ٹیگ کے محفوظات: ماس

ضمیر بوئیے، افلاس کاٹتے رہئے

نومبر 15, 2013آفتاب اقبال شمیمماس،گھاس،آس،افلاس،الماس،باسadmin

آفتاب اقبال شمیم ۔ غزل نمبر 23

سزائے جذبہ و احساس کاٹتے رہئے

ضمیر بوئیے، افلاس کاٹتے رہئے

اِس اژدہامِ حریصاں کو ہے یہی مطلوب

کہ ایک دوسرے کا ماس کاٹتے رہئے

ہر ایک شکل ملے مثلِ نخل بے چہرہ

یہی کہ شہر میں بن باس کاٹتے رہئے

یہ کارِ زندگی ہے کارِ کوہکن سے کٹھن

بصارتوں سے یہ الماس کاٹتے رہئے

بہ فیضِ نکتہ وری موسم بہار میں بھی

خزاں کی چھوڑی ہوئی گھاس کاٹتے رہئے

اِس انتظار کی لا حاصلی پہ زور ہی کیا

پرائے وقت کو بے آس کاٹتے رہئے

آفتاب اقبال شمیم

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کچھ بدن پر کپاس اگ آئے

دسمبر 1, 2007منصور آفاق،شعراء،غزلماس،کپاس،گھاس،پیاس،پاس،حواسadmin

منصور آفاق ۔ غزل نمبر 516

ننگ کا بھی لباس اگ آئے

کچھ بدن پر کپاس اگ آئے

ہم نفس کیا ہوا سوئمنگ پول

پانیوں میں حواس اگ آئے

آتے جاتے رہو کہ رستے میں

یوں نہ ہو پھر سے گھاس اگ آئے

سوچ کر کیا شجر قطاروں میں

پارک کے آس پاس اگ آئے

گاؤں بوئے نہیں اگر آنسو

شہر میں بھوک پیاس اگ آئے

کوئی ایسی بہار ہو منصور

استخوانوں پہ ماس اگ آئے

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

آسماں کے مگر ہے پاس ملا

دسمبر 1, 2007منصور آفاق،شعراء،غزلقصاص،ماس،یاس،کپاس،کراس،پاس،انعکاس،حواس،خلاصadmin

منصور آفاق ۔ غزل نمبر 36

خاک کا ایک اقتباس ملا

آسماں کے مگر ہے پاس ملا

اپنی تاریخ کے وہ ہیرو ہیں

جن کو وکٹوریہ کراس ملا

دیکھتے کیا ہو زر کہ یہ مجھ کو

اپنے ہی قتل کا قصاص ملا

جلوہ بس آئینے نے دیکھا ہے

ہم کو تو حسنِ انعکاس ملا

میز پر اہلِ علم و دانش کی

اپنے بھائی کا صرف ماس ملا

کتنے جلدی پلٹ کے آئے ہو

کیا نگر کا نگر خلاص ملا

اس میں خود میں سما نہیں سکتا

کیسا یہ دامنِ حواس ملا

چاند پر رات بھی بسر کی ہے

ہر طرف آسمانِ یاس ملا

زخم چنگاریوں بھرا منصور

وہ جو چنتے ہوئے کپاس ملا

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔