زمرہ جات کے محفوظات: غزل

لیلیٰ کا ایک ناقہ سو کس قطار میں یاں

اکتوبر 6, 2015میر تقی میر،اساتذہ،غزلقرار،قطار،مزار،کنار،بہار،تار،شمارadmin

دیوان دوم غزل 886

محمل نشیں ہیں کتنے خدام یار میں یاں

لیلیٰ کا ایک ناقہ سو کس قطار میں یاں

سن شور کل قفس میں دل داغ سب ہوا ہے

کیا پھول گل کھلے ہیں اب کے بہارمیں یاں

کب روشنی ہو میرے رونے میں ابر تجھ سے

دریا بھرے ہیں ایک اک دامن کے تار میں یاں

تم تو گئے دکھاکر ٹک برق کے سے جھمکے

آیا بہت تفاوت صبر و قرار میں یاں

ہم مر گئے ولیکن سوز دروں وہی ہے

ایک آگ لگ اٹھی ہے کنج مزار میں یاں

ہجراں کی ہر گھڑی ہے سو سو برس تعب سے

روز شمار یارو ہے کس شمار میں یاں

جن راتوں میر ہم کو رونے کا مشغلہ تھا

رہتا تھا بحر اعظم سو تو کنار میں یاں

میر تقی میر

یارب یہ آسمان بھی مل جائے خاک میں

اکتوبر 6, 2015میر تقی میر،اساتذہ،غزلچاک،پاک،تپاک،خاکadmin

دیوان دوم غزل 885

کرتا نہیں قصور ہمارے ہلاک میں

یارب یہ آسمان بھی مل جائے خاک میں

گرمی نہیں ہے ہم سے وہ اے رشک آفتاب

اب آگیا ہے فرق بہت اس تپاک میں

اس ڈھنگ سے ہلا کہ بجا دل نہیں رہے

اس گوش کے گہر سے دم آئے ہیں ناک میں

اب کے جنوں میں فاصلہ شاید نہ کچھ رہے

دامن کے چاک اور گریباں کے چاک میں

کہیے لطافت اس تن نازک کی میر کیا

شاید یہ لطف ہو گا کسو جان پاک میں

میر تقی میر

بہت پرہیز کر ہم سے ہمیں بیمار کرتے ہیں

اکتوبر 6, 2015میر تقی میر،اساتذہ،غزلوار،پیار،اقرار،اظہار،بیمار،بار،تکرار،خوار،عارadmin

دیوان دوم غزل 884

امید دل دہی تھی جن سے وے آزار کرتے ہیں

بہت پرہیز کر ہم سے ہمیں بیمار کرتے ہیں

کوئی ہم سا بھی اپنی جان کا دشمن کہیں ہو گا

بھری مجلس میں بیٹھے عشق کے اقرار کرتے ہیں

نشاں دے ہیں جہاں اس کا وہ ہرجائی نہیں ملتا

محلے کے ہمیں اب لوگ یوں ہی خوار کرتے ہیں

حجاب ناکسی سے مر گئے روپوش کب تک ہوں

جنھوں سے عار تھی ہم کو سو ہم سے عار کرتے ہیں

چھپا لیتا ہے مجھ سے چاند سا منھ وہ خدا جانے

سخن ساز اس کنے جاجا کے کیا اظہار کرتے ہیں

الف کی رمز اگر سمجھا اٹھا دل بحث علمی سے

اسی اک حرف کو برسوں سے ہم تکرار کرتے ہیں

بہت ہے تیز آب جدول شمشیر خوباں کا

اسے پھر پار کردیں ہیں یہ جس پر وار کرتے ہیں

انوکھا تو کہ یاں فکر اقامت تجھ کو ہے ورنہ

سب اس دلکش جگہ سے رخت اپنا بار کرتے ہیں

بلا آفت ہے کچھ دل پر کہ ایسا رنگ ہے ان کا

کسو بے مہر کے تیں میر شاید پیار کرتے ہیں

میر تقی میر

پگڑی جامے بکے جس کے لیے بازاروں میں

اکتوبر 6, 2015میر تقی میر،اساتذہ،غزلہواداروں،چاروں،یاروں،گرفتاروں،آزاروں،بیماروں،بازاروں،تاروں،ستمگاروں،سزاواروںadmin

دیوان دوم غزل 883

آپ اس جنس کے ہیں ہم بھی خریداروں میں

پگڑی جامے بکے جس کے لیے بازاروں میں

باغ فردوس کا ہے رشک وہ کوچہ لیکن

آدمی ایک نہیں اس کے ہواداروں میں

ایک کے بھی وہ برے حال میں آیا نہ کبھو

لوگ اچھے تھے بہت یار کے بیماروں میں

دوستی کس سے ہوئی آنکھ کہاں جاکے لڑی

دشمنی آئی جسے دیکھتے ہی یاروں میں

ہائے رے ہاتھ جہاں چوٹ پڑی دو ہی کیا

الغرض ایک ہے وہ شوخ ستمگاروں میں

کشمکش جس کے لیے یہ ہے شمار دم یہ

ان نے ہم کو نہ گنا اپنے گرفتاروں میں

کیسی کیسی ہے عناصر میں بھی صورت بازی

شعبدے لاکھوں طرح کے ہیں انھیں چاروں میں

مشفقو ہاتھ مرے باندھو کہ اب کے ہر دم

جا الجھتے ہیں گریبان کے دو تاروں میں

حسب قسمت سبھوں نے کھائے تری تیغ کے زخم

ناکس اک نکلے ہمیں خوں کے سزاواروں میں

اضطراب و قلق و ضعف ہیں گر میر یہی

زندگی ہو چکی تو اپنی ان آزاروں میں

میر تقی میر

خوبرو کس کی بات مانے ہیں

اکتوبر 6, 2015میر تقی میر،اساتذہ،غزلفسانے،مانے،چھانے،ٹھکانے،بہانے،جانے،دوانے،زمانے،شاخسانےadmin

دیوان دوم غزل 882

کرتے ہیں جوکہ جی میں ٹھانے ہیں

خوبرو کس کی بات مانے ہیں

میں تو خوباں کو جانتا ہی ہوں

پر مجھے یہ بھی خوب جانے ہیں

جا ہمیں اس گلی میں گر رہنا

ضعف و بے طاقتی بہانے ہیں

پوچھ اہل طرب سے شوق اپنا

وے ہی جانیں جو خاک چھانے ہیں

اب تو افسردگی ہی ہے ہر آن

وے نہ ہم ہیں نہ وے زمانے ہیں

قیس و فرہاد کے وہ عشق کے شور

اب مرے عہد میں فسانے ہیں

دل پریشاں ہوں میں تو خوش وے لوگ

عشق میں جن کے جی ٹھکانے ہیں

مشک و سنبل کہاں وہ زلف کہاں

شاعروں کے یہ شاخسانے ہیں

عشق کرتے ہیں اس پری رو سے

میر صاحب بھی کیا دوانے ہیں

میر تقی میر

ایک رہتا ایک کھوتے عشق میں

اکتوبر 6, 2015میر تقی میر،اساتذہ،غزلکھوتے،پروتے،دھوتے،روتے،سوتےadmin

دیوان دوم غزل 881

کاشکے دل دو تو ہوتے عشق میں

ایک رہتا ایک کھوتے عشق میں

پاس ظاہر ٹک نہ کرتے شب تو ہم

بھر رہے تھے خوب روتے عشق میں

خواب میں دیکھا اسی کو ایک رات

برسوں کاٹے ہم نے سوتے عشق میں

کاش پی جایا ہی کرتے اشک کو

داغ دل پر کے تو دھوتے عشق میں

دیکھے ہیں کیا کیا ڈھلکتے اشک میر

بیٹھے موتی سے پروتے عشق میں

میر تقی میر

اب دو تو جام خالی ہی دو میں نشے میں ہوں

اکتوبر 6, 2015میر تقی میر،اساتذہ،غزلہو،لگو،چلو،کہو،کرو،دو،رفوadmin

دیوان دوم غزل 880

یارو مجھے معاف رکھو میں نشے میں ہوں

اب دو تو جام خالی ہی دو میں نشے میں ہوں

ایک ایک قرط دور میں یوں ہی مجھے بھی دو

جام شراب پر نہ کرو میں نشے میں ہوں

مستی سے درہمی ہے مری گفتگو کے بیچ

جو چاہو تم بھی مجھ کو کہو میں نشے میں ہوں

یا ہاتھوں ہاتھ لو مجھے مانند جام مے

یا تھوڑی دور ساتھ چلو میں نشے میں ہوں

معذور ہوں جو پائوں مرا بے طرح پڑے

تم سرگراں تو مجھ سے نہ ہو میں نشے میں ہوں

بھاگی نماز جمعہ تو جاتی نہیں ہے کچھ

چلتا ہوں میں بھی ٹک تو رہو میں نشے میں ہوں

نازک مزاج آپ قیامت ہیں میرجی

جوں شیشہ میرے منھ نہ لگو میں نشے میں ہوں

میر تقی میر

اس سے آنکھیں لگیں تو خواب کہاں

اکتوبر 6, 2015میر تقی میر،اساتذہ،غزلکباب،اضطراب،جواب،حجاب،خواب،خراب،سرکتاب،شراب،عذابadmin

دیوان دوم غزل 879

عشق میں جی کو صبر و تاب کہاں

اس سے آنکھیں لگیں تو خواب کہاں

بے کلی دل ہی کی تماشا ہے

برق میں ایسے اضطراب کہاں

خط کے آئے پہ کچھ کہے تو کہے

ابھی مکتوب کا جواب کہاں

ہستی اپنی ہے بیچ میں پردہ

ہم نہ ہوویں تو پھر حجاب کہاں

گریۂ شب سے سرخ ہیں آنکھیں

مجھ بلانوش کو شراب کہاں

عشق ہے عاشقوں کے جلنے کو

یہ جہنم میں ہے عذاب کہاں

داغ رہنا دل و جگر کا دیکھ

جلتے ہیں اس طرح کباب کہاں

محو ہیں اس کتابی چہرے کے

عاشقوں کو سرکتاب کہاں

عشق کا گھر ہے میر سے آباد

ایسے پھر خانماں خراب کہاں

میر تقی میر

تڑپا ہزار نوبت دل ایک ایک دم میں

اکتوبر 6, 2015میر تقی میر،اساتذہ،غزلہم،حرم،دم،عدمadmin

دیوان دوم غزل 878

کیا کوفتیں اٹھائیں ہجراں کے درد وغم میں

تڑپا ہزار نوبت دل ایک ایک دم میں

گو قیس منھ کو نوچے فرہاد سر کو چیرے

یہ کیا عجب ہے ایسے ہوتے ہیں لوگ ہم میں

اہل نظر کسو کو ہوتی ہے محرمیت

آنکھوں کے اندھے ہم تو مدت رہے حرم میں

کلفت میں گذری ساری مدت تو زندگی کی

آسودگی کا منھ اب دیکھیں گے ہم عدم میں

کرتے ہیں میر مل کر واعظ سے حبس دم کا

کیا یہ بھی آگئے ہیں اس پوچ گو کے دم میں

میر تقی میر

دل تو کچھ دھنسکا ہی جاتا ہے کروں سو کیا کروں

اکتوبر 6, 2015میر تقی میر،اساتذہ،غزلوا،یکجا،کیا،انشا،ایسا،برپا،جا،رسوا،سودا،صحراadmin

دیوان دوم غزل 877

کس کنے جائوں الٰہی کیا دوا پیدا کروں

دل تو کچھ دھنسکا ہی جاتا ہے کروں سو کیا کروں

لوہو روتا ہوں میں ہر اک حرف خط پر ہمدماں

اور اب رنگین جیسا تم کہو انشا کروں

چال اپنی چھوڑتا ہرگز نہیں وہ خوش خرام

شور سے کب تک قیامت ایک میں برپا کروں

مصلحت ہے میری خاموشی ہی میں اے ہم نفس

لوہو ٹپکے بات سے جو ہونٹ اپنے وا کروں

دل پریشانی مجھے دے ہے بکھیرے گل کے رنگ

آپ کو جوں غنچہ کیونکر آہ میں یکجا کروں

ایک چشمک ہی چلی جاتی ہے گل کی میری اور

یعنی بازار جنوں میں جائوں کچھ سودا کروں

خوار تو آخر کیا ہے گلیوں میں تونے مجھے

تو سہی اے عشق جو تجھ کو بھی میں رسوا کروں

خاک اڑاتا اشک افشاں آن نکلوں میں تو پھر

دشت کو دریا کروں بستی کے تیں صحرا کروں

کعبے جانے سے نہیں کچھ شیخ مجھ کو اتنا شوق

چال وہ بتلا کہ میں دل میں کسو کے جا کروں

اب کے ہمت صرف کر جو اس سے جی اچٹے مرا

پھر دعا اے میر مت کریو اگر ایسا کروں

میر تقی میر

کہ مل جاتا ہے ان جوئوں کا پانی بحر رحمت میں

اکتوبر 6, 2015میر تقی میر،اساتذہ،غزلمنت،مدت،الفت،خدمت،رحمت،ساعت،صحبت،طاقت،طاعتadmin

دیوان دوم غزل 876

رکھا کر اشک افشاں چشم فرصت غیر فرصت میں

کہ مل جاتا ہے ان جوئوں کا پانی بحر رحمت میں

سنبھالے سدھ کہاں سر ہی فرو لاتا نہیں ہرگز

وگرنہ مان جاتا تھا کہاں تھوڑی سی منت میں

گئے دن متصل جانے کے اس کی اور اٹھ اٹھ کر

تفاوت ہو گیا اب تو بہت پائوں کی طاقت میں

تحمل ہوسکا جب تک بدن میں تاب و طاقت تھی

قیامت اب گذر جاتی ہے جی پر ایک ساعت میں

عجب کیا ہے جو یاران چمن کو ہم نہ پہچانیں

رہائی اتفاق اپنی پڑی ہے ایک مدت میں

سلاتا تیغ خوں میں گر نہ میرے تو قیامت تھی

اٹھا تھا روز محشر کا سا فتنہ رات صحبت میں

کوئی عمامہ لے بھاگا کنھوں نے پیرہن پھاڑا

بہت گستاخیاں یاروں نے کیں واعظ کی خدمت میں

ملا تیوری چڑھائے تو لگا ابرو بھی خم کرنے

موثر کچھ ہوا سر مارنا محراب طاعت میں

قدم پر رکھ قدم اس کے بہت مشکل ہے مر جانا

سرآمد ہو گیا ہے میر فن مہر و الفت میں

میر تقی میر

گرچہ ہوتے ہیں بہت خوف و خطر پانی میں

اکتوبر 6, 2015میر تقی میر،اساتذہ،غزلہر،نظر،کدھر،کر،پر،باردگر،تر،خطر،سحرadmin

دیوان دوم غزل 875

جوشش اشک سے ہوں آٹھ پہر پانی میں

گرچہ ہوتے ہیں بہت خوف و خطر پانی میں

ضبط گریہ نے جلایا ہے درونہ سارا

دل اچنبھا ہے کہ ہے سوختہ تر پانی میں

آب شمشیر قیامت ہے برندہ اس کی

یہ گوارائی نہیں پاتے ہیں ہر پانی میں

طبع دریا جو ہو آشفتہ تو پھر طوفاں ہے

آہ بالوں کو پراگندہ نہ کر پانی میں

غرق آب اشک سے ہوں لیک اڑا جاتا ہوں

جوں سمک گوکہ مرے ڈوبے ہیں پر پانی میں

مردم دیدئہ تر مردم آبی ہیں مگر

رہتے ہیں روز و شب و شام و سحر پانی میں

ہیئت آنکھوں کی نہیں وہ رہی روتے روتے

اب تو گرداب سے آتے ہیں نظر پانی میں

گریۂ شب سے بہت آنکھ ڈرے ہے میری

پائوں رکھتے ہی نہیں باردگر پانی میں

فرط گریہ سے ہوا میر تباہ اپنا جہاز

تختہ پارے گئے کیا جانوں کدھر پانی میں

میر تقی میر

جیسے ماہی ہے مجھے سیر و سفر پانی میں

اکتوبر 6, 2015میر تقی میر،اساتذہ،غزلہنر،لہر،مگر،نظر،کمر،گھر،اگر،اتر،اثر،تر،جگر،سفر،سپر،شجرadmin

دیوان دوم غزل 874

اشک کے جوش سے ہوں شام و سحر پانی میں

جیسے ماہی ہے مجھے سیر و سفر پانی میں

شب نہاتا تھا جو وہ رشک قمر پانی میں

گتھی مہتاب سے اٹھتی تھی لہر پانی میں

ساتھ اس حسن کے دیتا تھا دکھائی وہ بدن

جیسے جھمکے ہے پڑا گوہر تر پانی میں

رونے سے بھی نہ ہوا سبز درخت خواہش

گرچہ مرجاں کی طرح تھا یہ شجر پانی میں

موج گریہ کی وہ شمشیر ہے جس کے ڈر سے

جوں کشف خصم چھپا زیر سپر پانی میں

بیٹھنے سے کسو دل صاف کے سر مت تو چڑھے

خوب سا کر لے تامل تو اتر پانی میں

آتش عشق نے راون کو جلا کر مارا

گرچہ لنکا سا تھا اس دیو کا گھر پانی میں

جوشش اشک میں شب دل بھی گیا سینے سے

کچھ نہ معلوم ہوا ہائے اثر پانی میں

بردباری ہی میں کچھ قدر ہے گو جی ہو فنا

عود پھر لکڑی ہے ڈوبے نہ اگر پانی میں

چشم تر ہی میں رہے کاش وہ روے خوش رنگ

پھول رہتا ہے بہت تازہ و تر پانی میں

روئوں تو آتش دل شمع نمط بجھتی نہیں

مجھ کو لے جاکے ڈبو دیویں مگر پانی میں

گریۂ زار میں بیتابی دل طرفہ نہیں

سینکڑوں کرتے ہیں پیراک ہنر پانی میں

برگ گل جوں گذر آب سے آتے ہیں چلے

رونے سے ووہیں مرے لخت جگر پانی میں

محو کر آپ کو یوں ہستی میں اس کی جیسے

بوند پانی کی نہیں آتی نظر پانی میں

وہ گہر آنکھ سے جاوے تو تھمے آنسو میر

اتنا رویا ہوں کہ ہوں تا بہ کمر پانی میں

میر تقی میر

کیا لہو اپنا پیا تب یہ ہنر آیا ہمیں

اکتوبر 6, 2015میر تقی میر،اساتذہ،غزلہنر،نظر،پر،پسر،بیشتر،خطر،سفرadmin

دیوان دوم غزل 873

دم بہ دم اس ڈھب سے رونا دیر کر آیا ہمیں

کیا لہو اپنا پیا تب یہ ہنر آیا ہمیں

گرچہ عالم جلوہ گاہ یار یوں بھی تھا ولے

آنکھیں جوں موندیں عجب عالم نظر آیا ہمیں

ہم تبھی سمجھے تھے اب اس سادگی پر حرف ہے

خط نکلنے سے جو نامہ بیشتر آیا ہمیں

پاس آتا یک طرف مطلق نہیں اب اس کے پاس

کچھ گئے گذرے سے سمجھا وہ پسر آیا ہمیں

تجھ تک اس بے طاقتی میں کیا پہنچنا سہل تھا

غش ترے کوچے میں ہر ہر گام پر آیا ہمیں

صبح نکلا تھا پسر تلوار جوں خورشید لے

دیکھ کر خونخوار سج اس کی خطر آیا ہمیں

کر چلا بے خود غم زلف دراز دلبراں

دور کا اے میر درپیش اب سفر آیا ہمیں

میر تقی میر

نامے کا اس کی مہر سے اب نام بھی نہیں

اکتوبر 6, 2015میر تقی میر،اساتذہ،غزلنام،کام،ایہام،آرام،شامadmin

دیوان دوم غزل 872

مدت ہوئی کہ بیچ میں پیغام بھی نہیں

نامے کا اس کی مہر سے اب نام بھی نہیں

ایام ہجر کریے بسر کس امید پر

ملنا انھوں کا صبح نہیں شام بھی نہیں

پروا اسے ہو کاہے کو ناکام گر مروں

اس کام جاں کو مجھ سے تو کچھ کام بھی نہیں

روویں اس اضطراب دلی کو کہاں تلک

دن رات ہم کو ایک دم آرام بھی نہیں

کیا جانوں دل کو کھینچے ہیں کیوں شعر میر کے

کچھ طرز ایسی بھی نہیں ایہام بھی نہیں

میر تقی میر

پھر جو یاد آتا ہے وہ چپکا سا رہ جاتا ہوں میں

اکتوبر 6, 2015میر تقی میر،اساتذہ،غزللاتا،کھاتا،گھبراتا،پاتا،بہلاتا،جاتا،سمجھاتا،شرماتاadmin

دیوان دوم غزل 871

کیا کہوں اول بخود تو دیر میں آتا ہوں میں

پھر جو یاد آتا ہے وہ چپکا سا رہ جاتا ہوں میں

داغ ہوں کیونکر نہ میں درویش یارو جب نہ تب

بوریا پوشوں ہی میں وہ شعلہ خو پاتا ہوں میں

ہجر میں اس طفل بازی کوش کے رہتا ہوں جب

جا کے لڑکوں میں ٹک اپنے دل کو بہلاتا ہوں میں

ہوں گرسنہ چشم میں دیدار خوباں کا بہت

دیکھنے پر ان کے تلواریں کھڑا کھاتا ہوں میں

آب سب ہوتا ہوں پاکر آپ کو جیسے حباب

یعنی اس ننگ عدم ہستی سے شرماتا ہوں میں

ایک جاگہ کب ٹھہرنے دے ہے مجھ کو روزگار

کیوں تم اکتاتے ہو اتنا آج کل جاتا ہوں میں

ہے کمال عشق پر بے طاقتی دل کی دلیل

جلوئہ دیدار کی اب تاب کب لاتا ہوں میں

آسماں معلوم ہوتا ہے ورے کچھ آگیا

دور اس سے آہ کیسا کیسا گھبراتا ہوں میں

بس چلے تو راہ اودھر کی نہ جائوں لیک میر

دل مرا رہتا نہیں ہر چند سمجھاتا ہوں میں

میر تقی میر

بیماریوں میں جیسے بدلتے ہیں گھر کے تیں

اکتوبر 6, 2015میر تقی میر،اساتذہ،غزلہنر،نگر،نظر،کمر،کدھر،گھر،پسر،جگر،خبرadmin

دیوان دوم غزل 870

جانا ادھر سے میر ہے ویسا ادھر کے تیں

بیماریوں میں جیسے بدلتے ہیں گھر کے تیں

کب ناخنوں سے چہرہ نچے اس صفا سے ہوں

رجھواڑ تم نہیں ہو جو دیکھو ہنر کے تیں

خستے کو اس نگہ کے طبیبوں سے کام کیا

ہمدم مجھے دکھا کسو صاحب نظر کے تیں

فردوس ہو نصیب پدر آدمی تھا خوب

دل کو دیا نہ ان نے کسو خوش پسر کے تیں

ٹک دل کی بے قراری میں جاتے ہیں جی جلے

ہر دم طپش سراہیے میرے جگر کے تیں

تم دل سے جو گئے سو خرابی بہت رہی

پھر بھی بسائو آ کے اس اجڑے نگر کے تیں

اللہ رے نازکی نہیں آتی خیال میں

کس کس طرح سے باندھتے ہیں اس کمر کے تیں

حالت یہ ہے کہ بے خبری دم بہ دم ہے یاں

وے اب تلک بھی آتے نہیں ٹک خبر کے تیں

مدت ہوئی کہ اپنی خبر کچھ ہمیں نہیں

کیا جانیے کہ میر گئے ہم کدھر کے تیں

میر تقی میر

ان نے جو اس طول سے کھینچا پریشانی کے تیں

اکتوبر 6, 2015میر تقی میر،اساتذہ،غزلقربانی،مستانی،نادانی،ویرانی،پانی،پریشانی،افشانی،جانی،زندانی،سیلانیadmin

دیوان دوم غزل 869

کن نے لپٹے بال دکھلائے ترے مانی کے تیں

ان نے جو اس طول سے کھینچا پریشانی کے تیں

کشتۂ انداز کس کا تھا نہ جانا وہ جواں

لے رہے تھے کچھ ملک اک نعش قربانی کے تیں

چشم کم سے اشک خونیں کو نہ دیکھو زینہار

ڈھونڈتے ہیں مردم اس یاقوت سیلانی کے تیں

طائران خوش معاش اس باغ کے ہم تھے کبھو

اب ترستے ہیں قفس میں اک پر افشانی کے تیں

ہے جہان تنگ سے جانا بعینہ اس طرح

قتل کرنے لے چلیں ہیں جیسے زندانی کے تیں

یہ کہاں بنت العنب سے اٹھتی ہیں کیفیتیں

ہونٹوں سے کیا اس کے نسبت ایسی مستانی کے تیں

دل جو پانی ہو تو آئینہ ہے روے یار کا

خانہ آبادی سمجھ اس خانہ ویرانی کے تیں

فہم میں میرے نہ آیا پردہ در ہے طفل اشک

روئوں کیا اے ہم نشیں میں اپنی نادانی کے تیں

کچھ نظر میں نے نہ کی جی کے زیاں پر اپنے ہائے

دوست میں رکھے گیا اس دشمن جانی کے تیں

جب جلے چھاتی بہت تب اشک افشاں ہو نہ میر

کیا جو چھڑکا اس دہکتی آگ پر پانی کے تیں

میر تقی میر

کپڑے اتارے ان نے سر کھینچے ہم کفن میں

اکتوبر 6, 2015میر تقی میر،اساتذہ،غزلچمن،وطن،کفن،پن،برہمن،سخنadmin

دیوان دوم غزل 868

مر مر گئے نظر کر اس کے برہنہ تن میں

کپڑے اتارے ان نے سر کھینچے ہم کفن میں

گل پھول سے کب اس بن لگتی ہیں اپنی آنکھیں

لائی بہار ہم کو زور آوری چمن میں

اب لعل نو خط اس کے کم بخشتے ہیں فرحت

قوت کہاں رہے ہے یاقوتی کہن میں

یوسف عزیز دلہا جا مصر میں ہوا تھا

پاکیزہ گوہروں کی عزت نہیں وطن میں

دیر و حرم سے تو تو ٹک گرم ناز نکلا

ہنگامہ ہورہا ہے اب شیخ و برہمن میں

آجاتے شہر میں تو جیسے کہ آندھی آئی

کیا وحشتیں کیا ہیں ہم نے دوان پن میں

ہیں گھائو دل پر اپنے تیغ زباں سے سب کی

تب درد ہے ہمارے اے میر ہر سخن میں

میر تقی میر

گہر پہنچا بہم آب بقا میں

اکتوبر 6, 2015میر تقی میر،اساتذہ،غزلہوا،آشنا،ابتدا،بقا،جا،خدا،دعا،سرا،صباadmin

دیوان دوم غزل 867

نہیں تبخال لعل دلربا میں

گہر پہنچا بہم آب بقا میں

غریبانہ کوئی شب روز کر یاں

ہمیشہ کون رہتا ہے سرا میں

اٹھاتے ہاتھ کیوں نومید ہو کر

اگر پاتے اثر کچھ ہم دعا میں

کہے ہے ہر کوئی اللہ میرا

عجب نسبت ہے بندے میں خدا میں

کفن میں ہی نہ پہنا وہ بدن دیکھ

کھنچے لوہو میں بہتیروں کے جامیں

ادھر جانے کو آندھی تو ہے لیکن

سبک پائی سی ہے باد صبا میں

بلا تہ دار بحر عشق نکلا

نہ ہم نے انتہا لی ابتدا میں

ملے برسوں وہی بیگانہ ہے وہ

ہنر ہے یہ ہمارے آشنا میں

اگرچہ خشک ہیں جیسے پر کاہ

اڑے ہیں میرجی لیکن ہوا میں

میر تقی میر

وہی اک جنس ہے اس کارواں میں

اکتوبر 6, 2015میر تقی میر،اساتذہ،غزلہندوستاں،مہرباں،کماں،کارواں،گلستاں،آسماں،آشیاں،زماں،زباںadmin

دیوان دوم غزل 866

نہ نکلا دوسرا ویسا جہاں میں

وہی اک جنس ہے اس کارواں میں

کیا منھ بند سب کا بات کہتے

بلا کچھ سحر ہے اس کی زباں میں

اگر وہ بت نہ جانے تو نہ جانے

ہمیں سب جانے ہیں ہندوستاں میں

نیا آناً فآناً اس کو دیکھا

جدا تھی شان اس کی ہر زماں میں

کھنچی رہتی ہے اس ابروے خم سے

کوئی کیا شاخ نکلی ہے کماں میں

جبیں پر چین رہتی ہے ہمیشہ

بلا کینہ ہے اپنے مہرباں میں

نیا ہے کیا شگوفہ یہ کہ اکثر

رہا ہے پھول پڑتا گلستاں میں

کوئی بجلی کا ٹکڑا اب تلک بھی

پڑا ہو گا ہمارے آشیاں میں

پھرے ہے چھانتا ہی خاک اے میر

ہوس کیا ہے مزاج آسماں میں

میر تقی میر

جن کے نشاں تھے فیلوں پر ان کا نشاں نہیں

اکتوبر 6, 2015میر تقی میر،اساتذہ،غزلمہرباں،نشاں،کہاں،آسماں،جاں،درمیاں،زباںadmin

دیوان دوم غزل 865

کیا کیا جہاں اثر تھا سو اب واں عیاں نہیں

جن کے نشاں تھے فیلوں پر ان کا نشاں نہیں

دفتر بنے کہانی بنی مثنوی ہوئی

کیا شرح سوز عشق کروں میں زباں نہیں

اپنا ہی ہاتھ سر پہ رہا اپنے یاں سدا

مشفق کوئی نہیں ہے کوئی مہرباں نہیں

ہنگامہ و فساد کی باعث ہے وہ کمر

پھر آپ خوب دیکھیے تو درمیاں نہیں

جی ہی نکل گیا جو گیا یار پاس سے

جسم ضعیف و زار میں اب میرے جاں نہیں

ہے عشق ہی سے چار طرف بحث و گفتگو

شور اس بلاے جاں کا جہاں میں کہاں نہیں

اس عہد کو نہ جانیے اگلا سا عہد میر

وہ دور اب نہیں وہ زمیں آسماں نہیں

میر تقی میر

چپکے تم سنتے ہو بیٹھے اسے کیا کہتے ہیں

اکتوبر 6, 2015میر تقی میر،اساتذہ،غزلکیا،بہا،بھلا،بجا،دواadmin

دیوان دوم غزل 864

مدعی مجھ کو کھڑے صاف برا کہتے ہیں

چپکے تم سنتے ہو بیٹھے اسے کیا کہتے ہیں

دیکھے خوباں کے بجا دل نہیں رہتا ہرگز

لوگ جو کچھ انھیں کہتے ہیں بجا کہتے ہیں

عشق کے شہر کی بھی رسم کے ہیں کشتے ہم

درد جانکاہ جو ہو اس کو دوا کہتے ہیں

جی اگر زلفوں کے سودے میں ترے دوں تو نہ بول

پہلی قیمت کے تئیں مشک بہا کہتے ہیں

حسن تو ہے ہی کرو لطف زباں بھی پیدا

میر کو دیکھو کہ سب لوگ بھلا کہتے ہیں

میر تقی میر

یہ درد اب کہیں گے کسو شانہ بیں سے ہم

اکتوبر 6, 2015میر تقی میر،اساتذہ،غزلنہیں،نشیں،وہیں،یمیں،آستیں،بیں،جبیں،زیںadmin

دیوان دوم غزل 863

کب تک رہیں گے پہلو لگائے زمیں سے ہم

یہ درد اب کہیں گے کسو شانہ بیں سے ہم

تلواریں کتنی کھائی ہیں سجدے میں اس طرح

فریادی ہوں گے مل کے لہو کو جبیں سے ہم

فتراک تک یہ سر جو نہ پہنچا تو یا نصیب

مدت لگے رہے ترے دامان زیں سے ہم

ہوتا ہے شوق وصل کا انکار سے زیاد

کب تجھ سے دل اٹھاتے ہیں تیری نہیں سے ہم

چھاجے جو پیش دستی کرے نور ماہ پر

دیکھی عجب سفیدی تری آستیں سے ہم

یہ شوق صید ہونے کا دیکھو کہ آپ کو

دکھلایا صیدگہ میں یسار و یمیں سے ہم

تکلیف درد دل کی نہ کر تنگ ہوں گے لوگ

یہ بات روز کہتے رہے ہم نشیں سے ہم

اڑتی ہے خاک شہر کی گلیوں میں اب جہاں

سونا لیا ہے گودوں میں بھر کر وہیں سے ہم

آوارہ گردی اپنی کھنچی میر طول کو

اب چاہیں گے دعا کسو عزلت نشیں سے ہم

میر تقی میر

جیے ہیں خدا ہی کی قدرت سے ہم

اکتوبر 6, 2015میر تقی میر،اساتذہ،غزلقیامت،قدرت،منت،مدت،مروت،حسرت،دولت،صورت،طاقت،غیرتadmin

دیوان دوم غزل 862

موئے جاتے تھے فرط الفت سے ہم

جیے ہیں خدا ہی کی قدرت سے ہم

ترش رو بہت ہے وہ زرگر پسر

پڑے ہیں کھٹائی میں مدت سے ہم

نہیں دیکھتے صبح اب آرسی

خفا رہتے ہیں اپنی صورت سے ہم

جو دیکھو وہ قامت تو معلوم ہو

کہ روکش ہوئے ہیں قیامت سے ہم

نہ ٹک لا سکا تاب جلوے کی دل

گلہ رکھتے ہیں صبر و طاقت سے ہم

نہ مانی کوئی ان نے پھر روٹھ کر

مناتے رہے رات منت سے ہم

خدا سے بھی شب کو دعا مانگتے

نہ اس کا لیا نام غیرت سے ہم

رکھا جس کو آنکھوں میں اک عمر اب

اسے دیکھ رہتے ہیں حسرت سے ہم

بھری آنکھیں لوہو سے رہنے لگیں

یہ رنگ اپنا دیکھا مروت سے ہم

نہ مل میر اب کے امیروں سے تو

ہوئے ہیں فقیر ان کی دولت سے ہم

میر تقی میر

کاشکے پردے ہی میں بولو تم

اکتوبر 6, 2015میر تقی میر،اساتذہ،غزللو،ڈبولو،پرولو،بولو،دھولو،رولو،سولوadmin

دیوان دوم غزل 861

کون کہتا ہے منھ کو کھولو تم

کاشکے پردے ہی میں بولو تم

حکم آب رواں رکھے ہے حسن

بہتے دریا میں ہاتھ دھولو تم

کیا سراہیں ہم اپنی جنس کو لیک

دل عجب ہے متاع جو لو تم

جانا آیا ہے اب جہاں سے ہمیں

تھوڑی تو دور ساتھ ہو لو تم

جب میسر ہو بوسہ اس لب کا

چپکے ہی ہو رہو نہ بولو تم

پنجہ مرجاں کا پھر دھرا ہی رہے

ہاتھ خوں میں مرے ڈبولو تم

دست دے ہے کسے پلک سی میل

دل جہاں پائو اب پرولو تم

آتے ہیں متصل چلے آنسو

آہ کب تک یہ موتی رولو تم

رات گذری ہے سب تڑپتے میر

آنکھ لگ جائے ٹک تو سولو تم

میر تقی میر

مہندی لگی قدم سے ہوئے پائمال ہم

اکتوبر 6, 2015میر تقی میر،اساتذہ،غزللال،وبال،کمال،ٹال،پائمال،الاتصال،بحال،خیال،خال،دوال،زوال،سالadmin

دیوان دوم غزل 860

بخت سیہ کی نقل کریں کس سے چال ہم

مہندی لگی قدم سے ہوئے پائمال ہم

کیونکر نہ اس چمن میں ہوں اتنے نڈھال ہم

یاں پھول سونگھ سونگھ رہے ماہ و سال ہم

یا ہر گلی میں سینکڑوں جس جا ملیح تھے

یا زلف و خط کو دیکھتے ہیں خال خال ہم

گذرے ہے جی میں گہ وہ دہن گاہ وہ کمر

کیا جانیں لوگ رکھتے ہیں کیا کیا خیال ہم

جاتیں نہیں اٹھائی یہ اب سرگرانیاں

مقدور تک تو اپنے گئے ٹال ٹال ہم

لوہو کہاں ہے گریۂ خونیں سے تن کے بیچ

کرتے ہیں منھ کو اپنے طمانچوں سے لال ہم

وہ تو ہی ہے کہ مرتے ہیں سب تیرے طور پر

حور و پری کو جان کے کب ہیں دوال ہم

گذرے ہے بسکہ اس کی جدائی دلوں پہ شاق

منھ نوچ نوچ لے ہیں علی الاتصال ہم

منظور سجدہ ہے ہمیں اس آفتاب کا

ظاہر میں یوں کریں ہیں نماز زوال ہم

ظاہر ہوئے تمھیں بھی ہمارے دم اور ہوش

آئے نہ پھر تمھارے گئے ٹک بحال ہم

مطلق جہاں میں رہنے کو جی چاہتا نہیں

اب تم بغیر اپنے ہوئے ہیں وبال ہم

نقصان ہو گا اس میں نہ ظاہر کہاں تلک

ہوویں گے جس زمانے کے صاحب کمال ہم

تھا کب گماں ملے گا وہ دامن سوار میر

کل راہ جاتے مفت ہوئے پائمال ہم

میر تقی میر

دفتر لکھے گئے نہ ہوا پر سخن تمام

اکتوبر 6, 2015میر تقی میر،اساتذہ،غزلہرن،چمن،وطن،کفن،کوہکن،پن،پیرہن،بدن،تن،دکن،سخنadmin

دیوان دوم غزل 859

مشتاق ان لبوں کے ہیں سب مرد و زن تمام

دفتر لکھے گئے نہ ہوا پر سخن تمام

اب چھیڑیے جہاں وہیں گویا ہے درد سب

پھوڑا سا ہو گیا ہے ترے غم میں تن تمام

آیا تھا گرم صید وہ جیدھر سے دشت میں

دیکھا ادھر ہی گرتے ہیں اب تک ہرن تمام

آوارہ گردباد سے تھے ہم پہ شہر میں

کیا خاک میں ملا ہے یہ دیوانہ پن تمام

کیا لطف تن چھپا ہے مرے تنگ پوش کا

اگلا پڑے ہے جامے سے اس کا بدن تمام

اس کار دست بستہ پہ ریجھا نہ مدعی

کیونکر نہ کام اپنا کرے کوہکن تمام

اک گل زمیں نہ وقفے کے قابل نظر پڑی

دیکھا برنگ آب رواں یہ چمن تمام

نکلے ہیں گل کے رنگ گلستاں میں خاک سے

یہ وے ہیں اس کے عشق کے خونیں کفن تمام

تہ صاحبوں کی آئی نکل میکدے گئے

گروی تھے اہل صومعہ کے پیرہن تمام

میں خاک میں ملا نہ کروں کس طرح سفر

مجھ سے غبار رکھتے ہیں اہل وطن تمام

کچھ ہند ہی میں میر نہیں لوگ جیب چاک

ہے میرے ریختوں کا دوانہ دکن تمام

میر تقی میر

بے وجہ غضب رہنے کا پوچھیں جو سبب ہم

اکتوبر 6, 2015میر تقی میر،اساتذہ،غزلڈھب،کب،ادب،بلب،جب،سب،سبب،شب،طلب،غضبadmin

دیوان دوم غزل 858

محرم سے کسو روبرو ہوں کاشکے اب ہم

بے وجہ غضب رہنے کا پوچھیں جو سبب ہم

تدبیریں کریں اپنے تن زار و زبوں کی

افراط سے اندوہ کی ہوں آپ میں جب ہم

تو لاگو نہ ہو جی کا تو ناچار ہیں ورنہ

اس جنس گراں مایہ سے گذرے نہیں کب ہم

یک سلسلہ ہے قیس کا فرہاد کا اپنا

جوں حلقۂ زنجیر گرفتار ہیں سب ہم

کس دن نہ ملا غیر سے تو گرم علی الرغم

رہتے ہیں یوں ہی لوٹتے انگاروں پہ شب ہم

مجمع میں قیامت کے اک آشوب سا ہو گا

آنکلے اگر عرصے میں یوں نالہ بلب ہم

کیا معرفت اس سے ہوئی یاروں کو نہ سمجھے

اب تک تو نہیں پاتے ہیں کچھ یار کے ڈھب ہم

گہ نوچ لیا منھ کو گہے کوٹ لی چھاتی

دل تنگی ہجراں سے ہیں مغلوب غضب ہم

آغاز محبت میں تمامی ہوئی اپنی

اے واے ہوئے خاک بسر راہ طلب ہم

تربت سے ہماری نہ اٹھی گرد بھی اے میر

جی سے گئے لیکن نہ کیا ترک ادب ہم

میر تقی میر

اے ابر تر آکر ٹک ایدھر بھی برس ظالم

اکتوبر 6, 2015میر تقی میر،اساتذہ،غزلقفس،نفس،گھڑس،بھلس،برس،بس،ترس،جرسadmin

دیوان دوم غزل 857

اب سوکھی ہی جاتی ہے سب کشت ہوس ظالم

اے ابر تر آکر ٹک ایدھر بھی برس ظالم

صیاد بہار اب کے سب لوٹوں گا کیا میں ہی

ٹک باغ تلک لے چل میرا بھی قفس ظالم

کس طور کوئی تجھ سے مقصود کرے حاصل

نے رحم ترے جی میں نے دل میں ترس ظالم

کیوں سر چڑھے ہے ناحق ہم بخت سیاہوں کے

مت پیچ میں پگڑی کے بالوں کو گھڑس ظالم

جوں ابر میں روتا تھا جوں برق تو ہنستا تھا

صحبت نہ رہی یوں ہی ایک آدھ برس ظالم

کیا کھولے ہوئے محمل یاں گرم حکایت ہے

چل راہ میں کچھ کہتا مانند جرس ظالم

مطلق نہیں گنجائش اب حوصلے میں اپنے

آزار کوئی کھینچے یوں کب تئیں بس ظالم

سررشتۂ ہستی کو ہم دے چکے ہاتھوں سے

کچھ ٹوٹے ہی جاتے ہیں اب تار نفس ظالم

تاچند رہے گا تو یوں داغ غم اس مہ کا

چھاتی تو گئی تیری اے میر بھلس ظالم

میر تقی میر

یہی سبب ہے جو کھائی ہے میں دوا کی قسم

اکتوبر 6, 2015میر تقی میر،اساتذہ،غزلگدا،پا،آشنا،ادا،خدا،دوا،رساadmin

دیوان دوم غزل 856

مجھے تو درد سے اک انس ہے وفا کی قسم

یہی سبب ہے جو کھائی ہے میں دوا کی قسم

کل ان نے تیغ رکھی درمیاں کہ قطع ہے اب

قسم جو بیچ میں آئی سو اس ادا کی قسم

حنا لگی ترے ہاتھوں سے میں گیا پیسا

جگر تمام ہے خوں مجھ کو تیرے پا کی قسم

فقیر ہونے نے سب اعتبار کھویا ہے

قسم جو کھائوں تو کہتے ہیں کیا گدا کی قسم

قدم تلے ہی رہا اس کے یہ سر پرشور

جو کھایئے تو مرے طالع رسا کی قسم

سروں پہ ہاتھ کبھو تیغ پر کبھو اس کا

کچھ ایک قسم نہیں میرے آشنا کی قسم

جدال دیر کے رہبان سے کہاں تک میر

اٹھو حرم کو چلو اب تمھیں خدا کی قسم

میر تقی میر

نکلے پردے سے کیا خدا معلوم

اکتوبر 6, 2015میر تقی میر،اساتذہ،غزلہوا،مدعا،نا،وفا،انتہا،اشتہا،جا،خدا،دواadmin

دیوان دوم غزل 855

ہے تہ دل بتوں کا کیا معلوم

نکلے پردے سے کیا خدا معلوم

یہی جانا کہ کچھ نہ جانا ہائے

سو بھی اک عمر میں ہوا معلوم

علم سب کو ہے یہ کہ سب تو ہے

پھر ہے اللہ کیسا نامعلوم

گرچہ تو ہی ہے سب جگہ لیکن

ہم کو تیری نہیں ہے جا معلوم

عشق جانا تھا مار رکھے گا

ابتدا میں تھی انتہا معلوم

ان سیہ چشم دلبروں سے ہمیں

تھی وفا چشم سو وفا معلوم

طرز کینے کی کوئی چھپتی ہے

مدعی کا ہے مدعا معلوم

عشق ہے اے طبیب جی کا روگ

لطف کر ہے جو کچھ دوا معلوم

دل بجا ہو تو میر کچھ کھاوے

کڑھنے پچنے میں اشتہا معلوم

میر تقی میر

عشق کی مے سے چھک رہے ہیں ہم

اکتوبر 6, 2015میر تقی میر،اساتذہ،غزللٹک،چھک،کھٹک،پک،پٹک،اٹک،بک،تک،تھک،جھٹک،سرکadmin

دیوان دوم غزل 854

کچھ نہ پوچھو بہک رہے ہیں ہم

عشق کی مے سے چھک رہے ہیں ہم

سوکھ غم سے ہوئے ہیں کانٹا سے

پر دلوں میں کھٹک رہے ہیں ہم

وقفۂ مرگ اب ضروری ہے

عمر طے کرتے تھک رہے ہیں ہم

کیونکے گرد علاقہ بیٹھ سکے

دامن دل جھٹک رہے ہیں ہم

کون پہنچے ہے بات کی تہ کو

ایک مدت سے بک رہے ہیں ہم

ان نے دینے کہا تھا بوسۂ لب

اس سخن پر اٹک رہے ہیں ہم

نقش پا سی رہی ہیں کھل آنکھیں

کس کی یوں راہ تک رہے ہیں ہم

دست دے گی کب اس کی پابوسی

دیر سے سر پٹک رہے ہیں ہم

بے ڈھب اس پاس ایک شب تھے گئے

سو کئی دن سرک رہے ہیں ہم

خام دستی نے ہائے داغ کیا

پوچھتے کیا ہو پک رہے ہیں ہم

میر شاید لیں اس کی زلف سے کام

برسوں سے تو لٹک رہے ہیں ہم

میر تقی میر

کہاں تک خاک میں میں تو گیا مل

اکتوبر 6, 2015میر تقی میر،اساتذہ،غزلکا،گیا،انا،بھلا،جا،جدا،حا،شا،عاadmin

دیوان دوم غزل 853

بہت مدت گئی ہے اب ٹک آ مل

کہاں تک خاک میں میں تو گیا مل

ٹک اس بے رنگ کے نیرنگ تو دیکھ

ہوا ہر رنگ میں جوں آب شامل

نہیں بھاتا ترا مجلس کا ملنا

ملے تو ہم سے تو سب سے جدا مل

غنیمت جان فرصت آج کے دن

سحر کیا جانے کیا ہو شب ہے حامل

اگرچہ ہم نہیں ملنے کے لائق

کسو تو طرح ہم سے بھی بھلا مل

لیا زاہد نے جام بادہ کف پر

بحمد اللہ کھلا عقد انامل

وہی پہنچے تو پہنچے آپ ہم تک

نہ یاں طالع رسا نے جذب کامل

ہوا دل عشق کی سختی سے ویراں

ملائم چاہیے تھا یاں کا عامل

پس از مدت سفر سے آئے ہیں میر

گئیں وہ اگلی باتیں تو ہی جا مل

میر تقی میر

اب جو کھلا سو جیسے گل بے بہار دل

اکتوبر 6, 2015میر تقی میر،اساتذہ،غزلفگار،ہزار،قرار،مار،یار،امیدوار،انار،اختیار،بہار،بار،درکنار،غبارadmin

دیوان دوم غزل 852

مدت تو وا ہوا ہی نہ یہ غنچہ وار دل

اب جو کھلا سو جیسے گل بے بہار دل

ہے غم میں یاد کس کو فراموش کار دل

اب آ بنی ہے جی پہ رہا درکنار دل

دشوار ہے ثبات بہت ہجر یار میں

یاں چاہیے ہے دل سو کہاں میرے یار دل

وہ کون سی امید برآئی ہے عشق میں

رہتا ہے کس امید پہ امیدوار دل

ظالم بہت ضرور ہے ان بیکسوں کا پاس

ناچار اپنے رہتے ہیں جو مار مار دل

تم پر تو صاف میری کدورت کھلی ہے آج

مدت سے ہے ملال کے زیر غبار دل

مائل ادھر کے ہونے میں مجبور ہیں سبھی

کھنچتا ہے اس کی اور کو بے اختیار دل

حد ہے گی دلبری کی بھی اے غیرت چمن

ہو آدمی صنوبر اگر لاوے بار دل

داخل یہ اضطراب تنک آبیوں میں ہے

رکھتی نہیں ہے برق ہی کچھ بے قرار دل

کیا ہیں گرسنہ چشم دل اب کے یہ دلبراں

تسکین ان کی ہو نہ جو لیویں ہزار دل

جوں سیب ہیں ذقن کے چمن زار حسن میں

یوں باغ حسن میں بھی ہیں رنگیں انار دل

ہم سے جو عشق کشتہ جئیں تو عجب ہے میر

چھاتی ہے داغ ٹکڑے جگر کے فگار دل

میر تقی میر

دیکھی نہ بے ستوں میں زور آزمائی دل

اکتوبر 6, 2015میر تقی میر،اساتذہ،غزللگایئے،آزمائی،آشنائی،جدائی،رہنمائی،رہائی،صفائیadmin

دیوان دوم غزل 851

پوشیدہ کیا رہے ہے قدرت نمائی دل

دیکھی نہ بے ستوں میں زور آزمائی دل

ہے تیرہ یہ بیاباں گرد و غبار سے سب

دے راہ کب دکھائی بے رہنمائی دل

اندوہ و غم سے اکثر رہتا ہوں میں مکدر

کیا خاک میں ملی ہے میری صفائی دل

پیش آوے کوئی صورت منھ موڑتے نہیں وے

آئینہ ساں جنھیں ہے کچھ آشنائی دل

مر تو نہیں گیا میں پر جی ہی جانتا ہے

گذرے ہے شاق مجھ پر جیسی جدائی دل

اس دامگہ میں اس کے سارے فریب ہی ہیں

آتی نہیں نظر کچھ مجھ کو رہائی دل

گر رنگ ہے چلا ہے ور بو ہے تو ہوا ہے

کہہ میر اس چمن میں کس سے لگایئے دل

میر تقی میر

یار اگر ہے اہل تو ہے کام سہل

اکتوبر 6, 2015میر تقی میر،اساتذہ،غزلنام،کام،آرام،بادام،خامadmin

دیوان دوم غزل 850

مار بھی آسان ہے دشنام سہل

یار اگر ہے اہل تو ہے کام سہل

جوں نگیں میں کی جگرکاوی بہت

کیا نکلتا ہے کسو کا نام سہل

جان دی یاروں نے تب آنکھیں لگیں

کن نے پایا آہ یاں آرام سہل

مدعی ہو چشم شوخ یار کا

کیا نگاہوں میں ہوا بادام سہل

تم نے دیکھا ہو گا پکپن میر کا

ہم کو تو آیا نظر وہ خام سہل

میر تقی میر

بہت اس طرف کو تو جاتے ہیں لوگ

اکتوبر 6, 2015میر تقی میر،اساتذہ،غزلچھپاتے،پاتے،آتے،اٹھاتے،بناتے،بتاتے،جاتےadmin

دیوان دوم غزل 849

رہ مرگ سے کیوں ڈراتے ہیں لوگ

بہت اس طرف کو تو جاتے ہیں لوگ

مظاہر سب اس کے ہیں ظاہر ہے وہ

تکلف ہے یاں جو چھپاتے ہیں لوگ

عجب کی جگہ ہے کہ اس کی جگہ

ہمارے تئیں ہی بتاتے ہیں لوگ

رہے ہم تو کھوئے گئے سے سدا

کبھو آپ میں ہم کو پاتے ہیں لوگ

اس ابرو کماں پر جو قرباں ہیں ہم

ہمیں کو نشانہ بناتے ہیں لوگ

نہ سویا کوئی شور شب سے مرے

قیامت اذیت اٹھاتے ہیں لوگ

ان آنکھوں کے بیمار ہیں میر ہم

بجا دیکھنے ہم کو آتے ہیں لوگ

میر تقی میر

کچھ اور صبح دم سے ہوا ہے ہوا کا رنگ

اکتوبر 6, 2015میر تقی میر،اساتذہ،غزلفنا،ہوا،قبا،مدعا،وفا،انتہا،آشنا،ادا،حنا،دواadmin

دیوان دوم غزل 848

ہے آگ کا سا نالۂ کاہش فزا کا رنگ

کچھ اور صبح دم سے ہوا ہے ہوا کا رنگ

دیکھے ادھر تو مجھ سے نہ یوں آنکھ وہ چھپائے

ظاہر ہے میرے منھ سے مرے مدعا کا رنگ

کس بے گنہ کے خوں میں ترا پڑ گیا ہے پائوں

ہوتا نہیں ہے سرخ تو ایسا حنا کا رنگ

بے گہ شکستہ رنگی خورشید کیا عجب

ہوتا ہے زرد بیشتر اہل فنا کا رنگ

گل پیرہن نہ چاک کریں کیونکے رشک سے

کس مرتبے میں شوخ ہے اس کی قبا کا رنگ

رہتا تھا ابتداے محبت میں منھ سفید

اب زرد سب ہوا ہوں یہ ہے انتہا کا رنگ

داروے لعل گوں نہ پیو میرزا ہو تم

گرمی پہ ہے دلیل بہت اس دوا کا رنگ

خوبی ہے اس کی حیّزِ تحریر سے بروں

کیا اس کا طور حسن لکھوں کیا ادا کا رنگ

پوچھیں ہیں وجہ گریۂ خونیں جو مجھ سے لوگ

کیا دیکھتے نہیں ہیں سب اس بے وفا کا رنگ

مقدور تک نہ گذرے مرے خوں سے یار میر

غیروں سے کیا گلہ ہے یہ ہے آشنا کا رنگ

میر تقی میر

اک سارے تن بدن میں مرے پھک رہی ہے آگ

اکتوبر 6, 2015میر تقی میر،اساتذہ،غزللگی،کبھی،پری،بھری،بجھی،جلی،جی،دی،دبی،رہی،رکھیadmin

دیوان دوم غزل 847

کیا عشق خانہ سوز کے دل میں چھپی ہے آگ

اک سارے تن بدن میں مرے پھک رہی ہے آگ

گلشن بھرا ہے لالہ و گل سے اگرچہ سب

پر اس بغیر اپنے تو بھائیں لگی ہے آگ

پائوں میں پڑ گئے ہیں پھپھولے مرے تمام

ہر گام راہ عشق میں گویا دبی ہے آگ

جل جل کے سب عمارت دل خاک ہو گئی

کیسے نگر کو آہ محبت نے دی ہے آگ

اب گرم و سرد دہر سے یکساں نہیں ہے حال

پانی ہے دل ہمارا کبھی تو کبھی ہے آگ

کیونکر نہ طبع آتشیں اس کی ہمیں جلائے

ہم مشت خس کا حکم رکھیں وہ پری ہے آگ

کب لگ سکے ہے عشق جہاں سوز کو ہوس

ماہی کی زیست آب سمندر کا جی ہے آگ

روز ازل سے آتے ہیں ہوتے جگر کباب

کیا آج کل سے عشق کی یارو جلی ہے آگ

انگارے سے نہ گرتے تھے آگے جگر کے لخت

جب تب ہماری گود میں اب تو بھری ہے آگ

یارب ہمیشہ جلتی ہی رہتی ہیں چھاتیاں

یہ کیسی عاشقوں کے دلوں میں رکھی ہے آگ

افسردگی سوختہ جاناں ہے قہر میر

دامن کو ٹک ہلا کہ دلوں کی بجھی ہے آگ

میر تقی میر

حالانکہ رفتنی ہیں سب اس کارواں کے لوگ

اکتوبر 6, 2015میر تقی میر،اساتذہ،غزلہندوستاں،مکاں،یاں،کہاں،کارواں،بتاں،بدگماں،جاں،خانداں،درمیاں،زباںadmin

دیوان دوم غزل 846

غافل ہیں ایسے سوتے ہیں گویا جہاں کے لوگ

حالانکہ رفتنی ہیں سب اس کارواں کے لوگ

مجنوں و کوہکن نہ تلف عشق میں ہوئے

مرنے پہ جی ہی دیتے ہیں اس خانداں کے لوگ

کیونکر کہیں کہ شہر وفا میں جنوں نہیں

اس خصم جاں کے سارے دوانے ہیں یاں کے لوگ

رونق تھی دل میں جب تئیں بستے تھے دلبراں

اب کیا رہا ہے اٹھ گئے سب اس مکاں کے لوگ

تو ہم میں اور آپ میں مت دے کسو کو دخل

ہوتے ہیں فتنہ ساز یہی درمیاں کے لوگ

مرتے ہیں اس کے واسطے یوں تو بہت ولے

کم آشنا ہیں طور سے اس کام جاں کے لوگ

پتی کو اس چمن کی نہیں دیکھتے ہیں گرم

جو محرم روش ہیں کچھ اس بدگماں کے لوگ

بت چیز کیا کہ جس کو خدا مانتے ہیں سب

خوش اعتقاد کتنے ہیں ہندوستاں کے لوگ

فردوس کو بھی آنکھ اٹھا دیکھتے نہیں

کس درجہ سیرچشم ہیں کوے بتاں کے لوگ

کیا سہل جی سے ہاتھ اٹھا بیٹھتے ہیں ہائے

یہ عشق پیشگاں ہیں الٰہی کہاں کے لوگ

منھ تکتے ہی رہے ہیں سدا مجلسوں کے بیچ

گویا کہ میر محو ہیں میری زباں کے لوگ

میر تقی میر

نہ پہنچا کبھو ہاتھ اس کی کمر تک

اکتوبر 6, 2015میر تقی میر،اساتذہ،غزلکمر،گھر،پہر،جگر،خبر،در،سحرadmin

دیوان دوم غزل 845

لیا چیرہ دستی سے گر میر سر تک

نہ پہنچا کبھو ہاتھ اس کی کمر تک

مجھے نیند کیسی کہ مانند انجم

کھلی رہتی ہیں میری آنکھیں سحر تک

اٹھا پاس بے اختیاری سے سب کا

بکا بیٹھے کرتے ہیں دو دو پہر تک

دماغ اور دل ہیں سراسیمہ دونوں

سرزخم شاید کہ پہنچا جگر تک

بلا شور و ہنگامہ ہے دل زدوں کا

قیامت کیے جائے ہے اس کے گھر تک

نہ دے ماریں چوکھٹ سے سر کو تو کہیو

رسائی ہوا چاہیے اس کے در تک

محبت میں جی سے گئے میر آخر

خبر گفتنی ہے یہ ہر بے خبر تک

میر تقی میر

جی رندھ گیا ہے ظالم اب رحم کر کہاں تک

اکتوبر 6, 2015میر تقی میر،اساتذہ،غزلنشاں،یاں،کہاں،گلستاں،پاسباں،آسماں،آشیاں،استخواں،جہاں،جاںadmin

دیوان دوم غزل 844

سو خونچکاں گلے ہیں لب سے مری زباں تک

جی رندھ گیا ہے ظالم اب رحم کر کہاں تک

ملنے میں میرے گاہے ٹک تن دیا نہ ان نے

حاضر رہا ہوں میں تو اپنی طرف سے جاں تک

ہر چند میں نے سر پر اس رہ کی خاک ڈالی

لیکن نہ پہنچیں آنکھیں اس پائوں کے نشاں تک

ان ہڈیوں کا جلنا کوئی ہما سے پوچھو

لاتا نہیں ہے منھ وہ اب میرے استخواں تک

اس کی گلی کے سگ سے کی ہے موافقت میں

اس راہ سے بھی پہنچیں شاید کہ پاسباں تک

ابربہار نے شب دل کو بہت جلایا

تھا برق کا چمکنا خاشاک آشیاں تک

اس مہ کے گوش تک تو ہرگز نہیں پہنچتی

گو آہ بے سرایت جاتی ہے آسماں تک

قید قفس میں مرنا کب شوق کا ہے مانع

پہنچیں گے مشت پر بھی اڑ کر یہ گلستاں تک

ہونا جہاں کا اپنی آنکھوں میں ہے نہ ہونا

آتا نظر نہیں کچھ جاوے نظر جہاں تک

جاتی ہیں خط کے پیچھے جوں مہر آنکھیں میری

اب کارشوق میرا پہنچا ہے میر یاں تک

میر تقی میر

موجزن برسوں سے ہے دریا ہے چشم گریہ ناک

اکتوبر 6, 2015میر تقی میر،اساتذہ،غزلنابینا،پیدا،پا،پردہ،جا،دریا،صحراadmin

دیوان دوم غزل 843

آج کل سے کچھ نہ طوفاں زا ہے چشم گریہ ناک

موجزن برسوں سے ہے دریا ہے چشم گریہ ناک

یوں نہ روئو تو نہ روئو ورنہ رود و چاہ سے

ہر قدم اس دشت میں پیدا ہے چشم گریہ ناک

دل سے آگے ٹک قدم رکھو تو پھر بھی دلبرو

سیر قابل دیدنی اک جا ہے چشم گریہ ناک

بے گداز دل نہیں امکان رونا اس قدر

تہ کو پہنچو خوب تو پردہ ہے چشم گریہ ناک

سوجھتا اپنا کرے کچھ ابر تو ہے مصلحت

جوش غم سے جیسے نابینا ہے چشم گریہ ناک

سبز ہے رو نے سے میرے گوشہ گوشہ دشت کا

باعث آبادی صحرا ہے چشم گریہ ناک

وے حنائی پامری آنکھوں ہی میں پھرتے ہیں میر

یعنی ہر دم اس کے زیر پا ہے چشم گریہ ناک

میر تقی میر

دل جلا کوئی ہو گیا کیا خاک

اکتوبر 6, 2015میر تقی میر،اساتذہ،غزلوفا،گیا،انتہا،آشنا،رہا،سا،صفاadmin

دیوان دوم غزل 842

چلے ہے باغ کی صبا کیا خاک

دل جلا کوئی ہو گیا کیا خاک

ہے غبار اس کے خط سے دل میں بہت

باہم اب ہوئے گی صفا کیا خاک

ہم گرے اس کے در ہی پر مر کر

اور کوئی کرے وفا کیا خاک

خاک ہی میں ملائے رکھتے ہو

ہو کوئی تم سے آشنا کیا خاک

سب موئے ابتداے عشق ہی میں

ہووے معلوم انتہا کیا خاک

خاک پر ہے سدا جبین نیاز

اور کوئی ہو جبہہ سا کیا خاک

تربت میر پر چلے تم دیر

اتنی مدت میں واں رہا کیا خاک

میر تقی میر

تنہائی ایک ہے سو ہے اس کے ستم شریک

اکتوبر 6, 2015میر تقی میر،اساتذہ،غزلہم،قلم،کم،دم،ستمadmin

دیوان دوم غزل 841

ہم بیکسوں کا کون ہے ہجراں میں غم شریک

تنہائی ایک ہے سو ہے اس کے ستم شریک

دم رک کے ووہیں کہیو اگر مر نہ جائے وہ

ہو میرے حال کا جو کوئی ایک دم شریک

خوں ہوتے ہوتے ہوچکے آخر کہاں تلک

اب دل جگر کہیں نہیں ہیں تیرے ہم شریک

دل تنگ ہوجیے تو نہ ملیے کسو کے ساتھ

ہوتے ہیں ایسے وقت میں یہ لوگ کم شریک

شاید کہ سرنوشت میں مرنا ہے گھٹ کے میر

کاغذ نہ محرم غم دل نے قلم شریک

میر تقی میر

آتی نہیں ہے تو بھی شکایت زباں تلک

اکتوبر 6, 2015میر تقی میر،اساتذہ،غزلیاں،کہاں،گلستاں،پاسباں،آسماں،آشیاں،زباںadmin

دیوان دوم غزل 840

حالانکہ کام پہنچ گیا کب کا جاں تلک

آتی نہیں ہے تو بھی شکایت زباں تلک

اس رشک مہ کے دل میں نہ مطلق کیا اثر

ہرچند پہنچی میری دعا آسماں تلک

جو آرزو کی اس سے سو دل میں ہی خوں ہوئی

نومید یوں بسر کرے کوئی کہاں تلک

کھینچا کیے وہ دور بہت آپ کو سدا

ہمسائے ہم موا کیے آئے نہ یاں تلک

بلبل قفس میں اس لب و لہجہ پہ یہ فغاں

آواز ایک ہو رہی ہے گلستاں تلک

پچھتائے اٹھ کے گھر سے کہ جوں نو دمیدہ پر

جانا بنا نہ آپ کو پھر آشیاں تلک

ہم صحبتی یار کو ہے اعتبار شرط

اپنی پہنچ تو میر نہیں پاسباں تلک

میر تقی میر

پاس جاتا ہوں تو کہتا ہے کہ بیٹھو دور ٹک

اکتوبر 6, 2015میر تقی میر،اساتذہ،غزلمقدور،منصور،مشہور،معذور،چور،دور،دستورadmin

دیوان دوم غزل 839

عزت اپنی اب نہیں ہے یار کو منظور ٹک

پاس جاتا ہوں تو کہتا ہے کہ بیٹھو دور ٹک

حال میرا شہر میں کہتے رہیں گے لوگ دیر

اس فسانے کے تئیں ہونے تو دو مشہور ٹک

پشت پا مارے ہیں شاہی پر گداے کوے عشق

دیکھو تم یاں کا خدا کے واسطے دستور ٹک

چاہنے کا مجھ سے بے قدرت کا کیا ہے اعتبار

عشق کرنے کو کسو کے چاہیے مقدور ٹک

حق تو سب کچھ تھا ہی ناحق جان دی کس واسطے

حوصلے سے بات کرتا کاشکے منصور ٹک

منکرحسن بتاں کیونکر نہ ہووے شیخ شہر

حق ہے اس کی اور وہ آنکھوں سے ہے معذور ٹک

پھر کہیں کیا دل لگایا میر جو ہے زرد رو

منھ پر آیا تھا ترے دو چار دن سے نور ٹک

میر تقی میر

جاتی نہیں ہے اشک کی رخسار کے ڈھلک

اکتوبر 6, 2015میر تقی میر،اساتذہ،غزلفلک،ملک،ڈھلک،پلک،تلکadmin

دیوان دوم غزل 838

دیکھی تھی تیرے کان کے موتی کی اک جھلک

جاتی نہیں ہے اشک کی رخسار کے ڈھلک

یارب اک اشتیاق نکلتا ہے چال سے

ملتے پھریں ہیں خاک میں کس کے لیے فلک

طاقت ہو جس کے دل میں وہ دو چار دن رہے

ہم ناتوان عشق تمھارے کہاں تلک

برسوں ہوئے کہ جان سے جاتی نہیں خلش

ٹک ہل گئی تھی آگے مرے وہ پھری پلک

آئی نہ ہاتھ میر کی میت پہ کل نماز

تابوت پر تھی اس کے نپٹ کثرت ملک

میر تقی میر

جان کا روگ ہے بلا ہے عشق

اکتوبر 6, 2015میر تقی میر،اساتذہ،غزلہوا،مبتلا،مدعا،ناروا،کیا،بلا،بھلا،خدا،رہاadmin

دیوان دوم غزل 837

کیا کہوں تم سے میں کہ کیا ہے عشق

جان کا روگ ہے بلا ہے عشق

عشق ہی عشق ہے جہاں دیکھو

سارے عالم میں بھر رہا ہے عشق

عشق ہے طرز و طور عشق کے تیں

کہیں بندہ کہیں خدا ہے عشق

عشق معشوق عشق عاشق ہے

یعنی اپنا ہی مبتلا ہے عشق

گر پرستش خدا کی ثابت کی

کسو صورت میں ہو بھلا ہے عشق

دلکش ایسا کہاں ہے دشمن جاں

مدعی ہے پہ مدعا ہے عشق

ہے ہمارے بھی طور کا عاشق

جس کسی کو کہیں ہوا ہے عشق

کوئی خواہاں نہیں محبت کا

توکہے جنس ناروا ہے عشق

میرجی زرد ہوتے جاتے ہو

کیا کہیں تم نے بھی کیا ہے عشق

میر تقی میر

اک جھمکے میں کہاں پھر صبر و قرار عاشق

اکتوبر 6, 2015میر تقی میر،اساتذہ،غزلقرار،مزار،نہار،کنار،کاروبار،اختیار،اعتبار،خمار،خار،شعارadmin

دیوان دوم غزل 836

اے رشک برق تجھ سے مشکل ہے کار عاشق

اک جھمکے میں کہاں پھر صبر و قرار عاشق

خاک سیہ سے یکساں تیرے لیے ہوا ہوں

تو بھی تو ایک شب ہو شمع مزار عاشق

اے بحر حسن ہووے یہ آگ سرد ٹک تب

جوں موج ہو لبالب تجھ سے کنار عاشق

دلخواہ کوئی دلبر ملتا تو دل کو دیتے

گر چاہنے میں ہوتا کچھ اختیار عاشق

پلکوں کی اس کی کاوش ہر دم جب ایسی ہووے

مشکل کہ جی سے جاوے پھر خار خار عاشق

کیا جانے محو جو ہو اپنے ہی رو و مو کا

گذرے ہے کس طرح سے لیل و نہار عاشق

خواری کا موجب اپنی ہے اضطراب ہر دم

دل سمجھے تو رہے بھی کچھ اعتبار عاشق

آنکھوں تلے سے سرکے وہ چشم مست ٹک تو

جاتا دکھائی دیوے رنج و خمار عاشق

کیا بوجھ بھاری سے میں ناکام کاٹتا ہوں

دنیا سے ہے نرالا کچھ کاروبار عاشق

اس پردے میں غم دل کہتا ہے میر اپنا

کیا شعر و شاعری ہے یارو شعار عاشق

میر تقی میر

جاتا ہے صید آپ سے اس دام کی طرف

اکتوبر 6, 2015میر تقی میر،اساتذہ،غزلکام،آرام،اسلام،بام،بدنام،جام،خام،دام،شامadmin

دیوان دوم غزل 835

میلان دل ہے زلف سیہ فام کی طرف

جاتا ہے صید آپ سے اس دام کی طرف

دل اپنا عدل داور محشر سے جمع ہے

کرتا ہے کون عاشق بدنام کی طرف

اس پہلوے فگار کو بستر سے کام کیا

مدت ہوئی کہ چھوٹی ہے آرام کی طرف

یک شب نظر پڑا تھا کہیں تو سو اب مدام

رہتی ہے چشم ماہ ترے بام کی طرف

آنکھیں جنھوں کی زلف و رخ یار سے لگیں

وے دیکھتے نہیں سحر و شام کی طرف

جوں چشم یار بزم میں اگلا پڑے ہے آج

ٹک دیکھ شیخ مے کے بھرے جام کی طرف

خارا شگاف و سینہ خراش ایک سے نہیں

لیکن نظر نہیں ہے تجھے کام کی طرف

دل پک رہے ہیں جن کے انھیں سے ہمیں ہے شوق

میلان طبع کب ہے کسو خام کی طرف

دیکھی ہے جب سے اس بت کافر کی شکل میر

جاتا نہیں ہے جی تنک اسلام کی طرف

میر تقی میر

باقی نہیں ہے چھاتی میں اپنی تو جاے داغ

اکتوبر 6, 2015میر تقی میر،اساتذہ،غزللائے،چھپائے،جلائے،جاے،دکھائے،دھلائے،سواےadmin

دیوان دوم غزل 834

اب اس کے غم سے جو کوئی چاہے سو کھائے داغ

باقی نہیں ہے چھاتی میں اپنی تو جاے داغ

چشم و دل و دماغ و جگر سب کو رو رہے

اس عشق خانہ سوز نے کیا کیا دکھائے داغ

جی جل گیا تقرب اغیار دیکھ کر

ہم اس گلی میں جب گئے تب واں سے لائے داغ

کیا لالہ ایک داغ پہ پھولے ہے باغ میں

بہتیرے ایسے چھاتی پہ ہم نے جلائے داغ

کیا شیخ کے ورع میں تردد ہے ہم نے آپ

سو بار اس کے کرتے سے مے کے دھلائے داغ

آخر کو روے کار سے پردہ اٹھے گا کیا

مقدور تک تو چھاتی کے ہم نے چھپائے داغ

دل کی گرہ میں غنچۂ لالہ کے رنگ میر

سوز دروں سے کچھ نہیں ہے اب سواے داغ

میر تقی میر

کڑھیے کب تک نہ ہو بلا سے نفع

اکتوبر 6, 2015میر تقی میر،اساتذہ،غزلپا،آشنا،بلا،خدا،دعاadmin

دیوان دوم غزل 833

عشق میں کچھ نہیں دوا سے نفع

کڑھیے کب تک نہ ہو بلا سے نفع

کب تلک ان بتوں سے چشم رہے

ہو رہے گا بس اب خدا سے نفع

میں تو غیر از ضرر نہ دیکھا کچھ

ڈھونڈو تم یار و آشنا سے نفع

مغتنم جان گر کسو کے تئیں

پہنچے ہے تیرے دست و پا سے نفع

اب فقیروں سے کہہ حقیقت دل

میر شاید کہ ہو دعا سے نفع

میر تقی میر

یعنی اس آتش کے پرکالے سے شرماتی ہے شمع

اکتوبر 6, 2015میر تقی میر،اساتذہ،غزلکھاتی،جھمکاتی،جھنجھلاتی،جاتی،شرماتیadmin

دیوان دوم غزل 832

اس کے ہوتے بزم میں فانوس میں آتی ہے شمع

یعنی اس آتش کے پرکالے سے شرماتی ہے شمع

ہر زماں جاتی ہے گھٹتی سامنے تیرے کھڑی

جوش غم سے آپ ہی اپنے تئیں کھاتی ہے شمع

بیٹھے اس مہ کے کسو کو دیکھتا ہے کب کوئی

رنگ رو کو بزم میں ہر چند جھمکاتی ہے شمع

باد سے جنبش میں کچھ رہتی نہیں ہے متصل

اس بھبھوکے سے جو گھٹتی ہے سو جھنجھلاتی ہے شمع

چھوڑتی ہے لطف کیا افسردگی خاطر کی میر

آگے اس کے چہرئہ روشن کے بجھ جاتی ہے شمع

میر تقی میر

ہو خجل ایسی کہ منھ اپنا نہ پھر دکھلائے شمع

اکتوبر 6, 2015میر تقی میر،اساتذہ،غزلہاے،وائے،پاے،آئے،دکھلائےadmin

دیوان دوم غزل 831

تیرے ہوتے شام کو گر بزم میں آجائے شمع

ہو خجل ایسی کہ منھ اپنا نہ پھر دکھلائے شمع

کیا جلے جاتے ہیں تجھ سے سب دیے سے دیکھتے

گر یہی یاں کا ہے ڈھب تو حیف مجلس وائے شمع

کس کے تیں ہوتا ہے قطع زندگانی کا یہ شوق

سر کٹانے کو گلے میں جمع ہیں رگ ہاے شمع

کچھ نہیں مجھ میں درونے کی جلن سے اس طرح

کھا چلا ہے جیسے اک ہی داغ سر تا پاے شمع

داغ ہوکر جان دی ان نے تمھارے واسطے

مشت خاک میر پر سو تم نہ لے کر آئے شمع

میر تقی میر

ہوتا تھا اگلے لوگوں میں بھی باہم اختلاط

اکتوبر 6, 2015میر تقی میر،اساتذہ،غزلکم،آدم،باہم،دم،عالمadmin

دیوان دوم غزل 830

کرتے نہیں ہیں اس سے نیا کچھ ہم اختلاط

ہوتا تھا اگلے لوگوں میں بھی باہم اختلاط

ٹک گرم میں ملوں تو مجھی سے ملے خنک

اوروں سے تو وہی ہے اسے ہر دم اختلاط

ایسا نہ ہو کہ شیخ دغا دیوے ہم نشیں

ابلیس سے کرے ہے کوئی آدم اختلاط

بیگانگی مجھی سے چلی جاتی ہے خصوص

رکھتا ہے یوں تو یار سے اک عالم اختلاط

کس طور اتفاق پڑی صحبت اس سے دیر

ہے میر بے دماغ و قیامت کم اختلاط

میر تقی میر

اول گام ترک سر ہے شرط

اکتوبر 6, 2015میر تقی میر،اساتذہ،غزلہنر،نظر،تر،جگر،خر،سفر،سرadmin

دیوان دوم غزل 829

عشق کی رہ نہ چل خبر ہے شرط

اول گام ترک سر ہے شرط

دعوی عشق یوں نہیں صادق

زردی رنگ و چشم تر ہے شرط

خامی جاتی ہے کوئی گھر بیٹھے

پختہ کاری کے تیں سفر ہے شرط

قصد حج ہے تو شیخ کو لے چل

کعبے جانے کو یہ بھی خر ہے شرط

قلب یعنی کہ دل عجب زر ہے

اس کی نقادی کو نظر ہے شرط

حق کے دینے کو چاہیے ہے کیا

یاں نہ اسباب نے ہنر ہے شرط

دل کا دینا ہے سہل کیا اے میر

عاشقی کرنے کو جگر ہے شرط

میر تقی میر

خوبی رہا کرے ہے مری جان کیا ہمیش

اکتوبر 6, 2015میر تقی میر،اساتذہ،غزللگا،نوا،وفا،کیا،خدا،دوا،رہاadmin

دیوان دوم غزل 828

ہم پر روا جو رکھتے ہو جور و جفا ہمیش

خوبی رہا کرے ہے مری جان کیا ہمیش

کس اعتبار دل کے تئیں گل کہیں ہیں لوگ

مجھ پاس تو مندی ہی کلی سا رہا ہمیش

کچھ عہد میں ہمارے محبت ہوئی ہے ننگ

آپس میں ورنہ رسم تھی مہر و وفا ہمیش

فرصت مرض سے دل کے ہمیں کب ہوئی تنک

تھوڑی بہت چلی ہی گئی ہے دوا ہمیش

اب عید بھی بغیر ملے اس کے ہے دہا

رہتا تھا جو ہمارے گلے ہی لگا ہمیش

ہم تو جو رفتنی ہیں ملے ہی رہیں تو خوب

رہتا نہیں ہے کوئی بغیر از خدا ہمیش

واقف نہیں ہوں میر سے تو پر تمام شب

کرتا ہے شور آن کے اک بے نوا ہمیش

میر تقی میر

کیا جانیے کہ کیا ہے یارو خدا کی خواہش

اکتوبر 6, 2015میر تقی میر،اساتذہ،غزلنوا،وفا،بلا،جفا،خدا،دعا،غذاadmin

دیوان دوم غزل 827

مطلق نہیں ہے ایدھر اس دلربا کی خواہش

کیا جانیے کہ کیا ہے یارو خدا کی خواہش

دیکھیں تو تیغ اس کی اب کس کے سر چڑھے ہے

رکھتے ہیں یار جی میں اس کی جفا کی خواہش

لعل خموش اپنے دیکھو ہو آرسی میں

پھر پوچھتے ہو ہنس کر مجھ بے نوا کی خواہش

اقلیم حسن سے ہم دل پھیر لے چلے ہیں

کیا کریے یاں نہیں ہے جنس وفا کی خواہش

خون جگر ہی کھانا آغاز عشق میں ہے

رہتی ہے اس مرض میں پھر کب غذا کی خواہش

وہ شوخ دشمن جاں اے دل تو اس کا خواہاں

کرتا ہے کوئی ظالم ایسی بلا کی خواہش

میرے بھی حق میں کر ٹک ہاتھوں کو میر اونچا

رکھتا ہے اہل دل سے ہر اک دعا کی خواہش

میر تقی میر

یک جان و صد تمنا یک دل ہزار خواہش

اکتوبر 6, 2015میر تقی میر،اساتذہ،غزلہزار،قرار،کنار،کار،امیدوار،اختیار،بہار،بار،دیار،شعارadmin

دیوان دوم غزل 826

کیا کہیے کیا رکھیں ہیں ہم تجھ سے یار خواہش

یک جان و صد تمنا یک دل ہزار خواہش

لے ہاتھ میں قفس ٹک صیاد چل چمن تک

مدت سے ہے ہمیں بھی سیر بہار خواہش

نے کچھ گنہ ہے دل کا نے جرم چشم اس میں

رکھتی ہے ہم کو اتنا بے اختیار خواہش

حالانکہ عمر ساری مایوس گذری تس پر

کیا کیا رکھیں ہیں اس کے امیدوار خواہش

غیرت سے دوستی کی کس کس سے ہوجے دشمن

رکھتا ہے یاری ہی کی سارا دیار خواہش

ہم مہرورز کیونکر خالی ہوں آرزو سے

شیوہ یہی تمنا فن و شعار خواہش

اٹھتی ہے موج ہر یک آغوش ہی کی صورت

دریا کو ہے یہ کس کا بوس و کنار خواہش

صد رنگ جلوہ گر ہے ہر جادہ غیرت گل

عاشق کی ایک پاوے کیونکر قرار خواہش

یک بار بر نہ آئی اس سے امید دل کی

اظہار کرتے کب تک یوں بار بار خواہش

کرتے ہیں سب تمنا پر میر جی نہ اتنی

رکھے گی مار تم کو پایان کار خواہش

میر تقی میر

رہتی ایک آدھ دن بہار اے کاش

اکتوبر 6, 2015میر تقی میر،اساتذہ،غزلمزار،نثار،یار،گوردار،اختیار،بہار،بار،دوچار،شمار،شعارadmin

دیوان دوم غزل 825

گل کو ہوتا صبا قرار اے کاش

رہتی ایک آدھ دن بہار اے کاش

یہ جو دو آنکھیں مند گئیں میری

اس پہ وا ہوتیں ایک بار اے کاش

کن نے اپنی مصیبتیں نہ گنیں

رکھتے میرے بھی غم شمار اے کاش

جان آخر تو جانے والی تھی

اس پہ کی ہوتی میں نثار اے کاش

اس میں راہ سخن نکلتی تھی

شعر ہوتا ترا شعار اے کاش

خاک بھی وہ تو دیوے گا برباد

نہ بناویں مرا مزار اے کاش

شش جہت اب تو تنگ ہے ہم پر

اس سے ہوتے نہ ہم دوچار اے کاش

مرتے بھی تو ترے ہی کوچے میں

ملتی یاں جاے گوردار اے کاش

ان لبوں کے گلے سے دل ہے بھرا

چل پڑے بات پیش یار اے کاش

بے اجل میر اب پڑا مرنا

عشق کرتے نہ اختیار اے کاش

میر تقی میر

یا اب پھٹک نہیں ہے کہیں ان کے آس پاس

اکتوبر 6, 2015میر تقی میر،اساتذہ،غزلقیاس،لباس،گھاس،آس،اداس،سپاس،شناسadmin

دیوان دوم غزل 824

رہتے تھے ہم وے آٹھ پہر یا تو پاس پاس

یا اب پھٹک نہیں ہے کہیں ان کے آس پاس

تا لوگ بدگماں نہ ہوں آئے نہ اس کی اور

ہم تو کیا ہے عشق میں دور از قیاس پاس

گر ہی پڑے جو دیکھے ہے تنکا بھی گر کہیں

مایہ نہیں ہے کچھ فلک بے سپاس پاس

شیخ ان لبوں کے بوسے کو اس ریش سے نہ جھک

رکھتا ہے کون آتش سو زندہ گھاس پاس

تم نے تو قدر کی ہے متاع وفا کی خوب

بیچیں گے اب یہ جنس کسو دل شناس پاس

آلودہ کر نہ مستی سے جامے کو جسم کے

ہشیار رہ یہ عاریتی ہے لباس پاس

وحشی ہے میر ربط ہے اس سے خلاف عقل

بیٹھے سو جا کے کیا کوئی ایسے اداس پاس

میر تقی میر

رہتی ہے آرسی ہی دھری خودنما کے پاس

اکتوبر 6, 2015میر تقی میر،اساتذہ،غزلمیرزا،وفا،کشا،آشنا،خودنما،خدا،دواadmin

دیوان دوم غزل 823

عزت نہیں ہے دل کی کچھ اس دلربا کے پاس

رہتی ہے آرسی ہی دھری خودنما کے پاس

پہروں شبوں کو غم میں ترے جاگتے رہے

ہو آہنیں جگر سو کرے بے وفا کے پاس

راہ و روش رکھیں ہیں جدا دردمند عشق

زنہار یہ کھڑے نہیں ہوتے دوا کے پاس

کیا جانے قدر غنچۂ دل باغباں پسر

ہوتی گلابی ایسی کسو میرزا کے پاس

جو دیر سے حرم کو گئے سو وہیں موئے

آتا نہیں ہے جاکے کوئی پھر خدا کے پاس

کیا جانیے کہ کہتے ہیں کس کو یگانگی

بیگانے ہی سے ہم رہے اس آشنا کے پاس

میر اس دل گرفتہ کی یاں تو ملی نہ داد

عقدہ یہ لے کے جائوں گا مشکل کشا کے پاس

میر تقی میر

تو بھی ٹک آن کھڑا ہوجو گنہگار کے پاس

اکتوبر 6, 2015میر تقی میر،اساتذہ،غزلہشیار،یار،گنہگار،بیمار،بار،دلدار،دوچار،دیوار،دیدار،دار،دستار،رخسار،زنار،عیارadmin

دیوان دوم غزل 822

جب بٹھاویں مجھے جلاد جفاکار کے پاس

تو بھی ٹک آن کھڑا ہوجو گنہگار کے پاس

دردمندوں سے تمھیں دور پھرا کرتے ہو کچھ

پوچھنے ورنہ سبھی آتے ہیں بیمار کے پاس

چشم مست اپنی سے صحبت نہ رکھاکر اتندی

بیٹھیے بھی تو بھلا مردم ہشیار کے پاس

خندہ و چشمک و حرف و سخن زیرلبی

کہیے جو ایک دو افسون ہوں دلدار کے پاس

داغ ہونا نظر آتا ہے دلوں کا آخر

یہ جو اک خال پڑا ہے ترے رخسار کے پاس

خط نمودار ہوئے اور بھی دل ٹوٹ گئے

یہ بلا نکلی نئی زلف شکن دار کے پاس

در گلزار پہ جانے کے نصیب اپنے کہاں

یوں ہی مریے گا قفس کی کبھو دیوار کے پاس

کیا رکھا کرتے ہو آئینے سے صحبت ہر دم

ٹک کبھو بیٹھو کسی طالب دیدار کے پاس

دل کو یوں لیتے ہو کھٹکا نہیں ہونے پاتا

تربیت پائی ہے تم نے کسو عیار کے پاس

مورچہ جیسے لگے تنگ شکر کو آکر

خط نمودار ہے یوں لعل شکر بار کے پاس

جس طرح کفر بندھا ہے گلے اسلام کہاں

یوں تو تسبیح بھی ہم رکھتے ہیں زنار کے پاس

ہم نہ کہتے تھے نہ مل مغبچوں سے اے زاہد

ابھی تسبیح دھری تھی تری دستار کے پاس

نارسائی بھی نوشتے کی مرے دور کھنچی

اتنی مدت میں نہ پہنچا کوئی خط یار کے پاس

اختلاط ایک تمھیں میر ہی غم کش سے نہیں

جب نہ تب یوں تو نظر آتے ہو دوچار کے پاس

میر تقی میر

رہے خنجر ستم ہی کے گلو پاس

اکتوبر 6, 2015میر تقی میر،اساتذہ،غزلکبھو،کسو،گلو،تو،جو،رو،عدوadmin

دیوان دوم غزل 821

گئے جس دم سے ہم اس تندخو پاس

رہے خنجر ستم ہی کے گلو پاس

قیامت ہے نہ اے سرمایۂ جاں

نہ ہووے وقت مرنے کے بھی تو پاس

رلایا ہم نے پہروں رات اس کو

کہا یہ قصۂ غم جس کسو پاس

کہیں اک دور کی سی کچھ تھی نسبت

رکھا تھا آئینے کو اس کے رو پاس

دل اے چشم مروت کیوں نہ خوں ہو

تجھے ہم جب نہ تب دیکھیں عدو پاس

یہی گالی یہی جھڑکی یہی چھیڑ

نہ کچھ میرا کیا تونے کبھو پاس

چل اب اے میر بس اس سرو قد بن

بہت رویا چمن کی آب جو پاس

میر تقی میر

آئو کہیں کہ رہتے ہیں رفتہ تمام روز

اکتوبر 6, 2015میر تقی میر،اساتذہ،غزلکام،پیام،تمام،سلام،غلامadmin

دیوان دوم غزل 820

کب تک بھلا بتائوگے یوں صبح و شام روز

آئو کہیں کہ رہتے ہیں رفتہ تمام روز

وہ سرکشی سے گو متوجہ نہ ہو ادھر

ہم عاجزانہ کرتے ہیں اس کو سلام روز

گہ رنج کھینچنے کو کہے گہ ہلاک کو

پہنچے ہے ہم کو اس سے نیا اک پیام روز

منظور بندگی نہیں میری تو کیا کروں

حاضر ہے اپنی اور سے یوں تو غلام روز

برسوں ہوئے کہ رات کو ٹک بیٹھتے نہیں

رہتے ہیں تم کو میر جی کیا ایسے کام روز

میر تقی میر

کوچہ کوئی کوئی ہے چمن زار سا ہنوز

اکتوبر 6, 2015میر تقی میر،اساتذہ،غزلیار،گنہگار،بیمار،تار،دیوار،دار،زارadmin

دیوان دوم غزل 819

ہے میرے لوہو رونے کا آثار سا ہنوز

کوچہ کوئی کوئی ہے چمن زار سا ہنوز

کب تک کھنچے گی صبح قیامت کی شام کو

عرصے میں میں کھڑا ہوں گنہگار سا ہنوز

مدت ہوئی کہ خون جگر میں نہیں ولے

جاتا ہے آنسوئوں کا چلا تار سا ہنوز

سایہ سا آگیا تھا نظر اس کا ایک دن

مبہوت میں پھروں ہوں پری دار سا ہنوز

برسوں سے گل چمن میں نکلتے ہیں رنگ رنگ

نکلا نہیں ہے ایک رخ یار سا ہنوز

دیکھا تھا خانہ باغ میں پھرتے اسے کہیں

گل حیرتی ہے صورت دیوار سا ہنوز

مدت سے ترک عشق کیا میر نے ولے

زار و زبون و زرد ہے بیمار سا ہنوز

میر تقی میر

غنچہ ہے وہ لگی نہیں اس کو ہوا ہنوز

اکتوبر 6, 2015میر تقی میر،اساتذہ،غزلہوا،لگا،وفا،وا،کیا،گرا،انتہا،آشنا،جفا،دعاadmin

دیوان دوم غزل 818

اس شوخ سے سنا نہیں نام صبا ہنوز

غنچہ ہے وہ لگی نہیں اس کو ہوا ہنوز

عاشق کے اس کو گریۂ خونیں کا درد کیا

آنسو نہیں ہے آنکھ سے جس کی گرا ہنوز

کیا جانے وہ کہ گذرے ہے یاروں کے جی پہ کیا

مطلق کسو سے اس کا نہیں دل لگا ہنوز

برسوں میں نامہ بر سے مرا نام جو سنا

کہنے لگا کہ زندہ ہے وہ ننگ کیا ہنوز

گھگھیاتے رات کے تئیں باچھیں تو پھٹ گئیں

ناواقف قبول ہے لیکن دعا ہنوز

کیا کیا کرے ہے حجتیں قاصد سے لیتے خط

حالانکہ وہ ہوا نہیں حرف آشنا ہنوز

سو بار ایک دم میں گیا ڈوب ڈوب جی

پر بحر غم کی پائی نہ کچھ انتہا ہنوز

خط سے ہے بے وفائی حسن اس کی آئینہ

ہم سادگی سے رکھتے ہیں چشم وفا ہنوز

سو عقدے فرط شوق سے پیش آئے دل کو یاں

واں بند اس قبا کے نہیں ہوتے وا ہنوز

یاں میر ہم تو پہنچ گئے مرگ کے قریب

واں دلبروں کو ہے وہی قصد جفا ہنوز

میر تقی میر

لاگو ہو میرے جی کا اتنی ہی دوستی کر

اکتوبر 6, 2015میر تقی میر،اساتذہ،غزلکمی،کی،پی،آشتی،بدی،جی،دوستی،سہی،سی،ستمگریadmin

دیوان دوم غزل 817

اب تنگ ہوں بہت میں مت اور دشمنی کر

لاگو ہو میرے جی کا اتنی ہی دوستی کر

جب تک شگاف تھے کچھ اتنا نہ جی رکے تھا

پچھتائے ہم نہایت سینے کے چاک سی کر

قصہ نہیں سنا کیا یوسفؑ ہی کا جو تونے

اب بھائیوں سے چندے تو گرگ آشتی کر

ناسازی و خشونت جنگل ہی چاہتی ہے

شہروں میں ہم نہ دیکھا بالیدہ ہوتے کیکر

کچھ آج اشک خونیں میں نے نہیں چھپائے

رہ رہ گیا ہوں برسوں لوہو کو اپنے پی کر

کس مردنی کو اس بن بھاتی ہے زندگانی

بس جی چکا بہت میں اب کیا کروں گا جی کر

حرف غلط کو سن کر درپے نہ خوں کے ہونا

جو کچھ کیا ہے میں نے پہلے اسے سہی کر

دن رات کڑھتے کڑھتے میں بھی بہت رکا ہوں

جو تجھ سے ہوسکے سو اب تو بھی مت کمی کر

رہتی ہے سو نکوئی رہتا نہیں ہے کوئی

تو بھی جو یاں رہے تو زنہار مت بدی کر

تھی جب تلک جوانی رنج و تعب اٹھائے

اب کیا ہے میر جی میں ترک ستمگری کر

میر تقی میر

کہہ اے نسیم صبح گلستاں کی کیا خبر

اکتوبر 6, 2015میر تقی میر،اساتذہ،غزلگلستاں،پریشاں،بیاباں،سلیماں،عرفاںadmin

دیوان دوم غزل 816

مجھ کو قفس میں سنبل و ریحاں کی کیا خبر

کہہ اے نسیم صبح گلستاں کی کیا خبر

رہتا ہے ایک نشہ انھیں جن کو ہے شناخت

ہے زاہدوں کو مستی و عرفاں کی کیا خبر

ٹک پوچھتے جو آن نکلتا کوئی ادھر

اب بعد مرگ قیس بیاباں کی کیا خبر

برباد جائے یاں کوئی دولت تو کیا عجب

آئی ہے تم کو ملک سلیماں کی کیا خبر

آیا ہے ایک شہر غریباں سے تازہ تو

میر اس جوان حال پریشاں کی کیا خبر

میر تقی میر

آئو بھلا کبھو تو سو جائو زبان کر

اکتوبر 6, 2015میر تقی میر،اساتذہ،غزلمیان،چھان،نشان،ٹھان،امتحان،آن،تان،جان،زبان،سیان،سانadmin

دیوان دوم غزل 815

رہ جائوں چپ نہ کیونکے برا جی میں مان کر

آئو بھلا کبھو تو سو جائو زبان کر

کہتے ہیں چلتے وقت ملاقات ہے ضرور

جاتے ہیں ہم بھی جان سے ٹک دیکھو آن کر

کیا لطف تھا کہ میکدے کی پشت بام پر

سوتے تھے مست چادر مہتاب تان کر

آیا نہ چل کے یاں تئیں وہ باعث حیات

مارا ہے ان نے جان سے ہم کو تو جان کر

ایسے ہی تیز دست ہو خونریزی میں تو پھر

رکھوگے تیغ جور کی یک چند میان کر

یہ بے مروتی کہ نگہ کا مضائقہ

اتنا تو میری جان نہ مجھ سے سیان کر

رنگین گور کرنی شہیدوں کی رسم ہے

تو بھی ہماری خاک پہ خوں کے نشان کر

رکھنا تھا وقت قتل مرا امتیاز ہائے

سو خاک میں ملایا مجھے سب میں سان کر

تم تیغ جور کھینچ کے کیا سوچ میں گئے

مرنا ہی اپنا جی میں ہم آئے ہیں ٹھان کر

وے دن گئے کہ طاقت دل کا تھا اعتماد

اب یوں کھڑے کھڑے نہ مرا امتحان کر

اس گوہر مراد کو پایا نہ ہم نے میر

پایان کار مر گئے یوں خاک چھان کر

میر تقی میر

گئی کل ٹوٹ میرے پائوں کی زنجیر بھی آخر

اکتوبر 6, 2015میر تقی میر،اساتذہ،غزلمیر،تقصیر،تیر،تحریر،تصویر،دلگیر،زنجیرadmin

دیوان دوم غزل 814

جنوں میں اب کے کام آئی نہ کچھ تدبیر بھی آخر

گئی کل ٹوٹ میرے پائوں کی زنجیر بھی آخر

اگر ساکت ہیں ہم حیرت سے پر ہیں دیکھنے قابل

کہ اک عالم رکھے ہے عالم تصویر بھی آخر

یکایک یوں نہیں ہوتے ہیں پیارے جان کے لاگو

کبھو آدم ہی سے ہوجاتی ہے تقصیر بھی آخر

کلیجہ چھن گیا پر جان سختی کش بدن میں ہے

ہوئے اس شوخ کے ترکش کے سارے تیر بھی آخر

نہ دیکھی ایک واشد اپنے دل کی اس گلستاں میں

کھلے پائے ہزاروں غنچۂ دلگیر بھی آخر

سروکار آہ کب تک خامہ و کاغذ سے یوں رکھیے

رکھے ہے انتہا احوال کی تحریر بھی آخر

پھرے ہے بائولا سا پیچھے ان شہری غزالوں کے

بیاباں مرگ ہو گا اس چلن سے میر بھی آخر

میر تقی میر

تصدیع کھینچی ہم نے یہ کام اختیار کر

اکتوبر 6, 2015میر تقی میر،اساتذہ،غزلہار،قرار،مار،پکار،انتظار،اختیار،بہار،بار،دوچار،شکارadmin

دیوان دوم غزل 813

آخر دکھائی عشق نے چھاتی فگار کر

تصدیع کھینچی ہم نے یہ کام اختیار کر

اس باعث حیات سے کیا کیا ہیں خواہشیں

پر دم بخود ہی رہتے ہیں ہم جی کو مار کر

ٹک سامنے ہوا کہ نہ ایماں نہ دین و دل

کافر کو بھی نہ اس سے الٰہی دوچار کر

جا شوق پر نہ جا تن زار و نزار پر

اے ترک صید پیشہ ہمیں بھی شکار کر

وہ سخت باز دائو میں آتا نہیں ہے ہائے

کس طور جی کو ہم نہ لگا بیٹھیں ہار کر

ہم آپ سے گئے تو گئے پر بسان نقش

بیٹھا تو روز حشر تئیں انتظار کر

کن آنکھوں دیکھیں رنگ خزاں کے کہ باغ سے

گل سب چلے ہیں رخت سفر اپنا بار کر

جل تھل بھریں نہ جب تئیں دم تب تئیں نہ لیں

ہم اور ابر آج اٹھے ہیں قرار کر

اک صبح میری چھاتی کے داغوں کو دیکھ تو

یہ پھول گل بھی زور رہے ہیں بہار کر

مرتے ہیں میر سب پہ نہ اس بیکسی کے ساتھ

ماتم میں تیرے کوئی نہ رویا پکار کر

میر تقی میر

مگر اور تھے تب ہوئے ہو اب اور

اکتوبر 6, 2015میر تقی میر،اساتذہ،غزللب،کب،اب،تب،جب،سبadmin

دیوان دوم غزل 812

نئے طور سیکھے نکالے ڈھب اور

مگر اور تھے تب ہوئے ہو اب اور

ادا کچھ ہے انداز کچھ ناز کچھ

تہ دل ہے کچھ اور زیر لب اور

لب سرخ کو ٹک دکھاتے نہیں

طرح پان کھانے کی تھی کچھ جب اور

نہ گرمی نہ جوشش نہ اب وہ تپاک

تکلف نہیں اس میں تھے تم تب اور

زمانہ مرا کیونکے یکساں رہے

اٹھاویں گے تیرے ستم یہ کب اور

جدا اتفاقاً رہا ایک میر

وگرنہ ملے یوں تو اس سے سب اور

میر تقی میر

جی لگ رہا ہے خار و خس آشیاں کی اور

اکتوبر 6, 2015میر تقی میر،اساتذہ،غزلمکاں،ناتواں،آسماں،آشیاں،جہاں،جواں،جاں،دہاں،رواں،زباںadmin

دیوان دوم غزل 811

چمکی ہے جب سے برق سحر گلستاں کی اور

جی لگ رہا ہے خار و خس آشیاں کی اور

وہ کیا یہ دل لگے ہے فنا میں کہ رفتگاں

منھ کرکے بھی نہ سوئے کبھو پھر جہاں کی اور

رنگ سخن تو دیکھ کہ حیرت سے باغ میں

رہ جاتے ہیں گے دیکھ کے گل اس دہاں کی اور

آنکھیں سی کھل ہی جائیں گی جو مر گیا کوئی

دیکھا نہ کر غضب سے کسو خستہ جاں کی اور

کیا بے خبر ہے رفتن رنگین عمر سے

جوے چمن میں دیکھ ٹک آب رواں کی اور

یاں تاب سعی کس کو مگر جذب عشق کا

لاوے اسی کو کھینچ کسو ناتواں کی اور

یارب ہے کیا مزہ سخن تلخ یار میں

رہتے ہیں کان سب کے اسی بد زباں کی اور

یا دل وہ دیدنی تھی جگہ یا کہ تجھ بغیر

اب دیکھتا نہیں ہے کوئی اس مکاں کی اور

آیا کسے تکدر خاطر ہے زیرخاک

جاتا ہے اکثر اب تو غبار آسماں کی اور

کیا حال ہو گیا ہے ترے غم میں میر کا

دیکھا گیا نہ ہم سے تو ٹک اس جواں کی اور

میر تقی میر

کیا سر میں خاک ڈالتی ہے اب ہوا کچھ اور

اکتوبر 6, 2015میر تقی میر،اساتذہ،غزلہوا،مدعا،وفا،کہا،ادا،تھا،جفا،دوا،صفاadmin

دیوان دوم غزل 810

آئی ہے اس کے کوچے سے ہوکر صبا کچھ اور

کیا سر میں خاک ڈالتی ہے اب ہوا کچھ اور

تدبیر دوستوں کی مجھے نفع کیا کرے

بیماری اور کچھ ہے کریں ہیں دوا کچھ اور

مستان عشق و اہل خرابات میں ہے فرق

مے خوارگی کچھ اور ہے یہ نشہ تھا کچھ اور

کیا نسبت اس کی قامت دلکش سے سرو کو

انداز اس کا اور کچھ اس کی ادا کچھ اور

مانجا جو آرسی نے بہت آپ کو تو کیا

رخسار کے ہے سطح کی اس کے صفا کچھ اور

اس کی زیادہ گوئی سے دل داغ ہو گیا

شکوہ کیا جب اس سے تب ان نے کہا کچھ اور

اس طور سے تمھارے تو مرتے نہیں ہیں ہم

اب واسطے ہمارے نکالو جفا کچھ اور

صورت پرست ہوتے نہیں معنی آشنا

ہے عشق سے بتوں کے مرا مدعا کچھ اور

مرنے پہ جان دیتے ہیں وارفتگان عشق

ہے میر راہ و رسم دیار وفا کچھ اور

میر تقی میر

جاتی ہیں یوں ہی ناداں جانیں ترس ترس کر

اکتوبر 6, 2015میر تقی میر،اساتذہ،غزلہنس،کس،گھڑس،پھنس،برس،بس،ترس،جرس،درقفسadmin

دیوان دوم غزل 809

آ ہم نشیں کسو کے مت عشق کی ہوس کر

جاتی ہیں یوں ہی ناداں جانیں ترس ترس کر

فرصت سے اس چمن کی کل روکے میں جو پوچھا

چشمک کی ایک گل نے میری طرف کو ہنس کر

ہم موسے ناتواں تھے سو ہوچکے ہیں کب کے

نکلے ہو تم پیارے کس پر کمر کو کس کر

جی رک گیا کہیں تو پھر ہوئے گا اندھیرا

مت چھیڑ ابر مجھ کو یوں ہی برس برس کر

کیا ایک تنگ میں ہوں اس زلف پرشکن سے

اس دام میں موئے ہیں بہتیرے صید پھنس کر

اک جمع کے سر اوپر روز سیاہ لایا

پگڑی میں بال اپنے نکلا جو وہ گھڑس کر

اس قافلے میں کوئی دل آشنا نہیں ہے

ٹکڑے گلے کے اپنے ناحق نہ اے جرس کر

صیاد اگر اجازت گلگشت کی نہیں ٹک

دیوار باغ کو تو بارے درقفس کر

بے بس ہے میر تجھ بن رہتا نہیں دل اس کا

ٹک تو بھی اے ستم جو جور و ستم کو بس کر

میر تقی میر

بے لطفیاں کرو ہو یہ تس پر غضب ہے اور

اکتوبر 6, 2015میر تقی میر،اساتذہ،غزللب،ڈھب،اب،تب،سبب،شب،طلب،عجب،غضبadmin

دیوان دوم غزل 808

طاقت نہیں ہے جان میں کڑھنا تعب ہے اور

بے لطفیاں کرو ہو یہ تس پر غضب ہے اور

ہر چند چپ ہوں لیک مرا حال ہے عجب

احوال پرسی تو نہ کرے تو عجب ہے اور

آنکھ اس کی اس طرح سے نہیں پڑتی ٹک ادھر

اب خوب دیکھتے ہیں تو چتون کا ڈھب ہے اور

کیا کہیے حال دل کا جدائی کی رات میں

گذرے ہے کب کہانی کہے سے یہ شب ہے اور

دل لے چکے دکھا کے رخ خوب کو تبھی

اب منھ چھپا جو بیٹھے یہ حسن طلب ہے اور

اس دل لگے کے روگ کو نسبت مرض سے کیا

اپنا یہ جلتے رہنا ہے کچھ اور تب ہے اور

طور اگلے تیرے ملتے نہیں اس طرح سے ٹک

وہ اور کچھ تھا ہم سے تو پیارے یہ اب ہے اور

کیا بات تیری اے ہمہ عیاری و فریب

آنکھیں کہیں ہیں اور سخن زیر لب ہے اور

اسباب مرگ کے تو مہیا ہیں سارے میر

شاید کہ زندگانی کا اپنی سبب ہے اور

میر تقی میر

غمزے ہیں بلا ان کو نہ سنکار دیا کر

اکتوبر 6, 2015میر تقی میر،اساتذہ،غزلآزار،بار،تلوار،دیدار،سنکارadmin

دیوان دوم غزل 807

مت آنکھ ہمیں دیکھ کے یوں مار دیا کر

غمزے ہیں بلا ان کو نہ سنکار دیا کر

آئینے کی مشہور پریشاں نظری ہے

تو سادہ ہے ایسوں کو نہ دیدار دیا کر

سو بار کہا غیر سے صحبت نہیں اچھی

اس جیف کو مجلس میں نہ تو بار دیا کر

کیوں آنکھوں میں سرمے کا تو دنبالہ رکھے ہے

مت ہاتھ میں ان مستوں کے تلوار دیا کر

کچھ خوب نہیں اتنا ستانا بھی کسو کا

ہے میر فقیر اس کو نہ آزار دیا کر

میر تقی میر

اطفال شہر لائے ہیں آفت جہان پر

اکتوبر 6, 2015میر تقی میر،اساتذہ،غزلنشان،کمان،کان،گمان،آن،آسمان،جہان،جوان،زبان،سانadmin

دیوان دوم غزل 806

کیا کیا نہ لوگ کھیلتے جاتے ہیں جان پر

اطفال شہر لائے ہیں آفت جہان پر

کچھ ان دنوں اشارئہ ابرو ہیں تیزتیز

کیا تم نے پھر رکھی ہے یہ تلوار سان پر

تھوڑے میں دور کھینچے ہے کیا آدم آپ کو

اس مشت خاک کا ہے دماغ آسمان پر

کس پر تھے بے دماغ کہ ابرو بہت ہے خم

کچھ زور سا پڑا ہے کہیں اس کمان پر

کس رنگ راہ پاے نگاریں سے تو چلا

ہونے لگے ہیں خون قدم کے نشان پر

چرچا سا کر دیا ہے مرے شور عشق نے

مذکور اب بھی ہے یہ ہر اک کی زبان پر

پی پی کے اپنا لوہو رہیں گوکہ ہم ضعیف

جوں رینگتی نہیں ہے انھوں کے تو کان پر

یہ وہم ہے کہ اور کا ہے میرے تیں خیال

تو مار ڈالیو نہ مجھے اس گمان پر

کیفیتیں ہزار ہیں اس کام جاں کے بیچ

دیتے ہیں لوگ جان تو ایک ایک آن پر

دامن میں آج میر کے داغ شراب ہے

تھا اعتماد ہم کو بہت اس جوان پر

میر تقی میر

رکھے نہ تم نے کان ٹک اس داستان پر

اکتوبر 6, 2015میر تقی میر،اساتذہ،غزلمکان،نان،پان،امتحان،دکان،دان،داستان،زیان،زبان،سیانadmin

دیوان دوم غزل 805

آغشتہ خون دل سے سخن تھے زبان پر

رکھے نہ تم نے کان ٹک اس داستان پر

کچھ ہورہے گا عشق و ہوس میں بھی امتیاز

آیا ہے اب مزاج ترا امتحان پر

یہ دلبری کے فن و فریب اتنی عمر میں

جھنجھلاہٹ اب تو آوے ہے اس کے سیان پر

محتاج کر خدا نہ نکالے کہ جوں ہلال

تشہیر کون شہر میں ہو پارہ نان پر

دیکھا نہ ہم نے چھوٹ میں یاقوت کی کبھو

تھا جو سماں لبوں کے ترے رنگ پان پر

کیا رہروان راہ محبت ہیں طرفہ لوگ

اغماض کرتے جاتے ہیں جی کے زیان پر

پہنچا نہ اس کی داد کو مجلس میں کوئی رات

مارا بہت پتنگ نے سر شمع دان پر

یہ چشم شوق طرفہ جگہ ہے دکھائو کی

ٹھہرو بقدر یک مژہ تم اس مکان پر

بزاز کے کو دیکھ کے خرقے بہت پھٹے

بیٹھا وہ اس قماش سے آکر دکان پر

موزوں کرو کچھ اور بھی شاید کہ میر جی

رہ جائے کوئی بات کسو کی زبان پر

میر تقی میر

کہیو ہم صحرانوردوں کا تمامی حال زار

اکتوبر 6, 2015میر تقی میر،اساتذہ،غزلفگار،ہزار،قرار،ناگوار،نابکار،نثار،وقار،وار،یار،کار،پیار،افتخار،انار،انتظار،آشکار،استوار،اشتہار،اعتبار،بہار،بار،خاکسار،خارخار،دیار،داغدار،درکنار،روزگار،زار،شمار،شاخسار،شعار،عار،غبارadmin

دیوان دوم غزل 804

اے صبا گر شہر کے لوگوں میں ہو تیرا گذار

کہیو ہم صحرانوردوں کا تمامی حال زار

خاک دہلی سے جدا ہم کو کیا یک بارگی

آسماں کو تھی کدورت سو نکالا یوں غبار

منصب بلبل غزل خوانی تھا سو تو ہے اسیر

شاعری زاغ و زغن کا کیوں نہ ہووے اب شعار

طائر خوش زمزمہ کنج قفس میں ہے خموش

چہچہے چہیاں کریں ہیں صحن گلشن میں ہزار

برگ گل سے بھی کیا نہ ایک نے ٹک ہم کو یاد

نامہ و پیغام و پرسش بے مراتب درکنار

بے خلش کیونکر نہ ہو گرم سخن گلزار میں

میں قفس میں ہوں کہ میرا تھا دلوں میں خارخار

بلبل خوش لہجہ کے جائے پہ گو غوغائیاں

طرح غوغا کی چمن میں ڈالیں پر کیا اعتبار

طائران خوش لب و لہجہ نہیں رہتے چھپے

شور سے ان کے بھرے ہیں قریہ و شہر و دیار

شہر کے کیا ایک دو کوچوں میں تھی شہرت رہی

شہروں شہروں ملکوں ملکوں ہے انھوں کا اشتہار

کیا کہوں سوے چمن ہوتا جو میں سرگرم گشت

پھول گل جب کھلنے لگتے جوش زن ہوتی بہار

شور سن سن کر غزل خوانی کا میری ہم صفیر

غنچہ ہو آتے جو ہوتا آب و رنگ شاخسار

خوش نوائی کا جنھیں دعویٰ تھا رہ جاتے خموش

جن کو میں کرتا مخاطب ان کو ہوتا افتخار

بعضوں کو رشک قبول خاطر و لطف سخن

بعضوں کا سینہ فگار و بعضوں کا دل داغدار

ایکوں کے ہونٹوں کے اوپر آفریں استاد تھا

ایک کہتے تھے رسوخ دل ہے اپنا استوار

ربط کا دعویٰ تھا جن کو کہتے تھے مخلص ہیں ہم

جانتے ہیں ذات سامی ہی کو ہم سب خاکسار

نقل کرتے کیا یہ صحبت منعقد جب ہوتی بزم

بیٹھ کر کہتے تھے منھ پر میرے بعضے بعضے یار

بندگی ہے خدمت عالی میں ہم کو دیر سے

کر رکھی ہے جان اپنی ہم نے حضرت پر نثار

سو نہ خط ان کا نہ کوئی پرچہ پہنچا مجھ تلک

واہ وا ہے رابطہ رحمت ہے یہ اخلاص و پیار

رفتہ رفتہ ہو گئیں آنکھیں مری دونوں سفید

بسکہ نامے کا کیا یاروں کے میں نے انتظار

لکھتے گر دو حرف لطف آمیز بعد از چند روز

تو بھی ہوتا اس دل بے تاب و طاقت کو قرار

سو تو یک ننوشتہ کاغذ بھی نہ آیا میرے پاس

ان ہم آوازوں سے جن کا میں کیا ربط آشکار

خط کتابت سے یہ کہتے تھے نہ بھولیں گے تجھے

آویں گے گھر بار کی تیرے خبر کو بار بار

جب گیا میں یاد سے تب کس کا گھر کاہے کا پاس

آفریں صد آفریں اے مردمان روزگار

اب بیاباں در بیاباں ہے مرا شور و فغاں

گو چمن میں خوش کی تم نے میری جاے نالہ وار

ہے مثل مشہور یہ عمر سفر کوتاہ ہے

طالع برگشتہ بھی کرتے ہیں اب امداد کار

اک پر افشانی میں بھی ہے یہ وطن گلزار سا

سامعوں کی چھاتیاں نالوں سے ہوویں گی فگار

منھ پہ آویں گے سخن آلودئہ خون جگر

کیونکہ یاران زماں سے چاک ہے دل جوں انار

لب سے لے کر تا سخن ہیں خونچکاں شکوے بھرے

لیک ہے اظہار ہر ناکس سے اپنا ننگ و عار

چپ بھلی گو تلخ کامی کھینچنی اس میں پڑے

بیت بحثی طبع نازک پر ہے اپنی ناگوار

آج سے کچھ بے حسابی جور کن مردم نہیں

ان سے اہل دل سدا کھینچے ہیں رنج بے شمار

بس قلم رکھ ہاتھ سے جانے بھی دے یہ حرف میر

کاہ کے چاہے نہیں کہسار ہوتے بے وقار

کام کے جو لوگ صاحب فن ہیں سو محسود ہیں

بے تہی کرتے رہیں گے حاسدان نابکار

میر تقی میر

اب ہو گئے ہیں آخر بیمار تیری خاطر

اکتوبر 6, 2015میر تقی میر،اساتذہ،غزلہموار،ناچار،یار،بیمار،بار،بازار،تلوار،زنار،زردارadmin

دیوان دوم غزل 803

کیا کیا نہ ہم نے کھینچے آزار تیری خاطر

اب ہو گئے ہیں آخر بیمار تیری خاطر

غیروں کی بے دماغی بیتابی چھاتی داغی

یہ سب ستم اٹھائے اے یار تیری خاطر

کیا جانیے کہ ہے تو کیا جنس بیش قیمت

جاتے ہیں پگڑی جامے بازار تیری خاطر

اک بار تونے آکر خاطر نہ رکھی میری

میں جی سے اپنے گذرا سو بار تیری خاطر

میں کیا کہ آہ کافر دیں کے اکابروں نے

قشقے لگائے پہنے زنار تیری خاطر

گو دل دھسک ہی جاوے آنکھیں ابل ہی آویں

سب اونچ نیچ کی ہے ہموار تیری خاطر

ایک آن تیرے ابرو ایدھر جھکے نہ پائے

سو سو میں میں نے کھینچی تلوار تیری خاطر

کیا چیز ہے تو پیارے مفلس ہیں داغ تیرے

پیسے لیے پھرے ہیں زردار تیری خاطر

تجھ سے دوچار ہونا پھر آہ بن نہ آیا

دی جان میر جی نے ناچار تیری خاطر

میر تقی میر

لاتا ہے تازہ آفت تو ہر زماں زمیں پر

اکتوبر 6, 2015میر تقی میر،اساتذہ،غزلمہرباں،مکاں،ناتواں،نشاں،یاں،کہاں،آسماں،استخواں،جہاں،جاں،رواں،زماں،عیاںadmin

دیوان دوم غزل 802

رفتار میں یہ شوخی رحم اے جواں زمیں پر

لاتا ہے تازہ آفت تو ہر زماں زمیں پر

آنکھیں لگی رہیں گی برسوں وہیں سبھوں کی

ہو گا قدم کا تیرے جس جا نشاں زمیں پر

میں مشت خاک یارب بارگران غم تھا

کیا کہیے آ پڑا ہے اک آسماں زمیں پر

آنکھیں ہی بچھ رہی ہیں لوگوں کی تیری رہ میں

ٹک دیکھ کر قدم رکھ اے کام جاں زمیں پر

خاک سیہ سے یکساں ہر ایک ہے کہے تو

مارا اٹھا فلک نے سارا جہاں زمیں پر

چشمے کہیں ہیں جوشاں جوئیں کہیں ہیں جاری

جوں ابر ہم نہ روئے اس بن کہاں زمیں پر

آتا نہ تھا فرو سرجن کا کل آسماں سے

ہیں ٹھوکروں میں ان کے آج استخواں زمیں پر

جو کوئی یاں سے گذرا کیا آپ سے نہ گذرا

پانی رہا کب اتنا ہوکر رواں زمیں پر

پھر بھی اٹھالی سر پر تم نے زمیں سب آکر

کیا کیا ہوا تھا تم سے کچھ آگے یاں زمیں پر

کچھ بھی مناسبت ہے یاں عجز واں تکبر

وے آسمان پر ہیں میں ناتواں زمیں پر

پست و بلند یاں کا ہے اور ہی طرف سے

اپنی نظر نہیں ہے کچھ آسماں زمیں پر

قصر جناں تو ہم نے دیکھا نہیں جو کہیے

شاید نہ ہووے دل سا کوئی مکاں زمیں پر

یاں خاک سے انھوں کی لوگوں نے گھر بنائے

آثار ہیں جنھوں کے اب تک عیاں زمیں پر

کیا سر جھکا رہے ہو میر اس غزل کو سن کر

بارے نظر کرو ٹک اے مہرباں زمیں پر

میر تقی میر

سو پھر بگڑی پہلی ہی صحبت کے بعد

اکتوبر 6, 2015میر تقی میر،اساتذہ،غزلمنت،محنت،رخصت،ساعت،شکایت،شرارت،صحبتadmin

دیوان دوم غزل 801

بنی تھی کچھ اک اس سے مدت کے بعد

سو پھر بگڑی پہلی ہی صحبت کے بعد

جدائی کے حالات میں کیا کہوں

قیامت تھی ایک ایک ساعت کے بعد

موا کوہکن بے ستوں کھود کر

یہ راحت ہوئی ایسی محنت کے بعد

لگا آگ پانی کو دوڑے ہے تو

یہ گرمی تری اس شرارت کے بعد

کہے کو ہمارے کب ان نے سنا

کوئی بات مانی سو منت کے بعد

سخن کی نہ تکلیف ہم سے کرو

لہو ٹپکے ہے اب شکایت کے بعد

نظر میر نے کیسی حسرت سے کی

بہت روئے ہم اس کی رخصت کے بعد

میر تقی میر

بگڑے تھے کچھ سنور گئے شاید

اکتوبر 6, 2015میر تقی میر،اساتذہ،غزلمکر،مر،کر،گھر،پر،بکھر،بھر،خبر،سنورadmin

دیوان دوم غزل 800

لڑ کے پھر آئے ڈر گئے شاید

بگڑے تھے کچھ سنور گئے شاید

سب پریشاں دلی میں شب گذری

بال اس کے بکھر گئے شاید

کچھ خبر ہوتی تو نہ ہوتی خبر

صوفیاں بے خبر گئے شاید

ہیں مکان و سرا و جا خالی

یار سب کوچ کر گئے شاید

آنکھ آئینہ رو چھپاتے ہیں

دل کو لے کر مکر گئے شاید

لوہو آنکھوں میں اب نہیں آتا

زخم اب دل کے بھر گئے شاید

اب کہیں جنگلوں میں ملتے نہیں

حضرت خضر مر گئے شاید

بے کلی بھی قفس میں ہے دشوار

کام سے بال و پر گئے شاید

شور بازار سے نہیں اٹھتا

رات کو میر گھر گئے شاید

میر تقی میر

اڑا کیے مرے پرکالۂ جگر صیاد

اکتوبر 6, 2015میر تقی میر،اساتذہ،غزلمر،نظر،کدھر،کر،گھر،پر،جگر،در،سحرadmin

دیوان دوم غزل 799

اسیر کر کے نہ لی تو نے تو خبر صیاد

اڑا کیے مرے پرکالۂ جگر صیاد

پھریں گے لوٹتے صحن چمن میں بائو کے ساتھ

موئے گئے بھی مرے مشت بال و پر صیاد

رہے گی ایسی ہی گر بے کلی ہمیں اس سال

تو دیکھیو کہ رہے ہم قفس میں مر صیاد

چمن کی باؤ کے آتے خبر نہ اتنی رہی

کہ میں کدھر ہوں کدھر ہے قفس کدھر صیاد

شکستہ بالی کو چاہے تو ہم سے ضامن لے

شکار موسم گل میں ہمیں نہ کر صیاد

ہوا نہ وا درگلزار اپنے ڈھب سے کبھو

کھلا سو منھ پہ ہمارے قفس کا در صیاد

سنا ہے بھڑکی ہے اب کی بہت ہی آتش گل

چمن میں اپنے بھی ہیں خار و خس کے گھر صیاد

لگی بہت رہیں چاک قفس سے آنکھیں لیک

پڑا نہ اب کے کوئی پھول گل نظر صیاد

اسیر میر نہ ہوتے اگر زباں رہتی

ہوئی ہماری یہ خوش خوانی سحر صیاد

میر تقی میر

آوے گی بہت ہم بھی فقیروں کی صدا یاد

اکتوبر 6, 2015میر تقی میر،اساتذہ،غزلمزہ،کیا،ادا،جفا،خدا،دوا،رہا،صداadmin

دیوان دوم غزل 798

آواز ہماری سے نہ رک ہم ہیں دعا یاد

آوے گی بہت ہم بھی فقیروں کی صدا یاد

ہر آن وہ انداز ہے جس میں کہ کھپے جی

اس مخترع جور کو کیا کیا ہے ادا یاد

کیا صحبتیں اگلی گئیں خاطر سے ہماری

اپنی بھی وفا یاد ہے اس کی بھی جفا یاد

کیفیتیں عطار کے لونڈے میں بہت تھیں

اس نسخے کی کوئی نہ رہی حیف دوا یاد

کیا جائے کہی بوس لب یار کی لذت

جب تک جئیں گے ہم کو رہے گا وہ مزہ یاد

جی بھول گیا دیکھ کے چہرہ وہ کتابی

ہم عصر کے علامہ تھے پر کچھ نہ رہا یاد

سب غلطی رہی بازی طفلانہ کی یک سو

وہ یاد فراموش تھے ہم کو نہ کیا یاد

کعبے تو گئے بھول کے ہم دیر کا رستہ

آتا تھا ولے راہ میں ہر گام خدا یاد

اک لطف کے شرمندہ نہیں میر ہم اس سے

گو یاں سے گئے ان نے بہت ہم کو کیا یاد

میر تقی میر

چاک ہے دل انار کے مانند

اکتوبر 6, 2015میر تقی میر،اساتذہ،غزلفگار،ہار،قرار،یار،انار،آبدار،بہار،داغدار،شکار،شرار،غبارadmin

دیوان دوم غزل 797

تجھ بن اے نوبہار کے مانند

چاک ہے دل انار کے مانند

پہنچی شاید جگر تک آتش عشق

اشک ہیں سب شرار کے مانند

کو دماغ اس کی رہ سے اٹھنے کا

بیٹھے اب ہم غبار کے مانند

کوئی نکلے کلی تو لالے کی

اس دل داغدار کے مانند

سرو کو دیکھ غش کیا ہم نے

تھا چمن میں وہ یار کے مانند

ہار کر شب گلے پڑے اس کے

ہم بھی پھولوں کے ہار کے مانند

برق تڑپی بہت ولے نہ ہوئی

اس دل بے قرار کے مانند

ان نے کھینچی تھی صیدگہ میں تیغ

برق ابر بہار کے مانند

اس کے گھوڑے کے آگے سے نہ ٹلے

ہم بھی دبلے شکار کے مانند

زخم کھا بیٹھیو جگر پر مت

تو بھی مجھ دل فگار کے مانند

اس کی سرتیز ہر پلک ہے میر

خنجر آبدار کے مانند

میر تقی میر

آنکھوں میں یوں ہماری عالم سیاہ تا چند

اکتوبر 6, 2015میر تقی میر،اساتذہ،غزلنگاہ،کلاہ،آہ،اشتباہ،خواہ،راہ،سیاہadmin

دیوان دوم غزل 796

رہیے بغیر تیرے اے رشک ماہ تا چند

آنکھوں میں یوں ہماری عالم سیاہ تا چند

اب دیکھنے میں پیارے ٹک تو بڑھا عنایت

کوتاہ تر پلک سے ایدھر نگاہ تا چند

خط سے جو ہے گرفتہ وہ مہ نہیں نکلتا

مانند چشم اختر ہم دیکھیں راہ تا چند

عمر عزیز ساری منت ہی کرتے گذری

بے جرم آہ رہیے یوں عذر خواہ تا چند

یاں ناز و سرکشی سے کیا دیکھتا نہیں ہے

کج اس چمن میں ٹھہری گل کی کلاہ تا چند

جب مہ ادھر سے نکلا جانا وہ گھر سے نکلا

رکھتا ہے داغ دیکھیں یہ اشتباہ تا چند

ایذا بھی کھنچ چکے گر جو ہفتے عشرے کی ہو

اس طرح مرتے رہیے اے میر آہ تا چند

میر تقی میر

پہ تیرے دونوں لبوں کا بھی کیا ہی رنگ ہے شوخ

اکتوبر 6, 2015میر تقی میر،اساتذہ،غزلننگ،پتنگ،تنگ،ترنگ،جنگ،خدنگ،درنگ،رنگ،زیرسنگadmin

دیوان دوم غزل 795

اگرچہ لعل بدخشاں میں رنگ ڈھنگ ہے شوخ

پہ تیرے دونوں لبوں کا بھی کیا ہی رنگ ہے شوخ

کبھو تو نیو چلاکر ستم کھنچیں کب تک

کماں کے طور سے تو سخت خانہ جنگ ہے شوخ

سکھائیں کن نے تجھے آہ ایسی اچپلیاں

کہ برق پر تری شوخی سے کام تنگ ہے شوخ

بغیر بادہ تو یوں گرم آ کے کب ملتا

نشہ ہے زور تجھے اس کی یہ ترنگ ہے شوخ

جگر میں کس کے ترے ہاتھ سے نہیں سوراخ

ملک تلک تو ترا زخمی خدنگ ہے شوخ

صنم فراق میں میں تیرے کچھ تو کر رہتا

پہ کیا کروں کہ مرا ہاتھ زیرسنگ ہے شوخ

خیال چاہ کے سررشتے کا تجھے کب ہے

ترے تو ہاتھ میں شام و سحر پتنگ ہے شوخ

ابھی تو آنے میں عرصہ ہے کچھ قیامت کے

قد بلند کو کھینچ اپنے کیا درنگ ہے شوخ

برآر میر سے کس طرح تیری صحبت ہو

تجھے تو نام سے اس خستہ جاں کے ننگ ہے شوخ

میر تقی میر

بھر نہ آویں کیونکے آنکھیں میری پیمانے کی طرح

اکتوبر 6, 2015میر تقی میر،اساتذہ،غزللانے،ویرانے،کھانے،پیمانے،پانے،آنے،جھمکانے،جانے،دیوانے،سمجھانے،شانےadmin

دیوان دوم غزل 794

دور گردوں سے ہوئی کچھ اور میخانے کی طرح

بھر نہ آویں کیونکے آنکھیں میری پیمانے کی طرح

آنکلتا ہے کبھو ہنستا تو ہے باغ و بہار

اس کی آمد میں ہے ساری فصل گل آنے کی طرح

چشمک انجم میں اتنی دلکشی آگے نہ تھی

سیکھ لی تاروں نے اس کی آنکھ جھمکانے کی طرح

ہم گرفتاروں سے وحشت ہی کرے ہے وہ غزال

کوئی تو بتلائو اس کے دام میں لانے کی طرح

ایک دن دیکھا جو ان نے بید کو تو کہہ اٹھا

اس شجر میں کتنی ہے اس میرے دیوانے کی طرح

آج کچھ شہر وفا کی کیا خرابی ہے نئی

عشق نے مدت سے یاں ڈالی ہے ویرانے کی طرح

پیچ سا کچھ ہے کہ زلف و خط سے ایسا ہے بنائو

ہے دل صد چاک میں بھی ورنہ سب شانے کی طرح

کس طرح جی سے گذر جاتے ہیں آنکھیں موند کر

دیدنی ہے دردمندوں کے بھی مر جانے کی طرح

ہے اگر ذوق وصال اس کا تو جی کھو بیٹھیے

ڈھونڈ کر اک کاڑھیئے اب اس کے بھی پانے کی طرح

یوں بھی سر چڑھتا ہے اے ناصح کوئی مجھ سے کہ ہائے

ایسے دیوانے کو سمجھاتے ہیں سمجھانے کی طرح

جان کا صرفہ نہیں ہے کچھ تجھے کڑھنے میں میر

غم کوئی کھاتا ہے میری جان غم کھانے کی طرح

میر تقی میر

ہر گام پر تلف ہوئے آب رواں کی طرح

اکتوبر 6, 2015میر تقی میر،اساتذہ،غزلفغاں،مکاں،کہاں،آشیاں،جواں،جاں،خواں،دہاں،رواں،زباںadmin

دیوان دوم غزل 793

آنے کی اپنے کیا کہیں اس گلستاں کی طرح

ہر گام پر تلف ہوئے آب رواں کی طرح

کیا میں ہی چھیڑ چھیڑ کے کھاتا ہوں گالیاں

اچھی لگے ہے سب کو مرے بد زباں کی طرح

آگے تو بے طرح نہ کبھو کہتے تھے ہمیں

اب تازہ یہ نکالی ہے تم نے کہاں کی طرح

یہ شور دل خراش کب اٹھتا تھا باغ میں

سیکھے ہے عندلیب بھی ہم سے فغاں کی طرح

کرتے تو ہو ستم پہ نہیں رہنے کے حواس

کچھ اور ہو گئی جو کسو خستہ جاں کی طرح

نقشہ الٰہی دل کا مرے کون لے گیا

کہتے ہیں ساری عرش میں ہے اس مکاں کی طرح

مرغ چمن نے زور رلایا سبھوں کے تیں

میری غزل پڑھی تھی شب اک روضہ خواں کی طرح

لگ کر گلے سے اس کے بہت میں بکا کیا

ملتی تھی سرو باغ میں کچھ اس جواں کی طرح

جو کچھ نہیں تو بجلی سے ہی پھول پڑ گیا

ڈالی چمن میں ہم نے اگر آشیاں کی طرح

یہ باتیں رنگ رنگ ہماری ہیں ورنہ میر

آجاتی ہے کلی میں کبھو اس دہاں کی طرح

میر تقی میر

جی لیے ان نے ہزاروں کے یوں ہی پیار کے بیچ

اکتوبر 6, 2015میر تقی میر،اساتذہ،غزلہار،مار،گلزار،گرفتار،پیار،اقرار،تلوار،رفتار،رخسار،زنار،سزاوارadmin

دیوان دوم غزل 792

آتی ہے خون کی بو دوستی یار کے بیچ

جی لیے ان نے ہزاروں کے یوں ہی پیار کے بیچ

حیف وہ کشتہ کہ سو رنج سے آوے تجھ تک

اور رہ جائے تری ایک ہی تلوار کے بیچ

گرچہ چھپتی نہیں ہے چاہ پہ رہ منکر پاک

جی ہی دینا پڑے ہے عشق کے اقرار کے بیچ

نالہ شب آوے قفس سے تو گل اب اس پہ نہ جا

یہی ہنکار سی ہے مرغ گرفتار کے بیچ

انس کرتا تو ہے وہ مجھ کو خردباختہ جان

جیت میں اپنی نکالی ہے اسی ہار کے بیچ

چال کیا کبک کی اک بات چلی آتی ہے

لطف نکلے ہیں ہزاروں تری رفتار کے بیچ

تو جو جاتا ہے چمن میں تو تماشے کے لیے

موسم رفتہ بھی پھر آوے ہے گلزار کے بیچ

داغ چیچک نہ اس افراط سے تھے مکھڑے پر

کن نے گاڑی ہیں نگاہیں ترے رخسار کے بیچ

گھٹّے شمشیرزنی سے کف نازک میں ہیں

یہ جگرداری تھی کس خوں کے سزاوار کے بیچ

توبہ صد بار کہ مستی میں پرو ڈالے ہیں

دانے تسبیح کے میں رشتۂ زنار کے بیچ

حلقۂ گیسوے خوباں پہ نہ کر چشم سیاہ

میر امرت نہیں ہوتا دہن مار کے بیچ

میر تقی میر

دیر لیکن ہے قیامت ابھی دیدار کے بیچ

اکتوبر 6, 2015میر تقی میر،اساتذہ،غزلگفتار،آزار،اظہار،بیمار،بازار،خار،دیدار،دستار،سرکارadmin

دیوان دوم غزل 791

جھوٹ ہر چند نہیں یار کی گفتار کے بیچ

دیر لیکن ہے قیامت ابھی دیدار کے بیچ

کس کی خوبی کے طلبگار ہیں عزت طلباں

خرقے بکنے کو چلے آتے ہیں بازار کے بیچ

خضر و عیسیٰ کے تئیں نام کو جیتا سن لو

جان ہے ورنہ کب اس کے کسو بیمار کے بیچ

اگلے کیا پیچ تمھارے نہ تھے بس عاشق کو

بال جو اور گھر سنے لگے دستار کے بیچ

عشق ہے جس کو ترا اس سے تو رکھ دل کو جمع

زندگی کی نہیں امید اس آزار کے بیچ

ہم بھی اب ترک وفا ہی کریں گے کیا کریے

جنس یہ کھپتی نہیں آپ کی سرکار کے بیچ

دیدنی دشت جنوں ہے کہ پھپھولے پا کے

میں نے موتی سے پرو رکھے ہیں ہر خار کے بیچ

پردہ اٹھتا ہے تو پھر جان پر آ بنتی ہے

خوبی عاشق کی نہیں عشق کے اظہار کے بیچ

اس زمیں میں غزل اک اور بھی موزوں کر میر

پاتے ہیں زور ہی لذت تری گفتار کے بیچ

میر تقی میر

تم بھی تو دیکھو زلف شکن در شکن کے بیچ

اکتوبر 6, 2015میر تقی میر،اساتذہ،غزلمن،چمن،نسترن،وطن،کفن،پیرہن،بدن،دہن،دکھن،سخن،شکنadmin

دیوان دوم غزل 790

دل کھو گیا ہوں میں یہیں دیوانہ پن کے بیچ

تم بھی تو دیکھو زلف شکن در شکن کے بیچ

کیا جانے دل میں چائو تھے کیا کیا دم وصال

مہجور اس کا تھا ہمہ حسرت کفن کے بیچ

کنعاں سے جا کے مصر میں یوسفؑ ہوا عزیز

عزت کسو کی ہوتی نہیں ہے وطن کے بیچ

سن اے جنوں کہ مجھ میں نہیں کچھ سواے دم

تار ایک رہ گیا ہے یہی پیرہن کے بیچ

سرسبز ہند ہی میں نہیں کچھ یہ ریختہ

ہے دھوم میرے شعر کی سارے دکھن کے بیچ

ستھرائی اور نازکی گلبرگ کی درست

پر ویسی بو کہاں کہ جو ہے اس بدن کے بیچ

بلبل خموش و لالہ و گل دونوں سرخ و زرد

شمشاد محو بے کلی اک نسترن کے بیچ

کل ہم بھی سیر باغ میں تھے ساتھ یار کے

دیکھا تو اور رنگ ہے سارے چمن کے بیچ

یا ساتھ غیر کے ہے تمھیں ویسی بات چیت

سو سو طرح کے لطف ہیں اک اک سخن کے بیچ

یا پاس میرے لگتی ہے چپ ایسی آن کر

گویا زباں نہیں ہے تمھاری دہن کے بیچ

فرہاد و قیس و میر یہ آوارگان عشق

یوں ہی گئے ہیں سب کی رہی من کی من کے بیچ

میر تقی میر

پاے جاں درمیاں ہے یاں ٹک سوچ

اکتوبر 6, 2015میر تقی میر،اساتذہ،غزلمہرباں،نہاں،یاں،کہاں،جہاں،جواں،زباںadmin

دیوان دوم غزل 789

عشق میں اے طبیب ہاں ٹک سوچ

پاے جاں درمیاں ہے یاں ٹک سوچ

بے تامل اداے کیں مت کر

قتل میں میرے مہرباں ٹک سوچ

سرسری مت جہاں سے جا غافل

پائوں تیرا پڑے جہاں ٹک سوچ

پھیل اتنا پڑا ہے کیوں یاں تو

یار اگلے گئے کہاں ٹک سوچ

ہونٹ اپنا ہلا نہ سمجھے بن

یعنی جب کھولے تو زباں ٹک سوچ

گل و رنگ و بہار پردے ہیں

ہر عیاں میں ہے وہ نہاں ٹک سوچ

فائدہ سر جھکے کا شیب میں میر

پیری سے آگے اے جواں ٹک سوچ

میر تقی میر

صبح کی بائو نے کیا پھونک دیا کان کے بیچ

اکتوبر 6, 2015میر تقی میر،اساتذہ،غزلمسلمان،کان،پان،انسان،ایمان،بیابان،جان،حیران،دیوان،دربانadmin

دیوان دوم غزل 788

آگ سا تو جو ہوا اے گل تر آن کے بیچ

صبح کی بائو نے کیا پھونک دیا کان کے بیچ

ہم نہ کہتے تھے کہیں زلف کہیں رخ نہ دکھا

اک خلاف آیا نہ ہندو و مسلمان کے بیچ

باوجود ملکیت نہ ملک میں پایا

وہ تقدس کہ جو ہے حضرت انسان کے بیچ

پاسباں سے ترے کیا دور جو ہو ساز رقیب

ہے نہ اک طرح کی نسبت سگ و دربان کے بیچ

جیسی عزت مری دیواں میں امیروں کے ہوئی

ویسی ہی ان کی بھی ہو گی مرے دیوان کے بیچ

ساتھ ہے اس سر عریاں کے یہ وحشت کرنا

پگڑی الجھی ہے مری اب تو بیابان کے بیچ

وے پھری پلکیں اگر کھب گئیں جی میں تو وہیں

رخنے پڑ جائیں گے واعظ ترے ایمان کے بیچ

کیا کہوں خوبی خط دیکھ ہوئی بند آواز

سرمہ گویا کہ دیا ان نے مجھے پان کے بیچ

گھر میں آئینے کے کب تک تمھیں نازاں دیکھوں

کبھو تو آئو مرے دیدئہ حیران کے بیچ

میرزائی کا کب اے میر چلا عشق میں کام

کچھ تعب کھینچنے کو تاب تو ہو جان کے بیچ

میر تقی میر

جلے کو اور تو اتنا جلا مت

اکتوبر 6, 2015میر تقی میر،اساتذہ،غزلہَلا،گلا،جلا،سلا،علاadmin

دیوان دوم غزل 787

ملامت گر نہ مجھ کو کر ملامت

جلے کو اور تو اتنا جلا مت

گلے مل عید قرباں کو سبھوں کے

ہمارا آہ تم کاٹو گلا مت

تری ناآشنائی کے ہیں بندے

نہ وہ اب ربط نے صاحب سلامت

بہت رونے نے رسوا کر دکھایا

نہ چاہت کی چھپی ہم سے علامت

کبھو تلوار وہ کھینچے ہے اے میر

لڑی قسمت تو سر کو ٹک ہَلا مت

میر تقی میر

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: