ٹیگ کے محفوظات: محاذ

جسے ہے ترکِ مراسم پہ اعتراض ۔وہی

دسمبر 1, 2007منصور آفاق،شعراء،غزلمحاذ،نماز،نیاز،اعتراض،بیاض،بدلحاظ،سرفرازadmin

منصور آفاق ۔ غزل نمبر 496

یہ کیا کہ ہجر کا موسم کرے دراز وہی

جسے ہے ترکِ مراسم پہ اعتراض ۔وہی

جسے فراق کی راتیں گزار لیتی ہیں

وصالِ صبح سے ہوتا ہے سرفراز وہی

میں چھوڑآیاتھا جس کوکسی کے چہرے میں

دکھارہا ہے کوئی چشمِ بدلحاظ وہی

میں جانتا ہوں اب ہارنا ضروری ہے

میں مانتا ہوں کہ ہے جنگ کا محاذوہی

جسے پسندنہیں تھی اداس رت کی غزل

سرھانے رکھتی اب کیوں مری بیاض وہی

وہی خیال کی مسجد وہی حریمِ حرم

مرا وضو وہی ، سجدہ وہی ، نماز وہی

جسے ملی تیرے رخسار و لب کی گیرائی

ہوا خدائی سے منصور بے نیاز وہی

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جاں لباس مجاز میں رکھ دی

دسمبر 1, 2007منصور آفاق،شعراء،غزللحاظ،مجاز،محاذ،نماز،نواز،نیاز،گداز،بیاض،باز،جواز،دراز،راز،ساز،سرفراز،عکاظadmin

منصور آفاق ۔ غزل نمبر 451

بس کسی اعتراض میں رکھ دی

جاں لباس مجاز میں رکھ دی

رات کھولے تھے کچھ پرانے خط

پھر محبت دراز میں رکھ دی

یادِ یاراں نے پھر وہ چنگاری

ایک مردہ محاذ میں رکھ دی

یوں تو سب کچھ کہا مگر اس نے

راز کی بات راز میں رکھ دی

تان لی تھی رقیب پر بندوق

ربطِ جاں کے لحاظ میں رکھ دی

کس نے تیرے خیال کی دھڑکن

دست طبلہ نواز میں رکھ دی

شرٹ ہینگر پہ ٹانک دی میں نے

اور لڑکی بیاض میں رکھ دی

اس نے پستی گناہ کی لیکن

ساعتِ سرفراز میں رکھ دی

مرنے والا نشے میں لگتا تھا

کیسی مستی نماز میں رکھ دی

رات آتش فشاں پہاڑوں کی

اپنے سوز و گداز میں رکھ دی

کس نے سورج مثال تنہائی

میری چشم نیاز میں رکھ دی

داستاں اور اک نئی اس نے

میرے غم کے جواز میں رکھ دی

مسجدوں میں دھمال پڑتی ہے

کیفیت ایسی ساز میں رکھ دی

پھر ترے شاعرِ عجم نے کوئی

نظم صحنِ عکاظ میں رکھ دی

کس نے پہچان حسن کی منصور

دیدۂ عشق باز میں رکھ دی

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔