ٹیگ کے محفوظات: ہرے

زخم دل کے ہوے ہرے کچھ تو

اگست 4, 2018ناصر کاظمی،برگِ نے،غزلہرے،مرے،کرے،پرے،ارےadmin

رنگ برسات نے بھرے کچھ تو

زخم دل کے ہوے ہرے کچھ تو

فرصتِ بے خودی غنیمت ہے

گردشیں ہو گئیں پرے کچھ تو

کتنے شوریدہ سر تھے پروانے

شام ہوتے ہی جل مرے کچھ تو

ایسا مشکل نہیں ترا ملنا

دل مگر جستجو کرے کچھ تو

آؤ ناصر کوئی غزل چھیڑیں

جی بہل جائے گا ارے کچھ تو

ناصر کاظمی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

تم اپنی سی کر گزرے

اگست 4, 2018ناصر کاظمی،برگِ نے،غزلہرے،ورے،کرے،گزرے،بھونرے،بھرےadmin

کوئی جیے یا کوئی مرے

تم اپنی سی کر گزرے

دل میں تیری یادوں نے

کیسے کیسے رنگ بھرے

اب وہ اُمنگیں ہیں نہ وہ دل

کون اب تجھ کو یاد کرے

پیار کی ریت نرالی ہے

کوئی کرے اور کوئی بھرے

پھول تو کیا کانٹے بھی نہیں

کیسے اُجڑے باغ ہرے

بادل گرجا پون چلی

پھلواری میں پھول ڈرے

پت جھڑ آنے والی ہے

رَس پی کر اُڑ جا بھونرے

ناصر کاظمی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ظاہر تو پاس بیٹھے ہیں پر ہیں بہت پرے

اکتوبر 6, 2015میر تقی میر،اساتذہ،غزلہرے،منگرے،مسخرے،ورے،کرے،پرے،بھرےadmin

دیوان دوم غزل 972

مت سہل سمجھو ایسے ہیں ہم کیا ورے دھرے

ظاہر تو پاس بیٹھے ہیں پر ہیں بہت پرے

سختی بہت ہے پاس و مراعات عشق میں

پتھر کے دل جگر ہوں تو کوئی وفا کرے

خالی کروں ہوں رو رو کے راتوں کو دل کے تیں

انصاف کر کہ یوں کوئی دن کب تلک بھرے

رندھنے نے جی کے خاک میں ہم کو ملا دیا

گویا کہ آسمان بہت آگیا ورے

داڑھی کو تیری دیکھ کے ہنستے ہیں لڑکے شیخ

اس ریش خند کو بھی سمجھ ٹک تو مسخرے

جل تھل فقط نہیں مرے رونے سے بھر گئے

جنگل پڑے تھے سوکھے سو وہ بھی ہوئے ہرے

جی کو بچا رکھیں گے تو جانیں گے عشق میں

ہر چند میر صاحب قبلہ ہیں منگرے

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ کیا کہ لمس میں آتے ہی دوسرے ہو جاؤ

نومبر 17, 2013آفتاب اقبال شمیمہرے،کھرے،پرے،بھرے،دوسرےadmin

آفتاب اقبال شمیم ۔ غزل نمبر 75

میں جب بھی چھونے لگوں تم ذرا پرے ہو جاؤ

یہ کیا کہ لمس میں آتے ہی دوسرے ہو جاؤ

یہ کارِ عشق مگر ہم سے کیسے سرزد ہو

الاؤ تیز ہے صاحب! ذرا پرے ہو جاؤ

تمہاری عمر بھی اس آب کے حساب میں ہے

نہیں کہ اس کے برسنے سے تم ہرے ہو جاؤ

یہ گوشہ گیر طبیعت بھی ایک محبس ہے

ہوا کے لمس میں آؤ، ہرے بھرے ہو جاؤ

کبھی تو مطلعِٔ دل سے ہو اتنی بارشِ اشک

کہ تم بھی کھل کے برستے ہوئے کھرے ہو جاؤ

آفتاب اقبال شمیم

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بیٹھا ہوں پیشِ آئینہ ڈرے ہوئے

نومبر 16, 2013آفتاب اقبال شمیمہرے،مرے،ورے،کھرےadmin

آفتاب اقبال شمیم ۔ غزل نمبر 57

آنکھوں کو آنکھوں کے آگے دھرے ہوئے

بیٹھا ہوں پیشِ آئینہ ڈرے ہوئے

ایک ذرا معیار کے بدلے جانے سے

دیکھا، کیسے کھوٹے سکے کھرے ہوئے

جسم سے اٹھی باس پرانے جنگل کی

آہٹ آہٹ سارے رستے ہرے ہوئے

اے حیرانی! وُہ تو آج بھی زندہ ہے

اتنے سال ہوئے ہیں جس کو مرے ہوئے

آفتاب اقبال شمیم

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔