ٹیگ کے محفوظات: نگاہی

پھر آئے گا دورِ صبحگاہی

اگست 4, 2018ناصر کاظمی،برگِ نے،غزلماہی،نواہی،نگاہی،کجکلاہی،گناہی،صبحگاہیadmin

مایوس نہ ہو اُداس راہی

پھر آئے گا دورِ صبحگاہی

اے منتظرِ طلوعِ فردا

بدلے گا جہانِ مرغ و ماہی

پھر خاک نشیں اُٹھائیں گے سر

مٹنے کو ہے نازِ کجکلاہی

انصاف کا دن قریب تر ہے

پھر داد طلب ہے بے گناہی

پھر اہلِ وفا کا دور ہو گا

ٹوٹے گا طلسمِ کم نگاہی

آئینِ جہاں بدل رہا ہے

بدلیں گے اوامر و نواہی

ناصر کاظمی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پھروں ہوں چور زخمی اس کی تیغ کم نگاہی کا

اکتوبر 6, 2015میر تقی میر،اساتذہ،غزلنگاہی،کاہی،گاہی،الٰہی،تباہی،روسیاہی،شاہیadmin

دیوان سوم غزل 1102

کیا ہے عشق جب سے میں نے اس ترک سپاہی کا

پھروں ہوں چور زخمی اس کی تیغ کم نگاہی کا

اگر ہم قطعۂ شب سا لیے چہرہ چلے آئے

قیامت شور ہو گا حشر کے دن روسیاہی کا

ہوا ہے عارفان شہر کو عرفان بھی اوندھا

کہ ہر درویش ہے مارا ہوا شوق الٰہی کا

ہمیشہ التفات اس کا کسو کے بخت سے ہو گا

نہیں شرمندہ میں تو اس کے لطف گاہ گاہی کا

برنگ کہربائی شمع اس کا رنگ جھمکے ہے

دماغ سیر اس کو کب ہے میرے رنگ کاہی کا

بڑھیں گے عہد کے درویش اس سے اور کیا یارو

کیا ہے لڑکوں نے دینا انھوں کو تاج شاہی کا

خراب احوال کچھ بکتا پھرے ہے دیر و کعبے میں

سخن کیا معتبر ہے میر سے واہی تباہی کا

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

عشق کیسا جس میں اتنی روسیاہی بھی نہ ہو

اکتوبر 6, 2015میر تقی میر،اساتذہ،غزلنگاہی،کلاہی،گواہی،پناہی،خواہی،روسیاہی،سپاہیadmin

دیوان اول غزل 408

کیا ہے گر بدنامی و حالت تباہی بھی نہ ہو

عشق کیسا جس میں اتنی روسیاہی بھی نہ ہو

لطف کیا آزردہ ہوکر آپ سے ملنے کے بیچ

ٹک تری جانب سے جب تک عذر خواہی بھی نہ ہو

چاہتا ہے جی کہ ہم تو ایک جا تنہا ملیں

ناز بے جا بھی نہ ہووے کم نگاہی بھی نہ ہو

مجمع ترکاں ہے کوئی دیکھیو جاکر کہیں

جس کا میں کشتہ ہوں اس میں وہ سپاہی بھی نہ ہو

مجھ کو آوارہ جو رکھتا ہے مگر چاہے ہے چرخ

ماتم آسائش غفراں پناہی بھی نہ ہو

نازبرداری تری کرتے تھے اک امید پر

راستی ہم سے نہیں تو کج کلاہی بھی نہ ہو

یہ دعا کی تھی تجھے کن نے کہ بہر قتل میر

محضر خونیں پہ تیرے اک گواہی بھی نہ ہو

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

رکھے ہے شوق اگر رحمت الٰہی کا

اکتوبر 6, 2015میر تقی میر،اساتذہ،غزلنگاہی،کاہی،الٰہی،سیاہیadmin

دیوان اول غزل 162

خیال چھوڑ دے واعظ تو بے گناہی کا

رکھے ہے شوق اگر رحمت الٰہی کا

سیاہ بخت سے میرے مجھے کفایت تھی

لیا ہے داغ نے دامن عبث سیاہی کا

نگہ تمام تو اس کی خدا نہ دکھلاوے

کرے ہے قتل اثر جس کی کم نگاہی کا

کسو کے حسن کے شعلے کے آگے اڑتا ہے

سلوک میر سنو میرے رنگ کاہی کا

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دائم مری گواہی مرا ایک ایک لفظ

دسمبر 1, 2007منصور آفاق،شعراء،غزلہی،نگاہی،گواہی،تباہی،خانقاہی،سپاہی،صراحی،ضیاہیadmin

منصور آفاق ۔ غزل نمبر 203

ہے وجہ کج کلاہی مرا ایک ایک لفظ

دائم مری گواہی مرا ایک ایک لفظ

اے حکمرانِ ملک خدا داد ، ظلم روک

تیرے لئے تباہی مرا ایک ایک لفظ

ہر چوک پر کھڑا ہے بڑے اعتماد سے

سچائی کا سپاہی مرا ایک ایک لفظ

رقصاں نئی شعاعیں مری چشمِ خواب میں

صبحوں کی خوش نگاہی مرا ایک ایک لفظ

لکھتا رہا ترے ہی قیصدے اے آفتاب

کرتا رہا ضیاہی مرا ایک ایک لفظ

تجھ سے ملا تو پھول بھی خوشبو بھی بن گیا

بادِ صبا تو تھا ہی مرا ایک ایک لفظ

تہذیبِ حسن باطنی مری غزل ہوئی

حیرت بھری صراحی مرا ایک ایک لفظ

منصور کی بھی بڑ یہی سرمد کا دھڑ یہی

تسلیم !خانقاہی مرا ایک ایک لفظ

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔