ٹیگ کے محفوظات: میل

تیرگی کے دَشت میں روشنی کی جھیل ہے

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزلمیل،نیل،جھیل،رحیل،طویلadmin

شہرِ دِل کے گرد و پیش، رات کی فصیل ہے

تیرگی کے دَشت میں روشنی کی جھیل ہے

کٹ چکی ہے راہِ شب، ہم نہ رُک سکیں گے اب

نغمہِ سَحر ہمیں نالہِ رحیل ہے

زندگی سے بھاگ کر جائے بھی کہاں بشر

خود ہی منزلِ مراد، خود ہی سنگِ میل ہے

ساحلِ نشاط کے بُجھ چکے ہیں سب دیے

دردِ دل کی ایک لہر، ہم کو رودِ نیل ہے

گمرہی ہمیں ، شکیبؔ! دے رہی یہ فریب

رہ نما غلط نہیں، راستہ طویل ہے

شکیب جلالی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

چاند کا دل جل رہا تھا دور لاکھوں میل پر

دسمبر 1, 2007منصور آفاق،شعراء،غزلمیل،تمثیل،ترسیل،جھیل،جبریل،ریلadmin

منصور آفاق ۔ غزل نمبر 165

چاندنی پھیلی ہوئی تھی ریت کی شہنیل پر

چاند کا دل جل رہا تھا دور لاکھوں میل پر

ایک اچھے دوست کے ہمراہ گزری تھی کبھی

فروری کی ایک اجلی پیر ’’چشمہ جھیل‘‘ پر

لمبی کر کے اپنی گردن گھولتی تھی زرد چونچ

کونج تھی مامور شاید درد کی ترسیل پر

اور پھر تصویر پر تاریک سائے رہ گئے

روشنی سی پڑ گئی تھی کیمرے کی ریل پر

مانگتی ہے زندگی پھر روشنی الہام کی

اور ابد کی خامشی ہے قریہء جبریل پر

آئینے سے پھوٹتی ہیں نور کی پرچھائیاں

کیا کہوں منصور اپنے عکس کی تمثیل پر

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔