبر 6, 2015میر تقی میر،اساتذہ،غزلفریاد،یاد،آباد،ارشاد،استادadmin

دیوان اول غزل 332

چاہتے ہیں یہ بتاں ہم پہ کہ بیداد کریں

کس کے ہوں کس سے کہیں کس کنے فریاد کریں

ایک دم پر ہے بنا تیری سو آیا کہ نہیں

وہ کچھ اس زندگی میں کر کہ تجھے یاد کریں

کعبہ ہوتا ہے دوانوں کا مری گور سے دشت

مجھ سے دو اور گڑیں یاں تو سب آباد کریں

ہم تو راہب نہیں ہیں واقف رسم سجدہ

ہیں کدھر شیخ حرم کچھ ہمیں ارشادکریں

ریختہ خوب ہی کہتا ہے جو انصاف کرو

چاہیے اہل سخن میر کو استاد کریں

میر تقی میر

کنواں اندھا ہوا یوسفؑ کے غم میں

اکتوبر 6, 2015میر تقی میر،اساتذہ،غزلہم،دم،غمadmin

دیوان اول غزل 331

نہ اک یعقوبؑ رویا اس الم میں

کنواں اندھا ہوا یوسفؑ کے غم میں

کہوں کب تک دم آنکھوں میں ہے میری

نظر آوے ہی گا اب کوئی دم میں

دیا عاشق نے جی تو عیب کیا ہے

یہی میر اک ہنر ہوتا ہے ہم میں

میر تقی میر

حسن قبول کیا ہو مناجات کے تئیں

اکتوبر 6, 2015میر تقی میر،اساتذہ،غزلہات،ملاقات،مناجات،آفات،بات،حالات،خرابات،ذات،راتadmin

دیوان اول غزل 330

تا پھونکیے نہ خرقۂ طامات کے تئیں

حسن قبول کیا ہو مناجات کے تئیں

کیفیتیں اٹھے ہیں یہ کب خانقاہ میں

بدنام کر رکھا ہے خرابات کے تئیں

ڈریے خرام ناز سے خوباں کے ہمنشیں

ٹھوکر سے یہ اٹھاتے ہیں آفات کے تئیں

ہم جانتے ہیں یا کہ دل آشنا زدہ

کہیے سو کس سے عشق کے حالات کے تئیں

خوبی کو اس کے ساعد سیمیں کی دیکھ کر

صورت گروں نے کھینچ رکھا ہات کے تئیں

اتنی بھی حرف ناشنوی غیر کے لیے

رکھ کان ٹک سنا بھی کرو بات کے تئیں

سید ہو یا چمار ہو اس جا وفا ہے شرط

کب عاشقی میں پوچھتے ہیں ذات کے تئیں

آخر کے یہ سلوک ہم اب تیرے دیکھ کر

کرتے ہیں یاد پہلی ملاقات کے تئیں

آنکھوں نے میر صاحب و قبلہ ورم کیا

حضرت بکا کیا نہ کرو رات کے تئیں

میر تقی میر

تم بھی تو ایک رات سنو یہ کہانیاں

اکتوبر 6, 2015میر تقی میر،اساتذہ،غزلفشانیاں،مانیاں،نامہربانیاں،کہانیاں،بانیاں،بدزبانیاں،جوانیاں،جانیاں،دانیاںadmin

دیوان اول غزل 329

کھوویں ہیں نیند میری مصیبت بیانیاں

تم بھی تو ایک رات سنو یہ کہانیاں

کیا آگ دے کے طور کو کی ترک سرکشی

اس شعلے کی وہی ہیں شرارت کی بانیاں

صحبت رکھا کیا وہ سفیہ و ضلال سے

دل ہی میں خوں ہوا کیں مری نکتہ دانیاں

ہم سے تو کینے ہی کی ادائیں چلی گئیں

بے لطفیاں یہی یہی نامہربانیاں

تلوار کے تلے ہی گیا عہد انبساط

مر مر کے ہم نے کاٹی ہیں اپنی جوانیاں

گالی سوائے مجھ سے سخن مت کیا کرو

اچھی لگے ہیں مجھ کو تری بدزبانیاں

غیروں ہی کے سخن کی طرف گوش یار تھے

اس حرف ناشنو نے ہماری نہ مانیاں

یہ بے قراریاں نہ کبھو ان نے دیکھیاں

جاں کاہیاں ہماری بہت سہل جانیاں

مارا مجھے بھی سان کے غیروں میں ان نے میر

کیا خاک میں ملائیں مری جاں فشانیاں

میر تقی میر

تمھارے ساتھ گرفتار حال اپنا ہوں

اکتوبر 6, 2015میر تقی میر،اساتذہ،غزلوبال،پائمال،الاتصال،انفعال،حال،خیال،زوالadmin

دیوان اول غزل 328

مثال سایہ محبت میں جال اپنا ہوں

تمھارے ساتھ گرفتار حال اپنا ہوں

سرشک سرخ کو جاتا ہوں جو پیے ہر دم

لہو کا پیاسا علی الاتصال اپنا ہوں

اگرچہ نشہ ہوں سب میں خم جہاں میں لیک

برنگ مے عرق انفعال اپنا ہوں

مری نمود نے مجھ کو کیا برابر خاک

میں نقش پا کی طرح پائمال اپنا ہوں

ہوئی ہے زندگی دشوار مشکل آساں کر

پھروں چلوں تو ہوں پر میں وبال اپنا ہوں

ترا ہے وہم کہ یہ ناتواں ہے جامے میں

وگرنہ میں نہیں اب اک خیال اپنا ہوں

بلا ہوئی ہے مری گوکہ طبع روشن میر

ہوں آفتاب ولیکن زوال اپنا ہوں

میر تقی میر

قیامت کو مگر عرصے میں آویں

اکتوبر 6, 2015میر تقی میر،اساتذہ،غزللاویں،چلاویں،نچاویں،ڈبڈباویں،کہاویں،کھاویں،آویں،جاویں،سماویںadmin

دیوان اول غزل 327

مرے آگے نہ شاعر نام پاویں

قیامت کو مگر عرصے میں آویں

پری سمجھے تجھے وہم و گماں سے

کہاں تک اور ہم اب دل چلاویں

ترے عاشق ترے رسوا کہائے

ترے ہوکر کہہ اب کس کے کہاویں

مزاج اپنا غیور ازبس پڑا ہے

ترے غم میں کسے خاطر میں لاویں

پھرے ہے شیخ مجلس ہی میں رقصاں

ادھر آنکلے تو ہم بھی نچاویں

نظر اے ابر اب مت آ مبادا

کہیں میری بھی آنکھیں ڈبڈباویں

قدم بوسی تلک مختار ہیں غیر

زیادہ لگ چلیں تو سر میں کھاویں

نہ آیا وہ تو کیا ہم نیم جاں بھی

بغیر اس کے ملے دنیا سے جاویں

چلی ہے تو تو اے جان الم ناک

ٹک اک رہ جا کہ ہم رخصت ہو آویں

چلا مقدور سے غم میر آگے

زمیں پھٹ جائے یارب ہم سماویں

میر تقی میر

پھر آپھی آپ سوچ کے کہتا ہوں کیا کہوں

اکتوبر 6, 2015میر تقی میر،اساتذہ،غزلماجرا،کیا،پا،بھلا،جا،دعاadmin

دیوان اول غزل 326

آتا ہے دل میں حال بد اپنا بھلا کہوں

پھر آپھی آپ سوچ کے کہتا ہوں کیا کہوں

پروانہ پھر نہ شمع کی خاطر جلا کرے

گر بزم میں یہ اپنا ترا ماجرا کہوں

مت کر خرام سر پہ اٹھالے گا خلق کو

بیٹھا اگر گلی میں ترا نقش پا کہوں

دل اور دیدہ باعث ایذا و نور عین

کس کے تئیں برا کہوں کس کو بھلا کہوں

آوے سموم جاے صبا باغ سے سدا

گرشمہ اپنے سوز جگر کا میں جا کہوں

جاتا ہوں میر دشت جنوں کو میں اب یہ کہہ

مجنوں کہیں ملے تو تری بھی دعا کہوں

میر تقی میر

گو رقیباں کچھ اور گاتے ہیں

اکتوبر 6, 2015میر تقی میر،اساتذہ،غزللاتے،نہاتے،گاتے،پاتے،آتے،جاتے،سناتےadmin

دیوان اول غزل 325

ہم تو مطرب پسرکے جاتے ہیں

گو رقیباں کچھ اور گاتے ہیں

خاک میں لوٹتے تھے کل تجھ بن

آج لوہو میں ہم نہاتے ہیں

اے عدم ہونے والو تم تو چلو

ہم بھی اب کوئی دم میں آتے ہیں

ایک کہتا ہوں میں تو منھ پہ رقیب

تیری پشتی سے سو سناتے ہیں

دیدہ و دل کا کیا کیا تھا میں

روز آفت جو مجھ پہ لاتے ہیں

کوئی رووے ہے کوئی تڑپے ہے

کیا کروں میرے گھر سے آتے ہیں

ورنہ میں میر ہوں مرے آگے

دشت غم بھی نہ ٹکنے پاتے ہیں

کھود گاڑوں زمیں میں دونوں کو

گرچہ یہ آسماں پہ جاتے ہیں

دیدہ و دل شتاب گم ہوں میر

سر پہ آفت ہمیشہ لاتے ہیں

میر تقی میر

محتسب کو کباب کرتا ہوں

اکتوبر 6, 2015میر تقی میر،اساتذہ،غزلکباب،آب،حساب،خواب،خراب،عتابadmin

دیوان اول غزل 324

عام حکم شراب کرتا ہوں

محتسب کو کباب کرتا ہوں

ٹک تو رہ اے بناے ہستی تو

تجھ کو کیسا خراب کرتا ہوں

بحث کرتا ہوں ہو کے ابجدخواں

کس قدر بے حساب کرتا ہوں

کوئی بجھتی ہے یہ بھڑک میں عبث

تشنگی پر عتاب کرتا ہوں

سر تلک آب تیغ میں ہوں غرق

اب تئیں آب آب کرتا ہوں

جی میں پھرتا ہے میر وہ میرے

جاگتا ہوں کہ خواب کرتا ہوں

میر تقی میر

وہ کوئی اور ہیں جو اعتبار پاتے ہیں

اکتوبر 6, 2015میر تقی میر،اساتذہ،غزلقرار،مزار،یار،اعتبار،بار،داغدار،غبارadmin

دیوان اول غزل 323

بہت ہی اپنے تئیں ہم تو خوار پاتے ہیں

وہ کوئی اور ہیں جو اعتبار پاتے ہیں

تری گلی میں میں رویا تھا دل جلا یک شب

ہنوز واں سے دل داغدار پاتے ہیں

نہ ہوویں شیفتہ کیوں اضطراب پر عاشق

کہ جی کو کھوکے دل بے قرار پاتے ہیں

گلہ عبث ہے تری آستانہ بوسی کا

مسیح و خضر بھی واں کم ہی بار پاتے ہیں

تڑپ ہے قیس کے دل میں تہ زمیں اس سے

غزال دشت نشان مزار پاتے ہیں

وگرنہ خاک ہوئے کتنے ہی محبت میں

کسی کا بھی کہیں مشت غبار پاتے ہیں

شتابی آوے اجل میر جاوے یہ رونا

کہ میرے شور سے تصدیع یار پاتے ہیں

میر تقی میر

نہ پوچھو جو کچھ رنگ ہم دیکھتے ہیں

اکتوبر 6, 2015میر تقی میر،اساتذہ،غزلہم،قلم،قدم،ورم،کم،دم،ستمadmin

دیوان اول غزل 322

اب آنکھوں میں خوں دم بہ دم دیکھتے ہیں

نہ پوچھو جو کچھ رنگ ہم دیکھتے ہیں

جو بے اختیاری یہی ہے تو قاصد

ہمیں آ کے اس کے قدم دیکھتے ہیں

گہے داغ رہتا ہے دل گہ جگر خوں

ان آنکھوں سے کیا کیا ستم دیکھتے ہیں

اگر جان آنکھوں میں اس بن ہے تو ہم

ابھی اور بھی کوئی دم دیکھتے ہیں

لکھیں حال کیا اس کو حیرت سے ہم تو

گہے کاغذ و گہ قلم دیکھتے ہیں

وفا پیشگی قیس تک تھی بھی کچھ کچھ

اب اس طور کے لوگ کم دیکھتے ہیں

کہاں تک بھلا روئوگے میر صاحب

اب آنکھوں کے گرد اک ورم دیکھتے ہیں

میر تقی میر

اک آگ مرے دل میں ہے جو شعلہ فشاں ہوں

اکتوبر 6, 2015میر تقی میر،اساتذہ،غزلفشاں،نہاں،یاں،کہاں،گراں،بتاں،جہاں،خزاں،رواں،زباںadmin

دیوان اول غزل 321

میں کون ہوں اے ہم نفساں سوختہ جاں ہوں

اک آگ مرے دل میں ہے جو شعلہ فشاں ہوں

لایا ہے مرا شوق مجھے پردے سے باہر

میں ورنہ وہی خلوتی راز نہاں ہوں

جلوہ ہے مجھی سے لب دریاے سخن پر

صد رنگ مری موج ہے میں طبع رواں ہوں

پنجہ ہے مرا پنجۂ خورشید میں ہر صبح

میں شانہ صفت سایہ رو زلف بتاں ہوں

دیکھا ہے مجھے جن نے سو دیوانہ ہے میرا

میں باعث آشفتگی طبع جہاں ہوں

تکلیف نہ کر آہ مجھے جنبش لب کی

میں صد سخن آغشتہ بہ خوں زیر زباں ہوں

ہوں زرد غم تازہ نہالان چمن سے

اس باغ خزاں دیدہ میں میں برگ خزاں ہوں

رکھتی ہے مجھے خواہش دل بسکہ پریشاں

درپے نہ ہو اس وقت خدا جانے کہاں ہوں

اک وہم نہیں بیش مری ہستی موہوم

اس پر بھی تری خاطر نازک پہ گراں ہوں

خوش باشی و تنزیہ و تقدس تھے مجھے میر

اسباب پڑے یوں کہ کئی روز سے یاں ہوں

میر تقی میر

اب ہم نے بھی کسو سے آنکھیں لڑائیاں ہیں

اکتوبر 6, 2015میر تقی میر،اساتذہ،غزللڑائیاں،لگائیاں،نمائیاں،کھائیاں،پرآئیاں،جھائیاںadmin

دیوان اول غزل 320

دیکھیں تو تیری کب تک یہ کج ادائیاں ہیں

اب ہم نے بھی کسو سے آنکھیں لڑائیاں ہیں

ٹک سن کہ سو برس کی ناموس خامشی کھو

دو چار دل کی باتیں اب منھ پرآئیاں ہیں

ہم وے ہیں خوں گرفتہ ظالم جنھوں نے تیری

ابرو کی جنبش اوپر تلواریں کھائیاں ہیں

آئینہ ہو کہ صورت معنی سے ہے لبالب

راز نہان حق میں کیا خود نمائیاں ہیں

کیا چہرہ تجھ سے ہو گا اے آفتاب طلعت

منھ چاند کا جو ہم نے دیکھا تو جھائیاں ہیں

کعبے میں میر ہم پر یا سرگراں ہے زاہد

یا بتکدے میں ہم نے دھولیں لگائیاں ہیں

میر تقی میر

طالعوں نے صبح کر دکھلائیاں

اکتوبر 6, 2015میر تقی میر،اساتذہ،غزلمرجھائیاں،چلوائیاں،کھائیاں،ٹھہرائیاں،پرچھائیاں،پروائیاں،انگڑائیاں،آئیاں،بتلائیاں،جھمکائیاں،جھائیاں،دلوائیاں،دکھلائیاں،رسوائیاںadmin

دیوان اول غزل 319

بارہا وعدوں کی راتیں آئیاں

طالعوں نے صبح کر دکھلائیاں

عشق میں ایذائیں سب سے پائیاں

رہ گئے آنسو تو آنکھیں آئیاں

ظل حق ہم کو بھی ووہیں چاہیے

جوں ہماری ہوتی ہیں پرچھائیاں

اس مژہ برہم زدہ نے بارہا

عاشقوں میں برچھیاں چلوائیاں

نونہال آگے ترے ہیں جیسی ہوں

ڈالیاں ٹوٹی ہوئیں مرجھائیاں

ایک بھی چشمک نہ اس مہ کی سی کی

آنکھیں تاروں نے بہت جھمکائیاں

ایک نے صورت نہ پکڑی پیش یار

دل میں شکلیں سینکڑوں ٹھہرائیاں

رویت اپنی اس گلی میں کم نہیں

ہر جگہ ہر بار ماریں کھائیاں

بوسہ لینے کا کیا جس دم سوال

ان نے باتیں ہی ہمیں بتلائیاں

روکشی کو اس کی منھ بھی چاہیے

ماہ کے چہرے پہ ہیں سب جھائیاں

مضطرب ہوکر کیا سب میں سبک

دل نے آخر خفتیں دلوائیاں

چل چمن میں یہ بھی ہے کوئی روش

ناز تاکے چند بے پروائیاں

شوق قامت میں ترے اے نونہال

گل کی شاخیں لیتی ہیں انگڑائیاں

پاس مجھ کو بھی نہیں ہے میر اب

دور پہنچی ہیں مری رسوائیاں

میر تقی میر

رگ ابر تھا تارتارگریباں

اکتوبر 6, 2015میر تقی میر،اساتذہ،غزلمزارگریباں،گریباں،بارگریباں،تارتارگریباں،جوارگریباں،خارخارگریباں،روزگارگریباںadmin

دیوان اول غزل 318

کیا میں نے رو کر فشارگریباں

رگ ابر تھا تارتارگریباں

کہیں دست چالاک ناخن نہ لاگے

کہ سینہ ہے قرب و جوارگریباں

نشاں اشک خونیں کے اڑتے چلے ہیں

خزاں ہوچلی ہے بہار گریباں

جنوں تیری منت ہے مجھ پر کہ تونے

نہ رکھا مرے سر پہ بارگریباں

زیارت کروں دل سے خستہ جگر کی

کہاں ہو گی یارب مزارگریباں

کہیں جائے یہ دور دامن بھی جلدی

کہ آخر ہوا روزگارگریباں

پھروں میر عریاں نہ دامن کا غم ہو

نہ باقی رہے خارخارگریباں

میر تقی میر

اس میں حیراں ہوں بہت کس کس کا میں ماتم کروں

اکتوبر 6, 2015میر تقی میر،اساتذہ،غزلماتم،مرہم،نم،کم،خم،دم،درہمadmin

دیوان اول غزل 317

صبر و طاقت کو کڑھوں یا خوش دلی کا غم کروں

اس میں حیراں ہوں بہت کس کس کا میں ماتم کروں

موسم حیرت ہے دل بھر کر تو رونا مل چکا

اتنے بھی آنسو بہم پہنچیں کہ مژگاں نم کروں

ہوں سیہ مست سر زلف صنم معذور رکھ

شیخ اگر کعبے سے آوے گفتگو درہم کروں

ریزئہ الماس یا مشت نمک ہے کیا برا

جو میں اپنے ایسے زخم سینہ کو مرہم کروں

گرچہ کس گنتی میں ہوں پر ایک دم مجھ تک تو آ

یا ادھر ہوں یا ادھر کب تک شمار دم کروں

بس بہت رسوا ہوا میں اب نہیں مقدور کچھ

وہ طرح ڈھونڈوں ہوں جس میں ربط تجھ سے کم کروں

گودھواں اٹھنے لگا دل سے مرے پر پیچ و تاب

میر اس پر قطع ربط زلف خم در خم کروں

میر تقی میر

سارے تیرا خیال رکھتے ہیں

اکتوبر 6, 2015میر تقی میر،اساتذہ،غزللال،مثال،محال،کمال،پائمال،خیال،سنبھال،سوال،سالadmin

دیوان اول غزل 316

وے جو حسن و جمال رکھتے ہیں

سارے تیرا خیال رکھتے ہیں

شب جو وہ مہ کبھو رہے ہے یاں

مدتوں یاد سال رکھتے ہیں

ان لبوں کا جواب دہ ہے لعل

ہم تجھی سے سوال رکھتے ہیں

گل ترے روزگار خوبی میں

منھ طمانچوں سے لال رکھتے ہیں

دہن تنگ کے ترے مشتاق

آرزوے محال رکھتے ہیں

خاک آدم ہی ہے تمام زمیں

پائوں کو ہم سنبھال رکھتے ہیں

یہ جو سر کھینچے تو قیامت ہے

دل کو ہم پائمال رکھتے ہیں

اہل دل چشم سب تری جانب

آئینے کی مثال رکھتے ہیں

گفتگو ناقصوں سے ہے ورنہ

میرجی بھی کمال رکھتے ہیں

میر تقی میر

سرو و قمری شکار ہوتے ہیں

اکتوبر 6, 2015میر تقی میر،اساتذہ،غزلقرار،نثار،یار،خوار،دیار،دار،روزگار،شکار،شعارadmin

دیوان اول غزل 315

خوش قداں جب سوار ہوتے ہیں

سرو و قمری شکار ہوتے ہیں

تیرے بالوں کے وصف میں میرے

شعر سب پیچ دار ہوتے ہیں

آئو یاد بتاں پہ بھول نہ جائو

یہ تغافل شعار ہوتے ہیں

دیکھ لیویں گے غیر کو تجھ پاس

صحبتوں میں بھی یار ہوتے ہیں

صدقے ہولیویں ایک دم تیرے

پھر تو تجھ پر نثار ہوتے ہیں

تو کرے ہے قرار ملنے کا

ہم ابھی بے قرار ہوتے ہیں

ہفت اقلیم ہر گلی ہے کہیں

دلی سے بھی دیار ہوتے ہیں

رفتہ رفتہ یہ طفل خوش ظاہر

فتنۂ روزگار ہوتے ہیں

اس کے نزدیک کچھ نہیں عزت

میرجی یوں ہی خوار ہوتے ہیں

میر تقی میر

بھلا ہوا کہ تری سب برائیاں دیکھیں

اکتوبر 6, 2015میر تقی میر،اساتذہ،غزلہوائیاں،لڑائیاں،نمائیاں،چارپائیاں،برائیاں،جدائیاں،سلائیاںadmin

دیوان اول غزل 314

جفائیں دیکھ لیاں بیوفائیاں دیکھیں

بھلا ہوا کہ تری سب برائیاں دیکھیں

تری گلی سے سدا اے کشندئہ عالم

ہزاروں آتی ہوئی چارپائیاں دیکھیں

گیا نظر سے جو وہ گرم طفل آتش باز

ہم اپنے چہرے پہ اڑتی ہوائیاں دیکھیں

ترے وصال کے ہم شوق میں ہو آوارہ

عزیز دوست سبھوں کی جدائیاں دیکھیں

ہمیشہ مائل آئینہ ہی تجھے پایا

جو دیکھیں ہم نے یہی خود نمائیاں دیکھیں

شہاں کہ کحل جواہر تھی خاک پا جن کی

انھیں کی آنکھوں میں پھرتے سلائیاں دیکھیں

بنی نہ اپنی تو اس جنگ جو سے ہرگز میر

لڑائیں جب سے ہم آنکھیں لڑائیاں دیکھیں

میر تقی میر

کہا کہ ایسے تو میں مفت مار لایا ہوں

اکتوبر 6, 2015میر تقی میر،اساتذہ،غزلہار،ہزار،مار،مستعار،یار،پکار،اختیار،بارadmin

دیوان اول غزل 313

کیا جو عرض کہ دل سا شکار لایا ہوں

کہا کہ ایسے تو میں مفت مار لایا ہوں

کہے تو نخل صنوبر ہوں اس چمن میں میں

کہ سر سے پائوں تلک دل ہی بار لایا ہوں

جہاں میں گریہ نہ پہنچا بہم مجھے دلخواہ

پہ نوحؑ کے سے تو طوفاں ہزار لایا ہوں

نہ تنگ کر اسے اے فکر روزگار کہ میں

دل اس سے دم کے لیے مستعار لایا ہوں

کسی سے مانگا ہے میں آج تک کہ جی لیوے

یہ احتیاج تجھی تک اے یار لایا ہوں

پھر اختیار ہے آگے ترا یہ ہے مجبور

کہ دل کو تجھ تئیں بے اختیار لایا ہوں

یہ جی جو میرے گلے کا ہے ہار تو ہی لے

ترے گلے کے لیے میں یہ ہار لایا ہوں

چلا نہ اٹھ کے وہیں چپکے چپکے پھر تو میر

ابھی تو اس کی گلی سے پکار لایا ہوں

میر تقی میر

پر ایک حیلہ سازی ہے اس دست گاہ میں

اکتوبر 6, 2015میر تقی میر،اساتذہ،غزلنگاہ،گاہ،آہ،خانقاہ،راہ،سیاہ،صیدگاہadmin

دیوان اول غزل 312

سب خوبیاں ہیں شیخ مشیخت پناہ میں

پر ایک حیلہ سازی ہے اس دست گاہ میں

مانند شمع ہم نے حضور اپنے یار کے

کار وفا تمام کیا ایک آہ میں

میں صید جو ہوا تو ندامت اسے ہوئی

یک قطرہ خون بھی نہ گرا صیدگاہ میں

پہنچے نہیں کہیں کہ نہیں واں سے اٹھ چلے

القصہ ایک عمر سے ہم ہیں گے راہ میں

نکلا تھا آستین سے کل مغبچے کا ہاتھ

بہتوں کے خرقے چاک ہوئے خانقاہ میں

بخت سیہ تو دیکھ کہ ہم خاک میں ملے

سرمے کی جاے ہو تری چشم سیاہ میں

بیٹھے تھے میر یار کے دیدار کو سو ہم

اپنا یہ حال کرکے اٹھے یک نگاہ میں

میر تقی میر

ہر دم جگروں میں کچھ کانٹے سے کھٹکتے ہیں

اکتوبر 6, 2015میر تقی میر،اساتذہ،غزللٹکتے،چھٹکتے،کھٹکتے،اٹکتے،بھٹکتے،جھٹکتے،سٹکتےadmin

دیوان اول غزل 311

پلکوں سے ترے شائق ہم سر جو پٹکتے ہیں

ہر دم جگروں میں کچھ کانٹے سے کھٹکتے ہیں

میں پھاڑ گریباں کو درویش ہوا آخر

وے ہاتھ سے دامن کو اب تک بھی جھٹکتے ہیں

یاد آوے ہے جب شب کو وہ چہرئہ مہتابی

آنسو مری پلکوں سے تارے سے چھٹکتے ہیں

کی راہبری میری صحراے محبت میں

یاں حضرت خضر آپھی مدت سے بھٹکتے ہیں

جاتے نہ کوئی دیکھا اس تیغ کے منھ اوپر

واں میان سے وہ لے ہے یاں یار سٹکتے ہیں

کیا تم کو اچنبھا ہے سختی کا محبت میں

دشوار ہی ہوتا ہے دل جن کے اٹکتے ہیں

تو طرئہ جاناں سے چاہے ہے ابھی مقصد

برسوں سے پڑے ہم تو اے میر لٹکتے ہیں

میر تقی میر

یعنی تمھاری ہم سے وے آنکھیں نہیں رہیں

اکتوبر 6, 2015میر تقی میر،اساتذہ،غزلکہیں،رہیںadmin

دیوان اول غزل 310

اب کچھ ہمارے حال پہ تم کو نظر نہیں

یعنی تمھاری ہم سے وے آنکھیں نہیں رہیں

اس بزم کے چراغ بجھے تھے جو یار میر

ان کے فروغ باغ میں گل ہیں کہیں کہیں

میر تقی میر

مذکور ہوچکا ہے مرا حال ہر کہیں

اکتوبر 6, 2015میر تقی میر،اساتذہ،غزلہر،مگر،مدنظر،مر،نظر،ور،گھر،پر،اگر،اثر،ادھر،بشر،تر،جگر،دگر،رہگذر،ضررadmin

دیوان اول غزل 309

سن گوش دل سے اب تو سمجھ بے خبر کہیں

مذکور ہوچکا ہے مرا حال ہر کہیں

اب فائدہ سراغ سے بلبل کے باغباں

اطراف باغ ہوں گے پڑے مشت پر کہیں

خطرے سے ہونٹ سوکھ ہی جاتے تھے دیکھ کر

آتا نظر ہمیں جو کوئی چشم تر کہیں

عاشق ترے ہوئے تو ستم کچھ نہ ہو گیا

مرنا پڑا ہے ہم کو خدا سے تو ڈر کہیں

کچھ کچھ کہوں گا روز یہ کہتا تھا دل میں میں

آشفتہ طبع میر کو پایا اگر کہیں

سو کل ملا مجھے وہ بیاباں کی سمت کو

جاتا تھا اضطراب زدہ سا ادھر کہیں

لگ چل کے میں برنگ صبا یہ اسے کہا

کاے خانماں خراب ترا بھی ہے گھر کہیں

آشفتہ جا بہ جا جو پھرے ہے تو دشت میں

جاگہ نہیں ہے شہر میں تجھ کو مگر کہیں

خوں بستہ اپنی کھول مژہ پوچھتا بھی گر

رکھ ٹک تو اپنے حال کو مدنظر کہیں

آسودگی سی جنس کو کرتا ہے کون سوخت

جانے ہے نفع کوئی بھی جی کا ضرر کہیں

موتی سے تیرے اشک ہیں غلطاں کسو طرف

یاقوت کے سے ٹکڑے ہیں لخت جگر کہیں

تاکے یہ دشت گردی و کب تک یہ خستگی

اس زندگی سے کچھ تجھے حاصل بھی مر کہیں

کہنے لگا وہ ہو کے پرآشفتہ یک بیک

مسکن کرے ہے دہر میں مجھ سا بشر کہیں

آوارگوں کا ننگ ہے سننا نصیحتیں

مت کہیو ایسی بات تو بار دگر کہیں

تعیئن جا کو بھول گیا ہوں پہ یہ ہے یاد

کہتا تھا ایک روز یہ اہل نظر کہیں

بیٹھے اگرچہ نقش ترا تو بھی دل اٹھا

کرتا ہے جاے باش کوئی رہگذر کہیں

کتنے ہی آئے لے کے سر پر خیال پر

ایسے گئے کہ کچھ نہیں ان کا اثر کہیں

میر تقی میر

دیکھیں تو تیری کب تک یہ بد شرابیاں ہیں

اکتوبر 6, 2015میر تقی میر،اساتذہ،غزلحجابیاں،خرابیاں،رکابیاں،شتابیاں،شرابیاںadmin

دیوان اول غزل 308

تلوار غرق خوں ہے آنکھیں گلابیاں ہیں

دیکھیں تو تیری کب تک یہ بد شرابیاں ہیں

جب لے نقاب منھ پر تب دید کر کہ کیا کیا

در پردہ شوخیاں ہیں پھر بے حجابیاں ہیں

چاہے ہے آج ہوں میں ہفت آسماں کے اوپر

دل کے مزاج میں بھی کتنی شتابیاں ہیں

جی بکھرے دل ڈھہے ہے سر بھی گرا پڑے ہے

خانہ خراب تجھ بن کیا کیا خرابیاں ہیں

مہمان میر مت ہو خوان فلک پہ ہرگز

خالی یہ مہر و مہ کی دونوں رکابیاں ہیں

میر تقی میر

اپنے سواے کس کو موجود جانتے ہیں

اکتوبر 6, 2015میر تقی میر،اساتذہ،غزلموجود،محمود،مسجود،مسدود،معبود،معدود،نابود،کود،سودadmin

دیوان اول غزل 307

ہم آپ ہی کو اپنا مقصود جانتے ہیں

اپنے سواے کس کو موجود جانتے ہیں

عجز و نیاز اپنا اپنی طرف ہے سارا

اس مشت خاک کو ہم مسجود جانتے ہیں

صورت پذیر ہم بن ہرگز نہیں وے معنی

اہل نظر ہمیں کو معبود جانتے ہیں

عشق ان کی عقل کو ہے جو ماسوا ہمارے

ناچیز جانتے ہیں نابود جانتے ہیں

اپنی ہی سیر کرنے ہم جلوہ گر ہوئے تھے

اس رمز کو ولیکن معدود جانتے ہیں

یارب کسے ہے ناقہ ہر غنچہ اس چمن کا

راہ وفا کو ہم تو مسدود جانتے ہیں

یہ ظلم بے نہایت دشوار تر کہ خوباں

بد وضعیوں کو اپنی محمود جانتے ہیں

کیا جانے داب صحبت از خویش رفتگاں کا

مجلس میں شیخ صاحب کچھ کود جانتے ہیں

مر کر بھی ہاتھ آوے تو میر مفت ہے وہ

جی کے زیان کو بھی ہم سود جانتے ہیں

میر تقی میر

ہو گر شریف مکہ مسلمان ہی نہیں

اکتوبر 6, 2015میر تقی میر،اساتذہ،غزلمسلمان،گریبان،پہچان،پریشان،امکان،انسان،جان،حیران،سامانadmin

دیوان اول غزل 306

جو حیدری نہیں اسے ایمان ہی نہیں

ہو گر شریف مکہ مسلمان ہی نہیں

وہ ترک صید پیشہ مرا قصد کیا کرے

دبلے پنے سے تن میں مرے جان ہی نہیں

خال و خط ایسے فتنے نگاہیں یہ آفتیں

کچھ اک بلا وہ زلف پریشان ہی نہیں

ہیں جزو خاک ہم تو غبار ضعیف سے

سر کھینچنے کا ہم کنے سامان ہی نہیں

دیکھی ہو جس نے صورت دلکش وہ ایک آن

پھر صبر اس سے ہو سکے امکان ہی نہیں

خورشید و ماہ و گل سبھی اودھر رہے ہیں دیکھ

اس چہرے کا اک آئینہ حیران ہی نہیں

یکساں ہے تیرے آگے جو دل اور آرسی

کیا خوب و زشت کی تجھے پہچان ہی نہیں

سجدہ اس آستاں کا نہ جس کے ہوا نصیب

وہ اپنے اعتقاد میں انسان ہی نہیں

کیا تجھ کو بھی جنوں تھا کہ جامے میں تیرے میر

سب کچھ بجا ہے ایک گریبان ہی نہیں

میر تقی میر

اس ریختے کو ورنہ ہم خوب کرچکے ہیں

اکتوبر 6, 2015میر تقی میر،اساتذہ،غزلمکتوب،محبوب،محجوب،مغلوب،آشوب،اسلوب،جاروب،خوبadmin

دیوان اول غزل 305

دعوے کو یار آگے معیوب کرچکے ہیں

اس ریختے کو ورنہ ہم خوب کرچکے ہیں

مرنے سے تم ہمارے خاطر نچنت رکھیو

اس کام کا بھی ہم کچھ اسلوب کرچکے ہیں

حسن کلام کھینچے کیونکر نہ دامن دل

اس کام کو ہم آخر محبوب کرچکے ہیں

ہنگامۂ قیامت تازہ نہیں جو ہو گا

ہم اس طرح کے کتنے آشوب کرچکے ہیں

رنگ پریدہ قاصد بادسحر کبوتر

کس کس کے ہم حوالے مکتوب کرچکے ہیں

تنکا نہیں رہا ہے کیا اب نثار کریے

آگے ہی ہم تو گھر کو جاروب کرچکے ہیں

ہر لحظہ ہے تزاید رنج و غم و الم کا

غالب کہ طبع دل کو مغلوب کرچکے ہیں

کیا جانیے کہ کیا ہے اے میر وجہ ضد کی

سو بار ہم تو اس کو محجوب کرچکے ہیں

میر تقی میر

اس غم کدے میں آہ دل خوش کہیں نہیں

اکتوبر 6, 2015میر تقی میر،اساتذہ،غزلنہیں،نشیں،یوہیں،کہیں،کیں،آستیں،جبیں،رہیں،زمیںadmin

دیوان اول غزل 304

کوئی نہیں جہاں میں جو اندوہگیں نہیں

اس غم کدے میں آہ دل خوش کہیں نہیں

کرتا ہے ابر دعوی دریادلی عبث

دامن نہیں مرا تو مری آستیں نہیں

آگے تو لعل نو خط خوباں کے دم نہ مار

ہر چند اے مسیح وے باتیں رہیں نہیں

یہ درد اس کے کیونکے کروں دل نشیں کہ آہ

کہتا ہوں جس طرح سے کہے ہے نہیں نہیں

ماتھا کیا ہے صرف سجود در بتاں

مانند ماہ نو کے مری اب جبیں نہیں

کہتا ہوں حال دل تو کہے ہے کہ مت بکے

کیوں نئیں تری تو بات مرے دل نشیں نہیں

گھر گھر ہے ملک عشق میں دوزخ کی تاب و تب

بھڑکا نہ ہم کو شیخ یہ آتش یوہیں نہیں

ضائع کیا میں اپنے تئیں تونے کی خوشی

بے مہر کیونکے جانیے تجھ میں کہ کیں نہیں

فکربلند سے میں کیا آسماں اسے

ہر یک سے میر خوب ہو یہ وہ زمیں نہیں

میر تقی میر

کہ گڑے ہوئے پھر اکھڑیں دل چاک دردمنداں

اکتوبر 6, 2015میر تقی میر،اساتذہ،غزلنیازمنداں،کمنداں،پسنداں،خنداں،دنداں،دردمنداں،صیدبنداںadmin

دیوان اول غزل 303

تو گلی میں اس کی جا آ ولے اے صبا نہ چنداں

کہ گڑے ہوئے پھر اکھڑیں دل چاک دردمنداں

ترے تیر ناز کے جو یہ ہدف ہوئے ہیں ظالم

مگر آہنی توے ہیں جگر نیازمنداں

کبھو زلف سے بتاں کی نہ ہوا رہا میں ہرگز

یہی ہیں شکار خستہ یہی عنبریں کمنداں

تبھی کوند کوند اتنا تو زمیں سے جائے مل مل

نہیں دیکھے برق تونے دم خندہ اس کے دنداں

میں صفا کیا دل اتنا کہ دکھائی دیوے منھ بھی

ولے مفت اس آئینے کو نہیں لیتے خود پسنداں

کھلیں آنکھیں میں جو دیکھا سو غم اور چشم گریاں

کسے کہتے ہیں نہ جانا دل شاد و روے خنداں

تو زبوں شکار تو تھا ولے میر قتل گہ میں

ترے خوں سے ہیں حنائی کف پاے صیدبنداں

میر تقی میر

اس راہ میں وے جیسے انجان نکلتے ہیں

اکتوبر 6, 2015میر تقی میر،اساتذہ،غزلپیکان،انجان،انسان،آن،ارمان،حیران،دیوان،شایانadmin

دیوان اول غزل 302

جن کے لیے اپنے تو یوں جان نکلتے ہیں

اس راہ میں وے جیسے انجان نکلتے ہیں

کیا تیر ستم اس کے سینے میں بھی ٹوٹے تھے

جس زخم کو چیروں ہوں پیکان نکلتے ہیں

مت سہل ہمیں جانو پھرتا ہے فلک برسوں

تب خاک کے پردے سے انسان نکلتے ہیں

کس کا ہے قماش ایسا گودڑ بھرے ہیں سارے

دیکھو نہ جو لوگوں کے دیوان نکلتے ہیں

گہ لوہو ٹپکتا ہے گہ لخت دل آنکھوں سے

یا ٹکڑے جگر ہی کے ہر آن نکلتے ہیں

کریے تو گلہ کس سے جیسی تھی ہمیں خواہش

اب ویسے ہی یہ اپنے ارمان نکلتے ہیں

جاگہ سے بھی جاتے ہو منھ سے بھی خشن ہوکر

وے حرف نہیں ہیں جو شایان نکلتے ہیں

سو کاہے کو اپنی تو جوگی کی سی پھیری ہے

برسوں میں کبھو ایدھر ہم آن نکلتے ہیں

ان آئینہ رویوں کے کیا میر بھی عاشق ہیں

جب گھر سے نکلتے ہیں حیران نکلتے ہیں

میر تقی میر

بندھی مٹھی چلا جا اس چمن میں

اکتوبر 6, 2015میر تقی میر،اساتذہ،غزلچمن،وطن،کفن،پن،پون،پیرہن،بدن،سخنadmin

دیوان اول غزل 301

زباں رکھ غنچہ ساں اپنے دہن میں

بندھی مٹھی چلا جا اس چمن میں

نہ کھول اے یار میرا گور میں منھ

کہ حسرت ہے مری جاگہ کفن میں

رکھا کر ہاتھ دل پر آہ کرتے

نہیں رہتا چراغ ایسی پون میں

جلے دل کی مصیبت اپنے سن کر

لگی ہے آگ سارے تن بدن میں

نہ تجھ بن ہوش میں ہم آئے ساقی

مسافر ہی رہے اکثر وطن میں

خردمندی ہوئی زنجیر ورنہ

گذرتی خوب تھی دیوانہ پن میں

کہاں کے شمع و پروانے گئے مر

بہت آتش بجاں تھے اس چمن میں

کہاں عاجز سخن قادر سخن ہوں

ہمیں ہے شبہ یاروں کے سخن میں

گداز عشق میں بہ بھی گیا میر

یہی دھوکا سا ہے اب پیرہن میں

میر تقی میر

یہ وہ نہیں متاع کہ ہو ہر دکان میں

اکتوبر 6, 2015میر تقی میر،اساتذہ،غزلمکان،کان،امتحان،آن،آسمان،استخوان،جہان،جان،دکان،زبانadmin

دیوان اول غزل 300

نکلے ہے جنس حسن کسی کاروان میں

یہ وہ نہیں متاع کہ ہو ہر دکان میں

جاتا ہے اک ہجوم غم عشق جی کے ساتھ

ہنگامہ لے چلے ہیں ہم اس بھی جہان میں

یارب کوئی تو واسطہ سرگشتگی کا ہے

یک عشق بھر رہا ہے تمام آسمان میں

ہم اس سے آہ سوز دل اپنا نہ کہہ سکے

تھے آتش دروں سے پھپھولے زبان میں

غم کھینچنے کو کچھ تو توانائی چاہیے

سویاں نہ دل میں تاب نہ طاقت ہے جان میں

غافل نہ رہیو ہم سے کہ ہم وے نہیں رہے

ہوتا ہے اب تو حال عجب ایک آن میں

وے دن گئے کہ آتش غم دل میں تھی نہاں

سوزش رہے ہے اب تو ہر اک استخوان میں

دل نذر و دیدہ پیش کش اے باعث حیات

سچ کہہ کہ جی لگے ہے ترا کس مکان میں

کھینچا نہ کر تو تیغ کہ اک دن نہیں ہیں ہم

ظالم قباحتیں ہیں بہت امتحان میں

پھاڑا ہزار جا سے گریبان صبر میر

کیا کہہ گئی نسیم سحر گل کے کان میں

میر تقی میر

رنگ رو جس کے کبھو منھ نہ چڑھا میں ہی ہوں

اکتوبر 6, 2015میر تقی میر،اساتذہ،غزلہوا،چڑھا،وفا،یا،کہا،کیا،گدا،پا،ا،برا،جلا،جا،صباadmin

دیوان اول غزل 299

درد و اندوہ میں ٹھہرا جو رہا میں ہی ہوں

رنگ رو جس کے کبھو منھ نہ چڑھا میں ہی ہوں

جس پہ کرتے ہو سدا جور و جفا میں ہی ہوں

پھر بھی جس کو ہے گماں تم سے وفا میں ہی ہوں

بد کہا میں نے رقیبوں کو تو تقصیر ہوئی

کیوں ہے بخشو بھی بھلا سب میں برا میں ہی ہوں

اپنے کوچے میں فغاں جس کی سنو ہو ہر رات

وہ جگر سوختہ و سینہ جلا میں ہی ہوں

خار کو جن نے لڑی موتی کی کر دکھلایا

اس بیابان میں وہ آبلہ پا میں ہی ہوں

لطف آنے کا ہے کیا بس نہیں اب تاب جفا

اتنا عالم ہے بھرا جائو نہ کیا میں ہی ہوں

رک کے جی ایک جہاں دوسرے عالم کو گیا

تن تنہا نہ ترے غم میں ہوا میں ہی ہوں

اس ادا کو تو ٹک اک سیر کر انصاف کرو

وہ برا ہے گا بھلا دوستو یا میں ہی ہوں

میں یہ کہتا تھا کہ دل جن نے لیا کون ہے وہ

یک بیک بول اٹھا اس طرف آ میں ہی ہوں

جب کہا میں نے کہ تو ہی ہے تو پھر کہنے لگا

کیا کرے گا تو مرا دیکھوں تو جا میں ہی ہوں

سنتے ہی ہنس کے ٹک اک سوچیو کیا تو ہی تھا

جن نے شب رو کے سب احوال کہا میں ہی ہوں

میر آوارئہ عالم جو سنا ہے تونے

خاک آلودہ وہ اے باد صبا میں ہی ہوں

کاسۂ سر کو لیے مانگتا دیدار پھرے

میر وہ جان سے بیزار گدا میں ہی ہوں

میر تقی میر

ان صورتوں کو صرف کرے خاک و خشت میں

اکتوبر 6, 2015میر تقی میر،اساتذہ،غزلکنشت،کشت،پلشت،بہشت،بھشت،خشت،سرنوشت،سرشتadmin

دیوان اول غزل 298

گر کچھ ہو درد آئینہ یوں چرخ زشت میں

ان صورتوں کو صرف کرے خاک و خشت میں

رکھتا ہے سوز عشق سے دوزخ میں روز و شب

لے جائے گا یہ سوختہ دل کیا بہشت میں

آسودہ کیونکے ہوں میں کہ مانند گردباد

آوارگی تمام ہے میری سرشت میں

کب تک خراب سعی طواف حرم رہوں

دل کو اٹھا کے بیٹھ رہوں گا کنشت میں

ماتم کے ہوں زمین پہ خرمن تو کیا عجب

ہوتا ہے نیل چرخ کی اس سبز کشت میں

سرمست ہم ہیں آنکھوں کے دیکھے سے یار کی

کب یہ نشہ ہے دختر رز تجھ پلشت میں

رندوں کے تیں ہمیشہ ملامت کرے ہے تو

آجائیو نہ شیخ کہیں ہشت بھشت میں

نامے کو چاک کرکے کرے نامہ بر کو قتل

کیا یہ لکھا تھا میر مری سرنوشت میں

میر تقی میر

جاتی ہیں لامکاں کو دل شب کی زاریاں

اکتوبر 6, 2015میر تقی میر،اساتذہ،غزلہماریاں،کیاریاں،پیاریاں،امیدواریاں،بھاریاں،باریاں،دھاریاں،دستکاریاں،رازداریاں،زاریاں،ساریاںadmin

دیوان اول غزل 297

مشہور ہیں دنوں کی مرے بے قراریاں

جاتی ہیں لامکاں کو دل شب کی زاریاں

چہرے پہ جیسے زخم ہے ناخن کا ہر خراش

اب دیدنی ہوئی ہیں مری دستکاریاں

سو بار ہم نے گل کے گئے پر چمن کے بیچ

بھر دی ہیں آب چشم سے راتوں کو کیاریاں

کشتے کی اس کے خاک بھرے جسم زار پر

خالی نہیں ہیں لطف سے لوہو کی دھاریاں

تربت سے عاشقوں کے نہ اٹھا کبھو غبار

جی سے گئے ولے نہ گئیں رازداریاں

اب کس کس اپنی خواہش مردہ کو رویئے

تھیں ہم کو اس سے سینکڑوں امیدواریاں

پڑھتے پھریں گے گلیوں میں ان ریختوں کو لوگ

مدت رہیں گی یاد یہ باتیں ہماریاں

کیا جانتے تھے ایسے دن آجائیں گے شتاب

روتے گذرتیاں ہیں ہمیں راتیں ساریاں

گل نے ہزار رنگ سخن سر کیا ولے

دل سے گئیں نہ باتیں تری پیاری پیاریاں

جائوگے بھول عہد کو فرہاد و قیس کے

گر پہنچیں ہم شکستہ دلوں کی بھی باریاں

بچ جاتا ایک رات جو کٹ جاتی اور میر

کاٹیں تھیں کوہکن نے بہت راتیں بھاریاں

میر تقی میر

اکثر نہیں تو تجھ کو میں گاہ گاہ دیکھوں

اکتوبر 6, 2015میر تقی میر،اساتذہ،غزلماہ،نگاہ،ناف،گناہ،گاہ،آہ،تباہ،خوانخواہ،راہadmin

دیوان اول غزل 296

راضی ہوں گوکہ بعد از صد سال و ماہ دیکھوں

اکثر نہیں تو تجھ کو میں گاہ گاہ دیکھوں

جی انتظار کش ہے آنکھوں میں رہگذر پر

آجا نظر کہ کب تک میں تیری راہ دیکھوں

آنکھیں جو کھل رہی ہیں مرنے کے بعد میری

حسرت یہ تھی کہ اس کو میں اک نگاہ دیکھوں

یہ دل وہ جا ہے جس میں دیکھا تھا تجھ کو بستے

کن آنکھوں سے اب اجڑا اس گھر کو آہ دیکھوں

دیکھوں تو چاند اب کا گذرے ہے مجھ کو کیسا

دل ہے کہ تیرے منھ پر بے مہر ماہ دیکھوں

بخت سیہ تو اپنے رہتے ہیں خواب ہی میں

اے رشک یوسف مصر پھر کس کو چاہ دیکھوں

چشم و دل و جگر یہ سارے ہوئے پریشاں

کس کس کی تیرے غم میں حالت تباہ دیکھوں

آنکھیں تو تونے دی ہیں اے جرم بخش عالم

کیا تیری رحمت آگے اپنے گناہ دیکھوں

تاریک ہوچلا ہے آنکھوں میں میری عالم

ہوتا ہے کیونکے دل بن میرا تباہ دیکھوں

مرنا ہے یا تماشا ہر اک کی ہے زباں پر

اس مجہلے کو چل کر میں خوانخواہ دیکھوں

دیکھوں ہوں آنکھ اٹھاکر جس کو تو یہ کہے ہے

ہوتا ہے قتل کیونکر یہ بے گناہ دیکھوں

ہوں میں نگاہ بسمل گو اک مژہ تھی فرصت

تا میر روے قاتل تا قتل گاہ دیکھوں

میر تقی میر

تو بوالہوس نہ کبھو چشم کو سیاہ کریں

اکتوبر 6, 2015میر تقی میر،اساتذہ،غزلنگاہ،نباہ،گناہ،گاہ،پناہ،آہ،خواہ،سیاہ،سربراہadmin

دیوان اول غزل 295

یہ ترک ہوکے خشن کج اگر کلاہ کریں

تو بوالہوس نہ کبھو چشم کو سیاہ کریں

تمھیں بھی چاہیے ہے کچھ تو پاس چاہت کا

ہم اپنی اور سے یوں کب تلک نباہ کریں

رکھا ہے اپنے تئیں روک روک کر ورنہ

سیاہ کردیں زمانے کو ہم جو آہ کریں

جو اس کی اور کو جانا ملے تو ہم بھی ضعیف

ہزار سجدے ہر اک گام سربراہ کریں

ہواے میکدہ یہ ہے تو فوت وقت ہے ظلم

نماز چھوڑ دیں اب کوئی دن گناہ کریں

ہمیشہ کون تکلف ہے خوب رویوں کا

گذار ناز سے ایدھر بھی گاہ گاہ کریں

اگر اٹھیں گے اسی حال سے تو کہیو تو

جو روز حشر تجھی کو نہ عذر خواہ کریں

بری بلا ہیں ستم کشتۂ محبت ہم

جو تیغ برسے تو سر کو نہ کچھ پناہ کریں

اگرچہ سہل ہیں پر دیدنی ہیں ہم بھی میر

ادھر کو یار تامل سے گر نگاہ کریں

میر تقی میر

وے روگ اپنے جی کو ناحق بساہتے ہیں

اکتوبر 6, 2015میر تقی میر،اساتذہ،غزلنباہتے،کراہتے،بساہتے،جماہتے،سراہتےadmin

دیوان اول غزل 294

جنس گراں کو تجھ سے جو لوگ چاہتے ہیں

وے روگ اپنے جی کو ناحق بساہتے ہیں

اس میکدے میں ہم بھی مدت سے ہیں ولیکن

خمیازہ کھینچتے ہیں ہر دم جماہتے ہیں

ناموس دوستی سے گردن بندھی ہے اپنی

جیتے ہیں جب تلک ہم تب تک نباہتے ہیں

سہل اس قدر نہیں ہے مشکل پسندی میری

جو تجھ کو دیکھتے ہیں مجھ کو سراہتے ہیں

وے دن گئے کہ راتیں نالوں سے کاٹتے تھے

بے ڈول میر صاحب اب کچھ کراہتے ہیں

میر تقی میر

ہر چند کہ جلتا ہوں پہ سرگرم وفا ہوں

اکتوبر 6, 2015میر تقی میر،اساتذہ،غزلہوا،لگا،چلا،وفا،کیا،بلا،جلا،جیا،جزا،خفا،رہا،صباadmin

دیوان اول غزل 293

مستوجب ظلم و ستم و جور و جفا ہوں

ہر چند کہ جلتا ہوں پہ سرگرم وفا ہوں

آتے ہیں مجھے خوب سے دونوں ہنر عشق

رونے کے تئیں آندھی ہوں کڑھنے کو بلا ہوں

اس گلشن دنیا میں شگفتہ نہ ہوا میں

ہوں غنچۂ افسردہ کہ مردود صبا ہوں

ہم چشم ہے ہر آبلۂ پا کا مرا اشک

از بس کہ تری راہ میں آنکھوں سے چلا ہوں

آیا کوئی بھی طرح مرے چین کی ہو گی

آزردہ ہوں جینے سے میں مرنے سے خفا ہوں

دامن نہ جھٹک ہاتھ سے میرے کہ ستم گر

ہوں خاک سر راہ کوئی دم میں ہوا ہوں

دل خواہ جلا اب تو مجھے اے شب ہجراں

میں سوختہ بھی منتظر روز جزا ہوں

گو طاقت و آرام و خورو خواب گئے سب

بارے یہ غنیمت ہے کہ جیتا تو رہا ہوں

اتنا ہی مجھے علم ہے کچھ میں ہوں بہر چیز

معلوم نہیں خوب مجھے بھی کہ میں کیا ہوں

بہتر ہے غرض خامشی ہی کہنے سے یاراں

مت پوچھو کچھ احوال کہ مر مر کے جیا ہوں

تب گرم سخن کہنے لگا ہوں میں کہ اک عمر

جوں شمع سر شام سے تا صبح جلا ہوں

سینہ تو کیا فضل الٰہی سے سبھی چاک

ہے وقت دعا میر کہ اب دل کو لگا ہوں

میر تقی میر

جان و ایمان و محبت کو دعا کرتے ہیں

اکتوبر 6, 2015میر تقی میر،اساتذہ،غزلہوا،مزہ،وفا،کہا،کیا،پیا،پھرا،بھلا،جلا،دوا،دعا،دغا،رہا،سناadmin

دیوان اول غزل 292

کہیو قاصد جو وہ پوچھے ہمیں کیا کرتے ہیں

جان و ایمان و محبت کو دعا کرتے ہیں

عشق آتش بھی جو دیوے تو نہ دم ماریں ہم

شمع تصویر ہیں خاموش جلا کرتے ہیں

جائے ہی نہ مرض دل تو نہیں اس کا علاج

اپنے مقدور تلک ہم تو دوا کرتے ہیں

اس کے کوچے میں نہ کر شور قیامت کا ذکر

شیخ یاں ایسے تو ہنگامے ہوا کرتے ہیں

بے بسی سے تو تری بزم میں ہم بہرے بنے

نیک و بد کوئی کہے بیٹھے سنا کرتے ہیں

رخصت جنبش لب عشق کی حیرت سے نہیں

مدتیں گذریں کہ ہم چپ ہی رہا کرتے ہیں

تو پری شیشے سے نازک ہے نہ کر دعوی مہر

دل ہیں پتھر کے انھوں کے جو وفا کرتے ہیں

تجھ سے لگ جاکے یہ یوں جاتے رہیں مجھ سے حیف

دیدہ و دل نے نہ جانا کہ دغا کرتے ہیں

فرصت خواب نہیں ذکر بتاں میں ہم کو

رات دن رام کہانی سی کہا کرتے ہیں

مجلس حال میں موزوں حرکت شیخ کی دیکھ

حیز شرعی بھی دم رقص مزہ کرتے ہیں

یہ زمانہ نہیں ایسا کہ کوئی زیست کرے

چاہتے ہیں جو برا اپنا بھلا کرتے ہیں

محض ناکارہ بھی مت جان ہمیں تو کہ کہیں

ایسے ناکام بھی بیکار پھرا کرتے ہیں

تجھ بن اس جان مصیبت زدہ غم دیدہ پہ ہم

کچھ نہیں کرتے تو افسوس کیا کرتے ہیں

کیا کہیں میر جی ہم تم سے معاش اپنی غرض

غم کو کھایا کریں ہیں لوہو پیا کرتے ہیں

میر تقی میر

تا نظر کام کرے رو بقفا جاتے ہیں

اکتوبر 6, 2015میر تقی میر،اساتذہ،غزللگا،کھا،گدا،ا،اٹھا،بقفا،دکھا،سناadmin

دیوان اول غزل 291

اس کے کوچے سے جو اٹھ اہل وفا جاتے ہیں

تا نظر کام کرے رو بقفا جاتے ہیں

متصل روتے ہی رہیے تو بجھے آتش دل

ایک دو آنسو تو اور آگ لگا جاتے ہیں

وقت خوش ان کا جو ہم بزم ہیں تیرے ہم تو

در و دیوار کو احوال سنا جاتے ہیں

جائے گی طاقت پا آہ تو کریے گا کیا

اب تو ہم حال کبھو تم کو دکھا جاتے ہیں

ایک بیمار جدائی ہوں میں آپھی تس پر

پوچھنے والے جدا جان کو کھا جاتے ہیں

غیر کی تیغ زباں سے تری مجلس میں تو ہم

آ کے روز ایک نیا زخم اٹھا جاتے ہیں

عرض وحشت نہ دیا کر تو بگولے اتنی

اپنی وادی پہ کبھو یار بھی آجاتے ہیں

میر صاحب بھی ترے کوچے میں شب آتے ہیں لیک

جیسے دریوزہ گری کرنے گدا جاتے ہیں

میر تقی میر

نہ ہوا کہ صبح ہووے شب تیرہ روزگاراں

اکتوبر 6, 2015میر تقی میر،اساتذہ،غزلفگاراں،ہزاراں،قراراں،یاراں،بہاراں،باراں،تاجداراں،روزگاراں،سوگواراں،عذاراںadmin

دیوان اول غزل 290

نہ گیا خیال زلف سیہ جفاشعاراں

نہ ہوا کہ صبح ہووے شب تیرہ روزگاراں

نہ کہا تھا اے رفوگر ترے ٹانکے ہوں گے ڈھیلے

نہ سیا گیا یہ آخر دل چاک بے قراراں

ہوئی عید سب نے پہنے طرب و خوشی کے جامے

نہ ہوا کہ ہم بھی بدلیں یہ لباس سوگواراں

خطر عظیم میں ہیں مری آہ و اشک سے سب

کہ جہان رہ چکا پھر جو یہی ہے باد و باراں

کہیں خاک کو کو اس کی تو صبا نہ دیجو جنبش

کہ بھرے ہیں اس زمیں میں جگرجگر فگاراں

رکھے تاج زر کو سر پر چمن زمانہ میں گل

نہ شگفتہ ہو تو اتنا کہ خزاں ہے یہ بہاراں

نہیں تجھ کو چشم عبرت یہ نمود میں ہے ورنہ

کہ گئے ہیں خاک میں مل کئی تجھ سے تاجداراں

تو جہاں سے دل اٹھا یاں نہیں رسم دردمندی

کسی نے بھی یوں نہ پوچھا ہوئے خاک یاں ہزاراں

یہ اجل سے جی چھپانا مرا آشکار ہے گا

کہ خراب ہو گا مجھ بن غم عشق گل عذاراں

یہ سنا تھا میر ہم نے کہ فسانہ خواب لا ہے

تری سرگذشت سن کر گئے اور خواب یاراں

میر تقی میر

دامن ہے منھ پہ ابر نمط صبح و شام یاں

اکتوبر 6, 2015میر تقی میر،اساتذہ،غزلکلام،پیام،بنام،تمام،دام،سلام،شامadmin

دیوان اول غزل 289

بے روے و زلف یار ہے رونے سے کام یاں

دامن ہے منھ پہ ابر نمط صبح و شام یاں

آوازہ ہی جہاں میں ہمارا سنا کرو

عنقا کے طور زیست ہے اپنی بنام یاں

وصف دہن سے اس کے نہ آگے قلم چلے

یعنی کیا ہے خامے نے ختم کلام یاں

غالب یہ ہے کہ موسم خط واں قریب ہے

آنے لگا ہے متصل اس کا پیام یاں

مت کھا فریب عجز عزیزان حال کا

پنہاں کیے ہیں خاک میں یاروں نے دام یاں

کوئی ہوا نہ دست بسر شہر حسن میں

شاید نہیں ہے رسم جواب سلام یاں

ناکام رہنے ہی کا تمھیں غم ہے آج میر

بہتوں کے کام ہو گئے ہیں کل تمام یاں

میر تقی میر

جاتا ہے جی چلا ہی مرا اضطراب میں

اکتوبر 6, 2015میر تقی میر،اساتذہ،غزلالحساب،اضطراب،باب،جناب،جواب،خواب،خراب،شباب،شراب،عتاب،عذابadmin

دیوان اول غزل 288

آیا کمال نقص مرے دل کی تاب میں

جاتا ہے جی چلا ہی مرا اضطراب میں

دوزخ کیا ہے سینہ مرا سوز عشق سے

اس دل جلے ہوئے کے سبب ہوں عذاب میں

مت کر نگاہ خشم یہی موت ہے مری

ساقی نہ زہر دے تو مجھے تو شراب میں

بیدار شور حشر نے سب کو کیا ولے

ہیں خون خفتہ اس کے شہیدوں کے خواب میں

دل لے کے رو بھی ٹک نہیں دیتے کہیں گے کیا

خوبان بد معاملہ یوم الحساب میں

جاکر در طبیب پہ بھی میں گرا ولے

جز آہ ان نے کچھ نہ کیا میرے باب میں

عیش و خوشی ہے شیب میں ہو گوپہ وہ کہاں

لذت جو ہے جوانی کے رنج و عتاب میں

دیں عمر خضر موسم پیری میں تو نہ لے

مرنا ہی اس سے خوب ہے عہد شباب میں

آنکلے تھے جو حضرت میر اس طرف کہیں

میں نے کیا سوال یہ ان کی جناب میں

حضرت سنو تو میں بھی تعلق کروں کہیں

فرمانے لاگے روکے یہ اس کے جواب میں

تو جان لیک تجھ سے بھی آئے جو کل تھے یاں

ہیں آج صرف خاک جہان خراب میں

میر تقی میر

داغ جیسے چراغ جلتے ہیں

اکتوبر 6, 2015میر تقی میر،اساتذہ،غزلملتے،چلتے،نکلتے،کچلتے،ٹلتے،پگھلتے،اچھلتے،ابلتے،جلتےadmin

دیوان اول غزل 287

سوزش دل سے مفت گلتے ہیں

داغ جیسے چراغ جلتے ہیں

اس طرح دل گیا کہ اب تک ہم

بیٹھے روتے ہیں ہاتھ ملتے ہیں

بھری آتی ہیں آج یوں آنکھیں

جیسے دریا کہیں ابلتے ہیں

دم آخر ہے بیٹھ جا مت جا

صبر کر ٹک کہ ہم بھی چلتے ہیں

تیرے بے خود جو ہیں سو کیا چیتیں

ایسے ڈوبے کہیں اچھلتے ہیں

فتنہ درسر بتان حشر خرام

ہائے رے کس ٹھسک سے چلتے ہیں

نظر اٹھتی نہیں کہ جب خوباں

سوتے سے اٹھ کے آنکھ ملتے ہیں

اس سر زلف کا خیال نہ چھوڑ

سانپ کے سر ہی یاں کچلتے ہیں

تھے جو اغیار سنگ سینے کے

اب تو کچھ ہم کو دیکھ ٹلتے ہیں

شمع رو موم کے بنے ہیں مگر

گرم ٹک ملیے تو پگھلتے ہیں

میر صاحب کو دیکھیے جو بنے

اب بہت گھر سے کم نکلتے ہیں

میر تقی میر

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: