منصور آفاق ۔ غزل نمبر 369

اک بلیک آوٹ ہے روشن دئیے ممنوع ہیں

کربلا کی رات ہے اور مرثیے ممنوع ہیں

ہم محبت کی ریاضی پاس کر سکتے نہیں

اک مثلت لازمی ہے زاویے ممنوع ہیں

کوئی تحفہ تو کجا خط بھی پہنچ سکتا نہیں

اُس گلی میں ہر طرح کے ڈاکیے ممنوع ہیں

ہجر میں ممکن نہیں ہے استراحت کا خیال

راحتوں کے سلسلے میرے لئے ممنوع ہیں

بارشیں منصور برسانے کا آڈر ہے مگر

آسماں پر بادلوں کے حاشیے ممنوع ہیں

منصور آفاق