زمرہ جات کے محفوظات: شعراء

اردو ادب کے نام ور شعراء

اب اک سخن ترے رنگِ حنا پہ لکھیں گے

جنوری 12, 2012عرفان صدیقی،غزلہوا،نما،آشنا،حنا،صداadmin

عرفان صدیقی ۔ غزل نمبر 288

نہ موج خوں پہ، نہ تیغِ جفا پہ لکھیں گے

اب اک سخن ترے رنگِ حنا پہ لکھیں گے

ترا ہی ذکر کریں گے لبِ سکوت سے ہم

ترا ہی نام بیاضِ صدا پہ لکھیں گے

عبارتیں جو ستاروں پہ ہم کو لکھنا تھیں

تری جبینِ ستارہ نما پہ لکھیں گے

سفینہ ڈوب چکے گا تو روئدادِ سفر

کسی جزیرۂ بے آشنا پہ لکھیں گے

بیاں کریں گے نہ کوئی سبب اداسی کا

جو کچھ بھی لکھیں گے آب و ہوا پہ لکھیں گے

عرفان صدیقی

ہم لوگ بھی اے دل زدگاں عیش کریں گے

جنوری 12, 2012عرفان صدیقی،غزلگماں،بتاں،بدناں،رواں،زدگاںadmin

عرفان صدیقی ۔ غزل نمبر 287

سر ہونے دو یہ کارِ جہاں عیش کریں گے

ہم لوگ بھی اے دل زدگاں عیش کریں گے

کچھ عرض کریں گے تب و تابِ خس و خاشاک

آجا‘ کہ ذرا برقِ بتاں عیش کریں گے

اب دل میں شرر کوئی طلب کا‘ نہ ہوس کا

اس خاک پہ کیا خوش بدناں عیش کریں گے

کچھ دور تو بہتے چلے جائیں گے بھنور تک

کچھ دیر سرِ آبِ رواں عیش کریں گے

اس آس پہ سچائی کے دن کاٹ رہے ہیں

آتی ہے شبِ وہم و گماں عیش کریں گے

عرفان صدیقی

نگاہوں سے جو چپکے ہیں وہ منظر کیسے پھینکو گے

جنوری 12, 2012عرفان صدیقی،غزلمنظر،چادر،پتھر،پر،اُٹھاکر،سَرadmin

عرفان صدیقی ۔ غزل نمبر 286

ہر اِک تصوِیر کو کھڑکی سے باہر کیسے پھینکو گے

نگاہوں سے جو چپکے ہیں وہ منظر کیسے پھینکو گے

جھٹک کر پھینک دو گے چند اَن چاہے خیالوں کو

مگر کاندھوں پہ یہ رکھا ہوا سَر کیسے پھینکو گے

اگر اِتنا ڈروگے اَپنے سر پر چوٹ لگنے سے

تو پھر تم آم کے پیڑوں پہ پتھر کیسے پھینکو گے

خیالوں کو بیاں کے دائروں میں لاؤ گے کیوں کر

کمندیں بھاگتی پرچھائیوں پر کیسے پھینکو گے

کبھی سچائیوں کی دُھوپ میں بیٹھے نہیں اَب تک

تم اَپنے سر سے یہ خوابوں کی چادر کیسے پھینکو گے

تو پھر کیوں اُس کو آنکھوں میں سجا کر رکھ نہیں لیتے

تم اِس بیکار دُنیا کو اُٹھاکر کیسے پھینکو گے

عرفان صدیقی

وہ ہم سے کہہ رہا ہے کیا مجھے بیمار کردیں گے

جنوری 12, 2012عرفان صدیقی،غزلکردیں،دیںadmin

عرفان صدیقی ۔ غزل نمبر 285

سو ہم نذرِ فراموشی یہ سب اشعار کردیں گے

وہ ہم سے کہہ رہا ہے کیا مجھے بیمار کردیں گے

وہی سچ ہے جو آنکھوں سے ہویدا ہوتا رہتا ہے

اگر ہونٹوں سے پوچھو گے تو وہ انکار کردیں گے

بدن کی ریت پر اب تک اسی وعدے کا سایہ ہے

اب آئیں گے تو تیرے دشت کو گلزار کردیں گے

بتانِ شہر سے یہ دل تو زندہ ہو نہیں سکتا

بہت ہو گا تو میری خواہشیں بیدار کر دیں گے

قیامت استعارہ ہے اشارہ میرے قاتل کا

کہ ہم ابرو ہی کیا سارا بدن تلوار کردیں گے

انہیں دیوارِ جاں ہی سے الجھنے دو کہ وحشی ہیں

اگر چھیڑا تو دیوارِ جہاں مسمار کردیں گے

کسی کو شہر میں سیلِ بلا کی زد پہ آنا ہے

چلو یہ کام بھی میرے در و دیوار کردیں گے

عرفان صدیقی

چین ملتا ہے تو یاد آتے ہیں غم دِلّی کے

جنوری 12, 2012عرفان صدیقی،غزلدadmin

عرفان صدیقی ۔ غزل نمبر 284

کتنے دِلدار تھے اَربابِ ستم دِلّی کے

چین ملتا ہے تو یاد آتے ہیں غم دِلّی کے

کتنی بھولی ہوئی یادوں نے سنبھالا دِل کو

جیسے پردیس میں ہوں دوست بہم دِلّی کے

جانے کیوں کوئی سندیسہ نہیں لاتی پچھوا

کیا ہمیں بھول گئے اہلِ کرم دلّی کے

چاہے جس شہر میں رہ آئیں، مگر رہتے ہیں

زندگی دِلّی کی، دِل دِلّی کا، ہم دِلّی کے

یوُں تو بُت خانہ ہے یہ شہر بھی لیکن عرفانؔ

آج تک پھرتے ہیں آنکھوں میں صنم دِلّی کے

عرفان صدیقی

دکھ ابھی تازہ ہیں اوروں سے بچھڑ جانے کے

جنوری 12, 2012عرفان صدیقی،غزلویرانے،پہنچانے،جانے،سستانےadmin

عرفان صدیقی ۔ غزل نمبر 283

رائیگاں ہو گئے لمحے ترے پاس آنے کے

دکھ ابھی تازہ ہیں اوروں سے بچھڑ جانے کے

آنکھ سورج کی کرن دیکھ کے ڈرنے والی

خواب پیڑوں کی گھنی چھاؤں میں سستانے کے

دل ہو یا آنکھ بس اک رات کا ڈیرا اپنا

ہم تو بنجارے، نہ بستی کے، نہ ویرانے کے

لوٹ کر آئے تو سنسان لگا شہر تمام

اب کبھی اس کو سفر پر نہیں پہنچانے کے

عرفان صدیقی

نیند آنکھوں سے اُڑی کھول کے شہپر اپنے

جنوری 12, 2012عرفان صدیقی،غزلپیکر،باہر،برابر،خنجر،سمندر،شہپرadmin

عرفان صدیقی ۔ غزل نمبر 282

رات اک شہر نے تازہ کئے منظر اپنے

نیند آنکھوں سے اُڑی کھول کے شہپر اپنے

تم سرِ دشت و چمن مجھ کو کہاں ڈھونڈتے ہو

میں تو ہر رت میں بدل دیتا ہوں پیکر اپنے

یہی ویرانہ بچا تھا تو خدا نے آخر

رکھ دیے دل میں مرے سات سمندر اپنے

روز وہ شخص صدا دے کے پلٹ جاتا ہے

میں بھی رہتا ہوں بہت جسم سے باہر اپنے

کس قدر پاسِ مروت ہے وفاداروں کو

میرے سینے میں چھپا رکھے ہیں خنجر اپنے

کوئی سلطان نہیں میرے سوا میرا شریک

مسندِ خاک پہ بیٹھا ہوں برابر اپنے

عرفان صدیقی

راہ زَن دَرپئے نقدِ دِل و جاں تھے کتنے

جنوری 12, 2012عرفان صدیقی،غزلمکاں،نگراں،نشاں،بیاں،بتاں،جاں،زَباںadmin

عرفان صدیقی ۔ غزل نمبر 281

شہر میں گلبدناں، سیم تناں تھے کتنے

راہ زَن دَرپئے نقدِ دِل و جاں تھے کتنے

خوُب ہے سلسلۂ شوق، مگر یاد کرو

دوستو! ہم بھی تو شیدائے بتاں تھے کتنے

کچھ نہ سمجھے کہ خموشی مری کیا کہتی ہے

لوگ دلدادۂ الفاظ و بیاں تھے کتنے

تو نے جب آنکھ جھکائی تو یہ محسوس ہوا

دیر سے ہم تری جانب نگراں تھے کتنے

اَب تری گرمئ گفتار سے یاد آتا ہے

ہم نفس! ہم بھی کبھی شعلہ زَباں تھے کتنے

وقت کے ہاتھ میں دیکھا تو کوئی تِیر نہ تھا

رُوح کے جسم پہ زَخموں کے نشاں تھے کتنے

کسی تعبیر نے کھڑکی سے نہ جھانکا، عرفانؔ

شوق کی راہ میں خوابوں کے مکاں تھے کتنے

عرفان صدیقی

کیسا جشن منایا ہم نے

جنوری 12, 2012عرفان صدیقی،غزلفرمایا،مچایا،مایا،چمکایا،نبھایا،کھڑکایا،کایا،گرایا،پایاadmin

عرفان صدیقی ۔ غزل نمبر 280

جام تہی لہرایا ہم نے

کیسا جشن منایا ہم نے

رات ہوا کے ساتھ نکل کر

حلقۂ در کھڑکایا ہم نے

چپ گلیوں میں دیں آوازیں

شہر میں شور مچایا ہم نے

خاک تھے لیکن لہر میں آکر

رقصِ جنوں فرمایا ہم نے

دیکھیں کب ہوں عشق میں کندن

راکھ تو کردی کایا ہم نے

عمرِ شرر بیکار نہ گزری

پل بھر تو چمکایا ہم نے

سب کو نشانہ کرتے کرتے

خود کو مار گرایا ہم نے

تم سے ملے تو خود سے زیادہ

تم کو اکیلا پایا ہم نے

اپنے سر کی آن پہ واری

پاؤں سے لپٹی مایا ہم نے

اے شبِ ہجراں، اب تو اجازت

اتنا ساتھ نبھایا ہم نے

عرفان صدیقی

میں نے پوچھا ہے تو اقرار کیا ہے اس نے

جنوری 12, 2012عرفان صدیقی،غزلمسمار،گرفتار،آثار،اقرار،بیدار،بار،بازار،تیار،دیوارadmin

عرفان صدیقی ۔ غزل نمبر 279

تشنہ رکھا ہے نہ سرشار کیا ہے اس نے

میں نے پوچھا ہے تو اقرار کیا ہے اس نے

گر گئی قیمتِ شمشاد قداں آنکھوں میں

شہر کو مصر کا بازار کیا ہے اس نے

وہ یہاں ایک نئے گھر کی بنا ڈالے گا

خانۂ درد کو مسمار کیا ہے اس نے

دیکھ لیتا ہے تو کھلتے چلے جاتے ہیں گلاب

میری مٹی کو خوش آثار کیا ہے اس نے

دوسرا چہرہ اس آئینے میں دکھلائی نہ دے

دل کو اپنے لیے تیار کیا ہے اس نے

حرف میں جاگتی جاتی ہے مرے دل کی مراد

دھیرے دھیرے مجھے بیدار کیا ہے اس نے

میرے اندر کا ہرن شیوۂ رم بھول گیا

کیسے وحشی کو گرفتار کیا ہے اس نے

میں بہر حال اسی حلقۂ زنجیر میں ہوں

یوں تو آزاد کئی بار کیا ہے اس نے

اب سحر تک تو جلوں گا کوئی آئے کہ نہ آئے

مجھ کو روشن سرِ دیوار کیا ہے اس نے

عرفان صدیقی

انگلیاں ہونٹوں پہ رکھی ہیں زباں کیسے کھلے

جنوری 12, 2012عرفان صدیقی،غزلمکاں،جاں،زباںadmin

عرفان صدیقی ۔ غزل نمبر 278

پوچھنے والو، مرا راز نہاں کیسے کھلے

انگلیاں ہونٹوں پہ رکھی ہیں زباں کیسے کھلے

ایک بار اور مرے سینے پر رکھ پھول سا ہاتھ

ایک دستک پہ یہ دروازۂ جاں کیسے کھلے

کوئی یاد آئے تو یہ دل کے دریچے وا ہوں

آنے والا ہی نہیں کوئی، مکاں کیسے کھلے

عرفان صدیقی

کہ لکھ دیں گے سب ماجرا لکھنے والے

جنوری 12, 2012عرفان صدیقی،غزلہوا،ماجرا،گھٹا،پا،جفا،دُعاadmin

عرفان صدیقی ۔ غزل نمبر 277

چھپانے سے کیا فائدہ لکھنے والے

کہ لکھ دیں گے سب ماجرا لکھنے والے

بہت بے اماں پھر رہے ہیں مسافر

کہاں ہیں خطوں میں دُعا لکھنے والے

ہمیں سرکشی کا سلیقہ عطا کر

مقدر میں تیغِ جفا لکھنے والے

مجھے کوئی جاگیرِ وحشت بھی دینا!

مرے نام زنجیر پا لکھنے والے

زمیں پر بھی سبزے کی تحریر لکھ دے

سمندر پہ کالی گھٹا لکھنے والے

سلامت رہیں بے ہوا بستیوں میں

پرندے، پیامِ ہوا لکھنے والے

عرفان صدیقی

وہی چہرے تھے مرے دیدہ حیراں والے

جنوری 12, 2012عرفان صدیقی،غزلہجراں،چراغاں،گریباں،بیاباں،حیراں،سلیماں،عریاں،غزالاںadmin

عرفان صدیقی ۔ غزل نمبر 276

رات پھر جمع ہوئے شہر گریزاں والے

وہی چہرے تھے مرے دیدہ حیراں والے

سارے آشفتہ سراں اُن کے تعاقب میں رواں

وحشتیں کرتے ہوئے چشم غزالاں والے

چاند تاروں کی رداؤں میں چھپائے ہوئے جسم

اور انداز وہی خنجر عریاں والے

پاسداروں کا سرا پردۂ دولت پہ ہجوم

سلسلے چھت کی فصیلوں پہ چراغاں والے

نارسائی پہ بھی وہ لوگ سمجھتے تھے کہ ہم

شہر بلقیس میں ہیں ملک سلیماں والے

پھر کچھ اس طرح پڑے حلقہ زنجیر میں پاؤں

سب جنوں بھول گئے دشت و بیاباں والے

میں بھی اک شام ملاقات کا مارا ہوا ہوں

مجھ سے کیا پوچھتے ہیں وادئ ہجراں والے

اَب اُنہیں ڈُھونڈ رہا ہوں جو صدا دیتے تھے

’’اِدھر آبے ابے او چاک گریباں والے‘‘

عرفان صدیقی

دُنیا نے جو پھینکا ہے وہ دستانہ اٹھا لے

جنوری 12, 2012عرفان صدیقی،غزلفقیرانہ،مستانہ،نہ،پروانہ،افسانہ،ترکانہ،خانہ،دانہ،دستانہadmin

عرفان صدیقی ۔ غزل نمبر 275

ہاں اے دلِ دیوانہ حریفانہ اٹھا لے

دُنیا نے جو پھینکا ہے وہ دستانہ اٹھا لے

خاک اڑتی ہے سینے میں بہت رقص نہ فرما

صحرا سے مری جان پری خانہ اٹھا لے

تم کیا شررِ عشق لیے پھرتے ہو صاحب

اس سے تو زیادہ پرِ پروانہ اٹھا لے

یار اتنے سے گھر کے لیے یہ خانہ بدوشی

سر پر ہی اٹھانا ہے تو دُنیا نہ اٹھا لے

پھر بار فقیروں کا اٹھانا مرے داتا

پہلے تو یہ کشکولِ فقیرانہ اٹھا لے

جو رنج میں اس دل پہ اٹھایا ہوں اسے چھوڑ

تو صرف مرا نعرۂ مستانہ اٹھا لے

آسان ہو جینے سے اگر جی کا اٹھانا

ہر شخص ترا عشوۂ ترکانہ اٹھا لے

لو صبح ہوئی موجِ سحر خیز ادھر آئے

اور آکے چراغِ شبِ افسانہ اٹھا لے

ہم لفظ سے مضمون اٹھا لاتے ہیں جیسے

مٹی سے کوئی گوہرِ یک دانہ اٹھا لے

عرفان صدیقی

شہر میں ایک ہی دو ہوں گے ہمارے جیسے

جنوری 12, 2012عرفان صدیقی،غزلہمارے،کنارے،پکارے،اتارے،تمہارے،سہارے،شرارےadmin

عرفان صدیقی ۔ غزل نمبر 274

شمعِ تنہا کی طرح، صبح کے تارے جیسے

شہر میں ایک ہی دو ہوں گے ہمارے جیسے

چھو گیا تھا کبھی اس جسم کو اک شعلۂ درد

آج تک خاک سے اڑتے ہیں شرارے جیسے

حوصلے دیتا ہے یہ ابرِ گریزاں کیا کیا

زندہ ہوں دشت میں ہم اس کے سہارے جیسے

سخت جاں ہم سا کوئی تم نے نہ دیکھا ہو گا

ہم نے قاتل کئی دیکھے ہیں تمہارے جیسے

دیدنی ہے مجھے سینے سے لگانا اس کا

اپنے شانوں سے کوئی بوجھ اتارے جیسے

اب جو چمکا ہے یہ خنجر تو خیال آتا ہے

تجھ کو دیکھا ہو کبھی نہر کنارے جیسے

اس کی آنکھیں ہیں کہ اک ڈوبنے والا انساں

دوسرے ڈوبنے والے کو پکارے جیسے

عرفان صدیقی

میں جل رہا ہوں اسی روشنی میں پہلے سے

جنوری 12, 2012عرفان صدیقی،غزلندی،گلی،خوشی،دلبری،روشنی،شاعریadmin

عرفان صدیقی ۔ غزل نمبر 273

چمک ہے عشق کی تیرہ شبی میں پہلے سے

میں جل رہا ہوں اسی روشنی میں پہلے سے

چلی تھی خاک بھی میری وہیں بکھرنے کو

ہوا نے رقص کیا اس گلی میں پہلے سے

کوئی بھی حلقۂ زنجیر ہو اسیر ہوں میں

ترے ہی سلسلۂ دلبری میں پہلے سے

ترے وصال سے کچھ کم نہیں اُمیدِ وصال

سو ہم ہلاک ہوئے ہیں خوشی میں پہلے سے

ڈبو دیا مجھے میرے لہو نے آخرِ کار

بھنور تو سوئے ہوئے تھے ندی میں پہلے سے

کھلا کہ تیرا ہی پیکر مثالِ صورتِ سنگ

چھپا ہوا تھا مری شاعری میں پہلے سے

عرفان صدیقی

فاصلہ اپنا مگر کم نہیں کرتا ہم سے

جنوری 12, 2012عرفان صدیقی،غزلنم،کم،پیہم،شبنم،عالمadmin

عرفان صدیقی ۔ غزل نمبر 272

کیا ہرن ہے کہ کبھی رم نہیں کرتا ہم سے

فاصلہ اپنا مگر کم نہیں کرتا ہم سے

پیکر سادہ ہے اور دل سے وہ کرتا ہے سلوک

جو کبھی حسنِ دو عالم نہیں کرتا ہم سے

خود ہی شاداب ہے وہ لالۂ صحرا ایسا

خواہشِ قطرۂ شبنم نہیں کرتا ہم سے

کیا خبر کون سی تقصیر پہ ناراض نہ ہو

وہ شکایت بھی تو پیہم نہیں کرتا ہم سے

صبر اے عشق‘ وہ خواہاں ہے شکیبائی کا

طلبِ دیدۂ پر نم نہیں کرتا ہم سے

عرفان صدیقی

پوچھئے دور کی آواز کا جادو ہم سے

جنوری 12, 2012عرفان صدیقی،غزلپہلو،تو،ترازو،جادو،خوشبوadmin

عرفان صدیقی ۔ غزل نمبر 271

ہم سخن ہوتا ہے صحرا کا وہ آہو ہم سے

پوچھئے دور کی آواز کا جادو ہم سے

لیے پھرتی تھی کسی شہرِ فراموشی میں

رات پھر کھیل رہی تھی تری خوشبو ہم سے

اپنے لفظوں سے اسے ہم نے سنبھلنے نہ دیا

ہو گئے دل میں کئی تیر ترازو ہم سے

کیا جھلکتاہے یہ جاناں تری خاموشی میں

حرفِ اقرار تو کہتا بھی نہیں توُ ہم سے

ہم کبھی دھیان سے اس کے نہ اترنے پائیں

دائم آباد رہے حسن کا پہلو ہم سے

عرفان صدیقی

برس رہا ہے کہاں اَبر بے خبر میرے

جنوری 12, 2012عرفان صدیقی،غزلہمسفر،گر،پر،خبر،در،سرadmin

عرفان صدیقی ۔ غزل نمبر 270

جھلس رہے ہیں کڑی دُھوپ میں شجر میرے

برس رہا ہے کہاں اَبر بے خبر میرے

گرا تو کوئی جزیرہ نہ تھا سمندر میں

کہ پانیوں پہ کھلے بھی بہت تھے پر میرے

اَب اِس کے بعد گھنے جنگلوں کی منزل ہے

یہ وقت ہے کہ پلٹ جائیں ہمسفر میرے

خبر نہیں ہے مرے گھر نہ آنے والے کو

کہ اُس کے قد سے تو اُونچے ہیں بام و در میرے

بہت ہے آئینے جن قیمتوں پہ بک جائیں

یہ پتھروں کا زمانہ ہے، شیشہ گر میرے

حریفِ تیغِ ستم گر تو کر دیا ہے تجھے

اَب اور مجھ سے توُ کیا چاہتا ہے سر میرے

عرفان صدیقی

جاتی رت، ہوئیں گے کب پیڑ گھنیرے میرے

جنوری 12, 2012عرفان صدیقی،غزللٹیرے،ڈیرے،گھنیرے،سپیرےadmin

عرفان صدیقی ۔ غزل نمبر 269

بور میرے، نہ پرندوں کے بسیرے میرے

جاتی رت، ہوئیں گے کب پیڑ گھنیرے میرے

اور اے نہر ترا رنگ بدل جائے گا

اور اس دشت سے اُٹھ جائیں گے ڈیرے میرے

جسم کا بوجھ بھی آواز کی لہکار کے ساتھ

اک ذرا بین کو جنبش دے سپیرے میرے

ہیں سبھی بکھرے ہوئے خواب مری آنکھوں میں

دے گئے مجھ کو مرا مال لٹیرے میرے

عرفان صدیقی

روشنی لکھتی ہے اسمائے گرامی تیرے

جنوری 12, 2012عرفان صدیقی،غزلقیامی،مقامی،گرامی،پیامی،تمامی،جامی،حامی،دوامی،سلامی،شامیadmin

عرفان صدیقی ۔ غزل نمبر 268

سب لقب پاک ہیں سب نام ہیں نامی تیرے

روشنی لکھتی ہے اسمائے گرامی تیرے

حرف حق تیرے حوالے سے اجالے کا سراغ

لفظ پائندہ ترے‘ نقش دوامی تیرے

اذن معبود کا مقصود بھی نصرت تیری

مصحف نور کے آیات بھی حامی تیرے

سب ستارہ نظراں‘ خوش ہنراں‘ چارہ گراں

پیک تیرے‘ سفری تیرے‘ پیامی تیرے

بے اماں قریوں پہ دائم تیری رحمت کا نزول

حبشی تیرے‘ حجازی ترے‘ شامی تیرے

تو غزالوں کو کمندوں سے بچانے والا

سارے سلطان غلامانِ قیامی تیرے

کشت سرسبز ترے فیض کی ہریالی سے

دشت میں نخلِ نمودار تمامی تیرے

میرے الفاظ فقط عجز بیاں کا اقرار

کعب و حسان ترے، سعدی و جامی تیرے

نوریاں مدح سرا خاک نہادوں کی مثال

کہیں محسن‘ کہیں جبریل سلامی تیرے

سب تری مملکت جود و کرم میں آباد

حکم نافذ مرے قوسین مقامی تیرے

عرفان صدیقی

اے اندھیری بستیو! تم کو خدا روشن کرے

جنوری 12, 2012عرفان صدیقی،غزلہوا،کیا،حنا،خدا،دوسرا،دیا،دُعا،راستہadmin

عرفان صدیقی ۔ غزل نمبر 267

کوئی بجلی ان خرابوں میں گھٹا روشن کرے

اے اندھیری بستیو! تم کو خدا روشن کرے

ننھے ہونٹوں پر کھلیں معصوم لفظوں کے گلاب

اور ماتھے پر کوئی حرفِ دُعا روشن کرے

زرد چہروں پر بھی چمکے‘ سرخ جذبوں کی دھنک

سانولے ہاتھوں کو بھی رنگِ حنا روشن کرے

ایک لڑکا شہر کی رونق میں سب کچھ بھول جائے

ایک بڑھیا روز چوکھٹ پر دیا روشن کرے

خیر‘ اگر تم سے نہ جل پائیں وفاؤں کے چراغ

تم بجھانا مت جو کوئی دوسرا روشن کرے

آگ جلتی چھوڑ آئے ہو تو اب کیا فکر ہے

جانے کتنے شہر یہ پاگل ہوا روشن کرے

دل ہی فانوسِ وفا‘ دل ہی خس و خارِ ہوس

دیکھنا یہ ہے کہ اس کا قرب کیا روشن کرے

یا تو اس جنگل میں نکلے چاند تیرے نام کا

یا مرا ہی لفظ میرا راستہ روشن کرے

عرفان صدیقی

دل سے ہمیں فرزانہ جانے دیوانہ مشہور کرے

جنوری 12, 2012عرفان صدیقی،غزلمنظور،مجبور،مسرور،مشہور،ضرور،ظہورadmin

عرفان صدیقی ۔ غزل نمبر 266

ہم نے اسے محبوب کیا یہ سوچ کے جی میں غرور کرے

دل سے ہمیں فرزانہ جانے دیوانہ مشہور کرے

اس کا نام ہی انتم سر ہے مری صدا کے سرگم کا

اس کے آگے سناٹا ہے کوئی اگر مجبور کرے

حرف میں اپنے جانِ سخن نے دونوں مطلب رکھے ہیں

جب چاہے افسردہ کردے‘ جب چاہے مسرور کرے

کیا کیا طور اسے آتے ہیں دل کو شکیبا رکھنے کے

لغزش پہ ناراض نہ ہو اور خواہش نا منظور کرے

شب کو جو محوِ خوابِ گراں ہو گل ہوں ستارہ چاند چراغ

صبح کو جب وہ جامہ چساں ہو جگ میں نور ظہور کرے

ہم کو تو دلبر خوب ملا خیر اپنی اپنی قسمت ہے

پھر بھی جو کوئی رنج اُٹھانا چاہے عشق ضرور کرے

عرفان صدیقی

دریا سے پوچھو، رات یہ ہم نے کیسے گزاری دریا کنارے

جنوری 12, 2012عرفان صدیقی،غزلیاری،کیاری،گزاری،اتاری،سواریadmin

عرفان صدیقی ۔ غزل نمبر 265

کشتی تو اپنی خود ہی جلا دی، بستی ہماری دریا کنارے

دریا سے پوچھو، رات یہ ہم نے کیسے گزاری دریا کنارے

برفیلی رُت نے جب بھی تمہاری مٹّی کا دانہ پانی چرایا

دیکھو پرندو‘ رب نے تمہاری روزی اتاری دریا کنارے

تم بھی مسافر کتنے دلاور‘ ہم بھی مسافر کیسے شناور

آندھی کے پیچھے جنگل سے ناتا‘ دریا سے یاری دریا کنارے

ریتی کے پیلے دامن پہ ہم بھی رنگِ حنا سے بکھرے پڑے ہیں

موجِ بہاراں‘ آئے گی کب تک تیری سواری دریا کنارے

تمثیل سمجھو یا استعارہ اتنا سا لوگو، قصہ ہمارا

آنکھوں میں اپنی پھولوں سے چہرے، چہروں کی کیاری دریا کنارے

عرفان صدیقی

کوئی رات آئے اور اس شہر کو جنگل کردے

جنوری 11, 2012عرفان صدیقی،غزلمکمل،پاگل،اوجھل،بادل،جنگلadmin

عرفان صدیقی ۔ غزل نمبر 264

در و دیوار میں کچھ تازہ ہوا حل کردے

کوئی رات آئے اور اس شہر کو جنگل کردے

پس نظارہ نکلتا ہے تماشا کیا کیا

آنکھ وہ شے ہے کہ انسان کو پاگل کردے

میں وہ طائر ہوں کہ ہے تیر کی زد سے باہر

اب یہ ضد چھوڑ مجھے آنکھ سے اوجھل کردے

ہے کوئی شخص مرے دشتِ زیاں کا سفری

ہے کوئی شخص جو اس دھوپ کو بادل کردے

ایک رنگ آج بھی تصویرِ ہنر میں کم ہے

موجِ خوں آ‘ مرا دیوان مکمل کردے

عرفان صدیقی

آتے موسم کا پتا سوکھی ہوئی ڈالی دے

جنوری 11, 2012عرفان صدیقی،غزلہریالی،لالی،والی،پامالی،اِقبالی،اعمالیadmin

عرفان صدیقی ۔ غزل نمبر 263

کس کو دھوکا یہ ہوا بیتی رُتوں والی دے

آتے موسم کا پتا سوکھی ہوئی ڈالی دے

اَے خدا! سبزۂ صحرا کو بھی تنہا مت رکھ

اِس کو شبنم نہیں دیتا ہے تو پامالی دے

ہر برس صرف سمندر ہی پہ موتی نہ لٹا

ابرِ نیساں مرے کھیتوں کو بھی ہریالی دے

جب کبھی شام کو توُ دستِ دُعا پھیلائے

آسماں کو ترے ہاتھوں کی حنا لالی دے

چپ ہوا میں تو بس اقرارِ خطا ہی سمجھو

کیا بیاں اِس کے سوا مجرمِ اِقبالی دے

ویسے آنکھیں تو گنہگار بہت ہیں عرفانؔ

آگے جو کچھ مرے جذبوں کی خوش اعمالی دے

عرفان صدیقی

کالی رات دیا دے کوئی، جنگل کوئی تارا دے

جنوری 11, 2012عرفان صدیقی،غزللشکارا،چمکارا،گلیارا،تارا،سہاراadmin

عرفان صدیقی ۔ غزل نمبر 262

روشنیوں کے مالک اب ہم کو رستے کا اشارا دے

کالی رات دیا دے کوئی، جنگل کوئی تارا دے

جانے کب سے جلنے والے، ڈوبنے والے، سوچتے ہیں

شاید کوئی آگ میں کیاری، پانی میں گلیارا دے

سوکھے ہوئے دریا کے کنارے، پیڑ کھڑے ہیں دِھیر دَھرے

بادل چادر سایہ کرے، یا لہر کوئی چمکارا دے

اُجلی لڑکی دُنیا میں بڑی کالک ہے، پر ایسا ہو

مانگ میں تیری جگنو چمکیں‘ لونگ تری لشکارا دے

رُکنا ہو یا چلنا ہو، کوئی فکر نہیں بنجارے کو

بنجارن نئے چھپر چھائے، کوچ میں پوت سہارا دے

عرفان صدیقی

اب عشق تو اس بے ہنری کو نہیں کہتے

جنوری 11, 2012عرفان صدیقی،غزلہمسفری،ہنری،گریadmin

عرفان صدیقی ۔ غزل نمبر 261

اُس شمع سے ہم شب بسری کو نہیں کہتے

اب عشق تو اس بے ہنری کو نہیں کہتے

اک عرض ہے یہ پیرہن ناز سیامت

وحشی سے کبھی بخیہ گری کو نہیں کہتے

تو موج گریزاں ہے تو کچھ دُور تک آجا

ہم دیر تلک ہمسفری کو نہیں کہتے

عرفان صدیقی

مٹی ہیں تو پھر شہر بدر ہم نہیں ہوتے

جنوری 11, 2012عرفان صدیقی،غزلاُدھر،بدر،تر،دگر،سفرadmin

عرفان صدیقی ۔ غزل نمبر 260

خوشبو کی طرح گرم سفر ہم نہیں ہوتے

مٹی ہیں تو پھر شہر بدر ہم نہیں ہوتے

پل بھر کا تماشا ہے سو دیکھو ہمیں اس بار

ایک آئنے میں بار دگر ہم نہیں ہوتے

کیا ابر گریزاں سے شکایت ہو کہ دل میں

صحرا ہی کچھ ایسا ہے کہ تر ہم نہیں ہوتے

لے جاؤ تم اپنی مہ و انجم کی سواری

ہر شخص کے ہمراہ سفر ہم نہیں ہوتے

مدت سے فقیروں کا یہ رشتہ ہے فلک سے

جس سمت وہ ہوتا ہے اُدھر ہم نہیں ہوتے

عرفان صدیقی

وہ لوگ ادا اجر رسالت نہیں کرتے

جنوری 11, 2012عرفان صدیقی،غزلہمت،مدحت،اطاعت،بیعت،تجارت،حیرت،رفاقت،روایت،رُخصت،رسالت،سماعت،صورت،عجلتadmin

عرفان صدیقی ۔ غزل نمبر 259

جو معرکۂ صبر میں نصرت نہیں کرتے

وہ لوگ ادا اجر رسالت نہیں کرتے

ہوتی ہے یہی مصحف ناطق کی نشانی

نیزے پہ بھی سر بولے تو حیرت نہیں کرتے

جب تشنہ دہاں خود نہ دیں اس کی اجازت

دریا بھی قریب آنے کی ہمت نہیں کرتے

پھولوں سے بہت ڈرتے تھے باطل کے گنہگار

کیوں تیر چلا دینے میں عجلت نہیں کرتے

وہ ہاتھ کٹا دیتے ہیں سر دینے سے پہلے

مظلوم کبھی ظلم کی بیعت نہیں کرتے

کوثر پہ نہ کیوں حق ہو کہ دنیا میں بھی ہم لوگ

گریہ نہیں کرتے ہیں کہ مدحت نہیں کرتے

اس وقت سے ظالم کے مقابل ہیں سو اب تک

بیعت ہے بڑی چیز، اطاعت نہیں کرتے

یہ اشک عزا اور یہ دنیا کے خزانے

ہم اپنے چراغوں کی تجارت نہیں کرتے

اس آئینہ خانے کی طرف دیکھتے ہیں ہم

پھر کوئی زیارت کسی صورت نہیں کرتے

جز حرف دلا کچھ بھی عبارت نہیں کرتے

ہم اور سخن کوئی سماعت نہیں کرتے

جس طرح چلے سبط نبی شہر نبی سے

اس طرح تو مہماں کو بھی رُخصت نہیں کرتے

اک درد کو کرتے ہیں جہاں گیر جہاں تاب

ہم صرف وہ تاریخ روایت نہیں کرتے

وہ شمع بجھی اور یہ حقیقت ہوئی روشن

ارباب وفا ترک رفاقت نہیں کرتے

عرفان صدیقی

درخت چھوڑ کے اپنی زمیں نہیں جاتے

جنوری 11, 2012عرفان صدیقی،غزلقریں،وہیں،یقیں،کہیں،جبیں،زمیںadmin

عرفان صدیقی ۔ غزل نمبر 258

کہیں خرابۂ جاں کے مکیں نہیں جاتے

درخت چھوڑ کے اپنی زمیں نہیں جاتے

تھکے ہوئے کسی لمبے سفر سے لوٹے ہیں

ہوائے تازہ ابھی ہم کہیں نہیں جاتے

بہت یقیں ترے دستِ رفو پہ ہے لیکن

میں کیا کروں مرے زخمِ یقیں نہیں جاتے

یہ کون ہیں جو ببولوں سے چھاؤں مانگتے ہیں

اُدھر جو ایک شجر ہے وہیں نہیں جاتے

میں تم سے ملنے کو اس شہرِ شب سے آتا ہوں

جہاں تم ایسے ستارہ جبیں نہیں جاتے

یہ جانتے ہوئے ہم پانیوں میں اترے ہیں

کہ ڈرنے والے بھنور کے قریں نہیں جاتے

عرفان صدیقی

تو دلبرانِ غزل خط و خال سے بھی گئے

جنوری 11, 2012عرفان صدیقی،غزلقال،ملال،حال،خال،غزالadmin

عرفان صدیقی ۔ غزل نمبر 257

ہم اہلِ شعر جو حسنِ خیال سے بھی گئے

تو دلبرانِ غزل خط و خال سے بھی گئے

بچھڑ گئے کہیں رَستے میں ہمسفر موسم

گئے دِنوں کے تعاقب میں حال سے بھی گئے

وہ کہہ گیا ہے پھر آئیں گے ہم، اُداس نہ ہو

تو ہم خوشی سے بھی چھوُٹے، ملال سے بھی گئے

وہاں بھی اِس کے سوا اور کچھ نصیب نہ تھا

ختن سے نکلے تو چشمِ غزال سے بھی گئے

وہ ہونٹ پندگروں کو بھی کر گئے خاموش

غریب مشغلۂ قیل و قال سے بھی گئے

عرفان صدیقی

بے تیغ و تیر، شحنہ لشکر بھی ہو گئے

جنوری 11, 2012عرفان صدیقی،غزللشکر،مقرر،محضر،نوکر،افسر،دفتر،سرadmin

عرفان صدیقی ۔ غزل نمبر 256

ہم دل فگار آج دلاور بھی ہو گئے

بے تیغ و تیر، شحنہ لشکر بھی ہو گئے

پہلے بھی خودسری تو بہت تھی خمیر میں

اب کج کلاہیوں پہ مقرر بھی ہو گئے

آزادگی تو جا نہیں سکتی مزاج کی

میر سپاہ لے ترے نوکر بھی ہو گئے

یہ سب ولائے فاتح خیبر کا فیض ہے

ہم سر جھکا کے صاحب افسر بھی ہو گئے

ہم نے کہا نہ تھا کہ ہیں مشکل کشا علی

وہ معرکے جو بس کے نہ تھے سر بھی ہو گئے

اب کیا شکایت ستم دہر کیجیے

جتنے گلے تھے داخل دفتر بھی ہو گئے

نافذ ہوا وہی شہہ مرداں کا فیصلہ

دشمن کے دستخط سر محضر بھی ہو گئے

عرفان صدیقی

تمہارے ہوتے ہوئے ہم اُداس کیسے ہوئے

جنوری 11, 2012عرفان صدیقی،غزللباس،اُداس،راس،شناسadmin

عرفان صدیقی ۔ غزل نمبر 255

نہ جانے اِتنے وفا ناشناس کیسے ہوئے

تمہارے ہوتے ہوئے ہم اُداس کیسے ہوئے

جو خواب میں نظر آتے تو چونک جاتا تھا

وہ حادثے مری آنکھوں کو راس کیسے ہوئے

دِلوں میں اَب وہ پُرانی کدورتیں بھی نہیں

یہ سایہ دار شجر بے لباس کیسے ہوئے

یہ نرم لہجہ تمہارا چلن نہ تھا عرفانؔ

تم آج ایسے زمانہ شناس کیسے ہوئے

عرفان صدیقی

کس دَشت میں ہیں شوق کے گھوڑے اڑے ہوئے

جنوری 11, 2012عرفان صدیقی،غزللڑے،کھڑے،گڑے،اڑے،جڑےadmin

عرفان صدیقی ۔ غزل نمبر 254

ہر سمت آرزوؤں کے لاشے پڑے ہوئے

کس دَشت میں ہیں شوق کے گھوڑے اڑے ہوئے

معصوم چہرہ، تیز نگاہوں کی زد میں ہے

نیزے ہیں نرم کھیت کے دِل میں گڑے ہوئے

ہم بیچنے کو لائے ہیں ماضی کے پیرہن

کہنہ روایتوں کے نگینے جڑے ہوئے

اپنے لیے تو ہار ہے کوئی، نہ جیت ہے

ہم سب ہیں دُوسروں کی لڑائی لڑے ہوئے

اُن کو خبر نہیں کہ ہے پانی کا کیا مزاج

جو پیڑ ہیں ندی کے کنارے کھڑے ہوئے

عرفان صدیقی

جبیں اُٹھا، کہ یہ بندہ خدا نہ ہونے پائے

جنوری 11, 2012عرفان صدیقی،غزلخدا،خطا،رونما،ضیاadmin

عرفان صدیقی ۔ غزل نمبر 253

نیاز عشق بھی حد سے سوا نہ ہونے پائے

جبیں اُٹھا، کہ یہ بندہ خدا نہ ہونے پائے

مرے عدو، ترے ترکش میں آخری ہے یہ تیر

تو دیکھ، اب کے نشانہ خطا نہ ہونے پائے

عجب یہ کہنہ سرا ہے، عجب چراغ ہیں ہم

کہ ساری رات جلیں اور ضیاء نہ ہونے پائے

ہمارا دل بھی اک آئینہ ہے مگر اس میں

وہ عکس ہے جو کبھی رونما نہ ہونے پائے

عرفان صدیقی

عرفانؔ تم یہ درد کی دولت کہاں سے لائے

جنوری 11, 2012عرفان صدیقی،غزلندامت،نسبت،ولایت،بیعت،دولت،ضرورتadmin

عرفان صدیقی ۔ غزل نمبر 252

دستِ تہی میں گوہرِ نصرت کہاں سے لائے

عرفانؔ تم یہ درد کی دولت کہاں سے لائے

سب دین ہے خدا کی سو ہر دودمانِ شوق

چادر کہاں سے لائے ولایت کہاں سے لائے

پانی نہ پائیں ساقی کوثر کے اہلِ بیتؑ

موج فرات اشک ندامت کہاں سے لائے

لو ہاتھ اہلِ صبر و رضا نے کٹا دیے

اب ظلم سوچتا ہے کہ بیعت کہاں سے لائے

میں آلِ خانہ زاد علیؑ ، اُن کا ریزہ خوار

قسمت نہ ہو تو کوئی یہ نسبت کہاں سے لائے

ہاں اہلِ زر کے پاس خزانے تو ہیںؓ مگر

مولاؑ کا یہ فقیر ضرورت کہاں سے لائے

عرفان صدیقی

وہ رت بھی آئے کہ اس کا بدن گھٹا ہوجائے

جنوری 11, 2012عرفان صدیقی،غزلمکالمہ،نیا،گھٹا،دوسرا،رتجگاadmin

عرفان صدیقی ۔ غزل نمبر 251

مرے وجود کا جنگل ہرا بھرا ہوجائے

وہ رت بھی آئے کہ اس کا بدن گھٹا ہوجائے

وہ مجھ کو حرف و نوا سے زیادہ جانتا ہے

میں کچھ نہ بولوں اور اس سے مکالمہ ہوجائے

عجب ہے میرے ستارہ ادا کی ہم سفری

وہ ساتھ ہو تو بیاباں میں رتجگا ہوجائے

مجھے وہ لفظ جو لکھّے تو کوئی اور لگے

سخن کرے کبھی مجھ سے تو دوسرا ہوجائے

وہ خوش بدن ہے نویدِ بہار میرے لیے

میں اس کو چھولوں تو سب کچھ نیا نیا ہوجائے

عرفان صدیقی

آخری معرکۂ صبر ہے عجلت کی جائے

جنوری 11, 2012عرفان صدیقی،غزلبیعت،حیرت،حکایت،زحمت،صورت،عنایت،عجلتadmin

عرفان صدیقی ۔ غزل نمبر 250

ختم ہو جنگ خرابے پہ حکومت کی جائے

آخری معرکۂ صبر ہے عجلت کی جائے

ہم نہ زنجیر کے قابل ہیں نہ جاگیر کے اہل

ہم سے انکار کیا جائے نہ بیعت کی جائے

مملکت اور کوئی بعد میں ارزانی ہو

پہلے میری ہی زمیں مجھ کو عنایت کی جائے

یا کیا جائے مجھے خوش نظری سے آزاد

یا اسی دشت میں پیدا کوئی صورت کی جائے

ہم عبث دیکھتے ہیں غرفۂ خالی کی طرف

یہ بھی کیا کوئی تماشا ہے کہ حیرت کی جائے

گھر بھی رہیے تو چلے آتے ہیں ملنے کو غزال

کاہے کو بادیہ پیمائی کی زحمت کی جائے

اپنی تحریر تو جو کچھ ہے سو آئینہ ہے

رمز تحریر مگر کیسے حکایت کی جائے

عرفان صدیقی

کیا تیغ ہے، چل جائے تو چلتی ہی چلی جائے

جنوری 11, 2012عرفان صدیقی،غزلچلتی،نکلتی،ڈھلتی،ٹلتی،پگھلتی،بدلتی،جلتیadmin

عرفان صدیقی ۔ غزل نمبر 249

گرتی ہی چلی جائے سنبھلتی ہی چلی جائے

کیا تیغ ہے، چل جائے تو چلتی ہی چلی جائے

رُک جاؤں تو بن جائے ہر اک راستہ دیوار

نکلوں تو ہر اک راہ نکلتی ہی چلی جائے

بہتر یہی ہو گا کہ ہم آرام سے سو جائیں

اچھی شب وعدہ ہے کہ ڈھلتی ہی چلی جائے

کیا دار عمل ہے کہ جو جی چاہے سو کیجے

کیا خوب قیامت ہے کہ ٹلتی ہی چلی جائے

اک آگ ہے خوں میں کہ جو مدھم نہیں ہوتی

اک شمع ہے دل میں کہ پگھلتی ہی چلی جائے

میں ہوں کہ جو دھوکا نہیں کھاتا کسی صورت

دنیا ہے کہ یہ روپ بدلتی ہی چلی جائے

ہم تو خس و خاشاک سمجھتے تھے بدن کو

یہ کون سی مٹی ہے کہ جلتی ہی چلی جائے

عرفان صدیقی

یہ نامراد تہِ آسماں کہاں جائے

جنوری 11, 2012عرفان صدیقی،غزلہمسایگاں،آسماں،دوستاں،دھواں،زباںadmin

عرفان صدیقی ۔ غزل نمبر 248

زمیں سے اُٹھ کے مری خاکِ جاں کہاں جائے

یہ نامراد تہِ آسماں کہاں جائے

ہوائے درد کا رخ ہے مرے ہی گھر کی طرف

صدائے گریۂ ہمسایگاں کہاں جائے

کوئی طلب نہیں کرتا محبتوں کا صلہ

مگر حسابِ دل دوستاں کہاں جائے

غبارِ تیرہ شبی بھر گیا ہے آنکھوں میں

یہیں چراغ جلے تھے دھواں کہاں جائے

اگر میں فرض نہ کر لوں کہ سن رہا ہے کوئی

تو پھر مرا سخنِ بے زباں کہاں جائے

عرفان صدیقی

یہ نامراد ہنوز آسماں کہاں جائے

جنوری 11, 2012عرفان صدیقی،غزلآسماں،دوستاں،دھواں،رائیگاں،سائیگاںadmin

عرفان صدیقی ۔ غزل نمبر 247

زمیں سے اُٹھ کے مری خاک جاں کہاں جائے

یہ نامراد ہنوز آسماں کہاں جائے

ہوائے درد کا رُخ ہے مرے ہی گھر کی طرف

صدائے گریۂ ہم سائیگاں کہاں جائے

غبار تیرہ شبی بھر گیا ہے آنکھوں میں

یہیں چراغ جلے تھے دھواں کہاں جائے

طلب کوئی نہیں کرتا محبتوں کا صلہ

مگر حساب دل دوستاں کہاں جائے

اگر میں فرض نہ کر لوں کہ سن رہا ہے کوئی

تو پھر مرا سخنِ رائیگاں کہاں جائے

عرفان صدیقی

ورنہ ممکن ہے مری رات بسر بھی ہو جائے

جنوری 11, 2012عرفان صدیقی،غزلگھر،بسر،جدھر،در،سرadmin

عرفان صدیقی ۔ غزل نمبر 246

اب ضیابار وہ مہتاب ادھر بھی ہو جائے

ورنہ ممکن ہے مری رات بسر بھی ہو جائے

کسی وحشت نے بنایا ہے ہمیں خانہ بدوش

ہم جو صحرا ہی میں رہ جائیں تو گھر بھی ہو جائے

ریت میں پھول کھلیں، سنگ سے چشمہ پھوٹے

زندگی اس کا اشارہ ہے جدھر بھی ہو جائے

یہ کرشمہ کبھی ہوتے نہیں دیکھا ہم نے

سر بھی شانوں پہ رہے معرکہ سر بھی ہو جائے

MERGED پاؤں پتھر ہوں تو کیا وحشت سرکا حاصل

فرض کر لیجیے دیوار میں در بھی ہو جائے

عرفان صدیقی

تو کائنات کو کیوں دردِ سر بنایا جائے

جنوری 11, 2012عرفان صدیقی،غزلہنر،مختصر،گھر،سپر،سحر،سرadmin

عرفان صدیقی ۔ غزل نمبر 245

یہ شہرِ ذات بہت ہے‘ اگر بنایا جائے

تو کائنات کو کیوں دردِ سر بنایا جائے

ذرا سی دیر کو رک کر کسی جزیرے پر

سمندروں کا سفر مختصر بنایا جائے

اب ایک خیمہ لگے دشمنوں کی بستی میں

دُعائے شب کو نشانِ سحر بنایا جائے

یہی کٹے ہوئے بازو علم کیے جائیں

یہی پھٹا ہوا سینہ سپر بنایا جائے

سنا یہ ہے کہ وہ دریا اتر گیا آخر

تو آؤ‘ پھر اسی ریتی پہ گھر بنایا جائے

عجب مصاف سکوت و سخن میں جاری ہے

کسے وسیلۂ عرضِ ہنر بنایا جائے

عرفان صدیقی

پڑھوں سلام تو خوشبو کلام سے آئے

جنوری 11, 2012عرفان صدیقی،غزلکلام،پیام،احترام،بام،تمام،دام،شام،عامadmin

عرفان صدیقی ۔ غزل نمبر 244

سخن میں موسم گل اُن کے نام سے آئے

پڑھوں سلام تو خوشبو کلام سے آئے

شگفت اسم محمد کا وقت ہے دل میں

یہاں نسیم سحر احترام سے آئے

وہی سراج منیر آخری ستارۂ غیب

اجالے سب اُسی ماہ تمام سے آئے

وہ جس کو نان جویں بخش دیں اُسی کے لیے

خراج مملکت روم و شام سے آئے

انہیں سے ہو دل و جاں پر سکینیوں کا نزول

قرار اُن کے ہی فیضان عام سے آئے

انہیں کے نام سے قائم رہے وجود مرا

نمو کی تاب انہیں کے پیام سے آئے

میں اُن کا حرف ثنا اپنی دھڑکنوں میں سنوں

وہی صدا مرے دیوار و بام سے آئے

یہ بے کسان گرفتار سب انہیں کے طفیل

نکل کے حلقۂ زنجیر و دام سے آئے

عرفان صدیقی

اور اک شمع تہہ خاک دبا بھی آئے

جنوری 11, 2012عرفان صدیقی،غزلہما،لگا،اُڑا،دبا،دعا،صداadmin

عرفان صدیقی ۔ غزل نمبر 243

اک دیا شام خموشاں میں جلا بھی آئے

اور اک شمع تہہ خاک دبا بھی آئے

اب کے اُس در سے نہ نکلا کسی اُمید کا چاند

شب کے سناٹے میں آواز لگا بھی آئے

یہ سفر کتنا اکیلا ہے کہ عادت تو نہ تھی

دُور تک ساتھ کوئی حرف دعا بھی آئے

اُس کی پرچھائیں کا دھوکا نہیں ہونے والا

اب مری سمت اگر ظل ہما بھی آئے

غم دنیا میں غم جاں کی حقیقت کیا ہے

دوسرے چپ ہوں تو کچھ اپنی صدا بھی آئے

تو بہت دیر میں دیوانہ بنانے نکلی

ہم تو اے باؤلی رُت خاک اُڑا بھی آئے

ماں کے انتقال پر

عرفان صدیقی

شبِ سفر میں کبھی ساعتِ زوال بھی آئے

جنوری 11, 2012عرفان صدیقی،غزلملال،مثال،ڈال،خصال،زوالadmin

عرفان صدیقی ۔ غزل نمبر 242

کہیں خیام لگیں قریہ وصال بھی آئے

شبِ سفر میں کبھی ساعتِ زوال بھی آئے

کسی اُفق پہ تو ہو اتصالِ ظلمت و نور

کہ ہم خراب بھی ہوں اور وہ خوش خصال بھی آئے

سخن میں کب سے ہے روشن، یہ کیا ضروری ہے

کہ وہ ستارہ سرِ مطلعِ مثال بھی آئے

سنا ہے سیر کو نکلی ہوئی ہے موجِ نشاط

عجب نہیں طرفِ کوچۂ ملال بھی آئے

ہمیں عطیۂ ترکِ طلب قبول نہ تھا

سو ہم تو اس کی عنایت پہ خاک ڈال بھی آئے

عرفان صدیقی

میں چپ رہوں تو یہ بھولی ہوئی صدا بھی نہ آئے

جنوری 11, 2012عرفان صدیقی،غزلمدعا،کربلا،بسا،راستہ،سلسلہ،صداadmin

عرفان صدیقی ۔ غزل نمبر 241

سماعتوں میں کوئی حرف آشنا بھی نہ آئے

میں چپ رہوں تو یہ بھولی ہوئی صدا بھی نہ آئے

ہوا کا حکم ہو سب کچھ تو اس کنارے تک

یہ جلتے بجھتے چراغوں کا سلسلہ بھی نہ آئے

تمام خانہ خرابوں سے ہو گئیں آباد

وہ بستیاں جو ترے دربدر بسا بھی نہ آئے

تو کیا خراب ہی کی جائے یہ خدا کی زمیں

تو کیا دمشق کے جادے میں کربلا بھی نہ آئے

کبھی نہ ختم ہو یہ جنگلوں کی ہم سفری

میں تیرے ساتھ چلوں اور راستہ بھی نہ آئے

مجھے قبول نہیں ہے یہ عرض حال کی شرط

کہ میں سخن بھی کروں اور مدعا بھی نہ آئے

عرفان صدیقی

ستارہ جو کو فرشتے کہیں نظر نہیں آئے

جنوری 10, 2012عرفان صدیقی،غزلنظر،کر،گھر،اُتر،ترadmin

عرفان صدیقی ۔ غزل نمبر 240

خلاء میں کیا نظر آتے، زمین پر نہیں آئے

ستارہ جو کو فرشتے کہیں نظر نہیں آئے

نشاں نہ تھا کوئی ڈوبی ہوئی زمینوں کا

سو ہم جہاز پہ اُڑتے رہے اُتر نہیں آئے

جہان نو تھا کہ مقتل ہمیں نہیں معلوم

جو اس گلی سے گئے تھے زیادہ تر نہیں آئے

اُداس شام اکیلی کھڑی ہے چوکھٹ پر

بہت سے صبح کے نکلے ہوئے بھی گھر نہیں آئے

یہ فصل گل جو بہت مہربان ہے اس بار

عجب نہیں ہے کہ جائے تو لوٹ کر نہیں آئے

عرفان صدیقی

سب سچ ہی سہی، پہلے سماعت میں تو آئے

جنوری 10, 2012عرفان صدیقی،غزلقیامت،محبت،مروت،دعوت،سماعتadmin

عرفان صدیقی ۔ غزل نمبر 239

جو دل میں ہے وہ حرف و حکایت میں تو آئے

سب سچ ہی سہی، پہلے سماعت میں تو آئے

اب تک جو ترے دست ستم میں ہے وہ تلوار

اک بار مرے دست مروت میں تو آئے

ہم ایسے ہوس کار نہیں جو نہ سدھر جائیں

تھوڑا سا مزہ کار محبت میں تو آئے

مشکل تو یہی ہے کہ قیامت نہیں آتی

قاتل مرا میدان قیامت میں تو آئے

اس نے ابھی دیکھا ہے سر پُل مجھے تنہا

وہ شخص مری رات کی دعوت میں تو آئے

عرفان صدیقی

ستارہ ڈوبے ستارہ نما نکل آئے

جنوری 10, 2012عرفان صدیقی،غزلہوا،نما،دوسرا،دُعا،راستہadmin

عرفان صدیقی ۔ غزل نمبر 238

زوالِ شب میں کسی کی صدا نکل آئے

ستارہ ڈوبے ستارہ نما نکل آئے

عجب نہیں کہ یہ دریا نظر کا دھوکا ہو

عجب نہیں کہ کوئی راستہ نکل آئے

یہ کس نے دستِ بریدہ کی فصل بوئی تھی

تمام شہر میں نخلِ دُعا نکل آئے

بڑی گھٹن ہے‘ چراغوں کا کیا خیال کروں

اب اس طرف کوئی موجِ ہوا نکل آئے

خدا کرے صفِ سر دادگاں نہ ہو خالی

جو میں گروں تو کوئی دوسرا نکل آئے

عرفان صدیقی

کس سمت رہا ہو کے گرفتار نکل آئے

جنوری 10, 2012عرفان صدیقی،غزلمددگار،گرفتار،بار،خریدار،سرکارadmin

عرفان صدیقی ۔ غزل نمبر 237

جنگل میں بھی بستی کے سے آثار نکل آئے

کس سمت رہا ہو کے گرفتار نکل آئے

میدان میں ہر چند میں تنہا تھا مگر خیر

لوٹا تو بہت میرے مددگار نکل آئے

پھر ہم پہ ستم ہو کہ پئے حلقۂ یاراں

کچھ حیلۂ مدّاحیِ سرکار نکل آئے

اندیشۂ جاں خیمے کی دیوار تلک ہے

کچھ بھی نہیں ہو گا اگر اک بار نکل آئے

بازار میں آئے ہیں تو کیوں مول گھٹائیں

شاید کوئی اپنا بھی خریدار نکل آئے

عرفان صدیقی

لکھنؤ میں بھی بتوں کا قد و قامت ہے وہی

جنوری 10, 2012عرفان صدیقی،غزلقیامت،قامت،ملامت،ندامت،کرامت،سلامتadmin

عرفان صدیقی ۔ غزل نمبر 236

ہر جگہ فتنۂ محشر کی علامت ہے وہی

لکھنؤ میں بھی بتوں کا قد و قامت ہے وہی

بات کرنے لگے سناٹے تو معلوم ہُوا

اَب بھی خاموش زَبانوں میں کرامت ہے وہی

کون ہم خانہ خرابوں کو کرے گا برباد

جو اِس آشوب میں غارت ہے سلامت ہے وہی

آستیں پر کوئی دھبّہ تو نہیں ہے، لیکن

اُس کی آنکھوں میں بہرحال ندامت ہے وہی

کم سے کم ایک رَوایت تو اَبھی زِندہ ہے

سر وہی ہوں کہ نہ ہوں، سنگِ ملامت ہے وہی

موجِ خوں ہو کہ ترے شہر کی دِلدار ہَوا

یار، جو سر سے گزر جائے قیامت ہے وہی

عرفان صدیقی

نظر دیئے کی طرح چوکھٹوں پہ جلتی رہی

جنوری 10, 2012عرفان صدیقی،غزلچلتی،ڈھلتی،پگھلتی،پھلتی،بدلتی،جلتیadmin

عرفان صدیقی ۔ غزل نمبر 235

قدم اُٹھے تو گلی سے گلی نکلتی رہی

نظر دیئے کی طرح چوکھٹوں پہ جلتی رہی

کچھ اَیسی تیز نہ تھی اُس کے اِنتظار کی آنچ

یہ زندگی ہی مری برف تھی پگھلتی رہی

سروں کے پھول سرِ نوکِ نیزہ ہنستے رہے

یہ فصل سوکھی ہوئی ٹہنیوں پہ پھلتی رہی

ہتھیلیوں نے بچایا بہت چراغوں کو

مگر ہوا ہی عجب زاویے بدلتی رہی

دیارِ دِل میں کبھی صبح کا گجر نہ بجا

بس ایک دَرد کی شب ساری عمر ڈھلتی رہی

میں اَپنے وقت سے آگے نکل گیا ہوتا

مگر زمیں بھی مرے ساتھ ساتھ چلتی رہی

عرفان صدیقی

پل بھر میں نہ دریا تھا نہ میں تھا نہ گھٹا تھی

جنوری 10, 2012عرفان صدیقی،غزلندا،گھٹا،حنا،سزا،صدا،ضیاadmin

عرفان صدیقی ۔ غزل نمبر 234

یہ کون سے صحرا کی پُراسرار ہوا تھی

پل بھر میں نہ دریا تھا نہ میں تھا نہ گھٹا تھی

جنگل تھا نہ بادل تھا نہ ساحل تھا نہ دل تھا

آندھی تھی نہ بارش تھی گرج تھی نہ صدا تھی

طائر سفر آمادہ تھے گھر تھا کہ شجر تھا

جھیلوں کا بلاوا تھا، پہاڑوں کی ندا تھی

کل نیند کی آنکھوں میں چمکتے تھے ستارے

کل خواب بچھونوں پہ کھلونوں کی ضیا تھی

کل رات سناتی تھی فرشتوں کی کہانی

کل نرم رداؤں میں ڈُعاؤں کی ضیا تھی

بانہوں پہ نگاہوں کے بندھے رہتے تھے تعویذ

گھیروں سے سویروں کو نکلنے پہ سزا تھی

دالانوں میں سو جاتے تھے سہمے ہوئے بچے

افسوں تھا کہ شب گشت فقیروں کی صدا تھی

چھت نار درختوں میں چھپی رہتی تھی دوپہر

اک آم کی گٹھلی میں نفیری کی ندا تھی

مٹی کے چراغوں میں جلا کرتی تھیں راتیں

چڑیوں کے بسیروں میں سویروں کی صدا تھی

پلکوں سے گرا کرتے تھے بھیگے ہوئے جگنو

پھیلے ہوئے ہاتھوں پہ شفق تھی نہ حنا تھی

عرفان صدیقی

چاہنے والوں کو مرتے ہوئے دیکھا ہے کبھی

جنوری 10, 2012عرفان صدیقی،غزلمرتے،ڈرتے،ٹھہرتے،بکھرتےadmin

عرفان صدیقی ۔ غزل نمبر 233

تم نے یہ لمحہ گزرتے ہوئے دیکھا ہے کبھی

چاہنے والوں کو مرتے ہوئے دیکھا ہے کبھی

سطح پر عکس تو بنتے ہوئے دیکھے ہوں گے

نقش پانی پہ ٹھہرتے ہوئے دیکھا ہے کبھی

جسم کی آگ کے انجام کی تمثیل بتاؤں

خاک پر خاک بکھرتے ہوئے دیکھا ہے کبھی

کچھ تو ہے وادئ ہو میں کہ لرزتا ہوں میں

ورنہ تم نے مجھے ڈرتے ہوئے دیکھا ہے کبھی

عرفان صدیقی

گزر چکے ہیں یہ لشکر یہاں سے پہلے بھی

جنوری 10, 2012عرفان صدیقی،غزلفغاں،نامہرباں،یہاں،دوستاں،درمیاںadmin

عرفان صدیقی ۔ غزل نمبر 232

سروں کو ربط رہا ہے سناں سے پہلے بھی

گزر چکے ہیں یہ لشکر یہاں سے پہلے بھی

یہ پہلی چیخ نہیں ہے ترے خرابے میں

کہ حشر اُٹّھے ہیں میری فغاں سے پہلے بھی

ہماری خاک پہ صحرا تھا مہرباں بہت

ہوائے کوفۂ نامہرباں سے پہلے بھی

بجھا چکے ہیں پرانی رفاقتوں کے چراغ

بچھڑنے والے شبِ درمیاں سے پہلے بھی

ہمیں نہیں ہیں ہلاکِ وفا کہ لوگوں پر

چلے ہیں تیر صفِ دوستاں سے پہلے بھی

عرفان صدیقی

شانہ ہو کوئی دیدۂ گریاں کے لئے بھی

جنوری 10, 2012عرفان صدیقی،غزلگریاں،گریزاں،بیاباں،جاناں،زمستاں،غزالاںadmin

عرفان صدیقی ۔ غزل نمبر 231

آجا کبھی ہم گوشہ نشیناں کے لئے بھی

شانہ ہو کوئی دیدۂ گریاں کے لئے بھی

کیا سیر ہے جاناں یہ ترا پیرہنِ تنگ

تن چاہیے پیراہنِ جاناں کے لئے بھی

یہ جوئے تنک آب ہمیں راس نہ آجائے

موقع ہے ابھی ابرِ گریزاں کے لئے بھی

سب صرف نہ کر موسمِ گل پر دلِ ناداں

کچھ گرمیِ جاں شامِ زمستاں کے لئے بھی

شہروں سے نکل کر ترے دیوانے کہاں جائیں

کم پڑنے لگے دشت غزالاں کے لئے بھی

اب یوں ہے کہ ہنگامۂ محفل میں ہیں خاموش

مشہور تھے جو ہوُئے بیاباں کے لئے بھی

عرفان صدیقی

بحر بھی، بادبان بھی، ہم بھی

جنوری 10, 2012عرفان صدیقی،غزلمکان،چٹان،آسمان،بادبان،داستان،سائبانadmin

عرفان صدیقی ۔ غزل نمبر 230

خوف بھی، امتحان بھی، ہم بھی

بحر بھی، بادبان بھی، ہم بھی

آتے جاتے ہزارہا سیلاب!

ساحلوں پر مکان بھی، ہم بھی

ایک ہی دھوپ کی حفاظت میں

دشت بھی، سائبان بھی، ہم بھی

ہر جگہ ایک دوسرے کے حریف

بیکراں آسمان بھی، ہم بھی

آخرِ کار معرکہ فیصل

ریزہ ریزہ چٹان بھی، ہم بھی

سب کسی انتظار میں زندہ

رات بھی، داستان بھی، ہم بھی

عرفان صدیقی

خیموں میں بہت دیر سے بیدار ہیں ہم بھی

جنوری 10, 2012عرفان صدیقی،غزلبیمار،بیدار،بازار،خوار،دیوار،دار،رہوار،عزاوارadmin

عرفان صدیقی ۔ غزل نمبر 229

ہو صبح کہ سر دینے پہ تیار ہیں ہم بھی

خیموں میں بہت دیر سے بیدار ہیں ہم بھی

نسبت ہے اُسی قافلۂ اہل وفا سے

واماندہ سر کوچہ و بازار ہیں ہم بھی

کب لوٹیں گے وہ وادئ غربت کے مسافر

اک عمر سے روشن سر دیوار ہیں ہم بھی

ہم کو بھی مصاف لب دریا کی اجازت

کچھ تشنہ دہاں بچوں کے غم خوار ہیں ہم بھی

ہم کو بھی ملے معرکۂ صبر میں نصرت

کچھ ناقہ نشینوں کے نگہ دار ہیں ہم بھی

کوثر پہ بھی لے چل ہمیں اے قافلہ سالار

آخر تو غبار پس رہوار ہیں ہم بھی

روشن ہمیں رکھتا ہے یہی درد جہاں تاب

ان کشتہ چراغوں کے عزاوار ہیں ہم بھی

اے مالک کل، سید سجاد کا صدقہ

یہ بند گراں کھول کہ بیمار ہیں ہم بھی

عرفان صدیقی

یہی خیال تھا آئندگاں ہمارا بھی

جنوری 10, 2012عرفان صدیقی،غزلمہرباں،نشاں،آئندگاں،بادباں،بستیاں،درمیاںadmin

عرفان صدیقی ۔ غزل نمبر 228

زمیں پہ ہو گا کہیں آسماں ہمارا بھی

یہی خیال تھا آئندگاں ہمارا بھی

خبر نہیں کہ ہمیں بھی ہوا کہاں لے جائے

کھلا ہوا ہے ابھی بادباں ہمارا بھی

بہت ہے یہ بھی کہ موجوں کے روبرو کچھ دیر

رہا ہے ریگِ رواں پر نشاں ہمارا بھی

یہ تیر اگر کبھی دونوں کے بیچ سے ہٹ جائے

تو کم ہو فاصلۂ درمیاں ہمارا بھی

اُسی سفر پہ نکلتے ہیں رفتگاں کی طرح

اب انتظار کریں بستیاں ہمارا بھی

سواد قریۂ نامہرباں میں یاد آیا

کہ لکھنؤ میں ہے اک مہرباں ہمارا بھی

عرفان صدیقی

بچائے رَکھو پُرانی روایتوں کو اَبھی

جنوری 10, 2012عرفان صدیقی،غزلadmin

عرفان صدیقی ۔ غزل نمبر 227

کسی نے دیکھا ہے کل کی ضرورتوں کو اَبھی

بچائے رَکھو پُرانی روایتوں کو اَبھی

جو لوگ کرتے ہیں بے داغ چاہتوں کی تلاش

ترسنے والے ہیں جھوٹی محبتوں کو اَبھی

پھر اِک کمند نے ماں سے چھڑا لیا اُس کو

سمجھ رہا تھا وہ صحرا کی وُسعتوں کو اَبھی

اَکھر رہا ہے بھری دوپہر کا سنّاٹا

شریر پاؤں میسّر نہیں چھتوں کو اَبھی

سنا یہ ہے وہ بہت خوش سمجھ رہا ہے ہمیں

تو اُس نے دُور سے دیکھا ہے شہرتوں کو اَبھی

زمانہ کل اُنھیں سچائیاں سمجھ لے گا

تم اِک مذاق سمجھتے ہو تہمتوں کو اَبھی

عرفان صدیقی

اگر وہ سنگ نہیں ہے تو مسکرائے بھی

جنوری 10, 2012عرفان صدیقی،غزلمسکرائے،آئے،بڑھائے،جگمگائے،سنائےadmin

عرفان صدیقی ۔ غزل نمبر 226

چراغِ خانۂ افسردگاں جلائے بھی

اگر وہ سنگ نہیں ہے تو مسکرائے بھی

وہ چاند ہے تو مرے بام پر طلوع بھی ہو

ستارہ ہے تو مری شام جگمگائے بھی

وہ پھول ہے تو مری شاخِ جاں بھی مہکائے

اگر ہوا ہے تو میرے بدن تک آئے بھی

وہ شعلہ ہے تو مجھے خاک بھی کرے آخر

اگر دیا ہے تو کچھ اپنی لو بڑھائے بھی

سخن سرا ہے تو مجھ سے مکالمہ بھی کرے

گلہ سنے بھی اور اپنی غزل سنائے بھی

عرفان صدیقی

وہی جرس کی صدا پھر کہیں سے آنے لگی

جنوری 10, 2012عرفان صدیقی،غزللگانے،مسکرانے،کھلانے،آنے،بلانے،جگمگانےadmin

عرفان صدیقی ۔ غزل نمبر 225

بساط رقص جو گردِ سفر بچھانے لگی

وہی جرس کی صدا پھر کہیں سے آنے لگی

عجیب موج ہے، دشمن کہوں کہ دوست کہوں

زمین کاٹ رہی تھی کہ گل کھلانے لگی

سدا کہیں کوئی بے آشنا نہیں رہتا

مجھے ہوائے مسافت گلے لگانے لگی

میں بے کنار سمجھنے کو تھا سمندر کو

کہ ایک شاخ سرِ آب جگمگانے لگی

دُعائے شامِ دل آزردگاں بھی کیا شے ہے

چراغ جلنے لگے‘ رات مسکرانے لگی

ابھی کھلا بھی نہ تھا رختِ شوق دلّی میں

کہ پھر ہمیں کششِ لکھنؤ بلانے لگی

عرفان صدیقی

یار، تم کو سانس لینے کی ادا کب آئے گی

جنوری 10, 2012عرفان صدیقی،غزلقبا،ندا،گھٹا،ادا،ردا،صداadmin

عرفان صدیقی ۔ غزل نمبر 224

یہ تو صحرا ہے یہاں ٹھنڈی ہوا کب آئے گی

یار، تم کو سانس لینے کی ادا کب آئے گی

کوچ کرنا چاہتے ہیں پھر مری بستی کے لوگ

پھر تری آواز اے کوہِ ندا کب آئے گی

نسلِ تازہ، میں تجھے کیا تجربے اپنے بتاؤں

تیرے بڑھتے جسم پر میری قبا کب آئے گی

سر برہنہ بیبیوں کے بال چاندی ہو گئے

خیمے پھر استادہ کب ہوں گے ردا کب آئے گی

طاق میں کب تک جلے گا یہ چراغِ انتظار

اس طرف شب گشت لوگوں کی صدا کب آئے گی

میری مٹی میں بھی کچھ پودے نمو آمادہ ہیں

تو مرے آنگن تک اے کالی گھٹا کب آئے گی

عرفان صدیقی

بہت دِنوں میں کھلیں کھڑکیاں مکانوں کی

جنوری 10, 2012عرفان صدیقی،غزلمکانوں،کمانوں،اِمتحانوں،بادبانوں،شانوںadmin

عرفان صدیقی ۔ غزل نمبر 223

بدل گئی ہے فضا نیلے آسمانوں کی

بہت دِنوں میں کھلیں کھڑکیاں مکانوں کی

بس ایک بار جو لنگر اُٹھے تو پھر کیا تھا

ہوائیں تاک میں تھیں جیسے بادبانوں کی

کوئی پہاڑ رُکا ہے کبھی زمیں کے بغیر

ہر ایک بوجھ پنہ چاہتا ہے شانوں کی

تو غالباً وہ ہدف ہی حدوں سے باہر تھا

یہ کیسے ٹوٹ گئیں ڈوریاں کمانوں کی

جو ہے وہ کل کے سوالوں کے اِنتظار میں ہے

یہ زندگی ہے کہ ہے رات اِمتحانوں کی

عرفان صدیقی

اور تشہیر کرو اپنی گرفتاری کی

جنوری 10, 2012عرفان صدیقی،غزلگرفتاری،بیماری،باری،برداری،تاتاری،جاریadmin

عرفان صدیقی ۔ غزل نمبر 222

توڑ دی اس نے وہ زنجیر ہی دلداری کی

اور تشہیر کرو اپنی گرفتاری کی

ہم تو صحرا ہوئے جاتے تھے کہ اس نے آکر

شہر آباد کیا‘ نہرِ صبا جاری کی

ہم بھی کیا شے ہیں طبیعت ملی سیارہ شکار

اور تقدیر ملی آہوئے تاتاری کی

اتنا سادہ ہے مرا مایۂ خوبی کہ مجھے

کبھی عادت نہ رہی آئنہ برداری کی

میرے گم گشتہ غزالوں کا پتہ پوچھتا ہے

فکر رکھتا ہے مسیحا مری بیماری کی

اس کے لہجے میں کوئی چیز تو شامل تھی کہ آج

دل پہ اس حرفِ عنایت نے گراں باری کی

عرفان صدیقی

اس کا پیکر روشنی، میرا مقدّر روشنی

جنوری 10, 2012عرفان صدیقی،غزلمقدّر،کر،اندر،بھر،برابرadmin

عرفان صدیقی ۔ غزل نمبر 221

جسم و جاں کی آگ سے منظر بہ منظر روشنی

اس کا پیکر روشنی، میرا مقدّر روشنی

میں نے رات اک خواب دیکھا اور روشن ہو گیا

دیکھتا کیا ہوں کہ ہے میرے برابر روشنی

اور اے روشن قبا تجھ سے ہمیں کیا چاہیے

ایک دامن بھر ہوا اور اک دیا بھر روشنی

میں کوئی جگنو نہ تارا، میں کوئی سورج نہ چاند

اور تو دیکھے تو ہے مٹی کے اندر روشنی

اکثر اکثر اس کا چہرہ دھیان میں آتا بھی ہے

جیسے گم ہوجائے جنگل میں چمک کر روشنی

میرے مولا، ہجر کی تاریک راتوں کے طفیل

زندگی بھر چاہتیں اور زندگی بھر روشنی

عرفان صدیقی

حق کا ولی، نبیؐ کا برادر، علیؑ علیؑ

جنوری 10, 2012عرفان صدیقی،غزللشکر،منوّر،منظر،مکرر،معبر،یاور،کوثر،گوہر،گر،افسر،اژدر،اکبر،برادر،تونگر،تر،ثناگر،حیدر،خنجر،خیبر،دلاور،رہبر،سمندر،عنترadmin

عرفان صدیقی ۔ غزل نمبر 220

شانِ خدا، ردانِ پیمبرؐ، علیؑ علیؑ

حق کا ولی، نبیؐ کا برادر، علیؑ علیؑ

زیب بدن شہانۂ تسخیرِ کائنات

سر پر لوائے حمد کا افسر علیؑ علیؑ

مٹی کی مملکت میں علم اسم بوترابؑ

افلاک پر ندائے مکرر، علیؑ علیؑ

سازِ مکانِ انفس و آفاق اُس کا نام

نازِ جہانِ اصغر و اکبر، علیؑ علیؑ

بے مایگاں کا مونس و غم خوار کون ہے

بے چارگاں کا کون ہے یاور، علیؑ علیؑ

مردانِ حرُ کا قافلہ سالار کون ہے

خاصانِ رب کا کون ہے رہبر، علیؑ علیؑ

مدّت سے ہے نواحِ غریباں میں خیمہ زن

وحشت کی فوج، خوف کا لشکر، علیؑ علیؑ

اِک بادباں شکستہ جہاز اور چہار سمت

کالی گھٹا، سیاہ سمندر، علیؑ علیؑ

اِک تشنہ کام ناقۂ جاں اور ہر طرف

باد سموم، دشت ستم گر، علیؑ علیؑ

اِک پافگار رہ گزری اور راہ میں

انبوہِ گرگ، مجمعِ اژدر، علیؑ علیؑ

اک سینہ چاک خاک بہ سر اور کوُ بہ کوُ

سوغاتِ سنگ، ہدیۂ خنجر، علیؑ علیؑ

میں بے نوا ترے درِ دولت پہ داد خواہ

اے میرے مرتضیٰؑ ، میرے حیدرؑ ، علیؑ علیؑ

میں بے اماں مجھے ترے دستِ کرم کی آس

تو دل نواز، تو ہی دلاور، علیؑ علیؑ

نانِ شعیر و جوہرِ شمشیر تیرے پاس

توُ ہی دلیر، توُ ہی تونگر، علیؑ علیؑ

توُ تاجدار تاب و تبِ روزگار کا

مجھ کو بھی اِک قبالۂ منظر، علیؑ علیؑ

توُ شہریار آب و نمِ شاخسار کا

میرے لیے بھی کوئی گلِ تر، علیؑ علیؑ

روشن ترے چراغ یمین و یسار میں

دونوں حوالے میرے منوّر، علیؑ علیؑ

یہ خانہ زادگاں ہیں تجھی سے شرف نصیب

ان کو بھی اِک خریئ گوہر، علیؑ علیؑ

اب میرے دشت میرے خرابے کی سمت موڑ

رہوار کی عنانِ معبر، علیؑ علیؑ

نصرت، کہ ہو چکے ہیں سزاوار ذوالفقار

میری زمیں کے مرحب و عنتر علیؑ علیؑ

پابستگاں پہ بام و درِ شش جہات کھول

اے بابِ علم، فاتحِ خیبر، علیؑ علیؑ

انعام کر مجھے بھی کہ صدیوں کی پیاس ہے

دریا، بنامِ ساقئ کوثر، علیؑ علیؑ

مولاؑ ، صراطِ روزِ جزا سے گزار ہی جائے

کہتا ہوا یہ تیرا ثناگر، علیؑ علیؑ

عرفان صدیقی

اس سے بچھڑے ہیں تو حاصل ہے فراغت کیسی

جنوری 10, 2012عرفان صدیقی،غزلفراغت،اجازت،اجرت،حیرت،شکایت،صورتadmin

عرفان صدیقی ۔ غزل نمبر 219

اب وہ بے تابیِ جاں کا ہے کی‘ وحشت کیسی

اس سے بچھڑے ہیں تو حاصل ہے فراغت کیسی

جان، ہم کارِ محبت کا صلہ چاہتے تھے

دلِ سادہ کوئی مزدور ہے اجرت کیسی

عمر کیا چیز ہے احساسِ زیاں کے آگے

ایک ہی شب میں بدل جاتی ہے صورت کیسی

شمعِ خیمہ کوئی زنجیر نہیں ہم سفراں

جس کو جانا ہے چلا جائے اجازت کیسی

اس زمیں پر مرے یکتا ترے تمثال بہت

آئینہ خانے میں آیا ہے تو حیرت کیسی

دل اگر دل ہے تو دریا سے بڑا ہونا ہے

سر اگر سر ہے تو نیزوں سے شکایت کیسی

عرفان صدیقی

کبھی دن بیتیں بیراگ بھرے کبھی رت آئے انوراگ بھری

جنوری 10, 2012عرفان صدیقی،غزلآگ،انوراگ،بھاگ،جاگadmin

عرفان صدیقی ۔ غزل نمبر 218

کوئی چٹّھی لکھو رنگ بھری کوئی مٹھی کھولو پھاگ بھری

کبھی دن بیتیں بیراگ بھرے کبھی رت آئے انوراگ بھری

جہاں خاک بچھونا رات ملے مجھے چاند کی صورت ساتھ ملے

وہی دکھیارن وہی بنجارن وہی روپ متی وہی بھاگ بھری

پل بھر کو اگر میں سوجاؤں تو سارا زہر کا ہوجاؤں

ترا کالا جنگل ناگ بھرا مری جلتی آنکھیں جاگ بھری

سنو اپنا اپنا کام کریں سُرتال پہ کیوں الزام دھریں

میاں اپنی اپنی بانسریا کوئی راگ بھری کوئی آگ بھری

عرفان صدیقی

کتنے موسم لگے ہیں ہمارے بدن پر نکلنے میں یہ بال و پر یا اخی

جنوری 10, 2012عرفان صدیقی،غزلمعتبر،کر،پر،بھر،در،شجرadmin

عرفان صدیقی ۔ غزل نمبر 217

تم ہمیں ایک دن دشت میں چھوڑ کر چل دیئے تھے تمہیں کیا خبر یا اخی

کتنے موسم لگے ہیں ہمارے بدن پر نکلنے میں یہ بال و پر یا اخی

شب گزیدہ دیاروں کے ناقہ سواروں میں مہتاب چہرہ تمہارا نہ تھا

خاک میں مل گئے راہ تکتے ہوئے سب خمیدہ کمر بام و در یا اخی

جنگ کا فیصلہ ہو چکا ہے تو پھر میرے دل کی کمیں گاہ میں کون ہے

اک شقی کاٹتا ہے طنابیں مرے خیمہ خواب کی رات بھر یا اخی

یہ بھی اچھا ہوا تم اس آشوب سے اپنے سرسبز بازو بچا لے گئے

یوں بھی کوئے زیاں میں لگانا ہی تھا ہم کو اپنے لہو کا شجر یا اخی

ہز اس شہر کی بھی بہت مہرباں ہے مگر اپنا رہوار مت روکنا

ہجرتوں کے مقدر میں باقی نہیں اب کوئی قریہ معتبر یا اخی

زرد پتوں کے ٹھنڈے بدن اپنے ہاتھوں پہ لے کر ہوا نے شجر سے کہا

اگلے موسم میں تجھ پر نئے برگ و بار آئیں گے تب تلک صبر کر‘ یا اخی

عرفان صدیقی

اور پھر ایک دن دل کی ساری زمیں درد کی مملکت میں ملا لی گئی

جنوری 9, 2012عرفان صدیقی،غزلملا،چکا،وا،اڑا،بچھا،بنا،بساadmin

عرفان صدیقی ۔ غزل نمبر 216

لشکرِ عشق نے جب سے خیمے کیے کچھ نہ کچھ روز سرحد بڑھا لی گئی

اور پھر ایک دن دل کی ساری زمیں درد کی مملکت میں ملا لی گئی

رات کو رک کے صحرا جگایا گیا جب تھکن سے بدن کی طنابیں گریں

اپنے ہاتھوں کے تکیے بنائے گئے اپنی مٹی کی چادر بچھالی گئی

ایک چڑیا کی آواز آتی رہی میرے بچوں کو مجھ سے چھڑایا گیا

میری بستی سے مجھ کو نکالا گیا میرے جنگل میں بستی بسا لی گئی

دستِ خالی پہ کیا حوصلہ کیجئے کیسے جینے کی قیمت ادا کیجئے

اب کے دربار میں نذرِ سر بھیج کر بچ نکلنے کی صورت نکالی گئی

کوچۂ رہزناں سے گزرتے ہوئے کچھ بچانا بھی تھا کچھ لٹانا بھی تھا

اپنی صدیوں کا سونا لٹایا گیا اپنے خوابوں کی دُنیا بچالی گئی

ختم ہوتا ہے اس رات کا ماجرا اب یہ کیا پوچھتے ہو کہ پھر کیا ہوا

پھر چراغوں کی آنکھیں بجھا دی گئیں پھر گلوں کی زباں کاٹ ڈالی گئی

سارے منظر غبارِ پسِ کارواں ہو گئے بام و در سب دھواں ہو گئے

اب مناجات کا وقت ہے گھر چلو سیر کی جاچکی خاک اڑا لی گئی

عرفان صدیقی

جو بات میرے دل میں تھی وہ بات نئیں ہوئی

جنوری 9, 2012عرفان صدیقی،غزلمافات،کرامات،اوقات،بات،برسات،رات،سوغات،سادات،شروعات،ظلماتadmin

عرفان صدیقی ۔ غزل نمبر 215

ایسا تو نئیں کہ ان سے ملاقات نئیں ہوئی

جو بات میرے دل میں تھی وہ بات نئیں ہوئی

بہتر یہ ہے کہ وہ تنِ شاداب ادھر نہ آئے

برسوں سے میرے شہر میں برسات نئیں ہوئی

پیش ہوس تھا خوانِ دو عالم سجا ہوا

اس رزق پر مگر بسر اوقات نئیں ہوئی

تیرے بغیر بھی غم جاں ہے وہی کہ نئیں

نکلا نہ ماہتاب تو کیا رات نئیں ہوئی

ہم کون پیرِ دل زدگاں ہیں کہ عشق میں

یاراں بڑے بڑوں سے کرامات نئیں ہوئی

کیا سہل اس نے بخش دیا چشمۂ حیات

جی بھر کے سیرِ وادیِ ظلمات نئیں ہوئی

میرے جنوں کو ایک خرابے کی سلطنت

یہ تو کوئی تلافیِ مافات نئیں ہوئی

اپنا نسب بھی کوئے ملامت میں بار ہے

لاکھ اپنے پاس عزتِ سادات نئیں ہوئی

یاقوتِ لب تو کارِ محبت کا ہے صلہ

اجرت ہوئی حضور یہ سوغات نئیں ہوئی

کب تک یہ سوچ سوچ کے ہلکان ہو جیسے

اب تک تری طرف سے شروعات نئیں ہوئی

عرفان صدیقی

فصل امکاں کو نمو کرنے میں آسانی ہوئی

جنوری 9, 2012عرفان صدیقی،غزلپہچانی،پشیمانی،آسانی،حیرانی،دیوانیadmin

عرفان صدیقی ۔ غزل نمبر 214

اب کے صحرا میں عجب بارش کی ارزانی ہوئی

فصل امکاں کو نمو کرنے میں آسانی ہوئی

پیاس نے آب رواں کو کر دیا موج سراب

یہ تماشا دیکھ کر دریا کو حیرانی ہوئی

سر سے سارے خوان خوشبو کے بکھر کر رہ گئے

خاک خیمہ تک ہوا پہنچی تو دیوانی ہوئی

دُور تک اُڑنے لگی گرد صدا زنجیر کی

کس قدر دیوار زنداں کو پشیمانی ہوئی

تم ہی صدیوں سے یہ نہریں بند کرتے آئے ہو

مجھ کو لگتی ہے تمہاری شکل پہچانی ہوئی

MERGED اب کے صحرا میں عجب بارش کی ارزانی ہوئی

فصلِ امکاں کو نمو کرنے میں آسانی ہوئی

پیاس نے آبِ رواں کو کردیا موجِ سراب

یہ تماشا دیکھ کر دریا کو حیرانی ہوئی

سر سے سارے خوان خوشبو کے بکھر کر رہ گئے

خاکِ خیمہ تک ہوا پہنچی تو دیوانی ہوئی

دور تک اڑنے لگی گردِ صدا زنجیر کی

کس قدر دیوارِ زنداں کو پشیمانی ہوئی

عرفان صدیقی

جا رہی ہے جو ندی کھیتوں سے شرمائی ہوئی

جنوری 9, 2012عرفان صدیقی،غزلگھبرائی،ٹھکرائی،آئی،بھڑکائی،شرمائیadmin

عرفان صدیقی ۔ غزل نمبر 213

یہ بھی گزرے ہوئے بادل کی ہے ترسائی ہوئی

جا رہی ہے جو ندی کھیتوں سے شرمائی ہوئی

ذہن شاعر کا، نئی صبحوں کے سورج کی کرن

جیسے سوکھے ہوئے ہونٹوں پہ ہنسی آئی ہوئی

اب میں یہ سوچ کے رک جاؤں تو جل جاؤں گا

کہ ہے یہ آگ کسی اور کی بھڑکائی ہوئی

کیا چھپا رکھا ہے دیواروں نے خوشبو کے چراغ

کیوں منڈیروں پہ ہوا پھرتی ہے گھبرائی ہوئی

لیجیے مجھ سے یہ بھی پیمان وفا چاہتی ہے

یہی دنیا، مرے اجداد کی ٹھکرائی ہوئی

عرفان صدیقی

مرے شہر کی شب ہر چوکھٹ کی زنجیر ہوئی

جنوری 9, 2012عرفان صدیقی،غزلپذیر،اسیر،تقدیر،تقصیر،تاثیر،تاخیر،جاگیر،زنجیرadmin

عرفان صدیقی ۔ غزل نمبر 212

دروازوں پر دن بھر کی تھکن تحریر ہوئی

مرے شہر کی شب ہر چوکھٹ کی زنجیر ہوئی

سب دھوپ اتر گئی ٹوٹی ہوئی دیواروں سے

مگر ایک کرن میرے خوابوں میں اسیر ہوئی

مرا سونا گھر مرے سینے سے لگ کر روتا ہے

مرے بھائی‘ تمہیں اس بار بہت تاخیر ہوئی

ہمیں رنج بہت تھا دشت کی بے امکانی کا

لو غیب سے پھر اک شکل ظہور پذیر ہوئی

کوئی حیرت میرے لہجے کی پہچان بنی

کوئی چاہت میرے لفظوں کی تاثیر ہوئی

اس درد کے قاتل منظر کو الزام نہ دو

یہ تو دیکھنے والی آنکھوں کی تقصیر ہوئی

کسی لشکر سے کہیں بہتا پانی رُکتا ہے

کبھی جوئے رواں کسی ظالم کی جاگیر ہوئی

پھر لوح پہ لٹنے والے خزانے لکھے گئے

مجھے اب کے برس بھی دولتِ جاں تقدیر ہوئی

عرفان صدیقی

خزاں کی رت میں بھی ابرِ بہاراں بھیج دے کوئی

جنوری 9, 2012عرفان صدیقی،غزلیاراں،بہاراں،شہسواراں،شاخساراں،غمگساراںadmin

عرفان صدیقی ۔ غزل نمبر 211

گہر برسانے والے‘ موجِ باراں بھیج دے کوئی

خزاں کی رت میں بھی ابرِ بہاراں بھیج دے کوئی

پرندے تھک چکے ہیں اڑتے اڑتے آسمانوں میں

انہیں بھی اب نویدِ شاخساراں بھیج دے کوئی

بہت دن سے غبار اٹھا نہیں ویران راہوں پر

خرابوں میں گروہِ شہسواراں بھیج دے کوئی

مری بستی کے سارے رہنے والے سرکشیدہ ہیں

تو پھر کس کو کلاہ شہر یاراں بھیج دے کوئی

جو اوروں کے دکھوں کا بار اٹھائے پھرتے رہتے ہیں

اب ان شانوں کو دستِ غمگساراں بھیج دے کوئی

عرفان صدیقی

شہر کی بھیڑ میں کھونے نہیں دیتا کوئی

جنوری 9, 2012عرفان صدیقی،غزلڈھونے،ڈبونے،کھونے،بھگونے،سونےadmin

عرفان صدیقی ۔ غزل نمبر 210

ہم سے رُخصت ہمیں ہونے نہیں دیتا کوئی

شہر کی بھیڑ میں کھونے نہیں دیتا کوئی

ہر طرف پرسشِ غم، پرسشِ غم پرسشِ غم

چین سے بوجھ بھی ڈھونے نہیں دیتا کوئی

لوگ دَریا میں اُترنے سے ڈراتے ہیں بہت

جسم پانی میں ڈبونے نہیں دیتا کوئی

یہ گزرگاہ کا سناٹا، یہ پُرشور ہوا

کھڑکیاں کھول کے سونے نہیں دیتا کوئی

باغ میں سبزۂ شاداب بہت ہے لیکن

اَوس سے پاؤں بھگونے نہیں دیتا کوئی

عرفان صدیقی

ہوا طلوع افق پر مرے دوبارہ کوئی

جنوری 9, 2012عرفان صدیقی،غزلکنارہ،گزارہ،پارہ،استعارہ،اشارہ،دوبارہ،شرارہadmin

عرفان صدیقی ۔ غزل نمبر 209

شہاب چہرہ کوئی گم شدہ ستارہ کوئی

ہوا طلوع افق پر مرے دوبارہ کوئی

اُمیدواروں پہ کھلتا نہیں وہ بابِ وصال

اور اس کے شہر سے کرتا نہیں کنارہ کوئی

مگر گرفت میں آتا نہیں بدن اس کا

خیال ڈھونڈتا رہتا ہے استعارہ کوئی

کہاں سے آتے ہیں یہ گھر اُجالتے ہوئے لفظ

چھپا ہے کیا مری مٹی میں ماہ پارہ کوئی

بس اپنے دل کی صدا پر نکل چلیں اس بار

کہ سب کو غیب سے ملتا نہیں اشارہ کوئی

گماں نہ کر کہ ہوا ختم کارِ دل زدگاں

عجب نہیں کہ ہو اس راکھ میں شرارہ کوئی

اگر نصیب نہ ہو اس قمر کی ہم سفری

تو کیوں نہ خاکِ گزر پر کرے گزارہ کوئی

عرفان صدیقی

لو، شمع بجھی، رات گزرنے کی خبر آئی

جنوری 9, 2012عرفان صدیقی،غزلمرنے،کرنے،گزرنے،اُبھرنے،اُترنےadmin

عرفان صدیقی ۔ غزل نمبر 208

سب خواب تھا اور خواب بکھرنے کی خبر آئی

لو، شمع بجھی، رات گزرنے کی خبر آئی

ملنے بھی نہ پایا تھا میں تجھ سے سر دریا

دریا سے ترے پار اُترنے کی خبر آئی

شاید کہ تہہ آب ہوا کوئی سفینہ

پانی پہ نیا نقش اُبھرنے کی خبر آئی

اس دن کا ہی اندیشہ رہا کرتا تھا اے دل

جس دن سے ترے نالہ نہ کرنے کی خبر آئی

سوچا تھا ذرا تیرے تئیں بات تو کی جائے

اتنے میں ترے بات نہ کرنے کی خبر آئی

جینے سے بڑا کوئی بھی آزار نہ نکلا

جب اپنے مسیحاؤں کے مرنے کی خبر آئی

عرفان صدیقی

حاجت روا ہو خاتم حیدر کا واسطہ

جنوری 9, 2012عرفان صدیقی،غزلمنظر،گھر،اکبر،حیدر،دلاور،سرadmin

عرفان صدیقی ۔ غزل نمبر 207

دریا عطا ہو ساقئ کوثر کا واسطہ

حاجت روا ہو خاتم حیدر کا واسطہ

اہل وفا سے شہر و بیاباں بسے رہیں

آل عبا کے اُجڑے ہوئے گھر کا واسطہ

کوئی کنیز اہل حرم بے ردا نہ ہو

اُن پاک بیبیوں کے کھلے سر کا واسطہ

روشن رہے گھروں میں چراغ غم حسین

جلتے ہوئے خیام کے منظر کا واسطہ

دنیا میں حرف حق کا علم سرنگوں نہ ہو

بازو بریدہ مرد دلاور کا واسطہ

مولا ہمارے سینوں سے کھینچیں سنان خوف

نوک سنان سینۂ اکبر کا واسطہ

عرفان صدیقی

بڑھی سر کی طرف تیغِ جفا آہستہ آہستہ

جنوری 9, 2012عرفان صدیقی،غزلہوا،وفا،آئینہ،بہا،جفا،حادثہ،صباadmin

عرفان صدیقی ۔ غزل نمبر 206

گھلا تصویر میں رنگِ حنا آہستہ آہستہ

بڑھی سر کی طرف تیغِ جفا آہستہ آہستہ

تم اپنی مملکت میں جرم کر دو زندگی، ورنہ

سبھی مانگیں گے اپنا خون بہا آہستہ آہستہ

مجھے اوروں کے سے اَنداز آتے آتے آئیں گے

کہ پتھر بن سکے گا آئینہ آہستہ آہستہ

ہُوا آخر وہ ہم سے ہم سخن، قدرے تکلف سے

چلی صحرا میں بھی ٹھنڈی ہوا آہستہ آہستہ

بگولے یک بیک اُن سونے والوں کو جگاتے ہیں

سلاتی ہے جنہیں بادِ صبا آہستہ آہستہ

ہمیں دُنیا جو دے گی ہم وہیں لوٹائیں گے اُس کو

گنہ بن جائے گی رسمِ وفا آہستہ آہستہ

اَچانک دوستو میرے وطن میں کچھ نہیں ہوتا

یہاں ہوتا ہے ہر اِک حادثہ آہستہ آہستہ

عرفان صدیقی

بند تہہ خانوں میں یہ دولتِ بیدار نہ رکھ

جنوری 9, 2012عرفان صدیقی،غزلگنہگار،گرفتار،پندار،آزار،بیدار،تلوار،دیوارadmin

عرفان صدیقی ۔ غزل نمبر 205

ذہن ہو تنگ تو پھر شوخئ اَفکار نہ رکھ

بند تہہ خانوں میں یہ دولتِ بیدار نہ رکھ

زَخم کھانا ہی جو ٹھہرا تو بدن تیرا ہے

خوف کا نام مگر لذّتِ آزار نہ رکھ

ایک ہی چیز کو رہنا ہے سلامت، پیارے

اَب جو سرشانوں پہ رکھا ہے تو دیوار نہ رکھ

خواہشیں توڑ نہ ڈالیں ترے سینے کا قفس

اِتنے شہ زور پرندوں کو گرفتار نہ رکھ

اَب میں چپ ہوں تو مجھے اپنی دلیلوں سے نہ کاٹ

میری ٹوٹی ہوئی تلوار پہ تلوار نہ رکھ

آج سے دِل بھی ترے حال میں ہوتا ہے شریک

لے، یہ حسرت بھی مری چشمِ گنہگار نہ رکھ

وقت پھر جانے کہاں اُس سے ملا دے تجھ کو

اِس قدر ترکِ ملاقات کا پندار نہ رکھ

عرفان صدیقی

مجھ کو لے جائے گی، یہ موجِ وصال اور کہیں

جنوری 9, 2012عرفان صدیقی،غزلوصال،حال،زوال،سال،غزالadmin

عرفان صدیقی ۔ غزل نمبر 204

میرا جسم اور کہیں، میرا خیال اور کہیں

مجھ کو لے جائے گی، یہ موجِ وصال اور کہیں

زیرِ افلاک ستاروں کا سفر جاری ہے

اب کے نکلیں گے ہم اے شامِ زوال اور کہیں

دور تک آئنے ویران ہیں آنکھوں کی طرح

ڈھونڈنے جائیے اپنے مہ و سال اور کہیں

کچھ اسی دشت پہ موقوف نہیں تیرِ ستم

زندگی ہے تو ہدف ہوں گے غزال اور کہیں

اس سے اک حرفِ دل آزار کا رشتہ ہی سہی

یوں بھی ہوتی ہے کہاں پرسشِ حال اور کہیں

عرفان صدیقی

یہ خط ضرور ہے مگر جواب کے لیے نہیں

جنوری 9, 2012عرفان صدیقی،غزلماہتاب،ثواب،جواب،حساب،خواب،رکابadmin

عرفان صدیقی ۔ غزل نمبر 203

غزل کسی کے نام انتساب کے لیے نہیں

یہ خط ضرور ہے مگر جواب کے لیے نہیں

اب اس زمیں پہ شہ سوار لوٹ کر نہ آئیں گے

سو یہ سفر غبارِ ہم رکاب کے لیے نہیں

یہ ساعتِ وصال کس جتن سے ہاتھ آئی ہے

متاعِ دست برد ہے حساب کے لیے نہیں

نکل رہی ہیں طاق و در سے سایہ سایہ صورتیں

سنو! یہ بام سیرِ ماہتاب کے لیے نہیں

میں کیا بتاؤں جاگتا ہوں رات رات کس لیے

نہیں، کسی کی چشمِ نیم خواب کے لیے نہیں

تو اور کوئی راز ہے مرے سخن کا‘ صاحبو!

کہ یہ عذاب جاں فقط ثواب کے لیے نہیں

عرفان صدیقی

ہوا کبھی سرِ دشتِ بلا چلی ہی نہیں

جنوری 9, 2012عرفان صدیقی،غزلہوا،وفا،بلا،جفا،دُعا،سزاadmin

عرفان صدیقی ۔ غزل نمبر 202

مری طرف تری موج نوا چلی ہی نہیں

ہوا کبھی سرِ دشتِ بلا چلی ہی نہیں

تمام فیصلے بس ایک شخص کرتا تھا

وہاں یہ بحثِ خطا و سزا چلی ہی نہیں

دِل و زَباں میں کبھی جیسے رابطہ ہی نہ تھا

اُٹھے بھی ہاتھ تو رسمِ دُعا چلی ہی نہیں

یہ مت سمجھ کہ ترے قتل کا خیال نہ تھا

نکل چکی تھی مگر بے وفا چلی ہی نہیں

میں چاہتا تھا کہ کچھ سرکشی کی داد ملے

تو اَب کے شہر میں تیغِ جفا چلی ہی نہیں

بہت خراب تھی شعلہ گروں کی قسمت بھی

مکان اور بھی جلتے، ہوا چلی ہی نہیں

عرفان صدیقی

سوچئے وہ شہر کیا ہو گا جہاں میں ہی نہیں

جنوری 9, 2012عرفان صدیقی،غزلفغاں،نامہرباں،یہاں،گماں،انگلیاں،جہاں،داستاں،رواں،رائیگاںadmin

عرفان صدیقی ۔ غزل نمبر 201

دیکھئے جو دشت زندہ ہے دم آہو سے ہے

سوچئے وہ شہر کیا ہو گا جہاں میں ہی نہیں

خار و خس بھی ہیں تری موج ہوا کے شکوہ سنج

باغ میں اے موسم نامہرباں میں ہی نہیں

اب ادھورا چھوڑنا ممکن نہیں اے قصہ گو

ساری دنیا سن رہی ہے داستاں میں ہی نہیں

سایۂ آسیب وحشت دوسرے گھر میں بھی ہے

تیرا قیدی اے شب وہم و گماں میں ہی نہیں

تیرے اک جانے سے یہ لشکر بھی پیاسا مر نہ جائے

تشنہ لب صحرا میں اے جوئے رواں میں ہی نہیں

MERGED آسماں کی زد میں زیر آسماں میں ہی نہیں

تو بھی ہے ظالم نشانے پر یہاں میں ہی نہیں

اختر الایمان کی اک نظم سے مجھ پر کھلا

اور بھی کم گو ہیں مجبور فغاں میں ہی نہیں

کوئی انشا کر رہا ہے مصحف آئندگاں

لکھ رہی ہیں لکھنے والی انگلیاں میں ہی نہیں

رنج اس کا ہے کہ کس کو رائیگاں کرتا ہے کون

ورنہ اس آشوب جاں میں رائیگاں میں ہی نہیں

خار و خس بھی ہیں تری زور ہوا سے پائمال

باغ میں اے موسم نامہرباں میں ہی نہیں

اب اسے انجام تک لانا تو ہو گا قصہ گو

ساری دنیا سن رہی ہے داستاں میں ہی نہیں

سایۂ آسیب کوئی دوسرے گھر میں بھی ہے

ہاں گرفتار شب وہم و گماں میں ہی نہیں

تیرے رک جانے سے یہ لشکر بھی پیاسا مر نہ جائے

تشنہ لب صحرا میں اے جوئے رواں میں ہی نہیں

عرفان صدیقی

کہ فرق حاصلِ عشق و ہوس میں کچھ بھی نہیں

جنوری 9, 2012عرفان صدیقی،غزلہوس،بس،جرس،خس،رسadmin

عرفان صدیقی ۔ غزل نمبر 200

سوائے خاک مری دسترس میں کچھ بھی نہیں

کہ فرق حاصلِ عشق و ہوس میں کچھ بھی نہیں

یہ کون مجھ کو پسِ جشنِ شب پکارتا ہے

وہ ہوک ہے کہ صدائے جرس میں کچھ بھی نہیں

میں کارِ عشق سے ترکِ وفا سے باز آیا

سب اس کے ہاتھ میں ہے میرے بس میں کچھ بھی نہیں

ذرا سے لمسِ شرر سے عجب کمال کیا

میں سوچتا تھا مرے خار و خس میں کچھ بھی نہیں

نوائے درد پہ آتا ہے رنگ صدیوں میں

ابھی مرے سخن نیم رس میں کچھ بھی نہیں

عرفان صدیقی

اتنا خالی تو مرا کاسۂ خالی بھی نہیں

جنوری 9, 2012عرفان صدیقی،غزلنکالی،والی،اجالی،بالی،خیالی،خالیadmin

عرفان صدیقی ۔ غزل نمبر 199

مال کیا پاس ترے ہمت عالی بھی نہیں

اتنا خالی تو مرا کاسۂ خالی بھی نہیں

سرِ شوریدہ کو تہذیب سکھا بیٹھا ہوں

ورنہ دیوار مجھے روکنے والی بھی نہیں

خیمۂ شب میں عجب حشرِ عزا برپا ہے

اور ابھی رات چراغوں نے اجالی بھی نہیں

اور ہی شرط ہے پرواز کی، دیکھا تم نے

اب تو وہ مسئلۂ بے پر و بالی بھی نہیں

رات دن شعروں میں تمثال گری کرتا ہوں

طاقِ دل میں کوئی تصویر خیالی بھی نہیں

نقشِ پا ڈھونڈنے والوں پہ ہنسی آتی ہے

ہم نے ایسی تو کوئی راہ نکالی بھی نہیں

عرفان صدیقی

شکن اَبھی کوئی اَبروئے نکتہ چیں پہ نہیں

جنوری 9, 2012عرفان صدیقی،غزلچیں،یقیں،آستیں،انجمن،جبیں،زمیںadmin

عرفان صدیقی ۔ غزل نمبر 198

تو اُس کا دھیان مرے مصرعِ حسیں پہ نہیں

شکن اَبھی کوئی اَبروئے نکتہ چیں پہ نہیں

مکان چھوڑ گئے لوگ، ڈھونڈتے ہو کسے

کوئی ستارہ اَب اِس بامِ انجمن پہ نہیں

بہت ملی تھیں دُعائیں فلک نشینی کی

ہمارا کچھ بھی بدن کے سوا زمیں پہ نہیں

اَب ایسے شخص کو قاتل کہیں تو کیسے کہیں

لہو کا کوئی نشاں اُس کی آستیں پہ نہیں

اُداس خشک لبوں پر لرز رہا ہو گا

وہ ایک بوسہ جو اَب تک مری جبیں پہ نہیں

میں جل رہا ہوں حقیقت کی دُھوپ میں کب سے

کسی گماں کا بھی سایہ مرے یقیں پہ نہیں

عرفان صدیقی

بانوئے کشور جمال میرا سوال کچھ نہیں

جنوری 9, 2012عرفان صدیقی،غزلفال،سوال،سالadmin

عرفان صدیقی ۔ غزل نمبر 197

موج ہوا سے خاک کو تاب وصال کچھ نہیں

بانوئے کشور جمال میرا سوال کچھ نہیں

اب بھی ملو تو لوٹ آئے ساعت ابتدائے عشق

یہ شب و روز کچھ نہیں، یہ مہہ و سال کچھ نہیں

منتظران لمس گل، آپ عجیب لوگ ہیں

دست رسا بڑھائیے، قرعۂ فال کچھ نہیں

عرفان صدیقی

بیعتِ دست ہاں ضرور، بیعتِ جاں نہیں نہیں

جنوری 9, 2012عرفان صدیقی،غزلمیاں،جاں،رواں،زماں،زدگاںadmin

عرفان صدیقی ۔ غزل نمبر 196

جسم کی رسمیات اور دل کے معاملات اور

بیعتِ دست ہاں ضرور، بیعتِ جاں نہیں نہیں

درد کی کیا بساط ہے جس پہ یہ پیچ و تاب ہو

دیکھ عزیز صبر صبر، دیکھ میاں نہیں نہیں

ہم فقراء کا نام کیا، پھر بھی اگر کہیں لکھو

لوحِ زمیں تلک تو خیر، لوحِ زماں نہیں نہیں

دونوں تباہ ہو گئے، ختم کرو یہ معرکے

اہلِ ستم نہیں نہیں، دل زدگاں نہیں نہیں

گرمئ شوق کا صلہ دشت کی سلطنت غلط

چشمۂ خوں کا خوں بہا جوئے رواں نہیں نہیں

عرفان صدیقی

دستک جو دی تو سایۂ در نے کہا نہیں

جنوری 9, 2012عرفان صدیقی،غزلہنر،نظر،گزر،اثر،در،سرadmin

عرفان صدیقی ۔ غزل نمبر 195

احوال اس چراغ کا گھر نے کہا نہیں

دستک جو دی تو سایۂ در نے کہا نہیں

پائے طلب کنارِ زمیں تک پہنچ گئے

میں رک گیا تو وحشتِ سر نے کہا نہیں

دستِ رفو نے سینے کے سب زخم سی دیئے

اندر کا حال ناز ہنر نے کہا نہیں

خوش تھی ہوا کہ راہ کا ہر سنگ ہٹ گیا

تب سر اٹھا کے خاکِ گزر نے کہا نہیں

نوکِ سناں نے بیعتِ جاں کا کیا سوال

سر نے کہاں قبول‘ نظر نے کہا نہیں

مدت سے اک سکوت ہمارا نشان تھا

ہم حرف زن ہوئے تو اثر نے کہا نہیں

عرفان صدیقی

شام آنکھوں سے یہ کہتی ہے گھر آنے کا نہیں

جنوری 9, 2012عرفان صدیقی،غزلنظر،کر،گھر،اِدھر،ابھر،دگر،سفرadmin

عرفان صدیقی ۔ غزل نمبر 194

خوابِ آسودگیِ بال و پر آنے کا نہیں

شام آنکھوں سے یہ کہتی ہے گھر آنے کا نہیں

دل کے آئینے سے رخصت ہوا زنگارِ ملال

اس میں اب کوئی بھی چہرا نظر آنے کا نہیں

اور کیا چاہیے پیروں سے گریزاں ہے زمیں

آسمانوں سے تو اذنِ سفر آنے کا نہیں

فیصلہ کر‘ کم و بیشِ تہہِ دریا کی نہ سوچ

مسئلہ ڈوبنے کا ہے ابھر آنے کا نہیں

کل اسی موج میں اپنا تھا تو بہہ جانا تھا

جانِ من اب کوئی سیلاب اِدھر آنے کا نہیں

جس کو ہونا ہے وہ فریاد میں شامل ہوجائے

بے نوا شہر میں بارِ دگر آنے کا نہیں

کوئے قاتل کی روایت ہی بدل دی میں نے

ورنہ دستور یہاں لوٹ کر آنے کا نہیں

عرفان صدیقی

سو وہ سر بریدہ بھی پشت فرس سے اُترتا نہیں

جنوری 9, 2012عرفان صدیقی،غزلمرتا،ڈرتا،گزرتا،اُترتا،اترتا،بھرتاadmin

عرفان صدیقی ۔ غزل نمبر 193

جو گرتا نہیں ہے اسے کوئی پامال کرتا نہیں

سو وہ سر بریدہ بھی پشت فرس سے اُترتا نہیں

بس اب اپنے پیاروں کو اپنے دلاروں کو رخصت کرو

کہ اس امتحاں سے فرشتوں کا لشکر گزرتا نہیں

کبھی زرد ریتی کبھی خشک شاخوں پہ ہنستا ہوا

ہمارا لہو کس قدر سخت جاں ہے کہ مرتا نہیں

تری تیغ تو میری ہی فتح مندی کا اعلان ہے

یہ بازو نہ کٹتے اگر میرا مشکیزہ بھرتا نہیں

MERGED جو گرتا نہیں ہے اسے کوئی پامال کرتا نہیں

سو وہ سربریدہ بھی پشتِ فرس سے اترتا نہیں

کبھی زرد ریتی، کبھی سرد شاخوں پہ ہنستا ہوا

ہمارا لہو کس قدر سخت جاں ہے کہ مرتا نہیں

بس اب اپنے پیاروں کو، اپنے دُلاروں کو یکجا کرو

سنو، اس طرف سے فرشتوں کا لشکر گزرتا نہیں

سماعت کہ جنگل کا انعام تھا اک سزا بن گئی

اگر میں وہ انجان چیخیں نہ سنتا تو ڈرتا نہیں

عرفان صدیقی

ڈوبتے ڈوبتے اِک بار پکاریں گے تمہیں

جنوری 8, 2012عرفان صدیقی،غزلہاریں،واریں،پکاریںadmin

عرفان صدیقی ۔ غزل نمبر 192

تم سنو یا نہ سنو، ہاتھ بڑھاؤ نہ بڑھاؤ

ڈوبتے ڈوبتے اِک بار پکاریں گے تمہیں

دل پہ آتا ہی نہیں فصل طرب کا کوئی پھول

جان، اس شاخ شجر پہ تو نہ واریں گے تمہیں

عشق میں ہم کوئی دعویٰ نہیں کرتے لیکن

کم سے کم دولت جاں پر تو نہ ہاریں گے تمہیں

عرفان صدیقی

ساتھ مت چھوڑنا ہم پار اُتاریں گے تمہیں

جنوری 8, 2012عرفان صدیقی،غزلہاریں،واریں،گزاریں،پکاریں،اُتاریں،سنواریںadmin

عرفان صدیقی ۔ غزل نمبر 191

جاں سے گزرے بھی تو دریا سے گزاریں گے تمہیں

ساتھ مت چھوڑنا ہم پار اُتاریں گے تمہیں

تم سنو یا نہ سنو، ہاتھ بڑھاؤ نہ بڑھاؤ

ڈوبتے ڈوبتے اک بار پکاریں گے تمہیں

دل پہ آتا ہی نہیں فصلِ طرب میں کوئی پھول

جان، اس شاخِ شجر پر تو نہ واریں گے تمہیں

کھیل یہ ہے کہ کسے کون سوا چاہتا ہے

جیت جاؤ گے تو جاں نذر گزاریں گے تمہیں

کیسی زیبائی ہے جب سے تمہیں چاہا ہم نے

اور چاہیں گے تمہیں اور سنواریں گے تمہیں

عشق میں ہم کوئی دعویٰ نہیں کرتے لیکن

کم سے کم معرکۂ جاں میں نہ ہاریں گے تمہیں

عرفان صدیقی

اپنے ہونے کا اعلان کرتے رہیں‘ اپنے ہونے کا اثبات کرتے رہیں

جنوری 8, 2012عرفان صدیقی،غزلملاقات،مدارات،نشانات،اثبات،باتadmin

عرفان صدیقی ۔ غزل نمبر 190

روح کے معجزوں کا زمانہ نہیں جسم ہی کچھ کرامات کرتے رہیں

اپنے ہونے کا اعلان کرتے رہیں‘ اپنے ہونے کا اثبات کرتے رہیں

برف رت آگئی پھر نئی بستیوں سے نئی ہجرتوں نے پکارا ہمیں

لیکن اس بار پردیس جاتے ہوئے راستوں پر نشانات کرتے رہیں

پھر کوئی تشنہ لب تیر اس دشت میں ہم تک آیا ہے طے کر کے کتنا سفر

اے رگِ جاں کی جوئے رواں، ہم بھی کچھ میہماں کی مدارات کرتے رہیں

ایک ہی پیڑ پر سانپ اور آدمی ساتھ رہتے ہیں سیلاب اترنے تلک

ہمسفر ہے اگر دشمنِ جاں تو کیا‘ راہ سنسان ہے‘ بات کرتے رہیں

جان لینے کا ویسا سلیقہ ابھی لشکرِ دشمناں میں کسی کو نہیں

آؤ اب اپنے خیموں میں واپس چلیں دوستوں سے ملاقات کرتے رہیں

عرفان صدیقی

پھر آپ لوگ کس کے خدا ہونے والے ہیں

جنوری 8, 2012عرفان صدیقی،غزلہما،ادا،بقا،بپا،جدا،خفا،خدا،خطا،دُعاadmin

عرفان صدیقی ۔ غزل نمبر 189

ہم بندگاں تو نذرِ وفا ہونے والے ہیں

پھر آپ لوگ کس کے خدا ہونے والے ہیں

اس طرح مطمئن ہیں مرے شب گزیدگاں

جیسے یہ سائے ظلِّ ہما ہونے والے ہیں

بے چارے چارہ سازئ آزار کیا کریں

دو ہاتھ ہیں سو محوِ دُعا ہونے والے ہیں

اک روز آسماں کو بھی تھکنا ضرور ہے

کب تک زمیں پہ حشر بپا ہونے والے ہیں

ہم پہلے تشنگی کی حدوں سے گزر تو جائیں

سارے سراب آبِ بقا ہونے والے ہیں

لگتا نہیں ہے دل کو جفا کا کوئی جواز

نامہرباں، یہ تیر خطا ہونے والے ہیں

ہم دل میں لکھ رہے ہیں حسابِ ستم گراں

کچھ دن میں سب کے قرض ادا ہونے والے ہیں

ان راستوں میں دل کی رفاقت ہے اصل چیز

جو صرف ہم سفر ہیں جدا ہونے والے ہیں

اچھا نہیں غزل کا یہ لہجہ مرے عزیز

بس چپ رہو کہ لوگ خفا ہونے والے ہیں

عرفان صدیقی

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: