ٹیگ کے محفوظات: لکیروں

ٹھنڈی رات جزیروں کی

اگست 4, 2018ناصر کاظمی،دیوانِ ناصر،غزلہیروں،لکیروں،امیروں،تیروں،تصویروں،جزیروں،زنجیروںadmin

جنت ماہی گیروں کی

ٹھنڈی رات جزیروں کی

سبز سنہرے کھیتوں پر

پھواریں سرخ لکیروں کی

اس بستی سے آتی ہیں

آوازیں زنجیروں کی

کڑوے خواب غریبوں کے

میٹھی نیند امیروں کی

رات گئے تیری یادیں

جیسے بارش تیروں کی

مجھ سے باتیں کرتی ہے

خاموشی تصویروں کی

ان وِیرانوں میں ناصر

کان دبی ہے ہیروں کی

ناصر کاظمی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

سارے یقیں پانی پہ لکیروں جیسے ہیں

مئی 31, 2017ماجد صدیقی،شہر پناہ،غزللکیروں،تیروں،تدبیروں،تصویروں،جاگیروںadmin

ماجد صدیقی ۔ غزل نمبر 27

ریت پہ طوفاں کی تحریروں جیسے ہیں

سارے یقیں پانی پہ لکیروں جیسے ہیں

اِک اِک شخص حنوط ہُوا ہے حیرت سے

جتنے چہرے ہیں ، تصویروں جیسے ہیں

از خود ہی پٹر جائیں نام ہمارے یہ

درد کے سب خّطے ، جاگیروں جیسے ہیں

پاس ہمارے جو بھی جتن ہیں بچاؤ کے

ڈوبنے والوں کی تدبیروں جیسے ہیں

پسپائی کی رُت میں ہونٹ کمانوں پر

ماجد جتنے بول ہیں ، تیروں جیسے ہیں

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔