بس اے ظہورِ جلوہ اب دم نہیں کسی میں

اکتوبر 25, 2015قمر جلالوی،شعراء،غزلہنسی،چاندنی،کسی،آرسی،اسی،خوشی،روی،زندگیadmin

قمر جلالوی ۔ غزل نمبر 68

برباد طور بھی ہے موسیٰؑ ہیں بے خودی میں

بس اے ظہورِ جلوہ اب دم نہیں کسی میں

آنسو بھر آئے ان کی پرسش پہ جاں کنی میں

اب اور کیا بتاتے ان کی روا روی میں

جا تو رہے ہو موسیٰ دیدار کی خوشی میں

اوپر نظر نہ اٹھے بس خیر ہے اسی میں

اب تک ہے یاد دے کر دل ان کو دل لگی میں

رونا پڑا تھا برسوں مجھ کو ہنسی ہنسی میں

قیدِ قفس میں مجھ سے ارماں کا پوچھنا کیا

صیاد اب تو جو کچھ آئے تری خوشی میں

کوزے میں بھر گیا ہے جیسے تمام دریا

یوں اس نے بن سنور کر دیکھا ہے آرسی میں

ہر صبح آ کے گلچیں گلشن کو دیکھتا ہے

یہ وقت بھی ہے نازک پھولوں کی زندگی میں

دیکھیں قمر کچھ افشاں اس مہ جبیں کے رخ پر

کتنے حسین تارے ہوتے ہیں چاندنی میں

قمر جلالوی

ہمسایہ سو رہا ہے بے فکر اپنے گھر میں

اکتوبر 25, 2015قمر جلالوی،شعراء،غزلنظر،گھر،بھر،ترadmin

قمر جلالوی ۔ غزل نمبر 67

دل کو خبر نہیں ہے اور درد ہے جگر میں

ہمسایہ سو رہا ہے بے فکر اپنے گھر میں

اتنا سبک نہ کیجئے احباب کی نظر میں

اٹھتی ہے میری میت بیٹھے ہیں آپ گھر میں

رسوائیوں کا ڈر بھی میری قضا کا غم ہے

میت سے کچھ الگ ہیں آنسو ہیں چشمِ تر میں

حالانکہ اور بھی تھے نغمہ طرازِ گلشن

اک میں کھٹک رہا تھا صیاد کی نظر میں

دیکھا جو صبح فرقت اترا سا منہ قمر کا

بولے کہ ہو گیا ہے کیا حال رات بھر میں

قمر جلالوی

آج گر صحرا میں ہوں کل خانۂ زنجیر میں

اکتوبر 25, 2015قمر جلالوی،شعراء،غزلتقدیر،تقریر،تنویر،تصویر،زنجیرadmin

قمر جلالوی ۔ غزل نمبر 66

ایک جا رہنا نہیں لکھا میری تقدیر میں

آج گر صحرا میں ہوں کل خانۂ زنجیر میں

اقربا نا خوش وہ بزمِ دشمنِ بے پیر میں

موت ہی لکھی ہی کیا بیمار کی تقدیر میں

بات کر میری لحد پر غیر ہی سے بات کر

یہ سنا ہے پھول جھڑتے ہیں تری تقریر میں

سیکھ اب میری نظر سے حسن کی زیبائشیں

سینکڑوں رنگینیاں بھر دیں تری تصویر میں

پاسِ آدابِ اسیری تیرے دیوانے کو ہے

ورنہ یہ زنجیر کچھ زنجیر ہے زنجیر میں

ڈھونڈتا پھرتا ہوں ان کو وہ قمر ملتے نہیں

شام کی رنگینیوں میں، صبح کی تنویر میں

قمر جلالوی

رونقِ گل ہے وہیں تک کہ رہے خاروں میں

اکتوبر 25, 2015قمر جلالوی،شعراء،غزلگاروں،پاروں،بیماروں،بازاروں،تلواروں،تاروں،خاروںadmin

قمر جلالوی ۔ غزل نمبر 65

بیٹھیے شوق سے دشمن کی طرف داروں میں

رونقِ گل ہے وہیں تک کہ رہے خاروں میں

آنکھ نرگس سے لڑاتے ہو جو گلزاروں میں

کیوں لیئے پھرتے ہو بیمار کو بیماروں میں

عشق نے قدر کی نظروں سے نہ جب تک دیکھا

حسن بکتا ہی پھرا مصر کے بازاروں میں

دل کی ہمت ہے جو ہے جنبشِ ابرو پہ نثار

ورنہ کون آتا ہے چلتی ہوئی تلواروں میں

جو پر رحمتِ معبود جو دیکھی سرِ حشر

آملے حضرتِ واعظ بھی گنہ گاروں میں

جب وہ آتے ہیں تو مدھم سے پڑ جاتے ہیں چراغ

چاند سی روشنی ہو جاتی ہے کم تاروں میں

وہ بھی کیا دن تھے کہ قسمت کا ستارہ تھا بلند

اے قمر رات گزر جاتی تھی مہ پاروں میں

قمر جلالوی

اگر گریباں پہ ہاتھ جاتا تمھیں سناتے ہزار باتیں

اکتوبر 25, 2015قمر جلالوی،شعراء،غزلہزار،چار،یار،گوارadmin

قمر جلالوی ۔ غزل نمبر 64

تمھاری رسوائیوں کے ڈر سے نہ کیں جنوں آشکار باتیں

اگر گریباں پہ ہاتھ جاتا تمھیں سناتے ہزار باتیں

مری محبت سے جلنے والے لگاتے ہیں دو چار باتیں

یقین کس کس کا تم کرو گے ہزار منہ ہیں ہزار باتیں

شراب منہ تک رہی ہے تیرا، نہ شیخ کرنا گوار باتیں

کوئی قیامت ابھی رکھی ہے یہ چھوڑ دے میرے یار باتیں

یہ بات دیگر ہے شکوہ ہائے ستم پر تم مسکرا رہے ہو

مگر نگاہیں بتا رہیں ہیں کہ ہو گئیں نا گوار باتیں

قمر شبِ انتظار ہم نے سحرا انھیں وحشتوں میں کر دی

کبھی چراغوں سے چار باتیں کبھی ستاروں سے چار باتیں

قمر جلالوی

وسعتیں ایک ایک ذرے کی بیاباں ہو گئیں

اکتوبر 25, 2015قمر جلالوی،شعراء،غزلہجراں،نمایا،کلیں،گلستاں،پنہاں،پیکاں،آساں،ارماں،بیاباں،جاںadmin

قمر جلالوی ۔ غزل نمبر 63

منزلیں غربت میں مجھ کو آفتِ جاں ہو گئیں

وسعتیں ایک ایک ذرے کی بیاباں ہو گئیں

چارہ گر کیونکر نکالے دل میں پنہاں ہو گئیں

ٹوٹ کر نوکیں ترے تیروں کی ارماں ہو گئیں

کیا کروں جو آہیں رسوائی کا ساماں ہو گئیں

مشکلیں ایسی مجھے کیوں دیں جو آساں ہو گئیں

ہم نفس صیاد کی عادت کو میں سمجھتا نہ تھا

بھول کر نظریں مری سوئے گلستاں ہو گئیں

آشیاں اپنا اٹھاتے ہیں سلام اے باغباں

بجلیاں اب دشمنِ جانِ گلستاں ہو گئیں

میری حسرت کی نظر سے رازِ الفت کھل گیا

آرزوئیں اشک بن بن کر نمایا ہو گئیں

کیا نہیں معلوم کون آیا عیادت کے لئے

اسی بند آنکھیں تری بیمارِ ہجراں ہو گئیں

بلبلِ ناشاد ہی منحوس نالے بند کر

پھول غارت ہو گئے برباد کلیں ہو گئیں

وہ اٹھی عاشق کی میت لے مبارک ہو تجھے

اب تو پوری حسرتیں او دشمنِ جاں ہو گئیں

کائناتِ دل ہی کیا تھی چار بوندیں خون کی

دو غذائے غم ہوئیں دو نذرِ پیکاں ہو گئیں

آسماں پر ڈھونڈتا ہوں ان دعاؤں کو قمر

صبح کو جو ڈوبتے تاروں میں پنہاں ہو گئیں

قمر جلالوی

حسن اتنا سوچ لے دو بیکسوں کی یاد ہوں

اکتوبر 25, 2015قمر جلالوی،شعراء،غزلفریاد،ناشاد،یاد،آباد،آزاد،بہزاد،برباد،زاد،صیادadmin

قمر جلالوی ۔ غزل نمبر 62

ہم خیالِ قیس ہوں ہم مشربِ فرہاد ہوں

حسن اتنا سوچ لے دو بیکسوں کی یاد ہوں

پاشکستہ، دل حزیں، شوریدہ سر، برباد ہوں

سر سے لے کر پاؤں تک فریاد ہی فریاد ہوں

حالِ گلشن کیا ہے اے نوواردِ کنجِ قفس

میں مدت سے اسیرِ خانۂ صیاد ہوں

خیریت سن لی گل و غنچے کی لیکن اے صبا

یاد ہیں مجھ کو تو سب میں بھی کسی کو یاد ہوں

تم سرِ محفل جو چھیڑو گے مجھے پچھتاؤ گے

جس کو سن سکتا نہیں کوئی میں وہ فریاد ہوں

تجھ سے میں واقف تو تھا گندم نما اوجَو فروش

فطرتاً کھانا پڑا دھکا کہ آدم زاد ہوں

گُلشنِ عالم میں اپنوں وے تو اچھے غیر ہیں

پھول ہیں بھولے، ہوئے کانٹوں کو لیکن یاد ہوں

قید میں صیاد کی پھر بھی ہیں نغمے رات دن

اس قدر پابندیوں پر کس قدر آزاد ہوں

بولنے کی دیر ہے میری ہر اک تصویر ہیں

میں زمانے کا ہوں مانی وقت کا بہزاد ہوں

صفحۂ ہستی سے کیا دنیا مٹائے گی مجھے

میں کوئے نقش و نگار مانی و بہزاد ہوں

فصلِ گل آنے کی کیا خوشیاں نشیمن جب نہ ہو

باغ کا مالک ہوں لیکن خانماں برباد ہوں

میں نے دانستہ چھپائے تھے ترے جور و ستم

تو نے یہ سمجھا کہ میں نا واقفِ فریاد ہوں

کیا پتہ پوچھو ہو میرا نام روشن ہے قمر

جس جگہ تاروں کی بستی ہے وہاں آباد ہوں

تم نے دیکھا تھا قمر کو بزم میں وقتِ سحر

جس کا منہ اترا ہوا تھا میں وہی ناشاد ہوں

قمر جلالوی

خدا رکھے تجھے قاتل رہے دنیا میں تو برسوں

اکتوبر 25, 2015قمر جلالوی،شعراء،غزلوضو،آرزو،بو،تو،جستجو،رفوadmin

قمر جلالوی ۔ غزل نمبر 61

نہ طے کرتا تو رہتا قصۂ تیغوں گلوں برسوں

خدا رکھے تجھے قاتل رہے دنیا میں تو برسوں

خدا کی شان واعظ بھی ہجوِئے مئے کرے مجھ سے

کہ جس نے ایک اک ساغر پہ توڑا ہے وضو برسوں

بہارِ گل میں نکلے خوب ارماں دشتِ وحشت کے

رفو گر نے کیا دامن کی کلیوں پر رفو برسوں

قفس کی راحتوں نے یاد گلشن کی بھلا ڈالی

نہ کی صیاد کے گھر آشیاں کی آرزو برسوں

قفس میں خواب جب دیکھ کوئی دیکھا بہاروں کا

دماغِ اہلِ گلشن میں رہی گلشن کی بو برسوں

قمر یہ کیا خبر تھی وہ ہمارے دل میں رہتے ہیں

رہی جن کے لیئے دیر و حرم میں جستجو برسوں

قمر جلالوی

نہ جانے چھوڑ دے مجھ کو مری حیات کہاں

اکتوبر 25, 2015قمر جلالوی،شعراء،غزلکائنات،بات،تعلقات،حیات،راتadmin

قمر جلالوی ۔ غزل نمبر 60

میں ڈھونڈ لوں تجھے میری بس کی بات کہاں

نہ جانے چھوڑ دے مجھ کو مری حیات کہاں

قفس میں یاد نہ کر آشیاں کی آزادی

وہ اپنا گھر تھا یہاں اپنے گھر کی بات کہاں

شباب آنے سے تجھ سے عبث امیدِ وفا

رہے گی تیرے زمانے میں کائنات کہاں

تلاش کرنے کو آئے گا کون صحرا میں

مرے جنوں کے ہیں ایسے تعلقات کہاں

قمر وہ رات کو بہرِ عیادت آئیں گے

مگر مریض کی قسمت میں آج، رات کہاں

قمر جلالوی

شہر تو شہر بدل جائیں گے ویرانے تک

اکتوبر 25, 2015قمر جلالوی،شعراء،غزلمیخانے،ویرانے،پیمانے،آنے،افسانے،جانےadmin

قمر جلالوی ۔ غزل نمبر 59

ہم کو ہم خاک نشینوں کا خیال آنے تک

شہر تو شہر بدل جائیں گے ویرانے تک

دیکھیے محفلِ ساقی کا نتیجہ کیا ہوا

بات شیشے کی پہنچنے لگی پیمانے تک

صبح ہوئی نہیں اے عشق یہ کیسی شب ہے

قیس و فرہاد کے دہرا لئے افسانے تک

پھر نہ طوفان اٹھیں گے نہ گرے گی بجلی

یہ حوادث ہیں غریبوں ہی کے مٹ جانے تک

میں نے ہر چند بلا ٹالنی چآ ہی لیکن

شیخ نے ساتھ نہ چھوڑا مرا میخانے تک

وہ بھی کیا دن تھے گھر سے کہیں جاتے ہی نہ تھے

اور گئے بھی تو فقط شام کو میخانے تک

میں وہاں کیسے حقیقت کو سلامت رکھوں

جس جگہ رد و بدل ہو گئے افسانے تک

باغباں فصلِ بہار آنے کا وعدہ تو قبول

اور اگر ہم نے رہے فصلِ بہار آنے تک

اور تو کیا کہیں اے شیخ تری ہمت پر

کوئی کافر ہی گیا ہو ترے میخانے تک

اے قمر شام کا وعدہ ہے وہ آتے ہوں گے

شام کہلاتی ہے تاروں کے نکل آنے تک

قمر جلالوی

نغمہ ہو جاتا ہے بے کیف اگر ساز نہ ہو

اکتوبر 25, 2015قمر جلالوی،شعراء،غزلآواز،آغاز،انداز،باز،راز،سازadmin

قمر جلالوی ۔ غزل نمبر 58

آہ کیا دل کے دھڑکنے کی جو آواز نہ ہو

نغمہ ہو جاتا ہے بے کیف اگر ساز نہ ہو

میں نے منزل کے لیے راہ بدل دی ورنہ

روک لے دیر جو کعبہ خلل انداز نہ ہو

مرتے مرتے بھی کہا کچھ نہ مریض غم نے

پاس یہ تھا کہ مسیحا کا عیاں راز نہ ہو

ساقیا جام ہے ٹوٹے گا صدا آئے گی

یہ مرا دل تو نہیں ہے کہ جو آواز نہ ہو

اے دعائے دلِ مجبور وہاں جا تو سہی

لوٹ آنا درِ مقبول اگر باز نہ ہو

کیا ہو انجامِ شب ہجر خدا ہی جانے

اے قمر شام سے تاروں کا جو آغاز نہ ہو

قمر جلالوی

اے نا خدا کہیں یہ فریبِ نظر نہ ہو

اکتوبر 25, 2015قمر جلالوی،شعراء،غزلنظر،گھرadmin

قمر جلالوی ۔ غزل نمبر 57

ممکن ہے کوئی موج ہو ساحل ادھر نہ ہو

اے نا خدا کہیں یہ فریبِ نظر نہ ہو

یہ تو نہیں آہ میں کچھ بھی اثر نہ ہو

ممکن آج رات کوئی اپنے گھر نہ ہو

تاروں کی سیر دیکھ رہے ہیں نقاب سے

ڈر بھی رہے ہیں مجھ پہ قمر کی نظر نہ ہو

قمر جلالوی

تو اے بتِ کافر نہ خدا ہے نہ خدا ہو

اکتوبر 25, 2015قمر جلالوی،شعراء،غزلہوا،نا،وفا،کھلا،اٹھا،بھلا،برا،خدا،دوا،رہا،صداadmin

قمر جلالوی ۔ غزل نمبر 56

سجدے ترے کہنے سے میں کر لوں بھی تو کیا ہو

تو اے بتِ کافر نہ خدا ہے نہ خدا ہو

غنچے کے چٹکنے پہ نہ گلشن میں خفا ہو

ممکن ہے کسی ٹوٹے ہوئے دل کی صدا ہو

کھا اس کی قسم جو نہ تجھے دیکھ چکا ہو

تیرے تو فرشتوں سے بھی وعدہ نہ وفا ہو

انسان کسی فطرت پہ تو قائم ہو کم از کم

اچھا ہو تو اچھا ہو برا ہو تو برا ہو

اس حشر میں کچھ داد نہ فریاد کسی کی

جو حشر کے ظالم ترے کوچے سے اٹھا ہو

اترا کہ یہ رفتارِ جوانی نہیں اچھی

چال ایسی چلا کرتے ہیں جیسے کہ ہوا ہو

میخانے میں جب ہم سے فقیروں کو نہ پوچھا

یہ کہتے ہوئے چل دیئے ساقی کا بھلا ہو

اللہ رے او دشمنِ اظہارِ محبت

وہ درد دیا ہے جو کسی سے نہ دوا ہو

تنہا وہ مری قبر پہ ہیں چاکِ گریباں

جیسے کسی صحرا میں کوئی پھول کھلا ہو

منصور سے کہتی ہے یہی دارِ محبت

اس کی یہ سزا ہے جو گنہگارِ وفا ہو

جب لطف ہو اللہ ستم والوں سے پوچھے

تو یاس کی نظروں سے مجھے دیکھ رہا ہو

فرماتے ہیں وہ سن کے شبِ غم کی شکایت

کس نے یہ کہا تھا کہ قمر تم ہمیں چا ہو

قمر جلالوی

ظالم تری لگائی ہوئی کو بجھائے کون

اکتوبر 25, 2015قمر جلالوی،شعراء،غزلاٹھائے،بجھائے،جائے،سنائےadmin

قمر جلالوی ۔ غزل نمبر 55

سوزِ غمِ فراق سے دل کو بچائے کون

ظالم تری لگائی ہوئی کو بجھائے کون

مٹی مریضِ غم کی ٹھکانے لگائے کون

دنیا تو ان کے ساتھ ہے میت اٹھائے کون

تیور چڑھا کے پوچھ رہے ہیں وہ حالِ دل

رودادِ غم تو یاد ہے لیکن سنائے کون

ہم آج کہہ رہے ہیں یہاں داستانِ قیس

کل دیکھئے ہمارا فسانہ سنائے کون

اے ناخدا، خدا پہ مجھے چھوڑ کر تو دیکھ

ساحل پہ کون جا کے لگے ڈوب جائے کون

رسوا کرے گی دیکھ کے دنیا مجھے قمر

اس چاندنی میں ان کو بلانے کو جائے کون

قمر جلالوی

جاؤ بس اب مل چکے کشتی سے تم ساحل سے ہم

اکتوبر 25, 2015قمر جلالوی،شعراء،غزلمنزل،محفل،مشکل،دل،ساحلadmin

قمر جلالوی ۔ غزل نمبر 54

چھوٹ سکتے ہیں نہیں طوفاں کی شکل سے ہم

جاؤ بس اب مل چکے کشتی سے تم ساحل سے ہم

جا رہے ہیں راہ میں کہتے ہوئے یوں دل سے ہم

تو نہ رہ جانا کہیں اٹھیں اگر محفل سے ہم

وہ سبق آئیں ہیں لے کر اضطرابِ دل سے ہم

یاد رکھیں گے کہ اٹھتے تھے تری محفل سے ہم

اب نہ آوازِ جرس ہے اور نہ گردِ کارواں

یا تو منزل رہ گئی یا رہ گئے منزل سے ہم

روکتا تھا نا خدا کشتی کہ طوفاں آگیا

تم جہاں پر ہو بس اتنی دور تھے ساحل سے ہم

شکریہ اے قمر تک پہنچانے والو شکریہ

اب اکیلے ہی چلے جائیں گے اس منزل سے ہم

لاکھ کوشش کی مگر پھر بھی نکل کر ہی رہے

گھر سے یوسفؑ خلد سے آدمؑ تری محفل سے ہم

ڈب جانے کی خبر لائی تھیں موجیں تم نہ تھے

یہ گوآ ہی بھی دلا دیں گے لبِ ساحل سے ہم

شام کی باتیں سحر تک خواب میں دیکھا کیے

جیسے سچ مچ اٹھ رہے ہیں آپ کی محفل سے ہم

کیسی دریا کی شکایت کیسا طوفاں گلہ

اپنی کشتی آپ لے کر آئے تھے ساحل سے ہم

جور میں رازِ کرم طرزِ کرم میں رازِ جور

آپ کی نظروں کو سمجھے ہیں بڑی مشکل سے ہم

وہ نہیں تو اے قمر ان کی نشانی ہی سہی

داغِ فرقت کو لگائے پھر رہے ہیں دل سے ہم

قمر جلالوی

راہبر تو لوٹ لے شکوہ کریں منزل سے ہم

اکتوبر 25, 2015قمر جلالوی،شعراء،غزلقاتل،منزل،محفل،مشکل،دل،ساحلadmin

قمر جلالوی ۔ غزل نمبر 53

متفق کیونکر ہوں ایسے مشورے پر دل سے ہم

راہبر تو لوٹ لے شکوہ کریں منزل سے ہم

راہبر کا ہو بھلا پہلے ہی گھر لٹو دئیے

لوٹ کر جائیں تو جائیں بھی کہاں منزل سے ہم

شمع گل کر دینے والے ہو گئی روشن یہ بات

ٹھوکریں کھاتے ہوئے نکلیں تری محفل سے ہم

ہم کو دریا برد کرنے والے وہ دن یاد کر

تجھ کو طوفاں میں بچانے آئے تھے ساحل سے ہم

یہ نہیں کہتے کہ دولت رات میں لٹ جائے گی

ہم پہ احساں ہے کہ سوتے ہیں بڑی مشکل سے ہم

ہی نہ کہئیے غم ہوا کشتی کا یوں فرمائیے

اک تماشہ تھا جسے دیکھا کیے ساحل سے ہم

اب تو قتلِ عام اس صورت سے روکا جائے گا

بڑھ کے خنجر چھین کیں گے پنجۂ قاتل سے ہم

رسمِ حسن و عشق میں ہوتی ہیں کیا پابندیاں

آپ پوچھیں شمع سے پروانۂ محفل سے ہم

کس خطا پر خوں کیئے اے مالکِ روزِ جزا

تو اگر کہہ دے تو اتنا پوچھ لیں قاتل سے ہم

موجِ طوفاں سے بچا لانے پہ اتنا خوش نہ ہو

اور اگر اے ناخدا ٹکرا گئے ساحل سے ہم

نام تو اپنا چھپا سکتے ہیں لیکن کیا کریں

اے قمر مجبور ہو جاتے ہیں داغِ دل سے ہم

قمر جلالوی

ساقیا راس آ گئے ہیں تیرے میخانے کو ہم

اکتوبر 25, 2015قمر جلالوی،شعراء،غزللانے،میخانے،پروانے،جانے،خانے،سلجھانے،سمجھانے،شرمانےadmin

قمر جلالوی ۔ غزل نمبر 52

دیکھتے ہیں رقص میں دن رات پیمانے کو ہم

ساقیا راس آ گئے ہیں تیرے میخانے کو ہم

لے کے اپنے ساتھ اک خاموش دیوانے کو ہم

جا رہے ہیں حضرتِ ناصح کو سمجھانے کو ہم

یاد رکھیں گے تمھاری بزم میں آنے کو ہم

بیٹھنے کے واسطے اغیار اٹھ جانے کو ہم

حسن مجبورِ ستم ہے عشق مجبورِ وفا

شمع کو سمجھائیں یا سمجھائیں پروانے کو ہم

رکھ کے تنکے ڈر رہے ہیں کیا کہے گا باغباں

دیکھتے ہیں آشیاں کی شاخ جھک جانے کو ہم

الجھنیں طولِ شبِ فرقت کی آگے آ گئیں

جب کبھی بیٹھے کسی کی زلف سلجھانے کو ہم

راستے میں رات کو مڈ بھیڑ ساقی کچھ نا پوچھ

مڑ رہے تھے شیخ جی مسجد کو بت خانے کو ہم

شیخ جی ہوتا ہے اپنا کام اپنے ہاتھ سے

اپنی مسجد کو سنبھالیں آپ بت خانے کو ہم

دو گھڑی کے واسطے تکلیف غیروں کو نہ دے

خود ہی بیٹھے ہیں تری محفل سے اٹھ جانے کو ہم

آپ قاتل سے مسیحا بن گئے اچھا ہوا

ورنہ اپنی زندگی سمجھے تھے مر جانے کو ہم

سن کہ شکوہ حشر میں کہتے ہوئے شرماتے نہیں

تم ستم کرتے پھرو دنیا پہ شرمانے کو ہم

اے قمر ڈر تو یہ اغیار دیکھیں گے انھیں

چاندنی شب میں بلا لائیں بلا لانے کو ہم

قمر جلالوی

اپنی توبہ توڑ دیں یا توڑ دیں پیمانہ ہم

اکتوبر 25, 2015قمر جلالوی،شعراء،غزلپیمانہ،افسانہ،خانہ،روزانہadmin

قمر جلالوی ۔ غزل نمبر 51

کچھ تو کہہ دے کیا کریں اے ساقیِ مے خانہ ہم

اپنی توبہ توڑ دیں یا توڑ دیں پیمانہ ہم

دل عجب شے ہے یہ پھر کہتے ہیں آزادانہ ہم

چاہے جب کعبہ بنا لیں چاہے جب بت خانہ ہم

داستانِ غم پہ وہ کہتے ہیں یوں ہے یوں نہیں

بھول جاتے ہیں جو دانستہ کہیں افسانہ ہم

اپنے در سے آ جائے ساقی ہمیں خالی نہ پھیر

مے کدے کی خیر ہو آتے نہیں روزانہ ہم

مسکرا دیتا ہے ہر تارا ہماری یاد پر

بھول جاتے ہیں قمر اپنا اگر افسانہ ہم

قمر جلالوی

شمع رو دے گی مگر نہ لے گی پروانے کا نام

اکتوبر 25, 2015قمر جلالوی،شعراء،غزلویرانے،پیمانے،پروانے،آنے،جانے،دفنانےadmin

قمر جلالوی ۔ غزل نمبر 50

حسن سے رسوا نہ ہو گا اپنے دیوانے کا نام

شمع رو دے گی مگر نہ لے گی پروانے کا نام

ہو گئی توبہ کو اک مدت کسے اب یاد ہے

اصطلاحاً ہم نے کیا رکھا تھا پیمانے کا نام

میتِ پروانہ بے گور و کفن دیکھا کئے

اہلِ محفل نے لیا لیکن نہ دفنانے کا نام

یہ بھی ہے کوئی عیادت دو گھڑی بیٹھے نہ وہ

حال پوچھا چل دیے گھر کر گئے آنے کا نام

لاکھ دیوانے کھلائیں گل چمن کہہ دے گا کون

عارضی پھولوں سے بدلے گا نہ ویرانے کا نام

ان کو کوسے دے رہے، ہو خود، ہیں جو جینے سے تنگ

زندگی رکھا ہے جن لوگوں نے مر جانے کا نام

اِس ہوا میں قوتِ پرواز سے آگے نہ بڑھ

ہے قفس آزادیوں کی حد گزر جانے کا نام

قمر جلالوی

بند ہوتا نہیں کھل کر کبھی دروازۂ گل

اکتوبر 25, 2015قمر جلالوی،شعراء،غزلآوازۂ،خمیازۂ،دروازۂ،شیرازۂ،غازۂadmin

قمر جلالوی ۔ غزل نمبر 49

ہے سخاوت میں مجھے اتنا اندازۂ گل

بند ہوتا نہیں کھل کر کبھی دروازۂ گل

برق پر پھول پنسے برق نشیمن پہ گری

میرے تنکوں کو بھگتنا پڑا خمیازۂ گل

خیر گلشن میں اڑا تھا مری وحشت کا مذاق

اب وہ آوازۂ بلبل ہو کہ آوازۂ گل

کوششیں کرتی ہوئی پھرتی گلشن میں نسیم

جمع ہوتا نہیں بھکرا ہو شیرازۂ گل

اے صبا کس کی یہ سازش تھی کہ نکہت نکلی

تو نے کھولا تھا کہ خود کھل گیا دروازۂ گل

زینتِ گل ہے قمر ان کی صبا رفتاری

پاؤ سے گر اڑی بھی تو بنی غازۂ گل

قمر جلالوی

اے سرو آ تجھے بھی دلا دوں ہزار پھول

اکتوبر 25, 2015قمر جلالوی،شعراء،غزلہزار،قرار،مزار،چار،پروردگار،انتظار،دھار،شمارadmin

قمر جلالوی ۔ غزل نمبر 48

سب نے کیے ہیں باغ میں ان پر نثار پھول

اے سرو آ تجھے بھی دلا دوں ہزار پھول

لاتا نہیں کوئی مری تربت پہ چار پھول

نا پیدا ایسے ہو گئے پروردگار پھول

جاتی نہیں شباب میں بھی کم سِنی کی بو

ہاروں میں ان کے چار ہیں کلیاں تو چار پھول

کب حلق کٹ گیا مجھے معلوم بھی نہیں

قاتل کچھ ایسی ہو گئے خنجر کی دھار پھول

یہ ہو نہ ہو مزار کسی مضطرب کا ہے

جب سے چڑھے ہیں قبر پہ ہیں بے قرار پھول

یا رب یہ ہار ٹوٹ گیا کس کا راہ میں

اڑ اڑ کے آ رہے ہیں جو سوئے مزار پھول

او محوِ بزمِ غیر تجھے کچھ خبر بھی ہے

گلشن میں کر رہے ہیں ترا انتظار پھول

اتنے ہوئے ہیں جمع مری قبر پر قمر

تاروں کی طرح ہو نہیں سکتے شمار پھول

قمر جلالوی

کہ جس طرح کسی کافر کو ہو اذاں سے گریز

اکتوبر 25, 2015قمر جلالوی،شعراء،غزلمکاں،گلستاں،آسماں،آستاں،آشیاں،اذاں،دشمناںadmin

قمر جلالوی ۔ غزل نمبر 47

خدا کی شان تجھے یوں مری فغاں سے گریز

کہ جس طرح کسی کافر کو ہو اذاں سے گریز

وہ چاہے سجدہ کیا ہو نہ دیر و کعبہ میں

مگر ہوا نہ کبھی تیرے آستاں سے گریز

دلِ شکستہ سے جا رہی ہے ان کی یاد

مکیں کو جیسے ہو ٹوٹے ہوئے مکاں سے گریز

جہاں بھی چاہیں وہاں شوق سے شریک ہوں آپ

مگر حضور ذرا بزمِ دشمناں سے گریز

کچھ اس میں سازشِ بادِ خلاف تھی ورنہ

مرے ریاض کے تنکے اور آشیاں سے گریز

خطا معاف وہ دیوانگی کا عالم تھا

جسے حور سمجھتے ہیں آستاں سے گریز

خطا بہار میں کچھ باغباں کی ہو تو کہوں

مرے نصیب میں لکھا تھا گلستاں سے گریز

جہاں وہ چاہیں قمر شوق سے ہمیں رکھیں

زمیں سے ہم کو گریز اور نہ آسماں سے گریز

قمر جلالوی

حال تھا جو حضرتِ آدم کا جنت کے بغیر

اکتوبر 25, 2015قمر جلالوی،شعراء،غزلقیامت،محبت،مصیبت،اجازت،اذیت،جنت،حفاظت،سلامتadmin

قمر جلالوی ۔ غزل نمبر 46

اب وہ عالم ہے مرا اس بزمِ عشرت کے بغیر

حال تھا جو حضرتِ آدم کا جنت کے بغیر

اصل کی امید ہے بے کار فرقت کے بغیر

آدم راحت نہیں پاتا مصیبت کے بغیر

مجھ کو شکوہ ہے ستم کا تم کو انکارِ ستم

فیصلہ یہ ہو نہیں سکتا قیامت کے بغیر

دے دعا مجھ کو کہ تیرا نام دنیا بھر میں ہے

حسن کی شہرت نہیں ہوتی محبت کے بغیر

حضرتِ ناصح بجا ارشاد، گستاخی معاف

آپ سمجھاتے تو ہیں لیکن محبت کے بغیر

یہ سمجھ کر دل میں رکھا ہے تمھارے تیر کو

کوئی شے قائم نہیں رہتی حفاظت کے بغیر

راستے میں وہ اگر مل بھی گئے تقدیر سے

ل دیے منہ پھیر کر صاحب سلامت کے بغیر

سن رہا ہوں طعنہ اخیار لیکن کیا کروں

میں تری محفل میں آیا ہوں اجازت کے بغیر

دل ہی پر موقوف کیا او نا شناسِ دردِ دل!

کوئی بھی تڑپا نہیں کرتا اذیت کے بغیر

قمر جلالوی

کہ ایسی بھیڑ میں جاؤ گے پیشِ حق کہاں ہو کر

اکتوبر 25, 2015قمر جلالوی،شعراء،غزلکہاں،بیڑیاں،برچھیاں،جہاں،جواں،دھجیاںadmin

قمر جلالوی ۔ غزل نمبر 45

یہ کہہ کر حشر میں وہ رو دیا کچھ بد گماں ہو کر

کہ ایسی بھیڑ میں جاؤ گے پیشِ حق کہاں ہو کر

یہ بچپن ہے جو پیش آتے ہو مجھ سے مہرباں ہو کر

نگاہیں کہہ رہیں ہیں آنکھ بدلو گے جواں ہو کر

کیا دستِ جنوں کو پیرہن نے جا بجا رسوا

گلی کوچوں میں دامن اڑ رہے ہیں دھجیاں ہو کر

چلا تھا توڑ کر زنجیر کو جب تیرا سودائی

خیالِ حلقۂ گیسو نے روکا بیڑیاں ہو کر

خدا رکھے تمھیں رنگِ حنا سے اتنا ڈرتے ہو

ابھی تو سینکڑوں کے خوں بہانے ہیں جواں ہو کر

خرامِ راز میں پنہاں نہ جانے کیسے محشر ہیں

وہیں اِک حشر ہوتا ہے نکلتے ہوں جہاں ہو کر

پریشاں بال، آنسو آنکھ میں، اتری ہوئی صورت

نصیبِ دشمناں ایسے میں آئے ہو کہاں ہو کر

قمر دل کو بچا کر لے گئے تھے تیر مژگاں سے

مگر ترچھی نگاہیں کام آئیں برچھیاں ہو کر

قمر جلالوی

میں تو تہِ مزار ہوں تم تو ہو مزار پر

اکتوبر 25, 2015قمر جلالوی،شعراء،غزلقرار،مزار،بہار،بار،تار،شکارadmin

قمر جلالوی ۔ غزل نمبر 44

کیونکر رکھو گے ہاتھ دلِ بے قرار پر

میں تو تہِ مزار ہوں تم تو ہو مزار پر

یہ دیکھنے، قفس میں بنی کیا ہزار پر

نکہت چلی ہے دوشِ نسیم بہار پر

گر یہ ہی جور و ظلم رہے خاکسار پر

منہ ڈھک کے روئے گا تو کسی دن مزار پر

ابرو چڑھے ہوئے ہیں دلِ بے قرار پر

دو دو کھنچی ہوئی ہیں کمانیں شکار پر

رہ رہ گئی ہیں ضعف سے وحشت میں حسرتیں

رک رک گیا ہے دستِ جنوں تار تار پر

شاید چمن میں فصلِ بہاری قریب ہے

گرتے ہیں بازوؤں سے مرے بار بار پر

یاد آئے تم کو اور پھر آئے مری وفا

تم آؤ رونے اور پھر آؤ مزار پر

کس نے کئے یہ جور، حضور آپ نے کئے

کس پر ہوئے یہ جور، دلِ بے قرار پر

سمجھا تھا اے قمر یہ تجلی انھیں کی ہے

میں چونک اٹھا جو چاندنی آئی مزار پر

قمر جلالوی

خس کم جہاں پاک غمِ آشیاں سے دور

اکتوبر 25, 2015قمر جلالوی،شعراء،غزلمکاں،وہاں،کہاں،کماں،کارواں،گلستاں،آسماں،آستاں،آشیاں،باغباں،زباںadmin

قمر جلالوی ۔ غزل نمبر 43

فکریں تمام ہو گئیں برقِ تپاں سے دور

خس کم جہاں پاک غمِ آشیاں سے دور

مژگاں کہاں ہیں ابروئے چشمِ بتاں سے دور

یہ تیر وہ ہیں جو نہیں ہوتے کماں سے دور

یادِ شباب یوں ہے دلِ ناتواں سے دور

جیسے کوئی غریب مسافر مکاں سے دور

دیر و حرم میں شیخ و برہمن سے پوچھ لے

سجدے اگر کئے ہوں ترے آستاں سے دور

اٹھ اٹھ کے دیکھتا ہوں کسے راہ میں غبار

کوئی شکستہ پا تو نہیں کارواں سے دور

جب گھر سے چل کھڑے ہوئے پھر پوچھنا ہی کیا

منزل کہاں ہے پاس پڑے گی کہاں سے دور

ہو جاؤ آج کل کے وعدے سے منحرف

یہ بھی نہیں حضور تمھاری زباں سے دور

خوشبو کا ساتھ چھٹ نہ سکا تا حیات گل

لے بھی گئی شمیم تو کیا گلستاں سے دور

شعلے نظر نہ آئے یہ کہنے کی بات ہے

اتنا تو آشیانہ تھا باغباں سے دور

دیر و حرم سے ان کا برابر ہے فاصلہ

جتنے یہاں سے دور ہیں اتنے وہاں سے دور

صیاد یہ جلے ہوئے تنکے کہاں ہیں

بجلی اگر گری ہے میرے آشیاں سے دور

مجھ پر ہی اے قمر نہیں پابندیِ فلک

تارے بھی جا سکے نہ حدِ آسماں سے دور

قمر جلالوی

پھر سوچ لو باقی تو نہیں کوئی ستم اور

اکتوبر 25, 2015قمر جلالوی،شعراء،غزلہم،قدم،قسم،کم،حرم،دم،رقم،ستمadmin

قمر جلالوی ۔ غزل نمبر 42

مجھ پر ہے یہ نزع کا عالم اور

پھر سوچ لو باقی تو نہیں کوئی ستم اور

ہے وعدہ خلافی کے علاوہ بھی ستم اور

گر تم نہ خفا ہو تو بتا دیں تمھیں ہم اور

یہ مئے ہے ذرا سوچ لے اے شیخِ حرم اور

تو پہلے پہل پیتا ہے کم اور ارے کم اور

وہ پوچھتے ہیں دیکھئے یہ طرفہ ستم اور

کس کس نے ستایا ہے تجھے ایک تو ہم اور

وہ دیکھ لو احباب لیے جاتے ہیں میت

لو کھاؤ مریضِ غم فرقت کی قسم اور

اب قبر بھی کیا دور ہے جاتے ہو جو واپس

جب اتنے چلے آئے ہو دو چار قدم اور

قاصد یہ جواب ان کا ہے کس طرح یقین ہو

تو اور بیاں کرتا ہے خط میں ہے رقم اور

موسیٰؑ سے ضرور آج کوئی بات ہوئی ہے

جاتے میں قدم اور تھے آتے میں قدم اور

تربت میں رکے ہیں کہ کمر سیدھی تو کر لیں

منزل ہے بہت دور کی لے لیں ذرا دم اور

یہ بات ابھی کل کی ہے جو کچھ تھے ہمیں تھے

اللہ تری شان کہ اب ہو گئے ہم اور

بے وقت عیادت کا نتیجہ یہی ہو گا

دوچار گھڑی کے لیے رک جائے گا دم اور

اچھا ہوا میں رک گیا آ کر تہِ تربت

پھر آگے قیامت تھی جو بڑھ جاتے قدم اور

ہوتا قمر کثرت و وحدت میں بڑا فرق

بت خانے بہت سے ہیں نہیں ہے تو حرم اور

قمر جلالوی

خدا کرے کے سمجھ لے مری زباں صیاد

اکتوبر 25, 2015قمر جلالوی،شعراء،غزلمہرباں،یہاں،کہاں،آسماں،داں،رائیگاں،زباںadmin

قمر جلالوی ۔ غزل نمبر 41

کہا تو ہے کہ قفس میں نہیں اماں صیاد

خدا کرے کے سمجھ لے مری زباں صیاد

قفس سے ہٹ کے ذرا سن مری فغاں صیاد

لرز رہی ہے ترے سامنے زباں صیاد

بہارِ گل میں مجھے تو کہیں چین نہیں

مرے خلاف وہاں باغباں یہاں صیاد

جو پر کتر دیے دنیا میں ہو گی رسوائی

پر اڑ کے جائیں گے جانے کہاں کہاں صیاد

قفس میں کانپ رہا ہوں کہیں فریب نہ ہو

بہارِ گل میں ہوا ہے جو مہرباں صیاد

میں کوئی دم کا ہوں مہمان تیلیاں نہ بدل

کہ جائے گی تری محنت یہ رائیگاں صیاد

تری نظر پہ ترانے تری نظر پہ فغاں

ملے گا تجھ کو نہ مجھ سا مزاج داں صیاد

جفائے چرخ پہ چھوڑا تھا آشیاں میں نے

ترے قفس میں بھی سر پہ ہے آسماں صیاد

قمر کی روشنی میں کیسے پھول کھلتے ہیں

مگر وہ چاندنی راتیں یہاں کہاں صیاد

قمر جلالوی

جب تم یہ کہو ہم کو نہیں عہدِ وفا یاد

اکتوبر 25, 2015قمر جلالوی،شعراء،غزلوفا،خدا،دواadmin

قمر جلالوی ۔ غزل نمبر 40

بس اتنا کہہ دو کہ دلائیں تمھیں کیا یاد

جب تم یہ کہو ہم کو نہیں عہدِ وفا یاد

بیمار تجھے نزؑ میں وہ بت ہی رہا یاد

کافر کو بھی آ جاتا ہے ایسے میں خدا یاد

جب تک رہا بیمار میں دم تم کو کیا یاد

تھی اور کسے دردِ محبت کی دوا یاد

قمر جلالوی

میرے آنے تک تھا سارا گلستاں اچھی طرح

اکتوبر 25, 2015قمر جلالوی،شعراء،غزلنشان،گلستاں،آسمان،آشیاں،باغباں،داستاںadmin

قمر جلالوی ۔ غزل نمبر 39

پھول سب اچھی طرح تھے باغباں اچھی طرح

میرے آنے تک تھا سارا گلستاں اچھی طرح

ان کے دھوکے میں نہ دے آنا کس ی دشمن کو خط

یاد کر نامہ بر نام و نشان اچھی طرح

کیا کہا یہ تو نے اے صیاد تنکا تک نہیں

چھوڑ کر آیا ہوں اپنا آشیاں اچھی طرح

پھر خدا جانے رہائی ہو قفس سے یا نہ ہو

دیکھ لوں صیاد اپنا آشیاں اچھی طرح

صبح کو آئی تھی گلشن میں دبے پاؤں نسیم

دیکھ لے نا غنچہ و گل باغباں اچھی طرح

دیکھیئے قسمت کہ ان کو شام سے نیند آ گئی

وہ نہ سننے پائیں میری داستاں اچھی طرح

دیکھ کر مجھ کو اتر آئے قمر وہ بام سے

دیکھنے پائیں نہ سیرِ آسمان اچھی طرح

قمر جلالوی

تم کہیں بھول نہ جاؤ مرے گھر کی صورت

اکتوبر 25, 2015قمر جلالوی،شعراء،غزلقمر،گھر،تر،ترےِدر،سفر،سحرadmin

قمر جلالوی ۔ غزل نمبر 38

دیکھو پھر دیکھ لو دیوار کی دَر کی صورت

تم کہیں بھول نہ جاؤ مرے گھر کی صورت

خیر ہو آپ کے بیمارِ شبِ فرقت کی

آج اتری نظر آتی ہے سحر کی صورت

اے کلی اپنی طرف دیکھ کہ خاموش ہے کیوں

کل کو ہو جائے گی تو بھی گلِ تر کی صورت

جام خالی ہوئے محفل میں ہمارے آگے

ہم بھرے بیٹھے رہے دیدۂ تر کی صورت

پوچھتا ہوں ترے حالات بتاتے ہی نہیں

غیر کہتے نہیں مجھ سے ترےِدر کی صورت

اس نے قدموں میں بھی رکھا سرِمحفل نہ ہمیں

جس کہ ہم ساتھ رہے گردِ سفر کی صورت

رات کی رات مجھے بزم میں رہنے دیجئے

آپ دیکھیں گے سحر کو نہ قمر کی صورت

قمر جلالوی

مدتیں گزریں نہیں آتے وہ چلمن کے قریب

اکتوبر 25, 2015قمر جلالوی،شعراء،غزلمدفن،چلمن،نشیمن،گلشن،دامنadmin

قمر جلالوی ۔ غزل نمبر 37

گر پڑی ہے جب سے بجلی دشتِ ایمن کے قریب

مدتیں گزریں نہیں آتے وہ چلمن کے قریب

میرا گھر جلنا لکھا تھا ورنہ تھی پھولوں پہ اداس

ہر طرف پانی ہی پانی تھا نشیمن کے قریب

اب سے ذرا فاصلے پر ہے حدِ دستِ جنوں

آ گیا چاکِ گریباں بڑھ کے دامن کے قریب

وہ تو یوں کہیئے سرِ محشر خیال آ ہی گیا

ہاتھ جا پہنچا تھا ورنہ ان کے دامن کے قریب

میں قفس سے چھٹ کے جب آیا تو اتنا فرق تھا

برق تھی گلشن کے اندر میں تھا گلشن کے قریب

کیا کہی گی اے قمر تاروں کی دنیا دیکھ کر

چاندنی شب میں وہ کیوں روتے ہیں مدفن کے قریب

قمر جلالوی

اک نشیمن تھا سو وہ بجلی کے کام آ ہی گیا

اکتوبر 25, 2015قمر جلالوی،شعراء،غزلمقام،نام،کام،پیام،انتظام،جام،شامadmin

قمر جلالوی ۔ غزل نمبر 36

اب مجھے دشمن سے کیا جب زیرِ دام آ ہی گیا

اک نشیمن تھا سو وہ بجلی کے کام آ ہی گیا

سن مآلِ سوزِ الفت جب یہ نام آ ہی گیا

شمع آخر جل بجھی پروانہ کام آ ہی گیا

طالبِ دیدار کا اصرار کام آ ہی گیا

سامنے کوئی بحسنِ انتظام آ ہی گیا

ہم نہ کہتے تھے کہ صبح شام کے وعدے نہ کر

اک مریضِ غم قریبِ صبح شام آ ہی گیا

کوششِ منزل سے تو اچھی رہی دیوانگی

چلتے پھرتے ان سے ملنے کا مقام آ ہی گیا

رازِ الفت مرنے والے نے چھپایا تو بہت

دم نکلتے وقت لب پر ان کا نام آ ہی گیا

کر دیا مشہور پردے میں تجھے زحمت نہ دی

آج کا ہونا ہمارا تیرے کام آ ہی گیا

جب اٹھا ساقی تو واعظ کی نہ کچھ بھی چل سکی

میری قسمت کی طرح گردش میں جام آ ہی گیا

حسن کو بھی عشق کی ضد رکھنی پڑتی ہے کبھی

طور پر موسیٰ سے ملنے کا پیام آ ہی گیا

دیر تک بابِ حرم پر رک کے اک مجبورِ عشق

سوئے بت خانہ خدا کا لے کے نام آ ہی گیا

رات بھر مانگی دعا ان کے نہ جانے کی قمر

صبح کا تارہ مگر لے کر پیام آ ہی گیا

قمر جلالوی

شمع روشن ہو گئی پھولوں کا ہار آ ہی گیا

اکتوبر 25, 2015قمر جلالوی،شعراء،غزلہار،کردگار،پیار،اختیار،اعتبار،بہار،دارadmin

قمر جلالوی ۔ غزل نمبر 35

تم چلے آئے تو رونق پر مزار آ ہی گیا

شمع روشن ہو گئی پھولوں کا ہار آ ہی گیا

ہم نہ کہتے تھے ہنسی میں غیر سے وعدہ نہ کر

دیکھنے والوں کو آخر اعتبار آ ہی گیا

کہتے تھے اہلِ قفس گلشن کا اب لیں گے نہ نام

باتوں باتوں میں مگر ذکرِ بہار آ ہی گیا

کتنا سمجھایا تھا تجھ کو دیکھ بڑھ جائے گی بات

فیصلہ آخر کو پیشِ کردگار آ ہی گیا

گو بظاہر میرے افسانے پہ وہ ہنستے رہے

آنکھ میں آنسو مگر بے اختیار آ ہی گیا

گو مری صورت سے نفرت تھی مگر مرنے کے بعد

جب مری تصویر دیکھی ان کو پیار آ ہی گیا

اے قمر قسمت چمک اٹھی اندھیری رات میں

چاندنی چھپتے ہی کوئی پردہ دار آ ہی گیا

قمر جلالوی

تھا کماں تک تیر دل میں آ کے ارماں ہو گیا

اکتوبر 25, 2015قمر جلالوی،شعراء،غزلمسلماں،گلستان،گلستاں،پریشاں،ارماںadmin

قمر جلالوی ۔ غزل نمبر 34

کیا سے کیا یہ او دشمن جاں تیرا پیکاں ہو گیا

تھا کماں تک تیر دل میں آ کے ارماں ہو گیا

باغباں کیوں سست ہے غنچہ و گل کی دعا

اک مرے جانے سے کیا خالی گلستان ہو گیا

کیا خبر تھی یہ بلائیں سامنے آ جائیں گی

میری شامت مائلِ زلفِ پریشاں ہو گیا

کچھ گلوں کو ہیں نہیں میری اسیری کا الم

سوکھ کر کانٹا ہر اک خارِ گلستاں ہو گیا

ہیں یہ بت خانے میں بیٹھا کر رہا کیا قمر

ہم تو سنتے تھے تجھے ظالم مسلماں ہو گیا

قمر جلالوی

وہ نہانے کیا چلے آئے تماشا ہو گیا

اکتوبر 25, 2015قمر جلالوی،شعراء،غزلکیا،تمنا،تماشا،تارا،دریا،سہارا،سویراadmin

قمر جلالوی ۔ غزل نمبر 33

پیشِ ساحل اِک ہجومِ موجِ دریا ہو گیا

وہ نہانے کیا چلے آئے تماشا ہو گیا

کاٹنی ہی کیا شبِ ہستی سَرائے دہر میں

اِک ذرا سی آنکھ جھپکائی سویرا ہو گیا

کچھ مری خاموشیاں ان کی سمجھ میں آ گئیں

کچھ میری آنکھوں سے اظہارِ تمنا ہو گیا

نزع کے عالم میں قاصد لے کے جب آیا جواب

ڈوبنے والوں کو تنکے کا سہارا ہو گیا

آپنے سر پر موجِ طوفاں بڑھا کہ لیتی ہے قدم

میرا بیڑا قابلِ تعظیمِ دریا ہو گیا

دیکھ لینا یہ ستم اک دن مٹا دیں گے مجھے

تم یہ کہتے ہوے رہ جاؤ گے کیا ہو گیا

ساحلِ امید وعدہ اب تو چھوڑو اے قمر

غرقِ بحرِ آسماں ایک ایک تارا ہو گیا

قمر جلالوی

اے بتِ خاموش کیا سچ مچ کا پتھر ہو گیا

اکتوبر 25, 2015قمر جلالوی،شعراء،غزلمیسر،گھر،پتھر،اکبر،برابر،خنجرadmin

قمر جلالوی ۔ غزل نمبر 32

اب تو منہ سے بول مجھ کو دیکھ دن بھر ہو گیا

اے بتِ خاموش کیا سچ مچ کا پتھر ہو گیا

اب تو چپ ہو باغ میں نالوں سے محشر ہو گیا

یہ بھی اے بلبل کوئی صیاد کا گھر ہو گیا

التماسِ قتل پر کہتے ہو فرصت ہی نہیں

اب تمہیں اتنا غرور اللہ اکبر ہو گیا

محفلِ دشمن میں جو گزری وہ میرے دل سے پوچھ

ہر اشارہ جنبشِ ابرو کا خنجر ہو گیا

آشیانے کا کیا بتائیں کیا پتہ خانہ بدوش

چار تنکے رکھ لئے جس شاخ پر گھر ہو گیا

حرس تو دیکھ فلک بھی مجھ پہ کرتا ہے ظلم

کوئی پوچھے تو بھی کیا ان کے برابر ہو گیا

سوختہ دل میں نہ ملتا تیر کا خوں اے قمر

یہ بھی کچھ مہماں کی قسمت سے میسر ہو گیا

قمر جلالوی

جامِ حیات ایک ہی قطرے میں بھر گیا

اکتوبر 25, 2015قمر جلالوی،شعراء،غزلپر،اتر،بھر،بدلadmin

قمر جلالوی ۔ غزل نمبر 31

آنسو کسی کا دیکھ کہ بیمار مر گیا

جامِ حیات ایک ہی قطرے میں بھر گیا

چھوڑو وفا کا نام وفادار مر گیا

تم جس ہوا میں ہو وہ زمانہ بدل گیا

صیاد دیکھ لی کششِ موش بہار کی

اڑ اڑ کے باغ میں مرا ایک ایک پر گیا

دیکھا نہ تم نے آنک اٹھا کر بزم میں

آنسو تو میں نے تھا نظر سے اتر گیا

وقت آگیا ہے یار کے وعدے کا اے قمر

دیکھو وہ آسمان ستاروں سے بھر گیا

قمر جلالوی

سوچتا ہوں کون کون آیا گیا

اکتوبر 25, 2015قمر جلالوی،شعراء،غزلآیا،بہکایا،سمجھایاadmin

قمر جلالوی ۔ غزل نمبر 30

ڈھونڈنے پر بھی نہ دل پایا گیا

سوچتا ہوں کون کون آیا گیا

بت کے میں مدتوں کھائے فریب

بارہا کعبہ میں بہکایا گیا

ناصحا میں یہ نا سمجھا آج تک

کیا سمجھ کر مجھ کو سمجھایا گیا

قمر جلالوی

آج تک پچھتا رہے ہیں اور پچھتائیں گے کیا

اکتوبر 25, 2015قمر جلالوی،شعراء،غزلنکلوائیں،کہلائیں،گھبرائیں،پچھتائیں،پھیلائیں،آئیں،جائیں،دفنائیںadmin

قمر جلالوی ۔ غزل نمبر 29

توبہ کیجئے اب فریبِ دوستی کھائیں گے کیا

آج تک پچھتا رہے ہیں اور پچھتائیں گے کیا

خود سمجھے ذبح ہونے والے سمجھائیں گے کیا

بات پہنچے کی کہاں تک آپ کہلائیں گے کیا

بزمِ کثرت میں یہ کیوں ہوتا ہے ان کا انتظار

پردۂ وحدت سے باہر ہم نکل آئیں گے کیا

کل بہار آئے گی یہ سن کر قفس بدلو نہ تم

رات بھر میں قیدیوں کے پر نکل آئیں گے کیا

اے دلِ مضطر انھیں باتوں سے چھوٹا تھا چمن

اب ترے نالے قفس سے بھی نکلوائیں گے کیا

اے قفس والو رہائی کی تمنا ہے فضول

فصلِ گل آنے سے پہلے پر نہ کٹ جائیں گے کیا

شامِ غم جل جل کے مثلِ شمع ہو جاؤں گا ختم

صبح کو احباب آئیں گے تو تو دفنائیں گے کیا

جانتا ہوں پھونک دے گا تیرے گھر کو باغباں

آشیاں کے پاس والے پھول رہ جائیں گے کیا

ان کی محفل میں چلا آیا ہے دشمن خیر ہو

مثلِ آدم ہم بھی جنت سے نکل جائیں گے کیا

ناخدا موجوں میں کشتی ہے تو ہم کو نہ دیکھ

جن کو طوفانوں نے پالا ہے وہ گھبرائیں گے کیا

تو نے طوفاں دیکھتے ہی کیوں نگاہیں پھیر لیں

ناخدا یہ اہل کشتی ڈوب ہی جائیں گے کیا

کیوں یہ بیرونِ چمن جلتے ہوئے تنکے گئے

میرے گھر کی دنیا بھر میں پھیلائیں گے کیا

کوئی تو مونوس رہے گا اے قمر شامِ فراق

شمع گل ہو گی تو یہ تارے بھی چھپ جائیں گے کیا

قمر جلالوی

لیکن میں تشنہ لب کا وہی تشنہ لب رہا

اکتوبر 25, 2015قمر جلالوی،شعراء،غزللب،ادب،جب،شبadmin

قمر جلالوی ۔ غزل نمبر 28

گو دورِ جام بزم میں تا ختمِ شب رہا

لیکن میں تشنہ لب کا وہی تشنہ لب رہا

پروانہ میری طرح مصیبت میں کب رہا

بس رات بھر جلا تری محفل میں جب رہا

ساقی کی بزم میں یہ نظامِ ادب رہا

جس نے اٹھائی آنکھ وہی تشنہ لب رہا

سرکار پوچھتے ہیں کہ خفا ہو کے حالِ دل

بندہ نواز میں تو بتانے سے ادب رہا

بحر جہاں میں ساحل خاموش بن کے دیکھ

موجیں پڑیں گی پاؤں جو تو تشنہ لب رہا

وہ چودھویں کا چاند نہ آیا نظر قمر

میں اشتیاقِ دید میں تا ختمِ شب رہا

قمر جلالوی

قمر خدا کی قسم وہ بھی کیا زمانہ تھا

اکتوبر 25, 2015قمر جلالوی،شعراء،غزلمانا،آشیانہ،زمانہadmin

قمر جلالوی ۔ غزل نمبر 27

بنا بلائے حسینوں کا آنا جانا تھا

قمر خدا کی قسم وہ بھی کیا زمانہ تھا

قفس میں رو دیے یہ کہہ کر ذکرِ گلشن پر

کبھی چمن میں ہمارا بھی آشیانہ تھا

نہ روکیے مجھے نالوں سے کہ اب محشر ہے

یہ میرا وقت ہے وہ آپ کا زمانہ تھا

نہ کہتے تھے کہ نہ دے دیکھ دل حسینوں کو

قمر یہ اس کی سزا ہے جو تو نہ مانا تھا

قمر جلالوی

یہ خبر ہی نہ تھی طور جل جائے گا

اکتوبر 25, 2015قمر جلالوی،شعراء،غزلنکل،کل،ٹل،بدل،جلadmin

قمر جلالوی ۔ غزل نمبر 26

موسیٰؑ سمجھے تھے ارماں نکل جائے گا

یہ خبر ہی نہ تھی طور جل جائے گا

میری بالیں پہ رونے سے کیا فائدہ

کی مری موت کس وقت ٹل جائے گا

کیا عیادت کو اس وقت آؤ گے تم

جب ہمارا جنازہ نکل جائے گا

کم سنی میں ہی کہتی تھی تیری نظر

تو جواں ہو کے آنکھیں بدل جائے گا

سب کو دنیا سے جانا ہے اک دن قمر

رہ گیا آج کوئی تو کل جائے گا

قمر جلالوی

خیالاتِ بشر میں انقلاب آنے سے کیا ہو گا

اکتوبر 25, 2015قمر جلالوی،شعراء،غزلپیمانے،آنے،جانے،خانے،دیوانےadmin

قمر جلالوی ۔ غزل نمبر 25

حرم کی راہ کو نقصان بت خانے سے کیا ہو گا

خیالاتِ بشر میں انقلاب آنے سے کیا ہو گا

کسے سمجھا رہے ہیں آپ سمجھانے سے کیا ہو گا

بجز صحرا نوردی اور دیوانے سے کیا ہو گا

ارے کافر سمجھ لے انقلاب آنے سے کیا ہو گا

بنا کعبہ سے بت خانہ تو بت خانے سے کیا ہو گا

نمازی سوئے مسجد جا رہے ہیں شیخ ابھی تھم جا

نکلتے کوئی دیکھے گا جو مے خانے سے کیا ہو گا

خدا آباد رکھے میکدہ یہ تو سمجھ ساقی

ہزاروں بادہ کش ہیں ایک پیمانے سے کیا ہو گا

تم اپنی ٹھوکریں کا ہے کو روکو دل کو کیوں مارو

ہمیں جب مٹ گئے تو قبر مٹ جانے سے کیا ہو گا

قمر جلالوی

خجل ہوئے پہ یہ توڑی قسم تو کیا ہو گا

اکتوبر 25, 2015قمر جلالوی،شعراء،غزلقسم،نم،حرمadmin

قمر جلالوی ۔ غزل نمبر 24

ہمارے بعد جو چھوڑے ستم تو کیا ہو گا

خجل ہوئے پہ یہ توڑی قسم تو کیا ہو گا

یہ سوچتا ہوں سر جھکاتے ہیں پئے سجدہ

سمٹ کے آ گئے دیرو حرم تو کیا ہو گا

یہ بزمِ غیر ہے کچھ آبروئے عشق کا پاس

تھمے نہ اشک اے چشمِ نم تو کیا ہو گا

قمر جلالوی

وہ الجھے ہی رہیں گے زلف میں شانہ تو کیا ہو گا

اکتوبر 25, 2015قمر جلالوی،شعراء،غزلپیمانہ،آنا،افسانہ،دیوانہ،شانہadmin

قمر جلالوی ۔ غزل نمبر 23

اگر چھوٹا بھی اس سے آئینہ خانہ تو کیا ہو گا

وہ الجھے ہی رہیں گے زلف میں شانہ تو کیا ہو گا

بھلا اہلِ جنوں سے ترکِ ویرانہ تو کیا ہو گا

خبر آئے گی ان کی ان کا اب آنا تو کیا ہو گا

سنے جاؤ جہاں تک سن سکو جن نیند آئی گی

وہیں ہم چھوڑ دیں گے ختم افسانہ تو کیا ہو گا

اندھیری رات، زِنداں، پاؤں میں زنجیریں، تنہائی

اِس عالم میں نہ مر جائے گا دیوانہ تو کیا ہو گا

ابھی تو مطمئن ہو ظلم کا پردہ ہے خاموشی

اگر منہ سے بول اٹھا یہ دیوانہ تو کیا ہو گا

جنابِ شیخ ہم تو رند ہیں چلو سلامت ہے

جو تم نے توڑ ڈالا یہ پیمانہ تو کیا ہو گا

یہی ہے گر خوشی تو رات بھر گنتے رہو تارے

قمر اس چاندنی میں ان کا اب آنا تو کیا ہو گا

قمر جلالوی

کوئی طوفاں ہو گا ناخدا ساحل تو کیا ہو گا

اکتوبر 25, 2015قمر جلالوی،شعراء،غزلقابل،قاتل،کامل،ساحلadmin

قمر جلالوی ۔ غزل نمبر 22

سکوں بہر محبت میں ہمیں حاصل تو کیا ہو گا

کوئی طوفاں ہو گا ناخدا ساحل تو کیا ہو گا

ترے کہنے سے تیرا نام بھی لوں گا محشر میں

مگر مجھ سے اگر پوچھا گیا قاتل تو کیا ہو گا

قفس سے چھوٹ کر صیاد دیکھ آئینگے گلشن بھی

ہمارا آشیاں رہنے کے اب قابل تو کیا ہو گا

سرِ محشر میں اپنے خون سے انکار تو کر دوں

مگر چھینٹے ہوئے تلوار پر قاتل تو کیا ہو گا

قمر کے نام سے شرمانے والے سیر تاروں کی

نکل آیا جو ایسے میں مہِ کامل تو کیا ہو گا

قمر جلالوی

اندھیرے میں نظر نہ آیا میخانہ تو کیا ہو گا

اکتوبر 25, 2015قمر جلالوی،شعراء،غزلمیخانہ،پہچانا،پیمانہ،پروانہ،آنا،افسانہ،دیوانہadmin

قمر جلالوی ۔ غزل نمبر 21

ہوا شب کو عبث مئے کے لئے جانا تو کیا ہو گا

اندھیرے میں نظر نہ آیا میخانہ تو کیا ہو گا

چمن والو قفس کی قید بے میعاد ہوتی ہے

تمھیں آؤ تو آ جانا میرا آنا تو کیا ہو گا

گرا ہے جام خود ساقی سے اس پر حشر برپا ہے

مرے ہاتھوں سے چھوتے گا پیمانہ تو کیا ہو گا

جگہ تبدیل کرنے کو تو کر لوں ساقی میں

وہاں بھی آ سکا مجھ تک نہ پیمانہ تو کیا ہو گا

بہارِ گل بنے بیٹھے ہو تم غیروں کی محفل میں

کوئی ایسے میں ہو جائے دیوانہ تو کیا ہو گا

سرِ محشر مجھے دیکھا تو وہ دل میں یہ سوچیں گے

جو پہچانا تو کیا ہو گا نہ پہچانا تو کیا ہو گا

حفاظت کے لئے اجڑی ہوئی محفل میں بیٹھے ہیں

اڑا دی گر کسی نے خاکِ پروانہ تو کیا ہو گا

زباں تو بند کرواتے ہو تم اللہ کے آگے

کہا ہم نے اگر آنکھوں سے افسانہ تو کیا ہو گا

قمر اس اجنبی محفل میں تم جاتے تو ہو لیکن

وہاں تم کو کسی نے بھی نہ پہچانا تو کیا ہو گا

قمر جلالوی

جو بیڑا ڈوب چکا ہو وہ پار کیا ہو گا

اکتوبر 25, 2015قمر جلالوی،شعراء،غزلہار،مزار،وار،پار،پروردگارadmin

قمر جلالوی ۔ غزل نمبر 20

رہا الم سے دلِ داغ دار کیا ہو گا

جو بیڑا ڈوب چکا ہو وہ پار کیا ہو گا

جلا جلا گے پسِ مرگ کیا ملے گا تمھیں

بجھا بجھا کے چراغِ مزار کیا ہو گا

وہ خوب ناز سے انگڑائی لے کے چونکے ہیں

سحر قریب ہے پروردگار کیا ہو گا

اگر ملیں گے یہی پھل تری محبت میں

نہال پھر کوئی امید وار کیا ہو گا

قمر نثار ہو یہ سادگی بھی کیا کم ہے

گلے میں ڈال کے پھولوں کا ہار کیا ہو گا

قمر جلالوی

خدا معلوم و کس کس سے محوِ گفتگو ہو گا

اکتوبر 25, 2015قمر جلالوی،شعراء،غزللہو،گفتگو،آرزو،بو،برو،تو،رفوadmin

قمر جلالوی ۔ غزل نمبر 19

گِلہ بزمِ عدو میں کیونکر اس کے رو برو ہو گا

خدا معلوم و کس کس سے محوِ گفتگو ہو گا

بہار اپنی سمجھ کر اور ہنس لیں یہ چمن والے

بہت روئیں گے جب ظاہر فریبِ رنگ و بو ہو گا

گرے گی برق اے صیاد یہ میں بھی سمجھتا ہوں

مگر میرا قفس کب آشیاں کے رو برو ہو گا

بڑھے اور پھر بڑھے، ضد دیکھ لینا حشر میں قاتل

خدا کے سامنے خاموش ہم ہوں گے نہ تو ہو گا

سحر کو کیوں نگاہوں سے گرانے کو بلاتے ہو

مرے سرکار آئینہ تمھارے رو برو ہو گا

لگا بیٹھے ہیں اپنے پاؤں میں وہ شام سے مہندی

انھیں معلوم کیا کس کس کا خونِ آرزو ہو گا

گریباں کو تو سی دے گا رفو گر تارِ داماں سے

مگر چاکِ دلِ مجروح پھر کیونکر رفو ہو گا

چھپے گا خونِ ناحق کس طرح پیشِ خدا قاتل

ترے دامن پہ چھینٹے، آستینوں پر لہو ہو گا

قمر سے انتظامِ روشنی کو پوچھنے والے

چراغوں کی ضرورت کیا ہے جب محفل میں تو ہو گا

قمر جلالوی

یہاں ہو گی یہاں ہو گا، وہاں ہو گی وہاں ہو گا

اکتوبر 25, 2015قمر جلالوی،شعراء،غزلمہماں،مہرباں،وہاں،کہاں،کارواں،آشیاں،بیں،بیاںadmin

قمر جلالوی ۔ غزل نمبر 18

قیامت اب جہاں ہو گی ستم تیرا باں ہو گا

یہاں ہو گی یہاں ہو گا، وہاں ہو گی وہاں ہو گا

نہ گھبرا اے مریضِ عشق دونوں آنے والے ہیں

قضا بھی مہماں ہو گی وہ بت بھی مہماں ہو گا

بہار آخر ہے پی لی بیٹھ کر اے شیخ رندوں میں

یہ محفل پھر کہاں ہو گی یہ جلسہ پھر کہاں ہو گا

چمن میں توڑ ڈالی باغباں نے مجھ سے یہ کہہ کر

نہ شاخِ آشیاں ہو گی نہ تیرا آشیاں ہو گا

کدھر ڈھونڈے گا اپنے قافلے سے چھوٹنے والے

نہ گردِ کارواں ہو گی نہ شورِ کارواں ہو گا

مجھے معلوم ہے اپنی کہانی، ماجرا اپنا

نہ قاصد سے بیاں ہو گی نہ قاصد سے بیاں ہو گا

وہ چہرے سے سمجھ لیں گے مری حالت مرا ارماں

نہ محتاجِ بیاں ہو گی نہ محتاجِ بیں ہو گا

تم اپنے در پہ دیتے ہو اجازت دفنِ دشمن کی

مری تربت کہاں ہو گی مرا مرقد کہاں ہو گا

ابھی کیا ہے قمر ان ی ذرا نظریں تو پھرنے دو

زمیں نا مہرباں ہو گی فلک نا مہرباں ہو گا

قمر جلالوی

آؤ مل لو عید یہ موقع نہیں تکرار کا

اکتوبر 25, 2015قمر جلالوی،شعراء،غزلگلزار،آثار،بیمار،تکرار،دیوارadmin

قمر جلالوی ۔ غزل نمبر 17

آج کے دن صاف ہو جاتا ہے دل اغیار کا

آؤ مل لو عید یہ موقع نہیں تکرار کا

رخ پہ گیسو ڈال کر کہنا بتِ عیار کا

وقت دونوں مل گئے منہ کھول دو بیمار کا

جاں کنی کا وقت ہے پھِرتی نہ دیکھو پتلیاں

تم ذرا ہٹ جاؤ دم نکلے گا اب بیمار کا

حرج ہی کیا ہے الگ بیٹھا ہوں محفل میں خموش

تم سمجھ لینا کہ یہ بھی نقش ہے دیوار کا

اس قفس والے کی قسمت قابل اِفسوس ہے

چھوٹ کر جو بھول جائے راستہ گلزار کا

بات رہ جائے گی دیکھ آؤ گھڑی بھر کے لیئے

لوگ کہتے ہی کے حال اچھا نہیں بیمار کا

کس طرح گزری شبِ فرقت قمر سے یہ نہ پوچھ

رات بھر ڈھونڈا ہے تارہ صبح کے آثار کا

قمر جلالوی

گل کون تراشے ہے چراغِ سحری کا

اکتوبر 25, 2015قمر جلالوی،شعراء،غزلگری،دربدری،سحریadmin

قمر جلالوی ۔ غزل نمبر 16

ارماں ہو مجھے نزع میں کیا چارہ گری کا

گل کون تراشے ہے چراغِ سحری کا

اِک وہ بھی ہے بیمار تری کم نظر کا

مر جائے مگر نام نہ لے چارہ گری کا

برہم ہوئے کیوں سن کے مرا حالِ محبت

شِکوہ نہ تھا آپ کی بیداد گری کا

بیگانۂ احساس یہاں تک ہوں جنوں میں

اب گھر کی خبر ہے نہ پتہ دربدری کا

اور اس کے سوا پھول کی تعریف ہی کیا ہے

احسان فراموش نسیمِ سحری کا

دنیا پہ قمر داغِ جگر ہے مرا روشن

لیکن نہ لیا نام کبھی چارہ گری کا

قمر جلالوی

کیا کروں حشر میں ڈر ہے تری رسوائی کا

اکتوبر 25, 2015قمر جلالوی،شعراء،غزلآئی،انگڑائی،تماشائی،تنہائی،رسوائیadmin

قمر جلالوی ۔ غزل نمبر 15

میں تماشا تو دکھا دوں ستم آرائی کا

کیا کروں حشر میں ڈر ہے تری رسوائی کا

یہ نتیجہ ہو آخر جَبَل آرائی کا

بن گیا ایک تماشا سا تماشائی کا

آپ نے محفلِ اغیار کی رونق تو کہی

مجھ سے کچھ حال نہ پوچھا شبِ تنہائی کا

چارہ گر کا ہے کو لوں چارہ گری کا احساس

تو کوئی ٹالنے والا ہے مری آئی کا

طور پر طالبِ دیدار ہزاروں آتے

تم تماشہ جو نہ بناتے نہ تماشائی کا

ہاتھ اٹھائے تھے کہ ہاروں کی لڑیں ٹوٹ پڑیں

صدقہ پھول نے اتارا تری انگڑائی کا

شمع گل ہو گئی تارے بھی قمر ڈوب گئے

کوئی مونس نہ رہا اب شبِ تنہائی کا

قمر جلالوی

پتہ پتہ ہاتھ ملتا رہ گیا گلزار کا

اکتوبر 25, 2015قمر جلالوی،شعراء،غزلیار،گلزار،بیمار،تلوار،رفتارadmin

قمر جلالوی ۔ غزل نمبر 14

پھونک ڈالا برق نے گھر بلبلِ لاچار کا

پتہ پتہ ہاتھ ملتا رہ گیا گلزار کا

واہ کا کیا کہنا ہے اس پہلے پہل کے وار کا

میں ترے قربان قبضہ چوم لے تلوار کا

بڑھ تو جاؤ خون بھی کرنا کسی لاچار کا

تم تو اتنے بھی نہیں جتنا ہے قد تلوار کا

آگ تھی یا خونِ شہ رگ تھا کسی لاچار کا

عید بھی کل ہو گئی آیا نہ قاصد یار کا

اب بھلا ابھریں گے کیا بحرِ شہادت کے غریق

سر سے اونچا ہو گیا پانی تری تلوار کا

شمع گل، ڈوبے ہوئے تارے، اندھیرا، بے کسی

دیکھ کر چاروں طرف منا ترے بیمار کا

کس قدر بیکار تھی آہِ شبِ فرقت قمر

ہر ستارہ مسکرایا چرخ کنج رفتار کا

قمر جلالوی

زباں سے کچھ نہ کہنا دیکھ کر آنسو بہا دینا

اکتوبر 25, 2015قمر جلالوی،شعراء،غزلمسکرا،چھپا،گرا،بہا،بجھا،راستہ،سزاadmin

قمر جلالوی ۔ غزل نمبر 13

مرا خاموش رہ کر بھی انھیں سب کچھ سنا دینا

زباں سے کچھ نہ کہنا دیکھ کر آنسو بہا دینا

نشیمن ہو نہ ہو یہ تو فلک کا مشغلہ ٹھہرا

کہ دو تنکے جہاں پر دیکھنا بجلی گرا دینا

میں اس حالت سے پہنچا حشر والے خود پکار اٹھے

کوئی فریاد والا آ رہا ہے راستہ دینا

اجازت ہو تو کہہ دوں قصۂ الفت سرِ محفل

مگر پہلے خطا پر غور کر لو پھر سزا دینا

ہٹا کر رخ سے گیسو صبح کر دینا تو ممکن ہے

مگر سرکار کے بس میں نہیں تارے چھپا دینا

یہ تہذیبِ چمن بدلی ہے بیرونی ہواؤں نے

گریباں چاک پھولوں پر کلی کا مسکرا دینا

قمر وہ سب سے چھپ کر آ رہے ہیں فاتحہ پڑھنے

کہوں کس سے کہ میری شمع تربت اب بجھا دینا

قمر جلالوی

کہ یہ میدان محشر ہے نہ گھر ان کا نہ گھر اپنا

اکتوبر 25, 2015قمر جلالوی،شعراء،غزلنظر،کر،گھر،گر،بھر،بر،در،سفر،سحرadmin

قمر جلالوی ۔ غزل نمبر 12

کریں گے شکوۂ جورو جفا دل کھول کر اپنا

کہ یہ میدان محشر ہے نہ گھر ان کا نہ گھر اپنا

مکاں دیکھا کیے مڑ مڑ کے تا حدِ نظر اپنا

جو بس چلتا تو لے آتے قفس میں گھر کا گھر اپنا

بہے جب آنکھ سے آنسو بڑھا سوزِ جگر اپنا

ہمیشہ مینہ پرستے میں جلا کرتا ہے گھر اپنا

پسینہ، اشکِ حسرت، بے قراری، آخری ہچکی

اکھٹا کر رہا ہوں آج سامانِ سفر اپنا

یہ شب کا خواب یا رب فصلِ گل میں سچ نہ ہو جائے

قفس کے سامنے جلتے ہوئے دیکھا ہے گھر اپنا

دمِ آخر علاجِ سوزِ غم کہنے کی باتیں ہیں

مرا رستہ نہ روکیں راستہ لیں چارہ گر اپنا

نشاناتِ جبیں جوشِ عقیدت خود بتائیں گے

نہ پوچھو مجھ سے سجدے جا کے دیکھو سنگِ در اپنا

جوابِ خط کا ان کے سامنے کب ہوش رہتا ہے

بتاتے ہیں پتہ میری بجائے نامہ بر اپنا

مجھ اے قبر دنیا چین سے رہنے نہیں دیتی

چلا آیا ہوں اتنی بات پر گھر چھوڑ کر اپنا

شکن آلود بستر، ہر شکن پر خون کے دھبے

یہ حالِ شامِ غم لکھا ہے ہم نے تا سحر اپنا

یہی تیر نظر ہیں مرے دل میں حسینوں کے

جو پہچانو تو لو پہچان لو تیرِ نظر اپنا

قمر ان کو نہ آنا تھا نہ آئے صبح ہو نے تک

شبِ وعدہ سجاتے ہی رہے گھر رات بھر اپنا

قمر جلالوی

میں خود ہی فلک کا ستایا ہوا ہوں مجھے تم ستانے کی کوشش نہ کرنا

اکتوبر 25, 2015قمر جلالوی،شعراء،غزلمسکرانے،بلانے،بنانے،جلانے،جگانے،دکھانے،رلانے،ستانےadmin

قمر جلالوی ۔ غزل نمبر 11

خدا تم کو توفیقِ رحم و کرم دے، مرا دل دکھانے کی کوشش نہ کرنا

میں خود ہی فلک کا ستایا ہوا ہوں مجھے تم ستانے کی کوشش نہ کرنا

بہاروں کی آخر کوئی انتہا ہے کہ پھولوں سے شاخیں جھکی جا رہی ہیں

یہی وقت ہے بجلیاں ٹوٹنے کا، نشیمن بنانے کی کوشش نہ کرنا

میں حالاتِ شامِ الم کہہ رہا ہوں ذرا غیرتِ عشق ملحوظِ خاطر

تمھیں عمر بھر مجھ کو رونا پڑے گا کہیں مسکرانے کی کوشش نہ کرنا

تجھے باغباں پھر میں سمجھا رہا ہوں ہواؤں کے اور کچھ کہہ رہے ہیں

کہیں آگ پھیلے نہ سارے چمن میں مرا گھر جلانے کی کوشش نہ کرنا

دلِ مضطرب سن کہ افسانۂ غم وہ ناراض ہو کر ابھی سو گئے ہیں

جو چونکے تو اک حشر کر دیں گے برپا انھیں تو جگانے کی کوشش نہ کرنا

یہ محفل ہے بیٹھے ہیں اپنے پرائے بھلے کے لئے دیکھو سمجھا رہا ہوں

کہ حرف آئے گا آپ کی آبرو پر یہاں پر رلانے کی کوشش نہ کرنا

تمنائے دیدار رہنے دو سب کی نہیں ہے کسی میں بھی تابِ نظارہ

ابھی طور کا حادثہ ہو چکا ہے تجلی دکھانے کی کوشش نہ کرنا

عدو شب کو ملتے ہیں ہر راستے میں نتیجہ ہی کیا ان کی رسوائیاں ہوں

قمر چاندنی آج پھیلی ہوئی ہے انھیں تم بلانے کی کوشش نہ کرنا

قمر جلالوی

تو پھر انصاف ہو گا اے بتِ خود سر کہاں میرا

اکتوبر 25, 2015قمر جلالوی،شعراء،غزلنشاں،کہاں،آسماںadmin

قمر جلالوی ۔ غزل نمبر 10

تو کہتا ہے قبضہ ہے یہاں میرا وہاں میرا

تو پھر انصاف ہو گا اے بتِ خود سر کہاں میرا

چلے آؤ یہاں گورِ غریباں میں نہیں کوئی

فقط اک بے کسی ہے جو بتاتی ہے نشاں میرا

قمر میں شاہِ شب ہوں فوق رکھتا ہوں ستاروں پر

زمانے بھر پہ روشن ہے کہ ہے تخت آسماں میرا

قمر جلالوی

تری مہندی تو سلامت ہے تو کیا کیا ہو نہیں سکتا

اکتوبر 25, 2015قمر جلالوی،شعراء،غزلمہیا،نقشہ،کیا،کا،ایسا،بندہadmin

قمر جلالوی ۔ غزل نمبر 9

یہ تو نے کیا کہا خونِ تمنا ہو نہیں سکتا

تری مہندی تو سلامت ہے تو کیا کیا ہو نہیں سکتا

پڑھے گر لاکھ ماہِ چرخ تم سا ہو نہیں سکتا

یہ صورت ہو نہیں سکتی یہ نقشہ ہو نہیں سکتا

کروں سجدے میں اے بت مجھ سے ایسا ہو نہیں سکتا

خدا تو ہو نہیں سکتا میں بندہ ہو نہیں سکتا

قفس سے چھوٹ کر صیاد جائیں تو کیا جائیں

ہمیں تو آشیاں بھی اب مہیا ہو نہیں سکتا

گناہ گاروں کا مجمع سب سے آگے ہو گا اے واعظ

تجھے دیدار بھی پہلے خدا کا ہو نہیں سکتا

نہ دینا آشیاں کو آگ ورنہ جان دے دیں گے

ہمارے سامنے صیاد ایسا ہو نہیں سکتا

انہیں پر منحصر کیا آزما بیٹھے زمانے کو

قمر سچ تو یہ ہے کوئی کسی کا ہو نہیں سکتا

قمر جلالوی

اگر خدائی بتوں کی ہوتی تو دیر ہوتا حرم نہ ہوتا

اکتوبر 25, 2015قمر جلالوی،شعراء،غزلقدم،حرم،غمadmin

قمر جلالوی ۔ غزل نمبر 8

نگاہِ دنیائے عاشقی میں وجودِ دل محترم نہ ہوتا

اگر خدائی بتوں کی ہوتی تو دیر ہوتا حرم نہ ہوتا

رہِ محبت میں دل کو کب تک فریبِ دیرو حرم نہ ہوتا

ہزاروں سجدے بھٹکتے پھرتے جو تیرا نقشِ قدم نہ ہوتا

نہ پوچھ صیاد حال مجھ سے کہ کیوں مقدر پہ رو رہا ہوں

قفس میں گر بال و پر نہ کٹتے مجھے اسیری کا غم نہ ہوتا

قمر جلالوی

ذرا سے ابر میں گم آفتاب کیا ہوتا

اکتوبر 25, 2015قمر جلالوی،شعراء،غزلکامیاب،آفتاب،اضطراب،خراب،شبابadmin

قمر جلالوی ۔ غزل نمبر 7

پسِ نقاب رخِ لاجواب کیا ہوتا

ذرا سے ابر میں گم آفتاب کیا ہوتا

ہمیں تو جو بھی گیا وہ فریب دے کہ گیا

ہوئے نہ کم سنی اپنی شباب کیا ہوتا

کلیم رحم تجلی کو آگیا ہو گا

وگرنہ ذوقِ نظر کامیاب کیا ہوتا

قفس کے سے چھوٹ کے آئے تو خاک تک نہ ملی

چمن اور نشیمن خراب کیا ہوتا

تمھارے اور بھی وعدوں کی شب یوں ہی کاٹی

یقین ہی نہ ہوا اضطراب کیا ہوتا

قمر جلالوی

جو مجھ پہ ہنسا کرتے تھے وہ روتے ہیں سرہانے

اکتوبر 25, 2015قمر جلالوی،شعراء،غزلفسانے،مانے،نے،ٹھکانے،بنانے،سرہانےadmin

قمر جلالوی ۔ غزل نمبر 6

تاثیر پسِ مرگ دکھائی ہے وفا نے

جو مجھ پہ ہنسا کرتے تھے وہ روتے ہیں سرہانے

کیا کہہ دیا چپکے سے نہ معلوم قضا میں

کوٹ بھی نہ بدلی ترے بیمارِ جفا نے

ہستی مری کیا جاؤں اس بت کو منانے

وہ ضد پہ جو آئے تو فرشتوں کی نہ مانے

اوراقِ گلِ تر جو کبھی کھولے صبا نے

تحریر تھے لاکھوں مری وحشت کے فسانے

رخ دیکھ کہ خود بن گیا آئینے کی صورت

بیٹھا جو مصور تری تصویر بنانے

نالے نہیں کھیل اسیرانِ قفس کے

صیاد کے آ جائیں گے سب ہوش ٹھکانے

ہمسائے بھی جلنے لگے جلتے ہی نشیمن

بھڑکا دیا اور آگ کو پتوں کی ہوا نے

پہلی سی قمر چشمِ عنایت ہی نہیں

رخ پھیر دیا ان کا زمانے کی ہوا نے

قمر جلالوی

صراحی جھک گئی اٹھے ادب سے پیمانے

اکتوبر 25, 2015قمر جلالوی،شعراء،غزلنے،ویرانے،پیمانے،پروانے،افسانے،خانےadmin

قمر جلالوی ۔ غزل نمبر 5

وہ مہتمم ہیں جہاں بھی گئے دیوانے

صراحی جھک گئی اٹھے ادب سے پیمانے

جب آئے تھے مجھے وحشت میں لوگ سمجھانے

نہ جانے آپ کو کیا کیا کہا تھا دنیا نے

سنائے کوئی کہاں تک جنوں کے افسانے

نہ جانے ہو گئے آباد کتنے ویرانے

زمینِ عشق میں ہیں دفن وہ بھی دیوانے

نہ جن کے نام کی شہرت نہ جن کے افسانے

کمالِ حسن بناتا ہے عشق کو دشمن

فروغِ شمع سے جلنے لگے ہیں پروانے

نہ رکھ قفس میں مگر طعنۂ قفس تو نہ دے

کہ ہم بھی چھوڑ کر آئیں ہیں اپنے خس خانے

یہ عشق ہے جسے پرواہ حسن کی بھی نہیں

کہ شمع روتی ہے اور سو رہے ہیں پروانے

جہاں سے عشق نے رودادِ غم کو چھوڑ دیا

شروع میں نے وہاں سے کئے ہیں افسانے

وہ چار چاند فلک کو لگا چلا ہوں قمر

کہ میرے بعد ستارے کہیں گے افسانے

قمر جلالوی

کہ قفس میں تنگ آ کر مرے اور ہیں ارادے

اکتوبر 25, 2015قمر جلالوی،شعراء،غزلارادے،دےadmin

قمر جلالوی ۔ غزل نمبر 4

مجھے پھول صبر کر لیں مجھے باغباں بھلا دے

کہ قفس میں تنگ آ کر مرے اور ہیں ارادے

مرے بعد گر کے بجلی نہ قفس میں دل دکھا دے

مجھے قید کرنے والے مرا آشیاں جلا دے

میرا منہ کفن سے کھولا مجھے دیکھ کر وہ بولے

یہ نیا لباس کیوں ہے یہ کہاں ے ہیں ارادے

میں قفس میں مطمئن ہوں کہ سمجھ لیا ہے میں نے

یہ چمن نہیں کہ بجلی مرا آشیاں جلا دے

مجھے پھول سے زیادہ ہے قفس میں یادِ شبنم

جو چمن میں چار آنسو مِرے نام پر بہا دے

نہیں ہم ہی جب چمن میں تو چمن سے پھر غرض کیا

کوئی پھول توڑ ڈالے کوئی آشیاں جلا دے

مری زندگی ہی کیا ہے میں چراغِ رہگزر ہوں

جسے اک ہوا کا جھونکا ابھی آئے ابھی بجھا دے

وہ ہر اک سے پوچھتے ہیں کہ فدا ہے کیوں زمانہ

انہیں حسن کی خبر کیا کوئی آئینہ دکھا دے

تجھے خود خبر ہے ظالم کہ جہانِ رنگ و بو میں

ترے حسن کے ہیں چرچے مرے عِشق کو دعا دے

شبِ ہجر بات جب ہے کہ قمر کو وہ نالے

کوئی توڑ دے ستارے کوئی آسماں ہلا دے

قمر جلالوی

مگر ذکر شامِ الم کا جب آیا چراغِ سحر بجھ گیا جلتے جلتے

اکتوبر 25, 2015قمر جلالوی،شعراء،غزلمسلتے،چلتے،ڈھلتے،بہلتے،بدلتے،جلتے،سنبھلتےadmin

قمر جلالوی ۔ غزل نمبر 3

مریضِ محبت انہیں کا فسانہ سناتا رہا دم نکلتے نکلتے

مگر ذکر شامِ الم کا جب آیا چراغِ سحر بجھ گیا جلتے جلتے

انھیں خط میں لکھا تھا کے دل مضطرب ہے جواب ان کا آیا محبت کرتے

تمھیں دل لگانے کو کس نے کہا تھا بہل جائے گا دل بہلتے بہلتے

مجھے اپنے دل کی تو پروا نہیں ہے مگر ڈر رہا ہوں کہ بچپن کی ضد ہے

کہیں پائے نازک میں موچ آنہ جائے دلِ سخت جاں کو مسلتے مسلتے

بھلا کوئی وعدہ خلافی کی حد ہے حساب اپنے دل میں لگا کر تو سوچو

قیامت کا دن آگیا رفتہ رفتہ ملاقات کا دن بدلتے بدلتے

ارادہ تھا ترکِ محبت کا لیکن فریبِ تبسم میں پھر آ گئے ہم

ابھی کھا کہ ٹھوکر سنبھلنے نہ پائے کہ پھر کھائی ٹھوکر سنبھلتے سنبھلتے

بس اب صبر کر رہروِ راہِ الفت کہ تیرے مقدر میں منزل نہیں ہے

اِدھر سامنے سر پہ شام آ رہی ہے ادھر تھک جائیں گے پاؤں چلتے چلتے

وہ مہمان میری ہوئے بھی تو کب تک ہوئی شمع گل اور نہ ڈوبے ستارے

قمر اس قدر ان کو جلدی تھی گھر کی کہ گھر چل دیے چاندنی ڈھلتے ڈھلتے

قمر جلالوی

مگر یہ عدو کی زبانی سنا ہے بڑی مشکلوں سے تمہیں نیند آئی

اکتوبر 25, 2015قمر جلالوی،شعراء،غزللگائی،لائی،آئی،اٹھائی،خدائیadmin

قمر جلالوی ۔ غزل نمبر 2

بھلا اپنے نالوں کی مجھ کو کیا خبر کیا شبِ غم ہوئی تھی کہاں تک رسائی

مگر یہ عدو کی زبانی سنا ہے بڑی مشکلوں سے تمہیں نیند آئی

شبِ وعدہ اول تو آتے نہیں تھے جو آئے بھی تو رات ایسی گنوائی

کبھی رات کو تم نے گیسو سنوارے کبھی رات کو تم نے مہندی لگائی

گلہ بے وفائی کا کس سے کریں ہم ہمارا گلہ کوئی سنتا نہیں ہے

خدا تم کو رکھے جوانی کے دن ہیں تمھارا زمانہ تمھاری خدائی

ہر اک نے دیے میرے شکوں پہ طعنے تیرے ظلم لیکن کسی نے نہ پوچھے

میری بات پر بول اٹھا زمانہ تری بات دنیا زباں پر نہ لائی

سرِ شام آنے کا وعدہ کیا تھا مگر رات اب تو ڈھلی جا رہی ہے

نہ جانے کہاں راہ میں رک گئے وہ نہ جانے کہاں اتنی دیر لگائی

یہی ہوتی ہے شرکتِ بزمِ تماشہ سمجھ کر کھڑے ہو گئے تم

نہ حالات مرنے کے پوچھے کسی سے نہ آنسو بہائے نہ میت اٹھائی

قمر جلالوی

نہ یہاں مرا ٹھکانہ نہ وہاں مرا ٹھکانہ

اکتوبر 25, 2015قمر جلالوی،شعراء،غزلفسانہ،ٹھکانہ،آشیانہ،بہانہ،خانہ،زمانہadmin

قمر جلالوی ۔ غزل نمبر 1

یہاں تنگیِ قفس ہے وہاں فکرِ آشیانہ

نہ یہاں مرا ٹھکانہ نہ وہاں مرا ٹھکانہ

مجھے یاد ہے ابھی تک ترے جور کا فسانہ

جو میں راز فاش کر دوں تجھے کیا کہے زمانہ

نہ وہ پھول ہیں چمن میں نہ وہ شاخِ آشیانہ

فقط ایک برق چمکی کہ بدل گیا زمانہ

یہ رقیب اور تم سے رہ و رسمِ دوستانہ

ابھی جس ہوا میں تم ہو وہ بدل گیا زمانہ

مرے سامنے چمن کا نہ فسانہ چھیڑ ہمدم

مجھے یاد آ نہ جائے کہیں اپنا آشیانہ

سرِ راہ کیسے سوجھی تجھے ہجوِ مئے کی واعظ

نہ یہاں ہے تیری نہ مرا شراب خانہ

کسی سر نگوں سی ڈالی پہ رکھیں گے چار تنکے

نہ بلند شاخ ہو گی نہ جلے گا آشیانہ

نہ سنا سکے مسلسل غمِ دوریِ وطن کو

کبھی رو لئے گھڑی بھر کبھی کہہ دیا فسانہ

مرے روٹھ جانے والے تجھے یوں منا رہا ہوں

کہ قضا کے واسطے بھی کوئی چاہئیے بہانہ

کہیں میکشوں سے ساقی نہ نگاہ پھیر لینا

کہ انھیں کے دم سے قائم ہے ترا شراب خانہ

قمر اپنے داغِ دل کی وہ کہانی میں نے چھیڑی

کہ سنا کیے ستارے مرا رات بھر فسانہ

قمر جلالوی

فرد فرد

اکتوبر 25, 2015مصطفٰی خان شیفتہ،اساتذہ،غزلکمال،گُل،خالadmin

یہ بات تو غلط ہے کہ دیوانِ شیفتہ

ہے نسخہء معارف و مجموعۂ کمال

روزِ فراق میں ہے قیامت، جمالِ گُل

شب ہائے ہجر میں ہے مصیبت، لقائے گُل

لیکن مبالغہ تو ہے البتہ اس میں کم

ہاں ذکرِ خد و خال اگر ہے، تو خال خال

مصطفٰی خان شیفتہ

کب پارہ پارہ پیرہنِ چارہ جو نہیں

اکتوبر 25, 2015مصطفٰی خان شیفتہ،اساتذہ،غزلکبھو،آرزو،بو،تو،جو،خو،روبرو،عدوadmin

مصطفٰی خان شیفتہ ۔ غزل نمبر 78

کب ہاتھ کو خیالِ جزائے رفو نہیں

کب پارہ پارہ پیرہنِ چارہ جو نہیں

گلگشتِ باغ کس چمن آرا نے کی کہ آج

موجِ بہار مدعی رنگ و بو نہیں

واں بار ہو گیا ہے نزاکت سے بار بھی

یاں ضعف سے دماغ و دلِ آرزو نہیں

کس نے سنا دیا دلِ حیرت زدہ کا حال

یہ کیا ہوا کہ آئنہ اب روبرو نہیں

تغئیرِ رنگ کہتی ہے وصلِ عدو کا حال

یعنی نقاب رخ پہ کبھو ہے، کبھو نہیں

گستاخِ شکوہ کیا ہوں کہ اندازِ عرض پر

کہتے ہیں اختلاط کی بندے کی خو نہیں

کیا جانے دردِ زخم کو گو ہو شہیدِ ناز

جو نیم کشتِ خنجرِ رشکِ عدو نہیں

ابرِ سرشک و گلشنِ داغ و نسیمِ آہ

سامانِ عیش سب ہے پر افسوس تو نہیں

بد خوئیوں سے یار کی کیا خوش ہوں شیفتہ

ہر ایک کو جو حوصلۂ آرزو نہیں

مصطفٰی خان شیفتہ

اے دل! خیالِ طرہ تابیدہ مو نہیں

اکتوبر 25, 2015مصطفٰی خان شیفتہ،اساتذہ،غزلمو،کبھو،بو،بکو،تو،رفوadmin

مصطفٰی خان شیفتہ ۔ غزل نمبر 77

یہ پیچ و تاب میں شبِ غم بے حواسیاں

اے دل! خیالِ طرہ تابیدہ مو نہیں

دستِ جنوں نے جامہ ہستی قبا کیا

اب ہائے چارہ گر کو خیالِ رفو نہیں

شکرِ ستم بھی راس نہ آیا ہمیں کہ اب

کہتے ہیں وہ کہ لائقِ الطاف تو نہیں

ہرجائی اپنے وحشی کو منہ سے یہ کہتے ہو

کیا آپ کا نشانِ قدم کو بکو نہیں

نیرنگیوں نے تیری یہ حالت تغیر کی

امید زندگی کی کبھو ہے، کبھو نہیں

کیا ہو سکے کسی سے علاج اپنا شیفتہ

اس گل پہ غش ہیں جس میں محبت کی بو نہیں

مصطفٰی خان شیفتہ

اے دل یقین جان کہ ہم ہیں تو تو نہیں

اکتوبر 25, 2015مصطفٰی خان شیفتہ،اساتذہ،غزللہو،گلو،بو،تو،جستجو،روبرو،سو،عدوadmin

مصطفٰی خان شیفتہ ۔ غزل نمبر 76

کچھ اور بے دلی کے سوا آرزو نہیں

اے دل یقین جان کہ ہم ہیں تو تو نہیں

بے اشکِ لالہ گوں بھی میں بے آبرو نہیں

آنسو میں رنگ کیا ہو کہ دل میں لہو نہیں

پھر بھی کہو گے چھیڑنے کی اپنی خو نہیں

عطرِ سہاگ ملتے ہو وہ جس میں بو نہیں

یہ کیا کہا کہ بکتے ہو کیوں آپ ہی آپ تم

اے ہم نشیں مگر وہ مرے روبرو نہیں

بے طاقتی نے کام سے یہ کھو دیا کہ بس

دل گم ہوا ہے اور سرِ جستجو نہیں

محفل میں لحظہ لحظہ وہ چشمِ ستیزہ خو

لڑتی ہیں کیوں اگر سرِ صلحِ عدو نہیں

کیا جوشِ انتظار میں ہر سمت دوڑ ہے

بدنامیوں سے ہائے گزر ایک سو نہیں

دی کس نے اشکِ سرمہ سے تیغِ مژہ کو آب

شورِ فغاں کو فکرِ خراشِ گلو نہیں

مصطفٰی خان شیفتہ

ایک ہنگامہ ہے اے یار ترے کوچے میں

اکتوبر 25, 2015مصطفٰی خان شیفتہ،اساتذہ،غزلچار،یار،کار،گلزار،گار،آزار،اشعار،بازار،دیدار،زارadmin

مصطفٰی خان شیفتہ ۔ غزل نمبر 75

روز خوں ہوتے ہیں دو چار ترے کوچے میں

ایک ہنگامہ ہے اے یار ترے کوچے میں

فرشِ رہ ہیں جو دل افگار ترے کوچے میں

خاک ہو رونقِ گلزار ترے کوچے میں

سرفروش آتے ہیں اے یار ترے کوچے میں

گرم ہے موت کا بازار ترے کوچے میں

شعر بس اب نہ کہوں گا کہ کوئی پڑھتا تھا

اپنے حالی مرے اشعار ترے کوچے میں

نہ ملا ہم کو کبھی تیری گلی میں آرام

نہ ہوا ہم پہ جز آزار ترے کوچے میں

ملک الموت کے گھر کا تھا ارادہ اپنا

لے گیا شوقِ غلط کار ترے کوچے میں

تو ہے اور غیر کے گھر جلوہ طرازی کی ہوس

ہم ہیں اور حسرتِ دیدار ترے کوچے میں

ہم بھی وارستہ مزاجی کے ہیں اپنی قائل

خلد میں روح، تنِ زار ترے کوچے میں

کیا تجاہل سے یہ کہتا ہے "کہاں رہتے ہو؟”

ترے کوچے میں ستم گار! ترے کوچے میں

شیفتہ ایک نہ آیا تو نہ آیا کیا ہے

روز آ رہتے ہیں دو چار ترے کوچے میں

مصطفٰی خان شیفتہ

فرش ہے مخمل و کمخواب ترے کوچے میں

اکتوبر 25, 2015مصطفٰی خان شیفتہ،اساتذہ،غزلنایاب،ناب،کمخواب،احباب،تاب،خوناب،خواب،دولاب،شادابadmin

مصطفٰی خان شیفتہ ۔ غزل نمبر 74

کیوں نہ اڑ جائے مرا خواب ترے کوچے میں

فرش ہے مخمل و کمخواب ترے کوچے میں

دولتِ حسن یہاں تک تو لٹائی ظالم

اشک ہے گوہرِ نایاب ترے کوچے میں

جوششِ گریۂ عشاق سے اک دم میں ہوا

شجرِ سوختہ، شاداب ترے کوچے میں

ہوش کا پاؤں جو یاں آ کے پھسل جاتا ہے

کیا لنڈھائی ہے مئے ناب ترے کوچے میں

ہے کفِ پائے عدو، پا سے ترے رنگیں تر

بس کہ ہم روتے ہیں خوناب ترے کوچے میں

گوشہ گیری سے بھی گردش نہ گئ طالع کی

پھرتے ہیں صورتِ دولاب ترے کوچے میں

غیر نے سنگ جو پھینکے وہ ہوئے بالشِ سر

چین سے کرتے ہیں ہم خواب ترے کوچے میں

وہ بھی محروم نہیں جن کو نہیں بزم میں بار

تیرے رخسار کی ہے تاب ترے کوچے میں

چل دیا شیفتہ سودے میں خدا جانے کہاں

ڈھونڈتے پھرتے ہیں احباب ترے کوچے میں

مصطفٰی خان شیفتہ

کچھ آگ بھری ہوئی ہے نے میں

اکتوبر 25, 2015مصطفٰی خان شیفتہ،اساتذہ،غزللے،مے،نے،کے،پے،جے،دَے،شے،طےadmin

مصطفٰی خان شیفتہ ۔ غزل نمبر 73

کچھ درد ہے مطربوں کی لے میں

کچھ آگ بھری ہوئی ہے نے میں

کچھ زہر اگل رہی ہے بلبل

کچھ زہر ملا ہوا مے میں

بدمست جہان ہو رہا ہے

ہے یار کی بو ہر ایک شے میں

ہیں ایک ہی گل کی سب بہاریں

فروردیں میں اور فصلِ دَے میں

ہے مستئ نیم خام کا ڈر

اصرار ہے جامِ پے بہ پے میں

مے خانہ نشیں قدم نہ رکھیں

بزمِ جم و بارگاہِ کے میں

اب تک زندہ ہے نام واں کا

گزرا ہے حسین ایک جے میں

ہوتی نہیں طے حکایتِ طے

گزرا ہے کریم ایک طے میں

کچھ شیفتہ یہ غزل ہے آفت

کچھ درد ہے مطربوں کی لے میں

مصطفٰی خان شیفتہ

طاقت ہمیں کہاں کہ شبِ غم سحر کریں

اکتوبر 25, 2015مصطفٰی خان شیفتہ،اساتذہ،غزلہنر،نظر،گہر،گزر،اثر،بھر،بسر،تر،حذر،خبر،سحرadmin

مصطفٰی خان شیفتہ ۔ غزل نمبر 72

مانا سحر کو یار اسے جلوہ گر کریں

طاقت ہمیں کہاں کہ شبِ غم سحر کریں

تزئین میری گور کی لازم ہے خوب سی

تقریبِ سیر ہی سے وہ شاید گزر کریں

اب ایک اشک ہے دُرِ نایاب، وہ کہاں

تارِ نظر جو گریہ سے سلکِ گہر کریں

وہ دوست ہیں انہیں جو اثر ہو گیا تو کیا

نالے ہیں وہ جو غیر کے دل میں اثر کریں

آئے تو ان کو رنج، نہ آئے تو مجھ کو رنج

مرنے کی میرے کاش نہ ان کو خبر کریں

ہے جی میں سونگھیں نکہتِ گل جا کے باغ میں

بس کب تک التجائے نسیمِ سحر کریں

اب کے ارادہ ملکِ عدم کا ہے شیفتہ

گھبرا گئے کہ ایک جگہ کیا بسر کریں

شب وصل کی بھی چین سے کیوں کر بسر کریں

جب یوں نگاہبانیِ مرغِ سحر کریں

محفل میں اک نگاہ اگر وہ ادھر کریں

سو سو اشارے غیر سے پھر رات بھر کریں

طوفانِ نوح لانے سے اے چشم فائدہ؟

دو اشک بھی بہت ہیں، اگر کچھ اثر کریں

آز و ہوس سے خلق ہوا ہے یہ نامراد

دل پر نگاہ کیا ہے، وہ مجھ پر نظر کریں

کچھ اب کے ہم سے بولے تو یہ جی میں ہے کہ پھر

ناصح کو بھی رقیب سے آزردہ تر کریں

واں ہے وہ نغمہ جس سے کہ حوروں کے ہوش جائیں

یاں ہے وہ نالہ جس سے فرشتے حذر کریں

اہلِ زمانہ دیکھتے ہیں عیب ہی کو بس

کیا فائدہ جو شیفتہ عرضِ ہنر کریں

مصطفٰی خان شیفتہ

تم سے وفا کروں کہ عدو سے وفا کروں

اکتوبر 25, 2015مصطفٰی خان شیفتہ،اساتذہ،غزلفزا،قبا،وفا،کہربا،کیا،پا،آشنا،خطا،دوا،دعا،سنا،ساadmin

مصطفٰی خان شیفتہ ۔ غزل نمبر 71

شکوہ جفا کا کیجے تو کہتے ہیں کیا کروں

تم سے وفا کروں کہ عدو سے وفا کروں

گلشن میں چل کے بندِ قبا تیرے وا کروں

جی چاہتا ہے جامۂ گل کو قبا کروں

آتا ہوں پیرِ دیر کی خدمت سے مست میں

ہاں زاہدو تمہارے لئے کیا دعا کروں

جوشِ فغاں وداع، کہ منظور ہے انہیں

دل نذرِ کاوشِ نگہِ سرما سا کروں

نفرین بے شمار ہے اس عمد و سہو پر

گر ایک میں صواب کروں سو خطا کروں

مطرب بدیع نغمہ و ساقی پری جمال

کیا شرحِ حالتِ دلِ درد آشنا کروں

تم دلربا ہو دل کو اگر لے گئے تو کیا

جب کاہ ہو کے میں اثرِ کہربا کروں

اے چارہ ساز لطف! کہ تو چارہ گر نہیں

بس اے طبیب رحم! کہ دل کی دوا کروں

پیتا ہوں میں مدام مئے نابِ معرفت

اصلِ شرور و امِ خبائث کو کیا کروں

یا اپنے جوشِ عشوۂ پیہم کو تھامئے

یا کہئے میں بھی نالۂ شورش فزا کروں

میں جل گیا وہ غیر کے گھر جو چلے گئے

شعلے سے استعارہء آوازِ پا کروں

ڈر ہے کہ ہو نہ شوقِ مزامیر شیفتہ

ورنہ کبھی سماعِ مجرد سنا کروں

مصطفٰی خان شیفتہ

ہم آرزوئے بوسہ بہ پیغام اب تلک

اکتوبر 25, 2015مصطفٰی خان شیفتہ،اساتذہ،غزلکب،اب،ادب،جب،سبب،شب،طلب،غضبadmin

مصطفٰی خان شیفتہ ۔ غزل نمبر 70

رہ جائے کیوں نہ ہجر میں جاں آ کے لب تلک

ہم آرزوئے بوسہ بہ پیغام اب تلک

کہتے ہیں بے وفا مجھے میں نے جو یہ کہا

مرتے رہیں گے آپ پہ، جیتے ہیں جب تلک

تمکینِ حسن ہے کہ نہ بے تاب ہو سکا

خلوت میں بھی کوئی قلقِ بے ادب تلک

آ جائے کاش موت ہی تسکیں نہ ہو، نہ ہو

ہر وقت بے قرار رہے کوئی کب تلک

وہ چشمِ التفات کہاں اب جو اس طرف

دیکھیں، کہ ہے دریغ نگاہِ غضب تلک

ایسے کریم ہم ہیں کہ دیتے ہیں بے طلب

پہنچاؤ یہ پیام اجلِ جاں طلب تلک

مایوس لطف سے نہ کر اے دشمنی شعار

امید سے اٹھاتے ہیں ہم جور اب تلک

یاں عجزِ بے ریا ہے نہ واں نازِ دل فریب

شکرِ بجا رہا گلۂ بے سبب تلک

ایسی ہی بے قراری رہی متصل اگر

اے شیفتہ ہم آج نہیں بچتے شب تلک

مصطفٰی خان شیفتہ

صبح ہونے کی نہیں خجلتِ تاثیر نہ کھینچ

اکتوبر 25, 2015مصطفٰی خان شیفتہ،اساتذہ،غزلمزامیر،گیر،تقریر،تقصیر،تیر،تاثیر،تدبیر،تسخیر،شمشیرadmin

مصطفٰی خان شیفتہ ۔ غزل نمبر 69

شیفتہ ہجر میں تو نالۂ شب گیر نہ کھینچ

صبح ہونے کی نہیں خجلتِ تاثیر نہ کھینچ

اے ستم گر رگِ جاں میں ہے مری پیوستہ

دم نکل جائے گا سینے سے مرے تیر نہ کھینچ

حور پر بھی کوئی کرتا ہے عمل دنیا میں

رنجِ بے ہودہ بس اے عاملِ تسخیر نہ کھینچ

عشق سے کیا ہے تجھے شکل تری کہتی ہے

حسنِ تقریر کو آہیں دمِ تقریر نہ کھینچ

ہے یہ سامان صفائی کا عدو سے کیوں کر

دستِ مشاطہ سے یوں زلفِ گرہ گیر نہ کھینچ

اے ستم پیشہ کچھ امیدِ تلافی تو رہے

دستِ نازک سے مرے قتل کو شمشیر نہ کھینچ

چارہ گر فکر کر اس میں، کہ مقدر بدلے

ورنہ بے ہودہ اذیت پئے تدبیر نہ کھینچ

کون بے جرم ہے جو شائقِ تعزیر نہیں

شوقِ تعزیر سے تو حسرتِ تقصیر نہ کھینچ

وجد کو زمزمۂ مرغِ سحر کافی ہے

شیفتہ نازِ مغنیِ و مزامیر نہ کھینچ

مصطفٰی خان شیفتہ

واقف ہیں شیوۂ دلِ شورش ادا سے ہم

اکتوبر 25, 2015مصطفٰی خان شیفتہ،اساتذہ،غزلہوا،قبا،آشنا،التجا،ادا،بلا،حیا،دوتا،ریا،رضا،صباadmin

مصطفٰی خان شیفتہ ۔ غزل نمبر 68

بچتے ہیں اس قدر جو اُدھر کی ہوا سے ہم

واقف ہیں شیوۂ دلِ شورش ادا سے ہم

افشائے رازِ عشق میں ضرب المثل ہے وہ

کیوں کر غبار دل میں نہ رکھیں صبا سے ہم

چلتے ہیں مے کدے کو کہاں یہ عزیز واں

رخصت تو ہو لیں کبر و نفاق و ریا سے ہم

اے جوشِ رشکِ قربِ عدو، اب تو مت اٹھا

بیٹھے ہیں دیکھ بزم میں کس التجا سے ہم

ہے جامہ پارہ پارہ، دل و سینہ چاک چاک

دیوانہ ہو گئے گلِ جیبِ قبا سے ہم

کیا جانتے تھے صبح وہ محشر قد آئے گا

شامِ شبِ فراق نہ مرتے بلا سے ہم

ہر بات پر نگاہ ہماری ہے اصل پر

لیتے ہیں مشکِ زخم کو زلفِ دوتا سے ہم

بے گانہ جب سے یار ہوا ہے، رقیب ہے

اُمید قطع کر چکے ہر آشنا سے ہم

بلبل یہ کہہ رہی ہے سرِ شاخسار پر

بدمست ہو رہے ہیں چمن کی ہوا سے ہم

کم التفات ہم سے سمجھتے ہیں اہلِ بزم

شرمندہ ہو گئے تری شرم و حیا سے ہم

ہاں شیفتہ پھر اس میں نصیحت ہی کیوں نہ ہو

سنتے ہیں حرفِ تلخ کو سمعِ رضا سے ہم

مصطفٰی خان شیفتہ

دانائیوں سے اچھے ہیں نادانیوں میں ہم

اکتوبر 25, 2015مصطفٰی خان شیفتہ،اساتذہ،غزلفانیوں،مہمانیوں،نگہبانیوں،نادانیوں،پریشانیوں،آسانیوں،افشانیوں،اخوانیوں،دانیوں،روحانیوں،طغیانیوںadmin

مصطفٰی خان شیفتہ ۔ غزل نمبر 67

کم فہم ہیں تو کم ہیں پریشانیوں میں ہم

دانائیوں سے اچھے ہیں نادانیوں میں ہم

شاید رقیب ڈوب مریں بحرِ شرم میں

ڈوبیں گے موجِ اشک کی طغیانیوں میں ہم

محتاجِ فیضِ نامیہ کیوں ہوتے اس قدر

کرتے جو سوچ کچھ جگر افشانیوں میں ہم

پہنچائی ہم نے مشق یہاں تک کہ ہو گئے

استادِ عندلیب، نو اخوانیوں میں ہم

غیروں کے ساتھ آپ بھی اٹھتے ہیں بزم سے

لو میزبان بن گئے مہمانیوں میں ہم

جن جن کے تو مزار سے گزرا وہ جی اٹھے

باقی رہے ہیں ایک ترے فانیوں میں ہم

گستاخیوں سے غیر کی ان کو ملال ہے

مشہور ہوتے کاش ادب دانیوں میں ہم

دیکھا جو زلفِ یار کو تسکین ہو گئی

یک چند مضطرب تھے پریشانیوں میں ہم

آنکھوں سے یوں اشارۂ دشمن نہ دیکھتے

ہوتے نہ اس قدر جو نگہبانیوں میں ہم

جو جان کھو کے پائیں تو فوزِ عظیم ہے

وہ چیز ڈھونڈتے ہیں تن آسانیوں میں ہم

پیرِ مغاں کے فیضِ توجہ سے شیفتہ

اکثر شراب پیتے ہیں روحانیوں میں ہم

مصطفٰی خان شیفتہ

سخت بے تاب ہیں مزار میں ہم

اکتوبر 25, 2015مصطفٰی خان شیفتہ،اساتذہ،غزلمزار،یار،انتظار،اختیار،بار،غبارadmin

مصطفٰی خان شیفتہ ۔ غزل نمبر 66

مر گئے ہیں جو ہجرِ یار میں ہم

سخت بے تاب ہیں مزار میں ہم

تا دلِ کینہ ور میں پائیں جگہ

خاک ہو کر ملے غبار میں ہم

وہ تو سو بار اختیار میں آئے

پر نہیں اپنے اختیار میں ہم

کب ہوئے خارِ راہِ غیر بھلا

کیوں کھٹکتے ہیں چشمِ یار میں ہم

کوئے دشمن میں ہو گئے پامال

آمد و رفتِ بار بار میں ہم

نعش پر تو خدا کے واسطے آ

مر گئے تیرے انتظار میں ہم

گر نہیں شیفتہ خیالِ فراق

کیوں تڑپتے ہیں وصلِ یار میں ہم

مصطفٰی خان شیفتہ

کہتی ہے بد عدو کو وفا اور وفا کو ہم

اکتوبر 25, 2015مصطفٰی خان شیفتہ،اساتذہ،غزلقضا،وفا،بُکا،حیا،دوا،دعا،شفا،صباadmin

مصطفٰی خان شیفتہ ۔ غزل نمبر 65

مطبوع یار کو ہے جفا اور جفا کو ہم

کہتی ہے بد عدو کو وفا اور وفا کو ہم

دشنام بھی سنی نہ تمہاری زبان سے

ہے کوستی اثر کو دعا اور دعا کو ہم

افغانِ چرس رس کی لپٹ نے جلا دیا

نامے کو ڈھونڈتی ہے صبا اور صبا کو ہم

لاتا ہے ظنِ نیم تبسم سے جوش میں

دل کو قلق، قلق کو بُکا اور بُکا کو ہم

درماں مریضِ غم کا ترے کچھ نہ ہو سکا

چھیڑے ہے چارہ گر کو دوا اور دوا کو ہم

پھر کیوں نہ دیکھنے سے عدو کے ہو منفعل

پھر اس کو دوکھتی ہے حیا اور حیا کو ہم

ہیں جاں بلب کسی کے اشارے کی دیر ہے

دیکھے ہے اس نگہ کو قضا اور قضا کو ہم

ہے آرزوئے شربتِ مرگ اب تو شیفتہ

لگتی ہے زہر ہم کو شفا اور شفا کو ہم

مصطفٰی خان شیفتہ

مدت سے اسی طرح نبھی جاتی ہے با ہم

اکتوبر 25, 2015مصطفٰی خان شیفتہ،اساتذہ،غزلقبا،مزا،یا،کجا،با،جفاadmin

مصطفٰی خان شیفتہ ۔ غزل نمبر 64

گہ ہم سے خفا وہ ہیں گہے ان سے خفا ہم

مدت سے اسی طرح نبھی جاتی ہے با ہم

کرتے ہیں غلط یار سے اظہارِ وفا ہم

ثابت جو ہوا عشق، کجا یار کجا ہم

کچھ نشۂ مے سے نہیں کم نشۂ نخوت

تقویٰ میں بھی صہبا کا اٹھاتے ہیں مزا ہم

موجود ہے جو لاؤ جو مطلوب ہے وہ لو

مشتاقِ وفا تم ہو طلب گارِ جفا ہم

نے طبعِ پریشاں تھی نہ خاطر متفرق

وہ دن بھی عجب تھے کہ ہم اور آپ تھے باہم

کیا کرتے ہیں، کیا سنتے ہیں، کیا دیکھتے ہیں، ہائے

اس شوخ کے جب کھولتے ہیں بندِ قبا ہم

یہ طرزِ ترنم کہیں زنہار نہ ڈھونڈو

اے شیفتہ یا مرغِ چمن رکھتے ہیں، یا ہم

مصطفٰی خان شیفتہ

بگڑی ہے تیرے دور میں ایسی ہوائے گل

اکتوبر 25, 2015مصطفٰی خان شیفتہ،اساتذہ،غزلہوائے،ہائے،فدائے،قبائے،لائے،منگائے،چڑھائے،چھپائے،کھائے،پائے،ادائے،بچھائے،بجائے،سوائےadmin

مصطفٰی خان شیفتہ ۔ غزل نمبر 63

بلبل کو بھی نہیں ہے دماغِ صدائے گل

بگڑی ہے تیرے دور میں ایسی ہوائے گل

ہنگامِ غش جو غیر کو اس نے سنگھائے گل

جنت میں لے چلی مری جاں کو ہوائے گل

ایما ہے بعدِ مرگ بھی ہم بے وفا رہے

اس واسطے مزار پہ میرے چڑھائے گل

مرتی ہیں گل کے نام پہ ہی بلبلیں کہ اب

پھرتی ہیں ساتھ ساتھ مرے جب سے کھائے گل

کھٹکوں عدو کی آنکھ میں تا بعدِ مرگ بھی

کانٹے مرے مزار پہ رکھنا بجائے گل

کس کس طرح سے کھوئے گئے غیر کیا کہوں

روزِ جزا بھی سینے پہ میرے جو پائے گل

جلتی ہے تیرے حسنِ جہاں سوز سے بہار

نکلیں گے شعلے خاکِ چمن سے بجائے گل

آخر دو رنگی اس گلِ رعنا پہ کھل گئ

لوگوں کو دیکھ کر جو عدو نے چھپائے گل

عاشق سے پہلے راہِ محبت میں جان دے

کیوں کر نہ عندلیب کرے جاں فدائے گل

خاموش عندلیب، کہ طاقت نہیں رہی

ہیں چاک پردے کان کے مثلِ قبائے گل

شاید دکھانے لائے گا اس کو کہ غیر نے

بستر پہ میرے کانٹوں کے بدلے بچھائے گل

جس گل میں ہے ادا وہ چمن میں بھلا کہاں

اے بلبلو، تمہیں کو مبارک ادائے گل

میرا انہیں کو غم ہے کہ بلبل کی آہ پر

کرتا ہے کون چاک گریباں، سوائے گل

جنت میں پہنچیں بلبلیں، پروانے جل گئے

اب کون شمع گور پر اور کون لائے گل

اک گل کا شوق تھا سبب اپنی وفات کا

پھولوں کے دن مرے رفقا نے منگائے گل

لکھی یہ ہم نے وہ غزلِ تازہ شیفتہ

ہر شعر جس میں داغ دہِ دستہ ہائے گل

مصطفٰی خان شیفتہ

دیکھ اے مرغِ سحر غل نہ مچانا شبِ وصل

اکتوبر 25, 2015مصطفٰی خان شیفتہ،اساتذہ،غزلفسانہ،لگانا،مچانا،چھپانا،ٹھکانا،اٹھانا،بہانا،جلاناadmin

مصطفٰی خان شیفتہ ۔ غزل نمبر 62

طالعِ خفتۂ دشمن نہ جگانا شبِ وصل

دیکھ اے مرغِ سحر غل نہ مچانا شبِ وصل

ان کو منظور نہیں نیند کا آنا شبِ وصل

اس لئے کہتے ہیں غیروں کا فسانہ شبِ وصل

صبر پروانے کا مجھ پر نہ پڑے ڈرتا ہوں

ماہ رو شمع کو ہرگز نہ جلانا شبِ وصل

خواہشِ کامِ دل اتنی نہ کر اے شوق کہ وہ

ڈھونڈتے ہیں چلے جانے کو بہانا شبِ وصل

آپ منت سے بلانے تجھے کیوں کر آؤں

غیر کے گھر میں ہے تیرا تو ٹھکانا شبِ وصل

شان میں صحبتِ ناکس سے خلل آتا ہے

صبحِ ہجراں کو بس اب منہ نہ لگانا شبِ وصل

تیرگی بختِ سیہ سے مرے لا جا کہ ضرور

جلوہ اس مہر لقا کا ہے چھپانا شبِ وصل

روزِ ہجراں میں اٹھے جاتے ہو کیوں دنیا سے

شیفتہ اور بھی تم لطف اٹھانا شبِ وصل

مصطفٰی خان شیفتہ

غالباً کچھ تو ہوا ہے مری تسکیں کا خیال

اکتوبر 25, 2015مصطفٰی خان شیفتہ،اساتذہ،غزلنگاریں،تزئیں،تسکیں،دیں،رنگیں،سیمیں،شیریںadmin

مصطفٰی خان شیفتہ ۔ غزل نمبر 61

یاں کے آنے میں نہیں ان کو جو تمکیں کا خیال

غالباً کچھ تو ہوا ہے مری تسکیں کا خیال

کفِ افسوس مَلے سے بھی پڑے ہاتھ میں نقش

بس کہ ہے دل میں مرے دستِ نگاریں کا خیال

گو مجھے عاشقِ مفلس وہ کہیں طعنے سے

تو بھی کیوں کر نہ رکھوں ساعدِ سیمیں کا خیال

تعزیت کو مری وہ آئے تو کیا ذلت ہے

اہلِ ماتم کو نہیں بزم کی تزئیں کا خیال

کیوں نہ ہو دستِ مژہ ماتمیوں کا رنگیں

مرتے دم تھا مجھے اس پنجۂ رنگیں کا خیال

سخنِ عشق ہے پتھر کی لکیر اے پرویز

دلِ فرہاد سے کیوں کر مٹے شیریں کا خیال

کیا مسلمان ہیں ہم شیفتہ سبحان اللہ

دل سے جاتا نہیں دم بھر بتِ بے دیں کا خیال

مصطفٰی خان شیفتہ

دیوانے ہیں اس زلفِ گرہ گیر کے مشتاق

اکتوبر 25, 2015مصطفٰی خان شیفتہ،اساتذہ،غزلگیر،اکسیر،تقریر،تیر،تاثیر،تحریر،تعزیر،شمشیرadmin

مصطفٰی خان شیفتہ ۔ غزل نمبر 60

پابندیِ وحشت میں زنجیر کے مشتاق

دیوانے ہیں اس زلفِ گرہ گیر کے مشتاق

بے رحم نہیں جرمِ وفا قابلِ بخشش

محروم ہیں کس واسطے تعزیر کے مشتاق

رہتے تھے بہم جن سے مثالِ ورق و حرف

اب ان کی رہا کرتے ہیں تحریر کے مشتاق

لکھتا ہوں جو میں آرزوئے قتل میں نامے

ہیں میرے کبوتر بھی ترے تیر کے مشتاق

کیوں قتل میں عشاق کے اتنا ہے تغافل

مر جائیں گے ظالم دمِ شمشیر کے مشتاق

اے آہ ذرا شرم کہ وہ کہتے ہیں اکثر

مدت سے ہیں ہم آہ کی تاثیر کے مشتاق

سیماب تھا دل، جل کے سو اب خاک ہوا ہے

لے جائیں مری خاک کو اکسیر کے مشتاق

کیا ہجر کے دن آنے میں ہے عذر سنیں تو

ہم ہیں ملک الموت کی تقریر کے مشتاق

دل سرد کے سن کے ترے لالۂ موزوں

تھے شیفتہ ہم محسنِ تاثیر کے مشتاق

مصطفٰی خان شیفتہ

یاں ہوا راز چھپانا موقوف

اکتوبر 25, 2015مصطفٰی خان شیفتہ،اساتذہ،غزلفسانہ،لگانا،چھپانا،آنا،جلانا،جاناadmin

مصطفٰی خان شیفتہ ۔ غزل نمبر 59

واں ہوا پردہ اٹھانا موقوف

یاں ہوا راز چھپانا موقوف

غیر کو رشک سے کیا آگ لگے

کہ ہوا میرا جلانا موقوف

ذکرِ شیریں کی اگر بندی ہے

کوہ کن کا بھی فسانہ موقوف!

اب کس امید پہ واں جائے کوئی

کہ ہوا غیر کا آنا موقوف

رمِ آہو سے وہ رم یاد آیا

دشت و صحرا میں بھی جانا موقوف

بد دماغ آج ہوا وہ گُل رُو

شیفتہ عطر لگانا موقوف

مصطفٰی خان شیفتہ

رہتا ہے ورنہ گھر میں ترے تا سحر چراغ

اکتوبر 25, 2015مصطفٰی خان شیفتہ،اساتذہ،غزلقمر،ور،گھر،پر،اگر،بھر،سحرadmin

مصطفٰی خان شیفتہ ۔ غزل نمبر 58

کیا غیر تھا کہ شب کو نہ تھا جلوہ گر چراغ

رہتا ہے ورنہ گھر میں ترے تا سحر چراغ

کیا لطفِ آہ، صبحِ شبِ ہجرِ مہروش

کیا فائدہ جو کیجئے روشن سحر چراغ

پروانہ گر نہ جائے تو بے جا ہے لافِ عشق

روشن ہے میرے نالوں سے افلاک پر چراغ

حربا کرے طریقۂ پروانہ اختیار

اُس تابِ رخ سے کیجئے روشن اگر چراغ

پروانہ ہو گیا ہے رقیبِ کتاں کہ ہے

اُس مہر وش کے جلوے کے آگے قمر چراغ

گستاخیوں کی تاب کسے اس کی بزم میں

بے باکیِ نسیم سے ہرگز نہ ڈر چراغ

ہے شمعِ انجمن وہ مہِ آتشیں عذار

گھی کے جلیں گے آج تو دشمن کے گھر چراغ

کرتا ہوں فکرِ شعر جو میں شب کو شیفتہ

رہتا ہے خواب گہ میں مری رات بھر چراغ

مصطفٰی خان شیفتہ

پروانے کو پسند نہیں پر سوائے شمع

اکتوبر 25, 2015مصطفٰی خان شیفتہ،اساتذہ،غزلہائے،لائے،منگائے،پائے،بہائے،بلائے،جلائے،جائے،دکھائے،سوائے،ضیائےadmin

مصطفٰی خان شیفتہ ۔ غزل نمبر 57

خورشید کو اگرچہ نہ پہنچے ضیائے شمع

پروانے کو پسند نہیں پر سوائے شمع

اس تیرہ روزگار میں مجھ سا جگر گداز

مشعل جلا کے ڈھونڈے اگر تو نہ پائے شمع

پروانے کیا خجل ہوئے دیکھا جو صبح کو

تھا شب کو اس کی بزم میں خورشید جائے شمع

اُس رشکِ شمع و گُل کی ہے کچھ آب و تاب اور

دیکھے ہیں جلوہ ہائے گل و شعلہ ہائے شمع

دیتی ہے اور گرمئ پروانہ داغِ اشک

شب ہائے ہجر میں کوئی کیونکر جلائے شمع

کیا حاجت آفتاب کے گھر میں چراغ کی

ہے حکم شب کو بزم میں کوئی نہ لائے شمع

اُس لعلِ بے بہا سے کہاں تابِ ہمسری

روشن ہے سب پہ قیمتِ گُل اور بہائے شمع

خورشید جس کے جلوہ سے ہو شمعِ صبح دم

کیا ٹھہرے اس کے سامنے نور و ضیائے شمع

اس تیرہ شب میں جائیں گے کیونکر عدو کے گھر

میرا رقیب وہ ہے جو ان کو دکھائے شمع

آتے ہیں وہ جو گور پہ میری تو بہرِ زیب

کوئی نہ پھول لائے نہ کوئی منگائے شمع

گُل پر لگا کے آپ سے پہنچیں گے بے طلب

آئے گی اپنے پاؤں سے یاں بن بلائے شمع

ڈر ہے اُٹھا نہ دے کہیں وہ بزمِ عیش سے

کیا تاب ہے کہ شیفتہ آنسو بہائے شمع

مصطفٰی خان شیفتہ

صنم پرست نہ ہو بندہ ریا واعظ

اکتوبر 25, 2015مصطفٰی خان شیفتہ،اساتذہ،غزلہوا،نارسا،پارسا،بلا،ثنا،ریاadmin

مصطفٰی خان شیفتہ ۔ غزل نمبر 56

ترے فسوں کی نہیں میرے دل میں جا واعظ

صنم پرست نہ ہو بندہ ریا واعظ

کسی صنم نے مگر آپ کو جلایا ہے

نہیں تو حوروں کی کیوں اس قدر ثنا واعظ

تمہارے حسنِ جہاں سوز سے میں جلتا ہوں

کہ ہیں رقیب مرے شیخ و پارسا، واعظ

ملا کے دیکھیں کہ ہے خوب کون دونوں میں

ہم اس کو لاتے ہیں تو حور کو بلا واعظ

ترے فسونِ اثر ریز سے رسا تر ہے

فغانِ بے اثر و آہِ نارسا واعظ

کمی تھی حالتِ رندی میں اس کو کیا یارو

کوئی یہ پوچھے کہ کیوں شیفتہ ہوا واعظ

مصطفٰی خان شیفتہ

کیسا ہے دیکھ عکسِ ادا کو ادا سے ربط

اکتوبر 25, 2015مصطفٰی خان شیفتہ،اساتذہ،غزلقبا،قضا،نارسا،وفا،آشنا،ابتدا،ادا،جفا،ربا،زاadmin

مصطفٰی خان شیفتہ ۔ غزل نمبر 55

لازم ہے بے وفا تجھے اہلِ وفا سے ربط

کیسا ہے دیکھ عکسِ ادا کو ادا سے ربط

یہ ناخن و خراش میں بگڑی کہ کیا کہوں

اک دم ہوا جو عقدہ بندِ قبا سے ربط

ناصح مری ملامتِ بے جا سے فائدہ

بے اختیار دل کو ہے اس دل ربا سے ربط

اس سرد مہر کو ہو اثر، پر جو ہو سکے

کام و دہاں کو میرے دمِ شعلہ زا سے ربط

کیجے گر ان سے شکوہ انجامِ کارِ عشق

کہتے ہیں مجھ کو تم سے نہ تھا ابتدا سے ربط

دو دن میں تنگ ہو گئے جورِ سپہر سے

اس حوصلے پہ کرتے تھےاس کی جفا سے ربط

کیا کیجے، بد گمانیِ ابرو کا دھیان ہے

کرتے وگرنہ ہجر میں تیغِ قضا سے ربط

تیرے ستم سے ہے یہ دعا لب پہ دم بہ دم

یا رب نہ ہو کسی کو کسی بے وفا سے ربط

صبحِ شبِ فراق کیا لطفِ مرگ نے

کیا دیر میں ہوا ہمیں زود آشنا سے ربط

فریادِ نزع کان تک اس کے نہ جا سکی

تھا شیفتہ ہمیں نفسِ نارسا سے ربط

مصطفٰی خان شیفتہ

غنچے کو جیسے موجۂ بادِ سحر سے فیض

اکتوبر 25, 2015مصطفٰی خان شیفتہ،اساتذہ،غزلہنر،نظر،گہر،پر،بر،تر،جگر،در،سحرadmin

مصطفٰی خان شیفتہ ۔ غزل نمبر 54

ہے دل کو یوں ترے دمِ اعجاز اثر سے فیض

غنچے کو جیسے موجۂ بادِ سحر سے فیض

عشاق سے نگاہ نہ رکھو دریغ تم

پاتے ہیں لوگ خدمتِ اہلِ نظر سے فیض

ہے عالمِ کبیر میں بھی یوں ہی جس طرح

دل سے جگر کو فیض ہے، دل کو جگر سے فیض

آزردہ جفائے "دے” و "تیر” کو نہیں

یک ذرہ آب و آتشِ لعل و گہر سے فیض

اپنی نہاد میں نہیں احساں فرامشی

پایا ہے ہم نے صاعقے کا ابرِ تر سے فیض

زر کسب کر کہ عشرتِ خسرو نصیب ہو

فرہاد کو سنا ہے، ہوا جو ہنر سے فیض؟

لگتے ہیں اس کے سینہ و بر سے مدام ہم

ہوتا ہے ہم کو روز مہِ سیم بر سے فیض

اربابِ خانقاہ ہیں محتاجِ اغنیا

کافی ہے ہم کو پیرِ مغاں! تیرے در سے فیض

بلبل ہمارے گھر وہ خود آتے ہیں رحم سے

افزوں ہے بے پری میں یہاں بال و پر سے فیض

خرم نہادِ مے کش و زاہد شگفتہ دل

ہے شیفتہ ہر ایک کو وقتِ سحر سے فیض

مصطفٰی خان شیفتہ

طلسمِ ہوش ربا ہے دکانِ بادہ فروش

اکتوبر 25, 2015مصطفٰی خان شیفتہ،اساتذہ،غزلمیہمان،نہان،نشان،آستان،امتحان،دکان،دان،زبانadmin

مصطفٰی خان شیفتہ ۔ غزل نمبر 53

اُٹھے نہ چھوڑ کے ہم آستانِ بادہ فروش

طلسمِ ہوش ربا ہے دکانِ بادہ فروش

کھلا جو پردہ روئے حقائقِ اشیاء

کھلی حقیقتِ رازِ نہانِ بادہ فروش

فسردہ طینتی و کاہلی سے ہم نے کبھی

شباب میں بھی نہ دیکھی دکانِ بادہ فروش

یقین ہے کہ مئے ناب مفت ہاتھ آئے

یہ جی میں ہے کہ بنوں میہمانِ بادہ فروش

قدح سے دل ہے مراد اور مے سے عشق غرض

میں وہ نہیں کہ نہ سمجھوں زبانِ بادہ فروش

عجب نہیں کہ کسی روز وہ بھی آ نکلیں

کہ ہے گزرگہِ خلق، آستانِ بادہ فروش

مے و سرود کے اسرار آپ آ کر دیکھ

نہ پوچھ مجھ سے کہ ہوں راز دانِ بادہ فروش

شراب دیکھ کہ کس رنگ کی پلاتا ہے

جز اس کے اور نہیں امتحانِ بادہ فروش

تری شمیم نے گلزار کو کیا برباد

تری نگاہ نے کھولی دکانِ بادہ فروش

عبث ہے شیفتہ ہر اک سے پوچھتے پھرنا

ملے گا بادہ کشوں سے نشانِ بادہ فروش

مصطفٰی خان شیفتہ

ہے خاکِ تن ہوا و ہوا خوں فشاں ہنوز

اکتوبر 25, 2015مصطفٰی خان شیفتہ،اساتذہ،غزلفشاں،فغاں،مہرباں،مغاں،نہاں،نشاں،کہکشاں،کارواں،پاسباں،آسماں،آشیاں،امتحاں،ارمغاں،جاں،خزاںadmin

مصطفٰی خان شیفتہ ۔ غزل نمبر 52

ہم بے نشان اور وفا کا نشاں ہنوز

ہے خاکِ تن ہوا و ہوا خوں فشاں ہنوز

بیت الحزن میں نغمۂ شادی بلند ہے

نکلا ہی بابِ مصر سے ہے کارواں ہنوز

صبحِ شبِ وصال نیِ صبح ہے، مگر

پرویں ہنوز جلوہ گر و کہکشاں ہنوز

ہرگز ابھی شکایتِ دشمن نہ چاہئے

ہم پر بھی یار خوب نہیں مہرباں ہنوز

کیوں کر کہیں کہ چھٹ گئے ہم بندِ جسم سے

اس زلفِ پیچ پیچ میں الجھی ہے جاں ہنوز

جو بات میکدے میں ہے اک اک زبان پر

افسوس مدرسے میں ہے بالکل نہاں ہنوز

ضبط و شکیب یاں ہے نقابِ جمال میں

بے وجہ واں نہیں ہے سرِ امتحاں ہنوز

مدت ہوئی بہارِ جہاں دیکھتے ہوئے

دیکھا نہیں کسی نے گلِ بے خزاں ہنوز

اکثر ہوا ہے مجھ کو سفر در وطن مگر

لایا نہ دوستوں کے لئے ارمغاں ہنوز

اک شب ہوا تھا جلوہ نما چرخ پر وہ ماہ

مدہوش ہیں ملائکۂ آسماں ہنوز

نا آشنا رقیب سے ہے آشنا ابھی

نا آشنا ہے لب سے ہمارے فغاں ہنوز

آشفتہ زلف، چاک قبا، نیم باز چشم

ہیں صحبتِ شبانہ کے ظاہر نشاں ہنوز

اے موجۂ نسیم ذرا اور ٹھہر جا

ہے خاک پر ہماری وہ دامن فشاں ہنوز

مے خانے میں تمام جوانی بسر ہوئی

لیکن ملا نہ منصبِ پیرِ مغاں ہنوز

اے تابِ برق تھوڑی سی تکلیف اور بھی

کچھ رہ گئے ہیں خار و خسِ آشیاں ہنوز

آتا ہوں میں وہیں سے ذرا صبر شیفتہ

سونے کے قصد میں بھی نہیں پاسباں ہنوز

مصطفٰی خان شیفتہ

رہ گئے حیران مجھ کو سب خود آرا دیکھ کر

اکتوبر 25, 2015مصطفٰی خان شیفتہ،اساتذہ،غزلمینا،میرا،کلیجا،کا،کارفرما،آرا،احبا،تقاضا،تمنا،تنہا،جلتا،دریا،زیبا،شکیبا،صحرا،عقبیadmin

مصطفٰی خان شیفتہ ۔ غزل نمبر 51

شیفتہ آیا ہوں میں کس کا تماشا دیکھ کر

رہ گئے حیران مجھ کو سب خود آرا دیکھ کر

شوقِ خوباں اُڑ گیا حوروں کا جلوہ دیکھ کر

رنجِ دنیا مٹ گیا آرامِ عقبیٰ دیکھ کر

ہے وہ آتش جلوہ، اشک افشاں ہمارے شور سے

شمع رو دیتی ہے پروانے کو جلتا دیکھ کر

خیر جو گزری سو گزری پر یہی اچھا ہوا

خط دیا تھا نامہ بر نے اس کو تنہا دیکھ کر

سائلِ مبرم کی پھبتی مجھ پہ فرمانے لگے

آرزوئے شوق کو گرمِ تقاضا دیکھ کر

ہے وہاں سستی طلب میں ، جان یاں بھاری نہیں

کام کرتے ہیں مزاجِ کارفرما دیکھ کر

ہیں تو دونوں سخت لیکن کون سا ہے سخت تر

اپنے دل کو دیکھئے میرا کلیجا دیکھ کر

گاؤں بھی ہم کو غنیمت ہے کہ آبادی تو ہے

آئے ہیں ہم سخت پُر آشوب صحرا دیکھ کر

اب کسے لاؤں گواہی کے لئے روزِ جزا

میرے دشمن ہو گئے، اس کو احبا دیکھ کر

میں کمینِ توبہ میں ہوں آپ ، لیکن کیا کروں

منہ میں بھر آتا ہے پانی جام و مینا دیکھ کر

التماسِ وصل پر بگڑے تھے بے ڈھب رات کو

کچھ نہ بن آئی مگر جوشِ تمنا دیکھ کر

دوستی کرتے ہیں اربابِ غرض ہر ایک سے

میرے عاشق ہیں عدو اب ربط اس کا دیکھ کر

بے نقط مجھ کو سناؤ گے جو دیکھو گے ستم

آپ عاشق تو ہوئے ہیں شوق میرا دیکھ کر

پھر کہو گے اس کو دل، فرماؤ اے اربابِ دل

جو نہ ہو بے تاب و مضطر، روئے زیبا دیکھ کر

یار پہلو میں نہیں، مے جام و مینا میں نہیں

تم ہوئے حیران مجھ کو نا شکیبا دیکھ کر

ناگہاں بادِ موافق شیفتہ چلنے لگی

جان پر کل بن رہی تھی شورِ دریا دیکھ کر

مصطفٰی خان شیفتہ

غش آ گیا مجھے انہیں ہشیار دیکھ کر

اکتوبر 25, 2015مصطفٰی خان شیفتہ،اساتذہ،غزلہشیار،ناچار،وفادار،گرفتار،پُرکار،آزار،استار،تلوار،خریدار،دیوارadmin

مصطفٰی خان شیفتہ ۔ غزل نمبر 50

تھا قصدِ بوسہ نشے میں سرشار دیکھ کر

غش آ گیا مجھے انہیں ہشیار دیکھ کر

کچھ بیمِ قتل سے نہیں آنکھوں میں اشکِ سُرخ

کھاتا ہے جوش خوں تری تلوار دیکھ کر

جاتے ہیں اور منع کی طاقت نہیں ، مگر

رہ جائیں آپ وہ مجھے ناچار دیکھ کر

پردہ کسی کا یاد، نہ بے پردگی ہے یاد

غش ہو گیا میں کعبے کے استار دیکھ کر

سرخیلِ عاشقاں مجھے کہتے ہیں بوالہوس

عاشق کا اس کو مائلِ آزار دیکھ کر

آتی ہیں یاد کاکل و دل کی حکایتیں

روتا ہوں دام و مرغِ گرفتار دیکھ کر

کیا بن گیا ہوں صورتِ دیوار دیکھنا

صورت کسی کی میں سرِ دیوار دیکھ کر

رحم ایسی سادگی پہ ستم گر ضرور ہے

عاشق ہوئے ہیں ہم تجھے پُرکار دیکھ کر

کم رغبتی سے لیتے ہیں دل، ہوشیار ہیں

بڑھتا ہے مول شوقِ خریدار دیکھ کر

کہتا تھا وقت مرگ کے ہر اک سے شیفتہ

دینا کسی کو دل تو وفادار دیکھ کر

مصطفٰی خان شیفتہ

تاب اس جلوے کی لاؤں کیوں کر

اکتوبر 25, 2015مصطفٰی خان شیفتہ،اساتذہ،غزللاؤں،مناؤں،چھپاؤں،آؤں،بٹھاؤں‌،بھلاؤں،بجھاؤں،جلاؤں،جگاؤں،جاؤں،سناؤںadmin

مصطفٰی خان شیفتہ ۔ غزل نمبر 49

وصل کے لطف اُٹھاؤں کیوں کر

تاب اس جلوے کی لاؤں کیوں کر

گرم جوشی کا کروں شکوہ کہ وہ

کہتے ہیں تجھ کو جلاؤں کیوں کر

کیا کروں ہائے میں بے تاب، وہ شوخ

چین سے پاس بٹھاؤں‌ کیوں کر

ہر بنِ مُو سے دھواں اٹھتا ہے

آتشِ غم کو چھپاؤں کیوں کر

میرے آنے سے تم اٹھ جاتے ہیں

بزمِ دشمن میں نہ آؤں کیوں کر

یاد نے جس کی بھلایا سب کچھ

اس کی میں یاد بھلاؤں کیوں کر

آپ بھایا مجھے رونا اپنا

کہتے ہیں ہائے میں جاؤں کیوں کر

چارۂ غیر سے فرصت ہی نہیں

دردِ دل اس کو سناؤں کیوں کر

زندگانی سے خفا ہوں اپنی

پھر کہو، تم کو مناؤں کیوں کر

اس کے آتے ہی بھڑک اٹھی اور

آتشِ دل کو بجھاؤں کیوں کر

شورِ محشر ابھی چونک اٹھے گا

شیفتہ کو میں جگاؤں کیوں کر

مصطفٰی خان شیفتہ

یہ بات ہے بڑی دلِ عاشق طلب سے دور

اکتوبر 25, 2015مصطفٰی خان شیفتہ،اساتذہ،غزللب،اب،ادب،جب،سب،طلب،طرب،عرب،غضبadmin

مصطفٰی خان شیفتہ ۔ غزل نمبر 48

یوں پاس بوالہوس رہیں چشمِ غضب سے دور

یہ بات ہے بڑی دلِ عاشق طلب سے دور

دیوانہ میں نہیں کہ انا لیلیٰ لب پہ آئے

باتیں خلافِ وضع ہیں اہلِ ادب سے دور

مجھ کو سنا کے کہتے ہیں ہمدم سے، یاد ہے؟

اک آدمی کو چاہتے تھے ہم بھی اب سے دور

جو لطف میں بھی پاس پھٹکنے نہ دے کبھی

رکھیو الٰہی! ایسے کے مجھ کو غضب سے دور

کیوں کر میں انجمن میں تمہاری شریک ہوں

اربابِ رنج رہتے ہیں اہلِ طرب سے دور

ہم سے اسے معاملہ تھا جان و جسم کا

ہرگز ملا نہ گاہ، ہوا ہائے جب سے دور

تو بھی جو میرے پاس نہ آئے تو کیا کروں

تیرے ہی پاس سے تو میں رہتا ہوں سب سے دور

میں غیرِ بوالہوس نہیں ڈرتے ہو کس لئے

مجھ کو نہ رکھو بوسے میں تم لب کو لب سے دور

بوس و کنار کی نہ کروں گا ہوس کبھی

یہ خواہشیں ہیں عاشقِ حسرت طلب سے دور

آغازِ عمر ہی میں ہے ہم کو خیالِ حج

دلی جو شیفتہ ہے دیارِ عرب سے دور

مصطفٰی خان شیفتہ

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: