ٹیگ کے محفوظات: پکارو

وہ آئیں نہ آئیں مگر اُمید نہ ہارو

اگست 4, 2018ناصر کاظمی،برگِ نے،غزلہارو،مارو،گزارو،پکارو،سہاروadmin

یہ رات تمھاری ہے چمکتے رہو تارو

وہ آئیں نہ آئیں مگر اُمید نہ ہارو

شاید کسی منزل سے کوئی قافلہ آئے

آشفتہ سرو صبح تلک یونہی پکارو

دن بھر تو چلے اب ذرا دم لے کے چلیں گے

اے ہمسفرو آج یہیں رات گزارو

یہ عالمِ وحشت ہے تو کچھ ہو ہی رہے گا

منزل نہ سہی سر کسی دیوار سے مارو

اوجھل ہوے جاتے ہیں نگاہوں سے دو عالم

تم آج کہاں ہو غمِ فرقت کے سہارو

کھویا ہے اُسے جس کا بدل کوئی نہیں ہے

یہ بات مگر کون سنے، لاکھ پکارو!

ناصر کاظمی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

لفظ برچھی ہے اَگر تاک کے مارو یارو

جنوری 5, 2012عرفان صدیقی،غزلہارو،مارو،وارو،گزارو،پکاروadmin

عرفان صدیقی ۔ غزل نمبر 110

قرض دَم توڑتے جذبوں کا اُتارو یارو

لفظ برچھی ہے اَگر تاک کے مارو یارو

دُور ہی دُور سے آواز نہ دے کر رہ جاؤ

بڑھتے ہاتھوں سے بھی یاروں کو پکارو، یارو

اُس ستارے سے اُدھر بھی بہت آبادی ہے

اَپنے باہر بھی ذرا وقت گزارو، یارو

سروِ قامت نہ سہی، سنگِ ملامت ہی سہی

سر ملا ہے تو کسی چیز پہ وارو، یارو

لوگ اِتنے ہی وفادار ہیں جتنے تم ہو

تم نہ جیتو کبھی یہ کھیل، نہ ہارو یارو

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔