اک عبث یہ شمار ہے اماں ہاں

اکتوبر 23, 2015Jaun Elia،جون ایلیا،شعراء،غزلیادگار،کار،انتشار،بار،رہگزر،روزگار،شمار،شکارadmin

جون ایلیا ۔ غزل نمبر 86

ایک ہی بار بار ہے اماں ہاں

اک عبث یہ شمار ہے اماں ہاں

ذرّہ ذرّہ ہے خود گریزانی

نظم ایک انتشار ہے اماں ہاں

ہو وہ یزداں کہ آدم و ابلیس

جو بھے خود شکار ہے اماں ہاں

وہ جو ہے جو کہیں نہیں اس کا

سب کے سینوں پہ بار ہے اماں ہاں

اپنی بے روزگارئ جاوید

اک عجب روزگار ہے اماں ہاں

شب خرابات میں تھا حشر بپا

کہ سخن ہرزہ کار ہے اماں ہاں

کیا کہوں فاصلے کے بارے میں

رہگزر ، رہگزر ہے اماں ہاں

بُھولے بُھولے سے ہیں وہ عارض و لب

یاد اب یادگار ہے اماں ہاں

جون ایلیا

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

Related