ٹیگ کے محفوظات: لائیں

وُہ کون کھلونا ہو جس سے دل بالک کو بہلائیں ہم

اپریل 30, 2017ماجد صدیقی،آنگن آنگن رات،غزللائیں،آئیں،اترائیں،بہلائیں،جائیںadmin

ماجد صدیقی ۔ غزل نمبر 3

ہم کس سے اپنا درد کہیں، کس سُکھ کی جوت جگائیں ہم

وُہ کون کھلونا ہو جس سے دل بالک کو بہلائیں ہم

وُہ کون حقیقت ہو جس کو، ایقان کی منزل ٹھہرائیں

تکفیر ہو کس کس منظر کی اور کس پر ایماں لائیں ہم

نسلوں تک گروی رکھ کر ہم، کیا ٹھاٹھ سنبھالے بیٹھے ہیں

کچھ کم تو نہیں یہ کاج اپنا کیونکر نہ بھلا اِترائیں ہم

اغراض کا عرفاں ہونے پر مُنہ نوچیں ہر سچّائی کا

دھجّی دھّجّی ہر قول کریں، گر عہد کریں، پھر جائیں ہم

جو عیش ہمارا ہے چاہے بن جائے سزا اوروں کے لئے

جس حرص نے یہ اعزاز دیا، اُس حرص سے باز نہ آئیں ہم

یہ بات کہی جگنو نے ہمیں، تھک ہار کے تیرگیٔ شب میں

ہے حرفِ منّور جو بھی کوئی ماجدؔ نہ زباں پر لائیں ہم

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

بات دل کی نہ منہ پہ لائیں ہم

فروری 27, 2017ماجد صدیقی،سخناب،غزللگائیں،لائیں،سمائیں،سدھائیںadmin

ماجد صدیقی ۔ غزل نمبر 45

کلبلائیں کہ جاں سے جائیں ہم

بات دل کی نہ منہ پہ لائیں ہم

ہے بھنور بھی گریز پا ہم سے

کس کی آنکھوں میں اب سمائیں ہم

ہے تقاضا کہ بات کرنے کو

چھلنیاں حلق میں لگائیں ہم

مہر سے ضو طلب کرے ماجد!

دل ہے وحشی اِسے سدھائیں ہم

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہمیں بھی چھیڑ کے دیکھیں تو یہ ہوائیں کبھی

اکتوبر 31, 2016ماجد صدیقی،آغاز،غزلہوائیں،لائیں،مسکرائیں،بلائیں،جائیں،دکھائیں،صدائیںadmin

ماجد صدیقی ۔ غزل نمبر 19

مہک اُٹھیں یہ فضائیں جو لب ہلائیں کبھی

ہمیں بھی چھیڑ کے دیکھیں تو یہ ہوائیں کبھی

یہ اِن لبوں ہی تلک ہے ابھی ضیا جن کی

بنیں گی نُور کے سوتے یہی صدائیں کبھی

وُہ خوب ہے پہ اُسے اِک ہمیں نے ڈھونڈا ہے

جو ہو سکے تو ہم اپنی بھی لیں بلائیں کبھی

کبھی تو موت کا یہ ذائقہ بھی چکھ دیکھیں

وہ جس میں جان ہے اُس سے بچھڑ بھی جائیں کبھی

وہ حُسن جس پہ حسیناؤں کو بھی رشک آئے

اُسے بھی صفحۂ قرطاس پر تو لائیں کبھی

وہی کہ جس سے تکلّم کو ناز ہے ہم پر

وہ رنگ بھی تو زمانے کو ہم دکھائیں کبھی

ہمِیں پہ ختم ہے افسردگی بھی، پر ماجدؔ

کھلائیں پھول چمن میں جو مسکرائیں کبھی

ماجد صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

زخم کے بھرنے تلک ناخن نہ بڑھ جائیں گے کیا

اکتوبر 8, 2015مرزا اسد اللہ خان غالب،اساتذہ،غزللائیں،کھائیں،گھبرائیں،جائیں،سمجھائیںadmin

دیوانِ غالب ۔ غزل نمبر 110

دوست غمخواری میں میری سعی فرمائیں گے کیا

زخم کے بھرنے تلک ناخن نہ بڑھ جائیں گے کیا

بے نیازی حد سے گزری بندہ پرور، کب تلک

ہم کہیں گے حالِ دل، اور آپ فرمائیں گے ‘کیا’؟

حضرتِ ناصح گر آئیں، دیدہ و دل فرشِ راہ

کوئی مجھ کو یہ تو سمجھا دو کہ سمجھائیں گے کیا؟

آج واں تیغ و کفن باندھے ہوئے جاتا ہوں میں

عذر میرے قتل کرنے میں وہ اب لائیں گے کیا

گر کیا ناصح نے ہم کو قید، اچھا یوں سہی

یہ جنونِ عشق کے انداز چھٹ جائیں گے کیا

خانہ زادِ زلف ہیں، زنجیر سے بھاگیں گے کیوں

ہیں گرفتارِ وفا، زنداں سے گھبرائیں گے کیا

ہے اب اس معمورے میں قحطِ غمِ الفت اسدؔ

ہم نے یہ مانا کہ دلّی میں رہیں، کھائیں گے کیا؟

مرزا اسد اللہ خان غالب

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

ہرگز نہ ایدھر آئیں گے خلق خدا ملک خدا

اکتوبر 6, 2015میر تقی میر،اساتذہ،غزلفرمائیں،لائیں،کھائیں،ٹھہرائیں،پہنچائیں،پائیں،آئیںadmin

دیوان پنجم غزل 1557

اب یاں سے ہم اٹھ جائیں گے خلق خدا ملک خدا

ہرگز نہ ایدھر آئیں گے خلق خدا ملک خدا

مطلب اگر یاں گم ہوا اندیشے کی جاگہ نہیں

جاکر کہیں کچھ پائیں گے خلق خدا ملک خدا

دل میں نہ جانے یہ کوئی ہم کھانے کو دیں ہیں انھیں

جو ہے مقدر کھائیں گے خلق خدا ملک خدا

گو لکھنؤ ویراں ہوا ہم اور آبادی میں جا

مقسوم اپنا لائیں گے خلق خدا ملک خدا

اب دی پری گذری گئی ہم آجکل بے خانماں

کیا غیر ازیں ٹھہرائیں گے خلق خدا ملک خدا

اس بستی سے اٹھ جائیں گے درویشوں کی کیا مشورت

وے بھی یہی فرمائیں گے خلق خدا ملک خدا

تو میر ہووے گا جہاں امرقضا کے تابعاں

روزی تجھے پہنچائیں گے خلق خدا ملک خدا

میر تقی میر

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

یہ کلیجا کہاں سے لائیں ہم

نومبر 19, 2005امیر مینائی،غزلہوائیں،لگائیں،لائیں،گھٹائیں،پائیں،آزمائیں،اٹھائیں،بنائیں،بڑھائیں،بتائیں،بجھائیںadmin

امیر مینائی ۔ غزل نمبر 18

تیرے جور و ستم اُٹھائیں ہم

یہ کلیجا کہاں سے لائیں ہم

جی میں ہے اب وہاں نہ جائیں ہم

دل کی طاقت بھی آزمائیں ہم

نالے کرتے نہیں یہ الفت میں

باندھتے ہیں تری ہوائیں ہم

اب لب یار کیا ترے ہوتے

لب ساغر کو منہ لگائیں ہم

دل میں تم، دل ہے سینہ سے خود گم

کوئی پوچھے تو کیا بتائیں ہم

آب شمشیر یار اگر مل جائے

اپنے دل کی لگی بجھائیں ہم

اب جو منہ موڑیں بندگی سے تری

اے بت اپنے خدا سے پائیں ہم

زندگی میں ہے موت کا کھٹکا

قصر کیا مقبرہ بنائیں ہم

توبۂ مے سے کیا پشیماں ہیں

زاہد و دیکھ کر گھٹائیں ہم

دل میں ہے مثل ہیزم و آتش

جو گھٹائے اُسے بڑھائیں ہم

زار سے زار ہیں جہاں میں امیر

دل ہی بیٹھے جو لطف اٹھائیں ہم

امیر مینائی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کتنے پردے اٹھائیں گے ہم

جنوری 8, 1972باقی صدیقی،شعراء،غزللائیں،پائیں،آئیں،اٹھائیں،بتائیں،جلائیں،جائیںadmin

باقی صدیقی ۔ غزل نمبر 87

کیا زیست کا راز پائیں گے ہم

کتنے پردے اٹھائیں گے ہم

ایک اپنی وفا کی روشنی سے

کس کس کا دیا جلائیں گے ہم

ہر رنگ جہاں سے ہٹ کے دیکھو

اس طرح نظر نہ آئیں گے ہم

یوں نکلے ہیں تیری جستجو میں

جیسے تجھے ڈھونڈ لائیں گے ہم

انداز جہاں کے دیکھتے ہیں

اپنی بھی خبر نہ پائیں گے ہم

اک بات نہ اٹھ سکے جہاں کی

کیا بار حیات اٹھائیں گے ہم

آغاز سفر میں کیا خبر تھی

یوں راہ میں بیٹھ جائیں گے ہم

جو دل پہ گزر رہی ہے باقیؔ

تجھ کو بھی نہ اب بتائیں گے ہم

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

کیسے اپنا دیا جلائیں

جنوری 8, 1972شعراء،غزللائیں،مٹائیں،مسکرائیں،گھٹائیں،پائیں،آئیں،آزمائیں،بلائیں،بجائیں،جلائیں،جائیںadmin

باقی صدیقی ۔ غزل نمبر 21

یہ رات یہ دشت کی ہوائیں

کیسے اپنا دیا جلائیں

نشہ دیتا ہے زہر غم بھی

ہے تاب ستم تو مسکرائیں

ہوتے رہتے ہیں زخم تازہ

تم ساتھ نہ ہو تو بھول جائیں

اب سوز بھی ساز چاہتا ہے

دنیا کی زباں کہاں سے لائیں

کب تک سنیں دل شکست باتیں

کب تک ہم خود کو آزمائیں

دریا کو پیاس لگ رہی تھی

صحرا سے گزر گئیں گھٹائیں

آئی وہ شاہ کی سواری

آؤ ہم تالیاں بجائیں

در سے دیوار بے خبر ہے

کیسے یہ فاصلے مٹائیں

یہ رنگ کہ رنگ اڑ رہا ہے

یہ ہوش کہ ہوش میں نہ آئیں

ہم تیرے خیال سے بھی گزرے

ایسے میں اگر مراد پائیں

ہو شوق سفر کی خیر باقیؔ

لینے لگے حادثے بلائیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔