ٹیگ کے محفوظات: کراہا

جوں توں اپنا کیا نباہا ہے

اکتوبر 7, 2015میر تقی میر،اساتذہ،غزلنباہا،کراہا،شاہاadmin

دیوان ششم غزل 1876

کچھ نہ کی ان نے جس کو چاہا ہے

جوں توں اپنا کیا نباہا ہے

سدھ خبر اپنے غمزدے کی لے

صبح تک رات کو کراہا ہے

یاعلیؓ ہے گا میر پیر فقیر

اب سزاوار لطف شاہا ہے

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کی دوستی کہ یارو اک روگ میں بساہا

اکتوبر 6, 2015میر تقی میر،اساتذہ،غزلنباہا،کراہا،پھاہا،الٰہا،بساہا،جماہا،دوراہا،راہا،سراہا،شاہاadmin

دیوان ششم غزل 1795

دشمن ہو جی کا گاہک ہوتا ہے جس کو چاہا

کی دوستی کہ یارو اک روگ میں بساہا

جی ہے جہاں قیامت درد و الم رہا واں

بیمار عاشقی میں شب صبح تک کراہا

تازہ جھمک تھی شب کو تاروں میں آسماں کے

اس آسیا کو شاید پھر کر کنھوں نے راہا

خمیازہ کش ہوں اس کی مدت سے اس ادا کا

لگ کر گلے سے میرے انگڑائی لے جماہا

جانا کہ منھ کھلا ہے آتش کدے کا شاید

سینے کے زخم سے جو سرکا ہے ٹک بھی پھاہا

آنکھیں مری لگو ہیں بے جا نہیں لگیں ہیں

دیکھا ہے جن نے اس کو اس نے مجھے سراہا

میں راہ عشق میں تو آگے ہی دو دلا تھا

پرپیچ پیش آیا ان زلفوں کا دوراہا

کرنا وفا نہیں ہے آسان عاشقی میں

پتھر کیا جگر کو تب چاہ کو نباہا

کہتے تو تھے نہ دیکھو اس سے لگے نہ جائو

سمجھے نہ دیدہ و دل اب کیا کہوں الٰہا

یا مرتضیٰ علیؓ ہے تیرا گداے در یہ

کر حال میر پر بھی ٹک التفات شاہا

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔