زمرہ جات کے محفوظات: شعراء

اردو ادب کے نام ور شعراء

جہاں ہر آشنا بھی اجنبی ہے

جنوری 8, 1972باقی صدیقی،شعراء،غزلکی،گئی،اجنبی،خوشی،روشنیadmin

باقی صدیقی ۔ غزل نمبر 237

جنون عشق کی منزل وہی ہے

جہاں ہر آشنا بھی اجنبی ہے

انہی مجبوریوں نے مارا ڈالا

کہ تیری ہر خوشی میری خوشی ہے

ابھی ہے ان کے آنے کی توقع

ابھی راہوں میں کچھ کچھ روشنی ہے

مری بربادیوں کا پوچھنا کیا

تری نظروں کی قیمت بڑھ گئی ہے

جہاں ان کا سوال آیا ہے باقیؔ

وہاں اپنی کمی محسوس کی ہے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کس حال میں قافلہ رواں ہے

جنوری 8, 1972باقی صدیقی،شعراء،غزلمہرباں،آسماں،درمیاں،رواںadmin

باقی صدیقی ۔ غزل نمبر 236

آواز جرس ہے یا فغان ہے

کس حال میں قافلہ رواں ہے

اٹھتے اٹھتے اٹھیں گے پردے

صدیوں کا غبار درمیاں ہے

کس کس سے بچائے کوئی دل کو

ہر گام پہ ایک مہرباں ہے

ہر چند زمیں زمیں ہے لیکن

تم ساتھ چلو تو آسماں ہے

ضو صبح کی چھو رہی ہے دل کو

ہر چند کہ رات درمیاں ہے

ہم ہوں کہ ہو گرد راہ باقیؔ

منزل ہے اسی کی جو رواں ہے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جام ہے، مے ہے، رسن ہے، دار ہے

جنوری 8, 1972باقی صدیقی،شعراء،غزلگفتار،بیدار،خار،دار،دشوار،رفتارadmin

باقی صدیقی ۔ غزل نمبر 235

اہل دل فرمائیں کیا درکار ہے

جام ہے، مے ہے، رسن ہے، دار ہے

خار کو کوئی کلی کہتا نہیں

نرم ہو،نازک ہو پھر بھی خار ہے

کچھ کہیں تو آپ ہوتے ہیں خفا

چپ رہیں تو زندگی دشوار ہے

لوریاں دیتی رہی دنیا بہت

پھر بھی جو بیدار تھا، بیدار ہے

کاش ہوتے اتنے اچھے آپ بھی

جتنی اچھی آپ کی گفتار ہے

کل کہاں تھی آج ہے باقیؔ کہاں

زندگی کتنی سبک رفتار ہے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تیرے جلوے یہاں وہاں دیکھے

جنوری 8, 1972باقی صدیقی،شعراء،غزلمکاں،وہاں،آسماں،آشیاں،اماں،بادباں،جاں،دشمنان،رواں،زیاں،سماںadmin

باقی صدیقی ۔ غزل نمبر 234

دشت دیکھے ہیں گلستاں دیکھے

تیرے جلوے یہاں وہاں دیکھے

اس کو کہتے ہیں تیرا لطف و کرم

خشک شاخوں پہ آشیاں دیکھے

جو جہاں کی نظر میں کانٹا تھے

ہم نے آباد وہ مکاں دیکھے

دوستوں میں ہے تیرے لطف کا رنگ

کوئی کیوں بغض دشمنان دیکھے

جو نہیں چاہتا اماں تیری

مانگ کر غیر سے اماں دیکھے

تیری قدرت سے ہے جسے انکار

اٹھکے وہ صبح کا سماں دیکھے

یہ حسیں سلسلہ ستاروں کا

کوئی تا حد آسماں دیکھے

ایک قطرہ جہاں نہ ملتا تھا

ہم نے چشمے وہاں رواں دیکھے

کس نے مٹی میں روح پھونکی ہے

کوئی یہ ربط جسم و جاں دیکھے

دیکھ کر بیچ و تاب دریا کا

یہ سفینے پہ بادباں دیکھے

جس کو تیری رضا سے مطلب ہے

سود دیکھے نہ وہ زیاں دیکھے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اہل غم جانے تجھ کو کیا سمجھے

جنوری 8, 1972باقی صدیقی،شعراء،غزلکیا،ادا،دوا،ضیاadmin

باقی صدیقی ۔ غزل نمبر 233

بات کو جرم ناسزا سمجھے

اہل غم جانے تجھ کو کیا سمجھے

اپنے دعوے کو کیا غلط کہتے

تیری نفرت کو بھی ادا سمجھے

چھوڑئیے بھی اب آئینے کا خیال

دیکھ پائے کوئی تو کیا سمجھے

اک ستارہ فلک سے ٹوٹا تھا

ہم جسے صبح کی ضیا سمجھے

اس کے غم کا علاج کیا باقیؔ

جو محبت ہی کو دوا سمجھے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

لوگ اب بھولتے جاتے ہیں مجھے

جنوری 8, 1972باقی صدیقی،شعراء،غزللاتے،آتے،اٹھاتے،جگاتے،جاتے،دلاتےadmin

باقی صدیقی ۔ غزل نمبر 232

تیرے افسانے سناتے ہیں مجھے

لوگ اب بھولتے جاتے ہیں مجھے

قمقمے بزم طرب کے جاگے

رنگ کیا کیا نظر آتے ہیں مجھے

میں کسی بات کا پردہ ہوں کہ لوگ

تیری محفل سے اٹھاتے ہیں مجھے

زخم آئنہ بنے جاتے ہیں

حادثے سامنے لاتے ہیں مجھے

نیند بھی ایک ادا ہے تیری

رات بھر خواب جگاتے ہیں مجھے

تیرے کوچے سے گزرنے والے

کتنے اونچے نظر آتے ہیں مجھے

ان کے بگڑے ہوئے تیور باقیؔ

زیست کی یاد دلاتے ہیں مجھے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

لوگ اپنے دئیے جلانے لگے

جنوری 8, 1972باقی صدیقی،شعراء،غزلچہچہانے،نشانے،پرانے،آنے،اٹھانے،بہانے،جلانے،جانے،خزانے،زمانے،سہانےadmin

باقی صدیقی ۔ غزل نمبر 231

داغ دل ہم کو یاد آنے لگے

لوگ اپنے دئیے جلانے لگے

کچھ نہ پا کر بھی مطمئن ہیں ہم

عشق میں ہاتھ کیا خزانے لگے

یہی رستہ ہے اب یہی منزل

اب یہیں دل کسی بہانے لگے

خود فریبی سی خود فریبی ہے

پاس کے ڈھول بھی سہانے لگے

اب تو ہوتا ہے ہر قدم پہ گماں

ہم یہ کیسا قدم اٹھانے لگے

اس بدلتے ہوئے زمانے کا

تیرے قصے بھی کچھ پرانے لگے

رُخ بدلنے لگا فسانے کا

لوگ محفل سے اٹھ کے جانے لگے

ایک پل میں وہاں سے ہم اٹھے

بیٹھنے میں جہاں زمانے لگے

اپنی قسمت سے ہے مفر کس کو

تیر پر اڑ کے بھی نشانے لگے

ہم تک آئے نہ آئے موسم گل

کچھ پرندے تو چہچہانے لگے

شام کا وقت ہو گیا باقیؔ

بستیوں سے شرار آنے لگے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ راہگزر بھی دیکھ لیں گے

جنوری 8, 1972باقی صدیقی،شعراء،غزلگہر،پر،بھنور،بشر،راہگزر،سحرadmin

باقی صدیقی ۔ غزل نمبر 230

خورشید و قمر بھی دیکھ لیں گے

یہ راہگزر بھی دیکھ لیں گے

تاروں کا طلسم ٹوٹنے دو

انوار سحر بھی دیکھ لیں گے

جلتا ہوا آشیاں تو دیکھیں

ٹوٹے ہوئے پر بھی دیکھ لیں گے

یہ نیت ناخدا رہی تو

اک روز بھنور بھی دیکھ لیں گے

قانون خدا بھی ہم نے دیکھا

ترمیم بشر بھی دیکھ لیں گے

آغوش صدف کھلی تو باقیؔ

ہم آب گہر بھی دیکھ لیں گے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اﷲ رے حادثے سفر کے

جنوری 8, 1972باقی صدیقی،شعراء،غزلمر،کر،پر،رہبر،سفرadmin

باقی صدیقی ۔ غزل نمبر 229

منزل کے رہے نہ رہگزر کے

اﷲ رے حادثے سفر کے

وعدہ نہ دلاؤ یاد ان کا

نادم ہیں ہم اعتبار کر کے

خاموش ہیں یوں اسیر جیسے

جھگڑے تھے تمام بال و پر کے

کیا کم ہے یہ سادگی ہماری

ہم آ گئے کام رہبر کے

یوں موت کے منتظر ہیں باقیؔ

مل جائے گا چین جیسے مر کے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم بہت خوش ہیں آپ سے مل کے

جنوری 8, 1972باقی صدیقی،شعراء،غزلمل،منزل،محفل،کھل،ساحلadmin

باقی صدیقی ۔ غزل نمبر 228

تھے ہی کیا اور مرحلے دل کے

ہم بہت خوش ہیں آپ سے مل کے

اور اک دل نواز انگڑائی

راز کھلنے لگے ہیں محفل کے

لاؤ طوفاں میں ڈال دیں کشتی

کون کھائے فریب ساحل کے

رنگ و بو کے مظاہرے کب تک

پھول تنگ آ گئے ہیں کھل کھل کے

اڑ رہا ہے غبار سا باقیؔ

چھپ نہ جائیں چراغ منزل کے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دیکھو ہمیں بام سے اتر کے

جنوری 8, 1972باقی صدیقی،شعراء،غزلنظر،گر،پر،اتر،بکھر،بھرadmin

باقی صدیقی ۔ غزل نمبر 227

ہم ذرے ہیں خاک رہگزر کے

دیکھو ہمیں بام سے اتر کے

چپ ہو گئے یوں اسیر جیسے

جھگڑے تھے تمام بال و پر کے

اے باد سحر نہ چھیڑ ہم کو

ہم جاگے ہوئے ہیں رات بھر کے

شبنم کی طرح حیات کے خواب

کچھ اور نکھر گئے بکھر کے

جب ان کو خیال وضع آیا

انداز بدل گئے نظر کے

طوفاں کو بھی ہے ملال ان کا

ڈوبی ہیں جو کشتیاں اُبھر کے

حالات بتا رہے ہیں باقیؔ

ممنون نہ ہوں گے چارہ گر کے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کچھ نہ کچھ نذر جہاں کرنا پڑے

جنوری 8, 1972باقی صدیقی،شعراء،غزلکہاں،گلستاں،آسماں،بیاں،بدگماں،جہاں،داستاںadmin

باقی صدیقی ۔ غزل نمبر 226

دل کا یا جی کا زیاں کرنا پڑے

کچھ نہ کچھ نذر جہاں کرنا پڑے

دل کو ہے پھر چند کانٹوں کی تلاش

پھر نہ سیر گلستاں کرنا پڑے

حال دل ان کو بتانے کے لئے

ایک عالم سے بیاں کرنا پڑے

پاس دنیا میں ہے اپنی بھی شکست

اور تجھے بھی بدگماں کرنا پڑے

ہوشیار اے جذب دل اب کیا خبر

تذکرہ کس کا کہاں کرنا پڑے

اب تو ہر اک مہرباں کی بات پر

ذکر دور آسماں کرنا پڑے

زیست کی مجبوریاں باقیؔ نہ پوچھ

ہر نفس کو داستاں کرنا پڑے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تصویر کا رُخ ایک ہی رہتا ہے سامنے

جنوری 8, 1972باقی صدیقی،شعراء،غزلکیا،تمنا،رہتا،سایہadmin

باقی صدیقی ۔ غزل نمبر 225

اپنی نظر کے دام سے نکلے نہ ہم کہیں

تصویر کا رُخ ایک ہی رہتا ہے سامنے

سر پھوڑتا کہ دل کا سکوں دیکھتا کوئی

دیوار سامنے کبھی سایہ ہے سامنے

ہے موت کا خیال بھی کس درجہ دلخراش

اور صورت حیات بھی کیا کیا ہے سامنے

یہ خار ہے کہ تیرِ غم زندگی کوئی

یہ پھول ہے کہ اپنی تمنا ہے سامنے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دنیا بقدر خون تمنا ہے سامنے

جنوری 8, 1972باقی صدیقی،شعراء،غزلنقشہ،آتا،بیٹھا،تمنا،تماشا،صحراadmin

باقی صدیقی ۔ غزل نمبر 224

قطرہ ہے سامنے کہیں دریا ہے سامنے

دنیا بقدر خون تمنا ہے سامنے

اک آن میں حیات بدلتی ہے اپنا رنگ

اک دور کی طرح کوئی آتا ہے سامنے

آنکھوں میں ہے کھچی ہوئی تصویر خون دل

ہم دیکھتے نہیں وہ تماشا ہے سامنے

ہم ڈھونڈنے لگے کوئی دل عافیت مقام

ہر چند تیرے شہر کا نقشہ ہے سامنے

اٹھیں تو راستہ نہ دے بیٹھیں تو بار ہو

کچھ اس طرح اک آدمی بیٹھا ہے سامنے

جوش جنوں سے ربط وہ باقیؔ نہیں مگر

کیا دل کا اعتبار کہ صحرا ہے سامنے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کارواں اک آ کے ٹھہرا سامنے

جنوری 8, 1972باقی صدیقی،شعراء،غزلکا،ٹھہرا،تماشا،دنیا،دریا،سا،سایہadmin

باقی صدیقی ۔ غزل نمبر 223

آ گیا ہر رنگ اپنا سامنے

کارواں اک آ کے ٹھہرا سامنے

کہہ نہیں سکتے محبت میں سراب

دیر سے ہے ایک دریا سامنے

کٹ رہا ہے رشتہ قلب و نظر

ہو رہا ہے اک تماشا سامنے

دل ہے کچھ نا آشنا، کچھ آشنا

تو ہے یا اک شخص تجھ سا سامنے

فاصلہ در فاصلہ ہے زندگی

سامنے ہم ہیں نہ دنیا سامنے

کس نے دیکھا ہے لہو کا آئنہ

آدمی پردے میں سایہ سامنے

اپنے غم کے ساتھ باقیؔ چل دئیے

ہے سفر شام و سحر کا سامنے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دیکھتے دیکھتے ٹوٹے ہیں ستارے کتنے

جنوری 8, 1972باقی صدیقی،شعراء،غزلہارے،کنارے،سہارے،سنوارے،ستارےadmin

باقی صدیقی ۔ غزل نمبر 222

نذر دنیا ہوئے ارمان ہمارے کتنے

دیکھتے دیکھتے ٹوٹے ہیں ستارے کتنے

چل دئیے چھوڑ کے احباب ہمارے کتنے

وقت نے چھین لئے دل کے سہارے کتنے

موج وحشت نے سفینے کو ٹھہرنے نہ دیا

راہ آئے ہیں مری رہ میں کنارے کتنے

رکھ لیا ہم نے تری مست نگاہی کا بھرم

بے خودی میں بھی ترے کام سنوارے کتنے

جیتنے والے محبت میں بہت ہیں باقیؔ

دیکھنا یہ ہے کہ اس کھیل میں ہارے کتنے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آئنہ ساتھ دے تو نظر آئنہ بنے

جنوری 8, 1972باقی صدیقی،شعراء،غزلمگر،نظر،اگر،ادھر،سفر،سحر،شجرadmin

باقی صدیقی ۔ غزل نمبر 221

قطرے کی آرزو سے گہرا آئنہ بنے

آئنہ ساتھ دے تو نظر آئنہ بنے

منزل کے اعتبار سے اٹھتا ہے ہر قدم

رہرو بقدر ذوق سفر آئنہ بنے

ہم بھی مثال گردش دوراں ہیں بے مقام

پتھر ادھر بنے تو ادھر آئنہ بنے

ہر زخم دل میں زیست نے دیکھا ہے اپنا عکس

ہم آئنہ نہیں تھے مگر آئنہ بنے

ملتی ہے دل کو محفل انجم سے روشنی

آنکھوں میں شب کٹے تو سحر آئنہ بنے

ساحل کی خامشی کا فسوں ٹوٹنے لگے

دریا کا اضطراب اگر آئنہ بنے

باقیؔ کسی پہ راز چمن کس طرح کھلے

جب ٹوٹ کر نہ شاخ شجر آئنہ بنے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کون کرتا ہے کرم دیوانے

جنوری 8, 1972باقی صدیقی،شعراء،غزلہم،قلم،کرم،بہم،بھرم،رقم،ستمadmin

باقی صدیقی ۔ غزل نمبر 220

کس توقع جئیں ہم دیوانے

کون کرتا ہے کرم دیوانے

پاسِ حالات بجا ہے لیکن

ہو نہ جائیں کہیں ہم دیوانے

اس زمانے میں وفا کا دعویٰ

خود پہ کرتے ہیں ستم دیوانے

زندگی تلخ ہوئی جاتی ہے

کھو نہ دیں اپنا بھرم دیوانے

چونک چونک اٹھے خرد کے بندے

جب بھی مل بیٹھے بہم دیوانے

ڈھونڈتے پھرتے ہیں عنواں کوئی

کر کے افسانہ رقم دیوانے

کھا گئے قحط جنوں میں باقیؔ

بیچ کر لوح و قلم دیوانے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

عظمت عشق بڑھا دی ہم نے

جنوری 8, 1972باقی صدیقی،شعراء،غزلہوا،لگا،منا،بڑھا،بھلا،سنا،صداadmin

باقی صدیقی ۔ غزل نمبر 219

رسم سجدہ بھی اٹھا دی ہم نے

عظمت عشق بڑھا دی ہم نے

جب کوئی تازہ شگوفہ پھوٹا

کی گلستاں میں منادی ہم نے

آنچ صیاد کے گھر تک پہنچی

اتنی شعلوں کو ہوا دی ہم نے

جب چمن میں نہ کہیں چین ملا

در زنداں پہ صدا دی ہم نے

دل کو آنے لگا بسنے کا خیال

آگ جب گھر کو لگا دی ہم نے

اس قدر تلخ تھی روداد حیات

یاد آتے ہی بھلا دی ہم نے

حال جب پوچھا کسی نے باقیؔ

اک غزل اپنی سنا دی ہم نے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

صبر کا جام پی لیا ہم نے

جنوری 8, 1972باقی صدیقی،شعراء،غزلہی،پی،بھی،سیadmin

باقی صدیقی ۔ غزل نمبر 218

دل کا ہر زخم سی لیا ہم نے

صبر کا جام پی لیا ہم نے

کیسے انسان، کیسی آزادی

سر پہ الزام ہی لیا ہم نے

لو بدل دو حیات کا نقشہ

اپنی آنکھوں کو سی لیا ہم نے

حادثات جہاں نے راہ نہ دی

آپ کا نام بھی لیا ہم نے

اور کیا چاہتے ہیں وہ باقیؔ

خون دل تک تو پی لیا ہم نے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہی رستہ تھا صبا کا پہلے

جنوری 8, 1972باقی صدیقی،شعراء،غزلنقشہ،چسکا،کا،پیالہ،پردا،اپنا،تمنا،تنہا،تیشہ،تھا،دھندلا،دریا،رستہ،سایہadmin

باقی صدیقی ۔ غزل نمبر 217

سفر گل کا پتا تھا پہلے

یہی رستہ تھا صبا کا پہلے

کبھی گل سے،کبھی بوئے گل سے

کچھ پتا ملتا تھا اپنا پہلے

زندگی آپ نشاں تھی اپنا

تھا نہ رنگین یہ پردا پہلے

اس طرح روح کے سناٹے سے

کبھی گزرے تھے نہ تنہا پہلے

اب تو ہر موڑ پہ کھو جاتے ہیں

یاد تھا شہر کا نقشہ پہلے

لوگ آباد تو ہوتے تھے مگر

اس قدر شور کہاں تھا پہلے

دور سے ہم کو صدا دیتا تھا

تیری دیوار کا سایہ پہلے

اب کناروں سے لگے رہتے ہیں

رُخ بدلتے تھے یہ دریا پہلے

ہر نظر دل کا پتا دیتی تھی

کوئی چہرہ تھا نہ دھندلا پہلے

دیکھتے رہتے ہیں اب منہ سب کا

بات کرنے کا تھا چسکا پہلے

ہر بگولے سے الجھ جاتی تھی

رہ نوردی کی تمنا پہلے

یوں کبھی تھک کے نہ ہم بیٹھے تھے

گرچہ دشوار تھا رستہ پہلے

اب تو سینے کا ہے چھالا دنیا

دور سے شور سنا تھا پہلے

جوئے شیر آتی ہے دل سے باقیؔ

خود پہ ہی پڑتا ہے تیشہ پہلے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

فریب خوردہ تھے ہر مہرباں کے ساتھ چلے

جنوری 8, 1972باقی صدیقی،شعراء،غزلمہرباں،نشاں،ارغواں،جہاں،خزاں،داستاں،زیاںadmin

باقی صدیقی ۔ غزل نمبر 216

نہ اپنے دل کے نہ اپنی زباں کے ساتھ چلے

فریب خوردہ تھے ہر مہرباں کے ساتھ چلے

کتاب دور جہاں کے وہ لفظ ہیں ہم لوگ

ہر اک فسانے ہر اک داستاں کے ساتھ چلے

وہ پی کے ہوش میں آئے کہ ہوش کھو بیٹھے

کھچ ایسے قصّے مئے ارغواں کے ساتھ چلے

کہاں کا سود کہ اپنا خیال بھی نہ رہا

زیاں کی فکر میں ہم ہر زیاں کے ساتھ چلے

یہ رُخ بھی کش مکش زندگی کا دیکھا ہے

جہاں کی بات نہ کی اور جہاں کے ساتھ چلے

ہمارے خون سے ابھریں چمن کی دیواریں

ہمارے قصّے بہار و خزاں کے ساتھ چلے

کچھ اس طرح بھی کیا ہم نے طے سفر باقیؔ

نشان بن کے ہر اک بے نشاں کے ساتھ چلے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ساقی کا خون پی لیں جورندوں کا بس چلے

جنوری 8, 1972باقی صدیقی،شعراء،غزلقفس،نفس،برس،بس،ترس،جرسadmin

باقی صدیقی ۔ غزل نمبر 215

الٹی بساط میکدہ، جام ہوس چلے

ساقی کا خون پی لیں جورندوں کا بس چلے

ممکن ہے آ ملے کوئی گم گشتہ راہرو

تھوڑی سی دور اور صدائے جرس چلے

کیوں چھا رہی ہے بزم جہاں پر فسردگی

دو دن تو اور ساغر سوز نفس چلے

اے خالق بہار یہ کیسی بہار ہے

ہم اک تبسم گل تر کو ترس چلے

ہر سمت ہیں بہار پہ پہرے لگے ہوئے

باد صبا چلے تو قفس تا قفس چلے

یا اس طرح کسی کو پیام سفر نہ دے

یا ہم کو ساتھ لے کے صدائے جرس چلے

باقیؔ یہ اختلاف یہ نفرت یہ حادثے

ہم تو نہ ہوں جہاں میں جو دنیا کا بس چلے

باقیؔ وہی تپش ہے وہی رنگ و بو کی پیاس

کہنے کو جھوم جھوم کے بادل برس چلے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کچھ مہرباں جدا ہوئے کچھ مہرباں ملے

جنوری 8, 1972باقی صدیقی،شعراء،غزلمہرباں،کہاں،کارواں،گلستاں،جہاں،زباں،سرگراںadmin

باقی صدیقی ۔ غزل نمبر 214

غم اور خوشی کے راستے آ کر جہاں ملے

کچھ مہرباں جدا ہوئے کچھ مہرباں ملے

جن کے طفیل بزم تمنا میں رنگ تھا

وہ لوگ تجھ کو گردش دوراں کہاں ملے

راہوں پہ آج ان کا تصور بھی ہے گراں

منزل کے پاس کل جو ہمیں کارواں ملے

اہل نظر سے دل کی مہم سر نہ ہو سکی

کچھ سرنگوں ملے ہیں تو کچھ سرگراں ملے

روداد شوق تشنۂ اظہار ہی رہی

ملنے کو ہم خیال ملے، ہم زباں ملے

خوں رو رہے تھے کل جو بہاروں کی یاد میں

وہ آج بے نیاز غم گلستاں ملے

باقیؔ نہ تھی اگرچہ فریب وفاکی تاب

پھر بھی رُکے نقوش محبت جہاں ملے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جہاں نے میکدوں کے نام بدلے

جنوری 8, 1972باقی صدیقی،شعراء،غزلنام،کام،جام،دام،شامadmin

باقی صدیقی ۔ غزل نمبر 213

نہ مے بدلی نہ مے کے جام بدلے

جہاں نے میکدوں کے نام بدلے

وہی گلشن، وہی گلشن کے انداز

فقط صیاد بدلے، دام بدلے

جو ہم بدلے تو کوئی بھی نہ بدلا

جو تم بدلے تو صبح و شام بدلے

بدلنے کو ہیں میخواروں کی نظریں

بلا سے رُخ نہ دور جام بدلے

فضائے زیست باقیؔ خاک بدلی

نہ دل بدلا نہ دل کے کام بدلے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

منزل جلی، مقام جلے، کارواں جلے

جنوری 8, 1972باقی صدیقی،شعراء،غزلکارواں،آستاں،آشیاں،باغباں،جہاںadmin

باقی صدیقی ۔ غزل نمبر 212

جوش جنوں میں زیست کے سارے نشاں جلے

منزل جلی، مقام جلے، کارواں جلے

اہل ستم پہ اہل ستم کا ستم نہ پوچھ

اک آستاں کے بدلے کئی آستاں جلے

فصل بہار میں جو نکالے گئے ندیم

ان کی بلا سے باغ جلے، باغباں جلے

مجبوریوں کا نام ہی شاید ہے بےکسی

نظروں کے سامنے بھی کئی آشیاں جلے

باقیؔ ستمگروں کی ادائے ستم نہ پوچھ

زنداں وہیں بنائے نشیمن جہاں جلے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کہاں ہیں زمانے کا غم کھانے والے

جنوری 8, 1972باقی صدیقی،شعراء،غزلفرمانے،میخانے،کھانے،جانےadmin

باقی صدیقی ۔ غزل نمبر 211

تباہی کے بادل ہیں لہرانے والے

کہاں ہیں زمانے کا غم کھانے والے

غم زندگی سے نظر تو ملائیں

غم عشق پر ناز فرمانے والے

زمانہ کسی کا ہوا ہے نہ ہو گا

ارے او فریب وفا کھانے والے

نظر اے فقیر سر راہ پر بھی

طواف حرم کے لئے جانے والے

چلو جام اک اور پی آئیں باقیؔ

ابھی جاگتے ہوں گے میخانے والے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم ترے واسطے مقتل میں تھے جانے والے

جنوری 8, 1972باقی صدیقی،شعراء،غزلمنانے،آنے،ارانے،جانے،دکھانے،زمانےadmin

باقی صدیقی ۔ غزل نمبر 210

ڈر کے حالات سے دامن کو بچانے والے

ہم ترے واسطے مقتل میں تھے جانے والے

خندہ گل کی حقیقت یہ کبھی ایک نظر

اے بہاروں کی طرح راہ میں آنے والے

وقت کے سامنے تصویر بنے بیٹھے ہیں

آئنہ گردش دوراں کو دکھانے والے

ختم ہنگامہ ہوا جب تو کھڑا سوچتا ہوں

آپ ہی چور نہ ہوں شور مچانے والے

غیر کے وصف کو بھی عیب کریں گے ثابت

تنگ دل اتنے کبھی تھے نہ زمانے والے

کوئی بات آ گئی کیا ان کی سمجھ میں باقیؔ

کس لئے چپ ہیں ہنسی میری ارانے والے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

قدم قدم پہ ملیں گے سنبھالنے والے

جنوری 8, 1972باقی صدیقی،شعراء،غزلنکالنے،ٹالنے،سنبھالنےadmin

باقی صدیقی ۔ غزل نمبر 209

بھٹک نہ جائیں رہ نو نکالنے والے

قدم قدم پہ ملیں گے سنبھالنے والے

شب فراق کا احساس ہی نہ مٹ جائے

شب فراق کو ہنس ہنس کے ٹالنے والے

بہار بزم میں تحلیل ہو گیا ہوں میں

کہاں ہیں بزم سے مجھ کو نکالنے والے

غم حیات کی منزل ارے معاذ اﷲ

سنبھل سکے نہ جہاں کو سنبھالنے والے

نہ بھول جائیں کہیں اپنے آپ کو باقیؔ

خوشی کو ٹالیں مصیبت کو ٹالنے والے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم ہوا میں بسر کریں کیسے

جنوری 8, 1972باقی صدیقی،شعراء،غزلمختصر،بسر،خبر،سفر،سرadmin

باقی صدیقی ۔ غزل نمبر 208

اعتبار نظر کریں کیسے

ہم ہوا میں بسر کریں کیسے

تیرے غم کے ہزار پہلو ہیں

بات ہم مختصر کریں کیسے

رُخ ہوا کا بدلتا رہتا ہے

گرد بن کر سفر کریں کیسے

خود سے آگے قدم نہیں جاتا

مرحلہ دل کا سر کریں کیسے

ساری دنیا کو ہے خبر باقیؔ

خود کو اپنی خبر کریں کیسے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

روئی صبا لپٹ کے ہر اک شاخسار سے

جنوری 8, 1972باقی صدیقی،شعراء،غزلمزار،بہار،شاخسار،شرارadmin

باقی صدیقی ۔ غزل نمبر 207

اٹھا نقاب جب رُخ صبح بہار سے

روئی صبا لپٹ کے ہر اک شاخسار سے

شاخوں میں تھی دبی ہوئی شاید خزاں کی آگ

گلشن بھڑک اٹھا ہے نسیم بہار سے

گزرے ہوئے دنوں کے تصور سے فائدہ

کیا روشنی ملے گی چراغ مزار سے

روداد گلستاں کو نیا رنگ دے گیا

رستا رہا ہے خون جو زخم بہار سے

باقیؔ کبھی جلی تھیں محبت کی بستیاں

راہوں میں اڑ رہے ہیں ابھی تک شرار سے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آپ گئے ہیں جب سے

جنوری 8, 1972باقی صدیقی،شعراء،غزلڈھب،کب،جب،سب،شبadmin

باقی صدیقی ۔ غزل نمبر 206

روٹھ گیا دل سب سے

آپ گئے ہیں جب سے

پہروں سونے والے

جاگ رہے ہیں کب سے

تاریکی، سناٹا

توبہ ایسی شب سے

کون وفا کا پیکر!

ہم واقف ہیں سب سے

غم ہی غم دیکھا ہے

آنکھ کھلی ہے جب سے

ہم مجرم ہیں لیکن

بات تو کیجے ڈھب سے

کیا لینا، کیا دینا

ہنس کر ملئے سب سے

بات کرو کچھ باقیؔ

چپ بیٹھے ہو کب سے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم کچھ بھی نہ کہہ سکے یقیں سے

جنوری 8, 1972باقی صدیقی،شعراء،غزلیہیں،یقیں،کہیں،حزیںadmin

باقی صدیقی ۔ غزل نمبر 205

ظاہر تھا وہ غم تری ’’نہیں‘‘ سے

ہم کچھ بھی نہ کہہ سکے یقیں سے

روداد حیات کیا سنائیں

ہے یاد مگر کہیں کہیں سے

جیسے یہ تیری ہی رہگزر ہے

ہم بیٹھ گئے ہیں کس یقیں سے

رستے سے ہے گر پلٹ کےآنا

بہتر ہے پلٹ چلو یہیں سے

جذبات میں بہہ گئے ہیں باقیؔ

واقف تھے نہ ہم دل حزیں سے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم ہیں واقف قلب دشت انداز سے

جنوری 8, 1972باقی صدیقی،شعراء،غزلپرواز،آواز،انداز،دمساز،سازadmin

باقی صدیقی ۔ غزل نمبر 204

خار چن لے گا بہار ناز سے

ہم ہیں واقف قلب دشت انداز سے

تیرے قصّوں نے پریشاں کر دیا

ہم نہ تھے مانوس ہر آواز سے

یہ ابھرتے ڈوبتے چہرے تو دیکھ

آشنا سے، غیر سے، دمساز سے

دام گلشن تک تو باقیؔ آ گئی

بات چل کر حسرت پرواز سے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

رند گھبرا کے نکل آئے ہیں میخانے سے

جنوری 8, 1972باقی صدیقی،شعراء،غزلمیخانے،ویرانے،آنے،دیوانے،سلجھانےadmin

باقی صدیقی ۔ غزل نمبر 203

خون اخلاص کی بو آتی ہے پیمانے سے

رند گھبرا کے نکل آئے ہیں میخانے سے

تیز ہوتا ہے جنوں اور بھی سمجھانے سے

کیا توقع کرے دنیا ترے دیوانے سے

اے ابھرتی ہوئی موجوں سے الجھنے والو

ڈوب مرنا کہیں بہتر ہے پلٹ آنے سے

کیا تری انجمن آرائیاں یاد آئی ہیں

کیوں پلٹ آئے ہیں وحشی ترے ویرانے سے

آرزوؤں کے معمے نہ ہوئے حل باقیؔ

زندگی اور الجھتی گئی سلجھانے سے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

رند اٹھ جائیں نہ میخانے سے

جنوری 8, 1972باقی صدیقی،شعراء،غزلمیخانے،پیمانے،دیوانے،سلجھانےadmin

باقی صدیقی ۔ غزل نمبر 202

بوئے خوں آتی ہے پیمانے سے

رند اٹھ جائیں نہ میخانے سے

کوئی دنیا سے شکایت تو نہیں

کون پوچھے ترے دیوانے سے

کس کے ہنسنے کی صدا آئی ہے

دل میں چلنے لگے پیمانے سے

زندگی کا یہ معمہ باقیؔ

اور الجھا مرے سلجھانے سے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آگے دل کی خوشی جہاں ٹھہرے

جنوری 8, 1972باقی صدیقی،شعراء،غزلنشاں،کہاں،کارواں،گلستاں،جہاں،خواں،زباںadmin

باقی صدیقی ۔ غزل نمبر 201

ہم تو دنیا سے بدگماں ٹھہرے

آگے دل کی خوشی جہاں ٹھہرے

ہائے وہ قافلے جو لٹ کر بھی

زیر دیوار گلستاں ٹھہرے

آپ کو کارواں سے کیا مطلب

آپ تو میر کارواں ٹھہرے

زندگی چاہتی ہے ہنگامہ

اور ہم لوگ بے زباں ٹھہرے

کبھی تیری تلاش میں نکلے

کبھی بن کر ترا نشاں ٹھہرے

گردش دہر ساتھ ساتھ رہی

ہم جدھر بھی گئے، جہاں ٹھہرے

ہر قدم پر تھا اک صنم خانہ

کیا بتائیں کہاں کہاں ٹھہرے

ہر نظر سنگ راہ تھی باقیؔ

کیا بتائیں کہاں کہاں ٹھہرے

کچھ تو کج رو جہاں بھی ہے باقیؔ

اور کچھ ہم بھی قصّہ خواں ٹھہرے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بغض دوستاں چہرے لطف دشمناں چہرے

جنوری 8, 1972باقی صدیقی،شعراء،غزلمہرباں،ناں،کہاں،گماں،بیاں،دھواں،دشمناں،زباں،عیاںadmin

باقی صدیقی ۔ غزل نمبر 200

اردوگرد دیواریں اور درمیاں چہرے

بغض دوستاں چہرے لطف دشمناں چہرے

گردش زمانہ کا اک طویل افسانہ

یہ جلی جلی نظریں، یہ دھواں دھواں چہرے

نقش نقش پر برہم، داغ داغ پر خنداں

زندگی کی راہوں میں رہ گئے کہاں چہرے

قہقہوں کے ساغر میں ڈھل سکیں نہ وہ باتیں

موج لب سے پہلے ہی کر گئے بیاں چہرے

موسموں کی تلخی کا کچھ سراغ دیتے ہیں

شاخ جسم نازک پر برگ بے زباں چہرے

اک خیال دنیا کاکر گیا سکوں برہم

اک ہوا کے جھونکے سے ہو گئے عیاں چہرے

رنگ و بو کی تصویریں آئنے بدلتی ہیں

خار کی خلش چہرے، پھول کا گماں چہرے

رک گئے وہاں ہم بھی ایک دو گھڑی باقیؔ

جس جگہ نظر آئے چند مہرباں چہرے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہے بات یہی دل میں تو اچھا کہہ دے

جنوری 8, 1972باقی صدیقی،شعراء،غزلاچھا،اپنا،تمنا،تماشا،دنیا،صحراadmin

باقی صدیقی ۔ غزل نمبر 199

تو عرض تمنا کو بھی جھگڑا کہہ دے

ہے بات یہی دل میں تو اچھا کہہ دے

انصاف کتابوں میں بھلا لگتا ہے

مجرم ہے وہ مجرم جسے دنیا کہہ دے

گلشن میں بہاروں کی نہیں کوئی کمی

ہاں ہاتھ نہ کچھ آئے تو صحرا کہہ دے

تو دوش ہوا پر ہے تری بات ہے کیا

جو حادثہ ہو اس کو تماشا کہہ دے

دنیا کسی نسبت سے مجھے یاد رکھے

دشمن ہوں تو دشمن مجھے اپنا کہہ دے

یہ سوچ کے ہر بات میں کہہ دیتا ہوں

شاید تو کبھی بھول کے اچھا کہہ دے

اس شخص کی باتوں کا بھروسہ باقیؔ

جو رجم کو بھی دل کی تمنا کہہ دے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تم نہ ہوتے تو ہم کہاں ہوتے

جنوری 8, 1972باقی صدیقی،شعراء،غزلمکاں،کہاں،گلستاں،آسماں،آستاں،بدگماں،جہاں،دھواں،داستاں،رواں،عیاںadmin

باقی صدیقی ۔ غزل نمبر 198

بے نشاں رہتے بے نشاں ہوتے

تم نہ ہوتے تو ہم کہاں ہوتے

مہر و مہ کو نہ یہ ضیا ملتی

آسماں بھی نہ آسماں ہوتے

تم نے تفسیر دو جہاں کی ہے

ورنہ یہ راز کب عیاں ہوتے

تم دکھاتے اگر نہ راہ حیات

جانے کس سمت ہم رواں ہوتے

ہمیں اپنی جبیں نہ مل سکتی

اتنے غیروں کے آستاں ہوتے

ایک انسان بھی نہ مل سکتا

گرچہ آباد سب مکاں ہوتے

کھل نہ سکتی کلی مسرت کی

غم ہی غم زیب داستاں ہوتے

مقصد زندگی نہ پا سکتے

اپنی ہستی سے بدگماں ہوتے

ہمیں کوئی نہ آسرا ملتا

بے اماں ہوتے ہم جہاں ہوتے

تو نے بخشی ہے روشنی ورنہ

دیدہ و دل دھواں دھواں ہوتے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

رات بھر کیا صدائے پا سنتے

جنوری 8, 1972باقی صدیقی،شعراء،غزلنوا،کیا،کا،پا،صبا،صداadmin

باقی صدیقی ۔ غزل نمبر 197

سو گئے دل کا ماجرا سنتے

رات بھر کیا صدائے پا سنتے

گو خموشی نہیں غموں کا علاج

پھر بھی کیا کہتے اور کیا سنتے

کارواں بھی گریز پا نکلا

ورنہ کیا کیا شکستہ پا سنتے

غم ہستی کا روگ کیا معنی

چل کے نغمہ بہار کا سنتے

کسی کنج طرب میں دم لیتے

مرغ آزاد کی نوا سنتے

حسن سرو و سمن کے پردے ہیں

داستان غم صبا سنتے

جرس غنچۂ امید کے ساتھ

طوق و زنجیر کی صدا سنتے

گاؤں جا کر کرو گے کیا باقیؔ

شور کچھ دیر شہر کا سنتے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ایسے بھی ہیں کچھ زخم کہ بھرنے نہیں پاتے

جنوری 8, 1972باقی صدیقی،شعراء،غزلنکھرنے،کرنے،ٹھہرنے،ابھرنے،اترنے،بکھرنے،بھرنےadmin

باقی صدیقی ۔ غزل نمبر 196

ہم تیری محبت سے گزرنے نہیں پاتے

ایسے بھی ہیں کچھ زخم کہ بھرنے نہیں پاتے

ہر موج تمنا ہے سراب یم ہستی

ہم پیاس کے صحرا سے ابھرنے نہیں پاتے

وہ دھوپ کہ دیوار سر راہ کھڑی ہے

سائے بھی درختوں سے اترنے نہیں پاتے

اس طرح جکڑ رکھا ہے احساس وفا نے

ہم ٹوٹ تو جاتے ہیں بکھرنے نہیں پاتے

آ کر بھی صبا باغ میں لہرا نہیں سکتی

کھل کر بھی کئی پھول نکھرنے نہیں پاتے

وہ بھیڑ ہے اک گام بھی ہم چل نہیں سکتے

وہ شور ہے ہم بات بھی کرنے نہیں پاتے

ہر موج قدم دل سے گزر جاتی ہے باقیؔ

وہ تیز ہوا ہے کہ ٹھہرنے نہیں پاتے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم کہاں اور ٹھکانے پاتے

جنوری 8, 1972باقی صدیقی،شعراء،غزلٹھکانے،آنے،بنانے،بسانے،جانے،خانے،زمانےadmin

باقی صدیقی ۔ غزل نمبر 195

تیرے در تک نہیں جانے پاتے

ہم کہاں اور ٹھکانے پاتے

ہر قدم پر ہے نیا ہنگامہ

ہوش میں ہم نہیں آنے پاتے

جلوہ پردہ ہے تو پردہ جلوہ

کیا ترا بھید زمانے پاتے

تم عناں گیر جنوں ہو ورنہ

چور چور آئنہ خانے پاتے

لوگ غربت کا گلہ کرتے ہیں

ہم وطن سے نہیں جانے پاتے

درد ہوتا تو مسلسل ہوتا

دل کو ہم دل تو بنانے پاتے

غم اگر ساتھ نہ دیتا باقیؔ

دشت بھی ہم نہ بسانے پاتے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چپ نہ ہوتے تھے مگر چپ ہو گئے

جنوری 8, 1972باقی صدیقی،شعراء،غزلمگر،کر،پر،اگر،سرadmin

باقی صدیقی ۔ غزل نمبر 194

تار دل کے ٹوٹ کر چپ ہو گئے

چپ نہ ہوتے تھے مگر چپ ہو گئے

سوچ کر آئے تھے ہم کیا کیا مگر

رنگ محفل دیکھ کر چپ ہو گئے

کیا کبھی اس کا بھی آیا ہے خیال

کیوں ترے شوریدہ سر چپ ہو گئے

کہہ رہے تھے جانے کیا لوگوں سے وہ

مجھ کو آتا دیکھ کر چپ ہو گئے

میں نہیں گویا کسی کا ترجمان

ہمنوا یوں وقت پر چپ ہو گئے

اک اداسی بزم پر چھا جائے گی

ہم بھی اے باقیؔ اگر چپ ہو گئے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

لے غم زیست ہار مان گئے

جنوری 8, 1972باقی صدیقی،شعراء،غزلہار،میگسار،اختیار،بیقرارadmin

باقی صدیقی ۔ غزل نمبر 193

بیکلی کو قرار مان گئے

لے غم زیست ہار مان گئے

آپ کے ساتھ ہی بہار گئی

آپ کا اختیار مان گئے

نہ وہ آئے نہ تو نے چین لیا

اے دل بیقرار مان گئے

اس نے جو کچھ کہا مرے حق میں

لوگ بے اختیار مان گئے

بات دشوار تھی مگر باقیؔ

مے ملی میگسار مان گئے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تھامنا اے ضبط الفت ہم گئے

جنوری 8, 1972باقی صدیقی،شعراء،غزلہم،تھم،شبنم،غمadmin

باقی صدیقی ۔ غزل نمبر 192

رک گئی برسات، ساغر تھم گئے

تھامنا اے ضبط الفت ہم گئے

کیا سمجھ سکتے وہ اسرار چمن

جو چمن میں صورت شبنم گئے

ایک عالم سرنگوں پایا گیا

جس طرف ہم لے کے تیرا غم گئے

غم کے ہیں یا ضبط غم کے ترجماں

اشک جو پلکوں پہ آ کر تھم گئے

اس کے آگے کیا ہوا باقیؔ نہ پوچھ

بارگاہ حسن تک تو ہم گئے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دور تک ساتھ لپٹے ہوئے کچھ سائے گئے

جنوری 8, 1972باقی صدیقی،شعراء،غزلچنوائے،ٹھہرائے،پہنائے،پائے،آئے،دہرائے،سائےadmin

باقی صدیقی ۔ غزل نمبر 191

ہم تری بزم سے بازار میں جب لائے گئے

دور تک ساتھ لپٹے ہوئے کچھ سائے گئے

ہائے یہ شوق کہ ہر لب پہ تھا پیغام سفر

وائے یہ وہم کہ ہر گام پہ ٹھہرائے گئے

گرچہ ہر بزم میں اک قصہ ترا چلتا تھا

پھر بھی کچھ قصّے کسی طرح نہ دہرائے گئے

روز ہم اک نئے احساس کی تصویر بنے

روز ہم اک نئی دیوار میں چنوائے گئے

جس جگہ کھوئے ہیں اپنوں کی تمنا میں ہم

وہیں غیروں کی روایات میں ہم پائے گئے

کیا وفا کرکے ہوئے سب کی نظر میں مجرم

ایک عرصہ ترے کوچے میں نہ ہم آئے گئے

ہر قدم حلقۂ صد دام چمن تھا باقیؔ

ہار زنجیر کی صورت کبھی پہنائے گئے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

حادثات جہاں ہی کم نہ ہوئے

جنوری 8, 1972باقی صدیقی،شعراء،غزلہم،کم،رقم،غمadmin

باقی صدیقی ۔ غزل نمبر 190

آپ کب مائلِ کرم نہ ہوئے

حادثات جہاں ہی کم نہ ہوئے

خیر ہو تیری کم نگاہی کی

ہم کبھی بے نیاز غم نہ ہوئے

آج ہی آئے سینکڑوں الزام

آج ہی انجمن میں ہم نہ ہوئے

لوح آزاد ہے قلم آزاد

پھر بھی کچھ حادثے رقم نہ ہوئے

شمع کی طرح ہم جلے باقیؔ

پھر بھی آگاہ راز غم نہ ہوئے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

شہر کچھ اور بھی ویران ہوئے

جنوری 8, 1972باقی صدیقی،شعراء،غزلنادان،ویران،پشیمان،ارمان،حیرانadmin

باقی صدیقی ۔ غزل نمبر 189

مرحلے زیست کے آسان ہوئے

شہر کچھ اور بھی ویران ہوئے

اس لگاؤ پہ ہے اک شخص سے لاگ

تھی نئی بات کہ حیران ہوئے

وہ نظر اٹھنے لگی دل کی طرف

حادثے اب مرے ارمان ہوئے

آپ کو ہم سے شکایت کیسی

ہم تو غافل ہوئے نادان ہوئے

دل وارفتہ کی باتیں باقیؔ

یاد کر کر کے پشیمان ہوئے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بہت روئے مگر رونے نہ پائے

جنوری 8, 1972باقی صدیقی،شعراء،غزلہونے،رونے،سونےadmin

باقی صدیقی ۔ غزل نمبر 188

وفا کے زخم ہم دھونے نہ پائے

بہت روئے مگر رونے نہ پائے

کچھ اتنا شور تھا شہر سبا میں

مسافر رات بھر سونے نہ پائے

جہاں تھی حادثہ ہر بات باقیؔ

وہیں کچھ حادثے ہونے نہ پائے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ایک طوفاں کی ابتدا ہو جائے

جنوری 8, 1972باقی صدیقی،شعراء،غزلکیا،ابتدا،خطا،روا،سواadmin

باقی صدیقی ۔ غزل نمبر 187

موج ساحل سے جب جدا ہو جائے

ایک طوفاں کی ابتدا ہو جائے

لاکھ مجبوریاں سہی لیکن

آپ چاہیں تو کیا سے کیا ہو جائے

ہم کہیں جو روا نہیں لیکن

تم کہو جو وہی روا ہو جائے

تیری رحمت پہ اس قدر ہے یقین

جب خیال آئے اک خطا ہو جائے

دل انوکھا چراغ ہے باقیؔ

جب بجھے روشنی سوا ہو جائے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سامنے ان کے نہ بیٹھا جائے

جنوری 8, 1972باقی صدیقی،شعراء،غزلٹھہرا،آ،بیٹھا،دیکھا،دیتا،سرکتاadmin

باقی صدیقی ۔ غزل نمبر 186

ایسے دل پر بھی کوئی کیا جائے

سامنے ان کے نہ بیٹھا جائے

اب ہے وہ زخم نظر کا عالم

تیری جانب بھی نہ دیکھا جائے

کتنی سنسان ہے راہ ہستی

نہ چلا جائے نہ ٹھہرا جائے

ہمر ہو گوش بر آواز رہو

کیا خبر کوئی خبر آ جائے

زندگی اڑتا ہوا سایہ ہے

آگے آگے ہی سرکتا جائے

آرزو دیر سے چپ ہے باقیؔ

در پہ دستک کوئی دیتا جائے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

حادثے زاد سفر لے آئے

جنوری 8, 1972باقی صدیقی،شعراء،غزلنظر،کدھر،ادھر،تر،دگر،سفر،شررadmin

باقی صدیقی ۔ غزل نمبر 185

سوز دل، زخم جگر لے آئے

حادثے زاد سفر لے آئے

دست گلچیں ہے کہ شاخ گل ہے

جب اٹھے اک گل تر لے آئے

ننگ ہستی ہے سکوت ساحل

کوئی طوفاں کو ادھر لے آئے

اپنی حالت نہیں دیکھی جاتی

ہم کو حالات کدھر لے آئے

تجھ سے مل کر بھی نہ تجھ کو پایا

غم بہ انداز دگر لے آئے

زندگی اس کی ہے جو دنیا کو

زندگی دے کے نظر لے آئے

دامن لالۂ گل سے باقیؔ

مل سکے جتنے شرر لے آئے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

متاع درد تو ہم راہ میں لٹا آئے

جنوری 8, 1972باقی صدیقی،شعراء،غزلہوا،لٹا،پا،صبا،صداadmin

باقی صدیقی ۔ غزل نمبر 184

جنوں کی راکھ سے منزل میں رنگ کیا آئے

متاع درد تو ہم راہ میں لٹا آئے

وہ گرد اڑائی کسی نے کہ سانس گھٹنے لگی

ہٹے یہ راہ سے دیوار تو ہوا آئے

کسی مقام تمنا سے جب بھی پلٹے ہیں

ہمارے سامنے اپنے ہی نقش پا آئے

نمو کے بوجھ سے شاخیں نہ ٹوٹ جائیں کہیں

تم آؤ تو کوئی غنچہ کھلے، صبا آئے

یہ دل کی پیاس یہ دنیا کے فاصلے باقیؔ

بہت قریب سے اب تو کوئی صدا آئے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

لوگ اٹھائے ہوئے پتھر آئے

جنوری 8, 1972باقی صدیقی،شعراء،غزلکر،پتھر،پر،اندر،باہر،باربرadmin

باقی صدیقی ۔ غزل نمبر 183

ہم کہیں آئنہ لے کر آئے

لوگ اٹھائے ہوئے پتھر آئے

دل کے ملبے میں دبا جاتا ہوں

زلزلے کیا مرے اندر آئے

جلوہ، جلوے کے مقابل ہی رہا

تم نہ آئنے سے باہر آئے

دل سلاسل کی طرح بجنے لگا

جب ترے گھر کے برابر آئے

جن کے سائے میں صبا چلتی تھی

پھر نہ وہ لوگ پلٹ کر آئے

شعر کا روپ بدل کر باقیؔ

دل کے کچھ زخم زباں پر آئے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سنبھل سنبھل کے ٹھکانے مرے حواس آئے

جنوری 8, 1972باقی صدیقی،شعراء،غزللباس،پاس،اداس،حواسadmin

باقی صدیقی ۔ غزل نمبر 182

کچھ اس طرح وہ مری زندگی کے پاس آئے

سنبھل سنبھل کے ٹھکانے مرے حواس آئے

تو ہی بتا کہ اسے کس طرح میں سمجھاؤں

تری شکایتیں لے کر جو میرے پاس آئے

حیات راس نہ آئی اگرچہ دل میں مرے

بدل بدل کے امیدوں کا وہ لباس آئے

کل ان کی بزم میں گزری ہے تم پہ کیا باقیؔ

کہ شاد شاد گئے اور اداس اداس آئے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مجھے حیرت ہے تو حیرت ہی سہی

جنوری 8, 1972باقی صدیقی،شعراء،غزلمسافت،نسبت،حیرت،حسرت،رخصت،شربت،ضرورت،عادت،عجلتadmin

باقی صدیقی ۔ غزل نمبر 181

وہ نظر آئنہ فطرت ہی سہی

مجھے حیرت ہے تو حیرت ہی سہی

زندگی داغ محبت ہی سہی

آپ سے دور کی نسبت ہی سہی

تم نہ چاہو تو نہیں کٹ سکتی

ایک لمحے کی مسافت ہی سہی

دل محبت کی ادا چاہتا ہے

ایک آنسو دم رخصت ہی سہی

آب حیواں بھی نہیں مجھ پہ حرام

زہر کی مجھ کو ضرورت ہی سہی

اپنی تقدیر میں سناٹا ہے

ایک ہنگامے کی حسرت ہی سہی

اس قدر شور طرب کیا معنی

جاگنے کی مجھے عادت ہی سہی

بزم رنداں سے تعلق کیسا

آپ کی میز پہ شربت ہی سہی

حد منزل ہے مقرر باقیؔ

رہرو شوق کو عجلت ہی سہی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

رہگزر ہی میں رہے راہگزر کے ساتھی

جنوری 8, 1972باقی صدیقی،شعراء،غزلاتر،بھر،راہگزر،سفر،شجرadmin

باقی صدیقی ۔ غزل نمبر 180

چل سکے دل کے نہ ہمراہ نظر کے ساتھی

رہگزر ہی میں رہے راہگزر کے ساتھی

ہر کنارے کی طرف صورت دریا دیکھو

راستہ روک بھی لیتے ہیں سفر کے ساتھی

قافلے شور مچاتے ہوئے گزرے لیکن

اپنی دیوار سے آئے نہ اتر کے ساتھی

خشک شاخوں پہ سر شام جو آ بیٹھتے ہیں

وہی دو چار پرندے ہیں شجر کے ساتھی

چاک دامن کا گلہ کرتے رہے ہم باقیؔ

اور محفل سے اٹھے جھولیاں بھر کے ساتھی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تو مہرباں تھا تو دنیا بھی مہرباں تھی کبھی

جنوری 8, 1972باقی صدیقی،شعراء،غزلمہرباں،کہکشاں،جہاں،جواں،داستاں،درمیاںadmin

باقی صدیقی ۔ غزل نمبر 179

یہی جہاں تھا، یہی گردش جہاں تھی کبھی

تو مہرباں تھا تو دنیا بھی مہرباں تھی کبھی

ترے شگفتہ شگفتہ نقوش پا کے طفیل

مری نگاہ میں ہر راہ کہکشاں تھی کبھی

مرے خیال سے تیرا غرور روشن تھا

تری نگاہ سے دنیا میری جواں تھی کبھی

ترے تبسم رنگیں سے پھول کھلتے تھے

مری حیات بہاروں کی داستاں تھی کبھی

وہ بے خودی مری، وہ تیرے قرب کا احساس

نہ آس پاس تھی دنیا نہ درمیاں تھی کبھی

کبھی کبھی مجھے باقیؔ خیال آتا ہے

وہاں کھڑی ہے مری زندگی جہاں تھی کبھی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہ مہرباں تھے تو ہر چیز مہرباں تھی کبھی

جنوری 8, 1972باقی صدیقی،شعراء،غزلمہرباں،کہکشاں،جہاں،جواں،درمیاںadmin

باقی صدیقی ۔ غزل نمبر 178

یہی جہاں تھا، یہی گردش جہاں تھی کبھی

وہ مہرباں تھے تو ہر چیز مہرباں تھی کبھی

ترے شگفتہ شگفتہ نقوش پا کے طفیل

مری نظر میں ہر اک راہ کہکشاں تھی کبھی

مری نگاہ سے تیرا غرور روشن تھا

تری نگاہ سے دنیا مری جواں تھی کبھی

براہ راست نظر تجھ سے بات کرتی تھی

نہ آس پاس تھی دنیا نہ درمیاں تھی کبھی

کبھی کبھی مجھے باقیؔ خیال آتا ہے

وہاں نہیں ہے مری زندگی جہاں تھی کبھی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

فیصلہ اک نگاہ پر ہے ابھی

جنوری 8, 1972باقی صدیقی،شعراء،غزلپر،خبر،در،سفر،سحر،شجر،شررadmin

باقی صدیقی ۔ غزل نمبر 177

فاصلہ دل کا مختصر ہے ابھی

فیصلہ اک نگاہ پر ہے ابھی

چاند شب کے گلے میں اٹکا ہے

دور ہنگامہ سحر ہے ابھی

سائے قدموں کو روک لیتے ہیں

اک دیوار ہر شجر ہے ابھی

گھر کے اندر نظر نہیں جاتی

راہ میں حسن بام و در ہے ابھی

راستے گونجتے ہیں دل کی طرح

ایک آواز ہم سفر ہے ابھی

راہ بھی گرد، منزلیں بھی گرد

ہر قدم اک نئی خبر ہے ابھی

کچھ تعلق صبا سے ہے باقیؔ

دل کے دامن میں اک شرر ہے ابھی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سامنے ہے بھرا بازار ابھی

جنوری 8, 1972باقی صدیقی،شعراء،غزلپراسرار،بار،بازار،دیوار،رفتارadmin

باقی صدیقی ۔ غزل نمبر 176

دل سے باہر ہیں خریدار ابھی

سامنے ہے بھرا بازار ابھی

آدمی ساتھ نہیں دے سکتا

تیز ہے سائے کی رفتار ابھی

یہ کڑی دھوپ یہ رنگوں کی پھوار

ہے ترا شہر پُراسرار ابھی

دل کو یوں تھام رکھا ہے جیسے

بیٹھ جائے گی یہ دیوار ابھی

آنچ آتی ہے صبا سے باقیؔ

کیا کوئی گل ہے شرر بار ابھی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کوئی ہم سے خفا تھا پہلے بھی

جنوری 8, 1972باقی صدیقی،شعراء،غزلچلا،کہا،گرا،بسا،خفا،رواadmin

باقی صدیقی ۔ غزل نمبر 175

دل قتیل ادا تھا پہلے بھی

کوئی ہم سے خفا تھا پہلے بھی

ہم تو ہر دور کے مسافر ہیں

ظلم ہم پر روا تھا پہلے بھی

دل کے صحراؤں کو بسائے کوئی

شہر تو اک بسا تھا پہلے بھی

وقت کا کوئی اعتبار نہیں

ہم نے تم سے کہا تھا پہلے بھی

ہر سہارا پہاڑ کی صورت

اپنے سر پر گرا تھا پہلے بھی

دل کو باتوں سے ناپتے ہیں لوگ

ذکر اپنا چلا تھا پہلے بھی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ایک پردہ اٹھا تھا پہلے بھی

جنوری 8, 1972باقی صدیقی،شعراء،غزلہوا،قافلہ،اٹھا،بنا،جدا،سنا،صباadmin

باقی صدیقی ۔ غزل نمبر 174

آپ ہی آپ سامنے تھے ہم

ایک پردہ اٹھا تھا پہلے بھی

منزل دل کی جستجو معلوم

دور اک قافلہ تھا پہلے بھی

کس نے دیکھا ہے غم کا آئنہ

دل تماشا بنا تھا پہلے بھی

یہی رنگ چمن کی باتیں تھیں

یہی شور صبا تھا پہلے بھی

پھول مہکے تھے رند بہکے تھے

جشن برپا ہوا تھا پہلے بھی

زیست کے ان فسانہ خوانوں سے

اک فسانہ سنا تھا پہلے بھی

کسی در پر جھکے نہ ہم باقیؔ

اپنا رستہ جدا تھا پہلے بھی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مرے لبوں پہ زمانے کی بات ہے پھر بھی

جنوری 8, 1972باقی صدیقی،شعراء،غزلکائنات،بات،راتadmin

باقی صدیقی ۔ غزل نمبر 173

ترے حضور ہوں، فکر حیات ہے پھر بھی

مرے لبوں پہ زمانے کی بات ہے پھر بھی

اگرچہ اس میں تری کوششیں بھی شامل ہیں

یہ کائنات مری کائنات ہے پھر بھی

کہاں حقیقت جلوہ، کہاں فریب شرار

ہزار شمعیں جلیں رات رات ہے پھر بھی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مگر یوں زندگی ہو گی بسر بھی

جنوری 8, 1972باقی صدیقی،شعراء،غزلٹھہر،پر،بھنور،بسر،خبر،در،سرadmin

باقی صدیقی ۔ غزل نمبر 172

کرم ہے ہم پہ تیری اک نظر بھی

مگر یوں زندگی ہو گی بسر بھی

جو لے جاتی ہیں ہاتھوں پر سفینہ

انہی موجوں سے بنتے ہیں بھنور بھی

عنایت ایک تہمت بن نہ جائے

نظر کے ساتھ جھک جائے نہ سر بھی

ترے نغموں میں بھی کھویا ہوا ہوں

لگے ہیں کان دل کے شور پر بھی

چلا ہاتھوں سے دامان تمنا

ذرا اے سیل رنگ و بو ٹھہر بھی

لہو میں تر ہیں کا نٹوں کی زبانیں

کسی کو ہے گلستاں کی خبر بھی

لو اب تو دل کے سناٹے میں باقیؔ

ہوا شامل سکوت بام و در بھی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کسی کے خون کی بو راستوں سے آنے لگی

جنوری 8, 1972باقی صدیقی،شعراء،غزللڑکھڑانے،مسکرانے،آنے،بجھانے،جانےadmin

باقی صدیقی ۔ غزل نمبر 171

شفق کی آگ کہانی کوئی سنانے لگی

کسی کے خون کی بو راستوں سے آنے لگی

ملی ہے ایک زمانے کو روشنی جن سے

ہوائے دہر وہی مشعلیں بجھانے لگی

تھا جس خیال پہ قائم حیات کا ایواں

اسی خیال سے تلخی دلوں میں آنے لگی

سحر کے آئنے کا کوئی اعتبار نہیں

کلی تو دیکھ کے عکس اپنا مسکرانے لگی

میں اپنے دل کے بھنور سے نکل نہیں سکتا

تمہاری بات تو کچھ کچھ سمجھ میں آنے لگی

گلوں کے منہ میں زمانے نے آگ رکھ دی ہے

بہار اپنا ہی خوں پی کے لڑکھڑانے لگی

نسیم گزری ہے زنداں سے اس طرح باقیؔ

شکست دل کی صدا دور دور جانے لگی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

امید اپنے سہاروں کو ساتھ لائے گی

جنوری 8, 1972باقی صدیقی،شعراء،غزلنظاروں،کناروں،بہاروں،سہاروں،ستاروںadmin

باقی صدیقی ۔ غزل نمبر 170

تری نظر کے اشاروں کو ساتھ لائے گی

امید اپنے سہاروں کو ساتھ لائے گی

وہی نظر مرے رستے میں بن گئی دیوار

گماں تھا جس پہ نظاروں کو ساتھ لائے گی

تری نظر ہی کا اب انتظار لازم ہے

تری نظر ہی بہاروں کو ساتھ لائے گی

بہت نحیف سہی موج زندگی پھر بھی

مچل گئی تو کناروں کو ساتھ لائے گی

تو آنے والے زمانے کا غم نہ کر باقیؔ

کہ رات اپنے ستاروں کو ساتھ لائے گی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ایک طوفاں کی ابتدا ہو گی

جنوری 8, 1972باقی صدیقی،شعراء،غزلناروا،کیا،ابتدا،سواadmin

باقی صدیقی ۔ غزل نمبر 169

موج ساحل سے جب جدا ہو گی

ایک طوفاں کی ابتدا ہو گی

مجھ سے پوچھو نہ داستاں میری

میری ہر بات ناروا ہو گی

مدعا خامشی تک آ پہنچا

اب نگاہوں سے بات کیا ہو گی

دل انوکھا چراغ ہے باقیؔ

بجھ کے بھی روشنی سوا ہو گی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کر نہ تکلیف مسکرانے کی

جنوری 8, 1972باقی صدیقی،شعراء،غزلمسکرانے،کھانے،پانے،زمانےadmin

باقی صدیقی ۔ غزل نمبر 168

اب نہیں تاب زخم کھانے کی

کر نہ تکلیف مسکرانے کی

ہے خبر گرم ان کے آنے کی

کون سنتا ہے اب زمانے کی

زندگی پھر نہ راہ پر آئی

دیر تھی اک فریب کھانے کی

سب کی نظروں میں ہم کھٹکنے لگے

یہ سزا ہے مراد پانے کی

تھا زمانہ بھی مہرباں باقیؔ

جب ضرورت نہ تھی زمانے کی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پہلی سی بات اب نہیں تیرے غلام کی

جنوری 8, 1972باقی صدیقی،شعراء،غزلگام،جام،سہام،شام،غلامadmin

باقی صدیقی ۔ غزل نمبر 167

ہر آہ پر نظر ہے غمِ صبح و شام کی

پہلی سی بات اب نہیں تیرے غلام کی

اٹھی نہ جب نگاہ کسی تشنہ کام کی

ساقی کو پڑ گئی خم و مینا و جام کی

رکھ دو مرے غموں کو بھی دنیا کے سامنے

کڑیاں ہیں یہ بھی سلسلہ صبح و شام کی

ہر ایک معرکے میں رہا گرچہ پیش پیش

لیکن کہیں چلی نہ دلِ تیز گام کی

ان خشک وادیوں سے کوئی آشتا نہ تھا

باقیؔ ہے میرے نام سے شہرت سہام کی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کیسی صورت ہے یہ سفر کی

جنوری 8, 1972باقی صدیقی،شعراء،غزلقمر،مختصر،ادھر،بسر،تر،خبر،سفرadmin

باقی صدیقی ۔ غزل نمبر 166

منزل کی خبر نہ رہگزر کی

کیسی صورت ہے یہ سفر کی

بوجھل پلکیں، اداس نظریں

فریاد ہے میری چشم تر کی

اندر سے ٹوٹتے رہے ہیں

باہر سے زندگی بسر کی

دل کے قصّے میں کیا رکھا ہے

باتیں ہیں کچھ ادھر ادھر کی

میں رات اداس ہو گیا تھا

اتنی تھی روشنی قمر کی

کچھ ہم میں نہیں بیاں کی طاقت

کچھ وقت نے بات مختصر کی

اندر کچھ اور داستاں ہے

سرخی کچھ اور ہے خبر کی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہے گراں خود پہ اک نظر اپنی

جنوری 8, 1972باقی صدیقی،شعراء،غزلنظر،گر،بیشتر،راہبر،سحرadmin

باقی صدیقی ۔ غزل نمبر 165

کیا ملے گی ہمیں خبر اپنی

ہے گراں خود پہ اک نظر اپنی

دوسروں کے بھلے میں بھی اے دوست

فکر ہوتی ہے بیشتر اپنی

اک سحر ظلمت جہاں سے دور

کہہ سکیں ہم جسے سحر اپنی

کارواں ہے قریب منزل کے

اب کرے فکر راہبر اپنی

پوچھتے ہیں جہاں کی ہم باقیؔ

اور کہتا ہے چارہ گر اپنی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اپنی ہوا میں اڑتا ہے بے پر کا آدمی

جنوری 8, 1972باقی صدیقی،شعراء،غزلمرمر،پتھر،پر،اندر،باہر،درadmin

باقی صدیقی ۔ غزل نمبر 164

جب سایہ آدمی کا پڑا سرکا آدمی

اپنی ہوا میں اڑتا ہے بے پر کا آدمی

گرتا ہے اپنے آپ پہ دیوار کی طرح

اندر سے جب چٹختا ہے پتھر کا آدمی

مٹی کی بات کرتا ہے کس اہتمام سے

سونے کی سل پہ بیٹھ کے مرمر کا آدمی

سائے کا ایک طور نہ چلمن کا ایک رنگ

دیوار کا رہا نہ کسی در کا آدمی

ہر صبح اٹھ کے زیست کی دیوار چاٹنا

باہر سے کتنا دور ہے اندر کا آدمی

باقیؔ یہ پھیلتے ہوئے رنگوں کے دائرے

باہر ہی باہر اڑتا ہے باہر کا آدمی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بام افلاک سے اتر ساقی

جنوری 8, 1972باقی صدیقی،شعراء،غزلقدر،نظر،ور،کر،اتر،بکھر،بھنور،بھر،تر،خبر،سحرadmin

باقی صدیقی ۔ غزل نمبر 163

پھول بکھرے ہیں خاک پر ساقی

بام افلاک سے اتر ساقی

میکدہ اور مہیب سناٹا

بے رُخی اور اس قدر ساقی

تشنہ کامی سی تشنہ کامی ہے

دل میں پڑنے لگے بھنور ساقی

بجھ رہا ہے چراغ مے خانہ

رگ ساغر میں خون بھر ساقی

بار ہیں اب خزاں کے ہنگامے

فصل گل کی کوئی خبر ساقی

رند بکھرے ہیں ساغروں کی طرح

رنگ محفل پہ اک نظر ساقی

بے ارادہ چھلک چھلک جانا

جام مے ہے کہ چشم تر ساقی

اک کرن اس طرف سے گزری ہے

ہو رہی ہے کہیں سحر ساقی

توڑ کر سب حدود میخانہ

بوئے مے کی طرح بکھر ساقی

جانے کل رنگ زندگی کیا ہو

وقت کی کروٹوں سے ڈر ساقی

رات کے آخری تبسم پر

مئے باقیؔ نثار کر ساقی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کوئی اٹھ جائے بلا سے تیری

جنوری 8, 1972باقی صدیقی،شعراء،غزلوفا،پا،بلا،دلا،رضا،صبا،صدا،ضیاadmin

باقی صدیقی ۔ غزل نمبر 162

رنگ محفل ہے ادا سے تیری

کوئی اٹھ جائے بلا سے تیری

دل تری بزم میں لے آتا ہے

ہم تو واقف ہیں رضا سے تیری

مرگ و ہستی کی حدیں ملنے لگیں

بات چل نکلی وفا سے تیری

تیرے جانے پہ ہوا ہے معلوم

شمع روشن تھی ضیا سے تیری

وقت جب چال کوئی چلتا ہے

یاد دیتی ہے دلاسے تیری

تیری آمد کا بہانہ ہے بہار

پھول کھلتے ہیں صدا سے تیری

بوئے گل دیکھی ہے رسوا ہوتے

کیا کریں بات صبا سے تیری

کرتے پھرتے ہیں بگولے باقیؔ

بات ہر آبلہ پا سے تیری

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کیا جلتی ہوئی آگ دکھائی نہیں دیتی

جنوری 8, 1972باقی صدیقی،شعراء،غزلگدائی،پائی،پرائی،دکھائی،سنائیadmin

باقی صدیقی ۔ غزل نمبر 161

زنجیر ہوس دل کو رہائی نہیں دیتی

کیا جلتی ہوئی آگ دکھائی نہیں دیتی

دنیا کے لئے بھول گئے اپنے خدا کو

کیا قبر کی آواز سنائی نہیں دیتی

کیا اپنے سوا کوئی نظر آئے نہ ہم کو

کیوں دل کو سکوں بات پرائی نہیں دیتی

جو مانگنا ہے مانگئے اﷲ سے اپنے

تسکیں کبھی دنیا کی گدائی نہیں دیتی

احساس سفر سے یہ گرہ کھلتی ہے باقیؔ

منزل کی خبر آبلہ پائی نہیں دیتی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اتنی لمبی تو شب نہیں ہوتی

جنوری 8, 1972باقی صدیقی،شعراء،غزللب،کب،اب،جب،شبadmin

باقی صدیقی ۔ غزل نمبر 160

بے کلی بے سبب نہیں ہوتی

اتنی لمبی تو شب نہیں ہوتی

ہم کہاں تک گلہ کریں غم سے

آپ سے بھول کب نہیں ہوتی

کھل کے باتیں کرو کہ اب ہم سے

گفتگو زیر لب نہیں ہوتی

دل کی حالت عجیب ہوتی ہے

کوئی امید جب نہیں ہوتی

ہر نئے حادثے پہ حیرانی

پہلے ہوتی تھی اب نہیں ہوتی

ہم کہاں تک گلے کریں باقیؔ

وہ نظر دور کب نہیں ہوتی

کوئی باقیؔ سنے سنے نہ سنے

داستاں ختم اب نہیں ہوتی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بات بنتی نطر نہیں آتی

جنوری 8, 1972باقی صدیقی،شعراء،غزلنطر،نظر،پر،ادھر،بھر،سحرadmin

باقی صدیقی ۔ غزل نمبر 159

کوئی ان کی خبر نہیں آتی

بات بنتی نطر نہیں آتی

تلخیٔ شب نہ جس میں شامل ہو

کوئی ایسی سحر نہیں آتی

کس سے پوچھیں بہار کی باتیں

اب صبا بھی ادھر نہیں آتی

اٹھ گئی ہے وفا ہی دنیا سے

بات اک آپ پر نہیں آتی

زندگی ہے وہ آئنہ جس میں

اپنی صورت نظر نہیں آتی

دل پہ کھلتی ہے جب حقیقت غم

پھر ہنسی عمر بھر نہیں آتی

کون سی شے کی ہے کمی باقیؔ

زندگی راہ پر نہیں آتی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

انگڑائی لے کے موج خرابات رہ گئی

جنوری 8, 1972باقی صدیقی،شعراء،غزلبات،حالات،خرابات،ذاتadmin

باقی صدیقی ۔ غزل نمبر 158

ان کے لبوں پر آ کے مری بات رہ گئی

انگڑائی لے کے موج خرابات رہ گئی

پھر رخ بدل دیا غم ہستی نے دہر کا

پھر زیر بحث آ کے تری ذات رہ گئی

ہونے کو ان سے سینکڑوں باتیں ہوئیں مگر

جس بات کا گلہ تھا وہی بات رہ گئی

باقیؔ کسی سے ان کی شکایت نہ کر سکے

کچھ یوں بدل کے صورت حالات رہ گئی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ان تک تو ساتھ گردش شام و سحر گئی

جنوری 8, 1972باقی صدیقی،شعراء،غزلنکھر،نظر،گزر،ٹھہر،سحرadmin

باقی صدیقی ۔ غزل نمبر 157

آئی نہ پھر نظر کہیں جانے کدھر گئی

ان تک تو ساتھ گردش شام و سحر گئی

کچھ اتنا بے ثبات تھا ہر جلوہ حیات

لوٹ آئی زخم کھا کے جدھر بھی نظر گئی

آ دیکھ مجھ سے روٹھنے والے ترے بغیر

دن بھی گزر گیا، شب غم بھی گزر گئی

باقیؔ بس ایک دل کے سنبھلنے کی دیر تھی

ہر چیز اپنی اپنی جگہ پر ٹھہر گئی

تیرے بغیر رنگ نہ آیا بہار میں

اک اک کلی کے پاس نسیم سحر گئی

نادم ہے اپنے اپنے قرینے پہ ہر نظر

دنیا لہو اچھال کے کتنی نکھر گئی

شبنم ہو، کہکشاں ہو ستارے ہوں پھول ہوں

جو شے تمہارے سامنے آئی نکھر گئی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

رُخ دریا کا موڑ گئی

جنوری 8, 1972باقی صدیقی،شعراء،غزلموڑ،چھوڑ،توڑadmin

باقی صدیقی ۔ غزل نمبر 156

کشتی نقش وہ چھوڑ گئی

رُخ دریا کا موڑ گئی

کیسی آواز آئی تھی

کیا سناٹا چھوڑ گئی

دل کی ایک کرن باقیؔ

سب آئنے توڑ گئی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہ سیر رنگ و بو کی تمنا کدھر گئی

جنوری 8, 1972باقی صدیقی،شعراء،غزلنکھر،نظر،کدھر،کر،گزر،ٹھہر،سحرadmin

باقی صدیقی ۔ غزل نمبر 155

اٹھ کر مری نظر ترے رُخ پہ ٹھہر گئی

وہ سیر رنگ و بو کی تمنا کدھر گئی

کچھ اتنا بے ثبات تھا ہر منظر حیات

اک زخم کھا کے آئی جدھر بھی نظر گئی

تیرے بغیر رنگ نہ آیا بہار میں

اک اک کلی کے پاس نسیم سحر گئی

شبنم ہو، کہکشاں ہو، ستارے ہوں، پھول ہوں

جو شے تمہارے سامنے آئی نکھر گئی

ہر چند میرے غم کا مداوا نہ ہو سکا

پھر بھی تری نگاہ بڑا کام کر گئی

وارفتگان شوق کا باقیؔ نہ حال پوچھ

دل سے اٹھی وہ موج کہ سر سے گزر گئی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پھر ایک بات چھڑی، ایک بات ختم ہوئی

جنوری 8, 1972باقی صدیقی،شعراء،غزلکائنات،التفات،بات،حیاتadmin

باقی صدیقی ۔ غزل نمبر 154

وہ پو پھٹی، وہ سحر آئی، رات ختم ہوئی

پھر ایک بات چھڑی، ایک بات ختم ہوئی

رہ حیات کے ہر موڑ پر یہ غم توبہ

ابھی حیات، ابھی کائنات ختم ہوئی

مریض عشق نے لو شرح زندگی کر دی

چھڑی تھی آہ سے، ہچکی پہ بات ختم ہوئی

مرے جنوں ہی نے بحث حیات چھیڑی تھی

مرے جنوں ہی پہ بحث حیات ختم ہوئی

ہمیں نے عشق کیا اختیار جب باقیؔ

جہاں سے رسم و رہ التفات ختم ہوئی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پھر بھی ان سے نہ ملاقات ہوئی

جنوری 8, 1972باقی صدیقی،شعراء،غزلملاقات،مات،اوقات،باتadmin

باقی صدیقی ۔ غزل نمبر 153

سامنے بیٹھ کے ہر بات ہوئی

پھر بھی ان سے نہ ملاقات ہوئی

یوں تو کیا کچھ نہیں ہوتا لیکن

پوچھئے اس سے جسے مات ہوئی

دل ہی جب ٹوٹ گیا تو پھر کیا

نہ ہوئی یا بسر اوقات ہوئی

آپ پھر بیچ میں بول اٹھے ہیں

کب ابھی ختم مری بات ہوئی

میرے ہوتے تو وہ چپ تھے باقیؔ

کیا مرے بعد کوئی بات ہوئی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کس توقع پہ دے صدا کوئی

جنوری 8, 1972باقی صدیقی،شعراء،غزلہوا،چلا،گیا،آسرا،صداadmin

باقی صدیقی ۔ غزل نمبر 152

ہم سخن ہے نہ ہم نوا کوئی

کس توقع پہ دے صدا کوئی

اب تصور بھی ساتھ دے نہ سکے

دور اتنا نکل گیا کوئی

منزلوں سے بھی بڑھ گئے آگے

دو قدم ساتھ جب چلا کوئی

زندگی راستہ ہے یا منزل

چل دیا سوچتا ہوا کوئی

کس توقع پہ آرزو کی تھی

کام آیا نہ آسرا کوئی

آس ٹوٹی کچھ اسطرح باقیؔ

جیسے پردہ سا اٹھ گیا کوئی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ٹوٹا نہیں ابھی ترے خوابوں کا سلسلہ

جنوری 8, 1972باقی صدیقی،شعراء،غزلنقابوں،کتابوں،حبابوں،حجابوں،خوابوں،خرابوں،سرابوںadmin

باقی صدیقی ۔ غزل نمبر 151

آنکھوں میں ہے سوالوں جوابوں کا سلسلہ

ٹوٹا نہیں ابھی ترے خوابوں کا سلسلہ

دنیا کے رنگ رنگ میں حسرت کی کروٹیں

موجوں کے ساتھ ساتھ حبابوں کا سلسلہ

پیچھے نہ موج ریگ رواں کے چلے چلیں

ہو گا کہیں تو ختم سرابوں کا سلسلہ

موج بہار کے بھی قدم لڑ کھڑا گئے

جاتا ہے کتنی دور خرابوں کا سلسلہ

لفظوں تک آ گیا ہے جنوں کا معاملہ

دل کے اِدھر اُدھر ہے کتابوں کا سلسلہ

گھٹتا ہی جائے گا نگہ شوق کا مقام

بڑھتا ہی جائے گا یہ حجابوں کا سلسلہ

باقیؔ تری نگاہ کی دیوار بن گیا

چہروں کا مرحلہ کہ نقابوں کا سلسلہ

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم ہو گئے دنیا سے خفا اور زیادہ

جنوری 8, 1972باقی صدیقی،شعراء،غزلہوا،ارا،خفا،خلا،خدا،صبا،صداadmin

باقی صدیقی ۔ غزل نمبر 150

دل تیری اداؤں سے کھچا اور زیادہ

ہم ہو گئے دنیا سے خفا اور زیادہ

دل خون ہوا جاتا ہے دنیا کی ادا سے

یہ رنگ جما جتنا اڑا اور زیادہ

کیا داغ جلے دل کے بہ انداز چراغاں

احساس اندھیرے کا ہوا اور زیادہ

اس طرح مرے منہ پہ کوئی ہاتھ نہ رکھے

اس طرح تو گونجے گی صدا اور زیادہ

اب صورت آوارہ صدا، دل سے گزرنا

اب ٹھہرے تو چیخے گا خلا اور زیادہ

جب پڑتا ہے پھولوں پہ ترے حسن کا پرتو

گلشن میں مچلتی ہے صبا اور زیادہ

اس طرح وہ بت آیا مری راہ میں باقیؔ

یاد آنے لگا مجھ کو خدا اور زیادہ

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بات جاتی رہی سوال کے ساتھ

جنوری 8, 1972باقی صدیقی،شعراء،غزلچال،حال،خیال،سوالadmin

باقی صدیقی ۔ غزل نمبر 149

جھک گئی آنکھ عرض حال کے ساتھ

بات جاتی رہی سوال کے ساتھ

اے غم زیست اس پہ کیا گزری

اک تمنا بھی تھی خیال کے ساتھ

احتیاط غم حیات نہ پوچھ

چل دئیے ہم جہاں کی چال کے ساتھ

ایک الزام بن گئی باقیؔ

فکر فردا بھی ذکر حال کے ساتھ

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

حوصلہ بڑھ گیا سزا کے ساتھ

جنوری 8, 1972باقی صدیقی،شعراء،غزلہمنوا،گھٹا،گدا،آشنا،سزا،صبا،صداadmin

باقی صدیقی ۔ غزل نمبر 148

آرزو کی ہے اس ادا کے ساتھ

حوصلہ بڑھ گیا سزا کے ساتھ

موج حالات کا فریب نہ پوچھ

ہم ابھرتے ہیں ہر صدا کے ساتھ

اپنی آواز پر گماں کیسا

ہو گئے چپ نہ ہمنوا کے ساتھ

بات کی داستان کیا معنی

درد تھا درد آشنا کے ساتھ

اپنا دامن بھی وہ بچاتے ہیں

بے تکلف بھی ہیں گدا کے ساتھ

ایسے موسم کی انتہا معلوم

دل برسنے لگا گھٹا کے ساتھ

کسی گل کے نہ ہم رہے باقیؔ

دو قدم کیا چلے صبا کے ساتھ

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آؤ اس شوخ کا قصیدہ کہیں

جنوری 8, 1972باقی صدیقی،شعراء،غزلقصیدہ،چیدہ،چکیدہ،کشیدہ،گزیدہ،پریدہ،بریدہ،تپیدہ،رمیدہ،رسیدہadmin

باقی صدیقی ۔ غزل نمبر 147

بات دیدہ کہیں شنیدہ کہیں

آؤ اس شوخ کا قصیدہ کہیں

دل کا قصہ طویل ہوتا ہے

اس کے اوصاف چیدہ چیدہ کہیں

اس کی ہر اک ادائے رنگیں کو

زندگی پر خط کشیدہ کہیں

اور ہوتی ہے رسم شہر خیال

کیوں کسی کو ستم رسیدہ کہیں

کب وہ دشت وفا میں آیا تھا

کیوں اسے آہوئے رمیدہ کہیں

اس کی ہر بات کو کہیں تلوار

اپنے سر کو سر بریدہ کہیں

اس کے شعلوں کو دیں صبا کا نام

اپنے ہر رنگ کو پریدہ کہیں

جام کو جام جم سے دیں نسبت

اپنے خوں کو مئے چکیدہ کہیں

غیر سے دوستی مبارک ہو

اور اب کیا وفا گزیدہ کہیں

اب وہ رنگ جہاں نہیں باقیؔ

کس سے حال دل تپیدہ کہیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تم نہیں تو کوئی رونا بھی نہیں

جنوری 8, 1972باقی صدیقی،شعراء،غزلچلتا،نالہ،پردا،ایسا،تماشا،دیکھا،رونا،سہارا،سنتاadmin

باقی صدیقی ۔ غزل نمبر 146

غم دل کیا، غم دنیا بھی نہیں

تم نہیں تو کوئی رونا بھی نہیں

زندگی حد نظر تک چپ ہے

نغمہ کیسا کوئی نالہ بھی نہیں

سرسری ربط کی امید ہی کیا

اس پہ یہ ظلم کہ ایسا بھی نہیں

بات لب پر بھی نہیں آ سکتی

اور تجھ سے کوئی پردا بھی نہیں

چپ رہیں ہم تو گلے ہوتے ہیں

کچھ کہیں تو کوئی سنتا بھی نہیں

ابھی کر دیں تجھے دنیا کے سپرد

ابھی جی بھر کے تو دیکھا بھی نہیں

کبھی ہر موج قدم لیتی ہے

کبھی تنکے کا سہارا بھی نہیں

انتہائے غم دنیا معلوم

اب نظر محو تماشا بھی نہیں

گرد راہوں پہ جمی ہے باقیؔ

کیسی منزل کوئی چلتا بھی نہیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

غم وہ شعلہ ہے جسے دنیا بجھا سکتی نہیں

جنوری 8, 1972باقی صدیقی،شعراء،غزللا،مسکرا،اٹھا،بجھا،سماadmin

باقی صدیقی ۔ غزل نمبر 145

وضعداری کیا حقیقت راس آ سکتی نہیں

غم وہ شعلہ ہے جسے دنیا بجھا سکتی نہیں

وہ سہارا دے رہے ہیں میرے احساسات کو

اب محبت دونوں عالم میں سما سکتی نہیں

عقل نے اوہام یوں رستے میں لا کر دکھ دئیے

زندگی دنیا کو اک مرکز پہ لا سکتی نہیں

دل کی آزادی بجا، نظروں کی بیباکی درست

زیست کیوں اس پر بھی کھل کر مسکرا سکتی نہیں

کچھ تو ہو باقیؔ جہاں کی چیرہ دستی کا علاج

زندگی اب اوربارِ غم اٹھا سکتی نہیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہیں کہیں صبح کے آثار! نہیں کوئی نہیں

جنوری 8, 1972باقی صدیقی،شعراء،غزلآثار،اقرار،سزاوار،طلبگارadmin

باقی صدیقی ۔ غزل نمبر 144

اٹھ گئے بزم سے میخوار؟ نہیں کوئی نہیں

ہیں کہیں صبح کے آثار؟ نہیں کوئی نہیں

ایک بیکس کے تقاضوں کی حقیقت ہی کیا

میں محبت کا طلبگار؟ نہیں کوئی نہیں

ظلم، ادبار، ہوس، وہم، عداوت، نفرت

ہیں کوئی جینے کے آثار؟ نہیں کوئی نہیں

فصل گل آئی کھنکنے لگے ساغر لیکن

میں تبسم کا سزاوار؟ نہیں کوئی نہیں

دب گئے ان کی نگاہوں کے اثر سے باقیؔ

کر لیا جرم کا اقرار؟ نہیں کوئی نہیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دل سے اب پوچھ خدا ہے کہ نہیں

جنوری 8, 1972باقی صدیقی،شعراء،غزلچلا،وا،گلہ،بنا،بڑھا،بھلا،ترا،خدا،سزا،صبا،صداadmin

باقی صدیقی ۔ غزل نمبر 143

وقف رستے میں کھڑا ہے کہ نہیں

دل سے اب پوچھ خدا ہے کہ نہیں

صحبت شیشہ گراں سے انکار

سنگ آئنہ بنا ہے کہ نہیں

ہر کرن وقت سحر کہتی ہے

روزن دل کوئی وا ہے کہ نہیں

رنگ ہر بات میں بھرنے والو

قصہ کچھ آگے بڑھا ہے کہ نہیں

زندگی جرم بنی جاتی ہے

جرم کی کوئی سزا ہے کہ نہیں

دوست ہر عیب چھپا لیتے ہیں

کوئی دشمن بھی ترا ہے کہ نہیں

زخم دل منزل جاں تک آئے

سنگ رہ ساتھ چلا ہے کہ نہیں

کھو گئے راہ کے سناٹے میں

اب کوئی دل کی صدا ہے کہ نہیں

ہم ترسنے لگے بوئے گل کو

کہیں گلشن میں صبا ہے کہ نہیں

حکم حاکم ہے کہ خاموش رہو

بولو اب کوئی گلہ ہے کہ نہیں

چپ تو ہو جاتے ہیں لیکن باقیؔ

اس میں بھی اپنا بھلا ہے کہ نہیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چند اینٹوں کانام گھر تو نہیں

جنوری 8, 1972باقی صدیقی،شعراء،غزلمختصر،گھر،خبرadmin

باقی صدیقی ۔ غزل نمبر 142

زندگی حسن بام و در تو نہیں

چند اینٹوں کانام گھر تو نہیں

سر رہ حال پوچھنے والے

دل کی ہر بات مختصر تو نہیں

کیا کسی پر یقیں کریں باقیؔ

بے سہارا ہیں بے خبر تو نہیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تاروں کو روند کر بھی سحر مطمئن نہیں

جنوری 8, 1972باقی صدیقی،شعراء،غزلمگر،نظر،تر،راہگزر،سحرadmin

باقی صدیقی ۔ غزل نمبر 141

چھا کر دلوں پہ ان کی نظر مطمئن نہیں

تاروں کو روند کر بھی سحر مطمئن نہیں

ہونٹوں سے آہیں چھیننے والے ادھر تو دیکھ

ہم چپ تو ہو گئے ہیں مگر مطمئن نہیں

روداد غم ہے اب نئے عنواں کی فکر میں

آنسو بہا کے دیدہ تر مطمئن نہیں

غم رفتہ رفتہ بڑھتے گئے زندگی کے ساتھ

دل مطمئن ہوا تو نظر مطمئن نہیں

روز ایک تازہ حادثہ لائے کہاں سے زیست

مانا کہ دور شام و سحر مطمئن نہیں

کس کاروان شوق کا باقیؔ ہے انتظار

کیوں زندگی کی راہگزر مطمئن نہیں

باقیؔ عجیب روگ ہے یہ رنگ و بو کی پیاس

دل مطمئن ہوا تو نظر مطمئن نہیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

شعلہ صرصر ہے کہ صبا معلوم نہیں

جنوری 8, 1972باقی صدیقی،شعراء،غزلملا،چلا،گیا،گا،پڑا،اٹھا،جلا،سنا،صباadmin

باقی صدیقی ۔ غزل نمبر 140

گل کے پردے میں ہے کیا معلوم نہیں

شعلہ صرصر ہے کہ صبا معلوم نہیں

کس کا ہاتھ ہے کس مہرے پہ کیا جانیں

کون اور کیسی چال چلا معلوم نہیں

ہم نے خون میں لت پت گلشن دیکھا ہے

کس جانب سے شور اٹھا معلوم نہیں

ہم ہیں اور اندھیری رات کا ہنگامہ

کس کا کس پر وار پڑا معلوم نہیں

جانے کیا مستی میں اس نے بات کہی

نشے میں کیا ہم نے سنا معلوم نہیں

لحظہ لحظہ دوری بڑھتی جاتی ہے

کل کا انساں کیا ہو گا معلوم نہیں

ہر چہرے کے پیچھے کتنے چہرے ہیں

کون ہمیں کس وقت ملا معلوم نہیں

قدموں کی آہٹ پر کان رہے اپنے

کون آیا اور کون گیا معلوم نہیں

ہوش آیا تو تاریکی میں تھے باقیؔ

کتنی دیر چراغ جلا معلوم نہیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کون بچھڑا تھا وہاں یاد نہیں

جنوری 8, 1972باقی صدیقی،شعراء،غزلہاں،نشاں،گراں،جہاں،خزاں،دگراںadmin

باقی صدیقی ۔ غزل نمبر 139

چشمک ہم سفراں یاد نہیں

کون بچھڑا تھا وہاں یاد نہیں

دل شوریدہ سے الجھا تھا کوئی

تم تھے یا درد جہاں یاد نہیں

ہم تھے شاکی کہ جہاں تھا شاکی

کون تھا کس پہ گراں یاد نہیں

زندگی چال نہ چل جائے کہیں

کوئی بھی اپنا نشاں یاد نہیں

ہم کہاں ہیں کہ ہمیں اب کچھ بھی

جز حدیث دگراں یاد نہیں

آگ گلشن میں لگی تھی باقیؔ

فصل گل تھی کہ خزاں یاد نہیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم ابھی مرنے کو تیار نہیں

جنوری 8, 1972باقی صدیقی،شعراء،غزلتیار،خار،دیوار،روداد،سردارadmin

باقی صدیقی ۔ غزل نمبر 138

زندگی اتنی گراں بار نہیں

ہم ابھی مرنے کو تیار نہیں

لالہ و گل کی تمنا کیسی

ایک کانٹے کے روادار نہیں

بزم ہستی میں ہے ہو کا عالم

کوئی منصور سردار نہیں

راہ میں اور بھی دیواریں ہیں

ایک حالات کی دیوار نہیں

سب ہوس کے ہیں تقاضے باقیؔ

ورنہ گلشن میں کوئی خار نہیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔