ٹیگ کے محفوظات: کھوتے

کارواں جاتا رہا ہم ہائے سوتے رہ گئے

اکتوبر 6, 2015میر تقی میر،اساتذہ،غزلکھوتے،سوتےadmin

دیوان دوم غزل 1011

جاگنا تھا ہم کو سو بیدار ہوتے رہ گئے

کارواں جاتا رہا ہم ہائے سوتے رہ گئے

بوے گل پیش از سحر گلزار سے رخصت ہوئی

ہم ستم کش روبرو اس کے تو سوتے رہ گئے

جی دیے بن وہ در مقصود کب پایا گیا

بے جگر تھے میر صاحب جان کھوتے رہ گئے

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ایک رہتا ایک کھوتے عشق میں

اکتوبر 6, 2015میر تقی میر،اساتذہ،غزلکھوتے،پروتے،دھوتے،روتے،سوتےadmin

دیوان دوم غزل 881

کاشکے دل دو تو ہوتے عشق میں

ایک رہتا ایک کھوتے عشق میں

پاس ظاہر ٹک نہ کرتے شب تو ہم

بھر رہے تھے خوب روتے عشق میں

خواب میں دیکھا اسی کو ایک رات

برسوں کاٹے ہم نے سوتے عشق میں

کاش پی جایا ہی کرتے اشک کو

داغ دل پر کے تو دھوتے عشق میں

دیکھے ہیں کیا کیا ڈھلکتے اشک میر

بیٹھے موتی سے پروتے عشق میں

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آنکھیں پھر جائیں گی اب صبح کے ہوتے ہوتے

اکتوبر 6, 2015میر تقی میر،اساتذہ،غزلہوتے،کھوتے،بوتے،دھوتے،سوتےadmin

دیوان اول غزل 558

رات گذرے ہے مجھے نزع میں روتے روتے

آنکھیں پھر جائیں گی اب صبح کے ہوتے ہوتے

کھول کر آنکھ اڑا دید جہاں کا غافل

خواب ہوجائے گا پھر جاگنا سوتے سوتے

داغ اگتے رہے دل میں مری نومیدی سے

ہارا میں تخم تمنا کو بھی بوتے بوتے

جی چلا تھا کہ ترے ہونٹ مجھے یاد آئے

لعل پائیں ہیں میں اس جی ہی کے کھوتے کھوتے

جم گیا خوں کف قاتل پہ ترا میر زبس

ان نے رو رو دیا کل ہاتھ کو دھوتے دھوتے

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔