منصور آفاق ۔ غزل نمبر 534

فقیر اپنا ستارہ خدا کی رحمت سے

نکال لایا ہے حرص و ہواکی صحبت سے

ثباتِذات کا اثبات کرلیا لیکن

گریزپا ہوں نفی سے فنا کی چاہت سے

مری گلی سے سویرے گزارنے والو

میں زخم زخم ہوں بادِ صبا کی نکہت سے

دکھائی دیتا ہے طوفان کوئی آیا ہوا

کواڑ ٹوٹ نہ جائیں ہوا کی وحشت سے

خدا نہیں ہے کہ اس کا شریک کوئی نہ ہو

اسے بھی چاہوں تمہیں بھی بلا کی شدت سے

کچھ اور ہوتے روشن ستم کی راہوں میں

دئیے،مصیبتِ بے انتہا کی ظلمت سے

بڑے وقار سے ٹکرا رہے ہیں پھرمنصور

ضمیر وقت کے، فرماروا کی قوت سے

منصور آفاق