زمرہ جات کے محفوظات: غزل

ہو مختلط جو ان سے تو ایمان کیا رہے

اکتوبر 7, 2015میر تقی میر،اساتذہ،غزلمہمان،پہچان،ایمان،ارمان،جان،حیران،سامانadmin

دیوان ششم غزل 1886

کافر بتوں سے مل کے مسلمان کیا رہے

ہو مختلط جو ان سے تو ایمان کیا رہے

شمشیر اس کی حصہ برابر کرے ہے دو

ایسی لگی ہے ایک تو ارمان کیا رہے

ہے سر کے ساتھ مال و منال آدمی کا سب

جاتا رہے جو سر ہی تو سامان کیا رہے

ویرانی بدن سے مرا جی بھی ہے اداس

منزل خراب ہووے تو مہمان کیا رہے

اہل چمن میں میں نے نہ جانا کسو کے تیں

مدت میں ہو ملاپ تو پہچان کیا رہے

حال خراب جسم ہے جی جانے کی دلیل

جب تن میں حال کچھ نہ رہے جان کیا رہے

جب سے جہاں ہے تب سے خرابی یہی ہے میر

تم دیکھ کر زمانے کو حیران کیا رہے

میر تقی میر

نکلے نہ ناامیدی کیونکر مری نظر سے

اکتوبر 7, 2015میر تقی میر،اساتذہ،غزلنظر،گھر،پر،بر،تر،ثمر،جگر،خبر،رہگذر،سفر،سرadmin

دیوان ششم غزل 1885

لاکھوں فلک کی آنکھیں سب مند گئیں ادھر سے

نکلے نہ ناامیدی کیونکر مری نظر سے

برسے ہے عشق یاں تو دیوار اور در سے

روتا گیا ہے ہر اک جوں ابر میرے گھر سے

جو لوگ چلتے پھرتے یاں چھوڑ کر گئے تھے

دیکھا نہ ان کو اب کے آئے جو ہم سفر سے

قاصد کسو نے مارا خط راہ میں سے پایا

جب سے سنا ہے ہم نے وحشت ہے اس خبر سے

سو بار ہم تو تم بن گھر چھوڑ چھوڑ نکلے

تم ایک بار یاں تک آئے نہ اپنے گھر سے

چھاتی کے جلنے سے ہی شاید کہ آگ سلگی

اٹھنے لگا دھواں اب میرے دل و جگر سے

نکلا سو سب جلا ہے نومید ہی چلا ہے

اپنا نہال خواہش برگ و گل و ثمر سے

جھڑ باندھنے کا ہم بھی دیں گے دکھا تماشا

ٹک ابر قبلہ آکر آگے ہمارے برسے

سو نامہ بر کبوتر کر ذبح ان نے کھائے

خط چاک اڑے پھریں ہیں اس کی گلی میں پر سے

آخر گرسنہ چشم نظارہ ہو گئے ہم

ٹک دیکھنے کو اس کے برسوں مہینوں ترسے

اپنا وصول مطلب اور ہی کسی سے ہو گا

منزل پہنچ رہیں گے ہم ایسے رہگذر سے

سر دے دے مارتے ہیں ہجراں میں میر صاحب

یارب چھڑا تو ان کو چاہت کے درد سر سے

میر تقی میر

سو کوئی دن جو ہے تو پھر سالہا نہیں ہے

اکتوبر 7, 2015میر تقی میر،اساتذہ،غزللگا،مزہ،نوا،کہا،آشنا،حیا،دوا،رہا،سالہاadmin

دیوان ششم غزل 1884

بے لطف یار ہم کو کچھ آسرا نہیں ہے

سو کوئی دن جو ہے تو پھر سالہا نہیں ہے

سن عشق جو اطبا کرتے ہیں چشم پوشی

جانکاہ اس مرض کی شاید دوا نہیں ہے

جس آنکھ سے دیا تھا ان نے فریب دل کو

اس آنکھ کو جو دیکھا اب آشنا نہیں ہے

جب دیکھو آئینے کو تب روبرو ہے اس کے

بے چشم و رو اسے کچھ شرم و حیا نہیں ہے

میں برگ بند اگرچہ زیر شجر رہا ہوں

فقر مکب سے لیکن برگ و نوا نہیں ہے

شیریں نمک لبوں بن اس کے نہیں حلاوت

اس تلخ زندگی میں اب کچھ مزہ نہیں ہے

اعضا گداز ہوکر سب بہ گئے ہیں میرے

ہجراں میں اس کے مجھ میں اب کچھ رہا نہیں ہے

سن سانحات عشقی ہنس کیوں نہ دو پیارے

کیا جانو تم کسو سے دل ٹک لگا نہیں ہے

دل خوں جگر کے ٹکڑے جب میر دیکھتا ہوں

اب تک زباں سے اپنی میں کچھ کہا نہیں ہے

میر تقی میر

کہ دیکھا جب تجھے تب جی کو مار مار رہے

اکتوبر 7, 2015میر تقی میر،اساتذہ،غزلقرار،مار،یادگار،یار،پکار،انتظار،اختیار،بہار،خار،غبارadmin

دیوان ششم غزل 1883

کہو تو کب تئیں یوں ساتھ تیرے پیار رہے

کہ دیکھا جب تجھے تب جی کو مار مار رہے

ادا و ناز سے دل لے چلا تو ہنس کے کہا

کہ میرے پاس تمھارا بھی یادگار رہے

ہم آپ سے جو گئے ہیں گئے ہیں مدت کے

الٰہی اپنا ہمیں کب تک انتظار رہے

ہوس اسیروں کے ٹک دل کی نکلے کچھ شاید

کوئی دن اور اگر موسم بہار رہے

اٹھا جو باغ سے میں بے دماغ تو نہ پھرا

ہزار مرغ گلستاں مجھے پکار رہے

لیا تو جاوے بھلا نام منھ سے یاری کا

جو ہم ستم زدوں سے یار کچھ بھی یار رہے

وصال ہجر ٹھہر جاوے کچھ نہ کچھ آخر

جو بیقرار مرے دل کو بھی قرار رہے

کریں گے چھاتی کو گلزار ہم جلاکر داغ

جو گل کے سینے میں ایسا ہی خار خار رہے

تکوں ہوں ایک سا میں گرد راہ کو اس کی

نہ کیونکے دونوں مری آنکھوں میں غبار رہے

نہ کریے گریۂ بے اختیار ہرگز میر

جو عشق کرنے میں دل پر کچھ اختیار رہے

میر تقی میر

تب آناً فآناً سماں اور ہے

اکتوبر 7, 2015میر تقی میر،اساتذہ،غزلمہرباں،جہاں،زماں،زباں،سماںadmin

دیوان ششم غزل 1882

زمیں اور ہے آسماں اور ہے

تب آناً فآناً سماں اور ہے

نہ وے لوگ ہیں اب نہ اجماع وہ

جہاں وہ نہیں یہ جہاں اور ہے

نہ ان لوگوں کی بات سمجھی گئی

یہ خلق اور ان کی زباں اور ہے

تجھے گو کہ صد رنگ ہو مجھ سے کیں

مری اور اک مہرباں اور ہے

ہوا رنگ بدلے ہے ہر آن میر

زمین و زماں ہر زماں اور ہے

میر تقی میر

وصل کی رات میں لڑائی کی

اکتوبر 7, 2015میر تقی میر،اساتذہ،غزلہنسائی،لڑائی،نوائی،وفائی،پارسائی،آزمائی،آشنائی،جدائی،خدائی،دلربائی،رہگرائی،رہائی،سائی،شفائیadmin

دیوان ششم غزل 1881

یار نے ہم سے بے ادائی کی

وصل کی رات میں لڑائی کی

بال و پر بھی گئے بہار کے ساتھ

اب توقع نہیں رہائی کی

کلفت رنج عشق کم نہ ہوئی

میں دوا کی بہت شفائی کی

طرفہ رفتار کے ہیں رفتہ سب

دھوم ہے اس کی رہگرائی کی

خندئہ یار سے طرف ہوکر

برق نے اپنی جگ ہنسائی کی

کچھ مروت نہ تھی ان آنکھوں میں

دیکھ کر کیا یہ آشنائی کی

وصل کے دن کو کار جاں نہ کھنچا

شب نہ آخر ہوئی جدائی کی

منھ لگایا نہ دختر رز کو

میں جوانی میں پارسائی کی

جور اس سنگ دل کے سب نہ کھنچے

عمر نے سخت بے وفائی کی

کوہکن کیا پہاڑ توڑے گا

عشق نے زور آزمائی کی

چپکے اس کی گلی میں پھرتے رہے

دیر واں ہم نے بے نوائی کی

اک نگہ میں ہزار جی مارے

ساحری کی کہ دلربائی کی

نسبت اس آستاں سے کچھ نہ ہوئی

برسوں تک ہم نے جبہہ سائی کی

میر کی بندگی میں جانبازی

سیر سی ہو گئی خدائی کی

میر تقی میر

جان امیدوار سے شرمندگی ہوئی

اکتوبر 7, 2015میر تقی میر،اساتذہ،غزلفریبندگی،پراگندگی،افگندگی،بندگی،شرمندگیadmin

دیوان ششم غزل 1880

دل غم سے خوں ہوا تو بس اب زندگی ہوئی

جان امیدوار سے شرمندگی ہوئی

خدمت میں اس صنم کے گئی عمر پر ہمیں

گویا کہ روز اس سے نئی بندگی ہوئی

گریے کا میرے جوش جو دیکھا تو شرم سے

سیلاب کو بھی دیر سر افگندگی ہوئی

تھا دو دلا وصال میں بھی میں کہ ہجر میں

پانچوں حواس کی تو پراگندگی ہوئی

اب صبر میر ہو نہیں سکتا فراق میں

یک عمر جان و دل کی فریبندگی ہوئی

میر تقی میر

سو نہ یاں شمشیر نے زنجیر ہے

اکتوبر 7, 2015میر تقی میر،اساتذہ،غزلگیر،پیر،تقریر،تقصیر،تیر،تکفیر،تاثیر،تاخیر،تحریر،تشہیر،تصویر،تعمیر،زنجیرadmin

دیوان ششم غزل 1879

جو جنون و عشق کی تدبیر ہے

سو نہ یاں شمشیر نے زنجیر ہے

وصف اس کا باغ میں کرنا نہ تھا

گل ہمارا اب گریباں گیر ہے

دیکھ رہتا ہے جو دیکھے ہے اسے

دلربا آئینہ رو تصویر ہے

پاے گیر اس کے نہ ہوں کیوں درد مند

حلقہ حلقہ زلف وہ زنجیر ہے

صید کے تن پر ہیں سب گلہاے زخم

کس قدر خوش کار اس کا تیر ہے

مدت ہجراں نے کی نے کچھ کمی

میرے طول عمر کی تقصیر ہے

خط نہ لکھتے تھے سو تاب دل گئی

دفتروں کی اکثر اب تحریر ہے

رکھ نظر میں بھی خراب آبادیاں

اے کہ تجھ کو کچھ غم تعمیر ہے

سخت کافر ہیں برہمن زادگاں

مسلموں کی ان کے ہاں تکفیر ہے

گفتگو میں رہتے تھے آگے خموش

ہر سخن کی اب مرے تقریر ہے

نظم محسنؔ کی رہی سرمشق دیر

اس مرے بھی شعر میں تاثیر ہے

مر گئے پر بھی نہ رسوائی گئی

شہر میں اب نعش بھی تشہیر ہے

کیا ستم ہے یہ کہ ہوتے تیغ و طشت

ذبح کرنے میں مرے تاخیر ہے

میر کو ہے کیا جوانی میں صلاح

اب تو سارے میکدے کا پیر ہے

میر تقی میر

سفک دم میں میرے اب کیا دیر ہے

اکتوبر 7, 2015میر تقی میر،اساتذہ،غزلڈھیر،گھیر،پھیر،اندھیر،اوسیر،دیر،زیر،سیر،شیرadmin

دیوان ششم غزل 1878

میں ہوں تو ہے درمیاں شمشیر ہے

سفک دم میں میرے اب کیا دیر ہے

خضر دشت عشق میں مت جا کہ واں

ہر قدم مخدوم خوف شیر ہے

راہ تک تک کر ہوئے ہیں جاں بہ لب

پر وہی اب تک بھی یاں اوسیر ہے

جو گرسنہ دل تھا اس دیدار کا

اپنے جینے ہی سے وہ اب سیر ہے

کچھ نہیں جاں ان کے پیش تار مو

گھر میں شمعی رنگوں کے اندھیر ہے

پاک ہی ہوتی رہی کشتی خلق

ہر زبردست اس جواں کا زیر ہے

طائروں نے گل فشاں کی میری گور

سامنے پھولوں کا گویا ڈھیر ہے

آشنا ڈوبے بہت اس دور میں

گرچہ جامہ یار کا کم گھیر ہے

آنچل اس دامن کا ہاتھ آتا نہیں

میر دریا کا سا اس کا پھیر ہے

میر تقی میر

کیا محبت نے دشمنی کی ہے

اکتوبر 7, 2015میر تقی میر،اساتذہ،غزلفنی،افگنی،ارمنی،دنی،دشمنی،رہزنی،غنیadmin

دیوان ششم غزل 1877

عشق میں ہم نے جاں کنی کی ہے

کیا محبت نے دشمنی کی ہے

کیسی سرخ و سفید نکلی تھی

مے مگر دختر ارمنی کی ہے

بید سا کیوں نہ سوکھ جائوں میں

دیر مجنوں سے ہم فنی کی ہے

اس پریشان کو نشانہ کر

یار نے جمع افگنی کی ہے

کر دیا خاک آسماں نے ہمیں

یہ بھی ہمت اسی دنی کی ہے

تکیہ ویراں فقیر کا بھی ہو

یاں خرابی بہت غنی کی ہے

قافلہ لٹ گیا جو آنسو کا

عشق نے میر رہزنی کی ہے

میر تقی میر

جوں توں اپنا کیا نباہا ہے

اکتوبر 7, 2015میر تقی میر،اساتذہ،غزلنباہا،کراہا،شاہاadmin

دیوان ششم غزل 1876

کچھ نہ کی ان نے جس کو چاہا ہے

جوں توں اپنا کیا نباہا ہے

سدھ خبر اپنے غمزدے کی لے

صبح تک رات کو کراہا ہے

یاعلیؓ ہے گا میر پیر فقیر

اب سزاوار لطف شاہا ہے

میر تقی میر

سب یہیں رہ گئے کہاں سے گئے

اکتوبر 7, 2015میر تقی میر،اساتذہ،غزلکہاں،جہاں،جاں،خانماں،سانadmin

دیوان ششم غزل 1875

کہتے ہیں مرنے والے یاں سے گئے

سب یہیں رہ گئے کہاں سے گئے

دم میں دم جب تلک تھا سوچ رہا

سانس کے ساتھ سارے سانسے گئے

آنکھ کھلتے ہی گھر گئے وے تو

ہم ستم دیدہ خانماں سے گئے

واں گئے کرتے وے خرام ناز

یاں جواں کیسے کیسے جاں سے گئے

اس گلی سے جو اٹھ گئے بے صبر

میر گویا کہ وے جہاں سے گئے

میر تقی میر

کیا شوخ طبع ہے وہ پرکار سادہ سادہ

اکتوبر 7, 2015میر تقی میر،اساتذہ،غزلفتادہ،ندادہ،کشادہ،پیادہ،پیرزادہ،ارادہ،بادہ،خانوادہ،زیادہ،سادہadmin

دیوان ششم غزل 1874

مکتوب دیر پہنچا پر دو طرف سے سادہ

کیا شوخ طبع ہے وہ پرکار سادہ سادہ

جب میکدے گئے ہیں پابوس ہی کیا ہے

ہے مغبچہ ہمارا گویا کہ پیرزادہ

سائے میں تاک کے ہم خوش بیٹھے ہیں اب اپنا

اس سلسلے میں بیعت کرنے کا ہے ارادہ

دل اس قدر نہ رکتا گھبراتا جی نہ اپنا

چھاتی لگا جو رہتا وہ سینۂ کشادہ

شیشہ کنار جو ہے پنبہ دہان و رعنا

میناے مے چمن میں اک سرو ہے پیادہ

پڑتی ہیں اس کی آنکھیں چاروں طرف نشے میں

جوں راہ میں بہکتے ہوں ترک مست بادہ

جو شہرہ نامور تھے یارب کہاں گئے وے

آباد کم رہا ہے یاں کوئی خانوادہ

مت دم کشی کر اتنی ہنگام صبح بلبل

فریاد خونچکاں ہے منھ سے ترے زیادہ

کیا خاک سے اٹھوں میں نقش قدم سا بیٹھا

اب مٹ ہی جانا میرا ہے پیش پا فتادہ

حالات عشق رنج و درد و بلا مصیبت

دل دادہ میر جانے کیا جانے کوئی ندادہ

میر تقی میر

اور ہر پارہ اس کا آوارہ

اکتوبر 7, 2015میر تقی میر،اساتذہ،غزلہموارہ،ناکارہ،چارہ،نظارہ،کارہ،آوارہ،سیارہadmin

دیوان ششم غزل 1873

دل ہے میری بغل میں صد پارہ

اور ہر پارہ اس کا آوارہ

عرق شرم رو سے دلبر کے

رفتہ ثابت گذشتہ سیارہ

خواری عشق اپنی عزت ہے

کی ہے ہموار ہم نے ہموارہ

کام اس سے پکڑ کمر نہ لیا

ہیچ کارہ بھی ہے یہ ناکارہ

ٹوٹتیں پھوٹتیں نہ کاش آنکھیں

کرتے ان رخنوں ہی سے نظارہ

گو مسیحا مزاج آوے طبیب

عشق میں مرگ بن نہیں چارہ

کیا بنے اس سے میر میں مسکین

وہ جفاپیشہ و ستم کارہ

میر تقی میر

آزردہ دل کسو کا بیمار ہے ہمیشہ

اکتوبر 7, 2015میر تقی میر،اساتذہ،غزلناچار،انکار،اظہار،بیمار،تیار،دیدار،دشوار،سرکارadmin

دیوان ششم غزل 1872

آزارکش کو اس کے آزار ہے ہمیشہ

آزردہ دل کسو کا بیمار ہے ہمیشہ

مختار عشق اس کا مجبور ہی ہے یعنی

یک رہ دو چار ہو کر ناچار ہے ہمیشہ

کب سہل عاشقی میں اوقات گذرے ہے یاں

کام اپنا اس پر اس بن دشوار ہے ہمیشہ

عالم کا عین اسی کو معلوم کرچکے ہیں

اس وجہ سے اب اس کا دیدار ہے ہمیشہ

اس سے حصول مطلب اپنا ہوا نہ ہو گا

با آنکہ کام دل کا اظہار ہے ہمیشہ

پرواے نفع و نقصاں مطلق نہیں ہے اس کو

اس کی تو لاابالی سرکار ہے ہمیشہ

ملنا نہ ملنا ٹھہرے تو دل بھی ٹھہرے اپنا

اقرار ہے ہمیشہ انکار ہے ہمیشہ

آمادئہ فنا کچھ کیا میر اب ہوا ہے

جی مفت دینے کو وہ تیار ہے ہمیشہ

میر تقی میر

پھر چھپا خور سا اپنے نور سے وہ

اکتوبر 7, 2015میر تقی میر،اساتذہ،غزلچور،ناصبور،حور،حضور،سرور،شعور،غرورadmin

دیوان ششم غزل 1871

نظر آیا تھا صبح دور سے وہ

پھر چھپا خور سا اپنے نور سے وہ

جز برادر عزیز یوسف کو

نہیں لکھتا کبھو غرور سے وہ

دیکھیں عاشق کا جی بھی ہے کہ نہیں

تنگ ہے جان ناصبور سے وہ

کیا تصور میں پھیرے ہے صورت

کہ سرکتا نہیں حضور سے وہ

خوبی اس خوبی سے بشر میں کہاں

خوب تر ہے پری و حور سے وہ

دل لیا جس غمیں کا تونے شوخ

دے گیا جی ہی اک سرور سے وہ

خوش ہیں دیوانگی میر سے سب

کیا جنوں کر گیا شعور سے وہ

میر تقی میر

جیتے ہیں وے ہی لوگ جو تھے کچھ خدا کے ساتھ

اکتوبر 7, 2015میر تقی میر،اساتذہ،غزلہوا،قبا،وفا،ادا،حیا،خدا،دوا،دعا،صباadmin

دیوان ششم غزل 1870

مرتے ہیں ہم تو اس صنم خودنما کے ساتھ

جیتے ہیں وے ہی لوگ جو تھے کچھ خدا کے ساتھ

دیکھیں تو کار بستہ کی کب تک کھلے گرہ

دل بستگی ہے یار کے بند قبا کے ساتھ

اے کاش فصل گل میں گئی ہوتی اپنی جان

مل جاتی یہ ہوا کوئی دن اس ہوا کے ساتھ

مدت ہوئی موئے گئے ہم کو پر اب تلک

اڑتی پھرے ہے خاک ہماری صبا کے ساتھ

ہم رہتے اس کے محو تو وہ کرتا ہم کو سہو

ہرگز وفا نہ کرنی تھی اس بے وفا کے ساتھ

کیفیت آشنا نہیں اس مست ناز کی

معشوق ورنہ کون ہے اب اس ادا کے ساتھ

منھ اپنا ان نے عکس سے اپنے چھپا لیا

دیکھا نہ کوئی آئینہ رو اس حیا کے ساتھ

ٹھہرا ہے رونا آٹھ پہر کا مرا علاج

تسکین دل ہے یعنی کچھ اب اس دوا کے ساتھ

تھا جذب آگے عشق سے جو ہر نفس میں میر

اب وہ کشش نہیں ہے سحر کی دعا کے ساتھ

میر تقی میر

جانا ہی تھا ہمیں بھی بہار چمن کے ساتھ

اکتوبر 7, 2015میر تقی میر،اساتذہ،غزلچمن،یاسمن،پیرہن،الوطن،بچن،بدن،دہنadmin

دیوان ششم غزل 1869

اب دل خزاں میں رہتا ہے جی کی رکن کے ساتھ

جانا ہی تھا ہمیں بھی بہار چمن کے ساتھ

کب تک خراب شہر میں اس کے پھرا کریں

اب جاویں یاں سے کوئی غریب الوطن کے ساتھ

ہم باغ سے خزاں میں گئے پر ہزار حیف

جانا بنا نہ اپنا گل و یاسمن کے ساتھ

لکنت سے کیا نکلتی نہیں اس کے منھ سے بات

چپکا ہے حرف یار کے شیریں دہن کے ساتھ

جی خواب مرگ لے گئی حسرت ہی میں ندان

اک شب نہ سوئے ہم کسو گل پیرہن کے ساتھ

جی پھٹ گیا ہے رشک سے چسپاں لباس کے

کیا تنگ جامہ لپٹا ہے اس کے بدن کے ساتھ

کیا جانیں لوگ عشق کا راز و نیاز میر

اک بات اس سے ہو گئی دو دو بچن کے ساتھ

میر تقی میر

پر خود گم ایسا میں نہیں جو سہل مجھ کو پائے وہ

اکتوبر 7, 2015میر تقی میر،اساتذہ،غزلہائے،مرجائے،کھائے،پائے،آئے،جائے،شرمائےadmin

دیوان ششم غزل 1868

ہر چند جذب عشق سے تشریف یاں بھی لائے وہ

پر خود گم ایسا میں نہیں جو سہل مجھ کو پائے وہ

خوبی و رعنائی ادھر بدحالی و خواری ادھر

اے وائے ہم اے وائے ہم اے ہائے وہ اے ہائے وہ

مارا ہوا چاہت کا جو آوارہ گھر سے اپنے ہو

حیراں پریشاں پھر کے پھر کیا جانے کیدھر جائے وہ

جی کتنا محو و رفتہ کا جو ہو طرف دیکھے تجھے

تو کج کرے ابرو اگر پل مارتے مرجائے وہ

الفت نہیں مجھ سے اسے کلفت کا میری غم نہیں

پاے غرض ہو درمیاں تو چل کے یاں بھی آئے وہ

عاشق کا کتنا حوصلہ یہ معجزہ ہے عشق کا

جو خستہ جاں پارہ جگر سو داغ دل پر کھائے وہ

مشکل عجائب میر ہے دیدار جوئی یار کی

دیکھے کوئی کیا اس کو جو آنکھیں لڑے شرمائے وہ

میر تقی میر

بیتاب دل کا مرگ کہیں مدعا نہ ہو

اکتوبر 7, 2015میر تقی میر،اساتذہ،غزللگا،مدعا،آسرا،آشنا،جلا،جدا،دغا،رہا،صفاadmin

دیوان ششم غزل 1867

چاہت میں خوبرویوں کی کیا جانے کیا نہ ہو

بیتاب دل کا مرگ کہیں مدعا نہ ہو

بے لاگ عشق بازی میں مفلس کا ہے ضرر

کیا کھیلے وہ جوا جسے کچھ آسرا نہ ہو

کرتے دعا مجھے وہ دغاباز دیکھ کر

بولا کہ اس فقیر کے دل میں دغا نہ ہو

آزاد پرشکستہ کو صد رنگ قید ہے

یارب اسیر ایسا قفس سے رہا نہ ہو

دوری مہ سے کبک ہیں کہسار میں خراب

دلبر سے اپنے کوئی الٰہی جدا نہ ہو

کھولے ہے آنکھ اس کے گل رو پہ ہر سحر

غالب کہ میری آئینے کی اب صفا نہ ہو

آہوں کے میری دود سے گھر بھر گیا ہے سب

سدھ ہمنشیں لے دل کی کہیں وہ جلا نہ ہو

ہم گر جگر نکال رکھیں اس کے زیر پا

بے دید کی ادھر سے نظر آشنا نہ ہو

رہتے ہیں میر بے خود و وارفتہ ان دنوں

پوچھو کنایۃً کسو سے دل لگا نہ ہو

میر تقی میر

برات عاشقاں بر شاخ آہو

اکتوبر 7, 2015میر تقی میر،اساتذہ،غزلپہلو،آہو،آنسو،بازو،روadmin

دیوان ششم غزل 1866

لکھے ہے کچھ تو کج کر چشم و ابرو

برات عاشقاں بر شاخ آہو

گیا وہ ساتھ سوتے لے کے کروٹ

لگا بستر سے پھر اپنا نہ پہلو

اڑے ہے خاک سی سارے چمن میں

پھرا ہے آہ کس کا واں سے گل رو

جدھر پھرتے تھے چنتے پھول ہنستے

ادھر ٹپکے ہیں اب تک میرے آنسو

جدا ہوتے ہی گل خنداں ہوا میر

کیا تھا اس کا گل تکیہ جو بازو

میر تقی میر

گری ہو کے بے ہوش مشاطہ یک سو

اکتوبر 7, 2015میر تقی میر،اساتذہ،غزلنکورو،ابرو،تو،جو،خو،سوadmin

دیوان ششم غزل 1865

بس اب بن چکے رو و موے سمن بو

گری ہو کے بے ہوش مشاطہ یک سو

نہ سمجھا گیا کھیل قدرت کا ہم سے

کیا اس کو بدخو بنا کر نکورو

نہ درگیر کیونکر ہو آپس میں صحبت

کہ میں بوریا پوش وہ آتشیں خو

ہوا ابر و سبزے میں چشمک ہے گل کی

کریں ساز ہم برگ عیش لب جو

بہار آئی گل پھول سر جوڑے نکلے

رہیں باغ میں کاش اس رنگ ہم تو

رہے آبرو میر تو ہے غنیمت

کہ غارت میں دل کی ہے ایماے ابرو

میر تقی میر

کھولو منھ کو کہ پھر خطاب کرو

اکتوبر 7, 2015میر تقی میر،اساتذہ،غزلماہتاب،پرآب،حجاب،خواب،خراب،خطاب،شتابadmin

دیوان ششم غزل 1864

ٹک نقاب الٹو مت عتاب کرو

کھولو منھ کو کہ پھر خطاب کرو

آنکھیں غصے میں ہو گئی ہیں لال

سر کو چھاتی پہ رکھ کے خواب کرو

فرصت بود و باش یاں کم ہے

کام جو کچھ کرو شتاب کرو

محو صورت نہ آرسی میں رہو

اہل معنی سے ٹک حجاب کرو

جھوٹ اس کا نشاں نہ دو یارو

ہم خرابوں کو مت خراب کرو

منھ کھلے اس کے چاندنی چھٹکی

دوستو سیر ماہتاب کرو

میر جی راز عشق ہو گا فاش

چشم ہر لحظہ مت پرآب کرو

میر تقی میر

دل کا منکا ولے پھرا نہ کبھو

اکتوبر 7, 2015میر تقی میر،اساتذہ،غزلہوا،لکھا،ملا،چڑھا،پھرا،انتہا،آشنا،دعاadmin

دیوان ششم غزل 1863

ہاتھ بے سبحہ ٹک رہا نہ کبھو

دل کا منکا ولے پھرا نہ کبھو

کیونکے عرفان ہو گیا سب کو

اپنے ڈھب پر تو وہ چڑھا نہ کبھو

روز دفتر لکھے گئے یاں سے

ان نے یک حرف بھی لکھا نہ کبھو

گو شگفتہ چمن چمن تھے گل

غنچۂ دل تو وا ہوا نہ کبھو

طور کی سی تھی صحبت اس کی مری

جھمکی دکھلا کے پھر ملا نہ کبھو

غیرت اپنی تھی یہ کہ بعد نماز

اس کا لے نام کی دعا نہ کبھو

ابتدا ہی میں مر گئے سب یار

عشق کی پائی انتہا نہ کبھو

وہ سخن گو فریبی چشم یار

ہم سے گویا تھی آشنا نہ کبھو

میر تقی میر

کچھ تمھیں پیار نہیں کرتے جفا ماروں کو

اکتوبر 7, 2015میر تقی میر،اساتذہ،غزلہشیاروں،ماروں،یاروں،بیماروں،تاروں،خریداروں،سزاواروں،غمخواروںadmin

دیوان ششم غزل 1862

اگلے سب چاہتے تھے ہم سے وفاداروں کو

کچھ تمھیں پیار نہیں کرتے جفا ماروں کو

شہر تو عشق میں ہے اس کے شفاخانہ تمام

وہ نہیں آتا کبھو دیکھنے بیماروں کو

مستی میں خوب گذرتی ہے کہ غفلت ہے ہمیں

مشکل اس مصطبے میں کام ہے ہشیاروں کو

فکر سے اپنے گذرتا ہے زمیں کاوی میں دن

رات جاتی ہے ہمیں گنتے ہوئے تاروں کو

خوب کرتے ہیں جو خوباں نہیں رو دیتے ہیں

منھ لگاتا ہے کوئی خوں کے سزاواروں کو

حسن بازار جہاں میں ہے متاع دلکش

صاحب اس کا ٹھگے جاتا ہے خریداروں کو

وامق و کوہکن و قیس نہیں ہے کوئی

بھکھ گیا عشق کا اژدر مرے غمخواروں کو

زندگی کرتے ہیں مرنے کے لیے اہل جہاں

واقعہ میر ہے درپیش عجب یاروں کو

میر تقی میر

تہ کر صنم خانے چلا ہوں جامۂ احرام کو

اکتوبر 7, 2015میر تقی میر،اساتذہ،غزلکام،انجام،آلام،آرام،احرام،بدنامadmin

دیوان ششم غزل 1861

چھوڑا جنوں کے دور میں رسم و رہ اسلام کو

تہ کر صنم خانے چلا ہوں جامۂ احرام کو

مرتا مرو جیتا جیو آئو کوئی جائو کوئی

ہے کام ہم لوگوں سے کیا اس دلبر خود کام کو

جس خودنما تک جائوں ہوں اس سے سنوں ہوں دور دور

کیا منھ لگاوے اب کوئی اس رو سیہ بدنام کو

بے چین بستر پر رہا بے خواب خاکستر پہ ہوں

صبر و سکوں جب سے گئے پایا نہیں آرام کو

آسائش و راحت سے جو پوچھے کوئی تو کیا کہوں

میں عمر بھر کھینچا کیا رنج و غم و آلام کو

میر اب بھلا کیا ابتداے عشق کو روتا ہے تو

کر فکر جو پاوے بھی اس آغاز کے انجام کو

میر تقی میر

وہ جو تڑپا لے گیا آسودگی و خواب کو

اکتوبر 7, 2015میر تقی میر،اساتذہ،غزلمہتاب،ناب،پرآب،احباب،اسباب،خواب،شابadmin

دیوان ششم غزل 1860

کیونکے نیچے ہاتھ کے رکھا دل بیتاب کو

وہ جو تڑپا لے گیا آسودگی و خواب کو

کم نہیں ہے سحر سے یہ بھی تصرف عشق کا

پانی کر آنکھوں میں لایا دل کے خون ناب کو

تھا یہی سرمایۂ بحر بلا پچھلے دنوں

چشم کم سے دیکھو مت اس دیدئہ پرآب کو

تو کہے تھی برق خاطف ناگہاں آکر گری

اک نگہ سے مار رکھا ان نے شیخ و شاب کو

کیا سفیدی دیکھی اس کی آستیں کے چاک سے

جس کے آگے رو نہ تھا کچھ پرتو مہتاب کو

چاہتا ہے جب مسبب آپھی ہوتا ہے سبب

دخل اس عالم میں کیا ہے عالم اسباب کو

دم بخود رہتا ہوں اکثر سر رکھے زانو پہ میر

حال کہہ کر کیا کروں آزردہ اور احباب کو

میر تقی میر

منت بھی میں کروں تو نہ ہرگز منا کرو

اکتوبر 7, 2015میر تقی میر،اساتذہ،غزلمنا،کہا،کیا،جلا،جدا،دوا،دعا،رکھا،سناadmin

دیوان ششم غزل 1859

کن نے کہا کہ مجھ سے بہت کم ملا کرو

منت بھی میں کروں تو نہ ہرگز منا کرو

بندے سے کی ہے جن نے یہ خصمی خدا کرے

اس سے بھی تم خصومت جانی رکھا کرو

عنقا سا شہرہ ہوں پہ حقیقت میں کچھ نہیں

تم دور ہی سے نام کو میرے سنا کرو

بیماری جگر کی شفا سے تو دل ہے جمع

اب دوستی سے مصلحتاً کچھ دوا کرو

ہم بے خودان مجلس تصویر اب گئے

تم بیٹھے انتظار ہمارا کیا کرو

جی مارتے ہیں ناز و کرشمہ بالاتفاق

جینا مرا جو چاہو تو ان کو جدا کرو

میں نے کہا کہ پھنک رہی ہے تن بدن میں آگ

بولا کہ عشق ہے نہ پڑے اب جلا کرو

دل جانے کا فسانہ زبانوں پہ رہ گیا

اب بیٹھے دور سے یہ کہانی کہا کرو

اب دیکھوں اس کو میں تو مرا جی نہ چل پڑے

تم ہو فقیر میر کبھو یہ دعا کرو

میر تقی میر

سلایا مرے خوں میں تلوار کو

اکتوبر 7, 2015میر تقی میر،اساتذہ،غزلگنہگار،آزار،بیمار،بازار،تلوار،خونبار،خریدار،دیدار،دستارadmin

دیوان ششم غزل 1858

زمانے نے دشمن کیا یار کو

سلایا مرے خوں میں تلوار کو

کھلی رہتی ہے چشم آئینہ ساں

کہاں خواب مشتاق دیدار کو

مجھے عشق اس پاس یوں لے گیا

کوئی لاوے جیسے گنہگار کو

محبت میں دشوار دینی ہے جاں

نہ جاتے سنا سہل آزار کو

کوئی دن کرے زندگی عشق میں

جو دم لینے دیں دل کے بیمار کو

بکا میں تو بازار خوبی میں جا

کہ واں بیچتے تھے خریدار کو

مرے منھ پہ رکھا ہے رنگ اب تلک

ہزار آفریں چشم خونبار کو

تب اک جرعہ مے دیں مجھے مغبچے

گرو جب کروں رخت و دستار کو

کرو مت درنگ اٹھتے اس پینٹھ میں

چلو مول لو میر بازار کو

میر تقی میر

بہ خدا با خدا رہا ہوں میں

اکتوبر 7, 2015میر تقی میر،اساتذہ،غزللگا،چھا،یا،کیا،ا،آشنا،اٹھا،بھلا،جدا،خداadmin

دیوان ششم غزل 1857

گو کہ بت خانے جا رہا ہوں میں

بہ خدا با خدا رہا ہوں میں

سب گئے دل دماغ تاب و تواں

میں رہا ہوں سو کیا رہا ہوں میں

برق تو میں نہ تھا کہ جل بجھتا

ابر تر ہوں کہ چھا رہا ہوں میں

اس کی بیگانہ وضعی ہے معلوم

برسوں تک آشنا رہا ہوں میں

دیکھو کب تیغ اس کی آبیٹھے

دیر سے سر اٹھا رہا ہوں میں

اس کی گرد سمند کا مشتاق

آنکھیں ہر سو لگا رہا ہوں میں

دور کے لوگ جن نے مارے قریب

اس کے ہمسائے آرہا ہوں میں

مجھ کو بدحال رہنے دیں اے کاش

بے دوا کچھ بھلا رہا ہوں میں

دل جلوں کو خدا جہاں میں رکھے

یا شقائق ہے یا رہا ہوں میں

کچھ رہا ہی نہیں ہے مجھ میں میر

جب سے ان سے جدا رہا ہوں میں

میر تقی میر

تو کیا رہیں گے جیتے ہم اس روزگار میں

اکتوبر 7, 2015میر تقی میر،اساتذہ،غزلقرار،قطار،مزار،چار،انتظار،اختیار،بہار،دیار،روزگار،شمار،شکار،غبارadmin

دیوان ششم غزل 1856

گر روزگار ہے یہی ہجران یار میں

تو کیا رہیں گے جیتے ہم اس روزگار میں

کچھ ڈر نہیں جو داغ جنوں ہو گئے سیاہ

ڈر دل کے اضطراب کا ہے اس بہار میں

کیا بیقرار دل کی تسلی کرے کوئی

کچھ بھی ثبات ہے ترے عہد و قرار میں

بیتاب دل نہ دفن ہو اے کاش میرے ساتھ

رہنے نہ دے گا لاش کوئی دن مزار میں

وہ سنگ دل نہ آیا بہت دیکھی اس کی راہ

پتھرا چلی ہیں آنکھیں مری انتظار میں

تھمتا نہیں ہے رونا علی الاتصال کا

کیا اختیار گریۂ بے اختیار میں

مربوط کیسے کیسے کہے ریختے ولے

سمجھا نہ کوئی میری زباں اس دیار میں

تھی بزم شعر رات کو شاعر بہت تھے جمع

دو باتیں ہم نے ایسے نہ کیں چار چار میں

دنبالہ گردی قیس نے بہتیری کی ولے

آیا نظر نہ محمل لیلیٰ غبار میں

اب ذوق صید اس کو نہیں ورنہ پیش ازیں

اودھم تھا وحش و طیر سے اس کے شکار میں

منھ چاہیے جو کوئی کسو سے حساب لے

ناکس سے گفتگو نہیں روز شمار میں

گنتی کے لوگوں کی وہاں صف ہووے گی کھڑی

تو میر کس شمار میں ہے کس قطار میں

میر تقی میر

تم ہوئے رعنا جواں بالفرض لیکن ہم کہاں

اکتوبر 7, 2015میر تقی میر،اساتذہ،غزلہم،محرم،اودھم،آدم،دم،عالمadmin

دیوان ششم غزل 1855

دم ہے مہلت شیب میں جانے کا اپنے غم کہاں

تم ہوئے رعنا جواں بالفرض لیکن ہم کہاں

عالم عالم جمع تھے خوباں جہاں صافا ہوا

گرچہ عالم اور ہے اب واں پہ وہ عالم کہاں

تھی بلا شوخی شرارت یار کی ہنگامہ ساز

شور یوں تو اوروں کا بھی ہے پہ وہ اودھم کہاں

کیا جنوں ہے تم کو جو تم طالب ویرانہ ہو

جس کو فردوس بریں کہتے ہیں واں آدم کہاں

حبس دم میں شیخ جو کرتا نہیں حرف و سخن

حق طرف ہے اس کے اس بیہودہ گو میں دم کہاں

ہو سو ہو میں میر اب تو دم بخود ہوں ہجر میں

کیا لکھوں تہ دل کی باتیں کاغذ و محرم کہاں

میر تقی میر

اس طور اس طرح کے ایسے کم آشنا ہیں

اکتوبر 7, 2015میر تقی میر،اساتذہ،غزلمحرم،کم،دم،عالم،غمadmin

دیوان ششم غزل 1854

ناآشنا کے اپنے جیسے ہم آشنا ہیں

اس طور اس طرح کے ایسے کم آشنا ہیں

باہم جو یاریاں ہیں اور آشنائیاں ہیں

سب ہیں نظر میں اپنی ہم عالم آشنا ہیں

ماتم کدہ ہے تکیہ کیا تازہ کچھ ہمارا

یک جا فقیر کب سے ہم سب غم آشنا ہیں

تحریر راز دل کی مشکل ہے کیونکے کریے

کاغذ قلم ہمارے کب محرم آشنا ہیں

یاری جہانیوں کی کیا میر معتبر ہے

ناآشنا ہیں یک دم یہ اک دم آشنا ہیں

میر تقی میر

وار جب کرتے ہیں منھ پھیر لیا کرتے ہیں

اکتوبر 7, 2015میر تقی میر،اساتذہ،غزلفدا،لیا،چلا،وفا،کہا،کیا،بھلا،جلا،جدا،حیا،دوا،دعا،رہاadmin

دیوان ششم غزل 1853

طرفہ خوش رو دم خوں ریز ادا کرتے ہیں

وار جب کرتے ہیں منھ پھیر لیا کرتے ہیں

عشق کرنا نہیں آسان بہت مشکل ہے

چھاتی پتھر کی ہے ان کی جو وفا کرتے ہیں

شوخ چشمی تری پردے میں ہے جب تک تب تک

ہم نظر باز بھی آنکھوں کی حیا کرتے ہیں

نفع بیماری عشقی کو کرے سو معلوم

یار مقدور تلک اپنی دوا کرتے ہیں

آگ کا لائحہ ظاہر نہیں کچھ لیکن ہم

شمع تصویر سے دن رات جلا کرتے ہیں

اس کے قربانیوں کی سب سے جدا ہے رہ و رسم

اول وعدہ دل و جان فدا کرتے ہیں

رشک ایک آدھ کا جی مارتا ہے عاشق کا

ہر طرف اس کو تو دو چار دعا کرتے ہیں

بندبند ان کے جدا دیکھوں الٰہی میں بھی

میرے صاحب کو جو بندے سے جدا کرتے ہیں

دل کو جانا تھا گیا رہ گیا ہے افسانہ

روز و شب ہم بھی کہانی سی کہا کرتے ہیں

واں سے یک حرف و حکایت بھی نہیں لایا کوئی

یاں سے طومار کے طومار چلا کرتے ہیں

بودو باش ایسے زمانے میں کوئی کیونکے کرے

اپنی بدخواہی جو کرتے ہیں بھلا کرتے ہیں

حوصلہ چاہیے جو عشق کے آزار کھنچیں

ہر ستم ظلم پہ ہم صبر کیا کرتے ہیں

میر کیا جانے کسے کہتے ہیں واشد وے تو

غنچہ خاطر ہی گلستاں میں رہا کرتے ہیں

میر تقی میر

نیند آتی ہے دل جمعی میں سو تو دل کو قرار نہیں

اکتوبر 7, 2015میر تقی میر،اساتذہ،غزلقرار،مار،نہار،یار،گذار،بہار،شکارadmin

دیوان ششم غزل 1852

آنکھ لگی ہے جب سے اس سے آنکھ لگی زنہار نہیں

نیند آتی ہے دل جمعی میں سو تو دل کو قرار نہیں

وصل میں اس کے روز و شب کیا خوب گذرتی تھی اپنی

ہجراں کا کچھ اور سماں ہے اب وہ لیل و نہار نہیں

خالی پڑے ہیں دام کہیں یا صید دشتی صید ہوئے

یا جس صید افگن کے لیے تھے اس کو ذوق شکار نہیں

سبزہ خط کا گرد گل رو بڑھ کانوں کے پار ہوا

دل کی لاگ اب اپنی ہو کیونکر وہ اس منھ پہ بہار نہیں

لطف عمیم اس کا ہی ہمدم کیوں نہ غنیمت جانیں ہم

ربط خاص کسو سے اسے ہو یہ تو طور یار نہیں

عشق میں اس بے چشم و رو کے طرفہ رویت پیدا کی

کس دن اودھر سے اب ہم پر گالی جھڑکی مار نہیں

مشتاق اس کے راہ گذر پر برسوں کیوں نہ بیٹھیں میر

ان نے راہ اب اور نکالی ایدھر اس کا گذار نہیں

میر تقی میر

پیشانی پر ہے قشقہ زنار ہے کمر میں

اکتوبر 7, 2015میر تقی میر،اساتذہ،غزلنظر،کمر،گھر،پہر،اگر،تر،جگر،سفر،سحرadmin

دیوان ششم غزل 1851

آئے ہیں میر کافر ہوکر خدا کے گھر میں

پیشانی پر ہے قشقہ زنار ہے کمر میں

نازک بدن ہے کتنا وہ شوخ چشم دلبر

جان اس کے تن کے آگے آتی نہیں نظر میں

سینے میں تیر اس کے ٹوٹے ہیں بے نہایت

سوراخ پڑ گئے ہیں سارے مرے جگر میں

آئندہ شام کو ہم رویا کڑھا کریں گے

مطلق اثر نہ دیکھا نالیدن سحر میں

بے سدھ پڑا رہوں ہوں اس مست ناز بن میں

آتا ہے ہوش مجھ کو اب تو پہر پہر میں

سیرت سے گفتگو ہے کیا معتبر ہے صورت

ہے ایک سوکھی لکڑی جو بو نہ ہو اگر میں

ہمسایۂ مغاں میں مدت سے ہوں چنانچہ

اک شیرہ خانے کی ہے دیوار میرے گھر میں

اب صبح و شام شاید گریے پہ رنگ آوے

رہتا ہے کچھ جھمکتا خونناب چشم تر میں

عالم میں آب و گل کے کیونکر نباہ ہو گا

اسباب گر پڑا ہے سارا مرا سفر میں

میر تقی میر

مطلق نہیں ہے بند ہماری زبان میں

اکتوبر 7, 2015میر تقی میر،اساتذہ،غزلکمان،کان،آن،آسمان،جہان،جان،دھیان،زبان،شانadmin

دیوان ششم غزل 1850

اسرار دل کے کہتے ہیں پیر و جوان میں

مطلق نہیں ہے بند ہماری زبان میں

رنگینی زمانہ سے خاطر نہ جمع رکھ

سو رنگ بدلے جاتے ہیں یاں ایک آن میں

شاید بہار آئی ہے دیوانہ ہے جوان

زنجیر کی سی آتی ہے جھنکار کان میں

بے وقفہ اس ضعیف پہ جور و ستم نہ کر

طاقت تعب کی کم ہے بہت میری جان میں

اس کے لبوں کے آگے کنھوں نے نہ بات کی

آئی ہے کسر شہد مصفا کی شان میں

چہرہ ہی یار کا رہے ہے چت چڑھا سدا

خورشید و ماہ آتے ہیں کب میرے دھیان میں

اب میرے اس کے عہد میں شاید کہ اٹھ گئی

آگے جو رسم دوستی کی تھی جہان میں

تارے تو یہ نہیں مری آہوں سے رات کی

سوراخ پڑگئے ہیں تمام آسمان میں

ابرو کی طرح اس کی چڑھی ہی رہے ہے میر

نکلی ہے شاخ تازہ کوئی کیا کمان میں

میر تقی میر

بیگانہ وضع تو ہوں پر آشنا زدہ ہوں

اکتوبر 7, 2015میر تقی میر،اساتذہ،غزلمیکدہ،زدہadmin

دیوان ششم غزل 1849

بیکار مجھ کو مت کہہ میں کارآمدہ ہوں

بیگانہ وضع تو ہوں پر آشنا زدہ ہوں

میں منھ نہیں لگایا بنت العنب کو گاہے

تب تھا جوان صالح اب پیر میکدہ ہوں

میر تقی میر

بے یار و بے دیار و بے آشنا ہوئے ہیں

اکتوبر 7, 2015میر تقی میر،اساتذہ،غزلمیرزا،مبتلا،نوا،گدا،پارسا،آشنا،بجا،خفا،دعا،رہاadmin

دیوان ششم غزل 1848

اب دیکھیں آہ کیا ہو ہم وے جدا ہوئے ہیں

بے یار و بے دیار و بے آشنا ہوئے ہیں

غیرت سے نام اس کا آیا نہیں زباں پر

آگے خدا کے جب ہم محو دعا ہوئے ہیں

اہل چمن سے کیونکر اپنی ہو روشناسی

برسوں اسیر رہ کر اب ہم رہا ہوئے ہیں

بے عشق خوب رویاں اپنی نہیں گذرتی

اے وائے کس بلا میں ہم مبتلا ہوئے ہیں

جانا کہ تن میں ہر جا نازک ہے اور دلکش

ہم رفتۂ سراپا اس کے بجا ہوئے ہیں

تھے غنچے جتنے زیر دیوار باغ طائر

شب باشی چمن سے شاید خفا ہوئے ہیں

صرفہ قمیص کا ہے کیا وقر اس گلی میں

ترک لباس کر واں شاہاں گدا ہوئے ہیں

خاموش اس کے در پر ہوکر فقیر بیٹھے

یعنی کہ عاشقی میں ہم بے نوا ہوئے ہیں

عہد شباب گذرا شرب مدام ہی میں

ہم کہنہ سال ہوکر اب پارسا ہوئے ہیں

اظہار کم فراغی ہردم کی بے دماغی

ان روزوں میر صاحب کچھ میرزا ہوئے ہیں

میر تقی میر

جوانوں کو انھیں ایام میں زنجیر کرتے ہیں

اکتوبر 7, 2015میر تقی میر،اساتذہ،غزلمیر،اکسیر،تقریر،تکفیر،تحریر،تشہیر،تعمیر،دلگیر،زنجیرadmin

دیوان ششم غزل 1847

بہار آئی مزاجوں کی سبھی تدبیر کرتے ہیں

جوانوں کو انھیں ایام میں زنجیر کرتے ہیں

برہمن زادگان ہند کیا پرکار سادے ہیں

مسلمانوں کی یارانے ہی میں تکفیر کرتے ہیں

موئے پر اور بھی کچھ بڑھ گئی رسوائی عاشق کی

کہ اس کی نعش کو اب شہر میں تشہیر کرتے ہیں

ہمارے حیرت عشقی سے چپ رہ جانے کی اس سے

مخالف مدعی کس کس طرح تقریر کرتے ہیں

تماشا دیکھنا منظور ہو تو مل فقیروں سے

کہ چٹکی خاک کو لے ہاتھ میں اکسیر کرتے ہیں

نہ لکھتے تھے کبھو یک حرف اسے جو ہاتھ سے اپنے

سو کاغذ دستے کے دستے ہم اب تحریر کرتے ہیں

در و دیوار افتادہ کو بھی کاش اک نظر دیکھیں

عمارت ساز مردم گھر جو اب تعمیر کرتے ہیں

خدا ناکردہ رک جاؤں جہاں رک جائے گا سارا

غلط کرتے ہیں لڑکے جو مجھے دلگیر کرتے ہیں

اسے اصرار خوں ریزی پہ ہے ناچار ہیں اس میں

وگرنہ عجزتابی تو بہت سی میر کرتے ہیں

میر تقی میر

پہ یہ غم ہے میں بھی سر راہ ہوں

اکتوبر 7, 2015میر تقی میر،اساتذہ،غزلہمراہ،گمراہ،آگاہ،خونخواہ،راہadmin

دیوان ششم غزل 1846

تری راہ میں گرچہ اے ماہ ہوں

پہ یہ غم ہے میں بھی سر راہ ہوں

مرے درپئے خون ناحق ہے تو

نہ خوندار ہوں میں نہ خونخواہ ہوں

تری دوستی سے جو دشمن ہیں سب

انھوں کے بھی خوں تک میں ہمراہ ہوں

نہ سمجھو مجھے بے خبر اس قدر

تہ دل سے لوگوں کے آگاہ ہوں

مری کجروی سادگی سے ہے میر

بہت اس رویے پہ گمراہ ہوں

میر تقی میر

دل کی پھر دل میں لیے چپکا چلا جاتا ہوں

اکتوبر 7, 2015میر تقی میر،اساتذہ،غزلچلا،کھپا،گرا،پا،بنا،بھلا،جلا،جدا،دکھا،سناadmin

دیوان ششم غزل 1845

اس سے گھبرا کے جو کچھ کہنے کو آجاتا ہوں

دل کی پھر دل میں لیے چپکا چلا جاتا ہوں

سعی دشمن کو نہیں دخل مری ایذا میں

رنج سے عشق کے میں آپھی کھپا جاتا ہوں

گرچہ کھویا سا گیا ہوں پہ تہ حرف و سخن

اس فریبندۂ عشاق کی پا جاتا ہوں

خشم کیوں بے مزگی کاہے کو بے لطفی کیا

بدبر اتنا بھی نہ ہو مجھ سے بھلا جاتا ہوں

استقامت سے ہوں جوں کوہ قوی دل لیکن

ضعف سے عشق کے ڈھہتا ہوں گرا جاتا ہوں

مجلس یار میں تو بار نہیں پاتا میں

در و دیوار کو احوال سنا جاتا ہوں

گاہ باشد کہ سمجھ جائے مجھے رفتۂ عشق

دور سے رنگ شکستہ کو دکھا جاتا ہوں

یک بیاباں ہے مری بیکسی و بیتابی

مثل آواز جرس سب سے جدا جاتا ہوں

تنگ آوے گا کہاں تک نہ مرا قلب سلیم

بگڑی صحبت کے تئیں روز بنا جاتا ہوں

گرمی عشق ہے ہلکی ابھی ہمدم دل میں

روز و شب شام و سحر میں تو جلا جاتا ہوں

میر تقی میر

پھر زمانے میں کہاں تم ہم کہاں

اکتوبر 7, 2015میر تقی میر،اساتذہ،غزلنامہرباں،ناتواں،نشاں،کہاں،کماں،آسماں،آستاں،بدگماں،جہاں،داستاںadmin

دیوان ششم غزل 1844

رابطہ باہم ہے کوئی دن کا یاں

پھر زمانے میں کہاں تم ہم کہاں

گم ہوا ہوں یاں سے جاکر میں جہاں

کچھ نہیں پیدا کہاں میرا نشاں

پیری میں ہے طفل مکتب سا جہول

ہے فلک کرنے کے قابل آسماں

تو کہے واں ناگہاں بجلی گری

وہ نگاہ تند کرتا ہے جہاں

بھولے بھی میں یک نظر دیکھا نہیں

اس پہ ہے وہ بے دماغ و بدگماں

عشق نے تکلیف کی مالایطاق

بار امانت کا گراں میں ناتواں

کام کچھ آئی نہ دل کی بھی کشش

کھنچ رہا ہے ہم سے وہ ابرو کماں

کیا چھپی ہیں باتیں میرے عشق کی

داستاں در داستاں ہے داستاں

عشق میں کیونکر بسر کریے گا عمر

دل لگا ہے جس سے سو نامہرباں

جو زمیں پالغز تھی شاید کہ میر

ہو وہیں مسجود اس کا آستاں

میر تقی میر

پھوٹی سہتے ہیں آنجی سہتے نہیں

اکتوبر 7, 2015میر تقی میر،اساتذہ،غزلنہیں،وہیں،کہیں،بہیں،رہیںadmin

دیوان ششم غزل 1843

ایسے دیکھے ہیں اندھے لوگ کہیں

پھوٹی سہتے ہیں آنجی سہتے نہیں

مر گئے ناامید ہم مہجور

خواہشیں جی کی اپنے جی میں رہیں

دیر دریا کنارہ کرتا رہا

عشق میں آنکھیں اپنی زور بہیں

مرتے تھے اس گلی میں لاکھوں جہاں

ہم بھی مارے گئے ندان وہیں

دیر سے میر اٹھ کے کعبے گئے

کہیے کیا نکلے جا کہیں کے کہیں

میر تقی میر

متصل شمع سے روتے ہیں گلے جاتے ہیں

اکتوبر 7, 2015میر تقی میر،اساتذہ،غزلہلے،چلے،ڈھلے،گلے،بھلے،دلے،رلےadmin

دیوان ششم غزل 1842

سر سے ایسی لگی ہے اب کہ جلے جاتے ہیں

متصل شمع سے روتے ہیں گلے جاتے ہیں

اس گلستاں میں نمود اپنی ہے جوں آب رواں

دم بہ دم مرتبے سے اپنے چلے جاتے ہیں

تن بدن ہجر میں کیا کہیے کہ کیسا سوکھا

ہلکی بھی باؤ میں تنکے سے ہلے جاتے ہیں

رہتے دکھلائی نہیں دیتے بلاکش اس کے

جی کھپے جاتے ہیں دل اپنے دلے جاتے ہیں

پھر بخود آئے نہ بدحالی میں بیخود جو ہوئے

آپ سے جاتے ہیں ہم بھی تو بھلے جاتے ہیں

خاک پا اس کی ہے شاید کسو کا سرمۂ چشم

خاک میں اہل نظر اس سے رلے جاتے ہیں

گرم ہیں اس کی طرف جانے کو ہم لیکن میر

ہر قدم ضعف محبت سے ڈھلے جاتے ہیں

میر تقی میر

شہرۂ عالم تھے اس کے ناز برداروں میں ہم

اکتوبر 7, 2015میر تقی میر،اساتذہ،غزلگنہگاروں،آزاروں،بیماروں،برداروں،دیواروںadmin

دیوان ششم غزل 1841

کیا زمانہ تھا کہ تھے دلدار کے یاروں میں ہم

شہرۂ عالم تھے اس کے ناز برداروں میں ہم

اجڑی اجڑی بستی میں دنیا کی جی لگتا نہیں

تنگ آئے ہیں بہت ان چار دیواروں میں ہم

جو یہی ہے غم الم رنج و قلق ہجراں کا تو

زندگی سے بے توقع ہیں ان آزاروں میں ہم

شاید آوے حال پرسی کرنے اس امید پر

کب سے ہیں دارالشفا میں اس کے بیماروں میں ہم

دھوپ میں جلتے ہیں پہروں آگے اس کے میرجی

رفتگی سے دل کی ٹھہرے ہیں گنہگاروں میں ہم

میر تقی میر

الفت گزیدہ مردم کلفت کشیدہ مردم

اکتوبر 7, 2015میر تقی میر،اساتذہ،غزلچیدہ،کبیدہ،کشیدہ،آرمیدہ،خمیدہ،دیدہ،رسیدہ،زرخریدہadmin

دیوان ششم غزل 1840

وے ہم ہیں جن کو کہیے آزار دیدہ مردم

الفت گزیدہ مردم کلفت کشیدہ مردم

ہے حال اپنا درہم تس پر ہے عشق کا غم

رہتے ہیں دم بخود ہم آفت رسیدہ مردم

وہ دیکھے ہم کو آکر جن نے نہ دیکھے ہوویں

آزردہ دل شکستہ خاطر کبیدہ مردم

جو ہے سو لوہو مائل بے طور اور جاہل

اہل جہاں ہیں سارے صحبت نہ دیدہ مردم

جاتے ہیں اس کی جانب مانند تیر سیدھے

مثل کمان حلقہ قامت خمیدہ مردم

اوباش بھی ہمارا کتنا ہے ٹیڑھا بانکا

دیکھ اس کو ہو گئے ہیں کیا کیا کشیدہ مردم

مت خاک عاشقاں پر پھر آب زندگی سا

جاگیں کہیں نہ سوتے یہ آرمیدہ مردم

لے لے کے منھ میں تنکا ملتے ہیں عاجزانہ

مغرور سے ہمارے برخویش چیدہ مردم

تھے دست بستہ حاضر خدمت میں میر گویا

سیمیں تنوں کے عاشق ہیں زرخریدہ مردم

میر تقی میر

بستر پہ گرے رہتے ہیں ناچار ہوئے ہم

اکتوبر 7, 2015میر تقی میر،اساتذہ،غزلناچار،یار،گنہگار،گرفتار،اسرار،بیزار،خبردار،خریدار،سزاوارadmin

دیوان ششم غزل 1839

کڑھتے جو رہے ہجر میں بیمار ہوئے ہم

بستر پہ گرے رہتے ہیں ناچار ہوئے ہم

بہلانے کو دل باغ میں آئے تھے سو بلبل

چلانے لگی ایسے کہ بیزار ہوئے ہم

جلتے ہیں کھڑے دھوپ میں جب جاتے ہیں اودھر

عاشق نہ ہوئے اس کے گنہگار ہوئے ہم

اک عمر دعا کرتے رہے یار کو دن رات

دشنام کے اب اس کے سزاوار ہوئے ہم

ہم دام بہت وحشی طبیعت تھے اٹھے سب

تھی چوٹ جو دل پر سو گرفتار ہوئے ہم

چیتے ہوئے لوگوں کی بھلی یا بری گذری

افسوس بہت دیر خبردار ہوئے ہم

کیا کیا متمول گئے بک دیکھتے جس پر

بیعانگی میں اس کے خریدار ہوئے ہم

کچھ پاس نہیں یاری کا ان خوش پسروں کو

اس دشمن جانہا سے عبث یار ہوئے ہم

گھٹ گھٹ کے جہاں میں رہے جب میر سے مرتے

تب یاں کے کچھ اک واقف اسرار ہوئے ہم

میر تقی میر

جھانکتے اس کو ساتھ صباکے صبح پھریں ہیں گھر گھر ہم

اکتوبر 7, 2015میر تقی میر،اساتذہ،غزلمقرر،مرمر،کیدھر،کر،گھر،اکثر،اختر،بہتر،بستر،خوگرadmin

دیوان ششم غزل 1838

عشق کیا ہے اس گل کا یا آفت لائے سرپرہم

جھانکتے اس کو ساتھ صباکے صبح پھریں ہیں گھر گھر ہم

روز و شب کو اپنے یارب کیونکے کریں گے روزوشب

ہاتھ رکھے رہتے ہیں دل پر بیتابی میں اکثر ہم

پوچھتے راہ شکستہ دل کی جا نکلے تھے کعبے میں

سوچ وہاں تو گذرا جی میں آئے کدھر سے کیدھر ہم

شام سے کرتا منزل آکر گھر کو ہمارے صدر نشیں

رکھتے ستارہ اس مہ وش کی چاہ میں گربد اختر ہم

برسوں خس و خاشاک پہ سوئے مدت گلخن تابی کی

بخت نہ جاگے جو اس سے ہوں ایک بھی شب ہم بستر ہم

روز بتر ہے حالت عشقی جیسے ہوں بیمار اجل

ہے نہ دوا نے کوئی معالج کیونکر ہوں گے بہتر ہم

اس کی جناب سے رحمت ہو تو جی بچتا ہے دنیا میں

اس جانب سے تو بیٹھے ہیں مرنا کرکے مقرر ہم

اب تو ہماری طرف سے اتنا دل کو پتھر مت کریو

سختی سے ایام کی اب تک جیتے رہے ہیں مرمرہم

آہ معیشت روز و شب کی ساتھ اندوہ کے ٹھہری ہے

روتے کڑھتے رہا کرتے ہیں غم سے ہوئے ہیں خوگر ہم

شعلہ ایک اٹھا تھا دل سے آہ عالم سوز کا میر

ڈھیری ہوئی ہے خاکستر کی جیسی شب میں جل کر ہم

میر تقی میر

واں گئے کیا ہو کچھ نہیں معلوم

اکتوبر 7, 2015میر تقی میر،اساتذہ،غزلمقسوم،محروم،مرحوم،مسموم،معلوم،مغموم،دھوم،شومadmin

دیوان ششم غزل 1837

کھا گئی یاں کی فکر سو موہوم

واں گئے کیا ہو کچھ نہیں معلوم

وصل کیونکر ہو اس خوش اختر کا

جذب ناقص ہے اور طالع شوم

نہ ہوئے تھے ابھی جواں افسوس

صبر مغفور و طاقت مرحوم

جب غبار اپنے دل کا نکلے ہے

دیر رہتی ہے آندھی کی سی دھوم

بھیگی اس کی مسوں کی خوبی سے

بے حواسی ہے ہم کو جوں مسموم

ہے عبث یہ تردد و تشویش

پہنچے ہے وقت پر جو ہے مقسوم

ہاتھ سے وے گئے جو سیمیں ساق

ہم رہے سر بہ زانوے مغموم

صاحب اپنا ہے بندہ پرور میر

ہم جہاں سے نہ جائیں گے محروم

میر تقی میر

پیمبر دل ہے قبلہ دل خدا دل

اکتوبر 7, 2015میر تقی میر،اساتذہ،غزللگا،وفا،یا،گیا،اٹھا،ادا،بہا،بجا،تا،جفا،خدا،رہاadmin

دیوان ششم غزل 1836

طریق عشق میں ہے رہنما دل

پیمبر دل ہے قبلہ دل خدا دل

قیامت تھا مروت آشنا دل

موئے پر بھی مرا اس میں رہا دل

رکا اتنا خفا اتنا ہوا تھا

کہ آخر خون ہو ہوکر بہا دل

جسے مارا اسے پھر کر نہ دیکھا

ہمارا طرفہ ظالم سے لگا دل

نہ تھی سہل استقامت اس کی لیکن

خرام ناز دلبر لے گیا دل

بدن میں اس کے تھی ہرجاے دلکش

بجا بے جا ہوا ہے جا بجا دل

گئے وحشت سے باغ و راغ میں تھے

کہیں ٹھہرا نہ دنیا سے اٹھا دل

اسیری میں تو کچھ واشد کبھو تھی

رہا غمگیں ہوا جب سے رہا دل

ہمہ تن میں الم تھا سو نہ جانا

گرہ یہ درد ہے پہلو میں یا دل

خموشی مجھ کو حیرت سے ہے ورنہ

بھرے ہیں لب سے لے کر شکوے تا دل

نہ پوچھا ان سے جس بن خوں ہوا سب

نہ سمجھا اس کے کینے کی ادا دل

ہوا پژمردہ و بے صبر و بے تاب

کرے گا اس طرح کب تک وفا دل

ہوئی پروا نہ واں دلبر کو یاں میر

اٹھا کر ہوچکا جور و جفا دل

میر تقی میر

چڑھ جائے مغز میں نہ کہیں گرد بوے گل

اکتوبر 7, 2015میر تقی میر،اساتذہ،غزلآرزوے،بوے،جستجوے،خوے،روےadmin

دیوان ششم غزل 1835

زنہار گلستاں میں نہ کر منھ کو سوے گل

چڑھ جائے مغز میں نہ کہیں گرد بوے گل

موسم گئے نشاں بھی کہیں پتے کا نہ تھا

کی شوق کشتگاں نے عبث جستجوے گل

تڑپے خزاں میں اتنے کہ مرمر گئے طیور

جاوے گی ساتھ جی کے مگر آرزوے گل

آئے نظر بہار میں پائیز میں گئے

ہے بے وفائی کرنے کی ہر سال خوے گل

مدت ہوئی کہ دیکھا تھا سیر چمن میں میر

پھرتا ہے اب تلک مری آنکھوں میں روے گل

میر تقی میر

کم دماغی ہے بہت مجھ کو کہ ہوں بیمار دل

اکتوبر 7, 2015میر تقی میر،اساتذہ،غزلکار،اسرار،بیمار،بار،بسیار،زارadmin

دیوان ششم غزل 1834

چپ رہ اب نالوں سے اے بلبل نہ کر آزار دل

کم دماغی ہے بہت مجھ کو کہ ہوں بیمار دل

ابتداے خبط میں ہوتا تدارک کچھ تو تھا

اب کوئی سنبھلے ہے مجھ سے وحشت بسیار دل

یک توجہ میں رہے ہے سیر اس کی عرش پر

عقل میں آتے نہیں ہیں طرفہ طرفہ کار دل

باغ سے لے دشت تک رکھتے ہیں اک شور عجب

ہم اسیران قفس کے نالہ ہاے زار دل

اس سبک روحی پہ جوں باد سحر در در پھرے

زندگی اب یار بن اپنی ہوئی ہے بار دل

تنگی و وسعت سے اس کی اے عبارت ساز فہم

میر کچھ سمجھے گئے نہ معنی اسرار دل

میر تقی میر

وہ بیچتا رہے گا خریدار کب تلک

اکتوبر 7, 2015میر تقی میر،اساتذہ،غزلہشیار،گنہگار،گرفتار،آثار،بیمار،تلوار،خونبار،خریدار،دیدارadmin

دیوان ششم غزل 1833

اس کی رہے گی گرمی بازار کب تلک

وہ بیچتا رہے گا خریدار کب تلک

عہد و وعید حشر قیامت ہے دیکھیے

جیتے رہیں گے طالب دیدار کب تلک

دل کا جگر کا لوہو تو غم نے سکھا دیا

آنکھیں رہیں گی دیکھیے خونبار کب تلک

نسبت بہت گناہوں کی کرتا ہے اس طرف

بے جرم ہم رہیں گے گنہگار کب تلک

اس کی نگاہ مست ہے اکثر سوے رباط

صوفی رہیں گے حال سے ہشیار کب تلک

دیوار و در بڑے تھے جہاں واں نشاں نہیں

یاں خانوادوں کے رہیں آثار کب تلک

مہمان کوئی دن کا ہے وارفتہ عشق کا

ظاہر ہے حال سے کہ یہ بیمار کب تلک

ترسا کے مارنے میں عذاب شدید ہے

اک کھینچ کر نہ ماروگے تلوار کب تلک

صیاد اسیر کرکے جسے اٹھ گیا ہو میر

وہ دام کی شکن میں گرفتار کب تلک

میر تقی میر

آشوب نالہ اب تو پہنچا ہے آسماں تک

اکتوبر 7, 2015میر تقی میر،اساتذہ،غزلکہاں،کارواں،آسماں،آستاں،آشیاں،استخواں،جہاں،جاں،دہاں،زباںadmin

دیوان ششم غزل 1832

وہ تو نہیں کہ اودھم رہتا تھا آشیاں تک

آشوب نالہ اب تو پہنچا ہے آسماں تک

لبریز جلوہ اس کا سارا جہاں ہے یعنی

ساری ہے وہ حقیقت جاوے نظر جہاں تک

ہجراں کی سختیوں سے پتھر دل و جگر ہیں

صبر اس کی عاشقی میں کوئی کرے کہاں تک

سوداے عاشقی میں نقصاں ہے جی کا لیکن

ہم راضی ہورہے ہیں اپنے زیان جاں تک

وا ماندہ نقش پا سے یک دشت ہم ہیں بیکس

دشوار ہے پہنچنا اب اپنا کارواں تک

جی مارتے ہیں دلبر عاشق کا اس خطر سے

حرف وفا نہ آیا اپنی کبھو زباں تک

دل دھڑکے ہے جو بجلی چمکے ہے سوے گلشن

پہنچے مبادا میری خاشاک آشیاں تک

دیواروں سے بھی مارا پتھروں سے پھوڑ ڈالا

پہنچا نہ سر ہمارا حیف اس کے آستاں تک

یہ تنگی و نزاکت اس رنگ سے کہاں ہے

گل برگ و غنچے پہنچیں کب ان لب و دہاں تک

ان جلتی ہڈیوں پر ہرگز ہما نہ بیٹھے

پہنچی ہے عشق کی تب اے میر استخواں تک

میر تقی میر

سر زخم پہنچا ہے شاید جگر تک

اکتوبر 7, 2015میر تقی میر،اساتذہ،غزلکمر،گھر،پر،ادھر،جگر،خبر،سحرadmin

دیوان ششم غزل 1831

رہے ہے غش و درد دو دو پہر تک

سر زخم پہنچا ہے شاید جگر تک

ہوئے ہیں حواس اور ہوش و خرد گم

خبر کچھ تو آئی ہے اس بے خبر تک

زمیں گرد اس مہ کے میرے ہیں عاشق

ستارے فلک کے رہے ہیں ادھر تک

قیامت ہے مشتاق لوگوں کی کثرت

پہنچنا ہے مشکل ہمیں اس کے گھر تک

کہاں تک اسے سر سے مارا کروں میں

نہ پہنچا مرا ہاتھ اس کی کمر تک

بہار آئی پر ایک پتی بھی گل کی

نہ آئی اسیران بے بال و پر تک

بہت میر برہم جہاں میں رہیں گے

اگر رہ گئے آج شب کی سحر تک

میر تقی میر

چپکے چپکے کسو کو چاہا پوچھا بھی تو نہ بولے ٹک

اکتوبر 7, 2015میر تقی میر،اساتذہ،غزللے،پھپھولے،بولے،رولے،سولےadmin

دیوان ششم غزل 1830

جب کہتے تھے تب تم نے تو گوش ہوش نہ کھولے ٹک

چپکے چپکے کسو کو چاہا پوچھا بھی تو نہ بولے ٹک

اب جو چھاتی جلی فی الواقع لطف نہیں ہے شکایت کا

صبر کرو کیا ہوتا ہے یوں پھوڑے دل کے پھپھولے ٹک

نالہ کشی میں مرغ چمن بکتا ہے پر ہم تب جانیں

نعرہ زناں جب صبح سے آ کے ساتھ ہمارے بولے ٹک

اس کی قامت موزوں سے کیا کوئی سرو برابر ہو

ناموزوں ہی نکلے گا سنجیدہ کوئی جو بولے ٹک

آنکھیں جو کھولیں سوتے سے تو حال ہی کہتے مجھ کو کہا

ساری رات کہانی کہی ہے تو بھی اٹھ کر سولے ٹک

مشکل ہے دلداری عاشق وہ برسوں بیتاب رہے

بے طاقت اس دل کو میرے ہاتھ میں اپنے تو لے ٹک

آنکھیں کھولیں حال کے کہتے دیر ہوئی ہے بس یعنی

ساری رات کہانی کہی ہے میر اب چل کر سولے ٹک

ایسے درد دل کرنے کو میر کہاں سے جگر آوے

گرم سخن لوگوں میں ہو کوئی بات کرے تو رولے ٹک

میر تقی میر

ہم پھینک دیں اسے ترے منھ پر نثار کر

اکتوبر 7, 2015میر تقی میر،اساتذہ،غزلقرار،مار،نثار،کنار،پار،انتظار،اختیار،بار،شکارadmin

دیوان ششم غزل 1829

گل کیا جسے کہیں کہ گلے کا تو ہار کر

ہم پھینک دیں اسے ترے منھ پر نثار کر

آغوشیں جیسے موجیں الٰہی کشادہ ہیں

دریاے حسن اس کا کہیں ہم کنار کر

یاں چلتے دیر کچھ نہیں لگتی ہے میری جاں

رخت سفر کو اپنے شتابی سے بار کر

مختار رونے ہنسنے میں تجھ کو اگر کریں

تو اختیار گریۂ بے اختیار کر

مشق ستم ہوئی ہے بہت صاف یار کی

پشتے لگائے ان نے جوانوں کو مار کر

صیادی میں علوے تقدس تو اس کا دیکھ

روح القدس کو مار رکھا ہے شکار کر

بہنے لگی ہے تیغ کی جدول تو تیری تیز

دشمن کا کام وار میں پہلے ہی پار کر

میں بیقرار خاک میں کب تک ملا کروں

کچھ ملنے کا نہ ملنے کا تو بھی قرار کر

میں رفتہ میر مجلس تصویر کا گیا

تو بیٹھا میرا حشر تک اب انتظار کر

میر تقی میر

جو حادثہ فلک سے نازل ہوا زمیں پر

اکتوبر 7, 2015میر تقی میر،اساتذہ،غزلنہیں،چیں،آستیں،تمھیں،جبیں،زمیںadmin

دیوان ششم غزل 1828

باندھے کمر سحرگہ آیا ہے میرے کیں پر

جو حادثہ فلک سے نازل ہوا زمیں پر

اقرار میں کہاں ہے انکار کی سی خوبی

ہوتا ہے شوق غالب اس کی نہیں نہیں پر

کنج قفس میں جوں توں کاٹیں گے ہم اسیراں

سیر چمن کے شایاں اپنے رہے نہیں پر

جوں آب گیری کردہ شمشیر کی جراحت

ہے ہر خراش ناخن رخسارہ و جبیں پر

آخر کو ہے خدا بھی تو اے میاں جہاں میں

بندے کے کام کچھ کیا موقوف ہیں تمھیں پر

غصے میں عالم اس کا کیا کیا نظر پڑا ہے

تلواریں کھنچتیاں تھیں اس کی جبیں کی چیں پر

تھے چشم خوں فشاں پر شاید کہ دست و دامن

ہیں میر داغ خوں کے پیراہن آستیں پر

میر تقی میر

دل کوئی لے گیا ہے تو میر ٹک جگر کر

اکتوبر 7, 2015میر تقی میر،اساتذہ،غزلمر،نظر،اتر،اثر،ادھر،بکھر،تر،جگر،خبر،سفر،سحرadmin

دیوان ششم غزل 1827

زانو پہ سر ہے اکثر مت فکر اس قدر کر

دل کوئی لے گیا ہے تو میر ٹک جگر کر

خورشید و ماہ دونوں آخر نہ دل سے نکلے

آنکھوں میں پھر نہ آئے جی سے مرے اتر کر

یوسف عزیز دلہا جا مصر میں ہوا تھا

ذلت جو ہو وطن میں تو کوئی دن سفر کر

اے ہمنشیں غشی ہے میں ہوش میں نہیں ہوں

مجھ کو مری زبانی سو بار اب خبر کر

کیا حال زار عاشق کریے بیاں نہ پوچھو

کرتا ہے بات کوئی دل کی تو چشم تر کر

دیتے نہیں ہیں سونے ٹک آہ و نالے اس کے

یارب شب جدائی عاشق کی بھی سحر کر

اتنا ہی منھ چھپایا شوخ اس کے محرموں نے

جو بچھ گئی ہیں زلفیں اس چہرے پر بکھر کر

کیا پھیر پھیر گردن باتیں کرے ہے سب میں

جاتے ہیں غش کیے ہم مشتاق منھ ادھر کر

بن دیکھے تیرے میں تو بیمار ہو گیا ہوں

حال تبہ میں میرے تو بھی تو ٹک نظر کر

رخنے کیے جو تو نے پتھر کی سل میں تو کیا

اے آہ اس صنم کے دل میں بھی ٹک اثر کر

مارے سے غل کیے سے جاتا نہیں ہے ہرگز

نکلے گا اس گلی سے شاید کہ میر مرکر

میر تقی میر

دیتا ہے جان عالم اس کی جفا کے اوپر

اکتوبر 7, 2015میر تقی میر،اساتذہ،غزلہوا،پا،جفا،حنا،خداadmin

دیوان ششم غزل 1826

میلان دلربا ہو کیونکر وفا کے اوپر

دیتا ہے جان عالم اس کی جفا کے اوپر

کشتہ ہوں اس حیا کا کٹوائے بہتوں کے سر

پر آنکھیں اس کی وونہیں تھیں پشت پا کے اوپر

مہندی لگا کے ہرگز گھر سے تو مت نکلیو

ہوتے ہیں خون تیرے رنگ حنا کے اوپر

ہوں کو بہ کو صبا سا پر کچھ نہیں ہے حاصل

شاید برات اپنی لکھی ہوا کے اوپر

بندوں سے کام تیرا اے میر کچھ نہ نکلا

موقوف مطلب اپنا اب رکھ خدا کے اوپر

میر تقی میر

صوفی ہوا کو دیکھ کے کاش آوے راہ پر

اکتوبر 7, 2015میر تقی میر،اساتذہ،غزلماہ،نگاہ،ناف،واہ!،کاہ،گناہ،آہ،راہ،عزشاہadmin

دیوان ششم غزل 1825

آیا ہے ابر قبلہ چلا خانقاہ پر

صوفی ہوا کو دیکھ کے کاش آوے راہ پر

وہ آنکھ اٹھا کے شرم سے کب دیکھے ہے ولے

ہوتے ہیں خون نیچی بھی اس کی نگاہ پر

بالفرض چاہتا ہے گنہ لیک میری جاں

واجب ہے خون کرنا کہاں اس گناہ پر

کیا بحث میرے وقر سے میں ہوں فقیر محض

ہے اس گلی میں حرف و سخن عزشاہ پر

تہ سے سخن کے لوگ نہ تھے آشنا عبث

جاگہ سے تم گئے انھوں کی واہ واہ پر

ڈر چشم شور چرخ سے گل پھول یک طرف

آنکھ اس دنی کی دوڑے ہے اک برگ کاہ پر

دیکھی ہے جن نے یار کے رخسار کی جھمک

اس کی نظر گئی نہ شب مہ میں ماہ پر

ہم جاں بہ لب پتنگوں کی سدھ لیجیو شتاب

موقوف اپنا جانا ہے اب ایک آہ پر

کہتے تو ہیں کہ ہم بھی تمھیں چاہتے ہیں میر

پر اعتماد کس کو ہے خوباں کی چاہ پر

میر تقی میر

کی بات ان نے کوئی سو کیا چبا چبا کر

اکتوبر 7, 2015میر تقی میر،اساتذہ،غزللڑا،لکھا،چلا،چبا،اٹھا،جلا،جگا،خدا،دکھا،سناadmin

دیوان ششم غزل 1824

آیا جو اپنے گھر سے وہ شوخ پان کھاکر

کی بات ان نے کوئی سو کیا چبا چبا کر

شاید کہ منھ پھرا ہے بندوں سے کچھ خدا کا

نکلے ہے کام اپنا کوئی خدا خدا کر

کان اس طرف نہ رکھے اس حرف ناشنو نے

کہتے رہے بہت ہم اس کو سنا سنا کر

کہتے تھے ہم کسو کو دیکھا کرو نہ اتنا

دل خوں کیا نہ اپنا آنکھیں لڑا لڑا کر

آگے ہی مررہے ہیں ہم عشق میں بتاں کے

تلوار کھینچتے ہو ہم کو دکھا دکھا کر

وہ بے وفا نہ آیا بالیں پہ وقت رفتن

سو بار ہم نے دیکھا سر کو اٹھا اٹھا کر

جلتے تھے ہولے ہولے ہم یوں تو عاشقی میں

پر ان نے جی ہی مارا آخر جلا جلا کر

سوتے نہ لگ چل اس سے اے باد تو نے ظالم

بہتیروں کو سلایا اس کو جگا جگا کر

مدت ہوئی ہمیں ہے واں سے جواب مطلق

دفتر کیے روانہ لکھ لکھ لکھا لکھا کر

کیا دور میر منزل مقصود کی ہے اپنے

اب تھک گئے ہیں اودھر قاصد چلا چلا کر

میر تقی میر

کی تم نے مہربانی بے خانماں کے اوپر

اکتوبر 7, 2015میر تقی میر،اساتذہ،غزلنشاں،امتحاں،آسماں،آشیاں،تواں،جہاں،جاں،خانماں،دہاں،دکاں،زیاں،زباںadmin

دیوان ششم غزل 1823

آئے ہو گھر سے اٹھ کر میرے مکاں کے اوپر

کی تم نے مہربانی بے خانماں کے اوپر

پھولوں سے اٹھ نگاہیں مکھڑے پہ اس کے ٹھہریں

وہ گل فروش کا جو آیا دکاں کے اوپر

برسات اب کے گذری خوف و خطر میں ساری

چشمک زناں رہی ہے برق آشیاں کے اوپر

رخسار سا کسو کے کاہے کو ہے فروزاں

ہر چند ماہ تاباں ہے آسماں کے اوپر

بے سدھ پڑا رہوں ہوں بستر پہ رات دن میں

کیا آفت آگئی ہے اس نیم جاں کے اوپر

عشق و ہوس میں کچھ تو آخر تمیز ہو گی

آئی طبیعت اس کی گر امتحاں کے اوپر

الفت کی کلفتوں میں معلوم ہے ہوئی وہ

تھا اعتماد کلی تاب و تواں کے اوپر

محو دعا تھا اکثر غیرت سے لیک گاہے

آیا نہ نام اس کا میری زباں کے اوپر

وہ جان و دل کی خواہش آیا نہیں جہاں میں

آئی ہے اک قیامت اہل جہاں کے اوپر

کیا لوگ ہیں محباں سوداے عاشقی میں

اغماض کرتے ہیں سب جی کے زیاں کے اوپر

حیرت سے اس کے روکی چپ لگ گئی ہے ایسی

گویا کہ مہر کی ہے میرے دہاں کے اوپر

جو راہ دوستی میں اے میر مرگئے ہیں

سر دیں گے لوگ ان کے پا کے نشاں کے اوپر

میر تقی میر

یہ فسانہ رہا زبانوں پر

اکتوبر 7, 2015میر تقی میر،اساتذہ،غزلفسانوں،مکانوں،نشانوں،کھانوں،کانوں،آنوں،آسمانوں،جوانوں،دہانوں،دکانوں،رانوں،زبانوں،شانوںadmin

دیوان ششم غزل 1822

دل گئے آفت آئی جانوں پر

یہ فسانہ رہا زبانوں پر

عشق میں ہوش و صبر سنتے تھے

رکھ گئے ہاتھ سو تو کانوں پر

گرچہ انسان ہیں زمینی ولے

ہیں دماغ ان کے آسمانوں پر

شہر کے شوخ سادہ رو لڑکے

ظلم کرتے ہیں کیا جوانوں پر

عرش و دل دونوں کا ہے پایہ بلند

سیر رہتی ہے ان مکانوں پر

جب سے بازار میں ہے تجھ سی متاع

بھیڑ ہی رہتی ہے دکانوں پر

لوگ سر دیتے جاتے ہیں کب سے

یار کے پاؤں کے نشانوں پر

کجی اوباش کی ہے وہ دربند

ڈالے پھرتا ہے بند شانوں پر

کوئی بولا نہ قتل میں میرے

مہر کی تھی مگر دہانوں پر

یاد میں اس کے ساق سیمیں کی

دے دے ماروں ہوں ہاتھ رانوں پر

تھے زمانے میں خرچی جن کی روپے

ٹھانسا کرتے ہیں ان کو آنوں پر

غم و غصہ ہے حصے میں میرے

اب معیشت ہے ان ہی کھانوں پر

قصے دنیا میں میر بہت سنے

نہ رکھو گوش ان فسانوں پر

میر تقی میر

کاش یہ آفت نہ ہوتی قالب آدم کے بیچ

اکتوبر 7, 2015میر تقی میر،اساتذہ،غزلماتم،نم،اودھم،آدم،خم،دم،غمadmin

دیوان ششم غزل 1821

دل یہی ہے جس کو دل کہتے ہیں اس عالم کے بیچ

کاش یہ آفت نہ ہوتی قالب آدم کے بیچ

چھاتی کٹتی سنگ ہی سے دل کے جانے میں نہیں

نعل سینوں پر جڑے جاتے ہیں اس ماتم کے بیچ

نقشہ اس کا مردم دیدہ میں میرے نقش ہے

یعنی صورت اس ہی کی پھرتی ہے چشم نم کے بیچ

شاد وے جو اب جواں تازہ ہوئے ہیں شہر میں

دل زدہ ہم شیب میں رہتے ہیں اپنے غم کے بیچ

دل نہ ایسا کر کہ پشت چشم وہ نازک کرے

سو بلائیں ہیں یہاں ان ابروؤں کے خم کے بیچ

حد سے افزوں اس گلی میں شور ہے عشاق کا

کون سنتا ہے کسو کی بات اس اودھم کے بیچ

رونق آبادی ملک سخن ہے اس تلک

ہوں ہزاروں دم الٰہی میر کے اک دم کے بیچ

میر تقی میر

جو کہوں میں کوئی ہے میرے بھی غمخواروں کے بیچ

اکتوبر 7, 2015میر تقی میر،اساتذہ،غزلماروں،گنہگاروں،انگاروں،آزاروں،بیماروں،برداروں،تاروں،دیواروں،غمخواروںadmin

دیوان ششم غزل 1820

وامق و فرہاد و مجنوں کون ہے یاروں کے بیچ

جو کہوں میں کوئی ہے میرے بھی غمخواروں کے بیچ

جمع خوباں میں مرا محبوب اس مانند ہے

جوں مہ تابندہ آتا ہے کبھو تاروں کے بیچ

جو جفا عاشق پہ ہے سو اور لوگوں پر نہیں

اس سے پیدا ہے کہ میں ہی ہوں گنہگاروں کے بیچ

مر گئے بہتیرے صاحب دل ہوس کس کو ہوئی

ایسے مرنے جینے کی ان عشق کے ماروں کے بیچ

رونا کڑھنا عشق میں دیکھا مرا جن نے کہا

کیا جیے گا یہ ستم دیدہ ان آزاروں کے بیچ

منتظر برسوں رہے افسوس آخر مر گئے

دیدنی تھے لوگ اس ظالم کے بیماروں کے بیچ

خاک تربت کیوں نہ اپنی دلبرانہ اٹھ چلے

ہم بھی تھے اس نازنیں کے ناز برداروں کے بیچ

صاف میداں لامکاں سا ہو تو میرا دل کھلے

تنگ ہوں معمورۂ دنیا کی دیواروں کے بیچ

باغ میں تھے شب گل مہتاب میرے آس پاس

یار بن یعنی رہا میں میر انگاروں کے بیچ

میر تقی میر

رنج ویسے ہی ہیں نباہ کے بیچ

اکتوبر 7, 2015میر تقی میر،اساتذہ،غزلماہ،نگاہ،نباہ،گناہ،گاہ،پناہ،پگاہ،آہ،خانقاہ،راہadmin

دیوان ششم غزل 1819

لطف جیسے ہیں اس کی چاہ کے بیچ

رنج ویسے ہی ہیں نباہ کے بیچ

ذوق صید اس کو تھا تو خیل ملک

دھوم رکھتے تھے دام گاہ کے بیچ

کب مزہ ہے نماز صبح میں وہ

جو صبوحی کے ہے گناہ کے بیچ

اس غصیلے کی سرخ آنکھیں دیکھ

اٹھے آشوب خانقاہ کے بیچ

جان و دل دونوں کرگئے تھے غش

دیکھ اس رشک مہ کو راہ کے بیچ

اس کی چشم سیہ ہے وہ جس نے

کتنے جی مارے اک نگاہ کے بیچ

سانجھ ہی رہتی پھر اگر ہوتا

کچھ اثر نالۂ پگاہ کے بیچ

کیا رہیں جور سے بتوں کے ہم

رکھ لے اپنی خدا پناہ کے بیچ

منھ کی دو جھائیوں سے مت شرما

جھائیں ہوتی ہے روے ماہ کے بیچ

میر بیمار ہے کہ فرق نہیں

متصل اس کے آہ آہ کے بیچ

میر تقی میر

دشتی وحش و طیر آئے ہیں ہونے تیرے شکار بہت

اکتوبر 7, 2015میر تقی میر،اساتذہ،غزلپیار،آزار،بیمار،بیزار،تلوار،دار،زنار،شکارadmin

دیوان ششم غزل 1818

باہر چلنے میں آبادی سے کر نہ تغافل یار بہت

دشتی وحش و طیر آئے ہیں ہونے تیرے شکار بہت

دعویٰ عاشق بیچارے کا کون سنے گا محشر میں

خیل ملائک واں بھی ہوں گے اس کے خاطر دار بہت

خشکی لب کی زردی رخ کی نمنا کی دو آنکھوں کی

جو دیکھے ہے کہے ہے ان نے کھینچا ہے آزار بہت

جسم کی حالت جی کی طاقت نبض سے کر معلوم طبیب

کہنے لگا جانبر کیا ہو گا یہ تو ہے بیمار بہت

چار طرف ابرو کے اشارے اس ظالم کے زمانے میں

ٹھہرے کیا عاشق بیکس یاں چلتی ہے تلوار بہت

پیش گئی نہ کچھ چاہت میں کافر و مسلم دونوں کی

سینکڑوں سبحے پھینکے گئے اور ٹوٹے ہیں زنار بہت

جی کے لگاؤ کہے سے ہم نے جی ہی جاتے دیکھے ہیں

اس پہ نہ جانا آہ برا ہے الفت کا آزار بہت

کس کو دماغ سیر چمن ہے کیا ہجراں میں واشد ہو

کم گلزار میں اس بن جاکر آتا ہوں بیزار بہت

میر دعا کر حق میں میرے تو بھی فقیر ہے مدت سے

اب جو کبھو دیکھوں اس کو تو مجھ کو نہ آوے پیار بہت

میر تقی میر

کڑھتے ہیں دن رات اس پر ہم بہت

اکتوبر 7, 2015میر تقی میر،اساتذہ،غزلکر،پتھر،پر،برadmin

دیوان ششم غزل 1817

کیا کہیں ہے حال دل درہم بہت

کڑھتے ہیں دن رات اس پر ہم بہت

رہتا ہے ہجراں میں غم غصے سے کام

اور وے بھی سن کے ہیں برہم بہت

اضطراب اس کا نہیں ہوتا ہے کم

ہاتھ بھی رکھتے ہیں دل پر ہم بہت

اس گلی سے جی اچٹتا ٹک نہیں

دل جگر کرتے ہیں پتھر ہم بہت

میر کی بدحالی شب مذکور تھی

کڑھ گئے یہ حال سن کر ہم بہت

میر تقی میر

ہم سے کرتا ہے اب حجاب بہت

اکتوبر 7, 2015میر تقی میر،اساتذہ،غزلاحتساب،اضطراب،ثواب،حجاب،خراب،شباب،شتاب،شراب،عتابadmin

دیوان ششم غزل 1816

منھ پہ رکھتا ہے وہ نقاب بہت

ہم سے کرتا ہے اب حجاب بہت

چشمک گل کا لطف بھی نہ اٹھا

کم رہا موسم شباب بہت

دیر بھی کچھ لگی نہ مرتے ہمیں

عمر جاتی رہی شتاب بہت

ڈھونڈتے اس کو کوچے کوچے پھرے

دل نے ہم کو کیا خراب بہت

چلنا اپنا قریب ہے شاید

جاں کرے ہے اب اضطراب بہت

توبہ مے سے بہار میں نہ کروں

گو کرے شیخ احتساب بہت

اس غصیلے سے کیا کسو کی نبھے

مہربانی ہے کم عتاب بہت

کشتن مردماں اگر ہے ثواب

تو ہوا ہے اسے ثواب بہت

دیر تک کعبے میں تھے شب بے ہوش

پی گئے میر جی شراب بہت

میر تقی میر

وہ ستمگر اس ستم کش کو ستاتا ہے بہت

اکتوبر 7, 2015میر تقی میر،اساتذہ،غزلآتا،بلاتا،بناتا،بھاتا،جلاتا،جاتا،سناتا،ستاتاadmin

دیوان ششم غزل 1815

جو کوئی اس بے وفا سے دل لگاتا ہے بہت

وہ ستمگر اس ستم کش کو ستاتا ہے بہت

اس کے سونے سے بدن سے کس قدر چسپاں ہے ہائے

جامہ کبریتی کسو کا جی جلاتا ہے بہت

کیا پس از چندے مری آوارگی منظور ہے

مو پریشاں اب جو شب مجھ پاس آتا ہے بہت

چاہ میں بھی بیشتر جانے سے کم ہوتا ہے وقر

اس لیے جاتا ہوں تب جب وہ بلاتا ہے بہت

گرچہ کم جاتا ہوں پر دل پر نہیں کچھ اختیار

وہ کجی سے سیدھیاں مجھ کو سناتا ہے بہت

بھول جاوے گا سخن پردازی اس کے سامنے

شاعری سے جو کوئی باتیں بناتا ہے بہت

بامزہ معشوق کیا کم ہیں پر اس کو کیا کروں

ناز و انداز اس ہی کا جو مجھ کو بھاتا ہے بہت

وہ نہیں ہجراں میں اس بن خواب خوش آوے مجھے

اب خیال اس کی طرف ہر لحظہ جاتا ہے بہت

کیا کروں کہنے لگا ایدھر نہ آنے پائے وہ

بد کہیں ہنگامہ آرا میر آتا ہے بہت

میر تقی میر

بدزبانی بھی کی ان نے تو کہا بسیار خوب

اکتوبر 7, 2015میر تقی میر،اساتذہ،غزلہموار،مار،یار،کردار،آثار،اصرار،اظہار،بسیار،دارadmin

دیوان ششم غزل 1814

اس مغل زا سے نہ تھی ہر بات کی تکرار خوب

بدزبانی بھی کی ان نے تو کہا بسیار خوب

لگ نہیں پڑتے ہیں لے کر ہاتھ میں شمشیر تیز

بے کسوں کے قتل میں اتنا نہیں اصرار خوب

آخر ان خوباں نے عاشق جان کر مارا مجھے

چاہ کا اپنی نہ کرنا ان سے تھا اظہار خوب

آج کل سے مجھ کو بیتابی و بدحالی ہے کیا

مجھ مریض عشق کے کب سے نہ تھے آثار خوب

کیا کریمی اس کی کہیے جنت دربستہ دی

ورنہ مفلس غم زدوں کے کچھ نہ تھے کردار خوب

مخترع جور و ستم میں بھی ہوا وہ نوجواں

ظلم تب کرتا ہے جب ہو کوئی منت دار خوب

دہر میں پستی بلندی برسوں تک دیکھی ہے میں

جب لٹا پامالی سے میں تب ہوا ہموار خوب

کیا کسو سے آشنائی کی رکھے کوئی امید

کم پہنچتا ہے بہم دنیا میں یارو یار خوب

کہتے تھے افعی کے سے اے میر مت کھا پیچ و تاب

آخر اس کوچے میں جا کھائی نہ تو نے مار خوب

میر تقی میر

ساتھ میرے دل گڑا تو آچکا مرنے کا خواب

اکتوبر 7, 2015میر تقی میر،اساتذہ،غزلنقاب،انتخاب،احتساب،باریاب،حجاب،خواب،خراب،شبابadmin

دیوان ششم غزل 1813

مارے ہی ڈالے ہے جس کا زندگی میں اضطراب

ساتھ میرے دل گڑا تو آچکا مرنے کا خواب

ٹک ٹھہرتا بھی تو کہتے تھا کسو بجلی کی تاب

یا کہ نکہت گل کی تھا آیا گیا عہد شباب

کی نماز صبح کو کھوکر نماز اشراق کی

ہو گیا مجھ پر ستم اچٹا نہ ٹک مستی میں خواب

دیکھنا منھ یار کا اس وجہ سے ہوتا نہیں

یا الٰہی دے زمانے سے اٹھا رسم نقاب

ضعف ہے اس کے مرض اور اس کے غم سے الغرض

دل بدن میں آدمی کے ایک ہے خانہ خراب

یار میں ہم میں پڑا پردہ جو ہے ہستی ہے یہ

بیچ سے اٹھ جائے تو ہووے ابھی رفع حجاب

صورت دیوار سے مدت کھڑے در پر رہے

پر کبھو صحبت میں اس کی ہم ہوئے نہ باریاب

مے سے توبہ کرتے ہی معقول اگر ہم جانتے

ہم پہ شیخ شہر برسوں سے کرے ہے احتساب

جمع تھے خوباں بہت لیکن پسند اس کو کیا

کیا غلط میں نے کیا اے میر وقت انتخاب

میر تقی میر

بے مروت اس زمانے میں ہمہ حیرت ہے اب

اکتوبر 7, 2015میر تقی میر،اساتذہ،غزلکلفت،تہمت،حیرت،رخصت،طاقتadmin

دیوان ششم غزل 1812

آئینہ سا جو کوئی یاں آشنا صورت ہے اب

بے مروت اس زمانے میں ہمہ حیرت ہے اب

کیا کوئی یاری کسو سے کرکے ہووے شاد کام

دوستی ہے دشمنی الفت نہیں کلفت ہے اب

چاہتا ہے درد دل کرنا کسو سے دل دماغ

سو دماغ اپنا ضعیف اور قلب بے طاقت ہے اب

کیونکے دنیا دنیا رسوائی مری موقوف ہو

عالم عالم مجھ پہ اس کے عشق کی تہمت ہے اب

اشک نومیدا نہ پھرتے ہیں مری آنکھوں کے بیچ

میر یہ دے ہے دکھائی جان کی رخصت ہے اب

میر تقی میر

کھاوے گا آفتابہ کوئی خودسر آفتاب

اکتوبر 7, 2015میر تقی میر،اساتذہ،غزلچکر،کیدھر،کر،گھر،پر،برتر،تھرتھر،خودسر،خوشتر،سیسرadmin

دیوان ششم غزل 1811

منھ دھوتے اس کے آتا تو ہے اکثر آفتاب

کھاوے گا آفتابہ کوئی خودسر آفتاب

سر صدقے تیرے ہونے کی خاطر بہت ہے گرم

مارا کرے ہے شام و سحر چکر آفتاب

ہر خانہ کیوں نہ صبح جہاں میں ہو پر فروغ

پھرتا ہے جھانکتا اسی کو گھر گھر آفتاب

تجرید کا فراغ ہے یک دولت عظیم

بھاگے ہے اپنے سائے سے بھی خوشتر آفتاب

نازک مزاج ہے تو کہیں گھر سے مت نکل

ہوتا ہے دوپہر کے تئیں سر پر آفتاب

پیدا ہے روز مشرق نو کی نمود سی

آئے ہے کوے یار سے بچ بچ کر آفتاب

ہو پست اس کے نور کا زیر زمیں گیا

ہر چند سب ستاروں سے تھا برتر آفتاب

اس رخ کی روشنی میں نہ معلوم کچھ ہوا

مہ گم کدھر ہوا ہے گیا کیدھر آفتاب

کس زورکش کی قوس قزح ہے کمان پاک

جس کی اٹھا سکا نہ کبھو سیسر آفتاب

روشن ہے یہ کہ خوف ہے اس غصہ ور کا میر

نکلے ہے صبح کانپتا جو تھرتھر آفتاب

میر تقی میر

کرنا جو کچھ ہو تم کو سو کرلو شتاب اب

اکتوبر 7, 2015میر تقی میر،اساتذہ،غزلکباب،ثواب،جواب،حجاب،حساب،خواب،خراب،خطاب،شتاب،عذابadmin

دیوان ششم غزل 1810

آیا ہے شیب سر پہ گیا ہے شباب اب

کرنا جو کچھ ہو تم کو سو کرلو شتاب اب

بگڑا بنا ہوں عشق سے سو بار عاقبت

پایا قرار یہ کہ رہوں میں خراب اب

خوں ریزی عاشقوں کی ہے ظالم اگر ثواب

تو تو ہوا ہے تجھ کو بہت سا ثواب اب

بھڑکی دروں میں آتش سوزندہ عشق کی

دل رہ گیا ہے پہلو میں ہوکر کباب اب

ہوں اس بہشتی رو سے جدا میں جحیم میں

رہتا ہے میری خاک کو ہر دم عذاب اب

قاصد جو آیا چپ ہے نشاں خط کا کچھ نہیں

دیکھیں جو لاوے باد کوئی کیا جواب اب

کیا رنج و غم کو آگے ترے میں کروں شمار

یاں خود حسابی میری تو ہے بے حساب اب

جھپکی ہیں آنکھیں اور جھکی آتی ہیں بہت

نزدیک شاید آیا ہے ہنگام خواب اب

آرام کریے میری کہانی بھی ہوچکی

کرنے لگو گے ورنہ عتاب و خطاب اب

جانا سبھوں نے یہ کہ تو معشوق میر ہے

خلع العذار سے نہ گیا ہے حجاب اب

میر تقی میر

مر جائے کوئی خستہ جگر تو ہے کیا عجب

اکتوبر 7, 2015میر تقی میر،اساتذہ،غزلمکر،نظر،کمر،گھر،اثر،بسر،جگر،خبر،سفر،سحر،ضررadmin

دیوان ششم غزل 1809

ہے عشق میں جو حال بتر تو ہے کیا عجب

مر جائے کوئی خستہ جگر تو ہے کیا عجب

لے جا کے نامے کتنے کبوتر ہوئے ہیں ذبح

اڑتی سی ہم کو آوے خبر تو ہے کیا عجب

شبہاے تار و تیرہ زمانے میں دن ہوئیں

شب ہجر کی بھی ہووے سحر تو ہے کیا عجب

جیسے ہے رخنہ رخنہ یہ چرخ اثیر سب

اس آہ کا ہو اس میں اثر تو ہے کیا عجب

جاتی ہے چشم شوخ کسی کی ہزار جا

آوے ادھر بھی اس کی نظر تو ہے کیا عجب

لغزش ملک سے ہووے لچک اس کمر کی دیکھ

عاشق سے جو بندھے نہ کمر تو ہے کیا عجب

ترک وطن کیا ہے عزیزوں نے چاہ میں

کر جائے کوئی رفتہ سفر تو ہے کیا عجب

برسوں سے ہاتھ مارتے ہیں سر پہ اس بغیر

ہووے بھی ہم سے دست بسر تو ہے کیا عجب

معلوم سودمندی عشاق عشق میں

پہنچے ہے اس سے ہم کو ضرر تو ہے کیا عجب

گھر بار میں لٹا کے گیا گھر سے بھی نکل

اب آوے وہ کبھو مرے گھر تو ہے کیا عجب

ملتی نہیں ہے آنکھ اس آئینہ رو کی میر

وہ دل جو لے کے جاوے مکر تو ہے کیا عجب

میر تقی میر

بہت عالم کرے گا غم ہمارا

اکتوبر 7, 2015میر تقی میر،اساتذہ،غزلماتم،اودھم،برہم،خم،غمadmin

دیوان ششم غزل 1808

سخن مشتاق ہے عالم ہمارا

بہت عالم کرے گا غم ہمارا

پڑھیں گے شعر رورو لوگ بیٹھے

رہے گا دیر تک ماتم ہمارا

نہیں ہے مرجع آدم اگر خاک

کدھر جاتا ہے قد خم ہمارا

زمین و آسماں زیر و زبر ہے

نہیں کم حشر سے اودھم ہمارا

کسو کے بال درہم دیکھتے میر

ہوا ہے کام دل برہم ہمارا

میر تقی میر

حیرت سے آفتاب جہاں کا تہاں رہا

اکتوبر 7, 2015میر تقی میر،اساتذہ،غزلمہرباں،میہماں،کہاں،تہاں،جہاں،جواں،جاں،خانماں،رواںadmin

دیوان ششم غزل 1807

اب یار دوپہر کو کھڑا ٹک جو یاں رہا

حیرت سے آفتاب جہاں کا تہاں رہا

جو قافلے گئے تھے انھوں کی اٹھی بھی گرد

کیا جانیے غبار ہمارا کہاں رہا

سوکھی پڑی ہیں آنکھیں مری دیر سے جو اب

سیلاب ان ہی رخنوں سے مدت رواں رہا

اعضا گداز عشق سے ایک ایک بہ گئے

اب کیا رہا ہے مجھ میں جو میں نیم جاں رہا

منعم کا گھر تمادی ایام میں بنا

سو آپ ایک رات ہی واں میہماں رہا

اس کے فریب لطف پہ مت جا کہ ہمنشیں

وہ دیر میرے حال پہ بھی مہرباں رہا

اب در پہ اس کے گھر کے گرا ہوں وگر نہ میں

مدت خرابہ گرد ہی بے خانماں رہا

ہے جان تو جہان ہے مشہور ہے مثل

کیا ہے گئے پہ جان کے گو پھر جہاں رہا

ترک شراب خانہ ہے پیری میں ورنہ میر

ترسا بچوں ہی میں رہا جب تک جواں رہا

میر تقی میر

پیر فقیر اس بے دنداں کو ان نے دنداں مزد دیا

اکتوبر 7, 2015میر تقی میر،اساتذہ،غزللیا،پیا،جیا،دیاadmin

دیوان ششم غزل 1806

آج اس خوش پرکار جواں مطلوب حسین نے لطف کیا

پیر فقیر اس بے دنداں کو ان نے دنداں مزد دیا

آنسو کی بوند آنکھوں سے دونوں اب تو نکلتی ایک نہیں

دل کے طپیدن روز و شب نے خوب جگر کا لوہو پیا

مرتے جیسے صبر کیا تھا ویسی ہی بے صبری کی

ہائے دریغ افسوس کوئی دن اور نہ یہ بیمار جیا

ہاتھ رکھے رہتا ہوں دل پر برسوں گذرے ہجراں میں

ایک دن ان نے گلے سے مل کر ہاتھ میں میرا دل نہ لیا

میر تقی میر

اک دو دن ہی میں وہ زار و زبوں خوار ہوا

اکتوبر 7, 2015میر تقی میر،اساتذہ،غزلیار،گنہگار،گرفتار،بیمار،خوار،خبردار،خریدار،دشوار،طلبگارadmin

دیوان ششم غزل 1805

جس ستم دیدہ کو اس عشق کا آزار ہوا

اک دو دن ہی میں وہ زار و زبوں خوار ہوا

روز بازار میں عالم کے عجب شے ہے حسن

بک گیا آپ ہی جو اس کا خریدار ہوا

دھوپ میں آگے کھڑا اس کے جلا کرتا ہوں

چاہ کر اس کے تئیں میں تو گنہگار ہوا

ہوش کچھ جن کے سروں میں تھا شتابی چیتے

حیف صد حیف کہ میں دیر خبردار ہوا

ہو بخود تو کسو کو ڈھونڈ نکالے کوئی

وہی خود گم ہوا جو اس کا طلبگار ہوا

مرغ دل کی ہے رہائی سے مرا دل اب جمع

پرشکن بالوں میں وہ اس کے گرفتار ہوا

پیار کی دیکھی جو چتون کسو کی میں جانا

کہ یہ اب سادہ و پرکار مرا یار ہوا

تکیہ اس پر جو کیا تھا سو گرا بستر پر

یعنی میں شوق کے افراط سے بیمار ہوا

کیونکے سب عمر صعوبت میں کٹی تیری میر

اپنا جینا تو کوئی دن ہمیں دشوار ہوا

میر تقی میر

اس سے کیا جانوں کیا قرار ہوا

اکتوبر 7, 2015میر تقی میر،اساتذہ،غزلہار،قرار،یار،اعتبار،خار،دوار،روزگارadmin

دیوان ششم غزل 1804

دل جو ناگاہ بے قرار ہوا

اس سے کیا جانوں کیا قرار ہوا

شب کا پہنا جو دن تلک ہے مگر

ہار اس کے گلے کا ہار ہوا

گرد سر اس کے جو پھرا میں بہت

رفتہ رفتہ مجھے دوار ہوا

بستر خواب سے جو اس کے اٹھا

گل تر سوکھ سوکھ خار ہوا

مجھ سے لینے لگے ہیں عبرت لوگ

عاشقی میں یہ اعتبار ہوا

روز و شب روتے کڑھتے گذرے ہے

اب یہی اپنا روزگار ہوا

روؤں کیا اپنی سادگی کو میر

میں نے جانا کہ مجھ سے یار ہوا

میر تقی میر

رہا ویسا ہی ہنگامہ مری بھی زار نالی کا

اکتوبر 7, 2015میر تقی میر،اساتذہ،غزللالی،نالی،گالی،بھالی،حالی،خیالی،خالی،سالی،عالیadmin

دیوان ششم غزل 1803

پڑا تھا شور جیسا ہر طرف اس لاابالی کا

رہا ویسا ہی ہنگامہ مری بھی زار نالی کا

رہے بدحال صوفی حال کرتے دیر مجلس میں

مغنی سے سنا مصرع جو میرے شعر حالی کا

نظر بھر دیکھتا کوئی تو تم آنکھیں چھپا لیتے

سماں اب یاد ہو گا کب تمھیں وہ خورد سالی کا

چمک یاقوت کی چلتی ہے اتنی دور کاہے کو

اچنبھا ہے نظر بازوں کو ان ہونٹوں کی لالی کا

پھرے بستی میں رویت کچھ نہیں افلاس سے اپنی

الہٰی ہووے منھ کالا شتاب اس دست خالی کا

دماغ اپنا تو اپنی فکر ہی میں ہوچکا یکسر

خیال اب کس کو ہے اے ہمنشیں نازک خیالی کا

ذلیل و خوار ہیں ہم آگے خوباں کے ہمیشہ سے

پریکھا کچھ نہیں ہے ہم کو ان کی جھڑکی گالی کا

ڈرو چونکو جو چسپاں اختلاطی تم سے ہو مجھ کو

تشتّت کیا ہے میری دور کی اس دیکھا بھالی کا

نہ پہنچی جو دعاے میر واں تک تو عجب کیا ہے

علوے مرتبہ ہے بسکہ اس درگاہ عالی کا

میر تقی میر

تلاش جوش بہار میں کی نگار گلشن میں تھا نہ اپنا

اکتوبر 7, 2015میر تقی میر،اساتذہ،غزلچلا،کہا،کیا،گیا،بنا،تھا،رہاadmin

دیوان ششم غزل 1802

گئے تھے سیر چمن کو اٹھ کر گلوں میں ٹک جی لگا نہ اپنا

تلاش جوش بہار میں کی نگار گلشن میں تھا نہ اپنا

ملا تو تھا وہ بخواہش دل مزہ بھی پاتے ملے سے لیکن

پھریں جو مستی میں اس کی آنکھیں سو ہوش ہم کو رہا نہ اپنا

جہاں کا دریاے بیکراں تو سراب پایان کار نکلا

جو لوگ تہ سے کچھ آشنا تھے انھوں نے لب تر کیا نہ اپنا

نکالی سرکش نے چال ایسی کہ دیکھ حیرت سے رہ گئے ہم

دلوں میں کیا کیا ہمارے آیا کریں سو کیا بس چلا نہ اپنا

کہے بھی کوئی تو اس سے جس میں سخن کسو کا اثر کرے کچھ

بکا کیے ہم ہمیشہ مانا کسو دن ان نے کہا نہ اپنا

نہ ہوش ہم کو نہ صبر دل کو نہ شور سر میں نہ زور پا میں

جو روویں کس کس کو روویں اب ہم وفا میں کیا کیا گیا نہ اپنا

جہاں میں رہنے کو جی بہت تھا نہ کرسکے میر کچھ توقف

بنا تھی ناپائدار اس کی اسی سے رہنا بنا نہ اپنا

میر تقی میر

آشنا رہ برسوں جو اک دم میں ہو ناآشنا

اکتوبر 7, 2015میر تقی میر،اساتذہ،غزلناآشنا،آشناadmin

دیوان ششم غزل 1801

ہو کوئی اس بے وفا دلدار سے کیا آشنا

آشنا رہ برسوں جو اک دم میں ہو ناآشنا

قدر جانو کچھ ہماری ورنہ پچھتاؤ گے تم

پھر نہیں ملنے کا تم کو کوئی ہم سا آشنا

باغ کو بے لالہ و گل دیکھ کہتے تھے طیور

جھڑ گئے پت جھڑ میں اب کے ہائے کیا کیا آشنا

اب تو تو لڑکا نہیں عشق و ہوس میں کر تمیز

آشنا سے فرق ہوتا ہے بہت تا آشنا

ملتے ملتے منھ چھپانا بھی لطیفہ ہے نیا

آشنائی یا نہ کریے ہوجیے یا آشنا

تھا جنوں کا لطف مجنوں سے سو دنیا سے گیا

مغفرت ہو اس کو وحشی ہم سے بھی تھا آشنا

اب جو ہاتھ آئے ہیں ہم مت مفت کھو دیجو ہمیں

پھر نہ ہو گا تم کو ایسا کوئی پیدا آشنا

کیسا ہی پانی ہو اس کو پیری میں جانا ہے پیر

تھا جوانی میں مگر تو میر دانا آشنا

میر تقی میر

ہزار مرتبہ منھ تک مرے جگر آیا

اکتوبر 7, 2015میر تقی میر،اساتذہ،غزلہنر،نظر،کمر،کدھر،کر،گھر،بھر،تر،جگرadmin

دیوان ششم غزل 1800

زمانہ ہجر کا آسان کیا بسر آیا

ہزار مرتبہ منھ تک مرے جگر آیا

رہیں جو منتظر آنکھیں غبار لائیں ولے

وہ انتظارکشوں کو نہ ٹک نظر آیا

ہزار طرح سے آوے گھڑی جدائی میں

ملاپ جس سے ہو ایسا نہ یک ہنر آیا

ملا جو عشق کے جنگل میں خضر میں نے کہا

کہ خوف شیر ہے مخدوم یاں کدھر آیا

یہ لہر آئی گئی روز کالے پانی تک

محیط اس مرے رونے کو دیکھ تر آیا

نثار کیا کریں ہم خانماں خراب اس پر

کہ گھر لٹا چکے جب یار اپنے گھر آیا

نہ روؤں کیونکے علی الاتصال اس بن میں

کہ جی کے رندھنے سے جوں ابر دل بھی بھر آیا

جوان مارے ہیں بے ڈھنگی ہی سے ان نے بہت

ستم کی مشق کی پر خون اسے نہ کرآیا

لچک کمر کی جو یاد آئی اس کی بہ آوے

کہ پانی میر کے اشکوں کا تا کمر آیا

میر تقی میر

دور سے دیکھتے ہی پیار آیا

اکتوبر 7, 2015میر تقی میر،اساتذہ،غزلہار،قرار،پیار،پکار،بار،شکار،غبارadmin

دیوان ششم غزل 1799

دیر بدعہد وہ جو یار آیا

دور سے دیکھتے ہی پیار آیا

بیقراری نے مار رکھا ہمیں

اب تو اس کے تئیں قرار آیا

گرد رہ اس کی اب اٹھو نہ اٹھو

میری آنکھوں ہی پر غبار آیا

اک خزاں میں نہ طیر بھی بولا

میں چمن میں بہت پکار آیا

ہار کر میں تو کاٹتا تھا گلا

وہ قماری گلے کا ہار آیا

طائر عمر کو نظر میں رکھ

غیب سے ہاتھ یہ شکار آیا

موسم آیا تو نخل دار میں میر

سر منصور ہی کا بار آیا

میر تقی میر

تو جینا ہمیں اپنا دشوار ہو گا

اکتوبر 7, 2015میر تقی میر،اساتذہ،غزلیار،کار،پیار،آزار،بیمار،خوار،دشوارadmin

دیوان ششم غزل 1798

جو تو ہی صنم ہم سے بیزار ہو گا

تو جینا ہمیں اپنا دشوار ہو گا

غم ہجر رکھے گا بیتاب دل کو

ہمیں کڑھتے کڑھتے کچھ آزار ہو گا

جو افراط الفت ہے ایسا تو عاشق

کوئی دن میں برسوں کا بیمار ہو گا

اچٹتی ملاقات کب تک رہے گی

کبھو تو تہ دل سے بھی یار ہو گا

تجھے دیکھ کر لگ گیا دل نہ جانا

کہ اس سنگدل سے ہمیں پیار ہو گا

لگا کرنے ہجران سختی سی سختی

خدا جانے کیا آخر کار ہو گا

یہی ہو گا کیا ہو گا میر ہی نہ ہوں گے

جو تو ہو گا بے یار و غم خوار ہو گا

میر تقی میر

عشق بھی اس کا ہے نام اک پیار کا

اکتوبر 6, 2015میر تقی میر،اساتذہ،غزلیار،پیار،اصرار،بیمار،بار،بازار،خونبار،دیوار،سرکارadmin

دیوان ششم غزل 1797

میں ہوں خاک افتادہ جس آزار کا

عشق بھی اس کا ہے نام اک پیار کا

بیچتا سرکیوں نہ گلیوں میں پھروں

میں ہوں خواہاں لطف تہ بازار کا

خون کرکے ٹک نہ دل ان نے لیا

کشتہ و مردہ ہوں اس اصرار کا

گھر سے وہ معمار کا جو اٹھ گیا

حال ابتر ہو گیا گھر بار کا

نقل اس کی بے وفائی کی ہے اصل

کب وفاداری ہے شیوہ یار کا

سر جو دے دے مارتے گھر میں پھرے

رنگ دیگر ہے در و دیوار کا

اک گداے در ہے سیلاب بہار

غم کشوں کے دیدۂ خونبار کا

دلبراں دل جنس ہے گنجائشی

اس میں کچھ نقصاں نہیں سرکار کا

عشق کا مارا ہے کیا پنپے گا میر

حال ہے بدحال اس بیمار کا

میر تقی میر

میں بے دماغ باغ سے اٹھ کر چلا گیا

اکتوبر 6, 2015میر تقی میر،اساتذہ،غزللکھا،لگا،لٹا،مزہ،چلا،چھپا،کیا،بجا،جداadmin

دیوان ششم غزل 1796

بلبل کا شور سن کے نہ مجھ سے رہا گیا

میں بے دماغ باغ سے اٹھ کر چلا گیا

لوگوں نے پائی راکھ کی ڈھیری مری جگہ

اک شعلہ میرے دل سے اٹھا تھا چلا گیا

چہرے پہ بال بکھرے رہے سب شب وصال

یعنی کہ بے مروتی سے منھ چھپا گیا

چلنا ہوا تو قافلۂ روزگار سے

میں جوں صدا جرس کی اکیلا جدا گیا

کیا بات رہ گئی ہے مرے اشتیاق سے

رقعے کے لکھتے لکھتے ترسل لکھا گیا

سب زخم صدر ان نے نمک بند خود کیے

صحبت جو بگڑی اپنے میں سارا مزہ گیا

سارے حواس میرے پریشاں ہیں عشق میں

اس راہ میں یہ قافلہ سارا لٹا گیا

بادل گرج گرج کے سناتا ہے یعنی یاں

نوبت سے اپنی ہر کوئی نوبت بجا گیا

وے محو ناز ہی رہے آئے نہ اس طرف

میں منتظر تو جی سے گیا ان کا کیا گیا

دل دے کے جان میر نے پایان کار دی

یہ سادہ لوح طرح نئی دل لگا گیا

میر تقی میر

کی دوستی کہ یارو اک روگ میں بساہا

اکتوبر 6, 2015میر تقی میر،اساتذہ،غزلنباہا،کراہا،پھاہا،الٰہا،بساہا،جماہا،دوراہا،راہا،سراہا،شاہاadmin

دیوان ششم غزل 1795

دشمن ہو جی کا گاہک ہوتا ہے جس کو چاہا

کی دوستی کہ یارو اک روگ میں بساہا

جی ہے جہاں قیامت درد و الم رہا واں

بیمار عاشقی میں شب صبح تک کراہا

تازہ جھمک تھی شب کو تاروں میں آسماں کے

اس آسیا کو شاید پھر کر کنھوں نے راہا

خمیازہ کش ہوں اس کی مدت سے اس ادا کا

لگ کر گلے سے میرے انگڑائی لے جماہا

جانا کہ منھ کھلا ہے آتش کدے کا شاید

سینے کے زخم سے جو سرکا ہے ٹک بھی پھاہا

آنکھیں مری لگو ہیں بے جا نہیں لگیں ہیں

دیکھا ہے جن نے اس کو اس نے مجھے سراہا

میں راہ عشق میں تو آگے ہی دو دلا تھا

پرپیچ پیش آیا ان زلفوں کا دوراہا

کرنا وفا نہیں ہے آسان عاشقی میں

پتھر کیا جگر کو تب چاہ کو نباہا

کہتے تو تھے نہ دیکھو اس سے لگے نہ جائو

سمجھے نہ دیدہ و دل اب کیا کہوں الٰہا

یا مرتضیٰ علیؓ ہے تیرا گداے در یہ

کر حال میر پر بھی ٹک التفات شاہا

میر تقی میر

دوچار دن میں برسوں کا بیمار ہو گیا

اکتوبر 6, 2015میر تقی میر،اساتذہ،غزلگنہگار،گرفتار،پیار،بیمار،بازار،تیار،خریدار،دیوار،سزاوارadmin

دیوان ششم غزل 1794

جس رفتنی کو عشق کا آزار ہو گیا

دوچار دن میں برسوں کا بیمار ہو گیا

نسبت بہت گناہوں کی میری طرف ہوئی

ناکردہ جرم میں تو گنہگار ہو گیا

حیرت زدہ میں عشق کے کاموں کا یار کے

دروازے پر کھڑے کھڑے دیوار ہو گیا

پھیلے شگاف سینے کے اطراف درد سے

کوچہ ہر ایک زخم کا بازار ہو گیا

بازار میں جہان کے ہے حسن کیا متاع

سو جی سے جس نے دیکھا خریدار ہو گیا

دل لے کے میری جان کا دشمن ہوا ندان

جس بے وفا سے اپنے تئیں پیار ہو گیا

عاشق کو اس کی تیغ سے ہے لاگ کھنچتے ہی

یہ کشتنی بھی مرنے کو تیار ہو گیا

مرتے موا رہا نہ ہوا تنگ ہی رہا

پھندے میں عشق کے جو گرفتار ہو گیا

کیا جرم تھا کسو پہ نہ معلوم کچھ ہوا

جو میر کشت و خوں کا سزاوار ہو گیا

میر تقی میر

مرنا تمام ہو نہ سکا نیم جاں ہوا

اکتوبر 6, 2015میر تقی میر،اساتذہ،غزلفغاں،لامکاں،مہرباں،مغاں،کہاں،گراں،امتحاں،آشیاں،جواں،جاں،خانماں،رواں،زیاں،سماںadmin

دیوان ششم غزل 1793

میں رنج عشق کھینچے بہت ناتواں ہوا

مرنا تمام ہو نہ سکا نیم جاں ہوا

بستر سے اپنے اٹھ نہ سکا شب ہزار حیف

بیمار عشق چار ہی دن میں گراں ہوا

شاید کہ دل تڑپنے سے زخم دروں پھٹا

خونناب میری آنکھوں سے منھ پر رواں ہوا

غیر از خدا کی ذات مرے گھر میں کچھ نہیں

یعنی کہ اب مکان مرا لامکاں ہوا

مستوں میں اس کی کیسی تعین سے ہے نشست

شیشہ ہوا نہ کیف کا پیر مغاں ہوا

سائے میں تاک کے مجھے رکھا اسیر کر

صیاد کے کرم سے قفس آشیاں ہوا

ہم نے نہ دیکھا اس کو سو نقصان جاں کیا

ان نے جو اک نگاہ کی اس کا زیاں ہوا

ٹک رکھ لے ہاتھ تن میں نہیں اور جاے زخم

بس میرے دل کا یار جی اب امتحاں ہوا

وے تو کھڑے کھڑے مرے گھر آ کے پھر گئے

میں بے دیار و بیدل و بے خانماں ہوا

گردش نے آسماں کی عجائب کیا سلوک

پیر کبیر جب میں ہوا وہ جواں ہوا

مرغ چمن کی نالہ کشی کچھ خنک سی تھی

میں آگ دی چمن کو جو گرم فغاں ہوا

دو پھول لاکے پھینک دیے میری گور پر

یوں خاک میں ملا کے مجھے مہرباں ہوا

سر کھینچا دود دل نے جہاں تیرہ ہو گیا

دم بھر میں صبح زیر فلک کیا سماں ہوا

کہتے ہیں میر سے کہیں اوباش لڑ گئے

ہنگامہ ان سے ایسا الٰہی کہاں ہوا

میر تقی میر

چاہ نے بدلے رنگ کئی اب جسم سراسر زرد ہوا

اکتوبر 6, 2015میر تقی میر،اساتذہ،غزلگرد،زرد،سردadmin

دیوان ششم غزل 1792

تھا اندوہ گرہ مدت سے دل میں خوں ہو درد ہوا

چاہ نے بدلے رنگ کئی اب جسم سراسر زرد ہوا

وعدہ خلافی اس ظالم کی کھا گئی میری جان غمیں

گرمی کرے وہ مجھ سے جب تک تب تک میں ہی سرد ہوا

گرد و غبار و دشت و وادی گریے سے میرے یک سو ہیں

رونے کے آگے ان کے تو دریا بھی میر اب گرد ہوا

میر تقی میر

پڑھتے کسو کو سنیے گا تو دیر تلک سر دھنیے گا

اکتوبر 6, 2015میر تقی میر،اساتذہ،غزلچنیے،گنیے،بھنیے،دھنیےadmin

دیوان ششم غزل 1791

باتیں ہماری یاد رہیں پھر باتیں ایسی نہ سنیے گا

پڑھتے کسو کو سنیے گا تو دیر تلک سر دھنیے گا

سعی و تلاش بہت سی رہے گی اس انداز کے کہنے کی

صحبت میں علما فضلا کی جاکر پڑھیے گنیے گا

دل کی تسلی جب کہ نہ ہو گی گفت و شنود سے لوگوں کی

آگ پھنکے گی غم کی بدن میں اس میں جلیے بھنیے گا

گرم اشعار میر درونہ داغوں سے یہ بھر دیں گے

زرد رو شہر میں پھریے گا گلیوں میں نے گل چنیے گا

میر تقی میر

سو بار آنکھیں کھولیں بالیں سے سر اٹھایا

اکتوبر 6, 2015میر تقی میر،اساتذہ،غزللگایا،لایا،مچایا،چھکایا،پایا،آزمایا،اٹھایا،بنایا،سایاadmin

دیوان ششم غزل 1790

وہ دیکھنے ہمیں ٹک بیماری میں نہ آیا

سو بار آنکھیں کھولیں بالیں سے سر اٹھایا

گلشن کے طائروں نے کیا بے مروتی کی

یک برگ گل قفس میں ہم تک نہ کوئی لایا

بے ہیچ اس کا غصہ یارو بلاے جاں ہے

ہرگز منا نہ ہم سے بہتیرا ہی منایا

قد بلند اگرچہ بے لطف بھی نہیں ہے

سرو چمن میں لیکن انداز وہ نہ پایا

انگڑاتے خوبرو یاں حسرت سے پیش و پس ہیں

اینڈا پھرے ہے ہر سو جب اس پری کا سایا

نقشہ عجب ہے اس کا نقاش نے ازل کے

مطبوع ایسا چہرہ کوئی نہ پھر بنایا

شب کو نشے میں باہم تھی گفتگوے درہم

اس مست نے جھنکایا یعنی بہت چھکایا

دل بستگی میں کھلنا اس کا نہ اس سے دیکھا

بخت نگوں کو ہم نے سو بار آزمایا

عاشق جہاں ہوا ہے بے ڈھنگیاں ہی کی ہیں

اس میر بے خرد نے کب ڈھب سے دل لگایا

میر تقی میر

جب تلک ہم جائیں اودھم ہو گیا

اکتوبر 6, 2015میر تقی میر،اساتذہ،غزلموسم،نم،اودھم،برہم،خم،دم،درہم،غمadmin

دیوان ششم غزل 1789

جمع اس کے نکلے عالم ہو گیا

جب تلک ہم جائیں اودھم ہو گیا

گو پریشاں ہو گئے گیسوے یار

حال ہی اپنا تو درہم ہو گیا

کیا کہوں کیا طرح بدلی یار نے

چائو تھا دل میں سو اب غم ہو گیا

کیا لکھوں مشکل ہوئی تحریر حال

خط کا کاغذ رونے سے نم ہو گیا

دم دیے بہتیرے یاروں نے ولے

خشک نے سا شیخ بے دم ہو گیا

کیوں نہ درہم برہم اپنا ہو مزاج

بات کہتے یار برہم ہو گیا

باغ جیسے راغ وحشت گاہ ہے

یاں سے شاید گل کا موسم ہو گیا

کیا نماز اے میر اس اوقات کی

جب کہ قد محراب سا خم ہو گیا

میر تقی میر

ٹکڑا جگر کا آنکھوں سے نکلا جلا ہوا

اکتوبر 6, 2015میر تقی میر،اساتذہ،غزلمبتلا،چلا،بلا،بھلا،جلاadmin

دیوان ششم غزل 1788

سوز دروں سے مجھ پہ ستم برملا ہوا

ٹکڑا جگر کا آنکھوں سے نکلا جلا ہوا

بدحال ہوکے چاہ میں مرنے کا لطف کیا

دل لگتے جو موا کوئی عاشق بھلا ہوا

نکلا گیا نہ دام سے پرپیچ زلف کے

اے وائے یہ بلا زدہ دل مبتلا ہوا

کیا اور لکھیے کیسی خجالت مجھے ہوئی

سر کو جھکائے آیا جو قاصد چلا ہوا

رہتا نہیں تڑپنے سے ٹک ہاتھ کے تلے

کیا جانوں میر دل کو مرے کیا بلا ہوا

میر تقی میر

نہ جانا ان نے تو یوں بھی کہ کیا تھا

اکتوبر 6, 2015میر تقی میر،اساتذہ،غزلہوا،لگا،مزہ،کہا،کیا،آشنا،بجا،جلا،جدا،خفا،خودستا،خدا،دواadmin

دیوان ششم غزل 1787

موئے ہم جس کی خاطر بے وفا تھا

نہ جانا ان نے تو یوں بھی کہ کیا تھا

معالج کی نہیں تقصیر ہرگز

مرض ہی عاشقی کا لا دوا تھا

نہ خود سر کیونکے ہوں ہم یار اپنا

خودآرا خودپسند و خودستا تھا

رکھا تھا منھ کبھو اس کنج لب پر

ہمارے ذوق میں اب تک مزہ تھا

نہ ملیو چاہنے والوں سے اپنے

نہ جانا تجھ سے یہ کن نے کہا تھا

پریشاں کر گئی فریاد بلبل

کسو سے دل ہمارا پھر لگا تھا

ملے برسوں وہی بیگانگی تھی

ہمارے زعم میں وہ آشنا تھا

نہ دیوانے تھے ہم سے قیس و فرہاد

ہمارا طور عشق ان سے جدا تھا

بدن میں صبح سے تھی سنسناہٹ

انھیں سنّاہٹوں میں جی جلا تھا

صنم خانے سے اٹھ کعبے گئے ہم

کوئی آخر ہمارا بھی خدا تھا

بدن میں اس کے ہے ہرجاے دلکش

جہاں اٹکا کسو کا دل بجا تھا

کوئی عنقا سے پوچھے نام تیرا

کہاں تھا جب کہ میں رسوا ہوا تھا

چڑھی تیوری چمن میں میر آیا

کلک خسپ آج شاید کچھ خفا تھا

میر تقی میر

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: