ٹیگ کے محفوظات: گرو

اب گلیوں میں اعلان کرو میں عشق میں ہوں

دسمبر 1, 2007منصور آفاق،شعراء،غزلکہو،کرو،گرو،بھروadmin

منصور آفاق ۔ غزل نمبر 288

اے کوچہ ء دل کے بخت ورو میں عشق میں ہوں

اب گلیوں میں اعلان کرو میں عشق میں ہوں

تم شہر کی سب دیوار وں اورپوشاکوں پر

دل پینٹ کرو تصویر گرو میں عشق میں ہوں

بازار کی ساری رقاصاؤ گلیوں میں

اب ڈھول بجا کر رقص کرو میں عشق میں ہوں

کچھ رنگِچراغاں اور کرو کچھ اور کرو

کچھ سرخ غبارے اور بھرو میں عشق میں ہوں

اب ہاتھ بڑھاکر سب کے گربیاں چاک کرو

اب زور سے تم منصور کہو میں عشق میں ہوں

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سفر بخیر ہو ، مل کر کرو دعائے خیر

دسمبر 1, 2007منصور آفاق،شعراء،غزلمنظرو،ڈرو،کرو،گرو،دھرو،سروadmin

منصور آفاق ۔ غزل نمبر 179

اندھیری رات کے اے رہ روو،دعائے خیر

سفر بخیر ہو ، مل کر کرو دعائے خیر

مجھے سیاہی کی وحشت سے خوف آتا ہے

کہو چراغ صفت منظرو دعائے خیر

بنائے بت جو ہیں ہم نے خدا نہ بن بیٹھیں

بڑی ضروری ہے صورت گرو دعائے خیر

اب اس کے بعد لڑائی کبھی نہیں ہو گی

مری ہتھیلی پہ آؤ دھرو دعائے خیر

الف میں صرف کروڑوں مقام آتے ہیں

طلسمِ اسم کے خیرہ سرو دعائے خیر

گلی گلی میں ہے منصور کا تماشا بھی

دیارِ نور کے دیدہ ورو دعائے خیر

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔