توقیر عباس ۔ غزل نمبر 8

ﺗﯿﺮﮮ ﺩﺭ ﺳﮯ ﺗﺮﮮ ﺑﯿﻤﺎﺭ ﮐﮩﺎﮞ ﺟﺎﺗﮯ ﮨﯿﮟ

ﻋﺸﻖ ﻣﯿﮟ ﻋﺸﻖ ﮐﮯ ﺁﺯﺍﺭ ﮐﮩﺎﮞ ﺟﺎﺗﮯ ﮨﯿﮟ

ﺩﯾﮑﮫ ﺁﯾﺎ ﮨﻮﮞ ﺍﺑﮭﯽ ﺳﺒﺰ ﮐﺠﺎﻭﮮ ﺗﯿﺎﺭ

ﮐﻮﻥ ﺟﺎﻧﮯ ﻣﺮﮮ ﺳﺮﺩﺍﺭ ﮐﮩﺎﮞ ﺟﺎﺗﮯ ﮨﯿﮟ

ﮐﻮئی ﺁﻭﺍﺯ ﮨﻮ ﻣﻌﻨﯽ ﺳﮯ ﺟﮍﯼ ﺭﮨﺘﯽ ﮨﮯ

ﻟﻔﻆ ﺟﯿﺴﮯ ﺑﮭﯽ ﮨﻮﮞ ﺑﯿﮑﺎﺭ ﮐﮩﺎﮞ ﺟﺎﺗﮯ ﮨﯿﮟ

ﭘﯿﮍ ﻣﻮﺟﻮﺩ ﺭﮨﮯ ﻧﻘﺶِ ﮐﻒِ ﭘﺎ ﺑﻦ ﮐﺮ

ﺻﺎﺣﺐِ ﺷﯿﻮﮦ ﻭ ﺍﯾﺼﺎﺭ ﮐﮩﺎﮞ ﺟﺎﺗﮯ ﮨﯿﮟ

باﮨﺮ ﺁﺟﺎﺗﮯ ﮨﯿﮟ ﺳﺐ ﻣﯿﺮﯼ ﮐﮩﺎﻧﯽ ﺳﮯ ﻣﮕﺮ

ﮐﯿﺎ ﺧﺒﺮ ﭘﮭﺮ ﻣﺮﮮ ﮐﺮﺩﺍﺭ ﮐﮩﺎﮞ ﺟﺎﺗﮯ ﮨﯿﮟ

ﮐﺴﯽ ﻓﺮﺩﻭﺱ ﻧﻈﺮ ﺗﮏ ﺗﻮ ﻧﮩﯿﮟ ﻟﮯ ﺟﺎﺗﮯ

ﯾﮧ ﺟﻮ ﮨﯿﮟ ﺭﺍﺳﺘﮯ ﺩﺷﻮﺍﺭ ﮐﮩﺎﮞ ﺟﺎﺗﮯ ﮨﯿﮟ

ﺍﻥ ﮐﮯ ﺳﺎئے ﻧﻈﺮ ﺁﺗﮯ ﮨﯿﮟ ﺳﺒﮭﯽ ﺷﺎﺧﻮﮞ ﭘﺮ

ﭘﮭﻮﻝ ﺁﺗﮯ ﻧﮩﯿﮟ ﮨﺮ ﺑﺎﺭ ﮐﮩﺎﮞ ﺟﺎﺗﮯ ﮨﯿﮟ

ﻣﯿﺮﺍ ﻣﻌﻤﻮﻝ ﮨﮯ ﺳﻮﺗﺎ ﮨﻮﮞ ﺑﻨﺎ ﮐﺮ ﺍﻥ ﮐﻮ

ﭘﮭﺮ ﺳﺤﺮ ﺩﻡ ﺩﺭ ﻭ ﺩﯾﻮﺍﺭ ﮐﮩﺎﮞ ﺟﺎﺗﮯ ﮨﯿﮟ

ﺍﻧﮩﯿﮟ ﺗﻮﻗﯿﺮ ﺗﺠﺴﺲ ﺗﻮ ﺍﺳﯽ ﺑﺎﺕ ﮐﺎ ﮨﮯ

ﻟﮯ ﮐﮯ ﮨﻢ ﺳﺎیۂِ ﺩﯾﻮﺍﺭ ﮐﮩﺎﮞ ﺟﺎﺗﮯ ﮨﯿﮟ

توقیر عباس