ٹیگ کے محفوظات: مسکرائے

پھر اپنے جھوٹ کو تکرار سے سچ کر دکھائے گا

نومبر 15, 2013آفتاب اقبال شمیممسکرائے،آزمائے،بہائے،جائے،دکھائےadmin

آفتاب اقبال شمیم ۔ غزل نمبر 17

کوئی تہمت لگا کر وہ تمہیں مجرم بنائے گا

پھر اپنے جھوٹ کو تکرار سے سچ کر دکھائے گا

میاں ، اس اشتہاروں کی دکاں میں جو نہیں وہ ہے

یہ آنکھیں ہار جائیں گی، تماشا جیت جائے گا

برابر ہی چھڑا دے گی بالآخر مصلحت ہم کو

میں تجھ کو آزماؤں گا تو مجھ کو آزمائے گا

مگر رکھنی ہے اپنے حوصلے کی آبرو تو نے

مجھے معلوم ہے تو زخم کھا کر مسکرائے گا

زرِ گم نام کو پھر ڈھونڈھ کر آثارِ فردا میں

زمانہ دیر تک میرے لئے آنسو بہائے گا

آفتاب اقبال شمیم

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

اگر وہ سنگ نہیں ہے تو مسکرائے بھی

جنوری 10, 2012عرفان صدیقی،غزلمسکرائے،آئے،بڑھائے،جگمگائے،سنائےadmin

عرفان صدیقی ۔ غزل نمبر 226

چراغِ خانۂ افسردگاں جلائے بھی

اگر وہ سنگ نہیں ہے تو مسکرائے بھی

وہ چاند ہے تو مرے بام پر طلوع بھی ہو

ستارہ ہے تو مری شام جگمگائے بھی

وہ پھول ہے تو مری شاخِ جاں بھی مہکائے

اگر ہوا ہے تو میرے بدن تک آئے بھی

وہ شعلہ ہے تو مجھے خاک بھی کرے آخر

اگر دیا ہے تو کچھ اپنی لو بڑھائے بھی

سخن سرا ہے تو مجھ سے مکالمہ بھی کرے

گلہ سنے بھی اور اپنی غزل سنائے بھی

عرفان صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سحر جب مسکرائے تو کہے ہر پھول بسم اللہ

دسمبر 1, 2007منصور آفاق،شعراء،غزلمسکرائے،کھائے،گنگنائے،گائے،آئے،سنائے،سرسرائےadmin

منصور آفاق ۔ غزل نمبر 426

صبا طیبہ سے آئے تو کہے ہر پھول بسم اللہ

سحر جب مسکرائے تو کہے ہر پھول بسم اللہ

قدم لینے لگے سبزہ ، شجر بھیجیں سلام اس پر

وہ گلشن میں جو آئے تو کہے ہر پھول بسم اللہ

کبھی ساون کے میٹھے انتظار انگیز لمحوں میں

ہوا ہولے سے گائے تو کہے ہر پھول بسم اللہ

کشادہ رکھتے ہیں اتنا درِ دل ہم چمن والے

کہ سایہ سرسرائے تو کہے ہر پھول بسم اللہ

محبت کے بلکتے چیختے بے چین موسم میں

جو بلبل گنگنائے تو کہے ہر پھول بسم اللہ

پہاڑی راگ کی بہتی ہوئی لے میں کہیں کوئی

ندی جب دکھ سنائے تو کہے ہر پھول بسم اللہ

یہ انکا رنگِ فطرت ہے ، یہ انکا ظرف ہے منصور

کہ کانٹا زخم کھائے تو کہے ہر پھول بسم اللہ

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بہت غم کے ماروں نے پہلو بچائے

جنوری 8, 1972شعراء،غزلمسکرائے،چھپائے،ڈگمگائے،پرائے،آئے،بنائے،سنائےadmin

باقی صدیقی ۔ غزل نمبر 28

جو دنیا کے الزام آنے تھے، آئے

بہت غم کے ماروں نے پہلو بچائے

کسی نے تمہیں آج کیا کہہ دیا ہے

نظر آ رہے ہو پرائے پرائے

بہت واقعے پیش آئے تھے لیکن

نہ تم نے سنے کچھ نہ ہم نے سنائے

ملاقات کی کونسی ہے یہ صورت

نہ ہم مسکرائے، نہ تم مسکرائے

فسانہ سنائے چلا جا رہا ہوں

یقیں سننے والوں کو آئے نہ آئے

زمانے کی آنکھوں میں نور آ گیا ہے

کوئی اپنے دامن کے دھبے چھپائے

نہ دنیا نے تھاما نہ تو نے سنبھالا

کہاں آ کے میرے قدم ڈگمگائے

الجھتے ہیں ہر گام پر خار باقیؔ

کہاں تک کوئی اپنا دامن بچائے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔