ٹیگ کے محفوظات: نبرد

سو ہو چلا ہوں پیشتر از صبح سرد سا

اکتوبر 6, 2015میر تقی میر،اساتذہ،غزلنورد،نبرد،گرد،زرد،سردadmin

دیوان اول غزل 136

کس شام سے اٹھا تھا مرے دل میں درد سا

سو ہو چلا ہوں پیشتر از صبح سرد سا

بیٹھا ہوں جوں غبار ضعیف اب وگرنہ میں

پھرتا رہا ہوں گلیوں میں آوارہ گرد سا

قصد طریق عشق کیا سب نے بعد قیس

لیکن ہوا نہ ایک بھی اس رہ نورد سا

حاضر یراق بے مزگی کس گھڑی نہیں

معشوق کچھ ہمارا ہے عاشق نبرد سا

کیا میر ہے یہی جو ترے در پہ تھا کھڑا

نمناک چشم و خشک لب و رنگ زرد سا

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہے کفِ باد میں جو، موسمِ افسوس کی گرد

نومبر 15, 2013آفتاب اقبال شمیمنورد،نبرد،گرد،زردadmin

آفتاب اقبال شمیم ۔ غزل نمبر 24

آخرِکار سمیٹیں گے اسے اہلِ نبرد

ہے کفِ باد میں جو، موسمِ افسوس کی گرد

ایک ہی جور پہ انداز دگر برپا ہے

مژدہ کیا لائے کہیں سے بھی ترا شہر نورد

موسموں کا یہ بدلنا بھی مقدر ٹھہرا

زرد سے سبز کبھی اور کبھی سبز سے زرد

جان دینے سے بھی آگے کا کوئی معرکہ ہو

طے کرے جو میرے اس مثبت و منفی کی نبرد

آفتاب اقبال شمیم

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔