admin کی تمام پوسٹیں

بچائے رَکھو پُرانی روایتوں کو اَبھی

جنوری 10, 2012عرفان صدیقی،غزلadmin

عرفان صدیقی ۔ غزل نمبر 227

کسی نے دیکھا ہے کل کی ضرورتوں کو اَبھی

بچائے رَکھو پُرانی روایتوں کو اَبھی

جو لوگ کرتے ہیں بے داغ چاہتوں کی تلاش

ترسنے والے ہیں جھوٹی محبتوں کو اَبھی

پھر اِک کمند نے ماں سے چھڑا لیا اُس کو

سمجھ رہا تھا وہ صحرا کی وُسعتوں کو اَبھی

اَکھر رہا ہے بھری دوپہر کا سنّاٹا

شریر پاؤں میسّر نہیں چھتوں کو اَبھی

سنا یہ ہے وہ بہت خوش سمجھ رہا ہے ہمیں

تو اُس نے دُور سے دیکھا ہے شہرتوں کو اَبھی

زمانہ کل اُنھیں سچائیاں سمجھ لے گا

تم اِک مذاق سمجھتے ہو تہمتوں کو اَبھی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اگر وہ سنگ نہیں ہے تو مسکرائے بھی

جنوری 10, 2012عرفان صدیقی،غزلمسکرائے،آئے،بڑھائے،جگمگائے،سنائےadmin

عرفان صدیقی ۔ غزل نمبر 226

چراغِ خانۂ افسردگاں جلائے بھی

اگر وہ سنگ نہیں ہے تو مسکرائے بھی

وہ چاند ہے تو مرے بام پر طلوع بھی ہو

ستارہ ہے تو مری شام جگمگائے بھی

وہ پھول ہے تو مری شاخِ جاں بھی مہکائے

اگر ہوا ہے تو میرے بدن تک آئے بھی

وہ شعلہ ہے تو مجھے خاک بھی کرے آخر

اگر دیا ہے تو کچھ اپنی لو بڑھائے بھی

سخن سرا ہے تو مجھ سے مکالمہ بھی کرے

گلہ سنے بھی اور اپنی غزل سنائے بھی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہی جرس کی صدا پھر کہیں سے آنے لگی

جنوری 10, 2012عرفان صدیقی،غزللگانے،مسکرانے،کھلانے،آنے،بلانے،جگمگانےadmin

عرفان صدیقی ۔ غزل نمبر 225

بساط رقص جو گردِ سفر بچھانے لگی

وہی جرس کی صدا پھر کہیں سے آنے لگی

عجیب موج ہے، دشمن کہوں کہ دوست کہوں

زمین کاٹ رہی تھی کہ گل کھلانے لگی

سدا کہیں کوئی بے آشنا نہیں رہتا

مجھے ہوائے مسافت گلے لگانے لگی

میں بے کنار سمجھنے کو تھا سمندر کو

کہ ایک شاخ سرِ آب جگمگانے لگی

دُعائے شامِ دل آزردگاں بھی کیا شے ہے

چراغ جلنے لگے‘ رات مسکرانے لگی

ابھی کھلا بھی نہ تھا رختِ شوق دلّی میں

کہ پھر ہمیں کششِ لکھنؤ بلانے لگی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یار، تم کو سانس لینے کی ادا کب آئے گی

جنوری 10, 2012عرفان صدیقی،غزلقبا،ندا،گھٹا،ادا،ردا،صداadmin

عرفان صدیقی ۔ غزل نمبر 224

یہ تو صحرا ہے یہاں ٹھنڈی ہوا کب آئے گی

یار، تم کو سانس لینے کی ادا کب آئے گی

کوچ کرنا چاہتے ہیں پھر مری بستی کے لوگ

پھر تری آواز اے کوہِ ندا کب آئے گی

نسلِ تازہ، میں تجھے کیا تجربے اپنے بتاؤں

تیرے بڑھتے جسم پر میری قبا کب آئے گی

سر برہنہ بیبیوں کے بال چاندی ہو گئے

خیمے پھر استادہ کب ہوں گے ردا کب آئے گی

طاق میں کب تک جلے گا یہ چراغِ انتظار

اس طرف شب گشت لوگوں کی صدا کب آئے گی

میری مٹی میں بھی کچھ پودے نمو آمادہ ہیں

تو مرے آنگن تک اے کالی گھٹا کب آئے گی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بہت دِنوں میں کھلیں کھڑکیاں مکانوں کی

جنوری 10, 2012عرفان صدیقی،غزلمکانوں،کمانوں،اِمتحانوں،بادبانوں،شانوںadmin

عرفان صدیقی ۔ غزل نمبر 223

بدل گئی ہے فضا نیلے آسمانوں کی

بہت دِنوں میں کھلیں کھڑکیاں مکانوں کی

بس ایک بار جو لنگر اُٹھے تو پھر کیا تھا

ہوائیں تاک میں تھیں جیسے بادبانوں کی

کوئی پہاڑ رُکا ہے کبھی زمیں کے بغیر

ہر ایک بوجھ پنہ چاہتا ہے شانوں کی

تو غالباً وہ ہدف ہی حدوں سے باہر تھا

یہ کیسے ٹوٹ گئیں ڈوریاں کمانوں کی

جو ہے وہ کل کے سوالوں کے اِنتظار میں ہے

یہ زندگی ہے کہ ہے رات اِمتحانوں کی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اور تشہیر کرو اپنی گرفتاری کی

جنوری 10, 2012عرفان صدیقی،غزلگرفتاری،بیماری،باری،برداری،تاتاری،جاریadmin

عرفان صدیقی ۔ غزل نمبر 222

توڑ دی اس نے وہ زنجیر ہی دلداری کی

اور تشہیر کرو اپنی گرفتاری کی

ہم تو صحرا ہوئے جاتے تھے کہ اس نے آکر

شہر آباد کیا‘ نہرِ صبا جاری کی

ہم بھی کیا شے ہیں طبیعت ملی سیارہ شکار

اور تقدیر ملی آہوئے تاتاری کی

اتنا سادہ ہے مرا مایۂ خوبی کہ مجھے

کبھی عادت نہ رہی آئنہ برداری کی

میرے گم گشتہ غزالوں کا پتہ پوچھتا ہے

فکر رکھتا ہے مسیحا مری بیماری کی

اس کے لہجے میں کوئی چیز تو شامل تھی کہ آج

دل پہ اس حرفِ عنایت نے گراں باری کی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اس کا پیکر روشنی، میرا مقدّر روشنی

جنوری 10, 2012عرفان صدیقی،غزلمقدّر،کر،اندر،بھر،برابرadmin

عرفان صدیقی ۔ غزل نمبر 221

جسم و جاں کی آگ سے منظر بہ منظر روشنی

اس کا پیکر روشنی، میرا مقدّر روشنی

میں نے رات اک خواب دیکھا اور روشن ہو گیا

دیکھتا کیا ہوں کہ ہے میرے برابر روشنی

اور اے روشن قبا تجھ سے ہمیں کیا چاہیے

ایک دامن بھر ہوا اور اک دیا بھر روشنی

میں کوئی جگنو نہ تارا، میں کوئی سورج نہ چاند

اور تو دیکھے تو ہے مٹی کے اندر روشنی

اکثر اکثر اس کا چہرہ دھیان میں آتا بھی ہے

جیسے گم ہوجائے جنگل میں چمک کر روشنی

میرے مولا، ہجر کی تاریک راتوں کے طفیل

زندگی بھر چاہتیں اور زندگی بھر روشنی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

حق کا ولی، نبیؐ کا برادر، علیؑ علیؑ

جنوری 10, 2012عرفان صدیقی،غزللشکر،منوّر،منظر،مکرر،معبر،یاور،کوثر،گوہر،گر،افسر،اژدر،اکبر،برادر،تونگر،تر،ثناگر،حیدر،خنجر،خیبر،دلاور،رہبر،سمندر،عنترadmin

عرفان صدیقی ۔ غزل نمبر 220

شانِ خدا، ردانِ پیمبرؐ، علیؑ علیؑ

حق کا ولی، نبیؐ کا برادر، علیؑ علیؑ

زیب بدن شہانۂ تسخیرِ کائنات

سر پر لوائے حمد کا افسر علیؑ علیؑ

مٹی کی مملکت میں علم اسم بوترابؑ

افلاک پر ندائے مکرر، علیؑ علیؑ

سازِ مکانِ انفس و آفاق اُس کا نام

نازِ جہانِ اصغر و اکبر، علیؑ علیؑ

بے مایگاں کا مونس و غم خوار کون ہے

بے چارگاں کا کون ہے یاور، علیؑ علیؑ

مردانِ حرُ کا قافلہ سالار کون ہے

خاصانِ رب کا کون ہے رہبر، علیؑ علیؑ

مدّت سے ہے نواحِ غریباں میں خیمہ زن

وحشت کی فوج، خوف کا لشکر، علیؑ علیؑ

اِک بادباں شکستہ جہاز اور چہار سمت

کالی گھٹا، سیاہ سمندر، علیؑ علیؑ

اِک تشنہ کام ناقۂ جاں اور ہر طرف

باد سموم، دشت ستم گر، علیؑ علیؑ

اِک پافگار رہ گزری اور راہ میں

انبوہِ گرگ، مجمعِ اژدر، علیؑ علیؑ

اک سینہ چاک خاک بہ سر اور کوُ بہ کوُ

سوغاتِ سنگ، ہدیۂ خنجر، علیؑ علیؑ

میں بے نوا ترے درِ دولت پہ داد خواہ

اے میرے مرتضیٰؑ ، میرے حیدرؑ ، علیؑ علیؑ

میں بے اماں مجھے ترے دستِ کرم کی آس

تو دل نواز، تو ہی دلاور، علیؑ علیؑ

نانِ شعیر و جوہرِ شمشیر تیرے پاس

توُ ہی دلیر، توُ ہی تونگر، علیؑ علیؑ

توُ تاجدار تاب و تبِ روزگار کا

مجھ کو بھی اِک قبالۂ منظر، علیؑ علیؑ

توُ شہریار آب و نمِ شاخسار کا

میرے لیے بھی کوئی گلِ تر، علیؑ علیؑ

روشن ترے چراغ یمین و یسار میں

دونوں حوالے میرے منوّر، علیؑ علیؑ

یہ خانہ زادگاں ہیں تجھی سے شرف نصیب

ان کو بھی اِک خریئ گوہر، علیؑ علیؑ

اب میرے دشت میرے خرابے کی سمت موڑ

رہوار کی عنانِ معبر، علیؑ علیؑ

نصرت، کہ ہو چکے ہیں سزاوار ذوالفقار

میری زمیں کے مرحب و عنتر علیؑ علیؑ

پابستگاں پہ بام و درِ شش جہات کھول

اے بابِ علم، فاتحِ خیبر، علیؑ علیؑ

انعام کر مجھے بھی کہ صدیوں کی پیاس ہے

دریا، بنامِ ساقئ کوثر، علیؑ علیؑ

مولاؑ ، صراطِ روزِ جزا سے گزار ہی جائے

کہتا ہوا یہ تیرا ثناگر، علیؑ علیؑ

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اس سے بچھڑے ہیں تو حاصل ہے فراغت کیسی

جنوری 10, 2012عرفان صدیقی،غزلفراغت،اجازت،اجرت،حیرت،شکایت،صورتadmin

عرفان صدیقی ۔ غزل نمبر 219

اب وہ بے تابیِ جاں کا ہے کی‘ وحشت کیسی

اس سے بچھڑے ہیں تو حاصل ہے فراغت کیسی

جان، ہم کارِ محبت کا صلہ چاہتے تھے

دلِ سادہ کوئی مزدور ہے اجرت کیسی

عمر کیا چیز ہے احساسِ زیاں کے آگے

ایک ہی شب میں بدل جاتی ہے صورت کیسی

شمعِ خیمہ کوئی زنجیر نہیں ہم سفراں

جس کو جانا ہے چلا جائے اجازت کیسی

اس زمیں پر مرے یکتا ترے تمثال بہت

آئینہ خانے میں آیا ہے تو حیرت کیسی

دل اگر دل ہے تو دریا سے بڑا ہونا ہے

سر اگر سر ہے تو نیزوں سے شکایت کیسی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کبھی دن بیتیں بیراگ بھرے کبھی رت آئے انوراگ بھری

جنوری 10, 2012عرفان صدیقی،غزلآگ،انوراگ،بھاگ،جاگadmin

عرفان صدیقی ۔ غزل نمبر 218

کوئی چٹّھی لکھو رنگ بھری کوئی مٹھی کھولو پھاگ بھری

کبھی دن بیتیں بیراگ بھرے کبھی رت آئے انوراگ بھری

جہاں خاک بچھونا رات ملے مجھے چاند کی صورت ساتھ ملے

وہی دکھیارن وہی بنجارن وہی روپ متی وہی بھاگ بھری

پل بھر کو اگر میں سوجاؤں تو سارا زہر کا ہوجاؤں

ترا کالا جنگل ناگ بھرا مری جلتی آنکھیں جاگ بھری

سنو اپنا اپنا کام کریں سُرتال پہ کیوں الزام دھریں

میاں اپنی اپنی بانسریا کوئی راگ بھری کوئی آگ بھری

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کتنے موسم لگے ہیں ہمارے بدن پر نکلنے میں یہ بال و پر یا اخی

جنوری 10, 2012عرفان صدیقی،غزلمعتبر،کر،پر،بھر،در،شجرadmin

عرفان صدیقی ۔ غزل نمبر 217

تم ہمیں ایک دن دشت میں چھوڑ کر چل دیئے تھے تمہیں کیا خبر یا اخی

کتنے موسم لگے ہیں ہمارے بدن پر نکلنے میں یہ بال و پر یا اخی

شب گزیدہ دیاروں کے ناقہ سواروں میں مہتاب چہرہ تمہارا نہ تھا

خاک میں مل گئے راہ تکتے ہوئے سب خمیدہ کمر بام و در یا اخی

جنگ کا فیصلہ ہو چکا ہے تو پھر میرے دل کی کمیں گاہ میں کون ہے

اک شقی کاٹتا ہے طنابیں مرے خیمہ خواب کی رات بھر یا اخی

یہ بھی اچھا ہوا تم اس آشوب سے اپنے سرسبز بازو بچا لے گئے

یوں بھی کوئے زیاں میں لگانا ہی تھا ہم کو اپنے لہو کا شجر یا اخی

ہز اس شہر کی بھی بہت مہرباں ہے مگر اپنا رہوار مت روکنا

ہجرتوں کے مقدر میں باقی نہیں اب کوئی قریہ معتبر یا اخی

زرد پتوں کے ٹھنڈے بدن اپنے ہاتھوں پہ لے کر ہوا نے شجر سے کہا

اگلے موسم میں تجھ پر نئے برگ و بار آئیں گے تب تلک صبر کر‘ یا اخی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اور پھر ایک دن دل کی ساری زمیں درد کی مملکت میں ملا لی گئی

جنوری 9, 2012عرفان صدیقی،غزلملا،چکا،وا،اڑا،بچھا،بنا،بساadmin

عرفان صدیقی ۔ غزل نمبر 216

لشکرِ عشق نے جب سے خیمے کیے کچھ نہ کچھ روز سرحد بڑھا لی گئی

اور پھر ایک دن دل کی ساری زمیں درد کی مملکت میں ملا لی گئی

رات کو رک کے صحرا جگایا گیا جب تھکن سے بدن کی طنابیں گریں

اپنے ہاتھوں کے تکیے بنائے گئے اپنی مٹی کی چادر بچھالی گئی

ایک چڑیا کی آواز آتی رہی میرے بچوں کو مجھ سے چھڑایا گیا

میری بستی سے مجھ کو نکالا گیا میرے جنگل میں بستی بسا لی گئی

دستِ خالی پہ کیا حوصلہ کیجئے کیسے جینے کی قیمت ادا کیجئے

اب کے دربار میں نذرِ سر بھیج کر بچ نکلنے کی صورت نکالی گئی

کوچۂ رہزناں سے گزرتے ہوئے کچھ بچانا بھی تھا کچھ لٹانا بھی تھا

اپنی صدیوں کا سونا لٹایا گیا اپنے خوابوں کی دُنیا بچالی گئی

ختم ہوتا ہے اس رات کا ماجرا اب یہ کیا پوچھتے ہو کہ پھر کیا ہوا

پھر چراغوں کی آنکھیں بجھا دی گئیں پھر گلوں کی زباں کاٹ ڈالی گئی

سارے منظر غبارِ پسِ کارواں ہو گئے بام و در سب دھواں ہو گئے

اب مناجات کا وقت ہے گھر چلو سیر کی جاچکی خاک اڑا لی گئی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جو بات میرے دل میں تھی وہ بات نئیں ہوئی

جنوری 9, 2012عرفان صدیقی،غزلمافات،کرامات،اوقات،بات،برسات،رات،سوغات،سادات،شروعات،ظلماتadmin

عرفان صدیقی ۔ غزل نمبر 215

ایسا تو نئیں کہ ان سے ملاقات نئیں ہوئی

جو بات میرے دل میں تھی وہ بات نئیں ہوئی

بہتر یہ ہے کہ وہ تنِ شاداب ادھر نہ آئے

برسوں سے میرے شہر میں برسات نئیں ہوئی

پیش ہوس تھا خوانِ دو عالم سجا ہوا

اس رزق پر مگر بسر اوقات نئیں ہوئی

تیرے بغیر بھی غم جاں ہے وہی کہ نئیں

نکلا نہ ماہتاب تو کیا رات نئیں ہوئی

ہم کون پیرِ دل زدگاں ہیں کہ عشق میں

یاراں بڑے بڑوں سے کرامات نئیں ہوئی

کیا سہل اس نے بخش دیا چشمۂ حیات

جی بھر کے سیرِ وادیِ ظلمات نئیں ہوئی

میرے جنوں کو ایک خرابے کی سلطنت

یہ تو کوئی تلافیِ مافات نئیں ہوئی

اپنا نسب بھی کوئے ملامت میں بار ہے

لاکھ اپنے پاس عزتِ سادات نئیں ہوئی

یاقوتِ لب تو کارِ محبت کا ہے صلہ

اجرت ہوئی حضور یہ سوغات نئیں ہوئی

کب تک یہ سوچ سوچ کے ہلکان ہو جیسے

اب تک تری طرف سے شروعات نئیں ہوئی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

فصل امکاں کو نمو کرنے میں آسانی ہوئی

جنوری 9, 2012عرفان صدیقی،غزلپہچانی،پشیمانی،آسانی،حیرانی،دیوانیadmin

عرفان صدیقی ۔ غزل نمبر 214

اب کے صحرا میں عجب بارش کی ارزانی ہوئی

فصل امکاں کو نمو کرنے میں آسانی ہوئی

پیاس نے آب رواں کو کر دیا موج سراب

یہ تماشا دیکھ کر دریا کو حیرانی ہوئی

سر سے سارے خوان خوشبو کے بکھر کر رہ گئے

خاک خیمہ تک ہوا پہنچی تو دیوانی ہوئی

دُور تک اُڑنے لگی گرد صدا زنجیر کی

کس قدر دیوار زنداں کو پشیمانی ہوئی

تم ہی صدیوں سے یہ نہریں بند کرتے آئے ہو

مجھ کو لگتی ہے تمہاری شکل پہچانی ہوئی

MERGED اب کے صحرا میں عجب بارش کی ارزانی ہوئی

فصلِ امکاں کو نمو کرنے میں آسانی ہوئی

پیاس نے آبِ رواں کو کردیا موجِ سراب

یہ تماشا دیکھ کر دریا کو حیرانی ہوئی

سر سے سارے خوان خوشبو کے بکھر کر رہ گئے

خاکِ خیمہ تک ہوا پہنچی تو دیوانی ہوئی

دور تک اڑنے لگی گردِ صدا زنجیر کی

کس قدر دیوارِ زنداں کو پشیمانی ہوئی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جا رہی ہے جو ندی کھیتوں سے شرمائی ہوئی

جنوری 9, 2012عرفان صدیقی،غزلگھبرائی،ٹھکرائی،آئی،بھڑکائی،شرمائیadmin

عرفان صدیقی ۔ غزل نمبر 213

یہ بھی گزرے ہوئے بادل کی ہے ترسائی ہوئی

جا رہی ہے جو ندی کھیتوں سے شرمائی ہوئی

ذہن شاعر کا، نئی صبحوں کے سورج کی کرن

جیسے سوکھے ہوئے ہونٹوں پہ ہنسی آئی ہوئی

اب میں یہ سوچ کے رک جاؤں تو جل جاؤں گا

کہ ہے یہ آگ کسی اور کی بھڑکائی ہوئی

کیا چھپا رکھا ہے دیواروں نے خوشبو کے چراغ

کیوں منڈیروں پہ ہوا پھرتی ہے گھبرائی ہوئی

لیجیے مجھ سے یہ بھی پیمان وفا چاہتی ہے

یہی دنیا، مرے اجداد کی ٹھکرائی ہوئی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مرے شہر کی شب ہر چوکھٹ کی زنجیر ہوئی

جنوری 9, 2012عرفان صدیقی،غزلپذیر،اسیر،تقدیر،تقصیر،تاثیر،تاخیر،جاگیر،زنجیرadmin

عرفان صدیقی ۔ غزل نمبر 212

دروازوں پر دن بھر کی تھکن تحریر ہوئی

مرے شہر کی شب ہر چوکھٹ کی زنجیر ہوئی

سب دھوپ اتر گئی ٹوٹی ہوئی دیواروں سے

مگر ایک کرن میرے خوابوں میں اسیر ہوئی

مرا سونا گھر مرے سینے سے لگ کر روتا ہے

مرے بھائی‘ تمہیں اس بار بہت تاخیر ہوئی

ہمیں رنج بہت تھا دشت کی بے امکانی کا

لو غیب سے پھر اک شکل ظہور پذیر ہوئی

کوئی حیرت میرے لہجے کی پہچان بنی

کوئی چاہت میرے لفظوں کی تاثیر ہوئی

اس درد کے قاتل منظر کو الزام نہ دو

یہ تو دیکھنے والی آنکھوں کی تقصیر ہوئی

کسی لشکر سے کہیں بہتا پانی رُکتا ہے

کبھی جوئے رواں کسی ظالم کی جاگیر ہوئی

پھر لوح پہ لٹنے والے خزانے لکھے گئے

مجھے اب کے برس بھی دولتِ جاں تقدیر ہوئی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

خزاں کی رت میں بھی ابرِ بہاراں بھیج دے کوئی

جنوری 9, 2012عرفان صدیقی،غزلیاراں،بہاراں،شہسواراں،شاخساراں،غمگساراںadmin

عرفان صدیقی ۔ غزل نمبر 211

گہر برسانے والے‘ موجِ باراں بھیج دے کوئی

خزاں کی رت میں بھی ابرِ بہاراں بھیج دے کوئی

پرندے تھک چکے ہیں اڑتے اڑتے آسمانوں میں

انہیں بھی اب نویدِ شاخساراں بھیج دے کوئی

بہت دن سے غبار اٹھا نہیں ویران راہوں پر

خرابوں میں گروہِ شہسواراں بھیج دے کوئی

مری بستی کے سارے رہنے والے سرکشیدہ ہیں

تو پھر کس کو کلاہ شہر یاراں بھیج دے کوئی

جو اوروں کے دکھوں کا بار اٹھائے پھرتے رہتے ہیں

اب ان شانوں کو دستِ غمگساراں بھیج دے کوئی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

شہر کی بھیڑ میں کھونے نہیں دیتا کوئی

جنوری 9, 2012عرفان صدیقی،غزلڈھونے،ڈبونے،کھونے،بھگونے،سونےadmin

عرفان صدیقی ۔ غزل نمبر 210

ہم سے رُخصت ہمیں ہونے نہیں دیتا کوئی

شہر کی بھیڑ میں کھونے نہیں دیتا کوئی

ہر طرف پرسشِ غم، پرسشِ غم پرسشِ غم

چین سے بوجھ بھی ڈھونے نہیں دیتا کوئی

لوگ دَریا میں اُترنے سے ڈراتے ہیں بہت

جسم پانی میں ڈبونے نہیں دیتا کوئی

یہ گزرگاہ کا سناٹا، یہ پُرشور ہوا

کھڑکیاں کھول کے سونے نہیں دیتا کوئی

باغ میں سبزۂ شاداب بہت ہے لیکن

اَوس سے پاؤں بھگونے نہیں دیتا کوئی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہوا طلوع افق پر مرے دوبارہ کوئی

جنوری 9, 2012عرفان صدیقی،غزلکنارہ،گزارہ،پارہ،استعارہ،اشارہ،دوبارہ،شرارہadmin

عرفان صدیقی ۔ غزل نمبر 209

شہاب چہرہ کوئی گم شدہ ستارہ کوئی

ہوا طلوع افق پر مرے دوبارہ کوئی

اُمیدواروں پہ کھلتا نہیں وہ بابِ وصال

اور اس کے شہر سے کرتا نہیں کنارہ کوئی

مگر گرفت میں آتا نہیں بدن اس کا

خیال ڈھونڈتا رہتا ہے استعارہ کوئی

کہاں سے آتے ہیں یہ گھر اُجالتے ہوئے لفظ

چھپا ہے کیا مری مٹی میں ماہ پارہ کوئی

بس اپنے دل کی صدا پر نکل چلیں اس بار

کہ سب کو غیب سے ملتا نہیں اشارہ کوئی

گماں نہ کر کہ ہوا ختم کارِ دل زدگاں

عجب نہیں کہ ہو اس راکھ میں شرارہ کوئی

اگر نصیب نہ ہو اس قمر کی ہم سفری

تو کیوں نہ خاکِ گزر پر کرے گزارہ کوئی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

لو، شمع بجھی، رات گزرنے کی خبر آئی

جنوری 9, 2012عرفان صدیقی،غزلمرنے،کرنے،گزرنے،اُبھرنے،اُترنےadmin

عرفان صدیقی ۔ غزل نمبر 208

سب خواب تھا اور خواب بکھرنے کی خبر آئی

لو، شمع بجھی، رات گزرنے کی خبر آئی

ملنے بھی نہ پایا تھا میں تجھ سے سر دریا

دریا سے ترے پار اُترنے کی خبر آئی

شاید کہ تہہ آب ہوا کوئی سفینہ

پانی پہ نیا نقش اُبھرنے کی خبر آئی

اس دن کا ہی اندیشہ رہا کرتا تھا اے دل

جس دن سے ترے نالہ نہ کرنے کی خبر آئی

سوچا تھا ذرا تیرے تئیں بات تو کی جائے

اتنے میں ترے بات نہ کرنے کی خبر آئی

جینے سے بڑا کوئی بھی آزار نہ نکلا

جب اپنے مسیحاؤں کے مرنے کی خبر آئی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

حاجت روا ہو خاتم حیدر کا واسطہ

جنوری 9, 2012عرفان صدیقی،غزلمنظر،گھر،اکبر،حیدر،دلاور،سرadmin

عرفان صدیقی ۔ غزل نمبر 207

دریا عطا ہو ساقئ کوثر کا واسطہ

حاجت روا ہو خاتم حیدر کا واسطہ

اہل وفا سے شہر و بیاباں بسے رہیں

آل عبا کے اُجڑے ہوئے گھر کا واسطہ

کوئی کنیز اہل حرم بے ردا نہ ہو

اُن پاک بیبیوں کے کھلے سر کا واسطہ

روشن رہے گھروں میں چراغ غم حسین

جلتے ہوئے خیام کے منظر کا واسطہ

دنیا میں حرف حق کا علم سرنگوں نہ ہو

بازو بریدہ مرد دلاور کا واسطہ

مولا ہمارے سینوں سے کھینچیں سنان خوف

نوک سنان سینۂ اکبر کا واسطہ

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بڑھی سر کی طرف تیغِ جفا آہستہ آہستہ

جنوری 9, 2012عرفان صدیقی،غزلہوا،وفا،آئینہ،بہا،جفا،حادثہ،صباadmin

عرفان صدیقی ۔ غزل نمبر 206

گھلا تصویر میں رنگِ حنا آہستہ آہستہ

بڑھی سر کی طرف تیغِ جفا آہستہ آہستہ

تم اپنی مملکت میں جرم کر دو زندگی، ورنہ

سبھی مانگیں گے اپنا خون بہا آہستہ آہستہ

مجھے اوروں کے سے اَنداز آتے آتے آئیں گے

کہ پتھر بن سکے گا آئینہ آہستہ آہستہ

ہُوا آخر وہ ہم سے ہم سخن، قدرے تکلف سے

چلی صحرا میں بھی ٹھنڈی ہوا آہستہ آہستہ

بگولے یک بیک اُن سونے والوں کو جگاتے ہیں

سلاتی ہے جنہیں بادِ صبا آہستہ آہستہ

ہمیں دُنیا جو دے گی ہم وہیں لوٹائیں گے اُس کو

گنہ بن جائے گی رسمِ وفا آہستہ آہستہ

اَچانک دوستو میرے وطن میں کچھ نہیں ہوتا

یہاں ہوتا ہے ہر اِک حادثہ آہستہ آہستہ

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بند تہہ خانوں میں یہ دولتِ بیدار نہ رکھ

جنوری 9, 2012عرفان صدیقی،غزلگنہگار،گرفتار،پندار،آزار،بیدار،تلوار،دیوارadmin

عرفان صدیقی ۔ غزل نمبر 205

ذہن ہو تنگ تو پھر شوخئ اَفکار نہ رکھ

بند تہہ خانوں میں یہ دولتِ بیدار نہ رکھ

زَخم کھانا ہی جو ٹھہرا تو بدن تیرا ہے

خوف کا نام مگر لذّتِ آزار نہ رکھ

ایک ہی چیز کو رہنا ہے سلامت، پیارے

اَب جو سرشانوں پہ رکھا ہے تو دیوار نہ رکھ

خواہشیں توڑ نہ ڈالیں ترے سینے کا قفس

اِتنے شہ زور پرندوں کو گرفتار نہ رکھ

اَب میں چپ ہوں تو مجھے اپنی دلیلوں سے نہ کاٹ

میری ٹوٹی ہوئی تلوار پہ تلوار نہ رکھ

آج سے دِل بھی ترے حال میں ہوتا ہے شریک

لے، یہ حسرت بھی مری چشمِ گنہگار نہ رکھ

وقت پھر جانے کہاں اُس سے ملا دے تجھ کو

اِس قدر ترکِ ملاقات کا پندار نہ رکھ

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مجھ کو لے جائے گی، یہ موجِ وصال اور کہیں

جنوری 9, 2012عرفان صدیقی،غزلوصال،حال،زوال،سال،غزالadmin

عرفان صدیقی ۔ غزل نمبر 204

میرا جسم اور کہیں، میرا خیال اور کہیں

مجھ کو لے جائے گی، یہ موجِ وصال اور کہیں

زیرِ افلاک ستاروں کا سفر جاری ہے

اب کے نکلیں گے ہم اے شامِ زوال اور کہیں

دور تک آئنے ویران ہیں آنکھوں کی طرح

ڈھونڈنے جائیے اپنے مہ و سال اور کہیں

کچھ اسی دشت پہ موقوف نہیں تیرِ ستم

زندگی ہے تو ہدف ہوں گے غزال اور کہیں

اس سے اک حرفِ دل آزار کا رشتہ ہی سہی

یوں بھی ہوتی ہے کہاں پرسشِ حال اور کہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ خط ضرور ہے مگر جواب کے لیے نہیں

جنوری 9, 2012عرفان صدیقی،غزلماہتاب،ثواب،جواب،حساب،خواب،رکابadmin

عرفان صدیقی ۔ غزل نمبر 203

غزل کسی کے نام انتساب کے لیے نہیں

یہ خط ضرور ہے مگر جواب کے لیے نہیں

اب اس زمیں پہ شہ سوار لوٹ کر نہ آئیں گے

سو یہ سفر غبارِ ہم رکاب کے لیے نہیں

یہ ساعتِ وصال کس جتن سے ہاتھ آئی ہے

متاعِ دست برد ہے حساب کے لیے نہیں

نکل رہی ہیں طاق و در سے سایہ سایہ صورتیں

سنو! یہ بام سیرِ ماہتاب کے لیے نہیں

میں کیا بتاؤں جاگتا ہوں رات رات کس لیے

نہیں، کسی کی چشمِ نیم خواب کے لیے نہیں

تو اور کوئی راز ہے مرے سخن کا‘ صاحبو!

کہ یہ عذاب جاں فقط ثواب کے لیے نہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہوا کبھی سرِ دشتِ بلا چلی ہی نہیں

جنوری 9, 2012عرفان صدیقی،غزلہوا،وفا،بلا،جفا،دُعا،سزاadmin

عرفان صدیقی ۔ غزل نمبر 202

مری طرف تری موج نوا چلی ہی نہیں

ہوا کبھی سرِ دشتِ بلا چلی ہی نہیں

تمام فیصلے بس ایک شخص کرتا تھا

وہاں یہ بحثِ خطا و سزا چلی ہی نہیں

دِل و زَباں میں کبھی جیسے رابطہ ہی نہ تھا

اُٹھے بھی ہاتھ تو رسمِ دُعا چلی ہی نہیں

یہ مت سمجھ کہ ترے قتل کا خیال نہ تھا

نکل چکی تھی مگر بے وفا چلی ہی نہیں

میں چاہتا تھا کہ کچھ سرکشی کی داد ملے

تو اَب کے شہر میں تیغِ جفا چلی ہی نہیں

بہت خراب تھی شعلہ گروں کی قسمت بھی

مکان اور بھی جلتے، ہوا چلی ہی نہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سوچئے وہ شہر کیا ہو گا جہاں میں ہی نہیں

جنوری 9, 2012عرفان صدیقی،غزلفغاں،نامہرباں،یہاں،گماں،انگلیاں،جہاں،داستاں،رواں،رائیگاںadmin

عرفان صدیقی ۔ غزل نمبر 201

دیکھئے جو دشت زندہ ہے دم آہو سے ہے

سوچئے وہ شہر کیا ہو گا جہاں میں ہی نہیں

خار و خس بھی ہیں تری موج ہوا کے شکوہ سنج

باغ میں اے موسم نامہرباں میں ہی نہیں

اب ادھورا چھوڑنا ممکن نہیں اے قصہ گو

ساری دنیا سن رہی ہے داستاں میں ہی نہیں

سایۂ آسیب وحشت دوسرے گھر میں بھی ہے

تیرا قیدی اے شب وہم و گماں میں ہی نہیں

تیرے اک جانے سے یہ لشکر بھی پیاسا مر نہ جائے

تشنہ لب صحرا میں اے جوئے رواں میں ہی نہیں

MERGED آسماں کی زد میں زیر آسماں میں ہی نہیں

تو بھی ہے ظالم نشانے پر یہاں میں ہی نہیں

اختر الایمان کی اک نظم سے مجھ پر کھلا

اور بھی کم گو ہیں مجبور فغاں میں ہی نہیں

کوئی انشا کر رہا ہے مصحف آئندگاں

لکھ رہی ہیں لکھنے والی انگلیاں میں ہی نہیں

رنج اس کا ہے کہ کس کو رائیگاں کرتا ہے کون

ورنہ اس آشوب جاں میں رائیگاں میں ہی نہیں

خار و خس بھی ہیں تری زور ہوا سے پائمال

باغ میں اے موسم نامہرباں میں ہی نہیں

اب اسے انجام تک لانا تو ہو گا قصہ گو

ساری دنیا سن رہی ہے داستاں میں ہی نہیں

سایۂ آسیب کوئی دوسرے گھر میں بھی ہے

ہاں گرفتار شب وہم و گماں میں ہی نہیں

تیرے رک جانے سے یہ لشکر بھی پیاسا مر نہ جائے

تشنہ لب صحرا میں اے جوئے رواں میں ہی نہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کہ فرق حاصلِ عشق و ہوس میں کچھ بھی نہیں

جنوری 9, 2012عرفان صدیقی،غزلہوس،بس،جرس،خس،رسadmin

عرفان صدیقی ۔ غزل نمبر 200

سوائے خاک مری دسترس میں کچھ بھی نہیں

کہ فرق حاصلِ عشق و ہوس میں کچھ بھی نہیں

یہ کون مجھ کو پسِ جشنِ شب پکارتا ہے

وہ ہوک ہے کہ صدائے جرس میں کچھ بھی نہیں

میں کارِ عشق سے ترکِ وفا سے باز آیا

سب اس کے ہاتھ میں ہے میرے بس میں کچھ بھی نہیں

ذرا سے لمسِ شرر سے عجب کمال کیا

میں سوچتا تھا مرے خار و خس میں کچھ بھی نہیں

نوائے درد پہ آتا ہے رنگ صدیوں میں

ابھی مرے سخن نیم رس میں کچھ بھی نہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اتنا خالی تو مرا کاسۂ خالی بھی نہیں

جنوری 9, 2012عرفان صدیقی،غزلنکالی،والی،اجالی،بالی،خیالی،خالیadmin

عرفان صدیقی ۔ غزل نمبر 199

مال کیا پاس ترے ہمت عالی بھی نہیں

اتنا خالی تو مرا کاسۂ خالی بھی نہیں

سرِ شوریدہ کو تہذیب سکھا بیٹھا ہوں

ورنہ دیوار مجھے روکنے والی بھی نہیں

خیمۂ شب میں عجب حشرِ عزا برپا ہے

اور ابھی رات چراغوں نے اجالی بھی نہیں

اور ہی شرط ہے پرواز کی، دیکھا تم نے

اب تو وہ مسئلۂ بے پر و بالی بھی نہیں

رات دن شعروں میں تمثال گری کرتا ہوں

طاقِ دل میں کوئی تصویر خیالی بھی نہیں

نقشِ پا ڈھونڈنے والوں پہ ہنسی آتی ہے

ہم نے ایسی تو کوئی راہ نکالی بھی نہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

شکن اَبھی کوئی اَبروئے نکتہ چیں پہ نہیں

جنوری 9, 2012عرفان صدیقی،غزلچیں،یقیں،آستیں،انجمن،جبیں،زمیںadmin

عرفان صدیقی ۔ غزل نمبر 198

تو اُس کا دھیان مرے مصرعِ حسیں پہ نہیں

شکن اَبھی کوئی اَبروئے نکتہ چیں پہ نہیں

مکان چھوڑ گئے لوگ، ڈھونڈتے ہو کسے

کوئی ستارہ اَب اِس بامِ انجمن پہ نہیں

بہت ملی تھیں دُعائیں فلک نشینی کی

ہمارا کچھ بھی بدن کے سوا زمیں پہ نہیں

اَب ایسے شخص کو قاتل کہیں تو کیسے کہیں

لہو کا کوئی نشاں اُس کی آستیں پہ نہیں

اُداس خشک لبوں پر لرز رہا ہو گا

وہ ایک بوسہ جو اَب تک مری جبیں پہ نہیں

میں جل رہا ہوں حقیقت کی دُھوپ میں کب سے

کسی گماں کا بھی سایہ مرے یقیں پہ نہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بانوئے کشور جمال میرا سوال کچھ نہیں

جنوری 9, 2012عرفان صدیقی،غزلفال،سوال،سالadmin

عرفان صدیقی ۔ غزل نمبر 197

موج ہوا سے خاک کو تاب وصال کچھ نہیں

بانوئے کشور جمال میرا سوال کچھ نہیں

اب بھی ملو تو لوٹ آئے ساعت ابتدائے عشق

یہ شب و روز کچھ نہیں، یہ مہہ و سال کچھ نہیں

منتظران لمس گل، آپ عجیب لوگ ہیں

دست رسا بڑھائیے، قرعۂ فال کچھ نہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بیعتِ دست ہاں ضرور، بیعتِ جاں نہیں نہیں

جنوری 9, 2012عرفان صدیقی،غزلمیاں،جاں،رواں،زماں،زدگاںadmin

عرفان صدیقی ۔ غزل نمبر 196

جسم کی رسمیات اور دل کے معاملات اور

بیعتِ دست ہاں ضرور، بیعتِ جاں نہیں نہیں

درد کی کیا بساط ہے جس پہ یہ پیچ و تاب ہو

دیکھ عزیز صبر صبر، دیکھ میاں نہیں نہیں

ہم فقراء کا نام کیا، پھر بھی اگر کہیں لکھو

لوحِ زمیں تلک تو خیر، لوحِ زماں نہیں نہیں

دونوں تباہ ہو گئے، ختم کرو یہ معرکے

اہلِ ستم نہیں نہیں، دل زدگاں نہیں نہیں

گرمئ شوق کا صلہ دشت کی سلطنت غلط

چشمۂ خوں کا خوں بہا جوئے رواں نہیں نہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دستک جو دی تو سایۂ در نے کہا نہیں

جنوری 9, 2012عرفان صدیقی،غزلہنر،نظر،گزر،اثر،در،سرadmin

عرفان صدیقی ۔ غزل نمبر 195

احوال اس چراغ کا گھر نے کہا نہیں

دستک جو دی تو سایۂ در نے کہا نہیں

پائے طلب کنارِ زمیں تک پہنچ گئے

میں رک گیا تو وحشتِ سر نے کہا نہیں

دستِ رفو نے سینے کے سب زخم سی دیئے

اندر کا حال ناز ہنر نے کہا نہیں

خوش تھی ہوا کہ راہ کا ہر سنگ ہٹ گیا

تب سر اٹھا کے خاکِ گزر نے کہا نہیں

نوکِ سناں نے بیعتِ جاں کا کیا سوال

سر نے کہاں قبول‘ نظر نے کہا نہیں

مدت سے اک سکوت ہمارا نشان تھا

ہم حرف زن ہوئے تو اثر نے کہا نہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

شام آنکھوں سے یہ کہتی ہے گھر آنے کا نہیں

جنوری 9, 2012عرفان صدیقی،غزلنظر،کر،گھر،اِدھر،ابھر،دگر،سفرadmin

عرفان صدیقی ۔ غزل نمبر 194

خوابِ آسودگیِ بال و پر آنے کا نہیں

شام آنکھوں سے یہ کہتی ہے گھر آنے کا نہیں

دل کے آئینے سے رخصت ہوا زنگارِ ملال

اس میں اب کوئی بھی چہرا نظر آنے کا نہیں

اور کیا چاہیے پیروں سے گریزاں ہے زمیں

آسمانوں سے تو اذنِ سفر آنے کا نہیں

فیصلہ کر‘ کم و بیشِ تہہِ دریا کی نہ سوچ

مسئلہ ڈوبنے کا ہے ابھر آنے کا نہیں

کل اسی موج میں اپنا تھا تو بہہ جانا تھا

جانِ من اب کوئی سیلاب اِدھر آنے کا نہیں

جس کو ہونا ہے وہ فریاد میں شامل ہوجائے

بے نوا شہر میں بارِ دگر آنے کا نہیں

کوئے قاتل کی روایت ہی بدل دی میں نے

ورنہ دستور یہاں لوٹ کر آنے کا نہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سو وہ سر بریدہ بھی پشت فرس سے اُترتا نہیں

جنوری 9, 2012عرفان صدیقی،غزلمرتا،ڈرتا،گزرتا،اُترتا،اترتا،بھرتاadmin

عرفان صدیقی ۔ غزل نمبر 193

جو گرتا نہیں ہے اسے کوئی پامال کرتا نہیں

سو وہ سر بریدہ بھی پشت فرس سے اُترتا نہیں

بس اب اپنے پیاروں کو اپنے دلاروں کو رخصت کرو

کہ اس امتحاں سے فرشتوں کا لشکر گزرتا نہیں

کبھی زرد ریتی کبھی خشک شاخوں پہ ہنستا ہوا

ہمارا لہو کس قدر سخت جاں ہے کہ مرتا نہیں

تری تیغ تو میری ہی فتح مندی کا اعلان ہے

یہ بازو نہ کٹتے اگر میرا مشکیزہ بھرتا نہیں

MERGED جو گرتا نہیں ہے اسے کوئی پامال کرتا نہیں

سو وہ سربریدہ بھی پشتِ فرس سے اترتا نہیں

کبھی زرد ریتی، کبھی سرد شاخوں پہ ہنستا ہوا

ہمارا لہو کس قدر سخت جاں ہے کہ مرتا نہیں

بس اب اپنے پیاروں کو، اپنے دُلاروں کو یکجا کرو

سنو، اس طرف سے فرشتوں کا لشکر گزرتا نہیں

سماعت کہ جنگل کا انعام تھا اک سزا بن گئی

اگر میں وہ انجان چیخیں نہ سنتا تو ڈرتا نہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ڈوبتے ڈوبتے اِک بار پکاریں گے تمہیں

جنوری 8, 2012عرفان صدیقی،غزلہاریں،واریں،پکاریںadmin

عرفان صدیقی ۔ غزل نمبر 192

تم سنو یا نہ سنو، ہاتھ بڑھاؤ نہ بڑھاؤ

ڈوبتے ڈوبتے اِک بار پکاریں گے تمہیں

دل پہ آتا ہی نہیں فصل طرب کا کوئی پھول

جان، اس شاخ شجر پہ تو نہ واریں گے تمہیں

عشق میں ہم کوئی دعویٰ نہیں کرتے لیکن

کم سے کم دولت جاں پر تو نہ ہاریں گے تمہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ساتھ مت چھوڑنا ہم پار اُتاریں گے تمہیں

جنوری 8, 2012عرفان صدیقی،غزلہاریں،واریں،گزاریں،پکاریں،اُتاریں،سنواریںadmin

عرفان صدیقی ۔ غزل نمبر 191

جاں سے گزرے بھی تو دریا سے گزاریں گے تمہیں

ساتھ مت چھوڑنا ہم پار اُتاریں گے تمہیں

تم سنو یا نہ سنو، ہاتھ بڑھاؤ نہ بڑھاؤ

ڈوبتے ڈوبتے اک بار پکاریں گے تمہیں

دل پہ آتا ہی نہیں فصلِ طرب میں کوئی پھول

جان، اس شاخِ شجر پر تو نہ واریں گے تمہیں

کھیل یہ ہے کہ کسے کون سوا چاہتا ہے

جیت جاؤ گے تو جاں نذر گزاریں گے تمہیں

کیسی زیبائی ہے جب سے تمہیں چاہا ہم نے

اور چاہیں گے تمہیں اور سنواریں گے تمہیں

عشق میں ہم کوئی دعویٰ نہیں کرتے لیکن

کم سے کم معرکۂ جاں میں نہ ہاریں گے تمہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اپنے ہونے کا اعلان کرتے رہیں‘ اپنے ہونے کا اثبات کرتے رہیں

جنوری 8, 2012عرفان صدیقی،غزلملاقات،مدارات،نشانات،اثبات،باتadmin

عرفان صدیقی ۔ غزل نمبر 190

روح کے معجزوں کا زمانہ نہیں جسم ہی کچھ کرامات کرتے رہیں

اپنے ہونے کا اعلان کرتے رہیں‘ اپنے ہونے کا اثبات کرتے رہیں

برف رت آگئی پھر نئی بستیوں سے نئی ہجرتوں نے پکارا ہمیں

لیکن اس بار پردیس جاتے ہوئے راستوں پر نشانات کرتے رہیں

پھر کوئی تشنہ لب تیر اس دشت میں ہم تک آیا ہے طے کر کے کتنا سفر

اے رگِ جاں کی جوئے رواں، ہم بھی کچھ میہماں کی مدارات کرتے رہیں

ایک ہی پیڑ پر سانپ اور آدمی ساتھ رہتے ہیں سیلاب اترنے تلک

ہمسفر ہے اگر دشمنِ جاں تو کیا‘ راہ سنسان ہے‘ بات کرتے رہیں

جان لینے کا ویسا سلیقہ ابھی لشکرِ دشمناں میں کسی کو نہیں

آؤ اب اپنے خیموں میں واپس چلیں دوستوں سے ملاقات کرتے رہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پھر آپ لوگ کس کے خدا ہونے والے ہیں

جنوری 8, 2012عرفان صدیقی،غزلہما،ادا،بقا،بپا،جدا،خفا،خدا،خطا،دُعاadmin

عرفان صدیقی ۔ غزل نمبر 189

ہم بندگاں تو نذرِ وفا ہونے والے ہیں

پھر آپ لوگ کس کے خدا ہونے والے ہیں

اس طرح مطمئن ہیں مرے شب گزیدگاں

جیسے یہ سائے ظلِّ ہما ہونے والے ہیں

بے چارے چارہ سازئ آزار کیا کریں

دو ہاتھ ہیں سو محوِ دُعا ہونے والے ہیں

اک روز آسماں کو بھی تھکنا ضرور ہے

کب تک زمیں پہ حشر بپا ہونے والے ہیں

ہم پہلے تشنگی کی حدوں سے گزر تو جائیں

سارے سراب آبِ بقا ہونے والے ہیں

لگتا نہیں ہے دل کو جفا کا کوئی جواز

نامہرباں، یہ تیر خطا ہونے والے ہیں

ہم دل میں لکھ رہے ہیں حسابِ ستم گراں

کچھ دن میں سب کے قرض ادا ہونے والے ہیں

ان راستوں میں دل کی رفاقت ہے اصل چیز

جو صرف ہم سفر ہیں جدا ہونے والے ہیں

اچھا نہیں غزل کا یہ لہجہ مرے عزیز

بس چپ رہو کہ لوگ خفا ہونے والے ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اب تک خیام دشت میں برپا ہمارے ہیں

جنوری 8, 2012عرفان صدیقی،غزلمصلی،برپا،دنیا،دریا،زیادہadmin

عرفان صدیقی ۔ غزل نمبر 188

سب داغ ہائے سینہ ہویدا ہمارے ہیں

اب تک خیام دشت میں برپا ہمارے ہیں

وابستگان لشکر صبر و رضا ہیں ہم

جنگل میں یہ نشان و مصلیٰ ہمارے ہیں

نوک سناں پہ مصحف ناطق ہے سربلند

اونچے علم تو سب سے زیادہ ہمارے ہیں

یہ تجھ کو جن زمین کے ٹکروں پہ ہے غرور

پھینکے ہوئے یہ اے سگ دنیا، ہمارے ہیں

سر کر چکے ہیں معرکۂ جوئے خوں سو آج

’’روئے زمیں پہ جتنے ہیں دریا ہمارے ہیں‘‘

آخری شعر کا مصرع ثانی میر مونس کا ہے

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

روشنی روزنِ دیوار بھی کر سکتے ہیں

جنوری 8, 2012عرفان صدیقی،غزلیلغار،آثار،اقرار،بازار،تلوار،دیوارadmin

عرفان صدیقی ۔ غزل نمبر 187

جشنِ مہتاب گرفتار بھی کر سکتے ہیں

روشنی روزنِ دیوار بھی کر سکتے ہیں

یوسفِ شہر، تجھے تیرے قبیلے والے

دام لگ جائیں تو بازار بھی کر سکتے ہیں

ایک شکل اور بھی ہے چپ کھڑے رہنے کے سوا

آپ اس جرم کا اقرار بھی کر سکتے ہیں

دفن کردی گئی جس خاک میں بستی میری

شہر اسی خاک سے آثار بھی کر سکتے ہیں

فتح کے نشے میں یہ بات نہ بھولو کہ وہ لوگ

پھر پلٹ آئیں تو یلغار بھی کر سکتے ہیں

جی دکھایا ترے لہجے نے تو معلوم ہوا

کس طرح لفظ کو تلوار بھی کر سکتے ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پر اسے معرکۂ عشق سے کم جانتے ہیں

جنوری 8, 2012عرفان صدیقی،غزلکم،جم،رم،ستم،صنمadmin

عرفان صدیقی ۔ غزل نمبر 186

سخت ہے مرحلۂ رزق بھی ہم جانتے ہیں

پر اسے معرکۂ عشق سے کم جانتے ہیں

آج تک ان کی خدائی سے ہے انکار مجھے

میں تو اک عمر سے کافر ہوں‘ صنم جانتے ہیں

ان کمندوں میں گرفتار نہ ہوں گے کہ غزال

زخم خوردہ ہیں مگر شیوۂ رم جانتے ہیں

یہی اک دھوپ کا ٹکڑا‘ یہی اک کوزۂ خاک

ہم اسے دولتِ اسکندر و جم جانتے ہیں

جانتے سب ہیں کہ ہم رکھتے ہیں خم طرفِ کلاہ

اور کیوں رکھتے ہیں، یہ اہلِ ستم جانتے ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم کو سب مہربان ملتے ہیں

جنوری 8, 2012عرفان صدیقی،غزلمہربان،مکان،نشان،آن،آسمان،بادبانadmin

عرفان صدیقی ۔ غزل نمبر 185

در پئے جسم و جان ملتے ہیں

ہم کو سب مہربان ملتے ہیں

زندگی ہے تو دشمنان عزیز

پھر تہہ آسمان ملتے ہیں

حرج کیا ہے ہمارے ملنے میں

رات دن بھی تو آن ملتے ہیں

کیوں نہ تم میرے دل میں بس جاؤ

اس گلی میں مکان ملتے ہیں

سارے آئندگاں کو رستے ہیں

رفتگاں کو نشان ملتے ہیں

کشتیوں کا تو نام ہوتا ہے

شوق کو بادبان ملتے ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کہ ہم دستِ کرم دُنیا پہ ارزانی بھی کرتے ہیں

جنوری 8, 2012عرفان صدیقی،غزلنگہبانی،نگرانی،افشانی،ارزانی،خوانی،دامانی،سلطانیadmin

عرفان صدیقی ۔ غزل نمبر 184

فقیری میں یہ تھوڑی سی تن آسانی بھی کرتے ہیں

کہ ہم دستِ کرم دُنیا پہ ارزانی بھی کرتے ہیں

درِ روحانیاں کی چاکری بھی کام ہے اپنا

بتوں کی مملکت میں کارِ سلطانی بھی کرتے ہیں

جنوں والوں کی یہ شائستگی طرفہ تماشا ہے

رفو بھی چاہتے ہیں چاک دامانی بھی کرتے ہیں

مجھے کچھ شوقِ نظّارہ بھی ہے پھولوں کے چہروں کا

مگر کچھ پھول چہرے میری نگرانی بھی کرتے ہیں

جو سچ پوچھو تو ضبطِ آرزو سے کچھ نہیں ہوتا

پرندے میرے سینے میں پر افشانی بھی کرتے ہیں

ہمارے دل کو اک آزار ہے ایسا نہیں لگتا

کہ ہم دفتر بھی جاتے ہیں غزل خوانی بھی کرتے ہیں

بہت نوحہ گری کرتے ہیں دل کے ٹوٹ جانے کی

کبھی آپ اپنی چیزوں کی نگہبانی بھی کرتے ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ کون ہیں جو لہو کو کتاب کرتے ہیں

جنوری 8, 2012عرفان صدیقی،غزلکتاب،انتساب،رکاب،سراب،طنابadmin

عرفان صدیقی ۔ غزل نمبر 183

سجے سجائے صحفیے خراب کرتے ہیں

یہ کون ہیں جو لہو کو کتاب کرتے ہیں

پرند جھیلوں پہ آتے ہیں لوٹنے کے لیے

سبھی رکے ہوئے لشکر رکاب کرتے ہیں

بہت غرور ہے اے آبجو‘ تو آج تجھے

ہم اپنی تشنہ لبی سے سراب کرتے ہیں

اسی زمین سے آتی ہے اپنے خوں کی مہک

سنو، یہیں کہیں خیمے طناب کرتے ہیں

چراغ آخرِ شب ہیں سو اپنے بچوں کو

ہم آنے والی سحر انتساب کرتے ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

فریاد ہم بہت پسِ دیوار کرتے ہیں

جنوری 8, 2012عرفان صدیقی،غزلیلغار،گفتار،گرفتار،پیکار،آزار،انکار،بازار،دیوارadmin

عرفان صدیقی ۔ غزل نمبر 182

عرضِ وفا تو فرض ہے ناچار کرتے ہیں

فریاد ہم بہت پسِ دیوار کرتے ہیں

دو چار حرف لکھ کے ہم اپنے گمان میں

اس کو شریکِ لذت آزار کرتے ہیں

میرے خیال‘ اب ترا بچنا محال ہے

لوگوں کے لفظ ذہن پہ یلغار کرتے ہیں

اپنے سوا بھی رنج تماشا کریں‘ تو چل

کچھ دیر سیرِ کوچہ و بازار کرتے ہیں

خود ہی اسے ضرورتِ بیعت نہیں رہی

اب آپ کیا ارادۂ انکار کرتے ہیں

تجھ سے ملے تو ہم نے یہ جانا کہ آجکل

آہو شکاریوں کو گرفتار کرتے ہیں

کچھ دن پرند پرورشِ بال و پر کریں

بے صرفہ کیوں ہواؤں سے پیکار کرتے ہیں

آشفتگاں کو رمز و اشارت کا کیا دماغ

یہ لوگ کس زبان میں گفتار کرتے ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چلو یہ شام سرِ جوئے لب گذارتے ہیں

جنوری 8, 2012عرفان صدیقی،غزللب،نسب،شب،طلب،طربadmin

عرفان صدیقی ۔ غزل نمبر 181

ذرا سا وقت کہیں بے سبب گذارتے ہیں

چلو یہ شام سرِ جوئے لب گذارتے ہیں

تو اک چراغِ جہانِ دگر ہے کیا جانے

ہم اس زمین پہ کس طرح شب گذارتے ہیں

ہمارا عشق ہی کیا ہے‘ گذارنے والے

یہاں تو نذر میں نام و نسب گذارتے ہیں

خراج مانگ رہی ہے وہ شاہ بانوئے شہر

سو ہم بھی ہدیۂ دستِ طلب گذارتے ہیں

سنا تو ہو گا کہ جنگل میں مور ناچتا ہے

ہم اس خرابے میں فصلِ طرب گذارتے ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سخن یہ بے خبری میں کہاں سے آتے ہیں

جنوری 8, 2012عرفان صدیقی،غزلہنری،نظری،تری،خبری،دربدری،سفریadmin

عرفان صدیقی ۔ غزل نمبر 180

پرند نامہ بری میں کہاں سے آتے ہیں

سخن یہ بے خبری میں کہاں سے آتے ہیں

ہمیں بھی یاد نہیں ہے کہ ہم شرر کی طرح

ہوا کی ہم سفری میں کہاں سے آتے ہیں

مسافتیں کوئی دیکھے کہ ہم سرابوں تک

گمانِ خوش نظری میں کہاں سے آتے ہیں

گھروں میں آنکھیں‘ دروں میں چراغ جلتے ہوئے

یہ خواب دربدری میں کہاں سے آتے ہیں

یہ کون جادۂ گم گشتگاں اجالتا ہے

فرشتے دشت و تری میں کہاں سے آتے ہیں

اگر تراوشِ زخم جگر نہیں کوئی چیز

تو رنگ بے ہنری میں کہاں سے آتے ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اب تو پہچان کہ ہم شام کو گھر آگئے ہیں

جنوری 8, 2012عرفان صدیقی،غزلنظر،کدھر،گھر،تر،ثمر،در،شجرadmin

عرفان صدیقی ۔ غزل نمبر 179

خانۂ درد ترے خاک بہ سر آگئے ہیں

اب تو پہچان کہ ہم شام کو گھر آگئے ہیں

جان و دل کب کے گئے ناقہ سواروں کی طرف

یہ بدن گرد اڑانے کو کدھر آگئے ہیں

رات دن سوچتے رہتے ہیں یہ زندانیِ ہجر

اس نے چاہا ہے تو دیوار میں در آگئے ہیں

اس کے ہی ہاتھ میں ہے شاخِ تعلق کی بہار

چھو لیا ہے تو نئے برگ و ثمر آگئے ہیں

ہم نے دیکھا ہی تھا دُنیا کو ابھی اس کے بغیر

لیجئے بیچ میں پھر دیدۂ تر آگئے ہیں

اتنا آسان نہیں فیصلۂ ترکِ سفر

پھر مری راہ میں دو چار شجر آگئے ہیں

نیند کے شہر طلسمات میں دیکھیں کیا ہے

جاگتے میں تو بہت خواب نظر آگئے ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ورنہ یہ انفس و آفاق کھنگالے ہوئے ہیں

جنوری 8, 2012عرفان صدیقی،غزلنکالے،والے،کھنگالے،ٹالے،پالے،اجالے،سنبھالےadmin

عرفان صدیقی ۔ غزل نمبر 178

ہم تو زنجیر سفر شوق میں ڈالے ہوئے ہیں

ورنہ یہ انفس و آفاق کھنگالے ہوئے ہیں

جان و تن عشق میں جل جائیں گے‘ جل جانے دو

ہم اسی آگ سے گھر اپنا اجالے ہوئے ہیں

کب سے مژگاں نہیں کھولے مرے ہشیاروں نے

کتنی آسانی سے طوفان کو ٹالے ہوئے ہیں

اجنبی جان کے کیا نام و نشاں پوچھتے ہو

بھائی‘ ہم بھی اسی بستی کے نکالے ہوئے ہیں

ہم نے کیا کیا تجھے چاہا ہے انہیں کیا معلوم

لوگ ابھی کل سے ترے چاہنے والے ہوئے ہیں

کہیں وحشت نہیں دیکھی تری آنکھوں جیسی

یہ ہرن کون سے صحراؤں کے پالے ہوئے ہیں

دل کا کیا ٹھیک ہے آنا ہے تو آجا کہ ابھی

ہم یہ گرتی ہوئی دیوار سنبھالے ہوئے ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

عجب درخت ہیں‘ دشتِ بلا میں زندہ ہیں

جنوری 8, 2012عرفان صدیقی،غزلندا،پا،آشنا،بلا،رضا،سراadmin

عرفان صدیقی ۔ غزل نمبر 177

ہم اپنے ذہن کی آب و ہوا میں زندہ ہیں

عجب درخت ہیں‘ دشتِ بلا میں زندہ ہیں

گزرنے والے جہازوں کو کیا خبر ہے کہ ہم

اسی جزیرۂ بے آشنا میں زندہ ہیں

گلی میں ختم ہوا قافلے کا شور‘ مگر

مسافروں کی صدائیں سرا میں زندہ ہیں

مجھے ہی کیوں ہو کسی اجنبی پکار کا خوف

سبھی تو دامنِ کوہِ ندا میں زندہ ہیں

خدا کا شکر‘ ابھی میرے خواب ہیں آزاد

مرے سفر مری زنجیر پا میں زندہ ہیں

ہوائے کوفۂ نا مہرباں کو حیرت ہے

کہ لوگ خیمۂ صبر و رضا میں زندہ ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

لامسہ، شامہ، ذائقہ، سامعہ، باصرہ سب مرے راز دانوں میں ہیں

جنوری 8, 2012عرفان صدیقی،غزلمکانوں،آسمانوں،خزانوں،دانوں،ساربانوںadmin

عرفان صدیقی ۔ غزل نمبر 176

تیرے تن کے بہت رنگ ہیں جانِ من، اور نہاں دل کے نیرنگ خانوں میں ہیں

لامسہ، شامہ، ذائقہ، سامعہ، باصرہ سب مرے راز دانوں میں ہیں

اور کچھ دامنِ دل کشادہ کرو، دوستو، شکرِ نعمت زیادہ کرو

پیڑ، دریا، ہوا، روشنی، عورتیں، خوشبوئیں سب خدا کے خزانوں میں ہیں

ناقۂ حسن کی ہم رکابی کہاں، خیمۂ ناز میں باریابی کہاں

ہم تو اے بانوئے کشورِ دلبری، پاسداروں میں ہیں ساربانوں میں ہیں

میرے اندر بھی ہے ایک شہرِ دگر، میرے مہتاب اک رات ادھر سے گزر

کیسے کیسے چراغ ان دریچوں میں ہیں، کیسے کیسے قمر ان مکانوں میں ہیں

اک ستارہ ادا نے یہ کیا کردیا، میری مٹی سے مجھ کو جدا کر دیا

ان دنوں پاؤں میرے زمیں پر نہیں اب میری منزلیں آسمانوں میں ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

معرکوں کا فیصلہ ہو گا علیؑ آنے کو ہیں

جنوری 8, 2012عرفان صدیقی،غزلہوا،فیصلہ،لکھا،ملا،کیا،کھلا،پا،ادا،سلسلہ،عطاadmin

عرفان صدیقی ۔ غزل نمبر 175

خیمۂ نصرت بپا ہو گا علیؑ آنے کو ہیں

معرکوں کا فیصلہ ہو گا علیؑ آنے کو ہیں

دیکھتا ہوں آسمانوں پر غبار اُٹھتا ہوا

دلدلِ فرخندہ پا ہو گا علیؑ آنے کو ہیں

دُور اُفق تک ہر طرف روشن چراغوں کی قطار

داغ دل کا سلسلہ ہو گا علیؑ آنے کو ہیں

آئنے خوش ہیں کہ اُڑ جائے گی سب گردِ ملال

شہر میں رقصِ ہوا ہو گا علیؑ آنے کو ہیں

میں تو چپ تھا پھر زمانے کو خبر کیسے ہوئی

میرے چہرے پر لکھا ہو گا علیؑ آنے کو ہیں

ہو رہا ہے قید و بندِ رہزناں کا بند و بست

عاملوں کو خط ملا ہو گا علیؑ آنے کو ہیں

آج تک ہوتا رہا ظالم ترا سوچا ہوا

اب مرا چاہا ہوا ہو گا علیؑ آنے کو ہیں

جب اِدھر سے ہوکے گزرے گا گہر افشاں جلوس

میرا دروازہ کھلا ہو گا علیؑ آنے کو ہیں

چاکر دُنیا سے عرضِ مدّعا کیوں کیجیے

خسروِ دوراں سے کیا ہو گا علیؑ آنے کو ہیں

لفظ نذر شاہ کر دینے کی ساعت آئے گی

خلعتِ معنی عطا ہو گا علیؑ آنے کو ہیں

جان فرشِ راہ کر دینے کی ساعت آئے گی

زندگی کا حق ادا ہو گا علیؑ آنے کو ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کچھ دیر میں ہم مرجھانے کو ہیں

جنوری 8, 2012عرفان صدیقی،غزلفرمانے،مرجھانے،کھانے،بہلانے،بتانے،برسانے،جانےadmin

عرفان صدیقی ۔ غزل نمبر 174

تم بادِ صبا کہلاؤ تو کیا

کچھ دیر میں ہم مرجھانے کو ہیں

کوئی آکے ہمیں زنجیر کرے

ہم رقصِ جنوں فرمانے کو ہیں

جو بادل بستی چھوڑ گئے

کسی بن پہ بھرن برسانے کو ہیں

اب جاؤ ہمارے دھیان سے تم

ہم پل بھر جی بہلانے کو ہیں

جس شہر سے اس نے کوچ کیا

ہم کون وہاں رہ جانے کو ہیں

دل کیسے ریت میں ڈوب گیا

آنکھیں تو دھوکا کھانے کو ہیں

اب ہونٹوں پر کوئی ہاتھ نہیں

ہم دل کی بات بتانے کو ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یاد وہ بھی نہیں آتا ہے پریشان جو ہیں

جنوری 8, 2012عرفان صدیقی،غزلمہمان،ناداں،گریبان،پریشان،امکان،بیابان،سامانadmin

عرفان صدیقی ۔ غزل نمبر 173

کچھ نہ کچھ بھول تو ہوجاتی ہے انسان جو ہیں

یاد وہ بھی نہیں آتا ہے پریشان جو ہیں

صرف اتنا کہ بڑی چیز ہے ملنا دل کا

ہم کوئی بات سمجھتے نہیں ناداں جو ہیں

رونقِ شہر سے مایوس نہ ہو بانوئے شہر

خاک اڑانے کو ترے بے سرو سامان جو ہیں

خیر دُنیا مری وحشت کے لیے تنگ سہی

اور یہ عرصۂ باطن میں بیابان جو ہیں

اے شبِ دربدری آنکھ میں روشن کیا ہے

کچھ ستارے کہ سرِ مطلعِ امکان جو ہیں

اگلے موسم میں ہماری کوئی پہچان تو ہو

ان کو محفوظ رکھیں تارِ گریبان جو ہیں

رات کی رات فقیروں کی بھی دلداری کر

دائم آباد زمیں، ہم ترے مہمان جو ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ سب کرشمے ہوائے وصال ہی کے تو ہیں

جنوری 8, 2012عرفان صدیقی،غزلقال،وصال،حال،زوال،سوال،غزالadmin

عرفان صدیقی ۔ غزل نمبر 172

سخن میں رنگ تمہارے خیال ہی کے تو ہیں

یہ سب کرشمے ہوائے وصال ہی کے تو ہیں

کہا تھا تم نے کہ لاتا ہے کون عشق کی تاب

سو ہم جواب تمہارے سوال ہی کے تو ہیں

ذرا سی بات ہے دل میں اگر بیاں ہوجائے

تمام مسئلے اظہارِ حال ہی کے تو ہیں

یہاں بھی اس کے سوا اور کیا نصیب ہمیں

ختن میں رہ کے بھی چشمِ غزال ہی کے تو ہیں

جسارتِ سخنِ شاعراں سے ڈرنا کیا

غریب مشغلۂ قیل و قال ہی کے تو ہیں

ہوا کی زد پہ ہمارا سفر ہے کتنی دیر

چراغ ہم کسی شامِ زوال ہی کے تو ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم اپنی خاک سے پھر گنجِ زر نکالتے ہیں

جنوری 8, 2012عرفان صدیقی،غزلنکالتے،ڈھالتے،ٹالتے،اچھالتے،اجالتےadmin

عرفان صدیقی ۔ غزل نمبر 171

ملالِ دولتِ بردہ پہ خاک ڈالتے ہیں

ہم اپنی خاک سے پھر گنجِ زر نکالتے ہیں

میں اپنے نقدِ ہنر کی زکات بانٹتا ہوں

مرے ہی سکے مرے ہم سخن اچھالتے ہیں

بڑھا کے میرے معانی پہ لفظ کا زنگار

مرے حریف مرے آئنے اجالتے ہیں

سجا کے آئنہ حرف پیشِ آئینہ

ہم اک کرن سے ہزار آفتاب ڈھالتے ہیں

عذابِ جاں ہے عزیزو خیالِ مصرعِ تر

سو ہم غزل نہیں لکھتے عذاب ٹالتے ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کچھ اور بات کرو سب کے حال دوسرے ہیں

جنوری 8, 2012عرفان صدیقی،غزلدوسرے،دُوسرےadmin

عرفان صدیقی ۔ غزل نمبر 170

کہاں کے شعر و سخن ماہ و سال دوسرے ہیں

کچھ اور بات کرو سب کے حال دوسرے ہیں

چراغ بجھ گئے دل کی لویں بچائے رکھو

کہ اب کے موج ہوا کے خیال دوسرے ہیں

کہاں سے آئے ہو جنس وفا خریدنے کو

میاں، یہاں کی دُکانوں پہ مال دُوسرے ہیں

مری غزل کی زمیں ہے بدن سے آگے بھی

اسیر حلقۂ ہجر و وصال دُوسرے ہیں

بچھڑنے ملنے کا قصہ تو چلتا رہتا ہے

نہیں نہیں مرے عیش و ملال دوسرے ہیں

یہ میرا عکس دروں ہے یقیں نہیں آتا

اس آئینے میں مرے خط و خال دُوسرے ہیں

تمہارے ساتھ ہے دل کا مکالمہ کچھ اور

کہ دوسروں سے ہمارے سوال دوسرے ہیں

ستم سوا ہو تو اپنی طرف ہی لوٹتا ہے

ابھی تو خیر یہاں پائمال دوسرے ہیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آج اُس شخص کو نزدیک بلا کر دیکھیں

جنوری 8, 2012عرفان صدیقی،غزلگرا،بلا،جلا،جا،دِکھا،سنا،سجاadmin

عرفان صدیقی ۔ غزل نمبر 169

وہ خدا ہے کہ صنم، ہاتھ لگاکر دیکھیں

آج اُس شخص کو نزدیک بلا کر دیکھیں

ایک جیسے ہیں سبھی گل بدنوں کے چہرے

کس کو تشبیہ کا آئینہ دِکھا کر دیکھیں

کیا تعجب کوئی تعبیر دِکھائی دے جائے

ہم بھی آنکھوں میں کوئی خواب سجا کر دیکھیں

جسم کو جسم سے ملنے نہیں دیتی کمبخت

اَب تکلف کی یہ دیوار گراکر دیکھیں

خیر، دلّی میں تو اوراقِ مصور تھے بہت

لاؤ، اُس شہر کی گلیوں میں بھی جا کر دیکھیں

کون آتا ہے یہاں تیز ہواؤں کے سوا

اپنی دہلیز پہ اِک شمع جلا کر دیکھیں

وہ سمجھتا ہے یہ اندازِ تخاطب کہ نہیں

یہ غزل اُس غزل آراء کو سناکر دیکھیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مرے دل کی گواہی درج کریں، مرے ہونٹوں کا اقرار لکھیں

جنوری 7, 2012عرفان صدیقی،غزلہار،پیار،اقرار،اشجار،بارadmin

عرفان صدیقی ۔ غزل نمبر 168

مرے شانوں پہ دو لکھنے والے، تحریر سرِ دیوار لکھیں

مرے دل کی گواہی درج کریں، مرے ہونٹوں کا اقرار لکھیں

میں نے تو یہ جنگ نہیں چھیڑی، مرا کام تو لڑتے رہنا ہے

آنے والے مرے کھاتے میں، کل جیت لکھیں یا ہار لکھیں

وہی نوحہ بیتی باتوں کا، وہی نغمہ آتی راتوں کا

جب کوچ کریں ہر بار سنیں، جب خیمہ لگے ہر بار لکھیں

میں ضدی لڑکا ماضی کے گرتے ہوئے گھر سے بھاگا ہوا

مجھے پچھلے موسم خط بھیجیں، مجھے گزری راتیں پیار لکھیں

یہ تپتا دشت بسانے میں، اوپر والے مرا ہاتھ بٹا

کچھ سایہ مرے اشعار بنیں کچھ سایہ ترے اشجار لکھیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پھر اپنے آپ پہ کرنے لگا یقین بھی میں

جنوری 7, 2012عرفان صدیقی،غزلنگین،نشیں،یقین،بہترین،زمین،سبکتگینadmin

عرفان صدیقی ۔ غزل نمبر 167

بہت دنوں تو رہا اپنا نکتہ چین بھی میں

پھر اپنے آپ پہ کرنے لگا یقین بھی میں

مری طرف ہی دواں ہے مری کمندِ ہوس

یہاں غزال بھی میں ہوں سبکتگین بھی میں

عذاب مجھ سے مجھی پر اترتے رہتے ہیں

فرازِ عرش بھی میں‘ پستیِ زمین بھی میں

اب اپنے آپ کو کس طرح بے بہا کہیے

نگیں شناس بھی میں‘ دانۂ نگین بھی میں

گدا و شاہ سے میرا تپاک ایک سا ہے

کہ کج کلاہ بھی میں‘ بوریا نشیں بھی میں

مجھے وہ آنکھ نہ دیکھے تو میں ہی سب سے خراب

وہ انتخاب جو کر لے تو بہترین بھی میں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میں بھی سونا ہوں مگر زنگ بہت ہے مجھ میں

جنوری 7, 2012عرفان صدیقی،غزلنیرنگ،آہنگ،جنگ،رنگ،زنگadmin

عرفان صدیقی ۔ غزل نمبر 166

تول مت مجھ کو کہ پاسنگ بہت ہے مجھ میں

میں بھی سونا ہوں مگر زنگ بہت ہے مجھ میں

آؤ میں تم کو تمہارے کئی چہرے دکھلاؤں

آئنہ خانہ ہوں‘ نیرنگ بہت ہے مجھ میں

میرا دشمن مرے سینے سے اترتا ہی نہیں

غالباً حوصلۂ جنگ بہت ہے مجھ میں

اس نے کیا سوچ کے چھیڑا تھا‘ میں کیا بول اٹھا

تار کوئی غلط آہنگ بہت ہے مجھ میں

اتنی افسردہ نہ ہو کوچۂ قاتل کی ہوا

چھو کے تو دیکھ‘ ابھی رنگ بہت ہے مجھ میں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مدتیں ہو گئیں ڈوبا تھا وہ چہرہ مجھ میں

جنوری 7, 2012عرفان صدیقی،غزلچہرہ،والا،پرندہ،تماشا،دنیا،دریاadmin

عرفان صدیقی ۔ غزل نمبر 165

پھر کسی نام کا مہتاب نہ نکلا مجھ میں

مدتیں ہو گئیں ڈوبا تھا وہ چہرہ مجھ میں

روز و شب جسم کی دیوار سے ٹکراتا ہے

قید کر رکھا ہے کس نے یہ پرندہ مجھ میں

ایک مدت سے مری بیعت جاں مانگتی تھی!

آج خاموش ہے کیا دیکھ کے دنیا مجھ میں

ویسے میرے خس و خاشاک میں کیا رکھا ہے

آگ دکھلاؤ تو نکلے گا تماشا مجھ میں

ریت اُڑتی ہے بہت ساحل احساس کے پاس

سوکھتا جاتا ہے شاید کوئی دریا مجھ میں

اب میں خود سے بھی مخاطب نہیں ہونے پاتا

جب سے چپ ہو گیا وہ بولنے والا مجھ میں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آخر کسی افق سے اُبھارا گیا ہوں میں

جنوری 7, 2012عرفان صدیقی،غزلپکارا،اُبھارا،اُتاراadmin

عرفان صدیقی ۔ غزل نمبر 164

جب بھی صلیب شام پہ وارا گیا ہوں میں

آخر کسی افق سے اُبھارا گیا ہوں میں

چاروں طرف گھٹی ہوئی چیخوں کا شور ہے

بول اے ہوا، کدھر سے پکارا گیا ہوں میں

ٹوٹے ہوئے دلوں کی مناجات ہوں مگر

بہری سماعتوں پہ اُتارا گیا ہوں میں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کہ چھو رہا ہوں تجھے اور پگھل رہا ہوں میں

جنوری 7, 2012عرفان صدیقی،غزلچل،نکل،ڈھل،پگھل،بدلadmin

عرفان صدیقی ۔ غزل نمبر 163

بدن کے دونوں کناروں سے جل رہا ہوں میں

کہ چھو رہا ہوں تجھے اور پگھل رہا ہوں میں

تجھی پہ ختم ہے جاناں مرے زوال کی رات

تو اب طلوع بھی ہوجا کہ ڈھل رہا ہوں میں

بلا رہا ہے مرا جامہ زیب ملنے کو

تو آج پیرہنِ جاں بدل رہا ہوں میں

غبارِ راہ گزر کا یہ حوصلہ بھی تو دیکھ

ہوائے تازہ ترے ساتھ چل رہا ہوں میں

میں خواب دیکھ رہا ہوں کہ وہ پکارتا ہے

اور اپنے جسم سے باہر نکل رہا ہوں میں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہوائے تازہ تیرے ساتھ چلنا چاہتا ہوں میں

جنوری 7, 2012عرفان صدیقی،غزلچلنا،ابلنا،بدلنا،جلنا،سنبھلناadmin

عرفان صدیقی ۔ غزل نمبر 162

در و دیوار کی زد سے نکلنا چاہتا ہوں میں

ہوائے تازہ تیرے ساتھ چلنا چاہتا ہوں میں

وہ کہتے ہیں کہ آزادی اسیری کے برابر ہے

تو یوں سمجھو کہ زنجیریں بدلنا چاہتا ہوں میں

MERGED نمو کرنے کو ہے میرا لہو قاتل کے سینے سے

وہ چشمہ ہوں کہ پتھر سے ابلنا چاہتا ہوں میں

بلند و پستِ دُنیا فیصلہ کرنے نہیں دیتے

کہ گرنا چاہتا ہوں یا سنبھلنا چاہتا ہوں میں

محبت میں ہوس کا سا مزا ملنا کہاں ممکن

وہ صرف اک روشنی ہے جس میں جلنا چاہتا ہوں میں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

لشکروں کی آہٹیں تو رات بھر سنتا ہوں میں

جنوری 7, 2012عرفان صدیقی،غزلبھر،ثمر،سفر،سحر،شجرadmin

عرفان صدیقی ۔ غزل نمبر 161

دیکھیے کس صبح نصرت کی خبر سنتا ہوں میں

لشکروں کی آہٹیں تو رات بھر سنتا ہوں میں

خیر‘ اب میری فصیلِ شہر بھی کیا دور ہے

جنگلوں تک آچکا پیکِ سحر سنتا ہوں میں

اے پرندو‘ یاد کرتی ہے تمہیں پاگل ہوا

روز اک نوحہ سرِ شاخِ شجر سنتا ہوں میں

کوئی نیزہ سرفرازی دے تو کچھ آئے یقیں

خشک ٹہنی پر بھی آتے ہیں ثمر سنتا ہوں میں

لاؤ، اس حرفِ دُعا کا بادباں لیتا چلوں

سخت ہوتا ہے سمندر کا سفر سنتا ہوں میں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چراغوں کے بدن کو پارہ پارہ دیکھتا ہوں میں

جنوری 7, 2012عرفان صدیقی،غزلدیکھتاadmin

عرفان صدیقی ۔ غزل نمبر 160

زوالِ شامِ ہجراں کا اشارہ دیکھتا ہوں میں

چراغوں کے بدن کو پارہ پارہ دیکھتا ہوں میں

متاعِ جاں لٹا دینے سے کچھ حاصل نہیں ہوتا

تو کیوں سود و زیاں کا گوشوارہ دیکھتا ہوں میں

تمنا کا نتیجہ اپنے سر لینا نہیں اچھا

ذرا ٹھہرو عزیزو‘ استخارہ دیکھتا ہوں میں

مری خاکِ بدن آخر اسی مٹی کا حصہ ہے

سو کشتی کھولتا ہوں اور کنارہ دیکھتا ہوں میں

غبارِ شب کے پیچھے روشنی ہے لوگ کہتے ہیں

اگر یوں ہے تو یہ منظر دوبارہ دیکھتاہوں میں

اندھیروں میں کچھ ایسے خواب بھی دکھلائی دیتے ہیں

کہ جیسے آسماں پر اک ستارہ دیکھتا ہوں میں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ ایک سینہ کہاں تک سپر کروں گا میں

جنوری 7, 2012عرفان صدیقی،غزلگھر،بسر،سفر،سپر،سر،شجرadmin

عرفان صدیقی ۔ غزل نمبر 159

تمام معرکے اب مختصر کروں گا میں

یہ ایک سینہ کہاں تک سپر کروں گا میں

وہی عصا کا خدا ہے‘ وہی سمندر کا

وہ مرحلہ کوئی دے گا تو سر کروں گا میں

کوئی دُعا ہوں‘ کسی اور سے معاملہ ہے

صدا نہیں کہ سماعت میں گھر کروں گا میں

پرانی خوشبوؤ! اب میرے ساتھ ساتھ نہ آؤ

یہاں سے اگلی رتوں کا سفر کروں گا میں

وہ اک کھنڈر ہے‘ مگر راستے میں پڑتا ہے

سو ایک رات وہاں بھی بسر کروں گا میں

اجاڑ دشت میں کچھ زندگی تو پیدا ہو

یہ ایک چیخ یہاں بھی شجر کروں گا میں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ ایک فاصلۂ درمیاں گھٹاؤں گا میں

جنوری 7, 2012عرفان صدیقی،غزللگاؤں،لاؤں،مسکراؤں،گھٹاؤں،آؤں،اٹھاؤں،جگاؤں،جاؤں،دکھاؤںadmin

عرفان صدیقی ۔ غزل نمبر 158

اب اپنے زخم کو اپنی زباں بناؤں گا میں

یہ ایک فاصلۂ درمیاں گھٹاؤں گا میں

اسی سفر کا شجر ہے وہ پھر ملے گا مجھے

اسی زمین کا موسم ہوں لوٹ آؤں گا میں

کبھی کبھی تجھے دیکھوں گا تیری آنکھوں سے

کبھی کبھی ترے ہونٹوں سے مسکراؤں گا میں

کبھی کبھی کسی دُھن میں تجھے پکاروں گا

کبھی کبھی کسی بن میں الکھ جگاؤں گا میں

غرورِ جاں میں بھی رکھوں گا چاہتوں کا بھرم

کبھی کبھی ترے احسان بھی اٹھاؤں گا میں

مرے لہو کو یہی موجِ تشنگی ہے بہت

کنارِ جو ابھی خیمہ نہیں لگاؤں گا میں

اب ایک سنگ اس آئینے سے تراشوں گا

تجھے پھر اک ہنر رائیگاں دکھاؤں گا میں

یہی رہے گا تماشا مرے چراغوں کا

ہوا بجھاتی رہے گی جلائے جاؤں گا میں

میں چاہتا ہوں یہیں سارے فیصلے ہوجائیں

کہ اس کے بعد یہ دُنیا کہاں سے لاؤں گا میں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

نہ جانے کیسی ہوا چل رہی ہے سینے میں

جنوری 7, 2012عرفان صدیقی،غزلمہینے،آبگینے،دفینے،زینے،سینےadmin

عرفان صدیقی ۔ غزل نمبر 157

بچے گا اب نہ کوئی بادباں سفینے میں

نہ جانے کیسی ہوا چل رہی ہے سینے میں

فضا میں اڑتے ہوئے بادلوں سے یاد آیا

کہ میں اسیر ہوا تھا اسی مہینے میں

وہ رک گیا تھا مرے بام سے اترتے ہوئے

جہاں پہ دیکھ رہے ہو چراغ زینے میں

نکال دی ہے خدا نے نباہ کی صورت

ہمارے سنگ میں اور تیرے آبگینے میں

بدن کی خاک میں کب سے دبا تھا شعلۂ عشق

عجیب چیز ملی ہے مجھے دفینے میں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کوئی تعبیر رکھ دو میرے بچوں کی کتابوں میں

جنوری 7, 2012عرفان صدیقی،غزلکتابوں،گلابوں،افراسیابوں،جوابوں،خرابوںadmin

عرفان صدیقی ۔ غزل نمبر 156

مجھے اُلجھا دیا دانش کدوں نے صرف خوابوں میں

کوئی تعبیر رکھ دو میرے بچوں کی کتابوں میں

طلسم ایسا تو ہو جو خوُبصورت ہو حقیقت سے

ہنر یہ بھی نہیں ہے آج کے افراسیابوں میں

تعلق اِک تعارف تک سمٹ کر رہ گیا آخر

نہ وہ تیزی سوالوں میں نہ وہ تلخی جوابوں میں

مکاں کیسے بھی ہوں، خوابوں کی خاطر کون ڈھاتا ہے

کم اَز کم اِس قدر ہمّت تو تھی خانہ خرابوں میں

ذرا سوچو تو اِس دُنیا میں شاید کچھ نہیں بدلا

وہی کانٹے ببولوں میں، وہی خوُشبو گلابوں میں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مگر آج تک کوئی شہ سوار چھپا ہواہے غبار میں

جنوری 7, 2012عرفان صدیقی،غزلقطار،یسار،حصار،غبارadmin

عرفان صدیقی ۔ غزل نمبر 155

یہ چراغ کشتہ نہ جانے کب سے پڑے ہیں راہ گزار میں

مگر آج تک کوئی شہ سوار چھپا ہواہے غبار میں

میں کہاں گلاب شجر کروں‘ میں کشادہ سینہ کدھر کروں

کوئی نیزہ میرے یمین میں‘ کوئی تیغ میرے یسار میں

مجھے اس طلسم سرائے شب میں عجیب کام دیے گئے

نہ جلوں شکستہ فصیل پر، نہ بجھوں ہوا کے حصار میں

انہیں کیا خبر کہ دلاوری کوئی شرطِ فتح و ظفر نہیں

کہ بکھرتی صف کے پیادگاں، نہ شمار میں، نہ قطار میں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آؤ کہ اجر کار رسالت ادا کریں

جنوری 7, 2012عرفان صدیقی،غزلکیا،ادا،بقا،رہا،رضا،سوا،صدا،عزا،عطاadmin

عرفان صدیقی ۔ غزل نمبر 154

جاں نذر دے کے نصرت آل عبا کریں

آؤ کہ اجر کار رسالت ادا کریں

برپا کریں تو حشر کریں کربلا کے بعد

روشن اگر کریں تو چراغ عزا کریں

صدیوں سے سینہ زن ہے بدن میں لہو کی لہر

آج اس کو پیش تیغ ستم گر رہا کریں

صرف ایک سر ملا تھا سو نذرانہ کر دیا

اب ناصران معرکۂ صبر کیا کریں

صحرا میں شور کرتی ہیں موجیں فرات کی

زنداں میں جیسے اہل سلاسل صدا کریں

اس شاہ بے کساں پہ دل و روح و جاں نثار

مقدور ہو تو نذر کچھ اس سے سوا کریں

یاد آوران تشنہ دہانان کربلا

اس تشنگی کو چشمۂ آب بقا کریں

گریہ نشان جاں ہے مگر اس کے باوجود

مقتل مقام صبر و رضا ہے رضا کریں

تیرا قلم ولا کا علم ہے سو مجرئ

عباس تجھ کو ظل حمایت عطا کریں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

شمع گل ہوتے ہی سب چلنے کی تیاری کریں

جنوری 7, 2012عرفان صدیقی،غزلبیکاری،تیاری،جاری،خریداریadmin

عرفان صدیقی ۔ غزل نمبر 153

روشنی میں لوگ اعلانِ وفاداری کریں

شمع گل ہوتے ہی سب چلنے کی تیاری کریں

جب ہمیں بے مول ہاتھ آنے لگیں سچائیاں

کیا ضرورت ہے کہ خوابوں کی خریداری کریں

یہ زمیں پھر پاؤں کی زنجیر ہوجانے کو ہے

وحشتیں اب کوئی فرمانِ سفر جاری کریں

تو میسر ہے تو تجھ پر شعر کیوں لکھیں کوئی

تجھ سے فرصت ہو تو ہم یہ شغلِ بیکاری کریں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

لمبا سفر ہے زاد سفر کیسے چھوڑ دیں

جنوری 7, 2012عرفان صدیقی،غزلگھر،ادھر،ثمر،سفر،سحر،شجرadmin

عرفان صدیقی ۔ غزل نمبر 152

راہ ستم میں سوز جگر کیسے چھوڑ دیں

لمبا سفر ہے زاد سفر کیسے چھوڑ دیں

آندھی میں چھوڑتے ہیں کہیں آشیاں پر ند

ہم اس ہوا کے خوف سے گھر کیسے چھوڑ دیں

چندن کے بن میں سانپ نکلتے ہی رہتے ہیں

اس ڈر سے خوشبوؤں کے شجر کیسے چھوڑ دیں

جب کچھ نہ تھا تو ہم نے دیا تھا زمیں کو خوں

اب فصل پک چکی تو ثمر کیسے چھوڑ دیں

اے دل وہ دیکھ خیمہ، فردا قریب ہے

تجھ کو فصیل شب کے ادھر کیسے چھوڑ دیں

مانا کہ ایک عمر سے ٹھہری ہوئی ہے رات

انسان ہیں اُمید سحر کیسے چھوڑ دیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

گرمیاں لے کر اُداسی کے خزانے آگئیں

جنوری 7, 2012عرفان صدیقی،غزلگرانے،اُڑانے،بلانے،تانے،خزانے،رِجھانےadmin

عرفان صدیقی ۔ غزل نمبر 151

کوئلیں پھر بھولے بسرے غم جگانے آگئیں

گرمیاں لے کر اُداسی کے خزانے آگئیں

ٹھنڈے دالانوں میں پھر کُھلنے لگی دِل کی کتاب

جلتی دوپہریں سرا پردے گرانے آگئیں

ڈھک گئیں پھر صندلیں شاخیں سنہری بور سے

لڑکیاں دَھانی دوپٹے سر پہ تانے آگئیں

پھر دَھنک کے رَنگ بازاروں میں لہرانے لگے

تتلیاں معصوم بچوں کو رِجھانے آگئیں

کھل رہے ہوں گے چھتوں پر سانولی شاموں کے بال

کتنی یادیں ہم کو گھر واپس بلانے آگئیں

دُھول سے کب تک کوئی شفاف جذبوں کو بچائے

خواہشوں کی آندھیاں پھر خاک اُڑانے آگئیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اُٹھتے ہوئے تیشوں سے کہو دَھار بچائیں

جنوری 7, 2012عرفان صدیقی،غزلوار،پیار،دیوار،دَھار،دَستارadmin

عرفان صدیقی ۔ غزل نمبر 150

ہم سوکھے ہوئے پیڑوں کو بیکار بچائیں

اُٹھتے ہوئے تیشوں سے کہو دَھار بچائیں

شاید کہ اُتر آئے سوا نیزے پہ سورج

کل کے لیے کچھ سایۂ دیوار بچائیں

خنجر کی طرح کاٹ بھی ہے تند ہوا میں

اَب سر کی کریں فکر کہ دَستار بچائیں

نفرت کے خزانے میں تو کچھ بھی نہیں باقی

تھوڑا سا گزارے کے لیے پیار بچائیں

اولوں کی طرح ہم پہ برستا رہے موسم

ہم جھومتی شاخوں کی طرح وار بچائیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دستِ دادار بڑا شعبدہ گر ہے سائیں

جنوری 7, 2012عرفان صدیقی،غزلہنر،نظر،گر،گزر،اثر،بھر،جدھر،سفر،سحرadmin

عرفان صدیقی ۔ غزل نمبر 149

دیکھ لے، خاک ہے کاسے میں کہ زر ہے سائیں

دستِ دادار بڑا شعبدہ گر ہے سائیں

تو مجھے اس کے خم و پیچ بتاتا کیا ہے

کوئے قاتل تو مری راہ گزر ہے سائیں

یہ جہاں کیا ہے بس اک صفحۂ بے نقش و نگار

اور جو کچھ ہے ترا حسنِ نظر ہے سائیں

شہر و صحرا تو ہیں انسانوں کے رکھے ہوئے نام

گھر وہیں ہے دلِ دیوانہ جدھر ہے سائیں

ہم نے پہلے بھی مآلِ شبِ غم دیکھا ہے

آنکھ اب کے جو کھلے گی تو سحر ہے سائیں

پاؤں کی فکر نہ کر بارِ کم و بیش اتار

اصل زنجیر تو سامانِ سفر ہے سائیں

آگے تقدیر پرندے کی جہاں لے جائے

حدِّ پرواز فقط حوصلہ بھر ہے سائیں

شاعری کون کرامت ہے مگر کیا کیجے

درد ہے دل میں سو لفظوں میں اثر ہے سائیں

عشق میں کہتے ہیں فرہاد نے کاٹا تھا پہاڑ

ہم نے دن کاٹ دیئے یہ بھی ہنر ہے سائیں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پارۂ سنگ کی آئینہ گری آخری کیوں

جنوری 7, 2012عرفان صدیقی،غزلآخر،آخریadmin

عرفان صدیقی ۔ غزل نمبر 148

دل پہ یہ مشقِ ستارہ نظری آخر کیوں

پارۂ سنگ کی آئینہ گری آخری کیوں

میں ہی کیوں حلقۂ زنجیرِ تعلق میں اسیر

تو ہر الزامِ تعارف سے بری آخر کیوں

شاعری میں تو بہت دشت و بیابان کا ذکر

زندگی میں گلۂ دربدری آخر کیوں

اب کہیں کوئی تقاضا نہ کوئی شرطِ وصال

مجھ سے آگے مری شوریدہ سری آخر کیوں

دشتِ ہجراں کے کڑے کوس تو سب کے لیے ہیں

میں ہی ارمان کروں ہم سفری آخر کیوں

دل اگر لہر میں آئے تو اڑا کر لے جائے

عشق میں شکوۂ بے بال و پری آخر کیوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سو منتظر اسی لمس ہنر کا میں بھی ہوں

جنوری 7, 2012عرفان صدیقی،غزلہنر،گھر،بھر،تر،سر،شجرadmin

عرفان صدیقی ۔ غزل نمبر 147

ہوں مشتِ خاک مگر کوزہ گر کا میں بھی ہوں

سو منتظر اسی لمس ہنر کا میں بھی ہوں

کبھی ہوائے سرِ شاخسار ادھر بھی دیکھ

کہ برگِ زرد ہوں لیکن شجر کا میں بھی ہوں

یہ تیز روشنیوں کا دیار ہے‘ ورنہ

چراغ تو کسی تاریک گھر کا میں بھی ہوں

تمہارے زخموں سے میرا بھی ایک رشتہ ہے

لہو نہیں ہوں مگر چشمِ تر کا میں بھی ہوں

مجھے کھنچی ہوئی تلوار سونپنے والے

میں کیا کروں کہ طرفدار سر کا میں بھی ہوں

اب آگئی ہے سحر اپنا گھر سنبھالنے کو

چلوں‘ کہ جاگا ہوا رات بھر کا میں بھی ہوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میں تیرے فیصلۂ معتبر پہ راضی ہوں

جنوری 7, 2012عرفان صدیقی،غزلمعتبر،نظر،گر،دگر،سحر،شجرadmin

عرفان صدیقی ۔ غزل نمبر 146

جہانِ گم شدگاں کے سفر پہ راضی ہوں

میں تیرے فیصلۂ معتبر پہ راضی ہوں

ابھی مرا کوئی پیکر نہ کوئی میری نمود

میں خاک ہوں ہنرِ کوزہ گر پہ راضی ہوں

یہی خیال مجھے جگمگائے رکھتا ہے

کہ میں رضائے ستارہ نظر پہ راضی ہوں

عجیب لوگ تھے مجھ کو جلا کے چھوڑ گئے

عجب دیا ہوں طلوعِ سحر پہ راضی ہوں

نہ جانے کیسے گھنے جنگلوں کا دکھ ہے کہ آج

میں ایک سایۂ شاخِ شجر پہ راضی ہوں

مجھے اداس نہ کر اے زوالِ عمر کی رات

میں اس کے وعدۂ شامِ دگر پہ راضی ہوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ستم گروں کی مدارات کرتا رہتا ہوں

جنوری 7, 2012عرفان صدیقی،غزلمافات،مدارات،مساوات،کرامات،بات،ذات،شروعاتadmin

عرفان صدیقی ۔ غزل نمبر 145

انہیں کی شہ سے انہیں مات کرتا رہتا ہوں

ستم گروں کی مدارات کرتا رہتا ہوں

یہاں کوئی نہیں سنتا حدیثِ دل زدگاں

مگر میں اور طرح بات کرتا رہتا ہوں

بھلا یہ عمر کوئی کاروبارِ شوق کی ہے

بس اک تلافیِ مافات کرتا رہتا ہوں

یہ کائنات مرے بال و پر کے بس کی نہیں

تو کیا کروں سفرِ ذات کرتا رہتا ہوں

یہیں پہ وارِ حریفاں اٹھانا پڑتا ہے

یہیں حسابِ مساوات کرتا رہتا ہوں

عجب نہیں کسی کوشش میں کامراں ہوجائیں

محبتوں کی شروعات کرتا رہتا ہوں

ہمیشہ کاسۂ خالی چھلکتا رہتا ہے

فقیر ہوں سو کرامات کرتا رہتا ہوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میں اس کے خواب میں بیدار رہنا چاہتا ہوں

جنوری 6, 2012عرفان صدیقی،غزلگنہگار،بیمار،بیدار،بازار،خبردار،سرشارadmin

عرفان صدیقی ۔ غزل نمبر 144

عجیب نشّہ ہے ہشیار رہنا چاہتا ہوں

میں اس کے خواب میں بیدار رہنا چاہتا ہوں

یہ موجِ تازہ مری تشنگی کا وہم سہی

میں اس سراب میں سرشار رہنا چاہتا ہوں

سیاہ چشم‘ مری وحشتوں پہ طنز نہ کر

میں قاتلوں سے خبردار رہنا چاہتا ہوں

یہ درد ہی مرا چارہ ہے تم کو کیا معلوم

ہٹاؤ ہاتھ میں بیمار رہنا چاہتا ہوں

ادھر بھی آئے گی شاید وہ شاہ بانوئے شہر

یہ سوچ کر سرِ بازار رہنا چاہتا ہوں

ہوا گلاب کو چھوکر گذرتی رہتی ہے

سو میں بھی اتنا گنہگار رہنا چاہتا ہوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تماشا کر کہ میں کشکول گنجینے میں رکھتا ہوں

جنوری 6, 2012عرفان صدیقی،غزلگنجینے،آئینے،تخمینے،زینے،سازینےadmin

عرفان صدیقی ۔ غزل نمبر 143

تجھے پاکر بھی تیری ہی طلب سینے میں رکھتا ہوں

تماشا کر کہ میں کشکول گنجینے میں رکھتا ہوں

اسی رستے سے وہ خورشیدِ فردا گھر میں اترے گا

سو آنکھوں کے دیئے اس رات کے زینے میں رکھتا ہوں

مجھے یہ زندگی نقصان کا سودا نہیں لگتی

میں آنے والی دُنیا کو بھی تخمینے میں رکھتا ہوں

عزیزو تم سے رازِ خوش نوائی کیا چھپانا ہے

میں دل کے چند ٹکڑے اپنے سازینے میں رکھتا ہوں

مرا رنگِ ہنر تو ایک تصویرِ خیالی ہے

میں اک سادہ سا چہرہ دل کے آئینے میں رکھتا ہوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آج میں بھی طرف دیدۂ تر چلتا ہوں

جنوری 6, 2012عرفان صدیقی،غزلگھر،اُدھر،تر،ثمر،سفرadmin

عرفان صدیقی ۔ غزل نمبر 142

اب تو باقی ہے یہی سمت سفر چلتا ہوں

آج میں بھی طرف دیدۂ تر چلتا ہوں

سوچنا کیا ہے اگر دشت زمیں ختم ہوا

میرے دل میں بھی تو صحرا ہے اُدھر چلتا ہوں

آخری رنگ ہواؤں سے بنا ہے کب تک

رخصت اے موسم بے رنگ و ثمر، چلتا ہوں

راہ میں چھوٹتے جاتے ہیں ملاقات کے بوجھ

جانے کیوں لے کے یہ سامان سفر چلتا ہوں

گھر سے نکلا تھا کہ صحرا کا تماشا دیکھوں

جب یہاں بھی وہی نقشہ ہے تو گھر چلتا ہوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تنگ آیا ہوں سو پیراہن جاں کھولتا ہوں

جنوری 6, 2012عرفان صدیقی،غزلگماں،جاں،دُکاں،دکاںadmin

عرفان صدیقی ۔ غزل نمبر 141

لو، میں راز ہنر چارہ گراں کھولتا ہوں

تنگ آیا ہوں سو پیراہن جاں کھولتا ہوں

یہ بھی دیکھوں ترے افلاک میں رکھا کیا ہے

آج میں بال و پر وہم و گماں کھولتا ہوں

بھولتا بھی نہیں، نام اس کا بتاتا بھی نہیں

بند کرتا ہوں نہ یہ دل کی دُکاں کھولتا ہوں

MERGED تو بھی دیکھے ترے افلاک کی وسعت کیا ہے

آج میں بال و پر، ہم و گماں کھولتا ہوں

بھولتا بھی نہیں نام اس کا بتاتا بھی نہیں

نہ بڑھاتا ہوں نہ یہ دل کی دکاں کھولتا ہوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میں پھر سے گمشدگاں کے علم اُٹھاتا ہوں

جنوری 6, 2012عرفان صدیقی،غزلadmin

عرفان صدیقی ۔ غزل نمبر 140

زیاں کی راہ میں اگلا قدم اُٹھاتا ہوں

میں پھر سے گمشدگاں کے علم اُٹھاتا ہوں

نیاز مند یہ دنیا نہیں کسی کی مگر

اسے خبر ہے کہ میں ناز کم اُٹھاتا ہوں

نہ کوئی حشر زمیں کے علاوہ اُٹھتا ہے

نہ میں ہی سر پس خواب عدم اُٹھاتا ہوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میں جو گزرے ہوئے ہنگاموں کا خمیازا ہوں

جنوری 6, 2012عرفان صدیقی،غزلکیا،آئینہ،آتا،خمیازا،سنّاٹا،سکتا،شرماتاadmin

عرفان صدیقی ۔ غزل نمبر 139

دیکھ لے، آج تری بزم میں بھی تنہا ہوں

میں جو گزرے ہوئے ہنگاموں کا خمیازا ہوں

جانے کیا ٹھان کے اُٹھتا ہوں نکلنے کے لیے

جانے کیا سوچ کے دروازے سے لوٹ آتا ہوں

میرے ہر جزو کا ہے مجھ سے الگ ایک وجود

تم مجھے جتنا بگاڑو گے میں بن سکتا ہوں

مجھ میں رَقصاں کوئی آسیب ہے آوازوں کا

میں کسی اُجڑے ہوئے شہر کا سنّاٹا ہوں

اپنا ہی چہرہ اُنہیں مجھ میں دِکھائی دے گا

لوگ تصویر سمجھتے ہیں میں آئینہ ہوں

لمحۂ شوق ہوں، میری کوئی قیمت ہی نہیں

میں میسر تجھے آجاؤں تو مہنگا کیا ہوں

میں جھپٹنے کے لیے ڈُھونڈھ رہا ہوں موقع

اور وہ شوخ سمجھتا ہے کہ شرماتا ہوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آنکھ کے جسم پہ خوابوں کی رِدا تان سکوں

جنوری 6, 2012عرفان صدیقی،غزلچھان،ٹھان،پہچان،تان،جانadmin

عرفان صدیقی ۔ غزل نمبر 138

کاش میں بھی کبھی یاروں کا کہا مان سکوں

آنکھ کے جسم پہ خوابوں کی رِدا تان سکوں

میں سمندر ہوں، نہ توُ میرا شناور، پیارے

توُ بیاباں ہے نہ میں خاک تری چھان سکوں

رُوئے دِلبر بھی وہی، چہرۂ قاتل بھی وہی

توُ کبھی آنکھ ملائے تو میں پہچان سکوں

وقت یہ اور ہے، مجھ میں یہ کہاں تاب کہ میں

یاریاں جھیل سکوں، دُشمنیاں ٹھان سکوں

جب ستم ہے یہ تعارف ہی تو کیسا ہو، اگر

میں اُسے جاننے والوں کی طرح جان سکوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

غزال شہر اِدھر آ کہ رم کریں دونوں

جنوری 6, 2012عرفان صدیقی،غزلہم،کم،رقم،رم،غمadmin

عرفان صدیقی ۔ غزل نمبر 137

ہوائے دشت کو زیر قدم کریں دونوں

غزال شہر اِدھر آ کہ رم کریں دونوں

ذرا سا رقص شرر کر کے خاک ہو جائیں

جو رفتگاں نے کیا ہے وہ ہم کریں دونوں

یہ شام عمر، یہ خواہش کی تیز روشنیاں

لویں اب اپنے چراغوں کی کم کریں دونوں

اکیلا شخص کسے حال دل سنانے جائے

کبھی ملیں تو بچھڑنے کا غم کریں دونوں

خطوں میں کچھ تو قرینہ ہو دل نوازی کا

کوئی تو حرف شکایت رقم کریں دونوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اے چاند، دکھائی دے تو جانوں

جنوری 6, 2012عرفان صدیقی،غزلکمائی،دہائی،دکھائی،سمائی،سنائیadmin

عرفان صدیقی ۔ غزل نمبر 136

جلنے سے رہائی دے تو جانوں

اے چاند، دکھائی دے تو جانوں

تنہا نہیں نواحِ شب میں

آہٹ ہی سنائی دے تو جانوں

کیا زندہ ہے زخم کھانے والا

اک بار دہائی دے تو جانوں

دکھ دل سے بڑا نہیں ہے‘ معبود

تو دل کو سمائی دے تو جانوں

اوروں کا لہو لٹانے والے

کچھ اپنی کمائی دے تو جانوں

اے ذہن میں بسنے والی دُنیا

آنکھوں کو دکھائی دے تو جانوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جشن ہے صبح کہ پیکار ہے میں کیا جانوں

جنوری 6, 2012عرفان صدیقی،غزلگرفتار،پیکار،آزار،بار،تلوارadmin

عرفان صدیقی ۔ غزل نمبر 135

شہر کیوں رات میں بیدار ہے میں کیا جانوں

جشن ہے صبح کہ پیکار ہے میں کیا جانوں

ایک قطرہ بھی مرے کوزۂ خالی میں نہیں

ہر طرف ابرِ گہر بار ہے میں کیا جانوں

عاشقوں کے سرِ تسلیم کو تسلیم سے کام

اب یہ ابرو ہے کہ تلوار ہے میں کیا جانوں

صید کرتا ہے کسی اور کی مرضی سے مجھے

خود بھی صیاد گرفتار ہے میں کیا جانوں

میں تو اک درد کا سرمایہ لیے بیٹھا ہوں

یہ مری جان کا آزار ہے میں کیا جانوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کون اس فوج کا سالار ہے میں کیا جانوں

جنوری 6, 2012عرفان صدیقی،غزلگفتار،اخبار،بازار،تار،دیوار،دِینار،دستار،سالار،سرکار،طرفدارadmin

عرفان صدیقی ۔ غزل نمبر 134

میں تو اک بکھری ہوئی صف کا پیادہ ٹھہرا

کون اس فوج کا سالار ہے میں کیا جانوں

تو فرستادۂ سرکار نہیں ہے نہ سہی

ہاتھ میں محضرِ سرکار ہے میں کیا جانوں

شحنۂ شہر کی خدمت میں لگے ہیں سب لوگ

کون غالب کا طرفدار ہے میں کیا جانوں

اک نیا رنگ ہویدا ہے مری آنکھوں میں

آج کیا سرخئ اخبار ہے میں کیا جانوں

تجھ کو سیلاب کے آنے کی خبر دے دی ہے

تیرا در ہے تری دیوار ہے میں کیا جانوں

میں نمو کرنے پہ راضی نہیں بے موجِ بہار

موسمِ دَرہم و دِینار ہے میں کیا جانوں

سرِ پندار تو مجھ کو بھی نظر آتا ہے

اور کیا کیا تہہِ دستار ہے میں کیا جانوں

قحط میں کب سے دکاں میری پڑی ہے خالی

عشق سے گرمئ بازار ہے میں کیا جانوں

ہے کہیں صبحِ خوش آثار بھی لیکن فی الحال

میرے آگے تو شبِ تار ہے میں کیا جانوں

مجھ کو آتی ہے ترے حرف سے احساس کی آنچ

سب تری گرمئ گفتار ہے میں کیا جانوں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اور اب وہاں بھی نہیں ہے نشانِ گمشدگاں

جنوری 6, 2012عرفان صدیقی،غزلمکان،نشان،آسمان،جہان،زبانadmin

عرفان صدیقی ۔ غزل نمبر 133

گیا تھا دل کی طرف کاروانِ گمشدگاں

اور اب وہاں بھی نہیں ہے نشانِ گمشدگاں

ابھی ابھی جو ستارے مرے کنار میں تھے

چمک رہے ہیں سرِ آسمانِ گمشدگاں

سرائے وہم میں کس کو پکارتا ہوں میں

یہ نیم شب‘ یہ سکوت مکانِ گمشدگاں

عجب خلائے سخن ہے سماعتوں کے ادھر

یہ کون بول رہا ہے زبانِ گمشدگاں

میں اپنی کھوئی ہوئی بستیوں کو پہچانوں

اگر نصیب ہو سیرِ جہانِ گمشدگاں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ساتھ ہے کوئی تو عمر گزراں ہے جاناں

جنوری 6, 2012عرفان صدیقی،غزلگماں،گراں،گزراں،بتاں،جاں،دگراں،دھواںadmin

عرفان صدیقی ۔ غزل نمبر 132

موج گل ہے نہ کہیں آب رواں ہے جاناں

ساتھ ہے کوئی تو عمر گزراں ہے جاناں

ابھی آتا ہے نظر چاند میں چہرہ تیرا

ایک دو پل میں یہ منظر بھی دھواں ہے جاناں

تو جو بولے تو سنوں میں تری آواز کا سچ

ہر طرف خاموشی وہم و گماں ہے جاناں

موسم ہجر سے اس درجہ سبک سار ہے دل

اس پہ اب حرف محبت بھی گراں ہے جاناں

آج تک جو نہ کیا اس کی تلافی کے لیے

اب یہ ذکر لب و رخسار بتاں ہے جاناں

ہم کچھ اس طرح سناتے ہیں کہانی اپنی

کوئی سمجھے کہ حدیث دگراں ہے جاناں

جو کبھی تونے کہا اور نہ کبھی ہم نے سنا

وہی اک لفظ تو سرنامۂ جاں ہے جاناں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ورنہ تو یہ شئے میں بھی رگ تاک سے لے آؤں

جنوری 6, 2012عرفان صدیقی،غزلفتراک،کاواک،تاک،خاشاکadmin

عرفان صدیقی ۔ غزل نمبر 131

یاراں، مجھے ان چیزوں سے نشہ نہیں ہوتا

ورنہ تو یہ شئے میں بھی رگ تاک سے لے آؤں

تم نے کبھی دیکھا نہیں آہوئے تتاری

اچھا، تو میں اس صید کو فتراک سے لے آؤں

بس یوں ہے کہ کچھ گرمئ محفل کا نہیں شوق

میں آگ تو اپنے خس و خاشاک سے لے آؤں

گمراہ سہی پھر بھی عجب کیا ہے کہ دل کو

تیری ہی طرف اس رہ کاواک سے لے آؤں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مضمون اگر کم ہوں تو افلاک سے لے آؤں

جنوری 6, 2012عرفان صدیقی،غزلنمناک،چاک،پوشاک،پیچاک،افلاکadmin

عرفان صدیقی ۔ غزل نمبر 130

اے فکر سخن کیوں زر گل خاک سے لے آؤں

مضمون اگر کم ہوں تو افلاک سے لے آؤں

پھر کام ہیں کچھ اور بھی لیکن دل ناداں

پہلے تو تجھے زلف کے پیچاک سے لے آؤں

کیا گنج گہر کی مرے دامن کو کمی ہے

چاہوں تو ابھی دیدۂ نمناک سے لے آؤں

دکھلاؤں تمہیں اپنے قبیلے کی نشانی

کچھ تار کسی پیرہن چاک سے لے آؤں

چمکے تو اندھیرے میں مرا طرۂ دستار

دوچار ستارے تری پوشاک سے لے آؤں

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اِتنی زنجیروں میں مت جکڑو، بکھر جائیں گے لوگ

جنوری 6, 2012عرفان صدیقی،غزلمر،ور،گھر،اُتر،بکھر،بھر،جدھرadmin

عرفان صدیقی ۔ غزل نمبر 129

موجِ خوں بن کر کناروں سے گزر جائیں گے لوگ

اِتنی زنجیروں میں مت جکڑو، بکھر جائیں گے لوگ

قاتلوں کے شہر میں بھی زندگی کرتے رہے

لوگ شاید یہ سمجھتے تھے کہ مر جائیں گے لوگ

اَن گنت منظر ہیں اور دِل میں لہو دو چار بوُند

رَنگ آخر کتنی تصوِیروں میں بھر جائیں گے لوگ

جسم کی رعنائیوں تک خواہشوں کی بھیڑ ہے

یہ تماشا ختم ہو جائے تو گھر جائیں گے لوگ

جانے کب سے ایک سنّاٹا بسا ہے ذہن میں

اَب کوئی اُن کو پکارے گا تو ڈر جائیں گے لوگ

بستیوں کی شکل و صوُرت مختلف کتنی بھی ہو

آسماں لیکن وہی ہو گا جدھر جائیں گے لوگ

سُرخ رو ہونے کو اِک سیلابِ خوُں دَرکار ہے

جب بھی یہ دَریا چڑھے گا پار اُترجائیں گے لوگ

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بجھے چراغ تو ٹھہرے ستارہ جوُ ہم لوگ

جنوری 6, 2012عرفان صدیقی،غزلگفتگو،آبرو،جو،رفو،رُوبروadmin

عرفان صدیقی ۔ غزل نمبر 128

اسی کمال کی کرتے تھے آرزو ہم لوگ

بجھے چراغ تو ٹھہرے ستارہ جوُ ہم لوگ

تو شانِ شعلہ گراں‘ میں نشانِ سوختگان

ہیں اپنے اپنے قبیلے کی آبرو ہم لوگ

ابھی سے راستہ کیوں روکنے لگی دُنیا

کھڑے ہوئے ہیں ابھی اپنے رُوبرو ہم لوگ

دریدہ پیرہنِ جاں ہے دیکھیے کیا ہو

نفس کے تار سے کرتے تو ہیں رفوُ ہم لوگ

جنوں کے فیض سے چرچا بتوں میں وحشت کا

خدا کے فضل سے موضوعِ گفتگو ہم لوگ

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔