زمرہ جات کے محفوظات: غزل

ہو جو زخمی کبھو برہم زدن مژگاں کا

اکتوبر 6, 2015میر تقی میر،اساتذہ،غزلہاں،مژگاں،ڈھان،افشاں،ایماں،جھان،درماں،طوفاںadmin

دیوان اول غزل 86

کیا عجب پل میں اگر ترک ہو اس سے جاں کا

ہو جو زخمی کبھو برہم زدن مژگاں کا

اٹھتے پلکوں کے گرے پڑتے ہیں لاکھوں آنسو

ڈول ڈالا ہے مری آنکھوں نے اب طوفاں کا

جلوئہ ماہ تہ ابر تنک بھول گیا

ان نے سوتے میں دوپٹے سے جو منھ کو ڈھانکا

لہو لگتا ہے ٹپکنے جو پلک ماروں ہوں

اب تو یہ رنگ ہے اس دیدئہ اشک افشاں کا

ساکن کو کو ترے کب ہے تماشے کا دماغ

آئی فردوس بھی چل کر نہ ادھر کو جھانکا

اٹھ گیا ایک تو اک مرنے کو آبیٹھے ہے

قاعدہ ہے یہی مدت سے ہمارے ہاں کا

کار اسلام ہے مشکل ترے خال و خط سے

رہزن دیں ہے کوئی دزد کوئی ایماں کا

چارئہ عشق بجز مرگ نہیں کچھ اے میر

اس مرض میں ہے عبث فکر تمھیں درماں کا

میر تقی میر

اب کے شرط وفا بجا لایا

اکتوبر 6, 2015میر تقی میر،اساتذہ،غزلملا،انتہا،اٹھا،بلا،بجا،خدا،دکھاadmin

دیوان اول غزل 85

بارہا گور دل جھنکا لایا

اب کے شرط وفا بجا لایا

قدر رکھتی نہ تھی متاع دل

سارے عالم میں میں دکھا لایا

دل کہ یک قطرہ خوں نہیں ہے بیش

ایک عالم کے سر بلا لایا

سب پہ جس بار نے گرانی کی

اس کو یہ ناتواں اٹھا لایا

دل مجھے اس گلی میں لے جاکر

اور بھی خاک میں ملا لایا

ابتدا ہی میں مر گئے سب یار

عشق کی کون انتہا لایا

اب تو جاتے ہیں بت کدے سے میر

پھر ملیں گے اگر خدا لایا

میر تقی میر

مہکتا ہو نپٹ جو پھول سی دارو سے میخانا

اکتوبر 6, 2015میر تقی میر،اساتذہ،غزلمیخانا،مرجانا،مستانا،ویراناadmin

دیوان اول غزل 84

یہ حسرت ہے مروں اس میں لیے لبریز پیمانا

مہکتا ہو نپٹ جو پھول سی دارو سے میخانا

نہ وے زنجیر کے غل ہیں نہ وے جرگے غزالوں کے

مرے دیوان پن تک ہی رہا معمور ویرانا

مرا سر نزع میں زانو پہ رکھ کر یوں لگا کہنے

کہ اے بیمار میرے تجھ پہ جلد آساں ہو مرجانا

نہ ہو کیوں ریختہ بے شورش و کیفیت و معنی

گیا ہو میر دیوانہ رہا سوداؔ سو مستانا

میر تقی میر

اس شوخ کم نما کا نت انتظار کھینچا

اکتوبر 6, 2015میر تقی میر،اساتذہ،غزلیار،کٹار،انتظار،اختیار،تار،خمار،دارadmin

دیوان اول غزل 83

نقاش دیکھ تو میں کیا نقش یار کھینچا

اس شوخ کم نما کا نت انتظار کھینچا

رسم قلمرو عشق مت پوچھ کچھ کہ ناحق

ایکوں کی کھال کھینچی ایکوں کو دار کھینچا

تھا بدشراب ساقی کتنا کہ رات مے سے

میں نے جو ہاتھ کھینچا ان نے کٹار کھینچا

مستی میں شکل ساری نقاش سے کھنچی پر

آنکھوں کو دیکھ اس کی آخر خمار کھینچا

جی کھنچ رہے ہیں اودھر عالم کا ہو گا بلوہ

گر شانے تونے اس کی زلفوں کا تار کھینچا

تھا شب کسے کسائے تیغ کشیدہ کف میں

پر میں نے بھی بغل میں بے اختیار کھینچا

پھرتا ہے میر تو جو پھاڑے ہوئے گریباں

کس کس ستم زدے نے دامان یار کھینچا

میر تقی میر

کہ کاروان کا کنعاں کے جی نکال لیا

اکتوبر 6, 2015میر تقی میر،اساتذہ،غزلنکال،ڈال،وبال،سنبھالadmin

دیوان اول غزل 82

نہ پوچھ خواب زلیخا نے کیا خیال لیا

کہ کاروان کا کنعاں کے جی نکال لیا

رہ طلب میں گرے ہوتے سر کے بھل ہم بھی

شکستہ پائی نے اپنی ہمیں سنبھال لیا

رہوں ہوں برسوں سے ہم دوش پر کبھو ان نے

گلے میں ہاتھ مرا پیار سے نہ ڈال لیا

بتاں کی میر ستم وہ نگاہ ہے جس نے

خدا کے واسطے بھی خلق کا وبال لیا

میر تقی میر

پر مرے جی ہی کے خیال پڑا

اکتوبر 6, 2015میر تقی میر،اساتذہ،غزلمال،وبال،کال،جال،خیالadmin

دیوان اول غزل 81

خواب میں تو نظر جمال پڑا

پر مرے جی ہی کے خیال پڑا

وہ نہانے لگا تو سایۂ زلف

بحر میں تو کہے کہ جال پڑا

میں نے تو سر دیا پر اے جلاد

کس کی گردن پہ یہ وبال پڑا

شیخ قلاش ہے جوے میں نہ لائو

یاں ہمارا رہے ہے مال پڑا

خوبرو اب نہیں ہیں گندم گوں

میر ہندوستاں میں کال پڑا

میر تقی میر

تہ خاک بھی خاک آرام ہو گا

اکتوبر 6, 2015میر تقی میر،اساتذہ،غزلکام،اندام،آرام،بام،بدنام،دام،عامadmin

دیوان اول غزل 80

جو یہ دل ہے تو کیا سر انجام ہو گا

تہ خاک بھی خاک آرام ہو گا

مرا جی تو آنکھوں میں آیا یہ سنتے

کہ دیدار بھی ایک دن عام ہو گا

نہ ہو گا وہ دیکھا جسے کبک تو نے

وہ اک باغ کا سرو اندام ہو گا

نہ نکلا کر اتنا بھی بے پردہ گھر سے

بہت اس میں ظالم تو بدنام ہو گا

ہزاروں کی یاں لگ گئیں چھت سے آنکھیں

تو اے ماہ کس شب لب بام ہو گا

وہ کچھ جانتا ہو گا زلفوں میں پھنسنا

جو کوئی اسیر تہ دام ہو گا

جگرچاکی ناکامی دنیا ہے آخر

نہیں آئے جو میر کچھ کام ہو گا

میر تقی میر

جیتا ہوں تو تجھی میں یہ دل لگا رہے گا

اکتوبر 6, 2015میر تقی میر،اساتذہ،غزللگا،مزہ،یا،کیا،پا،ا،بھلا،جلا،جاadmin

دیوان اول غزل 79

کب تک تو امتحاں میں مجھ سے جدا رہے گا

جیتا ہوں تو تجھی میں یہ دل لگا رہے گا

یاں ہجر اور ہم میں بگڑی ہے کب کی صحبت

زخم دل و نمک میں کب تک مزہ رہے گا

تو برسوں میں ملے ہے یاں فکر یہ رہے ہے

جی جائے گا ہمارا اک دم کو یا رہے گا

میرے نہ ہونے کا تو ہے اضطراب یوں ہی

آیا ہے جی لبوں پر اب کیا ہے جا رہے گا

غافل نہ رہیو ہرگز نادان داغ دل سے

بھڑکے گا جب یہ شعلہ تب گھر جلا رہے گا

مرنے پہ اپنے مت جا سالک طلب میں اس کی

گو سر کو کھورہے گا پر اس کو پا رہے گا

عمر عزیز ساری دل ہی کے غم میں گذری

بیمار عاشقی یہ کس دن بھلا رہے گا

دیدار کا تو وعدہ محشر میں دیکھ کر کر

بیمار غم میں تیرے تب تک تو کیا رہے گا

کیا ہے جو اٹھ گیا ہے پر بستۂ وفا ہے

قید حیات میں ہے تو میر آرہے گا

میر تقی میر

لہو آتا ہے جب نہیں آتا

اکتوبر 6, 2015میر تقی میر،اساتذہ،غزلڈھب،اب،ادب،بلب،تب،جب،سببadmin

دیوان اول غزل 78

اشک آنکھوں میں کب نہیں آتا

لہو آتا ہے جب نہیں آتا

ہوش جاتا نہیں رہا لیکن

جب وہ آتا ہے تب نہیں آتا

صبر تھا ایک مونس ہجراں

سو وہ مدت سے اب نہیں آتا

دل سے رخصت ہوئی کوئی خواہش

گریہ کچھ بے سبب نہیں آتا

عشق کو حوصلہ ہے شرط ارنہ

بات کا کس کو ڈھب نہیں آتا

جی میں کیا کیا ہے اپنے اے ہمدم

پر سخن تا بلب نہیں آتا

دور بیٹھا غبار میر اس سے

عشق بن یہ ادب نہیں آتا

میر تقی میر

بکیں گے سر اور کم خریدار ہو گا

اکتوبر 6, 2015میر تقی میر،اساتذہ،غزلمار،گنہگار،گرفتار،بیزار،بسیار،تیار،خوار،خریدار،دیوار،دار،طرحدارadmin

دیوان اول غزل 77

محبت کا جب روز بازار ہو گا

بکیں گے سر اور کم خریدار ہو گا

تسلی ہوا صبر سے کچھ میں تجھ بن

کبھی یہ قیامت طرحدار ہو گا

صبا موے زلف اس کا ٹوٹے تو ڈر ہے

کہ اک وقت میں یہ سیہ مار ہو گا

مرا دانت ہے تیرے ہونٹوں پہ مت پوچھ

کہوں گا تو لڑنے کو تیار ہو گا

نہ خالی رہے گی مری جاگہ گر میں

نہ ہوں گا تو اندوہ بسیار ہو گا

یہ منصور کا خون ناحق کہ حق تھا

قیامت کو کس کس سے خوں دار ہو گا

عجب شیخ جی کی ہے شکل و شمائل

ملے گا تو صورت سے بیزار ہو گا

نہ رو عشق میں دشت گردی کو مجنوں

ابھی کیا ہوا ہے بہت خوار ہو گا

کھنچے عہد خط میں بھی دل تیری جانب

کبھو تو قیامت طرحدار ہو گا

زمیں گیر ہو عجز سے تو کہ اک دن

یہ دیوار کا سایہ دیوار ہو گا

نہ مرکر بھی چھوٹے گا اتنا رکے گا

ترے دام میں جو گرفتار ہو گا

نہ پوچھ اپنی مجلس میں ہے میر بھی یاں

جو ہو گا تو جیسے گنہگار ہو گا

میر تقی میر

سب کہیں گے یہ کہ کیا اک نیم جاں مارا گیا

اکتوبر 6, 2015میر تقی میر،اساتذہ،غزلمہرباں،کہاں،برآستاں،جواں،جاںadmin

دیوان اول غزل 76

ہاتھ سے تیرے اگر میں ناتواں مارا گیا

سب کہیں گے یہ کہ کیا اک نیم جاں مارا گیا

اک نگہ سے بیش کچھ نقصاں نہ آیا اس کے تیں

اور میں بے چارہ تو اے مہرباں مارا گیا

وصل و ہجراں یہ جو دو منزل ہیں راہ عشق کی

دل غریب ان میں خدا جانے کہاں مارا گیا

دل نے سر کھینچا دیارعشق میں اے بوالہوس

وہ سراپا آرزو آخر جواں مارا گیا

کب نیاز عشق ناز حسن سے کھینچے ہے ہاتھ

آخر آخر میر سر برآستاں مارا گیا

میر تقی میر

بس گیا میں جان سے اب اس سے یہ جانا گیا

اکتوبر 6, 2015میر تقی میر،اساتذہ،غزلپہچانا،پیمانہ،پروانہ،جاناadmin

دیوان اول غزل 75

ناکسی سے پاس میرے یار کا آنا گیا

بس گیا میں جان سے اب اس سے یہ جانا گیا

کچھ نہ دیکھا پھر بجز یک شعلۂ پرپیچ و تاب

شمع تک تو ہم نے دیکھا تھا کہ پروانہ گیا

ایک ہی چشمک تھی فرصت صحبت احباب کی

دیدئہ تر ساتھ لے مجلس سے پیمانہ گیا

گل کھلے صد رنگ تو کیا بے پری سے اے نسیم

مدتیں گذریں کہ وہ گلزار کا جانا گیا

دور تجھ سے میر نے ایسا تعب کھینچا کہ شوخ

کل جو میں دیکھا اسے مطلق نہ پہچانا گیا

میر تقی میر

اس خانماں خراب نے آنکھوں میں گھر کیا

اکتوبر 6, 2015میر تقی میر،اساتذہ،غزلکدھر،گھر،پر،اثر،تر،جگر،حذر،خبر،خر،سفر،سپر،ضررadmin

دیوان اول غزل 74

غمزے نے اس کے چوری میں دل کی ہنر کیا

اس خانماں خراب نے آنکھوں میں گھر کیا

رنگ اڑ چلا چمن میں گلوں کا تو کیا نسیم

ہم کو تو روزگار نے بے بال و پر کیا

نافع جو تھیں مزاج کو اول سو عشق میں

آخر انھیں دوائوں نے ہم کو ضرر کیا

مرتا ہوں جان دیں ہیں وطن داریوں پہ لوگ

اور سنتے جاتے ہیں کہ ہر اک نے سفر کیا

کیا جانوں بزم عیش کہ ساقی کی چشم دیکھ

میں صحبت شراب سے آگے سفر کیا

جس دم کہ تیغ عشق کھنچی بوالہوس کہاں

سن لیجیو کہ ہم ہی نے سینہ سپر کیا

دل زخمی ہوکے تجھ تئیں پہنچا تو کم نہیں

اس نیم کشتہ نے بھی قیامت جگر کیا

ہے کون آپ میں جو ملے تجھ سے مست ناز

ذوق خبر ہی نے تو ہمیں بے خبر کیا

وہ دشت خوف ناک رہا ہے مرا وطن

سن کر جسے خضر نے سفر سے حذر کیا

کچھ کم نہیں ہیں شعبدہ بازوں سے مے گسار

دارو پلا کے شیخ کو آدم سے خر کیا

ہیں چاروں طرف خیمے کھڑے گردباد کے

کیا جانیے جنوں نے ارادہ کدھر کیا

لکنت تری زبان کی ہے سحر جس سے شوخ

یک حرف نیم گفتہ نے دل پر اثر کیا

بے شرم محض ہے وہ گنہگار جن نے میر

ابر کرم کے سامنے دامان تر کیا

میر تقی میر

اک دل غمخوار رکھتے تھے سو گلشن میں رہا

اکتوبر 6, 2015میر تقی میر،اساتذہ،غزلگلشن،گردن،افگن،آہن،برہمن،دامن،روشنadmin

دیوان اول غزل 73

بیکسانہ جی گرفتاری سے شیون میں رہا

اک دل غمخوار رکھتے تھے سو گلشن میں رہا

پنجۂ گل کی طرح دیوانگی میں ہاتھ کو

گر نکالا میں گریباں سے تو دامن میں رہا

شمع ساں جلتے رہے لیکن نہ توڑا یار سے

رشتۂ الفت تمامی عمر گردن میں رہا

ڈر سے اس شمشیر زن کے جوہر آئینہ ساں

سر سے لے کر پائوں تک میں غرق آہن میں رہا

ہم نہ کہتے تھے کہ مت دیر و حرم کی راہ چل

اب یہ دعویٰ حشر تک شیخ و برہمن میں رہا

درپئے دل ہی رہے اس چہرے کے خال سیاہ

ڈر ہمیں ان چوٹٹوں کا روز روشن میں رہا

آہ کس انداز سے گذرا بیاباں سے کہ میر

جی ہر اک نخچیر کا اس صید افگن میں رہا

میر تقی میر

دس دن رہے جہان میں ہم سو رہا دہا

اکتوبر 6, 2015میر تقی میر،اساتذہ،غزلنہا،کہا،بہا،دہا،رہاadmin

دیوان اول غزل 72

رونا ٹک اک تھما تو غم بیکراں سہا

دس دن رہے جہان میں ہم سو رہا دہا

پہلو میں اک گرہ سی تہ خاک ساتھ ہے

شاید کہ مر گئے پہ بھی خاطر میں کچھ رہا

آنکھوں نے رازداری محبت کی خوب کی

آنسو جو آتے آتے رہے تو لہو بہا

آئے تھے اک امید پہ تیری گلی میں ہم

سو آہ اس طرح سے چلے لوہو میں نہا

کس کس طرح سے میر نے کاٹا ہے عمر کو

اب آخر آخر آن کے یہ ریختہ کہا

میر تقی میر

آگے آگے دیکھیے ہوتا ہے کیا

اکتوبر 6, 2015میر تقی میر،اساتذہ،غزلہوتا،کھوتا،بوتا،دھوتا،سوتاadmin

دیوان اول غزل 71

راہ دور عشق میں روتا ہے کیا

آگے آگے دیکھیے ہوتا ہے کیا

قافلے میں صبح کے اک شور ہے

یعنی غافل ہم چلے سوتا ہے کیا

سبز ہوتی ہی نہیں یہ سرزمیں

تخم خواہش دل میں تو بوتا ہے کیا

یہ نشان عشق ہیں جاتے نہیں

داغ چھاتی کے عبث دھوتا ہے کیا

غیرت یوسف ہے یہ وقت عزیز

میر اس کو رائیگاں کھوتا ہے کیا

میر تقی میر

پر اپنے جام میں تجھ بن لہو تھا

اکتوبر 6, 2015میر تقی میر،اساتذہ،غزللہو،کوبکو،کبھو،گو،پرآرزو،بو،تو،رفو،روadmin

دیوان اول غزل 70

سحرگہ عید میں دور سبو تھا

پر اپنے جام میں تجھ بن لہو تھا

غلط تھا آپ سے غافل گذرنا

نہ سمجھے ہم کہ اس قالب میں تو تھا

چمن کی وضع نے ہم کو کیا داغ

کہ ہر غنچہ دل پرآرزو تھا

گل و آئینہ کیا خورشید و مہ کیا

جدھر دیکھا تدھر تیرا ہی رو تھا

کروگے یاد باتیں تو کہو گے

کہ کوئی رفتۂ بسیار گو تھا

جہاں پر ہے فسانے سے ہمارے

دماغ عشق ہم کو بھی کبھو تھا

مگر دیوانہ تھا گل بھی کسو کا

کہ پیراہن میں سو جاگہ رفو تھا

کہیں کیا بال تیرے کھل گئے تھے

کہ جھونکا بائو کا کچھ مشک بو تھا

نہ دیکھا میر آوارہ کو لیکن

غبار اک ناتواں سا کوبکو تھا

میر تقی میر

افسانۂ محبت مشہور ہے ہمارا

اکتوبر 6, 2015میر تقی میر،اساتذہ،غزلمقدور،منظور،مجبور،مشہور،ناسور،گور،دورadmin

دیوان اول غزل 69

گلیوں میں اب تلک تو مذکور ہے ہمارا

افسانۂ محبت مشہور ہے ہمارا

مقصود کو تو دیکھیں کب تک پہنچتے ہیں ہم

بالفعل اب ارادہ تا گور ہے ہمارا

کیا آرزو تھی جس سے سب چشم ہو گئے ہیں

ہر زخم سو جگہ سے ناسور ہے ہمارا

تیں آہ عشق بازی چوپڑ عجب بچھائی

کچی پڑیں ہیں نردیں گھر دور ہے ہمارا

تاچند پشت پا پر شرم و حیا سے آنکھیں

احوال کچھ بھی تم کو منظور ہے ہمارا

بے طاقتی کریں تو تم بھی معاف رکھیو

کیا کیجیے کہ دل بھی مجبور ہے ہمارا

ہیں مشت خاک لیکن جو کچھ ہیں میر ہم ہیں

مقدور سے زیادہ مقدور ہے ہمارا

میر تقی میر

مشبک کر گیا ہے تن ہمارا

اکتوبر 6, 2015میر تقی میر،اساتذہ،غزلفن،مسکن،گلشن،پیراہن،تن،دامن،دشمن،روشن،شیونadmin

دیوان اول غزل 68

ادھر آکر شکار افگن ہمارا

مشبک کر گیا ہے تن ہمارا

گریباں سے رہا کوتہ تو پھر ہے

ہمارے ہاتھ میں دامن ہمارا

گئے جوں شمع اس مجلس میں جتنے

سبھوں پر حال ہے روشن ہمارا

بلا جس چشم کو کہتے ہیں مردم

وہ ہے عین بلا مسکن ہمارا

ہوا رونے سے راز دوستی فاش

ہمارا گریہ تھا دشمن ہمارا

بہت چاہا تھا ابر تر نے لیکن

نہ منت کش ہوا گلشن ہمارا

چمن میں ہم بھی زنجیری رہے ہیں

سنا ہو گا کبھو شیون ہمارا

کیا تھا ریختہ پردہ سخن کا

سو ٹھہرا ہے یہی اب فن ہمارا

نہ بہکے میکدے میں میر کیونکر

گرو سو جا ہے پیراہن ہمارا

میر تقی میر

ہم کو بن دوش ہوا باغ سے لایا نہ گیا

اکتوبر 6, 2015میر تقی میر،اساتذہ،غزللگایا،لٹایا،لایا،چلایا،آیا،بتایا،برآیا،جگایا،سلایاadmin

دیوان اول غزل 67

گل میں اس کی سی جو بو آئی تو آیا نہ گیا

ہم کو بن دوش ہوا باغ سے لایا نہ گیا

آہ جو نکلی مرے منھ سے تو افلاک کے پاس

اس کے آشوب کے عہدے سے برآیا نہ گیا

گل نے ہر چند کہا باغ میں رہ پر اس بن

جی جو اچٹا تو کسو طرح لگایا نہ گیا

سرنشین رہ میخانہ ہوں میں کیا جانوں

رسم مسجد کے تئیں شیخ کہ آیا نہ گیا

حیف وے جن کے وہ اس وقت میں پہنچا جس وقت

ان کنے حال اشاروں سے بتایا نہ گیا

منتظر اس کے کرخت ہو گئے بیٹھے بیٹھے

جس کے مردے کو اٹھایا سو لٹایا نہ گیا

خطر راہ محبت کہیں جوں حرف مٹے

جس سے اس طرف کو قاصد بھی چلایا نہ گیا

خوف آشوب سے غوغاے قیامت کے لیے

خون خوابیدئہ عشاق جگایا نہ گیا

میر مت عذر گریباں کے پھٹے رہنے کا کر

زخم دل چاک جگر تھا کہ سلایا نہ گیا

میر تقی میر

گھر جلا سامنے پر ہم سے بجھایا نہ گیا

اکتوبر 6, 2015میر تقی میر،اساتذہ،غزلملایا،مٹایا،چھپایا،کھایا،گھٹایا،بنایا،بجھایا،بسایاadmin

دیوان اول غزل 66

دل کے تیں آتش ہجراں سے بچایا نہ گیا

گھر جلا سامنے پر ہم سے بجھایا نہ گیا

دل میں رہ دل میں کہ معمار قضا سے اب تک

ایسا مطبوع مکاں کوئی بنایا نہ گیا

کبھو عاشق کا ترے جبہے سے ناخن کا خراش

خط تقدیر کے مانند مٹایا نہ گیا

کیا تنک حوصلہ تھے دیدہ و دل اپنے آہ

ایک دم راز محبت کا چھپایا نہ گیا

دل جو دیدار کا قاتل کے بہت بھوکا تھا

اس ستم کشتہ سے اک زخم بھی کھایا نہ گیا

میں تو تھا صید زبوں صید گہ عشق کے بیچ

آپ کو خاک میں بھی خوب ملایا نہ گیا

شہر دل آہ عجب جاے تھی پر اس کے گئے

ایسا اجڑا کہ کسی طرح بسایا نہ گیا

آج رکتی نہیں خامے کی زباں رکھیے معاف

حرف کا طول بھی جو مجھ سے گھٹایا نہ گیا

میر تقی میر

اس کی دیوار کا سر سے مرے سایہ نہ گیا

اکتوبر 6, 2015میر تقی میر،اساتذہ،غزلہلایا،چھڑایا،کٹایا،پایا،اٹھایا،بھلایا،جلایا،دکھایا،سنایا،سایہadmin

دیوان اول غزل 65

جیتے جی کوچۂ دلدار سے جایا نہ گیا

اس کی دیوار کا سر سے مرے سایہ نہ گیا

کاو کاو مژئہ یار و دل زار و نزار

گتھ گئے ایسے شتابی کہ چھڑایا نہ گیا

وہ تو کل دیر تلک دیکھتا ایدھر کو رہا

ہم سے ہی حال تباہ اپنا دکھایا نہ گیا

گرم رو راہ فنا کا نہیں ہوسکتا پتنگ

اس سے تو شمع نمط سر بھی کٹایا نہ گیا

پاس ناموس محبت تھا کہ فرہاد کے پاس

بے ستوں سامنے سے اپنے اٹھایا نہ گیا

خاک تک کوچۂ دلدار کی چھانی ہم نے

جستجو کی پہ دل گم شدہ پایا نہ گیا

آتش تیز جدائی میں یکایک اس بن

دل جلا یوں کہ تنک جی بھی جلایا نہ گیا

مہ نے آ سامنے شب یاد دلایا تھا اسے

پھر وہ تاصبح مرے جی سے بھلایا نہ گیا

زیر شمشیر ستم میر تڑپنا کیسا

سر بھی تسلیم محبت میں ہلایا نہ گیا

جی میں آتا ہے کہ کچھ اور بھی موزوں کیجے

درد دل ایک غزل میں تو سنایا نہ گیا

میر تقی میر

اس آستاں پہ مری خاک سے غبار رہا

اکتوبر 6, 2015میر تقی میر،اساتذہ،غزلفگار،قرار،مار،یادگار،پکار،انتظار،اختیار،تار،خمار،دار،شکار،غبارadmin

دیوان اول غزل 64

موا میں سجدے میں پر نقش میرا بار رہا

اس آستاں پہ مری خاک سے غبار رہا

جنوں میں اب کے مجھے اپنے دل کا غم ہے پہ حیف

خبر لی جب کہ نہ جامے میں ایک تار رہا

بشر ہے وہ پہ کھلا جب سے اس کا دام زلف

سر رہ اس کے فرشتے ہی کا شکار رہا

کبھو نہ آنکھوں میں آیا وہ شوخ خواب کی طرح

تمام عمر ہمیں اس کا انتظار رہا

شراب عیش میسر ہوئی جسے اک شب

پھر اس کو روز قیامت تلک خمار رہا

بتاں کے عشق نے بے اختیار کر ڈالا

وہ دل کہ جس کا خدائی میں اختیار رہا

وہ دل کہ شام و سحر جیسے پکا پھوڑا تھا

وہ دل کہ جس سے ہمیشہ جگر فگار رہا

تمام عمر گئی اس پہ ہاتھ رکھتے ہمیں

وہ دردناک علی الرغم بے قرار رہا

ستم میں غم میں سر انجام اس کا کیا کہیے

ہزاروں حسرتیں تھیں تس پہ جی کو مار رہا

بہا تو خون ہو آنکھوں کی راہ بہ نکلا

رہا جو سینۂ سوزاں میں داغ دار رہا

سو اس کو ہم سے فراموش کاریوں لے گئے

کہ اس سے قطرئہ خوں بھی نہ یادگار رہا

گلی میں اس کی گیا سو گیا نہ بولا پھر

میں میر میر کر اس کو بہت پکار رہا

میر تقی میر

جو کوئی دم ہے تو افسوس ہے جوانی کا

اکتوبر 6, 2015میر تقی میر،اساتذہ،غزلپانی،پرفشانی،جوانی،جانی،زبانی،سرگرانیadmin

دیوان اول غزل 63

دل و دماغ ہے اب کس کو زندگانی کا

جو کوئی دم ہے تو افسوس ہے جوانی کا

اگرچہ عمر کے دس دن یہ لب رہے خاموش

سخن رہے گا سدا میری کم زبانی کا

سبک ہے آوے جو مندیل رکھ نماز کو شیخ

رہا ہے کون سا اب وقت سرگرانی کا

ہزار جان سے قربان بے پری کے ہیں

خیال بھی کبھو گذرا نہ پرفشانی کا

پھرے ہے کھینچے ہی تلوار مجھ پہ ہر دم تو

کہ صید ہوں میں تری دشمنی جانی کا

نمود کرکے وہیں بحر غم میں بیٹھ گیا

کہے تو میر بھی اک بلبلا تھا پانی کا

میر تقی میر

پھر ان دنوں میں دیدئہ خونبار نم ہوا

اکتوبر 6, 2015میر تقی میر،اساتذہ،غزلقدم،نم،کرم،الصنم،خم،دم،رقم،سم،ستم،عدم،غمadmin

دیوان اول غزل 62

سمجھے تھے میر ہم کہ یہ ناسور کم ہوا

پھر ان دنوں میں دیدئہ خونبار نم ہوا

آئے برنگ ابر عرق ناک تم ادھر

حیران ہوں کہ آج کدھر کو کرم ہوا

تجھ بن شراب پی کے موئے سب ترے خراب

ساقی بغیر تیرے انھیں جام سم ہوا

کافر ہمارے دل کی نہ پوچھ اپنے عشق میں

بیت الحرام تھا سو وہ بیت الصنم ہوا

خانہ خراب کس کا کیا تیری چشم نے

تھا کون یوں جسے تو نصیب ایک دم ہوا

تلوار کس کے خون میں سر ڈوب ہے تری

یہ کس اجل رسیدہ کے گھر پر ستم ہوا

آئی نظر جو گور سلیماں کی ایک روز

کوچے پر اس مزار کے تھا یہ رقم ہوا

کاے سرکشاں جہان میں کھینچا تھا میں بھی سر

پایان کار مور کی خاک قدم ہوا

افسوس کی بھی چشم تھی ان سے خلاف عقل

بار علاقہ سے تو عبث پشت خم ہوا

اہل جہاں ہیں سارے ترے جیتے جی تلک

پوچھیں گے بھی نہ بات جہاں تو عدم ہوا

کیا کیا عزیز دوست ملے میر خاک میں

نادان یاں کسو کا کسو کو بھی غم ہوا

میر تقی میر

پھر اس پہ ظلم یہ ہے کچھ کہا نہیں جاتا

اکتوبر 6, 2015میر تقی میر،اساتذہ،غزلنہا،ڈھہا،کہا،بہا،رہاadmin

دیوان اول غزل 61

دکھ اب فراق کا ہم سے سہا نہیں جاتا

پھر اس پہ ظلم یہ ہے کچھ کہا نہیں جاتا

ہوئی ہے اتنی ترے عکس زلف کی حیراں

کہ موج بحر سے مطلق بہا نہیں جاتا

نہیں گذرتی گھڑی کوئی مجھ خراب پر آہ

کہ جس میں غم سے ترے جی ڈھہا نہیں جاتا

ستم کچھ آج گلی میں تری نہیں مجھ پر

کب آ کے خون میں میں یاں نہا نہیں جاتا

خراب مجھ کو کیا اضطراب دل نے میر

کہ ٹک بھی اس کنے اس بن رہا نہیں جاتا

میر تقی میر

مستی میں میری تھا یاں اک شور اور شرابا

اکتوبر 6, 2015میر تقی میر،اساتذہ،غزلقلابا،محابا،آفتابا،تابا،خوابا،خرابا،دوآبا،شرابا،عراباadmin

دیوان اول غزل 60

پھوٹا کیے پیالے لنڈھتا پھرا قرابا

مستی میں میری تھا یاں اک شور اور شرابا

حکمت ہے کچھ جو گردوں یکساں پھرا کرے ہے

چلتا نہیں وگرنہ شام و سحر عرابا

باہم ہوا کریں ہیں دن رات نیچے اوپر

یہ نرم شانے لونڈے ہیں مخمل دو خوابا

ان صحبتوں میں آخر جانیں ہی جاتیاں ہیں

نے عشق کو ہے صرفہ نے حسن کو محابا

ہر چند ناتواں ہیں پر آگیا جو جی میں

دیں گے ملا زمیں سے تیرا فلک قلابا

وے دن گئے کہ آنکھیں دریا سی بہتیاں تھیں

سوکھا پڑا ہے اب تو مدت سے یہ دوآبا

منھ دھوتے وقت اس کے اکثر دکھائی دے ہے

خورشید لے رہا ہے اک روز آفتابا

اب شہر ہر طرف سے میدان ہو گیا ہے

پھیلا تھا اس طرح کا کاہے کو یاں خرابا

دل تفتگی کی اپنی ہجراں میں شرح کیا دوں

چھاتی تو میر میری جل کر ہوئی ہے تابا

میر تقی میر

مرغ خوش خواں عزیز کوئی تھا

اکتوبر 6, 2015میر تقی میر،اساتذہ،غزلمہماں،یاں،کنعاں،جاں،خواںadmin

دیوان اول غزل 59

شب تھا نالاں عزیز کوئی تھا

مرغ خوش خواں عزیز کوئی تھا

تھی تمھارے ستم کی تاب اس تک

صبر جو یاں عزیز کوئی تھا

شب کو اس کا خیال تھا دل میں

گھر میں مہماں عزیز کوئی تھا

چاہ بے جا نہ تھی زلیخا کی

ماہ کنعاں عزیز کوئی تھا

اب تو اس کی گلی میں خوار ہے لیک

میر بے جاں عزیز کوئی تھا

میر تقی میر

دل نے اب زور بے قرار کیا

اکتوبر 6, 2015میر تقی میر،اساتذہ،غزلقرار،یار،پیار،اختیار،اعتبار،تار،شکارadmin

دیوان اول غزل 58

تابہ مقدور انتظار کیا

دل نے اب زور بے قرار کیا

دشمنی ہم سے کی زمانے نے

کہ جفا کار تجھ سا یار کیا

یہ توہم کا کارخانہ ہے

یاں وہی ہے جو اعتبار کیا

ایک ناوک نے اس کی مژگاں کے

طائر سدرہ تک شکار کیا

صدرگ جاں کو تاب دے باہم

تیری زلفوں کا ایک تار کیا

ہم فقیروں سے بے ادائی کیا

آن بیٹھے جو تم نے پیار کیا

سخت کافر تھا جن نے پہلے میر

مذہب عشق اختیار کیا

میر تقی میر

کیا کہوں اے ہم نشیں میں تجھ سے حاصل دل گیا

اکتوبر 6, 2015میر تقی میر،اساتذہ،غزلقاتل،محمل،چھل،کھل،دلadmin

دیوان اول غزل 57

خواہ مجھ سے لڑ گیا اب خواہ مجھ سے مل گیا

کیا کہوں اے ہم نشیں میں تجھ سے حاصل دل گیا

اپنے ہی دل کو نہ ہو واشد تو کیا حاصل نسیم

گو چمن میں غنچۂ پژمردہ تجھ سے کھل گیا

دل سے آنکھوں میں لہو آتا ہے شاید رات کو

کشمکش میں بے قراری کی یہ پھوڑا چھل گیا

قیس کا کیا کیا گیا اودھر دل و دیں ہوش و صبر

جس طرف صحرا سے لیلیٰ کا چلا محمل گیا

رشک کی جا گہ ہے مرگ اس کشتۂ حسرت کی میر

نعش کے ہمراہ جس کی گور تک قاتل گیا

میر تقی میر

کبھی اس راہ سے نکلا تو تجھے گھور گیا

اکتوبر 6, 2015میر تقی میر،اساتذہ،غزلمقدور،چور،ناسور،گھور،دور،رنجور،شورadmin

دیوان اول غزل 56

کیا مرے آنے پہ تو اے بت مغرور گیا

کبھی اس راہ سے نکلا تو تجھے گھور گیا

لے گیا صبح کے نزدیک مجھے خواب اے وائے

آنکھ اس وقت کھلی قافلہ جب دور گیا

گور سے نالے نہیں اٹھتے تو نے اگتی ہے

جی گیا پر نہ ہمارا سر پر شور گیا

چشم خوں بستہ سے کل رات لہو پھر ٹپکا

ہم نے جانا تھا کہ بس اب تو یہ ناسور گیا

ناتواں ہم ہیں کہ ہیں خاک گلی کی اس کی

اب تو بے طاقتی سے دل کا بھی مقدور گیا

لے کہیں منھ پہ نقاب اپنے کہ اے غیرت صبح

شمع کے چہرئہ رخشاں سے تو اب نور گیا

نالۂ میر نہیں رات سے سنتے ہم لوگ

کیا ترے کوچے سے اے شوخ وہ رنجور گیا

میر تقی میر

اس جنس کا یاں ہم نے خریدار نہ پایا

اکتوبر 6, 2015میر تقی میر،اساتذہ،غزلیار،کار،پار،آزار،بار،تار،خار،خریدار،دیدار،سزاوارadmin

دیوان اول غزل 55

عالم میں کوئی دل کا طلبگار نہ پایا

اس جنس کا یاں ہم نے خریدار نہ پایا

حق ڈھونڈنے کا آپ کو آتا نہیں ورنہ

عالم ہے سبھی یار کہاں یار نہ پایا

غیروں ہی کے ہاتھوں میں رہے دست نگاریں

کب ہم نے ترے ہاتھ سے آزار نہ پایا

جاتی ہے نظر خس پہ گہ چشم پریدن

یاں ہم نے پر کاہ بھی بے کار نہ پایا

تصویر کے مانند لگے در ہی سے گذری

مجلس میں تری ہم نے کبھو بار نہ پایا

سوراخ ہے سینے میں ہر اک شخص کے تجھ سے

کس دل کے ترا تیر نگہ پار نہ پایا

مربوط ہیں تجھ سے بھی یہی ناکس و نااہل

اس باغ میں ہم نے گل بے خار نہ پایا

دم بعد جنوں مجھ میں نہ محسوس تھا یعنی

جامے میں مرے یاروں نے اک تار نہ پایا

آئینہ بھی حیرت سے محبت کی ہوئے ہم

پر سیر ہو اس شخص کا دیدار نہ پایا

وہ کھینچ کے شمشیر ستم رہ گیا جو میر

خوں ریزی کا یاں کوئی سزاوار نہ پایا

میر تقی میر

دشمن کے بھی دشمن پر ایسا نہ ہوا ہو گا

اکتوبر 6, 2015میر تقی میر،اساتذہ،غزلفردا،مارا،کیا،پیدا،ایسا،برپا،دریا،سودا،صحراadmin

دیوان اول غزل 54

اے دوست کوئی مجھ سا رسوا نہ ہوا ہو گا

دشمن کے بھی دشمن پر ایسا نہ ہوا ہو گا

اب اشک حنائی سے جو تر نہ کرے مژگاں

وہ تجھ کف رنگیں کا مارا نہ ہوا ہو گا

ٹک گور غریباں کی کر سیر کہ دنیا میں

ان ظلم رسیدوں پر کیا کیا نہ ہوا ہو گا

بے نالہ و بے زاری بے خستگی و خواری

امروز کبھی اپنا فردا نہ ہوا ہو گا

ہے قاعدئہ کلی یہ کوے محبت میں

دل گم جو ہوا ہو گا پیدا نہ ہوا ہو گا

اس کہنہ خرابے میں آبادی نہ کر منعم

یک شہر نہیں یاں جو صحرا نہ ہوا ہو گا

آنکھوں سے تری ہم کو ہے چشم کہ اب ہووے

جو فتنہ کہ دنیا میں برپا نہ ہوا ہو گا

جز مرتبۂ کل کو حاصل کرے ہے آخر

یک قطرہ نہ دیکھا جو دریا نہ ہوا ہو گا

صد نشتر مژگاں کے لگنے سے نہ نکلا خوں

آگے تجھے میر ایسا سودا نہ ہوا ہو گا

میر تقی میر

ہر گلی شہر کی یاں کوچۂ رسوائی تھا

اکتوبر 6, 2015میر تقی میر،اساتذہ،غزلتماشائی،تنہائی،رسوائی،سودائیadmin

دیوان اول غزل 53

یاد ایام کہ یاں ترک شکیبائی تھا

ہر گلی شہر کی یاں کوچۂ رسوائی تھا

اتنی گذری جو ترے ہجر میں سو اس کے سبب

صبر مرحوم عجب مونس تنہائی تھا

تیرے جلوے کا مگر رو تھا سحر گلشن میں

نرگس اک دیدئہ حیران تماشائی تھا

یہی زلفوں کی تری بات تھی یا کاکل کی

میر کو خوب کیا سیر تو سودائی تھا

میر تقی میر

رات کو سینہ بہت کوٹا گیا

اکتوبر 6, 2015میر تقی میر،اساتذہ،غزللوٹا،چھوٹا،کوٹا،ٹوٹاadmin

دیوان اول غزل 52

دل جو تھا اک آبلہ پھوٹا گیا

رات کو سینہ بہت کوٹا گیا

طائر رنگ حنا کی سی طرح

دل نہ اس کے ہاتھ سے چھوٹا گیا

میں نہ کہتا تھا کہ منھ کر دل کی اور

اب کہاں وہ آئینہ ٹوٹا گیا

دل کی ویرانی کا کیا مذکور ہے

یہ نگر سو مرتبہ لوٹا گیا

میر کس کو اب دماغ گفتگو

عمر گذری ریختہ چھوٹا گیا

میر تقی میر

چھوڑ لذت کے تئیں لے تو فقیری کا مزا

اکتوبر 6, 2015میر تقی میر،اساتذہ،غزلفقیری،پیری،اسیری،بیریadmin

دیوان اول غزل 51

گرچہ سردار مزوں کا ہے امیری کا مزا

چھوڑ لذت کے تئیں لے تو فقیری کا مزا

اے کہ آزاد ہے ٹک چکھ نمک مرغ کباب

تا تو جانے کہ یہ ہوتا ہے اسیری کا مزا

لوہو پیتے ہی مرا اشک نہ منھ کو لاگا

بوسہ جب لے ہے ترے ہونٹوں کی بیری کا مزا

ہم تو گمراہ جوانی کے مزوں پر ہیں میر

حضرت خضرؑ کو ارزانی ہو پیری کا مزا

میر تقی میر

یا روز اٹھ کے سر کو پھرایا تو کیا ہوا

اکتوبر 6, 2015میر تقی میر،اساتذہ،غزللگایا،پھرایا،آیا،اٹھایا،بنایا،بکایا،جلایا،جتایا،سلایاadmin

دیوان اول غزل 50

غم اس کو ساری رات سنایا تو کیا ہوا

یا روز اٹھ کے سر کو پھرایا تو کیا ہوا

ان نے تو مجھ کو جھوٹے بھی پوچھا نہ ایک بار

میں نے اسے ہزار جتایا تو کیا ہوا

خواہاں نہیں وہ کیوں ہی میں اپنی طرف سے یوں

دل دے کے اس کے ہاتھ بکایا تو کیا ہوا

اب سعی کر سپہر کہ میرے موئے گئے

اس کا مزاج مہر پہ آیا تو کیا ہوا

مت رنجہ کر کسی کو کہ اپنے تو اعتقاد

دل ڈھائے کر جو کعبہ بنایا تو کیا ہوا

میں صید ناتواں بھی تجھے کیا کروں گا یاد

ظالم اک اور تیر لگایا تو کیا ہوا

کیا کیا دعائیں مانگی ہیں خلوت میں شیخ یوں

ظاہر جہاں سے ہاتھ اٹھایا تو کیا ہوا

وہ فکر کر کہ چاک جگر پاوے التیام

ناصح جو تونے جامہ سلایا تو کیا ہوا

جیتے تو میر ان نے مجھے داغ ہی رکھا

پھر گور پر چراغ جلایا تو کیا ہوا

میر تقی میر

ہر گام پہ جس میں سر نہ ہو گا

اکتوبر 6, 2015میر تقی میر،اساتذہ،غزلور،گھر،اگر،اثر،ادھر،تر،جگر،خبر،سرadmin

دیوان اول غزل 49

ایسا ترا رہگذر نہ ہو گا

ہر گام پہ جس میں سر نہ ہو گا

کیا ان نے نشے میں مجھ کو مارا

اتنا بھی تو بے خبر نہ ہو گا

دھوکا ہے تمام بحر دنیا

دیکھے گا کہ ہونٹ تر نہ ہو گا

آئی جو شکست آئینے پر

روے دل یار ادھر نہ ہو گا

دشنوں سے کسی کا اتنا ظالم

ٹکڑے ٹکڑے جگر نہ ہو گا

اب دل کے تئیں دیا تو سمجھا

محنت زدوں کے جگر نہ ہو گا

دنیا کی نہ کر تو خواست گاری

اس سے کبھو بہرہ ور نہ ہو گا

آ خانہ خرابی اپنی مت کر

قحبہ ہے یہ اس سے گھر نہ ہو گا

ہو اس سے جہاں سیاہ تد بھی

نالے میں مرے اثر نہ ہو گا

پھر نوحہ گری کہاں جہاں میں

ماتم زدہ میر اگر نہ ہو گا

میر تقی میر

اے کبک پھر بحال بھی آیا نہ جائے گا

اکتوبر 6, 2015میر تقی میر،اساتذہ،غزللگایا،لایا،پایا،آیا،اٹھایا،بھلایا،جایا،دکھایا،سایہadmin

دیوان اول غزل 48

اس کا خرام دیکھ کے جایا نہ جائے گا

اے کبک پھر بحال بھی آیا نہ جائے گا

ہم کشتگان عشق ہیں ابرو و چشم یار

سر سے ہمارے تیغ کا سایہ نہ جائے گا

ہم رہرو ان راہ فنا ہیں برنگ عمر

جاویں گے ایسے کھوج بھی پایا نہ جائے گا

پھوڑا سا ساری رات جو پکتا رہے گا دل

تو صبح تک تو ہاتھ لگایا نہ جائے گا

اپنے شہید ناز سے بس ہاتھ اٹھا کہ پھر

دیوان حشر میں اسے لایا نہ جائے گا

اب دیکھ لے کہ سینہ بھی تازہ ہوا ہے چاک

پھر ہم سے اپنا حال دکھایا نہ جائے گا

ہم بے خودان محفل تصویر اب گئے

آئندہ ہم سے آپ میں آیا نہ جائے گا

گو بے ستوں کو ٹال دے آگے سے کوہکن

سنگ گران عشق اٹھایا نہ جائے گا

ہم تو گئے تھے شیخ کو انسان بوجھ کر

پر اب سے خانقاہ میں جایا نہ جائے گا

یاد اس کی اتنی خوب نہیں میر باز آ

نادان پھر وہ جی سے بھلایا نہ جائے گا

میر تقی میر

لگے ہو خون بہت کرنے بے گناہوں کا

اکتوبر 6, 2015میر تقی میر،اساتذہ،غزلنگاہوں،گناہوں،گاہوں،آہوں،بادشاہوں،جلاہوں،خواہوں،راہوںadmin

دیوان اول غزل 47

رہے خیال تنک ہم بھی رو سیاہوں کا

لگے ہو خون بہت کرنے بے گناہوں کا

نہیں ستارے یہ سوراخ پڑ گئے ہیں تمام

فلک حریف ہوا تھا ہماری آہوں کا

گلی میں اس کی پھٹے کپڑوں پر مرے مت جا

لباس فقر ہے واں فخر بادشاہوں کا

تمام زلف کے کوچے ہیں مارپیچ اس کی

تجھی کو آوے دلا چلنا ایسی راہوں کا

اسی جو خوبی سے لائے تجھے قیامت میں

تو حرف کن نے کیا گوش داد خواہوں کا

تمام عمر رہیں خاک زیر پا اس کی

جو زور کچھ چلے ہم عجز دست گاہوں کا

کہاں سے تہ کریں پیدا یہ ناظمان حال

کہ پوچ بافی ہی ہے کام ان جلاہوں کا

حساب کاہے کا روز شمار میں مجھ سے

شمار ہی نہیں ہے کچھ مرے گناہوں کا

تری جو آنکھیں ہیں تلوار کے تلے بھی ادھر

فریب خوردہ ہے تو میر کن نگاہوں کا

میر تقی میر

موم سمجھے تھے ترے دل کو سو پتھر نکلا

اکتوبر 6, 2015میر تقی میر،اساتذہ،غزللشکر،کر،پتھر،باہر،جواہر،دفترadmin

دیوان اول غزل 46

مہر کی تجھ سے توقع تھی ستمگر نکلا

موم سمجھے تھے ترے دل کو سو پتھر نکلا

داغ ہوں رشک محبت سے کہ اتنا بیتاب

کس کی تسکیں کے لیے گھر سے تو باہر نکلا

جیتے جی آہ ترے کوچے سے کوئی نہ پھرا

جو ستم دیدہ رہا جاکے سو مر کر نکلا

دل کی آبادی کی اس حد ہے خرابی کہ نہ پوچھ

جانا جاتا ہے کہ اس راہ سے لشکر نکلا

اشک تر قطرئہ خوں لخت جگر پارئہ دل

ایک سے ایک عدد آنکھ سے بہ کر نکلا

کنج کاوی جو کی سینے کی غم ہجراں نے

اس دفینے میں سے اقسام جواہر نکلا

ہم نے جانا تھا لکھے گا تو کوئی حرف اے میر

پر ترا نامہ تو اک شوق کا دفتر نکلا

میر تقی میر

کبھو درد تھا کبھو داغ تھا کبھو زخم تھا کبھو وار تھا

اکتوبر 6, 2015میر تقی میر،اساتذہ،غزلفگار،قرار،وار،یار،پار،خار،سروکار،غبارadmin

دیوان اول غزل 45

کئی دن سلوک وداع کا مرے درپئے دل زار تھا

کبھو درد تھا کبھو داغ تھا کبھو زخم تھا کبھو وار تھا

دم صبح بزم خوش جہاں شب غم سے کم نہ تھی مہرباں

کہ چراغ تھا سو تو دود تھا جو پتنگ تھا سو غبار تھا

دل خستہ لوہو جو ہو گیا تو بھلا ہوا کہ کہاں تلک

کبھو سوز سینہ سے داغ تھا کبھو درد و غم سے فگار تھا

دل مضطرب سے گذر گئی شب وصل اپنی ہی فکر میں

نہ دماغ تھا نہ فراغ تھا نہ شکیب تھا نہ قرار تھا

جو نگاہ کی بھی پلک اٹھا تو ہمارے دل سے لہو بہا

کہ وہیں وہ ناوک بے خطا کسو کے کلیجے کے پار تھا

یہ تمھاری ان دنوں دوستاں مژہ جس کے غم میں ہے خوں چکاں

وہی آفت دل عاشقاں کسو وقت ہم سے بھی یار تھا

نہیں تازہ دل کی شکستگی یہی درد تھا یہی خستگی

اسے جب سے ذوق شکار تھا اسے زخم سے سروکار تھا

کبھو جائے گی جو ادھر صبا تو یہ کہیو اس سے کہ بے وفا

مگر ایک میر شکستہ پا ترے باغ تازہ میں خار تھا

میر تقی میر

ایک تجھ کو ہزار میں دیکھا

اکتوبر 6, 2015میر تقی میر،اساتذہ،غزلہزار،قرار،انتظار،خار،روزگار،شکار،غبارadmin

دیوان اول غزل 44

گل و بلبل بہار میں دیکھا

ایک تجھ کو ہزار میں دیکھا

جل گیا دل سفید ہیں آنکھیں

یہ تو کچھ انتظار میں دیکھا

جیسا مضطر تھا زندگی میں دل

ووہیں میں نے قرار میں دیکھا

آبلے کا بھی ہونا دامن گیر

تیرے کوچے کے خار میں دیکھا

تیرہ عالم ہوا یہ روز سیاہ

اپنے دل کے غبار میں دیکھا

ذبح کر میں کہا تھا مرتا ہوں

دم نہیں مجھ شکار میں دیکھا

جن بلائوں کو میر سنتے تھے

ان کو اس روزگار میں دیکھا

میر تقی میر

جھانکنا تاکنا کبھو نہ گیا

اکتوبر 6, 2015میر تقی میر،اساتذہ،غزلکبھو،تو،جستجو،روبرو،سبوadmin

دیوان اول غزل 43

دل سے شوق رخ نکو نہ گیا

جھانکنا تاکنا کبھو نہ گیا

ہر قدم پر تھی اس کی منزل لیک

سر سے سوداے جستجو نہ گیا

سب گئے ہوش و صبر و تاب و تواں

لیکن اے داغ دل سے تو نہ گیا

دل میں کتنے مسودے تھے ولے

ایک پیش اس کے روبرو نہ گیا

سبحہ گرداں ہی میر ہم تو رہے

دست کوتاہ تا سبو نہ گیا

میر تقی میر

خانہ خراب ہو جیو اس دل کی چاہ کا

اکتوبر 6, 2015میر تقی میر،اساتذہ،غزلنگاہ،ناف،کلاہ،گناہ،گاہ،پناہ،آہ،خواہ،راہ،سیاہadmin

دیوان اول غزل 42

گذرا بناے چرخ سے نالہ پگاہ کا

خانہ خراب ہو جیو اس دل کی چاہ کا

آنکھوں میں جی مرا ہے ادھر دیکھتا نہیں

مرتا ہوں میں تو ہائے رے صرفہ نگاہ کا

صد خانماں خراب ہیں ہر ہر قدم پہ دفن

کشتہ ہوں یار میں تو ترے گھر کی راہ کا

یک قطرہ خون ہوکے پلک سے ٹپک پڑا

قصہ یہ کچھ ہوا دل غفراں پناہ کا

تلوار مارنا تو تمھیں کھیل ہے ولے

جاتا رہے نہ جان کسو بے گناہ کا

بدنام و خوار و زار و نزار و شکستہ حال

احوال کچھ نہ پوچھیے اس رو سیاہ کا

ظالم زمیں سے لوٹتا دامن اٹھا کے چل

ہو گا کمیں میں ہاتھ کسو داد خواہ کا

اے تاج شہ نہ سر کو فرو لائوں تیرے پاس

ہے معتقد فقیر نمد کی کلاہ کا

ہر لخت دل میں صید کے پیکان بھی گئے

دیکھا میں شوخ ٹھاٹھ تری صید گاہ کا

بیمار تو نہ ہووے جیے جب تلک کہ میر

سونے نہ دے گا شور تری آہ آہ کا

میر تقی میر

خون ہو بہ سب آپھی گیا عشق حسن و جمال کیا

اکتوبر 6, 2015میر تقی میر،اساتذہ،غزلنہال،پامال،جمال،حال،سوالadmin

دیوان اول غزل 41

دل سمجھا نہ محبت کو کچھ ان نے کیا یہ خیال کیا

خون ہو بہ سب آپھی گیا عشق حسن و جمال کیا

آنکھیں کفک سے اس کی لگاکر خاک برابر ہم بھی ہوئے

مہندی کے رنگ ان پائوں نے تو بہتوں کو پامال کیا

یوں نکلے ہے فلک ایدھر سے نازکناں جو جاتے تو

خاک سے سبزہ میری اگاکر ان نے مجھ کو نہال کیا

آگے جواب سے ان لوگوں کے بارے معافی اپنی ہوئی

ہم بھی فقیر ہوئے تھے لیکن ہم نے ترک سوال کیا

حال نہیں ہے عشق سے مجھ میں کس سے میر ؔاب حال کہوں

آپھی چاہ کر اس ظالم کو یہ اپنا میں حال کیا

میر تقی میر

ہوا نہ گور گڑھا ان ستم کے ماروں کا

اکتوبر 6, 2015میر تقی میر،اساتذہ،غزلہوشیاروں،فگاروں،ہزاروں،قراروں،ماروں،مزاروں،یاروں،گنواروں،گناہگاروں،تاروں،خاروں،سواروں،سیاہکاروںadmin

دیوان اول غزل 40

سنا ہے حال ترے کشتگاں بچاروں کا

ہوا نہ گور گڑھا ان ستم کے ماروں کا

ہزار رنگ کھلے گل چمن کے ہیں شاہد

کہ روزگار کے سر خون ہے ہزاروں کا

ملا ہے خاک میں کس کس طرح کا عالم یاں

نکل کے شہر سے ٹک سیر کر مزاروں کا

عرق فشانی سے اس زلف کی ہراساں ہوں

بھلا نہیں ہے بہت ٹوٹنا بھی تاروں کا

علاج کرتے ہیں سوداے عشق کا میرے

خلل پذیر ہوا ہے دماغ یاروں کا

تری ہی زلف کو محشر میں ہم دکھا دیں گے

جو کوئی مانگے گا نامہ سیاہکاروں کا

خراش سینۂ عاشق بھی دل کو لگ جائے

عجب طرح کا ہے فرقہ یہ دل فگاروں کا

نگاہ مست کے مارے تری خراب ہیں شوخ

نہ ٹھور ہے نہ ٹھکانا ہے ہوشیاروں کا

کریں ہیں دعوی خوش چشمی آہوان دشت

ٹک ایک دیکھنے چل ملک ان گنواروں کا

تڑپ کے مرنے سے دل کے کہ مغفرت ہو اسے

جہاں میں کچھ تو رہا نام بے قراروں کا

تڑپ کے خرمن گل پر کبھی گر اے بجلی

جلانا کیا ہے مرے آشیاں کے خاروں کا

تمھیں تو زہد و ورع پر بہت ہے اپنے غرور

خدا ہے شیخ جی ہم بھی گناہگاروں کا

اٹھے ہے گرد کی جا نالہ گور سے اس کی

غبار میر بھی عاشق ہے نے سواروں کا

میر تقی میر

راتوں کو روتے روتے ہی جوں شمع گل گیا

اکتوبر 6, 2015میر تقی میر،اساتذہ،غزلچل،نکل،ڈھل،گل،جل،رل،سنبھلadmin

دیوان اول غزل 39

گرمی سے میں تو آتش غم کی پگھل گیا

راتوں کو روتے روتے ہی جوں شمع گل گیا

ہم خستہ دل ہیں تجھ سے بھی نازک مزاج تر

تیوری چڑھائی تونے کہ یاں جی نکل گیا

گرمی عشق مانع نشوونما ہوئی

میں وہ نہال تھا کہ اگا اور جل گیا

مستی میں چھوڑ دیر کو کعبے چلا تھا میں

لغزش بڑی ہوئی تھی ولیکن سنبھل گیا

ساقی نشے میں تجھ سے لنڈھا شیشۂ شراب

چل اب کہ دخت تاک کا جوبن تو ڈھل گیا

ہر ذرہ خاک تیری گلی کی ہے بے قرار

یاں کون سا ستم زدہ ماٹی میں رل گیا

عریاں تنی کی شوخی سے دیوانگی میں میر

مجنوں کے دشت خار کا داماں بھی چل گیا

میر تقی میر

جگر مرغ جان سے نکلا

اکتوبر 6, 2015میر تقی میر،اساتذہ،غزلمکان،کان،امتحان،آسمان،جہان،جوان،جان،زبان،شانadmin

دیوان اول غزل 38

تیر جو اس کمان سے نکلا

جگر مرغ جان سے نکلا

نکلی تھی تیغ بے دریغ اس کی

میں ہی اک امتحان سے نکلا

گو کٹے سر کہ سوز دل جوں شمع

اب تو میری زبان سے نکلا

آگے اے نالہ ہے خدا کا ناؤں

بس تو نُہ آسمان سے نکلا

چشم و دل سے جو نکلا ہجراں میں

نہ کبھو بحر و کان سے نکلا

مر گیا جو اسیر قید حیات

تنگناے جہان سے نکلا

دل سے مت جا کہ حیف اس کا وقت

جو کوئی اس مکان سے نکلا

اس کی شیریں لبی کی حسرت میں

شہد پانی ہو شان سے نکلا

نامرادی کی رسم میر سے ہے

طور یہ اس جوان سے نکلا

میر تقی میر

گل باغ میں گلے کا مرے ہار ہو گیا

اکتوبر 6, 2015میر تقی میر،اساتذہ،غزلہار،یار،گنہگار،گرفتار،پار،آزار،بیمار،بستار،خریدارadmin

دیوان اول غزل 37

خوبی کا اس کی بسکہ طلبگار ہو گیا

گل باغ میں گلے کا مرے ہار ہو گیا

کس کو نہیں ہے شوق ترا پر نہ اس قدر

میں تو اسی خیال میں بیمار ہو گیا

میں نودمیدہ بال چمن زاد طیر تھا

پر گھر سے اٹھ چلا سو گرفتار ہو گیا

ٹھہرا گیا نہ ہو کے حریف اس کی چشم کا

سینے کو توڑ تیر نگہ پار ہو گیا

ہے اس کے حرف زیرلبی کا سبھوں میں ذکر

کیا بات تھی کہ جس کا یہ بستار ہو گیا

تو وہ متاع ہے کہ پڑی جس کی تجھ پہ آنکھ

وہ جی کو بیچ کر بھی خریدار ہو گیا

کیا کہیے آہ عشق میں خوبی نصیب کی

دلدار اپنا تھا سو دل آزار ہو گیا

آٹھوں پہر لگا ہی پھرے ہے تمھارے ساتھ

کچھ ان دنوں میں غیر بہت یار ہو گیا

کب رو ہے اس سے بات کے کرنے کا مجھ کو میر

ناکردہ جرم میں تو گنہگار ہو گیا

میر تقی میر

جس کوچے میں وہ بت صد بدنام نہیں رکھتا

اکتوبر 6, 2015میر تقی میر،اساتذہ،غزلکام،پیغام،انجام،آرام،بادام،بدنام،جام،حجام،دشنامadmin

دیوان اول غزل 36

ایسی گلی اک شہر اسلام نہیں رکھتا

جس کوچے میں وہ بت صد بدنام نہیں رکھتا

آزار نہ دے اپنے کانوں کے تئیں اے گل

آغاز مرے غم کا انجام نہیں رکھتا

ناکامی صد حسرت خوش لگتی نہیں ورنہ

اب جی سے گذر جانا کچھ کام نہیں رکھتا

ہو خشک تو بہتر ہے وہ ہاتھ بہاراں میں

مانند نئے نرگس جو جام نہیں رکھتا

بن اس کی ہم آغوشی بیتاب نہیں اب ہے

مدت سے بغل میں دل آرام نہیں رکھتا

میں داڑھی تری واعظ مسجد ہی میں منڈواتا

پر کیا کروں ساتھ اپنے حجام نہیں رکھتا

وہ مفلس ان آنکھوں سے کیونکر کے بسر آوے

جو اپنی گرہ میں اک بادام نہیں رکھتا

کیا بات کروں اس سے مل جائے جو وہ میں تو

اس ناکسی سے روے دشنام نہیں رکھتا

یوں تو رہ و رسم اس کو اس شہر میں سب سے ہے

اک میر ہی سے خط و پیغام نہیں رکھتا

میر تقی میر

خاک افتادہ ہوں میں بھی اک فقیر اللہ کا

اکتوبر 6, 2015میر تقی میر،اساتذہ،غزلماہ،ناف،ناخواہ،گاہ،اللہ،آہ،آگاہ،شاہadmin

دیوان اول غزل 35

مت ہو دشمن اے فلک مجھ پائمال راہ کا

خاک افتادہ ہوں میں بھی اک فقیر اللہ کا

سینکڑوں طرحیں نکالیں یار کے آنے کی لیک

عذر ہی جا ہے چلا اس کے دل ناخواہ کا

گر کوئی پیرمغاں مجھ کو کرے تو دیکھے پھر

میکدہ سارے کا سارا صرف ہے اللہ کا

کاش تیرے غم رسیدوں کو بلاویں حشر میں

ظلم ہے یک خلق پرآشوب ان کی آہ کا

جو سنا ہشیار اس میخانے میں تھا بے خبر

شوق ہی باقی رہا ہم کو دل آگاہ کا

باندھ مت رونے کا تار اے ناقباحت فہم چشم

اس سے پایا جائے ہے سر رشتہ جی کی چاہ کا

شیخ مت کر ذکر ہر ساعت قیامت کا کہ ہے

عرصۂ محشر نمونہ اس کی بازی گاہ کا

شہر میں کس منھ سے آوے سامنے تیرے کہ شوخ

جھائیوں سے بھر رہا ہے سارا چہرہ ماہ کا

سرفرو لاتی نہیں ہمت مری ہر اک کے پاس

ہوں گداے آستاں میں میر حضرت شاہ کا

میر تقی میر

قافلہ جاتا رہا میں صبح ہوتے سو گیا

اکتوبر 6, 2015میر تقی میر،اساتذہ،غزلکھو،جو،دھو،رو،سوadmin

دیوان اول غزل 34

کیا کہوں کیسا ستم غفلت سے مجھ پر ہو گیا

قافلہ جاتا رہا میں صبح ہوتے سو گیا

بے کسی مدت تلک برسا کی اپنی گور پر

جو ہماری خاک پر سے ہوکے گذرا رو گیا

کچھ خطرناکی طریق عشق میں پنہاں نہیں

کھپ گیا وہ راہرو اس راہ ہوکر جوگیا

مدعا جو ہے سو وہ پایا نہیں جاتا کہیں

ایک عالم جستجو میں جی کو اپنے کھو گیا

میر ہر یک موج میں ہے زلف ہی کا سا دماغ

جب سے وہ دریا پہ آکر بال اپنے دھو گیا

میر تقی میر

غافل نہ رہ کہ قافلہ اک بار جائے گا

اکتوبر 6, 2015میر تقی میر،اساتذہ،غزلمار،یار،آزار،بار،بازار،تلوار،تار،دیوار،دیدارadmin

دیوان اول غزل 33

اے تو کہ یاں سے عاقبت کار جائے گا

غافل نہ رہ کہ قافلہ اک بار جائے گا

موقوف حشر پر ہے سو آتے بھی وے نہیں

کب درمیاں سے وعدئہ دیدار جائے گا

چھوٹا جو میں قفس سے تو سب نے مجھے کہا

بے چارہ کیونکے تا سر دیوار جائے گا

دے گی نہ چین لذت زخم اس شکار کو

جو کھا کے تیرے ہاتھ کی تلوار جائے گا

آوے گی اک بلا ترے سر سن لے اے صبا

زلف سیہ کا اس کی اگر تار جائے گا

باہر نہ آتا چاہ سے یوسف جو جانتا

لے کارواں مرے تئیں بازار جائے گا

تدبیر میرے عشق کی کیا فائدہ طبیب

اب جان ہی کے ساتھ یہ آزار جائے گا

آئے بن اس کے حال ہوا جائے ہے تغیر

کیا حال ہو گا پاس سے جب یار جائے گا

کوچے کے اس کے رہنے سے باز آ وگرنہ میر

اک دن تجھے وہ جان سے بھی مار جائے گا

میر تقی میر

اک مغبچہ اتار کے عمامہ لے گیا

اکتوبر 6, 2015میر تقی میر،اساتذہ،غزلہنگامہ،نامہ،جامہ،عمامہadmin

دیوان اول غزل 32

مفت آبروے زاہد علامہ لے گیا

اک مغبچہ اتار کے عمامہ لے گیا

داغ فراق و حسرت وصل آرزوے شوق

میں ساتھ زیر خاک بھی ہنگامہ لے گیا

پہنچا نہ پہنچا آہ گیا سو گیا غریب

وہ مرغ نامہ بر جو مرا نامہ لے گیا

اس راہزن کے ڈھنگوں سے دیوے خدا پناہ

اک مرتبہ جو میر جی کا جامہ لے گیا

میر تقی میر

فرق نکلا بہت جو باس کیا

اکتوبر 6, 2015میر تقی میر،اساتذہ،غزلنراس،پاس،التماس،اداس،اساس،باس،حواس،روشناس،طاسadmin

دیوان اول غزل 31

گل کو محبوب ہم قیاس کیا

فرق نکلا بہت جو باس کیا

دل نے ہم کو مثال آئینہ

ایک عالم کا روشناس کیا

کچھ نہیں سوجھتا ہمیں اس بن

شوق نے ہم کو بے حواس کیا

عشق میں ہم ہوئے نہ دیوانے

قیس کی آبرو کا پاس کیا

دور سے چرخ کے نکل نہ سکے

ضعف نے ہم کو مور طاس کیا

صبح تک شمع سر کو دھنتی رہی

کیا پتنگے نے التماس کیا

تجھ سے کیا کیا توقعیں تھیں ہمیں

سو ترے ظلم نے نراس کیا

دیکھا ڈھہتا ہے جن نے خانہ بنا

زیر افلاک سست اساس کیا

ایسے وحشی کہاں ہیں اے خوباں

میر کو تم عبث اداس کیا

میر تقی میر

یا تو بیگانے ہی رہیے ہوجیے یا آشنا

اکتوبر 6, 2015میر تقی میر،اساتذہ،غزلہمارا،ہوتا،یا،کیا،کا،ایسا،اتنا،تھا،تا،جا،دریاadmin

دیوان اول غزل 30

کیا طرح ہے آشنا گاہے گہے نا آشنا

یا تو بیگانے ہی رہیے ہوجیے یا آشنا

پائمال صد جفا ناحق نہ ہو اے عندلیب

سبزئہ بیگانہ بھی تھا اس چمن کا آشنا

کون سے یہ بحرخوبی کی پریشاں زلف ہے

آتی ہے آنکھوں میں میری موج دریا آشنا

رونا ہی آتا ہے ہم کو دل ہوا جب سے جدا

جاے رونے ہی کی ہے جاوے جب ایسا آشنا

ناسمجھ ہے تو جو میری قدر نئیں کرتا کہ شوخ

کم بہت ملتا ہے پھر دلخواہ اتنا آشنا

بلبلیں پائیز میں کہتی تھیں ہوتا کاشکے

یک مژہ رنگ فراری اس چمن کا آشنا

کو گل و لالہ کہاں سنبل سمن ہم نسترن

خاک سے یکساں ہوئے ہیں ہائے کیا کیا آشنا

کیا کروں کس سے کہوں اتنا ہی بیگانہ ہے یار

سارے عالم میں نہیں پاتے کسی کا آشنا

جس سے میں چاہی وساطت ان نے یہ مجھ سے کہا

ہم تو کہتے گر میاں ہم سے وہ ہوتا آشنا

یوں سنا جا ہے کہ کرتا ہے سفر کا عزم جزم

ساتھ اب بیگانہ وضعوں کے ہمارا آشنا

شعر صائبؔ کا مناسب ہے ہماری اور سے

سامنے اس کے پڑھے گر یہ کوئی جا آشنا

تابجاں ما ہمرہیم و تا بمنزل دیگراں

فرق باشد جان ما از آشنا تا آشنا

داغ ہے تاباں علیہ الرحمہ کا چھاتی پہ میر

ہو نجات اس کو بچارا ہم سے بھی تھا آشنا

میر تقی میر

مانند آئینے کے مرے گھر میں آب تھا

اکتوبر 6, 2015میر تقی میر،اساتذہ،غزلالحساب،آب،اضطراب،حباب،خوابadmin

دیوان اول غزل 29

دل میں بھرا زبسکہ خیال شراب تھا

مانند آئینے کے مرے گھر میں آب تھا

موجیں کرے ہے بحر جہاں میں ابھی تو تو

جانے گا بعد مرگ کہ عالم حباب تھا

اگتے تھے دست بلبل و دامان گل بہم

صحن چمن نمونۂ یوم الحساب تھا

ٹک دیکھ آنکھیں کھول کے اس دم کی حسرتیں

جس دم یہ سوجھے گی کہ یہ عالم بھی خواب تھا

دل جو نہ تھا تو رات زخودرفتگی میں میر

گہ انتظار و گاہ مجھے اضطراب تھا

میر تقی میر

آیا شب فراق تھی یا روز جنگ تھا

اکتوبر 6, 2015میر تقی میر،اساتذہ،غزلننگ،ڈھنگ،تنگ،جنگ،خدنگ،سنگadmin

دیوان اول غزل 28

شب درد و غم سے عرصہ مرے جی پہ تنگ تھا

آیا شب فراق تھی یا روز جنگ تھا

کثرت میں درد و غم کی نہ نکلی کوئی طپش

کوچہ جگر کے زخم کا شاید کہ تنگ تھا

لایا مرے مزار پہ اس کو یہ جذب عشق

جس بے وفا کو نام سے بھی میرے ننگ تھا

دیکھا ہے صید گہ میں ترے صید کا جگر

باآنکہ چھن رہا تھا پہ ذوق خدنگ تھا

دل سے مرے لگا نہ ترا دل ہزار حیف

یہ شیشہ ایک عمر سے مشتاق سنگ تھا

مت کر عجب جو میر ترے غم میں مر گیا

جینے کا اس مریض کے کوئی بھی ڈھنگ تھا

میر تقی میر

جس کے ہر ٹکڑے میں ہو پیوست پیکاں تیر کا

اکتوبر 6, 2015میر تقی میر،اساتذہ،غزلمیر،گیر،پیر،تقصیر،تیر،تاثیر،تدبیر،تصویر،تعمیر،زنجیر،شمشیرadmin

دیوان اول غزل 27

سیر کے قابل ہے دل صد پارہ اس نخچیر کا

جس کے ہر ٹکڑے میں ہو پیوست پیکاں تیر کا

سب کھلا باغ جہاں الا یہ حیران و خفا

جس کو دل سمجھے تھے ہم سو غنچہ تھا تصویر کا

بوے خوں سے جی رکا جاتا ہے اے باد بہار

ہو گیا ہے چاک دل شاید کسو دل گیر کا

کیونکے نقاش ازل نے نقش ابرو کا کیا

کام ہے اک تیرے منھ پر کھینچنا شمشیر کا

رہگذر سیل حوادث کا ہے بے بنیاد دہر

اس خرابے میں نہ کرنا قصد تم تعمیر کا

بس طبیب اٹھ جا مری بالیں سے مت دے دردسر

کام یاں آخر ہوا اب فائدہ تدبیر کا

نالہ کش ہیں عہد پیری میں بھی تیرے در پہ ہم

قد خم گشتہ ہمارا حلقہ ہے زنجیر کا

جو ترے کوچے میں آیا پھر وہیں گاڑا اسے

تشنۂ خوں میں تو ہوں اس خاک دامن گیر کا

خون سے میرے ہوئی یک دم خوشی تم کو تو لیک

مفت میں جاتا رہا جی ایک بے تقصیر کا

لخت دل سے جوں چھڑی پھولوں کی گوندھی ہے ولے

فائدہ کچھ اے جگر اس آہ بے تاثیر کا

گور مجنوں سے نہ جاویں گے کہیں ہم بے نوا

عیب ہے ہم میں جو چھوڑیں ڈھیر اپنے پیر کا

کس طرح سے مانیے یارو کہ یہ عاشق نہیں

رنگ اڑا جاتا ہے ٹک چہرہ تو دیکھو میر کا

میر تقی میر

دل ستم زدہ کو ہم نے تھام تھام لیا

اکتوبر 6, 2015میر تقی میر،اساتذہ،غزلکام،انتقام،تمام،تھام،دام،سلام،غلامadmin

دیوان اول غزل 26

ہمارے آگے ترا جب کسو نے نام لیا

دل ستم زدہ کو ہم نے تھام تھام لیا

قسم جو کھایئے تو طالع زلیخا کی

عزیز مصر کا بھی صاحب اک غلام لیا

خراب رہتے تھے مسجد کے آگے میخانے

نگاہ مست نے ساقی کی انتقام لیا

وہ کج روش نہ ملا راستے میں مجھ سے کبھی

نہ سیدھی طرح سے ان نے مرا سلام لیا

مزا دکھا دیں گے بے رحمی کا تری صیاد

گر اضطراب اسیری نے زیر دام لیا

مرے سلیقے سے میری نبھی محبت میں

تمام عمر میں ناکامیوں سے کام لیا

اگرچہ گوشہ گزیں ہوں میں شاعروں میں میر

پہ میرے شور نے روے زمیں تمام لیا

میر تقی میر

القصہ رفتہ رفتہ دشمن ہوا ہے جاں کا

اکتوبر 6, 2015میر تقی میر،اساتذہ،غزلہاں،ناتواں،واں،کہاں،گلستاں،امتحاں،آسماں،آستاں،آشیاں،استخواں،بان،بدزباں،جہاں،جواں،جھان،جاں،خواں،رواں،شادماںadmin

دیوان اول غزل 25

شکوہ کروں میں کب تک اس اپنے مہرباں کا

القصہ رفتہ رفتہ دشمن ہوا ہے جاں کا

گریے پہ رنگ آیا قید قفس سے شاید

خوں ہو گیا جگر میں اب داغ گلستاں کا

لے جھاڑو ٹوکرا ہی آتا ہے صبح ہوتے

جاروب کش مگر ہے خورشید اس کے ہاں کا

دی آگ رنگ گل نے واں اے صبا چمن کو

یاں ہم جلے قفس میں سن حال آشیاں کا

ہر صبح میرے سر پر اک حادثہ نیا ہے

پیوند ہو زمیں کا شیوہ اس آسماں کا

ان صید افگنوں کا کیا ہو شکار کوئی

ہوتا نہیں ہے آخر کام ان کے امتحاں کا

تب تو مجھے کیا تھا تیروں سے صید اپنا

اب کرتے ہیں نشانہ ہر میرے استخواں کا

فتراک جس کا اکثر لوہو میں تر رہے ہے

وہ قصد کب کرے ہے اس صید ناتواں کا

کم فرصتی جہاں کے مجمع کی کچھ نہ پوچھو

احوال کیا کہوں میں اس مجلس رواں کا

سجدہ کریں ہیں سن کر اوباش سارے اس کو

سید پسر وہ پیارا ہے گا امام بانکا

ناحق شناسی ہے یہ زاہد نہ کر برابر

طاعت سے سو برس کی سجدہ اس آستاں کا

ہیں دشت اب یہ جیتے بستے تھے شہر سارے

ویرانۂ کہن ہے معمورہ اس جہاں کا

جس دن کہ اس کے منھ سے برقع اٹھے گا سنیو

اس روز سے جہاں میں خورشید پھر نہ جھانکا

ناحق یہ ظلم کرنا انصاف کہہ پیارے

ہے کون سی جگہ کا کس شہر کا کہاں کا

سودائی ہو تو رکھے بازار عشق میں پا

سر مفت بیچتے ہیں یہ کچھ چلن ہے واں کا

سو گالی ایک چشمک اتنا سلوک تو ہے

اوباش خانہ جنگ اس خوش چشم بدزباں کا

یا روئے یا رلایا اپنی تو یوں ہی گذری

کیا ذکر ہم صفیراں یاران شادماں کا

قید قفس میں ہیں تو خدمت ہے نالگی کی

گلشن میں تھے تو ہم کو منصب تھا روضہ خواں کا

پوچھو تو میر سے کیا کوئی نظر پڑا ہے

چہرہ اتر رہا ہے کچھ آج اس جواں کا

میر تقی میر

اس دل نے ہم کو آخر یوں خاک میں ملایا

اکتوبر 6, 2015میر تقی میر،اساتذہ،غزللگایا،لایا،ملایا،نہایا،کھایا،پایا،اٹھایا،بنایا،جلایا،خدایا،دکھایا،سایاadmin

دیوان اول غزل 24

مارا زمیں میں گاڑا تب اس کو صبر آیا

اس دل نے ہم کو آخر یوں خاک میں ملایا

اس گل زمیں سے اب تک اگتے ہیں سرو مائل

مستی میں جھکتے جس پر تیرا پڑا ہے سایا

یکساں ہے قتل گہ اور اس کی گلی تو مجھ کو

واں خاک میں میں لوٹا یاں لوہو میں نہایا

پوجے سے اور پتھر ہوتے ہیں یہ صنم تو

اب کس طرح اطاعت ان کی کروں خدایا

تا چرخ نالہ پہنچا لیکن اثر نہ دیکھا

کرنے سے اب دعا کے میں ہاتھ ہی اٹھایا

تیرا ہی منھ تکے ہے کیا جانیے کہ نوخط

کیا باغ سبز تونے آئینے کو دکھایا

شادابی و لطافت ہرگز ہوئی نہ اس میں

تیری مسوں پہ گرچہ سبزے نے زہر کھایا

آخر کو مر گئے ہیں اس کی ہی جستجو میں

جی کے تئیں بھی کھویا لیکن اسے نہ پایا

لگتی نہیں ہے دارو ہیں سب طبیب حیراں

اک روگ میں بساہا جی کو کہاں لگایا

کہہ ہیچ اس کے منھ کو جی میں ڈرا یہاں تو

بارے وہ شوخ اپنی خاطر میں کچھ نہ لایا

ہونا تھا مجلس آرا گر غیر کا تجھے تو

مانند شمع مجھ کو کاہے کے تیں جلایا

تھی یہ کہاں کی یاری آئینہ رو کہ تونے

دیکھا جو میر کو تو بے ہیچ منھ بنایا

میر تقی میر

القصہ میر کو ہم بے اختیار پایا

اکتوبر 6, 2015میر تقی میر،اساتذہ،غزلفگار،قرار،یار،اختیار،اعتبار،بار،غبارadmin

دیوان اول غزل 23

مانند شمع مجلس شب اشکبار پایا

القصہ میر کو ہم بے اختیار پایا

احوال خوش انھوں کا ہم بزم ہیں جو تیرے

افسوس ہے کہ ہم نے واں کا نہ بار پایا

چیتے جو ضعف ہوکر زخم رسا سے اس کے

سینے کو چاک دیکھا دل کو فگار پایا

شہر دل ایک مدت اجڑا بسا غموں میں

آخر اجاڑ دینا اس کا قرار پایا

اتنا نہ تجھ سے ملتے نے دل کو کھوکے روتے

جیسا کیا تھا ہم نے ویسا ہی یار پایا

کیا اعتبار یاں کا پھر اس کو خوار دیکھا

جس نے جہاں میں آکر کچھ اعتبار پایا

آہوں کے شعلے جس جا اٹھتے تھے میر سے شب

واں جا کے صبح دیکھا مشت غبار پایا

میر تقی میر

تا بہ روح الامیں شکار ہوا

اکتوبر 6, 2015میر تقی میر،اساتذہ،غزلقرار،نثار،یار،خوار،روزگار،شکار،غبارadmin

دیوان اول غزل 22

سنیو جب وہ کبھو سوار ہوا

تا بہ روح الامیں شکار ہوا

اس فریبندہ کو نہ سمجھے آہ

ہم نے جانا کہ ہم سے یار ہوا

نالہ ہم خاکساروں کا آخر

خاطر عرش کا غبار ہوا

جو نہ کہنا تھا سو بھی میں نے کہا

دل کی بے طاقتی سے خوار ہوا

پھر گیا ہے زمانہ کیا کہ مجھے

ہوتے خوار ایک روزگار ہوا

مر چلے بے قرار ہوکر ہم

اب تو تیرے تئیں قرار ہوا

وہ جو خنجر بکف نظر آیا

میر سو جان سے نثار ہوا

میر تقی میر

نکلا ہی نہ جی ورنہ کانٹا سا نکل جاتا

اکتوبر 6, 2015میر تقی میر،اساتذہ،غزلمل،نکل،ڈھل،ٹل،پگھل،بہل،بدل،جل،سنبھلadmin

دیوان اول غزل 21

مر رہتے جو گل بن تو سارا یہ خلل جاتا

نکلا ہی نہ جی ورنہ کانٹا سا نکل جاتا

پیدا ہے کہ پنہاں تھی آتش نفسی میری

میں ضبط نہ کرتا تو سب شہر یہ جل جاتا

میں گریۂ خونیں کو روکے ہی رہا ورنہ

اک دم میں زمانے کا یاں رنگ بدل جاتا

بن پوچھے کرم سے وہ جو بخش نہ دیتا تو

پرسش میں ہماری ہی دن حشر کا ڈھل جاتا

استادہ جہاں میں تھا میدان محبت میں

واں رستم اگر آتا تو دیکھ کے ٹل جاتا

وہ سیر کا وادی کے مائل نہ ہوا ورنہ

آنکھوں کو غزالوں کی پائوں تلے مل جاتا

بے تاب و تواں یوں میں کا ہے کو تلف ہوتا

یاقوتی ترے لب کی ملتی تو سنبھل جاتا

اس سیم بدن کو تھی کب تاب تعب اتنی

وہ چاندنی میں شب کی ہوتا تو پگھل جاتا

مارا گیا تب گذرا بوسے سے ترے لب کے

کیا میر بھی لڑکا تھا باتوں میں بہل جاتا

میر تقی میر

برقع سے گر نکلا کہیں چہرہ ترا مہتاب سا

اکتوبر 6, 2015میر تقی میر،اساتذہ،غزلمہتاب،محراب،ناب،گرداب،بیتاب،جلاب،خواب،سیلاب،سیمابadmin

دیوان اول غزل 20

گل شرم سے بہ جائے گا گلشن میں ہوکر آب سا

برقع سے گر نکلا کہیں چہرہ ترا مہتاب سا

گل برگ کا یہ رنگ ہے مرجاں کا ایسا ڈھنگ ہے

دیکھو نہ جھمکے ہے پڑا وہ ہونٹ لعل ناب سا

وہ مایۂ جاں تو کہیں پیدا نہیں جوں کیمیا

میں شوق کی افراط سے بیتاب ہوں سیماب سا

دل تاب ہی لایا نہ ٹک تا یاد رہتا ہم نشیں

اب عیش روز وصل کا ہے جی میں بھولا خواب سا

سناہٹے میں جان کے ہوش و حواس و دم نہ تھا

اسباب سارا لے گیا آیا تھا اک سیلاب سا

ہم سرکشی سے مدتوں مسجد سے بچ بچ کر چلے

اب سجدے ہی میں گذرے ہے قد جو ہوا محراب سا

تھی عشق کی وہ ابتدا جو موج سی اٹھی کبھو

اب دیدئہ تر کو جو تم دیکھو تو ہے گرداب سا

بہکے جو ہم مست آگئے سو بار مسجد سے اٹھا

واعظ کو مارے خوف کے کل لگ گیا جلاب سا

رکھ ہاتھ دل پر میر کے دریافت کر کیا حال ہے

رہتا ہے اکثر یہ جواں کچھ ان دنوں بیتاب سا

میر تقی میر

پتھر تلے کا ہاتھ ہی اپنا نکالتا

اکتوبر 6, 2015میر تقی میر،اساتذہ،غزلنکالتا،ٹالتا،اچھالتا،سنبھالتا،سالتاadmin

دیوان اول غزل 19

فرہاد ہاتھ تیشے پہ ٹک رہ کے ڈالتا

پتھر تلے کا ہاتھ ہی اپنا نکالتا

بگڑا اگر وہ شوخ تو سنیو کہ رہ گیا

خورشید اپنی تیغ و سپر ہی سنبھالتا

یہ سر تبھی سے گوے ہے میدان عشق کا

پھرتا تھا جن دنوں میں تو گیندیں اچھالتا

بن سر کے پھوڑے بنتی نہ تھی کوہکن کے تیں

خسرو سے سنگ سینہ کو کس طور ٹالتا

چھاتی سے ایک بار لگاتا جو وہ تو میر

برسوں یہ زخم سینے کا ہم کو نہ سالتا

میر تقی میر

گل اک چمن میں دیدئہ بے نور ہو گیا

اکتوبر 6, 2015میر تقی میر،اساتذہ،غزلمشہور،معمور،چور،ناسور،گور،دور،رنجور،زنبورadmin

دیوان اول غزل 18

آگے جمال یار کے معذور ہو گیا

گل اک چمن میں دیدئہ بے نور ہو گیا

اک چشم منتظر ہے کہ دیکھے ہے کب سے راہ

جوں زخم تیری دوری میں ناسور ہو گیا

قسمت تو دیکھ شیخ کو جب لہر آئی تب

دروازہ شیرہ خانے کا معمور ہو گیا

پہنچا قریب مرگ کے وہ صید ناقبول

جو تیری صیدگاہ سے ٹک دور ہو گیا

دیکھا یہ ناونوش کہ نیش فراق سے

سینہ تمام خانۂ زنبور ہو گیا

اس ماہ چاردہ کا چھپے عشق کیونکے آہ

اب تو تمام شہر میں مشہور ہو گیا

شاید کسو کے دل کو لگی اس گلی میں چوٹ

میری بغل میں شیشۂ دل چور ہو گیا

لاشہ مرا تسلی نہ زیر زمیں ہوا

جب تک نہ آن کر وہ سر گور ہو گیا

دیکھا جو میں نے یار تو وہ میر ہی نہیں

تیرے غم فراق میں رنجور ہو گیا

میر تقی میر

اپنی زنجیر پا ہی کا غل تھا

اکتوبر 6, 2015میر تقی میر،اساتذہ،غزلگل،پل،بلبل،توکل،تامل،تجاہل،تحمل،تغافل،غلadmin

دیوان اول غزل 17

جب جنوں سے ہمیں توسل تھا

اپنی زنجیر پا ہی کا غل تھا

بسترا تھا چمن میں جوں بلبل

نالہ سرمایۂ توکل تھا

یک نگہ کو وفا نہ کی گویا

موسم گل صفیر بلبل تھا

ان نے پہچان کر ہمیں مارا

منھ نہ کرنا ادھر تجاہل تھا

شہر میں جو نظر پڑا اس کا

کشتۂ ناز یا تغافل تھا

اب تو دل کو نہ تاب ہے نہ قرار

یاد ایام جب تحمل تھا

جا پھنسا دام زلف میں آخر

دل نہایت ہی بے تامل تھا

یوں گئی قد کے خم ہوئے جیسے

عمر اک رہرو سر پل تھا

خوب دریافت جو کیا ہم نے

وقت خوش میر نکہت گل تھا

میر تقی میر

شب کو القصہ عجب قصۂ جانکاہ سنا

اکتوبر 6, 2015میر تقی میر،اساتذہ،غزلگمراہ،گاہ،آگاہ،جانکاہadmin

دیوان اول غزل 16

حال دل میر کا رو رو کے سب اے ماہ سنا

شب کو القصہ عجب قصۂ جانکاہ سنا

نابلد ہو کے رہ عشق میں پہنچوں تو کہیں

ہمرہ خضر کو یاں کہتے ہیں گمراہ سنا

کوئی ان طوروں سے گذرے ہے ترے غم میں مری

گاہ تونے نہ سنا حال مرا گاہ سنا

خواب غفلت میں ہیں یاں سب تو عبث جاگا میر

بے خبر دیکھا انھیں میں جنھیں آگاہ سنا

میر تقی میر

آپڑی یہ ایسی چنگاری کہ پیراہن جلا

اکتوبر 6, 2015میر تقی میر،اساتذہ،غزلمن،گلخن،گردن،پیراہن،ایندھن،آسن،بن،دامن،روغنadmin

دیوان اول غزل 15

دل بہم پہنچا بدن میں تب سے سارا تن جلا

آپڑی یہ ایسی چنگاری کہ پیراہن جلا

سرکشی ہی ہے جو دکھلاتی ہے اس مجلس میں داغ

ہوسکے تو شمع ساں دیجے رگ گردن جلا

بدرساں اب آخر آخر چھا گئی مجھ پر یہ آگ

ورنہ پہلے تھا مرا جوں ماہ نو دامن جلا

کب تلک دھونی لگائے جوگیوں کی سی رہوں

بیٹھے بیٹھے در پہ تیرے تو مرا آسن جلا

گرمی اس آتش کے پرکالے سے رکھے چشم تب

جب کوئی میری طرح سے دیوے سب تن من جلا

ہو جو منت سے تو کیا وہ شب نشینی باغ کی

کاٹ اپنی رات کو خار و خس گلخن جلا

سوکھتے ہی آنسوئوں کے نور آنکھوں کا گیا

بجھ ہی جاتے ہیں دیے جس وقت سب روغن جلا

شعلہ افشانی نہیں یہ کچھ نئی اس آہ سے

دوں لگی ہے ایسی ایسی بھی کہ سارا بن جلا

آگ سی اک دل میں سلگے ہے کبھو بھڑکی تو میر

دے گی میری ہڈیوں کا ڈھیر جوں ایندھن جلا

میر تقی میر

جیتے رہے تھے کیوں ہم جو یہ عذاب دیکھا

اکتوبر 6, 2015میر تقی میر،اساتذہ،غزلاضطراب،حساب،خواب،خراب،شتاب،شراب،عذابadmin

دیوان اول غزل 14

بیتاب جی کو دیکھا دل کو کباب دیکھا

جیتے رہے تھے کیوں ہم جو یہ عذاب دیکھا

پودا ستم کا جس نے اس باغ میں لگایا

اپنے کیے کا ان نے ثمرہ شتاب دیکھا

دل کا نہیں ٹھکانا بابت جگر کی گم ہے

تیرے بلاکشوں کا ہم نے حساب دیکھا

آباد جس میں تجھ کو دیکھا تھا ایک مدت

اس دل کی مملکت کو اب ہم خراب دیکھا

یوں خاک میں ملا یاں اس بن کہ کچھ نہ پوچھو

اس ظلم دیدہ دل کا ہم اضطراب دیکھا

واعظ زبون مت کہہ میخانے کو کہ اس جا

پیراہن نکویاں رہن شراب دیکھا

لیتے ہی نام اس کا سوتے سے چونک اٹھے ہو

ہے خیر میر صاحب کچھ تم نے خواب دیکھا

میر تقی میر

سنبل چمن کا مفت میں پامال ہو گیا

اکتوبر 6, 2015میر تقی میر،اساتذہ،غزللال،پامال،جنجال،حال،سالadmin

دیوان اول غزل 13

وہ اک روش سے کھولے ہوئے بال ہو گیا

سنبل چمن کا مفت میں پامال ہو گیا

الجھائو پڑ گیا جو ہمیں اس کے عشق میں

دل سا عزیز جان کا جنجال ہو گیا

کیا امتداد مدت ہجراں بیاں کروں

ساعت ہوئی قیامت و مہ سال ہو گیا

دعویٰ کیا تھا گل نے ترے رخ سے باغ میں

سیلی لگی صبا کی سو منھ لال ہو گیا

قامت خمیدہ رنگ شکستہ بدن نزار

تیرا تو میر غم میں عجب حال ہو گیا

میر تقی میر

حیرتی ہے یہ آئینہ کس کا

اکتوبر 6, 2015میر تقی میر،اساتذہ،غزلمفلس،مجلس،نرگس،کھس،کس،اس،جسadmin

دیوان اول غزل 12

منھ تکا ہی کرے ہے جس تس کا

حیرتی ہے یہ آئینہ کس کا

شام سے کچھ بجھا سا رہتا ہوں

دل ہوا ہے چراغ مفلس کا

تھے برے مغبچوں کے تیور لیک

شیخ میخانے سے بھلا کھسکا

داغ آنکھوں سے کھل رہے ہیں سب

ہاتھ دستہ ہوا ہے نرگس کا

بحر کم ظرف ہے بسان حباب

کاسہ لیس اب ہوا ہے تو جس کا

فیض اے ابر چشم تر سے اٹھا

آج دامن وسیع ہے اس کا

تاب کس کو جو حال میر سنے

حال ہی اور کچھ ہے مجلس کا

میر تقی میر

کل اس پہ یہیں شور ہے پھر نوحہ گری کا

اکتوبر 6, 2015میر تقی میر،اساتذہ،غزلنظری،گری،پری،تری،جگری،دری،سفری،سحری،سریadmin

دیوان اول غزل 11

جس سر کو غرور آج ہے یاں تاجوری کا

کل اس پہ یہیں شور ہے پھر نوحہ گری کا

شرمندہ ترے رخ سے ہے رخسار پری کا

چلتا نہیں کچھ آگے ترے کبک دری کا

آفاق کی منزل سے گیا کون سلامت

اسباب لٹا راہ میں یاں ہر سفری کا

زنداں میں بھی شورش نہ گئی اپنے جنوں کی

اب سنگ مداوا ہے اس آشفتہ سری کا

ہر زخم جگر داور محشر سے ہمارا

انصاف طلب ہے تری بے داد گری کا

اپنی تو جہاں آنکھ لڑی پھر وہیں دیکھو

آئینے کو لپکا ہے پریشاں نظری کا

صد موسم گل ہم کو تہ بال ہی گذرے

مقدور نہ دیکھا کبھو بے بال و پری کا

اس رنگ سے جھمکے ہے پلک پر کہ کہے تو

ٹکڑا ہے مرا اشک عقیق جگری کا

کل سیر کیا ہم نے سمندر کو بھی جاکر

تھا دست نگر پنجۂ مژگاں کی تری کا

لے سانس بھی آہستہ کہ نازک ہے بہت کام

آفاق کی اس کار گہ شیشہ گری کا

ٹک میر جگر سوختہ کی جلد خبر لے

کیا یار بھروسا ہے چراغ سحری کا

میر تقی میر

ہم خاک کے آسودوں کو آرام نہ آیا

اکتوبر 6, 2015میر تقی میر،اساتذہ،غزلکام،گام،پیغام،آرام،بام،بدنام،شامadmin

دیوان اول غزل 10

تا گور کے اوپر وہ گل اندام نہ آیا

ہم خاک کے آسودوں کو آرام نہ آیا

بے ہوش مئے عشق ہوں کیا میرا بھروسا

آیا جو بخود صبح تو میں شام نہ آیا

کس دل سے ترا تیر نگہ پار نہ گذرا

کس جان کو یہ مرگ کا پیغام نہ آیا

دیکھا نہ اسے دور سے بھی منتظروں نے

وہ رشک مہ عید لب بام نہ آیا

سو بار بیاباں میں گیا محمل لیلیٰ

مجنوں کی طرف ناقہ کوئی گام نہ آیا

اب کے جو ترے کوچے سے جائوں گا تو سنیو

پھر جیتے جی اس راہ وہ بدنام نہ آیا

نے خون ہو آنکھوں سے بہا ٹک نہ ہوا داغ

اپنا تو یہ دل میر کسو کام نہ آیا

میر تقی میر

وابستہ ترے مو کا پریشان رہے گا

اکتوبر 6, 2015میر تقی میر،اساتذہ،غزلمہمان،میدان،پریشان،پشیمان،احسان،جان،دیوانadmin

دیوان اول غزل 9

دیکھے گا جو تجھ رو کو سو حیران رہے گا

وابستہ ترے مو کا پریشان رہے گا

وعدہ تو کیا اس سے دم صبح کا لیکن

اس دم تئیں مجھ میں بھی اگر جان رہے گا

منعم نے بنا ظلم کی رکھ گھر تو بنایا

پر آپ کوئی رات ہی مہمان رہے گا

چھوٹوں کہیں ایذا سے لگا ایک ہی جلاد

تاحشر مرے سر پہ یہ احسان رہے گا

چمٹے رہیں گے دشت محبت میں سر و تیغ

محشر تئیں خالی نہ یہ میدان رہے گا

جانے کا نہیں شور سخن کا مرے ہرگز

تاحشر جہاں میں مرا دیوان رہے گا

دل دینے کی ایسی حرکت ان نے نہیں کی

جب تک جیے گا میر پشیمان رہے گا

میر تقی میر

جمال یار نے منھ اس کا خوب لال کیا

اکتوبر 6, 2015میر تقی میر،اساتذہ،غزللال،نہال،پائمال،انفصال،حال،خیال،سوالadmin

دیوان اول غزل 8

چمن میں گل نے جو کل دعوی جمال کیا

جمال یار نے منھ اس کا خوب لال کیا

فلک نے آہ تری رہ میں ہم کو پیدا کر

برنگ سبزئہ نورستہ پائمال کیا

رہی تھی دم کی کشاکش گلے میں کچھ باقی

سو اس کی تیغ نے جھگڑا ہی انفصال کیا

مری اب آنکھیں نہیں کھلتیں ضعف سے ہمدم

نہ کہہ کہ نیند میں ہے تو یہ کیا خیال کیا

بہار رفتہ پھر آئی ترے تماشے کو

چمن کو یمن قدم نے ترے نہال کیا

جواب نامہ سیاہی کا اپنی ہے وہ زلف

کسو نے حشر کو ہم سے اگر سوال کیا

لگا نہ دل کو کہیں کیا سنا نہیں تونے

جو کچھ کہ میر کا اس عاشقی نے حال کیا

میر تقی میر

دیکھا اس بیماری دل نے آخر کام تمام کیا

اکتوبر 6, 2015میر تقی میر،اساتذہ،غزلگام،پیغام،امام،انعام،آرام،ابرام،اسلام،بدنام،تمام،خام،رام،سلام،شام،عام،غلامadmin

دیوان اول غزل 7

الٹی ہو گئیں سب تدبیریں کچھ نہ دوا نے کام کیا

دیکھا اس بیماری دل نے آخر کام تمام کیا

عہد جوانی رو رو کاٹا پیری میں لیں آنکھیں موند

یعنی رات بہت تھے جاگے صبح ہوئی آرام کیا

حرف نہیں جاں بخشی میں اس کی خوبی اپنی قسمت کی

ہم سے جو پہلے کہہ بھیجا سو مرنے کا پیغام کیا

ناحق ہم مجبوروں پر یہ تہمت ہے مختاری کی

چاہتے ہیں سو آپ کریں ہیں ہم کو عبث بدنام کیا

سارے رند اوباش جہاں کے تجھ سے سجود میں رہتے ہیں

بانکے ٹیڑھے ترچھے تیکھے سب کا تجھ کو امام کیا

سرزد ہم سے بے ادبی تو وحشت میں بھی کم ہی ہوئی

کوسوں اس کی اور گئے پر سجدہ ہر ہر گام کیا

کس کا کعبہ کیسا قبلہ کون حرم ہے کیا احرام

کوچے کے اس کے باشندوں نے سب کو یہیں سے سلام کیا

شیخ جو ہے مسجد میں ننگا رات کو تھا میخانے میں

جبہ خرقہ کرتا ٹوپی مستی میں انعام کیا

کاش اب برقع منھ سے اٹھا دے ورنہ پھر کیا حاصل ہے

آنکھ مندے پر ان نے گو دیدار کو اپنے عام کیا

یاں کے سپید و سیہ میں ہم کو دخل جو ہے سو اتنا ہے

رات کو رو رو صبح کیا یا دن کو جوں توں شام کیا

صبح چمن میں اس کو کہیں تکلیف ہوا لے آئی تھی

رخ سے گل کو مول لیا قامت سے سرو غلام کیا

ساعد سیمیں دونوں اس کے ہاتھ میں لاکر چھوڑ دیے

بھولے اس کے قول و قسم پر ہائے خیال خام کیا

کام ہوئے ہیں سارے ضائع ہر ساعت کی سماجت سے

استغنا کی چوگنی ان نے جوں جوں میں ابرام کیا

ایسے آہوے رم خوردہ کی وحشت کھونی مشکل تھی

سحر کیا اعجاز کیا جن لوگوں نے تجھ کو رام کیا

میر کے دین و مذہب کو اب پوچھتے کیا ہو ان نے تو

قشقہ کھینچا دیر میں بیٹھا کب کا ترک اسلام کیا

میر تقی میر

کہ ہمسائگاں پر ترحم کیا

اکتوبر 6, 2015میر تقی میر،اساتذہ،غزلگم،تلاطم،تبسم،ترحم،خمadmin

دیوان اول غزل 6

شب ہجر میں کم تظلم کیا

کہ ہمسائگاں پر ترحم کیا

کہا میں نے کتنا ہے گل کا ثبات

کلی نے یہ سن کر تبسم کیا

زمانے نے مجھ جرعہ کش کو ندان

کیا خاک و خشت سر خم کیا

جگر ہی میں یک قطرہ خوں ہے سرشک

پلک تک گیا تو تلاطم کیا

کسو وقت پاتے نہیں گھر اسے

بہت میر نے آپ کو گم کیا

میر تقی میر

چھوڑا وفا کو ان نے مروت کو کیا ہوا

اکتوبر 6, 2015میر تقی میر،اساتذہ،غزلقیامت،مروت،نہایت،ندامت،رحمت،طاقت،غیرتadmin

دیوان اول غزل 5

اس عہد میں الٰہی محبت کو کیا ہوا

چھوڑا وفا کو ان نے مروت کو کیا ہوا

امیدوار وعدئہ دیدار مر چلے

آتے ہی آتے یارو قیامت کو کیا ہوا

کب تک تظلم آہ بھلا مرگ کے تئیں

کچھ پیش آیا واقعہ رحمت کو کیا ہوا

اس کے گئے پر ایسے گئے دل سے ہم نشیں

معلوم بھی ہوا نہ کہ طاقت کو کیا ہوا

بخشش نے مجھ کو ابر کرم کی کیا خجل

اے چشم جوش اشک ندامت کو کیا ہوا

جاتا ہے یار تیغ بکف غیر کی طرف

اے کشتۂ ستم تری غیرت کو کیا ہوا

تھی صعب عاشقی کی بدایت ہی میر پر

کیا جانیے کہ حال نہایت کو کیا ہوا

میر تقی میر

دامن تر کا مرے دریا ہی کا سا پھیر تھا

اکتوبر 6, 2015میر تقی میر،اساتذہ،غزلڈھیر،پھیرadmin

دیوان اول غزل 4

جامۂ مستی عشق اپنا مگر کم گھیر تھا

دامن تر کا مرے دریا ہی کا سا پھیر تھا

دیر میں کعبے گیا میں خانقہ سے اب کی بار

راہ سے میخانے کی اس راہ میں کچھ پھیر تھا

بلبلوں نے کیا گل افشاں میر کا مرقد کیا

دور سے آیا نظر تو پھولوں کا اک ڈھیر تھا

میر تقی میر

یاددہ ہے وہ کسو چشم کی گریانی کا

اکتوبر 6, 2015میر تقی میر،اساتذہ،غزلمسلمانی،نورانی،نادانی،گریانی،پریشانی،افشانی،حیرانی،زندانی،سلیمانیadmin

دیوان اول غزل 3

نکلے ہے چشمہ جو کوئی جوش زناں پانی کا

یاددہ ہے وہ کسو چشم کی گریانی کا

لطف اگر یہ ہے بتاں صندل پیشانی کا

حسن کیا صبح کے پھر چہرئہ نورانی کا

کفر کچھ چاہیے اسلام کی رونق کے لیے

حسن زنار ہے تسبیح سلیمانی کا

درہمی حال کی ہے سارے مرے دیواں میں

سیر کر تو بھی یہ مجموعہ پریشانی کا

جان گھبراتی ہے اندوہ سے تن میں کیا کیا

تنگ احوال ہے اس یوسف زندانی کا

کھیل لڑکوں کا سمجھتے تھے محبت کے تئیں

ہے بڑا حیف ہمیں اپنی بھی نادانی کا

وہ بھی جانے کہ لہو رو کے لکھا ہے مکتوب

ہم نے سر نامہ کیا کاغذ افشانی کا

اس کا منھ دیکھ رہا ہوں سو وہی دیکھوں ہوں

نقش کا سا ہے سماں میری بھی حیرانی کا

بت پرستی کو تو اسلام نہیں کہتے ہیں

معتقد کون ہے میر ایسی مسلمانی کا

میر تقی میر

آنکھیں تو کہیں تھیں دل غم دیدہ کہیں تھا

اکتوبر 6, 2015میر تقی میر،اساتذہ،غزلنشیں،وہیں،کہیں،پسیں،جبیں،زمیں،زیرنگیںadmin

دیوان اول غزل 2

کیا میں بھی پریشانی خاطر سے قریں تھا

آنکھیں تو کہیں تھیں دل غم دیدہ کہیں تھا

کس رات نظر کی ہے سوے چشمک انجم

آنکھوں کے تلے اپنے تو وہ ماہ جبیں تھا

آیا تو سہی وہ کوئی دم کے لیے لیکن

ہونٹوں پہ مرے جب نفس باز پسیں تھا

اب کوفت سے ہجراں کی جہاں تن پہ رکھا ہاتھ

جو درد و الم تھا سو کہے تو کہ وہیں تھا

جانا نہیں کچھ جز غزل آکر کے جہاں میں

کل میرے تصرف میں یہی قطعہ زمیں تھا

نام آج کوئی یاں نہیں لیتا ہے انھوں کا

جن لوگوں کے کل ملک یہ سب زیرنگیں تھا

مسجد میں امام آج ہوا آ کے وہاں سے

کل تک تو یہی میر خرابات نشیں تھا

میر تقی میر

خورشید میں بھی اس ہی کا ذرہ ظہور تھا

اکتوبر 6, 2015میر تقی میر،اساتذہ،غزلقصور،چور،حضور،دور،شورنشور،شعور،ضرور،طور،ظہور،عور،غرورadmin

دیوان اول غزل 1

تھا مستعار حسن سے اس کے جو نور تھا

خورشید میں بھی اس ہی کا ذرہ ظہور تھا

ہنگامہ گرم کن جو دل ناصبور تھا

پیدا ہر ایک نالے سے شورنشور تھا

پہنچا جو آپ کو تو میں پہنچا خدا کے تیں

معلوم اب ہوا کہ بہت میں بھی دور تھا

آتش بلند دل کی نہ تھی ورنہ اے کلیم

یک شعلہ برق خرمن صد کوہ طور تھا

مجلس میں رات ایک ترے پر توے بغیر

کیا شمع کیا پتنگ ہر اک بے حضور تھا

اس فصل میں کہ گل کا گریباں بھی ہے ہوا

دیوانہ ہو گیا سو بہت ذی شعور تھا

منعم کے پاس قاقم و سنجاب تھا تو کیا

اس رند کی بھی رات گذر گئی جو عور تھا

ہم خاک میں ملے تو ملے لیکن اے سپہر

اس شوخ کو بھی راہ پہ لانا ضرور تھا

کل پائوں ایک کاسۂ سر پر جو آگیا

یکسر وہ استخوان شکستوں سے چور تھا

کہنے لگا کہ دیکھ کے چل راہ بے خبر

میں بھی کبھو کسو کا سر پر غرور تھا

تھا وہ تو رشک حور بہشتی ہمیں میں میر

سمجھے نہ ہم تو فہم کا اپنے قصور تھا

میر تقی میر

ﺭﻧﮓ ﺗﺼﻮﯾﺮ ﺳﮯ ﻧﮑﻞ ﺁﯾﺎ

اگست 3, 2015توقیر عباس،غزلﯾﺮ،ﺗﺎﺧﯿﺮ،ﺗﺼﻮﯾﺮ،ﺗﻌﺰﯾﺮ،ﺗﻌﻤﯿﺮ،ﺷﻤﺸﯿﺮ،زﻧﺠﯿﺮadmin

توقیر عباس ۔ غزل نمبر 10

ﮐﺮﺏ ﺗﺤﺮﯾﺮ ﺳﮯ ﻧﮑﻞ ﺁﯾﺎ

ﺭﻧﮓ ﺗﺼﻮﯾﺮ ﺳﮯ ﻧﮑﻞ ﺁﯾﺎ

ﺑﺎﺕ ﺑﻨﯿﺎﺩ ﮐﯽ ﻧﮑﻞ ﺁئی

ﻋﯿﺐ ﺗﻌﻤﯿﺮ ﺳﮯ ﻧﮑﻞ ﺁﯾﺎ

ﮐﺘﻨﺎ ﺍﭼﮭﺎ ﮨﮯ ﻧﺎﺗﻮﺍﮞ ﮨﻮﻧﺎ

ﭘﺎﺅﮞ زﻧﺠﯿﺮ ﺳﮯ ﻧﮑﻞ ﺁﯾﺎ

ﻭﺍﺭ ﺍﺗﻨﺎ ﺷﺪﯾﺪ ﺗﮭﺎ ﻣﯿﺮﺍ

زﺧﻢ ﺷﻤﺸﯿﺮ ﺳﮯ ﻧﮑﻞ ﺁﯾﺎ

ﺍﺏ ﻭﮦ ﺗﻨﮩﺎ ﮐﮭﮍﺍ ﮨﻮﺍ ﮨﮯ ﮐﮧ ﻣﯿﮟ

ﺍﺱ ﮐﯽ ﺗﺼﻮ ﯾﺮ ﺳﮯ ﻧﮑﻞ ﺁﯾﺎ

ﺩﻭﺳﺖ ﻣﺤﻔﻞ ﺳﮯ ﺍٹھ ﮔئے ﻣﯿﮟ ﺑﮭﯽ

ﺗﮭﻮﮌﯼ ﺗﺎﺧﯿﺮ ﺳﮯ ﻧﮑﻞ ﺁﯾﺎ

ﺣﺒﺲ ﭨﻮﭨﺎ ﺗﻮ ﯾﻮﮞ ﻟﮕﺎ ﺗﻮﻗﯿﺮ

ﺷﮩﺮ ﺗﻌﺰﯾﺮ ﺳﮯ ﻧﮑﻞ ﺁﯾﺎ

توقیر عباس

ﺻﺪﯾﻮﮞ ﺳﮯ ﯾﮩﺎﮞ ﮨﻢ ﺑﮭﯽ ﮨﯿﮟ ﯾﮧ ﺧﺴﺘﮧ ﻣﮑﺎﮞ ﺑﮭﯽ

اگست 3, 2015توقیر عباس،غزلﺟﮩﺎﮞ،ﺩﮬﻮﺍﮞ،ﻣﮑﺎﮞ،ﻧﺸﺎﮞadmin

توقیر عباس ۔ غزل نمبر 9

ﻣﺮﺗﯽ ﮨﻮئی ﺗﮩﺬﯾﺐ ﺑﮭﯽ ﺍﻭﺭ ﺍﺱ ﮐﮯ ﻧﺸﺎﮞ ﺑﮭﯽ

ﺻﺪﯾﻮﮞ ﺳﮯ ﯾﮩﺎﮞ ﮨﻢ ﺑﮭﯽ ﮨﯿﮟ ﯾﮧ ﺧﺴﺘﮧ ﻣﮑﺎﮞ ﺑﮭﯽ

ﺍﻧﺠﺎﻥ زﻣﺎﻧﻮﮞ ﮐﯽ ﺭﻭﺍﯾﺖ ﺑﮭﯽ ﺳﻔﺮ ﻣﯿﮟ

ﮨﻤﺮﺍﮦ ﻣﺮﮮ ﮨﮯ ﺧﺲ ﻭ ﺧﺎﺷﺎﮎ ﻭ ﺟﮩﺎﮞ ﺑﮭﯽ

ﺍﺱ ﮨﺠﺮ ﺳﮯ ﮐﯿﺎ ﺟﺎﻥ ﭼﮭﮍﺍﺅﮞ ﮐﮧ ﯾﮧ ﮈﺭ ﮨﮯ

ﺁﺳﯿﺐ ﺗﻮ ﺟﺎﺗﮯ ﮨﻮئے ﭼﮭﻮﮌﮮ ﮔﺎ ﻧﺸﺎﮞ ﺑﮭﯽ

ﺗﻢ ﻧﮯ ﺗﻮ ﺑﭽﮭﮍﻧﮯ ﻣﯿﮟ ﺫﺭﺍ ﺩﯾﺮ ﻧﮩﯿﮟ ﮐﯽ

ﮐﭽﮫ ﺩﯾﺮ ﺗﻮ ﺍﭨﮭﺘﺎ ﮨﮯ ﭼﺮﺍﻏﻮﮞ ﺳﮯ ﺩﮬﻮﺍﮞ ﺑﮭﯽ

ﻣﻤﮑﻦ ﮨﮯ ﮐﮧ ﻣﺼﺮﻋﮯ ﻣﯿﮟ ﯾﮩﯽ ﺑﺎﺕ ﺍﭨﮭﺎ ﺩﻭﮞ

ﺍﮎ ﺳﺎتھ ﮔﺮﺍ ﮨﮯ ﺗﺮﺍ ﻣﻠﺒﮧ ﺑﮭﯽ ﻣﮑﺎﮞ ﺑﮭﯽ

توقیر عباس

ﻋﺸﻖ ﻣﯿﮟ ﻋﺸﻖ ﮐﮯ ﺁﺯﺍﺭ ﮐﮩﺎﮞ ﺟﺎﺗﮯ ﮨﯿﮟ

اگست 2, 2015توقیر عباس،غزلﮐﺮﺩﺍﺭ،ﺁﺯﺍﺭ،ﺍﯾﺼﺎﺭ،ﺑﯿﮑﺎﺭ،ﺑﺎﺭ،ﺩﯾﻮﺍﺭ،ﺩﺷﻮﺍﺭ،ﺳﺮﺩﺍﺭadmin

توقیر عباس ۔ غزل نمبر 8

ﺗﯿﺮﮮ ﺩﺭ ﺳﮯ ﺗﺮﮮ ﺑﯿﻤﺎﺭ ﮐﮩﺎﮞ ﺟﺎﺗﮯ ﮨﯿﮟ

ﻋﺸﻖ ﻣﯿﮟ ﻋﺸﻖ ﮐﮯ ﺁﺯﺍﺭ ﮐﮩﺎﮞ ﺟﺎﺗﮯ ﮨﯿﮟ

ﺩﯾﮑﮫ ﺁﯾﺎ ﮨﻮﮞ ﺍﺑﮭﯽ ﺳﺒﺰ ﮐﺠﺎﻭﮮ ﺗﯿﺎﺭ

ﮐﻮﻥ ﺟﺎﻧﮯ ﻣﺮﮮ ﺳﺮﺩﺍﺭ ﮐﮩﺎﮞ ﺟﺎﺗﮯ ﮨﯿﮟ

ﮐﻮئی ﺁﻭﺍﺯ ﮨﻮ ﻣﻌﻨﯽ ﺳﮯ ﺟﮍﯼ ﺭﮨﺘﯽ ﮨﮯ

ﻟﻔﻆ ﺟﯿﺴﮯ ﺑﮭﯽ ﮨﻮﮞ ﺑﯿﮑﺎﺭ ﮐﮩﺎﮞ ﺟﺎﺗﮯ ﮨﯿﮟ

ﭘﯿﮍ ﻣﻮﺟﻮﺩ ﺭﮨﮯ ﻧﻘﺶِ ﮐﻒِ ﭘﺎ ﺑﻦ ﮐﺮ

ﺻﺎﺣﺐِ ﺷﯿﻮﮦ ﻭ ﺍﯾﺼﺎﺭ ﮐﮩﺎﮞ ﺟﺎﺗﮯ ﮨﯿﮟ

باﮨﺮ ﺁﺟﺎﺗﮯ ﮨﯿﮟ ﺳﺐ ﻣﯿﺮﯼ ﮐﮩﺎﻧﯽ ﺳﮯ ﻣﮕﺮ

ﮐﯿﺎ ﺧﺒﺮ ﭘﮭﺮ ﻣﺮﮮ ﮐﺮﺩﺍﺭ ﮐﮩﺎﮞ ﺟﺎﺗﮯ ﮨﯿﮟ

ﮐﺴﯽ ﻓﺮﺩﻭﺱ ﻧﻈﺮ ﺗﮏ ﺗﻮ ﻧﮩﯿﮟ ﻟﮯ ﺟﺎﺗﮯ

ﯾﮧ ﺟﻮ ﮨﯿﮟ ﺭﺍﺳﺘﮯ ﺩﺷﻮﺍﺭ ﮐﮩﺎﮞ ﺟﺎﺗﮯ ﮨﯿﮟ

ﺍﻥ ﮐﮯ ﺳﺎئے ﻧﻈﺮ ﺁﺗﮯ ﮨﯿﮟ ﺳﺒﮭﯽ ﺷﺎﺧﻮﮞ ﭘﺮ

ﭘﮭﻮﻝ ﺁﺗﮯ ﻧﮩﯿﮟ ﮨﺮ ﺑﺎﺭ ﮐﮩﺎﮞ ﺟﺎﺗﮯ ﮨﯿﮟ

ﻣﯿﺮﺍ ﻣﻌﻤﻮﻝ ﮨﮯ ﺳﻮﺗﺎ ﮨﻮﮞ ﺑﻨﺎ ﮐﺮ ﺍﻥ ﮐﻮ

ﭘﮭﺮ ﺳﺤﺮ ﺩﻡ ﺩﺭ ﻭ ﺩﯾﻮﺍﺭ ﮐﮩﺎﮞ ﺟﺎﺗﮯ ﮨﯿﮟ

ﺍﻧﮩﯿﮟ ﺗﻮﻗﯿﺮ ﺗﺠﺴﺲ ﺗﻮ ﺍﺳﯽ ﺑﺎﺕ ﮐﺎ ﮨﮯ

ﻟﮯ ﮐﮯ ﮨﻢ ﺳﺎیۂِ ﺩﯾﻮﺍﺭ ﮐﮩﺎﮞ ﺟﺎﺗﮯ ﮨﯿﮟ

توقیر عباس

ﮐﮩﻮﮞ ﮐﺲ ﺳﮯ ﮐﮧ ﻣﯿﮟ ﺗﻨﮩﺎ ﺑﮩﺖ ﮨﻮﮞ

اگست 2, 2015توقیر عباس،غزلﮔﮩﺮﺍ،ﮔﺰﺭﺍ،ﺍﻭﻧﭽﺎ،ﺑﯿﭩﮭﺎ،ﺑﺮﺳﺎ،ﺗﻨﮩﺎadmin

توقیر عباس ۔ غزل نمبر 7

ﻣﯿﺎﻥ ﺭﻭﻧﻖ ﺩﻧﯿﺎ ﺑﮩﺖ ﮨﻮﮞ

ﮐﮩﻮﮞ ﮐﺲ ﺳﮯ ﮐﮧ ﻣﯿﮟ ﺗﻨﮩﺎ ﺑﮩﺖ ﮨﻮﮞ

ﺑﮑﮭﺮﻧﺎ ﭼﺎﮨﺘﺎ ﮨوںﺳﺎﺣﻠﻮﮞ ﭘﺮ

ﻣﯿﮟ ﺩﺭﯾﺎ ﮨﻮﮞ ﻣﮕﺮ ﮔﮩﺮﺍ ﺑﮩﺖ ﮨﻮﮞ

ﻧﮩﯿﮟ ﺁﺳﺎﮞ ﻣﺠﮭﮯ ﻣﺼﻠﻮﺏ ﮐﺮﻧﺎ

ﺗﺮﯼ ﺳﻮﻟﯽ ﺳﮯ ﻣﯿﮟ ﺍﻭﻧﭽﺎ ﺑﮩﺖ ﮨﻮﮞ

ﭘﺮﻧﺪﮮ ﺑﮭﯽ ﻣﺠﮭﮯ ﭘﮩﭽﺎﻧﺘﮯ ﮨﯿﮟ

ﻣﯿﮟ ﺍﻥ ﭘﯿﮍﻭﮞ ﺗﻠﮯ ﺑﯿﭩﮭﺎ ﺑﮩﺖ ﮨﻮﮞ

ﺑﮩﺖ ﺩﻟﮑﺶ ﮨﯿﮟ ﺳﻨﮓ ﻭ ﺳﺮ ﮐﮯ ﺭﺷﺘﮯ

ﺗﺮﯼ ﮔﻠﯿﻮﮞ ﺳﮯ ﻣﯿﮟ ﮔﺰﺭﺍ ﺑﮩﺖ ﮨﻮﮞ

ﻧﺠﺎﻧﮯ ﮐﯿﺎ ﺧﻄﺎ ﺳﺮ ﺯﺩ ﮨﻮئی ﺗﮭﯽ

ﻣﯿﮟ ﺍﭘﻨﮯ ﺁﭖ ﭘﺮ ﺑﺮﺳﺎ ﺑﮩﺖ ﮨﻮﮞ

توقیر عباس

پانی کا ہمیں خوف تھا مٹی کے گھڑے تھے

اگست 2, 2015توقیر عباس،غزلکھڑے،گھڑے،پڑے،جھڑےadmin

توقیر عباس ۔ غزل نمبر 6

اک وقت تو ایسا تھا کہ دن رات کڑے تھے

پانی کا ہمیں خوف تھا مٹی کے گھڑے تھے

ھم نیند کے عالم میں کوئی موڑ مڑے تھے

دیکھا تو ابد گیر زمانے میں کھڑے تھے

معلوم ہے جس موڑ پہ بچھڑے تھے اسی جا

کچھ ہاتھ ہلاتے ہوئے اشجار کھڑے تھے

ہر موڑ پہ ہوتا تھا یہاں قتل وفا کا

ہر موڑ پہ ٹوٹے ہوئے آئینے پڑے تھے

ڈر تھا کہ پکارا تھا تمھیں ذر کی چمک نے

میدان سے تم لوگ کہاں بھاگ پڑے تھے

اسطورۂِ بغداد کو شب خواب میں دیکھا

وہ حسن تھا شہزادے قطاروں میں کھڑے تھے

تم نے بھی بہت اشک بہائے تھے بچھڑ کر

پیڑوں سے بھی اس رات بہت پات جھڑے تھے

اک قافلہ بھٹکا تھا کسی خواب کے اندر

اک شہر کے رستے میں بہت موڑ پڑے تھے

توقیر عباس

چھو کے ساحل لہر ہٹتی جا رہی تھی

اگست 2, 2015توقیر عباس،غزلہٹتی،لپٹتی،چھٹتی،کٹتی،پلٹتی،پھٹتی،اٹتی،بٹتی،سمٹتیadmin

توقیر عباس ۔ غزل نمبر 5

زندگی کی نبض گھٹتی جا رہی تھی

چھو کے ساحل لہر ہٹتی جا رہی تھی

زندگی کی نبض گٹھتی جا رہی تھی

اک ندی ساحل سے ہٹتی جا رہی تھی

کوئی مجھ کو یاد آتا جا رہا تھا

بیل پتھر سے لپٹتی جا رہی تھی

روح پر بھی لاکھ شکلیں پڑ رہی تھیں

دھول سے چادر بھی اٹتی جا رہی تھی

چھو رہی تھی سوئی خطرے کے نشاں کو

ایک منزل تھی سمٹتی جا رہی تھی

اس کی باتیں دوستوں پر کھل رہی تھیں

ایک چادر تھی جو پھٹتی جا رہی تھی

میں اسے اپنی محبت کہہ رہا تھا

وہ کئی رستوں میں بٹتی جا رہی تھی

روح پر بھی شکنیں پڑ رہی تھیں

دھول سے چادر بھی اٹتی جا رہی تھی

دھیرے دھیرے لوگ آگے بڑھ رہے تھے

دھیرے دھیرے دھند چھٹتی جا رہی تھی

کنکوا مغرب میں ڈوبا جارہا تھا

ڈور چرخی سے لپٹتی جا رہی تھی

لوگ بھی بے سوچے سمجھے چل رہے تھے

ذیست بھی صفحے پلٹتی جا رہی تھی

کشتیوں کے بادباں لہرا رہے تھے

ساحلوں سے دھند چھٹتی جا رہی تھی

سانس کا توقیر آرا چل رہا تھا

زندگانی اپنی کٹتی جا رہی تھی

توقیر عباس

دھواں بھی اٹھ رہا تھا روشنی بھی ہو رہی تھی

اگست 1, 2015توقیر عباس،غزلہو،دھو،رو،سوadmin

توقیر عباس ۔ غزل نمبر 4

نجانے آگ کیسی آئنوں میں سو رہی تھی

دھواں بھی اٹھ رہا تھا روشنی بھی ہو رہی تھی

لہو میری نسوں میں بھی کبھی کا جم چکا تھا

بدن پر برف کو اوڑھے ندی بھی سو رہی تھی

چمکتے برتنوں میں خون گارا ہو رہا تھا

مری آنکھوں میں بیٹھی کوئی خواہش رو رہی تھی

ہماری دوستی میں بھی دراڑیں پڑ رہی تھیں

اجالے میں نمایاں تیرگی بھی ہو رہی تھی

دباؤ پانیوں کا ایک جانب بڑھ رہا تھا

نجانے ساحلوں پر کون کپڑے دھو رہی تھی

کسی کے لمس کا احساس پیہم ہو رہا تھا

کہ جیسے پھول پر معصوم تتلی سو رہی تھی

توقیر عباس

صحرا نے پھر خاک اڑائی پانی کی

اگست 1, 2015توقیر عباس،غزللڑائی،کمائی،گہرائی،گدرائی،آئی،اڑائی،بنائی،صحرائیadmin

توقیر عباس ۔ غزل نمبر 3

ریت پہ جب تصویر بنائی پانی کی

صحرا نے پھر خاک اڑائی پانی کی

خون کی ندیاں بہہ جانے کے بعد کھلا

دونوں کے ہے بیچ لڑائی پانی کی

کشتی کب غرقاب ہوئی معلوم نہیں

آنکھوں نے تصویر بنائی پانی کی

ہم تو خون جلا کر بھوکے رہتے ہیں

کھاتے ہیں کچھ لوگ کمائی پانی کی

اس میں جتنے لوگ بھی اترے ڈوب گئے

کون بتائے اب گہرائی پانی کی

منہ میں اب تک اس کی لذت باقی ہے

جو نمکینی تھی صحرائی پانی کی

میری خاطر خاک میں جو تحلیل ہوئے

یاد آئے تو یاد نہ آئی پانی کی

آج وہ مجھ کو ٹوٹ کے یاد آیا توقیر

آنکھوں میں پھر رت گدرائی پانی کی

توقیر عباس

ﺳﻮﭼﻨﮯ ﺳﮯ ﻣﺮﮮ ﮨﻮﺍ ﻣﺤﺪﻭﺩ

اگست 1, 2015توقیر عباس،غزلﻣﺤﺪﻭﺩ،موجودadmin

توقیر عباس ۔ غزل نمبر 2

ﻭﮦ ﺗﮭﺎ ﺍﭘﻨﯽ ﺣﺪﻭﮞ ﻣﯿﮟ ﻻ ﻣﺤﺪﻭﺩ

ﺳﻮﭼﻨﮯ ﺳﮯ ﻣﺮﮮ ﮨﻮﺍ ﻣﺤﺪﻭﺩ

ﺻﺤﻦ زﻧﺪﺍﮞ ﺑﮩﺖ ﮐﺸﺎﺩﮦ ﺗﮭﺎ

ﺍﺱ ﻣﯿﮟ ﺗﮭﯽ ﺭﻭﺷﻨﯽ ﮨﻮﺍ ﻣﺤﺪﻭﺩ

ﻣﯿﮟ ﻧﮯ ﺍﮎ ﺑﺎﺭﮔﺎﮦ ﻣﯿﮟ ﺩﯾﮑﮭﮯ

ﺳﺎﺭﮮ ﻣﺤﺪﻭﺩ ﺳﺎﺭﮮ ﻻ ﻣﺤﺪﻭﺩ

ﺧﻮﺍﮨﺸﻮﮞ ﮐﺎ ﺗﻮ ﮐﻮئی ﺍﻧﺖ ﻧﮧ ﺑﮭﺎ

ﻟﻔﻆ ﮐﺮﺗﮯ ﺭﮨﮯ ﺩﻋﺎ ﻣﺤﺪﻭﺩ

ﮔﻮﻧﺞ ﺍﺱ ﮐﯽ ﺳﺪﺍ ﺑﮑﮭﺮﺗﯽ ﺭﮨﯽ

ﺍﻭﺭ ﮨﻮﺗﯽ ﮔئی ﺻﺪﺍ ﻣﺤﺪﻭﺩ

دیکھنے والے دیکھ سکتے ہیں

چار جانب ہے آئینہ موجود

انہی رستوں میں ان چھوا کب سے

کوئی دیکھے ہے راستہ موجود

توقیر عباس

ﮨﻢ ﻟﻮﮒ ﺧﻮﺵ ﮨﯿﮟ ﺁﺝ ﺑﮭﯽ ﺩﻧﯿﺎ ﺳﻤﯿﭧ ﮐﮯ

اگست 1, 2015توقیر عباس،غزلﭘﻠﯿﭧ،ﺟﯿﭩﮫ،ﺳﻤﯿﭧ،ﻟﭙﯿﭧ،ﻟﯿﭧadmin

توقیر عباس ۔ غزل نمبر 1

ﮐﯿﺎ ﺁﺧﺮﺕ ﮐﺎ ﺭﻧﺞ ﮐﮧ ﺑﮭﻮﮐﮯ ﮨﯿﮟ ﭘﯿﭧ ﮐﮯ

ﮨﻢ ﻟﻮﮒ ﺧﻮﺵ ﮨﯿﮟ ﺁﺝ ﺑﮭﯽ ﺩﻧﯿﺎ ﺳﻤﯿﭧ ﮐﮯ

ﮐﺘﻨﯽ ﺗﮭﯽ ﺍﺣﺘﯿﺎﺝ ﮨﻤﯿﮟ ﺁﻓﺘﺎﺏ ﮐﯽ

ﺑﯿﭩﮭﮯ ﺗﮭﮯ ﮐﭽﮫ ﭘﮩﺎﮌ ﺑﮭﯽ ﺑﺮﻓﯿﮟ ﻟﭙﯿﭧ ﮐﮯ

ﻣﮩﮑﺎ ﮨﻮﺍ ﺗﮭﺎ ﺭﻭﺣﻮﮞ ﻣﯿﮟ ﺑﺎﺭﺩ ﺷﺒﻮﮞ ﮐﺎ ﻏﻢ

ﮨﻢ ﻟﻮﮒ ﮐﺎﭨﺘﮯ ﺭﮨﮯ ﺩﻥ ﮨﺎﮌ ﺟﯿﭩﮫ ﮐﮯ

ﮨﻢ ﺳﺎﻣﻨﮯ ﺗﮭﮯ ﻣﯿﺰ ﭘﮧ ﺍﮎ ﺩﮐﮫ ﮐﮯ ﺳﺎئے ﺗﮭﮯ

ﺑﺲ ﻧﻘﺶ ﺩﯾﮑﮭﺘﮯ ﺭﮨﮯ ﺧﺎﻟﯽ ﭘﻠﯿﭧ ﮐﮯ

ﭨﮭﻮﮐﺮ ﻟﮕﯽ ﺗﻮ ﺻﻒ ﮐﯽ ﻃﺮﺡ ﺟﺴﻢ ﮐﮭﻞ ﮔئے

ﺍﮎ ﺳﻤﺖ ﺭکھ ﺩﯾﮯ ﺗﮭﮯ ﮐﺴﯽ ﻧﮯ ﻟﭙﯿﭧ ﮐﮯ

ﺭﮐﮭﺎ ﺗﮭﺎ ﺭﺍﺕ ﺑﮭﺮ ﮨﻤﯿﮟ ﺑﮯ ﭼﯿﻦ ﮨﺠﺮ ﻧﮯ

ﺁﺭﺍﻡ ﮨﻢ ﮐﻮ ﺑﯿٹھ ﮐﮯ ﺁﯾﺎ ﻧﮧ ﻟﯿﭧ ﮐﮯ

ﺑﺮﺳﻮﮞ ﮐﺎ ﺍﯾﮏ ﺯﺧﻢ ﮐﮩﺎﮞ ﻣﻨﺪﻣﻞ ﮨﻮﺍ

ﺑﯿﭩﮭﺎ ﺭﮨﺎ ﭘﺮﻧﺪﮦ ﭘﺮﻭﮞ ﮐﻮ ﺳﻤﯿﭧ ﮐﮯ

ﺗﻮﻗﯿﺮ ﮐﺮﭼﯿﻮﮞ ﻣﯿﮟ ﺍﺳﮯ ﮈﮬﻮﻧﮉﺗﮯ ﺭﮨﻮ

ﺍﮎ ﺁﺋﯿﻨﮯ ﻣﯿﮟ ﻋﮑﺲ ﺭﮐﮭﮯ ﺗﮭﮯ ﺳﻤﯿﭧ ﮐﮯ

توقیر عباس

ہم تہی دامنوں سے کیا لینا

اپریل 11, 2012فیض احمد فیض،غزلکیا،آزماadmin

فیض احمد فیض ۔ غزل نمبر 25

اپنے انعامِ حسن کے بدلے

ہم تہی دامنوں سے کیا لینا

آج فرقت زدوں پہ لطف کرو

پھر کبھی صبر آزما لینا

قطعہ

فیض احمد فیض

صنم دکھلائیں گے راہِ خدا ایسے نہیں ہوتا

اپریل 11, 2012فیض احمد فیض،غزلچکا،بہا،جزا،خدا،رضاadmin

فیض احمد فیض ۔ غزل نمبر 24

ستم سکھلائے گا رسمِ وفا، ایسے نہیں ہوتا

صنم دکھلائیں گے راہِ خدا ایسے نہیں ہوتا

گنو سب حسرتیں جو خوں ہوئی ہیں تن کے مقتل میں

مرے قاتل حسابِ خوں بہا ایسے نہیں ہوتا

جہانِ دل میں کام آتی ہیں تدبیریں نہ تعزیریں

یہاں پیمانِ تسلیم و رضا ایسے نہیں ہوتا

ہر اک شب، ہر گھڑی گزرے قیامت یوں تو ہوتا ہے

مگر ہر صبح ہو روزِ جزا ایسے نہیں ہوتا

رواں ہے نبضِ دوراں، گردشوں میں آسماں سارے

جو تم کہتے ہو سب کچھ ہو چکا ایسے نہیں ہوتا

فیض احمد فیض

وہ پڑی ہیں روز قیامتیں کہ خیالِ روزِ جزا گیا

اپریل 11, 2012فیض احمد فیض،غزلوفا،جزا،دُعاadmin

فیض احمد فیض ۔ غزل نمبر 23

وہ بُتوں نے ڈالے ہیں وسوسے کہ دلوں سے خوفِ خدا گیا

وہ پڑی ہیں روز قیامتیں کہ خیالِ روزِ جزا گیا

جو نفس تھا خارِ گلُو بنا، جو اُٹھے تھے ہاتھ لہُو ہوئے

وہ نَشاطِ آہِ سحر گئی، وہ وقارِ دستِ دُعا گیا

جو طلب پہ عہدِ وفا کیا، تو وہ قدرِ رسمِ وفا گئی

سرِ عام جب ہوئے مُدّعی، تو ثوابِ صدق و وفا گیا

فیض احمد فیض

جب تلک ساتھ ترے عمرِ گریزاں چلیے

اپریل 11, 2012فیض احمد فیض،غزلگریزاں،بہاراں،جاناں،حسیناں،دوراں،رقیباںadmin

فیض احمد فیض ۔ غزل نمبر 22

غم بہ دل، شکر بہ لب، مست و غزل خواں چلیے

جب تلک ساتھ ترے عمرِ گریزاں چلیے

رحمتِ حق سے جو اس سَمت کبھی راہ ملے

سوئے جنّت بھی براہِ رہِ جاناں چلیے

نذر مانگے جو گلستاں سے خداوندِ جہاں

ساغرِ مے میں لیے خونِ بہاراں چلیے

جب ستانے لگے بے رنگیِ دیوارِ جہاں

نقش کرنے کوئی تصویرِ حسیناں چلیے

کچھ بھی ہو آئینۂ دل کو مصفّا رکھیے

جو بھی گزرے، مثلِ خسروِ دوراں چلیے

امتحاں جب بھی ہو منظور جگر داروں کا

محفلِ یار میں ہمراہِ رقیباں چلیے

فیض احمد فیض

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: