ٹیگ کے محفوظات: متاع

خانقہ میں کرتے ہیں صوفی سماع

اکتوبر 6, 2015میر تقی میر،اساتذہ،غزلمتاع،وداع،انتفاع،اختراع،استماع،سماع،صداعadmin

دیوان سوم غزل 1154

ہے مری ہر اک غزل پر اجتماع

خانقہ میں کرتے ہیں صوفی سماع

وجد میں رکھتا ہے اہل فہم کو

میرے شعر و شاعری کا استماع

نیم بسمل چھوڑ دینا رحم کر

اس شکار افگن کا ہے گا اختراع

کچھ ضرر عائد ہوا میری ہی اور

ورنہ اس سے سب کو پہنچا انتفاع

یار دشمن ہو گیا اس کے سبب

ہے متاع دوستی بھی کیا متاع

دل جگر خوں ہو کے رخصت ہو گئے

حسرت آلودہ ہے کیا اشک وداع

میر درد دل نہ کہہ ظالم بس اب

ہو گیا ہے سامعوں کو تو صداع

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

جائز ہوئی دھمال شبِ امتناع میں

دسمبر 1, 2007منصور آفاق،شعراء،غزلمتاع،امتناع،اجتماع،دفاع،شعاعadmin

منصور آفاق ۔ غزل نمبر 309

اس نے لئے الاپ وہ بزمِ سماع میں

جائز ہوئی دھمال شبِ امتناع میں

دنیا کی خوبروئی ہے میرے طلسم سے

میرے علاوہ کیا ہے فلک کی متاع میں

بگلا کوئی اکیلا کھڑا تھا مری طرح

مرغابیوں کے ایک بڑے اجتماع میں

یہ جرم ہے تو اس کو کروں گا میں بار بار

کہنا یہی ہے میں نے بس اپنے دفاع میں

لکھی تھیں میرے حسنِ نظر کی کہانیاں

منصور آفتاب کی پہلی شعاع میں

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔