ٹیگ کے محفوظات: کاہی

اک شعر بھی غزل میں اضافی نہیں کہا

نومبر 2, 2015احمد فراز،شعراء،غزلمنافی،معافی،کاہی،اضافی،تلافی،خلافی،شاہیadmin

احمد فراز ۔ غزل نمبر 24

کوئی سخن برائے قوافی نہیں ‌کہا

اک شعر بھی غزل میں اضافی نہیں کہا

ہم اہلِ صدق جرم پہ نادم نہیں رہے

مر مِٹ گئے پہ حرفِ معافی نہیں کہا

آشوبِ‌ زندگی تھا کہ اندوہ عاشقی

اک غم کو دوسرے کی تلافی نہیں کہا

ہم نے خیالِ یار میں کیا کیا غزل کہی

پھر بھی یہی گُماں ہے کہ کافی نہیں کہا

بس یہ کہا تھا دل کی دوا ہے مغاں کے پاس

ہم نے کبھی شراب کو شافی نہیں کہا

پہلے تو دل کی بات نہ لائے زبان پر

پھر کوئی حرف دل کے منافی نہیں کہا

اُس بے وفا سے ہم نے شکایت نہ کی فراز

عادت کو اُس کی وعدہ خلافی نہیں کہا

احمد فراز

کہاں رحمت حق کہاں بے گناہی

اکتوبر 6, 2015میر تقی میر،اساتذہ،غزلنباہی،کاہی،گناہیadmin

دیوان پنجم غزل 1733

نہ بک شیخ اتنا بھی واہی تباہی

کہاں رحمت حق کہاں بے گناہی

ملوں کیونکے ہم رنگ ہو تجھ سے اے گل

ترا رنگ شعلہ مرا رنگ کاہی

مجھے میر تا گور کاندھا دیا تھا

تمناے دل نے تو یاں تک نباہی

میر تقی میر

پھروں ہوں چور زخمی اس کی تیغ کم نگاہی کا

اکتوبر 6, 2015میر تقی میر،اساتذہ،غزلنگاہی،کاہی،گاہی،الٰہی،تباہی،روسیاہی،شاہیadmin

دیوان سوم غزل 1102

کیا ہے عشق جب سے میں نے اس ترک سپاہی کا

پھروں ہوں چور زخمی اس کی تیغ کم نگاہی کا

اگر ہم قطعۂ شب سا لیے چہرہ چلے آئے

قیامت شور ہو گا حشر کے دن روسیاہی کا

ہوا ہے عارفان شہر کو عرفان بھی اوندھا

کہ ہر درویش ہے مارا ہوا شوق الٰہی کا

ہمیشہ التفات اس کا کسو کے بخت سے ہو گا

نہیں شرمندہ میں تو اس کے لطف گاہ گاہی کا

برنگ کہربائی شمع اس کا رنگ جھمکے ہے

دماغ سیر اس کو کب ہے میرے رنگ کاہی کا

بڑھیں گے عہد کے درویش اس سے اور کیا یارو

کیا ہے لڑکوں نے دینا انھوں کو تاج شاہی کا

خراب احوال کچھ بکتا پھرے ہے دیر و کعبے میں

سخن کیا معتبر ہے میر سے واہی تباہی کا

میر تقی میر

رکھے ہے شوق اگر رحمت الٰہی کا

اکتوبر 6, 2015میر تقی میر،اساتذہ،غزلنگاہی،کاہی،الٰہی،سیاہیadmin

دیوان اول غزل 162

خیال چھوڑ دے واعظ تو بے گناہی کا

رکھے ہے شوق اگر رحمت الٰہی کا

سیاہ بخت سے میرے مجھے کفایت تھی

لیا ہے داغ نے دامن عبث سیاہی کا

نگہ تمام تو اس کی خدا نہ دکھلاوے

کرے ہے قتل اثر جس کی کم نگاہی کا

کسو کے حسن کے شعلے کے آگے اڑتا ہے

سلوک میر سنو میرے رنگ کاہی کا

میر تقی میر

کافی

جون 1, 1978میں کنّے پانی وچ آں،نظمکاہیadmin

جیہڑا پھٹ میں میلن ہارا

اوہ ائی جاوے کھُل

ایدوں ودھ وی کیہہ ہووے گی

آخر میری بھُل

دِسّن تھانویں پیا لُکاواں

دل دا کھِڑیا پھُل

ماجدؔ یار عنایت رّب دی

مہک نہ وِکدی مُل

ماجد صدیقی (پنجابی کلام)

سخن سرا کا نیا سفر

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: کاہی

اک شعر بھی غزل میں اضافی نہیں کہا

کہاں رحمت حق کہاں بے گناہی

پھروں ہوں چور زخمی اس کی تیغ کم نگاہی کا

رکھے ہے شوق اگر رحمت الٰہی کا

کافی

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: