ٹیگ کے محفوظات: ناگ

وہ سوراخوں سے کالے ناگ نکلے

اکتوبر 23, 2015Jaun Elia،جون ایلیا،شعراء،غزللاگ،ناگ،ڈاگ،گھاگ،آگ،بھاگ،جھاگadmin

جون ایلیا ۔ غزل نمبر 182

دھرم کی بانسری سے راگ نکلے

وہ سوراخوں سے کالے ناگ نکلے

رکھو دیر و حرم کو اب مقفّل

کئی پاگل یہاں سے بھاگ نکلے

وہ گنگا جل ہو یا آبِ زمزم

یہ وہ پانی ہیں جن سے آگ نکلے

خدا سے لے لیا جنت کا وعدہ

یہ زاہد تو بڑے ہی گھاگ نکلے

ہے آخر آدمیت بھی کوئی شے

ترے دربان تو بُل ڈاگ نکلے

یہ کیا انداز ہے اے نکتہ چینو

کوئی تنقید تو بے لاگ نکلے

پلایا تھا ہمیں امرت کسی نے

مگر منہ سے لہو کے جھاگ نکلے

جون ایلیا

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اس لیے دیکھ رہا ہے کہ مجھے آگ لگے

اکتوبر 6, 2015میر تقی میر،اساتذہ،غزلناگ،ڈاگ،آگ،بھاگ،جھاگadmin

دیوان دوم غزل 991

غیر کو دیکھے ہے گرمی سے نہ کچھ لاگ لگے

اس لیے دیکھ رہا ہے کہ مجھے آگ لگے

آنکھ ہر ایک کی دوڑے ہے کفک پر تیرے

پائوں سے لگ کے ترے مہندی کو کچھ بھاگ لگے

ہو نہ دیوانہ جو اس گوہر خوش آب کا تو

لب دریا کے تئیں کیوں رہیں یوں جھاگ لگے

اب تو ان گیسوئوں کی یاد میں میں محو ہوا

گو قیامت کو مرے منھ سے ہوں دو ناگ لگے

لڑکے دلی کے ترے ہاتھ میں کب آئے میر

پیچھے ایک ایک کے سو سو پھریں ہیں ڈاگ لگے

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

روگی انت وِراگ دا

جون 1, 1963وِتّھاں ناپدے ہتھ،غزلناگ،وراگ،بھاگ،تیاگ،جاگ،سہاگadmin

ماجد صدیقی (پنجابی کلام) ۔ غزل نمبر 16

بَجھیاں راتاں جاگدا

روگی انت وِراگ دا

دل بَھیڑا انبھول سی

جگ نوں رہیا تیاگدا

کوئی تے رنگ سی ویکھنا

دُدھ نوں لگی جاگ دا

اُنج وی سی اوہ لہر جیہی

سماں سی پہل سہاگ دا

اکو سیدھ لکیر جیہی

منتر کالے ناگ دا

کیہ قصّہ لے بیٹھدائیں

ماجدُ اپنے بھاگ دا

ماجد صدیقی (پنجابی کلام)

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔