ٹیگ کے محفوظات: پرم

محبت ہے تو ہو کنفرم تھوڑی سی

دسمبر 1, 2007منصور آفاق،شعراء،غزلنرم،کنفرم،گرم،پرم،دھرم،سرگرمadmin

منصور آفاق ۔ غزل نمبر 453

اتاریں اب بدن کی شرم تھوڑی سی

محبت ہے تو ہو کنفرم تھوڑی سی

ضروری ہے لہو میں آگ بھی لیکن

سبک اندام تھوڑی، نرم تھوڑی سی

چل اپنے سادہ و معصوم سے دل پر

چڑھا لے بھیڑے کی چرم تھوڑی سی

اب اپنا قتل کرنا چاہتا ہوں میں

اجازت دے مجھے اے دھرم تھوڑی سی

’بیا جاناں بصد سامانِ رسوائی ‘

خموشی ہے، خبر ہو گرم تھوڑی سی

کسی کے نرم و نازک جسم سے مل کر

ہوئی ہے آتما بھی پرم تھوڑی سی

سکوتِ شام جیسی ایک دوشیزہ

محبت میں ہوئی سرگرم تھوڑی سی

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔