زمرہ جات کے محفوظات: اساتذہ

جانے نہ جانے گل ہی نہ جانے باغ تو سارا جانے ہے

اکتوبر 6, 2015میر تقی میر،اساتذہ،غزلمارا،چارہ،نظارہ،وارا،گوارا،آرا،اساری،اشارہ،تارا،دوبارہ،ساراadmin

دیوان پنجم غزل 1736

پتا پتا بوٹا بوٹا حال ہمارا جانے ہے

جانے نہ جانے گل ہی نہ جانے باغ تو سارا جانے ہے

لگنے نہ دے بس ہو تو اس کے گوہر گوش کو بالے تک

اس کو فلک چشم مہ و خور کی پتلی کا تارا جانے ہے

آگے اس متکبر کے ہم خدا خدا کیا کرتے ہیں

کب موجود خدا کو وہ مغرور خود آرا جانے ہے

عاشق سا تو سادہ کوئی اور نہ ہو گا دنیا میں

جی کے زیاں کو عشق میں اس کے اپنا وارا جانے ہے

چارہ گری بیماری دل کی رسم شہر حسن نہیں

ورنہ دلبر ناداں بھی اس درد کا چارہ جانے ہے

کیا ہی شکار فریبی پر مغرور ہے وہ صیاد بچہ

طائر اڑتے ہوا میں سارے اپنے اساریٰ جانے ہے

مہر و وفا و لطف و عنایت ایک سے واقف ان میں نہیں

اور تو سب کچھ طنز و کنایہ رمز و اشارہ جانے ہے

عاشق تو مردہ ہے ہمیشہ جی اٹھتا ہے دیکھے اسے

یار کے آجانے کو یکایک عمر دوبارہ جانے ہے

کیا کیا فتنے سر پر اس کے لاتا ہے معشوق اپنا

جس بے دل بے تاب و تواں کو عشق کا مارا جانے ہے

رخنوں سے دیوار چمن کے منھ کو لے ہے چھپا یعنی

ان سوراخوں کے ٹک رہنے کو سو کا نظارہ جانے ہے

تشنۂ خوں ہے اپنا کتنا میر بھی ناداں تلخی کش

دمدار آب تیغ کو اس کے آب گوارا جانے ہے

میر تقی میر

شور طیور اٹھتا ہے ایسا جیسے اٹھے ہے بول کوئی

اکتوبر 6, 2015میر تقی میر،اساتذہ،غزلقبول،مامول،معقول،معمول،بول،بھول،طولadmin

دیوان پنجم غزل 1735

اس کے رنگ چمن میں شاید اور کھلا ہے پھول کوئی

شور طیور اٹھتا ہے ایسا جیسے اٹھے ہے بول کوئی

یوں پھرتا ہوں دشت و در میں دور اس سے میں سرگشتہ

غم کا مارا آوارہ جوں راہ گیا ہو بھول کوئی

ایک کہیں سر کھینچے ہے ایسا جس کی کریں سب پابوسی

ہو ہر اک کو قبول دلہا یہ نہ کرے گا قبول کوئی

کس امید کا تجھ کو اے دل چاہ میں اس کی حصول ہوا

شوخ و شلائیں خوشرویاں سے رہتا ہے مامول کوئی

لمبے اس کے بالوں کا میں وصف لکھا ہے دور تلک

حرف مار تو طولانی تھا پھر بھی وے ہے طول کوئی

مستی حسن پرستی رندی یہی عمل ہے مدت سے

پیر کبیر ہوئے تو کیا ہے چھوٹے ہے معمول کوئی

حرف و حکایت شکر و شکایت تھی اک وضع و وتیرہ پر

میر کو جاکر دیکھا ہم نے ہے مرد معقول کوئی

میر تقی میر

عجب ہیں لوگ جو کہتے ہیں وہ ناساز آتا ہے

اکتوبر 6, 2015میر تقی میر،اساتذہ،غزلناز،ناساز،پرواز،پرداز،آواز،بازadmin

دیوان پنجم غزل 1734

ادھر مطرب کا عودی رنگ کب طناز آتا ہے

عجب ہیں لوگ جو کہتے ہیں وہ ناساز آتا ہے

خبر ہے شرط اتنا مت برس اے ابر بارندہ

ہمیں بھی آج رونا درد دل پرداز آتا ہے

اٹھے ہے گرد معشوقانہ اس تربت سے عاشق کی

کبھو ٹک جس کے اوپر وہ سراپا ناز آتا ہے

عجب رنگ حنا طائر ہے دست آموز خوباں کا

اڑے ہے تو بھی ہاتھوں ہی میں کر پرواز آتا ہے

وہی نازاں خراماں کبک سا آیا مری جانب

کوئی مغرور وہ شوخی سے اپنی باز آتا ہے

رہائی اپنی ہے دشوار کب صیاد چھوڑے ہے

اسیر دام ہو طائر جو خوش آواز آتا ہے

اگر مسجد سے آئوں میر تو بھی لوگ کہتے ہیں

کہ میخانے سے پھر دیکھو وہ شاہد باز آتا ہے

میر تقی میر

کہاں رحمت حق کہاں بے گناہی

اکتوبر 6, 2015میر تقی میر،اساتذہ،غزلنباہی،کاہی،گناہیadmin

دیوان پنجم غزل 1733

نہ بک شیخ اتنا بھی واہی تباہی

کہاں رحمت حق کہاں بے گناہی

ملوں کیونکے ہم رنگ ہو تجھ سے اے گل

ترا رنگ شعلہ مرا رنگ کاہی

مجھے میر تا گور کاندھا دیا تھا

تمناے دل نے تو یاں تک نباہی

میر تقی میر

لکھتا ہوں تو پھرے ہے کتابت بہی بہی

اکتوبر 6, 2015میر تقی میر،اساتذہ،غزلوہی،یہی،کہی،بہی،سہیadmin

دیوان پنجم غزل 1732

کیا خط لکھوں میں رونے سے فرصت نہیں رہی

لکھتا ہوں تو پھرے ہے کتابت بہی بہی

میدان غم میں قتل ہوئی آرزوے وصل

تھی اپنے خاندان تمنا میں اک یہی

اپنا لکھا ہے یاد مجھے میری بات بھول

قاصد نے جا کے یار سے کچھ اور ہی کہی

شب شور کرنے میں جو سماجت کی تنگ ہو

کہنے لگا کہ مارو اسے یہ تو ہے وہی

مت بہ نمک حرام تو داغوں سے ساز کر

اے زخم کہنہ میر کی خاطر ہی یوں سہی

میر تقی میر

ولے دل شرط ہے جو تاب لاوے

اکتوبر 6, 2015میر تقی میر،اساتذہ،غزللاوے،نہاوے،چڑھاوے،پاوے،بلاوے،بچھاوے،بناوے،جلاوے،جاوےadmin

دیوان پنجم غزل 1731

بسان برق وہ جھمکے دکھاوے

ولے دل شرط ہے جو تاب لاوے

اڑاتا گڈی وہ باہر نہ آوے

مبادا مجھ کو بھی گڈا بناوے

صبا سے میں جو لگ چل کر گیا واں

ہوا کھاوے کہا آنے نہ پاوے

نزاکت سے بہت ہے کم دماغی

رکھے پگڑی پہ گل تیوری چڑھاوے

بزن گاہ اس کشندے کی گلی ہے

وہی جاوے جو لوہو میں نہاوے

نہ پوچھو فرش رہ کیا ہووے اس کا

جو اہل دل ہو تو آنکھیں بچھاوے

بلا مغرور ہے وہ آتشیں خو

بہت منت کرو تو جی جلاوے

پڑا تڑپا کیا میں دور پہروں

عجب کیا ہے جو پاس اپنے بلاوے

بتان دیر سے ایسی نہیں لاگ

خدا ہی ہو تو کعبے میر جاوے

میر تقی میر

ہووے پیوند زمیں یہ رفتنی

اکتوبر 6, 2015میر تقی میر،اساتذہ،غزلمردنی،کنی،دشمنی،رفتنی،غنیؔadmin

دیوان پنجم غزل 1730

بسکہ ہے گردون دوں پرور دنی

ہووے پیوند زمیں یہ رفتنی

بزم میں سے اب تو چل اے رشک صبح

شمع کے منھ پر پھری ہے مردنی

میں چراغ صبح گاہی ہوں نسیم

مجھ سے اک دم کے لیے کیا دشمنی

مجھ سا محنت کش محبت میں نہیں

ہر زماں کرتا رہا ہوں جاں کنی

کچھ گدا شاعر نہیں ہوں میر میں

تھا مرا سرمشق دیوان غنیؔ

میر تقی میر

برسے ہے عشق اپنے دیوار اور در سے

اکتوبر 6, 2015میر تقی میر،اساتذہ،غزلہنر،نظر،نظرگذر،ور،کمر،کدھر،پر،اثر،تر،خبر،درadmin

دیوان پنجم غزل 1729

جوں ابر بے کسانہ روتے اٹھے ہیں گھر سے

برسے ہے عشق اپنے دیوار اور در سے

جمہور راہ اس کی دیکھا کرے ہے اکثر

محفوظ رکھ الٰہی اس کو نظرگذر سے

وحش اور طیر آنکھیں ہر سو لگا رہے ہیں

گرد رہ اس کی دیکھیں اٹھ چلتی ہے کدھر سے

شاید کہ وصل اس کا ہووے تو جی بھی ٹھہرے

ہوتی نہیں ہے اب تو تسکین دل خبر سے

مدت سے چشم بستہ بیٹھا رہا ہوں لیکن

وہ روے خوب ہرگز جاتا نہیں نظر سے

گو ہاتھ وہ نہ آوے دل غم سے خون کرنا

ہے لاگ میرے جی کو اس شوخ کی کمر سے

یہ گل نیا کھلا ہے لے بال تو قفس میں

کوئی کلی نہ نکلے مرغ چمن کے پر سے

دیکھو نہ چشم کم سے یہ آنکھ ڈبڈبائی

سیراب ابر ہوتے دیکھے ہیں چشم تر سے

گلشن سے لے قفس تک آواز ایک سی ہے

کیا طائر گلستاں ہیں نالہ کش اثر سے

ہر اک خراش ناخن جبہے سے صدر تک ہے

رجھواڑ ہو تو پوچھے کوئی ہمیں ہنر سے

یہ عاشقی ہے کیسی ایسے جیوگے کب تک

ترک وفا کرو ہو مرنے کے میر ڈر سے

میر تقی میر

چھانہہ میں جاکے ببولوں کی ہم عشق و جنوں کو رو آئے

اکتوبر 6, 2015میر تقی میر،اساتذہ،غزلکھو،گو،تو،جو،دو،رو،سوadmin

دیوان پنجم غزل 1728

کیا کہیے کچھ بن نہیں آتی جنگل جنگل ہو آئے

چھانہہ میں جاکے ببولوں کی ہم عشق و جنوں کو رو آئے

دل کی تلاش میں اٹھ کے گئے تھے شاید یاں پیدا ہو سو

جان کا اپنی گرامی گوہر اس کی گلی میں کھو آئے

آہوے عرفاں صید انھوں کا گر نہ ہوا نقصان کیا

اس عالم سے اس عالم میں کسب کمال کو جو آئے

کچھ کہنے کا مقام نہ تھا وہ وا ہوتا تو کہتے کچھ

آنا نہ آنا یکساں تھا واں ہوتے ادھر ہم گو آئے

سب کہتے تھے چین کرے گا کچھ بھی نہ دیکھا جز سختی

پتھر رکھ کے سرہانے ہم ٹک اس کی گلی میں سو آئے

کیا ہی دامن گیر تھی یارب خاک بسمل گاہ وفا

اس ظالم کی تیغ تلے سے ایک گیا تو دو آئے

سر دینا ٹھہرا کر ہم نے پائوں کو باہر رکھا تھا

ہر سو ہو دشوار ہے پھرنا میر ادھر اب تو آئے

میر تقی میر

گھر ہے کسو گوشے میں تو مکڑی کا سا گھر ہے

اکتوبر 6, 2015میر تقی میر،اساتذہ،غزلہنر،نظر،کدھر،گھر،بتر،بسر،خبر،در،سفر،شررadmin

دیوان پنجم غزل 1727

کیا خانہ خرابی کا ہمیں خوف و خطر ہے

گھر ہے کسو گوشے میں تو مکڑی کا سا گھر ہے

میلان نہ آئینے کا اس کو ہے نہ گل کا

کیا جانیے اب روے دل یار کدھر ہے

اے شمع اقامت کدہ اس بزم کو مت جان

روشن ہے ترے چہرے سے تو گرم سفر ہے

اس عاشق دیوانہ کی مت پوچھ معیشت

دنداں بجگر دست بدل داغ بسر ہے

کیا آگ کی چنگاریاں سینے میں بھری ہیں

جو آنسو مری آنکھ سے گرتا ہے شرر ہے

ڈر جان کا جس جا ہے وہیں گھر بھی ہے اپنا

ہم خانہ خرابوں کو تو یاں گھر ہے نہ در ہے

کیا پرسش احوال کیا کرتے ہو اکثر

ظاہر ہے کہ بیمار اجل روز بتر ہے

رہتی ہیں الم ناک ہی وے آنکھیں جو اچھی

بدچشم کسو شخص کی شاید کہ نظر ہے

دیدار کے مشتاق ہیں سب جس کے اب اس کی

کچھ شورش ہنگامۂ محشر میں خبر ہے

سب چاہتے ہیں رشد مرا یوں تو پر اے میر

شاید یہی اک عیب ہے مانع کہ ہنر ہے

میر تقی میر

کچھ یار کے آنے کی مگر گرم خبر ہے

اکتوبر 6, 2015میر تقی میر،اساتذہ،غزلنفر،ور،کمر،گہر،پہر،اگر،اثر،جگر،خبر،دگر،سپر،سحر،ضررadmin

دیوان پنجم غزل 1726

آنکھوں کی طرف گوش کی در پردہ نظر ہے

کچھ یار کے آنے کی مگر گرم خبر ہے

یہ راہ و روش سرو گلستاں میں نہ ہو گی

اس قامت دلچسپ کا انداز دگر ہے

یہ بادیۂ عشق ہے البتہ ادھر سے

بچ کر نکل اے سیل کہ یاں شیر کا ڈر ہے

وہ ناوک دلدوز ہے لاگو مرے جی کا

تو سامنے ہو ہمدم اگر تجھ کو جگر ہے

کیا پھیل پڑی مدت ہجراں کو نہ پوچھو

مہ سال ہوا ہم کو گھڑی ایک پہر ہے

کیا جان کہ جس کے لیے منھ موڑیے تم سے

تم آؤ چلے داعیہ کچھ تم کو اگر ہے

تجھ سا تو سوار ایک بھی محبوب نہ نکلا

جس دلبر خودکام کو دیکھا سو نفر ہے

شب شور و فغاں کرتے گئی مجھ کو تو اب تو

دم کش ہو ٹک اے مرغ چمن وقت سحر ہے

سوچے تھے کہ سوداے محبت میں ہے کچھ سود

اب دیکھتے ہیں اس میں تو جی ہی کا ضرر ہے

شانے پہ رکھا ہار جو پھولوں کا تو لچکی

کیا ساتھ نزاکت کے رگ گل سی کمر ہے

کر کام کسو دل میں گئی عرش پہ تو کیا

اے آہ سحرگاہ اگر تجھ میں اثر ہے

پیغام بھی کیا کریے کہ اوباش ہے ظالم

ہر حرف میاں دار پہ شمشیر و سپر ہے

ہر بیت میں کیا میر تری باتیں گتھی ہیں

کچھ اور سخن کر کہ غزل سلک گہر ہے

میر تقی میر

سخت کدورت بیچ میں آئی صبح تلک نہ صفائی ہوئی

اکتوبر 6, 2015میر تقی میر،اساتذہ،غزللگائی،مرجھائی،آئی،بنائی،تنہائی،جدائی،خدائی،رہائی،رچائی،رسوائی،رسائی،سمائی،شرمائی،صفائیadmin

دیوان پنجم غزل 1725

رات کو تھا کعبے میں میں بھی شیخ حرم سے لڑائی ہوئی

سخت کدورت بیچ میں آئی صبح تلک نہ صفائی ہوئی

تہمت رکھ مستی کی مجھ پر شیخ شہر کنے لایا

وہ بھی بگڑا حد سے زیادہ سن کر بات بنائی ہوئی

شیشہ ان نے گلے میں ڈلوا شہر میں سب تشہیر کیا

ہائے سیہ رو عاشق کی عالم میں کیا رسوائی ہوئی

کیسی ہی شکلیں سامنے آویں مژگاں وا اودھر نہ کروں

حور و پری پر آنکھ نہیں پڑتی ہے کسو سے لگائی ہوئی

حوصلہ داری کیا ہے اتنی قدرت کچھ ہے خدا ہی کی

عالم عالم جہاں جہاں جو غم کی ہم میں سمائی ہوئی

دیکھ کے دست و پاے نگاریں چپکے سے رہ جاویں نہ کیوں

منھ بولے ہے یارو گویا مہندی اس کی رچائی ہوئی

دل میں درد جگر میں طپیدن سر میں شور آشفتہ دماغ

کیا کیا رنج اٹھائے گئے ہیں جب سے ان سے جدائی ہوئی

ہفتم چرخ سے اودھر ہوکر عرش کو پہنچی میری دعا

اور رسائی کیا ہوتی ہے گوکہ کہیں نہ رسائی ہوئی

دود دل سوزان محبت محو جو ہو تو عرش پہ ہو

دور بجھے گی یعنی جاکر عشق کی آگ لگائی ہوئی

یہ یہ بلائیں سر پر ہیں تو آج موئے کل دوسرا دن

یاری ہوئی بیماری ہوئی درویشی ہوئی تنہائی ہوئی

اتنی لگوہیں چشم کسو کی قہر قیامت آفت ہے

تم نے دیکھی نہیں ہے صاحب آنکھ کوئی شرمائی ہوئی

جب موسم تھا وا ہونے کا تب تو شگفتہ ٹک نہ ہوا

اب جو بہت افسردہ ہوا ہے دل ہے کلی مرجھائی ہوئی

اس کی طرف جو لی ہم نے ہے اپنی طرف سے پھرا عالم

یعنی دوستی سے اس بت کی دشمن ساری خدائی ہوئی

ہم قیدی بھی موسم گل کے کب سے توقع رکھتے تھے

دیر بہار آئی اب کے پر اسیروں کی نہ رہائی ہوئی

کہنا جو کچھ جس سے ہو گا سامنے میر کہا ہو گا

بات نہ دل میں پھر گئی ہو گی منھ پہ میرے آئی ہوئی

میر تقی میر

ہے آبرو فقیر کی شاہ ولا کے ہاتھ

اکتوبر 6, 2015میر تقی میر،اساتذہ،غزلولا،کشا،گدا،خدا،صباadmin

دیوان پنجم غزل 1724

عز و وقار کیا ہے کسو خود نما کے ہاتھ

ہے آبرو فقیر کی شاہ ولا کے ہاتھ

بٹھلا دیا فلک نے ہمیں نقش پا کے رنگ

اٹھنا ہمارا خاک سے ہے اب خدا کے ہاتھ

آنکھوں میں آشنا تھا مگر دیکھا تھا کہیں

نوگل کل ایک دیکھا ہے میں نے صبا کے ہاتھ

دیکھ اس کو مجھ کو یاروں نے حیران ہو کہا

کس ڈھب سے لگ گیا ہے یہ گوہر گدا کے ہاتھ

دل کی گرہ نہ ناخن تدبیر سے کھلی

عقدہ کھلے گا میر یہ مشکل کشا کے ہاتھ

میر تقی میر

دیر و حرم میں ہو کہیں ہوہے خدا کے ساتھ

اکتوبر 6, 2015میر تقی میر،اساتذہ،غزلمیرزا،بلا،حیا،خدا،دوا،دعا،صباadmin

دیوان پنجم غزل 1723

بندہ ہے یا خدا نہیں اس دلربا کے ساتھ

دیر و حرم میں ہو کہیں ہوہے خدا کے ساتھ

ملتا رہا کشادہ جبیں خوب و زشت سے

کیا آئینہ کرے ہے بسر یاں حیا کے ساتھ

گو دست لطف سر سے اٹھا لے کوئی شفیق

دل کا لگائو اپنا ہے دست دعا کے ساتھ

تدبیر دوستاں سے ہے بالعکس فائدہ

ہے درد عاشقی کو خصومت دوا کے ساتھ

کی کشتی اس کی پاک زبردست عشق نے

جن نے ملائے ہاتھ ٹک ایک اس بلا کے ساتھ

اوباش لڑکوں سے تو بہت کرچکے معاش

اب عمر کاٹیے گا کسو میرزا کے ساتھ

کیا جانوں میں چمن کو ولیکن قفس پہ میر

آتا ہے برگ گل کبھو کوئی صبا کے ساتھ

میر تقی میر

یک جرعہ ہمدم اور پلا پھر بہار دیکھ

اکتوبر 6, 2015میر تقی میر،اساتذہ،غزلمار،یار،کنار،پکار،پسار،بہار،بارadmin

دیوان پنجم غزل 1722

گل گل شگفتہ مے سے ہوا ہے نگار دیکھ

یک جرعہ ہمدم اور پلا پھر بہار دیکھ

اب وہ نہیں کرم کہ بھرن پڑنے لگ گئی

جوں ابر آگے لوگوں کے دامن پسار دیکھ

آنکھوں کو تیری عین کیا سب نے دیدنی

تو سب سے ٹک تو پھیر لے آنکھوں کو یار دیکھ

محتاج گل نہیں ہے گریبان غم کشاں

گلزار اشک خونیں سے جیب و کنار دیکھ

آنکھیں ادھر سے موند لیں ہیں اب تو شرط ہے

پھر دیکھیو نہ میری طرف ایک بار دیکھ

خالی پڑا ہے خانۂ دولت وزیر کا

باور نہیں تو آصف آصف پکار دیکھ

خواہش نہ ہووے دل کی جو حاصل تو موت ہے

احوال میر دیکھ نہیں جی تو مار دیکھ

میر تقی میر

یعنی چشم شوق لگی رہتی ہے شگاف در کے ساتھ

اکتوبر 6, 2015میر تقی میر،اساتذہ،غزلقمر،تر،جگر،خبر،درadmin

دیوان پنجم غزل 1721

جان چلی جاتی ہے ہماری اس کی اور نظر کے ساتھ

یعنی چشم شوق لگی رہتی ہے شگاف در کے ساتھ

شاہد عادل عشق کے دونوں پاس ہی حاضر ہیں یعنی

پہروں پہروں خشک لبی رہتی ہے چشم تر کے ساتھ

آنا اس کا ظاہر ہے پر مژدہ لایا یاں نہ کرو

جی ہی نکل جاوے گا اپنا یوں ہی ذوق خبر کے ساتھ

کیا رو ماہ و خور کو لیکن جھمکا اس کا دکھا دوں ہوں

روز و شب کچھ ضد سی ہوئی ہے مجھ کو شمس و قمر کے ساتھ

سینہ خالی آج پڑا ہے میر طرف سے پہلو کے

دل بھی شاید نکل گیا ہے روتے خون جگر کے ساتھ

میر تقی میر

لے جاتے دل کو خاک میں اس آرزو کے ساتھ

اکتوبر 6, 2015میر تقی میر،اساتذہ،غزلنمو،نکو،گلو،آرزو،جو،رفو،سبو،غلوadmin

دیوان پنجم غزل 1720

ہم جانتے تو عشق نہ کرتے کسو کے ساتھ

لے جاتے دل کو خاک میں اس آرزو کے ساتھ

مستی میں شیخ شہر سے صحبت عجب رہی

سر پھوڑتے رہا کیے اکثر سبو کے ساتھ

تھا عکس اس کی قامت دلکش کا باغ میں

آنکھیں چلی گئیں ہیں لگی آب جو کے ساتھ

نازاں ہو اس کے سامنے کیا گل کھلا ہوا

رکھتا ہے لطف ناز بھی روے نکو کے ساتھ

ہم زرد کاہ خشک سے نکلے ہیں خاک سے

بالیدگی نہ خلق ہوئی اس نمو کے ساتھ

گردن بلند کرتے ہی ضربت اٹھا گئے

خنجر رکھے ہے اس کا علاقہ گلو کے ساتھ

ہنگامے جیسے رہتے ہیں اس کوچے میں سدا

ظاہر ہے حشر ہو گی نہ ایسے غلو کے ساتھ

مجروح اپنی چھاتی کو بخیہ کیا بہت

سینہ گتھا ہے میر ہمارا رفو کے ساتھ

میر تقی میر

آب اس کے پوست میں ہے جوں میوئہ رسیدہ

اکتوبر 6, 2015میر تقی میر،اساتذہ،غزلچیدہ،نامکیدہ،کبیدہ،کشیدہ،بریدہ،خمیدہ،دمیدہ،دیدہ،دریدہ،رمیدہ،رسیدہadmin

دیوان پنجم غزل 1719

اب کچھ مزے پر آیا شاید وہ شوخ دیدہ

آب اس کے پوست میں ہے جوں میوئہ رسیدہ

آنکھیں ملا کبھو تو کب تک کیا کروں میں

دنبالہ گردی تیری اے آہوے رمیدہ

پانی بھر آیا منھ میں دیکھے جنھوں کے یارب

وے کس مزے کے ہوں گے لب ہاے نامکیدہ

سائے کو اس پری کے لگتا نہ تھا چمن میں

مغرور کاہے پر ہے شمشاد قد کشیدہ

آنکھیں ہی بچھ رہی ہیں اہل نظر کی یکسر

چلتے ہوئے زمیں پر رکھ پائوں دیدہ دیدہ

چل سیر کرنے تو بھی تا صبح آنکھیں کھولیں

منھ پر ترے چمن میں گل ہاے نو دمیدہ

محراب میں رہو نہ سجدہ کیا کرو نہ

بے وقت کیا ہے طاعت قد اب ہوا خمیدہ

پروانہ گرد پھر کر جل بھی بجھا ولیکن

خاموش رات کو تھی شمع زباں بریدہ

دیکھا مجھے شب گل بلبل نے جو چمن میں

بولا کی میرے منھ پر کیا کیا دہن دریدہ

قلب و کبد تو دونوں تیروں سے چھن رہے ہیں

وہ اس ستم کشی پر ہم سے رہے کبیدہ

اشعار میر سب نے چن چن کے لکھ لیے ہیں

رکھیں گے یاد ہم بھی کچھ بیتیں چیدہ چیدہ

میر تقی میر

جان عزیز گئی ہوتی کاش اب کے سال بہار کے ساتھ

اکتوبر 6, 2015میر تقی میر،اساتذہ،غزلہار،یار،کنار،پیار،آزار،بہار،بیمار،دیوار،غبارadmin

دیوان پنجم غزل 1718

ہائے ستم ناچار معیشت کرنی پڑی ہر خار کے ساتھ

جان عزیز گئی ہوتی کاش اب کے سال بہار کے ساتھ

کس آوارئہ عشق و جنوں کی اک مٹھی اب خاک اڑی

اڑتی پھرے ہے پس محمل جو راہ کے گرد و غبار کے ساتھ

وہ لحظہ نہیں جاتا جی سے آنکھ لڑی تھی جب اس سے

چاہ نکلتی تھی باتوں سے چتون بھی تھی پیار کے ساتھ

جی مارے شب مہ میں ہمارے قہر کیا مشاطہ نے

بل کھائے بالوں کو دیے بل اس کے گلے کے ہار کے ساتھ

کیا دن تھے جو ہم کو تنہا کہیں کہیں مل جاتا تھا

اب تو لگے ہی رہتے ہیں اغیار ہمارے یار کے ساتھ

ہم ہیں مریض عشق و جنوں سختی سے دل کو مت توڑو

نرم کرے ہیں حرف و حکایت اہل خرد بیمار کے ساتھ

دیدئہ تر سے چشمۂ جوشاں ہیں جو قریب اپنے واقع

تو ہی رود چلے جاتے ہیں لگ کر جیب و کنار کے ساتھ

دیر سے ہیں بیمار محبت ہم سے قطع امید کرو

جانیں ہی جاتی دیکھی ہیں ہم نے آخر اس آزار کے ساتھ

رونے سے سب سر بر آئے خاک ہمارے سر پر میر

مدت میں ہم ٹک لگ بیٹھے تھے اس کی دیوار کے ساتھ

میر تقی میر

یہی حال ہمیشہ رہا کیا تو مآل پر بھی نظر کرو

اکتوبر 6, 2015میر تقی میر،اساتذہ،غزلمآل،جمال،خالadmin

دیوان پنجم غزل 1717

مژہ وا کرو تمھیں غش ہے کیا کبھو حال پر بھی نظر کرو

یہی حال ہمیشہ رہا کیا تو مآل پر بھی نظر کرو

کہیں دل بھی ان کے اٹکتے ہیں جنھیں شوق میں ہے کمال کچھ

ہوئے ہو جو رفتہ خرام کے تو جمال پر بھی نظر کرو

نہ بنے جو دلبر سادہ تو نہ بھلا لگے مری آنکھوں میر

نہیں سادگی ہی میں لطف کچھ خط و خال پر بھی نظر کرو

میر تقی میر

خاموش ان لبوں سے کوئی بات ہو تو ہو

اکتوبر 6, 2015میر تقی میر،اساتذہ،غزلمکافات،کرامات،بات،خرابات،ذات،عنایاتadmin

دیوان پنجم غزل 1716

راہیں رکے پر اس سے ملاقات ہو تو ہو

خاموش ان لبوں سے کوئی بات ہو تو ہو

رنج و عنا کہ دشمن جان عزیز ہیں

ان سے بچائو اس کی عنایات ہو تو ہو

نومید وصل دل نہیں شب ہاے ہجر میں

ان راتوں ہی میں ملنے کی بھی بات ہو تو ہو

امید ہے کہ اس سے قیامت کو پھر ملوں

حسن عمل کی واں بھی مکافات ہو تو ہو

تخفیفے شملے پیرہن و کنگھی اور کلاہ

شیخوں کی گاہ ان میں کرامات ہو تو ہو

ساقی کو چشم مست سے اودھر ہی دیکھنا

مسجد ہو یا کہ کعبہ خرابات ہو تو ہو

منکر نہیں ہے کوئی سیادت کا میر کی

ذات مقدس ان کی یہی ذات ہو تو ہو

میر تقی میر

ہم نے کمر کو کھول رکھا ہے اپنی کمر تم کستے ہو

اکتوبر 6, 2015میر تقی میر،اساتذہ،غزلمستے،کستے،بستے،خستے،سستےadmin

دیوان پنجم غزل 1715

تم کو ہم سے لاگ لگی ہے روتے ہیں تو ہنستے ہو

ہم نے کمر کو کھول رکھا ہے اپنی کمر تم کستے ہو

درج گوہر مال نہیں کچھ دیں در بستہ مصر اگر

تو بھی ایسی قیمت پر تم آگے ہمارے سستے ہو

رستے راہ میں دیکھ لیا ہے بستی میں سے نکلے تمھیں

کیا جانیں ہم روز و شب تم کیدھر رستے بستے ہو

ابر کرم کی راہ تکو اب رحمت حق پہ نظر رکھو

گوکہ تم اے مستاں مجرم اس غم سے دل خستے ہو

پیری میں بھی جواں رکھا ہے دختر تاک کی صحبت نے

یعنی پی پی مئے انگوری میر ہوئے کٹ مستے ہو

میر تقی میر

سو سو قاصد جان سے جاویں یک کو ادھر سے جواب نہ ہو

اکتوبر 6, 2015میر تقی میر،اساتذہ،غزلآب،بیتاب،باب،جواب،حساب،خواب،خراب،سیلاب،شراب،عتابadmin

دیوان پنجم غزل 1714

کیونکر مجھ کو نامہ نمط ہر حرف پہ پیچ و تاب نہ ہو

سو سو قاصد جان سے جاویں یک کو ادھر سے جواب نہ ہو

گل کو دیکھ کے گلشن کے دروازے ہی سے پھر آیا

کیا مل بیٹھیے اس سے بھلا جو صحبت ہی کا باب نہ ہو

مستی خرابی سر پر لائی کعبے سے اٹھ دیر گیا

جس کو خدا نے خراب کیا ہو پھر وہ کیونکے خراب نہ ہو

خلع بدن کرنے سے عاشق خوش رہتے ہیں اس خاطر

جان و جاناں ایک ہیں یعنی بیچ میں تن جو حساب نہ ہو

خشم و خطاب جبیں پر چیں تو حسن ہے گل رخساروں کا

وہ محبوب خنک ہوتا ہے جس میں ناز و عتاب نہ ہو

میں نے جو کچھ کہا کیا ہے حد و حساب سے افزوں ہے

روز شمار میں یارب میرے کہے کیے کا حساب نہ ہو

صبر بلا ہاے عشقی پر حوصلے والے کرتے ہیں

رحمت ہے اس خستہ جگر کو دل جس کا بیتاب نہ ہو

جس شب گل دیکھا ہے ہم نے صبح کو اس کا منھ دیکھا

خواب ہمارا ہوا ہوا ہے لوگوں کا سا خواب نہ ہو

نہریں چمن کی بھر رکھی ہیں گویا بادئہ لعلیں سے

بے عکس گل و لالہ الٰہی ان جویوں میں آب نہ ہو

اس دن میں تو مستانہ ہوتا ہوں کوئی کوچہ گدا

جس دن کاسۂ چوبیں میں میرے یک جرعہ بھی شراب نہ ہو

تہ داری کچھ دیدئہ تر کی میر نہیں کم دریا سے

جوشاں شور کناں آجاوے یہ شعلہ سیلاب نہ ہو

میر تقی میر

یعنی سایۂ سرو و گل میں اب مجھ کو زنجیر کرو

اکتوبر 6, 2015میر تقی میر،اساتذہ،غزلمیر،پیر،تقریر،تیر،تاثیر،تعمیر،دلگیر،زنجیرadmin

دیوان پنجم غزل 1713

موسم گل آیا ہے یارو کچھ میری تدبیر کرو

یعنی سایۂ سرو و گل میں اب مجھ کو زنجیر کرو

پیش سعایت کیا جائے ہے حق ہے میری طرف سو ہے

میں تو چپ بیٹھا ہوں یکسو گر کوئی تقریر کرو

کان لگا رہتا ہے غیر اس شوخ کماں ابرو کے بہت

اس تو گناہ عظیم پہ یارو ناک میں اس کی تیر کرو

پھیر دیے ہیں دل لوگوں کے مالک نے کچھ میری طرف

تم بھی ٹک اے آہ و نالہ قلبوں میں تاثیر کرو

آگے ہی آزردہ ہیں ہم دل ہیں شکستہ ہمارے سب

حرف رنجش بیچ میں لاکر اور نہ اب دلگیر کرو

کیا ہو محو عمارت منعم اے معمار خرابی ہے

بن آوے تو گھر ویراں درویشوں کے تعمیر کرو

عاشق ہو ترسا بچگاں پر تاکیفیت حاصل ہو

اور کشود کار جو چاہو پیر مغاں کو پیر کرو

شعر کیے موزوں تو ایسے جن سے خوش ہیں صاحب دل

روویں کڑھیں جو یاد کریں اب ایسا تم کچھ میر کرو

میر تقی میر

ابر آیا زور غیرت تم بھی ٹک پیدا کرو

اکتوبر 6, 2015میر تقی میر،اساتذہ،غزلپیدا،پروا،جا،رسوا،سوداadmin

دیوان پنجم غزل 1712

صوفیاں خم وا ہوئے ہیں ہائے آنکھیں وا کرو

ابر آیا زور غیرت تم بھی ٹک پیدا کرو

مستی و دیوانگی کا عہد ہے بازار میں

پاے کوباں دست افشاں آن کر سودا کرو

ہر جگہ دلکش ہے اس کی برگ گل سے جسم میں

ایک جا تو جی لگائو دل کے تیں بے جا کرو

ہے تکلف ہے تعین اس قصب پوشی کی قید

خرقۂ صد چاک پہنو آپ کو رسوا کرو

گرچہ ہم پر بستہ طائر ہیں پر اے گل ہاے تر

کچھ ہمیں پروا نہیں ہے تم اگر پروا کرو

میر تقی میر

دیکھتے ہو تو دیکھو ہمارے جلتے توے سے سینے کو

اکتوبر 6, 2015میر تقی میر،اساتذہ،غزلمہینے،نگینے،پسینے،جینے،سینےadmin

دیوان پنجم غزل 1711

بات کہوں کیا چپکے چپکے دیکھو ہو آئینے کو

دیکھتے ہو تو دیکھو ہمارے جلتے توے سے سینے کو

کیا جانو تم قدر ہماری مہر و وفا کی لڑکے ہو

لوہو اپنا دیں ہیں تمھارے گرتے دیکھ پسینے کو

پھیر ایام نحس کا مجھ کو بہت کڈھب آتا ہے نظر

تم بھی غنیمت جانو میاں دس دن کے میرے جینے کو

وہ جو غیرت مہ ملتا ہے غیر سے ہم ہیں غیرت کش

سال ہمارے جی کا ہو گا ظاہر کوئی مہینے کو

لخت دل آنکھوں سے گرا سو ٹکڑا لعل کا تھا گویا

نصب کروں گا میر جگر پر خوش رنگ ایسے نگینے کو

میر تقی میر

مت کھائیو غم اپنا اپنا نہ لہو پیجو

اکتوبر 6, 2015میر تقی میر،اساتذہ،غزللیجو،کیجو،پیجو،جیجو،سیجوadmin

دیوان پنجم غزل 1710

کہتے نہ تھے ہم تم سے دل ہاتھ سے مت دیجو

مت کھائیو غم اپنا اپنا نہ لہو پیجو

ان پلکوں کی کاوش سے زخمی ہے جگر سارا

لے تار نگاہوں کے نازک سا رفو کیجو

کیا جان لیے جس کے جاناں سے چھپاتا منھ

جینا تو کوئی دن ہے تم میر بہت جیجو

دل خستہ شکستہ دل دل بستہ گرفتہ دل

ہو ان میں کوئی اس کا دل ہاتھ میں ٹک لیجو

اس راہ سے کرتا ہے دل کسب ہوا گاہے

میرے پھٹے سینے کو زنہار نہ تم سیجو

میر تقی میر

لگ پڑتے ہیں ہم تم سے تو تم اوروں کو لگا دو ہو

اکتوبر 6, 2015میر تقی میر،اساتذہ،غزلہوا،لگا،منگا،اٹھا،بہا،بنا،بڑھا،تا،جلا،جاadmin

دیوان پنجم غزل 1709

کیا کچھ ہم سے ضد ہے تم کو بات ہماری اڑا دو ہو

لگ پڑتے ہیں ہم تم سے تو تم اوروں کو لگا دو ہو

کیا روویں قدر و قیمت کو یہیں سے ہے معلوم ہمیں

کام ہمارا پاس تمھارے جو آتا ہے بہادو ہو

اتنی تو جا خالی رہی ہے بزم خوش میں تمھارے سوا

جن کو کہیں جاگہ نہیں ملتی پہلو میں ان کو جا دو ہو

زنگ تو جاوے دل سے ہمارے غیر سیہ روبدگو کے

کھینچ کے تو ایک ایسی لگائو تیغ ستم کی تا دو ہو

صحبت گرم ہماری تمھاری شمع پتنگے کی سی ہے

یعنی ہو دل سوز جو کوئی اس کو تم تو جلا دو ہو

رنگ صحبت کس کو دکھاویں خوبی اپنی قسمت کی

ساغر مے دشمن کو دو ہو ہم کو زہر منگا دو ہو

بند نہیں جو کرتے ہو تم سینے کے سوراخوں کو

جی کی رکن میں ان رخنوں سے شاید دل کو ہوا دو ہو

آنکھ جھپک جاتی نہیں تنہا آگے چہرئہ روشن کے

ماہ بھی بیٹھا جاتا ہے جب منھ سے نقاب اٹھا دو ہو

غیر سے غیریت ہے آساں لیکن تہ کچھ ہم کو نہیں

بات بتاویں کیا ہم تم کو تم ہم کو تو بنا دو ہو

میر حقارت سے ہم اپنی چپ رہ جاتے ہیں جان جلے

طول ہمارے گھٹنے کو دے کر جیسے چراغ بڑھا دو ہو

میر تقی میر

بس اب تو کھل گئیں ہیں آنکھیں دیکھا ہم نے دنیا کو

اکتوبر 6, 2015میر تقی میر،اساتذہ،غزلہم،ہمدم،ماتم،اودھم،عالمadmin

دیوان پنجم غزل 1708

کیا غیرت سے دل پر تنگ رنج و غم نے دنیا کو

بس اب تو کھل گئیں ہیں آنکھیں دیکھا ہم نے دنیا کو

رہا ہے ایک عالم اور دنیاداروں میں اس کا

کیا ہے بے وفا معلوم سب عالم نے دنیا کو

ہمیشہ رونا کڑھنا سینہ کوبی ہر زماں کرنا

عزاخانہ کیا دل کے مرے ماتم نے دنیا کو

سنا میں نے کہ آخر ہاتھ اٹھایا اس نے دنیا سے

اگر پایا بھی محنت کر کسو ہمدم نے دنیا کو

زمیں سے آسماں تک میر ہے شور جنوں میرا

تہ و بالا کیا دونوں میں اس اودھم نے دنیا کو

میر تقی میر

کہیں اپنے رونے سے فرصت ہے مجھ کو

اکتوبر 6, 2015میر تقی میر،اساتذہ،غزلفراغت،فرصت،وحشت،الفت،حیرت،طاقت،غنیمتadmin

دیوان پنجم غزل 1707

کیا فرض ہستی کی رخصت ہے مجھ کو

کہیں اپنے رونے سے فرصت ہے مجھ کو

پھروں ہوں ترے عشق میں کوچہ کوچہ

مگر کوچہ گردی سے الفت ہے مجھ کو

کہاں زندگی مدت العمر ظالم

ترے عشق میں دم غنیمت ہے مجھ کو

نہ کر شور ناصح بہت ناتواں ہوں

کہاں بات اٹھانے کی طاقت ہے مجھ کو

ہیں اسباب مرنے کے سب تیرے غم میں

جیا اب تلک کیونکے حیرت ہے مجھ کو

دل اتنا ہے آشفتہ خورشیدرو کا

کہ اپنے بھی سائے سے وحشت ہے مجھ کو

کڑھوں ہوں گا من مانتا میر صاحب

غم یار میں کیا فراغت ہے مجھ کو

میر تقی میر

چکر مارو جیسے بگولا خاک اڑاتے آتے رہو

اکتوبر 6, 2015میر تقی میر،اساتذہ،غزلماتے،چھپاتے،آتے،بناتے،بتاتے،جلاتے،جاتےadmin

دیوان پنجم غزل 1706

عاشق ہو تو اپنے تئیں دیوانہ سب میں جاتے رہو

چکر مارو جیسے بگولا خاک اڑاتے آتے رہو

دوستی جس کو لوگ کہیں ہیں جان سے اس کو خصومت ہے

ہوجاوے جو تم کو کسی سے تا مقدور چھپاتے رہو

دل لگنے کی چوٹ بری ہے اس صدمے سے خدا حافظ

بارے سعی و کشش کوشش سے جی کو اپنے بچاتے رہو

آئی بہار جنوں ہو مبارک عشق اللہ ہمارے لیے

نعل جڑے سینوں پہ پھرو تم داغ سروں پہ جلاتے رہو

شاعر ہو مت چپکے رہو اب چپ میں جانیں جاتی ہیں

بات کرو ابیات پڑھو کچھ بیتیں ہم کو بتاتے رہو

ابر سیہ قبلے سے آیا تم بھی شیخو پاس کرو

تخفیفے ٹک لٹ پٹے باندھو ساختہ ہی مدھ ماتے رہو

کیا جانے وہ مائل ہووے کب ملنے کا تم سے میر

قبلہ و کعبہ اس کی جانب اکثر آتے جاتے رہو

میر تقی میر

پاس تو ہے جس کے وے ہی کل کہیں گے دور ہو

اکتوبر 6, 2015میر تقی میر،اساتذہ،غزلمقدور،منظور،مخمور،معمور،دورadmin

دیوان پنجم غزل 1705

اپنے حسن رفتنی پر آج مت مغرور ہو

پاس تو ہے جس کے وے ہی کل کہیں گے دور ہو

دیکھ کر وہ راہ چلتا ہی نہیں ٹک ورنہ ہم

پائوں اس کے آنکھوں پر رکھ لیویں جو منظور ہو

شہر دل کی کیا خرابی کا بیاں باہم کریں

اس کو ویرانہ نہ کہیے جو کبھو معمور ہو

ہم بغل اس سنگ دل سے کاشکے اس دم ہوں جب

شیشۂ مے پاس ہووے اور وہ مخمور ہو

عشق دلکش ذبح ہے پر کھیل قدرت کا ہے میر

صرف کریے اس میں اپنا جس قدر مقدور ہو

میر تقی میر

میں خوش ہوں اسی شہر سے میخانہ جہاں ہو

اکتوبر 6, 2015میر تقی میر،اساتذہ،غزلمیخانہ،نہ،ویرانہ،پروانہ،افسانہ،دیوانہ،شانہadmin

دیوان پنجم غزل 1704

دل کھلتا ہے واں صحبت رندانہ جہاں ہو

میں خوش ہوں اسی شہر سے میخانہ جہاں ہو

ان بکھرے ہوئے بالوں سے خاطر ہے پریشاں

وے جمع ہوئے پر ہیں بلا شانہ جہاں ہو

رہنے سے مرے پاس کے بدنام ہوئے تم

اب جاکے رہو واں کہیں رسوا نہ جہاں ہو

کچھ حال کہیں اپنا نہیں بے خودی تجھ کو

غش آتا ہے لوگوں کو یہ افسانہ جہاں ہو

کیوں جلتا ہے ہر جمع میں مانند دیے کے

اس بزم میں جا شمع سا پروانہ جہاں ہو

ان اجڑی ہوئی بستیوں میں دل نہیں لگتا

ہے جی میں وہیں جا بسیں ویرانہ جہاں ہو

وحشت ہے خردمندوں کی صحبت سے مجھے میر

اب جا رہوں گا واں کوئی دیوانہ جہاں ہو

میر تقی میر

بے خود ہوجاتے ہیں ہم تو دیر بخود پھر آتے ہیں

اکتوبر 6, 2015میر تقی میر،اساتذہ،غزلہیںadmin

دیوان پنجم غزل 1703

ملنے کے دن جب یاد آتے ہیں سدھ بدھ بھولے جاتے ہیں

بے خود ہوجاتے ہیں ہم تو دیر بخود پھر آتے ہیں

میر تقی میر

فاقہ مستی مدام کرتا ہوں

اکتوبر 6, 2015میر تقی میر،اساتذہ،غزلمدام،کام،تمامadmin

دیوان پنجم غزل 1702

مے کشی صبح و شام کرتا ہوں

فاقہ مستی مدام کرتا ہوں

کوئی ناکام یوں رہے کب تک

میں بھی اب ایک کام کرتا ہوں

یا تو لیتا ہوں داد دل یا اب

کام اپنا تمام کرتا ہوں

میر تقی میر

جینے کی اپنے ہم بھی کوئی طرح نکالیں

اکتوبر 6, 2015میر تقی میر،اساتذہ،غزللیں،لگالیں،نکالیں،چالیں،ڈالیںadmin

دیوان پنجم غزل 1701

تدبیر کوئی بتاوے جو آپ کو سنبھالیں

جینے کی اپنے ہم بھی کوئی طرح نکالیں

قالب میں جی نہیں ہے اس بن ہمارے گویا

حیران کار یارب ہم کیسا ڈول ڈالیں

محشر میں داد خوباں چاہیں تو کس سے چاہیں

واں لگ چلے ملک تو اس کو بھی یہ لگالیں

طالع نہ ذائقے کے اپنے کھلے کہ ہم بھی

ان شکریں لبوں کے ہونٹوں کا کچھ مزہ لیں

خوش چشم خوبرویاں دیدہ وراں ہیں کتنے

دزدیدہ دیکھنے میں دل دیکھتے چرا لیں

عشق و جنوں سے جی تو تنگ آگیا ہے کاش اب

دست تلطف اپنے سر سے مرے اٹھا لیں

خونریزی سے ہماری اچھا ہے ہاتھ اٹھانا

یوں چاہیے کہ دلبر درویش سے دعا لیں

چلتے ہیں ناز سے جب ٹھوکر لگے ہے دل کو

آتیں نہیں سمجھ میں ان دلبروں کی چالیں

منت ہزار کریے مانے منے نہ ہرگز

میر ایسے غصہ ور کو ہم کس طرح منا لیں

میر تقی میر

خون کسو کا کوئی کرے واں داد نہیں فریاد نہیں

اکتوبر 6, 2015میر تقی میر،اساتذہ،غزلفرہاد،فریاد،یاد،آباد،بنیادadmin

دیوان پنجم غزل 1700

حاکم شہر حسن کے ظالم کیونکے ستم ایجاد نہیں

خون کسو کا کوئی کرے واں داد نہیں فریاد نہیں

یاری ہماری یک باری خاطر سے فراموش ان نے کی

ذکر ہمارا اس سے کیا سو کہنے لگا کچھ یاد نہیں

کیا کیا مردم خوش ظاہر ہیں عالم حسن میں نام خدا

عالم عشق خرابہ ہے واں کوئی گھر آباد نہیں

عشق کوئی ہمدرد کہیں مدت میں پیدا کرتا ہے

کوہ رہیں گو نالاں برسوں لیکن اب فرہاد نہیں

لڑنا کاواکی سے فلک کا پیش پا افتادہ ہے

میر طلسم غبار جو یہ ہے کچھ اس کی بنیاد نہیں

میر تقی میر

کیوں کے ہیں گے اس رستے میں ہم سے آہ گراں باراں

اکتوبر 6, 2015میر تقی میر،اساتذہ،غزلہشیاراں،معماراں،یاراں،گنہگاراں،بیماراں،باراں،داراںadmin

دیوان پنجم غزل 1699

منھ کیے اودھر زرد ہوئے جاتے ہیں ڈر سے سبک ساراں

کیوں کے ہیں گے اس رستے میں ہم سے آہ گراں باراں

جی تو پھٹا دیکھ آئینہ ہر لوح مزار کا جامہ نما

پھاڑ گریباں تنگ دلی سے ترک لباس کیا یاراں

کی ہے عمارت دل کی جنھوں نے ان کی بنا کچھ رکھی رہی

اور تو خانہ خراب ہی دیکھے اس بستی کے معماراں

میخانے میں اس عالم کے لغزش پر مستوں کی نہ جا

سکر میں اکثر دیکھے ہم نے بڑے بڑے یاں ہشیاراں

کیا ستھرائو شفاخانے میں عشق کے جاکر دیکھے ہیں

ایدھر اودھر سینکڑوں ہی برپشت بام تھے بیماراں

بعد صبوحی گھگھیاتے گھگھیاتے باچھیں پھٹ بھی گئیں

یارب ہو گی قبول کبھو بھی دعاے صبح گنہگاراں

عشق میں ہم سے تم سے کھپیں تو کھپ جاویں غم کس کو ہے

مارے گئے ہیں اس میداں میں کیا دل والے جگر داراں

میر تقی میر

عزلتی شہر کے بازار میں آ بیٹھے ہیں

اکتوبر 6, 2015میر تقی میر،اساتذہ،غزلچھپا،کیا،ا،اٹھا،جلا،جا،جدا،خفا،دباadmin

دیوان پنجم غزل 1698

حسن کیا جنس ہے جی اس پہ لگا بیٹھے ہیں

عزلتی شہر کے بازار میں آ بیٹھے ہیں

ہم وے ہر چند کہ ہم خانہ ہیں دونوں لیکن

روش عاشق و معشوق جدا بیٹھے ہیں

ان ستم کشتوں کو ہے عشق کہ اٹھ کر یک بار

تیغ خوں خوار تلے یار کی جا بیٹھے ہیں

کیونکے یاں اس کا خیال آوے کہ آگے ہی ہم

دل سا گھر آتشیں آہوں سے جلا بیٹھے ہیں

پیش رو دست دعا ہے وہی شے خواہش ہے

اور سب چیز سے ہم ہاتھ اٹھا بیٹھے ہیں

ساری رات آنکھوں کے آگے ہی مری رہتا ہے

گوکہ وے چاند سے مکھڑے کو چھپا بیٹھے ہیں

باغ میں آئے ہیں پر اس گل تر بن یک سو

غنچہ پیشانی و دل تنگ و خفا بیٹھے ہیں

کیا کہوں آئے کھڑے گھر سے تو اک شوخی سے

پائوں کے نیچے مرے ہاتھ دبا بیٹھے ہیں

قافلہ قافلہ جاتے ہیں چلے کیا کیا لوگ

میر غفلت زدہ حیران سے کیا بیٹھے ہیں

میر تقی میر

رک کر پھوٹ بہیں جو آنکھیں رود کی سی دو دھاریں ہیں

اکتوبر 6, 2015میر تقی میر،اساتذہ،غزلمزاریں،تلواریں،تکراریں،جھنکاریں،دیواریں،دھاریں،سنواریںadmin

دیوان پنجم غزل 1697

دل کی تہ کی کہی نہیں جاتی کہیے تو جی ماریں ہیں

رک کر پھوٹ بہیں جو آنکھیں رود کی سی دو دھاریں ہیں

حرف شناس نہ تھے جب تم تو بے پرسش تھا بوسۂ لب

ایک اک بات کی مشتاقوں سے سو سو اب تکراریں ہیں

عشق کے دیوانے کی سلاسل ہلتی ہے تو ڈریں ہیں ہم

بگڑے پیل مست کی سی زنجیروں کی جھنکاریں ہیں

وے بھوویں جیدھر ہوں خمیدہ اودھر کا ہے خدا حافظ

یعنی جوہردار جھکی خوں ریز کی دو تلواریں ہیں

وے وے جن لوگوں کو پھرتے آنکھوں ہم نے دیکھا تھا

حد نظر تک آج انھوں کی گرد شہر مزاریں ہیں

پیچ و تاب میں بل کھا کھاکر کوئی مرے یاں ان کو کیا

واں وے لیے مشاطہ کو یکسو بال ہی اپنے سنواریں ہیں

بڑے بڑے تھے گھر جن کے یاں آثار ان کے ہیں یہ اب

میر شکستہ دروازے ہیں گری پڑی دیواریں ہیں

میر تقی میر

گدائی رات کو کرتا ہوں خجلت سے فقیری میں

اکتوبر 6, 2015میر تقی میر،اساتذہ،غزلفقیری،نظیری،گیری،پیری،صفیریadmin

دیوان پنجم غزل 1696

طلب ہے کام دل کی اس کے بالوں کی اسیری میں

گدائی رات کو کرتا ہوں خجلت سے فقیری میں

نگہ عزلت میں اس ابرو کماں کی تھی ادھر یعنی

لگا تیر اس کا چھاتی میں ہماری گوشہ گیری میں

نظیر اس کی نظر آئی نہ سیاحان عالم کو

سیاحت دور تک کی ایک ہے وہ بے نظیری میں

حزیں آواز ہے مرغ چمن کی کیا جنوں آور

نہیں خوش زمزمہ ویسا ہماری ہم صفیری میں

جوانی میں نہ رسوائی ہوئی تا میر غم کھینچا

ہوئے اطفال تہ بازار گاہک جی کے پیری میں

میر تقی میر

کیا کچھ نہ ہم بھی دیکھ چکے ہجر یار میں

اکتوبر 6, 2015میر تقی میر،اساتذہ،غزلہزار،قطار،مزار،یار،خمار،دیار،شکارadmin

دیوان پنجم غزل 1695

آنکھیں سفید دل بھی جلا انتظار میں

کیا کچھ نہ ہم بھی دیکھ چکے ہجر یار میں

دنیا میں ایک دو نہیں کرتا کوئی مقام

جو ہے رواروی ہی میں ہے اس دیار میں

دیکھی تھیں ایک روز تری مست انکھڑیاں

انگڑائیاں ہی لیتے ہیں اب تک خمار میں

اخگر تھا دل نہ تھا مرا جس سے تہ زمیں

لگ لگ اٹھی ہے آگ کفن کو مزار میں

بے دم ہیں دام گاہ میں اک دم تو چل کے دیکھ

سنتے ہیں دم نہیں کسی تیرے شکار میں

محمل کے تیرے گرد ہیں محمل کئی ہزار

ناقہ ہے ایک لیلیٰ کا سو کس قطار میں

شور اب چمن میں میری غزل خوانی کا ہے میر

اک عندلیب کیا ہے کہوں میں ہزار میں

میر تقی میر

دل کو خیال صبر نہیں آنکھوں کو میل خواب نہیں

اکتوبر 6, 2015میر تقی میر،اساتذہ،غزلوحساب،کمیاب،اسباب،باب،جواب،خواب،خرابadmin

دیوان پنجم غزل 1694

عشق نے ہم کو مار رکھا ہے جی میں اپنے تاب نہیں

دل کو خیال صبر نہیں آنکھوں کو میل خواب نہیں

کوئی سبب ایسا ہو یارب جس سے عزت رہ جاوے

عالم میں اسباب کے ہیں پر پاس اپنے اسباب نہیں

قحط نہیں ہے دل کا اب من مارے تم کیوں پھرتے ہو

لینے والا چاہیے اس کا ایسا تو کمیاب نہیں

خط کا جواب نہ لکھنے کی کچھ وجہ نہ ظاہر ہم پہ ہوئی

دیر تلک قاصد سے پوچھا منھ میں اس کے جواب نہیں

رونا روز شمار کا مجھ کو آٹھ پہر اب رہتا ہے

یعنی میرے گناہوں کو کچھ حصر و حد وحساب نہیں

رنگ شکستہ دل ہے شکستہ سر ہے شکستہ مستی میں

حال کسو کا اپنا سا اس میخانے میں خراب نہیں

ٹھہریں میر کسو جاگہ ہم دل کو قرار جو ٹک آوے

ہوکے فقیر اس در پر بیٹھیں اس کے بھی ہم باب نہیں

میر تقی میر

جیسے چراغ آخری شب ہم لوگ نبڑتے جاتے ہیں

اکتوبر 6, 2015میر تقی میر،اساتذہ،غزللڑتے،نبڑتے،پڑتے،اکڑتے،بچھڑتے،جھڑتے،رگڑتےadmin

دیوان پنجم غزل 1693

دل جلتے کچھ بن نہیں آتی حال بگڑتے جاتے ہیں

جیسے چراغ آخری شب ہم لوگ نبڑتے جاتے ہیں

رنگ ثبات چمن کا اڑایا باد تند خزاں نے سب

برگ وبار و نورس گل کے غنچے جھڑتے جاتے ہیں

طینت میں ہے نیاز جنھوں کی مسجود ان کی سب ہے زمیں

خاک جو یہ پامال ہے اس سے سر کو رگڑتے جاتے ہیں

راہ عجب پیش آئی ہم کو یاں سے تنہا جانے کی

یار و ہمدم ہمراہی ہر گام بچھڑتے جاتے ہیں

ضعف دماغ سے افتاں خیزاں چلتے ہیں ہم راہ ہوس

دیکھیں کیا پیش آوے اب تو گرتے پڑتے جاتے ہیں

قد کو اپنے حشر خرام کے ایک نہیں لگ سکتا ہے

سرو روان باغ جہاں ہر چند اکڑتے جاتے ہیں

میر بلا ناساز طبیعت لڑکے ہیں خوش ظاہر بھی

ساتھ ہمارے راہ میں ہیں پھر ہم سے لڑتے جاتے ہیں

میر تقی میر

پر اس ستم سے بامزہ لطف و کرم نہیں

اکتوبر 6, 2015میر تقی میر،اساتذہ،غزلہم،قسم،نم،کم،کرم،خم،دمadmin

دیوان پنجم غزل 1692

ہر چند میرے حق میں کب اس کا ستم نہیں

پر اس ستم سے بامزہ لطف و کرم نہیں

درویش جو ہوئے تو گیا اعتبار سب

اب قابل اعتماد کے قول و قسم نہیں

حیرت میں سکتے سے بھی مرا حال ہے پرے

آئینہ رکھ کے سامنے دیکھا تو دم نہیں

مستغنی کس قدر ہیں فقیروں کے حال سے

یاں بار غم سے خم ہوئے واں بھوویں خم نہیں

شاید جگر کا کام تمامی کو کھنچ گیا

یا لوہو روتے رہتے تھے یا چشم نم نہیں

غم اس کا کچھ نہیں ہمیں گو لوگ کچھ کہیں

یہ التفات ان نے جو کی ہے سو کم نہیں

کہنے لگا کہ میر تمھیں بیچوں گا کہیں

تم دیکھیو نہ کہیو غلام اس کے ہم نہیں

میر تقی میر

اور گذارا کب تک ہو گا کچھ اب ہم رخصت سے ہیں

اکتوبر 6, 2015میر تقی میر،اساتذہ،غزلفرصت،ملت،مدت،رخصت،صحبتadmin

دیوان پنجم غزل 1691

صبر کیا ہے برسوں ہم نے رات سے بے طاقت سے ہیں

اور گذارا کب تک ہو گا کچھ اب ہم رخصت سے ہیں

رسم لطف نہیں ہے مطلق شہر خوش محبوباں میں

دیکھے کم جو کرتے کسو پر ہم عاشق مدت سے ہیں

عشق کے دین اور مذہب میں مرجانا واجب آیا ہے

کوہکن و مجنون موئے اب ہم بھی اسی ملت سے ہیں

ملنا نفروں سے ان کا چھوٹا آکر میری صحبت میں

پھر متنفر بھی یہ بے تہ مجھ سے کی صحبت سے ہیں

فرصت ان کو کم ہے اگرچہ پر ملتے ہیں قابو پر

برسوں میر سے مل دیکھا ہے کچھ وے کم فرصت سے ہیں

میر تقی میر

اس اوباش کی دیکھو شوخی سادگی سے ہم چاہیں ہیں

اکتوبر 6, 2015میر تقی میر،اساتذہ،غزلچاہیں،نباہیں،کلاہیں،آہیں،جماہیں،راہیں،سراہیںadmin

دیوان پنجم غزل 1690

پلکیں پھری ہیں کھنچی بھویں ہیں ترچھی تیکھی نگاہیں ہیں

اس اوباش کی دیکھو شوخی سادگی سے ہم چاہیں ہیں

کیا پہناوا خوش آتا ہے لڑکے چسپاں پوشوں کا

مونڈھے چسے ہیں چولی پھنسی ہے ٹیڑھی ٹیڑھی کلاہیں ہیں

ضبط گریہ دل سے ہو تو کوزے میں دریا کرتا ہے

حوصلہ داری جن کی ہو ایسی عشق میں ان کو سراہیں ہیں

جب سے جدا میں ان سے ہوا ہوں حال عجب ہے روز و شب

چشم تر سے ٹپکے ہیں آنسو خشک لبوں پر آہیں ہیں

دل ہے داغ جگر ہے ٹکڑے رہ جاتے ہیں چپکے سے

چھاتی سراہیے ان لوگوں کی جو چاہت کو نباہیں ہیں

دل الجھے ان بالوں میں تو آخر سودا ہوتا ہے

کوچے کو زنجیر کے یعنی زلفوں سے دو راہیں ہیں

یہ بھی سماں خوش ترکیبوں کا میر نہ اپنے دل سے گیا

سوتے سے اٹھ کر آنکھیں ملے ہیں لے انگڑائی جماہیں ہیں

میر تقی میر

اہل اس گھر پہ جان دیتے ہیں

اکتوبر 6, 2015میر تقی میر،اساتذہ،غزلنشان،پان،جہان،جان،دان،زبان،سانadmin

دیوان پنجم غزل 1689

کس کو دل سا مکان دیتے ہیں

اہل اس گھر پہ جان دیتے ہیں

کیونکے خوش خواں نہ ہوویں اہل چمن

ہم انھوں کو زبان دیتے ہیں

نوخطاں پھیر لیں ہیں منھ یعنی

ملتے رخصت کے پان دیتے ہیں

جان کیا گوہر گرامی ہے

بدلے اس کے جہان دیتے ہیں

ہندو بچوں سے کیا معیشت ہو

یہ کبھو انگ دان دیتے ہیں

یہ عجب گم ہوئے ہیں جس کے لیے

نہیں اس کا نشان دیتے ہیں

گل خوباں میں میر مہر نہیں

ہم کو غیروں میں سان دیتے ہیں

میر تقی میر

رہتی ہے خلش نالوں سے میرے دل شب میں

اکتوبر 6, 2015میر تقی میر،اساتذہ،غزلڈھب،ادب،شب،طلب،غضبadmin

دیوان پنجم غزل 1688

فریاد سے کیا لوگ ہیں دن ہی کو عجب میں

رہتی ہے خلش نالوں سے میرے دل شب میں

حسرت کی جگہ ہے نہ کہ سبزان گل اندام

جاتے ہیں چلے آگے سے آتے نہیں ڈھب میں

افتادگی پر بھی نہ چھوا دامن انھوں کا

کوتاہی نہ کی دلبروں کے ہم نے ادب میں

کر خوف کَلک خَسپ کی جو سرخ ہیں آنکھیں

جلتے ہیں تر و خشک بھی مسکیں کے غضب میں

پایا نہ کنھوں نے اسے کوشش کی بہت میر

سب سالک و مجذوب گئے اس کی طلب میں

میر تقی میر

طرف گلزار کی آیا چلا میں

اکتوبر 6, 2015میر تقی میر،اساتذہ،غزلچلا،جدا،خدا،دوا،رہاadmin

دیوان پنجم غزل 1687

غم ہجراں میں گھبرا کر اٹھا میں

طرف گلزار کی آیا چلا میں

شگفتہ خاطری اس بن کہاں تھی

چمن میں غنچہ پیشانی رہا میں

کسو سے دل نہیں ملتا ہے یارب

ہوا تھا کس گھڑی ان سے جدا میں

تعارف ہم صفیروں سے نہیں کچھ

ہوا ہوں ایک مدت میں رہا میں

کیا صبر آخر آزار دلی پر

بہت کرتا رہا دارو دوا میں

نہ عنقا کا کہیں نام و نشاں تھا

ہوا تھا شہرہ جب نام خدا میں

ہوا تھا میر مشکل عشق میں کام

کیا پتھر جگر تب کی دوا میں

میر تقی میر

مزہ رس میں ہے لوگے کیا تم کرس میں

اکتوبر 6, 2015میر تقی میر،اساتذہ،غزلقفس،قس،چس،کرس،برس،بس،تس،جرس،رسadmin

دیوان پنجم غزل 1686

رساتے ہو آتے ہو اہل ہوس میں

مزہ رس میں ہے لوگے کیا تم کرس میں

درا میں کہاں شور ایسا دھرا تھا

کسو کا مگر دل رکھا تھا جرس میں

ہمیں عشق میں بیکسی بے بسی ہے

نہ دشمن بھی ہو دوستی کے تو بس میں

نہ رہ مطمئن تسمہ باز فلک سے

دغا سے یہ بہتوں کے کھینچے ہے تسمیں

بہت روئے پردے میں جب دیدئہ تر

ہوئی اچھی برسات تب اس برس میں

تن زرد و لاغر میں ظاہر رگیں ہیں

بھرا ہے مگر عشق اک ایک نس میں

محبت وفا مہر کرتے تھے باہم

اٹھا دی ہیں وے تم نے اب ساری رسمیں

تمھیں ربط لوگوں سے ہر قسم کے ہے

نہ کھایا کرو جھوٹی جھوٹی تو قسمیں

ہوا ہی کو دیکھیں ہیں اے میر اسیراں

لگادیں مگر آنکھیں چاک قفس میں

میر تقی میر

اس بے نشاں کی ایسی ہیں چندیں نشانیاں

اکتوبر 6, 2015میر تقی میر،اساتذہ،غزلفشانیاں،مانیاں،نشانیاں،کہانیاں،کاروانیاں،جوانیاں،دانیاں،زبانیاں،سرگرانیاںadmin

دیوان پنجم غزل 1685

تاروں کی جیسے دیکھیں ہیں آنکھیں لڑانیاں

اس بے نشاں کی ایسی ہیں چندیں نشانیاں

پیری ہے اب تو کہیے سو کیا کہیے ہم نشیں

کس رنج و غم میں گذریں ہیں اپنی جوانیاں

ظلم و ستم سے خون کیا پھر ڈبا دیا

برباد کیا گئیں ہیں مری جاں فشانیاں

میں آپ چھیڑچھیڑ کے کھاتا ہوں گالیاں

خوش آگئیں ہیں اس کی مجھے بد زبانیاں

سنتا نہیں ہے شعر بھی وہ حرف ناشنو

دل ہی میں خوں ہوا کیں مری نکتہ دانیاں

باتیں کڈھب رقیب کی ساری ہوئیں قبول

مجھ کو جو ان سے عشق تھا میری نہ مانیاں

مجلس میں تو خفیف ہوئے اس کے واسطے

پھر اور ہم سے اٹھتیں نہیں سرگرانیاں

عالم کے ساتھ جائیں چلے کس طرح نہ ہم

عالم تو کاروان ہے ہم کاروانیاں

سررفتہ سن نہ میر کا گر قصد خواب ہے

نیندیں اچٹتیاں ہیں سنے یہ کہانیاں

میر تقی میر

ترحم کہ مت کر ستم پر ستم

اکتوبر 6, 2015میر تقی میر،اساتذہ،غزلقدم،قسم،کرم،ستم،علمadmin

دیوان پنجم غزل 1684

تظلم کہ کھینچے الم پر الم

ترحم کہ مت کر ستم پر ستم

علم بازی آہ جانکاہ ہے

رہے ٹوٹتے ہی علم پر علم

جو سو سر کے ہو آئو مانوں نہ میں

عبث کھاتے ہو تم قسم پر قسم

کئی بار آنا ادھر لطف سے

عطا پر عطا ہے کرم پر کرم

خطرناک تھی وادی عشق میر

گئے اس پہ بھی ہم قدم پر قدم

میر تقی میر

جی دینا پڑتا ہے اس میں ایسا نہ ہو پچھتائو تم

اکتوبر 6, 2015میر تقی میر،اساتذہ،غزللائو،چھپائو،پچھتائو،آئو،اٹھائو،بکائو،جائوadmin

دیوان پنجم غزل 1683

ہم نہ کہا کرتے تھے تم سے دل نہ کسو سے لگائو تم

جی دینا پڑتا ہے اس میں ایسا نہ ہو پچھتائو تم

سو نہ سنی تم نے تو ہماری آنکھیں لگو ہیں لگ پڑیاں

رو رو کر سر دھنتے ہو اب بیٹھے رنج اٹھائو تم

صبر کہاں جو تسکیں ہووے بیتابی سے چین کہاں

ایک گھڑی میں سو سو باری اودھر ایدھر جائو تم

خواہش دل ہے چاہ کسو کی یہی سبب ہے کاہش کا

ناحق ناحق کیوں کہتے ہو حق کی طرف دل لائو تم

ہر کوچے میں کھڑے رہ رہ کر ایدھر اودھر دیکھو ہو

ہائے خیال یہ کیا ہے تم کو جانے بھی دو اب آئو تم

فاش نہ کریے راز محبت جانیں اس میں جاتی ہیں

درد دل آنکھوں سے ہر یک کے تا مقدور چھپائو تم

قدر و قیمت اس سے زیادہ میر تمھاری کیا ہو گی

جس کے خواہاں دونوں جہاں ہیں اس کے ہاتھ بکائو تم

میر تقی میر

پھر ہوچکے وہیں کہیں گھر جاسکے نہ ہم

اکتوبر 6, 2015میر تقی میر،اساتذہ،غزلجاسکے،سکےadmin

دیوان پنجم غزل 1682

اس کی گلی میں غش جو کیا آسکے نہ ہم

پھر ہوچکے وہیں کہیں گھر جاسکے نہ ہم

سوئے تو غنچہ ہو کسو گلخن کے آس پاس

اس تنگنا میں پائوں بھی پھیلا سکے نہ ہم

حالانکہ ظاہر اس کے نشاں شش جہت تھے میر

خود گم رہے جو پھرتے بہت پا سکے نہ ہم

میر تقی میر

نہ جاتے اس طرف تو ہاتھ سے اپنے نہ جاتے تم

اکتوبر 6, 2015میر تقی میر،اساتذہ،غزللاتے،مناتے،چھپاتے،چباتے،اٹھاتے،جاتےadmin

دیوان پنجم غزل 1681

کہا سنتے تو کاہے کو کسو سے دل لگاتے تم

نہ جاتے اس طرف تو ہاتھ سے اپنے نہ جاتے تم

شکیبائی کہاں جو اب رہے جاتی ہوئی عزت

کدھر وہ ناز جس سے سرفرو ہرگز نہ لاتے تم

یہ حسن خلق تم میں عشق سے پیدا ہوا ورنہ

گھڑی کے روٹھے کو دو دو پہر تک کب مناتے تم

نظر دزدیدہ کرتے ہو جھکی رکھتے ہو پلکوں کو

لگی ہوتیں نہ آنکھیں تو نہ آنکھوں کو چھپاتے تم

یہ ساری خوبیاں دل لگنے کی ہیں مت برا مانو

کسو کا بار منت بے علاقہ کب اٹھاتے تم

پھرا کرتے تھے جب مغرور اپنے حسن پر آگے

کسو سے دل لگا جو پوچھتے ہو آتے جاتے تم

جو ہوتے میر سو سر کے نہ کرتے اک سخن ان سے

بہت تو پان کھاتے ہونٹ غصے سے چباتے تم

میر تقی میر

کیوں کر اڑ کر پہنچیں اس تک طائر بے پر ہیں ہم

اکتوبر 6, 2015میر تقی میر،اساتذہ،غزلکیدھر،پر،بداختر،دلبر،سرadmin

دیوان پنجم غزل 1680

کیا کریں بیکس ہیں ہم بے بس ہیں ہم بے گھر ہیں ہم

کیوں کر اڑ کر پہنچیں اس تک طائر بے پر ہیں ہم

سر نہ بالیں سے اٹھاویں کاشکے بیمار عشق

ہو گا یک ہنگامہ برپا فتنہ زیر سر ہیں ہم

سو طرف لے جاتی ہے ہم کو پریشاں خاطری

یاں کسے ڈھونڈو ہو تم کیا جانیے کیدھر ہیں ہم

گر نہ روئیں کیا کریں ہر چار سو ہے بیکسی

بیدل و بے طاقت و بے دین و بے دلبر ہیں ہم

وہ جو رشک مہ کبھی اس راہ سے نکلا نہ میر

ہم نہ رکھتے تھے ستارہ یعنی بداختر ہیں ہم

میر تقی میر

کیا کہیے نہ ہماری سنی اب بیٹھے رنج اٹھائو تم

اکتوبر 6, 2015میر تقی میر،اساتذہ،غزلفرمائو،لٹائو،لائو،مٹائو،آئو،اٹھائو،بنائو،بندھائو،جائوadmin

دیوان پنجم غزل 1679

ہم تو یہی کہتے تھے ہمیشہ دل کو کہیں نہ لگائو تم

کیا کہیے نہ ہماری سنی اب بیٹھے رنج اٹھائو تم

جھوٹ کہا کیا ہم نے اس میں طور جو اس سے ظاہر ہے

ہاتھ چلے تو عاشق زار کو خاک و خوں میں لٹائو تم

صبر کرو بیتاب رہو خاموش پھرو یا شور کرو

کس کو یاں پروا ہے کسو کی ٹھہرو آئو جائو تم

ناز غرور تبختر سارا پھولوں پر ہے چمن کا سو

کیا مرزائی لالہ و گل کی کچھ خاطر میں نہ لائو تم

وائے کہ اس ہجراں کشتے نے باغ سے جاتے ٹک نہ سنا

گل نے کہا جو خوبی سے اپنی کچھ تو ہمیں فرمائو تم

دست و پا بہتیرے مارے سر بھی پھوڑے حیرت ہے

کیا کریے جو بے دست و پا ہم سوں کے ہاتھ آئو تم

غم میں تمھاری صورت خوش کے سینکڑوں شکلیں گوبگڑیں

بیٹھے ناز و غرور سے بکھرے بال اپنے نہ بنائو تم

در پہ حرم کے کشود نہیں تو دیر میں جاکر کافر ہو

قشقہ کھینچو پوتھی پڑھو زنار گلے سے بندھائو تم

بود نبود ثبات رکھے تو یہ بھی اک بابت ہے میر

اس صفحے میں حرف غلط ہیں کاشکے ہم کو مٹائو تم

میر تقی میر

کاش اجل بے وقت ہی پہنچے ایک طرف مرجاویں ہم

اکتوبر 6, 2015میر تقی میر،اساتذہ،غزلمرجاویں،جاویںadmin

دیوان پنجم غزل 1678

چاہ چھپی بے پردہ ہوئی اب یارب کیدھر جاویں ہم

کاش اجل بے وقت ہی پہنچے ایک طرف مرجاویں ہم

اس کی نگہ کی اچپلیوں سے غش کرتے ہیں جگرداراں

کیا ٹھہرے گا دل اپنا جو بجلی سے ڈر جاویں ہم

صبر و قرار جو ٹک ہووے تو بہتر ہیں بے طاقت بھی

ہاتھ رکھے دل ہی پر کب تک اودھر اکثر جاویں ہم

خاک برابر عاشق ہیں اس کوچے میں ناچاری سے

گھر ہوں خانہ خرابوں کے تو اپنے بھی گھر جاویں ہم

میر اپنی سب عمر گئی ہے سب کی برائی ہی کرتے

سر پر آیا جانے کا موسم اب تو بھلا کر جاویں ہم

میر تقی میر

آنا یک سو کب دیکھو ہو ایدھر آتے جاتے تم

اکتوبر 6, 2015میر تقی میر،اساتذہ،غزللگاتے،لاتے،ماتے،چھپاتے،کھپاتے،کھاتے،گھبراتے،اٹھاتے،بناتے،جاتےadmin

دیوان پنجم غزل 1677

ڈول لگائے بہتیرے پر ڈھب پہ کبھو نہیں آتے تم

آنا یک سو کب دیکھو ہو ایدھر آتے جاتے تم

ہر صورت کو دیکھ رہو ہو ہر کوچے کو جھانکو ہو

آگے عشق کیا ہوتا تو پھرتے جی نہ کھپاتے تم

چاہت آفت الفت کلفت مہر و وفا و رنج وبلا

عشق ہی کے سب نام ہیں یہ دل کاش کہیں نہ لگاتے تم

شائق ہو مرغان قفس کے آئے گھر صیادوں کے

پھول اک دو تسکین کو ان کی کاش چمن سے لاتے تم

دونوں طرف سے کشش رہتی تھی نیا نیا تھا عشق اپنا

دھوپ میں آتے داغ ہوئے تو گرمی سے گل کھاتے تم

کیدھر اب وہ یک رنگی جو دیکھ نہ سکتے دل تنگی

رکتے پاتے ٹک جو ہمیں تو دیر تلک گھبراتے تم

کیا کیا شکلیں محبوبوں کی پردئہ غیب سے نکلی ہیں

منصف ہو ٹک اے نقاشاں ایسے چہرے بناتے تم

شاید شب مستی میں تمھاری گرم ہوئی تھیں آنکھیں کہیں

پیش از صبح جو آئے ہو تو آئے راتے ماتے تم

کب تک یہ دزدیدہ نگاہیں عمداً آنکھیں جھکا لینا

دلبر ہوتے فی الواقع تو آنکھیں یوں نہ چھپاتے تم

بعد نماز دعائیں کیں سو میر فقیر ہوئے تم تو

ایسی مناجاتوں سے آگے کاشکے ہاتھ اٹھاتے تم

میر تقی میر

سر پر دیکھا یہی فلک ہے جاویں کیدھر چل کر ہم

اکتوبر 6, 2015میر تقی میر،اساتذہ،غزلہل،مل،چل،ڈل،ٹل،بل،جلadmin

دیوان پنجم غزل 1676

عشق ہمارے درپئے جاں ہے آئے گھر سے نکل کر ہم

سر پر دیکھا یہی فلک ہے جاویں کیدھر چل کر ہم

بل کھائے ان بالوں سے کب عہدہ برآ ہوتے ہیں ہزار

تکلے کا سا بل نکلا ہے ٹک جو جلے تھے بل کر ہم

مت پوچھو کچھ پچھتاتے ہیں کیا کہیے گھبراتے ہیں

جی تو لیا ہے پاس بغل میں دل بیٹھے ہیں ڈل کر ہم

بے تگ و دو کیا سیری ہو دیدار کے ہم سے تشنوں کو

پانی بھی پی سکتے نہیں ٹک اپنی جگہ سے ہل کر ہم

عشق جو ہوتا واقع میں تو سیدھے جاتے تیغ تلے

راہ ہوس کی پھرلی ہم نے یعنی چلے ہیں ٹل کر ہم

ہائے جوانی شورکناں پا بوس کو اس کے پھرتے تھے

اب چپ بیٹھ رہے ہیں یکسو ہاتھ بہت سے مل کر ہم

آگے تو کچھ اس سے آہیں گرم شعلہ فشانی تھیں

اب تو ہوئے ہیں میر اک ڈھیری خاکستر کی جل کر ہم

میر تقی میر

آزردہ دل ستم زدہ و بے قرار دل

اکتوبر 6, 2015میر تقی میر،اساتذہ،غزلہزار،قرار،مار،اختیار،غبارadmin

دیوان پنجم غزل 1675

مدت سے اب وہی ہے مرا ہم کنار دل

آزردہ دل ستم زدہ و بے قرار دل

جو کہیے ہے فسردہ و مردہ ضعیف و زار

ناچار دیر ہم رہے ہیں مار مار دل

دو چار دل سے راضی نہیں ہوتے دلبراں

شاید تسلی ان کی ہو جو لیں ہزار دل

خود گم ہے ناشکیب و مکدر ہے مضطرب

کب تک رکھوں گا ہاتھ تلے پر غبار دل

ہے میر عشق حسن کے بھی جاذبے کے تیں

کھنچتا ہے سوے یار ہی بے اختیار دل

میر تقی میر

جاتا ہے کچھ ڈھہا ہی خانہ خراب اب دل

اکتوبر 6, 2015میر تقی میر،اساتذہ،غزلکباب،آب،حجاب،خراب،شتابadmin

دیوان پنجم غزل 1674

رکھتا نہیں ہے مطلق تاب عتاب اب دل

جاتا ہے کچھ ڈھہا ہی خانہ خراب اب دل

درد فراق دلبر دے ہے فشار بے ڈھب

ہوجائے جملگی خوں شاید شتاب اب دل

بے پردہ اس کی آنکھیں شوخی جو کرتیاں ہیں

کرتا ہے یہ بھی ترک شرم و حجاب اب دل

آتش جو عشق کی سب چھائی ہے تن بدن پر

پہلو میں رہ گیا ہے ہوکر کباب اب دل

غم سے گداز پاکر اس بن جو بہ نہ نکلا

شرمندگی سے ہو گا اے میر آب اب دل

میر تقی میر

آندھی سی آوے نکلے کبھو جو غبار دل

اکتوبر 6, 2015میر تقی میر،اساتذہ،غزلفگار،قرار،انار،شمار،شکار،شعار،غبارadmin

دیوان پنجم غزل 1673

ہر لحظہ ہے کدورت خاطر سے بار دل

آندھی سی آوے نکلے کبھو جو غبار دل

تربندی خشک بندی نمک بندی ہوچکی

بے ڈول پھیلتا سا چلا ہے فگار دل

جوں رنگ لائے سیب ذقن باغ حسن میں

ووں ہیں ریاض عشق میں صد چاک انار دل

باہر ہیں حد و حصر سے کھینچے جو غم الم

کیا ہوسکے حساب غم بے شمار دل

لاکھوں جتن کیے نہ نبھی دل سے یار کے

اس کا جفا شعار وفا ہے شعار دل

اس کی گلی میں صبح دلوں کا شکار تھا

نکلا ہزار ناز سے بہر شکار دل

کیا میر پھر ثبات سے رو سوے دل کریں

ایسے نہیں گئے ہیں سکون و قرار دل

میر تقی میر

ہم تو اس بن داغ ہی تھے سو اور بھی جل کر کھائے گل

اکتوبر 6, 2015میر تقی میر،اساتذہ،غزللائے،چھائے،کھائےadmin

دیوان پنجم غزل 1672

رنگارنگ چمن میں اب کے موسم گل میں آئے گل

ہم تو اس بن داغ ہی تھے سو اور بھی جل کر کھائے گل

ہار گلے کے ہوکر جیسے یاد رکھا تب عرصے میں

طرفہ تو یہ ہے اب منت سے گور پہ میری لائے گل

آئے شب گل میر ہمیں کیا صبح بہار سے کیا حاصل

داغ جنوں ہے سر پہ ہمارے شمع کے رنگوں چھائے گل

میر تقی میر

ہے خزاں میں دل سے لب تک ہائے گل اے وائے گل

اکتوبر 6, 2015میر تقی میر،اساتذہ،غزللائے،وائے،کھائے،پاے،پائے،آئے،شرمائےadmin

دیوان پنجم غزل 1671

صد ہزار افسوس آکر خالی پائی جاے گل

ہے خزاں میں دل سے لب تک ہائے گل اے وائے گل

بے نصیبی سے ہوئے ہم موسم گل میں اسیر

تھے نہ پیشانی میں اپنے سجدہ ہاے پاے گل

دعوی حسن سراپا تھا پہ نازاں تجھ کو دیکھ

شاخیں پر گل جھک گئیں یعنی بہت شرمائے گل

کیا گل مہتاب و شبو کیا سمن کیا نسترن

اس حدیقے میں نہ نقش پا سے اس کے پائے گل

جیتے جی تو داغ ہی رکھا موئے پر کیا حصول

گور پر دلسوزی سے جوں شمع سر رکھ لائے گل

بے دلی بلبل نہ کر تاثیر میں گو تو ہے داغ

خوش زبان عشق کی جب ہم نے بھر کے کھائے گل

اس چمن میں جلوہ گر جس حسن سے خوباں ہیں میر

موسم گل میں کہیں اس خوبی سے کب آئے گل

میر تقی میر

دل جو کھلا فسردہ تو جوں بے بہار گل

اکتوبر 6, 2015میر تقی میر،اساتذہ،غزلبہار،خارadmin

دیوان پنجم غزل 1670

آئی بہار نکلے چمن میں ہزار گل

دل جو کھلا فسردہ تو جوں بے بہار گل

بستر سے اس کے پھول تر و تازہ رکھ کے دور

سوکھے ہے دیر رہ کے تو ہوتا ہے خار گل

دیکھا کبھو نہ ہم نے سنا ہے فگندہ میر

داغ جنوں ہے سر پہ ہمیشہ بہار گل

میر تقی میر

چشم بصیرت وا ہووے تو عجائب دید کی جا ہے دل

اکتوبر 6, 2015میر تقی میر،اساتذہ،غزلمارا،گیا،پروا،جا،دریا،رسوا،صحراadmin

دیوان پنجم غزل 1669

دل دل لوگ کہا کرتے ہیں تم نے جانا کیا ہے دل

چشم بصیرت وا ہووے تو عجائب دید کی جا ہے دل

اوج و موج کا آشوب اس کے لے کے زمیں سے فلک تک ہے

صورت میں تو قطرئہ خوں ہے معنی میں دریا ہے دل

جیسے صحرا کو کشادہ دامن ہم تم سنتے آتے ہیں

بند کر آنکھیں ٹک دیکھو تو ویسا ہی صحرا ہے دل

کوہکن و مجنوں وامق تم جس سے پوچھو بتا دیوے

عشق و جنوں کے شہروں میں ہر چار طرف رسوا ہے دل

ہائے غیوری دل کی اپنے داغ کیا ہے خود سر نے

جی ہی جس کے لیے جاتا ہے اس سے بے پروا ہے دل

مت پوچھو کیوں زیست کرو ہو مردے سے افسردہ تم

ہجر میں اس کے ہم لوگوں نے برسوں تک مارا ہے دل

میر پریشاں دل کے غم میں کیا کیا خاطرداری کی

خاک میں ملتے کیوں نہ پھریں اب خون ہو بہ بھی گیا ہے دل

میر تقی میر

یعنی ضائع اپنے تئیں کرتے ہیں اس بن کیا کیا لوگ

اکتوبر 6, 2015میر تقی میر،اساتذہ،غزلکیا،پیدا،برپا،جا،سوداadmin

دیوان پنجم غزل 1668

وہ نہیں ملتا ایک کسو سے مرتے ہیں اودھر جاجا لوگ

یعنی ضائع اپنے تئیں کرتے ہیں اس بن کیا کیا لوگ

جیسے غم ہجراں میں اس کے عاشق جی کھو بیٹھے ہیں

برسوں مارے چرخ فلک تو ایسے ہوویں پیدا لوگ

زلف و خال و خط سے اس کے جہاں تہاں اب مبحث ہے

عقل ہوئی ہے گم خلقت کی یا کہتے ہیں سودا لوگ

چار قدم چلنے میں اس کے دیکھتے جاتے ہیں جو کفک

فتنے سر کھینچا ہی کریں ہیں ایک قیامت برپا لوگ

دنیا جاے نہیں رہنے کی میر غرور نہیں اچھا

جو جاگہ سے جاتے ہیں اپنی وے کرتے ہیں بے جا لوگ

میر تقی میر

کرتے ہیں دوڑ نت ہی تماشاے یار الگ

اکتوبر 6, 2015میر تقی میر،اساتذہ،غزلہزار،مزار،یار،کنار،بہار،شکار،غبارadmin

دیوان پنجم غزل 1667

رہتے ہیں اس سے لاگ پہ ہم بے قرار الگ

کرتے ہیں دوڑ نت ہی تماشاے یار الگ

تھا گرد بوے گل سے بھی دامن ہوا کا پاک

کیا اب کے اس چمن سے گئی ہے بہار الگ

پاس اس کا بعد مرگ ہے آداب عشق سے

بیٹھا ہے میری خاک سے اٹھ کر غبار الگ

ناگاہ اس نگاہ سے میں بھی ہوا نہاں

جاتا ہے جوں نکل کے کسو کا شکار الگ

خونباری سے نہیں پڑی لوہو کی چھینٹ بھی

اب تک تو بارے اپنے ہیں جیب و کنار الگ

تا جانیں لوگ کشتۂ ہجراں ہیں یہ غریب

کریو تمام گوروں سے میری مزار الگ

بچتے نہیں ہیں بوزدگی سے گلوں کی میر

گو طائران خستہ جگر ہوں ہزار الگ

میر تقی میر

سرگرم بے راہ روی ہیں خود گم بے رہبر ہیں لوگ

اکتوبر 6, 2015میر تقی میر،اساتذہ،غزلگھر،بہتر،رہبرadmin

دیوان پنجم غزل 1666

راہ کی بات کہیں ہم کس سے بے تہ یاں اکثر ہیں لوگ

سرگرم بے راہ روی ہیں خود گم بے رہبر ہیں لوگ

بدتر آپ سے پائوں کسو کو تو میں اس کا عیب کہوں

خوب تامل کرتا ہوں تو سب مجھ سے بہتر ہیں لوگ

دیوانے ہیں شہر وفا کی راہ و رسم کے ہم تو میر

دل کے کہے جی دینے والے قاطبۃً گھر گھر ہیں لوگ

میر تقی میر

کر ہاتھ ٹک ملا کے کوئی پہلواں ہلاک

اکتوبر 6, 2015میر تقی میر،اساتذہ،غزلکہاں،پہلواں،آسماں،جہاں،جواںadmin

دیوان پنجم غزل 1665

اے عشق کیا جو مجھ سا ہوا ناتواں ہلاک

کر ہاتھ ٹک ملا کے کوئی پہلواں ہلاک

میں چل بسا تو شہر ہی ویران سب ہوا

اس نیم جاں کے بدلے ہوا یک جہاں ہلاک

مقصود گم ہے پھرتا جو رہتا ہے رات دن

ہلکان ہو کے ہو گا کبھو آسماں ہلاک

اس ظلم کیش کی ہے طرب گاہ ہر کہیں

عاشق خدا ہی جانے ہوا ہے کہاں ہلاک

جی میر نے دیا نہ ہوا لیک وصل یار

افسوس ہے کہ مفت ہوا یہ جواں ہلاک

میر تقی میر

دشت دشت اب کے ہے گل تریاک

اکتوبر 6, 2015میر تقی میر،اساتذہ،غزلہلاک،چاک،پاک،بیباک،تریاک،خاک،خاشاکadmin

دیوان پنجم غزل 1664

شاد افیونیوں کا دل غمناک

دشت دشت اب کے ہے گل تریاک

تین دن گور میں بھی بھاری ہیں

یعنی آسودگی نہیں تہ خاک

ہاتھ پہنچا نہ اس کے دامن تک

میں گریباں کروں نہ کیوں کر چاک

تیز جاتا ہوں میں تو جوں سیلاب

میرے مانع ہو کیا خس و خاشاک

عشق سے ہاتھ کیا ملاوے کوئی

یاں زبردستوں کی ہے کشتی پاک

بندگی کیشوں پر ستم مت کر

ڈر خدا سے تو اے بت بیباک

عشق مرد آزما نے آخرکار

کیے فرہاد و قیس میر ہلاک

میر تقی میر

پھرتے ہیں کمھاروں کے پڑے چاک سے اب تک

اکتوبر 6, 2015میر تقی میر،اساتذہ،غزلنمناک،چالاک،چاک،پوشاک،بیباک،تریاک،خاکadmin

دیوان پنجم غزل 1663

کیا ہم میں رہا گردش افلاک سے اب تک

پھرتے ہیں کمھاروں کے پڑے چاک سے اب تک

تھے نوخطوں کی خاک سے اجزا جو برابر

ہو سبزہ نکلتے ہیں تہ خاک سے اب تک

تا مدنظر چھا رہے ہیں لالۂ صد برگ

جنگل بھرے ہیں سب گل تریاک سے اب تک

دشمن ہوئی ہے جس کے لیے ساری خدائی

مربوط ہیں ہم اس بت بیباک سے اب تک

ہر چند کہ دامن تئیں ہے چاک گریباں

ہم ہیں متوقع کف چالاک سے اب تک

گو خاک سی اڑتی ہے مرے منھ پہ جنوں میں

ٹپکے ہے لہو دیدئہ نمناک سے اب تک

وے کپڑے تو بدلے ہوئے میر اس کو کئی دن

تن پر ہے شکن تنگی پوشاک سے اب تک

میر تقی میر

خشک ہوا خون اشک کے بدلے ریگ رواں سی آئی خاک

اکتوبر 6, 2015میر تقی میر،اساتذہ،غزلہوائی،لگائی،چھائی،کھائی،پائی،آئی،اٹھائی،بچھائی،جدائیadmin

دیوان پنجم غزل 1662

دل کی تڑپ نے ہلاک کیا ہے دھڑکے نے اس کے اڑائی خاک

خشک ہوا خون اشک کے بدلے ریگ رواں سی آئی خاک

صورت کے ہم آئینے کے سے ظاہر فقر نہیں کرتے

ہوتے ساتے روتے پاتے ان نے منھ کو لگائی خاک

پیچ و تاب سے خاک بھی میری جیسے بگولا پھرنے لگی

سر میں ہوا ہی اس کے بہت تھی تب تو ہوئی ہے ہوائی خاک

اور غبار کسو کے دل کا کس انداز سے نکلے آہ

روے فلک پر بدلی سی تو ساری ہماری چھائی خاک

نعمت رنگارنگ حق سے بہرہ بخت سیہ کو نہیں

سانپ رہا گو گنج کے اوپر کھانے کو تو کھائی خاک

اپنے تئیں گم جیسا کیا تھا یاں سر کھینچ کے لوگوں نے

عالم خاک میں ویسی ہی اب ڈھونڈی ان کی نہ پائی خاک

انس نہیں انسان سے اچھا عشق و جنوں اک آفت ہے

فرق ہوئے کیا چھوڑے ہے آدم میں اس کی جدائی خاک

ہوکے فقیر گلی میں اس کی چین بہت سا پایا ہم

لے کے سرہانے پتھر رکھا جاے فرش بچھائی خاک

قلب گداز ہیں جن کے وے بھی مٹی سونا کرتے ہیں

میر اکسیر بنائی انھوں نے جن کی جہاں سے اٹھائی خاک

میر تقی میر

پر حوصلے سے شکوہ آیا نہیں زباں تک

اکتوبر 6, 2015میر تقی میر،اساتذہ،غزلکہاں،آسماں،آستاں،آشیاں،جہاں،زیاں،زباںadmin

دیوان پنجم غزل 1661

اب رنج و درد و غم کا پہنچا ہے کام جاں تک

پر حوصلے سے شکوہ آیا نہیں زباں تک

آواز کے ہماری تم حزن پر نہ جائو

یہ نالۂ حزیں تو جاتے ہیں آسماں تک

رونا جہاں جہاں تو عین آرزو ہے لیکن

روتا ہوں رویا جاوے میرے کنے جہاں تک

اکثر صداع مجھ کو رہتا ہے عاشقی میں

تصدیع درد و غم سے کھینچے کوئی کہاں تک

آوارہ ہی ہوئے ہم سر مار مار یعنی

نوپر نکل گئے ہیں اپنے سب آشیاں تک

اے وائے بے نصیبی سر سے بھی گذرے لیکن

پیشانی ٹک نہ پہنچی اس خاک آستاں تک

نفع کثیر اٹھایا کر عشق کی تجارت

راضی ہیں میر اب تو ہم جان کے زیاں تک

میر تقی میر

کیا جاکے دو چار اس سے ہو ناچار ہے عاشق

اکتوبر 6, 2015میر تقی میر،اساتذہ،غزلناچار،گنہگار،بیمار،بازار،تیارadmin

دیوان پنجم غزل 1660

بیتاب ہے دل غم سے نپٹ زار ہے عاشق

کیا جاکے دو چار اس سے ہو ناچار ہے عاشق

وہ دیکھنے کو جاوے تو بہتر ہے وگرنہ

بدحال و ستم دیدہ و بیمار ہے عاشق

رہتا ہے کھڑا دھوپ میں دو دو پہر آ کے

بے جرم سدا اس کا گنہگار ہے عاشق

اٹھتا نہیں تلوار کے سائے کے تلے سے

یعنی ہمہ دم مرنے کو تیار ہے عاشق

چسپاں ہوئے ہیں میر خریدار سے تنہا

کیا جنس ہے معشوق کہ بازار ہے عاشق

میر تقی میر

ہم ہیں جناب عشق کے بندے نزدیک اپنے خدا ہے عشق

اکتوبر 6, 2015میر تقی میر،اساتذہ،غزلہوا،نیا،کیا،پیدا،خداadmin

دیوان پنجم غزل 1659

ارض و سما میں عشق ہے ساری چاروں اور بھرا ہے عشق

ہم ہیں جناب عشق کے بندے نزدیک اپنے خدا ہے عشق

ظاہر و باطن اول و آخر پائیں بالا عشق ہے سب

نور و ظلمت معنی و صورت سب کچھ آپھی ہوا ہے عشق

ایک طرف جبریل آتا ہے ایک طرف لاتا ہے کتاب

ایک طرف پنہاں ہے دلوں میں ایک طرف پیدا ہے عشق

خاک و باد و آب و آتش سب ہے موافق اپنے تئیں

جو کچھ ہے سو عشق بتاں ہے کیا کہیے اب کیا ہے عشق

میر کہیں ہنگامہ آرا میں تو نہیں ہوں چاہت کا

صبر نہ مجھ سے کیا جاوے تو معاف رکھو کہ نیا ہے عشق

میر تقی میر

عشق اللہ صیاد انھیں کہیو جن لوگوں نے کیا ہے عشق

اکتوبر 6, 2015میر تقی میر،اساتذہ،غزللایا،کیا،پیدا،دنیا،دریاadmin

دیوان پنجم غزل 1658

مہر قیامت چاہت آفت فتنہ فساد بلا ہے عشق

عشق اللہ صیاد انھیں کہیو جن لوگوں نے کیا ہے عشق

عشق سے نظم کل ہے یعنی عشق کوئی ناظم ہے خوب

ہر شے یاں پیدا جو ہوئی ہے موزوں کر لایا ہے عشق

عشق ہے باطن اس ظاہر کا ظاہر باطن عشق ہے سب

اودھر عشق ہے عالم بالا ایدھر کو دنیا ہے عشق

دائر سائر ہے یہ جہاں میں جہاں تہاں متصرف ہے

عشق کہیں ہے دل میں پنہاں اور کہیں پیدا ہے عشق

موج زنی ہے میر فلک تک ہر لجہ ہے طوفاں زا

سرتا سر ہے تلاطم جس کا وہ اعظم دریا ہے عشق

میر تقی میر

گل سے چمن بھرے ہوں نہ ہو تو ہزار حیف

اکتوبر 6, 2015میر تقی میر،اساتذہ،غزلحیفadmin

دیوان پنجم غزل 1657

اے تجھ بغیر لالہ و باغ و بہار حیف

گل سے چمن بھرے ہوں نہ ہو تو ہزار حیف

میر تقی میر

بھرے ہیں پھولوں سے جیب و کنار لیکن حیف

اکتوبر 6, 2015میر تقی میر،اساتذہ،غزلحیفadmin

دیوان پنجم غزل 1656

بہار و باغ و گل و لالہ دلربا بن حیف

بھرے ہیں پھولوں سے جیب و کنار لیکن حیف

میر تقی میر

ہے یار بھی ہمارا قیامت ستم ظریف

اکتوبر 6, 2015میر تقی میر،اساتذہ،غزلظریفadmin

دیوان پنجم غزل 1655

ہنستے ہی ہنستے مار رکھا تھے جو ہم ظریف

ہے یار بھی ہمارا قیامت ستم ظریف

میر تقی میر

کھنچا جائے ہے دل کسو کی طرف

اکتوبر 6, 2015میر تقی میر،اساتذہ،غزلکسو،گفتگو،بو،جستجو،روadmin

دیوان پنجم غزل 1654

نظر کیوں گئی رو و مو کی طرف

کھنچا جائے ہے دل کسو کی طرف

نہ دیکھو کبھی موتیوں کی لڑی

جو دیکھو مری گفتگو کی طرف

اگر آرسی میں صفائی ہے لیک

نہیں کرتی منھ اس کے رو کی طرف

چڑھے نہ کہیں کود یہ مغز میں

نہ کر شانہ تو گل کی بو کی طرف

اسے ڈھونڈتے میر کھوئے گئے

کوئی دیکھے اس جستجو کی طرف

میر تقی میر

دیکھو کنکھیوں ہی سے گنہگار کی طرف

اکتوبر 6, 2015میر تقی میر،اساتذہ،غزلیار،گلزار،گنہگار،بیمار،بار،بازار،طرفدارadmin

دیوان پنجم غزل 1653

کیا نیچی آنکھوں دیکھو ہو تلوار کی طرف

دیکھو کنکھیوں ہی سے گنہگار کی طرف

آوارگی کے محو ہیں ہم خانماں خراب

مطلق نہیں نظر ہمیں گھر بار کی طرف

مانا ہے قبلہ کعبہ خدا فرط شوق سے

جاتے ہیں سر رگڑتے ہوئے یار کی طرف

شاید متاع حسن کھلی ہے کسو کی آج

ہنگامہ حشر کا سا ہے بازار کی طرف

عاشق کی اور نازکناں جاوے ہے کبھو

جیسے طبیب جاوے ہے بیمار کی طرف

ہرگز طرف نہ ہوسکے رخسار یار کے

پھیکی ہے اس کے سامنے گلزار کی طرف

کچھ گل صبا کا لاگو نہیں اس چمن میں میر

کرتے ہیں سب ہی اپنے طرفدار کی طرف

میر تقی میر

ورنہ سبھی دیکھا کرتے ہیں اپنے سود و زیاں کی طرف

اکتوبر 6, 2015میر تقی میر،اساتذہ،غزلنشاں،جہاں،جواں،زیاں،زباںadmin

دیوان پنجم غزل 1652

عشق سے ہم کو نگاہ نہیں کچھ ہائے زیان جاں کی طرف

ورنہ سبھی دیکھا کرتے ہیں اپنے سود و زیاں کی طرف

ازبس مکروہات سے یاں کا مزبلہ زار لبالب ہے

یاں سے گئے پر پھیر کے منھ دیکھا نہ کنھوں نے جہاں کی طرف

صورت کی شیرینی ایسی تلخی زباں کی ایسی کچھ

منھ دیکھے اس کا جو کوئی پھر دیکھے ہے زباں کی طرف

وہ محبوب تو راہ گیا ہے اپنی لیکن دیر تلک

آنکھیں اہل نظر کی رہیں گی اس کے قدم کے نشاں کی طرف

کس سے کہوں جو میر طرف کر اس سے داد دلا دیوے

چھوٹے بڑے ہر ایک نے لی ہے اس اوباش جواں کی طرف

میر تقی میر

کوئی نظر کر عبرت آگیں اس کے نازو ادا کی طرف

اکتوبر 6, 2015میر تقی میر،اساتذہ،غزلہوا،وفا،ادا،حیا،خدا،دعا،عناadmin

دیوان پنجم غزل 1651

دیکھ نہ ہر دم اے عاشق قاتل کی تیغ جفا کی طرف

کوئی نظر کر عبرت آگیں اس کے نازو ادا کی طرف

چار طرف سے نزول حوادث جاؤں کدھر تنگ آیا ہوں

غالب ہے کیا عہد میں میرے اے دل رنج و عنا کی طرف

آوے زمانہ جب ایسا تو ترک عشق بتاں کا کر

چاہیے بندہ قصد کرے جانے کا اپنے خدا کی طرف

قحط مروت اب جو ہوا ہے کس کو دماغ بادہ کشی

ابر آیا سبزہ بھی ہوا کرتا نہیں کوئی ہوا کی طرف

ظلم و ستم سے جور و جفا سے کیا کیا عاشق مارے گئے

شہر حسن کے لوگوں میں کرتا نہیں کوئی وفا کی طرف

شام و سحر ہے عکس سے اپنے حرف و سخن اس گلرو کو

پشت پا سے نگاہ اٹھالی چھوڑی ان نے حیا کی طرف

ہاتھ کسی کا دیکھتے رہیے گاہے ہم سے ہو نہ سکا

اپنی نظر اے میر رہی ہے اکثر دست دعا کی طرف

میر تقی میر

ہاتھ گلوں سے گلدستے ہیں شمع نمط ہے سر پر داغ

اکتوبر 6, 2015میر تقی میر،اساتذہ،غزلکر،پتھر،پر،اکثر،سراسرadmin

دیوان پنجم غزل 1650

کیا کہیے میاں اب کے جنوں میں سینہ اپنا یکسر داغ

ہاتھ گلوں سے گلدستے ہیں شمع نمط ہے سر پر داغ

داغ جلائے فلک نے بدن پر سرو چراغاں ہم کو کیا

کہاں کہاں اب مرہم رکھیں جسم ہوا ہے سراسر داغ

صحبت درگیر آگے اس کے پہر گھڑی ساعت نہ ہوئی

جب آئے ہیں گھر سے اس کے تب آئے ہیں اکثر داغ

غیر کو دیکھ کے اس مجلس میں غیرت عشق سے آگ لگی

اچھلے کودے سپند نمط ہم ہو گئے آخر جل کر داغ

جلتی چھاتی پہ سنگ زنی کی سختی ایام سے میر

گرمی سے میری آتش دل کی سارے ہوئے وے پتھر داغ

میر تقی میر

یہ حرکت تو ہم نہ کریں گے خانہ سیاہ دروغ دروغ

اکتوبر 6, 2015میر تقی میر،اساتذہ،غزلنگاہ،ناف،گناہ،آہ،سیاہadmin

دیوان پنجم غزل 1649

ہم کو شہر سے اس مہ کے ہے عزم راہ دروغ دروغ

یہ حرکت تو ہم نہ کریں گے خانہ سیاہ دروغ دروغ

الفت کلفت کون کہے ہے چاہ گناہ لکھا کن نے

بے دردی سے وے رکھتے ہیں یہی گناہ دروغ دروغ

شیخ کو وہ تو جھوٹ کہے ہے جھوٹ کو کیوں کر جھوٹ گنیں

اہل درد جو کوئی ہو تو کہیے آہ دروغ دروغ

عشق کے مارے غمزدگاں سے انس کرے بہتان و کذب

اس بے مہر کی ہم لوگوں سے الفت چاہ دروغ دروغ

کس دلبر کو شوق سے دیکھا میر غلط ہے تہمت ہے

منھ پہ کسو کے پڑی نہیں ہے گاہ نگاہ دروغ دروغ

میر تقی میر

ہم ہوئے خستہ جاں دریغ دریغ

اکتوبر 6, 2015میر تقی میر،اساتذہ،غزلمکاں،نامہرباں،کارواں،جاں،درمیاں،زماں،زیاںadmin

دیوان پنجم غزل 1648

غم کھنچا رائیگاں دریغ دریغ

ہم ہوئے خستہ جاں دریغ دریغ

عشق میں جی بھی ہم گنوا بیٹھے

ہو گیا کیا زیاں دریغ دریغ

سب سے کی دشمنی جنھوں کے لیے

وے ہیں نامہرباں دریغ دریغ

قطع امید ہے قریب اس سے

تیغ ہے درمیاں دریغ دریغ

دل گئے پر نہ ورد نے تسبیح

کہتے ہیں ہر زماں دریغ دریغ

اٹھنے دیتا نہیں شکستہ دل

ڈھہ گیا کیا مکاں دریغ دریغ

تب کھلی آنکھ میر اپنی جب

جاچکا کارواں دریغ دریغ

میر تقی میر

وہ سراپا دیکھ کر پردے میں جل جاتی ہے شمع

اکتوبر 6, 2015میر تقی میر،اساتذہ،غزلشمعadmin

دیوان پنجم غزل 1647

آتی ہے مجلس میں تو فانوس میں آتی ہے شمع

وہ سراپا دیکھ کر پردے میں جل جاتی ہے شمع

میر تقی میر

وہ منھ ٹک اودھر نہیں کرتا داغ ہے اس کے غرور سے شمع

اکتوبر 6, 2015میر تقی میر،اساتذہ،غزلچور،حضور،شعور،غرورadmin

دیوان پنجم غزل 1646

کیا جھمکا فانوس میں اپنا دکھلاتی ہے دور سے شمع

وہ منھ ٹک اودھر نہیں کرتا داغ ہے اس کے غرور سے شمع

وہ بیٹھا ہے جیسے نکلے چودھویں رات کا چاند کہیں

روشن ہے کیا ہو گی طرف اس طرح رخ پر نور سے شمع

آگے اس کے فروغ نہ تھا جلتی تھی بجھی سی مجلس میں

تب تو لوگ اٹھا لیتے تھے شتابی اس کے حضور سے شمع

جلنے کو آتی ہیں جو ستیاں میر سنبھل کر جلتی ہیں

کیا بے صرفہ رات جلی بے بہرہ اپنے شعور سے شمع

میر تقی میر

سحر تک سب ان نے ہی کھائی تھی شمع

اکتوبر 6, 2015میر تقی میر،اساتذہ،غزللائی،چھپائی،کھائی،آئی،بنائی،بجھائی،جلائیadmin

دیوان پنجم غزل 1645

لیے داغ سر پر جو آئی تھی شمع

سحر تک سب ان نے ہی کھائی تھی شمع

پتنگے کے حق میں تو بہتر ہوئی

اگر موم کی بھی بنائی تھی شمع

نہ اس مہ سے روشن تھی شب بزم میں

نکالا تھا اس کو چھپائی تھی شمع

وہی ساتھ تھا میرے شب گیر میں

کہ تاب اس کے رخ کی نہ لائی تھی شمع

پتنگ اور وہ کیوں نہ باہم جلیں

کہیں سے مگر اک لگ آئی تھی شمع

فروغ اس کے چہرے کا تھا پردہ در

ہوا کیا جو ہم نے بجھائی تھی شمع

تف دل سے میر اک کف خاک ہے

مری خاک پر کیوں جلائی تھی شمع

میر تقی میر

کیونکے جئیں یارب حیرت ہے بے مزہ ایسے نامحظوظ

اکتوبر 6, 2015میر تقی میر،اساتذہ،غزلمحظوظ،نامحظوظadmin

دیوان پنجم غزل 1644

لطف جوانی کے ساتھ گئے پیری نے کیا ہے کیا محظوظ

کیونکے جئیں یارب حیرت ہے بے مزہ ایسے نامحظوظ

رونے کڑھنے کو عیش کہو ہو ہم تو تمھارے دعاگو ہیں

یوں ہی ہمیشہ عشق میں اس کے رکھے ایسا خدا محظوظ

زردی منھ کی اشک کی سرخی دونوں اب تو رنگ پہ ہیں

شاید میر بہت رہتے ہو اس سے ہو کے جدا محظوظ

میر تقی میر

ہر لمحہ لحظہ آن و زماں ہر دم اختلاط

اکتوبر 6, 2015میر تقی میر،اساتذہ،غزلکم،باہم،دمadmin

دیوان پنجم غزل 1643

رکھتا ہے میرے دل سے تمھارا غم اختلاط

ہر لمحہ لحظہ آن و زماں ہر دم اختلاط

ہم وے ملے ہی رہتے ہیں مردم کی شکل کیا

ان صورتوں میں ہوتا نہیں باہم اختلاط

شیریں لباں جہاں کے نہیں چھوٹ جانتے

ہوں گو کہ میر صاحب و قبلہ کم اختلاط

میر تقی میر

زردی رنگ و چشم تر ہے شرط

اکتوبر 6, 2015میر تقی میر،اساتذہ،غزلہنر،نظر،تر،خبر،خر،زر،سفرadmin

دیوان پنجم غزل 1642

عشق کو جرأت و جگر ہے شرط

زردی رنگ و چشم تر ہے شرط

بے خبر حال سے نہ رہ میرے

میں کہے رکھتا ہوں خبر ہے شرط

حج کو جاوے تو شیخ کو لے جا

کعبے جانے کو یہ بھی خر ہے شرط

پیسوں پر ریجھتے ہیں یہ لڑکے

عشق سیمیں تناں کو زر ہے شرط

خام رہتا ہے آدمی گھر میں

پختہ کاری کے تیں سفر ہے شرط

خبث یاروں کا کر فسانوں میں

عیب کرنے کو بھی ہنر ہے شرط

لعل پارے ہیں میر لخت جگر

دیکھ کر خون رو نظر ہے شرط

میر تقی میر

اس کو خدا ہی ہووے تو ہو کچھ خدا سے ربط

اکتوبر 6, 2015میر تقی میر،اساتذہ،غزلگدا،حیا،خدا،دعا،صباadmin

دیوان پنجم غزل 1641

جس کو ہوا ہے اس صنم بے وفا سے ربط

اس کو خدا ہی ہووے تو ہو کچھ خدا سے ربط

گل ہو کے برگ برگ ہوئے پھر ہوا ہوئے

رکھتے ہیں اس چمن کے جو غنچے صبا سے ربط

زنہار پشت پا سے نہیں اٹھتی اس کی آنکھ

اس چشم شرمگیں کو بہت ہے حیا سے ربط

شاید اسی کے ہاتھ میں دامن ہو یار کا

ہو جس ستم رسیدہ کو دست دعا سے ربط

کرتی ہے آدمی کو دنی صحبت فقیر

اچھا نہیں ہے میر سے بے تہ گدا سے ربط

میر تقی میر

ہے معلوم کہ عالم عالم پھر یاں وہ جاری ہے فیض

اکتوبر 6, 2015میر تقی میر،اساتذہ،غزلجاری،ساریadmin

دیوان پنجم غزل 1640

عالم علم سے اس عالم میں ہر لحظہ طاری ہے فیض

ہے معلوم کہ عالم عالم پھر یاں وہ جاری ہے فیض

سنگ و شجر ہیں پانی پون ہیں غنچہ و گل ہیں بارو بر

عالم ہژدہ ہزار جو ہیں یہ سب میں وہ ساری ہے فیض

میر تقی میر

دین و مذہب مرا ہے پیار اخلاص

اکتوبر 6, 2015میر تقی میر،اساتذہ،غزلہزار،یار،پیارadmin

دیوان پنجم غزل 1639

شاعری شیوہ ہے شعار اخلاص

دین و مذہب مرا ہے پیار اخلاص

اب کہاں وہ مؤدت قلبی

ہووے ظاہر میں یوں ہزار اخلاص

سورۃ اخلاص کی پڑھی برسوں

میر رکھتا نہیں ہے یار اخلاص

میر تقی میر

تلوار کا سا گھاؤ ہے جبہے کا ہر خراش

اکتوبر 6, 2015میر تقی میر،اساتذہ،غزللاش،کاش،باش،بدمعاش،خراشadmin

دیوان پنجم غزل 1638

غصے میں ناخنوں نے مرے کی ہے کیا تلاش

تلوار کا سا گھاؤ ہے جبہے کا ہر خراش

صحبت میں اس کی کیونکے رہے مرد آدمی

وہ شوخ و شنگ و بے تہ و اوباش و بدمعاش

بے رحم تجھ کو ایک نظر کرنی تھی ادھر

کشتے کے تیرے ٹکڑے ہوئے لے گئے بھی لاش

آباد اجڑا لکھنؤ چغدوں سے اب ہوا

مشکل ہے اس خرابے میں آدم کی بودو باش

عمرعزیز یاس ہی میں جاتی ہے چلی

امیدوار اس کے نہ ہم ہوتے میر کاش

میر تقی میر

اس کا ہو جاتا دل شکار اے کاش

اکتوبر 6, 2015میر تقی میر،اساتذہ،غزلقرار،مزار،وار،پیار،انتظار،بہار،شکارadmin

دیوان پنجم غزل 1637

ادھر آتا بھی وہ سوار اے کاش

اس کا ہو جاتا دل شکار اے کاش

زیر دیوار خانہ باغ اس کے

ہم کو جا ملتی خانہ وار اے کاش

کب تلک بے قرار رہیے گا

کچھ تو ملنے کا ہو قرار اے کاش

راہ تکتے تو پھٹ گئیں آنکھیں

اس کا کرتے نہ انتظار اے کاش

اس کی پامالی سرفرازی ہے

راہ میں ہو مری مزار اے کاش

پھول گل کچھ نہ تھے کھلی جب چشم

اور بھی رہتی اک بہار اے کاش

اب وہی میر جی کھپانا ہے

ہم کو ہوتا نہ اس سے پیار اے کاش

میر تقی میر

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: