ٹیگ کے محفوظات: ناز

ربط ہے، ہم سے سِوا، دل کو نگاہِ ناز سے

مئی 20, 2021ضامن جعفری،غزلناز،پرواز،انداز،آوازadmin

چھیڑ کر! مضرابِ مژگانِ صَنَم! اِس ساز سے

ربط ہے، ہم سے سِوا، دل کو نگاہِ ناز سے

شکوَہِ بندِ قَفَس نے کچھ گِلہ صیّاد سے

ہے شکایت ہم کو اپنی قوّتِ پرواز سے

با نگاہِ بے خطا، بے جنبشِ لب گفتگو

حالِ دل وہ پوچھتے بھی ہیں تَو کس انداز سے

تا نہ شرمندہ ہَوں وہ، چُپ ہُوں ، اگر نالے کروں

عہدِ رفتہِکھنچ کے لَوٹ آئے مری آواز سے

دیکھنا پابندِ الفت کی ذرا مجبوریاں

چارہ جوئی مرغِ دل کرتا ہے تیر انداز سے

نالہِ دل پر ہیں رَقصاں اَب بھی ماضی کے نقوش

ہے عجب جھنکار پیدا ساز کی آواز سے

شکوہِ جَور و جفا ہو محو جُوں حرفِ غَلَط

دیکھ لو ضامنؔ کو اِک بار اَور اُسی انداز سے

ضامن جعفری

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بلا رہی ہے ابھی تک وہ دلنشیں آواز

اگست 4, 2018ناصر کاظمی،برگِ نے،غزلنیاز،ناز،انداز،آواز،جواز،دمساز،راز،سازadmin

بسا ہوا ہے خیالوں میں کوئی پیکرِ ناز

بلا رہی ہے ابھی تک وہ دلنشیں آواز

وہی دنوں میں تپش ہے وہی شبوں میں گداز

مگر یہ کیا کہ مری زندگی میں سوز نہ ساز

نہ چھیڑ اے خلشِ درد بار بار نہ چھیڑ

چھپائے بیٹھا ہوں سینے میں ایک عمر کے راز

بس اب تو ایک ہی دُھن ہے کہ نیند آ جائے

وہ دن کہاں کہ اُٹھائیں شبِ فراق کے ناز

گزر ہی جائے گی اے دوست تیرے ہجر کی رات

کہ تجھ سے بڑھ کے ترا درد ہے مرا دمساز

یہ اور بات کہ دنیا نہ سن سکی ورنہ

سکوتِ اہلِ نظر ہے بجائے خود آواز

یہ بے سبب نہیں شام و سحر کے ہنگامے

اُٹھا رہا ہے کوئی پردہ ہائے راز و نیاز

ترا خیال بھی تیری طرح مکمل ہے

وہی شباب، وہی دلکشی، وہی انداز

شراب و شعر کی دنیا بدل گئی لیکن

وہ آنکھ ڈھونڈ ہی لیتی ہے بیخودی کا جواز

عروج پر ہے مرا درد ان دنوں ناصر

مری غزل میں دھڑکتی ہے وقت کی آواز

ناصر کاظمی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سیکھ بیٹھے ہم اڑانوں کے نئے انداز بھی

نومبر 30, 2016ہوا کا تخت،ماجد صدیقی،غزلہمراز،ناز،آواز،انداز،ساز،غمّازadmin

ماجد صدیقی ۔ غزل نمبر 77

جس کی خواہش تھی ملا ہے وہ پرِ پرواز بھی

سیکھ بیٹھے ہم اڑانوں کے نئے انداز بھی

چپ رہے جب تک تو کلیوں سا رہا مٹھی میں بھید

مسکرانا تھا کہ ٹھہرا درد کا غمّاز بھی

ہم سے کب بے سمت نکلے لوگ لوٹائے گئے

رہ گئے تھک ہار کر بھرّا گئی آواز بھی

اپنا عکسِ نطق ہی نکلا جو دیکھا غور سے

تھا اِنہی حرفوں میں پنہاں وہ سراپا ناز بھی

وہ نگاہیں جب کبھی مضراب سی اٹھیں اِدھر

بیشتر اِس جسم کو ٹھہرا گئی ہیں ساز بھی

خاک کے پردے سے نکلے لوگ دکھلائیں تو ہم

میرؔ سا لیکن ملے ماجدؔ کوئی ہمراز بھی

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ناچار ہوں کہ حکم نہیں کشفِ راز کا

اکتوبر 25, 2015مصطفٰی خان شیفتہ،اساتذہ،غزلفراز،مجاز،نماز،نواز،ناز،امتیاز،اھتزاز،احتراز،باز،دراز،راز،طرازadmin

مصطفٰی خان شیفتہ ۔ غزل نمبر 9

کچھ امتیاز مجھ کو نہ مے کا نہ سارکا

ناچار ہوں کہ حکم نہیں کشفِ راز کا

لگتی نہیں پلک سے پلک جو تمام شب

ہے ایک شعبدہ مژہِ نیم باز کا

دشمن پئے صبوح جگاتے ہیں یار کو

یہ وقت ہے نسیمِ سحر اھتزاز کا

ایمن ہیں اہلِ جذبہ کہ رہبر ہے ان کے ساتھ

سالک کو ہے خیال نشیب و فراز کا

پھنسنے کے بعد بھی ہے وہی دل شگفتگی

کیا خوب جال ہے نگہِ جاں نواز کا

تقویٰ مرا شعار ہے ، عصمت سرشتِ دوست

پھر مجھ سے کون سا ہے سبب احتراز کا

بارے عجیب بات تو پھیلی جہان میں

پایا کسی نے گو ثمر افشائے راز کا

ساقی کے ہیں اگر یہی الطاف، کیا عجب

ارض و سما میں ہوش نہ ہو امتیاز کا

پیرِ مغاں نے رات کو وہ کچھ دکھا دیا

ہرگز رہا نہ دھیان بھی حسنِ مجاز کا

دیتا ہے داغِ رشک پرندِ سپہر کو

جلوہ تمہاری معجزِ گوہر طراز کا

پانی وضو کو لاؤ، رخِ شمع زرد ہے

مینا اٹھاؤ وقت اب آیا نماز کا

یکتا کسی کو ہم نے نہ دیکھا جہان میں

طولِ امل جواب ہے زلفِ دراز کا

جورِ اجل کو شوخیِ بے جا کہا کیا

تھا مست شیفتہ جو کسی مستِ ناز کا

مصطفٰی خان شیفتہ

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

گلہ کرو کے گلہ بھی نہیں رہا اب تو

اکتوبر 23, 2015Jaun Elia،جون ایلیا،شعراء،غزلمحبت،مزا،ناز،کش،گلہ،برا،خدا،سواadmin

جون ایلیا ۔ غزل نمبر 63

کسی سے کوئی خفا بھی نہیں رہا اب تو

گلہ کرو کے گلہ بھی نہیں رہا اب تو

شکستِ ذات کا اقرار اور کیا ہو گا

کہ اداِ محبت بھی نہیں رہا اب تو

چنے ہوئے ہیں لبوں پر تیرے ہزار جواب

شکایتوں کا مزا بھی نہیں رہا اب تو

ہوں مبتلاِ یقین ، میری مشکلیں مت پوچھ

گماں اقدا کش بھی نہیں رہا اب تو

میرے وجود کا اب کیا سوال ہے یعنی

میرے اپنے حق میں برا بھی نہیں رہا اب تو

یہی عطیہء صبح شبِ وصال ہے کیا

کے شہرِ ناز بھی نہیں رہا اب تو

یقین کر جو تیری آرزو میں تھا پہلے

وہ لطف تیرے سوا بھی نہیں رہا اب تو

وہ سکھ وہاں کے خدا کی ہیں بخشیشیں کیا کیا

یہاں یہ دکھ کہ خدا بھی نہیں رہا اب تو

جون ایلیا

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یاں ورنہ جو حجاب ہے، پردہ ہے ساز کا

اکتوبر 8, 2015مرزا اسد اللہ خان غالب،اساتذہ،غزلناز،گداز،باز،دراز،راز،سازadmin

دیوانِ غالب ۔ غزل نمبر 77

محرم نہیں ہے تو ہی نوا ہائے راز کا

یاں ورنہ جو حجاب ہے، پردہ ہے ساز کا

رنگِ شکستہ صبحِ بہارِ نظارہ ہے

یہ وقت ہے شگفتنِ گل ہائے ناز کا

تو اور سوئے غیر نظرہائے تیز تیز

میں اور دُکھ تری مِژہ ہائے دراز کا

صرفہ ہے ضبطِ آہ میں میرا، وگرنہ میں

طُعمہ ہوں ایک ہی نفَسِ جاں گداز کا

ہیں بسکہ جوشِ بادہ سے شیشے اچھل رہے

ہر گوشۂ بساط ہے سر شیشہ باز کا

کاوش کا دل کرے ہے تقاضا کہ ہے ہنوز

ناخن پہ قرض اس گرہِ نیم باز کا

تاراجِ کاوشِ غمِ ہجراں ہوا، اسدؔ!

سینہ، کہ تھا دفینہ گہر ہائے راز کا

مرزا اسد اللہ خان غالب

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

میں ہوں اپنی شکست کی آواز

اکتوبر 8, 2015مرزا اسد اللہ خان غالب،اساتذہ،غزلنواز،نیاز،ناز،گلباز،گداز،پرواز،آواز،انداز،باز،درازadmin

دیوانِ غالب ۔ غزل نمبر 17

نہ گل نغمہ ہوں نہ پردۂ ساز

میں ہوں اپنی شکست کی آواز

تو اور آرائشِ خمِ کاکل

میں اور اندیشہ ہائے دور دراز

لاف تمکیں، فریبِ سادہ دلی

ہم ہیں، اور راز ہائے سینہ گداز

ہوں گرفتارِ الفتِ صیّاد

ورنہ باقی ہے طاقتِ پرواز

وہ بھی دن ہو، کہ اس ستم گر سے

ناز کھینچوں، بجائے حسرتِ ناز

نہیں دل میں مرے وہ قطرۂ خون

جس سے مذگاں ہوئی نہ ہو گلباز

اے ترا غمزہ یک قلم انگیز

اے ترا ظلم سر بسر انداز

تو ہوا جلوہ گر، مبارک ہو!

ریزشِ سجدۂ جبینِ نیاز

مجھ کو پوچھا تو کچھ غضب نہ ہوا

میں غریب اور تو غریب نواز

اسدؔ اللہ خاں تمام ہوا

اے دریغا وہ رندِ شاہد باز

مرزا اسد اللہ خان غالب

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

دعا قبول ہو یا رب کہ عمرِ خضر دراز

اکتوبر 8, 2015مرزا اسد اللہ خان غالب،اساتذہ،غزلفراز،ناز،پرواز،انداز،درازadmin

دیوانِ غالب ۔ غزل نمبر 16

حریفِ مطلبِ مشکل نہیں فسونِ نیاز

دعا قبول ہو یا رب کہ عمرِ خضر دراز

نہ ہو بہ ہرزہ، بیاباں نوردِ وہمِ وجود

ہنوز تیرے تصوّر میں ہےنشیب و فراز

وصالِ جلوہ تماشا ہے پر دماغ کہاں!

کہ دیجئے آئینۂ انتظار کو پرواز

ہر ایک ذرّۂ عاشق ہے آفتاب پرست

گئی نہ خاک ہوئے پر ہوائے جلوۂ ناز

نہ پوچھ وسعتِ مے خانۂ جنوں غالب

جہاں یہ کاسۂ گردوں ہے ایک خاک انداز

مرزا اسد اللہ خان غالب

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

عجب ہیں لوگ جو کہتے ہیں وہ ناساز آتا ہے

اکتوبر 6, 2015میر تقی میر،اساتذہ،غزلناز،ناساز،پرواز،پرداز،آواز،بازadmin

دیوان پنجم غزل 1734

ادھر مطرب کا عودی رنگ کب طناز آتا ہے

عجب ہیں لوگ جو کہتے ہیں وہ ناساز آتا ہے

خبر ہے شرط اتنا مت برس اے ابر بارندہ

ہمیں بھی آج رونا درد دل پرداز آتا ہے

اٹھے ہے گرد معشوقانہ اس تربت سے عاشق کی

کبھو ٹک جس کے اوپر وہ سراپا ناز آتا ہے

عجب رنگ حنا طائر ہے دست آموز خوباں کا

اڑے ہے تو بھی ہاتھوں ہی میں کر پرواز آتا ہے

وہی نازاں خراماں کبک سا آیا مری جانب

کوئی مغرور وہ شوخی سے اپنی باز آتا ہے

رہائی اپنی ہے دشوار کب صیاد چھوڑے ہے

اسیر دام ہو طائر جو خوش آواز آتا ہے

اگر مسجد سے آئوں میر تو بھی لوگ کہتے ہیں

کہ میخانے سے پھر دیکھو وہ شاہد باز آتا ہے

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

پامال ہے سب خلق جہاں ناز تو دیکھو

اکتوبر 6, 2015میر تقی میر،اساتذہ،غزلناز،پرواز،پرداز،آواز،اعزاز،باز،سازadmin

دیوان سوم غزل 1225

سر کاٹ کے ڈلوا دیے انداز تو دیکھو

پامال ہے سب خلق جہاں ناز تو دیکھو

کچھ سوجھ نہیں پڑتی تمھیں بے خبری سے

ٹک ہوش کی آنکھوں کو کرو باز تو دیکھو

اس بت سے نہیں جب تئیں صحبت تو نہیں ہے

یہ ڈول جو ہوتا ہے خدا ساز تو دیکھو

شب آنکھ مری لگنے نہیں دیتی ہے بلبل

اس مرغ کی بیتابی آواز تو دیکھو

دل ایک تڑپنے میں پرے عرش کے پایا

اس طائر بے بال کی پرواز تو دیکھو

کی زلف و خط و خال نے ایک اور قیامت

تصویر سے چہرے پہ یہ پرداز تو دیکھو

سب میر کو دیتے ہیں جگہ آنکھوں پر اپنی

اس خاک رہ عشق کا اعزاز تو دیکھو

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بے وقر جانتے ہیں دل بے گداز کو

اکتوبر 6, 2015میر تقی میر،اساتذہ،غزلنماز،نواز،ناز،گداز،باز،دراز،رازadmin

دیوان سوم غزل 1224

کرنا شعار خوب ہے عجز و نیاز کو

بے وقر جانتے ہیں دل بے گداز کو

ہجراں کی سرگذشت مری گفتنی نہیں

کیا کہیے تم سے قصۂ دور و دراز کو

جوں شمع سر کٹے ہے بیاں حال کا کیے

لانا زباں پہ خوب نہیں دل کے راز کو

حیران ہو رہو گے جو ہم ہو چکے کبھی

دیکھا نہیں ہے مرتے کسو عشق باز کو

جانکاہ و دل خراش ہیں سارے ترے سلوک

دل ہم تو دیتے کاش کسو دل نواز کو

صوفی کی پارسائی کی ہے خانقہ میں دھوم

لے چلیے گا کبھو ادھر اس مست ناز کو

ہے دور ادب سے تم کھڑے میں پاکشیدہ ہوں

مت آئیو جنازے کی میرے نماز کو

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

گفتار اس کی کبر سے رفتار ناز سے

اکتوبر 6, 2015میر تقی میر،اساتذہ،غزلنماز،ناز،گداز،امتیاز،باز،دراز،سازadmin

دیوان دوم غزل 977

کرتا ہے کب سلوک وہ اہل نیاز سے

گفتار اس کی کبر سے رفتار ناز سے

یوں کب ہمارے آنسو پچھیں ہیں کہ تونے شوخ

دیکھا کبھو ادھر مژئہ نیم باز سے

خاموش رہ سکے نہ تو بڑھ کر بھی کچھ نہ کہہ

سر شمع کا کٹے ہے زبان دراز سے

اب جا کسو درخت کے سائے میں بیٹھیے

اس طور پھریے کب تئیں بے برگ و ساز سے

یہ کیا کہ دشمنوں میں مجھے ساننے لگے

کرتے کسو کو ذبح بھی تو امتیاز سے

مانند شمع ٹپکے ہی پڑتے ہیں اب تو اشک

کچھ جلتے جلتے ہو گئے ہیں ہم گداز سے

شاید کہ آج رات کو تھے میکدے میں میر

کھیلے تھا ایک مغبچہ مہر نماز سے

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چلا عشق خواری کو ممتاز کرتا

اکتوبر 6, 2015میر تقی میر،اساتذہ،غزلممتاز،ناز،انداز،آواز،اعجاز،جانباز،سازadmin

دیوان دوم غزل 762

رہا میں تو عزت کا اعزاز کرتا

چلا عشق خواری کو ممتاز کرتا

نہ ہوتا میں حسرت میں محتاج گریہ

جو کچھ آنسوئوں کو پس انداز کرتا

نہ ٹھہرا مرے پاس دل ورنہ اب تک

اسے ایسا ہی میں تو جانباز کرتا

جو جانوں کہ درپے ہے ایسا وہ دشمن

تو کاہے کو الفت سے میں ساز کرتا

تو تمکین سے کچھ نہ بولا وگرنہ

مسیحا صنم ترک اعجاز کرتا

گلوگیر ہی ہو گئی یاوہ گوئی

رہا میں خموشی کو آواز کرتا

زیارت گہ کبک تو ہو بلا سے

ٹک آ میر کی خاک پر ناز کرتا

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کوئی خاک سے ہو یکساں وہی ان کو ناز کرنا

اکتوبر 6, 2015میر تقی میر،اساتذہ،غزلنماز،نیاز،ناز،امتیاز،احتراز،باز،درازadmin

دیوان دوم غزل 690

یہ روش ہے دلبروں کی نہ کسو سے ساز کرنا

کوئی خاک سے ہو یکساں وہی ان کو ناز کرنا

کوئی عاشقوں بتاں کی کرے نقل کیا معیشت

انھیں ناز کرتے رہنا انھیں جی نیاز کرنا

رہیں بند میری آنکھیں شب و روز ضعف ہی میں

نہ ہوا مجھے میسر کبھو چشم باز کرنا

یہ بھی طرفہ ماجرا ہے کہ اسی کو چاہتا ہوں

مجھے چاہیے ہے جس سے بہت احتراز کرنا

نہیں کچھ رہا تو لڑکا تجھے پر ضرور ہے اب

ہوس اور عاشقی میں ٹک اک امتیاز کرنا

کوئی عاشقوں کی پھپٹ کنھوں نے اٹھائی بھی ہے

انھیں بات ہو جو تھوڑی اسے بھی دراز کرنا

یہی میر کھینچے قشقہ در دیر پر تھے ساجد

نہیں اعتماد قابل انھوں کا نماز کرنا

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کوئی تو چاہیے جی بھی نیاز کرنے کو

اکتوبر 6, 2015میر تقی میر،اساتذہ،غزلنماز،نیاز،ناز،گداز،امتیاز،احتراز،باز،تاز،دراز،راز،سازadmin

دیوان اول غزل 401

جو میں نہ ہوں تو کرو ترک ناز کرنے کو

کوئی تو چاہیے جی بھی نیاز کرنے کو

نہ دیکھو غنچۂ نرگس کی اور کھلتے میں

جو دیکھو اس کی مژہ نیم باز کرنے کو

نہ سوئے نیند بھر اس تنگنا میں تا نہ موئے

کہ آہ جا نہ تھی پا کے دراز کرنے کو

جو بے دماغی یہی ہے تو بن چکی اپنی

دماغ چاہیے ہر اک سے ساز کرنے کو

وہ گرم ناز ہو تو خلق پر ترحم کر

پکارے آپ اجل احتراز کرنے کو

جو آنسو آویں تو پی جا کہ تا رہے پردہ

بلا ہے چشم تر افشاے راز کرنے کو

سمند ناز سے تیرے بہت ہے عرصہ تنگ

تنک تو ترک کر اس ترک تاز کرنے کو

بسان زر ہے مرا جسم زار سارا زرد

اثر تمام ہے دل کے گداز کرنے کو

ہنوز لڑکے ہو تم قدر میری کیا جانو

شعور چاہیے ہے امتیاز کرنے کو

اگرچہ گل بھی نمود اس کے رنگ کرتا ہے

ولیک چاہیے ہے منھ بھی ناز کرنے کو

زیادہ حد سے تھی تابوت میر پر کثرت

ہوا نہ وقت مساعد نماز کرنے کو

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ابھریں گے عشق دل سے ترے راز میرے بعد

اکتوبر 6, 2015میر تقی میر،اساتذہ،غزلناز،ناساز،پرواز،آواز،باز،جانباز،رازadmin

دیوان اول غزل 198

آوے گی میری قبر سے آواز میرے بعد

ابھریں گے عشق دل سے ترے راز میرے بعد

جینا مرا تو تجھ کو غنیمت ہے ناسمجھ

کھینچے گا کون پھر یہ ترے ناز میرے بعد

شمع مزار اور یہ سوز جگر مرا

ہر شب کریں گے زندگی ناساز میرے بعد

حسرت ہے اس کے دیکھنے کی دل میں بے قیاس

اغلب کہ میری آنکھیں رہیں باز میرے بعد

کرتا ہوں میں جو نالے سر انجام باغ میں

منھ دیکھو پھر کریں گے ہم آواز میرے بعد

بن گل موا ہی میں تو پہ تو جا کے لوٹیو

صحن چمن میں اے پر پرواز میرے بعد

بیٹھا ہوں میر مرنے کو اپنے میں مستعد

پیدا نہ ہوں گے مجھ سے بھی جانباز میرے بعد

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اعلانِ جنوں دل والوں نے اب کے بہ ہزار انداز کیا

اپریل 5, 2012فیض احمد فیض،سرِ وادئِٔ سینا،غزلناز،آغاز،انداز،باز،طنازadmin

فیض احمد فیض ۔ غزل نمبر 9

کس حرف پہ تو نے گوشہء لب اے جانِ جہاں غماز کیا

اعلانِ جنوں دل والوں نے اب کے بہ ہزار انداز کیا

سو پیکاں تھے پیوستِ گلو، جب چھیڑی شوق کی لےَ ہم نے

سو تیر ترازو تھے دل میں جب ہم نے رقص آغاز کیا

بے حرص و ہوا، بے خوف و خطر، اِس ہاتھ پہ سر، اُس کف پہ جگر

یوں کوئے صنم میں وقتِ سفر نظارہء بامِ ناز کیا

جس خاک میں مل کر خاک ہوئے، وہ سرمہء چشمِ خلق بنی

جس خار پہ ہم نے خوں چھڑکا، ہمرنگِ گلِ طناز کیا

لو وصل کی ساعت آپہنچی، پھر حکمِ حضوری پر ہم نے

آنکھوں کے دریچے بند کیے، اور سینے کا در باز کیا

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کافروں کی نماز ہوجائے

اپریل 1, 2012فیض احمد فیض،نقش فریادی،غزلنماز،نواز،ناز،کارساز،رازadmin

فیض احمد فیض ۔ غزل نمبر 7

ہر حقیقت مجاز ہوجائے

کافروں کی نماز ہوجائے

دل رہین نیاز ہوجائے

بے کسی کارساز ہوجائے

جنت چارہ ساز کون کرے؟

درد جب جاں نواز ہوجائے

عشق دل میں رہے تو رسوا ہو

لب پہ آئے تو راز ہوجائے

لطف کا انتظار کرتا ہوں

جور تا حد ناز ہوجائے

عمر بے سود کٹ رہی ہے فیض

کاش افشائے راز ہوجائے

فیض احمد فیض

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ اسرارِ نیاز و ناز تم جانو یا وہ جانے

دسمبر 1, 2007منصور آفاق،شعراء،غزلناز،پرواز،انداز،آواز،اعجاز،سازadmin

منصور آفاق ۔ غزل نمبر 564

زمیں و آسماں کے راز تم جانو یا وہ جانے

یہ اسرارِ نیاز و ناز تم جانو یا وہ جانے

ہمارا کام ہے آقا فقط جلوئوں میں کھو جانا

چھیڑا کیوں زندگی کا ساز تم جانو یا وہ جانے

تکلم اب خموشی کا گریباں گیر کب ہو گا

جہاں ہے گوش بر آواز تم جانو یا وہ جانے

بدن کو بعد لیکن ہر نفس معراج کا حامل

فراق و وصل کے انداز تم جانو یا وہ جانے

ضمیرِکن فکاں سے ایسے عقدے حل نہیں ہوتے

خود اپنی قوتِ پرواز تم جانو یا وہ جانے

وصالِ نور کاقصہ ہم اہل طور کیا جانیں

حدِ قوسین کا اعجاز تم جانو یا وہ جانے

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

گماں یقین کی ساعت سے سرفراز ہوا

دسمبر 1, 2007منصور آفاق،شعراء،غزلنواز،نیاز،ناز،بیاض،جواز،دراز،سرفرازadmin

منصور آفاق ۔ غزل نمبر 58

شعورِ عشقِ محمدﷺ مری نماز ہوا

گماں یقین کی ساعت سے سرفراز ہوا

تُو کائنات کا خالق ہے مانتا ہوں مگر

مرا وجود تری ذات کا جواز ہوا

ترے لبوں کی کرم بار مسکراہٹ سے

نیاز مند خدائی سے بے نیاز ہوا

میں رک گیا تھا جدائی کے جس جہنم میں

وہ انتظارِ قیامت سے بھی دراز ہوا

مرے سجود کی منزل ہے میری تنہائی

میں اپنی ذات کا خود ہی حریمِ ناز ہوا

پلک پلک پہ سجاتا ہے آنسوئوں کے چراغ

مزاجِ چشم سراپا مری بیاض ہوا

پڑی نگاہِ محمد جہاں کہیں منصور

ہر ایک ذرہ وہیں زندگی نواز ہوا

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کس توجہ سے پڑھ رہا ہے نماز

نومبر 16, 2006الطاف حسین حالینماز،ناز،ناساز،آز،آغاز،انداز،جہاز،دراز،ز،شہباز،غمازadmin

الطاف حسین حالی ۔ غزل نمبر 33

شیخ! اللہ رے تیری عیاری

کس توجہ سے پڑھ رہا ہے نماز

خیر ہے اے فلک کہ چار طرف

چل رہی ہیں ہوائیں کچھ ناساز

رنگ بدلا ہوا ہے عالم کا

ہیں دگرگوں زمانہ کے انداز

چھپتے پھرتے ہیں کبکو تیہو سے

گھونسلوں میں عقاب اور شہباز

ہے نہتوں کو رہگزر میں خطر

رہزنوں نے کئے ہیں ہاتھ دراز

ٹڈیوں کا ہے کھیتوں پہ ہجوم

بھیڑیوں کے ہیں خوں میں تر لب آز

نا توانوں پہ گد ہیں منڈلاتے

کھئلوں پر ہیں حیز تیر انداز

تشنۂ خوں میں بھوکے شیروں کے

حیلہ گر رہوں بہو کے عشوۂ ناز

دشمنوں کے ہیں دوست خود جاسوس

اور یاروں کے یار میں غماز

ہو گا انجام دیکھئے کیا کچھ

ہے پر آشوب جب کہ یہ آغاز

کے ابھی تک کھلی نہیں لیکن

عیب سے آ رہی ہے کچھ آوا ز

وقت نازک ہے اپنے بیڑے پر

موج ہائل ہے اور ہوا ناساز

یا تھپیڑے ہوا کے لے ابھرا

یا گیا کشمکش میں ڈوب جہاز

الطاف حسین حالی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ساری دنیا ہے غماز

جنوری 8, 1972شعراء،غزلناز،پوا،پرداز،آواز،انداز،راز،غمازadmin

باقی صدیقی ۔ غزل نمبر 10

کب تک راز رہے گا راز

ساری دنیا ہے غماز

کس کے نغمے، کس کا ساز

دیکھ زمانے کے انداز

گونج رہی ہے کانوں میں

اک سے ایک نئی آواز

جب دیکھو برہم برہم

کون اٹھائے اتنے ناز

ہمرازوں کے سینوں میں

ڈھونڈ رہا ہوں اپنا راز

آپ مجسم مہر و وفا

باقیؔ سب فتنہ پرداز

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔