ہاں وہ شخص کہ رات کی رانی جیسا ہے

مئی 31, 2017ماجد صدیقی،شہر پناہ،غزلنشانی،کہانی،پانی،جوانی،حیرانی،روانی،رانی،طغیانیadmin

ماجد صدیقی ۔ غزل نمبر 7

منظر کی تزئین میں ’مانی‘ جیسا ہے

ہاں وہ شخص کہ رات کی رانی جیسا ہے

آنکھ میں اُس کے لبوں کا وداعی سنّاٹا

ہاتھ میں مُندری کی سی نشانی جیسا ہے

رہبروں کے غبارے پھٹنے پر اپنا

عالم بّچوں کی حیرانی جیسا ہے

جس کی قبر کو ڈھانپنے تاج محل اُبھرے

وہ بے مثل ہے کون اُس رانی جیسا ہے

ہونٹ سِلے ہیں گویا بل بل ماتھے کا

تن میں ابلتا خوں طغیانی جیسا ہے

قّصہ اپنے ہاں کے سبھی منصوبوں کا

طوطے اور مَینا کی کہانی جیسا ہے

اُس چنچل کا قرب ہمیشہ کب حاصل

پل دو پل کا ساتھ جوانی جیسا ہے

اِس قطرے میں جانے الاؤ کیا کیا ہیں

آنکھ میں آنسو یوں تو پانی جیسا ہے

ماجدؔ تیرا فکر امینِ توانائی

اور سخن دریا کی روانی جیسا ہے

ماجد صدیقی

گلاب رکھ کے کتابوں میں یار، بُھول گئے

مئی 31, 2017ماجد صدیقی،شہر پناہ،غزلنکھار،نابکار،یار،انتظار،اختیار،شہریار،شہسوارadmin

ماجد صدیقی ۔ غزل نمبر 8

نصابِ ربط کے نقش و نگار بُھول گئے

گلاب رکھ کے کتابوں میں یار، بُھول گئے

گھروں سے لے کے گھروں تک انا و نخوت کی

اُڑی وہ گرد کہ چہرے نکھار بُھول گئے

ہوائے تُند نے جھٹکے کچھ اس طرح کے دئیے

ہمارا کس پہ تھا کیا اختیار؟ بُھول گئے

جنہیں گماں تھا نمو اُن تلک بھی پہنچے گی

وہ کھیت مرحلۂ انتظار، بُھول گئے

نہ جان پائے کہ مچلے گا، پُھول چہروں میں

یہ ہم کہ خوئے دلِ نابکار، بُھول گئے

قدم کدھر کو ،ارادے کدھر کے تھے اُن کے

یہ بات رن میں سبھی شہسوار، بُھول گئے

فضائے تخت ثمر بار دیکھ کر ماجدؔ

جو روگ شہر کو تھے، شہریار، بُھول گئے

ماجد صدیقی

کھنچے ہوؤں سے مراسم نئے تلاش کروں

مئی 31, 2017ماجد صدیقی،شہر پناہ،غزللاحقے،مشغلے،نئے،کہے،آئنے،آبلے،رتجگےadmin

ماجد صدیقی ۔ غزل نمبر 9

گئے دنوں کے نئے ولولے تلاش کروں

کھنچے ہوؤں سے مراسم نئے تلاش کروں

جو حرفِ حق ہے اُسے، دلنشیں بنانے کو

کچھ اور سابقے اور لاحقے تلاش کروں

میں ربط دیکھ کے سورج مکھی سے سورج کا

برائے چشم نئے رتجگے تلاش کروں

وہ جن میں جھانک کے سنبھلیں مرے نواح کے لوگ

میں اُس طرح کے کہاں آئنے تلاش کروں

جو آنچ ہی سے مبّدل بہ آب ہوتے ہیں

میں گرم ریت میں وہ آبلے تلاش کروں

بھگو کے گال، سجا کر پلک پلک آنسو

’ اُداس دل کے لئے مشغلے تلاش کروں‘

بیاضِ درد کی تزئین کے لئے ماجدؔ

وہ حرف رہ گئے جو، اَن کہے تلاش کروں

ماجد صدیقی

اپنے تساہل پر کیوں شرم نہ آئے مجھے

مئی 31, 2017ماجد صدیقی،شہر پناہ،غزلپہنائے،آئے،اپنائے،دہرائے،سہلائےadmin

ماجد صدیقی ۔ غزل نمبر 10

کیلنڈر کا ہر ہندسہ سمجھائے مجھے

اپنے تساہل پر کیوں شرم نہ آئے مجھے

تاج کسی لاوارث شہ کا، نگری میں

کون اُترتے دم ہی، بھلا پہنائے مجھے

درس نہیں ہوں، میں ہوں اکائی زینے کی

وقت کا بالک کاہے کو دُہرائے مجھے

میں کہ جسے اِک ایک تمنّا عاق کرے

کون سخی ہو ایسا، جو اپنائے مجھے

لُو کا بھبھوکا ماجدؔ ماں کا ہاتھ نہیں

بے دم ہوتا دیکھ کے جو سہلائے مجھے

ماجد صدیقی

ٹوٹے نہ یہ غضب بھی ہماری ہی جان پر

مئی 31, 2017ماجد صدیقی،شہر پناہ،غزلنشان،کمان،آسمان،اٹھان،جان،زبان،سانadmin

ماجد صدیقی ۔ غزل نمبر 11

کھٹکا ہے یہ، کسی بھی پھسلتی چٹان پر

ٹوٹے نہ یہ غضب بھی ہماری ہی جان پر

جیسے ہرن کی ناف ہتھیلی پہ آ گئی

کیا نام تھا، سجا تھا کبھی، جو زبان پر

چاہے جو شکل بھی وہ، بناتا ہے اِن دنوں

لوہا تپا کے اور اُسے لا کے سان پر

اُس پر گمانِ مکر ہے اب یہ بھی ہو چلا

تھگلی نہ ٹانک دے وہ کہیں آسمان پر

یک بارگی بدن جو پروتا چلا گیا

ایسا بھی ایک تیر چڑھا تھا کمان پر

تاریخ میں نہ تھی وہی تحریر ، لازوال

جو خون رہ گیا تھا عَلَم پر، نشان پر

ماجدؔ ہلے شجر تو یقیں میں بدل گیا

جو وسوسہ تھا سیلِ رواں کی اٹھان پر

ماجد صدیقی

امتدادِ وقت سے دُھندلی، عبارت ہو گئی

مئی 31, 2017ماجد صدیقی،شہر پناہ،غزلمہارت،امارت،سفارت،عبارت،غارتadmin

ماجد صدیقی ۔ غزل نمبر 12

کاوشِ انساں کا کیا، کی اور اکارت ہو گئی

امتدادِ وقت سے دُھندلی، عبارت ہو گئی

چلتی گاڑی سے جو ٹکرا کر گری وہ فاختہ

تھی تلاشِ رزق میں نکلی کہ غارت ہو گئی

زیر بار اُس کے ہوئے ایسے، نہ رُخ موڑا گیا

ہوتے ہوتے درد سے ایسی سفارت ہو گئی

رہبری کا اہل ٹھہرا ہے وہی اپنے یہاں

رہزنی کے باب میں جس کو مہارت ہو گئی

لمس اُس پارس کا سپنوں تک کو کندن کر گیا

اُس کے دم سے اپنی غربت بھی امارت ہو گئی

ماجد صدیقی

سِفلوں سے پالا پڑتا ہے راز یہ تب کُھل پاتا ہے

مئی 31, 2017ماجد صدیقی،شہر پناہ،غزلملاتا،پاتا،آتا،اٹھلاتا،دہراتا،دکھاتاadmin

ماجد صدیقی ۔ غزل نمبر 13

کُتا آنکھیں کب دکھلاتا ہے کب دُم لہراتا ہے

سِفلوں سے پالا پڑتا ہے راز یہ تب کُھل پاتا ہے

خلق سے بھی کھنچتا ہے آئینے سے بھی کتراتا ہے

جس کے دل میں چور ہو خود سے بھی کم آنکھ ملاتا ہے

جویائے تعبیر رہے وہ خواب میں قامتِ بالا کی

بَونے کی یہ خُو ہے سوتے میں بھی وہ اِٹھلاتا ہے

اِس سے ہٹ کر کم کم ہو، ہوتا ہے اکثر ایسا ہی

باپ نے جو جَھک ماری ہو بیٹا بھی اسے دُہراتا ہے

جس کوتاہ نظر کو بھی احساس ہو کمتر ہونے کا

برتر پر چھا جانے کو وہ اور ہی طیش دِکھاتا ہے

خاک کو دریا دل ہو کر جب سرمۂ چشم بنایا تھا

ماجدؔ جانے وہ لمحہ کیوں رہ رہ کر یاد آتا ہے

ماجد صدیقی

شب کی ہم زاد اتری ہوئی سربہ سرآنگنوں میں ملی

مئی 31, 2017ماجد صدیقی،شہر پناہ،غزلآنگنوں،سحرآنگنوں،سرآنگنوںadmin

ماجد صدیقی ۔ غزل نمبر 14

کہر سی نامرادی کی صبحِ سفرآنگنوں میں ملی

شب کی ہم زاد اتری ہوئی سربہ سرآنگنوں میں ملی

کھنچ رہا تھا پرندہ قفس سے نکل کر قفس کی طرف

تھی نہ قابل یقیں کے جو ایسی خبر آنگنوں میں ملی

ریزہ ریزہ بکھرتے گئے، جتنے اوراق تھے امن کے

فاختہ پھڑپھڑ اتی ہوئی مشت بھر آنگنوں میں ملی

مکر و فن کو نہ جس کی عروسی پھبن اک نظر بھا سکی

مانگ جس کی اجاڑی گئی وہ سحر،آنگنوں میں ملی

نیّتِ بد کہ میراث اہلِ ریا تھی، سکوں لُوٹنے

خرمنِ آرزو میں مثالِ شرر آنگنوں میں ملی

پچھلی رت کے دباؤ سے آنسو ہوا تک سے رسنے لگے

شکل احوال کی صورتِ چشمِ تر آنگنوں میں ملی

پو پھٹے پر بھی ماجدؔ نہ لے نام ٹلنے کا، آسیب سی

دہشتِ جبر جو شب کے پچھلے پہر آنگنوں میں ملی

ماجد صدیقی

اب ذکر بھی جس شخص کا چھالا ہے زباں کا

مئی 31, 2017ماجد صدیقی،شہر پناہ،غزلفغاں،مکاں،ماں،کماں،جناں،رواں،زباںadmin

ماجد صدیقی ۔ غزل نمبر 15

کس کس کے لئے تھا وہ سبب راحتِ جاں کا

اب ذکر بھی جس شخص کا چھالا ہے زباں کا

نخچیر کا خوں خاک میں کیوں جذب ہوا تھا

لاحق یہی احساس تھا چیتے کو زباں کا

کھو جانے لگے سُر جو لپکتے تھے فضا میں

پھر اب کے گلا سُوکھ چلا جُوئے رواں کا

دی دھاڑ سنائی ہمیں وحشت کی جدھر سے

رُخ موڑ دیا ہم نے اُسی سمت کماں کا

اوروں کو بھی دے کیوں نہ دکھائی وہ ہمِیں سا

جس خطۂ جاں پر ہے گماں باغِ جناں کا

سوچا ہے کبھی ہم سے چلن چاہے وہ کیسا

جس خاک کا برتاؤ ہے ہم آپ سے ماں کا

کیوں گھر کے تصّور سے اُبھرتا ہے نظر میں

نقشہ کسی آندھی میں گِھرے کچّے مکاں کا

بولے گا تو لرزائے گا ہر قلبِ تپاں کو

ماجدؔ نہ بدل پائے گا انداز فغاں کا

ماجد صدیقی

ختم ہوں گے نہ جب آئیں گے، زمانے میرے

مئی 31, 2017ماجد صدیقی،شہر پناہ،غزلنے،ترانے،خزانے،زمانےadmin

ماجد صدیقی ۔ غزل نمبر 16

فن میں بیٹھے ہیں بہت ٹھیک نشانے میرے

ختم ہوں گے نہ جب آئیں گے، زمانے میرے

میں کہ خوشحال ہوں، خوشحال ہوں خاصا لیکن

غیر کے ہاتھ پِہ گروی ہیں خزانے میرے

اِس خطا پر کہ مجھے ناز ہے، پرواز پہ کیوں

آخرش کاٹ دئیے پر ہی، ہَوا نے میرے

ایک دن سچ کہ جو ہے زیر، زبر بھی ہو گا

ایک دن گائیں گے دشمن بھی ترانے میرے

ماجد صدیقی

مرے ضمیر! کرم کر مجھے بھی جینے دے

مئی 31, 2017ماجد صدیقی،شہر پناہ،غزلقرینے،جینے،دفینے،سینےadmin

ماجد صدیقی ۔ غزل نمبر 17

فضا کا زہر ہی تریاق ہے تو پینے دے

مرے ضمیر! کرم کر مجھے بھی جینے دے

یہ ہم کہ غیر ہیں باوصفِ دعویٰٔ وحدت

جو رازدان ہوں باہم، ہمیں وہ سِینے دے

ہوس سے دُور ہو، اندر ہو پُرسکوں اُس کا

کوئی جو دے تو مری قوم کو دفینے دے

رہِ جنون بس اِتنی سی ڈھیل مانگتا ہوں

ہوئے ہیں زخم جو سینے میں، اُن کو سِینے دے

جو وصف، خاص ہے تجھ سے بروئے کار بھی لا

لغت کو لفظ کو ماجدؔ نئے قرینے دے

ماجد صدیقی

یہ ستم مجھ پہ بار بار نہ کر

مئی 31, 2017ماجد صدیقی،شہر پناہ،غزلنگار،آشکار،انتظار،اختیار،بارadmin

ماجد صدیقی ۔ غزل نمبر 18

غیر پر اتنا اعتبار نہ کر

یہ ستم مجھ پہ بار بار نہ کر

گل پریشاں ہُوا مہک کھو کر

حالِ دل تو بھی آشکار نہ کر

میں گیا وقت جا چکا ہوں ،مرے

لوٹ آنے کا انتظار نہ کر

ہم کہ ہیں چاہتوں کے متوالے

ہم سے اغماض اے نگار! نہ کر

تو کسی ایک ہی کا ہو کر رہ

خُو کوئی اور اختیار نہ کر

ماجد صدیقی

تجھ سے کچھ اور نہ اے میرے مسیحا! مانگوں

مئی 31, 2017ماجد صدیقی،شہر پناہ،غزلمچلتا،مسیحا،کیا،اجالا،بینا،بیضا،بالاadmin

ماجد صدیقی ۔ غزل نمبر 19

صحنِ امروز میں بچپن کا اُجالا مانگوں

تجھ سے کچھ اور نہ اے میرے مسیحا! مانگوں

بہرِ عرفان، عطا زیست مکّرر ہو اگر

میں جو مانگوں تو فقط دیدۂ بینا مانگوں

ہونٹ مانگوں وہ تپش جن سے، سخن کی جھلکے

اور درونِ رگِ جاں، خون مچلتا مانگوں

حرفِ حق منہ پہ جو ہے، اُس کی پذیرائی کو

پیشِ فرعون، خدا سے یدِ بیضا مانگوں

جس نے دی عمر مجھے، وام ہی، چاہے دی ہے

وہ سخی مدِّ مقابل ہو تو کیا کیا مانگوں

جو بھی دیکھے اُسے صنّاع مرا، یاد آئے

میں سرِ خاک بس ایسا قدِ بالا مانگوں

جس پہ ٹھہرے نہ کوئی چشمِ تماشا ماجدؔ

لفظ در لفظ وہ معنی کا اُجالا مانگوں

ماجد صدیقی

اور اُن کے کھیلنے کو گاٹیاں ہم آپ ہیں

مئی 31, 2017ماجد صدیقی،شہر پناہ،غزلمفسداں،کہاں،کماں،گاٹیاں،ابلہاں،درمیاں،زباںadmin

ماجد صدیقی ۔ غزل نمبر 20

شہ بہ شہ اِک کھیل برپا ہے جہاں ہم آپ ہیں

اور اُن کے کھیلنے کو گاٹیاں ہم آپ ہیں

خم نہیں ہے ابروؤں میں چِیں جبینوں پر نہیں

جو نہیں تنتی کبھی ایسی کماں ہم آپ ہیں

مژدۂ کربِ لحد، ذکرِ خدائے محتسب

جانے کن کن دبدبوں کے درمیاں ہم آپ ہیں

حرف کی توقیر ہے، زور آوری پر منحصر

مقتدر ہی معتبر ہے بے زباں ہم آپ ہیں

زیر کرتی ہے ہمیں ہی دانشِ اہلِ ریا

جو بھی دَور آتا ہے صیدِ مُفسداں ہم آپ ہیں

اِک ذرا سی جس کو دانائی و عّیاری ملی

رہنما وہ اور جیشِ ابلہاں ہم آپ ہیں

دھند چھٹتی ہے تو پھر اِک دھند چھا جانے لگے

کُھل نہیں پاتا یہی ماجدؔ کہاں ہم آپ ہیں

ماجد صدیقی

بادل نے جہاں بھی کہیں بے نم ہمیں دیکھا

مئی 31, 2017ماجد صدیقی،شہر پناہ،غزلمدّھم،مدغم،نم،برہم،خمadmin

ماجد صدیقی ۔ غزل نمبر 21

شاہوں ساجو دیکھا بھی تو ہے کم ہمیں دیکھا

بادل نے جہاں بھی کہیں بے نم ہمیں دیکھا

منشا تھی ہر اوتار کی اِتنی سی کہ اُس نے

مسرور تھا جب بھی، بہ سرِ خم ہمیں دیکھا

ہر تُند بگولے نے ہر اِک سیلِ غضب نے

دیکھا بھی تو تنکوں ہی سا برہم ہمیں دیکھا

ہر دیکھنے والے نے دھندلکے میں حسد کے

مہتابِ سرِ صبح سا مدّھم ہمیں دیکھا

ماجدؔ ہوئے ہم اوس کنارِ لبِ جُو کی

ہر موج نے ندیا ہی میں مدغم ہمیں دیکھا

ماجد صدیقی

وقت سے پہلے خوشیوں کا اسقاط ہمارے نام لگا

مئی 31, 2017ماجد صدیقی،شہر پناہ،غزلنام،کہرام،انعام،جام،خام،دام،شامadmin

ماجد صدیقی ۔ غزل نمبر 22

شاخِ شجر پر پھل پکنے کا ہر حیلہ ناکام لگا

وقت سے پہلے خوشیوں کا اسقاط ہمارے نام لگا

آنے والے وقت کے تیور اِس میں وہ پڑھ لیتا ہے

اب بھی شاہ کے ہاتھ میں ہے جو وہ جمشیدی جام لگا

ہم جس کی کوڑی لائے تھے ہم نے جو کچھ سوچا تھا

اس کا ہونا ہی کیونکر اب کے بھی خیال خام لگا

ضبط کے ہاتھوں پھٹی پھٹی لگتی تھیں جتنی آنکھیں تھیں

اور سکوت لبوں کا سینے سینے کا کہرام لگا

ا چّھی قدروں کو اپنانا بات گئے وقتوں کی ہے

آج تو جس میں بھی ہے اُس کو سفلہ پن انعام لگا

وقت نہ پھر ہاتھ آئے گا ایسا اے صاحبِ بینائی

بول کوئی بولی اور ہم سارے اندھوں کے دام لگا

ہم کہ پیادہ پیا ہیں ماجدؔ جانیں یہ احوال ہمِیں

کن کن حیلوں دن کا سورج جا کے کنارِ شام لگا

ماجد صدیقی

گرد کے طوفاں

مئی 31, 2017ماجد صدیقی،شہر پناہ،غزلفراواں،گُلستاں،گِریاں،پَرافشاں،جاں،حیراں،داماں،طوفاں،غریباںadmin

ماجد صدیقی ۔ غزل نمبر 23

سانس میں غلطاں

گرد کے طوفاں

مِلک ہے اپنی

رنجِ فراواں

اُڑنے لگا کیوں

رنگِ گُلستاں

ہاتھ ہوا کے

برگ، پَرافشاں

غُنچہ و گُل ہیں

خاک بہ داماں

جبر کا نشتر

نِزدِ رگِ جاں

ہر رُخِ انور

ششدر و حیراں

عمر ہے جیسے

شامِ غریباں

مُزرعۂ ماجِد

دیدۂ گِریاں

ماجد صدیقی

ہُوا ہے آتشیں صحنِ نظر، آہستہ آہستہ

مئی 31, 2017ماجد صدیقی،شہر پناہ،غزلنظر،سفر،سر،شجرadmin

ماجد صدیقی ۔ غزل نمبر 24

سرِخروار مچلے ہیں شرر آہستہ آہستہ

ہُوا ہے آتشیں صحنِ نظر، آہستہ آہستہ

اُجڑنے کی خبر ٹہنی سے ٹہنی تک نہیں پہنچی

چمن میں سے ہُوا مِنہا، شجر آہستہ آہستہ

ہُوا پھر یوں، جنوں پر عقل نے پہرے بِٹھا ڈالے

دِبک کر رہ گئے آشفتہ سر، آہستہ آہستہ

نظر میں ہے بہت بے رنگ دن کو اور بہ شب، روشن

فلک پر چاند کا ماجدؔ سفر آہستہ آہستہ

ماجد صدیقی

یہ بڑا چودھری، وہ بڑا چودھری، اُس سے آگے بھی ہے اِک بڑا چودھری

مئی 31, 2017ماجد صدیقی،شہر پناہ،غزللڑا،کھڑا،گڑا،پڑا،اڑا،بڑاadmin

ماجد صدیقی ۔ غزل نمبر 25

سر اُٹھانے کی رہ میں ہمارے لئے ہر کہیں ہے کڑے سے کڑا چودھری

یہ بڑا چودھری، وہ بڑا چودھری، اُس سے آگے بھی ہے اِک بڑا چودھری

ریوڑوں پر جھپٹتے ہوئے گُرگ سا آنگنوں گھونسلوں میں گُھسے سانپ سا

جھونپڑے جس جگہ بھی دکھائی دیئے، اُن میں دیکھا اکڑتا، کھڑا چودھری

سبزۂ زیرِ سنگِ گراں نے ذرا سر اُٹھایا جہاں اُس کا جی جل اٹھا

صورتِ حال ایسی جہاں بھی ملی، اُس سے ہے مخمصوں میں پڑا چودھری

نام سے اِک اسی کے تھی منسوب جو، لہلہاتی فضا میں، پتنگ اوج کی

ڈور ہاتھوں سے اُس کی نکلتے ہوئے دیکھ کر ہے زمیں میں گڑا چودھری

خوں میں اُترا نشہ چودھراہٹ کا وہ، دیکھ سکتا تھا کیسے بھلا ٹُوٹتے

لے کے پلٹا ہے وہ، انتقام اونٹ سا، ایسی ہٹ پر جہاں بھی اڑا چودھری

زیردستوں کو رن میں دھکیلا کِیا، آن سے، جان سے اُن کی کھیلا کیا

پر جو ماجدؔ ہوئے اُس سے روکش ذرا، اُن سے آخر تلک ہے لڑا چودھری

ماجد صدیقی

دشت میں رہ کر چیتے کو خونخوار کہیں، کیا کہتے ہو

مئی 31, 2017ماجد صدیقی،شہر پناہ،غزلکہیںadmin

ماجد صدیقی ۔ غزل نمبر 26

زورآور کو ہم وجہِ آزار کہیں، کیا کہتے ہو

دشت میں رہ کر چیتے کو خونخوار کہیں، کیا کہتے ہو

بِن شعلوں کے جسموں جسموں جس کی آنچ سمائی ہے

بے آثار ہے جو، اُس نار کو نار کہیں، کیا کہتے ہو

بہرِ نمونہ کھال جہاں ادھڑی ہے کچھ کمزوروں کی

اُس دربار کو جَور کا ہم تہوار کہیں،کیا کہتے ہو

وہ بے گھر تو اِس رت جا کر اگلی رت لوٹ آتی ہیں

سکھ سپنوں کو ہم کونجوں کی ڈار کہیں، کیا کہتے ہو

یہ تو لہو کے چھینٹوں سے کچھ اور بھی نور بکھیرے گی

صبحِ ستم کو ماجد! شب آثار کہیں، کیا کہتے ہو

ماجد صدیقی

سارے یقیں پانی پہ لکیروں جیسے ہیں

مئی 31, 2017ماجد صدیقی،شہر پناہ،غزللکیروں،تیروں،تدبیروں،تصویروں،جاگیروںadmin

ماجد صدیقی ۔ غزل نمبر 27

ریت پہ طوفاں کی تحریروں جیسے ہیں

سارے یقیں پانی پہ لکیروں جیسے ہیں

اِک اِک شخص حنوط ہُوا ہے حیرت سے

جتنے چہرے ہیں ، تصویروں جیسے ہیں

از خود ہی پٹر جائیں نام ہمارے یہ

درد کے سب خّطے ، جاگیروں جیسے ہیں

پاس ہمارے جو بھی جتن ہیں بچاؤ کے

ڈوبنے والوں کی تدبیروں جیسے ہیں

پسپائی کی رُت میں ہونٹ کمانوں پر

ماجد جتنے بول ہیں ، تیروں جیسے ہیں

ماجد صدیقی

ہم پر ہے التفات یہی آسمان کا

مئی 31, 2017ماجد صدیقی،شہر پناہ،غزلچٹان،کمان،آسمان،جان،زبانadmin

ماجد صدیقی ۔ غزل نمبر 28

رُخ موڑ دے گا تُند ہوا سے اُڑان کا

ہم پر ہے التفات یہی آسمان کا

کچھ اس طرح تھی ہجر کے موسم کی ہر گھڑی

جیسے بہ سطحِ آب تصوّر، چٹان کا

موسم کے نام کینچلی اپنی اُتار کر

صدقہ دیا ہے سانپ نے کیا جسم و جان کا

کس درجہ پر سکون تھی وہ فاختہ جسے

گھیرے میں لے چکا تھا تناؤ کمان کا

کس خوش دَہن کا نام لیا اِس نے بعدِعمر

ٹھہرا ہے اور ذائقہ ماجد زبان کا

ماجد صدیقی

اِن میں بھی جو سخت تھے وہ دوستوں کے وار تھے

مئی 31, 2017ماجد صدیقی،شہر پناہ،غزلوار،پار،آزار،اطوار،دھارadmin

ماجد صدیقی ۔ غزل نمبر 29

در پئے آزار کچھ احباب کچھ اغیار تھے

اِن میں بھی جو سخت تھے وہ دوستوں کے وار تھے

گرز جو ہم پر اُٹھا اپنے نشانے پر لگا

تِیر چلّے پر چڑھے جتنے، جگر کے پار تھے

جان لیوا خامشی اُس کی تھی اور جو بول تھے

سب کے سب شاخِ سماعت پر تبر کی دھار تھے

کھو کے اُس چنچل کی چاہت میں یہی ہم پر کُھلا

اِک ذرا سا لطف، پھر آزار ہی آزار تھے

کیا سے کیا اُس شوخ کے ہاتھوں نہ سہنے پڑ گئے

جس قدر بھی جبر کے آداب تھے اطوار تھے

ماجد صدیقی

آنکھ مری کیوں وا ہے اِتنی دیر گئے

مئی 31, 2017ماجد صدیقی،شہر پناہ،غزللٹا،وا،کیا،بپا،برسا،جھانکا،خفاadmin

ماجد صدیقی ۔ غزل نمبر 30

در کاہے کو کُھلا ہے اِتنی دیر گئے

آنکھ مری کیوں وا ہے اِتنی دیر گئے

کس نے کس کی پھر دیوار پھلانگی ہے؟

کس سے کون خفا ہے اِتنی دیر گئے

کس کی آنکھ کی آس کا تارا ٹُوٹا ہے

کس کا چین لُٹا ہے اِتنی دیر گئے

دل کے پیڑ پہ پنکھ سمیٹے سپنوں میں

ہلچل سی یہ کیا ہے اِتنی دیر گئے

کن آنکھوں کی نم میں، گُھلنے آیا ہے

بادل کیوں برسا ہے اِتنی دیر گئے

سو گئے سارے بچّے بھی اور جگنو بھی

پھر کیوں شور بپا ہے اِتنی دیر گئے

کس کو بے کل دیکھ کے ماجدؔ چندا نے

آنگن میں جھانکا ہے اِتنی دیر گئے

ماجد صدیقی

آج کل کے درمیاں کا فاصلہ عمر بھر کا فاصلہ لگنے لگا

مئی 31, 2017ماجد صدیقی،شہر پناہ،غزلفاصلہ،فرا،نیا،کہا،آسرا،خدا،زاadmin

ماجد صدیقی ۔ غزل نمبر 31

دن علالت کے ہیں، اور ماجِد ہمیں، اپنا جینا کیا سے کیا لگنے لگا

آج کل کے درمیاں کا فاصلہ عمر بھر کا فاصلہ لگنے لگا

گِھر گیا جب تُندیٔ گرداب میں، صلح کُل لگتا تھا کیا مارِ سیاہ

پر کنارے آ لگا جب خَیر سے، پیش و پس اپنے، خدا لگنے لگا

کیا اِسے ہم وقت کی سازش کہیں یا اِسے کوتاہئِ قسمت کہیں

وہ کہ جس کا ہم مداوا کر چکے، روگ وہ، پھر سے ہرا لگنے لگا

جب بھی جانچا ایک ذرّے کا کمال جب بھی پرکھا پھول پتوں کا جمال

ہم بہت کچھ کہہ چکے پھر بھی ہمیں، جانے کیا کیا، اَن کہا لگنے لگا

کرب کے ہاتھوں نجانے خون میں، کیا سے کیا بپھرے بھنور اُٹھنے لگے

کیا بگاڑ اُٹھّا نجانے جسم میں، ہر نیا دن حشر زا لگنے لگا

دل میں اُترا ہے عجب اِک وہم سا، وقت اُس کو توڑ ہی کر رکھ نہ دے

وہ کہ ہے اِک عمر سے جو ایک سا، وہ تعلّق کیوں نیا لگنے لگا

ہے بجا ڈر ڈوب جانے کا مگر ڈر نہ چھایا ہو وہ، دل پر اِس قدر

ہم نظر تک میں نہ لاتے تھے جسے، کیوں وہ تنکا، آسرا لگنے لگا

ماجد صدیقی

کیا کیا سلوک ہم سے نہیں آسمان کا

مئی 31, 2017ماجد صدیقی،شہر پناہ،غزلمکان،چٹان،آسمان،بادبان،جان،زباںadmin

ماجد صدیقی ۔ غزل نمبر 32

دینے لگا ہے یہ بھی تأثر کمان کا

کیا کیا سلوک ہم سے نہیں آسمان کا

اُس کو کہ جس کے پہلوئے اَیواں میں داغ تھا

کیا کیا قلق نہ تھا مرے کچّے مکان کا

دریا میں زورِ آب کا عالم تھا وہ کہ تھا

اِک جیسا جبر موج کا اور بادبان کا

اپنے یہاں وہ کون سا ایسا ہے رہنما

ٹھہرا ہو جس کا ذِکر نہ چھالا زباں کا

آخر کو اُس کا جس کے نوالے تھے مِلکِ غیر

رشتہ نہ برقرار رہا جسم و جان کا

چاہے سے راہ سے نہ ہٹے جو نہ کھُر سکے

ماجدؔ ہے سامنا ہمیں ایسی چٹان کا

ماجد صدیقی

آشتی باہر نمایاں اور بگاڑ اندر یہاں

مئی 31, 2017ماجد صدیقی،شہر پناہ،غزلمنظر،یاور،پتّھر،آذر،اندر،بر،دوبھرadmin

ماجد صدیقی ۔ غزل نمبر 33

خَیر کے چرچے فراواں اور زیادہ شر یہاں

آشتی باہر نمایاں اور بگاڑ اندر یہاں

جس نے بھی چاہا اُٹھائے رتبۂ نادار کو

کیا سے کیا برسا کِیے اُس شخص پر پتّھر یہاں

سرگرانی جن سے ہو وہ آنکھ سے ہٹتے نہیں

جی کو جو اچّھے لگیں ٹھہریں نہ وہ منظر یہاں

دیکھتے ہیں چونک کر سارے خدا اُن کی طرف

فائدے میں ہیں جو ہیں اعلانیہ، آذر یہاں

کاش ایسا ہو کہ پاس اُس کے خبر ہو خَیر کی

جب بھی آئے کاٹتا ہے ہونٹ، نامہ بر یہاں

اور ہی انداز سے دمکے گی اب اردو یہاں

اس سے وابستہ رہے گر خاورؔ و یاورؔ یہاں

محض گرد و دُود ہی کیا اور بھی اسباب ہیں

سانس تک لینا بھی ماجدؔ ہو چلا دُوبھر یہاں

ماجد صدیقی

پُوری عمر کی دُوری پر آتا کل لگتا ہے

مئی 31, 2017ماجد صدیقی،شہر پناہ،غزلمقتل،کل،پاگل،آنچل،بوجھل،تھل،جنگلadmin

ماجد صدیقی ۔ غزل نمبر 34

خون میں برپا اِک محشر سا ہر پل لگتا ہے

پُوری عمر کی دُوری پر آتا کل لگتا ہے

سارا رنگ اور رس ہے اُس کی قربت سے ورنہ

دل ویرانہ لگتا ہے دل جنگل لگتا ہے

آنکھ میں شب کی اوٹ میں کھلتی کلیوں کی سی حیا

اُس کے رُخ پر لپٹا چاند کا آنچل لگتا ہے

اپنے اِک اِک دن کا سورج خون آشام لگے

چہرہ اپنے ہر اخبار کا مقتل لگتا ہے

ہونٹوں پر سے پل پل صحرا کی سی آنچ اُٹھے

آنکھ کا آنگن اشکِ رواں سے جل تھل لگتا ہے

نشۂ جُہل نے اپنے یہاں یُوں سب کو سیر کیا

اپنے عقیدے میں ہر شخص ہی پاگل لگتا ہے

لب پہ رکا ہے آ کر جانے کون سا حرفِ گراں

ماجِد ہاتھ میں اپنا قلم تک بوجھل لگتا ہے

ماجد صدیقی

شاخِ شجر سے ٹوٹ گریں گے ،ہار نہ لیکن مانیں گے

مئی 31, 2017ماجد صدیقی،شہر پناہ،غزلمانیں،ٹھانیں،پہچانیں،جانیںadmin

ماجد صدیقی ۔ غزل نمبر 35

خاک اچھال بھی دے تو دُور خلا میں ، تنبو تانیں گے

شاخِ شجر سے ٹوٹ گریں گے ،ہار نہ لیکن مانیں گے

ہم درویش ہیں شاہ نہیں ہیں ، حرص زدہ گمرہ نہیں

نوکِ زبان پر بھی وہی ہو گا، جو کچھ جی میں ٹھانیں گے

دُھوپ کے تِیر ہوں یا، صحرائی ریت کی قاتل کنکریاں

جیتے جی جو تن پر برسا اُسے پُھہار ہی جانیں گے

دیکھ چکے ہم سا دہ مزاجی آدم کی ، لیکن اب تو

اوّل دن سے جو بھی ملا شیطان اُسے پہچانیں گے

ماجد صدیقی

شہرِ خوباں سے کوئی اچّھی خبر آتی نہیں

مئی 31, 2017ماجد صدیقی،شہر پناہ،غزلنظر،خبر،دگر،سحرadmin

ماجد صدیقی ۔ غزل نمبر 36

خواب میں آئے بہ دستِ نامہ بر آتی نہیں

شہرِ خوباں سے کوئی اچّھی خبر آتی نہیں

چہچہاتی ہیں تمنّاؤں کی چڑیاں چار سُو

شب بھی کچھ گہری نہیں لیکن سحر آتی نہیں

راہِ فرش و عرش جب ہوتی ہے قدموں کے تلے

زندگی میں وہ گھڑی بارِ دگر آتی نہیں

دیکھ کر لپکے جو ہونٹوں پر تبسّم کے گلاب

کوئی تتلی اب سرِ شاخِ نظر آتی نہیں

ماجد صدیقی

کام بہت سارے ہیں، فرصت کم لگتی ہے

مئی 31, 2017ماجد صدیقی،شہر پناہ،غزلمدّھم،نم،کم،برہم،خم،سم،شبنمadmin

ماجد صدیقی ۔ غزل نمبر 37

جیون رُت کی سختی بے موسم لگتی ہے

کام بہت سارے ہیں، فرصت کم لگتی ہے

صبحِ سفر یادوں میں اُترتی ہے یوں جیسے

رفتہ رفتہ رات کی چادر نم لگتی ہے

سوچیں خلق کے حق میں اچّھا سوچنے والے

خلق اُنہی سے آخر کیوں برہم لگتی ہے

ان سے توقّع داد کی ہم کیا رکھیں جن کے

بات لبوں کے بیچ سے پھوٹی سم لگتی ہے

بات فقط اک لمبی دیر گزرنے کی ہے

جگہ جگہ پر کیا کیا کھوپڑی، خم لگتی ہے

بَیری رات کے آخر میں جو جا کے بہم ہو

آنکھ کنارے اٹکی وہ شبنم لگتی ہے

کچھ تو اندھیرا بھی خاصا گمبھیر ہوا ہے

کچھ ماجدؔ لَو دیپ کی بھی مدّھم لگتی ہے

ماجد صدیقی

میں کہکشاں ہوں، مجھے نور کی کماں دے دے

مئی 31, 2017ماجد صدیقی،شہر پناہ،غزلنشاں،کماں،آشیاں،اذاں،جاں،زباں،سواںadmin

ماجد صدیقی ۔ غزل نمبر 38

جہاں کُھلیں مرے جَوہر وہ آسماں دے دے

میں کہکشاں ہوں، مجھے نور کی کماں دے دے

مرے سکوں کا جو، میری بقا کا ضامن ہو

جو مختلف ہو قفس سے، وہ آشیاں دے دے

کہوں جو بات وہ جھومر، جبینِ وقت کا ہو

جو حق سرا ہو، وہ منصور سی زباں دے دے

کٹی جو رات تو، نجمِ سحر سے میں نے کہا

میں جی اٹھاہوں مرے کان میں اذاں دے دے

جو بعدِ جنگ علامت ہو، سرفرازی کی

عَلم وہ دے مرے ہاتھوں میں، وہ نشاں دے دے

سو یُوں ہُوا کہ ہُوا اُس کا، اِک مکیں میں بھی

طلب یہ کی تھی ،مجھے وادیٔ سَواں دے دے

جب آئے جی میں تری بزم میں چلا آؤں

یہ اِذنِ خاص بھی،ماجد کو، جانِ جاں دے دے

ماجد صدیقی

خدا اُس کو خدائی دے رہا ہے

مئی 31, 2017ماجد صدیقی،شہر پناہ،غزلہنسائی،نارسائی،کمائی،خدائی،دکھائی،سنائی،صفائیadmin

ماجد صدیقی ۔ غزل نمبر 39

جہاں جس کی دُہائی دے رہا ہے

خدا اُس کو خدائی دے رہا ہے

چُرا کر خضر کا جامہ ہمیں وہ

سلگتی جگ ہنسائی دے رہا ہے

پڑی زد جرم کی جس پر وہ چُپ ہے

جو مجرم ہے صفائی دے رہا ہے

بگولہ گھیر کر ہر ذِی طلب کو

ثمر تک نارسائی دے رہا ہے

وہ لاوا جو سِلے ہونٹوں کے پیچھے

دہکتا ہے سُنائی دے رہا ہے

وہ دے کر زر دریدہ عصمتوں کو

اُنہیں اُن کی کمائی دے رہا ہے

تناؤ ساس کے تیور کا ماجدؔ

دُلہن کو ’منہ دِکھائی‘ دے رہا ہے

ماجد صدیقی

کیوں چَین تجھے اے دلِ بے تاب! نہ آئے

مئی 31, 2017ماجد صدیقی،شہر پناہ،غزلمہتاب،آداب،اعراب،تاب،سرآبadmin

ماجد صدیقی ۔ غزل نمبر 40

ٹھہراؤ کہیں صورتِ سیماب نہ آئے

کیوں چَین تجھے اے دلِ بے تاب! نہ آئے

شکوہ جو سرِ اشک ہے لفظوں میں نہ ڈھالو

کائی کہ جو تہہ میں ہے، سرِآب نہ آئے

کیا لفظ تھے ہم اور غلط العام ہوئے کیا

کوئی بھی لگانے جِنہیں اعراب نہ آئے

وہ غار نشیں ہم ہیں تصوّر میں بھی جن کے

بہروپ میں جگنو کے بھی مہتاب نہ آئے

رفعت جو ذرا سر کے جھکانے سے دلائیں

ماجد تمہی اب تک، وہی آداب نہ آئے

ماجد صدیقی

رکھ دی گئی بگاڑ کے ملت کی نفسیات

مئی 31, 2017ماجد صدیقی،شہر پناہ،غزلمات،نفسیات،گھات،بات،رات،ساتadmin

ماجد صدیقی ۔ غزل نمبر 41

تا عمر اقتدار کو دیتے ہوئے ثبات

رکھ دی گئی بگاڑ کے ملت کی نفسیات

پیڑوں پہ پنچھیوں میں عجب سنسنی سی ہے

گیدڑ ہرن کی جب سے لگائے ہوئے ہیں گھات

مخلوق ہو کوئی بھی مگر دیکھنا یہ ہے

کرتا ہے کیا سلوک، یہاں کون، کس کے سات

اشکوں سے کب دُھلی ہے سیاہی نصیب کی

تسخیر جگنوؤں سے ہوئی کب سیاہ رات

ہم نے یہ بات کرمکِ شب تاب سے سنی

ظلمت نہ دے سکی کسی اِک بھی کرن کو مات

ماجدؔ کسی کے ہاتھ نہ آئے نہ آ سکے

کٹ کر پتنگ ڈور سے، منہ سے نکل کے بات

ماجد صدیقی

یہی انداز ہے مّدت سے جو اپنے سفر کا ہے

مئی 31, 2017ماجد صدیقی،شہر پناہ،غزلسفر،سحر،شجرadmin

ماجد صدیقی ۔ غزل نمبر 42

تعّین منزلوں کا اور نشاں کوئی نہ گھر کا ہے

یہی انداز ہے مّدت سے جو اپنے سفر کا ہے

اُدھر شب ہے کہ غاروں سی نہ آئے جو سمٹنے میں

اِدھر ہم سادہ دل، جن کو گماں پھر بھی سحر کا ہے

زمیں گروی ہوئی جس باغ کی، پروان چڑھنے کا

ہمیں کیونکر گماں سا جانے اُس کے ہر شجر کا ہے

ماجد صدیقی

ہم کیوں اپنے ہونے پر شرمانے لگے ہیں

مئی 31, 2017ماجد صدیقی،شہر پناہ،غزللہرانے،گہنانے،ٹھہرانے،افسانے،بہلانے،بٹھانے،شرمانےadmin

ماجد صدیقی ۔ غزل نمبر 43

جبر وہ کیا ہے جس سے آنکھ چرانے لگے ہیں

ہم کیوں اپنے ہونے پر شرمانے لگے ہیں

نیل کا فرعونوں سے ہُوا جب سے سمجھوتہ

جتنے حقائق تھے سارے افسانے لگے ہیں

غاصب اُس کے ہاتھوں میں بارود تھما کر

لَا وارث بچے کو لو ۔ ۔ ۔ ۔ ۔ ۔ بہلانے لگے ہیں

دھونس جما کر ہاں ۔ ۔ ۔ ریوڑ سے دُور بھگا کر

بھیڑ یے بھیڑ پہ اپنی دھاک بٹھانے لگے ہیں

وہ جب چاہیں میں اُن کا لقمہ بن جاؤں

جابر مجھ سے عہد نیا ٹھہرانے لگے ہیں

پیروں تلے مسل کے مری رائے کی پرچی

زور آور اپنا پرچم لہرانے لگے ہیں

چندا تو کیا گردشِ وقت کے ہاتھوں اب کے

چاند نگر تک بھی ماجد گہنانے لگے ہیں

ماجد صدیقی

لِیے کے لَوٹانے پر شور مچانا کیا

مئی 31, 2017ماجد صدیقی،شہر پناہ،غزلمچانا،پچتانا،پھیلانا،دہرانا،دکھانا،سہلانا،شرماناadmin

ماجد صدیقی ۔ غزل نمبر 44

پھل اور پُھول کے جھڑنے سے کترانا کیا

لِیے کے لَوٹانے پر شور مچانا کیا

آدم زاد ہوں میں، مردُودِ خدا بھی ہوں

کھو کر خود فردوسِ سکوں، پچتانا کیا

ڈالنی کیا مشکل میں سماعت شاہوں کی

بول نہ جو سمجھا جائے، دُہرانا کیا

بہرِ ترّحم جسم سے کچھ منہا بھی کرو

ہاتھ سلامت ہیں تو اُنہیں پَھیلانا کیا

سینکڑوں تَوجِیہیں ہیں جن کی خطاؤں پر

اپنے کئے پر شاہوں کا شرمانا کیا

بات سُجھاتی ہے تاریخ یہی اپنی

میدانوں میں اُتر کے پیٹھ دکھانا کیا

دیکھنے والوں کو ماجد! مت ہنسنے دو

پِٹ جائیں جو گال، اُنہیں سہلانا کیا

ماجد صدیقی

ہمارا رخت اِدھر ایک چیونٹیوں سی کمند

مئی 31, 2017ماجد صدیقی،شہر پناہ،غزلمند،کمند،پیوند،زقند،سپندadmin

ماجد صدیقی ۔ غزل نمبر 45

دِہر فصیلِ ستم تا بہ آسمان بلند

ہمارا رخت اِدھر ایک چیونٹیوں سی کمند

نجانے کیوں ہمیں اپنی اُڑان یاد آئی

ہوئی پتنگ جہاں بھی زمین سے پیوند

ستم کی آنچ کہیں ہو ہمیں ہی تڑپائے

ہمیں ہی جیسے ودیعت ہوئی یہ خُوئے سپند

کمک کے باب میں ایسا ہے جیسے ایک ہمِیں

ندی میں ڈوبتے جسموں سے ہیں ضرورت مند

سراب نکلا ہے ماجد ہر ایک خطۂ آب

مٹے ہیں فاصلے جب بھی کبھی بہ زورِ زقند

ماجد صدیقی

سخن کی شاخ پہ رقصاں اِدھر گلاب وہی

مئی 31, 2017ماجد صدیقی،شہر پناہ،غزلکتاب،گلاب،اجتناب،خضابadmin

ماجد صدیقی ۔ غزل نمبر 46

اُدھر کنارِ لب و چشم ہیں عتاب وہی

سخن کی شاخ پہ رقصاں اِدھر گلاب وہی

وہی ہے جبرِ زماں، خود فریبیاں بھی وہی

سفید بال ہمارے وہی، خضاب وہی

ردائے ابر کو جو کشتِ بے گیاہ سے ہے

یہاں سروں سے ہے چھایا کو اجتناب وہی

فرازِ عرش سے نسبت رہی جسے ماجد

دل و نظر پہ اُترنے لگی کتاب وہی

ماجد صدیقی

ہمارے نام ہی موسم کی ہر پھٹکار ہو جیسے

اپریل 30, 2017ماجد صدیقی،آنگن آنگن رات،غزلچار،پھٹکار،آزار،بار،سرکارadmin

ماجد صدیقی ۔ غزل نمبر 1

ہماراتن بدن ہی جھاڑ ہو، جھنکار ہو جیسے

ہمارے نام ہی موسم کی ہر پھٹکار ہو جیسے

ذرا سا بھی جو بالا دست ہو، ہم زیر دستوں کے

سِدھانے کو وُہی سب سے بڑی سرکار ہو جیسے

یہاں مخصوص ہے ہر دم جو چڑیوں فاختاؤں سے

اُنہی سا کچھ ہماری جاں کو بھی آزار ہو جیسے

پتہ جس کا صحیفوں میں دیا جاتا ہے خلقت کو

نفس میں اِک ہمارے ہی، وُہ ساری نار ہو جیسے

ہمیں ہی در بہ در جیسے لئے پھرتا ہے ہر جھونکا

وجود اپنا ہی ماجدؔ اِس زمیں پر بار ہو جیسے

ماجد صدیقی

خاموش رہا جائے، کُچھ بھی نہ کہا جائے

اپریل 30, 2017ماجد صدیقی،آنگن آنگن رات،غزللکھا،کہا،جلا،دیا،سناadmin

ماجد صدیقی ۔ غزل نمبر 2

ہوتا ہے جو ہو گزرے، دَم سادھ لیا جائے

خاموش رہا جائے، کُچھ بھی نہ کہا جائے

اظہارِ غم جاں کو، قرطاس ہو یہ چہرہ

ہو حرف رقم جو بھی، اشکوں سے لکھا جائے

ہونے کو ستم جو بھی ہو جائے، پہ عدل اُس کا

آئے گا جو وقت اُس پر، بس چھوڑ دیا جائے

خدشہ ہے نہ کٹ جائے، شعلے کی زباں تک بھی

ہر رنج پہ رسی سا، چپ چاپ جلا جائے

بالجبر ملے رُتبہ جس بات کو بھی، حق کا

ماجدؔ نہ سخن ایسا، کوئی بھی سُنا جائے

ماجد صدیقی

وُہ کون کھلونا ہو جس سے دل بالک کو بہلائیں ہم

اپریل 30, 2017ماجد صدیقی،آنگن آنگن رات،غزللائیں،آئیں،اترائیں،بہلائیں،جائیںadmin

ماجد صدیقی ۔ غزل نمبر 3

ہم کس سے اپنا درد کہیں، کس سُکھ کی جوت جگائیں ہم

وُہ کون کھلونا ہو جس سے دل بالک کو بہلائیں ہم

وُہ کون حقیقت ہو جس کو، ایقان کی منزل ٹھہرائیں

تکفیر ہو کس کس منظر کی اور کس پر ایماں لائیں ہم

نسلوں تک گروی رکھ کر ہم، کیا ٹھاٹھ سنبھالے بیٹھے ہیں

کچھ کم تو نہیں یہ کاج اپنا کیونکر نہ بھلا اِترائیں ہم

اغراض کا عرفاں ہونے پر مُنہ نوچیں ہر سچّائی کا

دھجّی دھّجّی ہر قول کریں، گر عہد کریں، پھر جائیں ہم

جو عیش ہمارا ہے چاہے بن جائے سزا اوروں کے لئے

جس حرص نے یہ اعزاز دیا، اُس حرص سے باز نہ آئیں ہم

یہ بات کہی جگنو نے ہمیں، تھک ہار کے تیرگیٔ شب میں

ہے حرفِ منّور جو بھی کوئی ماجدؔ نہ زباں پر لائیں ہم

ماجد صدیقی

کہ اِس جنگل میں جو بھی آنکھ ہے ہشیار، غالب ہے

اپریل 30, 2017ماجد صدیقی،آنگن آنگن رات،غزلہشیار،چہکار،ناچار،آزار،دربارadmin

ماجد صدیقی ۔ غزل نمبر 4

ہمارے عہد میں کب دیدۂ بیدار غالب ہے

کہ اِس جنگل میں جو بھی آنکھ ہے ہشیار، غالب ہے

بچے بھی گر بھنور سے تو اُسے ساحل نہ اپنائے

یہاں ہر ناتواں پر ایک سا آزار، غالب ہے

پہنچ کر عمر کو بھی یوں ہوا محصورِ نااہلاں

کہ جیسے شیرِ نر بھی دشت پر، ناچار غالب ہے

وُہی جو سانپ کی یورش سے اُٹھے آشیانوں میں

سماعت در سماعت، بس وُہی چہکار غالب ہے

بنو ماجد نہ غالبؔ، ذوق بن جاؤ جو ممکن ہو

کہ دُنیائے ہُنر میں قربتِ دربار غالب ہے

ماجد صدیقی

آندھیاں اُٹھا لائیں، پات میرے آنگن میں

اپریل 30, 2017ماجد صدیقی،آنگن آنگن رات،غزلمات،گھات،پات،دھات،راتadmin

ماجد صدیقی ۔ غزل نمبر 5

ہو چلی ہے اَن دیکھی بات، میرے آنگن میں

آندھیاں اُٹھا لائیں، پات میرے آنگن میں

اوٹ سے منڈیروں کی، ڈور چھوڑ کر مجھ کو

دے گیا ہے پھر کوئی مات، میرے آنگن میں

نام پر مرے کس نے، کاٹ کاٹ کر چِّلے

دفن کی ہے آسیبی دھات، میرے آنگن میں

بس اِسی بنا پر مَیں، آسماں سے رُوٹھا ہوں

چاند کیوں نہیں اُترا رات، میرے آنگن میں

جب سے کُھل چلی ماجدؔ، بے بضاعتی دل کی

کرب نے لگائی ہے گھات، میرے آنگن میں

ماجد صدیقی

لب بہ لب اطراف میں، خاموشیاں اُگنے لگیں

اپریل 30, 2017ماجد صدیقی،آنگن آنگن رات،غزلکائیاں،پپڑیاں،تتلیاں،خاموشیاں،رسوائیاں،زباںadmin

ماجد صدیقی ۔ غزل نمبر 6

ہم بھی کہتے ہیں یہی، ہاں کھیتیاں اُگنے لگیں

لب بہ لب اطراف میں، خاموشیاں اُگنے لگیں

ناخلف لوگوں پہ جب سے، پھول برسائے گئے

شاخچوں پر انتقاماً تتلیاں اُگنے لگیں

ان گنت خدشوں میں کیا کیا کچھ، منافق بولیاں

دیکھا دیکھی ہی، سرِ نوکِ زباں اُگنے لگیں

آنکھ تو تر تھی مگرمچھ کی، مگر کیا جانیئے

درمیاں ہونٹوں کے تھیں، کیوں پپڑیاں اُگنے لگیں

یُوں ہُوا، پہلے جبنیوں سے پسینہ تھا رواں

فرطِ آبِ شور سے، پھر کائیاں اگنے لگیں

اک ذرا سا ہم سے ماجدؔ، بدگماں ٹھہرا وُہ اور

بستیوں میں جا بہ جا، رُسوائیاں اُگنے لگیں

ماجد صدیقی

اور اس پر عجز دکھلائے گلی کا پاسباں کیا کیا

اپریل 30, 2017ماجد صدیقی،آنگن آنگن رات،غزلمحرومیاں،پاسباں،آستاں،زباںadmin

ماجد صدیقی ۔ غزل نمبر 7

ہمارے آپ کے، ہونے لگے ہر شب، زیاں کیا کیا

اور اس پر عجز دکھلائے گلی کا پاسباں کیا کیا

غلامانِ غرض سے، حال اِس پونجی کا، مت پُوچھو

بسا رکھے ہیں ماتھوں میں، نجانے آستاں کیا کیا

صدی کے نصف تک پر تو، اُنہی کا راج دیکھا ہے

نجانے اِس سے آگے ہیں ابھی محرومیاں کیا کیا

کبھی اشکوں کبھی حرفوں میں، از خود ڈھلنے لگتے ہیں

لئے پھرتی ہے ماجدؔ آبلے، اپنی زباں کیا کیا

ماجد صدیقی

ہر شخص سے پوچھیں ہمیں آزار ہے کیسا

اپریل 30, 2017ماجد صدیقی،آنگن آنگن رات،غزلآزار،اقرار،بیدار،بازار،دارadmin

ماجد صدیقی ۔ غزل نمبر 8

ہونٹوں پہ نہ لائیں یہ سخن ’’یار ہے کیسا‘‘

ہر شخص سے پوچھیں ہمیں آزار ہے کیسا

نیلام تو اُٹھ لے ابھی کھل جائے گا سب کچھ

ہم کون ہیں اور مصر کا بازار ہے کیسا

بھّٹی میں شراروں کی چمن سینچ رہا ہے

اس دور کا انسان بھی بیدار ہے کیسا

انصاف کی میزان کا بَل خود یہ بتائے

عشّاق کا احوال سرِ دار ہے کیسا

ایقان ہی جب اُن پہ تمہارا نہیں ماجدؔ

پھر کرب و الم کا تمہیں اقرار ہے کیسا

ماجد صدیقی

کھنچ کر لبوں پہ آنے لگی جان دیکھنا

اپریل 30, 2017ماجد صدیقی،آنگن آنگن رات،غزلفرمان،نادان،پشیمان،بہتان،تاوان،جان،شیطانadmin

ماجد صدیقی ۔ غزل نمبر 9

ہم پر طبیبِ وقت کا احسان دیکھنا

کھنچ کر لبوں پہ آنے لگی جان دیکھنا

ہنگامِ صبح شاخ پہ کھِلنے لگے ہیں کیوں

غنچوں پہ اِس طرح کے بھی بہتان دیکھنا

سینوں کو ہے جو سانس بہم، اِس فتور پر

لب دوختوں پہ اور بھی تاوان دیکھنا

لے کر خُدا سے مہلتِ فکر و عمل ہمیں

مروا ہی دے نہ پھر کہیں شیطان دیکھنا

فرہاد کو تو قربتِ شیریں دلا چکا

کرتا ہے اور کیا دلِ نادان، دیکھنا

تنکوں کو زورِ موج سے کیا فرصتِ گریز

اَب بھی یہی ہے وقت کا، فرمان دیکھنا

ماجدؔ کہو سخن، مگر اپنی بساط کا

ہونے لگو نہ خود ہی پشیمان دیکھنا

ماجد صدیقی

ترّستی تھیں نگاہیں منظروں میں ڈوب جانے کو

اپریل 30, 2017ماجد صدیقی،آنگن آنگن رات،غزلہٹانے،بجھانے،جھلانے،جانے،دبانے،زمانے،سلانےadmin

ماجد صدیقی ۔ غزل نمبر 10

وُہ دن بھی تھے لپکنے اور لطفِ خاص پانے کو

ترّستی تھیں نگاہیں منظروں میں ڈوب جانے کو

ہمارے حق میں جو بھی تھی مسافت پینگ جیسی تھی

بہم تھیں فرصتیں ساری ہمیں، جس کے جھُلانے کو

نجانے پٹّیاں آنکھوں پہ لا کر باندھ دیں کیا کیا

اُسی نے جس سے چاہا، راہ کے روڑے ہٹانے کو

ہوئے تھے حرص سے پاگل سبھی، کیا دوڑتا کوئی

لگی تھی شہر بھر میں آگ جو، اُس کے بجھانے کو

نوالے کیا، نہیں خالص یہاں حرفِ تسلی تک

سبھی میں ایک سی افیون ملتی ہے سُلانے کو

چمک جن بھی صداؤں میں ذرا بیداریوں کی تھی

جتن کیا کیا نہ شاہوں نے کئے اُن کے دبانے کو

ہمارے نام ہی بندش جہاں بھی کچھ ملی، لکھ دی

ہمیں سے بَیر تھا ماجدؔ نجانے کیا زمانے کو

ماجد صدیقی

ہم نے سینتے کیا کیا منظر آنکھوں میں

اپریل 30, 2017ماجد صدیقی،آنگن آنگن رات،غزلمنظر،کر،آذر،خودسر،در،سمندر،ششدرadmin

ماجد صدیقی ۔ غزل نمبر 11

نقش ہُوا ہے پل پل کا شر آنکھوں میں

ہم نے سینتے کیا کیا منظر آنکھوں میں

پھوڑوں جیسا حال ہے جن کے اندر کا

کھُلتے ہیں کُچھ ایسے بھی در آنکھوں میں

کیا کیا خودسر جذبے دریاؤں جیسے

ڈوب گئے اُن شوخ سمندر آنکھوں میں

ایک وُہی تو نخلستان کا پودا تھا

آنچ ہی آنچ تھی جس سے ہٹ کر آنکھوں میں

آدم کے حق میں تخفیفِ منصب کا

ناٹک سا ہر دم ہے خودسر آنکھوں میں

فصلوں جیسے جسم کٹے آگے جن کے

کرب نہ تھا کیا کیا اُن ششدر آنکھوں میں

ماجدؔ بت بن جائیں اُس چنچل جیسے

پھول بھی گر اُتریں اِن آذر آنکھوں میں

ماجد صدیقی

جابر جابر اپنا عِجز دکھاتا رہ

اپریل 30, 2017ماجد صدیقی،آنگن آنگن رات،غزلپھیلاتا،بجاتا،دہراتا،دکھاتا،سہلاتاadmin

ماجد صدیقی ۔ غزل نمبر 12

نیکوں کی فہرست میں نام لکھاتا رہ

جابر جابر اپنا عِجز دکھاتا رہ

ہے تیرا مقدور، سرِ دربار یہی

چانٹے کھا اور گالوں کو سہلاتا رہ

پھیر سیاہی محرومی کے اُکروں پر

درس یہی، ہر آتی پل دُہراتا رہ

بندہ ہے تو اور بھلا کیا کام ترا

ہاتھ خداؤں کے آگے پھیلاتا رہ

ختم نہ ہونے دے اپنی یہ نادانی

بھینس کے آگے ماجدؔ بین بجاتا رہ

ماجد صدیقی

بِکے نہیں ہیں، عقیدہ نہیں خراب کیا

اپریل 30, 2017ماجد صدیقی،آنگن آنگن رات،غزللاجواب،انتخاب،احتساب،اضطراب،حساب،خرابadmin

ماجد صدیقی ۔ غزل نمبر 13

نہیں ستم سے تعاون کا ارتکاب کیا

بِکے نہیں ہیں، عقیدہ نہیں خراب کیا

جنم بھی روک دیا، آنے والی نسلوں کا

ستم نے اپنا تحفّظ تھا، بے حساب کیا

وُہ اپنے آپ کو، کیوں عقلِ کُل سمجھتا تھا

فنا کا راستہ، خود اُس نے انتخاب کیا

بہت دنوں میں، کنارا پھٹا ہے جوہڑ کا

زمیں نے خود ہی، تعفّن کا احتساب کیا

یہ ہم کہ خیر ہی، پانی کا گُن سمجھتے تھے

ہمیں بھنور نے، بالآخر ہے لاجواب کیا

نہ ہمکنارِ سکوں، ہو سکا کبھی ماجدؔ

یہ دل کہ ہم نے جِسے، وقفِ اضطراب کیا

ماجد صدیقی

اور بچّوں کے ہاتھ میں پتّھر کیا کیا تھے

اپریل 30, 2017ماجد صدیقی،آنگن آنگن رات،غزلور،پتّھر،اژدر،اکابر،خودسر،دوبھر،درadmin

ماجد صدیقی ۔ غزل نمبر 14

ننگے سچ کے لفظ زباں پر کیا کیا تھے

اور بچّوں کے ہاتھ میں پتّھر کیا کیا تھے

چھو ڈالیں تو پھول کہیں تحلیل نہ ہو

پہلے پہل کے عشق کے بھی ڈر کیا کیا تھے

پیروں میں جب کوئی بھی زنجیر نہ تھی

ان وقتوں میں ہم بھی خودسر کیا کیا تھے

دُور نشیمن سے برسے جو مسافت میں

ژالے تن پر سہنے دُوبھر کیا کیا تھے

حرص کی بین پہ کھنچ کر نکلے تو یہ کھُلا

دیش پٹاری میں بھی اژدر کیا کیا تھے

جھانکا اور پھر لوٹ نہ پائے ہم جس سے

اُس آنگن کے بام تھے کیا در کیا کیا تھے

طاق تھے ماجدؔ تاج محل بنوانے میں

اپنے ہاں بھی دیکھ! اکابر کیا کیا تھے

ماجد صدیقی

کوئی جھونکا، کوئی مژدہ خوشی کا

اپریل 30, 2017ماجد صدیقی،آنگن آنگن رات،غزلکسی،آدمی،آشتی،بندگی،خوشی،سہیadmin

ماجد صدیقی ۔ غزل نمبر 15

نہ آنے دے یہ موسم بے دلی کا

کوئی جھونکا، کوئی مژدہ خوشی کا

عبادت اور کی، قبلہ کہیں اور

عجب انداز نکلا بندگی کا

قد و قامت پہ نازاں ہے جو شعلہ

لگے چربہ اُسی سرو سہی کا

جہاں کُھل کھیلنے آئے تھے ژالے

وہیں تھا اِک گھروندا بھی کسی کا

گراں مایہ ہے ربطِ بے غرض بھی

یہ چنبیلی نشاں ہے آشتی کا

نہ جانے کب چلن اپنا بدل لے

بھروسہ کیا ہے ماجد آدمی کا

ماجد صدیقی

نظر میں تھا پہ ترا ہی، وُہ اک جمال نہ تھا

اپریل 30, 2017ماجد صدیقی،آنگن آنگن رات،غزلمال،ڈھال،کال،جلال،جمال،سوالadmin

ماجد صدیقی ۔ غزل نمبر 16

نہیں کہ تجھ سے وفا کا ہمیں، خیال نہ تھا

نظر میں تھا پہ ترا ہی، وُہ اک جمال نہ تھا

لبوں پہ جان تھی پھر بھی ہماری آنکھوں میں

ستم گروں سے بقا کا کوئی سوال نہ تھا

ٹھہر سکا نہ بہت تیغِ موج کے آگے

ہزار سخت سہی، جسم تھا یہ ڈھال نہ تھا

غضب تو یہ ہے کہ تازہ شکار کرنے تک

نظر میں گُرگ کی، چنداں کوئی جلال نہ تھا

یہ ہم کہ پست ہیں، گُن تھے بھی گر تو پاس اپنے

یہاں کے، اوج نشینوں سا کوئی مال نہ تھا

ہمیں ہی راس نہ ماجدؔ تھی مصلحت ورنہ

یہی وُہ جنس تھی، جِس کا نگر میں کال نہ تھا

ماجد صدیقی

خُدا سمجھتے رہے تھے جِسے صنم نکلا

اپریل 30, 2017ماجد صدیقی،آنگن آنگن رات،غزلبم،جنم،خم،ستم،صنمadmin

ماجد صدیقی ۔ غزل نمبر 17

نہیں کُچھ ایسا تغافل میں وُہ بھی کم نکلا

خُدا سمجھتے رہے تھے جِسے صنم نکلا

یہاں کے لوگ اذیّت پسند ہیں کیا کیا

مِلے جِسے بھی وُہ گرویدۂ ستم نکلا

وُہی جو قلقلِ خوں میں تھا رقصِ بِسمل کے

کُچھ اپنی لے میں بھی ایسا ہی زیر و بم نکلا

یقیں نہیں ہے پہ حسبِ روایتِ غیراں

جنم ہمارا بھی ہے ناطلب جنم نکلا

سنور گئے ہیں یہاں قصر کیا سے کیا ماجدؔ

مِرے مکان کی دیوار کا نہ خم نکلا

ماجد صدیقی

مری اور اور محیط ہیں جو ریا کے جال نہ دیکھنا

اپریل 30, 2017ماجد صدیقی،آنگن آنگن رات،غزلچھال،چال،کمال،گال،جال،سوالadmin

ماجد صدیقی ۔ غزل نمبر 18

میں قفس میں ہوں کہ سرِچمن مرے ماہ و سال نہ دیکھنا

مری اور اور محیط ہیں جو ریا کے جال نہ دیکھنا

یہی سوچنا کہ شکست میں مری اپنی کم نظری تھی کیا

وُہ کہ محھ سے ہے جو چلی گئی وُہی ایک چال نہ دیکھنا

مرے ہونٹ سی کے جواب میں وُہی کچھ کہو کہ جو دل میں ہے

مری آنکھ میں جو رُکا ہوا ہے وُہی سوال نہ دیکھنا

جو رہیں تو زیبِ لب و زباں مرے جرم، میرے عیوب ہی

وُہ کہ خاص ہے مری ذات سے کوئی اک کمال نہ دیکھنا

یہی فرض کر کے مگن رہو کہ مری ہی سرخیٔ خوں ہے یہ

یہ جو ضرب ضرب لہو ہوئے کبھی میرے گال نہ دیکھنا

کوئی حرف آئے توکس لئے کسی رُت پہ ماجدِؔ خوش گماں

یہ تنی ہے جو سرِ ہر شجر کبھی خشک چھال نہ دیکھنا

ماجد صدیقی

آنکھیں پگھل چلی ہیں، اسی انتظار میں

اپریل 30, 2017ماجد صدیقی،آنگن آنگن رات،غزلچار،یار،انتظار،اختیار،تاجدارadmin

ماجد صدیقی ۔ غزل نمبر 19

مہکے ہمارا باغ بھی شاید، بہار میں

آنکھیں پگھل چلی ہیں، اسی انتظار میں

دل کا اُبال کرتے رہے ہیں سپردِ چشم

ہم نے کیا وُہی کہ جو تھا، اختیار میں

چاہے وُہ جائے دفن بھی سب سے الگ تھلک

نخوت ہے اس طرح کی، دلِ تاجدار میں

یہ اور بات آگ بھی، گلزار بن گئی

نمرود نے تو حق کو اُتارا تھا، نار میں

آکاش تک میں چھوڑ گیا، نسبتوں کا نُور

ماجد جو اشک، ٹوٹ گِرا یادِ یار میں

ماجد صدیقی

جھیل میں اُس کو میں نے عریاں دیکھ لیا ہے

اپریل 30, 2017ماجد صدیقی،آنگن آنگن رات،غزلپرافشاں،جاں،خواہاں،رقصاں،عریاںadmin

ماجد صدیقی ۔ غزل نمبر 20

مجھ سے تھا، جو چاند گریزاں دیکھ لیا ہے

جھیل میں اُس کو میں نے عریاں دیکھ لیا ہے

دیکھ لیا ہے، تنکے کو، پانی پر بہتے

دل نے ہو کر، عدل کا خواہاں دیکھ لیا ہے

راحت کا عرفان بھلا کیا اور مجھے ہو

برگ پہ قطرہ اوس کا رقصاں دیکھ لیا ہے

آخر کو ہونٹوں پر لا کر، حرف دُعا کا

ایک بگولا سا، پرافشاں دیکھ لیا ہے

آز میں خواہش کی تکمیل کے، پڑ کر ماجدؔ

جبر کا کیا کیا بار، سرِ جاں دیکھ لیا ہے

ماجد صدیقی

مُلک سے دُور، بہت دُور مِرا کام لگا

اپریل 30, 2017ماجد صدیقی،آنگن آنگن رات،غزلنام،کہرام،کام،الزام،خامadmin

ماجد صدیقی ۔ غزل نمبر 21

مجُھ کو یہ کربِ مسافت بھی ہے، انعام لگا

مُلک سے دُور، بہت دُور مِرا کام لگا

صیدِ تخریب ہوا میں، تو ہُوا عدل یہی

پُرسشِ شاہ کا اعزاز، مِرے نام لگا

دیکھ کر قصر میں کوٹھوں سی سیاست، خود کو

مَیں کہ پختہ تھا عقیدے کا، بہت خام لگا

جب بھی دیکھا ہے تمنّاؤں کا یکجا ہونا

شام کے پیڑ پہ چڑیوں کا وُہ کہرام لگا

اُن کی جانب سے، کہ کھلیان ہیں جن کے ماجدؔ

مُجھ پہ خوشوں کے چرانے ہی کا، الزام لگا

ماجد صدیقی

آنکھوں میں آنسوؤں کے گُہر، لے کے آ گیا

اپریل 30, 2017ماجد صدیقی،آنگن آنگن رات،غزلنظر،گہر،سحر،سر،شررadmin

ماجد صدیقی ۔ غزل نمبر 22

مَیں اُس سے چاہتوں کا ثمر، لے کے آ گیا

آنکھوں میں آنسوؤں کے گُہر، لے کے آ گیا

دیکھو تو کیسے چاند کی اُنگلی، پکڑ کے مَیں

اُس شوخ سے ملن کی سحر، لے کے آ گیا

کس زعم میں نجانے، منانے گیا اُسے

تہمت سی ایک، اپنے ہی سر، لے کے آ گیا

قصّہ ہی جس سے کشتِ تمّنا کا، ہو تمام

خرمن کے واسطے وُہ شرر، لے کے آ گیا

اَب سوچتا ہوں اُس سے، طلب میں نے کیا کیا

ماجدؔ یہ مَیں کہ زخمِ نظر لے کے آ گیا

ماجد صدیقی

کہ جیسے چاندنی چھاجوں برستی نار کے بعد

اپریل 30, 2017ماجد صدیقی،آنگن آنگن رات،غزلچار،اقتدار،انتشار،بہار،دارadmin

ماجد صدیقی ۔ غزل نمبر 23

ملا وُہ خطّۂ جاں دشتِ انتظار کے بعد

کہ جیسے چاندنی چھاجوں برستی نار کے بعد

بہم وُہ لُطف ہُوا قربِ یار سے اَب کے

درونِ ملک سکوں، جیسے انتشار کے بعد

سروں نے کھنچ کے بدن سے کہا، بنامِ وطن

کوئی فراز نہیں ہے فرازِ دار کے بعد

نِکل کے کوچۂ جاناں سے ہم بھی دیکھ آئے

سبک سری جو ملے دورِ اقتدار کے بعد

پچھڑ کے موسمِ گُل سے یہی ہُوا ماجدؔ

کھِلا ہے غنچۂ دل ہر گئی بہار کے بعد

ماجد صدیقی

شامل ہو جائیں اَب گنگوں بہروں میں

اپریل 30, 2017ماجد صدیقی،آنگن آنگن رات،غزلقہروں،لہروں،نہروں،بہروں،دوپہروںadmin

ماجد صدیقی ۔ غزل نمبر 24

لو یُوں بھی بن باس رچائیں شہروں میں

شامل ہو جائیں اَب گنگوں بہروں میں

کشتی اِک ملاّح کے رحم و کرم پر ہو

یہ بھی ہے اِک، قہر خُدا کے قہروں میں

اُن ہی میں اَب شور قیامت جیسا ہے

دھیمے نغمے بہتے تھے جن نہروں میں

اُن کا سورج اَب بھی سروں پہ ساکن ہے

گھر سے نکلے تھے جن زرد دوپہروں میں

درد میں ہے ماجدؔ بس اتنی تبدیلی

بڑھتا ہے تو بٹ جاتا ہے لہروں میں

ماجد صدیقی

ڈھانپ سکتے ہو بھلا گرد میں خورشید کہاں

اپریل 30, 2017ماجد صدیقی،آنگن آنگن رات،غزلتمہید،تاکید،تائید،خورشید،عیدadmin

ماجد صدیقی ۔ غزل نمبر 25

لب پہ آ جائے تو حق بات کی تردید کہاں

ڈھانپ سکتے ہو بھلا گرد میں خورشید کہاں

ڈوبنے والوں نے جو ہاتھ، ہلائے سرِ آب

ظلم کے حق میں ٹھہرتی ہے وُہ تائید کہاں

شہر میں عام ہے جو خون خرابے کی فضا

دیکھیئے لے کے ہمیں جائے یہ تمہید کہاں

وُہ جو قزّاق ہے کیا رحم کی خواہش اُس سے

راہ پر لائے گی اُس کو کوئی تاکید کہاں

ہاتھ بچّے کے ہو جیسے کوئی ناؤ ماجدؔ

نام ایسی بھی ہمارے ہے کوئی عید کہاں

ماجد صدیقی

یہ کجکلاہی میں آپ کی ہور رہا ہے کیا کچھ حضور دیکھیں

اپریل 30, 2017ماجد صدیقی،آنگن آنگن رات،غزلقصور،چور،بحور،حضور،دورadmin

ماجد صدیقی ۔ غزل نمبر 26

گلی گلی ہے فساد و فتنہ نگر نگر ہے فتور دیکھیں

یہ کجکلاہی میں آپ کی ہور رہا ہے کیا کچھ حضور دیکھیں

یہ ضد ہے شاہوں کو بھی، کہ معنی نہ کوئی ڈھونڈے سُخن میں اُن کے

نظر میں ہو حُسن قافیوں کا، رواں ہیں کیا کیا بُحور دیکھیں

وُہ بادباں جن کے ہاتھ میں ہیں، ڈبوئیں کشتی جہاں کہیں بھی

ہَوا کو الزام دیں ہمیشہ کبھی نہ اپنا قصور دیکھیں

وُہ جن کی تصویر سے منوّر ہے آشتی کا ہر ایک پرچم

وُہی پرندہ لٹک رہا ہے شجر پہ زخموں سے چُور دیکھیں

وُہ جن کا بس ہے رُتوں پہ ماجدؔ ہمیشہ اُن سے یہی سُنا ہے

سرِاُفق ابر کا گماں ہے، چمک سی ہے اِک وُہ دَور دیکھیں

ماجد صدیقی

سارے ارکانِ سکوں، نادار ہیں اَب کے برس

اپریل 30, 2017ماجد صدیقی،آنگن آنگن رات،غزلنادار،پار،آزار،بیزار،سرشارadmin

ماجد صدیقی ۔ غزل نمبر 27

گل پریشاں ہیں تو جھونکے، نار ہیں اَب کے برس

سارے ارکانِ سکوں، نادار ہیں اَب کے برس

کھیت سے لے کر، کناروں تک کا عالم ایک ہے

خِستِ دریا سے سب، بیزار ہیں اَب کے برس

جال سے نکلے تو، تیروں کی چتا ہے سامنے

دل کو لاحق اور ہی آزار ہیں اَب کے برس

درمیاں میں جان لیوا، پیاس کا آسیب ہے

سارے پنگھٹ دشت کے اُس پار ہیں، اب کے برس

بے دلی ماجد اگر کُچھ ہے، تو وُہ چڑیوں میں ہے

جتنے شاہیں ہیں، بہت سرشار ہیں اب کے برس

ماجد صدیقی

لوگوں نے بانس کو بھی، ثمرور بنا دیا

اپریل 30, 2017ماجد صدیقی،آنگن آنگن رات،غزلگر،پتّھر،اختر،ثمرور،سخنورadmin

ماجد صدیقی ۔ غزل نمبر 28

کانٹا ملا تو ضد میں، گُلِ تر بنا دیا

لوگوں نے بانس کو بھی، ثمرور بنا دیا

تھے جس قدر شہاب، گرائے نشیب میں

ذرّوں کو وقت نے، مہ و اختر بنا دیا

جیسے، کنارِ آب کا پودا ہو سخت جاں

صدمات نے، ہمیں بھی ہے پتّھر بنا دیا

تاحشر نفرتوں کا نشانہ رہے، جہاں

ایسی جگہ، مزارِ ستم گر بنا دیا

اِک بات بھی پتے کی، نہ تم نے کہی کبھی

ماجدؔ تمہیں، یہ کس نے سخنور بنا دیا

ماجد صدیقی

ہم انسانوں ہی جیسے ہیں خدایا کیوں کرم تیرے

اپریل 30, 2017ماجد صدیقی،آنگن آنگن رات،غزلقلم،نم،کرم،جم،دمبدمadmin

ماجد صدیقی ۔ غزل نمبر 29

کسی پر ہیں زیادہ اور کہیں احساں ہیں کم تیرے

ہم انسانوں ہی جیسے ہیں خدایا کیوں کرم تیرے

ہمیں ہی کیا؟ سرِ آفاق اک نیچا دکھانا تھا

ہمارے حق میں، کیا لکّھا کئے، لوح و قلم تیرے

نجانے کیوں کریں تضحیک، اِک اِک بانجھ خطّے کی

زمیں پر جس قدر بھی کھیت ہیں، شاداب و نم تیرے

گدا کے ہاتھ میں کشکول ہی تیرا نہیں ورنہ

چھلکتے جام ہیں جتنے یہاں، تیرے ہیں، جم تیرے

کسی نے اِس کی نسبت آج تک تجھ سے نہیں مانی

قصیدے لکھ رہا ہے گرچہ ماجدؔ دمبدم تیرے

ماجد صدیقی

نہ کچھ کہا تو سُلگنے لگی زباں کیا کیا

اپریل 30, 2017ماجد صدیقی،آنگن آنگن رات،غزلکماں،گماں،آسماں،دھجّیاں،زباںadmin

ماجد صدیقی ۔ غزل نمبر 30

کہا تو دل میں رہی ہیبتِ شہاں کیا کیا

نہ کچھ کہا تو سُلگنے لگی زباں کیا کیا

یہ اُن حروف سے پوُچھو، ہوئے جو خاک بہ سر

اُڑی ہیں عہدِ مُروّت کی دھجّیاں کیا کیا

زمیں کی بات اُٹھائی تھی، اِک ذرا اس سے

نجانے ٹوٹ پڑا ہم پہ، آسماں کیا کیا

وُہ جس کے ہاتھ میں کرتب ہیں اُس کی چالوں سے

لُٹیں گے اور بھی ہم ایسے خوش گُماں کیا کیا

ہم ایسے اُڑتے پرندوں کو کیا خبر ماجدؔ

ہُنر دکھائے ابھی حرص کی کماں کیا کیا

ماجد صدیقی

پیہم نگر اُمید کا، تاراج مِلا ہے

اپریل 30, 2017ماجد صدیقی،آنگن آنگن رات،غزلکاج،باج،تاج،تاراج،راجadmin

ماجد صدیقی ۔ غزل نمبر 31

کل تھا جو مِلا، کرب وُہی آج ملا ہے

پیہم نگر اُمید کا، تاراج مِلا ہے

اِک چیخ سی اور بعد میں کُچھ خون کی بُوندیں

شاہین کو چڑیوں سے، یہی باج مِلا ہے

دستک سے، سرِ شہر پڑاؤ کو، جو دی تھی

ایسے بھی ہیں کُچھ، جن کو یہاں راج مِلا ہے

کانوں میں کوئی گرم سخن، آنے نہ پائے

سر ڈھانپ کے رکھتے ہیں جنہیں تاج مِلا ہے

پھُوٹے تو بنائیں، نیا اک اور گھروندا

ماجدؔ ہمیں کرنے کو، یہی کاج ملِا ہے

ماجد صدیقی

اتنا میٹھا ہے کہ کڑوا لاگے

اپریل 30, 2017ماجد صدیقی،آنگن آنگن رات،غزلمداوا،مسیحا،کڑوا،تماشا،دیکھاadmin

ماجد صدیقی ۔ غزل نمبر 32

کیا کہیں کیسا وُہ اچّھا لاگے

اتنا میٹھا ہے کہ کڑوا لاگے

جُھوٹ اُس نہج کو پہنچا ہے کہ اَب

حق سرائی بھی تماشا لاگے

ہاتھ شہ رگ پہ بھی رکھتا ہے مدام

وُہ کہ ظاہر میں مسیحا لاگے

دردمیں اَب کے وُہ شدّت اُتری

آنچ بھی جس کا مداوا لاگے

جیسے اپنا ہی چلن ہو ماجدؔ

مکر اس طور سے دیکھا لاگے

ماجد صدیقی

اے آسماں! اُتار رذالت کُچھ اور بھی

اپریل 30, 2017ماجد صدیقی،آنگن آنگن رات،غزلوکالت،بسالت،رذالت،علالت،عدالتadmin

ماجد صدیقی ۔ غزل نمبر 33

کر دے ہمارے نام، خجالت کُچھ اور بھی

اے آسماں! اُتار رذالت کُچھ اور بھی

ہاں کِلکِ خاص بھی ہے تری، لوحِ خاص بھی

کر لے بنامِ خویش، بسالت کُچھ اور بھی

آئے نہیں ہیں بس میں ابھی، ضابطے تمام

سانچے میں اپنے ڈھال، عدالت کُچھ اور بھی

کافی نہیں ہے، تُندیٔ موسم کی تاب ہی

دیکھیں گے پیڑ، زورِ علالت کُچھ اور بھی

کہتی ہے رات مجھ کو نہ کاجل کہو فقط

ماجدؔ وُہ چاہتی ہے، وکالت کُچھ اور بھی

ماجد صدیقی

انت نجانے کیا ٹھہرے اِس ناٹک، اِس افسانے کا

اپریل 30, 2017ماجد صدیقی،آنگن آنگن رات،غزللکھانے،چلانے،گرمانے،افسانے،جانےadmin

ماجد صدیقی ۔ غزل نمبر 34

کیا کیا کچھ زوروں پہ نہیں ہے، کام ہمیں بہلانے کا

انت نجانے کیا ٹھہرے اِس ناٹک، اِس افسانے کا

کب سے پھُونکیں مار رہا ہے، لا کے گرفت میں جگنو کو

بندر نے فن سیکھ لیاہے اپنا گھر گرمانے کا

اِک جیسے انداز ہیں جس کے، سب تیور اِک جیسے ہیں

جانے کب اعلان کرے، وُہ موسم باغ سے جانے کا

اِک جانب پُچکار لبوں پر، ہاتھ میں دُرّہ اُس جانب

تانگے والا جان چکا، گُر گُھوڑا تیز چلانے کا

چھوڑ نہیں دیتے کیوں ماجدؔ یہ بیگار کی مزدوری

کس نے تمہیں آزار دیا یہ لکھنے اور لکھانے کا

ماجد صدیقی

فوّاروں سی پھُوٹ رہی ہے، آنگن آنگن رات

اپریل 30, 2017ماجد صدیقی،آنگن آنگن رات،غزللات،پات،رات،سات،صدماتadmin

ماجد صدیقی ۔ غزل نمبر 35

کیا کر لے گی اِن اشکوں، اِن تاروں کی بارات

فوّاروں سی پھُوٹ رہی ہے، آنگن آنگن رات

اپنی خشک تنی کے نوحے، کر کے لبوں سے محو

پانی ہی کے گُن گاتے ہیں، پیڑ سے جھڑتے پات

ہم ایسے پچھڑے لوگوں کے، دل کا حال نہ پوچھ

جنگلی گھاس کی صورت چمٹیں، قدم قدم صدمات

جیون ہے سائے کی مسافت، پل میں اور سے اور

شکلیں بدلے اور تیاگے اپنوں تک کا سات

کس نے چُلوّ پانی سے مُجھ پیڑ کی چاہی خیر

کس نے قبر پہ حاتم کی ماری ہے، ماجدؔ لات

ماجد صدیقی

نام ہمارے،کیا کیا کُچھ تاوان ہوئے

اپریل 30, 2017ماجد صدیقی،آنگن آنگن رات،غزلویران،انسان،احسان،تاوان،سامانadmin

ماجد صدیقی ۔ غزل نمبر 36

فصلیں اُجڑیں اور قُرقی کھلیان ہوئے

نام ہمارے،کیا کیا کُچھ تاوان ہوئے

اُگتی فصلوں کو چاٹا، آسیبوں نے

موسم بھر بھی، چاہ اگر، ویران ہوئے

رہبروں کی قامت، بالا کرنے کو

ہم کیا کیا، تعمیر کا ہیں سامان ہوئے

اپنے ناپ سے ناپیں، اُس کی رحمت کو

اِس جگ میں ایسے بھی کُچھ انسان ہوئے

ماجدؔ کاش، کبھی چھم سے، وُہ آ جائے

عمر ہوئی ہے ہم پر، یہ احسان ہوئے

ماجد صدیقی

چاند بھی دل پہ اپنے، بار لگا

اپریل 30, 2017ماجد صدیقی،آنگن آنگن رات،غزلنگار،آبشار،آشکار،بار،حصار،سازگارadmin

ماجد صدیقی ۔ غزل نمبر 37

غیر جب سے وُہ اپنا یار لگا

چاند بھی دل پہ اپنے، بار لگا

کھو گیا آنکھ سے دھنک جیسا

جو بھی ماحول، سازگار لگا

بڑھتی دیکھی جو رحمتِ یزداں

ابر بھی مجھ کو، آبشار لگا

کر کے وا چشمِ اِنبساط مری

آشنا، پھر نہ وُہ نگار لگا

آنکھ جب سے کھُلی،دل و جاں پر

شش جہت جبر کا حصار لگا

تھا جو ماجدؔ پسِ نگاہ تری

بھید سب پر وُہ، آشکار لگا

ماجد صدیقی

شکم کی پرورش میں دیکھیئے مجرم ہوئے ہم بھی

اپریل 30, 2017ماجد صدیقی،آنگن آنگن رات،غزلہوئے،لئے،گھونسلے،گئے،گرے،جلےadmin

ماجد صدیقی ۔ غزل نمبر 38

طلب پر مُنصفوں کی لو، عدالت میں چلے ہم بھی

شکم کی پرورش میں دیکھیئے مجرم ہوئے ہم بھی

بس اِتنی سی خطا پر، کھوجتے ہیں رزق کیوں اپنا

نگاہوں میں خداوندوں کی کیا کیا کچھ گرے ہم بھی

رگڑتے ایڑیاں، عزّت کی روزی تک پہنچنے میں

نہیں کیا کیا کہیں روکے، کہیں نوچے گئے ہم بھی

پرندوں سا یہ بّچے پالنا بھی، عیب ٹھہرا ہے

بنائیں دشت میں جا کر کہیں اَب گھونسلے ہم بھی

کہیں بے روزگاری پر وظیفے، اور کہیں دیکھو

یہ ہم جو خود کماؤُ ہیں، گئے ہیں دھر لئے ہم بھی

اَب اِس سے بڑھ کے ماجدؔ اور دوزخ دیکھنا کیسا

کہ ادراکِ حقائق سے نہیں کیا کچھ جلے ہم بھی

ماجد صدیقی

نمِ سکون سے جھولی ہوا کی خالی تھی

اپریل 30, 2017ماجد صدیقی،آنگن آنگن رات،غزللالی،تھالی،جلالی،خالی،سوالیadmin

ماجد صدیقی ۔ غزل نمبر 39

شجر شجر نے زباں پیاس سے نکالی تھی

نمِ سکون سے جھولی ہوا کی خالی تھی

زمین خود بھی تمازت سے تھی توے جیسی

فلک پہ چاند نہیں تھا دہکتی تھالی تھی

جو ابر بانجھ ہے اُس سے کہو کہ ٹل جائے

تمام خلق اسی بات کی سوالی تھی

جمالِ فکر نے بَکنے نہ کُچھ دیا ورنہ

ہماری دھج بھی بظاہر بڑی جلالی تھی

دھُلی نہ گریۂ پس ماندگاں سے بھی ماجدؔ

کنارِ دیدۂ قاتل عجیب لالی تھی

ماجد صدیقی

وُہ زلفیں وُہ چنچل چہرہ بھوُل گئے

اپریل 30, 2017ماجد صدیقی،آنگن آنگن رات،غزلچہرہ،اقصی،اٹھانا،رستہ،سمجھناadmin

ماجد صدیقی ۔ غزل نمبر 40

شام کنارے چاند اُبھرتا بھُول گئے

وُہ زلفیں وُہ چنچل چہرہ بھوُل گئے

دشت میں دیکھی وُہ اُفتاد غزالوں نے

بچ نِکلے تو گھر کا رستہ بھُول گئے

آن گئے پر، جان گنوانا مشکل تھا

ہم تم بھی تو مسجدِ اقصیٰ بھول گئے

لاش دبانے میں تو رہے محتاط بہت

رہزن آلۂ قتل اُٹھانا بھُول گئے

مکڑا دھاگے کیوں ماجدؔ ہر آن بُنے

ہم اتنی سی بات سمجھنا بھول گئے

ماجد صدیقی

تِنکا ہونے پر بھی ٹھہرے آنکھوں کا شہتیر ہمیں

اپریل 30, 2017ماجد صدیقی،آنگن آنگن رات،غزلتقدیر،تصویر،تعبیر،دلگیر،شہتیرadmin

ماجد صدیقی ۔ غزل نمبر 41

ساتھ ہَوا کے اڑنا چاہا اور ہوئے زنجیر ہمیں

تِنکا ہونے پر بھی ٹھہرے آنکھوں کا شہتیر ہمیں

دُکھ جاتے ہیں جُھوٹ ریا کاروں کا ننگا کر کے بھی

دل کا زہر اُنڈیل کے بھی ہو جاتے ہیں دِلگیر ہمیں

حد سے بڑھ کر بھرنے لگ پڑتے ہیں پھُونک غبارے میں

پھٹ جائے تو بچّوں جیسے بن جائیں تصویر ہمیں

قادرِ مطلق پر بھی دعویٰ ہر لحظہ ایقان کا ہے

اور نجومی سے بھی پوچھیں نِت اپنی تقدیر ہمیں

آئینہ بھی، جیسے ہوں، دِکھلائے خدوخال وُہی

سوچیں تو اپنے ہر خواب کی ہیں ماجدؔ، تعبیر ہمیں

ماجد صدیقی

کُھلے نہیں تھے نظر پر ابھی، عتاب اس کے

اپریل 30, 2017ماجد صدیقی،آنگن آنگن رات،غزلاس،اسبadmin

ماجد صدیقی ۔ غزل نمبر 42

سرِ خیال تھے وجہِ نشاط ، خواب اس کے

کُھلے نہیں تھے نظر پر ابھی، عتاب اس کے

جو لا سکے تو فقط، خنکیٔ ہوا لائے

اِدھر جو آئے بھی، برسے ہُوئے سحاب اُس کے

اِدھر طلب میں تمّوج، اُدھر کم آمیزی

وُہی سوال ہمارے، وُہی جواب اُسب کے

غرض ہماری، ستمگر نے جان لی جب سے

چلن کُچھ اور بھی، ہونے لگے خراب اس کے

ہمیں تھے اُس سے جو پیہم، کشیدہ رُو بھی رہے

ہوئے اسیر بھی ماجدؔ، ہمیں شتاب اُس کے

ماجد صدیقی

مُنہ زور کو شکار کوئی دوسرا کرے

اپریل 30, 2017ماجد صدیقی،آنگن آنگن رات،غزلچار،کاروبار،پار،اختیار،سنگسار،شمار،شکارadmin

ماجد صدیقی ۔ غزل نمبر 43

سب منتظر ہیں وار کوئی دوسرا کرے

مُنہ زور کو شکار کوئی دوسرا کرے

وحشت ملے نہ اُس کی کبھی دیکھنے کو بھی

آنکھیں بھی اُس سے چار کوئی دوسرا کرے

ہر شخص چاہتا ہے اُسے ہو سزائے جرم

پر اُس کو سنگسار کوئی دوسرا کرے

ہاتھوں میں ہو کمان مگر تیر انتقام

اُس کے جِگر کے پار کوئی دوسرا کرے

ہو اُس کا جور ختم، سبھی چاہتے ہیں پر

یہ راہ اختیار کوئی دوسرا کرے

اعداد سب کے پاس ہیں لیکن مُصر ہیں سب

اُس کے ستم شمار کوئی دوسرا کرے

موزوں نہیں ہیں مدحِ ستم کو کچھ ایسے ہم

ماجدؔ یہ کاروبار کوئی دوسرا کرے

ماجد صدیقی

ہمیں اس نے کبھی ہمسر نہ جانا

اپریل 30, 2017ماجد صدیقی،آنگن آنگن رات،غزلہمسر،پر،اژدر،بر،خر،درadmin

ماجد صدیقی ۔ غزل نمبر 44

زرِ گل تھے بھی گر تو زر نہ جانا

ہمیں اس نے کبھی ہمسر نہ جانا

جبیں جس پر جھکائی عرش جیسی

ہمارا مرتبہ وُہ در نہ جانا

گھُلی چیخیں بھی ہیں لقموں میں اُس کے

یہ باریکی کوئی اژدر نہ جانا

سزا کے سارے تیور تھے اُسی میں

ہوا کو ہم نے نامہ بر نہ جانا

ذرا مّکے گیا تو جانے ہم نے

خرِ عیسٰی کو کیونکر خر نہ جانا

نہیں اتنا بھی سادہ لوح ماجدؔ

اُسے جانا ہے تم نے پر نہ جانا

ماجد صدیقی

سبھی اچھوت ہیں ہم آپ رشتوں ناتوں میں

اپریل 30, 2017ماجد صدیقی،آنگن آنگن رات،غزلناتوں،گھاتوں،باتوں،دھاتوں،راتوںadmin

ماجد صدیقی ۔ غزل نمبر 45

زباں سے ایک ہیں دل سے بٹے ہیں ذاتوں میں

سبھی اچھوت ہیں ہم آپ رشتوں ناتوں میں

انہی دنوں کہ تمہیں دیکھ کر خُدا دیکھا

مزا کُچھ اور تھا بچپن کی تیز گھاتوں میں

کمالِ لمس سے زر سے اُسی کا ناتا ہے

وُہ ایک دھات جو ارزاں ہے ساری دھاتوں میں

تلاش جن میں تمّنا کے جگنوؤں کی رہی

بڑا سرور تھا اُن دلنشین راتوں میں

یہ کس قبیل کے شیریں دہن ہو تم ماجدؔ

کہ ہے مٹھاس بھی کڑوی، تمہاری باتوں میں

ماجد صدیقی

کس دن کنجِ قفس دیکھا تھا یاد نہیں ہے

اپریل 30, 2017ماجد صدیقی،آنگن آنگن رات،غزلہوا،لیا،چلا،چمکا،چکّھا،ڈوبا،کہا،گھلا،ٹوٹا،پڑا،الجھا،ایسا،بچھڑا،جلا،دیکھاadmin

ماجد صدیقی ۔ غزل نمبر 46

راہوں میں کب جال بچھا تھا یاد نہیں ہے

کس دن کنجِ قفس دیکھا تھا یاد نہیں ہے

آناً فاناً ہی اِک حشر نظر میں اُٹھا

کاشانہ کس آن جلا تھا یاد نہیں ہے

چپّو چّپو کب گرداب بنے تھے پہلے

طوفاں نے کب گھیر لیا تھا یاد نہیں ہے

یاد ہے آنکھوں کے آگے اِک دُھند کا منظر

کس پل مجھ سے وُہ بچھڑا تھا یاد نہیں ہے

اپنوں ہی میں شاید کُچھ بیگانے بھی تھے

کس جانب سے تیر چلا تھا یاد نہیں ہے

طولِ شبِ ہجراں میں دل کے بانجھ اُفق پر

آس کا چندا کب ڈوبا تھا یاد نہیں ہے

تلخ ہوئی کب اُس کے لہجے کی شیرینی

سانسوں میں کب زہر گھُلا تھا یاد نہیں ہے

تنُد ہوا کو تیغوں جیسا تنتے ویکھا

پیڑ سے رشتہ کب ٹوٹا تھا یاد نہیں ہے

اُس سے اپنا ناتا جُڑتے تو دیکھا تھا

یہ دھاگا کیونکر اُلجھا تھا یاد نہیں ہے

جس پر اُس چنچل کے حکم کی چھاپ لگی تھی

مَیں نے وہ پھل کیوں چکّھا تھا یاد نہیں ہے

گھر گھر فریادی بانہوں کی فصل اُگی تھی

شہر کا موسم کیوں ایسا تھا یاد نہیں ہے

سجتی دیکھ کے سرمے سی شب آنکھوں آنکھوں

میں جانے کیوں چیخ پڑا تھا یاد نہیں ہے

نیل گگن کے نیچے ننھی آشاؤں کا

خیمہ کیسے خاک ہوا تھا یاد نہیں ہے

جگنو جگنو روشنیوں پر لُوٹ مچاتے

اُس کا ماتھا کب چمکا تھا یاد نہیں ہے

طیش میں آ کر جب وہ برسا تو آگے سے

ماجدؔ نے کیا اُس سے کہا تھا یاد نہیں ہے

ماجد صدیقی

کل کے اوراق میں لیجیے ہم نے بھی، فیصلہ لکھ دیا

اپریل 30, 2017ماجد صدیقی،آنگن آنگن رات،غزلکمی،کی،بھی،بسی،روشنیadmin

ماجد صدیقی ۔ غزل نمبر 47

دھونس، دھن، دھاندلی کا جو ٹھہرا، وُہی فیصلہ لکھ دیا

کل کے اوراق میں لیجیے ہم نے بھی، فیصلہ لکھ دیا

قصر محفوظ تھے، بے اماں جھونپڑے، راکھ کیونکر ہوئے

حق میں غفلت کے، تھی جو شہِ وقت کی، فیصلہ لکھ دیا

تھا اندھیروں پہ قابو نہ اپنا کبھی، پھر بھی اِتنا کیا

حبسِ بے جا میں دیکھی جہاں روشنی، فیصلہ لکھ دیا

جور کے جبر کے، جس قدر سلسلے تھے، وہ بڑھتے گئے

آنے پائی نہ جب، اُن میں کچھ بھی کمی، فیصلہ لکھ دیا

ہاتھ فریاد کے، اُٹھنے پائے نہ تھے اور لب سِل گئے

دیکھ کر ہم نے ماجدؔ، یہی بے بسی، فیصلہ لکھ دیا

ماجد صدیقی

میرے انگناں بھی آسماں اُترا

اپریل 30, 2017ماجد صدیقی،آنگن آنگن رات،غزلکہاں،آسماں،آشیاں،درمیاں،زباںadmin

ماجد صدیقی ۔ غزل نمبر 48

دل میں وُہ رشکِ گلستاں اُترا

میرے انگناں بھی آسماں اُترا

زعم ذہنوں سے، عدل خواہی کا

خاک اور خوں کے درمیاں اُترا

پستیوں نے جو، بعدِ اَوج دیا

تاپ خفت کا وہ، کہاں اُترا

رَن میں جیسے مجاہدِ اوّل

حرفِ حق، یُوں سرِ زباں اُترا

نُچ کے آندھی میں، پیڑ سے ماجدؔ

پھر ندی میں ہے، آشیاں اُترا

ماجد صدیقی

بُھر بُھری مٹی میں ہوں، جیسے جڑیں اُتری ہوئی

اپریل 30, 2017ماجد صدیقی،آنگن آنگن رات،غزلچھتیں،ندّیاں،تتلیاں،جڑیں،شورشیںadmin

ماجد صدیقی ۔ غزل نمبر 49

دل بہ دل ہیں شہر میں، یُوں نفرتیں اُتری ہوئی

بُھر بُھری مٹی میں ہوں، جیسے جڑیں اُتری ہوئی

جا بہ جا چہروں پہ ہے وُہ کم نمائی، اُنس کی

موسمِ سرما میں جیسے، ندّیاں اُتری ہوئی

کیا یہ میرا ہی نگر ہے، اے ہوا! کچھ تو بتا

ساری دیواریں سلامت ہیں چھتیں اُتری ہوئی

تُو بھی اِن کے واسطے، دل میں کوئی گلُداں سجا

ہیں ترے آنگن میں بھی، کچھ تتلیاں اُتری ہوئی

کیا خبر کب دے چلیں ماجدؔ پتہ بارود سا

خامشی میں اب کے، ہیں جو شورشیں اُتری ہوئی

ماجد صدیقی

سینت کے رکھیں، اور اب خواب سہانے کیا

اپریل 30, 2017ماجد صدیقی،آنگن آنگن رات،غزلنشانے،کاشانے،بہلانے،بانے،سہانےadmin

ماجد صدیقی ۔ غزل نمبر 50

دیکھ لئے ہیں، اپنے کیا بیگانے کیا

سینت کے رکھیں، اور اب خواب سہانے کیا

دیکھو آنکھ جما کر، مکر کے مکڑے نے

ہر سُو پھیلائے ہیں تانے بانے کیا

بادل کی یلغار سے، نام پہ رحمت کے

تنکا تنکا، ٹوٹ گرے کاشانے کیا

سوچو بھی، جلتی بگھیا کی آنچ لئے

جھونکے ہم کو آئے ہیں، بہلانے کیا

چڑیاں نگلیں گے، چوزوں پر جھپٹیں گے

شہ زوروں کے ماجدؔ اور نشانے کیا

ماجد صدیقی

انداز کہیں، کیا کیا تیور ہیں خداؤں کے

اپریل 30, 2017ماجد صدیقی،آنگن آنگن رات،غزلماؤں،پاؤں،خداؤں،دعاؤں،سراؤںadmin

ماجد صدیقی ۔ غزل نمبر 51

دم توڑتی چیخوں کے مبہوت صداؤں کے

انداز کہیں، کیا کیا تیور ہیں خداؤں کے

اُٹھے تھے جو حدّت سے فصلوں کے بچانے کو

سایہ نہ بنے کیونکر وُہ ہاتھ دُعاؤں کے

کیا جانئیے بڑھ جائے، کب خرچ رہائش کا

اور گھر میں نظر آئیں، سب نقش سراؤں کے

ٹھہرے ہیں جگر گوشے لو، کھیپ دساور کی

بڑھ جانے لگے دیکھو، کیا حوصلے ماؤں کے

رودادِ سفر جب بھی، چھِڑ جانے لگی ماجدؔ

لفظوں میں اُترا آئے، چھالے تھے جو پاؤں کے

ماجد صدیقی

حساب ظالم و مظلوم کا برابر ہے

اپریل 30, 2017ماجد صدیقی،آنگن آنگن رات،غزلپر،برابر،در،سمندر،سرadmin

ماجد صدیقی ۔ غزل نمبر 52

دہن میں نیولے کے دیکھئے گا اژدر ہے

حساب ظالم و مظلوم کا برابر ہے

ندی میں برگ پہ چیونٹی ہے اور اِدھر ہم ہیں

کہ جن کے سامنے آلام کا سمندر ہے

سفر میں صبر کی ناؤ ہمیں جو دی اُس نے

ہمارے واسطے سرخاب کا یہی پَر ہے

چلا نہیں گل و مہتاب کو پتہ اتنا

ہمارے گھر بھی کوئی بام ہے کوئی در ہے

ابد تلک کو جو زیبِ سناں ہوا ماجدؔ

نہیں حسینؑ کا شمر و یزید کا سر ہے

ماجد صدیقی

ہمارے حق میں ہوئیں، گل فشانیاں کیا کیا

اپریل 30, 2017ماجد صدیقی،آنگن آنگن رات،غزلفشانیاں،نشانیاں،جوانیاں،خوانیاں،روانیاںadmin

ماجد صدیقی ۔ غزل نمبر 53

دلوں پہ کی ہیں سخن نے، گرانیاں کیا کیا

ہمارے حق میں ہوئیں، گل فشانیاں کیا کیا

نظر سے دُور ہیں، سرما کی چاندنی جیسی

دبک دبک کے مچلتی جوانیاں کیا کیا

کمان جب سے تناؤ میں طاق ٹھہری ہے

ہر ایک تِیر نے، پائیں روانیاں کیا کیا

لب و زبان پہ چھالوں، جبیں پہ سجدوں کی

غلامیوں نے ہمیں دیں، نشانیاں کیا کیا

چمن میں ایک سے نغموں کی اوٹ میں ماجدؔ

ہمیں بھی آنے لگیں، مدح خوانیاں کیا کیا

ماجد صدیقی

پُتلیوں میں سر بہ سر بیداریاں ایسی نہ تھیں

اپریل 30, 2017ماجد صدیقی،آنگن آنگن رات،غزلبیماریاں،بیداریاں،دلآزاریاں،دلداریاں،غّداریاںadmin

ماجد صدیقی ۔ غزل نمبر 54

خوف سے آنکھوں میں خُوں کی دھاریاں ایسی نہ تھیں

پُتلیوں میں سر بہ سر بیداریاں ایسی نہ تھیں

شر سلیقے سے سجا، ایسا نہ رحلِ خیر پر

جیسی اب ہیں، ظلم کی دلداریاں ایسی نہ تھیں

جھوُٹ کا عفریت، یُوں سچ پر کبھی غالب نہ تھا

جابجا خلقت کی، دلآزاریاں ایسی نہ تھیں

ہاں ذرا سا زرد ہو جاتا تھا سورج، شام کو

اُس کو لاحق ہیں جو اب بیماریاں، ایسی نہ تھیں

اَب کے اپنانے لگے ماجدؔ قلم، جس طور کی

حق میں پیاروں کے کبھی، غّداریاں ایسی نہ تھیں

ماجد صدیقی

لو کر چلے ہیں، سارے پرندے، سخن تمام

اپریل 30, 2017ماجد صدیقی،آنگن آنگن رات،غزلچلن،چمن،گہن،سمن،سخنadmin

ماجد صدیقی ۔ غزل نمبر 55

خاموشیوں میں ڈوب گیا ہے، گگن تمام

لو کر چلے ہیں، سارے پرندے، سخن تمام

وہ خوف ہے، کہ شدّتِ طوفاں کے بعد بھی

دبکے ہوئے ہیں باغ میں، سرو و سمن تمام

وُہ فرطِ قحطِ نم ہے کہ ہر شاخ ہے سلاخ

پنجرے کو مات کرنے لگا ہے، چمن تمام

کس تُندیٔ پیام سے بادِ صبا نے بھی

فرعون ہی کے، سیکھ لئے ہیں چلن تمام

ماجد یہ کس قبیل کے مہتاب ہم ہوئے

لکّھے ہیں، اپنے نام ہی جیسے گہن تمام

ماجد صدیقی

اس سے پہلے شہر پر، ایسا ستم دیکھا نہ تھا

اپریل 30, 2017ماجد صدیقی،آنگن آنگن رات،غزلکم،بہم،بھسم،دم،ستمadmin

ماجد صدیقی ۔ غزل نمبر 56

خلق کو آتش نفس، آنکھوں کو نم دیکھا نہ تھا

اس سے پہلے شہر پر، ایسا ستم دیکھا نہ تھا

جھونپڑوں میں کب تھا ایسا، جاکنی کا سا خمار

چشمِ شاہاں میں ہے جو، وُہ کیف و کم دیکھا نہ تھا

جس طرح روندا گیا ہے، اَب کے شہر آرزو

اِس طرح ہوتے نگر کوئی بھسم دیکھا نہ تھا

تھی سکوں کی جنس اتنی بھی کبھی، ناپید کب

کُو بہ کُو اب کے ہے جیسا، حبسِ دم دیکھا نہ تھا

ریوڑوں نے کی نہ تھی، یُوں پاسبانی گُرگ کی

ظُلم کو ماجدؔ تحفّظ یُوں بہم، دیکھا نہ تھا

ماجد صدیقی

ہم نے مزدور کے ماتھے کا پسینہ دیکھا

اپریل 30, 2017ماجد صدیقی،آنگن آنگن رات،غزلپسینہ،خزینہ،زینہ،سفینہadmin

ماجد صدیقی ۔ غزل نمبر 57

خاک ہے جس کا مقّدر وُہ نگینہ دیکھا

ہم نے مزدور کے ماتھے کا پسینہ دیکھا

بادباں جس کے کھوّیا نہیں کُھلنے دیتے

ہم نے دریا میں اک ایسا بھی سفینہ دیکھا

مکر آتا ہے جنہیں نام پہ اُن بونوں کے

جب بھی دیکھا کوئی خودکار ہی زینہ دیکھا

دشتِ خواہش بھی عجب دشت ہے ماجدؔ جس میں

سانپ دیکھا ہے جہاں کوئی خزینہ دیکھا

ماجد صدیقی

خود بھی تنگ داماں ہوں، گھر بھی تنگ داماں ہے

اپریل 30, 2017ماجد صدیقی،آنگن آنگن رات،غزلچراغاں،یزداں،ارماں،ارزاں،داماںadmin

ماجد صدیقی ۔ غزل نمبر 58

چیت چیت اک جیسی، کلفتوں کا ساماں ہے

خود بھی تنگ داماں ہوں، گھر بھی تنگ داماں ہے

وسعتیں بھی، قامت کی سربلندیوں جیسی

کاش اُس نے دی ہوتیں، بس یہ ایک ارماں ہے

عمر بھر کو دے دی ہے کوہکن سی مزدوری

ہم پہ کیا کہیں کیسی، یہ عطائے یزداں ہے

جنس جنس کے ہم نے، نرخ جانچ کر دیکھے

ہے اگر تو دانائی، شہر بھر میں ارزاں ہے

صحن میں تمّنا کے، ہے یہی قلم ماجدؔ

جس کی تابناکی سے، شب بہ شب، چراغاں ہے

ماجد صدیقی

دیکھتا گُلشن میں ایسی بھی رُتیں، اے کاش! مَیں

اپریل 30, 2017ماجد صدیقی،آنگن آنگن رات،غزلنقّاش،کاش،آکاش،اوباش،باشadmin

ماجد صدیقی ۔ غزل نمبر 59

چند لمحوں کو سہی، ہوتا کبھی بشّاش مَیں

دیکھتا گُلشن میں ایسی بھی رُتیں، اے کاش! مَیں

ہاتھ لگ جائے ستارہ کام کا، شاید کوئی

اپنی آنکھوں میں، لئے پھرتا رہا آکاش میں

گھونسلے اُوپر تلے، کوّوں کے اور چیلوں کے ہیں

باغ میں ایسی ہی کچھ، رکھتا ہُوں بُود و باش میں

حد سے میرے نام جب، بڑھنے لگی تبلیغِ خیر

ہوتے ہوتے جانے کیوں ہونے لگا اوباش مَیں

مُوقلم ماجدؔ مرا، کیوں مدحِ شاہیں میں چلے

فاختاؤں اور چڑیوں کا ہوں جب، نقّاش میں

ماجد صدیقی

بھلا ہے اِسی میں کوئی لب نہ کھولے

اپریل 30, 2017ماجد صدیقی،آنگن آنگن رات،غزلہولے،ڈولے،کھولے،بھگولے،دھولےadmin

ماجد صدیقی ۔ غزل نمبر 60

جہاں بھی سرِ انجمن شاہ بولے

بھلا ہے اِسی میں کوئی لب نہ کھولے

نہ دیکھ اب، یہ باراں کن آنکھوں سے برسی

ملا ہے جو پانی تو سب داغ دھولے

کہیں وُہ، تقاضا یہی ہے وفا کا

بدن تیغ کی دھار پر بھی نہ ڈولے

سمجھ لے وہی راہبر و رہنما ہے

کسی چلنے والے کے بھی ساتھ ہولے

ترے نام کی نم ہے ماجدؔ بس اتنی

بڑھے پیاس تو اپنی پلکیں بھگولے

ماجد صدیقی

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: