ٹیگ کے محفوظات: ماریاں

تجھ کو تڑپانے کی ہیں تیاریاں

اکتوبر 23, 2015Jaun Elia،جون ایلیا،شعراء،غزلماریاں،بےچاریاں،تیاریاں،جاریاں،دشواریاں،سرکاریاں،غداریاںadmin

جون ایلیا ۔ غزل نمبر 4

تجھ بدن پر ہم نے جانیں واریاں

تجھ کو تڑپانے کی ہیں تیاریاں

کر رہے ہیں یاد اسے ہم روزوشب

ہیں بُھلانے کی اسے تیاریاں

تھا کبھی میں اک ہنسی اُن کے لیے

رو رہی ہیں اب مجھے مت ماریاں

جھوٹ سچ کے کھیل میں ہلکان ہیں

خوب ہیں یہ لڑکیاں بےچاریاں

شعر تو کیا بات کہہ سکتے نہیں

جو بھی نوکر جون ہیں سرکاریاں

جو میاں جاتے ہیں دفتر وقت پر

اُن سے ہیں اپنی جُدا دشواریاں

ہم بھلا آئین اور قانون کی

کب تلک سہتے رہیں غداریاں

سُن رکھو اے شہر دارو ! خون کی

ہونے ہی والی ہیں ندیاں جاریاں

جون ایلیا

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کوئی ہم سے سیکھے وفاداریاں

اکتوبر 6, 2015میر تقی میر،اساتذہ،غزلماریاں،نازبرداریاں،وفاداریاں،یاریاں،آزاریاں،بیماریاں،خواریاں،زاریاں،صدگرفتاریاںadmin

دیوان اول غزل 359

موئے سہتے سہتے جفاکاریاں

کوئی ہم سے سیکھے وفاداریاں

ہماری تو گذری اسی طور عمر

یہی نالہ کرنا یہی زاریاں

فرشتہ جہاں کام کرتا نہ تھا

مری آہ نے برچھیاں ماریاں

گیا جان سے اک جہاں لیک شوخ

نہ تجھ سے گئیں یہ دل آزاریاں

کہاں تک یہ تکلیف مالا یطاق

ہوئیں مدتوں نازبرداریاں

خط و کاکل و زلف و انداز و ناز

ہوئیں دام رہ صدگرفتاریاں

کیا دردوغم نے مجھے ناامید

کہ مجنوں کو یہ ہی تھیں بیماریاں

تری آشنائی سے ہی حد ہوئی

بہت کی تھیں دنیا میں ہم یاریاں

نہ بھائی ہماری تو قدرت نہیں

کھنچیں میر تجھ سے ہی یہ خواریاں

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔