زمرہ جات کے محفوظات: میر تقی میر

پر ہوسکے جو پیارے دل میں بھی ٹک جگہ کر

اکتوبر 6, 2015میر تقی میر،اساتذہ،غزلنگہ،ڈھہ،کہہ،گنہ،بہ،تہ،جگہ،رہ،سہadmin

دیوان اول غزل 216

کہتا ہے کون تجھ کو یاں یہ نہ کر تو وہ کر

پر ہوسکے جو پیارے دل میں بھی ٹک جگہ کر

وہ تنگ پوش اک دن دامن کشاں گیا تھا

رکھی ہیں جانمازیں اہل ورع نے تہ کر

کیا قصر دل کی تم سے ویرانی نقل کریے

ہو ہو گئے ہیں ٹیلے سارے مکان ڈھہ کر

ہم اپنی آنکھوں کب تک یہ رنگ عشق دیکھیں

آنے لگا ہے لوہو رخسار پر تو بہ کر

رنگ شکستہ اپنا بے لطف بھی نہیں ہے

یاں کی تو صبح دیکھے اک آدھ رات رہ کر

برسوں عذاب دیکھے قرنوں تعب اٹھائے

یہ دل حزیں ہوا ہے کیا کیا جفائیں سہ کر

ایکوں کی کھال کھینچی ایکوں کو دار کھینچا

اسرار عاشقی کا پچھتائے یار کہہ کر

طاعت کوئی کرے ہے جب ابر زور جھومے

گر ہوسکے تو زاہد اس وقت میں گنہ کر

کیوں تو نے آخر آخر اس وقت منھ دکھایا

دی جان میر نے جو حسرت سے اک نگہ کر

میر تقی میر

ٹھہرے ہے آرسی بھی دانتوں زمیں پکڑ کر

اکتوبر 6, 2015میر تقی میر،اساتذہ،غزللڑ،گڑ،گھسڑ،پڑ،پکڑ،اڑ،اکڑ،بچھڑ،بگڑ،جڑ،رگڑadmin

دیوان اول غزل 215

دیکھ اس کو ہنستے سب کے دم سے گئے اکھڑ کر

ٹھہرے ہے آرسی بھی دانتوں زمیں پکڑ کر

کیا کیا نیاز طینت اے ناز پیشہ تجھ بن

مرتے ہیں خاک رہ سے گوڑے رگڑ رگڑ کر

قد کش چمن کے اپنی خوبی کو نیو چلے ہیں

پایا پھل اس سے آخر کیا سرو نے اکڑ کر

وہ سر چڑھا ہے اتنا اپنی فروتنی سے

کھویا ہمیں نے اس کو ہر لحظہ پائوں پڑ کر

پاے ثبات بھی ہے نام آوری کو لازم

مشہور ہے نگیں جو بیٹھا ہے گھر میں گڑ کر

دوری میں دلبروں کی کٹتی ہے کیونکے سب کی

آدھا نہیں رہا ہوں تجھ سے تو میں بچھڑ کر

اب کیسا زہد و تقویٰ دارو ہے اور ہم ہیں

بنت العنب کے اپنا سب کچھ گیا گھسڑ کر

دیکھو نہ چشم کم سے معمورئہ جہاں کو

بنتا ہے ایک گھر یاں سو صورتیں بگڑ کر

اس پشت لب کے اوپر دانے عرق کے یوں ہیں

یاقوت سے رکھے ہیں جوں موتیوں کو جڑ کر

ناسازگاری اپنے طالع کی کیا کہیں ہم

آیا کبھو نہ یاں ٹک غیروں سے یار لڑ کر

اپنے مزاج میں بھی ہے میر ضد نہایت

پھر مر ہی کے اٹھیں گے بیٹھیں گے ہم جو اڑ کر

میر تقی میر

جاتے ہیں جی سے کس قدر آزار دیکھ کر

اکتوبر 6, 2015میر تقی میر،اساتذہ،غزلناچار،یار،کار،آزار،اسرار،بار،دیوار،دیدار،ستمگارadmin

دیوان اول غزل 214

مرتے ہیں تیری نرگس بیمار دیکھ کر

جاتے ہیں جی سے کس قدر آزار دیکھ کر

افسوس وے کہ منتظر اک عمر تک رہے

پھر مر گئے ترے تئیں یک بار دیکھ کر

ناخواندہ خط شوق لگے چاک کرنے تو

قاصد تو کہیو ٹک کہ جفا کار دیکھ کر

کوئی جو دم رہا ہے سو آنکھوں میں ہے پھر اب

کریو ٹک ایک وعدئہ دیدار دیکھ کر

دیکھیں جدھر وہ رشک پری پیش چشم ہے

حیران رہ گئے ہیں یہ اسرار دیکھ کر

جاتا ہے آسماں لیے کوچے سے یار کے

آتا ہے جی بھرا در و دیوار دیکھ کر

تیرے خرام ناز پہ جاتے ہیں جی چلے

رکھ ٹک قدم زمیں پہ ستمگار دیکھ کر

طالع نے چشم پوشی کی یاں تک کہ ہم نشیں

چھپتا ہے مجھ کو دور سے اب یار دیکھ کر

جی میں تھا اس سے ملیے تو کیا کیا نہ کہیے میر

پر جب ملے تو رہ گئے ناچار دیکھ کر

میر تقی میر

جاتے رہیں گے ہم بھی گریبان پھاڑ کر

اکتوبر 6, 2015میر تقی میر،اساتذہ،غزلگاڑ،پہاڑ،پچھاڑ،پھاڑ،اکھاڑ،اجاڑ،تاڑadmin

دیوان اول غزل 213

غصے سے اٹھ چلے ہو تو دامن کو جھاڑ کر

جاتے رہیں گے ہم بھی گریبان پھاڑ کر

دل وہ نگر نہیں کہ پھر آباد ہوسکے

پچھتائوگے سنو ہو یہ بستی اجاڑ کر

یارب رہ طلب میں کوئی کب تلک پھرے

تسکین دے کہ بیٹھ رہوں پائوں گاڑ کر

منظور ہو نہ پاس ہمارا تو حیف ہے

آئے ہیں آج دور سے ہم تجھ کو تاڑ کر

غالب کہ دیوے قوت دل اس ضعیف کو

تنکے کو جو دکھادے ہے پل میں پہاڑ کر

نکلیں گے کام دل کے کچھ اب اہل ریش سے

کچھ ڈھیر کرچکے ہیں یہ آگے اکھاڑ کر

اس فن کے پہلوانوں سے کشتی رہی ہے میر

بہتوں کو ہم نے زیر کیا ہے پچھاڑ کر

میر تقی میر

جلا ہی پڑا ہے ہمارا تو گھر بار

اکتوبر 6, 2015میر تقی میر،اساتذہ،غزلہر،نظر،کر،گہر،گھر،جگر،خر،در،سر،شکر،شجرadmin

دیوان اول غزل 212

لبوں پر ہے ہر لحظہ آہ شرر بار

جلا ہی پڑا ہے ہمارا تو گھر بار

ہوئیں کس ستم دیدہ کے پاس یک جا

نگاہیں شرر ریز پلکیں جگر بار

کہو کوئی دیکھے اسے سیر کیونکر

کہ ہے اس تن نازک اوپر نظر بار

حلاوت سے اپنی جو آگاہ ہوں تو

چپک جائیں باہم وے لعل شکر بار

سبک کر دیا دل کی بے طاقتی نے

نہ جانا تھا اس کی طرف ہم کو ہر بار

گدھا سا لدا پھرتا ہے شیخ ہر سو

کہ جبہ ہے یک بار و عمامہ سر بار

مرے نخل ماتم پہ ہے سنگ باراں

نہایت کو لایا عجب یہ شجر بار

ہمیں بار اس درپہ کثرت سے کیا ہو

لگا ہی رہے ہے سدا واں تو دربار

یہ آنکھیں گئیں ایسی ہوکر در افشاں

کہ دیکھے سے آیا تر ابر گہربار

کب اس عمر میں آدمی شیخ ہو گا

کتابیں رکھیں ساتھ گو ایک خربار

جہاں میر رہنے کی جاگہ نہیں ہے

چلا چاہیے یاں سے اسباب کر بار

میر تقی میر

کام آئے فراق میں اے یار

اکتوبر 6, 2015میر تقی میر،اساتذہ،غزلہشیار،مختار،ناچار،یار،گفتار،پکار،آزار،اظہار،بہار،بیمار،بیدار،بیزار،بازار،تلوار،تار،خمار،خار،دیدار،درکار،دستار،دشوار،سردار،شعارadmin

دیوان اول غزل 211

دل دماغ و جگر یہ سب اک بار

کام آئے فراق میں اے یار

کیوں نہ ہو ضعف غالب اعضا پر

مر گئے ہیں قشون کے سردار

گل پژمردہ کا نہیں ممنون

ہم اسیروں کا گوشۂ دستار

مت نکل گھر سے ہم بھی راضی ہیں

دیکھ لیں گے کبھو سر بازار

سینکڑوں حرف ہیں گرہ دل میں

پر کہاں پایئے لب اظہار

سیر کر دشت عشق کا گلشن

غنچے ہو ہورہے ہیں سو سو خار

روز محشر ہے رات ہجراں کی

ایسی ہم زندگی سے ہیں بیزار

بحث نالہ بھی کیجیو بلبل

پہلے پیدا تو کر لب گفتار

چاک دل پر ہیں چشم صد خوباں

کیا کروں یک انار و صد بیمار

شکر کر داغ دل کا اے غافل

کس کو دیتے ہیں دیدئہ بیدار

گو غزل ہو گئی قصیدہ سی

عاشقوں کا ہے طول حرف شعار

ہر سحر لگ چلی تو ہے تو نسیم

اے سیہ مست ناز ٹک ہشیار

شاخسانے ہزار نکلیں گے

جو گیا اس کی زلف کا اک تار

واجب القتل اس قدر تو ہوں

کہ مجھے دیکھ کر کہے ہے پکار

یہ تو آیا نہ سامنے میرے

لائو میری میاں سپر تلوار

آ زیارت کو قبر عاشق پر

اک طرح کا ہے یاں بھی جوش بہار

نکلے ہے میری خاک سے نرگس

یعنی اب تک ہے حسرت دیدار

میر صاحب زمانہ نازک ہے

دونوں ہاتھوں سے تھامیے دستار

سہل سی زندگی پہ کام کے تیں

اپنے اوپر نہ کیجیے دشوار

چار دن کا ہے مجہلہ یہ سب

سب سے رکھیے سلوک ہی ناچار

کوئی ایسا گناہ اور نہیں

یہ کہ کیجے ستم کسی پر یار

واں جہاں خاک کے برابر ہے

قدر ہفت آسمان ظلم شعار

یہی درخواست پاس دل کی ہے

نہیں روزہ نماز کچھ درکار

در مسجد پہ حلقہ زن ہو تم

کہ رہو بیٹھ خانۂ خمار

جی میں آوے سو کیجیو پیارے

لیک ہوجو نہ درپئے آزار

حاصل دو جہان ہے یک حرف

ہو مری جان آگے تم مختار

میر تقی میر

کہ تلواریں چلیں ابرو کی چیں پر

اکتوبر 6, 2015میر تقی میر،اساتذہ،غزلہفتمیں،مہروکیں،نہیں،چیں،نشیں،واپسیں،اولیں،آستیں،زمیںadmin

دیوان اول غزل 210

قیامت تھا سماں اس خشمگیں پر

کہ تلواریں چلیں ابرو کی چیں پر

نہ دیکھا آخر اس آئینہ رو نے

نظر سے بھی نگاہ واپسیں پر

گئے دن عجز و نالہ کے کہ اب ہے

دماغ نالہ چرخ ہفتمیں پر

ہوا ہے ہاتھ گلدستہ ہمارا

کہ داغ خوں بہت ہے آستیں پر

خدا جانے کہ کیا خواہش ہے جی کو

نظر اپنی نہیں ہے مہروکیں پر

پر افشانی قفس ہی کی بہت ہے

کہ پرواز چمن قابل نہیں پر

جگر میں اپنے باقی روتے روتے

اگرچہ کچھ نہیں اے ہم نشیں پر

کبھو جو آنکھ سے چلتے ہیں آنسو

تو بھر جاتا ہے پانی سب زمیں پر

قدم دشت محبت میں نہ رکھ میر

کہ سر جاتا ہے گام اولیں پر

میر تقی میر

یک سینہ خنجر سینکڑوں یک جان و آزار اس قدر

اکتوبر 6, 2015میر تقی میر،اساتذہ،غزلگرفتار،پرخار،آزار،اغیار،بیمار،بیزارadmin

دیوان اول غزل 209

کر رحم ٹک کب تک ستم مجھ پر جفا کار اس قدر

یک سینہ خنجر سینکڑوں یک جان و آزار اس قدر

بھاگے مری صورت سے وہ عاشق میں اس کی شکل پر

میں اس کا خواہاں یاں تلک وہ مجھ سے بیزار اس قدر

منزل پہنچنا یک طرف نے صبر ہے نے ہے سکوں

یکسر قدم میں آبلے پھر راہ پرخار اس قدر

ہے جاے ہر دل میں تری آ درگذر کر بے وفا

کر رحم ٹک اپنے اپرمت ہو دل آزار اس قدر

جز کشمکش ہووے تو کیا عالم سے ہم کو فائدہ

یہ بے فضا ہے اک قفس ہم ہیں گرفتار اس قدر

غیر اور بغل گیری تری عید اور ہم سے بھاگنا

ہم یار ہوں یوں غم زدے خوش ہوئیں اغیار اس قدر

طاقت نہیں ہے بات کی کہتا تھا نعرہ ماریے

کیا جانتا تھا میر ہوجاوے گا بیمار اس قدر

میر تقی میر

اگرچہ جان جاتی ہے چلی لیکن تغافل کر

اکتوبر 6, 2015میر تقی میر،اساتذہ،غزلڈھل،کھل،گل،گھل،بلبل،تامل،تحمل،تغافل،غلadmin

دیوان اول غزل 208

یہ عشق بے اجل کش ہے بس اے دل اب توکل کر

اگرچہ جان جاتی ہے چلی لیکن تغافل کر

سفر ہستی کا مت کر سرسری جوں باد اے رہرو

یہ سب خاک آدمی تھے ہر قدم پر ٹک تامل کر

سن اے بے درد گلچیں غارت گلشن مبارک ہے

پہ ٹک گوش مروت جانب فریاد بلبل کر

نہ وعدہ تیرے آنے کا نہ کچھ امید طالع سے

دل بیتاب کو کس منھ سے کہیے ٹک تحمل کر

یہ کیا جانوں کہ کیوں رونے لگا رونے سے رہ کر میں

مگر یہ جانتا ہوں مینھ گھر آتا ہے پھر کھل کر

مرے پاس اس کی خاک پا کو بیماری میں رکھا تھا

نہ آیا سر مرا بالیں پہ اودھر جو گیا ڈھل کر

تجلی جلوہ ہیں کچھ بام و در غم خانے کے میرے

وہ رشک ماہ آیا ہم نشیں بس اب دیا گل کر

تری خاموشی سے قمری ہوا شور جنوں رسوا

ہلاٹک طوق گردن کو بھی ظالم باغ میں غل کر

گداز عاشقی کا میر کے شب ذکر آیا تھا

جو دیکھا شمع مجلس کو تو پانی ہو گئی گھل کر

میر تقی میر

اے انتظار تجھ کو کسی کا ہو انتظار

اکتوبر 6, 2015میر تقی میر،اساتذہ،غزلمزار،انتظار،بہار،بار،خمار،خار،غبارadmin

دیوان اول غزل 207

دیکھوں میں اپنی آنکھوں سے آوے مجھے قرار

اے انتظار تجھ کو کسی کا ہو انتظار

ساقی تو ایک بار تو توبہ مری تڑا

توبہ کروں جو پھر تو ہے توبہ ہزار بار

کیا زمزمہ کروں ہوں خوشی تجھ سے ہم صفیر

آیا جو میں چمن میں تو جاتی رہی بہار

کس ڈھب سے راہ عشق چلوں ہے یہ ڈر مجھے

پھوٹیں کہیں نہ آبلے ٹوٹیں کہیں نہ خار

کوچے کی اس کے راہ نہ بتلائی بعد مرگ

دل میں صبا رکھے تھی مری خاک سے غبار

اے پاے خم کہ گردش ساغر ہو دستگیر

مرہون درد سر ہو کہاں تک مرا خمار

وسعت جہاں کی چھوڑ جو آرام چاہے میر

آسودگی رکھے ہے بہت گوشۂ مزار

میر تقی میر

نہیں اس قافلے میں اہل دل ضبط نفس بہتر

اکتوبر 6, 2015میر تقی میر،اساتذہ،غزلقفس،نفس،بوالہوس،برس،بس،خس،دسترسadmin

دیوان اول غزل 206

نہ ہو ہرزہ درا اتنا خموشی اے جرس بہتر

نہیں اس قافلے میں اہل دل ضبط نفس بہتر

نہ ہونا ہی بھلا تھا سامنے اس چشم گریاں کے

نظر اے ابر تر آپھی نہ آوے گا برس بہتر

سدا ہو خار خار باغباں گل کا جہاں مانع

سمجھ اے عندلیب اس باغ سے کنج قفس بہتر

برا ہے امتحاں لیکن نہ سمجھے تو تو کیا کریے

شہادت گاہ میں لے چل سب اپنے بوالہوس بہتر

سیہ کر دوں گا گلشن دود دل سے باغباں میں بھی

جلا آتش میں میرے آشیاں کے خار و خس بہتر

کیا داغوں سے رشک باغ اے صد آفریں الفت

یہ سینہ ہم کو بھی ایسا ہی تھا درکار بس بہتر

قدم تیرے چھوئے تھے جن نے اب وہ ہاتھ ہی سر ہے

مرے حق میں نہ ہونا ہی تھا یاں تک دسترس بہتر

عبث پوچھے ہے مجھ سے میر میں صحرا کو جاتا ہوں

خرابی ہی پہ دل رکھا ہے جو تونے تو بس بہتر

میر تقی میر

پھر دیکھنا ادھر کو آنکھیں ملا ملاکر

اکتوبر 6, 2015میر تقی میر،اساتذہ،غزللگاکر،لٹاکر،ملاکر،چباکر،کر،بناکر،جلاکر،دکھاکر،سلاکرadmin

دیوان اول غزل 205

غیروں سے وے اشارے ہم سے چھپا چھپاکر

پھر دیکھنا ادھر کو آنکھیں ملا ملاکر

ہر گام سد رہ تھی بتخانے کی محبت

کعبے تلک تو پہنچے لیکن خدا خدا کر

نخچیرگہ میں تجھ سے جو نیم کشتہ چھوٹا

حسرت نے اس کو آخر مارا لٹا لٹاکر

اک لطف کی نگہ بھی ہم نے نہ چاہی اس سے

رکھا ہمیں تو ان نے آنکھیں دکھا دکھاکر

ناصح مرے جنوں سے آگہ نہ تھا کہ ناحق

گودڑ کیا گریباں سارا سلا سلاکر

اک رنگ پاں ہی اس کا دل خوں کن جہاں ہے

پھبتا ہے اس کو کرنا باتیں چبا چباکر

جوں شمع صبح گاہی یک بار بجھ گئے ہم

اس شعلہ خو نے ہم کو مارا جلا جلاکر

اس حرف ناشنو سے صحبت بگڑ ہی جا ہے

ہر چند لاتے ہیں ہم باتیں بنا بناکر

میں منع میر تجھ کو کرتا نہ تھا ہمیشہ

کھوئی نہ جان تونے دل کو لگا لگاکر

میر تقی میر

اے آہ پھر اثر تو ہے برچھی کی چوٹ پر

اکتوبر 6, 2015میر تقی میر،اساتذہ،غزلنظر،کدھر،پر،اگر،تر،جگر،خبر،خطر،سحرadmin

دیوان اول غزل 204

اودھر تلک ہی چرخ کے مشکل ہے ٹک گذر

اے آہ پھر اثر تو ہے برچھی کی چوٹ پر

دھڑکا تھا دل طپیدن شب سے سو آج صبح

دیکھا وہی کہ آنسوئوں میں چو پڑا جگر

ہم تو اسیر کنج قفس ہوکے مرچلے

اے اشتیاق سیر چمن تیری کیا خبر

مت عیب کر جو ڈھونڈوں میں اس کو کہ مدعی

یہ جی بھی یوں ہی جائے گا رہتا ہے تو کدھر

آتی ہی بوجھیو تو بلا اپنے سر صبا

وے مشک فام زلفیں پریشاں ہوئیں اگر

جاتی نہیں ہے دل سے تری یاد زلف و رو

روتے ہی مجھ کو گذرے ہے کیا شام کیا سحر

کیا جانوں کس کے تیں لب خنداں کہے ہے خلق

میں نے جو آنکھیں کھول کے دیکھیں سو چشم تر

اے سیل ٹک سنبھل کے قدم بادیے میں رکھ

ہر سمت کو ہے تشنہ لبی کا مری خطر

کرتا ہے کون منع کہ سج اپنی تو نہ دیکھ

لیکن کبھی تو میر کے کر حال پر نظر

میر تقی میر

رکھ کے تیشہ کہے ہے یا استاد

اکتوبر 6, 2015میر تقی میر،اساتذہ،غزلفریاد،مراد،معتاد،ناشاد،یاد،امداد،ایجاد،آباد،آزاد،ارشاد،استاد،بہزاد،بنیاد،برباد،صیادadmin

دیوان اول غزل 203

میرے سنگ مزار پر فرہاد

رکھ کے تیشہ کہے ہے یا استاد

ہم سے بن مرگ کیا جدا ہو ملال

جان کے ساتھ ہے دل ناشاد

موند آنکھیں سفر عدم کا کر

بس ہے دیکھا نہ عالم ایجاد

فکر تعمیر میں نہ رہ منعم

زندگانی کی کچھ بھی ہے بنیاد

خاک بھی سر پہ ڈالنے کو نہیں

کس خرابے میں ہم ہوئے آباد

سنتے ہو ٹک سنو کہ پھر مجھ بعد

نہ سنوگے یہ نالہ و فریاد

لگتی ہے کچھ سموم سی تو نسیم

خاک کس دل جلے کی دی برباد

بھولا جا ہے غم بتاں میں جی

غرض آتا ہے پھر خدا ہی یاد

تیرے قید قفس کا کیا شکوہ

نالے اپنے سے اپنے سے فریاد

ہر طرف ہیں اسیر ہم آواز

باغ ہے گھر ترا تو اے صیاد

ہم کو مرنا یہ ہے کہ کب ہوں کہیں

اپنی قید حیات سے آزاد

ایسا وہ شوخ ہے کہ اٹھتے صبح

جانا سو جاے اس کی ہے معتاد

نہیں صورت پذیر نقش اس کا

یوں ہی تصدیع کھینچے ہے بہزاد

خوب ہے خاک سے بزرگوں کی

چاہنا تو مرے تئیں امداد

پر مروت کہاں کی ہے اے میر

تو ہی مجھ دل جلے کو کر ارشاد

نامرادی ہو جس پہ پروانہ

وہ جلاتا پھرے چراغ مراد

میر تقی میر

چمن کی صبح کوئی دم کو شام ہے صیاد

اکتوبر 6, 2015میر تقی میر،اساتذہ،غزلکام،تمام،رام،شامadmin

دیوان اول غزل 202

قفس تو یاں سے گئے پر مدام ہے صیاد

چمن کی صبح کوئی دم کو شام ہے صیاد

بہت ہیں ہاتھ ہی تیرے نہ کر قفس کی فکر

مرا تو کام انھیں میں تمام ہے صیاد

یہی گلوں کو تنک دیکھوں اتنی مہلت ہو

چمن میں اور تو کیا مجھ کو کام ہے صیاد

ابھی کہ وحشی ہے اس کشمکش کے بیچ ہے میر

خدا ہی اس کا ہے جو تیرا رام ہے صیاد

میر تقی میر

ہے تو کس آفریدہ کے مانند

اکتوبر 6, 2015میر تقی میر،اساتذہ،غزلچیدہ،کشیدہ،آفریدہ،بریدہ،دمیدہ،دیدہ،رمیدہ،زرخریدہ،طپیدہadmin

دیوان اول غزل 201

اے گل نو دمیدہ کے مانند

ہے تو کس آفریدہ کے مانند

ہم امید وفا پہ تیری ہوئے

غنچۂ دیر چیدہ کے مانند

خاک کو میری سیر کرکے پھرا

وہ غزال رمیدہ کے مانند

سر اٹھاتے ہی ہو گئے پامال

سبزئہ نو دمیدہ کے مانند

نہ کٹے رات ہجر کی جو نہ ہو

نالہ تیغ کشیدہ کے مانند

ہم گرفتار حال ہیں اپنے

طائر پر بریدہ کے مانند

دل تڑپتا ہے اشک خونیں میں

صید درخوں طپیدہ کے مانند

تجھ سے یوسف کو کیونکے نسبت دیں

کب شنیدہ ہو دیدہ کے مانند

میر صاحب بھی اس کے ہاں تھے لیک

بندئہ زرخریدہ کے مانند

میر تقی میر

اڑتی ہے خاک میری باد صبا ہے شاہد

اکتوبر 6, 2015میر تقی میر،اساتذہ،غزلکیا،خدا،درا،دعا،صباadmin

دیوان اول غزل 200

ہوں رہگذر میں تیرے ہر نقش پا ہے شاہد

اڑتی ہے خاک میری باد صبا ہے شاہد

طوف حرم میں بھی میں بھولا نہ تجھ کو اے بت

آتا ہے یاد تو ہی میرا خدا ہے شاہد

شرمندئہ اثر کچھ باطن مرا نہیں ہے

وقت سحر ہے شاہد دست دعا ہے شاہد

نالے میں اپنے پنہاں میں بھی ہوں ساتھ تیرے

شاہد ہے گرد محمل شور درا ہے شاہد

ایذا ہے میر پر جو وہ تو کہوں ہی گا میں

بارے یہ کہہ کہ تیری خاطر میں کیا ہے شاہد

میر تقی میر

آخرکار کیا کہا قاصد

اکتوبر 6, 2015میر تقی میر،اساتذہ،غزللکھا،ماجرا،نیا،نارسا،کہا،گیا،بھلا،جا،رہا،سالہاadmin

دیوان اول غزل 199

نہ پڑھا خط کو یا پڑھا قاصد

آخرکار کیا کہا قاصد

کوئی پہنچا نہ خط مرا اس تک

میرے طالع ہیں نارسا قاصد

سر نوشت زبوں سے زر ہو خاک

راہ کھوٹی نہ کر تو جا قاصد

گر پڑا خط تو تجھ پہ حرف نہیں

یہ بھی میرا ہی تھا لکھا قاصد

یہ تو رونا ہمیشہ ہے تجھ کو

پھر کبھو پھر کبھو بھلا قاصد

اب غرض خامشی ہی بہتر ہے

کیا کہوں تجھ سے ماجرا قاصد

شب کتابت کے وقت گریے میں

جو لکھا تھا سو بہ گیا قاصد

کہنہ قصہ لکھا کروں تاکے

بھیجا کب تک کروں نیا قاصد

ہے طلسمات اس کا کوچہ تو

جو گیا سو وہیں رہا قاصد

باد پر ہے برات جس کا جواب

اس کو گذرے ہیں سالہا قاصد

نامۂ میر کو اڑاتا ہے

کاغذ باد گر گیا قاصد

میر تقی میر

ابھریں گے عشق دل سے ترے راز میرے بعد

اکتوبر 6, 2015میر تقی میر،اساتذہ،غزلناز،ناساز،پرواز،آواز،باز،جانباز،رازadmin

دیوان اول غزل 198

آوے گی میری قبر سے آواز میرے بعد

ابھریں گے عشق دل سے ترے راز میرے بعد

جینا مرا تو تجھ کو غنیمت ہے ناسمجھ

کھینچے گا کون پھر یہ ترے ناز میرے بعد

شمع مزار اور یہ سوز جگر مرا

ہر شب کریں گے زندگی ناساز میرے بعد

حسرت ہے اس کے دیکھنے کی دل میں بے قیاس

اغلب کہ میری آنکھیں رہیں باز میرے بعد

کرتا ہوں میں جو نالے سر انجام باغ میں

منھ دیکھو پھر کریں گے ہم آواز میرے بعد

بن گل موا ہی میں تو پہ تو جا کے لوٹیو

صحن چمن میں اے پر پرواز میرے بعد

بیٹھا ہوں میر مرنے کو اپنے میں مستعد

پیدا نہ ہوں گے مجھ سے بھی جانباز میرے بعد

میر تقی میر

یا بگولا جو کوئی سر کھینچے ہے صحرا نورد

اکتوبر 6, 2015میر تقی میر،اساتذہ،غزلنورد،گرد،پیرمرد،درد،سردadmin

دیوان اول غزل 197

کیا ہے یہ جو گاہے آجاتی ہے آندھی کوئی زرد

یا بگولا جو کوئی سر کھینچے ہے صحرا نورد

شوق میں یہ محمل لیلیٰ کے ہو کر بے قرار

اک نہاد وادی مجنوں سے اٹھ چلتی ہے گرد

وجہ دم سردی نہیں میں جانتا رونے کے بعد

مینھ برسا ہے کہیں شاید ہوا آتی ہے سرد

مار رکھا باطن پیر مغاں نے شیخ کو

مل گیا اس پیر زن کو غیب سے ایک پیرمرد

ایک شب پہلو کیا تھا گرم ان نے تیرے ساتھ

رات کو رہتا ہے اکثر میر کے پہلو میں درد

میر تقی میر

ان دنوں کچھ ہے مہرباں وہ شوخ

اکتوبر 6, 2015میر تقی میر،اساتذہ،غزلشوخadmin

دیوان اول غزل 196

ہے نہیں دشمن جہاں وہ شوخ

ان دنوں کچھ ہے مہرباں وہ شوخ

میر تقی میر

کرتا ہے چرخ مجھ سے نئے یار ایک طرح

اکتوبر 6, 2015میر تقی میر،اساتذہ،غزلناچار،یار،گنہگار،گرفتار،افگار،بیمار،بازار،خوار،دیدار،طرحدار،عیارadmin

دیوان اول غزل 195

خاطر کرے ہے جمع وہ ہر بار ایک طرح

کرتا ہے چرخ مجھ سے نئے یار ایک طرح

میں اور قیس و کوہکن اب جو زباں پہ ہیں

مارے گئے ہیں سب یہ گنہگار ایک طرح

منظور اس کو پردے میں ہیں بے حجابیاں

کس سے ہوا دوچار وہ عیار ایک طرح

سب طرحیں اس کی اپنی نظر میں تھیں کیا کہیں

پر ہم بھی ہو گئے ہیں گرفتار ایک طرح

گھر اس کے جاکے آتے ہیں پامال ہوکے ہم

کریے مکاں ہی اب سر بازار ایک طرح

گہ گل ہے گاہ رنگ گہے باغ کی ہے بو

آتا نہیں نظر وہ طرحدار ایک طرح

نیرنگ حسن دوست سے کر آنکھیں آشنا

ممکن نہیں وگرنہ ہو دیدار ایک طرح

سو طرح طرح دیکھ طبیبوں نے یہ کہا

صحت پذیر ہوئے یہ بیمار ایک طرح

سو بھی ہزار طرح سے ٹھہراوتے ہیں ہم

تسکین کے لیے تری ناچار ایک طرح

بن جی دیے ہو کوئی طرح فائدہ نہیں

گر ہے تو یہ ہے اے جگر افگار ایک طرح

ہر طرح تو ذلیل ہی رکھتا ہے میر کو

ہوتا ہے عاشقی میں کوئی خوار ایک طرح

میر تقی میر

رہنے لگا ہے دل کو اب آزار بے طرح

اکتوبر 6, 2015میر تقی میر،اساتذہ،غزلآزار،تلوار،خونبار،دیدار،ستمگارadmin

دیوان اول غزل 194

ہونے لگا گذار غم یار بے طرح

رہنے لگا ہے دل کو اب آزار بے طرح

اب کچھ طرح نہیں ہے کہ ہم غم زدے ہوں شاد

کہنے لگا ہے منھ سے ستمگار بے طرح

جاں بر تمھارے ہاتھ سے ہو گا نہ اب کوئی

رکھنے لگے ہو ہاتھ میں تلوار بے طرح

فتنہ اٹھے گا ورنہ نکل گھر سے تو شتاب

بیٹھے ہیں آ کے طالب دیدار بے طرح

لوہو میں شور بور ہے دامان و جیب میر

بپھرا ہے آج دیدئہ خونبار بے طرح

میر تقی میر

باز خواہ خوں ہے میرا گو اسی بستی کے بیچ

اکتوبر 6, 2015میر تقی میر،اساتذہ،غزلمستی،پستی،بستیadmin

دیوان اول غزل 193

ساتھ ہو اک بے کسی کے عالم ہستی کے بیچ

باز خواہ خوں ہے میرا گو اسی بستی کے بیچ

عرش پر ہے ہم نمد پوشان الفت کا دماغ

اوج دولت کا سا ہے یاں فقر کی پستی کے بیچ

ہم سیہ کاروں کا ہنسنا وہ ہے میخانے کی اور

آگئے ہیں میر مسجد میں چلے مستی کے بیچ

میر تقی میر

دن نہ پھر جائیں گے عشاق کے اک رات کے بیچ

اکتوبر 6, 2015میر تقی میر،اساتذہ،غزلہات،مساوات،گھات،اوقات،آفات،بات،خرابات،راتadmin

دیوان اول غزل 192

کر نہ تاخیر تو اک شب کی ملاقات کے بیچ

دن نہ پھر جائیں گے عشاق کے اک رات کے بیچ

حرف زن مت ہو کسی سے تو کہ اے آفت شہر

جاتے رہتے ہیں ہزاروں کے سر اک بات کے بیچ

میری طاعت کو قبول آہ کہاں تک ہو گا

سبحہ اک ہاتھ میں ہے جام ہے اک ہات کے بیچ

سرمگیں چشم پہ اس شوخ کی زنہار نہ جا

ہے سیاہی مژہ میں وہ نگہ گھات کے بیچ

بیٹھیں ہم اس کے سگ کو کے برابر کیوں کر

کرتے ہیں ایسی معیشت تو مساوات کے بیچ

تاب و طاقت کو تو رخصت ہوئے مدت گذری

پندگو یوں ہی نہ کر اب خلل اوقات کے بیچ

زندگی کس کے بھروسے پہ محبت میں کروں

ایک دل غم زدہ ہے سو بھی ہے آفات کے بیچ

بے مے و مغبچہ اک دم نہ رہا تھا کہ رہا

اب تلک میر کا تکیہ ہے خرابات کے بیچ

میر تقی میر

بھیج دے کیوں نہ زلیخا اسے کنعان کے بیچ

اکتوبر 6, 2015میر تقی میر،اساتذہ،غزلمژگان،کنعان،کان،گریان،گریبان،پان،آن،جان،شانadmin

دیوان اول غزل 191

فائدہ مصر میں یوسفؑ رہے زندان کے بیچ

بھیج دے کیوں نہ زلیخا اسے کنعان کے بیچ

تو نہ تھا مردن دشوار میں عاشق کے آہ

حسرتیں کتنی گرہ تھیں رمق اک جان کے بیچ

چشم بد دور کہ کچھ رنگ ہے اب گریہ پر

خون جھمکے ہے پڑا دیدئہ گریان کے بیچ

حال گلزار زمانہ کا ہے جیسے کہ شفق

رنگ کچھ اور ہی ہوجائے ہے اک آن کے بیچ

تاک کی چھائوں میں جوں مست پڑے سوتے ہوں

اینڈتی ہیں نگہیں سایۂ مژگان کے بیچ

جی لیا بوسۂ رخسار مخطط دے کر

عاقبت ان نے ہمیں زہر دیا پان کے بیچ

دعوی خوش دہنی اس سے اسی منھ پر گل

سر تو ٹک ڈال کے دیکھ اپنے گریبان کے بیچ

کرتے ململ کے پہن آتے تو ہو رندوں میں

شیخ صاحب نہ کہیں جفتے پڑیں شان کے بیچ

کان رکھ رکھ کے بہت درد دل میر کو تم

سنتے تو ہو پہ کہیں درد نہ ہو کان کے بیچ

میر تقی میر

ہوں جو رحمت کے سزاواروں کے بیچ

اکتوبر 6, 2015میر تقی میر،اساتذہ،غزلچاروں،یاروں،انگاروں،آزاروں،بازاروں،تلواروں،تاروں،خاروں،دیواروں،سزاواروںadmin

دیوان اول غزل 190

کاش اٹھیں ہم بھی گنہگاروں کے بیچ

ہوں جو رحمت کے سزاواروں کے بیچ

جی سدا ان ابروؤں ہی میں رہا

کی بسر ہم عمر تلواروں کے بیچ

چشم ہو تو آئینہ خانہ ہے دہر

منھ نظر آتا ہے دیواروں کے بیچ

ہیں عناصر کی یہ صورت بازیاں

شعبدے کیا کیا ہیں ان چاروں کے بیچ

جب سے لے نکلا ہے تو یہ جنس حسن

پڑ گئی ہے دھوم بازاروں کے بیچ

عاشقی و بے کسی و رفتگی

جی رہا کب ایسے آزاروں کے بیچ

جو سرشک اس ماہ بن جھمکے ہے شب

وہ چمک کاہے کو ہے تاروں کے بیچ

اس کے آتش ناک رخساروں بغیر

لوٹیے یوں کب تک انگاروں کے بیچ

بیٹھنا غیروں میں کب ہے ننگ یار

پھول گل ہوتے ہی ہیں خاروں کے بیچ

یارو مت اس کا فریب مہر کھائو

میر بھی تھے اس کے ہی یاروں کے بیچ

میر تقی میر

شاید بگڑ گئی ہے کچھ اس بے وفا سے آج

اکتوبر 6, 2015میر تقی میر،اساتذہ،غزلہوا،وفا،حیا،خدا،دعاadmin

دیوان اول غزل 189

آئے ہیں میر منھ کو بنائے خفا سے آج

شاید بگڑ گئی ہے کچھ اس بے وفا سے آج

واشد ہوئی نہ دل کو فقیروں کے بھی ملے

کھلتی نہیں گرہ یہ کسو کی دعا سے آج

جینے میں اختیار نہیں ورنہ ہم نشیں

ہم چاہتے ہیں موت تو اپنی خدا سے آج

ساقی ٹک ایک موسم گل کی طرف بھی دیکھ

ٹپکا پڑے ہے رنگ چمن میں ہوا سے آج

تھا جی میں اس سے ملیے تو کیا کیا نہ کہیے میر

پر کچھ کہا گیا نہ غم دل حیا سے آج

میر تقی میر

کسو کی زلف ڈھونڈی مو بہ مو کا کل کو سب لٹ لٹ

اکتوبر 6, 2015میر تقی میر،اساتذہ،غزللٹ،چٹ،کھٹ،کروٹadmin

دیوان اول غزل 188

نہ پایا دل ہوا روز سیہ سے جس کا جا لٹ پٹ

کسو کی زلف ڈھونڈی مو بہ مو کا کل کو سب لٹ لٹ

تو کن نیندوں پڑا سوتا تھا دروازے کو موندے شب

میں چوکھٹ پر تری کرتا رہا سر کو پٹک کھٹ کھٹ

چٹیں لگتی ہیں دل پر بلبلوں کے باغباں تو جو

چمن میں توڑتا ہے ہر سحر کلیوں کے تیں چٹ چٹ

ترے ہجراں کی بیماری میں میر ناتواں کو شب

ہوا ہے خواب سونا آہ اس کروٹ سے اس کروٹ

میر تقی میر

تو بھی مری دعا سے ملتی نہیں اجابت

اکتوبر 6, 2015میر تقی میر،اساتذہ،غزلکتابت،اجابت،بابتadmin

دیوان اول غزل 187

ہر صبح دم کروں ہوں الحاح با انابت

تو بھی مری دعا سے ملتی نہیں اجابت

مت لے حساب طاقت اے ضعف مجھ سے ظالم

لائق نہیں ہے تیرے یہ کون سی ہے بابت

کیا کیا لکھا ہے میں نے وہ میر کیا کہے گا

گم ہووے نامہ بر سے یارب مری کتابت

میر تقی میر

کہیے ہووے جو کچھ بھی ڈھب کی بات

اکتوبر 6, 2015میر تقی میر،اساتذہ،غزللب،ڈھب،کب،اب،تب،جب،سبadmin

دیوان اول غزل 186

کیا کہیں اپنی اس کی شب کی بات

کہیے ہووے جو کچھ بھی ڈھب کی بات

اب تو چپ لگ گئی ہے حیرت سے

پھر کھلے گی زبان جب کی بات

نکتہ دانان رفتہ کی نہ کہو

بات وہ ہے جو ہووے اب کی بات

کس کا روے سخن نہیں ہے ادھر

ہے نظر میں ہماری سب کی بات

ظلم ہے قہر ہے قیامت ہے

غصے میں اس کے زیر لب کی بات

کہتے ہیں آگے تھا بتوں میں رحم

ہے خدا جانیے یہ کب کی بات

گو کہ آتش زباں تھے آگے میر

اب کی کہیے گئی وہ تب کی بات

میر تقی میر

رونا آتا ہے مجھے ہر سحر و شام بہت

اکتوبر 6, 2015میر تقی میر،اساتذہ،غزلکام،ایام،آرام،جام،دام،شامadmin

دیوان اول غزل 185

جی میں ہے یاد رخ و زلف سیہ فام بہت

رونا آتا ہے مجھے ہر سحر و شام بہت

دست صیاد تلک بھی نہ میں پہنچا جیتا

بے قراری نے لیا مجھ کو تہ دام بہت

ایک دو چشمک ادھر گردش ساغر کہ مدام

سر چڑھی رہتی ہے یہ گردش ایام بہت

دل خراشی و جگر چاکی و خون افشانی

ہوں تو ناکام پہ رہتے ہیں مجھے کام بہت

رہ گیا دیکھ کے تجھ چشم پہ یہ سطر مژہ

ساقیا یوں تو پڑھے تھے میں خط جام بہت

پھر نہ آئے جو ہوئے خاک میں جا آسودہ

غالباً زیر زمیں میر ہے آرام بہت

میر تقی میر

مایوس ہوں میں بھی کہ ہوں بیمار محبت

اکتوبر 6, 2015میر تقی میر،اساتذہ،غزلکار،گرفتار،اقرار،اظہار،بیمار،بازار،خریدار،سرشار،سزاوارadmin

دیوان اول غزل 184

چھٹتا ہی نہیں ہو جسے آزار محبت

مایوس ہوں میں بھی کہ ہوں بیمار محبت

امکاں نہیں جیتے جی ہو اس قید سے آزاد

مرجائے تبھی چھوٹے گرفتار محبت

تقصیر نہ خوباں کی نہ جلاد کا کچھ جرم

تھا دشمن جانی مرا اقرار محبت

ہر جنس کے خواہاں ملے بازارجہاں میں

لیکن نہ ملا کوئی خریدار محبت

اس راز کو رکھ جی ہی میں تا جی بچے تیرا

زنہار جو کرتا ہو تو اظہار محبت

ہر نقش قدم پر ترے سر بیچے ہیں عاشق

ٹک سیر تو کر آج تو بازار محبت

کچھ مست ہیں ہم دیدئہ پرخون جگر سے

آیا یہی ہے ساغر سرشار محبت

بیکار نہ رہ عشق میں تو رونے سے ہرگز

یہ گریہ ہی ہے آب رخ کار محبت

مجھ سا ہی ہو مجنوں بھی یہ کب مانے ہے عاقل

ہر سر نہیں اے میر سزاوارمحبت

میر تقی میر

ہم آنکھوں میں لے گئے بسر رات

اکتوبر 6, 2015میر تقی میر،اساتذہ،غزلہر،قدر،مگر،مر،نظر،کدھر،کر،گھر،گذر،پہر،پر،بسر،خبر،دوپہر،سحرadmin

دیوان اول غزل 183

پلکوں پہ تھے پارئہ جگر رات

ہم آنکھوں میں لے گئے بسر رات

اک دن تو وفا بھی کرتے وعدہ

گذری ہے امیدوار ہر رات

مکھڑے سے اٹھائیں ان نے زلفیں

جانا بھی نہ ہم گئی کدھر رات

تو پاس نہیں ہوا تو روتے

رہ رہ گئی ہے پہر پہر رات

کیا دن تھے کہ خون تھا جگر میں

رو اٹھتے تھے بیٹھ دوپہر رات

واں تم تو بناتے ہی رہے زلف

عاشق کی بھی یاں گئی گذر رات

ساقی کے جو آنے کی خبر تھی

گذری ہمیں ساری بے خبر رات

کیا سوز جگر کہوں میں ہمدم

آیا جو سخن زبان پر رات

صحبت یہ رہی کہ شمع روئی

لے شام سے تا دم سحر رات

کھلتی ہے جب آنکھ شب کو تجھ بن

کٹتی نہیں آتی پھر نظر رات

دن وصل کا یوں کٹا کہے تو

کاٹی ہے جدائی کی مگر رات

کل تھی شب وصل اک ادا پر

اس کی گئے ہوتے ہم تو مر رات

جاگے تھے ہمارے بخت خفتہ

پہنچا تھا بہم وہ اپنے گھر رات

کرنے لگا پشت چشم نازک

سوتے سے اٹھا جو چونک کر رات

تھی صبح جو منھ کو کھول دیتا

ہر چند کہ تب تھی اک پہر رات

پر زلفوں میں منھ چھپا کے پوچھا

اب ہووے گی میر کس قدر رات

میر تقی میر

تیر تو نکلا مرے سینے سے لیکن جاں سمیت

اکتوبر 6, 2015میر تقی میر،اساتذہ،غزلنالاں،ویراں،افشاں،جاں،داماںadmin

دیوان اول غزل 182

سب ہوئے نادم پئے تدبیر ہو جاناں سمیت

تیر تو نکلا مرے سینے سے لیکن جاں سمیت

تنگ ہوجاوے گا عرصہ خفتگان خاک پر

گر ہمیں زیرزمیں سونپا دل نالاں سمیت

باغ کر دکھلائیں گے دامان دشت حشر کو

ہم بھی واں آئے اگر مژگان خون افشاں سمیت

قیس و فرہاد اور وامق عاقبت جی سے گئے

سب کو مارا عشق نے مجھ خانماں ویراں سمیت

اٹھ گیا پردہ نصیحت گر کے لگ پڑنے سے میر

پھاڑ ڈالا میں گریباں رات کو داماں سمیت

میر تقی میر

کیا فکر کروں میں کہ کسو ڈھب ہو ملاقات

اکتوبر 6, 2015میر تقی میر،اساتذہ،غزلڈھب،یارب،کب،اب،جبadmin

دیوان اول غزل 181

روزانہ ملوں یار سے یا شب ہو ملاقات

کیا فکر کروں میں کہ کسو ڈھب ہو ملاقات

نے بخت کی یاری ہے نہ کچھ جذب ہے کامل

وہ آپھی ملے تو ملے پھر جب ہو ملاقات

دوری میں کروں نالہ و فریاد کہاں تک

یک بار تو اس شوخ سے یارب ہو ملاقات

جاتی ہے غشی بھی کبھو آتے ہیں بخود بھی

کچھ لطف اٹھے بارے اگر اب ہو ملاقات

وحشت ہے بہت میر کو مل آیئے چل کر

کیا جانیے پھر یاں سے گئے کب ہو ملاقات

میر تقی میر

ہوئے آدم کو بھی بہشت نصیب

اکتوبر 6, 2015میر تقی میر،اساتذہ،غزلنصیبadmin

دیوان اول غزل 180

کھا کے دانہ یہ دام بچھوایا

ہوئے آدم کو بھی بہشت نصیب

میر تقی میر

عرق شرم میں گیا ہے ڈوب

اکتوبر 6, 2015میر تقی میر،اساتذہ،غزلچوب،ڈوب،یعقوبؑ،آشوب،اسلوب،خوبadmin

دیوان اول غزل 179

دیکھ خورشید تجھ کو اے محبوب

عرق شرم میں گیا ہے ڈوب

آئی کنعاں سے باد مصر ولے

نہ گئی تا بہ کلبۂ یعقوبؑ

بن عصا شیخ یک قدم نہ رکھے

راہ چلتا نہیں یہ خر بے چوب

اس لیے عشق میں نے چھوڑا تھا

تو بھی کہنے لگا برا کیا خوب

پی ہو مے تو لہو پیا ہوں میں

محتسب آنکھوں پر ہے کچھ آشوب

میر شاعر بھی زور کوئی تھا

دیکھتے ہو نہ بات کا اسلوب

میر تقی میر

ایک گردش میں تری چشم سیہ کے سب خراب

اکتوبر 6, 2015میر تقی میر،اساتذہ،غزلکباب،آب،تاب،جواب،حباب،حساب،خراب،سراب،شباب،شرابadmin

دیوان اول غزل 178

کس کی مسجد کیسے میخانے کہاں کے شیخ و شاب

ایک گردش میں تری چشم سیہ کے سب خراب

تو کہاں اس کی کمر کیدھر نہ کریو اضطراب

اے رگ گل دیکھیو کھاتی ہے جو تو پیچ و تاب

موند رکھنا چشم کا ہستی میں عین دید ہے

کچھ نہیں آتا نظر جب آنکھ کھولے ہے حباب

تو ہو اور دنیا ہو ساقی میں ہوں مستی ہو مدام

پر بط صہبا نکالے اڑ چلے رنگ شراب

ہے ملاحت تیرے باعث شور پر تجھ سے نمک

ٹک تو رہ پیری چلی آتی ہے اے عہد شباب

کب تھی یہ بے جرأتی شایان آہوے حرم

ذبح ہوتا تیغ سے یا آگ میں ہوتا کباب

کیا ہو رنگ رفتہ کیا قاصد ہو جس کو خط دیا

جز جواب صاف اس سے کب کوئی لایا جواب

واے اس جینے پر اے مستی کہ دور چرخ میں

جام مے پر گردش آوے اور میخانہ خراب

چوب حرفی بن الف بے میں نہیں پہچانتا

ہوں میں ابجد خواں شناسائی کو مجھ سے کیا حساب

مت ڈھلک مژگاں سے اب تو اے سرشک آبدار

مفت میں جاتی رہے گی تیری موتی کی سی آب

کچھ نہیں بحرجہاں کی موج پر مت بھول میر

دور سے دریا نظر آتا ہے لیکن ہے سراب

میر تقی میر

تو کون قمریوں کے چواتا دہن میں آب

اکتوبر 6, 2015میر تقی میر،اساتذہ،غزللگن،یمن،کفن،ختن،دہن،سخنadmin

دیوان اول غزل 177

ہوتا نہ پاے سرو جو جوے چمن میں آب

تو کون قمریوں کے چواتا دہن میں آب

اس پر لہو کے پیاسے ہیں تیرے لبوں کے رشک

اک نام کو رہی ہے عقیق یمن میں آب

شب سوز دل کہا تھا میں مجلس میں شمع سے

روئی ہے یاں تلک کہ بھرا ہے لگن میں آب

دل لے گیا تھا زیرزمیں میں بھرا ہوا

آتا ہے ہر مسام سے میرے کفن میں آب

رویا تھا تیری چشم و مژہ یاد کرکے میں

ہے نیزہ نیزہ تب سے نواح ختن میں آب

ناسور پھونک پھونک کے پیجو خبر ہے شرط

ہے آپ داغ کوچۂ زخم کہن میں آب

دریا میں قطرہ قطرہ ہے آب گہر کہیں

ہے میر موجزن ترے ہر یک سخن میں آب

میر تقی میر

پڑتی رہی ہے زور سے شبنم تمام شب

اکتوبر 6, 2015میر تقی میر،اساتذہ،غزلکم،دم،درہم،شبنم،غمadmin

دیوان اول غزل 176

رویا کیے ہیں غم سے ترے ہم تمام شب

پڑتی رہی ہے زور سے شبنم تمام شب

رکنے سے دل کے آج بچا ہوں تو اب جیا

چھاتی ہی میں رہا ہے مرا دم تمام شب

یہ اتصال اشک جگر سوز کا کہاں

روتی ہے یوں تو شمع بھی کم کم تمام شب

شکوہ عبث ہے میر کہ کڑھتے ہیں سارے دن

یا دل کا حال رہتا ہے درہم تمام شب

گذرا کسے جہاں میں خوشی سے تمام روز

کس کی گئی زمانے میں بے غم تمام شب

میر تقی میر

ٹپکا کرے ہے آنکھوں سے خونناب روز و شب

اکتوبر 6, 2015میر تقی میر،اساتذہ،غزلمحراب،نایاب،احباب،بیتاب،خونناب،خواب،سیلابadmin

دیوان اول غزل 175

اب وہ نہیں کہ آنکھیں تھیں پرآب روز و شب

ٹپکا کرے ہے آنکھوں سے خونناب روز و شب

اک وقت رونے کا تھا ہمیں بھی خیال سا

آئی تھی آنکھوں سے چلی سیلاب روز و شب

اس کے لیے نہ پھرتے تھے ہم خاک چھانتے

رہتا تھا پاس وہ در نایاب روز و شب

قدرت تو دیکھ عشق کی مجھ سے ضعیف کو

رکھتا ہے شاد بے خور و بے خواب روز و شب

سجدہ اس آستاں کا نہیں یوں ہوا نصیب

رگڑا ہے سر میانۂ محراب روز و شب

اب رسم ربط اٹھ ہی گئی ورنہ پیش ازیں

بیٹھے ہی رہتے تھے بہم احباب روز و شب

دل کس کے رو و مو سے لگایا ہے میر نے

پاتے ہیں اس جوان کو بیتاب روز و شب

میر تقی میر

سو جاتے ہیں ولیکن بخت کنار ہر شب

اکتوبر 6, 2015میر تقی میر،اساتذہ،غزلہزار،کنار،گذار،پار،امیدوار،اختیار،روزگار،غبارadmin

دیوان اول غزل 174

رکھتا ہے ہم سے وعدہ ملنے کا یار ہر شب

سو جاتے ہیں ولیکن بخت کنار ہر شب

مدت ہوئی کہ اب تو ہم سے جدا رکھے ہے

اس آفتاب رو کو یہ روزگار ہر شب

دیکھیں ہیں راہ کس کی یارب کہ اختروں کی

رہتی ہیں باز آنکھیں چندیں ہزار ہر شب

دھوکے ترے کسو دن میں جان دے رہوں گا

کرتا ہے ماہ میرے گھر سے گذار ہر شب

دل کی کدورت اپنی یک شب بیاں ہوئی تھی

رہتا ہے آسماں پر تب سے غبار ہر شب

کس کے لگا ہے تازہ تیر نگاہ اس کا

اک آہ میرے دل کے ہوتی ہے پار ہر شب

مجلس میں میں نے اپنا سوز جگر کہا تھا

روتی ہے شمع تب سے بے اختیار ہر شب

مایوس وصل اس کے کیا سادہ مردماں ہیں

گذرے ہے میر ان کو امیدوار ہر شب

میر تقی میر

گل منھ نہ کھولتا تھا بلبل نہ بولتا تھا

اکتوبر 6, 2015میر تقی میر،اساتذہ،غزلتھاadmin

دیوان اول غزل 173

تجھ بن چمن میں جو تھا دل کو ٹٹولتا تھا

گل منھ نہ کھولتا تھا بلبل نہ بولتا تھا

میر تقی میر

صحرا میں رفتہ رفتہ کانٹوں نے سر اٹھایا

اکتوبر 6, 2015میر تقی میر،اساتذہ،غزلاٹھایاadmin

دیوان اول غزل 172

پاے پر آبلہ سے مجھ کو بنی گئی ہے

صحرا میں رفتہ رفتہ کانٹوں نے سر اٹھایا

میر تقی میر

اس تشنہ کام نے تو پانی بھی پھر نہ مانگا

اکتوبر 6, 2015میر تقی میر،اساتذہ،غزلمانگاadmin

دیوان اول غزل 171

دل تاب ٹک بھی لاتا تو کہنے میں کچھ آتا

اس تشنہ کام نے تو پانی بھی پھر نہ مانگا

میر تقی میر

کوہکن نے بھی سر کو پھوڑا تھا

اکتوبر 6, 2015میر تقی میر،اساتذہ،غزلتھاadmin

دیوان اول غزل 170

بخت دشمن بلند تھے ورنہ

کوہکن نے بھی سر کو پھوڑا تھا

میر تقی میر

الغرض اس پہ دانت ہے سب کا

اکتوبر 6, 2015میر تقی میر،اساتذہ،غزلکاadmin

دیوان اول غزل 169

ایک عالم ہے کشتہ اس لب کا

الغرض اس پہ دانت ہے سب کا

میر تقی میر

کیا آب حیواں کو پانی سے پتلا

اکتوبر 6, 2015میر تقی میر،اساتذہ،غزلپتلاadmin

دیوان اول غزل 168

ترے لعل جاں بخش کو ہم نے بتلا

کیا آب حیواں کو پانی سے پتلا

میر تقی میر

ایک دو دم زار باراں رو گیا

اکتوبر 6, 2015میر تقی میر،اساتذہ،غزلرو،سوadmin

دیوان اول غزل 167

ابر جب مجھ خاک پر سے ہو گیا

ایک دو دم زار باراں رو گیا

کیا کہوں میں میر اپنی سرگذشت

ابتدا ہی قصے میں وہ سو گیا

میر تقی میر

پر بے مزہ ہے مزاج میرا

اکتوبر 6, 2015میر تقی میر،اساتذہ،غزلمیراadmin

دیوان اول غزل 166

ہے لب نمکیں علاج میرا

پر بے مزہ ہے مزاج میرا

میر تقی میر

گویا چراغ وقف ہوں میں اس دیار کا

اکتوبر 6, 2015میر تقی میر،اساتذہ،غزلکاadmin

دیوان اول غزل 165

ہر شب جہاں میں جلتے گذرتی ہے اے نسیم

گویا چراغ وقف ہوں میں اس دیار کا

میر تقی میر

نرگس کا جس سے رنگ شکستہ بھی اڑ چلا

اکتوبر 6, 2015میر تقی میر،اساتذہ،غزلچلاadmin

دیوان اول غزل 164

کس طور تونے باغ میں آنکھوں کے تیں ملا

نرگس کا جس سے رنگ شکستہ بھی اڑ چلا

میر تقی میر

اس دو روزہ زیست میں ہم پر بھی کیا کیا ہو گیا

اکتوبر 6, 2015میر تقی میر،اساتذہ،غزلگیاadmin

دیوان اول غزل 163

دل گیا رسوا ہوئے آخر کو سودا ہو گیا

اس دو روزہ زیست میں ہم پر بھی کیا کیا ہو گیا

میر تقی میر

رکھے ہے شوق اگر رحمت الٰہی کا

اکتوبر 6, 2015میر تقی میر،اساتذہ،غزلنگاہی،کاہی،الٰہی،سیاہیadmin

دیوان اول غزل 162

خیال چھوڑ دے واعظ تو بے گناہی کا

رکھے ہے شوق اگر رحمت الٰہی کا

سیاہ بخت سے میرے مجھے کفایت تھی

لیا ہے داغ نے دامن عبث سیاہی کا

نگہ تمام تو اس کی خدا نہ دکھلاوے

کرے ہے قتل اثر جس کی کم نگاہی کا

کسو کے حسن کے شعلے کے آگے اڑتا ہے

سلوک میر سنو میرے رنگ کاہی کا

میر تقی میر

ہوکر فقیر صبر مری گور پر گیا

اکتوبر 6, 2015میر تقی میر،اساتذہ،غزلکدھر،گذر،ٹھٹھر،پر،زرadmin

دیوان اول غزل 161

بیتابیوں کے جور سے میں جب کہ مر گیا

ہوکر فقیر صبر مری گور پر گیا

اے آہ سرد عرصۂ محشر میں یخ جما

جلتا ہوں میں سنوں کہ جہنم ٹھٹھر گیا

کاکل میں نہیّں خط میں نہیں زلف میں نہیں

روز سیہ کے ساتھ مرا دل کدھر گیا

مفلس سو مر گیا نہ ہوا وصل یار کا

ہجراں میں اس کے جی بھی گیا اور زر گیا

تیری ہی رہگذر میں یہ جی جارہا ہے شوخ

سنیو کہ میر آج ہی کل میں گذر گیا

میر تقی میر

ملے گا نیند بھر تب مجھ کو سونا

اکتوبر 6, 2015میر تقی میر،اساتذہ،غزلہونا،دھونا،رونا،سوچاadmin

دیوان اول غزل 160

نظر میں آوے گا جب جی کا کھونا

ملے گا نیند بھر تب مجھ کو سونا

تماشے دیکھتے ہنستا چلا آ

کرے ہے شیشہ بازی میرا رونا

مرا خوں تجھ پہ ثابت ہی کرے گا

کنارے بیٹھ کر ہاتھوں کو دھونا

وصیت میر نے مجھ کو یہی کی

کہ سب کچھ ہونا تو عاشق نہ ہونا

میر تقی میر

مشتاق منھ مرا ہے اسی رنگ زرد کا

اکتوبر 6, 2015میر تقی میر،اساتذہ،غزلزرد،سردadmin

دیوان اول غزل 159

تھا زعفراں پہ ہنسنے کو دل جس کی گرد کا

مشتاق منھ مرا ہے اسی رنگ زرد کا

کیا ڈر اسے ہے گرمی خورشید حشر سے

سایہ پڑا ہے جس پہ مری آہ سرد کا

میر تقی میر

بہار جاتی رہی دیکھنے چمن نہ دیا

اکتوبر 6, 2015میر تقی میر،اساتذہ،غزلچمن،کفن،سخنadmin

دیوان اول غزل 158

مجھے تو نور نظر نے تنک بھی تن نہ دیا

بہار جاتی رہی دیکھنے چمن نہ دیا

لباس دیکھ لیے میں نے تیری پوشش کے

کہ بعد مرگ کنھیں نے مجھے کفن نہ دیا

کھلی نہ بات کئی حرف تھے گرہ دل میں

اجل نے اس سے مجھے کہنے اک سخن نہ دیا

میر تقی میر

دل نام قطرہ خون یہ ناحق تلف ہوا

اکتوبر 6, 2015میر تقی میر،اساتذہ،غزلتلف،طرفadmin

دیوان اول غزل 157

کیا کہیے عشق حسن کا آپھی طرف ہوا

دل نام قطرہ خون یہ ناحق تلف ہوا

کیونکر میں فتح پائوں تری زلفوں پر کہ اب

یک دل شکست خوردہ مرا دو طرف ہوا

میر تقی میر

تو کہیو جب چلا ہوں میں تب اس کا جی نکلتا تھا

اکتوبر 6, 2015میر تقی میر،اساتذہ،غزلملتا،نکلتاadmin

دیوان اول غزل 156

جواے قاصد وہ پوچھے میربھی ایدھر کو چلتا تھا

تو کہیو جب چلا ہوں میں تب اس کا جی نکلتا تھا

سماں افسوس و بیتابی سے تھا کل قتل کو میرے

تڑپتا تھا ادھر میں اور ادھر وہ ہاتھ ملتا تھا

میر تقی میر

رام صیاد کا ہوتے ہی خدا یاد آیا

اکتوبر 6, 2015میر تقی میر،اساتذہ،غزلیاد،جلادadmin

دیوان اول غزل 155

گرچہ امید اسیری پہ میں ناشاد آیا

رام صیاد کا ہوتے ہی خدا یاد آیا

لوہو پینے کو مرا بس تھی مری تشنہ لبی

کاہے کو کیجیے تصدیع یہ جلاد آیا

میر تقی میر

وحشت میں جو سیا سو کہیں کا کہیں سیا

اکتوبر 6, 2015میر تقی میر،اساتذہ،غزلوہیں،کہیںadmin

دیوان اول غزل 154

یک پارہ جیب کا بھی بجا میں نہیں سیا

وحشت میں جو سیا سو کہیں کا کہیں سیا

محشر سوائے کیا ہو اسے التیام میر

یہ زخم سینہ جائے گا میرا وہیں سیا

میر تقی میر

دماغ کس کو ہے محشر کی دادخواہی کا

اکتوبر 6, 2015میر تقی میر،اساتذہ،غزلگاہی،دادخواہیadmin

دیوان اول غزل 153

اٹھوں نہ خاک سے کشتہ میں کم نگاہی کا

دماغ کس کو ہے محشر کی دادخواہی کا

سنو ہو جل ہی بجھوں گا کہ ہورہا ہوں میں

چراغ مضطرب الحال صبح گاہی کا

میر تقی میر

لب ساغر پہ منھ رکھ رکھ کے ہر شیشہ بہکتا تھا

اکتوبر 6, 2015میر تقی میر،اساتذہ،غزلبہکتا،دہکتاadmin

دیوان اول غزل 152

مئے گلگوں کی بو سے بسکہ میخانہ مہکتا تھا

لب ساغر پہ منھ رکھ رکھ کے ہر شیشہ بہکتا تھا

جلا کیونکر نہ ہو گا آشیان بلبل بے کس

برنگ آتش خس پوش رنگ گل دہکتا تھا

میر تقی میر

بے درد سر بھی صبح تلک سر دھنا کیا

اکتوبر 6, 2015میر تقی میر،اساتذہ،غزلچنا،دھناadmin

دیوان اول غزل 151

قصہ تمام میر کا شب کو سنا کیا

بے درد سر بھی صبح تلک سر دھنا کیا

مل چشم سے نگہ نے دھتورا دیا مجھے

خس بھر نہ چھوڑا دل کو میں تنکے چنا کیا

میر تقی میر

اڑتا ہے ابھی رنگ گل باغ جہاں کا

اکتوبر 6, 2015میر تقی میر،اساتذہ،غزلکہاں،گماں،جہاں،زباںadmin

دیوان اول غزل 150

ہو بلبل گلگشت کہ اک دن ہے خزاں کا

اڑتا ہے ابھی رنگ گل باغ جہاں کا

ہے مجھ کو یقیں تجھ میں وفا ایسی جفا پر

گھر چاک برابر ہوئے اس میرے گماں کا

سینے میں مرے آگ لگی میرے سخن سے

جوں شمع جلایا ہوا ہوں اپنی زباں کا

آرام عدم میں نہ تھا ہستی میں نہیں چین

معلوم نہیں میرا ارادہ ہے کہاں کا

میر تقی میر

چٹکیوں میں رقیب اڑ جاتا

اکتوبر 6, 2015میر تقی میر،اساتذہ،غزلناتا،جاتاadmin

دیوان اول غزل 149

طفل مطرب جو میرے ہاتھ آتا

چٹکیوں میں رقیب اڑ جاتا

خواب میں بھی رہا تو آنے سے

دیکھنے ہی کا تھا یہ سب ناتا

الفت اس تیغ سے تھی بے حد میر

قتل کرتا تو لوہو جم جاتا

میر تقی میر

شعلۂ آہ دل گرم محبت سے اٹھا

اکتوبر 6, 2015میر تقی میر،اساتذہ،غزلمحبت،عیادتadmin

دیوان اول غزل 148

جب کہ تابوت مرا جاے شہادت سے اٹھا

شعلۂ آہ دل گرم محبت سے اٹھا

عمر گذری مجھے بیمار ہی رہتے ہے بجا

دل عزیزوں کا اگر میری عیادت سے اٹھا

میر تقی میر

کس طرح آفتاب نکلے گا

اکتوبر 6, 2015میر تقی میر،اساتذہ،غزلگلاب،انتخاب،آفتاب،جواب،حجاب،حساب،خواب،خراب،شتابadmin

دیوان اول غزل 147

وہ جو پی کر شراب نکلے گا

کس طرح آفتاب نکلے گا

محتسب میکدے سے جاتا نہیں

یاں سے ہوکر خراب نکلے گا

یہی چپ ہے تو درد دل کہیے

منھ سے کیونکر جواب نکلے گا

جب اٹھے گا جہان سے یہ نقاب

تب ہی اس کا حجاب نکلے گا

عرق اس کے بھی منھ کا بو کیجو

گر کبھو یہ گلاب نکلے گا

آئو بالیں تلک نہ ہو گی دیر

جی ہمارا شتاب نکلے گا

دفتر داغ ہے جگر اس بن

کسو دن یہ حساب نکلے گا

تذکرے سب کے پھر رہیں گے دھرے

جب مرا انتخاب نکلے گا

میر دیکھوگے رنگ نرگس کا

اب جو وہ مست خواب نکلے گا

میر تقی میر

مگر اک غم ترا اے شوخ بے کس ہوکے روئے گا

اکتوبر 6, 2015میر تقی میر،اساتذہ،غزلبوئے،دھوئے،روئے،سوئےadmin

دیوان اول غزل 146

نہیں ایسا کوئی میرا جو ماتم دار ہوئے گا

مگر اک غم ترا اے شوخ بے کس ہوکے روئے گا

اگر اگتے رہے اے ناامیدی داغ ایسے ہی

تو کاہے کو کوئی تخم تمنا دل میں بوئے گا

الٰہی وہ بھی دن ہو گا کہ جس میں ایک ساعت بھی

میں روئوں گا وہ اپنے ہاتھ میرے منھ کو دھوئے گا

جو ایسے شور سے روتا ہے دن کو میر تو شب کو

نہ سونے دے گا ہمسایوں کو نے یہ آپ سوئے گا

میر تقی میر

گل دستہ دستہ جس کو چراغی دیا کیا

اکتوبر 6, 2015میر تقی میر،اساتذہ،غزلکیا،پیا،جیا،دیا،سیاadmin

دیوان اول غزل 145

اس آستان داغ سے میں زر لیا کیا

گل دستہ دستہ جس کو چراغی دیا کیا

کیا بعد مرگ یاد کروں گا وفا تجھے

سہتا رہا جفائیں میں جب تک جیا کیا

ہو تار تار سیتے ہی سیتے جو اڑ گیا

اب تک عبث میں اپنا گریباں سیا کیا

سن سن کے تیری بات کو کیا کیا نہ کہہ سنا

کیا کیا کہوں میں تجھ سے کہ کیا کچھ کیا کیا

اب وہ جگر طپش سے تڑپتا ہے تشنہ لب

مدت تلک جو میر کا لوہو پیا کیا

میر تقی میر

اس بائو نے ہمیں تو دیا سا بجھا دیا

اکتوبر 6, 2015میر تقی میر،اساتذہ،غزللگا،ملا،مٹا،اڑا،اٹھا،بہا،بھلا،بجھا،جلا،جگا،جدا،دلا،دکھا،رلا،سلاadmin

دیوان اول غزل 144

آہ سحر نے سوزش دل کو مٹا دیا

اس بائو نے ہمیں تو دیا سا بجھا دیا

سمجھی نہ باد صبح کہ آکر اٹھا دیا

اس فتنۂ زمانہ کو ناحق جگا دیا

پوشیدہ راز عشق چلا جائے تھا سو آج

بے طاقتی نے دل کی وہ پردہ اٹھا دیا

اس موج خیز دہر میں ہم کو قضا نے آہ

پانی کے بلبلے کی طرح سے مٹا دیا

تھی لاگ اس کی تیغ کو ہم سے سو عشق نے

دونوں کو معرکے میں گلے سے ملا دیا

سب شور ما ومن کو لیے سر میں مر گئے

یاروں کو اس فسانے نے آخر سلا دیا

آوارگان عشق کا پوچھا جو میں نشاں

مشت غبار لے کے صبا نے اڑا دیا

اجزا بدن کے جتنے تھے پانی ہو بہ گئے

آخر گداز عشق نے ہم کو بہا دیا

کیا کچھ نہ تھا ازل میں نہ طالع جو تھے درست

ہم کو دل شکستہ قضا نے دلا دیا

گویا محاسبہ مجھے دینا تھا عشق کا

اس طور دل سی چیز کو میں نے لگا دیا

مدت رہے گی یاد ترے چہرے کی جھلک

جلوے کو جس نے ماہ کے جی سے بھلا دیا

ہم نے تو سادگی سے کیا جی کا بھی زیاں

دل جو دیا تھا سو تو دیا سر جدا دیا

بوے کباب سوختہ آئی دماغ میں

شاید جگر بھی آتش غم نے جلا دیا

تکلیف درد دل کی عبث ہم نشیں نے کی

درد سخن نے میرے سبھوں کو رلا دیا

ان نے تو تیغ کھینچی تھی پر جی چلا کے میر

ہم نے بھی ایک دم میں تماشا دکھا دیا

میر تقی میر

دیکھنا وہ دل میں جگہ کر گیا

اکتوبر 6, 2015میر تقی میر،اساتذہ،غزلتہ،جگہ،رہ،سیہadmin

دیوان اول غزل 143

یار عجب طرح نگہ کر گیا

دیکھنا وہ دل میں جگہ کر گیا

تنگ قبائی کا سماں یار کی

پیرہن غنچہ کو تہ کر گیا

جانا ہے اس بزم سے آیا تو کیا

کوئی گھڑی گو کہ تو رہ کر گیا

وصف خط و خال میں خوباں کے میر

نامۂ اعمال سیہ کر گیا

میر تقی میر

دل جو عقدہ تھا سخت وا نہ ہوا

اکتوبر 6, 2015میر تقی میر،اساتذہ،غزلمدعا،وا،کیا،گدا،جداadmin

دیوان اول غزل 142

سینہ دشنوں سے چاک تا نہ ہوا

دل جو عقدہ تھا سخت وا نہ ہوا

سب گئے ہوش و صبر و تاب و تواں

دل سے اک داغ ہی جدا نہ ہوا

ظلم و جور و جفا ستم بیداد

عشق میں تیرے ہم پہ کیا نہ ہوا

ہم تو ناکام ہی جہاں میں رہے

یاں کبھو اپنا مدعا نہ ہوا

میر افسوس وہ کہ جو کوئی

اس کے دروازے کا گدا نہ ہوا

میر تقی میر

جب یہ کہتا ہوں تو کہتا ہے کہ ہوں ہوجائے گا

اکتوبر 6, 2015میر تقی میر،اساتذہ،غزلہوں،جنوں،خوں،زبوں،سرنگوںadmin

دیوان اول غزل 141

کام میرا بھی ترے غم میں کہوں ہوجائے گا

جب یہ کہتا ہوں تو کہتا ہے کہ ہوں ہوجائے گا

خون کم کر اب کہ کشتوں کے تو پشتے لگ گئے

قتل کرتے کرتے تیرے تیں جنوں ہوجائے گا

اس شکار انداز خونیں کا نہیں آیا مزاج

ورنہ آہوے حرم صید زبوں ہوجائے گا

بزم عشرت میں ملا مت ہم نگوں بختوں کے تیں

جوں حباب بادہ ساغر سرنگوں ہوجائے گا

تاکجا غنچہ صفت رکنا چمن میں دہر کے

کب گرفتہ دل مرے سینے میں خوں ہوجائے گا

کیا کہوں میں میر اس عاشق ستم محبوب کو

طور پر اس کے کسو دن کوئی خوں ہوجائے گا

میر تقی میر

ان چشم سیاہوں نے بہتوں کو سلا رکھا

اکتوبر 6, 2015میر تقی میر،اساتذہ،غزللگا،مزہ،چھپا،پا،اڑا،اٹھا،بنا،جلا،روا،سلاadmin

دیوان اول غزل 140

کیا کہیے کہ خوباں نے اب ہم میں ہے کیا رکھا

ان چشم سیاہوں نے بہتوں کو سلا رکھا

جلوہ ہے اسی کا سب گلشن میں زمانے کے

گل پھول کو ہے ان نے پردہ سا بنا رکھا

جوں برگ خزاں دیدہ سب زرد ہوئے ہم تو

گرمی نے ہمیں دل کی آخر کو جلا رکھا

کہیے جو تمیز اس کو کچھ اچھے برے کی ہو

دل جس کسو کا پایا چٹ ان نے اڑا رکھا

تھی مسلک الفت کی مشہور خطرناکی

میں دیدہ و دانستہ کس راہ میں پا رکھا

خورشید و قمر پیارے رہتے ہیں چھپے کوئی

رخساروں کو گو تونے برقع سے چھپا رکھا

چشمک ہی نہیں تازی شیوے یہ اسی کے ہیں

جھمکی سی دکھا دے کر عالم کو لگا رکھا

لگنے کے لیے دل کے چھڑکا تھا نمک میں نے

سو چھاتی کے زخموں نے کل دیر مزہ رکھا

کشتے کو اس ابرو کے کیا میل ہو ہستی کی

میں طاق بلند اوپر جینے کو اٹھا رکھا

قطعی ہے دلیل اے میر اس تیغ کی بے آبی

رحم ان نے مرے حق میں مطلق نہ روا رکھا

میر تقی میر

جگر پہ زخم ہے اس کی زباں درازی کا

اکتوبر 6, 2015میر تقی میر،اساتذہ،غزلنمازی،نوازی،نیازی،بازی،تازی،درازی،سازی،سرفرازی،طرازیadmin

دیوان اول غزل 139

گلہ نہیں ہے ہمیں اپنی جاں گدازی کا

جگر پہ زخم ہے اس کی زباں درازی کا

سمند ناز نے اس کے جہاں کیا پامال

وہی ہے اب بھی اسے شوق ترک تازی کا

ستم ہیں قہر ہیں لونڈے شراب خانے کے

اتار لیتے ہیں عمامہ ہر نمازی کا

الٹ پلٹ مری آہ سحر کی کیا ہے کم

اگر خیال تمھیں ہووے نیزہ بازی کا

بتائو ہم سے کوئی آن تم سے کیا بگڑی

نہیں ہے تم کو سلیقہ زمانہ سازی کا

خدا کو کام تو سونپے ہیں میں نے سب لیکن

رہے ہے خوف مجھے واں کی بے نیازی کا

چلو ہو راہ موافق کہے مخالف کے

طریق چھوڑ دیا تم نے دل نوازی کا

کسو کی بات نے آگے مرے نہ پایا رنگ

دلوں میں نقش ہے میری سخن طرازی کا

بسان خاک ہو پامال راہ خلق اے میر

رکھے ہے دل میں اگر قصد سرفرازی کا

میر تقی میر

میں نے یہ غنچۂ تصویر صبا کو سونپا

اکتوبر 6, 2015میر تقی میر،اساتذہ،غزلوفا،خدا،صباadmin

دیوان اول غزل 138

آہ کے تیں دل حیران و خفا کو سونپا

میں نے یہ غنچۂ تصویر صبا کو سونپا

تیرے کوچے میں مری خاک بھی پامال ہوئی

تھا وہ بے درد مجھے جن نے وفا کو سونپا

اب تو جاتا ہی ہے کعبے کو تو بت خانے سے

جلد پھر پہنچیو اے میر خدا کو سونپا

میر تقی میر

پر اتنا بھی ظالم نہ رسوا ہوا تھا

اکتوبر 6, 2015میر تقی میر،اساتذہ،غزلوا،کیا،برپا،تماشا،رسوا،صحراadmin

دیوان اول غزل 137

ترے عشق میں آگے سودا ہوا تھا

پر اتنا بھی ظالم نہ رسوا ہوا تھا

خزاں التفات اس پہ کرتی بجا تھی

یہ غنچہ چمن میں ابھی وا ہوا تھا

کہاں تھا تو اس طور آنے سے میرے

گلی میں تری کل تماشا ہوا تھا

گئی ہوتی سر آبلوں کے پہ ہوئی خیر

بڑا قضیہ خاروں سے برپا ہوا تھا

گریباں سے تب ہاتھ اٹھایا تھا میں نے

مری اور دامان صحرا ہوا تھا

زہے طالع اے میر ان نے یہ پوچھا

کہاں تھا تو اب تک تجھے کیا ہوا تھا

میر تقی میر

سو ہو چلا ہوں پیشتر از صبح سرد سا

اکتوبر 6, 2015میر تقی میر،اساتذہ،غزلنورد،نبرد،گرد،زرد،سردadmin

دیوان اول غزل 136

کس شام سے اٹھا تھا مرے دل میں درد سا

سو ہو چلا ہوں پیشتر از صبح سرد سا

بیٹھا ہوں جوں غبار ضعیف اب وگرنہ میں

پھرتا رہا ہوں گلیوں میں آوارہ گرد سا

قصد طریق عشق کیا سب نے بعد قیس

لیکن ہوا نہ ایک بھی اس رہ نورد سا

حاضر یراق بے مزگی کس گھڑی نہیں

معشوق کچھ ہمارا ہے عاشق نبرد سا

کیا میر ہے یہی جو ترے در پہ تھا کھڑا

نمناک چشم و خشک لب و رنگ زرد سا

میر تقی میر

مجنوں بھی اس کی موج میں مدت بہا پھرا

اکتوبر 6, 2015میر تقی میر،اساتذہ،غزلہما،لگا،بہا،بھلا،خداadmin

دیوان اول غزل 135

صحرا میں سیل اشک مرا جابجا پھرا

مجنوں بھی اس کی موج میں مدت بہا پھرا

طالع جو خوب تھے نہ ہوا جاہ کچھ نصیب

سر پر مرے کڑوڑ برس تک ہما پھرا

آنکھیں برنگ نقش قدم ہو گئیں سفید

نامے کے انتظار میں قاصد بھلا پھرا

ٹک بھی نہ مڑ کے میری طرف تونے کی نگاہ

اک عمر تیرے پیچھے میں ظالم لگا پھرا

دیر و حرم میں کیونکے قدم رکھ سکے گا میر

ایدھر تو اس سے بت پھرے اودھر خدا پھرا

میر تقی میر

تہ کر گیا مصلیٰ عزلت گزیدگاں کا

اکتوبر 6, 2015میر تقی میر،اساتذہ،غزلکشیدگاں،گزیدگاں،آرمیدگاں،خمیدگاں،رسیدگاںadmin

دیوان اول غزل 134

آیا تھا خانقہ میں وہ نور دیدگاں کا

تہ کر گیا مصلیٰ عزلت گزیدگاں کا

آخر کو خاک ہونا درپیش ہے سبھوں کو

ٹک دیکھ منھ کدھر ہے قامت خمیدگاں کا

جو خار دشت میں ہے سوچشم آبلہ سے

دیکھا ہوا ہے تیرے محنت کشیدگاں کا

اب زیرخاک رہنا مشکل ہے کشتگاں کو

آرام کھو چلا تو ان آرمیدگاں کا

تیر بلا کا ہر دم اب میر ہے نشانہ

پتھر جگر ہے اس کے آفت رسیدگاں کا

میر تقی میر

ہوں دوانہ ترے سگ کو کا

اکتوبر 6, 2015میر تقی میر،اساتذہ،غزلمو،کو،ابرو،بدخو،تھو،جو،جادو،خوشبو،دعاگو،روadmin

دیوان اول غزل 133

رات پیاسا تھا میرے لوہو کا

ہوں دوانہ ترے سگ کو کا

شعلۂ آہ جوں توں اب مجھ کو

فکر ہے اپنے ہر بن مو کا

ہے مرے یار کی مسوں کا رشک

کشتہ ہوں سبزئہ لب جو کا

بوسہ دینا مجھے نہ کر موقوف

ہے وظیفہ یہی دعاگو کا

میں نے تلوار سے ہرن مارے

عشق کر تیری چشم و ابرو کا

شور قلقل کے ہوتی تھی مانع

ریش قاضی پہ رات میں تھوکا

عطر آگیں ہے باد صبح مگر

کھل گیا پیچ زلف خوشبو کا

ایک دو ہوں تو سحر چشم کہوں

کارخانہ ہے واں تو جادو کا

میر ہرچند میں نے چاہا لیک

نہ چھپا عشق طفل بدخو کا

نام اس کا لیا ادھر اودھر

اڑ گیا رنگ ہی مرے رو کا

میر تقی میر

غرض اس شوخ نے بھی کام کیا

اکتوبر 6, 2015میر تقی میر،اساتذہ،غزلمقام،نام،کام،پیام،امام،تمام،حرام،خرام،سلام،عام،غلامadmin

دیوان اول غزل 132

کام پل میں مرا تمام کیا

غرض اس شوخ نے بھی کام کیا

سرو و شمشاد خاک میں مل گئے

تونے گلشن میں کیوں خرام کیا

سعی طوف حرم نہ کی ہرگز

آستاں پر ترے مقام کیا

تیرے کوچے کے رہنے والوں نے

یہیں سے کعبے کو سلام کیا

اس کے عیارپن نے میرے تئیں

خادم و بندہ و غلام کیا

حال بد میں مرے بتنگ آکر

آپ کو سب میں نیک نام کیا

دختر رز سے کیا تھا میرے تئیں

شیخ کی ضد پہ میں حرام کیا

ہو گیا دل مرا تبرک جب

ورد یہ قطعۂ پیامؔ کیا

’’دلی کے کج کلاہ لڑکوں نے

کام عشاق کا تمام کیا

کوئی عاشق نظر نہیں آتا

ٹوپی والوں نے قتل عام کیا‘‘

عشق خوباں کو میر میں اپنا

قبلہ و کعبہ و امام کیا

میر تقی میر

ننگ ہے نام رہائی تری صیادی کا

اکتوبر 6, 2015میر تقی میر،اساتذہ،غزلفریادی،وادی،آبادی،استادی،جلادی،صیادیadmin

دیوان اول غزل 131

نقش بیٹھے ہے کہاں خواہش آزادی کا

ننگ ہے نام رہائی تری صیادی کا

داد دے ورنہ ابھی جان پہ کھیلوں ہوں میں

دل جلانا نہیں دیکھا کسی فریادی کا

تونے تلوار رکھی سر رکھا میں بندہ ہوں

اپنی تسلیم کا بھی اور تری جلادی کا

شہر کی سی رہی رونق اسی کے جیتے جی

مر گیا قیس جو تھا خانہ خدا وادی کا

شیخ کیا صورتیں رہتی تھیں بھلا جب تھا دیر

رو بہ ویرانی ہو اس کعبے کی آبادی کا

ریختہ رتبے کو پہنچایا ہوا اس کا ہے

معتقد کون نہیں میر کی استادی کا

میر تقی میر

صنم خانہ ہی یاں اے شیخ تونے کیوں نہ بنوایا

اکتوبر 6, 2015میر تقی میر،اساتذہ،غزلفرمایا،آیا،بنوایاadmin

دیوان اول غزل 130

مجھے زنہار خوش آتا نہیں کعبے کا ہمسایا

صنم خانہ ہی یاں اے شیخ تونے کیوں نہ بنوایا

زہے اے عشق کی نیرنگ سازی غیر کو ان نے

جلایا بات کہتے واں ہمیں مرنے کو فرمایا

بھری ہے آگ تیرے درد دل میں میر ایسی تو

کہ کہتے روبرو اس شوخ کے قاصد کا منھ آیا

میر تقی میر

مئے گلگوں کا شیشہ ہچکیاں لے لے کے رووے گا

اکتوبر 6, 2015میر تقی میر،اساتذہ،غزلکھووے،دھووے،رووےadmin

دیوان اول غزل 129

مغاں مجھ مست بن پھر خندئہ ساغر نہ ہووے گا

مئے گلگوں کا شیشہ ہچکیاں لے لے کے رووے گا

کیا ہے خوں مرا پامال یہ سرخی نہ چھوٹے گی

اگر قاتل تو اپنے پائوں سو پانی سے دھووے گا

کوئی رہتا ہے جیتے جی ترے کوچے کے آنے سے

تبھی آسودہ ہو گا میر سا جب جی کو کھووے گا

میر تقی میر

دیکھا تو اور رنگ ہے سارے جہان کا

اکتوبر 6, 2015میر تقی میر،اساتذہ،غزلقرآن،گلستان،آسمان،بدزبان،تان،جہان،جوان،جان،زبانadmin

دیوان اول غزل 128

برقع اٹھا تھا رخ سے مرے بدگمان کا

دیکھا تو اور رنگ ہے سارے جہان کا

مت مانیو کہ ہو گا یہ بے درد اہل دیں

گر آوے شیخ پہن کے جامہ قرآن کا

خوبی کو اس کے چہرے کی کیا پہنچے آفتاب

ہے اس میں اس میں فرق زمین آسمان کا

ابلہ ہے وہ جو ہووے خریدار گل رخاں

اس سودے میں صریح ہے نقصان جان کا

کچھ اور گاتے ہیں جو رقیب اس کے روبرو

دشمن ہیں میری جان کے یہ جی ہے تان کا

تسکین اس کی تب ہوئی جب چپ مجھے لگی

مت پوچھ کچھ سلوک مرے بدزبان کا

یاں بلبل اور گل پہ تو عبرت سے آنکھ کھول

گلگشت سرسری نہیں اس گلستان کا

گل یادگار چہرئہ خوباں ہے بے خبر

مرغ چمن نشاں ہے کسو خوش زبان کا

توبرسوں میں کہے ہے ملوں گا میں میر سے

یاں کچھ کا کچھ ہے حال ابھی اس جوان کا

میر تقی میر

یہ ویراں آشیانے دیکھنے کو ایک میں چھوٹا

اکتوبر 6, 2015میر تقی میر،اساتذہ،غزلچھوٹا،پھوٹا،جھوٹاadmin

دیوان اول غزل 127

گئے قیدی ہو ہم آواز جب صیاد آ لوٹا

یہ ویراں آشیانے دیکھنے کو ایک میں چھوٹا

مرا رنگ اڑ گیا جس وقت سنگ محتسب آگے

بغل سے گر پڑا مینا و ساغر چور ہو پھوٹا

مرا وعدہ ہی آپہنچا ترے آنے کے وعدے تک

ہوا میں موت سے سچا رہا اے شوخ تو جھوٹا

کف جاناں سے کیا امکاں رہائی میر کوئی ہو

اچنبھا ہے جو اس کے ہاتھ سے رنگ حنا چھوٹا

میر تقی میر

اب جس جگہ کہ داغ ہے یاں آگے درد تھا

اکتوبر 6, 2015میر تقی میر،اساتذہ،غزلفرد،مرد،نورد،گرد،درد،زرد،سردadmin

دیوان اول غزل 126

دل عشق کا ہمیشہ حریف نبرد تھا

اب جس جگہ کہ داغ ہے یاں آگے درد تھا

اک گرد راہ تھا پئے محمل تمام راہ

کس کا غبار تھا کہ یہ دنبالہ گرد تھا

دل کی شکستگی نے ڈرائے رکھا ہمیں

واں چیں جبیں پر آئی کہ یاں رنگ زرد تھا

مانند حرف صفحۂ ہستی سے اٹھ گیا

دل بھی مرا جریدئہ عالم میں فرد تھا

تھا پشتہ ریگ بادیہ اک وقت کارواں

یہ گردباد کوئی بیاباں نورد تھا

گذری مدام اس کی جوانان مست میں

پیر مغاں بھی طرفہ کوئی پیر مرد تھا

عاشق ہیں ہم تو میر کے بھی ضبط عشق کے

دل جل گیا تھا اور نفس لب پہ سرد تھا

میر تقی میر

کیا گلہ کیجے غرض اب وہ زمانہ ہی گیا

اکتوبر 6, 2015میر تقی میر،اساتذہ،غزلبہانہ،جانا،دوانہ،دانہ،زمانہadmin

دیوان اول غزل 125

تجھ سے ہر آن مرے پاس کا آنا ہی گیا

کیا گلہ کیجے غرض اب وہ زمانہ ہی گیا

چشم بن اشک ہوئی یا نہ ہوئی یکساں ہے

خاک میں جب وہ ملا موتی کا دانہ ہی گیا

بر مجنوں میں خردمند کوئی جا نہ سکا

عاقبت سر کو قدم کر یہ دوانہ ہی گیا

ہم اسیروں کو بھلا کیا جو بہار آئی نسیم

عمر گذری کہ وہ گلزار کا جانا ہی گیا

جی گیا میر کا اس لیت و لعل میں لیکن

نہ گیا ظلم ہی تیرا نہ بہانہ ہی گیا

میر تقی میر

گلابی روتی تھی واں جام ہنس ہنس کر چھلکتا تھا

اکتوبر 6, 2015میر تقی میر،اساتذہ،غزلچھلکتا،ڈھلکتا،تھلکتاadmin

دیوان اول غزل 124

نئی طرزوں سے میخانے میں رنگ مے جھلکتا تھا

گلابی روتی تھی واں جام ہنس ہنس کر چھلکتا تھا

ترے اس خاک اڑانے کی دھمک سے اے مری وحشت

کلیجا ریگ صحرا کا بھی دس دس گز تھلکتا تھا

گئی تسبیح اس کی نزع میں کب میر کے دل سے

اسی کے نام کی سمرن تھی جب منکا ڈھلکتا تھا

میر تقی میر

تو ہمسایہ کاہے کو سوتا رہے گا

اکتوبر 6, 2015میر تقی میر،اساتذہ،غزلہوتا،ڈبوتا،کھوتا،پروتا،دھوتا،روتا،سوتاadmin

دیوان اول غزل 123

جو اس شور سے میر روتا رہے گا

تو ہمسایہ کاہے کو سوتا رہے گا

میں وہ رونے والا جہاں سے چلا ہوں

جسے ابر ہر سال روتا رہے گا

مجھے کام رونے سے اکثر ہے ناصح

تو کب تک مرے منھ کو دھوتا رہے گا

بس اے گریہ آنکھیں تری کیا نہیں ہیں

کہاں تک جہاں کو ڈبوتا رہے گا

مرے دل نے وہ نالہ پیدا کیا ہے

جرس کے بھی جو ہوش کھوتا رہے گا

تو یوں گالیاں غیر کو شوق سے دے

ہمیں کچھ کہے گا تو ہوتا رہے گا

بس اے میر مژگاں سے پونچھ آنسوئوں کو

تو کب تک یہ موتی پروتا رہے گا

میر تقی میر

رواج اس ملک میں ہے درد و داغ و رنج و کلفت کا

اکتوبر 6, 2015میر تقی میر،اساتذہ،غزلفرصت،قدرت،محبت،مدت،کلفت،الفت،جرأت،صحبت،طاعتadmin

دیوان اول غزل 122

غلط ہے عشق میں اے بوالہوس اندیشہ راحت کا

رواج اس ملک میں ہے درد و داغ و رنج و کلفت کا

زمیں اک صفحۂ تصویر بیہوشاں سے مانا ہے

یہ مجلس جب سے ہے اچھا نہیں کچھ رنگ صحبت کا

جہاں جلوے سے اس محبوب کے یکسر لبالب ہے

نظر پیدا کر اول پھر تماشا دیکھ قدرت کا

ہنوز آوارئہ لیلیٰ ہے جان رفتہ مجنوں کی

موئے پر بھی رہا ہوتا نہیں وابستہ الفت کا

حریف بے جگر ہے صبر ورنہ کل کی صحبت میں

نیاز و ناز کا جھگڑا گرو تھا ایک جرأت کا

نگاہ یاس بھی اس صید افگن پر غنیمت ہے

نہایت تنگ ہے اے صید بسمل وقت فرصت کا

خرابی دل کی اس حد ہے کہ یہ سمجھا نہیں جاتا

کہ آبادی بھی یاں تھی یا کہ ویرانہ تھا مدت کا

نگاہ مست نے اس کی لٹائی خانقہ ساری

پڑا ہے برہم اب تک کارخانہ زہد و طاعت کا

قدم ٹک دیکھ کر رکھ میر سر دل سے نکالے گا

پلک سے شوخ تر کانٹا ہے صحراے محبت کا

میر تقی میر

عاشق کا اپنے آخری دیدار دیکھنا

اکتوبر 6, 2015میر تقی میر،اساتذہ،غزلہار،گلزار،گرفتار،آزار،خونبار،خار،خبردار،دلدار،دیوار،دیدارadmin

دیوان اول غزل 121

آنکھوں میں جی مرا ہے ادھر یار دیکھنا

عاشق کا اپنے آخری دیدار دیکھنا

کیسا چمن کہ ہم سے اسیروں کو منع ہے

چاک قفس سے باغ کی دیوار دیکھنا

آنکھیں چرائیو نہ ٹک ابر بہار سے

میری طرف بھی دیدئہ خونبار دیکھنا

اے ہم سفر نہ آبلے کو پہنچے چشم تر

لاگا ہے میرے پائوں میں آ خار دیکھنا

ہونا نہ چار چشم دل اس ظلم پیشہ سے

ہشیار زینہار خبردار دیکھنا

صیاد دل ہے داغ جدائی سے رشک باغ

تجھ کو بھی ہو نصیب یہ گلزار دیکھنا

گر زمزمہ یہی ہے کوئی دن تو ہم صفیر

اس فصل ہی میں ہم کو گرفتار دیکھنا

بلبل ہمارے گل پہ نہ گستاخ کر نظر

ہوجائے گا گلے کا کہیں ہار دیکھنا

شاید ہماری خاک سے کچھ ہو بھی اے نسیم

غربال کرکے کوچۂ دلدار دیکھنا

اس خوش نگہ کے عشق سے پرہیز کیجو میر

جاتا ہے لے کے جی ہی یہ آزار دیکھنا

میر تقی میر

کہ سنگ محتسب سے پاے خم دست سبو ٹوٹا

اکتوبر 6, 2015میر تقی میر،اساتذہ،غزلمو،آرزو،جو،رفو،روبرو،سبوadmin

دیوان اول غزل 120

سر دور فلک بھی دیکھوں اپنے روبرو ٹوٹا

کہ سنگ محتسب سے پاے خم دست سبو ٹوٹا

کہاں آتے میسر تجھ سے مجھ کو خودنما اتنے

ہوا یوں اتفاق آئینہ میرے روبرو ٹوٹا

کف چالاک میں تیری جو تھا سر رشتہ جانوں کا

گریباں سے مرے ہر اک ترا ٹانکا رفو ٹوٹا

طراوت تھی چمن میں سرو گویا اشک قمری سے

ادھر آنکھیں مندیں اس کی کہ ایدھر آب جو ٹوٹا

خطر کر تو نہ لگ چل اے صبا اس زلف سے اتنا

بلا آوے گی تیرے سر جو اس کا ایک مو ٹوٹا

وہ بے کس کیا کرے کہہ تو رہی دل ہی کی دل ہی میں

نپٹ بے جا ترا دل میر سے اے آرزو ٹوٹا

میر تقی میر

اشک فقط کا جھمکا آنکھوں سے لگ رہا تھا

اکتوبر 6, 2015میر تقی میر،اساتذہ،غزلہوا،لیا،لگا،ملا،مزہ،کہا،کیا،گیا،پھنسا،پا،بلا،جلا،جابجا،رہاadmin

دیوان اول غزل 119

لخت جگر تو اپنے یک لخت روچکا تھا

اشک فقط کا جھمکا آنکھوں سے لگ رہا تھا

دامن میں آج دیکھا پھر لخت میں لے آیا

ٹکڑا کوئی جگر کا پلکوں میں رہ گیا تھا

اس قید جیب سے میں چھوٹا جنوں کی دولت

ورنہ گلا یہ میرا جوں طوق میں پھنسا تھا

مشت نمک کی خاطر اس واسطے ہوں حیراں

کل زخم دل نہایت دل کو مرے لگا تھا

اے گرد باد مت دے ہر آن عرض وحشت

میں بھی کسو زمانے اس کام میں بلا تھا

بن کچھ کہے سنا ہے عالم سے میں نے کیا کیا

پر تونے یوں نہ جانا اے بے وفا کہ کیا تھا

روتی ہے شمع اتنا ہر شب کہ کچھ نہ پوچھو

میں سوز دل کو اپنے مجلس میں کیوں کہا تھا

شب زخم سینہ اوپر چھڑکا تھا میں نمک کو

ناسور تو کہاں تھا ظالم بڑا مزہ تھا

سر مار کر ہوا تھا میں خاک اس گلی میں

سینے پہ مجھ کو اس کا مذکور نقش پا تھا

سو بخت تیرہ سے ہوں پامالی صبا میں

اس دن کے واسطے میں کیا خاک میں ملا تھا

یہ سرگذشت میری افسانہ جو ہوئی ہے

مذکور اس کا اس کے کوچے میں جابجا تھا

سن کر کسی سے وہ بھی کہنے لگا تھا کچھ کچھ

بے درد کتنے بولے ہاں اس کو کیا ہوا تھا

کہنے لگا کہ جانے میری بلا عزیزاں

احوال تھا کسی کا کچھ میں بھی سن لیا تھا

آنکھیں مری کھلیں جب جی میر کا گیا تب

دیکھے سے اس کو ورنہ میرا بھی جی جلا تھا

میر تقی میر

دوش ہوا پہ رنگ گل و یاسمن گیا

اکتوبر 6, 2015میر تقی میر،اساتذہ،غزلچمن،چھن،وطن،یاسمن،کفن،تن،دکنadmin

دیوان اول غزل 118

قابو خزاں سے ضعف کا گلشن میں بن گیا

دوش ہوا پہ رنگ گل و یاسمن گیا

برگشتہ بخت دیکھ کہ قاصد سفر سے میں

بھیجا تھا اس کے پاس سو میرے وطن گیا

خاطر نشاں اے صید فگن ہو گی کب تری

تیروں کے مارے میرا کلیجہ تو چھن گیا

یادش بخیر دشت میں مانند عنکبوت

دامن کے اپنے تار جو خاروں پہ تن گیا

مارا تھا کس لباس میں عریانی نے مجھے

جس سے تہ زمین بھی میں بے کفن گیا

آئی اگر بہار تو اب ہم کو کیا صبا

ہم سے تو آشیاں بھی گیا اور چمن گیا

سرسبز ملک ہند میں ایسا ہوا کہ میر

یہ ریختہ لکھا ہوا تیرا دکن گیا

میر تقی میر

گو کہ مرے ہی خون کی دست گرفتہ ہو حنا

اکتوبر 6, 2015میر تقی میر،اساتذہ،غزلہوا،وفا،کا،بلا،جلا،حنا،دعا،صباadmin

دیوان اول غزل 117

تیرے قدم سے جا لگی جس پہ مرا ہے سر لگا

گو کہ مرے ہی خون کی دست گرفتہ ہو حنا

سنگ مجھے بجاں قبول اس کے عوض ہزار بار

تابہ کجا یہ اضطراب دل نہ ہوا ستم ہوا

کس کی ہوا کہاں کاگل ہم تو قفس میں ہیں اسیر

سیر چمن کی روز و شب تجھ کو مبارک اے صبا

کن نے بدی ہے اتنی دیر موسم گل میں ساقیا

دے بھی مئے دوآتشہ زورہی سرد ہے ہوا

وہ تو ہماری خاک پر آ نہ پھرا کبھی غرض

ان نے جفا نہ ترک کی اپنی سی ہم نے کی وفا

فصل خزاں تلک تو میں اتنا نہ تھا خراب گرد

مجھ کو جنون ہو گیا موسم گل میں کیا بلا

جان بلب رسیدہ سے اتنا ہی کہنے پائے ہم

جاوے اگر تو یار تک کہیو ہماری بھی دعا

بوے کباب سوختہ آتی ہے کچھ دماغ میں

ہووے نہ ہووے اے نسیم رات کسی کا دل جلا

میں تو کہا تھا تیرے تیں آہ سمجھ نہ ظلم کر

آخرکار بے وفا جی ہی گیا نہ میر کا

میر تقی میر

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: