کہتے ہیں ہم محتاجوں کا مسیحا ہے

جولائی 31, 2017ماجد صدیقی،دِل دِل کرب کمان،غزلمسیحا،کرشمہ،ٹھہرایا،پہنچا،جھپٹا،رکھاadmin

ماجد صدیقی ۔ غزل نمبر 1

وہ کہ جو دھونس جمانے آگ سا برسا ہے

کہتے ہیں ہم محتاجوں کا مسیحا ہے

بہرِ تحفّظ، گنتی کی کچھ راتوں کو

بھیڑ نے چِیتے کو مہماں ٹھہرایا ہے

جو چڑیا سونے کا انڈا دیتی تھی

غاصب اب کے اُس چڑیا پر جھپٹا ہے

کیا کہیے کس کس نے مستقبل اپنا

ہاتھ کسی کے کیونکر گروی رکھا ہے

بپھری خلق کے دھیان کو جس نے بدلا وہ

شعبدہ بازوں کی ڈفلی کا کرشمہ ہے

چودھری اور انداز سے خانہ بدوشوں سے

اپنا بھتّہ ہتھیانے آ پہنچا ہے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چیتے مل کر خون سے پیاس بُجھانے نکلے

جولائی 31, 2017ماجد صدیقی،دِل دِل کرب کمان،غزلاٹھانے،بنانے،بجھانے،جلانے،دہلانے،رچانےadmin

ماجد صدیقی ۔ غزل نمبر 2

رم خوردہ ہرنوں کو راہ پر لانے نکلے

چیتے مل کر خون سے پیاس بُجھانے نکلے

اَب کے ستمگر ، کھوپڑیوں سے ہوں جو مرصّع

اُن میناروں کی بنیاد اُٹھانے نکلے

وہ کہ بہت نازاں تھے مہذّب ہونے پر جو

ہوّے بن کر خلق کو ہیں دہلانے نکلے

یکجا کر کے جتنے کھلونے تھے بارودی

بالغ بچّے ، الٹا کھیل رچانے نکلے

ہم نے جلائے شہروں شہروں جن کے پُتلے

وہ جسموں کی تازہ فصل جلانے نکلے

ہم جانے کس بِرتے پر نم آنکھیں لے کر

سنگ دلوں کو ماجد موم بنانے نکلے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مادۂ آتش سے پُر اپنے سمندر دیکھنا

جولائی 31, 2017ماجد صدیقی،دِل دِل کرب کمان،غزلمنظر،پر،اخگر،ازبر،خنجر،سمندرadmin

ماجد صدیقی ۔ غزل نمبر 3

دیکھنا ہر سمت سیلِ فتنہ و شر دیکھنا

مادۂ آتش سے پُر اپنے سمندر دیکھنا

پچھلی ساعت کربلاؤں سا ہُوا جو رُو نما

ہے ہمیں سکرین پر گھر میں وہ منظر دیکھنا

اِس سے پہلے تو کوئی بھی ٹڈّی دَل ایسا نہ تھا

اب کے جو پرّاں فضا میں ہیں وہ اخگر دیکھنا

فاختائیں فاختاؤں کو کریں تلقینِ امن

مضحکہ موزوں ہُوا یہ بھی ہمِیں پر دیکھنا

کیا کہیں آنکھوں پہ اپنی جانے کب سے قرض تھا

جسم میں اُترا کم اندیشی کا خنجر دیکھنا

کچھ نہیں جن میں معانی منمناہٹ کے سوا

درس کیا سے کیا ہمیں ماجد ہیں ازبر دیکھنا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم کیوں اپنے ہونے پر شرمانے لگے ہیں

جولائی 31, 2017ماجد صدیقی،دِل دِل کرب کمان،غزللہرانے،گہنانے،ٹھہرانے،افسانے،بہلانے،بٹھانے،شرمانےadmin

ماجد صدیقی ۔ غزل نمبر 4

جبر وہ کیا ہے جس سے آنکھ چرانے لگے ہیں

ہم کیوں اپنے ہونے پر شرمانے لگے ہیں

نیل کا فرعونوں سے ہُوا جب سے سمجھوتہ

جتنے حقائق تھے سارے افسانے لگے ہیں

غاصب اُس کے ہاتھوں میں بارود تھما کر

لَا وارث بچے کو لو ۔ ۔ ۔ ۔ ۔ ۔ بہلانے لگے ہیں

دھونس جما کر ہاں ۔ ۔ ۔ ریوڑ سے دُور بھگا کر

بھیڑ یے بھیڑ پہ اپنی دھاک بٹھانے لگے ہیں

وہ جب چاہیں میں اُن کا لقمہ بن جاؤں

جابر مجھ سے عہد نیا ٹھہرانے لگے ہیں

پیروں تلے مسل کے مری رائے کی پرچی

زور آور اپنا پرچم لہرانے لگے ہیں

چندا تو کیا گردشِ وقت کے ہاتھوں اب کے

چاند نگر تک بھی ماجد گہنانے لگے ہیں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سانپ کو ہاتھ میں پکڑا پر ڈھیلے انداز سے پکڑا ہے

جولائی 31, 2017ماجد صدیقی،دِل دِل کرب کمان،غزلکھٹکا،پکڑا،بویا،دیکھا،روکاadmin

ماجد صدیقی ۔ غزل نمبر 5

اُس نے بھی جو زہریلے دشمن پر اب کے جھپٹا ہے

سانپ کو ہاتھ میں پکڑا پر ڈھیلے انداز سے پکڑا ہے

جتنے ہم مسلک تھے اُس کے کیا کیا اُس سے دُور ہوئے

دنیا نے اک جسم کو یوں بھی ٹکڑے ہوتے دیکھا ہے

زور آور نے جتنا بھی باروری بیج تھا نخوت کا

ساون رُت کی بارش جیسا اُس کی خاک میں بویا ہے

اور تو امّ الحرب کو ہم عنوان نہیں کچھ دے سکتے

ہاں خاشاک نے دریا کو چالیس دنوں تک روکا ہے

ماجد جھُکتے سروں سے آخر یہِاک بات بھی سب پہ کھلی

کھٹکا ہے تو نفقہ و نان کا ہم ایسوں کو کھٹکا ہے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جو کہنا ہے، پہلے کیوں نہ پرکھا جائے

جولائی 31, 2017ماجد صدیقی،دِل دِل کرب کمان،غزللوٹا،پرکھا،اترا،توڑا،دیکھاadmin

ماجد صدیقی ۔ غزل نمبر 6

یہ کیا؟ کچھ کہنے کے بعد ہی سوچا جائے

جو کہنا ہے، پہلے کیوں نہ پرکھا جائے

مان بھی لیں، ممکن ہے، قدم اپنے ہی غلط ہوں

دُور نکل آئے ہیں بہت، اب لوٹا جائے

کھوج میں شاید شرط یہی، بار آور ٹھہرے

اور ذرا گہرے پانی میں، اُترا جائے

دریا میں کھُر جائے گھڑا کھُر جانے والا

ٹھہرا ہو جو عہد وہ عہد نہ توڑا جائے

مژدۂ عید سنانے والا چاند، ہمیشہ

بعد برس کے، پھر چاہت سے دیکھا جائے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ملے جواب نہ اِس طرح کے سوالوں کا

جولائی 31, 2017ماجد صدیقی،دِل دِل کرب کمان،غزلکمالوں،اجالوں،حالوں،سوالوں،سالوںadmin

ماجد صدیقی ۔ غزل نمبر 7

ہمارے گرد ہے کیا جال سا یہ چالوں کا

ملے جواب نہ اِس طرح کے سوالوں کا

یہ ہم کہ گھونسلے جن کے ہیں زد پہ طوفاں کی

لٹے گا چین ہمِیں سے خراب حالوں کا

بہم پناہ ہمیشہ جنہیں ہے غاروں کی

پھرا ہے اُن کی طرف رخ کہاں اجالوں کا

دیا تو دینا پڑے گا ہمیں بھی لمحوں میں

ہمارے نام ہے جو جو حساب سالوں کا

کھُلا تو ہاتھ لگائیں گے سارے کانوں کو

چمن میں حال ہے ماجد جو با کمالوں کا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دل بالک، من جائے گا بہلانے سے

جولائی 31, 2017ماجد صدیقی،دِل دِل کرب کمان،غزللانے،گہنانے،پلانے،بہلانے،جانےadmin

ماجد صدیقی ۔ غزل نمبر 8

ہونا کیا ہے اِس کے شور مچانے سے

دل بالک، من جائے گا بہلانے سے

ٹھہرا ہے بہتان کہاں نام اچّھوں کے

اُجڑا ہے کب چاند بھلا گہنانے سے

راس جسے دارو نہ کوئی آیا اُس کے

روگ مٹیں گے، اب تعویذ پلانے سے

چیخ میں کیا کیا درد پروئے چُوزے نے

بھوکی چیل کے پنجوں میں آ جانے سے

اب تو خدشہ یہ ہے ہونٹ نہ جل جائیں

ماجدؔ دل کی بات زباں پر لانے سے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

نبض جس دم ٹوٹ جائے گی، گھڑی رُک جائے گی

جولائی 31, 2017ماجد صدیقی،دِل دِل کرب کمان،غزلہنسی،گھڑی،بالیدگی،تازگیadmin

ماجد صدیقی ۔ غزل نمبر 9

وقت کی دھُن پر لپکتی زندگی، رُک جائے گی

نبض جس دم ٹوٹ جائے گی، گھڑی رُک جائے گی

شاخ سے کٹ کر کسی کالر پہ گل سج جائے گا

وُہ کہ جو ہونٹوں پہ آئے گی ہنسی، رُک جائے گی

ہوتے ہوتے خشک موسم، ہاتھ دِکھلا جائے گا

ہوتے ہوتے پیڑ کی، بالیدگی رُک جائے گی

ہم نے ماجدؔ کب یہ سوچا تھا کہ جسم و جان کو

سینچتی ہے جو وہ موجِ تازگی، رُک جائے گی

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

شام کوئی اُس کی آنکھوں میں کاجل جیسی شام

جولائی 31, 2017ماجد صدیقی،دِل دِل کرب کمان،غزلنکلی،گزری،ٹھہری،آئی،اتری،بپھری،جیسیadmin

ماجد صدیقی ۔ غزل نمبر 10

وقت دکھا دے شاید کوئی بھولی بسری شام

شام کوئی اُس کی آنکھوں میں کاجل جیسی شام

چہرہ چہرہ سہم سے یوں بیدم ہے جیسے آج

جسم چچوڑنے آئی ہو نگری میں اُتری شام

سُکھ سپنوں کے پیڑ پہ ہے پھر چڑیوں جیسا شور

پھر پھنکار اُٹھی جیسے ناگن سی بپھری شام

کرب و الم کا نحس گہن یوں دن پر پھیل گیا

آج کی شام سے آن ملی محشر سی گزری شام

کیا کیا حدّت کس کس ذرّے نے ہتھیائی ہے

پوچھ کے آئی سورج کے پہلو سے نکلی شام

مٹتی ہے کب ہاتھوں سے لیکھوں کی یہ تحریر

ڈھلتی ہے کب جانے انگناں انگناں ٹھہری شام

لطف و کرم سے بیگانہ اور زہرِحسد سے چُور

سوتیلی ماؤں سی ماجدؔ یہ کیا آئی شام

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

خدا بھی میرے اندر آ بسا ہے

جولائی 31, 2017ماجد صدیقی،دِل دِل کرب کمان،غزلنما،بھرا،بسا،حیا،دھلاadmin

ماجد صدیقی ۔ غزل نمبر 11

وہ چنچل جب سے میرا ہو گیا ہے

خدا بھی میرے اندر آ بسا ہے

وہ جس کی دید سے ہوں سیر آنکھیں

ثمر سے بھی زیادہ رَس بھرا ہے

نگاہوں میں چھپی نجمِ سحر سی

عجب بے نام سی طُرفہ حیا ہے

اسے دیکھو بہ حالِ لطف جب بھی

مثالِ مہ، پسِ باراں دھُلا ہے

کرے وہ گل نہ ایسا تو کرے کیا

سنا ہم نے بھی ہے وہ خود نما ہے

تعلّق اُس سے ماجدؔ کیا بتائیں

معانی سا جو لفظوں میں بسا ہے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پھول چاہت کے کچھ ایسے بھی کھلائے جائیں

جولائی 31, 2017ماجد صدیقی،دِل دِل کرب کمان،غزلکھلائے،اٹھائے،بہائےadmin

ماجد صدیقی ۔ غزل نمبر 12

وہ کہ اُجڑے ہوئے جُوڑوں میں سجائے جائیں

پھول چاہت کے کچھ ایسے بھی کھلائے جائیں

سیل کیا کیا نہ اُٹھائیں یہ کروڑوں آنکھیں

خشکیِ بخت پہ گر اشک بہائے جائیں

خشت سے چوب تلک قرض کی ہر چیز لئے

بیچ کٹیاؤں کے کچھ قصر اٹھائے جائیں

محض تائید ہی ہم نام نہ اِن کے لکھ دیں

احتجاجاً بھی کبھی ہاتھ اُٹھائے جائیں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

خاموشیِ وجدان، خبر لائے گی کچھ اور

جولائی 31, 2017ماجد صدیقی،دِل دِل کرب کمان،غزللہرائے،لائے،تڑپائے،ترسائے،سہلائے،شرمائےadmin

ماجد صدیقی ۔ غزل نمبر 13

ناحق پہ بھی لاریب گھڑی آئے گی کچھ اور

خاموشیِ وجدان، خبر لائے گی کچھ اور

جیسے کسی قیدی کو جنم دِن کا حوالہ

پنجرے میں صبا جھانک کے تڑپائے گی کچھ اور

صرصر نے جو دھارا ہے نیا روپ صبا کا

یہ فاحشہ ابدان کو سہلائے گی کچھ اور

کہہ لو اُسے تم رقص پہ طوفانِ بلا میں

کمزور ہے جو شاخ وہ لہرائے گی کچھ اور

وہ آنکھ جسے دھُن ہے فروغِ گلِ تر کی

موسم ہے گر ایسا ہی تو شرمائے گی کچھ اور

نکلی ہی نہیں گرد کے پہلو سے جو ماجدؔ

پیاسوں کو وہ بدلی ابھی ترسائے گی کچھ اور

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سنی بھی میری کہانی تو درمیاں سے سنی

جولائی 31, 2017ماجد صدیقی،دِل دِل کرب کمان،غزلوہاں،کماں،ں،آشیاں،درمیاں،زباںadmin

ماجد صدیقی ۔ غزل نمبر 14

نہ ابتدا سے نہ انجامِ ناگہاں سے سنی

سنی بھی میری کہانی تو درمیاں سے سنی

اُٹھی نہ تھی جو ابھی حلق سے پرندے کے

وہ چیخ ہم نے چمن میں تنی کماں سے سنی

ملا تھا نطق اُسے بھی پہ نذرِ عجز ہُوا

کتھا یہی تھی جو ہر فردِ بے زباں سے سنی

دراڑ دُور سے اَیوان کی نمایاں تھی

زوالِ شہ کی حکایت یہاں وہاں سے سنی

زباں سے خوف میں کٹ جائے جیسے لفظ کوئی

صدائے درد کچھ ایسی ہی آشیاں سے سنی

گماں قفس کا ہر اک گھونسلے پہ ہے ماجد

خبر یہ خَیر سے ہر کنجِ گلستا ں سے سنی

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آنکھوں کی سیپیوں میں گہر ڈھونڈنے پڑے

جولائی 31, 2017ماجد صدیقی،دِل دِل کرب کمان،غزلگہر،زر،سفر،سحرadmin

ماجد صدیقی ۔ غزل نمبر 15

موتی پئے جمال ہنر ڈھونڈنے پڑے

آنکھوں کی سیپیوں میں گہر ڈھونڈنے پڑے

جنگل میں طائروں کی چہک، آہوؤں کا رم

کیا کیا نہ ہمرہانِ سفر ڈھونڈنے پڑے

آئے گا کل کے بعد جو دن، اُس کو پاٹنے

کیا کیا جتن نہ شام و سحر ڈھونڈنے پڑے

اپنے ہی جسم و جان کی پیہم کرید سے

ماجد ہمیں خزائنِ زر ڈھونڈنے پڑے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کیا جانوں کیا کیا ہیں عقیدے خام مرے

جولائی 31, 2017ماجد صدیقی،دِل دِل کرب کمان،غزلنام،کام،خام،دام،عامadmin

ماجد صدیقی ۔ غزل نمبر 16

مزرعۂ دین میں اُگتے ہیں اصنام مرے

کیا جانوں کیا کیا ہیں عقیدے خام مرے

لطف تو یہ ہے رہزن بھی یہ کہتا ہے

دیکھو امن نگر کا بھی ہے نام مرے

جانے کب یوسف ٹھہرایا جاؤں میں

اور زبانوں پر رقصاں ہوں دام مرے

جیسے کلمۂ خیر مخالف کے حق میں

رک جاتے ہیں بس ایسے ہی کام مرے

ہاتھ کبھی تو ہَوا کے لگے گی یہ خوشبو

بول کبھی تو ہوں گے ماجد عام مرے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یزیدِ وقت نے جوروستم کی انتہا کر دی

جولائی 31, 2017ماجد صدیقی،دِل دِل کرب کمان،غزلکما،انتہا،خفا،خطا،دعا،سجاadmin

ماجد صدیقی ۔ غزل نمبر 17

مری ہر آس کے خیمے کی زینب بے رِدا کر دی

یزیدِ وقت نے جوروستم کی انتہا کر دی

اگر سر زد ہُوا حق مانگنے کا جرم تو اُس پر سزا کیسی

مرے دستِ طلب نے کونسی ایسی خطا کر دی

کچھ افیونی حقائق ہی کھُلے ورنہ اِن ہونٹوں پر

سخن کیا تھا کہ خلقِ شہر تک جس نے خفا کر دی

زمیں یا آسماں کا جو خدا تھا سامنے اُس کے

جھُکایا سر، اٹھائے ہاتھ اور رو کر دعا کر دی

وطن کی بد دعا پر ریزہ ریزہ ہو گیا کوئی

کسی نے دیس پر جاں تک ہتھیلی پر سجا کر دی

حیا آنکھوں میں اور سچّائیاں جذبات میں ماجد

مجھے ماں باپ نے جو دی یہی پونجی کما کر دی

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جُگ بیتے ہیں بستی کو بیدار ہوئے

جولائی 31, 2017ماجد صدیقی،دِل دِل کرب کمان،غزلنادار،پار،آزار،اقرار،بیدار،دربارadmin

ماجد صدیقی ۔ غزل نمبر 18

لٹ جانے کے خدشوں سے دو چار ہوئے

جُگ بیتے ہیں بستی کو بیدار ہوئے

شہرِ ستم میں حرص و ہوا کی سازش سے

کیا کیا اہلِ نظر، وقفِ دربار ہوئے

شاخ پہ کونپل بننے اور کھِل اٹھنے کے

کیا کیا سپنے آنکھوں کا آزار ہوئے

باغ میں جانے اور مہک لے آنے کے

بادِ صبا سے کیا کیا قول اقرار ہوئے

دریا میں منجدھار ہی دشمنِ جان نہ تھی

اور بھی کچھ دھاوے ہم پر اُس پار ہوئے

راہبری کا ماجد! قحط کہاں ایسا

جیسے اب ہیں، ہم کب یُوں نادار ہوئے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کہ سانس سانس کے تیور الاؤ جیسے ہیں

جولائی 31, 2017ماجد صدیقی،دِل دِل کرب کمان،غزلچناؤ،گھاؤ،الاؤ،بھاؤ،تناؤ،دباؤadmin

ماجد صدیقی ۔ غزل نمبر 19

لگے ہے اپنے یہ دن،چلچلاؤ جیسے ہیں

کہ سانس سانس کے تیور الاؤ جیسے ہیں

ہٹے ہیں اور نہ ہٹ پائیں خوردگاں پر سے

سرِجہان بڑوں کے دباؤ جیسے ہیں

وہ دوستی کے ہوں یا تا بہ عمر رشتوں کے

ہم آپ ہی نے کیے ہیں چناؤ جیسے ہیں

شجر شجر پہ یہی برگِ زرد سوچتے ہیں

اُڑا ہی دیں نہ ہَوا کے دباؤ جیسے ہیں

زباں کی کاٹ کے یا بّرشِ تبر کے ہیں

ہماری فکر و سماعت پہ گھاؤ جیسے ہیں

چلن دکھائیں بالآخر نہ پھر کمانوں سا

جبیں پہ اہلِ وفا کی، تناؤ جیسے ہیں

جو ہم ہوئے بھی تو کیا ، یوسفِ سخن ماجد

عیاں ہیں سب پہ ہم ایسوں کے بھاؤ جیسے ہیں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہ پیڑ پیڑ پہ آکاس بیل چھوڑ گیا

جولائی 31, 2017ماجد صدیقی،دِل دِل کرب کمان،غزلمروڑ،چھوڑ،کروڑ،پھوڑ،جھنجھوڑadmin

ماجد صدیقی ۔ غزل نمبر 20

گیا تو باغ کا رشتہ فنا سے جوڑ گیا

وہ پیڑ پیڑ پہ آکاس بیل چھوڑ گیا

سہاگ جن سے تھا منسوب لطفِ فردا کا

کلائیاں ہیں کچھ ایسی بھی وہ مروڑ گیا

اُسے عزیز تھا پرچار اپنے باطل کا

سو جو بھی چشم تھی حق بِیں، اُسے وہ پھوڑ گیا

جفا پرست وہ ایسا تھا جو خلافِ ستم

دلوں میں عزم تھے جتنے اُنہیں جھنجھوڑ گیا

رہا بھی اُس سے تو بس لین دین نفرت کا

سو،لے کے لاکھ، ہمیں دے کے وہ کروڑ گیا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بدن ، پیہم اُدھڑتا جا رہا ہے

جولائی 31, 2017ماجد صدیقی،دِل دِل کرب کمان،غزلقبا،ڈولتا،کا،پڑا،تانتا،دیکھتا،رہا،سجاadmin

ماجد صدیقی ۔ غزل نمبر 21

گھُٹن کی آنچ میں جب سے جلا ہے

بدن ، پیہم اُدھڑتا جا رہا ہے

نگاہِ نا رسا تک پر کھُلا ہے

ہمارا درد ، پیوندِ قبا ہے

پہن لے دام ، لقمے کی ہوس میں

پرندہ عاقبت کب دیکھتا ہے

اثر ناؤ پہ جتلانے کو اپنا

سمندر ، ہم پہ موجیں تانتا ہے

بھنویں جس کی ، کمانوں سی تنی ہیں

قرابت دار وہ ، دربار کا ہے

کسی کے ذوق کی تسکین ٹھہرا

ہرن کا سر ، کہیں آ کر سجا ہے

دیا جھٹکا ذرا سا زلزلے نے

مکاں لیکن ابھی تک ، ڈولتا ہے

لگے سن کر سخن چاہت کا ماجد

کہیں تنّور میں ، چھینٹا پڑا ہے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کس کا نوحہ کون کب لکِھے یہاں

جولائی 31, 2017ماجد صدیقی،دِل دِل کرب کمان،غزللکھے،پتّے،اترے،بونے،شجرےadmin

ماجد صدیقی ۔ غزل نمبر 22

کیا خبر کیا کچھ کوئی دیکھے یہاں

کس کا نوحہ کون کب لکِھے یہاں

ظاہری عنوان اکِ دینِ مبیں

اور اندر ہیں کئی شجرے یہاں

سب کے سب خود کو جِلا دیتے رہے

ہیں مسیحا جس قدر اُترے یہاں

اپنی قامت پر قد آور سب خفیف

ذی شرف ہیں سب کے سب بَونے یہاں

ہم سے جو کھیلے وہ ماجد اور ہے

ہم سبھی ہیں تاش کے پتّے یہاں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آج بھی جبر کے ہیں زمانے وہی

جولائی 31, 2017ماجد صدیقی،دِل دِل کرب کمان،غزلنشانے،ٹھکانے،آستانے،تازیانے،زمانےadmin

ماجد صدیقی ۔ غزل نمبر 23

کھیتیاں خشک اور آبیانے وہی

آج بھی جبر کے ہیں زمانے وہی

خم وہی رہ بہ رہ نا مرادوں کے سر

کُو بہ کُو ذی شرف آستانے وہی

فاختائیں دبکتی شجر در شجر

اور زور آوروں کے نشانے وہی

رام کرنے کو مرکب کا زورِ انا

دستِ راکب میں ہیں تازیانے وہی

شیر کی دھاڑ پر جستجو اوٹ کی

اور چھپنے کو ماجد ٹھکانے وہی

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ کیا ہُوا کہ بجز اشک نم ہَوا میں نہیں

جولائی 31, 2017ماجد صدیقی،دِل دِل کرب کمان،غزلہوا،بہا،خدا،سرا،سزاadmin

ماجد صدیقی ۔ غزل نمبر 24

کوئی نشانِ سکوں آنکھ کی فضا میں نہیں

یہ کیا ہُوا کہ بجز اشک نم ہَوا میں نہیں

لگاؤں چوٹ نہ کیوں میں بھی چوٹ کے بدلے

قصاص میں جو مزہ ہے وہ خوں بہا میں نہیں

رگوں میں دوڑتے خوں تک سے بدگمان ہیں ہم

مراد یہ کہ یقیں قربتِ خدا میں نہیں

نمو شجر کی نہ ڈھونڈو برستے ژالوں میں

کہ مسئلے کا جو حل ہے فقط سزا میں نہیں

ترے سخن میں چبھن جس طرح کی ہے ماجد

کسک یہ اور کسی بھی غزل سرا میں نہیں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کب کھڑی کھیتیاں پھر اُجڑنے لگیں

جولائی 31, 2017ماجد صدیقی،دِل دِل کرب کمان،غزلاڑنے،اجڑنے،ادھڑنے،جھگڑنےadmin

ماجد صدیقی ۔ غزل نمبر 25

کب مہاجن نجانے بگڑنے لگیں

کب کھڑی کھیتیاں پھر اُجڑنے لگیں

منصفوں میں بھی ہے پھُوٹ یوں عدل پر

سوتنیں جیسے باہم جھگڑنے لگیں

کیا خبر مان لیں کیا، خداوند اور

کون سی بات پر آ کے اَڑنے لگیں

پھر نہ ماجد بدن زد پہ ژالوں کی ہوں

پھر نہ پہلی سے کھالیں اُدھڑنے لگیں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ساتھ نہ دے کیونکر اُس کا پٹواری بھی

جولائی 31, 2017ماجد صدیقی،دِل دِل کرب کمان،غزلپٹواری،اسواری،بیوپاریadmin

ماجد صدیقی ۔ غزل نمبر 26

کھیت بھی اور حاصل ہے جسے سرداری بھی

ساتھ نہ دے کیونکر اُس کا پٹواری بھی

خرقہ پوش ہیں شہر کی جو جو شَہراہیں

دُور رہے اُن سے شہ کی اسواری بھی

جس گوشے میں چاہے حرص کا مال سجے

اُس جانب آ جاتے ہیں بیوپاری بھی

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وقت، لگتا ہے کہ ’میرا، نہیں رہنے والا

جولائی 31, 2017ماجد صدیقی،دِل دِل کرب کمان،غزلمالا،چھالا،والا،کالا،گالا،بھالا،بالاadmin

ماجد صدیقی ۔ غزل نمبر 27

کھو ہی جاؤں نہ کہیں میں، کہ ہوں مہ کا ہالا

وقت، لگتا ہے کہ ’میرا، نہیں رہنے والا

جس سے زیبا ہوں، وہ زیبائی ہے اب جانے کو

ہے گلُو میں سے اُترنے کو، یہ جاں کی مالا

تن بدن میں ہے مرے، کیسی یہ کھیتی باڑی

میری رگ رگ میں اُتر آیا، یہ کیسا بھالا

میں کہ خوشہ ہوں ، دعا کیسے یہ مانگوں اُلٹی

میں نہ ،چکّی کا بنوں خاک و فلک کی ،گالا

ڈھیل شاید نہ دے اب اور مجھے، چیخنے کی

جسم میں ہے جو، پُراسرار اَلَم کا چھالا

بام پر بُوم سیہ بختی کا، اُترا جیسے

مجھ کو کرتا ہے طلب، دُور کا پانی، کالا

کیا پتہ سانس کی آری ابھی ماجد نہ رُکے

فیصلہ یہ بھی مرا، مجھ سے ہو بالا بالا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مردُود، بہت مقبول ہُوا

جولائی 31, 2017ماجد صدیقی،دِل دِل کرب کمان،غزلمقبول،پھول،اصول،ببول،دھول،طولadmin

ماجد صدیقی ۔ غزل نمبر 28

قاتل تھا جو، وہ مقتول ہُوا

مردُود، بہت مقبول ہُوا

ہر طُول کو عرض کیا اُس نے

اور عرض تھا جو وہ طُول ہُوا

پھولوں پہ تصّرف تھا جس کا

وہ دشت و جبل کی دھُول ہُوا

اِک بھول پہ ڈٹنے پر اُس نے

جو کام کیا، وہ اصول ہُوا

گنگا بھی بہم جس کو نہ ہُوا

جلنے پہ وہ ایسا پھول ہُوا

ہو کیسے سپھل پیوندوں سے

ماجد جو پیڑ، ببول ہُوا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہمارے شہر کا موسم عجب ہے

جولائی 31, 2017ماجد صدیقی،دِل دِل کرب کمان،غزللعب،ڈھب،تعب،طرب،عجبadmin

ماجد صدیقی ۔ غزل نمبر 29

فصیلوں پر سحر، صحنوں میں شب ہے

ہمارے شہر کا موسم عجب ہے

وہ دیکھو ماہِ رخشاں بادلوں سے

لپٹ کر کس قدر محوِ طرب ہے

پئے عرفانِ منزل، گمرہوں کو

کہیں ہم جو بھی کچھ، لہو و لعب ہے

کچھار اپنی بنا لو حفظِ جہاں کو

نگر میں اب یہی جینے کا ڈھب ہے

ہمارے ہی لئے کیوں ایک ماجد

مزاجِ دہر میں رنج و تعب ہے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بندگی میں کیا سے کیا یہ سر نگوں کرنا پڑا

جولائی 31, 2017ماجد صدیقی،دِل دِل کرب کمان،غزلنگوں،یوں،کیوں،بہرسکوں،خوںadmin

ماجد صدیقی ۔ غزل نمبر 30

عرش سے رُخ جانبِ دنیائے دُوں کرنا پڑا

بندگی میں کیا سے کیا یہ سر نگوں کرنا پڑا

مِنّتِ ساحل بھی سر لے لی بھنور میں ڈولتے

ہاں یہ حیلہ بھی ہمیں بہرِسکوں کرنا پڑا

سامنے اُس یار کے بھی اور سرِ دربار بھی

ایک یہ دل تھا جسے ہر بار خوں کرنا پڑا

ہم کہ تھے اہلِ صفا یہ راز کس پر کھولتے

قافلے کا ساتھ آخر ترک کیوں کرنا پڑا

خم نہ ہو پایا تو سر ہم نے قلم کروا لیا

وُوں نہ کچھ ماجدؔ ہُوا ہم سے تو یوں کرنا پڑا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جو اَوج نشیں ہے مرا آزار نہ جانے

جولائی 31, 2017ماجد صدیقی،دِل دِل کرب کمان،غزلمعیار،آزار،اوتار،اوزار،بار،تار،دستارadmin

ماجد صدیقی ۔ غزل نمبر 31

صحنوں کی گھُٹن شہر کا مینار نہ جانے

جو اَوج نشیں ہے مرا آزار نہ جانے

وہ پارچہ نازش کسی سر کی ہے، یہ نکتہ

قدموں میں گرائی گئی دستار نہ جانے

جانے نہ کرے تیرگی کیا، اُس کی نمایاں

جگنو کا کِیا، کوئی شب تار نہ جانے

مٹی کو وہ بستر کرے، بازو کو سرہانہ

جو خانماں برباد ہے،گھر بار نہ جانے

پینے کو بھی چھوڑے نہ کہیں، آبِ مصفّا

سیلاب ستم کا، کوئی معیار نہ جانے

ژالے کبھی پچھتائیں نہ چڑیوں پہ برس کے

سنگینیِ اِیذا کوئی اوزار نہ جانے

ہر غیب عیاں اُس پہ بقول اُس کے ہے ماجد

جو روگ ہمیں ہیں، کوئی اوتار، نہ جانے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

خبروں پر مامور ہوئیں جتنی بھی زبانیں کالی ہیں

جولائی 31, 2017ماجد صدیقی،دِل دِل کرب کمان،غزللی،کالی،ٹیکسالی،اچھالی،سوالیadmin

ماجد صدیقی ۔ غزل نمبر 32

شہر پہ جانے کس افتاد کی گھڑیاں آنے والی ہیں

خبروں پر مامور ہوئیں جتنی بھی زبانیں کالی ہیں

ساحل کو چھو لینے پر بھی سفلہ پن دکھلانے کو

دریاؤں نے کیا کیا موجیں اب کے اور اچھالی ہیں

گلیوں گلیوں دستک دیتے، امن کی بھیک نہ ملنے پر

دریوزہ گر کیا کیا آنکھیں، کیا کیا ہاتھ سوالی ہیں

اُس کا ہونا مان کے، اپنے ہونے سے انکار کریں

جابر نے کچھ ایسی ہی شرطیں ہم سے ٹھہرا لی ہیں

حرف و زبان کے برتاؤ کا ذمّہ تو کچھ میر ہی لیں

ہاں جو بایتں ہم کہتے ہیں وہ ساری ٹیکسالی ہیں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اُسی سے تابِ سفر عزم کی سپاہ میں ہے

جولائی 31, 2017ماجد صدیقی،دِل دِل کرب کمان،غزلنباہ،گناہ،پناہ،راہ،سیاہ،سپاہ،شاہadmin

ماجد صدیقی ۔ غزل نمبر 33

شبِ سیہ میں جگنو سا جو نگاہ میں ہے

اُسی سے تابِ سفر عزم کی سپاہ میں ہے

ذرا سا ہے پہ نہ ہونے کا اور ہونے کا

ثبوت ہے تو فقط خواہشِ گناہ میں ہے

جو بے ضرر ہے اُسے جبر سے اماں کیسی

یہاں تو جبر ہی بس جبر کی پناہ میں ہے

زمیں کس آن نجانے تہِ قدم نہ رہے

یہی گماں ہے جو لاحق تمام راہ میں ہے

نجانے نرغۂ گرگاں سے کب نکل پائے

کنارِ دشت جو خیمہ، شبِ سیاہ میں ہے

بڑھائیں مکر سے کیا ربط، جی جلانے کو

یہ ہم کہ جن کا یقیں ہی فقط نباہ میں ہے

نہ اور کچھ بھی سہی نام ہے ہمارے ہی

جلال جتنا بھی ماجدؔ مزاجِ شاہ میں ہے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

خیمہ مگر اُڑا کسی چڑیا کی جان کا

جولائی 31, 2017ماجد صدیقی،دِل دِل کرب کمان،غزلگمان،آسمان،امتحان،اڑان،بادبان،جانadmin

ماجد صدیقی ۔ غزل نمبر 34

شاہیں پہ بندھ رہا تھا نشانہ، کمان کا

خیمہ مگر اُڑا کسی چڑیا کی جان کا

آئے گی کب، کہاں سے، نجانے نمِ یقیں

ہٹتا نہیں نظر سے بگولا گمان کا

اونچا اُڑا، تو سمتِ سفر کھو کے رہ گئی

رُخ ہی بدل گیا، مری سیدھی اُڑان کا

کیا جانیے، ہَوا کے کہے پر بھی کب کھلے

مشتِ خسیس سا ہے چلن، بادبان کا

ہم پَو پَھٹے بھی، دھُند کے باعث نہ اُڑ سکے

یوں بھی کھُلا کِیا ہے، عناد آسمان کا

ماجدؔ نفس نفس ہے گراں بار اِس طرح

دورانیہ ہو جیسے کسی امتحان کا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

عمر ڈھل جانے لگی اور قرض بڑھ جانے لگے

جولائی 31, 2017ماجد صدیقی،دِل دِل کرب کمان،غزللہرانے،پھیلانے،جانے،دہلانے،دہرانے،دکھلانے،سہلانےadmin

ماجد صدیقی ۔ غزل نمبر 35

سر پہ کیا کیا بوجھ روز افزوں نظر آنے لگے

عمر ڈھل جانے لگی اور قرض بڑھ جانے لگے

بحر میں حالات کے، بے رحم موجیں دیکھ کر

اژدہے کچھ اور ہی آنکھوں میں لہرانے لگے

مِہر کے ڈھلنے، نکلنے پر کڑکتی دھوپ سے

گرد کے جھونکے ہمیں کیا کیا نہ سہلانے لگے

تُند خوئی پر ہواؤں کی، بقا کی بھیک کو

برگ ہیں پیڑوں کے کیا کیا، ہاتھ پھیلانے لگے

وحشتِ انساں کبھی خبروں میں یوں غالب نہ تھی

لفظ جو بھی کان تک پہنچے وہ دہلانے لگے

چھُو کے وسطِ عمر کو ہم بھی شروع عمر کے

ابّ و جدّ جیسے عجب قصّے ہیں دہرانے لگے

اینٹ سے ماجدؔ نیا ایکا دکھا کر اینٹ کا

جتنے بَونے تھے ہمیں نیچا وہ دکھلانے لگے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دے شرف تخت، دے رزالت بھی

جولائی 31, 2017ماجد صدیقی،دِل دِل کرب کمان،غزلوکالت،بسالت،حالت،رزالت،طوالت،عدالتadmin

ماجد صدیقی ۔ غزل نمبر 36

سرفرازی بھی دے خجالت بھی

دے شرف تخت، دے رزالت بھی

منصف و مدّعی ہے زورآور

آپ اپنی کرے وکالت بھی

چھُوٹتے ہی جو وار کر ڈالے

نام اُسی کے لگے بسالت بھی

ہم نے دیکھے ہیں بر سرِ عالم

قتل مِن جانبِ عدالت بھی

وہ کہ جو بے خطا ہے، اندر سے

خون کھولائے اُس کی حالت بھی

ضد ہو میزانِ عدل جب ماجد!

کیا کرے بحث کی طوالت بھی

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وُہ کہ ڈسا جانے والا ہے، سنبھل جاتا ہے

جولائی 31, 2017ماجد صدیقی،دِل دِل کرب کمان،غزلنکل،ڈھل،کل،اگل،بدل،جل،سنبھلadmin

ماجد صدیقی ۔ غزل نمبر 37

سانپ کہاں ہے اِتنا پتہ جب چل جاتا ہے

وُہ کہ ڈسا جانے والا ہے، سنبھل جاتا ہے

اُس کی غرض تو بس سانسیں پی جانے تک ہے

جس کو نگلے دریا اُسے، اُگل جاتا ہے

گود کھلاتی خاک بھی کھسکے پَیروں تلے سے

سرپر ٹھہرا بپھرا امبر بھی ڈھل جاتا ہے

پانی پر لہروں کے نقش کہاں ٹھہرے ہیں

منظر آتی جاتی پل میں بدل جاتا ہے

دُشمن میں یہ نقص ہے جب بھی دکھائی دے تو

رگ رگ میں اِک تُند الاؤ جل جاتا ہے

جس کا تخت ہِلا ہے ذرا سا اپنی جگہ سے

آج نہیں جاتا وہ شخص تو کل جاتا ہے

اِس جانب سے ماجد اُس جانب کے افق تک

ساکن چاند بھی چُپ چُپ دُور نکل جاتا ہے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دریا میں جتنا زور تھا پل میں اُتر گیا

جولائی 31, 2017ماجد صدیقی،دِل دِل کرب کمان،غزلمکر،نکھر،ور،اتر،سحر،شجرadmin

ماجد صدیقی ۔ غزل نمبر 38

زد پر جب اُس کی میں حدِ جاں سے گزر گیا

دریا میں جتنا زور تھا پل میں اُتر گیا

دیکھی جب اپنی ذات پہ آتی ذرا سی آنچ

وہ بدقماش اپنے کہے سے مُکر گیا

آخر کو کھینچ لایا وہ سورج سرِ افق

جو جیش جگنوؤں کا بسوئے سحر گیا

خود اُس کا اَوج اُس کے توازن کو لے اڑا

نکلا ذرا جو حد سے تو سمجھو شجر گیا

جس کو بقا کا راز بتانے گیا تھا میں

سائل سمجھ کے وہ مری دستک سے ڈر گیا

کربِ دروں سے، اشکِ فراواں کے فیض سے

چہرہ کچھ اب کے اور بھی ماجد نکھر گیا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میں وہ بد بخت فرزندِ اجداد ہُوں جس کو ورثے میں ہوں التجائیں ملیں

جولائی 31, 2017ماجد صدیقی،دِل دِل کرب کمان،غزلمائیں،التجائیں،دعائیں،سرائیںadmin

ماجد صدیقی ۔ غزل نمبر 39

رہن جن کے عوض ہو متاعِانا ،ہیں شرف کی مجھے وہ قبائیں ملیں

میں وہ بد بخت فرزندِ اجداد ہُوں جس کو ورثے میں ہوں التجائیں ملیں

دیر تھی گر تو اتنی کہ نکلے نہ تھے بال و پر اور جب یوں بھی ہونے لگا

فصل کٹنے پہ کھیتوں سی اُجٹری ہوئی کیا سے کیا کچھ نہ رنجور مائیں ملیں

بخت کسبِ سعادت میں بھی کیا کہوں صیدِ اضداد ٹھہرا ہے کچھ اِس طرح

دیس ماتا کی خفگی سے رد ہو گئیں ماں کی جا نب سے جتنی دعائیں ملیں

شور ہے باد و باراں کا چاروں طرف حشر زا لمحہ لمحہ مسافت کا ہے

کاغذی جن کے ڈھانچے ہیں ماجد ہمیں سر چھپانے کو ہیں وہ سرائیں ملیں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آگ لگتے ہوں جس کے پھول مجھے

جولائی 31, 2017ماجد صدیقی،دِل دِل کرب کمان،غزلملول،پھول،اصول،بھول،ببول،سکولadmin

ماجد صدیقی ۔ غزل نمبر 40

رُت وہ کیوں ہو بھلا قبول مجھے

آگ لگتے ہوں جس کے پھول مجھے

جس سے ٹھہرا تھا میں بہشت بدر

سخت مہنگی پڑی وہ بھُول مجھے

بزم در بزم، کرب کا اظہار

کر نہ دے اور بھی ملول مجھے

بات کی میں نے جب مرّوت کی

وہ سُجھانے لگے اصول مجھے

دیکھ کر دشت میں بھی طالبِ گل

گھُورتے رہ گئے ببول مجھے

جس کا ابجد ہی اور سا کچھ تھا

بھُولتا کب ہے وہ سکول مجھے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کام مرے، کانٹوں میں اُلجھے بالوں جیسے

جولائی 31, 2017ماجد صدیقی،دِل دِل کرب کمان،غزلنقالوں،چھالوں،بالوں،جالوںadmin

ماجد صدیقی ۔ غزل نمبر 41

لمحے بوجھل قدموں، ٹھٹھرے سالوں جیسے

کام مرے، کانٹوں میں اُلجھے بالوں جیسے

مچھلیوں جیسی سادہ منش امیدیں اپنی

عیّاروں کے ہتھکنڈے ہیں جالوں جیسے

دھُند سے کیونکر نکلے پار مسافت اُن کی

رہبر جنہیں میّسر ہوں نقالوں جیسے

اپنے یہاں کے حبس کی بپتا بس اتنی ہے

آنکھوں آنکھوں اشک ہیں ماجد چھالوں جیسے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بھیڑیوں کی دھاڑ سے ہے دشت بھر دِبکا لگا

جولائی 31, 2017ماجد صدیقی،دِل دِل کرب کمان،غزلمسکا،کیسا،پیسا،اچّھا،اترا،دبکا،سستاadmin

ماجد صدیقی ۔ غزل نمبر 42

ذِی نفس جو بھی ہے اُس کو جان کا کھٹکا لگا

بھیڑیوں کی دھاڑ سے ہے دشت بھر دِبکا لگا

اِس طرح کرنے سے اُٹّھے گی عمارت اور بھی

سرفرازی چاہیے تو اور بھی پیسا لگا

جان لے اخلاق سے ہٹ کر بھی کچھ آداب ہیں

مختصر یہ ہے کہ جتنا ہو سکے مسکا لگا

نرخ اِس یوسف کے اَنٹی سے بھی ارزاں ہو گئے

آدمی ہی جس طرف دیکھا ہمیں سستا لگا

لُو چلی تو، وہ کہ منکر تندیِ موسم کے تھے

چیخنا اُن کا ہم اہلِ دل کو بھی اچّھا لگا

کر کے اک قتلِ مسلسل سے ہمیں دو چار وہ

پُوچھتا ہے وار خنجر کا کہو، کیسا لگا

دیکھ کر دھندلا گیا جس کو بدکتا چاند بھی

اب کے یوں روئے سحر ماجد ہے کچھ اُترا لگا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

خوف جاتا نہیں مچانوں کا

جولائی 31, 2017ماجد صدیقی،دِل دِل کرب کمان،غزلمچانوں،گلستانوں،آسمانوں،زمانوں،زبانوںadmin

ماجد صدیقی ۔ غزل نمبر 43

دل سے تیروں کا اور کمانوں کا

خوف جاتا نہیں مچانوں کا

ایک ہی گھر کے فرد ہیں ہم تم

فرق رکھتے ہیں پر زبانوں کا

رُت بدلنے کی کیا بشارت دے

ایک سا رنگ گلستانوں کا

کون اپنا ہے اِک خدا وہ بھی

رہنے والا ہے آسمانوں کا

بات ماجدؔ کی پُوچھتے کیا ہو

شخص ہے اِک گئے زمانوں کا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وا جس کے لیے رہ گیا دامان ، شرر کا

جولائی 31, 2017ماجد صدیقی،دِل دِل کرب کمان،غزلہنر،نگر،سفر،سحر،سر،شجر،شررadmin

ماجد صدیقی ۔ غزل نمبر 44

دھوکا تھا ہر اِک برگ پہ ٹوٹے ہوئے پر کا

وا جس کے لیے رہ گیا دامان ، شرر کا

میں اشک ہوں، میں اوس کا قطرہ ہوں، شرر ہوں

انداز بہم ہے مجھے پانی کے سفر کا

کروٹ سی بدلتا ہے اندھیرا تو اُسے بھی

دے دیتے ہیں ہم سادہ منش، نام سحر کا

تہمت سی لئے پھرتے ہیں صدیوں سے سر اپنے

رُسوا ہے بہت نام یہاں اہلِ ہُنر کا

قائم نہ رہا خاک سے جب رشتۂ جاں تو

بس دھول پتہ پوچھنے آتے تھی شجر کا

جو شاہ کے کاندھوں کی وجاہت کا سبب ہے

دیکھو تو بھلا تاج ہے کس کاسۂ سر کا

اشکوں سے تَپاں ہے کبھی آہوں سے خنک ہے

اک عمر سے ماجد یہی موسم ہے، نگر کا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جینا ابھی دے گا مجھے رسوائیاں کیا کیا

جولائی 31, 2017ماجد صدیقی،دِل دِل کرب کمان،غزلپہنائیاں،آرائیاں،توانائیاں،دارائیاں،رسوائیاں،شہنائیاںadmin

ماجد صدیقی ۔ غزل نمبر 45

دھچکے ابھی کتنے ہیں ابھی کھائیاں کیا کیا

جینا ابھی دے گا مجھے رسوائیاں کیا کیا

کچھ قطعِ رگِ جان سے، کچھ قُلقُلِ خوں سے

بجتی ہیں محلّات میں شہنائیاں کیا کیا

خود نام پہ دھبے ہیں جو، ہاں نام پہ اُن کے

ہوتی ہیں یہاں انجمن آرائیاں کیا کیا

قوسوں میں فلک کی، خمِ ابرو میں ہَوا کے

دیکھی ہیں یہاں خلق نے دارائیاں کیا کیا

جو چھید ہوئے تھے کبھی دامانِ طلب میں

دیں دستِ غضب نے اُنہیں، پہنائیاں کیا کیا

ہٹ کر بھی ہمیں پرورشِ جان سے ماجد

کرنی ہیں بہم اور توانائیاں کیا کیا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہاتھ دستِ یزید میں جو نہ دے حق سرائی میں اپنا سر دے دے

جولائی 31, 2017ماجد صدیقی،دِل دِل کرب کمان،غزلہنر،گہر،پر،رہبر،سرadmin

ماجد صدیقی ۔ غزل نمبر 46

خلق چاہے اُسے حسین کوئی، وقت با صورتِ دگر دے دے

ہاتھ دستِ یزید میں جو نہ دے حق سرائی میں اپنا سر دے دے

اہلِ حق کو جو فتحِ مکہ دے اے خدا تجھ سے کچھ بعید نہیں

اشک ہیں جس طرح کے آنکھوں میں دامنوں کو وہی گہر دے دے

ہوں بھسم آفتوں کے پرکالے بُوندیوں میں بدل چلیں ژالے

جو بھی واماندگانِ گلشن ہیں رُت انہیں پھر سے بال و پر دے دے

لَوث جس کونہ چھُو کے گزری ہو جس میں خُو خضرِ دستگیر کی ہو

جس کے چہرے پہ لَو ضمیر کی ہو کوئی ایسا بھی رہبر دے دے

ہو مبارک ستم عقابوں کو کرگسوں کو نصیب آز رہے

فاختاؤں کو جو بہم ہے یہاں زندہ رہنے کا وہ ہُنر دے دے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چاہتا تھا وہ ایسا سماں دیکھنا

جولائی 31, 2017ماجد صدیقی،دِل دِل کرب کمان،غزلکماں،پتّیاں،تتلیاں،دیکھناآسماں،سماںadmin

ماجد صدیقی ۔ غزل نمبر 47

خلقتِ شہر کو بے زباں دیکھنا

چاہتا تھا وہ ایسا سماں دیکھنا

تِیر ہوتا ہے دیکھیں ترازو کہاں

تن چکی پھر فلک کی کماں دیکھنا

دو ہی منظر قفس میں بہم تھے ہمیں

تِیلیاں دیکھنا۔۔۔۔آسماں دیکھنا

بچپنے سے لگی ہے یہی دھُن ہمیں

گل بہ گل آس کی تتلیاں دیکھنا

کیوں وطیرہ ہی ماجد تِرا ہو گیا

شاخِ گل سے جھڑی پتّیاں دیکھنا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اب کے لگے ہے ٹھہری وہ ٹھنڈے جل سی

جولائی 31, 2017ماجد صدیقی،دِل دِل کرب کمان،غزلکل،کاجل،بوجھل،جل،حنظلadmin

ماجد صدیقی ۔ غزل نمبر 48

خون میں برپا رہتی تھی جو ہلچل سی

اب کے لگے ہے ٹھہری وہ ٹھنڈے جل سی

ایسی کیوں ہے، آنکھ نہیں بتلا سکتی

نِندیا ہے کہ گرانی سے ہے بوجھل سی

لا فانی ہے، یہ تو کتابیں کہتی ہیں

روح نجانے رہتی ہے کیوں بے کل سی

رات کا اکھوا ہے کہ نشانِ بد امنی

دور افق پر ایک لکیر ہے کاجل سی

منظر منظر تلخ رُوئی ہے وہ ماجد

اُتری ہے جو آنکھوں آنکھوں حنظل سی

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چڑیا کے بچّوں کو سانپ، نِگل جائے گا

جولائی 31, 2017ماجد صدیقی،دِل دِل کرب کمان،غزلمچل،نگل،اچھل،اگل،اپھل،جل،سبنھلadmin

ماجد صدیقی ۔ غزل نمبر 49

خاص ہے اُس سے جو اِک داؤ چل جائے گا

چڑیا کے بچّوں کو سانپ، نِگل جائے گا

ایک شڑاپ سے پانی صید دبوچ کے اپنا

بے دم کر کے اُس کو، دُور اُگل جائے گا

اُس کے تلے کی مٹی تک، بے فیض رہے گی

اِس دُنیا سے جو بھی درخت اَپَھل جائے گا

خوف دلائے گا اندھیارا مارِ سیہ کا

مینڈک سا، پیروں کو چھُو کے اُچھل جائے گا

سُورج اپنے ساتھ سحر تو لائے گا پر

کُٹیا کُٹیا ایک الاؤ جل جائے گا

کب تک عرضِ تمنّا پر کھائے گا طمانچے

لا وارث بچّوں سا دل بھی سبنھل جائے گا

ماجد کی جو خواہش بھی ہے بچّوں سی ہے

تتلی کو دیکھے گا اور مچل جائے گا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سامنا اِک عمر سے ہے اُس اندھیری رات سے

جولائی 31, 2017ماجد صدیقی،دِل دِل کرب کمان،غزلپات،آلات،خدشات،ذرّات،راتadmin

ماجد صدیقی ۔ غزل نمبر 50

جس کا ہر منظر مرتّب ہے نئی آفات سے

سامنا اِک عمر سے ہے اُس اندھیری رات سے

مطمئن کیا ہو بھلا بچّوں کی نادانی سے وہ

ماں جسے فرصت نہیں اک آن بھی خدشات سے

کر لئے بے ذائقہ وہ دن بھی جو آئے نہیں

درس کیا لیتے بھلا ہم اور جھڑتے پات سے

ابنِ آدم اب کے پھر فرعون ٹھہرا ہے جسے

مل گیا زعمِ خدائی آہنی آلات سے

جس کے ہم داعی ہیں ماجد ضَو نہیں، ظلمت ہے وہ

پھوٹتی ہے جو ہمارے جسم کے ذرّات سے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جو بے اصول ہو، کب چاہئیں اصول اُس کو

جولائی 31, 2017ماجد صدیقی،دِل دِل کرب کمان،غزلقبول،اصول،دھول،رسولadmin

ماجد صدیقی ۔ غزل نمبر 51

چھلک پڑے جو، سُجھاؤ نہ عرض و طول اُس کو

جو بے اصول ہو، کب چاہئیں اصول اُس کو

کھِلا نہیں ہے ابھی پھول اور یہ عالم ہے

بھنبھوڑ نے پہ تُلی ہے، چمن کی دھول اُس کو

ذرا سی ایک رضا دے کے، ابنِ آدم کو

پڑے ہیں بھیجنے، کیا کیا نہ کچھ رسول اُس کو

ہُوا ہے جو کوئی اک بار، ہم رکابِ فلک

زمیں کا عجز ہو ماجد، کہاں قبول اُس کو

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

باغ میں کھوؤں سے کھوئے جا بجا چھِلنے لگے

جولائی 31, 2017ماجد صدیقی،دِل دِل کرب کمان،غزلہلنے،چھلنے،کھلنے،سلنےadmin

ماجد صدیقی ۔ غزل نمبر 52

جب سے اہلِ حرص کو کچھ کچھ ثمر ملنے لگے

باغ میں کھوؤں سے کھوئے جا بجا چھِلنے لگے

مسندِ انصاف جب سے گُرگ کو حاصل ہوئی

آسماں اور یہ زمیں اِک ساتھ ہیں ہلنے لگے

کیا خبر برسائے جائیں گے وہ کس نااہل پر

پھول پودوں پر بڑی خسّت سے اب کھِلنے لگے

بے بصر کرنے لگی ماجدؔ گماں کی تیرگی

خوف کی سوزن چلی ایسی کہ لب سلنے لگے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میں وقت کو دان دے رہا ہوں

جولائی 31, 2017ماجد صدیقی،دِل دِل کرب کمان،غزللگان،کمان،اٹھان،اذان،جان،دانadmin

ماجد صدیقی ۔ غزل نمبر 53

جذبوں کو زبان دے ر ہا ہوں

میں وقت کو دان دے رہا ہوں

موسم نے شجر پہ لکھ دیا کیا

ہر حرف پہ جان دے رہا ہوں

یوں ہے نمِ خاک بن کے جیسے

فصلوں کو اُٹھان دے رہا ہوں

جو جو بھی خمیدہ سر ہیں اُن کے

ہاتھوں میں کمان دے رہا ہوں

کیسی حدِ جبر ہے یہ جس پر

بے وقت اذان دے رہا ہوں

اوقات مری یہی ہے ماجد

ہاری ہوں لگان دے رہا ہوں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

نفرتوں کی مشق ہی کو کیوں ہمیں پیدا کِیا

جولائی 31, 2017ماجد صدیقی،دِل دِل کرب کمان،غزلمنوایا،پیچھا،پیدا،رسوا،سہلایاadmin

ماجد صدیقی ۔ غزل نمبر 54

جتنے کمتر ہیں یہ کہتے ہیں، خدا نے کیا کِیا

نفرتوں کی مشق ہی کو کیوں ہمیں پیدا کِیا

روک ڈالے مرغزاروں، پنگھٹوں کے راستے

گرگ نے کیا کیا غزالوں کا نہیں پیچھا کِیا

بچ نکلنے پر بھی اُس کے ظلم سے ہم رو دئیے

عمر بھر جو دھونس اپنی ہی تھا منوایا کِیا

کوڑھ سی مجبوریاں تھیں لے کے ہم نکلے جنہیں

نارسائی نے ہمیں کیا کیا نہیں رسوا کِیا

موسموں کے وار اِس پر بھی گراں جب سے ہوئے

پیڑ بھی ماجد ہمِیں سا جسم سہلایا کِیا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پھر بنامِ فلک عرضِ احوال کے پھول کھِلنے لگے

جولائی 31, 2017ماجد صدیقی،دِل دِل کرب کمان،غزلمال،چال،احوال،بال،تال،جال،خدوخالadmin

ماجد صدیقی ۔ غزل نمبر 55

تشنہ لب شاخچوں پر نئے سال کے پھول کھِلنے لگے

پھر بنامِ فلک عرضِ احوال کے پھول کھِلنے لگے

اک ذرا سی فضائے چمن کے نکھرنے پہ بھی کیا سے کیا

جسمِ واماندگاں پر خدوخال کے پھول کھِلنے لگے

کھولنے کو، ضیا پاش کرنے کو پھر ظلمتوں کی گرہ

مٹھیوں میں دمکتے زر و مال کے پھول کھلنے لگے

پنگھٹوں کو رواں، آہوؤں کے گماں در گماں دشت میں

لڑکھڑاتی ہوئی بے اماں چال کے پھول کھِلنے لگے

دھند چھٹنے پہ مژدہ ہو، ترکش بہ آغوش صیّاد کو

ازسرِ نو فضا میں پر و بال کے پھول کھِلنے لگے

ہے اِدھر آرزوئے بقا اور اُدھر بہرِ زندہ دلاں

فصل در فصل تازہ بچھے جال کے پھول کھِلنے لگے

ہم نے سوچا تھا کچھ اور ماجد، مگر تارِ انفاس پر

اب کے تو اور بے ربط سُر تال کے پھول کھِلنے لگے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

گرتوں کے ساتھ گرنے کا کھٹکا ہمیں ہو کیوں

جولائی 31, 2017ماجد صدیقی،دِل دِل کرب کمان،غزلیارا،کھٹکا،گوارا،ایسا،تقاضا،خدشہ،دھوکاadmin

ماجد صدیقی ۔ غزل نمبر 56

پتّا گرے شجر سے تو لرزہ ہمیں ہو کیوں

گرتوں کے ساتھ گرنے کا کھٹکا ہمیں ہو کیوں

قارون ہیں جو، زر کی توقّع ہو اُن سے کیا

ایسوں پہ اِس قبیل کا دھوکا ہمیں ہو کیوں

بے فیض رہبروں سے مرتّب جو ہو چلی

احوال کی وہ شکل، گوارا ہمیں ہو کیوں

ملتی ہے کج روؤں کو نفاذِ ستم پہ جو

ایسی سزا کا ہو بھی تو خدشہ ہمیں ہو کیوں

رکھیں نمو کی آس بھلا کیوں چٹان سے

ایسوں سے اِس طرح کا تقاضا ہمیں ہو کیوں

ہم ہیں پھوار ابر کی بوچھاڑ ہم نہیں

سختی کریں کسی پہ، یہ یارا، ہمیں ہو کیوں

بِیجا ہے جو اُگے گا نہ وہ، کشتِ خیر میں!

ماجدؔ گماں جو ہو بھی تو ایسا ہمیں ہو کیوں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تتلیوں پھولوں کی بزم آرائیاں

جولائی 31, 2017ماجد صدیقی،دِل دِل کرب کمان،غزلکائیاں،پہنائیاں،آرائیاں،دانائیاں،رسوائیاں،شہنائیاںadmin

ماجد صدیقی ۔ غزل نمبر 57

پت جھڑوں میں کیا سے کیا یاد آئیاں

تتلیوں پھولوں کی بزم آرائیاں

آئنے چہروں کے گرد آلود ہیں

پانیوں پر جم چلی ہیں کائیاں

مفلسی ٹھہرے جہاں پا زیبِ پا

ان گھروں میں کیا بجیں شہنائیاں

مکر سے عاری ہیں جو اپنے یہاں

عیب بن جاتی ہیں وہ دانائیاں

جو نہ جانیں بے دھڑک منہ کھولنا

ہیں اُنہی کے نام سب رسوائیاں

خلق میں ماجدؔ ہو نا مقبول اور

اور لا شعروں میں تُو پہنائیاں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پل بھر میں دھُنک جاتے ہیں ابدان کئی

جولائی 31, 2017ماجد صدیقی،دِل دِل کرب کمان،غزلابدان،بہتان،بحران،دالان،دربان،شانadmin

ماجد صدیقی ۔ غزل نمبر 58

اپنے گھر میں جبر کے ہیں فیضان کئی

پل بھر میں دھُنک جاتے ہیں ابدان کئی

بٹتا دیکھ کے ریزوں میں مجبوروں کو

تھپکی دینے آ پہنچے ذی شان کئی

شاہ کا در تو بند نہ ہو پل بھر کو بھی

راہ میں پڑتے ہیں لیکن دربان کئی

طوفاں میں بھی گھِر جانے پر، غفلت کے

مرنے والوں پر آئے بہتان کئی

دل پر جبر کرو تو آنکھ سے خون بہے

گم سم رہنے میں بھی ہیں بحران کئی

ہم نے خود دیکھا ہاتھوں زورآور کے

قبرستان بنے ماجد دالان کئی

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دے دی ہے اُسی حبس نے پیڑوں کو زباں اور

جولائی 31, 2017ماجد صدیقی،دِل دِل کرب کمان،غزلنشاں،کماں،گراں،بیاں،جاں،زباں،سگاںadmin

ماجد صدیقی ۔ غزل نمبر 59

اظہار کو تھا جس کی رعُونت پہ گماں اور

دے دی ہے اُسی حبس نے پیڑوں کو زباں اور

کہتی ہیں تجھے تشنہ شگوفوں کی زبانیں

اے ابر کرم ! کھینچ نہ تو اپنی کماں اور

ہر نقشِ قدم، رِستے لہو کا ہے مرّقع

اِس خاک پہ ہیں، اہلِ مسافت کے نشاں اور

نکلے ہیں لئے ہاتھ میں ہم، خَیر کا کاسہ

اُٹھنے کو ہے پھر شہر میں، غوغائے سگاں اور

صیّاد سے بچنے پہ بھی ، شب خون کا ڈر ہے

اب فاختہ رکھتی ہے یہاں ، خدشۂ جاں اور

دیکھیں گے، گرانی ہے زمانے کی یہی تو

سبزے کے کچلنے کو ابھی ، سنگِ گراں اور

ماجد وُہی کہتے ہیں، تقاضا ہو جو دل کا

ہم اہلِ سیاست نہیں، دیں گے جو بیاں اور

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم سے لے جائیں تمہیں دُور زمانے والے

جون 30, 2017ماجد صدیقی،سُرخ لبوں کی آگ،غزلمجبور،چور،بور،دور،رنجورadmin

ماجد صدیقی ۔ غزل نمبر 1

ہیں اِسی بات پہ مسرور زمانے والے

ہم سے لے جائیں تمہیں دُور زمانے والے

دیکھنا رُو بہ نمو پھر شجر امید کا ہے

شاخ سے جھاڑ نہ دیں بُور زمانے والے

دستبردار ہوں چاہت ہی سے خود اہلِجنوں

یوں بھی کر دیتے ہیں مجبور زمانے والے

ٹھوکروں سے نہ سہی ضربِ نگاہِ بد سے

آئنہ دل کا کریں چُور زمانے والے

برق باغوں پہ گرے یا کوئی تارا ٹوٹے

کس نے دیکھے کبھی رنجورزمانے والے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہ لڑکی جو شرمیلے نینوں والی ہے

جون 30, 2017ماجد صدیقی،سُرخ لبوں کی آگ،غزللی،والی،بالی،خالیadmin

ماجد صدیقی ۔ غزل نمبر 2

ہم نے بھی اب نسبت اُس سے ٹھہرا لی ہے

وہ لڑکی جو شرمیلے نینوں والی ہے

جو درد گریزاں دل سے تھا وہ جا بھی چکا

کچھ روز سے اب پنجرہ پنچھی سے خالی ہے

احوالِدَرُوں چہرے سے نہیں کُھلنے دیتے

لو ہم نے بھی ہنس کھیل کے بات بنا لی ہے

لَو دیکھ کے شاید کوئی مسافر آ پہنچے

ہم نے بھی دشت کنارے آگ جلا لی ہے

اُس شوخ کا چہر ہ شوخ گلابوں جیساہے

اور کان میں پہلی کے چندا سی بالی ہے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اِک نظر اے کاش مڑ کر دیکھتے

جون 30, 2017ماجد صدیقی،سُرخ لبوں کی آگ،غزلمحشر،نچھاور،کر،زرadmin

ماجد صدیقی ۔ غزل نمبر 3

ہم تمہیں مہ کے برابر دیکھتے

اِک نظر اے کاش مڑ کر دیکھتے

جھانکتے اِک بار گر تم بام سے

دل میں برپا ہم بھی محشر دیکھتے

ہاں تمہارا لمس گر ہوتا بہم

سرسراتی ہاتھ میں زر دیکھتے

موج جیسے سبزۂ ساحل پہ ہو

تم ہمیں خود پر نچھاور دیکھتے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تم بھی اے کاش! مرے بھاگ جگانے آتے

جون 30, 2017ماجد صدیقی،سُرخ لبوں کی آگ،غزلمنانے،بہانے،جلانے،جگانے،سمانےadmin

ماجد صدیقی ۔ غزل نمبر 4

ہمرہِ بادِ صبا پُھول کِھلانے آتے

تم بھی اے کاش! مرے بھاگ جگانے آتے

چاند کے قرب سے بے کل ہو سمندر جیسے

ایسی ہلچل مرے دل میں بھی مچانے آتے

جیسے بارش کی جگہ پُھول پہ شبنم کا نزول

تم بھی ایسے میں کسی اور بہانے آتے

رنگِرخسار سے دہکاتے شب و روز مرے

آتشِگل سے مرا باغ جلانے آتے

دینے آتے مجھے تم صبحِبہاراں کی جِلا

اور خوشبو سا رگ و پے میں سمانے آتے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ٹل جائیں تجھ نگار سے ایسے بھی ہم نہیں

جون 30, 2017ماجد صدیقی،سُرخ لبوں کی آگ،غزلنگار،انکسار،انتظار،ار،زارadmin

ماجد صدیقی ۔ غزل نمبر 5

ہم بدگماں ہوں پیار سے ایسے بھی ہم نہیں

ٹل جائیں تجھ نگار سے ایسے بھی ہم نہیں

پُھولوں تلک سفر ہی جب اپنا ہے مدّعا

ڈر جائیں خار زار سے ،ایسے بھی ہم نہیں

اک اور بھی جنم ہو تو دیکھیں گے رہ تری

ٹھٹکیں ہم انتظار سے ایسے بھی ہم نہیں

خُو ہے جو سر بلندیٔ سر کی ہمیں ۔۔ اِسے

بدلیں گے انکسار سے ایسے بھی ہم نہیں

جاناں !ترا وہ تیرِ نظر ہو کہ تیغِ غیر

جھجکیں کسی بھی و ار سے ،ایسے بھی ہم نہیں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بِن ترے کیا کیا حسیں موسم گزر جانے لگے

جون 30, 2017ماجد صدیقی،سُرخ لبوں کی آگ،غزلنکھر،ور،گزر،بارور،رختسفرadmin

ماجد صدیقی ۔ غزل نمبر 6

ندیّوں میں آسمانی رنگ بھر جانے لگے

بِن ترے کیا کیا حسیں موسم گزر جانے لگے

کِھلکھلاہٹ بھی وہی اور تمتماہٹ بھی وہی

پُھول تیرے عارضوں جیسے نکھر جانے لگے

تیری جانب تتلیوں جیسی لئے بے تابیاں

ہو کے پہلے سے زیادہ بارور جانے لگے

تشنۂ حسن اِک نظر، اور اِک دلِ ذی حوصلہ

لے کے ہم بھی ساتھ کیا رختِسفر جانے لگے

تو نہ ہو رنج آشنا جانا ں! ہمارے قرب سے

حق میں تیرے دیکھ !ہم کیا کیا نہ ڈر جانے لگے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہنس ہنس کر تم ہی نے پُھول کھلانے ہیں

جون 30, 2017ماجد صدیقی،سُرخ لبوں کی آگ،غزللانے،کھلانے،ٹھکانے،افسانے،جلانےadmin

ماجد صدیقی ۔ غزل نمبر 7

موسمِ گل کے رنگ تو آنے جانے ہیں

ہنس ہنس کر تم ہی نے پُھول کھلانے ہیں

ہم نے پانے کو تیرے اقرار کی نم

کونجوں جیسے حرف زباں پر لانے ہیں

خوشبو کے مرغولے ،رنگت پُھولوں کی

بھنوروں کے ایسے ہی ٹھور ٹھکانے ہیں

تجھ سے ملنا اور پھر تیرا ہو جانا

ایک حقیقت ،باقی سب افسانے ہیں

قرب ترے کی، چھاؤں میں جا رُکنے کو

دشت کی آنچ میں ہم نے پنکھ جلانے ہیں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

رشک میں اُس شوخ کے اب کی ادائیں شوخ ہیں

جون 30, 2017ماجد صدیقی،سُرخ لبوں کی آگ،غزلہوائیں،فاختائیں،ادائیں،ردائیں،صدائیںadmin

ماجد صدیقی ۔ غزل نمبر 8

منظروں سپنوں ارادوں کی قبائیں شوخ ہیں

رشک میں اُس شوخ کے اب کی ادائیں شوخ ہیں

اُس کے دم سے سخت واماندہ ہیں خدشوں کے عقاب

اور سکون و امن کی سب فاختائیں شوخ ہیں

اُس کے ہونٹوں پر دمکتی مسکراہٹ دیکھ کر

آسماں پر ابر چنچل ہیں، ہوائیں شوخ ہیں

اُس بدن پر دیکھ کر پیہم مہکتا پیرہن

گل بہ گل بے نام خوشبو کی ردائیں شوخ ہیں

ہم سخن ہونے کو اُس ہر دم سراپا ناز سے

باغ میں کلیوں کے کِھلنے کی صدائیں شوخ ہیں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

مگر اک کٹھن سا سوال ہے تجھے دیکھنا

جون 30, 2017ماجد صدیقی،سُرخ لبوں کی آگ،غزلمحال،کسبکمال،جمال،سوال،سالadmin

ماجد صدیقی ۔ غزل نمبر 9

مری آرزو کا مآل ہے تجھے دیکھنا

مگر اک کٹھن سا سوال ہے تجھے دیکھنا

کبھی ابر میں ،کبھی چاند میں، کبھی پُھول میں

سرِگردش مہ و سال ہے تجھے دیکھنا

رگ و پے میں گرچہ ہے چاشنی ترے قرب کی

تو مہک ہے کارِ محال ہے تجھے دیکھنا

کوئی عید بھی ہو سعید ہے ، تری دید کی

پئے چشم، کسبِکمال ہے تجھے دیکھنا

تجھے کیوں نہ میں یہ کہوں صنم کہ سرِ نظر

کسی اور رُت کا جمال ہے تجھے دیکھنا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اور پھر وہ، کہ سنی تم نے زبانی میری

جون 29, 2017ماجد صدیقی،سُرخ لبوں کی آگ،غزلنشانی،پرانی،جوانی،زبانی،سہانیadmin

ماجد صدیقی ۔ غزل نمبر 10

کیوں رُلاتی نہ تمہیں پیار کہانی میری

اور پھر وہ، کہ سنی تم نے زبانی میری

طاقِنسیاں میں کہیں رکھ کے اُسے بھول گئے

ا نگلیوں میں جو سجائی تھی نشانی میری

آنچ سی دینے لگا ہجر کا صحرا جب سے

اور مرجھانے لگی عمر سہانی میری

برقِ فرقت کی گرج خوف دلاتی ہے یہی

راکھ کا ڈھیر نہ ہو جائے جوانی میری

مجھ کو دہرانے پہ مجبور نہ کرنا جاناں !

جاں سے جانے کی ہے جو ریت پرانی میری

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہاتھوں سے دُور ہونے لگیں اُس جسم کی گولائیاں

جون 29, 2017ماجد صدیقی،سُرخ لبوں کی آگ،غزلفرمائیاں،گہرائیاں،گولائیاں،پہنائیاں،تنہائیاںadmin

ماجد صدیقی ۔ غزل نمبر 11

قوسیں مہکتے لمس کی رَس گھولتی رعنائیاں

ہاتھوں سے دُور ہونے لگیں اُس جسم کی گولائیاں

شاخوں سے جھڑتے پُھول سی، سر پرامڈتی دھول سی

حق میں ہمارے ہو چلیں، کیا کیا کرم فرمائیاں

ہر کُنج سے چھلکا کئے کیا کیا خزینے لطف کے

لپٹیں تھیں جیسے مشک کی اُس حسن کی پہنائیاں

اُس شوخ کے الطاف کی ،ہم سے نہ ناپی جاسکیں

دل کو جو ارزانی ہوئیں ،اُس درد کی گہرائیاں

ہم کو اکیلا چھوڑ کر، جب سے وہ چنچل جا چکا

ہر سمت اگنے لگ پڑیں، ڈستی ہوئی تنہائیاں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ ستم مجھ پہ بار بار نہ کر

جون 29, 2017ماجد صدیقی،سُرخ لبوں کی آگ،غزلنگار،آشکار،انتظار،اختیار،بارadmin

ماجد صدیقی ۔ غزل نمبر 12

غیر پر اتنا اعتبار نہ کر

یہ ستم مجھ پہ بار بار نہ کر

گل پریشاں ہُوا مہک کھو کر

حالِ دل تو بھی آشکار نہ کر

میں گیا وقت جا چکا ہوں ،مرے

لوٹ آنے کا انتظار نہ کر

ہم کہ ہیں چاہتوں کے متوالے

ہم سے اغماض اے نگار! نہ کر

تو کسی ایک ہی کا ہو کر رہ

خُو کوئی اور اختیار نہ کر

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

لب پہ لانے لگی پھر سخن پیار کا، رقص کرتی ہوا

جون 29, 2017ماجد صدیقی،سُرخ لبوں کی آگ،غزلقبا،مدّعا،کاadmin

ماجد صدیقی ۔ غزل نمبر 13

سن ذرا اے صنم! گنگناتی ہے کیا، رقص کرتی ہوا

لب پہ لانے لگی پھر سخن پیار کا، رقص کرتی ہوا

چُھو کے تیر ا بدن تیری لہراتی زلفیں ترا پیرہن

تجھ سے کہتی ہے کیا کیا مرا مدّعا ،رقص کرتی ہوا

ساتھ لاتی ہے کیا کیا تم ایسے نہ گھونگھٹ بناتی ہوئی

تیرا رنگِ حیا تیرا رنگِ قبا رقص کرتی ہوا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تیر سارے کماں کے چلا دیکھیے

جون 29, 2017ماجد صدیقی،سُرخ لبوں کی آگ،غزلہوا،چلا،گنوا،اٹھا،سلاadmin

ماجد صدیقی ۔ غزل نمبر 14

سخت جاں ہوں مجھے آزما دیکھیے

تیر سارے کماں کے چلا دیکھیے

جس میں مجھ کو ارادے جلانے کے ہیں

اُ س اگن کو بھی دے کر ہوا دیکھیے

میں نے کرنی تھی جاں، نذر کی ہے تمہیں

لعل ہے جو پہنچ میں گنوا دیکھیے

میرے حق میں ہیں جن جن کی بیداریاں

سب کے سب ایسے جذبے سُلا دیکھیے

جس سے شہرِرقیباں میں ہلچل مچے

حشر ایسا بھی کوئی اٹھا دیکھیے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تم بھی جاناں! ذرا مسکرا دیجیے

جون 29, 2017ماجد صدیقی،سُرخ لبوں کی آگ،غزلہوا،مسکرا،بتا،جلا،سزاadmin

ماجد صدیقی ۔ غزل نمبر 15

سبزہ و گل کو اپنا پتا دیجیے

تم بھی جاناں! ذرا مسکرا دیجیے

اس میں بھی بِن تمہارے کشش کچھ نہیں

موسمِ گل کو اتنا بتا دیجیے

دل میں پھر اَوج پر ہے تمہاری لگن

آگ بھڑکی ہے اِس کو ہوا دیجیے

میں نے گستاخ نظروں کو روکا نہیں

اِس بغاوت کی مجھ کو سزا دیجیے

لطف و راحت کے غنچے کِھلے جس قدر

ہجر کی آنچ سے سب جلا دیجیے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

لیکن جو ہو چکی وہ خطا مان جائیے

جون 29, 2017ماجد صدیقی،سُرخ لبوں کی آگ،غزللائیے،چھپائیے،کِھلائیے،آئیے،جائیےadmin

ماجد صدیقی ۔ غزل نمبر 16

سچّے ہو گر تو اور نہ آنکھیں چُرائیے

لیکن جو ہو چکی وہ خطا مان جائیے

کیو ں وقتِگفتگو ہے نگاہوں میں اضطراب

زیرِ زباں ہے جو وہ زباں پر بھی لائیے

میں پُھول بھی ہوں گر تو بگولوں کی زد پہ ہوں

میں کھو چکا حواس مرے منہ نہ آئیے

کھینچے جو اپنی سمت اُنہیں بھی جو دُور ہیں

ایسا بھی کوئی پُھول سرِ لب کِھلائیے

لَو دے اٹھے گلاب نہ آخر سرِحجاب

اس طور بھی نہ روئے درخشاں چھپائیے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

نجانے یہ دل جشن کیا کیا مناتا تم آئے تو ہوتے

جون 29, 2017ماجد صدیقی،سُرخ لبوں کی آگ،غزلمناتا،جلاتا،دکھاتا،سجھاتا،سجاتاadmin

ماجد صدیقی ۔ غزل نمبر 17

زرونقدِراحت تمہی پر لٹاتا تم آئے تو ہوتے

نجانے یہ دل جشن کیا کیا مناتا تم آئے تو ہوتے

گلے میں حمائل سجل ضَو کے ہالے، سرِبام چندا

جہاں بھر کو میں اپنی پونجی دکھاتا تم آئے تو ہوتے

کلی کی چٹک سی ،زمیں پر نئی بوندیوں کی کھنک سی

نرالی دھنیں میں لبوں پر سجاتا تم آئے تو ہوتے

مجھے کس طرح تم جلاتے بجھاتے رہے فرقتوں میں

تمہیں جَور اک اک تمہارا سُجھاتا تم آئے تو ہوتے

ان اشکوں کے آنکھوں سے فرطِمسرت میں جو پھوٹتے ہیں

نئے دیپ پلکوں پہ اپنی جلاتا تم آئے تو ہوتے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پُھول کھلیں جب بھی بگھیا میں یاد بہت آتے ہو جاناں

جون 29, 2017ماجد صدیقی،سُرخ لبوں کی آگ،غزلہوا،فضا،بگھیا،دنیا،صحراadmin

ماجد صدیقی ۔ غزل نمبر 18

رنگ گُھلیں جب بھی پُروا میں یاد بہت آتے جو جاناں

پُھول کھلیں جب بھی بگھیا میں یاد بہت آتے ہو جاناں

اوس پڑی جب پُھولوں پر ہو، قوس دھنک کی پیشِنظر ہو

برکھا کی نمناک ہوا میں یاد بہت آتے ہو جاناں

تم کہ مہک کا اک جھونکا ہو تم کہ لپکتی موجِ صبا ہو

تنہائی جیسے صحرا میں، یاد بہت آتے ہو جاناں

کیف نیا دے جانے والے ،قرب کا لطف دلانے والے

موسم کی پرنور فضا میں یاد بہت آتے ہو جاناں

ہر سو ہیں خوشبو کے ریلے ،ہیں جس میں رنگوں کے میلے

عیش مناتی اس دنیا میں یاد بہت آتے ہو جاناں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چاند چہرے کا ہوتا اگر ضَونشاں کچھ بگڑنا نہ تھا

جون 29, 2017ماجد صدیقی،سُرخ لبوں کی آگ،غزلآسماں،حاسداں،رواں،زیاں،ضونشاںadmin

ماجد صدیقی ۔ غزل نمبر 19

دیکھتے گر ذرا ہنس کے اے مہرباں کچھ بگڑنا نہ تھا

چاند چہرے کا ہوتا اگر ضَونشاں کچھ بگڑنا نہ تھا

دو قدم ہم چلے تھے اگر دو قدم تم بھی چلتے ادھر

اس سے ہونا نہیں تھا کسی کا زیاں،کچھ بگڑنا نہ تھا

حسن کی کھنکھناتی ندی جانے کیوں ہم سے کھنچتی رہی

گھونٹ دو گھونٹ پینا تھا آبِ رواں، کچھ بگڑنا نہ تھا

بندھنوں سے بغاوت، قیامت کا باعث نہ ٹھہری کبھی

جس طرح کا ہے، رہتا وہی آسماں کچھ بگڑنا نہ تھا

تھوکنے سے بھلا رُوئے مہتاب پر فرق پڑنا تھا کیا

کُھل گئی اِس طرح نیّتِ حاسداں کچھ بگڑنا نہ تھا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آپ سے ہو گیا بھی اگر سامنا ہم نہ کچھ کہہ سکے

جون 29, 2017ماجد صدیقی،سُرخ لبوں کی آگ،غزلہوا،کہا،کیا،بپا،سامناadmin

ماجد صدیقی ۔ غزل نمبر 20

دل میں اندوہ جتنا تھا دل میں رہا ہم نہ کچھ کہہ سکے

آپ سے ہو گیا بھی اگر سامنا ہم نہ کچھ کہہ سکے

منعکس ہو سکی ہم سے بس اِس قدر اپنی رودادِ دل

ایک قطرہ سا پلکوں سے ڈھلکا کیا ہم نہ کچھ کہہ سکے

دل کے اندر تھا جو کچھ وہ چہرے پہ مرقوم ہوتا رہا

حشر سا اک پسِچشم ولب تھا بپا ہم نہ کچھ کہہ سکے

نارسائی کی کثرت نے ہم کو دلائے حجاب اس قدر

چھیڑتی رہ گئی آنچلوں کی ہوا ہم نہ کچھ کہہ سکے

عذر کیا کیا زباں پر نہ لائے، دئیے کوسنے کیا سے کیا

آپ ہی نے ہمیں جو کہا سو کہا ،ہم نہ کچھ کہہ سکے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میر ے ہونٹوں پہ رقصاں شرر دیکھنا

جون 29, 2017ماجد صدیقی،سُرخ لبوں کی آگ،غزلقمر،نگر،پر،سفر،شررadmin

ماجد صدیقی ۔ غزل نمبر 21

دیکھنا دیکھنا اک نظر دیکھنا

میر ے ہونٹوں پہ رقصاں شرر دیکھنا

میری جانب سے ہے اِک کبوتر اڑا

اُس کی تم منتہائے سفر دیکھنا

دمبدم ہیں رواں جو تمہاری طرف

اور شل ہیں جو، وہ بال و پر دیکھنا

جان لینا اسے تم پیمبر مرا

ایک تارا قریبِ قمر دیکھنا

آنکھ مضطر ہے اور چاہتی ہے کوئی

جسم کی چاندنی کا نگر دیکھنا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اُن میں بھی جو سخت تھے وہ دوستوں کے وار تھے

جون 29, 2017ماجد صدیقی،سُرخ لبوں کی آگ،غزلوار،پار،آزار،اطوار،دھارadmin

ماجد صدیقی ۔ غزل نمبر 22

درپئے آزار کچھ احباب کچھ اغیار تھے

اُن میں بھی جو سخت تھے وہ دوستوں کے وار تھے

گُرز جو ہم پر اُٹھا اپنے نشانے پر لگا

تیرچِلّے پر چڑھے جتنے جگر کے پار تھے

جان لیوا خامشی اُس کی تھی اور جو بول تھے

سب کے سب شاخِسماعت پرتبر کی دھار تھے

کھو کے اُس چنچل کی چاہت میں یہی ہم پر کھلا

اِک ذرا سا لطف، پھر آزار ہی آزار تھے

کیا سے کیا اُس شوخ کے ہاتھوں نہ سہنے پڑ گئے

جس قدر بھی جبر کے آداب تھے، اطوار تھے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

غیر کے روبرو مجھ سے رُوٹھا نہ کر

جون 29, 2017ماجد صدیقی،سُرخ لبوں کی آگ،غزلآبجو،آبرو،تندخو،روبرو،سوadmin

ماجد صدیقی ۔ غزل نمبر 23

چاہتا ہوں کہ تو مجھ سے رُوٹھا نہ کر

غیر کے روبرو مجھ سے رُوٹھا نہ کر

جان لے ،تیرے دم سے بقا ہے مری

عشق کی آبرو! مجھ سے رُوٹھا نہ کر

میں کہ ہوں دیپ، تو ہے شعائیں مری

پھیل کر چار سو مجھ سے رُوٹھا نہ کر

تو کہ چندا ہے چندا سے سُورج نہ بن

ہو نہ یوں تُندخو مجھ سے رُوٹھا نہ کر

میں کہ سبزہ ہوں ،نورس ہوں دم سے ترے

اے مری آبُجو! مجھ سے رُوٹھا نہ کر

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جاناں! تیر ا برتاؤ بھی جان لیا

جون 29, 2017ماجد صدیقی،سُرخ لبوں کی آگ،غزلمان،چھان،آسان،تان،جانadmin

ماجد صدیقی ۔ غزل نمبر 24

چہرے پر چہرہ ہم نے پہچان لیا

جاناں! تیر ا برتاؤ بھی جان لیا

اِس بالک کی ہٹ تو ہم کو لے بیٹھی

ہم نے دل کا جانا تھا آسان لیا

جتنے بھی پیغام ہوا نے پہنچائے

ہم نے اُن ساروں کو سچا مان لیا

اور بھلا اِس مشکل کا حل کیا ہوتا

یاد اُجالا چہرۂ شب پر تان لیا

تیرے حسن کا سونا ہاتھ نہیں آیا

ہم نے چاہت کا صحرا بھی چھان لیا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دل کا ہر خواب سورج مکھی بن گیا پُھول کھلنے لگے

جون 29, 2017ماجد صدیقی،سُرخ لبوں کی آگ،غزلکا،گیا،پتا،بجاadmin

ماجد صدیقی ۔ غزل نمبر 25

جب کبھی میری جانب ترا رُخ پھرا پُھول کھلنے لگے

دل کا ہر خواب سورج مکھی بن گیا پُھول کھلنے لگے

چاپ میں تیرے قدموں کی پیغام تھا جانے کس کشف کا

تیری آمد کا جب بھی چلا ہے پتا پُھول کھلنے لگے

دیر اتنی تھی مائل ہوئی جب صبا تیرے الطاف کی

صحنِخواہش کے ہر کنج میں جا بجاپھول کھلنے لگے

پھر کہاں کی خزاں تیری خاموشیاں جب چٹکنے لگیں

دفعتاً سن کے سندیس و جدان کا پُھول کھلنے لگے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

حسن کے شہ نشیں، لطف کے آسماں دیکھ ایسا نہ کر

جون 29, 2017ماجد صدیقی،سُرخ لبوں کی آگ،غزلآسماں،تتلیاں،رائیگاں،زباںadmin

ماجد صدیقی ۔ غزل نمبر 26

تو کہ گل ہے نہ بھنوروں سا ہو بدگماں دیکھ ایسا نہ کر

حسن کے شہ نشیں، لطف کے آسماں دیکھ ایسا نہ کر

رکھ نہ ہم سے چھپا کر طراوت لب و چشم و رخسار کی

لے کے جائیں کہاں ہم یہ سُوکھی زباں دیکھ ایسا نہ کر

طوف سے سرو قامت کے کب تک ہمیں باز رکھے گا تو

دور رکھتا ہے پُھولوں سے کیوں تتلیاں دیکھ ایسا نہ کر

وہ ہمِیں ہیں جو اُتریں گے جاناں !ترے اوجِ معیار پر

کاوشِ شوق ہونے نہ دے رائیگاں دیکھ ایسا نہ کر

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بہ بزمِ غیر نہ آتے اگر بُرا کیا تھا

جون 29, 2017ماجد صدیقی،سُرخ لبوں کی آگ،غزللاتے،نبھاتے،آتے،اٹھاتے،جلاتےadmin

ماجد صدیقی ۔ غزل نمبر 27

بھرم مرا نہ گنواتے اگر بُرا کیا تھا

بہ بزمِ غیر نہ آتے اگر بُرا کیا تھا

تمہارے روٹھ کے جانے سے جو ہوا برپا

وہ حشر تم نہ اٹھاتے اگر بُرا کیا تھا

وہی جو تیر سی میرے بدن کو چیر گئی

وہ بات منہ پہ نہ لاتے اگر بُرا کیا تھا

تمہارے ہجرِمسلسل سے جو الاؤ بنی

اس آگ میں نہ جلاتے اگر بُرا کیا تھا

تم ہی تو تھے جو مرا دم تھے، دل کی دھٹرکن تھے

سفر میں ساتھ نبھاتے اگر بُرا کیا تھا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جاناں! قریب آؤگھٹا بھی ہے مے بھی ہے

جون 29, 2017ماجد صدیقی،سُرخ لبوں کی آگ،غزلگھٹا،آؤگھٹاadmin

ماجد صدیقی ۔ غزل نمبر 28

بن کے نشہ سا چھاؤ گھٹا بھی ہے مے بھی ہے

جاناں! قریب آؤگھٹا بھی ہے مے بھی ہے

آنکھیں ملیں تو مستیاں پھیلیں چہارسو

موسم کو شہ دلاؤ گھٹا بھی ہے مے بھی ہے

جتنی بھی چھا چکی ہیں بدن پر رُتیں اُجاڑ

اُن پر نکھار لاؤ گھٹا بھی ہے مے بھی ہے

رہ جائے بُجھ کے قلب و نظر میں ہے جو بھی پیاس

گاؤ ملہار گاؤ ،گھٹا بھی ہے مے بھی ہے

بندش سی کیا یہ دِید پہ، باہم ملن پہ ہے

جادو کوئی جگاؤ گھٹابھی ہے مے بھی ہے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پھول کیوں شاخ سے ٹوٹ جانے لگا سوچنا چاہیے

جون 29, 2017ماجد صدیقی،سُرخ لبوں کی آگ،غزلٹھکانے،جانے،سمانےadmin

ماجد صدیقی ۔ غزل نمبر 29

باغ پر وقت کیسا یہ آنے لگا سوچنا چاہیے

پھول کیوں شاخ سے ٹوٹ جانے لگا سوچنا چاہیے

وہ کہ جو جھانکتا تھا بہاروں سے بھی چاند تاروں سے بھی

جذبۂ دل وہ کیسے ٹھکانے لگا سوچنا چاہیے

وہ کہ جو بندشوں سے بھی دبتا نہ تھا جو سنبھلتا نہ تھا

پھر وہی کیوں نظر میں سمانے لگا سوچنا چاہیے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پتا پتا موسمِ گل بھی بکھر جانے لگا

جون 29, 2017ماجد صدیقی،سُرخ لبوں کی آگ،غزللہرانے،پھیلانے،برسانے،جانے،سہلانےadmin

ماجد صدیقی ۔ غزل نمبر 30

اے صنم اب اور کس رُت میں ہے تُو آنے لگا

پتا پتا موسمِ گل بھی بکھر جانے لگا

تُوبھی ایسی کوئی فرمائش کبھی ہونٹوں پہ لا

دیکھ بھنورا کس طرح پھولوں کو سہلانے لگا

تُوبھی ایسے میں مرے آئینۂ دل میں اتر

چند رماں بھی دیکھ پھر جھیلوں میں لہرانے لگا

میں بھلاکب اہل، تجھ سے یہ شرف پانے کا ہوں

تُو بھلا کیوں حسن کاہُن ،مجھ پہ برسانے لگا

عندلیبوں کو گلاب اور تُومجھے مل جائے گا

موسم گل، دیکھ! کیا افواہ پھیلانے لگا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

غیر سارے تمہیں یاد آنے لگے تم نے اچّھا کیا

جون 29, 2017ماجد صدیقی،سُرخ لبوں کی آگ،غزلاچّھاadmin

ماجد صدیقی ۔ غزل نمبر 31

اپنے پیاروں کو جی سے بُھلانے لگے تم نے اچّھاکیا

غیر سارے تمہیں یاد آنے لگے تم نے اچّھا کیا

تم نے ان سب کو بھی اپنا دامن جھٹک کر پرے کر دیا

جن کو تم تک پہنچتے زمانے لگے تم نے اچّھا کیا

تم نے دیکھا نہ اہلِریا کون، اہلِ صفا کون ہیں

یہ حقائق بھی تم کو فسانے لگے تم نے اچّھاکیا

تم نے سمجھا نہ یہ حرص والے ہی کیونکر سرافراز ہیں

اور کیوں اہلِ دل ہیں ٹھکانے لگے تم نے اچّھا کیا

تم کہ بادِ صبا تھے تم ہی بادِ صرصر میں ڈھلنے لگے

جتنی آنکھیں بھی نم تھیں جلانے لگے تم نے اچّھا کیا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہم نہ بتلا تے، نہیں، ایسا نہیں

جون 29, 2017ماجد صدیقی،سُرخ لبوں کی آگ،غزلکیا،الٹا،ایسا،اترا،دیکھاadmin

ماجد صدیقی ۔ غزل نمبر 32

آپ ہی نے رازِدل پوچھا نہیں

ہم نہ بتلا تے، نہیں، ایسا نہیں

آپ سے ملنے کا ایسا تھا نشہ

رنگ تھا جیسے کوئی ،اُترا نہیں

سنگ دل تھے اہلِ دنیا بھی بہت

آپ نے بھی ،پیا ر سے دیکھا نہیں

دمبدم تھیں اِک ہمِیں پر یورشیں

تختۂ غیراں کبھی الٹا نہیں

توڑنا، پھر جوڑنا، پھر توڑنا

ہم کھلونوں پر کرم کیا کیا نہیں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آپ نے اپنا وعدہ نبھایا نہیں ہم نہیں بولتے

جون 29, 2017ماجد صدیقی،سُرخ لبوں کی آگ،غزلنبھایا،کھلایا،اڑایا،سنایا،سجایاadmin

ماجد صدیقی ۔ غزل نمبر 33

اب کے بھی چاند چہرہ دکھایا نہیں ہم نہیں بولتے

آپ نے اپنا وعدہ نبھایا نہیں ہم نہیں بولتے

وہ کہ پہلے پہل سرخ ہونٹوں پہ تھا مژدۂ عید سا

کوئی مژدہ پھر ایسا سنایا نہیں ہم نہیں بولتے

چاہتوں کا جو سندیس لیکر گیا آپ تک آپ نے

بام سے وہ کبوتر اڑایانہیں ہم نہیں بولتے

مثل شعلوں کے لَو دے اٹھے جو بہ سطحِ نظرآپ نے

پیرہن وہ بدن پر سجایا نہیں ہم نہیں بولتے

وہ کہ مہکار جس کی بہ شدّت ہمیں بھی بلاتی کبھی

پھول انگناں میں ایسا کھلایا نہیں ہم نہیں بولتے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اُتری ہے چاند تک میں ترے پیرہن کی باس

جون 29, 2017ماجد صدیقی،سُرخ لبوں کی آگ،غزلملن،پیرہن،اگن،بن،دھنadmin

ماجد صدیقی ۔ غزل نمبر 34

آ دیکھ گُل بہ گُل ہے ترے تن بدن کی باس

اُتری ہے چاند تک میں ترے پیرہن کی باس

گل جس طرح رہے ہوں کبھی ہم نشینِخاک

مجھ میں بھی اِس طرح کی ہے تجھ سے ملن کی باس

ہاں ہاں مجھے جلائے جو تیرے فراق میں

ہر رگ میں جاگزیں ہے اُسی اِک اگن کی باس

یوں اب کے اشک یاد میں تیری بہا کیے

بارش برس کے عام کرے جیسے بن کی باس

کھٹکا یہی تو تجھ سے مجھے ابتدا سے تھا

جانا ں!تجھے بھی کھینچ نہ لے جائے دَھن کی باس

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اِنتساب

جون 29, 2017ماجد صدیقی،متفرق،سُرخ لبوں کی آگاِنتسابadmin

۲۵دسمبر۱۹۶۴ء کے نام

جب دھندلے گمانوں پر

روشن حقیقتوں کے باب کھلے

لازم ہے اِک دَورِ طرب کے بعد مجھے تو بھول بھی جا

میں اِک بار تجھے پھر چاہوں، عہد نیا آغاز کروں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سرسوں کی رُت ہے اور ہے کشتِ نظر اداس

مئی 31, 2017ماجد صدیقی،شہر پناہ،غزلنگر،نظر،گھر،گر،بر،در،سفر،سحر،شجرadmin

ماجد صدیقی ۔ غزل نمبر 1

یابس دنوں کی یاد سے ہے سر بہ سر اداس

سرسوں کی رُت ہے اور ہے کشتِ نظر اداس

جیسے یہ اب ہیں کُند نہ تھیں اِن کی یوں سُریں

دیکھے نہیں تھے ایسے کبھی نغمہ گر اداس

ساقط ہُوا ہے جیسے اُبھرتے ہی آفتاب

اب کے کچھ اِس طرح سے ہوئے بام و در اداس

حیراں نہیں تھے یوں کبھی اشکوں کے آئینے

اُترا نہیں تھا اِن میں نگر کا نگر اداس

یوں تو اٹا نہ تھا کبھی گردِ سکوت سے

راہوں میں اِسطرح تو نہ تھا ہر شجر اداس

دونوں پہ موسموں کا اثر یوں کبھی نہ تھا

ششدر ہوں میں اِدھر تو اُدھر میرا گھر اداس

جیسے الاؤ پر سے کبوتر گزر کے آئے

لَوٹا ہے اب کے ہو کے بہت نامہ بر اداس

پہروں کے پہر،یُوں کبھی گڈ مڈ ہوئے نہ تھے

شب ہے اداس، شام اداس اور سحر اداس

پُورا ہُوا تو ساتھ ہی گھٹنے لگا یہ چاند

ماجد ہے اِس حیات کا سارا سفر اداس

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

وہی تنکے ہیں جن سے آشیاں ترتیب پائے گا

مئی 31, 2017ماجد صدیقی،شہر پناہ،غزللائے،ملائے،پائے،آئے،بنائے،جلائے،سنائےadmin

ماجد صدیقی ۔ غزل نمبر 2

یہ ہم بے خانماں زورِ ہوا جن کو اڑا لے گا

وہی تنکے ہیں جن سے آشیاں ترتیب پائے گا

یہاں سرخاب کا پر جس کسی کو بھی لگے گا وہ

کسی ہم جنس سے کیونکر بھلا آنکھیں ملائے گا

کِیا خم ٹھونک کر جس ناتواں پر جبر جابر نے

پئے انصاف اب اُس کو عدالت تک بھی لائے گا

سرِ ابدان موزوں ہو چلی موجوں کی موسیقی

چٹخ کر ٹُوٹنے کی دُھن بھی اب پانی بنائے گا

رعونت کی ہَوا پھنکارتے ہونٹوں سے کہتی تھی

دِیا مشکل سے ہی کُٹیا میں اب کوئی جلائے گا

یہ ہم جو پٹّیاں آنکھوں پہ باندھے گھر سے نکلے ہیں

ہم ایسوں کو کوئی اندھا کنواں ہی لینے آئے گا

اُسے بھیجیں بھی گر ہم کارزارِ مکر میں ماجدؔ

پلٹ کر ایلچی پہلی سی بِپتا ہی سنائے گا

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ سانحہ، کوئی بڑی سرکار نہ جانے

مئی 31, 2017ماجد صدیقی،شہر پناہ،غزلمعیار،اوتار،بار،تکرار،تار،سرکارadmin

ماجد صدیقی ۔ غزل نمبر 3

ہے کس کو یہاں کون سا آزار، نہ جانے

یہ سانحہ، کوئی بڑی سرکار نہ جانے

جانے نہ کرے تیرگی کیا، اُس کی نمایاں

جگنو کا کِیا، کوئی شبِ تار نہ جانے

مٹی کو وہ بستر کرے، بازو کو سرہانہ

جو خانماں برباد ہے، گھر بار نہ جانے

چیونٹی کو ہمیشہ کسی چوٹی ہی سے دیکھے

عادل، کسی مظلوم کی تکرار نہ جانے

پینے کو بھی چھوڑے نہ کہیں، آبِ مصفّا

سیلاب ستم کا، کوئی معیار نہ جانے

کس درجہ جُھکانا ہے یہ سر، عجز میں ماجدؔ

بندہ ہی یہ جانے، کوئی اوتار نہ جانے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دم نہیں توڑا ابھی ذی روح نے اور باہم کر گسوں میں جنگ ہے

مئی 31, 2017ماجد صدیقی،شہر پناہ،غزلگروں،گسوں،آنگنوں،شاخچوںadmin

ماجد صدیقی ۔ غزل نمبر 4

ہم جدھر دیکھیں فضا کے دوش پر، ایک جیسے دو دھڑوں میں جنگ ہے

دم نہیں توڑا ابھی ذی روح نے اور باہم کر گسوں میں جنگ ہے

اس سے بڑھ کر اور کیا ہو انتقام، اس سے بڑھ کر اور کیا بگڑے نظام

سازشِ طوفاں چلی کچھ اس طرح، اک شجر کے شاخچوں میں جنگ ہے

ابر کی جن پر ردائیں ایک ہیں، ایک سے موسم ہوائیں ایک ہیں

متّصل جن کی چھتیں ہیں شہر میں، ان گھروں ان آنگنوں میں جنگ ہے

ایک کے ہونٹوں پہ دیپک ہے اگر، دوسرا ملہار کے سر چھیڑ دے

جن سے ماجدؔ لطفِ جاں منسوب ہے، اب کے اُن نغمہ گروں میں جنگ ہے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جگنوؤں سی اپنی اپنی روشنی ہے اور ہم

مئی 31, 2017ماجد صدیقی،شہر پناہ،غزلچارگی،کمی،آگہی،بسی،تازگی،روشنی،سادگیadmin

ماجد صدیقی ۔ غزل نمبر 5

وسعتِ تِیرہ شبی ، تنہا روی ہے اور ہم

جگنوؤں سی اپنی اپنی روشنی ہے اور ہم

کیمیا گر تو ہمیں کندن بنا ڈالے مگر

آنچ بھر کی ایسا ہونے میں کمی ہے اور ہم

بھیڑیوں کی دھاڑ کو سمجھیں صدائے رہنما

خوش گماں بھیڑوں سی طبعی سادگی ہے اور ہم

کیا سلوک ہم سے کرے یہ منحصر ہے زاغ پر

گھونسلے کے بوٹ سی نا آگہی ہے اور ہم

ہاں یہی وہ فصل ہے پکنے میں جو آتی نہیں

زخمِ جاں کی روز افزوں تازگی ہے اور ہم

ناگہانی آندھیوں میں جو خس و خاشاک کو

جھیلنی پڑتی ہے وہ بے چارگی ہے اور ہم

ناخدا کو ناؤ سے دیکھا ہو جیسے کُودتے

دم بہ دم ماجد کچھ ایسی بے بسی ہے اور ہم

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جس کا سخن ہو اُس کو وہ، لاثانی لگتا ہے

مئی 31, 2017ماجد صدیقی،شہر پناہ،غزلفانی،لاثانی،یزدانی،پانی،انسانی،بحرانیadmin

ماجد صدیقی ۔ غزل نمبر 6

نقش بنا لے جو بھی خود کو مانی لگتا ہے

جس کا سخن ہو اُس کو وہ، لاثانی لگتا ہے

کم کم ایسا ہوتا ہے جب، آگ میں پھول کھلیں

معجزہ ایسا ہو تو وہ، یزدانی لگتا ہے

ہم تم سارے، خانہ بر دوشوں سے ہیں جن کو

جو موسم بھی آئے وہ، بُحرانی لگتا ہے

ہم کہ جنہیں حبسِ بے جا میں رکھا گیا، ہمیں

اپنا سُندر دیس بھی، کالا پانی لگتا ہے

جنگ و جدال کو گردانیں بس کھیل تماشا وُہ

فرعونوں کو اپنا بدن کب، فانی لگتا ہے

آج بھی ماجدؔ انسانوں سے انسانوں کا چلن

حیوانی لگتا ہے، غیر انسانی لگتا ہے

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔