ٹیگ کے محفوظات: گور

کیا قیامت کا قیامت شور ہے

اکتوبر 6, 2015میر تقی میر،اساتذہ،غزلچور،ڈور،گور،زور،شورadmin

دیوان سوم غزل 1280

گوش ہر یک کا اسی کی اور ہے

کیا قیامت کا قیامت شور ہے

پوچھنا اس ناتواں کا خوب تھا

پر نہ پوچھا ان نے وہ بھی زور ہے

صندل درد سر مہر و وفا

عاقبت دیکھا تو خاک گور ہے

رشتۂ الفت تو نازک ہے بہت

کیا سمجھ کر خلق اس پر ڈور ہے

ناکسی سے میر اس کوچے کے بیچ

اس طرح نکلے ہے جیسے چور ہے

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دے بھی مے ابر زور آیا ہے

اکتوبر 6, 2015میر تقی میر،اساتذہ،غزلچور،گور،بور،زورadmin

دیوان اول غزل 604

ساقی گھر چاروں اور آیا ہے

دے بھی مے ابر زور آیا ہے

ذوق تیرے وصال کا میرے

ننگے سر تا بہ گور آیا ہے

بوجھ اٹھاتا ہوں ضعف کا شاید

ہاتھ پائوں میں زور آیا ہے

غارت دل کرے ہے ابرسیاہ

بے طرح گھر میں چور آیا ہے

آج تیری گلی سے ظالم میر

لوہو میں شور بور آیا ہے

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یاں سلیماں کے مقابل مور ہے

اکتوبر 6, 2015میر تقی میر،اساتذہ،غزلمور،چور،ڈور،کور،گور،اور،شورadmin

دیوان اول غزل 496

مت ہو مغرور اے کہ تجھ میں زور ہے

یاں سلیماں کے مقابل مور ہے

مر گئے پر بھی ہے صولت فقر کی

چشم شیر اپنا چراغ گور ہے

جب سے کاغذباد کا ہے شوق اسے

ایک عالم اس کے اوپر ڈور ہے

رہنمائی شیخ سے مت چشم رکھ

وائے وہ جس کا عصاکش کور ہے

لے ہی جاتی ہے زر گل کو اڑا

صبح کی بھی بائو بادی چور ہے

دل کھنچے جاتے ہیں سارے اس طرف

کیونکے کہیے حق ہماری اور ہے

تھا بلا ہنگامہ آرا میر بھی

اب تلک گلیوں میں اس کا شور ہے

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

نہ نکلا کبھو عہدئہ مور سے

اکتوبر 6, 2015میر تقی میر،اساتذہ،غزلمور،چور،کور،گور،اور،زور،شورadmin

دیوان اول غزل 495

ہو عاجز کہ جسم اس قدر زور سے

نہ نکلا کبھو عہدئہ مور سے

بہت دور کوئی رہا ہے مگر

کہ فریاد میں ہے جرس شور سے

مری خاک تفتہ پر اے ابرتر

قسم ہے تجھے ٹک برس زور سے

ترے دل جلے کو رکھا جس گھڑی

دھواں سا اٹھا کچھ لب گور سے

نہ پوچھو کہ بے اعتباری سے میں

ہوا اس گلی میں بتر چور سے

نہیں سوجھتا کچھ جو اس بن ہمیں

بغیر اس کے رہتے ہیں ہم کور سے

جو ہو میر بھی اس گلی میں صبا

بہت پوچھیو تو مری اور سے

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

افسانۂ محبت مشہور ہے ہمارا

اکتوبر 6, 2015میر تقی میر،اساتذہ،غزلمقدور،منظور،مجبور،مشہور،ناسور،گور،دورadmin

دیوان اول غزل 69

گلیوں میں اب تلک تو مذکور ہے ہمارا

افسانۂ محبت مشہور ہے ہمارا

مقصود کو تو دیکھیں کب تک پہنچتے ہیں ہم

بالفعل اب ارادہ تا گور ہے ہمارا

کیا آرزو تھی جس سے سب چشم ہو گئے ہیں

ہر زخم سو جگہ سے ناسور ہے ہمارا

تیں آہ عشق بازی چوپڑ عجب بچھائی

کچی پڑیں ہیں نردیں گھر دور ہے ہمارا

تاچند پشت پا پر شرم و حیا سے آنکھیں

احوال کچھ بھی تم کو منظور ہے ہمارا

بے طاقتی کریں تو تم بھی معاف رکھیو

کیا کیجیے کہ دل بھی مجبور ہے ہمارا

ہیں مشت خاک لیکن جو کچھ ہیں میر ہم ہیں

مقدور سے زیادہ مقدور ہے ہمارا

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

گل اک چمن میں دیدئہ بے نور ہو گیا

اکتوبر 6, 2015میر تقی میر،اساتذہ،غزلمشہور،معمور،چور،ناسور،گور،دور،رنجور،زنبورadmin

دیوان اول غزل 18

آگے جمال یار کے معذور ہو گیا

گل اک چمن میں دیدئہ بے نور ہو گیا

اک چشم منتظر ہے کہ دیکھے ہے کب سے راہ

جوں زخم تیری دوری میں ناسور ہو گیا

قسمت تو دیکھ شیخ کو جب لہر آئی تب

دروازہ شیرہ خانے کا معمور ہو گیا

پہنچا قریب مرگ کے وہ صید ناقبول

جو تیری صیدگاہ سے ٹک دور ہو گیا

دیکھا یہ ناونوش کہ نیش فراق سے

سینہ تمام خانۂ زنبور ہو گیا

اس ماہ چاردہ کا چھپے عشق کیونکے آہ

اب تو تمام شہر میں مشہور ہو گیا

شاید کسو کے دل کو لگی اس گلی میں چوٹ

میری بغل میں شیشۂ دل چور ہو گیا

لاشہ مرا تسلی نہ زیر زمیں ہوا

جب تک نہ آن کر وہ سر گور ہو گیا

دیکھا جو میں نے یار تو وہ میر ہی نہیں

تیرے غم فراق میں رنجور ہو گیا

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔