ٹیگ کے محفوظات: خیرخواہ

منظور ہمیں تباہ رہنا

اگست 4, 2018ناصر کاظمی،برگِ نے،غزلنباہ،گواہ،گاہ،آہ،تباہ،خیرخواہ،راہadmin

بے منّت خضرِ راہ رہنا

منظور ہمیں تباہ رہنا

یاروں کو نصیب سرفرازی

مجھ کو تری گردِ راہ رہنا

دل ایک عجیب گھر ہے پیارے

اس گھر میں بھی گاہ گاہ رہنا

گر یونہی رہی دلوں کی رنجش

مشکل ہے بہم نباہ رہنا

بھر آئے گی آنکھ بھی کسی دن

خالی نہیں صرفِ آہ رہنا

میں ہاتھ نہیں اُسے لگایا

اے بیگنہی گواہ رہنا

ناصرؔ یہ وفا نہیں جنوں ہے

اپنا بھی نہ خیرخواہ رہنا!

ناصر کاظمی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چاہ وہ ہے جو ہو نباہ کے ساتھ

اکتوبر 6, 2015میر تقی میر،اساتذہ،غزلماہ،نگاہ،نباہ،کلاہ،آہ،خیرخواہ،راہadmin

دیوان دوم غزل 941

لطف کیا ہر کسو کی چاہ کے ساتھ

چاہ وہ ہے جو ہو نباہ کے ساتھ

وقت کڑھنے کے ہاتھ دل پر رکھ

جان جاتی رہے نہ آہ کے ساتھ

عشق میں ترک سر کیے ہی بنے

مشورت تو بھی کر کلاہ کے ساتھ

ہو اگرچند آسماں پہ ولے

نسبت اس مہ کو کیا ہے ماہ کے ساتھ

سفری وہ جو مہ ہوا تا دیر

چشم اپنی تھی گرد راہ کے ساتھ

جاذبہ تو ان آنکھوں کا دیکھا

جی کھنچے جاتے ہیں نگاہ کے ساتھ

میر سے تم برے ہی رہتے ہو

کیا شرارت ہے خیرخواہ کے ساتھ

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔