داغِ برہنگی یہ اُسی نے دیا نہ ہو

نومبر 30, 2016ہوا کا تخت،ماجد صدیقی،غزلگیا،اڑا،بپا،خدا،دیا،صداadmin

ماجد صدیقی ۔ غزل نمبر 47

شاخ و شجر سے ابرِ کرم ہی خفا نہ ہو

داغِ برہنگی یہ اُسی نے دیا نہ ہو

ہاں ہاں فتُور یہ بھی مرے عجز کا نہ ہو

سائل ہوں جس کا خود کو سمجھتا خدا نہ ہو

موجِ صبا ہی ہو نہ کہیں در پے فساد

پتّوں کے درمیاں وہی شورش بپا نہ ہو

یہ تھر تھری سی کیوں ہے ابھی روئے آب پر

ڈوبا ہے جو اُسی کی پریشاں صدا نہ ہو

جس میں ہوئی تھیں میری تمنّائیں جاگزیں

بُغضِ ہوا سے پھر وہی خیمہ اُڑا نہ ہو

یارانِ ہم بساط سے بے زار تھا بہت

ماجدؔ بساطِ شوق اُلٹ ہی گیا نہ ہو

ماجد صدیقی

سجدۂ بے بسی ادا کیجے

نومبر 30, 2016ہوا کا تخت،ماجد صدیقی،غزللیا،کیا،ادا،بجھا،خداadmin

ماجد صدیقی ۔ غزل نمبر 48

شاخ سے ایک اِک جھڑا کیجے

سجدۂ بے بسی ادا کیجے

دستِ گلچین و برق و ابر و ہوا

کس سے بچئے کسے خدا کیجے

زخم بن جائے جو سماعت کا

بات ایسی نہ تم کیا کیجے

اُس کو حرفوں میں ڈھالنے کے لئے

انگلیوں میں قلم لیا کیجے

خواہشِ اَوج کی سزا ہے یہی

ہوکے شعلہ بہ سر بُجھا کیجے

کُیوں دُکھے دل دُکھائیے ماجدؔ

چُپ نہ رہئے تو اور کیا کیجے

ماجد صدیقی

چُپ چاپ تھے جانے کیوں شجر بھی

نومبر 30, 2016ہوا کا تخت،ماجد صدیقی،غزلٹھہر،تاجور،تر،در،سحر،شجرadmin

ماجد صدیقی ۔ غزل نمبر 49

سہمے تھے چمن کے نغمہ گر بھی

چُپ چاپ تھے جانے کیوں شجر بھی

محرومِ ہوائے گل رہے ہم

ہر چند کھُلے تھے اپنے در بھی

انجام سے جیسے باخبر تھے

ٹھِٹکے رہے گُل بہ شاخِ تر بھی

ہے جاں پہ نظر سو وہ بھی لے لے

اے درد کی رو! کہیں ٹھہر بھی

کچھ کچھ ہمیں مانتے ہیں اب کے

اِس مُلکِ سخن کے تاجور بھی

اک صبر ذرا، وہ دیکھ ماجدؔ

کھُلتا ہے دریچۂ سحر بھی

ماجد صدیقی

ڈھل کے حرفوں میں، تری شاخِ نظر ایسا ہو

نومبر 30, 2016ہوا کا تخت،ماجد صدیقی،غزلہنر،نظر،ور،در،سفر،شجر،شررadmin

ماجد صدیقی ۔ غزل نمبر 50

جی میں آتا ہے کوئی مصرعۂ تر ایسا ہو

ڈھل کے حرفوں میں، تری شاخِ نظر ایسا ہو

مشغلہ ہو پسِ دیوار تری تاک ایسا

لُطف ہو جس میں تری دِید کا، ڈر ایسا ہو

میں حدوں سے نہ ترے حسن کی باہر نکلوں

زندگی بھر مجھے درپیش سفر ایسا ہو

قوس در قوس ترا جسم ہو پابندِ قلم

تو اُتر آئے لکیروں میں ہُنر ایسا ہو

چین سے ایک بھی پل رہنے نہ دے تیرا خیال

شوق دل میں ترا، مٹھی میں شرر ایسا ہو

جس کے پہلو سے اُبھرتے ترا چہرہ دیکھوں

کوئی دیوار ہو ایسی کوئی در ایسا ہو

جس کا سایہ ہو اِن آنکھوں کا مداوا ماجدؔ

اِس رہِ زیست میں کوئی تو شجر ایسا ہو

ماجد صدیقی

یہ ارتباط بھی آب و حباب جیسا ہے

نومبر 30, 2016ہوا کا تخت،ماجد صدیقی،غزلکتاب،گلاب،آفتاب،اضطراب،حباب،سحاب،شرابadmin

ماجد صدیقی ۔ غزل نمبر 51

سلوک مجھ سے ترا اجتناب جیسا ہے

یہ ارتباط بھی آب و حباب جیسا ہے

مرے لبوں پہ رواں ذکرِ التفات ترا

بدستِ صبح گُلِ آفتاب جیسا ہے

متاعِ زیست ہے پیوستگئِ باہم کا

یہ ایک لمحہ کہ کھلتے گلاب جیسا ہے

کھُلا یہ ہم پہ ترے جسم کے چمن سے ہے

کہ برگ برگ یہاں کا کتاب جیسا ہے

نکل ہوا میں کہ عالم کچھ اِن دنوں اس کا

مثالِ گفتۂ غالب شراب جیسا ہے

ہے جستجوئے خیابانِ تشنہ لب میں رواں

مرا یہ شوق کہ اُمڈے سحاب جیسا ہے

ہم اِس حیات کو محشر نہ کیوں کہیں ماجدؔ

سکونِ دل بھی جہاں اضطراب جیسا ہے

ماجد صدیقی

پھر وُہی اندھا کُنواں ہے اور ہم

نومبر 30, 2016ہوا کا تخت،ماجد صدیقی،غزلفغاں،کنواں،گماں،دھواں،زباںadmin

ماجد صدیقی ۔ غزل نمبر 52

سر پہ لختِ آسماں ہے اور ہم

پھر وُہی اندھا کُنواں ہے اور ہم

ہَیں لبوں پر خامشی کی کائیاں

زنگ آلودہ زباں ہے اور ہم

دُھند میں لپٹی ہوئی بینائیاں

دَر بدَر اُٹھتا دُھواں ہے اور ہم

منہدم بُنیاد ہر ایقان کی

نرغۂ وہم و گماں ہے اور ہم

ہر سخن ماجدؔ یہاں بے آبُرو

بے اثر طرز فغاں ہے اور ہم

ماجد صدیقی

زہر اندر کا بھلا کب تک نہ اُگلا جائے گا

نومبر 30, 2016ہوا کا تخت،ماجد صدیقی،غزلآئے،جائےadmin

ماجد صدیقی ۔ غزل نمبر 53

رنج ہے تجھ سے تو وہ راہِ سخن بھی پائے گا

زہر اندر کا بھلا کب تک نہ اُگلا جائے گا

میں کہ بھنوروں سی طلب لے کر رواں ہوں گُل بہ گل

کوئی قاتل اِس طلب پر بھی تو غالب آئے گا

تُو کہ پھولوں سی تمنّاؤں میں محوِ رقص ہے

تجھ سی تتلی کا سراپا بھی تو مسلا جائے گا

ہے شگفتِ گُل سے تحریکِ شگفتِ آرزو

دم بخود رہ کر نہ یہ موسم بِتایا جائے گا

اپنے قدِ فکر کو ماجدؔ نہ کر اِتنا سڈول

بعد تیرے کل ترا نقّاد بھی اِک آئے گا

ماجد صدیقی

میں کہاں ہوں مجھے اِتنا ہی بتا دے کوئی

نومبر 30, 2016ہوا کا تخت،ماجد صدیقی،غزلہٹا،لگا،چلا،بہا،بتا،جلا،دلاadmin

ماجد صدیقی ۔ غزل نمبر 54

دشتِ خواہش میں کہیں سے تو صدا دے کوئی

میں کہاں ہوں مجھے اِتنا ہی بتا دے کوئی

دل میں جو کچھ ہے زباں تک نہ وہ آنے پائے

کاش ہونٹوں پہ مرے مُہر لگا دے کوئی

فصل ساری ہے تمنّاؤں کی یک جا میری

میرا کھلیان نہ بے درد جلا دے کوئی

وہ تو ہو گا، جو مرے ذمّے ہے، مجھ کو چاہے

وقت سے پہلے ہی دریا میں بہا دے کوئی

میں بتاؤں گا گئی رُت نے کیا ہے کیا کیا

میرے چہرے سے جمی گرد ہٹا دے کوئی

موسمِ گل نہ سہی، بادِ نم آلود سہی

شاخِ عریاں کو دلاسہ تو دلا دے کوئی

ہے پس و پیش جو اپنا یہ مقّدر ماجدؔ

آخری تیر بھی ترکش سے چلا دے کوئی

ماجد صدیقی

دن پھوٹنے کے ہیں یہی شاخِ گلاب کے

نومبر 30, 2016ہوا کا تخت،ماجد صدیقی،غزلگلاب،باب،حباب،شباب،شراب،عقابadmin

ماجد صدیقی ۔ غزل نمبر 55

دیکھیں تو دِل میں ٹہنی تمّنا کی داب کے

دن پھوٹنے کے ہیں یہی شاخِ گلاب کے

کل جسکے چہچہے تھے منڈیروں پہ جا بہ جا

پنجے میں آج تھی وہی چڑیا عقاب کے

رہتا ہمیں ہے جن پہ گماں کائنات کا

منظر ہیں کچھ درونِ فضائے حباب کے

محوِ رقم قلم تھا مؤرخ کا جن پہ کل

اوراق تھے وہ میری ہزیمت کے باب کے

اُچھلے تھے ساحلوں سے کبھی ہم بھی موج موج

آئے تھے ہم پہ بھی کبھی کچھ دن شباب کے

ماجدؔ اُدھر تھا قوم کا نیلام اور اِدھر

اُڑتے بہ قصرِ خاص تھے ساغر شراب کے

ماجد صدیقی

اِک یہی نسخہ چمن میں جانتا کوئی نہیں

نومبر 30, 2016ہوا کا تخت،ماجد صدیقی،غزلمانتا،گردانتا،پہچانتا،پوچھتا،جانتا،سوچتاadmin

ماجد صدیقی ۔ غزل نمبر 56

در بہاروں کے دلوں پر کھولتا کوئی نہیں

اِک یہی نسخہ چمن میں جانتا کوئی نہیں

کون سا سرچشمۂ آلام ہے اِس قوم کا

دم بخود سارے ہیں لیکن سوچتا کوئی نہیں

چیونٹیاں پیروں تلےِپستی نظر آئیں کسے

جرم ہیں ایسے کئی پر مانتا کوئی نہیں

دیکھتے ہیں دوسروں کو اپنے آئینے میں سب

اور اپنی شکل تک پہچانتا کوئی نہیں

رہ گئی بٹ کر جزیروں میں ہر اِک انساں کی سوچ

کون کیسے جی رہا ہے پوچھتا کوئی نہیں

جو بھی کچھ کہہ جائیں ماجدؔ روپ میں فن کے یہاں

ایسی ویسی بات کو گردانتا کوئی نہیں

ماجد صدیقی

کھولی کتاب اور سرِ مَتن جا رُکا

نومبر 30, 2016ہوا کا تخت،ماجد صدیقی،غزلکیا،کھٹکھٹا،گیا،تھا،رُکاadmin

ماجد صدیقی ۔ غزل نمبر 57

دیکھا نہ گرد پوش تھا کیا، ابتدا تھی کیا

کھولی کتاب اور سرِ مَتن جا رُکا

طے ہے کہ کھُل گیا بھی تو بھنچنا ہے پھر اُسے،

قاروں کے دَر کو ضربِ سُبک سے نہ کھٹکھٹا

ویسے ہی آپ شوخئِ عنوان پر گئے

چہرے پہ دل کا درد بھی بین السطور تھا

درسِ قبول تیرگئ عہدِ نو بھی دیکھ

بجتے ہی سائرن کے دِیا دل کا بُجھ گیا

تھی ابتدا کچھ اور مگر انتہا ہے اور

ماجدؔ تضاد ہے یہ تمہاری غزل میں کیا

ماجد صدیقی

کیا ہوئے لوگ وہ خوابیدہ اداؤں والے

نومبر 30, 2016ہوا کا تخت،ماجد صدیقی،غزلچھاؤں،وفاؤں،اداؤں،حناؤں،خداؤں،دعاؤں،صداؤںadmin

ماجد صدیقی ۔ غزل نمبر 58

دم بہ دم کھلتی رُتوں اپنی ہواؤں والے

کیا ہوئے لوگ وہ خوابیدہ اداؤں والے

پل میں بے شکل ہُوئے تیز ہوا کے ہاتھوں

نقش تھے ریت پہ جو عہد وفاؤں والے

جیسے بھونچال سے تاراج ہوں زر کی کانیں

بھنچ گئے کرب سے یوں ہاتھ حناؤں والے

شورِ انفاس سے سہمے ہیں پرندوں کی طرح

زیرِ حلقوم سبھی حرف دعاؤں والے

آ گئے سبزۂ بے جاں میں طراوت سے معاً

دیکھتے دیکھتے انداز خداؤں والے

اوڑھنی سب کی ہو جیسے کوئی مانگے کی ردا

باغ میں جتنے شجر ملتے ہیں چھاؤں والے

عکسِ احساس، زباں تک نہیں آتا ماجدؔ

لفظ ناپید ہیں گھمبیر صداؤں والے

ماجد صدیقی

ہر ایک رت کو رہا دعوئے ہنر کیا کیا

نومبر 30, 2016ہوا کا تخت،ماجد صدیقی،غزلہنر،مفر،تبر،در،زر،شجرadmin

ماجد صدیقی ۔ غزل نمبر 59

دئے جو روند نکھارے بھی ہیں شجر کیا کیا

ہر ایک رت کو رہا دعوئے ہنر کیا کیا

تھے کتنے خواب جو تعبیر کو ترستے رہے

قریبِ موسم گل کٹ گئے شجر کیا کیا

نہ اب وہ آنکھ میں جنبش نہ ابروؤں میں وہ خم

ترے بغیر ہیں سنسان بام و در کیا کیا

ہوا زمیں سے تمازت فلک سے درپے تھی

چلے ہیں اب کے برس شاخ پر تبر کیا کیا

ملی پناہ بھی آخر تو دستِ گلچیں میں

گلوں کو نرغۂِ صر صر سے تھا مفر کیا کیا

یہ آنسوؤں کے گہر بالیاں یہ آہوں کی

ملی ہمیں بھی ہے ورثے میں سیم و زر کیا کیا

ماجد صدیقی

وہ شوخ میری تمّنا کا پیرہن نہ ہوا

نومبر 30, 2016ہوا کا تخت،ماجد صدیقی،غزلپیرہن،انجمن،بن،بانکپن،رن،سخنadmin

ماجد صدیقی ۔ غزل نمبر 60

خیال ہی میں رہا، زینتِ بدن نہ ہوا

وہ شوخ میری تمّنا کا پیرہن نہ ہوا

میانِ معرکہ نکلے ہیں مستِ ساز جو ہم

طوائفوں کا ہُوا مشغلہ، یہ رَن نہ ہُوا

نہ تھا قبول جو اُس کی نگاہ سے گرنا

بہم ہمیں کوئی پیرایۂ سخن نہ ہُوا

لُٹے شجر تو دِفینوں پہ کی گزر اِس نے

یہ دل زمینِ چمن تھا اجاڑ بن نہ ہُوا

تھا جیسی شاخ پہ اصرار بیٹھنے کو اُسے

نظر میں اپنی ہی پیدا وہ بانکپن نہ ہُوا

ہمیں وُہ لفظ ہے ماجدؔ مثالِ برگِ علیل

لبوں سے پھُوٹ کے جو زیبِ انجمن نہ ہوا

ماجد صدیقی

کس درجہ ہم تھے غرق بدن کے سرور میں

نومبر 30, 2016ہوا کا تخت،ماجد صدیقی،غزلچور،بور،تنور،سرور،طیور،غرورadmin

ماجد صدیقی ۔ غزل نمبر 61

خوشبو میں غوطہ زن تھے نہائے تھے نور میں

کس درجہ ہم تھے غرق بدن کے سرور میں

روشن پسِ زباں ہے الاؤ کوئی ضرور

حدت سی آ گئی ہے جو آنکھوں کے نُور میں

دونوں جہاں تھے جیسے اُسی کے تہِ قدم

اُس نے تو ہاتھ تک نہ ملایا غرُور میں

پوچھا ہے کس نے حال مری بُود و باش کا

چھینٹا دیا یہ کس نے دہکتے تنُور میں

اے پیڑ تیری خیر کہ ہیں بادِ زرد کی

پیوست انگلیاں تری شاخوں کے بُور میں

ماجدؔ چمن میں صُورتِ حالات ہے کچھ اور

پھیلی ہے سنسنی سی جو اُڑتے طیُور میں

ماجد صدیقی

کم ہوں نہ شورشیں ہی لہو کی تو کیا کریں

نومبر 30, 2016ہوا کا تخت،ماجد صدیقی،غزلکیا،رہاadmin

ماجد صدیقی ۔ غزل نمبر 62

خواہش تو ہے کہ دل کو سکوں آشنا کریں

کم ہوں نہ شورشیں ہی لہو کی تو کیا کریں

کچھ لطفِ بے نیازئ صحرا بھی چاہئے

ہر دم نہ زیر بارِ چمن ہی رہا کریں

شامل ہے مثلِ درد جو ماجدؔ بہ ہر نفس

اُس کرب ناروا کا مداوا بھی کیا کریں

ماجد صدیقی

خود سے بہتر شہر کے لوگوں کو دیکھا کیجئے

نومبر 30, 2016ہوا کا تخت،ماجد صدیقی،غزلگزارا،پیدا،بالا،دیکھا،شکوہadmin

ماجد صدیقی ۔ غزل نمبر 63

حسرتیں اپنی جگانے گھر سے نکلا کیجئے

خود سے بہتر شہر کے لوگوں کو دیکھا کیجئے

بخت اُلٹے ہیں تو ہر نعمت سے کیجے احتراز

دھوپ سے محروم گھر ہی میں گزارا کیجئے

ہاتھ پاؤں مارئیے مقدور سے بڑھ کر یہاں

نرخ صَرفِ خوں سے ہی کچھ اپنا بالا کیجئے

گانٹھ کر انسان سے رشتہ حصولِ رزق کا

ہر کسی کا منہ پئے الطاف دیکھا کیجئے

اپنے حق میں لفظ بھی اِن کے غنیمت جانئے

دوستوں کی بات سے معنی نہ پیدا کیجئے

یوں نہ ہو ماجدؔ یہ ذکرِ درد اِک تہمت بنے

اِس قدر بھی نارسائی کا نہ شکوہ کیجئے

ماجد صدیقی

یہ ہم سے پوچھئے کیا ہیں محبتیں کرنی

نومبر 30, 2016ہوا کا تخت،ماجد صدیقی،غزلمحبتیں،مسافتیں،وحشتیں،امانتیں،تمازتیں،شرارتیںadmin

ماجد صدیقی ۔ غزل نمبر 64

حصارِ ہجر سے پیہم بغاوتیں کرنی

یہ ہم سے پوچھئے کیا ہیں محبتیں کرنی

سبھی حجاب ترے سامنے سمٹنے لگے

تجھی نے ہم کو سکھائیں یہ وحشتیں کرنی

ترے ہی حسنِ سلامت سے آ گئی ہیں ہمیں

بہ حرف و صوت یہ پل پل شرارتیں کرنی

جگرِ میں سینت کے سَب تلخیاں، بنامِ وفا

نثار تُجھ پہ لُہو کی تمازتیں کرنی

یہی وہ لطف ہے کہتے ہیں قربِ یار جسے

دل و نگاہ سے طے سب مسافتیں کرنی

یہی کمال، ہُنر ہے یہی مرا ماجدؔ

سپرد حرف، کِسی کی امانتیں کرنی

ماجد صدیقی

مَیں بھی گھِرا ہوں جیسے فضائے حباب میں

نومبر 30, 2016ہوا کا تخت،ماجد صدیقی،غزلکتاب،گلاب،اجتناب،اضطراب،جواب،حباب،سحاب،طنابadmin

ماجد صدیقی ۔ غزل نمبر 65

حجلے سے واہموں کے نکلتا ہوں خواب میں

مَیں بھی گھِرا ہوں جیسے فضائے حباب میں

کیوں سر پہ آ پڑا ہے یہ خیمہ سکون کا

آیاہے جھول کس کی نظر کی طناب میں

شایدکہیں تو لطف کا دریا رواں ملے

کہسار سر کئے ہیں اِسی اضطراب میں

وہ ابرِ لخت لخت حجابوں کا اور وہ تو

کیا لذّتیں تھیں مجھ سے ترے اجتناب میں

پیاسی زمیں پہ وہ بھی مجھی سا تھا مہرباں

خُو بُو تھی کچھ مجھی سی مزاجِ سحاب میں

ہر حرف چاہتا تھا اُسی پر رکے رہیں

کیا کیا تھے باب اُس کے بدن کی کتاب میں

انساں تھا وہ بھی میری طرح ہی انا شکار

تھوکا ہے، اس نے بھی مرے منہ پر جواب میں

ماجدؔ قلم کو تُو بھی نمِ دل سے آب دے

نکلی ہیں دیکھ کونپلیں شاخِ گلاب میں

ماجد صدیقی

کشیدہ رُو ہے ہمِیں سے بہار کیا کہئے

نومبر 30, 2016ہوا کا تخت،ماجد صدیقی،غزلفگار،اختیار،بہار،تاجدار،سنگسار،شاخسارadmin

ماجد صدیقی ۔ غزل نمبر 66

چمن چمن ہے یہاں زر نگار کیا کہئے

کشیدہ رُو ہے ہمِیں سے بہار کیا کہئے

لگی ہے ضربِ عدو تو پسِ نگاہ مگر

ہیں چشم و گوش و زباں سب فگار کیا کہئے

وہ جن کے عیش کو مرہون ہو گئے ہم تُم

کہاں گئے ہیں وہ سب تاجدار کیا کہئے

شجر درونِ چمن باور ہوا جو بھی

کیا گیا ہے وہی سنگسار کیا کہئے

ہوا کا تخت ملا عاق ہو کے شاخوں سے

یہ جبر کس نے کیا اختیار کیا کہئے

لبوں کے بیچ نئی کونپلیں ہیں نت ماجدؔ

سخن کہیں کہ اِسے شاخسار، کیا کہئے

ماجد صدیقی

گنگ ہے کیوں مری غزل کی زباں

نومبر 30, 2016ہوا کا تخت،ماجد صدیقی،غزلکہاں،کراں،گماں،بتاں،خزاں،رواں،زیاں،زباں،سناںadmin

ماجد صدیقی ۔ غزل نمبر 67

چھن گیا کیوں قلم سے حرفِ رواں

گنگ ہے کیوں مری غزل کی زباں

کس خدا کی پناہ میں ہوں کہ میں

بُھولتا جا رہا ہوں جورِ بتاں

کوئی جنبش تو سطح پر بھی ہو

کس طرح کا ہوں میں بھی آبِ رواں

پیلے پتّوں کو سبز کون کرے

کس سے رُک پائے گا یہ سیلِ خزاں

اب یہی روگ لے کے بیٹھے ہیں

ہم کہ تھا شغل جن کا جی کا زیاں

ہم کہ سیماب وار جیتے تھے

اب ہمیں پر ہے پتّھروں کا گماں

اب وہ چبھنا بھی اپنا خاک ہوا

ہم کہ تھے ہر نظر میں نوکِ سناں

ہے تکلم مرے پہ خندہ بہ لب

گونجتی خامشی کراں بہ کراں

یہ تو خدشہ ہمیں نہ تھا ماجدؔ

نرغۂ غم میں گھر گئے ہو کہاں

ماجد صدیقی

حاصل ہمیں بھی فخر تری دوستی کا تھا

نومبر 30, 2016ہوا کا تخت،ماجد صدیقی،غزلکہی،تہی،تازگی،دوستی،رخیadmin

ماجد صدیقی ۔ غزل نمبر 68

چہرے یہ اشتہار سا اِک بے بسی کا تھا

حاصل ہمیں بھی فخر تری دوستی کا تھا

جیسے چمن سے موسمِ گُل روٹھنے لگے

منظر وہ کیا عجیب تری بے رُخی کا تھا

ہر بات پر ہماری تأمّل رہا اُسے

کھٹکا عجیب اُس کو کسی اَن کہی کا تھا

شکوہ ہی کیا ہو تجھ سے عدم ارتباط کا

ہم سے ترا سلوک ہی پہلو تہی کا تھا

نسبت کسی بھی ایک چمن سے نہ تھی ہمیں

ماجدؔ کچھ ایسا ذوق ہمیں تازگی کا تھا

ماجد صدیقی

ایسا بھی راس زورِ طبیعت نہیں مجھے

نومبر 30, 2016ہوا کا تخت،ماجد صدیقی،غزلہے،نہیںadmin

ماجد صدیقی ۔ غزل نمبر 69

چھلکوں جو ساحلوں سے یہ حاجت نہیں مجھے

ایسا بھی راس زورِ طبیعت نہیں مجھے

یا شاخِ سبز یا میں رہوں بن کے رزقِ خاک

منظور اور کوئی بھی صُورت نہیں مجھے

رشتہ ہے استوار شجر سے ابھی مرا

کچھ تُندئ ہوا سے شکایت نہیں مجھے

ہوں مشتِ خاک، ابرِ گریزاں نہیں ہوں میں

خلوت گزیں ہوں نشّۂ نخوت نہیں مجھے

ہمرہ بجائے سایہ ابھی ابر سر پہ ہے

صحرا کی وسعتوں سے بھی وحشت نہیں ہے مجھے

کچھ اِس پہ اور بھی تو یقیناً ہے مستزاد

اِک عجز ہی تو باعثِ عزّت نہیں مجھے

ماجدؔ ہوں موج، مجھ میں تموّج ضرور ہے

حاشا کسی سے کوئی عداوت نہیں مجھے

ماجد صدیقی

میری تشنہ خواہشیں بچّہ مرا دُہرا آ گیا

نومبر 30, 2016ہوا کا تخت،ماجد صدیقی،غزلکھا،آ،بپا،دہلا،سلگا،شرماadmin

ماجد صدیقی ۔ غزل نمبر 70

جب کبھی اندوہِ رفتہ بھُولنے پر آ گیا

میری تشنہ خواہشیں بچّہ مرا دُہرا آ گیا

لے لیا مٹھی میں تتلی جان کر کیسا شرر

کھیل میں خواہش کے مَیں کیسا یہ دھوکا کھا گیا

تھا تواضح میں تو مہماں کی بڑا ہی سرخرو

میں تقاضائے اعانت پر مگر شرما گیا

زلزلے ماضی کے پنہاں تھے وہ جس کی دِید میں

سرسے لے کر پاؤں تک یکسر مجھے دہلا گیا

گفتگو تو تھی خنک گوئی پہ ساری منحصر

کون سا جھونکا دبی چنگاریاں سلگا گیا

کلبلائیں بھی تو کیا اظہارِ پامالی پہ ہم

اب تو یہ انداز ہے ماجدؔ ہمیں بھی بھا گیا

ماجد صدیقی

اثر اُسی کا ہمارا بھی ناطقے پر ہے

نومبر 30, 2016ہوا کا تخت،ماجد صدیقی،غزلمنچلے،ناطقے،آئنے،دائرہ،سہے،سمےadmin

ماجد صدیقی ۔ غزل نمبر 71

جو وسوسہ تمہیں اپنے کہے سُنے پر ہے

اثر اُسی کا ہمارا بھی ناطقے پر ہے

گئی تھیں کِس کے تعاقب میں بے حصولِ مراد

یہ کیسی گرد نگاہوں کے آئنے پر ہے

وہ کھینچتی ہے جسے پینگ سے بزورِ شباب

نگاہِ چپکی اُسی نصف دائرہ پر ہے

وہ شوخ جب سے نگینہ مری نظر کا ہے

اُسی کی چھاپ چمن کے سمے سمے پر ہے

لُٹے ہیں گُل تو نظر مکتفی ہے پتّوں پر

زہے نصیب گزر ہی رہے سہے پر ہے

نہیں بعید غزل کو شبابِ نَو بخشے

یہی گمان تو ماجدؔ سے منچلے پر ہے

ماجد صدیقی

لطف مشکل ہی سے پاؤ گے یہ دو چار کے پاس

نومبر 30, 2016ہوا کا تخت،ماجد صدیقی،غزلچار،گرفتار،اشجار،دیوار،غمخوارadmin

ماجد صدیقی ۔ غزل نمبر 72

جتنا کچھ بھی ہے ہمارے لب اظہار کے پاس

لطف مشکل ہی سے پاؤ گے یہ دو چار کے پاس

ہم کہ آدابِ جنوں سے بھی تھے واقف لیکن

کیوں کھڑے رہ گئے اُس شوخ کی دیوار کے پاس

وہ بھی محتاجِ سکوں ہے اُسے کیا عرض کروں

کیا ہے جُز حرفِ تسلی مرے غمخوار کے پاس

مان لیتے ہیں کہ دیوارِ قفس سخت سہی

سر تو تھا پھوڑنے کو مرغِ گرفتار کے پاس

تھے کبھی برگ و ثمر پوشش گلشن ماجدؔ

پیرہن گرد کا اب رہ گیا اشجار کے پاس

ماجد صدیقی

بھُلا دیا ہے اُسی شہر میں کسی نے مجھے

نومبر 30, 2016ہوا کا تخت،ماجد صدیقی،غزلہمرہی،کلی،کسی،تازگی،تشنگی،خستگی،سادگیadmin

ماجد صدیقی ۔ غزل نمبر 73

جنوں شناس کیا جس کی ہر گلی نے مجھے

بھُلا دیا ہے اُسی شہر میں کسی نے مجھے

شجر سے جھڑ کے دُہائی چمن چمن دوں گا

وہ دن دکھائے اگر میری خستگی نے مجھے

مرا نصیب! مجھے تربیت طلب کی نہ تھی

کیا ہے خوار تمّنا کی سادگی نے مجھے

خزاں کے بعد سلوکِ وداع، صرصر کا

سِک سِسک کے سنایا کلی کلی نے مجھے

در آئی ہے جو مجھے اُس نمی پہ حق ہے مرا

کہ دشت دشت پھرایا ہے تشنگی نے مجھے

پئے نمو ہے یہ کیا عارضہ لجاجت کا

یہ کیسے روگ دئیے ذوقِ تازگی نے مجھے

رہِ سفر میں برہنہ نظر تھا میں ماجدؔ

لیا ہے ڈھانپ بگولوں کی ہمرہی نے مجھے

ماجد صدیقی

اک ہمیں ہیں کہ نہیں نرغۂِ شر سے نکلے

نومبر 30, 2016ہوا کا تخت،ماجد صدیقی،غزلگھر،تر،خطر،در،سفر،شرadmin

ماجد صدیقی ۔ غزل نمبر 74

خس و خاشاک بھی کب کے ہیں بھنور سے نکلے

اک ہمیں ہیں کہ نہیں نرغۂِ شر سے نکلے

زخم وہ کھل بھی تو سکتا ہے سِلایا ہے جسے

ہم بھلا کب ہیں حدِ خوف و خطر سے نکلے

یہ سفر اپنا کہیں جانبِ محشر ہی نہ ہو

ہم لیے کس کا جنازہ ہیں یہ گھر سے نکلے

کل جو ٹپکے تھے سرِ کوچۂِ کوتہ نظراں

اشک اب کے بھی وہی دیدۂ تر سے نکلے

عکس کچھ اپنا ہی آئینہ حالات میں تھا

سٹپٹائے ہوئے جب دامِ سفر سے نکلے

کون کہہ سکتا ہے ماجدؔ کہ بایں کم نگہی

حشر کیا ساعتِ آئندہ کے در سے نکلے

ماجد صدیقی

رہا ہی ایک سا کب ہے مزاج موسم کا

نومبر 30, 2016ہوا کا تخت،ماجد صدیقی،غزلموسم،ماتم،نم،آدم،ذم،رم،زمزمadmin

ماجد صدیقی ۔ غزل نمبر 75

جلال کیوں نہ دکھائے یہ چشمِ برہم کا

رہا ہی ایک سا کب ہے مزاج موسم کا

فرازِ عرش پہ ترجیح فرش کو دینا

یہی تو ہے کہ عجوبہ ہے ابنِ آدم کا

رُتوں نے خاک اڑا کر ہے اب کے لوٹایا

ہوا پہ قرض تھا جتنا بھی چشمِ پر نم کا

خموشیاں ہیں سیہ پوشیاں ہیں ہر جانب

بہار ہے کہ یہ عشرہ ہے کوئی ماتم کا

سرور چال میں کِھلتی ہوئی رُتوں جیسا

نشہ نگاہ میں آہو کے ایک اک رم کا

نکالتا نہ ہمیں ذہن سے تو کیا کرتا

سخن میں یار کے پہلو تھے اک ہمیں ذم کا

ہزار پیاس سے تو ایڑیاں رگڑ ماجدؔ

ترے لیے کوئی چشمہ نہیں ہے زمزم کا

ماجد صدیقی

دے گیا کتنے زمانوں کے وہ آزار مجھے

نومبر 30, 2016ہوا کا تخت،ماجد صدیقی،غزلپندار،آثار،آزار،اقرار،اطوار،اظہار،دشوارadmin

ماجد صدیقی ۔ غزل نمبر 76

جس کسی نے بھی دیا دیدۂ بیدار مجھے

دے گیا کتنے زمانوں کے وہ آزار مجھے

ہاں یہی حکم عدالت سے مجھے ملنا تھا

ابتدا ہی سے رہا جرم کا اقرار مجھے

رُت بدلتی تو مرا دل بھی گواہی دیتا

کچھ قرائن سے بھی آتے نظر آثار مجھے

اپنی آہٹ کے سوا کوئی پس و پیش نہیں

کھینچ لایا ہے یہ کس اَوج پہ پندار مجھے

سجدہ ریزی بھی کروں، سربفلک بھی ٹھہروں

ایک دم کیسے سکھاؤگے یہ اطوار مجھے

ہائے وہ لوگ کہ صدیوں کے جو پیراک ہوئے

ایک لمحے سے گزرنا ہوا دُشوار مجھے

آنکھ نمناک ہے پر لب ہیں شگفتہ ماجدؔ

اور کیا چاہئے پیرایۂ اظہار مجھے

ماجد صدیقی

سیکھ بیٹھے ہم اڑانوں کے نئے انداز بھی

نومبر 30, 2016ہوا کا تخت،ماجد صدیقی،غزلہمراز،ناز،آواز،انداز،ساز،غمّازadmin

ماجد صدیقی ۔ غزل نمبر 77

جس کی خواہش تھی ملا ہے وہ پرِ پرواز بھی

سیکھ بیٹھے ہم اڑانوں کے نئے انداز بھی

چپ رہے جب تک تو کلیوں سا رہا مٹھی میں بھید

مسکرانا تھا کہ ٹھہرا درد کا غمّاز بھی

ہم سے کب بے سمت نکلے لوگ لوٹائے گئے

رہ گئے تھک ہار کر بھرّا گئی آواز بھی

اپنا عکسِ نطق ہی نکلا جو دیکھا غور سے

تھا اِنہی حرفوں میں پنہاں وہ سراپا ناز بھی

وہ نگاہیں جب کبھی مضراب سی اٹھیں اِدھر

بیشتر اِس جسم کو ٹھہرا گئی ہیں ساز بھی

خاک کے پردے سے نکلے لوگ دکھلائیں تو ہم

میرؔ سا لیکن ملے ماجدؔ کوئی ہمراز بھی

ماجد صدیقی

دِل کہ بیگانۂ راحت ہے کسے یار کرے

نومبر 30, 2016ہوا کا تخت،ماجد صدیقی،غزلناچار،یار،اصرار،اظہار،بیدار،تلوارadmin

ماجد صدیقی ۔ غزل نمبر 78

جس کو چھیڑے سرِ محفل وہی بیزار کرے

دِل کہ بیگانۂ راحت ہے کسے یار کرے

سرِ مقتل ہے یہی حرفِ ملامت کافی

کام باقی ہی رہا کیا ہے جو تلوار کرے

دل ہے میرا کہ پرندہ کوئی جوئندۂ آب

خواب میں کون یہ ہر شب مجھے بیدار کرے

ہم رُکے ہیں کہ یہی ڈور میّسر تھی ہمیں

اور ہوا ہے کہ اُڑانے ہی پہ اصرار کرے

آدمی بھی کہ ہے زندانِ تمّنا کا اسِیر

کام جو کرنا نہ چاہے وہی ناچار کرے

لوگ ہیں سطح پہ کائی کے بھی قائل ماجدؔ

تو ہی پاگل ہے جو ہر دَرد کا اظہار کرے

ماجد صدیقی

رُک گیا ہے وہی رستہ میرا

نومبر 30, 2016ہوا کا تخت،ماجد صدیقی،غزلچہرہ،نقشہ،نشّہ،پھیلا،اچّھا،بدلتا،بستہ،تماشا،رستہ،صفایاadmin

ماجد صدیقی ۔ غزل نمبر 79

تھا جو مشکل کا مداوا میرا

رُک گیا ہے وہی رستہ میرا

جُرعہِ غم ہے مجھے جُرعۂ مے

ٹوٹتا ہی نہیں نشّہ میرا

خُوب سُلگائی دبی آگ مری

حال پوچھا ہے یہ اچّھا میرا

خشک پتّوں سا وہ بچھڑا مجھ سے

دیکھ کر رنگ بدلتا میرا

عرش اور فرش ملے ہیں باہم

ہے عجب گھر کا یہ نقشہ میرا

مُسکراہٹ مرا غازہ ہی نہ ہو

دیکھئے غور سے چہرہ میرا

ایک باطن بھی ہے ہر ظاہر کا

کیجئے یوں نہ تماشا میرا

دفعتاً جیسے خُدا بن بیٹھا

دیکھ کر ہاتھ وہ پھیلا میرا

امتحاں میں مرے پرچے خالی

اور بڑا سب سے ہے بستہ میرا

چور جو دل میں چُھپا تھا ماجدؔ

کر گیا ہے وہ صفایا میرا

ماجد صدیقی

یہ بھی اِک رسمِ جنوں کیونکر نہ اب دُہرائیے

نومبر 30, 2016ہوا کا تخت،ماجد صدیقی،غزلپھیلائیے،بہلائیے،جائیے،دُہرائیےadmin

ماجد صدیقی ۔ غزل نمبر 80

تیر ہی چاہے تنے کے ساتھ لگ کر کھائیے

یہ بھی اِک رسمِ جنوں کیونکر نہ اب دُہرائیے

کر بھی کیا لے گا کہ دل بچّہ ہے اِک بے آسرا

جھڑکئے یا دے کے میٹھی گولیاں بہلائیے

چاہئے کچھ شغل، دشمن تو کبھی کا جا چکا

نفرتوں کا زہر آپس ہی میں اب پھیلائیے

قبر تک جائے گا تکمیلِ تمنا کا خیال

یعنی انگوٹھا یہی اب چوستے سو جائیے

بیٹھئے بھی تو سخن نا آشنا لوگوں کے پاس

گوش و لب گھر سے نکلتے ہی کہیں رکھ جائیے

ماجد صدیقی

حصّۂ جان بھی اپنا میں ترے نام کروں

نومبر 30, 2016ہوا کا تخت،ماجد صدیقی،غزلنام،آرام،اصنام،رام،شام،عامadmin

ماجد صدیقی ۔ غزل نمبر 81

تو میسّر ہو کسی شب تو یہ اقدام کروں

حصّۂ جان بھی اپنا میں ترے نام کروں

حرفِ روشن، تری اُمیدِ ملاقات ایسا

میں حمائل بہ گلُو کیوں نہ سرِ شام کروں

پر سلامت ہیں تو زخموں کو لئے ہر جانب

قصّۂ ضربتِ صیّاد بھی اب عام کروں

ساعتِ نحس جو غالب مرے حالات پہ ہے

ایسی آفت کو اکیلے میں کہاں رام کروں

قائلِ صنعتِ آذر ہوں ہنرمند ہوں میں

میں جو کرتا ہوں تو یوں مدحتِ اصنام کروں

مجھ کو درپیش مسافت ہے رُتوں کی ماجدؔ

سایۂ گل میں جو پہنچوں تو اب آرام کروں

ماجد صدیقی

ہوا نے اپنا ارادہ بتا دیا ہے مجھے

نومبر 30, 2016ہوا کا تخت،ماجد صدیقی،غزللگا،مدّعا،پڑا،دیا،صداadmin

ماجد صدیقی ۔ غزل نمبر 82

تبر بہ دست بھی ہے جس کا آسرا ہے مجھے

ہوا نے اپنا ارادہ بتا دیا ہے مجھے

رہِ سفر کا مرے رُخ ہی موڑ دے نہ کہیں

یہ دستِ غیب سے پتّھر جو آ پڑا ہے مجھے

جو دے تو میری گواہی وہ شاخِ سبز ہی دے

پنہ میں جس کی یہ تیرِ قضا لگا ہے مجھے

عجب عذاب ہے یہ تہ رسی نگاہوں کی

چٹک کلی کی بھی اب خاک کی صدا ہے مجھے

میں اُس مقام پہ ماجدؔ پہنچ گیا ہوں جہاں

یہ خامشی بھی تری حرفِ مدّعا ہے مجھے

ماجد صدیقی

تِیر برسے ہمیں پر بھرے شہر میں

نومبر 30, 2016ہوا کا تخت،ماجد صدیقی،غزلور،پتّھر،پر،در،سر،ششدرadmin

ماجد صدیقی ۔ غزل نمبر 83

تھے ہمیں غم کے خوگر بھرے شہر میں

تِیر برسے ہمیں پر بھرے شہر میں

پھر زدستِ ہوس ہے سبک ہو چلا

جُھک گیا پھر کوئی سر بھرے شہر میں

کوئی آذر تو ہو گا ہمارے لئے

ہم کہ ٹھہرے ہیں پتّھر بھرے شہر میں

کس بھیانک خبر کا اثر مجھ پہ تھا

میں ہی تھا جیسے ششدر بھرے شہر میں

خوف کچھ دستکوں سے بڑھا اور بھی

کھُلنے پایا نہ اِک در بھرے شہر میں

کیا غضب ہے ترستا ہے پہچان کو

تجھ سا ماجدؔ سخن وَر بھرے شہر میں

ماجد صدیقی

ہُوئے اجنبی وہی بام و در ترے شہر میں

نومبر 30, 2016ہوا کا تخت،ماجد صدیقی،غزلہنر،نظر،بکھر،تاجور،در،راہگزرadmin

ماجد صدیقی ۔ غزل نمبر 84

تھے جو آشنائے دل و نظر ترے شہر میں

ہُوئے اجنبی وہی بام و در ترے شہر میں

کبھی سر پہ میرے بھی باز بیٹھا تھا آن کے

کسی روز میں بھی تھا تاجور ترے شہر میں

وہ نظر کہ جس سے تھے دل کو تجھ سے معاملے

ہے اُجاڑ اب وہی راہگزر ترے شہر میں

وہ ستم کبھی سر عام جس کو رواج تھا

وہی اب روا ہے پسِ نظر ترے شہر میں

ہمیں تھے کبھی ترے نیّرِ اُفقِ نگاہ

ہمیں ذرّہ ذرّہ گئے بکھر ترے شہر میں

کیا اختیار سخن تو کب یہ گمان تھا

کہ کرے گا خوار یہی ہنر ترے شہر میں

ماجد صدیقی

موسمِ گل میں بھی پت جھڑ کے ہیں آثار وہی

نومبر 30, 2016ہوا کا تخت،ماجد صدیقی،غزلناچار،آثار،آزار،انکار،اظہار،بیدار،خار،دربار،دستارadmin

ماجد صدیقی ۔ غزل نمبر 85

تندئ باد وہی، گرد کی یلغار وہی

موسمِ گل میں بھی پت جھڑ کے ہیں آثار وہی

عدل کے نام پہ ہم سے تھی جو نُچوائی گئی

فرقِ نا اہل پہ اب کے بھی ہے دستار وہی

حلقۂ رقصِ صبا میں تو ہے شامل لیکن

پہلوئے گل میں ہیں پیوست ابھی خار وہی

مطمئن کیا ہو کوئی غسلِ مناظر سے کہ ہے

کربِ آشوب وہی دیدۂ بیدار وہی

ہے لپک اب بھی وہی دستِ طلب میں کہ جو تھی

با ثمر شاخ کے ہونٹوں پہ ہے انکار وہی

اب بھی اِک حد سے پرے شوق کے پر جلتے ہیں

عجزِ سائل ہے وہی شوکتِ دربار وہی

رُت کُھلی پر نہ معافی کو ملا اذنِ کشود

پیرہن ہے تنِ ہر حرف پہ ناچار وہی

کلبلائے تو اسے اتنا تو کرنے دیجے

دل جسے بعدِ جراحت بھی ہے آزار وہی

اب بھی چہروں سے غمِ دل نہیں کُھلتا ماجدؔ

اب بھی پندار کو ہے کلفتِ اظہار وہی

ماجد صدیقی

سماں یہی ہے رگوں میں لہو مچلنے کا

نومبر 30, 2016ہوا کا تخت،ماجد صدیقی،غزلمچلنے،مسلنے،چلنے،نکلنے،بدلنے،سنبھلنےadmin

تمہاری دِید کے طرفہ الاؤ جلنے کا

سماں یہی ہے رگوں میں لہو مچلنے کا

گرا نگاہ سے مانندِ خس وہی جس کا

اُفق سے مہر سا انداز تھا نکلنے کا

خیال میں وہی ہجر و وصال اُس بُت کا

نگاہ میں وہی منظر رُتیں بدلنے کا

نجانے خوف وہ کیا ہے کہ جس سے لاحق ہے

رُتوں کو خبط نئی کونپلیں مسلنے کا

کٹی جو ڈور تو پھر حرصِ اَوج کیا معنی

کہاں سے ڈھونڈتے پہلو کوئی سنبھلنے کا

نفس نفس ہے الاؤ جبھی تو ہے ماجدؔ

ہمیں یہ حوصلہ چنگاریوں پہ چلنے کا

ماجد صدیقی

مرے وسوسوں مرے واہموں کو مٹائیے

نومبر 30, 2016ہوا کا تخت،ماجد صدیقی،غزلمٹائیے،پلائیے،پھرائیے،آئیے،تھمائیے،سنائیےadmin

ماجد صدیقی ۔ غزل نمبر 87

پۓ لطف یا پۓ جور جیسے بھی آئیے

مرے وسوسوں مرے واہموں کو مٹائیے

ہمہ دم ہی صور نہ پھُونکئے سرِ انجمن

کبھی کوئی قصّۂ جاں فزا بھی سنائیے

میں ترس رہا ہوں کتابِ سبز بہار کو

مرے ہاتھ اِس کا وَرق وَرق نہ تھمائیے

پۓ انتقام، ستم میں بخل نے کیجیئے

کہ یہ زہرہے تو نہ جرعہ جرعہ پلائیے

کبھی کھولئے کسی کنجِ لطف کا باب بھی

بہ کنارِ گلشنِ آرزُو نہ پھرائیے

ہے علیلِ دید تمہارا ماجدِؔ خستہ جاں

کسی روز صورتِ موجِ باد ہی آئیے

ماجد صدیقی

حرفِ حق جب بھی کہو جان کا آزار بنے

نومبر 30, 2016ہوا کا تخت،ماجد صدیقی،غزلچار،آزار،انوار،اغیار،بیدار،تہوار،تارadmin

ماجد صدیقی ۔ غزل نمبر 88

پا بہ زنجیر کرے، طوق بنے، دار بنے

حرفِ حق جب بھی کہو جان کا آزار بنے

مسکراتا ہے اُسے دیکھ کے ہر اہلِ ہوس

جب کوئی لفظ گریباں کا مرے، تار بنے

تھا نہ یاروں پہ کچھ ایسا بھی بھروسہ لیکن

اَب کے تو لوگ سرِ بزم یہ اغیار بنے

کیا توقّع ہو بھلا لطفِ مناظر سے کہ آنکھ

کربِ آشوب سے ہی دیدۂ بیدار بنے

ہاں مرے جُرم کی کچھ اور بھی تشہیر کرو

کیا خبر، جشن مری موت کا تہوار بنے

کیا کہُوں جس کے سبب لائقِ تعزیز ہُوں مَیں

حرفِ بے نام وہی چشمۂ انوار بنے

ہم کہ محسُود ہیں اِس فکر کی ضَو سے ماجدؔ

جانے کب نورُ یہی اپنے لئے نار بنے

ماجد صدیقی

کیسے کیسے وقت آئے اور گزر جاتے رہے

نومبر 30, 2016ہوا کا تخت،ماجد صدیقی،غزلٹکراتے،آتے،جاتے،دہراتے،سہلاتےadmin

ماجد صدیقی ۔ غزل نمبر 89

پھول کچھ لمحے تو کچھ تھے سنگ برساتے رہے

کیسے کیسے وقت آئے اور گزر جاتے رہے

تھپکیوں سے بھی رہے تھے رس اُنہی کا چوستے

مہرباں جھونکے تھے جن پتّوں کو سہلاتے رہے

تھا اُنہی کے جسم میں وقتِ سحر خوں جم گیا

جو فصیلِ شب سے ساری رات ٹکراتے رہے

خوب تھا وہ آتے جاتے موسموں کا سا ملاپ

تم ملا کرتے تو تھے گرچہ بچھڑ جاتے رہے

خاک تھی وہ لذّتِ خواب سکوں جس کے عوض

آنے والے دن بھی گروی رکھ دئیے جاتے رہے

شاخچوں کے پھول پھل پڑنے سے پہلے توڑنا

ایسی رسمیں بھی یہاں کچھ لوگ دُہراتے رہے

یاد سے ہو محو ماجدؔ کیسے اُن چہروں کا عکس

شدّتِ خواہش سے جو دل میں اُتر آتے رہے

ماجد صدیقی

میں ایسے اظہار سے جانے کیا لیتا ہوں

نومبر 30, 2016ہوا کا تخت،ماجد صدیقی،غزلچھپا،کیا،کھا،دعاadmin

ماجد صدیقی ۔ غزل نمبر 90

پیشانی پر دل کے درد سجا لیتا ہوں

میں ایسے اظہار سے جانے کیا لیتا ہوں

اپنے کاج سنوار بھی لوں تو اِس سے کیا ہے

میں آخر کس ٹوٹے دل کی دُعا لیتا ہوں

رکھ کر عذر پرانا وہی مشقّت والا

میں بچّوں سے چُھپ کر کیا کچھ کھا لیتا ہوں

جس سے عیاں ہو میری کوئی اپنی نادانی

کس عیّاری سے وہ بات چھپا لیتا ہوں

یہ نسبت تو باعثِ رسوائی ہے ماجدؔ

شاخ سے جھڑکے موجِ صبا سے کیا لیتا ہوں

ماجد صدیقی

ہوتا بھی کیا حوصلہ جھڑنے سے انکار کا

نومبر 29, 2016ہوا کا تخت،ماجد صدیقی،غزلآزار،انکار،اخبار،اشجار،اظہار،غارadmin

ماجد صدیقی ۔ غزل نمبر 91

پاس نہ تھا جب توڑ ہی کچھ صرصر کے وار کا

ہوتا بھی کیا حوصلہ جھڑنے سے انکار کا

پھٹا پڑے ہے آنکھ سے موسم بھری بہار کا

اور تمہیں کیا چاہئے پیرایہ اظہار کا

چھَن کر جن سے آ سکا کبھی نہ ریزہ دھوپ کا

چھلنی چھلنی ہو گیا سایہ اُن اشجار کا

باقی سب اطراف میں شیروں کی اِک دھاڑ تھی

کھُلا دہانہ سامنے تھا اَن جانے غار کا

قصّہ مری شکست کا کل جس میں مطبوع تھا

گھر گھر سجا فریم میں ٹُکڑا وہ اخبار کا

دُور نہ ہو گا درد تو شبنم سے اِس آنکھ کی

اور تدارک ڈھونڈئیے ماجدؔ اِس آزار کا

ماجد صدیقی

ممکن ہو جس طور بھی نکلوں اِس آزار سے

نومبر 29, 2016ہوا کا تخت،ماجد صدیقی،غزلوار،پار،آزار،تہوار،دیوارadmin

ماجد صدیقی ۔ غزل نمبر 92

پہنچے رنج رقیب سے یا راحت ہو یار سے

ممکن ہو جس طور بھی نکلوں اِس آزار سے

تجھ سے مرا ملاپ ہے نکھرا موسم چیت کا

پھول کِھلیں گے دیکھنا قُرب کے اِس تہوار سے

نکلی دُھوپ شباب کی تو پھر کیسی دُوریاں

وہ صحنوں کا پھول ہے جھانکے گا دیوار سے

آنکھ مچولی کھیلتا نت کھڑکی کے اَبر سے

آئے گا وہ چاند بھی پاس کبھی اُس پار سے

بے غالب بے میرؔ ہو ماجدؔ تمہیں قرار کیوں

بچھڑے ہوئے غزال ہو تم ہرنوں کی ڈار سے

ماجد صدیقی

ٹھہرا جب احتجاج تو کھُل کر منائیے

نومبر 29, 2016ہوا کا تخت،ماجد صدیقی،غزللائیے،منائیے،نہائیے،چھڑائیے،آئیےadmin

ماجد صدیقی ۔ غزل نمبر 93

پتلے روِش روِش پہ خزاں کے جلائیے

ٹھہرا جب احتجاج تو کھُل کر منائیے

حاصل بہ عجز رتبہ مبارک ہو یہ تمہیں

میں ہوں انا شکار مرے منہ نہ آئیے

پھر دیکھنا حصولِ گلِ تر کے خواب بھی

دامن تو پہلے باڑھ سے اپنا چھڑائیے

دعویٰ ہے تازگی کا درونِ قفس یہی

سر پھوڑ پھوڑ اپنا لُہو میں نہائیے

ماجدؔ یہ تن نہ مثلِ گریباں ہو چاک چاک

دل میں جو زہر ہے وہ زباں پر بھی لائیے

ماجد صدیقی

کرتے بھی کیا اور کہ سہہ گئے سینہ تان کے

نومبر 29, 2016ہوا کا تخت،ماجد صدیقی،غزلکیا،کےadmin

ماجد صدیقی ۔ غزل نمبر 94

برسے دِل پر تیر جو تیر تھے کڑی کمان کے

کرتے بھی کیا اور کہ سہہ گئے سینہ تان کے

جُڑتے ہیں کب دوستو جھڑتے پتّے شاخ سے

کیا کر لیں گے آپ بھی حال ہمارا جان کے

پھیلے دام نہ دیکھ کر آہو ہوئے اسیر جو

نکلے ہونگے دشت میں جی میں کیا کچھ ٹھان کے

لب پر ڈیرے آہ کے بکھرے تار نگاہ کے

کیسے ہوئے ملول ہیں ہم بھی دیکھو آن کے

دل سے اٹُھے درد کو ممکن تھا کب روکنا

ٹپکے آخر آنکھ سے چھالے مری زبان کے

نرم خرامی ابر سی، دریاؤں سا زور بھی

کیا کیا کچھ انداز ہیں ماجدؔ ترے بیان کے

ماجد صدیقی

بہ ذکرِ عجز زباں کو فگار کیا کرتے

نومبر 29, 2016ہوا کا تخت،ماجد صدیقی،غزلفگار،یار،انتطار،اختیار،تاجدار،دار،سازگارadmin

ماجد صدیقی ۔ غزل نمبر 95

بیاں حکایتِ بُخل بہار کیا کرتے

بہ ذکرِ عجز زباں کو فگار کیا کرتے

اُفق اُفق پہ کیا صَرف لُطفِ بینائی

ہم اِس سے بڑھ کے ترا انتطار کیا کرتے

نفس نفس تھا رسن، دار ایک اِک دھڑکن

زباں سے تذکرۂ طوق و دار کیا کرتے

ہمیں تو لطفِ نظر بھی تِرا بہم نہ ہُوا

فضائے دہر کو ہم سازگار کیا کرتے

اب اِس کے بعد تو تیشہ تھا اور تھا سر اپنا

کرشمہ اور کوئی بہرِ یار کیا کرتے

فراغ ہی نہ مِلا اہلِ مصلحت سے کبھی

جنوں کی راہ بھلا اختیار کیا کرتے

کھنچے تھے خاک نشیں تک بھی ہم سے جب ماجدؔ

ہمارے حق میں بھلا تاجدار کیا کرتے

ماجد صدیقی

لب کشا عنچے ہیں اَب کچھ اور ہی آہنگ میں

نومبر 29, 2016ہوا کا تخت،ماجد صدیقی،غزلننگ،پاسنگ،آہنگ،انگ،تنگ،رنگadmin

ماجد صدیقی ۔ غزل نمبر 96

برتری پائی ہے شاخوں نے خزاں سے جنگ میں

لب کشا عنچے ہیں اَب کچھ اور ہی آہنگ میں

وُہ کہ جس کی دِید کا ہے ذائقہ کچھ اور ہی

شہد کا چھتّا نظر آئی لباسِ تنگ میں

ذکر سے اُس کے بہت شیریں سہی نغمہ مگر

اُس سی لَے کی تازگی کب تھی رباب و چنگ میں

زیور و زر ہی دُلہن کو ساتھ لے کر آ گئے

آپ تو دُولہے میاں تولے گئے پاسنگ میں

لمس سے ممکن کہاں پہچان سبز و سرُخ کی

اِس غرض کو ڈال کر پانی بھی دیکھو رنگ میں

چھُو لیا ہے فکر نے کس دردِ زہر آلُود کو

بِس چڑھی لگتی ہے ماجدؔ تیرے اِک اِک انگ میں

ماجد صدیقی

نکلا چاند بھی گہنایا ہے سازش سے اندھیاروں کی

نومبر 29, 2016ہوا کا تخت،ماجد صدیقی،غزلماروں،نگاروں،کاروں،آزاروں،انگاروں،اندھیاروں،دھاروںadmin

ماجد صدیقی ۔ غزل نمبر 97

‮بے معنی بے کیف ہوئی ہے آنکھ مچولی تاروں کی

نکلا چاند بھی گہنایا ہے سازش سے اندھیاروں کی

ژالے، سیل، بگولے، بارش، شور مچاتی سرد ہوا

لمبی ہے فہرست بڑی اِس گلشن کے آزاروں کی

ایوانوں کی چبھتی چھاؤں ہے ہر سمت گھروندوں پر

رہگیروں کے ماتھوں پر ہے دُھول لپکتی کاروں کی

دعوے دار وفاؤں کے تو پہنچے، نئی مچانوں پر

جانے کس پر آنکھ لگی ہے ہم اخلاص کے ماروں کی

رُت رُت کا فیضان مقدّر ٹھہرے اُن ہی لوگوں کا

رکھتے ہیں جو اہلِ نظر پہچان بدلتے دھاروں کی

اُس کے وصل کا قصّہ ہم نے جن لفظوں میں ڈھالا ہے

در آئی اُن لفظوں میں بھی حدّت سی انگاروں کی

جب تک خون میں دھڑکن ہے جب تک یہ نطق سلامت ہے

ٹوٹ نہیں سکتی ہے ماجدؔ ہم سے سانجھ نگاروں کی

ماجد صدیقی

عَلَم جو لے کے چلے تھے اٹھائیے اَب بھی

نومبر 29, 2016ہوا کا تخت،ماجد صدیقی،غزلگنگنائیے،اٹھائیے،جلائیے،دکھائیے،سنائیے،سجائیےadmin

ماجد صدیقی ۔ غزل نمبر 98

بھٹک گئے تھے تو کیا لوٹ آئیے اب بھی

عَلَم جو لے کے چلے تھے اٹھائیے اَب بھی

وہ جس کی لَے پہ کبھی دل سبھی کے دَھڑکے تھے

بہ صِدقِ دل وہی نغمہ سنائیے اَب بھی

وہ جس کی لَو پسِ ہر لب سسک رہی ہے ابھی

دِیا وہ ہاتھ میں لے کر جلائیے اَب بھی

نفس نفس کو جو پھر حدّتِ جنوں بخشے

وہ شعبدہ سرِ محفل دکھائیے اَب بھی

اک ایک رَہ کو منّور کیا تھا جس نے کبھی

جبیں جبیں پہ وُہی ضَو سجائیے اَب بھی

وہ آرزو کہ جو تشنہ ہے آج تک ماجدؔ

وُہی بہ شکلِ غزل گنگنائیے اَب بھی

ماجد صدیقی

حرصِ سکوں کے سحر میں آ کر اور بھی ہم لاچار ہوئے

نومبر 29, 2016ہوا کا تخت،ماجد صدیقی،غزللاچار،ناہنجار،ناچار،اوتار،اشجار،اظہارadmin

ماجد صدیقی ۔ غزل نمبر 99

‮‮‮‮‮بہرِ شفا تھے جو بھی قیافے باعثِ صد آزار ہوئے

حرصِ سکوں کے سحر میں آ کر اور بھی ہم لاچار ہوئے

ہم نے جنہیں سُکھ چَین کی خاطر زینہ زینہ اَوج دیا

جان کے خاک ہمیں پیروں کی لوگ وُہی اوتار ہوئے

شاخوں پتّوں اور کلیوں میں کب تھا اِتنا سہم کبھی

مژدہ ہو اے حبس کہ تجھ سے پتّھر سب اشجار ہُوئے

غیر تو خیر ہمیں کیا دیتے، اپنوں نے بھی درد دئیے

اپنے آپ سے بیزاری کے قائل ہم ناچار ہُوئے

ہم نے پئے اظہارِ جنوں اپنائے تھے جو لفظ کبھی

طالب تھے توقیر کے لیکن اُلٹے ناہنجار ہوئے

بادِ صبا یا پھول کی خوشبو، ماجدؔ ذکر ہو کس کس کا

صحنِ چمن کے سارے باسی محرومِ اظہار ہُوئے

ماجد صدیقی

کہ برگ برگ چمن کا ہے چہچہانے لگا

نومبر 29, 2016ہوا کا تخت،ماجد صدیقی،غزلچہچہانے،ٹھکانے،اڑانے،اٹھانے،بہانے،دکھانےadmin

ماجد صدیقی ۔ غزل نمبر 100

بہار ہے کہ خزاں، دَور کیا یہ آنے لگا

کہ برگ برگ چمن کا ہے چہچہانے لگا

جڑیں تو کاٹ ہی دی ہیں بہ قحطِ آب مری

اب ایک ضرب بھی مجھ کو کسی بہانے لگا

لیا ہے نوچ بدن سے جو پیرہن میرا

ہوائے تُند مجھے بھی تو اب ٹھکانے لگا

کُھلا نہیں کہ تھا مقصود اِس سے کیا اُس کا

مجھے دکھا کے کبوتر وہ کیوں اُڑانے لگا

یہ کس ریاض کا فیضان ہے کہ اے ماجدؔ

قلم ترا ہے کرشمے نئے دکھانے لگا

ماجد صدیقی

بہ شہرِ درد وُہی لوگ شہر یار ہُوئے

نومبر 29, 2016ہوا کا تخت،ماجد صدیقی،غزلوار،یار،خارزار،دار،سازگارadmin

ماجد صدیقی ۔ غزل نمبر 101

اُتر کے اَوج سے پل بھر جو خاکسار ہوئے

بہ شہرِ درد وُہی لوگ شہر یار ہُوئے

خطا کچھ اِس میں تمہاری بھی تھی کہ غیروں کے

تمام لوگ مقلّد سپند وار ہوئے

جو جھُک گئے تھے سکوں آشنا تو تھے لیکن

گراں بہا تھے وہی سر جو زیبِ دار ہوئے

دُعا کو جن کی اُٹھے ہاتھ شل ہوئے اپنے

ہمارے حق میں وُہی پل نہ سازگار ہوئے

کہاں کا لطف کہاں کی طراوتیں ماجدؔ

کہ اب تو لفظ بھی اپنے ہیں خارزار ہوئے

ماجد صدیقی

کرلی ہے مفاہمت خزاں سے

نومبر 29, 2016ہوا کا تخت،ماجد صدیقی،غزلکماں،کارواں،آشیاں،خزاں،درمیاں،رفتگاں،زباںadmin

ماجد صدیقی ۔ غزل نمبر 102

اُکتا کے زوالِ گلستاں سے

کرلی ہے مفاہمت خزاں سے

سنبھلے بھی تو کب سنبھل سکے ہم

جب تیر نکل چکا کماں سے

دیتے ہیں پتہ ہمارا اَب بھی

کُچھ پر، کہ گرے تھے آشیاں سے

اِک عمر رہا قیام جس پر

ٹوٹی ہے وہ شاخ درمیاں سے

شاخوں سے جھڑے ہیں پُھول کیونکر

شل ہوں اِسی رنجِ رفتگاں سے

دیوار اِک اور سامنے ہے

لے چاٹ اِسے بھی اب زباں سے

ماجدؔ ہے سفر جدا ہمارا

لینا ہمیں کیا ہے کارواں سے

ماجد صدیقی

چہروں پر بھی نرخ نظر آتے ہیں جہاں بازاروں کے

نومبر 29, 2016ہوا کا تخت،ماجد صدیقی،غزلآزاروں،اخباروں،بازاروں،تہواروں،دلداروں،شراروںadmin

ماجد صدیقی ۔ غزل نمبر 103

اِس بستی میں پڑنا ہے کیا پلے ہم ناداروں کے

چہروں پر بھی نرخ نظر آتے ہیں جہاں بازاروں کے

ہم سطروں کے بیچ چھپا مفہوم ہمیں پہچانے کون

وجہِ کشش ہیں لوگ وہی عنوان ہیں جو اخباروں کے

ہم کہ نگاہ نگاہ بھی جن کی صدی صدی کی تربت ہے

ہم سے پوچھو تیور ہیں کیا اِس جگ کے آزاروں کے

اپنی ذات میں گُم سُم جیسے تیز سفر طیارے کا

جیون جس سے چھن گئے موسم سب میلوں تہواروں کے

ایک ہُوا ہے خوف یہاں ہر شخص کے اندر باہر کا

نظر نظر کے آنگن میں برپا ہیں رقص شراروں کے

جن کی اِک خواہش کا مول نہ پائیں گروی رہ کر بھی

ناز اُٹھائیں گے کیا ماجدؔ ہم ایسے دلداروں کے

ماجد صدیقی

لیکن شکستِ عزم کا طعنہ نہ دے مجھے

اکتوبر 31, 2016ماجد صدیقی،آغاز،غزلڈھلے،پھرے،بہے،دےadmin

ماجد صدیقی ۔ غزل نمبر 1

یہ دورِ کرب جو بھی کہے سو کہے مجھے

لیکن شکستِ عزم کا طعنہ نہ دے مجھے

جس موج کو گلے سے لگاتا ہوں بار بار

ایسا نہ ہو یہ موجِ الم لے بہے مجھے

میں خود ہی کھِل اُٹھوں گا شگفتِ بہار پر

موسم یہ ایک بار سنبھالا تو دے مجھے

سایہ ہوں اور رہینِ ضیا ہے مرا وجود

سورج کہیں نہ ساتھ ہی لے کر ڈھلے مجھے

ماجدؔ ہو کوئی ایسی تمّنا کہ رات دن

بادِ صبا کے ساتھ اُڑاتی پھرے مجھے

ماجد صدیقی

ہوتا نہیں چاند کا گزر تک

اکتوبر 31, 2016ماجد صدیقی،آغاز،غزلنظر،گزر،جگر،سفر،سحر،شررadmin

ماجد صدیقی ۔ غزل نمبر 2

یہ حال ہے اب اُفق سے گھر تک

ہوتا نہیں چاند کا گزر تک

یہ آگ کہاں دبی پڑی تھی

پہنچی ہے جو اَب دل و جگر تک

دیکھا تو یہ دل جہاں نما تھا

محدود تھے فاصلے نظر تک

ہوں راہیِ منزلِ بقا اور

آغاز نہیں ہُوا سفر تک

تھے رات کے زخم یا ستارے

بُجھ بُجھ کے جلے ہیں جو سحر تک

ہے ایک ہی رنگ، دردِ جاں کا

ماجدؔ نمِ چشم سے شرر تک

ماجد صدیقی

کہ دل بھی چنگیزیِ غمِ جاں کو جیسے تسلیم کر رہا ہے

اکتوبر 31, 2016ماجد صدیقی،آغاز،غزلکر،گزر،ابھر،بکھر،بارورadmin

ماجد صدیقی ۔ غزل نمبر 3

یہ کیسا خنجر سا میرے پہلو میں لحظہ لحظہ اُتر رہا ہے

کہ دل بھی چنگیزیِ غمِ جاں کو جیسے تسلیم کر رہا ہے

یہ کونسی عمرِ نوح بخشی گئی ہے مجھ کو کہ عہدِ نو میں

گمان اِک ایک پل پہ جیسے صدی صدی کا گزر رہا ہے

لدا پھندا ہے ہر ایک ساعت اِسی سے آنگن دل و نظر کا

یہی تمّنا کا اک شجر ہے چمن میں جو بارور رہا ہے

دل و نظر کی خموشیوں میں چھنکتے قدموں یہ کون آیا

کہ مثلِ مہتاب نطق میرا، لبوں سے میرے اُبھر رہا ہے

یہ زندگی ہے کہ انتشارِ خرام، ابرِ رواں کا ماجدؔ

یہ کیسا منظر نگاہ میں ہے کہ لحظہ لحظہ بکھر رہا ہے

ماجد صدیقی

اَب اپنے آپ کو یوں عُمر بھر سزا دوں گا

اکتوبر 31, 2016ماجد صدیقی،آغاز،غزلہلا،نیا،کیا،بہا،سنا،سا،سزاadmin

ماجد صدیقی ۔ غزل نمبر 4

یہ ٹھان لی ہے کہ دل سے تجھے بھُلا دوں گا

اَب اپنے آپ کو یوں عُمر بھر سزا دوں گا

ہُوا یہ سایۂ ابلق بھی اَب جو نذرِ خزاں

تو راہ چلتے مسافر کو اور کیا دوں گا

سموم عام کروں گا اِسی کے ذرّوں سے

فضائے دہر کو اَب پیرہن نیا دوں گا

وہ کیا ادا ہے مجھے جس کی بھینٹ چڑھنا ہے

یہ فیصلہ بھی کسی روز اَب سُنا دوں گا

سزا سُناؤ تو اِس جُرم زیست کی مُجھ کو

صلیبِ درد کی بُنیاد تک ہلا دوں گا

ہر ایک شخص کا حق کچھ نہ کچھ ہے مجھ پہ ضرور

میں اپنے قتل کا کس کس کو خوں بہا دوں گا

جو سانس ہے تو یہی آس ہے کہ اب ماجدؔ

شبِ سیاہ کو بھی رُوپ چاند سا دوں گا

ماجد صدیقی

یُوں تو ہو گا یہ جی کچھ اور نڈھال

اکتوبر 31, 2016ماجد صدیقی،آغاز،غزلملال،نڈھال،ڈال،اُچھال،جال،خال،سالadmin

ماجد صدیقی ۔ غزل نمبر 5

ہو نہ محتاجِ پرسشِ احوال

یُوں تو ہو گا یہ جی کچھ اور نڈھال

وہ ترا بام ہو کہ ہو سرِ دار

پستیوں سے مجھے کہیں تو اُچھال

گُل بہ آغوش ہیں مرے ہی لیے

یہ شب و روز یہ حسیں مہ و سال

دن ترے پیار کا اُجالا ہے

شب ترے عارضوں کا مدّھم خال

مَیں مقّید ہوں اپنی سوچوں کا

بُن لیا مَیں نے شش جہت اِک جال

بے رُخی کی تو آپ ہی نے کی

آپ سے کچھ نہ تھا ہمیں تو ملال

ہے اسی میں تری شفا ماجدؔ

لکھ غزل اور اِسے گلے میں ڈال

ماجد صدیقی

کیوں کسی کو کھینچ لانے کی تمّنا میں کروں

اکتوبر 31, 2016ماجد صدیقی،آغاز،غزلہوں،لوں،وروں،کروں،پھروںadmin

ماجد صدیقی ۔ غزل نمبر 6

ہوں اگر تنہا تو تنہا ہی نہ رہنا سیکھ لوں

کیوں کسی کو کھینچ لانے کی تمّنا میں کروں

اپنی ان محرومیوں میں کچھ مرا بھی ہاتھ ہے

مَیں نہ چاہوں تو بھلا اِس طرح رسوا کیو ں پھروں

تلخ و شیریں جو بھی ہے چکھنا تو ہے مجھ کو ضرور

جو بھی کچھ آئے سو آئے کیوں نہ ہاتھوں ہاتھ لوں

ہوں مقیّد وقت کا جس سمت چاہے لے چلے

دوپہر بھی ہوں تو میں کیوں شام بننے سے ڈروں

شش جہت بکھری ہے ماجدؔ میری چاہت کی مہک

مَیں اگر جانوں تو اپنے عہد کا گلزار ہوں

ماجد صدیقی

صورت کوئی بنے تو سفر ابتدا کریں

اکتوبر 31, 2016ماجد صدیقی،آغاز،غزلڈرا،ابتدا،دیاadmin

ماجد صدیقی ۔ غزل نمبر 7

ہر شخص رہنما ہے کِسے رہنما کریں

صورت کوئی بنے تو سفر ابتدا کریں

ہاں کچھ تو والدین کو بھیجا کریں ضرور

پیسے نہیں تو خط ہی کبھی لکھ دیا کریں

مانگے اگر حساب کوئی صاحبِ دکان

پھیکی سی اک ہنسی نہ فقط ہنس دیا کریں

ماجدؔ بطرزِ نو سخن آرا تو ہوں ضرور

لوگوں کے تبصروں سے نہ لیکن ڈرا کریں

ماجد صدیقی

ہاں دیکھ ہماری سادگی کو

اکتوبر 31, 2016ماجد صدیقی،آغاز،غزلکلی،تجھی،روشنی،سادگی،سخنوریadmin

ہم خاک ہوئے تری خوشی کو

ہاں دیکھ ہماری سادگی کو

اے واہمۂ فراقِ جاناں

پیروں میں کچل نہ دوں تجھی کو

تم مجھ سے جُدا ہوئے تو ہوتے

پھر دیکھتے میری بے کلی کو

ظلمت ہی جہاں نظر نظر ہو

چاہے کوئی کیسے روشنی کو

یہ لُطفِ سخن کہاں تھا ماجدؔ

بیتِے ہیں برس سخنوری کو

ماجد صدیقی

جس کا کھِلنا یا مرجھانا بس سے مرے باہر بھی نہ تھا

اکتوبر 31, 2016ماجد صدیقی،آغاز،غزللیا،کھا،پڑا،تھا،ذراadmin

ماجد صدیقی ۔ غزل نمبر 9

ہر لمحہ اِک بند کلی اور بول مرے تھے بادِ صبا

جس کا کھِلنا یا مرجھانا بس سے مرے باہر بھی نہ تھا

پھول کھِلے تو مَیں خود چھپ کر بیٹھ رہا ویرانوں میں

بِیت گیا جب موسمِ گل تو اُجڑے بن میں کُود پڑا

مَیں مجرم ہوں مَیں نے زہر سمویا اپنی سانسوں میں

اے جیون اے عادلِ دوراں،للہ مجھ پر رحم نہ کھا

اے جینے کے رستے مجھ پر اور بھی کچھ ہو بند ابھی

مَیں کہ نہیں ہوں اندھا بھی تُو میری آنکھیں کھول ذرا

ٹُنڈ شجر اور شاخیں، اُجڑی آنکھیں جیسے بیوہ کی

کس موسم کا ماتھا ماجدؔ مَیں نے بڑھ کر چوم لیا

ماجد صدیقی

پھر بھی اُمّید کی آغوش ہے خالی یارو

اکتوبر 31, 2016ماجد صدیقی،آغاز،غزللالی،نکالی،تالی،خالی،سوالیadmin

ماجد صدیقی ۔ غزل نمبر 10

ہم نے تو درد سے بھی آنکھ لڑا لی یارو

پھر بھی اُمّید کی آغوش ہے خالی یارو

شکر ہے تم نے یہ راہیں نہیں دیکھیں اَب تک

ہم تو در در پہ گئے بن کے سوالی یارو

آنکھ ہی دید سے محروم ہے ورنہ ہر سو

ہے وہی عارض و رخسار کی لالی یارو

جانے کس دور کا رہ رہ کے سُناتی ہے پیام

زرد پتّوں سے یہ بجتی ہوئی تالی یارو

عظمتِ رفتۂ فن لوٹ کے آتی دیکھو

طرز اب کے ہے وہ ماجدؔ نے نکالی یارو

ماجد صدیقی

ذات اپنی ہی دے اُٹھی خوشبُو

اکتوبر 31, 2016ماجد صدیقی،آغاز،غزلکی،گلی،پیمبری،اٹھیadmin

ماجد صدیقی ۔ غزل نمبر 11

ہے جنوں عطر، آگہی خوشبُو

ذات اپنی ہی دے اُٹھی خوشبُو

دل معطّر ہے یادِ حسن کے ساتھ

لب پہ ہے ذکرِ یار کی خوشبُو

اَب بھی ہیں سلسلے وُہی تیرے

گل پیمبر، پیمبری خوشبُو

آنے لگتی ہے تیرے نام کے ساتھ

ہر گماں سے یقین کی خوشبو

جسم مہکا ہے پھر کوئی ماجدؔ

ہے پریشاں گلی گلی خوشبُو

ماجد صدیقی

نجانے کون سے جنگل میں آ بسا ہوں مَیں

اکتوبر 31, 2016ماجد صدیقی،آغاز،غزللگا،کھوکھلا،کھڑا،گیا،گھونسلا،بسا،دیکھتا،دیا،روندتاadmin

ماجد صدیقی ۔ غزل نمبر 12

نظر اُٹھے بھی تو خُود ہی کو دیکھتا ہوں مَیں

نجانے کون سے جنگل میں آ بسا ہوں مَیں

یہ کس ہجوم میں تنہا کھڑا ہوا ہوں مَیں

یہ اپنے آپ سے ڈرنے سا کیوں لگا ہوں مَیں

وگرنہ شدّتِ طوفاں کا مجھ کو ڈر کیا تھا

لرز رہا ہوں کہ اندر سے کھوکھلا ہوں مَیں

یہ کیوں ہر ایک حقیقت لگے ہے افسانہ

یہ کس نگاہ سے دُنیا کو دیکھتا ہوں مَیں

برس نہ مجھ پہ ابھی تندیِ ہوائے چمن

نجانے کتنے پرندوں کا گھونسلا ہوں مَیں

تمہاری راہ میں وہم و گماں کا جال تو تھا

مجھے یہ دُکھ ہے کہ اِس میں اُلجھ گیا ہوں مَیں

یہ کس طرح کی ہے دِل سوزی و خنک نظری

یہ آ کے کون سے اعراف پر کھڑا ہوں مَیں

اِس اپنے عہد میں، اِس روشنی کے میلے میں

قدم قدم پہ ٹھٹکنے سا کیوں لگا ہوں مَیں

مری زمیں کو مجھی پر نہ تنگ ہونا تھا

بجا کہ چاند کو قدموں میں روندتا ہوں مَیں

سکوتِ دہر کو توڑا تو مَیں نے ہے ماجدؔ

یہ ہنس دیا ہوں نجانے کہ رو دیا ہوں مَیں

ماجد صدیقی

یہ کیفیت بھی مگر کیسے اَب سُجھاؤں اُسے

اکتوبر 31, 2016ماجد صدیقی،آغاز،غزلدلاؤں،سناؤں،سجھاؤںadmin

ماجد صدیقی ۔ غزل نمبر 13

وُہ یاد آئے تو کس طرح مَیں بھلاؤں اُسے

یہ کیفیت بھی مگر کیسے اَب سُجھاؤں اُسے

دل و نظر سے جو اُس پر کھُلا نہ راز اپنا

تو حرف و صوت سے احساس کیا دلاؤں اُسے

کھُلی ہے سامنے اُس کے مری نظر کی کتاب

حکایتِ غم دل پڑھ کے کیا سُناؤں اُسے

وہ ساز بھی ہے تو ہے میرے لمس کا محتاج

یہ جان لے تو نئی زندگی دلاؤں اُسے

غزل یہ اُس کی سماعت کو کہہ تو دی ماجدؔ

کوئی سبیل بھی نکلے تو اَب سناؤں اُسے

ماجد صدیقی

یہ لمحۂ جاوید گزرنے کا نہیں ہے

اکتوبر 31, 2016ماجد صدیقی،آغاز،غزلمرنے،کرنے،گزرنے،ٹھٹھرنے،ابھرنے،بکھرنے،بھرنےadmin

ماجد صدیقی ۔ غزل نمبر 14

نشہ تری چاہت کا اُترنے کا نہیں ہے

یہ لمحۂ جاوید گزرنے کا نہیں ہے

کیا پُوچھتے ہو حدّتِ نظارہ سے دل میں

وہ زخم ہوا ہے کہ جو بھرنے کا نہیں ہے

لب بھینچ کے رکھوں تو چٹکتی ہے خموشی

اور ذکر بھی ایسا ہے جو کرنے کا نہیں ہے

کیوں سمت بڑھاتے ہو مری، برف سے لمحے

موسم مرے جذبوں کا ٹھٹھرنے کا نہیں ہے

اک عمر میں آیا ہے مرے ہاتھ سمٹنا

شیرازۂ افکار بکھرنے کا نہیں ہے

وہ راج ہے اِس دل کے اُفق پر تری ضو کا

سورج کوئی اَب اور اُبھرنے کا نہیں ہے

ماجدؔ کو اگر بعدِ مؤدت تری درپیش

ہو موت سی آفت بھی تو مرنے کا نہیں ہے

ماجد صدیقی

کہ ایک آن بھی خود سے جُدا نہ پاؤں تجھے

اکتوبر 31, 2016ماجد صدیقی،آغاز،غزللگاؤں،گنگناؤں،پاؤں،بھلاؤں،سناؤںadmin

ماجد صدیقی ۔ غزل نمبر 15

نظر کی شاخ پہ اِس طرح اَب سجاؤں تجھے

کہ ایک آن بھی خود سے جُدا نہ پاؤں تجھے

یہ چہچہے، یہ سحر، پَو پھٹے کا منظرِ شب

ترا ہی عکس ہیں کِس طرح مَیں بھلاؤں تجھے

مہک مہک ترا اِک رنگ گل بہ گل تری لَے

تجھے لکھوں بھی تو کیا، کیسے گنگناؤں تجھے

نظر لگے نہ تمّنائے وصل کو میری

صبا کا بھیس بدل لے گلے لگاؤں تجھے

سحر کا عکس ہے ماجدؔ تری غزل کا نکھار

یہ ایک مژدۂ جاں بخش بھی سُناؤں تجھے

ماجد صدیقی

دل کا یہ زہر کسی طور تو اگلا جائے

اکتوبر 31, 2016ماجد صدیقی،آغاز،غزللپٹا،چکھا،اگلا،سنایا،سجایاadmin

ماجد صدیقی ۔ غزل نمبر 16

نہ سہی چاند پہ منہ اپنے پہ تُھوکا جائے

دل کا یہ زہر کسی طور تو اگلا جائے

تُو نہیں ہے تو تری سمت سے آنے والی

کیوں نہ اِن شوخ ہواؤں ہی سے لپٹا جائے

بے نیازی یہ کہیں عجز نہ ٹھہرے اپنا

اُس جُھکی شاخ سے پھل کوئی تو چکھا جائے

بے گُل و برگ سی وہ شاخِ تمّنا ہی سہی

دل کے اِس صحن میں ہاں کچھ تو سجایا جائے

چونک اُٹّھے وہ شہنشاہِ تغزّل ماجدؔ

یہ سخن تیرا جو غالبؔ کو سُنایا جائے

ماجد صدیقی

آنے لگا ہے حرف، چمن کے جمال پر

اکتوبر 31, 2016ماجد صدیقی،آغاز،غزلچھال،کھال،آل،جمال،خیالadmin

ماجد صدیقی ۔ غزل نمبر 17

مجھ برگِ خشک سے کہ ابھی ہوں جو ڈال پر

آنے لگا ہے حرف، چمن کے جمال پر

ممنوع جب سے آبِ فراتِ نمو ہوا

کیا کچھ گئی ہے بِیت، گلستاں کی آل پر

مانندِ زخم، محو شجر سے بھی ہو گئے

چاقو کے ساتھ نام کھُدے تھے جو چھال پر

گُرگانِ باتمیز بھی ملتے ہیں کُچھ یہاں

کیجے نہ اعتبار دکھاوے کی کھال پر

ماجدؔ رہیں نصیب یہ دانائیاں اُنہیں

قدغن لگا رہے ہیں جو برقِ خیال پر

ماجد صدیقی

اے کاش یہ جان لوں کہ کیا ہوں

اکتوبر 31, 2016ماجد صدیقی،آغاز،غزللگا،چلا،کیا،کھیلتا،آئنہ،دیکھتا،رہاadmin

ماجد صدیقی ۔ غزل نمبر 18

مَیں برگ ہوں خاک ہوں ہوا ہوں

اے کاش یہ جان لوں کہ کیا ہوں

تجھ کو جو بہ غور دیکھتا ہوں

مَیں خود ہی پہ رشک کر رہا ہوں

منسوب ہے مجھ سے یہ ستم بھی

انجان دلوں سے کھیلتا ہوں

آؤ کہ یہ رُت نہ پھر ملے گی

مَیں آپ کی راہ دیکھتا ہوں

حالات سے مانگ کر خدائی

حالات سے کھیلنے لگا ہوں

شرماؤ گے دیکھ کر مجھے تُم

مَیں بھی تو تمہارا آئنہ ہوں

آگے کا سلوک جانے کیا ہو

غنچہ سا چمن میں کھِل چلا ہوں

قسمت میں شرر لکھے ہیں ماجدؔ

انگارہ صفت دہک رہا ہوں

ماجد صدیقی

ہمیں بھی چھیڑ کے دیکھیں تو یہ ہوائیں کبھی

اکتوبر 31, 2016ماجد صدیقی،آغاز،غزلہوائیں،لائیں،مسکرائیں،بلائیں،جائیں،دکھائیں،صدائیںadmin

ماجد صدیقی ۔ غزل نمبر 19

مہک اُٹھیں یہ فضائیں جو لب ہلائیں کبھی

ہمیں بھی چھیڑ کے دیکھیں تو یہ ہوائیں کبھی

یہ اِن لبوں ہی تلک ہے ابھی ضیا جن کی

بنیں گی نُور کے سوتے یہی صدائیں کبھی

وُہ خوب ہے پہ اُسے اِک ہمیں نے ڈھونڈا ہے

جو ہو سکے تو ہم اپنی بھی لیں بلائیں کبھی

کبھی تو موت کا یہ ذائقہ بھی چکھ دیکھیں

وہ جس میں جان ہے اُس سے بچھڑ بھی جائیں کبھی

وہ حُسن جس پہ حسیناؤں کو بھی رشک آئے

اُسے بھی صفحۂ قرطاس پر تو لائیں کبھی

وہی کہ جس سے تکلّم کو ناز ہے ہم پر

وہ رنگ بھی تو زمانے کو ہم دکھائیں کبھی

ہمِیں پہ ختم ہے افسردگی بھی، پر ماجدؔ

کھلائیں پھول چمن میں جو مسکرائیں کبھی

ماجد صدیقی

نذرِ صرصر بھی ہمیں برگ ہُوا کرتے ہیں

اکتوبر 31, 2016ماجد صدیقی،آغاز،غزلہوا،لیا،پیا،دیاadmin

ماجد صدیقی ۔ غزل نمبر 20

موسموں کو نئے عنوان دیا کرتے ہیں

نذرِ صرصر بھی ہمیں برگ ہُوا کرتے ہیں

اپنے احساس نے اِک رُوپ بدل رکھا ہے

بُت کی صورت جِسے ہم پُوج لیا کرتے ہیں

اُن سے شکوہ؟ مری توبہ! وہ دلوں کے مالک

جو بھی دیتے ہیں بصد ناز دیا کرتے ہیں

ہم کہ شیرینیِ لب جن سے ہے ماجدؔ منسُوب

کون جانے کہِ ہمیں زہر پِیا کرتے ہیں

ماجد صدیقی

موت کیسی؟ یہ مرا ڈر نکلا

اکتوبر 31, 2016ماجد صدیقی،آغاز،غزلہمسر،نشتر،ور،کر،پر،اختر،باہر،برابر،دوبھر،سمندرadmin

ماجد صدیقی ۔ غزل نمبر 21

میں ابھی موت سے بچ کر نکلا

موت کیسی؟ یہ مرا ڈر نکلا

اشک تھے سو تو چھُپائے مَیں نے

پھول کالر پہ سجا کر نکلا

مَیں تو ہوں مُہر بلب بھی لیکن

کام کچھ یہ بھی ہے دُوبھر نکلا

یہ الگ بات کہ پیچھا نہ کیا

گھر سے تو اُس کے برابر نکلا

خاک سے جس کا اُٹھایا تھا خمیر

ہم رکابِ مہ و اختر نکلا

مَیں کہ عُریاں نہ ہُوا تھا پہلے

بن کے اُس شوخ کا ہمسر نکلا

غم کی دہلیز نہ چھوڑی میں نے

میں نہ گھر سے کبھی باہر نکلا

جو اُڑاتا مجھے ہم دوشِ صبا

مجھ میں ایسا نہ کوئی پر نکلا

اُس نے بے سود ہی پتھر پھینکے

حوصلہ میرا سمندر نکلا

درد اظہار کو پہنچا ماجدؔ

دل سے جیسے کوئی نشتر نکلا

ماجد صدیقی

چاند سا بدن اُس کا اور بھی نکھر جاتا

اکتوبر 31, 2016ماجد صدیقی،آغاز،غزلنکھر،ور،ٹھہر،اتر،درadmin

ماجد صدیقی ۔ غزل نمبر 22

مَیں جو اُس کے قدموں میں ریت سا بکھر جاتا

چاند سا بدن اُس کا اور بھی نکھر جاتا

کیوں نظر میں چُبھتا تھا عکس اِک گریزاں سا

تھا اگر وہ کانٹا ہی پار تو اُتر جاتا

وہ یونہی گھرا رہتا ہجر کے حصاروں میں

اور میں کہ طوفاں تھا اُلجھنوں سے ڈر جاتا

عمر بھر کو دے جاتا نشۂ شباب اپنا

اور بھی جو کچھ لمحے پاس وہ ٹھہر جاتا

دوش پر ہواؤں کے برگِ زرد سا ماجدؔ

ڈھونڈنے اُسے اِک دن میں بھی در بہ در جاتا

ماجد صدیقی

ہَولے سے مرے دل میں کہیں سے اُتر آؤ

اکتوبر 31, 2016ماجد صدیقی،آغاز،غزلآؤ،الاؤ،اُٹھاؤ،بہاؤ،تناؤadmin

ماجد صدیقی ۔ غزل نمبر 23

لے کر مہِ شب تاب سے کرنوں کا بہاؤ

ہَولے سے مرے دل میں کہیں سے اُتر آؤ

چُپ چاپ ہو جیسے کوئی بن باس پہ نکلے

اے دل کی تمّناؤ! کوئی حشر اُٹھاؤ

کچھ ماند تو پڑ جائیں گے باتوں کی نمی سے

آؤ کہ دہکتے ہیں خموشی کے الاؤ

پھرتا ہے کچھ اس طور سے مغرور و گریزاں

ہے وقت بھی جیسے ترے ابرو کا تناؤ

اُترے ہیں جو اِس میں تو کھُلے گا کبھی ماجدؔ

لے جائے کہاں جھومتے دریا کا بہاؤ

ماجد صدیقی

دل کو بے چین کر گئے نغمے

اکتوبر 31, 2016ماجد صدیقی،آغاز،غزلگئے،سحرadmin

ماجد صدیقی ۔ غزل نمبر 24

لب پہ آئے، بکھر گئے نغمے

دل کو بے چین کر گئے نغمے

جنبشِ لب سے وا ہوئے غنچے

صورتِ گل نکھر گئے نغمے

دُور تک تیرا ساتھ قائم تھا

دُور تک ہم سفر گئے نغمے

دھڑکنوں کی زباں سے نکلے تھے

پتّھروں تک بکھر گئے نغمے

اُڑ گئے جیسے اوس کے ہمراہ

تھے جو ماجدؔ سحر سحر نغمے

ماجد صدیقی

کھُل جائے گا حرفِ مدّعا بھی

اکتوبر 31, 2016ماجد صدیقی،آغاز،غزلہوا،مدّعا،چلا،اٹھا،سامنا،سزاadmin

ماجد صدیقی ۔ غزل نمبر 25

لے ہاتھ سے ہاتھ اَب مِلا بھی

کھُل جائے گا حرفِ مدّعا بھی

کیا ہم سے مِلا سکے گا آنکھیں

ہو تجھ سے کبھی جو سامنا بھی

سہمی تھی مہک گلوں کے اندر

ششدر سی مِلی ہمیں ہوا بھی

جس شخص سے جی بہل چلا تھا

وہ شخص تو شہر سے چلا بھی

کیوں نام ترا نہ لیں کسی سے

اَب قید یہ ہم سے تُو اُٹھا بھی

ماجدؔ کو علاوہ اِس سخن کے

ہے کسبِ معاش کی سزا بھی

ماجد صدیقی

تمہیں ایسی فرصت کہاں دوستو

اکتوبر 31, 2016ماجد صدیقی،آغاز،غزلکہاں،بتاں،تالیاں،زباںadmin

ماجد صدیقی ۔ غزل نمبر 26

لکھو تم ہمیں چِٹھیاں دوستو

تمہیں ایسی فرصت کہاں دوستو

یہ دشتِ سخن اور یہ خاموشیاں

سلگتی ہے جیسے زباں دوستو

چمن میں مرے حال پر ہر کلی

بجاتی ہے اب تالیاں دوستو

کوئی بات جیسے نہ لوٹائے گا

خدا بھی برنگِ بُتاں دوستو

جِسے ڈھونڈتے ہو وہ ماجدؔ بھلا

غمِ جاں سے فارغ کہاں دوستو

ماجد صدیقی

لو مَیں بھی جذبات کی رَو میں کہتا ہوں

اکتوبر 31, 2016ماجد صدیقی،آغاز،غزلکہتا،بہتا،رہتاadmin

ماجد صدیقی ۔ غزل نمبر 27

لو مَیں بھی ہر بات تمہی سی کہتا ہوں

لو مَیں بھی جذبات کی رَو میں کہتا ہوں

مجھ میں بھی ہے ایک سقم آئنوں سا

جو کچھ ہو محسوس وہی کچھ کہتا ہوں

سچ پوچھو تو پستی کا سر کرنا کیا

دریا بھی ہوں تو اُلٹے رُخ بہتا ہوں

ہوں محروم اِک ایک چلن سے دُنیا کے

ماجدؔ جانے میں کس جگ میں رہتا ہوں

ماجد صدیقی

تو ہے عنوانِ دل، بیاں ہیں ہم

اکتوبر 31, 2016ماجد صدیقی،آغاز،غزلکارواں،گلستاں،بیاں،ترجمان،درمیاں،رواںadmin

ماجد صدیقی ۔ غزل نمبر 28

گل ہیں خوشبُو ہیں کہکشاں ہیں ہم

تو ہے عنوانِ دل، بیاں ہیں ہم

کل بھی تھا ساتھ ولولوں کا ہجوم

آج بھی میرِ کارواں ہیں ہم

اِک تمنّا کا ساتھ بھی تو نہیں

کس بھروسے پہ یوں رواں ہیں ہم

دل میں سہمی ہے آرزوئے حیات

کن بگولوں کے درمیاں ہیں ہم

جانتی ہیں ہمیں ہری شاخیں

زرد پتّوں کے ترجمان ہیں ہم

دل کا احوال کیا کہیں ماجدؔ

گو بظاہر تو گلستاں ہیں ہم

ماجد صدیقی

جانے میں کیوں گلستاں سے بیزار تھا

اکتوبر 31, 2016ماجد صدیقی،آغاز،غزلاقرار،بیکار،بیزار،سرکارadmin

ماجد صدیقی ۔ غزل نمبر 29

گُل بہ گُل حُسن، میرا طلب گار تھا

جانے میں کیوں گلستاں سے بیزار تھا

سامنے اُس کے خاموش تھے اِس طرح

ہر خطا کا ہمیں جیسے اقرار تھا

زندگی جب نثارِ غمِ دہر تھی

اُس کا ملنا بھی ایسے میں بیکار تھا

مُنہ سے کہنا اگرچہ نہ آیا اُسے

بور تھا مجھ سے وہ سخت بیزار تھا

زندگی ہم سے ماجدؔ گریزاں تو تھی

جُرم اپنا بھی کچھ اِس میں سرکار تھا

ماجد صدیقی

جلوہ ترا برنگِ دِگر دیکھتا رہوں

اکتوبر 31, 2016ماجد صدیقی،آغاز،غزلہنر،نظر،دگر،راہگزر،سرadmin

ماجد صدیقی ۔ غزل نمبر 30

گہ تجھ کو، گاہ نورِ سحر دیکھتا رہوں

جلوہ ترا برنگِ دِگر دیکھتا رہوں

دِل کے دئیے سے اُٹھتی رہیں یاد کی لَویں

تیرا جمال شعلہ بہ سر دیکھتا رہوں

پل پل برنگِ برق ترا سامنا رہے

رہ رہ کے اپنی تابِ نظر دیکھتا رہوں

پہروں رہے خیال ترا ہمکنار دل

دن رات تیری راہگزر دیکھتا رہوں

ماجدؔ سناؤں شہر بہ تشریح اب کِسے

اِس سے تو آپ اپنا ہنر دیکھتا رہوں

ماجد صدیقی

کب یہ اُمید بھی بر آئے گی

اکتوبر 31, 2016ماجد صدیقی،آغاز،غزللائے،آئے،جائے،شرمائےadmin

ماجد صدیقی ۔ غزل نمبر 31

کب صبا تیرا پتہ لائے گی

کب یہ اُمید بھی بر آئے گی

صبح کی خیر مناؤ لوگو

شب کوئی دم ہے گزر جائے گی

ایسے منظر ہیں پسِ پردۂ حُسن

آنکھ دیکھے گی تو شرمائے گی

دل کو پت جھڑ کی حکایت نہ سناؤ

یہ کلی تاب نہیں لائے گی

مَیں بھی ہوں منزلِ شب کا راہی

رات بھی سُوئے سحر جائے گی

پیار خوشبُو ہے چھُپائے نہ بنے

بات نکلی تو بکھر جائے گی

دل سے باغی ہے تمّنا ماجدؔ

ہو کے اب شہر بدر جائے گی

ماجد صدیقی

دبنے والی نہیں مری آواز

اکتوبر 31, 2016ماجد صدیقی،آغاز،غزلمری،گونجتی،گئی،بھری،دی،دھلیadmin

ماجد صدیقی ۔ غزل نمبر 32

کیا ہے مدّھم اگر پڑی آواز

دبنے والی نہیں مری آواز

تیری نظریں کہ آبشار گرے

میرا دامن کہ گونجتی آواز

یوں ہُوا ہے کہ ذکر سے تیرے

تیرے پیکر میں ڈھل گئی آواز

ہائے کس جذبۂ جواں سے ہے

نکھری نکھری دُھلی دھُلی آواز

کوئی غنچہ چٹک رہا ہو گا

تھی توانا بھری بھری آواز

نامُرادی کا کیا گلہ ماجدؔ

ہم نے اُٹھنے ہی جب نہ دی آواز

ماجد صدیقی

اپنے اندر کے اُس شخص کو دیکھتا

اکتوبر 31, 2016ماجد صدیقی،آغاز،غزلہوا،کیا،تھا،دیکھتا،زاویہ،صباadmin

ماجد صدیقی ۔ غزل نمبر 33

کاش! مَیں جس کے اُوپر ہوں اِک خوں سا

اپنے اندر کے اُس شخص کو دیکھتا

پاگلوں کی طرح وہ تجھے چاہنا

تھا مری سوچ کا وہ بھی اِک زاویہ

مُرغ تھا زد پہ تِیرِ قضا کی مگر

آشیاں تھا کھُلے بازوؤں دیکھتا

ساغرِ مئے پیے، ساتھ خوشبو لیے

در بدر ٹھوکریں کھا رہی تھی ہوا

وہ تو وہ اُس کے ہونے کا احساس بھی

تھا مہک ہی مہک، رنگ ہی رنگ تھا

چاند نکلا ہے ڈوبے گا کچھ دیر میں

چاہیئے بھی ہمیں اِس سمے اور کیا

کیسے بخشے گا آئینِ گلشن ہمیں

ہم نے مَسلا اِسے، دل کہ اِک پھُول تھا

عمر بھر ہم بھی خوشیوں کے منکر رہے

شکر ہے یہ بھی اِک مرحلہ طے ہوا

کیوں ہمیں چھُو کے ماجدؔ گزرنے لگی

آگ میں کیوں جھُلسنے لگی ہے صبا

ماجد صدیقی

پھیلتے جا رہے ہیں کھنڈر سامنے

اکتوبر 31, 2016ماجد صدیقی،آغاز،غزلکھنڈر،پر،بھر،ترا،راہگزر،سحرadmin

ماجد صدیقی ۔ غزل نمبر 34

کوئی بستی نہ دیوار و در سامنے

پھیلتے جا رہے ہیں کھنڈر سامنے

اپنی جانب لپکتے قدم دیکھ کر

مُسکراتے ہیں گل شاخ پر سامنے

یاد میں تھیں صبا کی سی اٹکھیلیاں

جانے کیا کچھ رہا رات بھر سامنے

زندگی ہے کہ آلام کی گرد سے

ہانپتی ہے کوئی راہگزر سامنے

رات تھی جیسے جنگل کا تنہا سفر

چونک اُٹھے جو دیکھی سحر سامنے

آئنے ہیں مقابل جِدھر دیکھیے

اپنی صورت ہے با چشمِ ترا سامنے

ہم ہیں ماجدؔ سُلگتے دئیے رات کے

بُجھ گئے بھی تو ہو گی سحر سامنے

ماجد صدیقی

ہاتھ مرے ہاتھوں میں دے دے جینے کا سامان کروں

اکتوبر 31, 2016ماجد صدیقی،آغاز،غزلچُنوں،کہوں،کروں،اُڑوں،دیکھوںadmin

ماجد صدیقی ۔ غزل نمبر 35

کھول کوئی در لطف کا اپنے، اِن آنکھوں میں رنگ بھروں

ہاتھ مرے ہاتھوں میں دے دے جینے کا سامان کروں

لازم ہے اِک دورِ طرب کے بعد مجھے تو بھُول بھی جا

مَیں اک بار تجھے پھر چاہوں عہد نیا آغاز کروں

چاروں اور رہی اِک ظلمت جو سوچا سو دیکھا ہے

چاند کبھی تو اُبھرے گا یہ آس لگا کر بھی دیکھوں

اے کہ تلاشِ بہار میں تُو بھی غرق ہے، برگِ آوارہ

کاش مجھے بھی پر لگ جائیں مَیں بھی تیرے ساتھ اُڑوں

شہر میں ہر اک شخص تھا جیسے ایک یہی تلقین لیے

مَیں شبنم کو پتّھر جانوں مَیں پھُولوں کو خار کہوں

گلشن میں یہ کنجِ سخن بھی اُجڑا بن کہلاتا ہے

مَیں جِس پھلواری سے ماجدؔ پہروں بیٹھا پھُول چُنوں

ماجد صدیقی

ہر ایک شخص سے جیسے چھپا پھروں ہوں مَیں

اکتوبر 31, 2016ماجد صدیقی،آغاز،غزلچلوں،پھروں،اٹھوں،دھروںadmin

ماجد صدیقی ۔ غزل نمبر 36

کچھ اِن دنوں عجب انداز سے جیوں ہوں مَیں

ہر ایک شخص سے جیسے چھپا پھروں ہوں مَیں

ہوئی ہے ایک ادا ہی ٹھٹک کے رہ جانا

سکون سے جو قدم دو قدم چلوں ہوں مَیں

گہے اڑوں ہوں مَیں برگِ خزاں زدہ کی مثال

گہے بصُورتِ غنچہ مہک اُٹھوں ہوں مَیں

نظر نہیں ہے جب اپنے ہی عجز پر ماجدؔ

کسی کے پیار پہ الزام کیوں دھروں ہوں مَیں

ماجد صدیقی

پاگل نہ بن، رُتوں کو کبھی مہرباں بھی دیکھ

اکتوبر 31, 2016ماجد صدیقی،آغاز،غزلمہرباں،نشاں،انگلیاں،بیکراں،جہاں،خزاں،داستاںadmin

ماجد صدیقی ۔ غزل نمبر 37

کانٹوں کے درمیاں گلِ تر کا نشاں بھی دیکھ

پاگل نہ بن، رُتوں کو کبھی مہرباں بھی دیکھ

ہاتھوں میں میرے، صفحۂ سادہ پہ کر نظر

اظہارِ غم کو ترسی ہوئی انگلیاں بھی دیکھ

تو اور سراپا بس میں ہمارے ہو! ہائے ہائے!!

ہم پر یہ ایک تہمتِ اہلِ جہاں بھی دیکھ

تھا زیست میں بہار کا طوفاں بھی پل دو پل

اِس بحر میں تموّجِ گردِ خزاں بھی دیکھ

سہمی ہوئی حیات کو یُوں مختصر نہ جان

لمحے میں جھانک اور اسے بیکراں بھی دیکھ

ردّی کے بھاؤ بیچا گیا ہوں کسی کے ہاتھ

لے کُو بکُو بکھرتی مری داستاں بھی دیکھ

ماجدؔ ہے جس کا شور سماعت میں اَب تلک

اُس سیلِ تند و تیز کے چھوڑے نشاں بھی دیکھ

ماجد صدیقی

کوئی نمو کا بھی رُخ دیجیے زمانے کو

اکتوبر 31, 2016ماجد صدیقی،آغاز،غزلبچھانے،جمانے،دانے،زمانے،سنانےadmin

ماجد صدیقی ۔ غزل نمبر 38

کشید خاک سے آتش تو کی جلانے کو

کوئی نمو کا بھی رُخ دیجیے زمانے کو

لگے بھی ہاتھ تو کس کے ستم کشانِ جہاں

سجا رہا ہے جو کولہو میں دانے دانے کو

لہو میں لتھڑے ہوئے پاؤں لے کے دھرتی سے

چلا ہے چاند پہ انساں قدم جمانے کو

کسی بھی عہد میں وحشت کا تھا نہ یہ انداز

ہر ایک ہاتھ میں کب جال تھے بچھانے کو

ہر ایک شخص سے ہر ایک شخص بیگانہ

یہ کیا ہوا ہے یکایک مرے زمانے کو

وُہ سُن کے زخم بھی ماجدؔ ترے کُریدیں گے

جنہیں چلا ہے حکایاتِ غم سُنانے کو

ماجد صدیقی

ہے میّسر مجھے انساں ہونا

اکتوبر 31, 2016ماجد صدیقی،آغاز،غزلپریشاں،انساں،بیاباں،جاں،داماں،زمستاںadmin

ماجد صدیقی ۔ غزل نمبر 39

قّصۂ دہر کا عنواں ہونا

ہے میّسر مجھے انساں ہونا

کتنا مشکل ہے ترے غم کا حصول

کتنا مشکل ہے پریشاں ہونا

تو مری روح میں، وجدان میں ہے

تجھ کو حاصل ہے مری جاں ہونا

مہر کو سر پہ سجانا پل بھر

پھر شبِ سردِ زمستاں ہونا

پھُولنا شاخ پہ غنچہ غنچہ

اور اِک ساتھ پریشاں ہونا

کب تلک خوفِ ہوا سے آخر

ہو میسّر، تہِ داماں ہونا

تھے کبھی ہم بھی گلستاں ماجدؔ

اَب وطیرہ ہے بیاباں ہونا

ماجد صدیقی

پہنچا ہے اُس کا ذکر ہر اک بُک سٹال پر

اکتوبر 31, 2016ماجد صدیقی،آغاز،غزلچال،گال،تال،جمال،زوال،سوال،سٹالadmin

ماجد صدیقی ۔ غزل نمبر 40

فن سے مرے کہ ہے جو فرازِ کمال پر

پہنچا ہے اُس کا ذکر ہر اک بُک سٹال پر

ہونٹوں پہ رقص میں وُہی رنگینی نگاہ

محفل جمی ہوئی کسی ٹیبل کی تال پر

شیشے کے اِک فریم میں کچھ نقش قید تھے

میری نظر لگی تھی کسی کے جمال پر

ساڑھی کی سبز ڈال میں لپٹی ہوئی بہار

کیا کچھ شباب تھا نہ سکوٹر کی چال پر

ہنستی تھی وہ تو شوخیِ خوں تھی کُچھ اس طرح

جگنو سا جیسے بلب دمکتا ہو گال پر

رکھا بٹن پہ ہاتھ تو گھنٹی بجی اُدھر

در کھُل کے بھنچ گیا ہے مگر کس سوال پر

میک اَپ اُتر گیا تو کھنڈر سی وہ رہ گئی

جیسے سحر کا چاند ہو ماجدؔ زوال پر

ماجد صدیقی

کوئی صنم بھی تو ہو مَیں جِسے خُدا مانوں

اکتوبر 31, 2016ماجد صدیقی،آغاز،غزلبرا،خدا،ردا،صفاadmin

ماجد صدیقی ۔ غزل نمبر 41

غزل لکھوں تو کِسے اپنا مُدّعا مانوں

کوئی صنم بھی تو ہو مَیں جِسے خُدا مانوں

مری ضیا سے مُنّور، مجھی سے بیگانہ

مَیں ایسے عہد کو کس طرح با صفا مانوں

حضور! آپ نے جو کچھ کہا، درست کہاں

مرا مقام ہی کیا ہے جو مَیں بُرا مانوں

جو میرے سر پہ ٹھہرتا تلک نہیں ماجدؔ

مَیں ایسے ابرِ گریزاں کو کیوں رِدا مانوں

ماجد صدیقی

تجھ پہ ہے اَب یہ فیصلہ، چاہیئے انتہا مجھے

اکتوبر 31, 2016ماجد صدیقی،آغاز،غزلہوا،لا،نوا،گیا،انتہا،خلا،ستاadmin

ماجد صدیقی ۔ غزل نمبر 42

صُورتِ خار دے چبھن، صُورت گُل کھِلا مجھے

تجھ پہ ہے اَب یہ فیصلہ، چاہیئے انتہا مجھے

بھید مری سرشت کا اِس سے کھُلے گا اور بھی

مَیں کہ گلوں کی خاک ہوں لے تو اُڑے ہوا مجھے

کھائے نہ تن پہ تِیر بھی، لائے نہ جوئے شِیر بھی

کیسے فرازِ ناز سے شوخ وہ، مِل گیا مجھے

وہ کہ مثالِ مہر ہے، وہ کہ ہے رشکِ ماہ بھی

اے مرے نطق و لب کی ضو! سامنے اُس کے لا مجھے

دست درازیِ خزاں! ہے تجھے مجھ پہ اختیار

کر تو دیا برہنہ تن، اور نہ اَب ستا مجھے

اے مری ماں! مری زمیں! تجھ سے کہوں تو کیا کہوں؟

چھین کے گود سے تری، لے گئی کیوں خلا مجھے

جب سے جلے ہیں باغ میں برق سے بال و پر مرے

کہنے لگی ہے خلق بھی ماجدِؔ بے نوا مجھے

ماجد صدیقی

پھر وہی ہم ہیں وہی دشتِ ستم

اکتوبر 31, 2016ماجد صدیقی،آغاز،غزلمبہم،ستم،غمadmin

ماجد صدیقی ۔ غزل نمبر 43

رہ بہ رہ پھر وہی اندیشۂ غم

پھر وہی ہم ہیں وہی دشتِ ستم

زندگانی سے الجھنا ہے مجھے

رہنے دیجے گا مجھی تک مرا غم

ہم گرفتارِ بلا ٹھہریں گے

وقت پھیلائے گا پھر دامِ ستم

وقت اِک شعلۂ لرزاں ماجدؔ

زندگی ایک خیال مبہم

ماجد صدیقی

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: